​Ислом динимизнинг инсонпарварлик моҳиятини очиб беришимиз зарур!

Бутун дунёда кучайиб бораётган радикализм, экстримизм, терроризм, одам савдоси, гиёҳвандлик каби хатарлар, афсуски, бизни ҳам четлаб ўтмаяпти. (Булар каби барча иллатларни эса, Ислом қоралайди ва қайтаради)

Лекин, такрор айтаман, мусулмон умматига сабоқ берган имом Бухорий, имом Термизий, имом Мотуридий каби буюк уламолар етишиб чиққан бизнинг диёримизда бу борада адашганлар, радикализм ва экстремизм ғояларига берилганлар бўлиши мумкинми? Йўқ ва йўқ!

Биз жамиятимизда ҳар қандай радикаллашувга, ёшларимиз онгини бузғунчи ёт ғоялар билан заҳарлашга, диндан сиёсий мақсадларда фойдаланишга, маърифат ўрнини жаҳолат эгаллашига ҳеч қачон йўл қўймаймиз.

Бизнинг ўз нуроний-зиёлиларимиз бор ва бизнинг танамизда буюк боболаримизнинг қони оқяпти. Биз кимдан ўрнак олишимиз керак? Қайси давлат, қайси диёрда имом Бухорий, имом Термизий, имом Мотрудий боболаримизнинг асарлари бор?! Шуни ўқийлик, шунга муносиб бўлайлик. Бунга ҳеч ким ва ҳеч нарсага қаршимас. Бунинг учун барчамиз муқаддас Ислом динимизнинг инсонпарварлик моҳиятини очиб беришимиз зарур ва муҳим!

© Шавкат Мирзиёев

@Muslim_Mind

Ayni vaqtda Afgʻonistondagi vaziyat bilan bogʻliq bahsli holat yuzaga keldi. Afgʻonistonda hukumat tomonidan qabul qilinayotgan qonunlar, ayniqsa ayollarning ilm dargohlarida oʻqishiga taqiq qoʻyilishi borasida muhokamalar avj oldi.

Aslida hukumatning turli "gʻayrioddiy" qonunlarni qabul qilish maqsadi ortida gender tengligiga putur yetkazib, ayollarni yakkalangan holda taʼlimdan mosuvo etish emas, balki umumiy mazmunda butun millatning gʻarblashuvi, modernizatsiyalashuvi va liberallashib ketishidan xavotir va hadiklar yotadi.

Taʼlim vaziri Abdul Hakim Haqqaniyning bu boradagi fikrlarini keltiramiz: "Biz, - deydi u, "zamonaviy ta'limning ahamiyatini inkor etmaymiz. Biz uning joiz yoki zarurligini rad qilmaymiz, balki diniy taʼlim dunyoviy taʼlimdan ustun qoʻyishni istaymiz”. Dunyoviy ta'lim kengroq diniy ta'lim soyasiga kiritilishi va uning ostida bo'lishi lozim. Bu ikkisini ajratish, Haqqoniyning fikricha, dinni dunyoviylikka bilan tobe etib qoʻygan. Dinning jamiyatdan yakkalanishi, hamda davlat nazoratiga oʻtkazilishi uning davlat belgilab bergan qolip asosida ishlashini taʼminlaydi - bu esa toʻgʻri emas.

Nafaqat tolibonda, balki afgʻonlarning katta qismida modernizatsiyadan qoʻrqish sindromi mavjud va bu asosli ham. Boisi Afgʻoniston yuz yildirki turli kuchlar qoʻlida oʻyinchoq boʻlib kelmoqda. Bular oʻtgan asrning boshlarida boshlangan dunyoviy islohotlardan tortib, SSSR va AQSHning ishgʻollarigacha choʻziladi. Va eng asosiysi AQSh harbiy operatsiyasi boʻldi.

Afg'onistonning bosib olinishi terrorning strategik maqsadlariga qaratilgan urushning bir qismi edi. Ulardan eng muhimi, hech bo'lmaganda Amerika tashqi siyosati manfaatlariga qarshi chiqmaydigan global miqyosda zararsizlantirilgan Islomni rivojlantirish edi. 2004-yilda siyosatshunos Sheril Bernard Rand korporatsiyasi uchun "fuqarolik demokratik islomi" deb atagan narsani targ'ib qilish bo'yicha siyosiy hujjat bitdi.

Bernard musulmonlarni toifalarga bo'lib, so'fiylikni islomning tinchlantiruvchi varianti sifatida targ'ib qilishni taklif qilgan. Uning maslahatiga koʻra, AQSh oʻzining asosiy raqibi boʻlgan “fundamentalistlar”ga qarshi “anʼanaviylar” bilan ittifoq tuzishi kerak. Bu “radikal fundamentalistlar” boʻlgan Tolibonni ham oʻz ichiga olgan mazmunli atama edi. Ular «ayollarning ijtimoiy va iqtisodiy integratsiyasiga befarq» va «zamonaviy, dunyoviy ta'limdan ehtiyotkor» edilar. O'z navbatida, diniy ta'lim bo'yicha an'anaviy monopoliyani buzish uchun Bernard «modernistlarni» qo'llab-quvvatlashni taklif qildi. Bu turli yo'llar orqali amalga oshirilishi mumkin; “modernist olimlar”ni “darsliklar yozish va o‘quv dasturlarini ishlab chiqish”, hamda modernistik “islom ta’limi o‘quv dasturiga kiritish”ga da’vat etilishi mumkin. Bernardning o‘quv dasturlariga urg‘u berishi samarali kechdi;  Shuningdek, o‘quv dasturlari orqali millatni “islomdan oldingi va noislomiy tarix va madaniyatdan xabardor bo‘lishini osonlashtirish va rag‘batlantirish” maqsad qilingan.

Ayni oʻsha vaqtda Prezident Bush 2004-yilgi Ittifoq dasturini taqdim etdi. Afg'oniston, dedi u, muvaffaqiyatga erishdi. U hozirgina yangi, demokratik konstitutsiyani e'lon qildi. "Afg'onistonlik o'g'il-qizlar maktabga qaytdi", dedi Bush.

"Terror" deganda Tolibonga ishora yaqqol ko'rinib turardi. G'arb davlat arboblari va ularning afg'on mijozlari tomonidan qilingan shunga o'xshash bayonotlar Amerikaning yigirma yillik ishg'oliga putur yetkazdi. Umumiy maqsad - ishg'olga milliardlab mablag' sarflash va o'rnatilgan afg'on elitasi orasida chet el dollarlariga qondirib boʻlmas ishtahani qonuniylashtirish va davlat tomonidan qo'llovni taʼminlash  orqali G'arb auditoriyasini jalb qilish edi.

Afgʻonlar oʻz taqdirini oʻzi hal etishni istashmoqda. Albatta, ular ham ayb-nuqsonlardan xoli emaslar. Ammo, shunisi aniqki, ular ham Gʻarb qatori oʻz milliy qadriyatlari, diniy tafakkuri asosida ijtimoiy, siyosiy va iqtisodiy rivojlanish dasturlarini ishlab chiqishga haqlidir.

@Islom_Fikri

​Ферми парадокси
(Нима деб ўйлайсиз? Ўзга сайёраликлар борми?🤔)

Хозирда Яратувчини инкор қилиш ва Абиогинездан Биогинезга (жонсиздан-тирикликка) ўтиш жараёнини тушунтириш учун "бизни ўзга сайёрадан организм шаклида келтиришган" ёки "ўзга сайёрадан қандайдир тириклик келиб, бизни яратиб кетган" деган даъволарини кузатишингиз мумкин. Хусусан, атеист ва биолог Ричард Докинз ҳам бу каби гапларни кўп ишлатади.

Қолаверса, 1953 йилда Жеймс Ватсон ва Франсиз Крик ҳужайранинг ахборот сақлайдиган қисми бўлган ДНКнинг икки спиралли тузилишини кўрсатиб берган. Ушбу кашфиётдан сўнг молекуляр биологик инқилоб давом этди ва бу микроскоп ёрдамида ажойиб ва мураккаб бўлган кўплаб хусусиятларни очиб берди.
Атеист ва биолог олим Крик, генетик кодларнинг универсаллигидан шунчалик ҳайратланарди-ки, бу ҳодиса шунчаки тасодиф эмас, балки, ўзга сайёраликлар томонидан яратилган, деб ўйларди. Улар қатъий материализм нуқтаи назаридан маъносиз нарсаларни тушуниш учун ўзга сайёраликлар, компьютер симуляциялари ва бошқа кўплаб тўқима ҳикояларни ўйлаб топишлари керак.

Хўп, агар улар ростдан бор бўлса, ҳозир улар қаерда?

Ҳамма гап шундаки, ўтган асрни 50 йилларида астрономлар қаҳвахонасидаги тамадди вақтида Энрико Ферми томонидан бу парадокс таклиф қилинган, яъни "агар бор бўлса, улар ҳозир қаерда ва нега биз уларни кўрмаяпмиз?" деган савол қўйилган.
Аниқланган коинотнинг 93 милиард ёруғлик йили масофаси ичида триллионлаб галлактикалар ичидаги қуёш системаси каби системалар ичида ҳаёт пайдо бўлиш эҳтимоли 100% бор ва бу эҳтимол ичида, цивилизацияси бизданда бир неча баробар ошган цивилизация бўлишлик эхтимоли ҳам 100% бор. Хўп, агар уларнинг борлик эҳтимоли шунча бўлса, нега бизда ҳалигача бирорта белги, зонт ёки ҳатто сигнал ҳам йўқ? Ростдан ҳам жуда қизиқ…

Ундан ҳам қизиқ томони шундаки: Бу каби инсонлар коинотни Яратувчисини ўз кўзи ила кўрмаганлиги учун инкор қилса, бу кўзи билан кўрмаган ўзга сайёраликларга ишонади.

© Жамшид Акрамович тайёрлади

@Muslim_Mind

Нега Худо номидан қилинган тажовуз секуляр либерал туйғуларни ларзага келтирадию, аммо секуляр миллат/давлат ёки демократия номидан қилинган инсон жонига суиқасд ҳаракати бундай эмас?

- Талал Асад, антрополог профессор

Расмда иккинчи жаҳон урушидан бери биргина АҚШ бомбардимон қилган мамлакатлар.

@Muslim_Mind | @Islom_Fikri

Муаллифлик лойиҳаларига ва қадриятларига эга телеграм блог эгаларини ўзаро ҳамкорликка чорлаймиз. Бу билан биз ҳар ой бир марта ўз аудиторияларимиз учун хайрли ва манфаатли бўладиган илмий-маърифий блоглист тақдим қилишни мақсад қилдик.

Айтганча, жойлар сони чекланган.

Мурожаат учун: @Mindnoma_bot

Лут қавми бузуқлик механизми туфатли ҳам тугаб битарди.

Дарвин илгари сурган табиий танланиш таълимотига кўра, фойдали хислатларга эга бўлган жонзотлар яшаб, насл қолдиришда давом этади.

Фойдасиз ўзгаришларга эга бўлган организмлар эса "табиатнинг хатоси" сифатида қирилиб кетади.

Табиий танланиш кучли хислатларга эга организмларнинг яшаб қолиши, мослашмаган организмларнинг нобуд бўлишидан иборат биологик жараёндир.

Дарвин таълимоти ва уни қўллаб-қувватлайдиган атеистик дунёқарашга кўра, яшаб қолишга ва соғлом насл қолдиришга мойил инсонларгина homo-sapiens турининг кучли таркибини ташкил этади.

Шу нуқтаи назардан, бугун атеизм, секуляризм ва айрим либерал диндорлар тарғиб қилаётган бузуқ жинсий тарбия секуляр илм нуқтаи назаридан инсониятни таназзулга элтувчи йўл ҳисобланади.

Насл қолдиришни ўйламайдиган, ҳамжинслари билан қўшилишни истайдиган индивидлар эса, homo-sapiens'нинг "брак"-нуқсонли вакилларидир.

Секуляр илм ва дарвинизм таълимоти уларни қирилиб кетадиган ва табиий танланиш жараёнларига мослашмаган ўзгаришларга эга ожиз организмлар деб эътироф этади.

© Саид Комил Мухаммад Карим

@Muslim_Mind

#премьера
Исломда қуллик.

Қуллик деганда нимани тушунасиз?? Бундай пайтда Голливуднинг «12 йиллик қулликда» ёки Уиль Смит ижросидаги «Озодлик» фильмидаги қуллар ҳаёлингизда тасвирланадими?

Ушбу саволларга хулоса қилишингизда қуйидаги манба сизга ёрдам берса ажабмас!
Дублажда яқиндан ёрдам бергани учун @shams_solih биродаримизга алоҳида ташаккурлар айтамиз.

Даниел Ҳақиқатжоу ва атеист, исломофоб Ридван ўртасидаги бахсдан парча.

Қуллик тўғрисида умумий маълумот олиш учун, Археолог Лоуренс Килининг «Цивилизациялардан олдинги урушлар: Тинчлик ҳақидаги афсона» китобини тавсия қиламиз. Китоб бу ерда.


Кўриш учун:
https://youtu.be/zwo0yykeM1c


Бизни моддий қўллаб-қувватловчилар учун:
Humo: 9860020109947455
Abdurakhmon Jurayev

@Muslim_mind

Иероглифлар ва Қуръон ҳақиқати
(мақола эҳромларнинг тарихийлигига ишонмайдиган конспирологлар учун эмас)

​Қадимги Миср иероглифларини ўқий олиш жуда мураккаб бўлиб, асосан ўтган асрнинг ярмига келиб мисршунос олимлар буни уддалашган бўлиб, матнларда фиръавнлар ва уларнинг фаолияти илоҳийлик билан боғланиб кўкларга кўтарилган. Уларнинг айримлари маъбуд ҳисобланган. Ҳатто улар вафот этишса, уларни мадҳ этувчи ёзувлар қолдирилган. Жумладан, улардан бирида:

“Осмон йиғламоқда, юлдузлар ларзага келиб, худоларнинг сақловчилари титрамоқда, уларнинг хизматкорлари Қиролни кўрганида қочмоқда” (“The Collected Works of C.G. Jung: Complete Digital Edition”, 257-бет)

дейилган бўлса, шунингдек, бошқа бир матнда:

“Сен учун осмон ва ер титрайди, ўчмас юлдузлар ёнингга таъзим ила келади...” (“Pyramid texts. English. The ancient Egyptian pyramid texts / [translated] by James P. Allen”, 333-бет) деб мадҳ этилган.


Лекин Аллоҳ ўз каломида “Бас, уларга осмон ҳам, ер ҳам йиғламади ва уларга муҳлат берилганлардан ҳам бўлмадилар.” (“Духон”, 29-оят) деб хабар беради.

© Жамшид Алиев

@Muslim_Mind

Ҳаёт лаззатлари дея ҳисобланган ҳар бир нарса, биз яхши кўрган барча майллар йўқ бўлиб кетиши мумкин. Аммо диндорлик йўқ бўлиши асло мумкин эмас. У инсон фикрини ердаги тубан ва тор нарсаларга боғловчи моддапарастлик ақидасининг ботиллигига ёрқин хужжат бўлиб, абадий қолажак.

©Абу Наср Тарозий, Соф табиат дини.

@Muslim_Mind

Gollandiyaning yetakchi gazetalaridan biri marokashlik futbolchilarning onalariga koʻrsatgan chuqur sevgisini tanqid qilib chiqibdi. Maqolaning sarlavhasi shunday: “Onalarni ulug‘lashni bas qiling”.

Liberal-dunyoviylik xavf-xatarga aylanib bormoqda. U faqat individualizm va materializmni tan oladi, xolos...

(C) Yoram Van Klaveren sahifasidan

Hammasidan ham hayratlanarlisi maqola muallifi ayol kishi ekanligidir.

@Islom_Fikri

​Позитив психология, ўзи-ўзига ёрдам, бахт илми.

Яқинда инсонларга нима бахт ва хурсандчилик олиб келиши тўғрисида «Бахт» деб номланган ҳужжатли фильмни томоша қилган эдим. Ушбу ҳужжатли фильмда кўплаб психолог, невролог ва бошқа «бахт экспертлари» интервью қилинади, шунингдек, дунё бўйлаб турли инсонлар билан сўровнома ўтказилади (лекин, эътиборли томони шундаки, буларнинг ҳеч бири (интервью ва сўровнома) бирор мусулмон миллати ёки маданиятини ўз ичига олмайди). Бир ярим соатлик ҳужжатли фильмнинг атиги 10 сониясида дин «баъзи» одамларга бахт олиб келиши ҳақида сўз юритилади, ва 30 сониясида эса қандай қилиб дин дунёда азоб ва уқубат манбаи бўлиши мумкинлиги тўғрисида гап кетади.

Якунда фильм шуни хулоса қиладики, бахт саховатли бўлиш, бошқаларга хизмат қилиш, миннатдор бўлиш, хурсанд бўлиш, ҳаётдан маъно излаш, оила аъзолар ва қўшнилар билан алоқа боғлаш, пул ва моддий нарсаларни ҳаддан зиёд муҳим деб ҳисобламаслик, медитация қилиш, вақтни сокинлик ва табиат қўйнида ўтказишда экан.

Кейин ўзимча ўйладим, умуман олганда, буларга ўхшаш ҳамма нарсалар Исломда бор-ку. Нима одамлар бу боғлиқликни сезмасмикан? Агар бахт мақсад бўладиган бўлса, юқоридаги амаллар бахтга элтувчи омиллар бўлиб, улар динда тартибга солинган-ку. Айниқса, Ислом бу омилларни уйғунлаштиради ва суннатда уларга мукаммал ифода беради. Ислом инсонларнинг қандай яшаши кераклиги ҳақидаги савол учун аниқ жавобдир.

Бахтнинг ягона бадали Аллоҳга бўлган ишончдир, ва фақат завқланиш ғояси устига қурилган замон эса ўзидан юқорироқ бўлган Зотга (Аллоҳга) бўйин эгишдан қочиб, бахтни зое қилишади. Бунинг ўрнига улар бахтни қандайдир ичи бўш ҳақиқатлар кўринишда ифодалашни афзал кўради ва натижада бахтнинг асл асоси ҳамда манбаини унутиб қўядилар.

©Даниел Хақикатжоунинг
"Исломга замонавий таҳдидлар" китобидан

@Muslim_Mind

Барча сўзни эшит, аммо дарров ишона қолмагин. Уни мантиқ тарозисига солиб кўр. Ўз сирларингни ҳар одамга очма. Юмшоқ кўнгиллилик одатинг бўлсин. Ҳасаддан йироқ тур. Уятсиз кишидан мудом узоқ бўл. Номусли, уят-андишали билан дўст тутин. Бирор ишда шошилма. Сабр ва қаноат қил. Йўл-йўриқнинг ўртачасини тут. Тилингни ҳам, бўғзингни ҳам, кўзингни ҳам асра. Хиёнат элидан четда бўл. Ўзингга лойиқ билмаган зиённи ўзгаларга ҳам лойиқ билма. Ғазабингни бос, доимо оғирлик қил.

©Юсуф Хос Ҳожиб (Болосоғуний), "Қутадғу билиг" китобидан

@Muslim_Mind

Янги йил кайфияти.
(Иккинчи тўртлик канал ижодкорлари томонидан қўшилди)

Байрамда шодонлик бўлмайди ҳали.
Нишонлаш бўлмайди, қилиб овоза
Ахир ўн тўққизтасин етди ажали
Имомлар йиғламай ўқир жаноза.

Билмам нима қилар амали дорлар,
Ичганда ўзининг мурғак боласи.
Аммо шифокорни айбдор биларлар,
Аниқ улар эмас масъул бўлганлар.

Байрам қилаверсин дорифурушлар
Харомдан топганин арчага осиб
Уларга завқ бола билан урушлар
Жанг қилар топганин нафсига босиб.

©️ Бахриддин Асрор. 30.12.2022.

@Muslim_Mind