#xabar #andijon #seminar
🤝 ТАЛАБАЛАР БИЛАН ДИЛДАН МУЛОҚОТ: БОШ ИМОМЛАРДАН ҲАЁТИЙ НАСИҲАТЛАР ВА РАҒБАТЛАР

📢 Хабар берганимиздек, шу йилнинг 6-7 октябрь кунлари Андижон вилоятида имом-хатиблар фаолияти самарадорлигини оширишга бағишланган илмий-амалий семинар доирасидаги тадбирлар бошланди.

💬 Мутасаддилар томонидан бош имом-хатибларга ўзларига бириктирилган Андижон вилоятининг туман-шаҳарларидаги масжидлар ҳолати ва имом-хатиблар фаолиятини ўрганиш юзасидан тавсиялар берилди.

📍 Бугун, 6 октябрь куни Қорақалпоғистон мусулмонлари қозиёти қозиси, Тошкент шаҳри ва вилоятлар бош имом-хатиблари “Саййид Муҳйиддин махдум” ўрта махсус ислом таълим муассасаси фаолияти билан танишдилар. Бош имом-хатибларга билим юрти раҳбари Рустамжон домла Маҳмудов ҳамроҳлик қилиб, батафсил маълумот берди.

💬 Семинар қатнашчилари билим юрти фаолияти, педагог-ўқитувчи ва талабаларга яратилган шарт-шароитларни кўздан кечиришди. Ўқув хоналари, дарс жараёнлари, Ахборот ресурс маркази, кутубхона, талабалар ётоқхоналарида бўлиб, талабалар билан дилдан мулоқот қилдилар.

💬 Суҳбатлар асносида талабаларга барча билимларни пухта эгаллаши, келажакда етук олим бўлиб етишишга астойдил ҳаракат қилиши лозимлиги таъкидланди. Илм талаб қилиш йўлида чекиладиган машаққатлар, илмга амал қилиш кишини зийнатлаши, илм аҳлининг даражалари ҳақида ҳаётий мисоллар келтирилиб, толиби илмларга рағбатлар берилди. Талабалар билан олаётган таҳсиллари борасида савол-жавоблар қилинди. Улар берган жавоблар меҳмонларни ҳайратда қолдирди.

ℹ️ Маълумот учун, “Саййид Муҳйиддин махдум” ўрта махсус ислом билим юрти 1992 йилда Андижон вилояти Олтинкўл тумани Жалабек қишлоғида фаолият бошлаган. Билим юртига Жалабек қишлоғида ХХ асрнинг бошларида яшаб ўтган дин, миллат, ватан учун катта хизматлар қилган, ўз даврида Андижон вилояти қозиси, эски шаҳардаги мадраса бош мударриси бўлган Саййид Муҳйиддин домланинг номи берилган.

✅ Ўзбекистон мусулмонлари идораси
Матбуот хизмати

🌐 MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook

#xabar #andijon #seminar
🗣 ИМОМЛАРНИНГ ИДОРАВИЙ, МАЪНАВИЙ ВА МАЪРИФИЙ ФАОЛИЯТИНИ РИВОЖЛАНТИРИШ ЮЗАСИДАН ТАВСИЯЛАР БЕРИЛДИ

📍 Андижон вилоятида бўлиб ўтаётган илмий-амалий семинар доирасида вилоят бош имом-хатиблари ўзларига бириктирилган ҳудудларга чиқиб, масжидлар ва улардаги имом-хатиблар фаолияти билан яқиндан танишдилар. Бундан кўзланган мақсад, имом-хатибларнинг маънавий-маърифий ҳамда масжидни бошқариш йўналишидаги фаолияти билан яқиндан танишиш, улар билан биргаликда маънавий-маърифий тадбирлар ўтказиш, уларга амалий кўмак ва маслаҳат беришдир.

📁 Амалий жараёнда устав асосида иш ва ҳужжат юритиш, жамоани бошқариш, масжидни тоза ва озода сақлаш, унда қулай шароитлар яратиш, куз-қиш мавсумига тайёргарлик кўриш, ёнғин хавфсизлиги чораларини кучайтириш каби ҳолатлар алоҳида кўриб чиқилди.

🤲 Ўрганишлар натижасига кўра масжидларда яратилган шароит ҳамда имом-хатиб бошчилигида масжидлар жамоаларининг фаолиятига ижобий баҳолар берилди.

📚 Шунингдек, имом-хатибларга масжидларнинг молиявий ишларига доир фаолиятни тартибга солиш, тушумлар шаффофлигини таъминлаш ва муқобил энергия манбаларидан унумли фойдаланиш ишларига доир зарурий кўрсатма ва муҳим тавсиялар бериб ўтилди.

✅ Ўзбекистон мусулмонлари идораси
Матбуот хизмати

🌐 MUSLIM.UZ GA 📲 OBUNA BO'LING ✅ VA ULASHING🗣


▶️ YouTube | 📷Instagram | 🔵 Facebook