НОРИН ТУМАНИДА СУЮЛТИРИЛГАН ГАЗ ТАЪМИНОТИ БЎЙИЧА ЯНГИ АМАЛИЁТ ЙЎЛГА ҚЎЙИЛДИ

Норин тумани «Янги Наманган» маҳалласи аҳолисини суюлтирилган газ билан барқарор таъминлаш мақсадида янги тизимли амалиёт жорий этилди.

Маҳалланинг 8 та кўчасида жами 1069 нафар истеъмолчи суюлтирилган газдан фойдаланади. Жорий йил бошидан буён улар 138,160 тонна маҳсулот билан таъминланган. Бу кўрсаткич аҳолини узлуксиз ва хавфсиз газ билан таъминлашда амалга оширилаётган ишлар самарасини намоён этмоқда.

Ҳозирда ҳар бир хонадонда маиший газ баллонларига махсус хавфсизлик қутиси ўрнатилмоқда. Шунингдек, газ баллонидан газ жиҳозларигача бўлган ички тармоқлар ҳам қайта созланиб, замонавий талабларга мослаштирилмоқда. Бу амалиёт қиш мавсумида ҳам газ баллонларидан хавфсиз, қулай ва узлуксиз фойдаланиш имконини яратади.

«Ҳудугаз Наманган» газ таъминоти филиали масъуллари таъкидлашича, фуқароларнинг ҳар бир мурожаатини эшитиш ва уларни қониқтириш — ташкилот фаолиятининг устувор йўналишларидан биридир. Янги жорий этилган лойиҳа нафақат хавфсизликни ошириш, балки аҳолига хизмат кўрсатиш маданиятини ҳам янги босқичга олиб чиқишга қаратилган.

📝 Namangantoday

➡️ Обуна бўлинг ➡️https://www.tg-me.com/namangantoday

Тўрақўрғонда бешта эҳтиёжманд оилага ижтимоий хонадонлар топширилди

Тўрақўрғон туманида Янгиобод ва Чусткўприк маҳаллаларида қурилган кўп қаватли уйлардан бешта хонадон ижтимоий ҳимояга муҳтож оилаларга топширилди.

Тадбир хотин-қизларни қўллаб-қувватлаш ва уларни уй-жой билан таъминлашга қаратилган дастур доирасида амалга оширилди. Янги хонадонлар замонавий мебеллар билан жиҳозланган бўлиб, барча шароитларга эга.

Топшириш маросимида нуронийлар ва маҳалла фаоллари янги уй эгаларига фотиҳа ва самимий тилаклар билдиришди.

📝 Namangantoday

➡️ Обуна бўлинг ➡️https://www.tg-me.com/namangantoday

Янги Наманган туманида замонавий қиёфадаги 60-мактаб фойдаланишга топширилди

Янги Наманган туманида капитал таъмирлаш ва реконструкция ишлари тўлиқ якунланган 60-мактабнинг тантанали очилиш маросими бўлиб ўтди.

Мазкур таълим муассасаси Ички ишлар вазирлигига бириктирилган бўлиб, таълим-тарбия жараёни, давомат ҳамда умумий тартиб-интизом тизим томонидан доимий назорат қилинади ва ҳамкорликда ташкил этилади.

Янгидан таъмирланган мактабда замонавий синф хоналари, спорт зали, workout майдони, йўл ҳаракати қоидаларини ўргатиш хонаси ҳамда 360 даража кузатув тизими яратилган. Бу имкониятлар ўқувчиларнинг билим олиши, хавфсизлиги ва самарали дам олиши учун хизмат қилади.

📝 Namangantoday

➡️ Обуна бўлинг ➡️https://www.tg-me.com/namangantoday