Наманганда америкалик кардиохирурглар иштирокида болалар юрагини соғломлаштириш амалиётлари бошланди

Республика ихтисослаштирилган кардиология илмий-амалий тиббиёт маркази Наманган филиалида “Global Cardiac Alliance” халқаро ташкилоти ва “The Stirling Foundation” ҳомийлигида туғма юрак нуқсони бўлган болалар учун бепул тиббий кўрик ҳамда кардиожарроҳлик амалиётлари бошланди.

Лойиҳа доирасида АҚШдан келган етакчи болалар кардиохирурги Виллам Михаэл Новиск бошчилигидаги 15 нафар мутахассис маҳаллий шифокорлар билан ҳамкорликда иш олиб бормоқда. Бир ҳафталик хайрли акция доирасида 30–40 нафар болага замонавий тиббий ускуналар ёрдамида юрак нуқсонларини бартараф этувчи амалиётлар ўтказилиши режалаштирилган.

Акциянинг биринчи куниёқ бир неча мураккаб операциялар муваффақиятли якунланди. Шу билан бирга, барча беморлар тўлиқ текширувдан ўтказилмоқда.

Марказ директори, тиббиёт фанлари номзоди Солижон Мўминовнинг таъкидлашича, мазкур ҳамкорлик маҳаллий мутахассисларнинг малакасини ошириш, илғор тажрибани ўрганиш ва замонавий кардиохирургияни янада ривожлантиришга хизмат қилади.

Амалиётлар Давлат тиббий суғуртаси ва ҳомий фондлар кўмагида амалга оширилмоқда. Акция якунида илмий-амалий конференция ташкил этилиб, хорижий мутахассислар ўз билим ва тажрибаларини наманганлик ҳамкасблари билан ўртоқлашадилар.

📝 Namangantoday

➡️ Обуна бўлинг ➡️https://www.tg-me.com/namangantoday

🇷🇺🇺🇿 Наманган ва Иваново вилоятлари ўртасида ҳамкорлик тўғрисида келишув имзоланди

Наманган вилояти ҳокими Шавкатжон Абдураззоқов бошчилигидаги делегация Россия Федерациясида расмий ташриф билан бўлиб турибди.

Бугун Наманган вилояти ҳокими Иваново вилояти губернатори Станислав Воскресенский билан учрашув ўтказди. Суҳбат чоғида савдо-иқтисодий, илмий-техникавий ва ижтимоий-маданий йўналишларда ҳамкорликни кенгайтириш масалалари муҳокама қилинди.

Учрашув якунларига кўра, Наманган вилояти ҳокимлиги ва Иваново вилояти ҳукумати ўртасида ҳамкорлик тўғрисида расмий келишувга эришилди.

Наманган делегациясининг Россия Федерацияси ва Ўзбекистон Республикаси II ҳудудлар Кенгашидаги иштироки давом этмоқда.

📝 Namangantoday

➡️ Обуна бўлинг ➡️https://www.tg-me.com/namangantoday

Наманган ва Самара – янги ҳамкорлик босқичида

Москва шаҳрида бўлиб ўтаётган Ўзбекистон Республикаси ва Россия Федерацияси II Ҳудудлар форуми доирасида Наманган вилояти ҳокими Шавкатжон Абдураззоқов ҳамда Самара вилояти губернатори Вячеслав Федорищев ўзаро учрашув ўтказдилар.

Мулоқот чоғида икки ҳудуд ўртасидаги иқтисодий ҳамкорликни кенгайтириш, қўшма инвестицион лойиҳаларни амалга ошириш ҳамда савдо-саноат алоқаларини ривожлантириш масалалари муҳокама этилди.

Томонлар ўзаро англашув меморандумини имзолаб, истиқболли йўналишларда ҳамкорликни янада чуқурлаштиришга келишдилар. Учрашув якунларида ҳудуд раҳбарлари оммавий ахборот воситаларига интервью бердилар.

📝 Namangantoday

➡️ Обуна бўлинг ➡️https://www.tg-me.com/namangantoday

Наманган ва Бошқирдистон – ҳамкорликнинг янги босқичида

Россия Федерацияси ва Ўзбекистон Республикаси II Ҳудудлар кенгаши доирасида Наманган вилояти ҳокими Шавкатжон Абдураззоқов бошчилигидаги делегация Бошқирдистон Республикаси раҳбари Радий Хабиров билан учрашув ўтказди.

Музокараларда икки ҳудуд ўртасидаги савдо-иқтисодий ва ижтимоий ҳамкорликни янада кенгайтириш масалалари кўриб чиқилди.

Учрашув давомида Наманган тўқимачилик корхоналари Бошқирдистонда ўз «Савдо уй» ва дўконларини очаётгани, хусусан «Aisha Home Textile» компанияси Уфа шаҳридаги “Мега” савдо марказида илк дўконини ишга туширгани таъкидланди. Шунингдек, қўшма савдо-логистика маркази ташкил этиш ва тадбиркорлар ўртасида кооперация алоқаларини кучайтириш бўйича таклифлар илгари сурилди.

Учрашув якунида Наманган вилояти ҳокимлиги ва Бошқирдистон Республикаси Ҳукумати ўртасида «Савдо-иқтисодий, илмий-техникавий ҳамда ижтимоий-маданий ҳамкорлик тўғрисида»ги келишув имзоланди.

Томонлар мазкур келишув ижросини таъминлаш мақсадида «Йўл харитаси» ишлаб чиқишга келишиб олдилар.

📝 Namangantoday

➡️ Обуна бўлинг ➡️https://www.tg-me.com/namangantoday