Наманганда IV Халқаро асал фестивали бошланди

Бугун Давлатобод туманидаги «Афсоналар водийси» тематик паркида тўртинчи халқаро асал фестивали бошланди.

150 дан ортиқ маҳаллий ва хорижлик асаларичилар иштирок этаётган фестивал асаларичилик соҳасидаги илғор тажрибаларни ўртоқлашиш, ҳамкорликни ривожлантириш ва туризм салоҳиятини оширишга хизмат қилади.

Тантанали очилиш маросимида хорижлик меҳмонлар, вилоят жамоатчилиги ва соҳа вакиллари иштирок этдилар. Фестиваль асал етиштириш билан бирга асаларичилик ҳунармандчилигини ривожлантириш, илм ва ҳунар уйғунлашган ҳамкорлик майдони сифатида муҳим аҳамият касб этади.

Фестивал доирасида меҳнат ярмаркаси, ҳунармандлар кўргазмаси ва спорт мусобақалари ҳам ўтказилмоқда.

Тадбир 26 октябрга қадар давом этади.

📝 Namangantoday

➡️ Обуна бўлинг ➡️https://www.tg-me.com/namangantoday

Наманганда «China Town» шаҳарчаси барпо этилмоқда

Давлатобод туманидаги Янги Наманган шаҳарчасида «Namangan China Town» лойиҳаси қурилиши бўйича навбатдаги музокаралар ўтказилди. Учрашувда Хитойнинг Жиангсу провинцияси делегацияси ва маҳаллий мутасаддилар иштирок этди.

Музокараларда лойиҳанинг архитектура ечимлари, инфратузилмаси ва қурилиш босқичлари муҳокама қилинди. Шунингдек, ишларни жадаллаштириш ва ташкилий масалалар бўйича келишувга эришилди.

Лойиҳа 84 гектар майдонда амалга оширилиб, келгусида 1084 гектар ҳудуддаги шаҳар мажмуалари билан уйғун ҳолда ривожлантирилади. Дастур доирасида 500 дан ортиқ савдо ва офис бинолари, меҳмонхона, таълим ва спорт муассасалари ҳамда 24 соат ишлайдиган хизмат марказлари қурилиши режалаштирилган.

Ноябр ойида лойиҳанинг тамал тоши қўйилиб, қурилиш ишларига расман старт берилади.

📝 Namangantoday

➡️ Обуна бўлинг ➡️https://www.tg-me.com/namangantoday

Наманганда замонавий пиёдалар кўприги қурилиши жадал давом этмоқда

Наманган шаҳрининг Алишер Навоий кўчасидаги «Сардоба» чорраҳасида замонавий ерусти пиёдалар кўприги қурилиши ишлари жадал суръатларда олиб борилмоқда.

Лойиҳа Наманган минтақавий йўлларга буюртмачи хизмати давлат муассасаси буюртмаси асосида амалга оширилмоқда.

Умумий узунлиги 38 метр, эни 3 метр, асосий йўлдан баландлиги 6 метр бўлган кўприк 2025 йил охирига қадар фойдаланишга топширилиши режалаштирилган.

Қурилиш жараёнларида замонавий материаллар ва техника воситалари қўлланилмоқда. Мазкур кўприк Наманган шаҳри йўл-транспорт инфратузилмасини такомиллаштириш, пиёдалар ҳаракатини хавфсиз ва қулай қилиш ҳамда чорраҳадаги тирбандликларни камайтиришга хизмат қилади.

📝 Namangantoday

➡️ Обуна бўлинг ➡️https://www.tg-me.com/namangantoday

Наманганда «Amity Global Institute» билан ҳамкорликда икки дипломли таълим йўлга қўйилади

Наманган вилояти ҳокимлиги ва Сингапурнинг «Amity Global Institute» ўртасида ҳамкорлик тўғрисида Меморандум имзоланди.

Ҳужжатга кўра, Наманган давлат техника университети базасида «Amity Global Institute» ва Буюк Британиянинг «University of East Anglia» билан ҳамкорликда икки дипломли таълим дастурлари амалга оширилади.

Лойиҳа доирасида ахборот технологиялари, бизнес бошқаруви ва сунъий интеллект йўналишларида халқаро стандартлар асосида мутахассислар тайёрланади.

📝 Namangantoday

➡️ Обуна бўлинг ➡️https://www.tg-me.com/namangantoday

Давлатободда «Ёшлар боғи» реконструкция қилинмоқда

Давлатобод тумани «Порлоқ» маҳалласидан жой олган туманнинг драйвер лойиҳаси — «Ёшлар боғи»да қурилиш ва ободонлаштириш ишлари жадал давом этмоқда.

Республика бюджети ҳисобидан 7,8 миллиард сўмлик лойиҳа доирасида боғ инфратузилмаси янгиланмоқда, кўкаламзорлаштириш ва ҳордиқ чиқариш масканлари барпо этилмоқда.

Лойиҳа доирасида 75 та янги иш ўрни яратилиши, 35 дан зиёд тадбиркор фаолиятини йўлга қўйиши режалаштирилган.

📝 Namangantoday

➡️ Обуна бўлинг ➡️https://www.tg-me.com/namangantoday