Наманганда янги кўргазмалар маркази ишга тушди!

Наманганда халқаро форум ва тадбирлар учун замонавий кўргазмалар маркази ишга тушди. Президент топшириғи асосида барпо этилган ушбу иншоот биринчи йирик тадбир — “Камбағалликдан фаровонлик сари” III халқаро форумига майдон бўлди.

Марказда кўргазма майдонлари, конгресс-холл, музокара ва мажлис хоналари, хизмат кўрсатиш ҳудудлари, ресторан ҳамда автотураргоҳ мавжуд. Бу имкониятлар уни Водийда йирик тадбирлар ўтказиш учун қулай масканга айлантиради.

Ушбу маскан келгусида минтақанинг инвестицион жозибадорлигини юксалтириб, янги имкониятлар эшигини кенг очиши шубҳасиз.

📝 Namangantoday

➡️ Обуна бўлинг ➡️https://www.tg-me.com/namangantoday

🌤Бугундан ҳаво иссиқроқ бўлади

Кундузи Ўзбекистон бўйича ёғингарчилик кутилмайди. Ҳарорат +25...+30° бўлади.

📝 Namangantoday

➡️ Обуна бўлинг ➡️https://www.tg-me.com/namangantoday

Наманганлик уста Халқаро фестивалда биринчи ўринни қўлга киритди

Фарғонада якунланган III Халқаро ҳунармандчилик фестивалида Наманганлик моҳир ҳунарманд Ҳакимжон Тожибоев «Энг яхши ҳунармандчилик мактаби устаси» номинациясида фахрли биринчи ўринни эгаллади.

Ҳакимжон Тожибоев ипак матоларини бўяш ва тўқиш санъати билан шуғулланади. У бу касбнинг учинчи авлод вакили бўлиб, ота-боболаридан мерос ҳунарни юксак даражада давом эттириб келмоқда. Шу билан бирга, у ўз билим ва тажрибасини ёшларга ўргатиб, миллий қадриятларни кейинги авлодга етказишда ҳам фаол ҳисса қўшмоқда.

Устанинг мазкур ғалабаси нафақат унинг шахсий ютуғи, балки бутун Наманган ҳунармандчилиги нуфузининг янада юксалаётганидан дарак беради. Фестиваль доирасидаги бу каби тақдирлашлар миллий ҳунармандчилик анъаналарини асраб-авайлаш ва халқаро миқёсда тарғиб этиш йўлида муҳим қадам бўлди.

📝 Namangantoday

➡️ Обуна бўлинг ➡️https://www.tg-me.com/namangantoday

1 Октябрь – Ўқитувчи ва мураббийлар куни

Миллат роҳати - устоз меҳнатидан

Устоз ким? Илмдан бир ҳарф, касбдан бир усулни ўргатган ҳам устоздир. Устоз шогирдини ўз фарзандидек яхши кўрувчи, ўзи қилган хатоларни унда такрорланмаслигини хоҳловчи, шогирдини ўзидан ҳам яхшироқ инсон, касб-кор эгаси бўлиши учун беминнат ранж чекувчи зотдир.

Батафсил ўқиш  ➡️ https://namangantoday.uz/2025/09/21/millat-rohati-ustoz-mehnatidan/

📝 Namangantoday

➡️ Обуна бўлинг ➡️https://www.tg-me.com/namangantoday

Наманганда янги клиника ишга тушди

Давлатобод туманида замонавий «Ангиомед» диагностика ва даволаш маркази фаолияти бошлади.

Лойиҳа қиймати 2 млн доллар бўлиб, натижада 120 та иш ўрни яратилди. Улар орасида 30 нафар шифокор, 60 нафар ҳамшира ва 30 нафар кичик тиббиёт ходими иш билан таъминланди.

Марказ қон томир ва кардиохирургия, кардиология, болалар нефрологияси, гинекология, лапараскопик ва рентгенендоваскуляр хирургия, ЛОР, УЗД диагностика, абдоминал хирургия, анестезиология-реанимация йўналишлари ҳамда замонавий лаборатория билан аҳолига хизмат кўрсатади.

Янги тиббий маскан вилоят аҳолисига юқори технологияли ташхис ва даволаш имкониятларини яқиндан тақдим этиши билан аҳамиятлидир.

📝 Namangantoday

➡️ Обуна бўлинг ➡️https://www.tg-me.com/namangantoday

Енгил саноатни ривожлантириш агентлиги ташкил этилади

“Енгил саноат соҳасида юқори қўшилган қийматли маҳсулотлар ишлаб чиқариш ва экспорт ҳажмини ошириш учун қўшимча шарт-шароитлар яратиш тўғрисида”ги Президент Фармони (ПФ–174-сон, 19.09.2025 й) қабул қилинди.

Фармонга кўра, Вазирлар Маҳкамаси ҳузурида Енгил саноатни ривожлантириш агентлиги ташкил этилади.

Агентлик тўқимачилик, чарм-пойабзал, ипакчилик ва гиламчилик саноати соҳаларида устувор йўналишларни ишлаб чиқиш ва амалга ошириш бўйича ваколатли давлат органи ҳисобланади.

Агентлик қошида Енгил саноатни қўллаб-қувватлаш жамғармаси ташкил этилади.

Агентлик томонидан енгил саноат соҳасидаги корхоналарга 2025 йил 1 октябрдан қуйидаги молиявий қўллаб-қувватлаш чоралари қўлланилади:

халқаро брендларни жалб қилиш, стандартлаштириш ва сертификатлашнинг халқаро тизимларини, молиявий ҳисоботларнинг халқаро стандартларини жорий этиш;

экспорт шартномалари бўйича суғурталашни молиялаштириш харажатларини қоплаш ҳамда мутахассисларни ўқитиш учун грантлар ажратиш;

хорижий давлатларда савдо уйларини очиш ва сақлаш, офис, савдо ва омбор биноларини ижарага олиш, реклама кампанияларини ташкил этиш билан боғлиқ чет элдаги харажатларининг бир қисмини қоплаш.

📝 Namangantoday

➡️ Обуна бўлинг ➡️https://www.tg-me.com/namangantoday

Абитуриентлар учун олий таълимга кириш бўйича қўшимча имкониятлар белгиланди. Табақалашган (суперконтракт) очилади

Ўзбекистон Республикаси таълим ташкилотларига қабул қилиш бўйича Давлат комиссияси мажлисининг тегишли баёни тасдиқланди.

Унга кўра:

➖бакалавриат таълим йўналишларида вакант қолган ўринлар учун танлов ўтказилади. Бунда 56,7 балл ва ундан юқори натижа кўрсатган, бироқ талабаликка тавсия этилмаган, шу жумладан рўйхатдан ўтишнинг иккинчи босқичида олий таълим ташкилоти ва бакалавриат таълим йўналишларини танламаган абитуриентларга ҳам имконият яратилади;

➖кириш имтиҳонлари натижаларига кўра абитуриентлар учун табақалаштирилган тўлов-контракт асосида ўқишга кириш имконияти яратилади;

➖республикада фаолият кўрсатаётган хорижий ва нодавлат олий таълим ташкилотларига давлат буюртмалари тасдиқланди;

➖Қорақалпоғистон ёшлари учун қўшимча грант ва тўлов-контракт ўринлари ажратилди.

Шунингдек, Президент гранти учун ажратилган квоталарнинг таълим соҳалари бўйича тақсимоти ҳамда давлат олий таълим ташкилотларининг магистратура мутахассисликларига танлов натижалари тасдиқланди.

📝 Namangantoday

➡️ Обуна бўлинг ➡️https://www.tg-me.com/namangantoday

❗️Президент қарорига мувофиқ:

2025 йил 1 октябрдан давлат пенсия таъминотига оид ҳамда АТ “Халқ банки” томонидан пенсияларни нақд пул шаклида тўлаш билан боғлиқ хизматлар фуқароларни биометрик идентификация қилиш (Face-ID) ҳамда уларнинг имзосини электрон шаклда олиш орқали амалга оширилади.

📝 Namangantoday

➡️ Обуна бўлинг ➡️https://www.tg-me.com/namangantoday

Суперконтракт

Бакалавриат таълим йўналишлари вакант ўринларига қўшимча қабул 25 сентябрдан 3 октябрга қадар (шу куни ҳам) амалга оширилади

Давлат комиссияси баёнига мувофиқ, 2025/2026-ўқув йили учун бакалавриат таълим йўналишларида вакант қолган ўринларга қўшимча қабул амалга оширилади.

Унга кўра, 2025 йилги кириш имтиҳонларида 56,7 балл ва ундан юқори натижа кўрсатган, бироқ талабаликка тавсия этилмаган, шу жумладан рўйхатдан ўтишнинг иккинчи босқичида олий таълим ташкилоти ва бакалавриат таълим йўналишларини танламаган абитуриентларга қуйидаги имкониятлар яратилади:

➖давлат олий таълим ташкилотларида қолган вакант бакалавриат таълим йўналишларига танловда иштирок этиш учун 2025 йил 25 сентябрдан 3 октябрга қадар (шу куни ҳам) my.uzbmb.uz сайти орқали онлайн рўйхатдан ўтиш имконияти яратилади;

➖рўйхатдан ўтган абитуриентлар тўплаган баллари кетма-кетлигига қатъий риоя қилинган ҳолда вакант ўринларга базавий тўлов-контракт асосида талабаликка тавсия этилади;

➖рўйхатдан ўтиш жараёнида фанлар мажмуаси мос бўлган бакалавриат йўналишини танлаш имконияти берилади;

➖танлов натижалари бўйича қайдномалар 2025 йил 8 октябрга қадар чоп этилиб, тегишли олий таълим ташкилотларига талабаликка қабул қилиш бўйича ҳужжатларни расмийлаштириш учун етказилади.

➖Умумий қабул параметрларида вакант ўринлар қолган бакалавриат таълим йўналишлари бўйича маълумотлар Билим ва малакаларни баҳолаш агентлигининг расмий веб-сайтида эълон қилинади.

Манба

📝 Namangantoday

➡️ Обуна бўлинг ➡️https://www.tg-me.com/namangantoday

❗️“Куёв навкари” расман тақиқланди

Ҳукумат қарори билан миллий анъаналарга ёт ва ортиқча харажат талаб қиладиган расм-русумлар, жумладан “куёв навкари”, “чорлар”, “ота кўрди”, “сеп ёйди” ва бошқалар энди ўтказилмайди.

Шунингдек, тўй, маърака ва оилавий маросимлар белгиланган чекловлар асосида ўтказилади:

🔸оилавий тадбирлар — 200 нафаргача;
🔸ош маросими — 250 нафаргача;
🔸қўшалоқ тўйлар — 250 нафаргача;
🔸қўшалоқ тўй ошлари — 300 нафаргача.

Мотам маросимларидаги “етти”, “пайшанба”, “якшанба”, “йигирма”, “қирқ”, “йил оши”, “пул тарқатиш”, “мато улашиш” кабилар ҳам тақиқланди.

📝 Namangantoday

➡️ Обуна бўлинг ➡️https://www.tg-me.com/namangantoday

Наманганда мураккаб нейрохирургик операция муваффақиятли амалга оширилди

Республика шошилинч тиббий ёрдам илмий марказининг Наманган филиалида Россия нейрохирурглари ҳамкорлигида дунё миқёсида мураккаб ҳисобланган бош мия операцияси муваффақиятли бажарилди.

Жарроҳлик амалиёти бурин йўли орқали эндоскопик усулда, 5 соат давомида ўтказилди. Ушбу технология беморнинг тез соғайиши, асоратлар хавфининг камайиши ва реабилитация муддатининг қисқаришини таъминлайди.

📝 Namangantoday

➡️ Обуна бўлинг ➡️https://www.tg-me.com/namangantoday

Наманганда IV Халқаро асал фестивали бўлиб ўтади

24–26-октябр кунлари Наманган шаҳридаги «Афсоналар водийси» боғида IV Халқаро асал фестивали ўтказилади.

Унда 10 дан ортиқ хорижий давлат ва барча вилоятлардан асаларичилар қатнашади.

Фестивал доирасида асал ярмаркаси, илмий-амалий конференсиялар, B2B учрашувлар, ош чемпионати, мода кўргазмалари ва маданий дастурлар бўлиб ўтади.

📝 Namangantoday

➡️ Обуна бўлинг ➡️https://www.tg-me.com/namangantoday

Давлат комиссияси баёнига кўра, магистратурага тасдиқланган қабул параметрлари доирасида базавий тўлов-контракт асосида талаба сифатида тавсия этилган ва таҳсил олаётган хотин-қизларнинг 2025/2026-ўқув йили учун контракт тўловини Давлат бюджети ҳисобидан қоплаб бериш бўйича ариза топшириш муддати 2025 йил 30 сентябрга қадар узайтирилди.

📝 Namangantoday

➡️ Обуна бўлинг ➡️https://www.tg-me.com/namangantoday

Наманганлик академик Аҳмадали Асқаров «Буюк хизматлари учун» ордени билан тақдирланди

Президент Шавкат Мирзиёев фармонига биноан, Тошкент давлат педагогика университети профессори, академик Аҳмадали Асқаров «Буюк хизматлари учун» ордени билан мукофотланди.

📝 Namangantoday

➡️ Обуна бўлинг ➡️https://www.tg-me.com/namangantoday