Травматология ва ортопедия соҳасида янги йўналишлар муҳокама этилади.

Жорий йилнинг 24–25 октябрь кунлари Наманган шаҳрида “Травматология ва ортопедия муаммоларини ҳал қилишда янги йўналишлар” мавзусидаги йирик халқаро конференция бўлиб ўтади.

Мазкур анжуман Соғлиқни сақлаш вазирлиги ҳамда Республика ихтисослаштирилган травматология ва ортопедия илмий-амалий тиббиёт маркази томонидан ташкил этилмоқда.

Тадбирда мамлакатимиз шифокорлари билан бир қаторда Россия, АҚШ, Туркия, Корея Республикаси, Ҳиндистон, Беларусь ва Қозоғистон каби давлатлардан 170 дан ортиқ делегатлар, шу жумладан 40 нафар етакчи олим ва жарроҳлар иштирок этиши кутилмоқда.

Анжуман доирасида соҳа олдида турган долзарб масалалар юзасидан илмий фикр алмашилади, халқаро ҳамкорликни ривожлантириш ва илмий янгиликларни амалиётга жорий этишга қаратилган ташаббус ва таклифлар илгари сурилади.

Ҳаж-2026 ҳожилари тиббий кўриклардан ўтмасдан ва тегишли гувоҳнома олмасдан ҳаж визасини расмийлаштира олмайдилар.

Эндиликда қуйидаги касалликларга чалинган зиёратчилар ҳаж сафарига юборилмайди:

диализ талаб қиладиган буйрак етишмовчилиги;
минимал жисмоний юкламада ҳам намоён бўлувчи юрак етишмовчилиги;

даврий ёки доимий равишда кислороддан фойдаланишни талаб қилувчи ўпканинг сурункали касалликлари;

жигар етишмовчилиги белгилари билан кечувчи жигар циррозининг оғир босқичи;

оғир руҳий ва неврологик бузилишлар;

қарилик деменсияси касалликлари;

ҳомиладорликнинг охирги уч ойи, шунингдек, юқори хавфга эга бўлган ҳар қандай ҳомиладорлик;

фаол юқумли касалликлар (шу жумладан, силнинг очиқ шакли, геморрагик иситмалар ва ҳоказо);

кимётерапия ёки бошқа иммунитетни сусайтирувчи муолажалар давомида кечаётган фаол онкологик касалликлар.