Uychi tumanida targ‘ibot ishlari izchil davom etmoqda

Tuman hududida yo‘l harakati ishtirokchilarining, xususan, velosiped haydovchilarining xavfsizligini ta’minlash maqsadida profilaktik chora-tadbirlar tizimli ravishda olib borilmoqda. Navbatdagi tadbir davomida 60 dan ortiq velosipedchi ogohlantirilib, ularga yo‘l harakati qoidalariga amal qilish bo‘yicha tushuntirishlar berildi.

Shuningdek, tungi vaqtda ko‘rinish darajasini oshirish, turli noxush holatlarning oldini olish maqsadida nur qaytaruvchi nimchalar tarqatildi. Mahalla ko‘chalarida yuruvchi velosipedchilarning xavfsizligini ta’minlashga qaratilgan bu kabi tadbirlar barcha hududlarda davom etmoqda.

Targ‘ibot ishlarining asosiy maqsadi fuqarolarning hayoti va sog‘lig‘ini asrash, yo‘l harakati madaniyatini oshirishdir.

Namangan viloyati IIB YHXB Axborot xizmati

AYoQSH rahbar-ishchilari bilan yigʻilish oʻtkazildi

Namangan viloyati IIB JXX YHXB hamda Hududgaz Namangan gaz ta’minoti filiali rahbariyati tomonidan Avtomobillarga yoqilgʻi quyish shohobchalari rahbar-ishchilari ishtirokida Oʻzbekiston Respublikasi Prezidentining 1-son Qarori ijrosini ta’minlash maqsadida yigʻilish tashkil etildi.
Unda shohobchalarni kuzatuv kameralari bilan toʻliq jihozlash, gaz toʻldirish vaqtida texnika xavfsizligi qoidalariga qat’iy amal qilish boʻyicha ogohlantirishlar berildi.
Yigʻilish ishtirokchilari tomonidan ham mavzuga doir fikr-takliflar bildirilib, yoʻllarda tartibli harakatni ta’minlashda, YTHlarni oldini olishda hamkorlikda ishlashga kelishib olindi.

Namangan viloyati IIB YHXB Axborot xizmati