⚡️Kambagʻal oila farzandlari:

➖ maktabdagi uzaytirilgan kun guruhlari uchun toʻlovdan ozod qilinadi;
➖ aʼlo bahoga oʻqiganlar oromgohlarda bepul dam olishi mumkin boʻladi;
➖ kambagʻal oiladan chiqqan aʼlochi talaba-qizlarga bazaviy stipendiyaning 2 baravari miqdorida maxsus stipendiya toʻlanadi.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Professional ta’lim xizmatlariga litsenziya olish uchun talablar

O‘zbekistonda professional ta’lim muassasasi (texnikum, kollej, kasb-hunar maktabi) tashkil etish istagidagilar uchun quyidagi mezonlar belgilangan:

🔹 Moliyaviy ta’minot – kamida 25 ming AQSh dollari miqdorida bank hisobida mablag‘ bo‘lishi;
🔹 Axborot-resurs bazasi – kamida 30 ta kompyuterli elektron kutubxona, zamonaviy axborot markazi, fanlarga mos o‘quv adabiyotlar;
🔹 Kadrlar sifati – malaka darajalari bo‘yicha belgilangan ustozlar ulushi: oliy ma’lumotli, birinchi toifa, etakchi va bosh o‘qituvchilar;
🔹 Xorijiy til o‘qituvchilari – C1 yoki unga tenglashtirilgan sertifikatga ega bo‘lishi;
🔹 Tashkiliy infratuzilma – kutubxona, oshxona, sport zali, stadion, yotoqxona, texnika xonalari, xavfsizlik va sanitariya me’yorlariga mos bino va hudud;
🔹 IT talablar – kompyuterlarning 75% internetga ulangan, 10 Mbit/s dan kam bo‘lmasligi, hududning 50% Wi-Fi zonali bo‘lishi.

📄 Ushbu hujjat professional ta’lim yo‘nalishida faoliyat boshlamoqchi bo‘lganlar uchun muhim yo‘l xaritasi bo‘lib xizmat qiladi.

📎 Fayl: PDFni ko‘rish

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Nodavlat OTMlarni litsenziyalash va nazorat qilish bilan shugʻullanuvchi mustaqil tashkilot tuziladi

Prezident Shavkat Mirziyoyev 30-aprel kuni nodavlat ta’lim xizmatlari tizimini takomillashtirish, oliy va kasbiy ta’limda sifatni oshirish chora-tadbirlari taqdimoti bilan tanishdi.

So‘nggi yillarda ta’lim sohasida xususiy sektorga berilgan imkoniyatlar tufayli 71 ta xususiy oliygoh va 51 ta xususiy texnikum tashkil etilib, ularda 500 ming nafarga yaqin talaba va o‘quvchilar tahsil olmoqda.

Nodavlat ta’lim tashkilotlarida qabul parametrlari, ta’lim dasturlari, o‘quv jarayonlari hamda ilmiy salohiyatni sifat jihatidan yaxshilash, ularni zamonaviy mehnat bozori ehtiyojlariga moslashtirish eng asosiy masalalardan biridir.

Bu borada ilg‘or xorijiy tajribalar asosida ikki bosqichli litsenziyalash tizimiga o‘tish, ta’lim dasturlarini maxsus akkreditatsiyadan o‘tkazish hamda har besh yilda kompleks davlat akkreditatsiyasini tashkil etish bo‘yicha takliflar bildirildi.

Shuningdek, taqdimotda rivojlangan davlatlarning eng ilg‘or tajribasidan kelib chiqqan holda, ta’lim sifatini tashqi baholash bilan shug‘ullanuvchi alohida mustaqil tuzilma tashkil etish hamda sifat nazoratining shaffof, xolis va adolatli tizimini joriy qilish tashabbusi ham ilgari surildi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

#Qabul2025 #Kvota

⚡️Texnikumlarga qabul parametrlari tasdiqlandi

Oliy ta’lim, fan va innovatsiyalar vazirining buyrug‘i bilan 2025/2026 o‘quv yilida 599 ta texnikumga 370 ta kasb va mutaxassislik bo‘yicha kunduzgi, kechki, sirtqi va dual ta’lim shakllarida jami 311 009 ta qabul kvotasi tasdiqlandi. Shundan:

➖ davlat granti asosida — 205 729 ta;
➖ to‘lov-kontrakt asosida — 105 280 ta.

Shu bilan birga, xalqaro ta’lim dasturlari joriy etilishi belgilangan 14 ta texnikumga jami 1680 nafar o‘quvchini davlat granti asosida o‘qishga qabul qilish belgilandi.

Qabul parametrlarida 9-sinf bitiruvchilari uchun 515 ta texnikumga jami 139 245 ta kvota (to‘liq davlat granti), 11-sinf bitiruvchilari uchun esa 549 ta texnikumga jami 171 764 ta kvota (shundan 66 484 ta grant) ajratilgan.

Qabul kvotalarini yuklab olish:

👉 9-sinf kunduzgi va dual taʻlim shakllari uchun;
👉 Kunduzgi ta’lim shakli uchun;
👉 Sirtqi ta’lim shakli uchun;
👉 Kechki ta’lim shakli uchun;
👉 Dual ta'lim shakli uchun.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Sirtqi ta’lim tizimi zamonaviy talablarga javob bermaydi — Qo‘ng‘irotboy Sharipov

Oliy ta’lim, fan va innovatsiyalar vaziri Qo‘ng‘irotboy Sharipov sirtqi ta’lim tizimi hozirgi kundagi talablarga javob bermasligini ma’lum qildi.

“Dunyoda boshqa yondashuvlar — masofaviy, uzaytirilgan ta’lim qo‘llanilmoqda. Ya’ni talaba dasturni to‘rt yilda emas, balki besh-olti yilda, o‘zi uchun qulay bo‘lgan sur’atda, fanlar va o‘qish yillarini tanlagan holda o‘tashi mumkin”, — dedi vazir.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Nodavlat oliy ta'limga litsenziya berish tartibi qayta ko‘rib chiqiladi

Nodavlat oliy va kasbiy taʼlim muassassalari ikki bosqichli litsenziyalash tizimiga oʻtadi.

Taʼlim dasturlari maxsus akkreditatsiyadan oʻtkaziladi hamda har besh yilda kompleks davlat akkreditatsiyasi tashkil etiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Bugundan xotin-qizlarga OTMga kirish uchun imtiyozli tavsiyanomalar beriladi!

Endi 5 yildan ortiq ish tajribasiga ega, lekin oliy ma’lumoti yo‘q xotin-qizlar tavsiyanoma asosida davlat OTMlariga kontrakt asosida o‘qishga kira olishadi.

Bu qanday ishlaydi?
Qonunchilikka ko‘ra, agar siz:
- O‘rta yoki o‘rta-maxsus ma’lumotga ega bo‘lsangiz,
- OTMda hech qachon o‘qimagan bo‘lsangiz,
- Soha bo‘yicha kamida 5 yil ish tajribangiz bo‘lsangiz 500 nafar ayol uchun ajratilgan alohida kvota doirasida o‘qishga kirish imkoniga egasiz.

Tavsiyanoma olish uchun qayerga murojaat qilinadi?
- https://xotin-qizlar.uz/ sayti orqali
yoki
- Doimiy yashash manzilingizdagi tuman/shahar Oila va xotin-qizlar bo‘limlariga murojaat qilasiz.

Kerakli hujjatlar:
– Pasport yoki ID karta nusxasi
– Mehnat daftarchasi (yoki elektron ko‘chirma)
– O‘rta yoki o‘rta-maxsus ta’lim diplomi

Muhim!
Tavsiyanoma olganlar ham kirish imtihonida qatnashishadi, lekin ular alohida 500 ta kvota uchun kurashishadi.

Hujjatlarni topshirishdan oldin quyidagilarni tekshirib oling:
– Ish staji: my.mehnat.uz (YMMT)
– Diplom: diplom.edu.uz

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

Shubhali raqamlar joyida tekshirildi.

Bitiruvchilarimizning 90 foizi ish bilan ta’minlangan deb bong urgan oliygohga bordik. Rostini aytganda, bunday raqamlar ko‘pincha shubha uyg‘otadi. Shuning uchun o‘z ko‘zimiz bilan ko‘rishga qaror qildik.

Manzil – Navoiy innovatsiyalar universiteti.

Universitet hayoti, o‘quv sharoitlari, axborot-resurs markazi – hammasi chiroyli, zamonaviy, qulay. Lekin biz bu uchun bormadik. Chunki bu kabi sharoitlar ko‘pchilik nodavlat oliygohlarda bor.

Bizni qiziqtirgan asosiy masala – ish bilan ta’minlash edi. Va bu borada ularning natijasi — haqiqatan qoyilmaqom.

90% bitiruvchilar ish bilan ta’minlangan. Qolgan 10% esa o‘z xohishlariga ko‘ra magistraturada yoki boshqa mutaxassislikda tahsilni davom ettiryapti. Ya’ni, rasmiy statistika deyarli 100%.

Bu hali hammasi emas.
Oliygohda yuqori (4-5) kurs talabalarini ishga joylashtirish bo‘yicha ham tizimli ishlar olib borilmoqda. Maxsus reyestr yuritiladi, real monitoring qilinadi. Hozirda bu ko‘rsatkich 76% ga yetgan. Ular bu raqamni o‘quv yili oxirigacha 90–95% ga yetkazamiz, deya va’da bermoqda.

Qisqasi, bu safar gap raqamlarda emas, amalda edi. Biz ko‘rdik. Siz ham videoda ko‘rishingiz mumkin.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

Биз ўзимизга нимани раво кўрсак, сизларга ҳам шуни раво кўрамиз.

Телеграмда сифатли контент топиш сомон ичида игна излашдек мушкул. Биз эса сиз учун бу ишни осонлаштирдик — энг сара блогларни жамладик!

Бир-бирини такрорламайдиган, хабарлари билан чарчатмайдиган ва фойдали маълумот берувчи блоглар рўйхати сиз учун тайёр.

Биз энг яхшиларини сизга илиндик — сиз эса яқинларингизга улашинг!👇👇👇

👉 https://www.tg-me.com/addlist/uavg5tjM_vJiYzgy 👈

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Hindistonlik talaba Toshkent tibbiyot akademiyasidan norozi boʻldi.

Ijtimoiy tarmoqlarda Toshkent tibbiyot akademiyasida oʻqiyotgan hindistonlik 1-kurs talabasi taʼlim sifati pastligi va sharoitlar yetarli emasligi, shuningdek, dekan soqol haqida gapirib tinch qoʻymasligi boʻyicha post yozib qoldirganligi haqida xabar tarqaldi.

Uning soʻzlariga koʻra, tibbiyotga oid fanlardan koʻra ingliz tili darslari koʻproq oʻtiladi:

“Ular bizni 4 soatlik ingliz tili darsiga majburlashadi, xuddi biz bu yerga alifbo va grammatika oʻrgangani kelgandek. Anatomiya 20 daqiqa dars xolos. Baʼzida darslar oxirgi daqiqada bekor qilinadi”, — deb yozgan u. (#)

Bugun Ovropa xalqi osmonga uchar ekan, bizda soch va soqol nizolari...

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Sirtqisi tugatilgan pedagogik yo'nalishlarning masofaviy shakliga ham qabul mumkin emas

Xabaringiz bor, 2025-yil 28-aprel kuni qabul qilingan PF-73-sonli prezident farmoniga ko'ra, pedagogik ta'lim yo'nalishlari uchun yangi o'quv yilidan sirtqi ta'lim tugatildi.

Endilikda ushbu yo'nalishlar uchun faqatgina kunduzgi va kechki ta'lim shakllariga abituriyentlar qabul qilinib, nafaqat sirtqi balkim masofaviy ta'lim shakliga ham qabul qilinishga yo'l qo'yilmaydi.

Pedagogik yo'nalishlarga masofaviy ta'lim shakli bo'yicha litsenziya olgan nodavlat oliygohlar yangi farmon asosida qabul jarayonlarini tashkil etadilar, masofaviy ta'lim shakliga esa abituriyentlarni qabul qila olmaydilar.

Ya'ni endi yuqoridagi yo'nalishlar bo'yicha faqat kunduzgi va kechki ta'lim shakllariga bo'yicha qabul jarayonlarini amalga oshirishlari mumkin.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Ta'lim krediti haqida muhim ma'lumotlar

1. Imtiyozli taʼlim krediti xotin-qizlarga foizsiz, yigitlarga markaziy bankning asosiy stavkasiga (14%) ko'ra ajratiladi.

2. Ta'lim krediti O'zbekiston Respublikasi hududida faoliyat olib borayotgan davlat va nodavlat OTM talabalari uchun ajratiladi.

3. Ta'lim krediti faqat kunduzgi ta’lim shakli talabalari uchun ajratiladi.

4. Joriy yildan Ikkinchi kursdan yuqori talabalarning baholari past boʻlgan (oʻrtacha “3”dan past) taqdirda taʼlim krediti koʻpi bilan toʻlov shartnomaning 80 foizi miqdorida ajratiladi.

5. Ta'lim krediti Markaziy bankning asosiy stavkasi pasaysa, kredit foizi ham pasayadi. Agar asosiy stavka ko‘tarilsa, unda kredit foizi o‘zgarmaydi (yaʼni ko‘tarilmaydi).

6. Ta'lim kreditini har yili olish mumkin.

7. “Superkontrakt” asosida oʻqishga qabul qilingan talabalarga imtiyozli taʼlim krediti ajratilmaydi.

8. Imtiyozli taʼlim krediti rasmiy oʻqish tugagandan keyin 7-oydan boshlab 7 yil muddatga ajratiladi. Masalan talaba 1-kurs boʻlsa, 11 yil 7 oy ichida kreditni toʻlashi mumkin.

9. “Ijtimoiy himoya yagona reyestri”ga kirgan oilalarning farzandlariga ajratiladigan taʼlim krediti boʻyicha garov va kafillik talab etilmaydi

10. 2024/2025 oʻquv yilidan boshlab taʼlim krediti olish uchun arizalarni “Taʼlim krediti” axborot tizimi (talim-krediti.mf.uz) va my.gov.uz orqali topshirish mumkin boʻladi.

11. Imtiyozli ta'lim krediti haqida eng so'nggi ma'lumotlarni @nodavlattalim sahifasidan topishingiz mumkin.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️O'tgan hafta davomida eng ko'p izoh qoldirib faol bo'lgan obunachilar rag'batlantirildi

Xabaringiz bor, "Nodavlat oliy ta'lim muassasalari" telegram kanalidagi postlar muhokamasida faol bo'lgan yoshlar har hafta rag'batlantirilishini e'lon qilgan edik. Har yakshanba kuni haftada davomida faol bo'lgan obunachilarimizni statistika yordamida aniqlab moddiy rag'batlantirilmoqda.

1-hafta: https://www.tg-me.com/nodavlattalim/2829&comment=696060
2-hafta: https://www.tg-me.com/nodavlattalim/2856&comment=707621
3-hafta: https://www.tg-me.com/nodavlattalim/2884&comment=726378

Siz ham izohlarda faol bo'ling! Keyingisi siz bo'lishingiz mumkin!

❌ Telba-teskari yozilgan izohlar hisobga olinmaydi.
✅ Faqat kanaldagi post izohlariga yozilgan koment hisoblanadi.
😀 Eng ko'p kontakt qo'shgan obunachilar ham g'olib deb topiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️1-maydan Yangi O'zbekistonda qanday o'zgarishlar bo'ldi?

● Elektr energiyasining bazaviy tarifi 33% oshdi;
● Tabiiy gaz narxi 54% ko'tarildi;
● Avtomobillar uchun metan narxi 21% ga oshdi;
● Taksi narxlari ham oshdi;
● Propan narxi 15% ga ko'tarildi;
● Jismoniy shaxslar xorijdan olib kiradigan tovar bo'yicha cheklov va yangi narxlar kiritildi;
● Elektrmobillar uchun utilizatsiya 4 barobarga qimmatlashdi;
● Gibrid avtomashinalar uchun ekologik boj joriy qilindi;
● Oziq-ovqat narxlari ko'tarildi;
● Inflatsiya ko'rsatkichi oshgan;
● Aviachiptalar narxi 74% ga oshib ketdi;
● Xalqaro aviaqatnovlar esa 12% gacha qimmatlashdi;
■ Oylik maoshlar esa o'rtacha 300$ ni tashkil etmoqda.

👨‍🎓 Ta'lim sohasida qanday o'zgarishlar sodir bo'ldi (bo'lmoqda)

● Xususiy oliygohlarga yangi talablar qo'yilmoqda;
● Kontraktlar narxi oshish ehtimoli mavjud;
● Stipendiya miqdori oshirilmaydi;
● Kredit (to'lov) tizimi joriy qilindi;
● Grant faqat bir yillik bo'ldi;
● Keyingi yil grant olish uchun bir qancha talablar qo'yildi;
● Sirtqi ta'lim tugatildi;
● Bepul kollejlar tugatilib, pullik texnikumga aylantirildi;
● Baholarga qarab beriladigan stipendiyalar bekor qilinib, ozroq summadagi faqat a'lochilar uchun stipendiya joriy qilindi;
● Darslar soati qisqarib, tadbir soni oshib bormoqda va h.k.

Yashash qiyinlashib borayotgan shunday bir vaqtda ijtimoiy tarmoqlarda behuda vaqt o'tkazmay, kuchli bo'lib yashab qolishga majbursiz.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

#Qabul2025

— Bakalavriat ta’lim yo‘nalishlariga qabul (5-iyundan 25-iyunga qadar)
👉 my.uzbmb.uz

— Magistratura mutaxassisliklariga qabul (1-yuldan 30-iyulga qadar)
👉 magistr.edu.uz

— Ikkinchi mutaxassislikka qabul (10-iyuldan 10-avgustga qadar)
👉 my.edu.uz

— O‘qishni ko‘chirish (15-iyuldan 5-avgustga qadar)
👉 transfer.edu.uz — davlat OTMning biridan boshqasiga;
👉 my.uzbmb.uz — xorijiy mamlakatlarda yoki respublikada faoliyat yuritayotgan xorijiy va nodavlat OTMdan davlat OTMlariga.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

Endi orzular xorijda emas, o‘z yurtimizda ushaladi!

Bu yil nodavlat oliy ta’lim muassasalari hayotida tarixiy bosqich kuzatilmoqda — abituriyentlar va talabalar uchun keng ko‘lamli grant dasturlari estafetasi boshlab yuborildi.

Mazkur tashabbus, avvalo, sog‘lom raqobat muhitini shakllantirib, nodavlat oliygohlarda ta’lim sifati va samaradorligini oshirishga xizmat qilmoqda. Eng quvonarlisi — bu grant loyihalari yoshlarning xorijga chiqmasdan, aynan o‘z yurtida zamonaviy va sifatli ta’lim olish imkoniyatini kengaytirmoqda.

Nodavlat oliygohlar bugun bemalol davlat oliy ta’lim muassasalari bilan sog‘lom va shaffof raqobatlashmoqda. Hatto ayrim yo‘nalishlarda ta’lim samaradorligi bo‘yicha ustunlikni ko‘rsatmoqda.

Jumladan, so‘nggi yillarda Prezidentimizning tashabbuslari bilan yoshlarning ta’limga qamrovi kengayib, tadbirkorlik va xizmat ko‘rsatish sohalarida keng imkoniyatlar yaratildi.

O‘zbekiston yoshlari umumjahon assotsiatsiyasining Qirg‘izistondagi vakili Boburmirzo Abdusamadov

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️15-maydan boshlab "Work and travel" dasturida qatnashish uchun ssuda (qarz) ajratiladi

Bu bo‘yicha Vazirlar Mahkamasining qarori qabul qilindi.

❓Ssuda kimlarga beriladi?

➖ 16 yoshga to‘lgan va 30 yoshdan oshmagan;
➖ O‘zbekistondagi oliy ta’lim tashkilotining kunduzgi, kechki (smenali) yoki sirtqi (maxsus sirtqi) ta’lim shakli bo‘yicha tahsil olayotgan (bitiruvchi kurs talabalari bundan mustasno) O‘zbekiston fuqarolari;
➖ O‘zbekistonda doimiy yashovchi fuqaroligi bo‘lmagan jismoniy shaxslar.

❓Necha kishiga va qancha miqdorda ssuda ajratiladi?

Har yili 2 ming nafargacha talaba yoshlarga bazaviy hisoblash miqdorining 40 baravari (15 mln so‘m) miqdorida ssuda ajratiladi.

Mablag‘lar talabalar tomonidan dasturda ishtirok etish uchun borish va kelish aviachiptasi sotib olishga ishlatiladi.

❓Ssuda olish uchun ariza qanday yuboriladi?

Ssuda ajratish haqidagi arizalar Davlat xizmatlari markazi yoki Yagona interaktiv davlat xizmatlari portali (my.gov.uz) orqali qabul qilinadi.

❓Ssuda qancha muddatda qaytariladi?

Talaba yoshlar ajratilgan ssudani ishlash va sayohat qilish huquqini tasdiqlovchi vizada qayd etilgan xorijiy davlatda bo‘lishning so‘nggi sanasidan boshlab 1 oy muddatda Yoshlar ishlari agentligiga to‘liq qaytarish majburiyatini oladi.

👍👍👍👍👍👍

🇺🇿 @nodavlattalim — nodavlat oliy ta’lim muassasalari haqida rasmiy xabarlar!