اللهُمَّ أصلِحني كَما أصلحتَ
الصَّالِحينَ مِن قبلي.

"وأَصلِح لِي شَأنِي كُله."

‏{وَلا تُطِع مَن أَغفَلنا قَلبَهُ عَن ذِكرِنا وَاتَّبَعَ هَواهُ وَكانَ أَمرُهُ فُرُطًا}

كل مانركز في مشاعر الحب نحس انها حاجه غريبة و كيف ممكن انسان يود انسان تاني بكمية المشاعر هادي من غير سبب .. كيف شخص زيك زيه يشغل بالك بشكل يخليك حتى الاكل تستصعبه لو غايب و نفسه الاكل ممكن يفرحك لو هو موجود .. كيف الانسان يحب انسان لدرجة يبيه قبله في الباهي و يكون وراه في المواقف الاخي و يتحمل ياخدها مكانه .. كيف انسان يحب انسان لدرجة يودله دعواته اللي في صلاته اللي بينه و بين ربي و في اكتر اللحظات خلوه و خشوع ! كيف يتفكره ؟ كيف انسان يحب انسان لدرجة مش مهم عنده غير انه يكون سعيد و فرحان و مرتاح مهما كلفه من جهد و تعب و تضحية و معاناه ...

الحب اثمن حاجه في وقتنا الحالي و اثمن هدية ممكن تقدمها لشخص و اغلى حاجه ممكن تعطيهالك الدنيا و تحس انها راضيه عليك هي انها تقدملك شخص يحبك .

اللهم أصلح حالنا وحال بلادنا إلى أحسن حال ، اللهم ابعد عنّا الفتن ماظهر منها ومابطن ، اللهم ردّنا إليك ردّا جميلاً

اللَّهُم ألِّف بين قلوبِنـا وأصلِح ذات بينِنَـا ، اللَّهُم أَحفِظ بِلادنـا من كل فِتنة وسوء واجمع كلِمتنـا على الحق والهُدى يـا خير الجـامِعين

نسأل الله السلامة للجميع 🩵

بعد وقت طويل عرفت ان اللي يحبك حايحبك كيف ما أنت .. باللي فيك بتفاصيلك اللي انت ماتحبهاش .. حايحب انك متعقد من شي معين و يبدا يداري فيك عليه .. و حايحب صوتك مع انك تكرها .. و حايلمعوا عيونه مع كلامك اللي تحاول تستفه على خاطره .. و حايحب نوع اكلك و يحب يديرلك قهوتك مع انه مايشربش فيها .. حايحب يركز معاك بشكل حلو هلبا و يشوف فيك احلى حاجه في دنيا مع انك مش واثق في روحك .. يعبيك من عنده طاقة تحس روحك معاه خفيف هلبا و طاير .. يسايرك في مشوارك الطويل و يدعمك في مشروعك اللي تخططله قبل ماترقد و يتخايل معاك شن ماتتمنى .. حايفرق بين صوتك وانت فرحان و انت نعسان و انت رايق و انت زعلان .. حايفرق امتى اليوم كان حلو و امتى اليوم ماكانش كيف ماتبي .. حايوقضك لو حس بأن صحابك مش كويسين و حايفيقك لما تغلط مع حد و حايوعيك لما تميل بيك لجيها مش كويسه ليك .. حايكون حنين هلبا في تفاصيل ماتتوقعهاش من كتر ماهي صغيره .. حاتعرف ان الحب يبان مايحتاجش انك ادوره فيه ولا انك تبررله ولا انك ادير شي حايبان اللي يحبك من كلمة يقولها حقيقية حاتوصلك مهما كذبوه الناس .

مانعرفش كيف مافيش حاجه قادرة تغيبك من بالي .. رغم زحمة و الناس رغم ان وقتي معبي .. انت بس في بالي

الحمدلله يارب على كل تعويض عوضتهولنا و على كل شي خسرناه و جانا خير منه .. الحمدلله يارب

انت ديما .. ود العين و حد الغاية ♥️

"‏هو نوعي المفضل، وهذا الأمر يورطني به أكثر" .

المَرء ينال بـ دُعاء أخيه ما لا يدركه بـ دُعائه لـ نفسه.♥️

-

"كان موت والدي نهاية عاطفتي الجيّاشة، بكيتُ كثيرًا ذاك اليوم حتّى نسيتُ بعدها كيف أبكي، ولكنني حتّى هذا اليوم إذا شعرتُ برغبة ملحّة للبكاء أتذكّر أنّ والدي قد مات!"

يا رب اجمعني بيه في جنات النعيم

و تقابل في الاخير شخص اكتر من اللي انت تحلم بيه و اكتر من اللي انت تمنيته .. حايعوضك ربي على كل اللي فات بشخص الدنيا معاه جديدة ♥️

العاطفة خداعة ..
و كل ما زاد حبك زاد تبريرك و زادوا تضحياتك و زاد تجميلك للأمور ..

الانسان لما يحب حايشوف كل شي صح و عادي و يتحمل و يتأقلم اللي عمره ماتحمله .. حاتبرر كمية اخطاء و حاتسامح على كمية اغلاط ماتعدهاش ..

الانسان لما يحب يشوف المش كويس ولد ناس و قلة الاصل ظروف .. الانسان لما يحب مش حايشوف للحقيقة مهما كانت واضحة ..

و زي مايقولوا " المكان اللي تأمن فيه خاف منه " و عمرك ماتسلم نفسك و قيمك و عقلك و اعرف ديما ان الشخص الصح مش محتاج لتغير ولا لتوضيح ولا لتبرير.

ماتقدمش مليون خطوة و ماتجريش مع شخص يتمشى .. الحياة و العلاقات و الناس خطوة بخطوة .. سرعتك و اندفاعك حايصدمك .. مهما شخص حاول و قدم حاتلقاه بعيد .

أخاف أن يأخذ الله مني نعمة غفلت عن شكرها، الحمدلله على كل النعم التي لا ثناء يوفيها

حَسْبنا اللَّهُ سَيُؤْتينا اللَّهُ مِنْ فَضْلِه إِنَّا إلَى اللَّهِ رَاغِبُونَ

مش ديما تندم على الغلط ..
مرات تندم على الصح اللي اديره لشخص غلط

"تظهر مروءة الإنسان عند افتراق الطرق، وعند الخلاف، وعند انتهاء أسباب الوصال، وعند انقطاع المودة؛ فتجد ذو المعدن الأصيل يحمي ظهر صاحبه الغائب، ويصون سره، ويحدّد رقعة الخلاف فلا تتجاوزه إلى أمور أخرى، ويتسامى عن الدنيا، ولا يدرك هذه المعاني إلا النبلاء حقاً."

كان أحدهم كلما مر ببلاء يقول:

مالكٌ يتصرفُ في أملاكهِ، حكيمٌ لا يفعلُ شيئاً عبثاً.

"ما رأيت شيئًا إلا ورأيت اللَّه قبله، وبعده، ومعه، وفيه."

— عليّ بن أبي طالب.