Наманганда чақалоқни қўлида ушлаб машина ҳайдаган аёл жаримага тортилибди

Наманганда бир аёл ҳайдовчи қўлида чақалоқни кўтариб, шу билан бирга телефонда видео олиб, машина ҳайдаган. Бунинг устига, олд ўриндиқда яна учта боласи ҳам бўлган. Бу ҳолат акс этган видео ижтимоий тармоқларда тарқалгандан кейин, ички ишлар ходимлари ҳайдовчини топишган ва у билан суҳбат ўтказишган. Шунингдек, аёлга қонунга мувофиқ маъмурий жарима қўлланган.

Бу ҳолатни мен масалан она меҳри деб оқлолмайман. Чунки бундай хатти-ҳаракат нафақат унинг, балки фарзандларининг ҳам ҳаётини хавф остига қўяди. Бир неча сонияли видео ёки лайк учун йўл қоидаларини бузиш эса беэътиборлик эмас, ижтимоий масъулиятсизлик ҳам менимча.

Масалан, АҚШ ёки Европада болани кўтариб ёки махсус ўриндиқсиз машина ҳайдаганларга бола хавфсизлигини бузиш айби билан катта жаримадан тортиб, ҳайдовчилик гувоҳномасидан маҳрум қилишгача турли жазолар қўлланаркан.

Бизда ҳозирча асосан маъмурий жазо, жарима ва огоҳлантириш билан чекланиляпти. Лекин бу камлик қилади. Чунки бу шунчаки қонунбузарликмас, балки болалар ҳаётига таҳдид қилиш дегани. Шунақа ҳолатларни ҳамиша қоралеман ва налатлеман. Бундай қилманглар илтимос, болалар бахтли ва хавфсиз яшасин. Айниқса, ўз ота-онасининг бағрида бўлганида.

🌟@nurbekalimov

Сирдарё вилоятида уч йил давомида фарзандлари учун алимент тўлашдан қочиб юрган мол эркак молхонадан топилибди.

Маълум бўлишича, у икки нафар фарзанди учун жами 63 миллион сўм алимент тўламай юрган. Қидирув ишлари натижасида у Навоий вилоятининг Хатирчи туманидаги молхоналардан бирида қўлга олинган.

Суд томонидан қарздорликни узоқ вақт тўламай юргани сабабли унга 15 сутка қамоқ жазоси тайинланди.

Эркаклар орасида алиментдан қочиш ёки уни хитрлик йўллари билан камроқ тўлаш каби ишларни "эркаклик" деб биладиган турлари ҳам учрайди афсуски. Бундай одамлар шу ишлари билан аслида хақиқий эркакликка зид ишлар қилишаётганини англашмайди.

🌟@nurbekalimov

Россиядаги фуқаролар уруши очарчилиги билан таниш бўлган рус-америкалик социолог Питирим Сорокин очарчилик пайтида одамларнинг хатти-ҳаракатларини кузатиб, очлик ҳисси энг кучли тақиқлардан ҳам устун келиши мумкинлигини ва баъзиларни ҳатто "энг юқори даражадаги антиижтимоий ҳаракатлар"ни содир этишга мажбур қилишини аниқлаган.

Бу гапларнинг исботини эса биз жуда кўп кўрганмиз. Ленинград қамали, Анд тоғларида ҳалокатга учраган Уругвайлик спортчи талабалар кейси в.ҳ.к

Бу воқеалар шундан далолат берадики, очлик фақат жисмоний азоб эмас — у инсон онги ва ахлоқ чегараларини синовдан ўтказувчи ҳолатдир. Одатда муқаддас саналган қадриятлар, маънавий меъёрлар ва ҳатто инсонийликнинг ўзи ҳам ҳаёт учун кураш олдида абсолют шубҳа остига қўйилади.

Сорокин айтганидек, “очлик жамиятни ўз ичидаги энг чуқур ва қоронғу нуқталари билан юзлаштиради.”

Бу эса бизга бир нарсани эслатади: тош ёмғирдек ёғилган тарихий фожиалар ортида ҳамиша инсоннинг энг заиф нуқтаси бўлмиш тирик қолиш инстинкти ётади.

🌟@nurbekalimov

Ўзбекистонда илк Лукойл станциялари очилганда уларга бензин ва дизель ёқилғиси Россиядаги "ЛУКОЙЛ" компаниясининг нефтни қайта ишлаш заводларидан етказиб берилади деган баёнот берилганди. 1. 2.

Бугун АҚШ санкцияларига тушган Лукойл ва Роснефтнинг 33 та шўба корхоналарининг номлари билан қуйида танишиш мумкин.

1) ООО "Лукойл Пермь";
2) ООО "Лукойл-Аик";
3) ООО "Лукойл-Калининградморнефть";
4) ООО "Лукойл-Западная Сибирь";
5) ООО "РИТЭК";
6) ООО "Уралойл";
7) АО "Куйбышевский НПЗ"
8) АО "Сибнефтегаз";
9) ООО "Башнефть-Добыча";
10) АО "Ванкорнефть";
11) АО "Востсибнефтегаз";
12) ОАО "Грознефтегаз";
13) АО "Роспан Интернешнл";
14) АО "РНПК";
15) АО "Самаранефтегаз";
16) ООО "Харампурнефтегаз";
17) ООО "Башнефть-Полюс";
18) ООО "Кынско-Часельское Нефтегаз";
19) ООО "РН-Пурнефтегаз";
20) ООО "Туапсинский НПЗ";
21) ООО "РН-Краснодарнефтегаз";
22) АО "Ачинский НПЗ ВНК";
23) АО "Новокуйбышевский НПЗ";
24) АО "Оренбургнефть";
25) АО "Самотлорнефтегаз";
26) АО "Сызранский НПЗ";
27) АО "ВЧНГ";
28) ПАО "Саратовский НПЗ";
29) ПАО "Удмуртнефть" им. Кудинова;
30) ООО "РН-Комсомольский НПЗ";
31) АО "РН-Няганьнефтегаз";
32) ООО "РН-Уватнефтегаз";
33) ООО "РН-Юганскнефтегаз";
34) ООО "Таас-Юрях Нефтегазодобыча".

Энди харидлар бошқа манбалардан (масалан, маҳаллий қайта ишлаш корхоналаридан ёки учинчи мамлакатлардан) амалга оширилиш ҳақида хозирча маълумотлар йўқ.

Агар яна қандайдир "уддабурон" схемалар ишлаб чиқилмаса, энди бизга ҳам ушбу санкциялар таъсир қила бошлашини вақт масаласи деб ўйлайман.

Ҳа айтганча, ўша пайтда яъни бундан 7 йил олдин Лукойлда 95 бензинни нарҳи 7500 сўм бўлган экан. Хозир шу 13500 сўм🙃 Яна қимматлашса керак. Схемалар учун расход кўпаяди ахир.

🌟@nurbekalimov

Ҳамма билади: авваллари ҳажга боришни ният қилган одам ҳужжат йиғиб, навбат кутганича чарчарди. Кимдир маҳалла рўйхатидан йўқолиб қолган, кимдир ҳужжати «тўлиқ эмас» деган баҳоналардан безор бўлган. Орзусини йиллаб орқага сурганлар ҳам бўлган.

Энди эса ҳаммасини унутишимиз мумкин. «Ҳаж ва Умра» ягона портали ишга тушди. Энди зиёратга ёзилиш учун уйдан чиқишнинг ўзи ҳам шарт эмас — телефон ёки ноутбукнинг ўзи кифоя.

haj-umra.gov.uz портали орқали онлайн навбатга ёзиласиз, аризангизни 24 соат ичида юборишингиз мумкин. Навбатингиз келганда эса, шунчаки телефонга хабар келади. Қоғозбозлик йўқ, сарсонгарчилик йўқ, «Навбатинг қани?» деган савол ҳам йўқ. Ҳаммаси шаффоф ва тизимли.

Энг муҳими, барчаси инсон учун яратилган. Порталда видеоқўлланмалар, тез-тез бериладиган саволлар, қонунчилик ҳужжатлари ва тавсиялар бор.

Саволингиз бўлса, колл марказ ҳам ишлаяпти: 77 882-18-58 ёки 99 882-18-58. Энди орзу қилаётган зиёратингиз учун бир неча дақиқа кифоя, холос.

🌟@nurbekalimov

Телеграмда "Хo'jayin" номли аноним канал бор эди. Турли инсайд маълумотлар бериб борарди. Шу канал нимагадир ухлапти. Охирги марта "3 та хусусий банк бирлаши ОАВ очишибди. Реклама шартномалари орқали молиялашмоқда деган" деган постлар қўйганди ва шундан кейин каналга хужумлар бўлаётганини ёзганди.

Шу йилнинг август ойида Телеграм асосчиси Павел Дуров мессенжер фойдаланувчиларини шантаж ва товламачиликка дуч келган ҳолларда ўзи ёки жамоасига мурожаат қилишга чақирган эди. Telegram асосчиси юзлаб шикоятлар тушганини, улар асосида кўплаб каналлар ўчирилишини маълум қилганди.

Балки шу ёки бошқа сабаблар билан ушбу канал ҳам ухлаган бўлиши мумкин.

🌟@nurbekalimov

Иоганна Шмидт — концлагер қурбони бўлган жажжи қизалоқ

Цыган миллатидан бўлган Иоганна Шмидт 1937 йил ноябрь ойида Германиянинг Лейпциг шаҳрида дунёга келган. У софдил, болалик орзулари билан яшаши керак бўлган бир гўдак эди. Лекин нацизм сиёсатининг шафқатсиз “ирқий тозалаш” ғояси бунга йўл бермади.

1943 йил баҳорида, атиги олти ёшида, Иоганна “цыганлар лагери” деб аталган махсус бўлимга, Освенцим (Аушвиц) концлагерига жўнатилади. У ерда ром (цыган) аҳолиси “Z” ҳарфи билан белгиланган серияда рақамланарди. Қизалоққа “Z-1509” рақами берилади. Энди у одам эмас, рақам деб ҳисобланарди.

Освенцимда Иоганна ва бошқа минглаб болалар уруш ва ирқчилик қурбони бўладилар. Нацист “даҳшатли табиб” сифатида тарихда қолган доктор Йозеф Менгеле болалар устида инсонпарварликка зид тиббий тажрибалар ўтказарди. У ирқларнинг “фарқи”ни ўрганиш баҳонасида болаларда турли операциялар, инфекциялар ва совуққа чидам синовларини ўтказган.

Иоганна Шмидт ҳам шундай “тажрибалар” қурбони бўлди. Унинг ҳаёти 1943 йил 9 июнь куни, атиги олти ёшлигида, Освенцимда тугади. Ҳеч қандай жиноят қилмаган, фақат рома халқидан бўлгани учун ўлимга маҳкум этилган бу бола қирғин давридаги минглаб бегуноҳ қурбонлардан бири эди.

🌟@nurbekalimov

Олмалиқ шаҳрида жойлашган нодавлат спорт клубининг мураббийси томонидан икки нафар болага нисбатан жисмоний куч ишлатилгани акс этган видеолавҳа ижтимоий тармоқларда кенг муҳокамаларга сабаб бўлганди.

Мени энг ҳайрон қолдиргани жамоатчилик иккига бўлингани бўлди. Бу одамни ишлари ва методларини ерга ётволиб оқлайдиганлар ҳам учради афсуски...

Мазкур ҳолат тегишли мутахассислар томонидан ўрганилиб, ўз тасдиғини топибди.

Шаҳар ички ишлар бўлимини мураббийнинг ноқонуний ҳаракатларига нисбатан қонуний чора кўриш топширилган.

Шунингдек, фарзандларини жазолашни мураббийдан илтимос қилган болаларнинг ота-оналари маъмурий жавобгарликка тортилиши белгиланган.

Комиссия йиғилишида мураббий С.Мирзавалиев қилган ҳаракатидан пушаймон эканини билдириб, кенг жамоатчиликдан узр сўрашини маълум қилган.

Энг ёмон кўрган аргументларимдан бири: "Мана бизам машнақа бўганмиз, калтак еб катта бўганмиз ўлмадик\одам бўлдик\ итд." Агар бирорта психоаналитик шунақа дейдиган одамларни қалбини очиб кўрса, қалб шкафидан жуда кўп скелетлар чиқиши аниқ.

🌟@nurbekalimov

Ўзбекистон аҳолиси 38 миллиондан ошди, лекин оилаларда ажримлар кўпайишдан тўхтамаяпти

Миллий статистика қўмитасига кўра, 1 октябрь ҳолатига Ўзбекистон аҳолиси 38 миллион 69,1 минг нафарга етибди. Бундан 49,6 фоизи аёллар (18,9 млн), 50,4 фоизи эркаклар (19,1 млн). Шунингдек, ҳисобот даврида 177 мингта никоҳ қайд этилган бўлса, 35,4 мингта никоҳ бекор қилинган.

Айтилишича, 2025 йил бошидан бери 32 мингга яқин оила ажрашган, 16 минг ота-она эса алимент тўламай юрибди. Айрим ҳолатларда эса ота-оналар фарзандларини кредит ёки қарзлар билан ташлаб кетиш ҳолатлари ҳам учраётгани қайд этилган.

Аҳоли сони кўпайиши албатта мамлакат ривожланаётганини ҳам билдиради, лекин соғлом ва мустаҳкам оилаларсиз бу ўсиш барқарор бўлмайди. Ажрашишлар сони ортаётгани болаларнинг моддий ва руҳий аҳволига таъсир қилаётгани ҳам жуда катта, жиддий муаммо.

Никоҳ шартномаси деган гап бор билсанглар. Бу масалага кўпчилик шубҳа ёки ғазаб билан қарайди. Лекин бу ишончсизликмас, балки масъулиятни аниқ белгилаш усули деб ўйлайман мен. Ривожланган давлатларда аллақачон никоҳ шартномаси оилавий барқарорликни таъминлайдиган факторлардан бири деб қабул қилинади. Бизнинг жамиятда ҳам бу борада соғлом муносабат шакллантириш керак.

🌟@nurbekalimov

Эсингизда бўлса наркотик модда таъсирида ЙПХ ходимидан қочиб, кўплаб машиналарни уриб кетган йигит ва қизни видеоси чиққанди. Шуларга ҳукм ўқилибди

Йигит 5 йил 6 ой қамағда. Қиз эса 4 йил кечпайт уйида ухлайди.

Мени дойим ҳайрон қолдирадиган нарсалардан бири шунақа кўплаб ходисаларни иштирокчиси асосан қора Жентрада бўлади. Водийдан Тошкентга келишдаги постда ҳам дойим ГАИ акалар асосан қора Жентраларни тўсиб, машинасини тафтиш қилишади. Бирар марта ўша ерда оддий оқ машинани тўхтаб турганини шахсан мен кўрмаганман. Машина ранги одамни ичига урвормаса керак жа... Балки ичи машинага урворар.

Хуллас қизлар леопард принтли кийим кийманглар, йигитлар қора Жентра минманглар.

🌟@nurbekalimov

“Ўзбекистон почтаси”га 26 млрд сўм қўшимча солиқ белгиланибди. Ташкилот буни “ноқонуний” деб атаган

Менга шахсан машнақа давлатни ўзини ташкилотлари ичидаги судлашувлар ёқади. Чўнтагимиз, томиримиз биру деб юрормасдан ўз манфаатлари учун судлашиш керак тинмей😁

Мақолада айтилишича, “Ўзбекистон почтаси” АЖ унга Йирик солиқ тўловчилар бўйича ҳудудлараро солиқ инспекцияси томонидан қўйилаётган 26 миллиард сўмлик қўшимча қиймат солиғи сабаб катта йўқотишга учраши мумкин. Ташкилот бош ҳисобчисининг тахминига кўра, бу маблағ ҚҚС сифатида тўланса ташкилот ишчилари камида уч ой маошсиз қолади, ташкилот техникалари эса ёнилғисиз қолиб, иш тўхтайди. (Ўзимдан: Почтадаги опалар янада қўполроқ муносабатда бўла бошлайди мижозларга, хозиргидан ортиғини тасаввур қилишам қийин ўзи)

Мен ўйлайманки, бу яна ўша гапга, яъни почтани кимгадир сотворишга қаратилган шахмат партиясидаги навбатдаги юрувлардан бири бўлса керак. Яна билмадим, кузатаверайликчи.

🌟@nurbekalimov

Ўзбекистонлик ҳайдовчилар БААга ишга жўнатилиши мумкин

БААдаги такси корхонаси ўзбекистонлик малакали ҳайдовчиларни БААда қонуний равишда ишга олишни кўриб чиқмоқда экан.

Дастлабки босқичда корхонамизга 200га яқин Ўзбекистон фуқароларини такси ҳайдовчиси сифатида ишга жалб қилиш учун имкониятимиз бор. Агар уларнинг меҳнат самарадорлиги юқори бўлса, яна қўшимча равишда 500 га яқин ўзбекистонлик такси ҳайдовчиларини ишга жалб қилиш мумкин"
– депти "Dubai Taxi Company PJSC" корхонаси раҳбари Сайид Амин Абдулраҳман.

Мен бу хабардан жуда хурсанд бўлдим. Бошида. Кейин ўйланиб қолдим...

🌟@nurbekalimov

Қорақалпоғистонда 75 миллион йиллик динозавр суяклари топилди

Қорақалпоғистонда жуда қизиқ ва илмий жиҳатдан катта аҳамиятга эга топилма — тахминан 75 миллион йил аввал яшаган динозаврнинг тошқотган суяклари топилди. Айтишларича, у Султон Увайс тоғ тизмаларидаги Хўжакўл ҳудудида геологик қидирув ишлари давомида аниқланган. 3 метр чуқурликдаги суяклар бўр даврида яшаган йирик динозаврга тегишли бўлиши мумкин. Топилмалар орасида умуртқа, оёқ ва қовурға суяклари бор.

Бунақа топилмалар Ўзбекистон ва умуман минтақанинг геологик ва палеонтологик тарихи, илмий салоҳиятини оширишда жуда керак.

Биласизми, дунёдаги кўп давлатларда айнан шундай динозавр излари топилганидан кейин палеонтологик туризм шаклланган. Шунингдек, топилмалар асосида маҳаллий музейлар ва экспозициялар яратилиб, ҳар йили минглаб сайёҳлар ташриф буюришади.

Туризм вазирлиги, сизларга текин лайфхак: "Ўзбекистон - динозаврлар юрти" деганга ўхшаш бирнарса пиарлар қилиб босворадиган ери. Демади деманглар.

🌟@nurbekalimov

Самарқандда хотинини тириклайин кўмган шахсга ҳукм ўқилди

Каттақўрғон туманида одамни ақлига сиғмас даражадаги шафқатсиз жиноят содир бўлди. Аввал ҳам уч марта судланган, 1995 йилда туғилган эркак 7 ойлик ҳомиладор хотинини тириклайин чуқурга кўмиб, устини автомобиль билан ёпиб қўйган.

Маълум бўлишича, эр-хотин орасида доимий жанжаллар бўлиб турган. 2021 йилда маст эр аввал хотинини урган, кейин унга белкурак бериб, 2 метрли чуқур қазишга мажбурлаган. Ҳомиладор аёл соатлаб азоб чекиб, чуқур қазиган. Кейин эр уни чуқурга тириклайин кўмиб, устини Жигули машинаси билан ёпган.

Аёл уч кун овқат ва сувсиз қолиб, ҳушини йўқотган. Шундаям тирик қолган аёлни эр яна уриб таҳқирлаган. Кейин ўз итини пичоқлаб, “сениям шундай аҳволга соламан” деб қўрқитган.

Суд уни Жиноят кодексининг 138-моддаси 2-қисми “а, б” бандлари ва 112-моддаси 1-қисми бўйича айбдор деб топиб, 3 йил 3 ой муддатга озодликдан маҳрум қилибди.

Бунақа разил жиноятни қилган кимса учун 3 йил 3 ой? Жуда кўп муддатмасми мабодо?! Бунчалик вахшийлик учун узоқ ва оғир жазо керак. Бу воқеа нафақат биздаги адолат ва қонуннинг номутаносиблиги, балки жамиятнинг зўравонликка тоқатсизлик даражаси ҳақида ҳам ўйлантириб қўйди мени.

🌟@nurbekalimov

Бугун тонги пиёда юрув пайтида бир одам билан паралель келиб қолдим. Истамасамда у телефонда гапираётган гапларини эшитдим.

"Узр досм, тўйга айтолмадим, ўғилчани уйладик. Қонун чиқибди, кўпчиликни айталмадик. Одамлар кўчада қопкетмасин дедик..." Ўтиб кетдим мен. Қулоғим ҳам ўзим билан бирга кетди.

Так вот, аслида маши тўйларни ихчамлаштириш қонуни одамларни ўзигаям жуда керак. Нега мингта одам айтмадинг деса айбни давлатга тўнкаб хижолатчиликдан қутулиш инструменти. Давлатга жинам урмайди. Одамлар эса хижолатчиликдан қутулади. Так вижу.

🌟@nurbekalimov

Телефонга уч килолик ғилоф?

АҚШлик Логан Айви ўзини телефондан “ҳимоя қилишнинг” ўзига хос усулини топибди. У смартфони учун деярли 3 кг оғирликдаги чехол яратди. Унинг айтишича, энди телефонни қўлга олишнинг ўзи машаққат бўлгани учун кун давомида экранга қараш соати икки соатга камайган.

Айви аввалига телефонни гантелга скотч билан ёпиштириб қўйган, кейин эса 3D-принтерда металл пластиналар ва винтлар билан ҳарбий рацияга ўхшайдиган чехол ясаган.

Унинг сўзларига кўра, бунда қулайлик йўқ, лекин натижа бор. Энди телефонни қўлга олишнинг ўзига ҳам эринчоқлик пайдо бўлади. Логан энди бу “прокрастинацияга қарши чехол”ни оммавий ишлаб чиқариш учун Kickstarter’га ариза берибди.

Тўғрисини айтсам, жуда оригинал ва кулгили ғоя. Бир тарафдан, йигитча ўзининг муаммосини шунақа кескин усул билан ҳал қиляпти. Лекин иккинчи тарафдан, бу ҳолат ҳозирги одамларнинг экранга қай даражада боғланиб қолганини ҳам кўрсатади.

Сенга буни фойдаси йўқ. Качоклашиб кетганинг қолади))

🌟@nurbekalimov