“Yosh biokimyogarlar” klubining navbatdagi seminari o‘tkazildi

⏺O‘zbekiston Milliy universiteti Biologiya va ekologiya fakultetida “Yosh biokimyogarlar” klubining navbatdagi yig‘ilishi seminar shaklida tashkil etildi. Tadbir “Bakteriya genomlarini sekvenslash va yig‘ish” mavzusiga bag‘ishlandi.

⏺Seminarda Biologiya va ekologiya fakulteti Botanika va genetika kafedrasi dotsenti, biologiya fanlari nomzodi Iskandar Yoqubov ma’ruza bilan ishtirok etdi. Unda fakultetning professor-o‘qituvchilari, tayanch doktorantlar, magistrantlar hamda bakalavr bosqichi talabalari qatnashdi.

⏺Ma’ruzada bakteriya genomlarini o‘rganishda qo‘llanilayotgan zamonaviy sekvenslash texnologiyalari, genomni yig‘ish (assembly) jarayonining bioinformatik asoslari hamda ushbu usullarning ilmiy va amaliy ahamiyati haqida batafsil ma’lumot berildi.

⏺Shuningdek, bakteriyalarning genetik tuzilishini tahlil qilish orqali antibiotiklarga chidamlilik mexanizmlarini aniqlash, yangi biotexnologik mahsulotlar yaratish, metabolik jarayonlarni modellashtirish kabi yo‘nalishlarda olib borilayotgan tadqiqotlar xususida ham fikr yuritildi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#DavlatTili #21Oktyabr

Talabalar turar joylarida o‘zbek tili bayrami munosabati bilan tadbir tashkil etilmoqda

⏺21-oktabr — O‘zbek tiliga davlat tili maqomi berilgan kun munosabati bilan O‘zbekiston Milliy universiteti Tarix fakulteti talabalari yashovchi qarashli 6-sonli talabalar turar joyida “Til – millat ko‘zgusi” mavzusida bayram tadbiri tashkil etildi.

⏺Tadbirni universitet birinchi prorektori Jabbor Muhammadiyev ochib, barcha professor-o‘qituvchilar hamda talaba-yoshlarni ushbu sharafli sana bilan samimiy tabrikladi. U o‘z chiqishida davlat tilining milliy o‘zlik va ma’naviyatni yuksaltirishdagi o‘rni hamda yoshlar zimmasidagi ulkan mas’uliyat haqida ta’kidlab o‘tdi.

⏺So‘ngra Tarix fakulteti dekani Alisher Muminov o‘zbek tilining kelib chiqishi, rivojlanish tarixi, davlat tili maqomi berilish jarayonidagi murakkabliklar hamda bugungi kunda til siyosatini takomillashtirishga qaratilgan islohotlar haqida so‘z yuritdi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#TurizmFestivali #ArnasoyJilosi

"Arnasoy jilosi": O‘zMU talabalari tomonidan Jizzaxda turizm festivali o‘tkazildi

⏺O‘zbekiston Milliy universiteti Geografiya va geoaxborot tizimlari fakulteti iqtidorli talabalari tomonidan Jizzax viloyatining Arnasoy tumanida “Arnasoy jilosi” nomli talaba-yoshlar turizm festivali tashkil etishdi. Sayohat va madaniy-ma’rifiy tadbirlarni o‘zida jamlagan ushbu festivalda universitetda tahsil oluvchi xorijlik talabalar ham faol ishtirok etdi.

⏺Festival doirasida turli madaniy dasturlar — kuy-qo‘shiqlar, milliy raqslar, mushoira bahslari, shuningdek, “Zakovat” intellektual o‘yini va tabiat qo‘ynida tashkil etilgan ochiq dars mashg‘ulotlari o‘tkazildi.

⏺Mazkur tashrif mahalliy va xorijiy talabalar uchun O‘zbekistonning go‘zal maskanlaridan biri — Arnasoy tumani bilan bevosita tanishish, shu orqali madaniy va ilmiy almashinuv tajribasini boyitish imkoniyatini ham taqdim etdi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin