#XalqaroAnjuman

O‘zMU huzuridagi Yarimo‘tkazgichlar fizikasi va mikroelektronika ilmiy-tadqiqot institutida xalqaro konferensiya ish boshladi

⏺“Materialshunoslik va muhandislik” 13-xalqaro konferensiyasi O‘zbekiston Milliy universiteti hamda Coalesce Research Group xalqaro tashkiloti hamkorligida 2025-yil 22–24-oktyabr kunlari o‘tkazilishi rejalashtirilgan.

⏺Anjumanni O‘zbekiston Milliy universiteti rektori Inom Madjidov ochib berdi. Unda 50 dan ortiq xorijiy mamlakat vakillari ishtirok etib, materialshunoslik va muhandislik yo‘nalishlarida nazariy hamda amaliy muammolar, zamonaviy texnologiyalar va istiqbolli yo‘nalishlar muhokama qilinmoqda.

⏺Ilmiy hamkorlikni kengaytirish va yosh olimlarni qo‘llab-quvvatlashdagi faol ishtiroki uchun O‘zbekiston Milliy universiteti rektori Inom Madjidov hamda institut direktori Sharifa Utamuradova Coalesce Research Group tomonidan taqdirlandi.

Konferensiyaning yakuniy kunida ishtirokchilar O‘zbekiston Fanlar akademiyasi Materialshunoslik institutidagi Katta Quyosh Pechiga tashrif buyurib, ilg‘or materiallar bo‘yicha olib borilayotgan tadqiqotlar bilan tanishadilar.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

⚖️👨‍💻👩‍💻💬

Ilmiy meros va zamonaviy ijtimoiy muammolar: G‘aniyeva Ma’rifat Habibovna ilmiy maktabi doirasidagi mulohazalar

⏺2025-yil 22-oktyabr kuni O‘zbekiston Milliy universiteti Ijtimoiy fanlar fakulteti Ijtimoiy ish kafedrasi tashabbusi bilan “G‘aniyeva Ma’rifat Habibovnaning ilmiy maktabini rivojlantirish konsepsiyasi” mavzusida respublika ilmiy-amaliy konferensiyasi bo‘lib o‘tdi.

⏺Anjuman O‘zbekiston Respublikasi Prezidenti huzuridagi Ijtimoiy himoya milliy agentligi, Hamjamiyatlarni mustahkamlash va ijtimoiy farovonlikni rivojlantirish markazi, Itimoiy fikr – jamoatchilik fikrini o‘rganish markazi, O‘zbekiston nogironlar assoatsiyasi va “Yuksalish” harakati hamkorligida tashkil etildi.

⏺Tadbir yakunida ilmiy maktabni rivojlantirish bo‘yicha amaliy tavsiyalar ishlab chiqildi va ijtimoiy soha mutaxassislarini tayyorlashda yangi yondashuvlarni joriy etish zarurligi ta’kidlandi.


Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

O‘zMUda “Jaholatga qarshi – ma’rifat bilan kurash!” mavzusida ma’rifiy uchrashuv bo‘lib o‘tdi

🇺🇿 O‘zbekiston Milliy universiteti Tarix fakultetida yoshlar ongida mafkuraviy immunitetni mustahkamlash, ularni yot g‘oyalar ta’siridan asrash maqsadida “Jaholatga qarshi – ma’rifat bilan kurash!” mavzusida ma’rifiy uchrashuv tashkil etildi.

🔺Uchrashuvda universitet rahbariyati, yoshlar masalalari bilan shug‘ullanuvchi mas’ullar, professor-o‘qituvchilar, talaba-yoshlar hamda Din ishlari bo‘yicha qo‘mita vakillari ishtirok etdi.

🔺Tadbirda O‘zbekiston Milliy universiteti rektor maslahatchisi Jahongir Jabborov, Din ishlari bo'yicha qoʻmita mutaxassisi Jahongir Meliqo'ziyev talaba-yoshlar o‘rtasida ijtimoiy-ma’naviy muhit barqarorligini ta’minlash, ularni milliy va umuminsoniy qadriyatlarga sadoqat ruhida tarbiyalash borasida ma’ruza bilan chiqish qildi.

🔺Uchrashuv davomida talabalarning savollariga javob berildi hamda ma’naviy-ma’rifiy ishlarni yanada kuchaytirish bo‘yicha tavsiyalar berildi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin