.........نصــوص .............
على مائدةِ الخمـــر ،
التقي بالملائـكــــه ،
لأطمئنَّ على مكاني في الجنة .
\\\\\\\\\\\\\\\\\\\\\\\\\\\\\\\\
يكفي أنني وُلدتُ عارياً
لن اتعــرًى للمــوت .
سأدفنُ نفسي أنيقــاً ...
دون علْمِ احـــد.
\\\\\\\\\\\\\\\\\\\\\\\\\\\\\\\\
حتى الآن ،
لا اعرفُ مابعد الموت جيداً .
سأبقى على قيد الحياة ،
حتى يتضحَ المشهد ....
\\\\\\\\\\\\\\\\\\\\\\\\\\\\\\\
#عبدالكريم_القصاب
على مائدةِ الخمـــر ،
التقي بالملائـكــــه ،
لأطمئنَّ على مكاني في الجنة .
\\\\\\\\\\\\\\\\\\\\\\\\\\\\\\\\
يكفي أنني وُلدتُ عارياً
لن اتعــرًى للمــوت .
سأدفنُ نفسي أنيقــاً ...
دون علْمِ احـــد.
\\\\\\\\\\\\\\\\\\\\\\\\\\\\\\\\
حتى الآن ،
لا اعرفُ مابعد الموت جيداً .
سأبقى على قيد الحياة ،
حتى يتضحَ المشهد ....
\\\\\\\\\\\\\\\\\\\\\\\\\\\\\\\
#عبدالكريم_القصاب
*** هلالين مشمش ***
آه ، يل كَلبك مغوّش .
كلّش ولا جنّك آنت .
هايم هناك بسراب وجوه ....
ذاك الصوب ،
يل مايك يعطّش .
ناسي كلّش .
من جذب ما سيّست لي ...
بظهر موجة ماي شمعه .
يا غواش آشطلع بينا ؟
وشلكَيت بصوبنا وكَلبك جفل ...
والخوف ما خلّاك ترمش ؟
كلّش ولا جنّك آنت !
كَبل ما تعبر لكَيتك ،
شفتك تحاجيني سكته ،
وآسمع عيونك تكَلّي ...
لا تعاين لي ...
ضوه عيونك يخرمش .
وغذضتها لخاطرك حدما مشيت ،
وآعبرت من غير صفنه ،
بس جنت كلّش مريّش .
ما خذك واهس لذاك الصوب ...
تلعب شاطي باطي .
جنّك زغيرون باهش .
شلون يحلالك آتفرّع وانا مامش ؟
وغير آصابيعي بعناكَيدك تكمكش ؟
وانا لي بنفنوفك شجم ورده بيضه ...
وغصن من بستان روحي ...
وجم فراشه ...
وعلى شفافك ...
طابع هلالين مشمش ؟
آه يل مايك يعطّش .
ما مشيت آويا الهوى باليرضي ألله .
وانا من طعمك آشرايد ؟
آنا من طعمك ...
طلبتي آشواي كلّش .
مالي بعثوكَك طمع ...
بس ردتك آبيض .
لكن آنت ، آه منك .
آه يل كلّك مغوّش .
#عبدالكريم_القصاب
آه ، يل كَلبك مغوّش .
كلّش ولا جنّك آنت .
هايم هناك بسراب وجوه ....
ذاك الصوب ،
يل مايك يعطّش .
ناسي كلّش .
من جذب ما سيّست لي ...
بظهر موجة ماي شمعه .
يا غواش آشطلع بينا ؟
وشلكَيت بصوبنا وكَلبك جفل ...
والخوف ما خلّاك ترمش ؟
كلّش ولا جنّك آنت !
كَبل ما تعبر لكَيتك ،
شفتك تحاجيني سكته ،
وآسمع عيونك تكَلّي ...
لا تعاين لي ...
ضوه عيونك يخرمش .
وغذضتها لخاطرك حدما مشيت ،
وآعبرت من غير صفنه ،
بس جنت كلّش مريّش .
ما خذك واهس لذاك الصوب ...
تلعب شاطي باطي .
جنّك زغيرون باهش .
شلون يحلالك آتفرّع وانا مامش ؟
وغير آصابيعي بعناكَيدك تكمكش ؟
وانا لي بنفنوفك شجم ورده بيضه ...
وغصن من بستان روحي ...
وجم فراشه ...
وعلى شفافك ...
طابع هلالين مشمش ؟
آه يل مايك يعطّش .
ما مشيت آويا الهوى باليرضي ألله .
وانا من طعمك آشرايد ؟
آنا من طعمك ...
طلبتي آشواي كلّش .
مالي بعثوكَك طمع ...
بس ردتك آبيض .
لكن آنت ، آه منك .
آه يل كلّك مغوّش .
#عبدالكريم_القصاب
**** فراشة ***
من سواليفك الترفه ...
مرّه ودّيلي فراشه ،
هناك تاخذني ضوه ....
لموعد قديم ،
جان بيْه كَلبي أمير .
هناك يم ضحكة حرير .
هناك يم جرف العسل .
هناك يم خمر البشاشه .
مرّه ودّيلي فراشه ،
جلمه بيها يذوب ثلج الما دفه ...
آمن سنين ....
ظل بارد فراشه .
#عبدالكريم_القصاب
من سواليفك الترفه ...
مرّه ودّيلي فراشه ،
هناك تاخذني ضوه ....
لموعد قديم ،
جان بيْه كَلبي أمير .
هناك يم ضحكة حرير .
هناك يم جرف العسل .
هناك يم خمر البشاشه .
مرّه ودّيلي فراشه ،
جلمه بيها يذوب ثلج الما دفه ...
آمن سنين ....
ظل بارد فراشه .
#عبدالكريم_القصاب
* كل شي ، بس لا ..... *
اي يشاطي الروح ،
يل كلّك عذب ،
حتى خباطك ،
حتى ذنبك .
تزعل آنت ، أزعل آنا ،
مايهم .
كل شي يزعل على كل شي ،
آنا آحبك .
كل شي ، بس لا ....
كَلبي يزعل على كَلبك .
خاف ما أدري وآكَلك ،
ما أحبك .
#عبدالكريم_القصاب
اي يشاطي الروح ،
يل كلّك عذب ،
حتى خباطك ،
حتى ذنبك .
تزعل آنت ، أزعل آنا ،
مايهم .
كل شي يزعل على كل شي ،
آنا آحبك .
كل شي ، بس لا ....
كَلبي يزعل على كَلبك .
خاف ما أدري وآكَلك ،
ما أحبك .
#عبدالكريم_القصاب
كون أدري بيك من عشيات تطفه ،
جان عاشرت الكَمر ، ما عاشريتك ،
وجان آكظ آرويحتي البيها آشتريتك ...
وآخدر آوياها على بساط الضوه .
أسكر بكاس النعاس ،
وآكَعد بزقزقة عصفور آعلى باب الله ،
ولا شباج بيتك .
أنت يل مدري شني اليلعب بكَلبك وآشتهيتك ،
كون أدري بيك من عشيات تطفه ،
جان من أول صبح بارد نسيتك .
جان من أول جرس بارد نسيتك .
#عبدالكريم_القصاب
جان عاشرت الكَمر ، ما عاشريتك ،
وجان آكظ آرويحتي البيها آشتريتك ...
وآخدر آوياها على بساط الضوه .
أسكر بكاس النعاس ،
وآكَعد بزقزقة عصفور آعلى باب الله ،
ولا شباج بيتك .
أنت يل مدري شني اليلعب بكَلبك وآشتهيتك ،
كون أدري بيك من عشيات تطفه ،
جان من أول صبح بارد نسيتك .
جان من أول جرس بارد نسيتك .
#عبدالكريم_القصاب
.................. وينــــك آنـــــت ؟................
يا آحبيب وينــك انــت ؟ اشــكَد بعيد اللـــــــه ولحّـد ؟
وينك آنت ؟ آشها المســافة ؟ اشطولها يحلــيو يغــيد
كَــاعـــــــد آكَبالـي وأحـــس بـيـنـاتـنا مــيلين وآزود
وك تدنّـــه ومـــد آديــك وخذني ليك ولا يظــل حــد
اعصر اجفوفي بحرارة شــوك ،عض شفتك ، تنهـّـد
ضمني لحضانك، لصدرك . شدني بذراع العشك شد
ابماي حسنك خل يذوبـني الخـــدر والــروح تــصعد
بوسني لكَطع النفس ،حتى آمــن آمـــوتن ، بيك أشهد
با زغير الحلك ، يل من زغـره جـن من يحجي ينسد
يابو صـوت الدافي والكَذلـه الحـــرير ورصعة الخــد
عـوّدتني آعليك والمحـــــروم مـــو مـــثل المعـــــوّد
عـوّدتني آعليك ، شيصـبّر ابنـــــادم لــــو تعـــــــوّد ؟
آه يا لون الشعر ويْ لــــون وجــــهك ، أحلى مشهد
الســــواد آيحلّي آلآبيض والبــياض آيحلي الآســـود
عيني يل طولـــك حــــرير الشـام ، بالسوك آيتفرهد
عيني يل زنــدك آوســـادة ريــش ، خـيعونـه التوسّد
عيني يمكحّل آمــن الله ، بغـير كحلــه ، بغـير مـرود
لا تغطي آعيونــك آبجــف الخجل ، لا عيني ترمـــد
من تفك اعيونــك آدفـه ومـــن تغمْض اعيونــك آبـرد
يا غـزل كاشان ، كل عـــــام اليمــر لونــه آيتجـــــدّد
مـن جنوني بيك ، أغــار بلا سبب وآشـــتعل موكَــــد
وداعتك مــــا عندي غيـرك . عينك آعلى آلمالـه أحّـد
#عبدالكريم_القصاب
يا آحبيب وينــك انــت ؟ اشــكَد بعيد اللـــــــه ولحّـد ؟
وينك آنت ؟ آشها المســافة ؟ اشطولها يحلــيو يغــيد
كَــاعـــــــد آكَبالـي وأحـــس بـيـنـاتـنا مــيلين وآزود
وك تدنّـــه ومـــد آديــك وخذني ليك ولا يظــل حــد
اعصر اجفوفي بحرارة شــوك ،عض شفتك ، تنهـّـد
ضمني لحضانك، لصدرك . شدني بذراع العشك شد
ابماي حسنك خل يذوبـني الخـــدر والــروح تــصعد
بوسني لكَطع النفس ،حتى آمــن آمـــوتن ، بيك أشهد
با زغير الحلك ، يل من زغـره جـن من يحجي ينسد
يابو صـوت الدافي والكَذلـه الحـــرير ورصعة الخــد
عـوّدتني آعليك والمحـــــروم مـــو مـــثل المعـــــوّد
عـوّدتني آعليك ، شيصـبّر ابنـــــادم لــــو تعـــــــوّد ؟
آه يا لون الشعر ويْ لــــون وجــــهك ، أحلى مشهد
الســــواد آيحلّي آلآبيض والبــياض آيحلي الآســـود
عيني يل طولـــك حــــرير الشـام ، بالسوك آيتفرهد
عيني يل زنــدك آوســـادة ريــش ، خـيعونـه التوسّد
عيني يمكحّل آمــن الله ، بغـير كحلــه ، بغـير مـرود
لا تغطي آعيونــك آبجــف الخجل ، لا عيني ترمـــد
من تفك اعيونــك آدفـه ومـــن تغمْض اعيونــك آبـرد
يا غـزل كاشان ، كل عـــــام اليمــر لونــه آيتجـــــدّد
مـن جنوني بيك ، أغــار بلا سبب وآشـــتعل موكَــــد
وداعتك مــــا عندي غيـرك . عينك آعلى آلمالـه أحّـد
#عبدالكريم_القصاب
**** أيام زمان ****
وين ودّتني صفنتي ،
ليا زمان ، ليا مكان .
يا لهفتي ....
وانا آشمّن ريحة الديره ...
الكَبل سبعين عام .
هناك ودّتني صفنتي .
للوجوه الجنها حضره ....
تلوذ بيها الناس .،
يعشكَها الحمام .
للكَلوب الصافيه مثل الزلال ،
المشرعه البوب للمكَطوع ...
وآتكَلّه تعال .
للمحبه وللتسامح ،
للحدر الفراش طايح .
للشناشيل العفيفه ....
ولشبابيج الخشب ...
والهوه البارد مال الآول .
للمحنّه تزيح كل هم ،
لخبزة آمي المن تبات ...
تصير أطعم .
هناك يم جيران شالوا مدري وين .
هناك يم كل مهره حرّه ...
وشرف كل بيت وبناته ،
يم المعتّب الجاراته خواته .
لسلة النيشان والمشيه ،...
وعروستنا جريبه .
جانت الديره زغيره ،
كَلوب آهاليها جبيره .
ازغيره لكن حلوه كلّش ،
بيها النْريده جريب .
الأخو والصاحب وبيت الحبيب ،
الجرف وآميْة آهلنه ،
وآحنا نتمزلك عرايا مطيّنين ،
الطين حنّه .
حتى ميّتنا جريب .
شكَد حلو الكلّش جريب !
بالأخص بيت الحبيب .
يا آهل الآول ،
احنا موش بحاله زينه .
مالت الدنيا بعدكم .
خبطت ولا كَلب صافي .
راح لله الكَلبه ناكَوط الحْبوب .
#عبدالكريم_القصاب
وين ودّتني صفنتي ،
ليا زمان ، ليا مكان .
يا لهفتي ....
وانا آشمّن ريحة الديره ...
الكَبل سبعين عام .
هناك ودّتني صفنتي .
للوجوه الجنها حضره ....
تلوذ بيها الناس .،
يعشكَها الحمام .
للكَلوب الصافيه مثل الزلال ،
المشرعه البوب للمكَطوع ...
وآتكَلّه تعال .
للمحبه وللتسامح ،
للحدر الفراش طايح .
للشناشيل العفيفه ....
ولشبابيج الخشب ...
والهوه البارد مال الآول .
للمحنّه تزيح كل هم ،
لخبزة آمي المن تبات ...
تصير أطعم .
هناك يم جيران شالوا مدري وين .
هناك يم كل مهره حرّه ...
وشرف كل بيت وبناته ،
يم المعتّب الجاراته خواته .
لسلة النيشان والمشيه ،...
وعروستنا جريبه .
جانت الديره زغيره ،
كَلوب آهاليها جبيره .
ازغيره لكن حلوه كلّش ،
بيها النْريده جريب .
الأخو والصاحب وبيت الحبيب ،
الجرف وآميْة آهلنه ،
وآحنا نتمزلك عرايا مطيّنين ،
الطين حنّه .
حتى ميّتنا جريب .
شكَد حلو الكلّش جريب !
بالأخص بيت الحبيب .
يا آهل الآول ،
احنا موش بحاله زينه .
مالت الدنيا بعدكم .
خبطت ولا كَلب صافي .
راح لله الكَلبه ناكَوط الحْبوب .
#عبدالكريم_القصاب
*** بساتين ***
يا آحبيّب ،
خاف نتلاكَه بعد طول الغياب ،
انسى موضوع العتاب ...
وياهو شاري وياهو بايع .
انسى كل شي ....
وموع بيدي بكل حلاتك ،
آنا آحب التين مايع .
موع ، ضيّعني آببساتينك ،...
يريت العمر ضايع .
يا آحبيّب ، بعد ما آوصيك ،...
موع بكل حلاتك .
آنا من سنين جايع .
#عبدالكريم_القصاب
يا آحبيّب ،
خاف نتلاكَه بعد طول الغياب ،
انسى موضوع العتاب ...
وياهو شاري وياهو بايع .
انسى كل شي ....
وموع بيدي بكل حلاتك ،
آنا آحب التين مايع .
موع ، ضيّعني آببساتينك ،...
يريت العمر ضايع .
يا آحبيّب ، بعد ما آوصيك ،...
موع بكل حلاتك .
آنا من سنين جايع .
#عبدالكريم_القصاب
أجي بلهفه ،
وآشوفك أترف آمن الروح
ابوسك وآفحط وأعرك
جن مخلوق من زيبك
عليك البوس يتمزلك
#عبدالكريم_القصاب
وآشوفك أترف آمن الروح
ابوسك وآفحط وأعرك
جن مخلوق من زيبك
عليك البوس يتمزلك
#عبدالكريم_القصاب
.............. مــوال الوحشــــة ...........
وين آلكاك ؟
يل حتى آبمرايا الطيف .....
ماتنشاف ، ماتنجاس ،
يل ماخذ الواهس والحلم وياك ،
يمذوّب آشموعي آبصفنة الوهواس ،
وين آلكاك ؟
كون آلكاك ،
ولو رشفة ندى مترب ،
وآكولن من تصح ، لاباس ،
ولو نسمة عطر جلمة .......
تهز بيه وتر حساس ،
ولو رعشه على اجفوفي ،
من روس الاصابع ، بالدمع تنباس .
وين آلكاك ؟
ياسبحة آسنيني آلمن أصابيعي ....
انفرطت مثل خيط الماي ،
يا كلبي الطلع دامع آمن اعيوني ......
آبجنح لحظه ،........
مثلما ينكظع ويضيع خيط آنعاس ،
يا واهس الغبشه ..........
ابروح عصفورة ندى .......
اتمشط آزلوف الياس .
عصفورة حدايق ، ماده الجنحين ..........
مرجوحة مرح بين الشجر والياس .
وين آلكاك ؟
كل شي بلا طعم ، لا سالفه آبلياك .
بعدك ماصدح صبح البلابل بالنفس ، .........
لافاخ مني الراس .
صفنه ولا هوه آيحرك غصن مياس .
دنيا بلا وجه ويّاي ،
دنيا آشفافها بوس آعلى ناس وناس ،
دنيا بلا طعم ، لا لون،
دنيا بلا ضــوه آبلياك ،
وحشة مكبره آبلياك ،
وين آلكاك ؟
كون آلكاك ،
كون آترد علي ، كون آيحصل ملكاك ،
جا ردّت الدنيا آوياك ،
جا ردّت عروس ، آثيابها آنا آوياك ،
جا دكّت آيامي الصافنات اجراس ،
جا مدّت الكمره آبساطها .....
وبات الكمر بالكاس .
كمره آتحل ضفايرها خمر فضي ،......
يركص الكاس والوحشه .......
وخصر دنياي والاحساس ،
ومراجيح الضوه ابعيني ،......
وعشب روحي ،
ويفوخ الراس .
كون آلكاك .
وين آلكاك ؟
#عبدالكريم_القصاب
وين آلكاك ؟
يل حتى آبمرايا الطيف .....
ماتنشاف ، ماتنجاس ،
يل ماخذ الواهس والحلم وياك ،
يمذوّب آشموعي آبصفنة الوهواس ،
وين آلكاك ؟
كون آلكاك ،
ولو رشفة ندى مترب ،
وآكولن من تصح ، لاباس ،
ولو نسمة عطر جلمة .......
تهز بيه وتر حساس ،
ولو رعشه على اجفوفي ،
من روس الاصابع ، بالدمع تنباس .
وين آلكاك ؟
ياسبحة آسنيني آلمن أصابيعي ....
انفرطت مثل خيط الماي ،
يا كلبي الطلع دامع آمن اعيوني ......
آبجنح لحظه ،........
مثلما ينكظع ويضيع خيط آنعاس ،
يا واهس الغبشه ..........
ابروح عصفورة ندى .......
اتمشط آزلوف الياس .
عصفورة حدايق ، ماده الجنحين ..........
مرجوحة مرح بين الشجر والياس .
وين آلكاك ؟
كل شي بلا طعم ، لا سالفه آبلياك .
بعدك ماصدح صبح البلابل بالنفس ، .........
لافاخ مني الراس .
صفنه ولا هوه آيحرك غصن مياس .
دنيا بلا وجه ويّاي ،
دنيا آشفافها بوس آعلى ناس وناس ،
دنيا بلا طعم ، لا لون،
دنيا بلا ضــوه آبلياك ،
وحشة مكبره آبلياك ،
وين آلكاك ؟
كون آلكاك ،
كون آترد علي ، كون آيحصل ملكاك ،
جا ردّت الدنيا آوياك ،
جا ردّت عروس ، آثيابها آنا آوياك ،
جا دكّت آيامي الصافنات اجراس ،
جا مدّت الكمره آبساطها .....
وبات الكمر بالكاس .
كمره آتحل ضفايرها خمر فضي ،......
يركص الكاس والوحشه .......
وخصر دنياي والاحساس ،
ومراجيح الضوه ابعيني ،......
وعشب روحي ،
ويفوخ الراس .
كون آلكاك .
وين آلكاك ؟
#عبدالكريم_القصاب
............نافورة بنفسج ...........
ليل صحره ،
وروحــي طيــرة بارح ......
ومامش ندى ولا عود شجره .
ذابـــــل ، ......
وجرفك حلم سكران وآصعب ،
وماتصـح حتى ولـو للشوف كَــطره .
هلكَد آمدوخني ثكَل الليل ......
...............واللهفه العليك آتموع ......
................وآبجي براحتي .......
.......................وكل دمعه شذره .!!
وحدي ويّه آمرايتك ابجي عليك .
إمراية آمنادم ،........
يطفيها الدمع وآتوجها حسره .
كَصبه مكسورة ظهر ،محني عليك ،
وحدي ويّه آمرايتك صافن عليك ،
وصفنة المكسور ،عين الله سكَفها ،.....
.................................آتكَول حضره .
ليل صحره ،.....
وسولتي آمن آبعيد آبوس آنجوم خرسه .
بلجي لمعة نجمه لفراشي تجيني ،....
وبيها انت آجناح سكره .
ليل والشهكَه بخور .
أشتهيك وتصعد الشهكَه بخور ،
والضوه البالعين يمتد بسط خضره .
بلجي لو لمعه تجيبك ،
بلجي لو تكَدر تجيني ،
تمشي بدروب البخور،.....
وتسحك آبجدمك على جدحة آعيوني ،....
....................................وهاي بشرى .
مضوي وآمبخر تجيني ،..
وتنزل بعيني نعاس ،.....
............وتصعد اعلى الراس خمره .
توكَف آبعتبة خيالي آشموع طولك .
طول راوي آمن العفاف ، .....
آمن الضياء ،آمن العطور .....
آتكَول حضره .
طولك المياس نافورة بنفسج .
هاي صار آشجم سنه وبآنفاسي عطره .
إشما عتك خمر الحزن ،بدموعي عطره .
آيا طولك والندى الشفاف ، حجيك ذاك ،.......
واللفته السماويه ،........
.....................وشذا آيسمونه نظره ،
والضحك ذاك الرذاذ الرازقي .......
اليندل مجان الروح ......
وآيطيح اعلى جمره .
ياآحبيّب ،......
آنا دوخني البجي آمن بعيد ، ........
يحبيب تعال وسوها كَمره .
آنا آريد آبجي العمر ........
....................وآنشف آكَبالك ،....
.............................عبــره عبــره .
#عبدالكريم_القصاب
ليل صحره ،
وروحــي طيــرة بارح ......
ومامش ندى ولا عود شجره .
ذابـــــل ، ......
وجرفك حلم سكران وآصعب ،
وماتصـح حتى ولـو للشوف كَــطره .
هلكَد آمدوخني ثكَل الليل ......
...............واللهفه العليك آتموع ......
................وآبجي براحتي .......
.......................وكل دمعه شذره .!!
وحدي ويّه آمرايتك ابجي عليك .
إمراية آمنادم ،........
يطفيها الدمع وآتوجها حسره .
كَصبه مكسورة ظهر ،محني عليك ،
وحدي ويّه آمرايتك صافن عليك ،
وصفنة المكسور ،عين الله سكَفها ،.....
.................................آتكَول حضره .
ليل صحره ،.....
وسولتي آمن آبعيد آبوس آنجوم خرسه .
بلجي لمعة نجمه لفراشي تجيني ،....
وبيها انت آجناح سكره .
ليل والشهكَه بخور .
أشتهيك وتصعد الشهكَه بخور ،
والضوه البالعين يمتد بسط خضره .
بلجي لو لمعه تجيبك ،
بلجي لو تكَدر تجيني ،
تمشي بدروب البخور،.....
وتسحك آبجدمك على جدحة آعيوني ،....
....................................وهاي بشرى .
مضوي وآمبخر تجيني ،..
وتنزل بعيني نعاس ،.....
............وتصعد اعلى الراس خمره .
توكَف آبعتبة خيالي آشموع طولك .
طول راوي آمن العفاف ، .....
آمن الضياء ،آمن العطور .....
آتكَول حضره .
طولك المياس نافورة بنفسج .
هاي صار آشجم سنه وبآنفاسي عطره .
إشما عتك خمر الحزن ،بدموعي عطره .
آيا طولك والندى الشفاف ، حجيك ذاك ،.......
واللفته السماويه ،........
.....................وشذا آيسمونه نظره ،
والضحك ذاك الرذاذ الرازقي .......
اليندل مجان الروح ......
وآيطيح اعلى جمره .
ياآحبيّب ،......
آنا دوخني البجي آمن بعيد ، ........
يحبيب تعال وسوها كَمره .
آنا آريد آبجي العمر ........
....................وآنشف آكَبالك ،....
.............................عبــره عبــره .
#عبدالكريم_القصاب
* كَبر وردي *
................. ربما فيك بقيةٌ من حنين ،
................. تستحق اِيقاد شمعة .
يجارحني ،
أخاف آعليك من دمي ،
وآعلك لك شمع عالماي .
تدري الدنيا دوّاره ....
وكل دمعه ولَها شاره ،
وخافن دمعتي آتشوّر وآموت آوياك .
ولك يل ما رهمت آوياي ،
يشجره الما حدرها آفياي ،
دخت ، مدري شني البيّه ...
يشاورني عليك ...
يكَول راح تموت .
صفنت وشفتك كَبالي كَمر وردي ،
ومتت من البواجي آعليك ،
بدمعي عطّرت اِسمك ...
وكَلت لك مبري الذمه ،
وجن رشيت كَبرك ماي .
وعلى رمشه صحيت ...
وكَتلك آسم الله ،
يمن تفديك هاي وهاي .
يجارحني ،
فدوه النوبه من تجرح ،على كيفك .
فدوه آجرحني ، بس بهداي .
أخاف آعليك من دمي ...
وآخافن دمعتي آتشوّر وآموت آوياك .
#عبدالكريم_القصاب
................. ربما فيك بقيةٌ من حنين ،
................. تستحق اِيقاد شمعة .
يجارحني ،
أخاف آعليك من دمي ،
وآعلك لك شمع عالماي .
تدري الدنيا دوّاره ....
وكل دمعه ولَها شاره ،
وخافن دمعتي آتشوّر وآموت آوياك .
ولك يل ما رهمت آوياي ،
يشجره الما حدرها آفياي ،
دخت ، مدري شني البيّه ...
يشاورني عليك ...
يكَول راح تموت .
صفنت وشفتك كَبالي كَمر وردي ،
ومتت من البواجي آعليك ،
بدمعي عطّرت اِسمك ...
وكَلت لك مبري الذمه ،
وجن رشيت كَبرك ماي .
وعلى رمشه صحيت ...
وكَتلك آسم الله ،
يمن تفديك هاي وهاي .
يجارحني ،
فدوه النوبه من تجرح ،على كيفك .
فدوه آجرحني ، بس بهداي .
أخاف آعليك من دمي ...
وآخافن دمعتي آتشوّر وآموت آوياك .
#عبدالكريم_القصاب
******* نجمة حلم ******
عسّرت كلّش ، وين باب الفرج ؟
..................مـوش الله كَال اليسر بعد العسر ؟
ياذاك ، يل مـــاخذ معاك الضوه
..................آمن مرايتي وخلّيت وجهي بكَبر
خيط السـواد ، بعيني خط العمى
...................يا كُبر حظه الشـاف خيط الفجر
جنت بعناق آويـــاك وآشتاق آلك
..................وما بين دمعي ودمع عينك سطر
هسّـــه آنت غاد هناك نجمة حلم
...................شـلون وآنت هناك يكَضي العمر ؟
أشــــــتهي النوم ولا نعاس بجفن
...................مـاعندي غير الطيف عبرة جسر
لسّاع مــــن تغرب بعيني الشمس
....................مــا أدري بيّه آشيبجي وشينعصر
جنت اشحلاتي آوياك مــــن تبتسم
...................وجنت شحلاتك مـن يموع الخصر
صـاعد بروحي تكَول معضد قزح
....................وآكَطــــع نفس نوبـات ، لا تنكسر
أتعطّر آمـــــن آسمع كلامك ، لأن
..................مو من حروف سوالفك ، من عطر
أسـكر آكَبالك ، لأن مــــــن الخجل
...................أنـــت الوحيد آكَبالي تعــــرك خمر
بيك القوافــــــي آتفيض رقّــه ودفو
...................اشلون مــــــــــــا آحبك وكلّك شعر ؟
#عبدالكريم_القصاب
عسّرت كلّش ، وين باب الفرج ؟
..................مـوش الله كَال اليسر بعد العسر ؟
ياذاك ، يل مـــاخذ معاك الضوه
..................آمن مرايتي وخلّيت وجهي بكَبر
خيط السـواد ، بعيني خط العمى
...................يا كُبر حظه الشـاف خيط الفجر
جنت بعناق آويـــاك وآشتاق آلك
..................وما بين دمعي ودمع عينك سطر
هسّـــه آنت غاد هناك نجمة حلم
...................شـلون وآنت هناك يكَضي العمر ؟
أشــــــتهي النوم ولا نعاس بجفن
...................مـاعندي غير الطيف عبرة جسر
لسّاع مــــن تغرب بعيني الشمس
....................مــا أدري بيّه آشيبجي وشينعصر
جنت اشحلاتي آوياك مــــن تبتسم
...................وجنت شحلاتك مـن يموع الخصر
صـاعد بروحي تكَول معضد قزح
....................وآكَطــــع نفس نوبـات ، لا تنكسر
أتعطّر آمـــــن آسمع كلامك ، لأن
..................مو من حروف سوالفك ، من عطر
أسـكر آكَبالك ، لأن مــــــن الخجل
...................أنـــت الوحيد آكَبالي تعــــرك خمر
بيك القوافــــــي آتفيض رقّــه ودفو
...................اشلون مــــــــــــا آحبك وكلّك شعر ؟
#عبدالكريم_القصاب
* كَبر وردي *
................. ربما فيك بقيةٌ من حنين ،
................. تستحق اِيقاد شمعة .
يجارحني ،
أخاف آعليك من دمي ،
وآعلك لك شمع عالماي .
تدري الدنيا دوّاره ....
وكل دمعه ولَها شاره ،
وخافن دمعتي آتشوّر وآموت آوياك .
ولك يل ما رهمت آوياي ،
يشجره الما حدرها آفياي ،
دخت ، مدري شني البيّه ...
يشاورني عليك ...
يكَول راح تموت .
صفنت وشفتك كَبالي كَمر وردي ،
ومتت من البواجي آعليك ،
بدمعي عطّرت اِسمك ...
وكَلت لك مبري الذمه ،
وجن رشيت كَبرك ماي .
وعلى رمشه صحيت ...
وكَتلك آسم الله ،
يمن تفديك هاي وهاي .
يجارحني ،
فدوه النوبه من تجرح ،على كيفك .
فدوه آجرحني ، بس بهداي .
أخاف آعليك من دمي ...
وآخافن دمعتي آتشوّر وآموت آوياك .
#عبدالكريم_القصاب
................. ربما فيك بقيةٌ من حنين ،
................. تستحق اِيقاد شمعة .
يجارحني ،
أخاف آعليك من دمي ،
وآعلك لك شمع عالماي .
تدري الدنيا دوّاره ....
وكل دمعه ولَها شاره ،
وخافن دمعتي آتشوّر وآموت آوياك .
ولك يل ما رهمت آوياي ،
يشجره الما حدرها آفياي ،
دخت ، مدري شني البيّه ...
يشاورني عليك ...
يكَول راح تموت .
صفنت وشفتك كَبالي كَمر وردي ،
ومتت من البواجي آعليك ،
بدمعي عطّرت اِسمك ...
وكَلت لك مبري الذمه ،
وجن رشيت كَبرك ماي .
وعلى رمشه صحيت ...
وكَتلك آسم الله ،
يمن تفديك هاي وهاي .
يجارحني ،
فدوه النوبه من تجرح ،على كيفك .
فدوه آجرحني ، بس بهداي .
أخاف آعليك من دمي ...
وآخافن دمعتي آتشوّر وآموت آوياك .
#عبدالكريم_القصاب
يجي يوم آمن البجي تغوّش العين
وآوكَف آمسح دمعتي ونظّارتي
بلجي آشوفن دربي زين
بلجي آشوفن ناس آحبهم .
#عبدالكريم_القصاب
وآوكَف آمسح دمعتي ونظّارتي
بلجي آشوفن دربي زين
بلجي آشوفن ناس آحبهم .
#عبدالكريم_القصاب
*** خويط بريسم ***
وعلى غفله ،
كَطعت خويط البريسم ...
وكَلت لي بعد ما آفيدك .
كَلت لك في أمان الله ...
ومشيت وسكت تغريدك .
خذاك جناحك المجنون ،..
حطّك غاد ،
على شجرة عشك بارد .
هناك آستبردت ، جمدن أصابيعك .
ما صح لك لمس شابع حرورة شوك .
لذلك كظّتك صفنه ...
وتذكّرت الدفو الموّع عناكَيدك .
أخيراً جيتني ملهوف ،
حنّيت لمواعيدك .
يكسر كَلبي تنهيدك .
تريد تفوت .
أنا شبيدي ؟
أنت مزعّل الشباج ...
والباب وجرس روحي .
وكلهن ما يجن بيدك .
أنا شبيدي ؟
شد لك علك بالشباج ،
بلجي تصادفك بسمه .
حنّي الباب .
بوس الباب .
بلجن تنفتح وتفوت .
أنا شبيدي ؟
هيّه الباب متريدك .
#عبدالكريم_القصاب
وعلى غفله ،
كَطعت خويط البريسم ...
وكَلت لي بعد ما آفيدك .
كَلت لك في أمان الله ...
ومشيت وسكت تغريدك .
خذاك جناحك المجنون ،..
حطّك غاد ،
على شجرة عشك بارد .
هناك آستبردت ، جمدن أصابيعك .
ما صح لك لمس شابع حرورة شوك .
لذلك كظّتك صفنه ...
وتذكّرت الدفو الموّع عناكَيدك .
أخيراً جيتني ملهوف ،
حنّيت لمواعيدك .
يكسر كَلبي تنهيدك .
تريد تفوت .
أنا شبيدي ؟
أنت مزعّل الشباج ...
والباب وجرس روحي .
وكلهن ما يجن بيدك .
أنا شبيدي ؟
شد لك علك بالشباج ،
بلجي تصادفك بسمه .
حنّي الباب .
بوس الباب .
بلجن تنفتح وتفوت .
أنا شبيدي ؟
هيّه الباب متريدك .
#عبدالكريم_القصاب