Menimcha, El Yurti Umidi jamg'armasi orqali ketgan talabalar, qaytib kelib, xususiy sektorda yoki nodavlat tashkilotlarida ham faoliyat olib borishlariga imkoniyat yaratilsa yaxshi bo'lar edi.

“Har safar muammoni hal qilganingizda, u butunlay hal boʻlmaydi, muammo hozircha hal boʻlgan boʻladi.” R. Hoffman

Muammolar har doim biz bilan doʻstlar.

"Nega meni o‘g‘izim gapirmayapti, oyijon?" Safikosh (Safiyani erkalab shunday deyman) qizim. 

Safiya Turkiya safariga borganda yosh bolachalar bilan gaplasha olmagan. Tabiatan mahmadona va hammaga gapini o‘tkazadigan qizchani birdaniga hech kim tushunmay qolgani unga juda katta stress bo‘lgan. Oyisiga xafa bo‘lib "Nega mening o‘g‘izim gapirmayapti, oyijon?" deb savol bergan. Oyisi ham ingliz tilini o‘rganishing kerak degan. "English" so‘zni sehrli so‘z deb o‘ylab, uni qayta-qayta hammaga aytgan va o‘zbekcha gapiravergan. Lekin baribir hech kim uni tushunmagan. Keyin biz Safiyaga Englishni o‘qishga borib, o‘rganish kerakligini tushuntirdik. 

Safardan qaytgandan keyinroq, "man o‘qishga borishim kerak!" deb turib oldi. Majbur, boshqa bog‘chaga berdik. Bu yangi bog‘chang desak, "Bu o‘qish-ku axir! Siz bog‘cha qib o‘ylabsiz" deb alohida ta’kidlaydi. Hozir Safikosh tillarni alohida urg‘u berib o‘rganyapti. Kuni kecha ko‘zlari katta-katta bo‘lib, "Mani og‘zim English gapirvotti adaa!" deb maqtanib qolsa. Ona qizim-ey, ko‘z tegmasin. 

Bu bo‘lgan voqeadan keyin o‘ylab qoldim, safarlar nafaqat kattalarga balki bolalarga ham juda katta ijobiy ta’sir qilar ekan. Yana bir narsa insonda nima qilish kerakligi emas, balki nima uchun shu ishni qilish kerakligiga aniq javob bo‘lsa uni to‘xtatib bo‘lmaydi.


Shu videoni ko'rib, rosti tasirlandim. Qizlarimiz ilmli, dunyo ko'rgan va baxtli bo'lishsin!

Hammaga boshlangan hafta barakali boʻlsin!

Hilol Edu turk tili markazining yana bir filiali ochilmoqda ekan. Millionlar insonlar bilim berish nasib qilsin. Ishlarga omad!

Kecha va bugun ustozlarimni tabrikladim, ulgurganlarimni borib ko‘rib keldim. Bora olmaganlarimga online tabrik yo‘lladim. To‘g‘risi ularni xursandligi, ko‘zidagi quvonch va faxrni ko‘rib, o‘zim ich ichimdan maza qildim! Shu insonlar hayotimda borligi va menga to‘g‘ri yo‘lni ko‘rsatgani uchun minnatdorman. Umringlar uzoq bo‘lsin!

🚀 CS// Angels School – Angel investorlikka ilk qadam

Klassik investitsiyadan tashqariga chiqib, yuqori daromadli angel investorlik olamiga qadam qo‘ymoqchimisiz?

CS// Angels School — bu klassik investorlar uchun maxsus ishlab chiqilgan dastur bo‘lib, unda siz:
🔹 Har hafta startaplarga faol sarmoya kiritib kelayotgan tajribali angel investorlardan amaliy bilim olasiz
🔹 Venchur bozori, investitsiya jarayonlari va risklarni boshqarish mexanizmlarini chuqur o‘zlashtirasiz
🔹 O‘z portfelingizni yangi darajaga olib chiqib, xalqaro tajribaga yaqinlashasiz

🎯 Dastur bitiruvchilari uchun eng katta imkoniyatlardan biri — CS// Angels Club’ga qo‘shilish huquqi. Bu sizni O‘zbekistonning eng faol va eng yirik angel investorlar hamjamiyatiga qo‘shadi, eksklyuziv bitimlar va tarmoq imkoniyatlarini ochib beradi.

⚠️ O‘rinlar soni cheklangan — atigi 20 ta joy ajratilgan.
⏳ Dastur 21-oktabrda start oladi va dekabr oyigacha C-Space Yunusobodda davom etadi.

👉 Ariza topshirish uchun: https://forms.gle/raXjDY5PXsmXphc4A

Shunday maktablar va dasturlar koʻpayishi kerak. Men uchun qiziq mavzu. Topshirib qoʻydim. Nasib qilsa tez orada oʻzimizda ham shunday club ochamiz va maxsus akseleratsiya dasturini e’lon qilamiz. Startup qilishga qiziquvchilar boʻlsa aloqada boʻlib turinglar.

"Daholik kamyob, lekin jasorat undan ham kam uchraydigan hislat" (Brilliant thinking is rare, but courage is in even shorter supply than genius.) Piter Tilning "No'ldan birga" kitobidan. Shu jumlani o'qir ekanman, ko'zlarim chaqnab ketdi.

Jamoamda va atrofimda yoshlar ko'p. Ular bilan gaplashaman, fikr almashaman. Ko'pchiligiga tashabbus qilish muhimligini takidlayman, bazilariga yangi g'oya va loyiha boshlash taklifini beraman. Qiziq bir holatni qayta va qayta ko'rganman, ko'pchilik qo'rqadi.

Hayotimizda shunday vaziyatlar bo'ladiki, qaror qabul qilishda yoki ishni boshlashda ikkilanamiz, qo'rqamiz. Shu vaqtda bizga bir oz jasoratli bo'lish halaqit bermaydi. Menimcha jasorat hammada bor lekin uni ko'p ham ovvora qilib ishlatmaymiz. Jasorat bu qo‘rqmaslikmas, balki qo‘rqqan vaqtda ham oldinga yura olishda bo'lsa kerak.

Savol: Nimadan qo'rqish mumkin? Qo'rquv o'zi nima?

"Jasorat" so'zidan "j" harfini olib tashlasang asorat bo'ladi. Inson yo jasoratli bo'ladi yo asoratli.

A.Mirzayev