🌙 Онлайн диний савол-жавоб дастурининг навбатдаги 14-сони Ўзбекистон мусулмонлари идораси раиси, муфтий Шайх Нуриддин Холиқназар ҳазаратлари иштирокларида жонли эфирга узатилади. 

🇸🇦 Саудия Арабистони Ҳаж ва умра вазирлиги “Ҳаж – 2026” мавсумида зиёратчида “Nusuk” платформасидан олинган тиббий соғломлик тўғрисида гувоҳнома бўлган тақдирда унга ҳаж визаси берилиши ҳақида баёнот эълон қилди.

📢 Ҳаж-2026 ҳожилари диққатига:
🪪 Тиббий кўриклардан ўтмасдан ва тегишли гувоҳнома олмасдан ҳаж визасини расмийлаштириш имкони йўқ.

📝 Баёнотда, қуйидаги касалликларга чалинган зиёратчилар ҳаж сафарига юборилмаслигини маълум қилди:

⏺ Диализ талаб қиладиган буйрак етишмовчилиги;

⏺ Минимал жисмоний юкламада ҳам намоён бўлувчи юрак етишмовчилиги;

⏺ Даврий ёки доимий равишда кислороддан фойдаланишни талаб қилувчи ўпканинг сурункали касалликлари;

⏺Жигар етишмовчилиги белгилари билан кечувчи жигар циррозининг оғир босқичи;

⏺ Оғир руҳий ва неврологик бузилишлар;

⏺ Қарилик деменцияси касалликлари;

⏺ Ҳомиладорликнинг охирги уч ойи, шунингдек, юқори хавфга эга бўлган ҳар қандай ҳомиладорлик;

⏺ Фаол юқумли касалликлар (шу жумладан, силнинг очиқ шакли, геморрагик иситмалар ва ҳоказо);

⏺ Кимётерапия ёки бошқа иммунитетни сусайтирувчи муолажалардан ўтаётган фаол онкологик касалликлар;

🗣 “Ҳаж” ва “Умра” тадбирларини ташкил этиш ва ўтказиш бўйича Республика жамоатчилик кенгаши зиёратчиларни ушбу талабларга тўлиқ амал қилишга чақиради, ҳамда ушбу талаблар ҳаж иштирокчиларининг ҳаётини ва саломатлигини сақлашга қаратилганини маълум қилади.