بقلمي: زهراء ثائر

#اقنعة_الموت" الفقار "

#بارت_41_



اللّهُمَّ لا أَجِدُ لِذُنُوبِي غافِراً وَلا لِقَبائِحِي سَاتِراً، وَلا لِشَيْءٍ مِنْ عَمَلِيَ القَبِيحِ بِالحَسَنِ مُبَدِّلاً غَيْرَكَ، لا إِلهَ إِلَّا أَنْتَ، سُبْحانَكَ وَبِحَمْدِكَ ظَلَمْتُ نَفْسِي
🌿🌿

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

.
.
.
.

مسحت ايدي من الماي مباوعه وراي من صاح بسمي باوعت بالتحديد باب الصالة على المطبخ.. واكف متچي على الحايط ويباوعلي ويحﺟي

-شمتانيه ما تصعدين.؟

رديت برود مرجعه نظري ؏ السنك، اغسل بالمواعين مال الحلاوه بينما رديت:-العفو تحجي وياي.؟

هتف بنفعال
ذو الفقار:قربة تصعدين لا اسحلچ من عطوبچ وعلي

رفعت حواجبي مبوزه شفتي بينما كاتمه ضحكتي كوه
خلي يحترك شوي، شلون تتغزل بي فريحه الارنبه
استغفرالله لا تعيبين حرام قربانو

قربة: عوزها تسحلني.. خاف رجعتلك وسامحتك
وها سامحتك مو السواد عيونك لا حبيبي لا
سامحتك على مو الخالة هدية لان خذت حقها
بس اذا على مودك لا والف لااا.. ونوب هسه تريدني اضحك وشاقي طبيعي.؟

ذو الفقار: شبيچ عيني شجاب هاي على هاي

درت وجهي مباوعه عليه واحچي بينما احچي هوَ عاگد حواجبه ومقلص عيونه يباوعلي بنفاذ صبر

قربة: شجاب هاي على هاي انا اگلك
فرح تذكرها... لا گلي تذكر لو اذكرك... شلون الضحك والشقى وسوالف

ذو الفقار: عوفي البيدچ وخلي فوك نحچي بهل موضوع

قربة: ليش تخاف عمو يسمع

ذو الفقار: ماخاف انا من شي ما مسوي
گتلچ تعالي نصعد ونحچي كافي تنغوص ترا ما يلوكلچ

قربة: وانا منتظرتك دگلي يلوك لولا

ذو الفقار: شگد جسرة يالكعبة

قربة: جسرة.!! المن حست وحوست عليَّ هاااا
مخليني مجبوبه يم اهلي

ذو الفقار: قربة عليچ العباس اصعدي
والعباس شايفه والعباس، ميت تعب وجسمي متكسر تكسر.. تعالي فوك تنفاهم لا تخلين امة محمد تتفرج

باوعت عليه صفح دايره وجهي ساده البوري
درت وجهي ماشيى على كيف بدون ما اباوع عليه
تعديت من يمّه وهتف وهوَ يمشي وراي.

ذو الفقار: مدحربه وكل البله بيها

التفت نص التفات راده
قربة: مخبلي ترا ارجع منين ما اجيت

باوعلي مغمض عيونه هاز راسه بأس ما راد
درت وجهي منه مكمله طريقي صاعده فوك
لزمت بايد محجر الدرج ولايد الثانية لازمه بطني
اليوم الي عشر ايام بشهر السابع
قبطت السادس دخلت بالسابع وشرار صارلها عشر ايام من قبطت شهرها ودخلت بالعاشر الها عشر ايام وهيَّ ماكو

حتى اثار الولادة ماكو وكل ما تروح الدكتورة دگول بجر وتاكل شهرها يله تجيب.
وخطيه تخابرني مسويه الحديقة مالتهم ومالت بيت الشيخ سباق تمشي بي وهيَّ ماكو، وامي دڪلي خلي تشرب خروع، وانا اگلها وهيَّ تتكهرب ما تقبل بس عمتها وياها ما عايفتها خطيه.

كملت آخر باية الدرج مباوعه عليه مكمله طريقي للغرفة، دخلت هوَ ساد الباب باوعت عليه بينما باوعت عليه هتف

ذو الفقار: شبيچ صارلچ يومين وجهچ مبوز جنچ مدام نفيخه

رفعت حواجبي فاتحه عيوني راده ومأشر على نفسي
قربة: انا مدام نفيخه.؟

ذو الفقار: قبل لا تبدين بعركه گولي من الاخير شبيچ طنكرتي.. اذا على فرح فـ هاي بت عمي
وجايه خطار ويا اهلها واجت سلمت عليَّ
يعني شلون اطردها، لو أنتِ مو شفتي گدامچ انا شحچيت

قربة: شحچيت..؟ انا اگلك شحچيت
ابتسمت بوجها بعدها ضحكت بصوت عالي نوب هيَّ سالتك دگلك والله عقل عندك، شلون فكرت تسوي هيچ وأنتَ چنت صغير من صدگ أنتَ ماكو منك
وهنا أنتَ ضحكت وهيَّ هم ضحكت
گلي تذكرت حبيبي تذكرت لو هسه صارت ذاكرتك ضعيفه

ذو الفقار: بت عمي هاي، ومو من اخلاقي اطيزها وما احچي وياها

قربة: اهااااا بت عمك گلت
چا انا هم باجر اروح لاهلي ومناك اخليهم ياخذوني العمامي ودك وياهم للطين، وهم تعال وگول ليش تحچين وتضحكين

ذو الفقار: عادي ولد عمچ وانا اعرفچ أنتِ شني

ابتسمت بداخلي صافنه عليه ثواني واجه براسي حسن ضحكت بگلبي اذا ما اخليك تشعوط ما اطلع قربة، تحمحمن وهزيت راسي نازعه الشال
وحطيته على ميز التواليت مكمله مباوعه عليه برود مصطنع

قربة: تدري ذو الفقار اتذكرت شغله ناسيتها

ذو الفقار: اطربي ولو حچيچ لازم بي سوالف تزرف البطن

رمشت كذا مره حاجيه وماشيى متجهه المكاني وامشي وحچي كلمة وباوعله: تذكر من اول ما طلعت منا

ذو الفقار: اختصري لا تظليت تعوجين براطمچ هاي

قربة: شبيها براطمي.؟

ذو الفقار: كملي قربة كملي اذا ما تحچين انطمري وسكتي

هزيت راسي بوعيد هسه خليك تنطمر حبيبي هسه
انطرحت على مكاني رافعه رجليني مادتهن على طول الجرباية باديه بالحچي.. بينما هوَ راح للكنتور مالته ينزع بالفالينه وانا احچي وباوع على الندبة الي بظهرة

ذو الفقار: بليله مال رمضان حاچينه الشيخ وأخذنه نتسحر بالحديقة

دار وجها مباوعلي رافع تك حاجب.
غلست على نظراته مكمله بينما كملت هوَ اخذ فالينه وسد باب الكنتور ويجي بتاحهي وهوَ يلبس بالفالينه وانا اشرح ومدخل راسه بالفالينه من جبت طاري حسن رأساً طلع راسه مباوعلي بنظرات تشل بس جاهدت وكملت.

قربة: اي ومن اخذنا هناك تعرفنا على عائلة تخبل هيچ ناس ينحبون وبناتهم فد حبابت.
وفوك كل هذا العائلة مو هواي بس ثلث نفرات ثنين بنات ولد والام والاب، وخوهن ضابط ولو تشوفه يخبل ذو الفقار يخبل ومبين هيبه وكارزمه من وجها

ذو الفقار: يخبل... وكارزمه... وضاب
بعد شكو احچي ست نفيخه

قربة: ههههههه اصدمك.؟

ذو الفقار: هوَ أنتِ من يومچ صدمات

قربة: اغلس عن هل كلمة وكملك
اي، امة للضابط طلعت محاچيه خالة ام سندس رايدتني اله، وتدري لوووو ما متزوجه الى اقبـ...

بعدني ما مكمله آخر كلمة وتقدم الجرباية يهز براسه بوعيد ويردد...انا اختلست والعباس اختلست

ذو الفقار: تقبلين...؟ ويخبل... وكارزمه
مع الاسف ليش ما خلعتي رجلچ الطرن وتزوجتي الضابط

قربة: حشاك حبيبي شني طرن أنتَ ذو الفقار المخبل النظيف

ذو الفقار: قررربة

قربة: ها

ذو الفقار: شسويلچ وأتبوچ من السنانچ الفالت هذا

قربة: لا والله مو فالت اهلي ربوني زين شني فالت

رفع ايده مسح وجها مباوعلي بنظرات تشل وبيها جانب لين بس هوَ خازرني
هز راسه وتقدم صاعد، ابتعدت شوي خاف احصلي راشدي رنان بينما بتعدت باوعلي ورفع نظرة السكف هامس بصوت

ذو الفقار: بلوء چبيرة أنتِ

قربة: انا بلوء ذو الفقار.؟

ذو الفقار: احلى بلوء بس بلوء جسرة وعرمه ما تخاف من زلمتها.. انا شگد شفت نسوان بس مثلچ ما شفت جسرة وعرمه

رفعت ايدي موخره شعري ورا اذني راده علي بفخر والضحكه على خدي: احلى صيت والعباس ههههه
بس هل صيت منك اقبله الى من غيرك اطلع خبالي عليه

ابتسم ساكت. عدل البطانية رافعها ومنطرح نايم على ظهرة، شفته هيچ انقهرت احسه ضاج من كلامي رأساً لزمته من متنه وهتفت بهدوء بينما هوَ گلت هيچ فتح عيونه مبتسم

قربة: ذو الفقار والله اريد احرك گلبك مثل ما حركت گلبي، أصلاً ولا انطيت مجال ولا باوعت بجهرته حمره خضره ماعرف.. بس حبيت اشوف غيرتك عليَّ
ولو غيرتك مو مثلي

ذو الفقار: اعرفچ ما تباوعين، واعرف هاي عيونچ
ما تشوف غيري

قربة: ههههههه شني هل ثقة هاي ههههه

ذو الفقار: عيونچ التحچي مو انا قربانه

غمضت عيوني رافعه كتافي منزله راسي بخجل راده وبعدني على وضعي:-احبك هواي مخبلي النظيف
يا احلى مخبل شافته عيني

ذو الفقار: ههههههههه هسه تتغزلين تذمين

قربة افاااا انا اذمك..؟ چؤ چؤ، مو اخلاقي عزيزي مو اخلاق قربانك

ذو الفقار: هاي اخلاق ست نفيخه

قربة: ذووو الفقار لا تچلب بيها عليَّ.
هوَ بس مطلب كافي مطلع عليَّ زيتونه وغيم الصفيرة ونوب أنتَ

ضحك وهتف بهدوء وحنان
ذو الفقار:أنتِ قربان بين الله وبيني
الله انطاچ اليه قربان على الصار وياي وهل قربان مو أي قربان

باوعت عليه ودموع الفرح مجلبه بعيوني
شافني ساكته رفع ايده لزم خدي وهتف وعينه بعيني

ذو الفقار: عيونچ يابه عيونچ هاي تسطر

-وينهن عمص

ذو الفقار: محد يشوف حلات عيونچ بس الي يحبچ من صدگ

-قربة: يعني هسه أنتَ تحبني.؟

ذو الفقار: الي يحب يحچي من كيفه ما ينسأل

قربة: يعني الافهمه ما تحبني.!؟

ذو الفقار: ما احب اوصف حبي الچ بالغزل
يكفي حبچ تارس فادي

عضيت شفتي مكزكزه بمكاني رافسه برجليني راده عليه والحب يدك بگلبي:- يءءءء هوَ لو هيچ الغزل لو مايارد

ذو الفقار: الطفلة جعصتيها

قربة: الطفلة ومها مايعات بيك ابو نفس

صفن بوجهي ثواني بعدها هتف
قربة: ليش تردين تسميها نفس.؟

قربة: اي.. حبيت الاسم وهم من يصيحون عليها يگولن نفس ذو الفقار

بلع ريگ ساكت.. شفته هيچ رأساً هتف باستغراب
قربة: شنو بالك تسمي الطفلة

باوعلي وغمض عيونه راد بهدوء
ذو الفقار: طيبة

قربة: خوش بالجنسية نفس والبيت طيبة

فتح عيونه مباوعلي بنظرات تخبل
ابتسمت اله وفتح ذراعه اليه
ارتميت بداخله مثل الطفلة.. بينما شبكني هتف

ذو الفقار: ماريد اسم اختي ينكطع بهل بيت اريده ينگال باستمرار

قربة: طيبة هاي هيَّ، اسم حلو وبي حنيه وحنان

بينما حچيت هيچ، حضني قوي راد بحب
ذو الفقار: مو بحنيتچ قرباني

ضحكت اريد ارد عليه وقطع كلامي صوت الموبايل
درت وجهي تجاه الكومدي
اخذت التلفون موخره الشاحنه مباوعه على المتصل نرجس

فتحت خط اريد احچي ورأساً هتفت بستعجال وبعدها سدته بدون ما ارد عليها بحرف واحد

نرجس: شرار جابت والد يله باي

نزلت التلفون ضاحكه ومباوعه على ذو الفقار يباوعلي باستغراب.. سوادين يا نجيرس
رجعت الموبايل المكانه ودرت وجهي عليه گايل
رديت عليه وانه اكوم من الفراش اروح اطفي الضوء

ذو الفقار: منو..؟

-شرار جابت

هز راسه ساكت.. وانا ما حچيت شي خليت ومشيت طفيت الضوء ورجعت الجرباية نايمه يمه

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

-ايددددك وخررر عني وخررررر

-وكرص بس خلي افتهم شجرالچ..؟

-يممه لا لا مو يمه ما اصيح يمه.. لك بوييييه تعالي بويــــــــــه

واكفه بنص الغرفة ولازمه بطني وصرخ بالكتمه
بينما هوَ يحچي ويسد الباب ويتقدم عليَّ

-شنفصه راح تجيبين.؟

عضيت شفتي بقوة كاتمه وجع الاجاني راده عليه
واباوعله بنظرات لو تكتل چان كتلته بمكانه

شرار: توخرررر منييي لا اطلع وجععع بطني كلها بيك
يمه لا لاااااا اصيح يا علييييي.. لك روح صيح خالة روحححح شمتاني اموووت كدامــــــــك

وجعتني بطني بس تذكرت الموقف وگلبي انقبض
الله لا يعيد هل يوم.. موت اسود وعلي
شفت بعيوني ملك الموت.. شلون يفتر على راسي

ابتسمت ماخذه نفس طويل مباوعه على احلى شي صار بحياتي.. الله نطاني نعمتين وعرفت النعمة الثانية من حصلت اول نعمة.. اي ضرار ثاني نعمة اعرفها وقدرها

عرفت خلال ولادتي الكفيل جانب ضرار أو داخل ضرار شنو.. عرفت حنانه وطيبة گلبه
حنين علينا احنا الثلاثه... خالة دانه... انا... كفيل
حاطنا بنص عيونه أو على گولته بنص شريان عيني

خلال الاربع اشهر واربع ايام على ولادتي الكفيل
عشتهن بسلام وهدوء صح ما تخله من مناكرتي انا وضرار بس ورا نص ساعة أو أكثر نرجع مثل الدهن والعسل

واول ايام رجوعي الهنا خالة دانه خطيه تظل تونون من ورا مشاكلنا بس هسه عتادت وعرفت طبعنا
ويله هيَّ الحياة الزوجيه اذا ما بيها مشاكل ما بيها ملح

وأصلاً انا فقيقه على گولت عدنان
مسكينا وبريئة بس هوَ ضرار طكه ونص
ما يتحمل احچي ويا لو اتشاقى.. عابتله موش رجال ينكط عسل

تنهّدت برتياح مباوعه الهم بعدما صفنت عليهم صفنتي المعتاده.. اباوع الضرار والكفيل الي حاطته گدامي على الجرباية وضرار گاعد على رگبه وحاني نفسه عليه ويناغي بي والثاني يضحك ويغوغي

عين البارده عليه ما يگول ابو عمر اربع شهور
سمين بس مو سمين بشكل لا بي عافيه وصاحب خدود وعيون مكحله وسمارة بين الابيض والحنطي بس سمارة مملوح مدري هو دمه حلو.. اي اي ابني دمه حلو وينحب بساع

وخرت الهايه من ايدي حاطتها على الكومدي ورجعت وجهي مباوعه عليهم.. وهتفت بهدوء وانا اقرب نفسي شوي ونايمه يم راس كفيل وجهي صار گدام ضرار،

-تحبنا حبيبي..؟

باوعلي مبتسم ورجع نظره على كفيل وهتف يضحك بكفيل وذاك الثاني ينوغي بصوت عالي على كلام ابوه

ضرار: احبكم شويه هاي... كولي تموت علينا هم اگول شويه، انتم الثلاثه كل روحي وغراضها
مو بابي حبيبي... اروح فدوة انا، اروح فدوة الهل عيون التشك المطي شك

ضحكت بصوت وباوعلي مقرب نفسه بايسني وموخر عني بايس كفيل وهتف مزكز

ضرار: يابه ما تحمل ربـــــــي ما اتحمل ثنين انا
گلبي صغير على هيچ صاكين ربــــــي

ضحكت رافعه تك ايد متچيه عليها وحاچيه بهمس
شرار: ليش ما رحت ويا ابوي هاشم

رد وهو يلزم بايد كفيل ويبوس بي ويسوي بوجها حركات الكفيل:- ستار راح وياه هوَ وعليا انا شكو

شرار: غير نرجس اختك

ضرار: وين رايحن لجبها، هيَّ كلها راحو يأجرون قاعه

-ميخالف

-عشيرة انروح خو ما عشيرة هسه حتى ابو القاعه ينفجع

ضحكت ساكته.. عدلت الياخه مال كفيل لان طالع صدرة وبارده الدنيا.. عرس نرجس تاجل من واحد واحد الى ثنين ثنين.. لان بكل بساطة قربة جابت قبل اسبوع وعلى مودها تاجل العرس

لان ضرار اقترح على ابوي هاشم يسون بقاعه
الولد بقاعه والبنات بقاعه.. وابوي شيخ يعرف بوضع عليا شنو كال هدية نرجس ايجار القاعه عليه

وهل شي كلها ايدته لان احسن من هوسة البيت
وهم اهل قربة ماعدهم احد وهم اتذكر گالت نرجس عم عليا متوفي ما صارله خمس اشهر وما اتوقع احد يجي اذا عزمو

وهم نرجس ما عدها شي كلشي كملت من نيشان حتى صبغ شعر بقت بس تنظف جسمها.. وكلنا الها قبل الحنه مالتچ بثلث ايام انظف جسمچ..

واحنا رغم فرحانين راح يصير عرس بيتنا بس ضايجين على روحت عدنان بيوم راس السنه
طلع منا بدون ما يودع اهله
متنا بچي عليه بعده صغير وراح يتهجول بالغرب
ومن طلع الحد الان مانعرف عليه شي رقمة مغلق وبالنا عليه

بس رغم ضايجين على فراكه فرحنا على خبر چنا منتظري من زمان أو بيت عمي هاشم منتظري
وهوَ حمل طفوف الي صارلها متزوجه اربع سنوات وما عدها خلفه

ويا فرحة غسان بهل خبر..حتى ذبيحه ذبح الوجهه الله، وخالة ام ستار هيج واطياف ما يخلنها تجيس حاجه يخافن لا يصير بيها شي
خطيه تستاهل فهي وغسان كل الخير.. ثنينهم ماكو منهم

فزيت من صفنتي على. ضرار يوخر من كفيل وكاش خشمه:- هذا چنه سواها

وخرت ايدي متقربة منه مباوعه على الحفوضه
ورجعت نظري عليه گايله وانا اكوم من الجرباية

-عوفه يكمل بينما احضر غراضه وجي اخذه

وخر نازل من الجرباية
ضرار: حطي بالنص وانا اروح اتوضى اصلي حتى انام وراي شغل

گال هيچ وطلع وانا حضرت غراضه وحطيتهن بالارض ومشيت شلته ونغنغ بي وهوَ يهومش بيده
طلعت من الغرفه.. نظفته ورحعت الغرفة

مرت الايام بهدوء وسلام.. بين تحضيرات العرس وبين كفولي الوكيح.. وتواصلي طول هاي الفترة ويا قربة قل لان هيَّ ملتهيه ويا اهلها ويا بتها وانا ويا كفيلي لذلك اتواصل وياها بس على الشغلات الضروريه

واجه موعد العرس والي يصادف الاثنين
احنا سوينا الحنا الخميس حتى ترتاح منا الاثنين
والحنا صارت تجن وشبعنا ونسه بس ما اجت قربة اجت بس غيم وامها وعليا

وقربة ظلت يمها عمدتها ما تگدر تعوفها وحده
لان بعدها ما طالعه الاربعين

واليوم انه جاهدت وعفت كفولي يم خالة دانه ورحت انا وغيم وقربة ويا نرجس الصالون
وبدينه تلبخ بينه الصالونه واول ما بدت بنرجس والمرافقه ويا الصالونه بدت بقربة لان كل شوي
وذو الفقار داك عليها البنيه تبچي لان عافتها يم عمتها وما تريد الممه

خطيه تخرذلت تخرذل.. بس مكياجها طلع يجن
لان معانيها حلوة والمكياج شتوي حلوة طلعت
ومنا اشترت فستان مال محجبات لون ازرگ چويتي ورهمت شال ابيض طلع البسه تجنن

أما اغيم لا العكس الفستان مالها مكشوف بس مستور وحلو نازك أما انا اشتريت هم مال محجبات بس بي شغل وتطريز من الصدر والورا
وكلش حلو وناعم وختاريت مكياج خفيف
لان توصيات الجهات العليه ماكو مكياج قوي
كملت اول وحدة قربة ولبست جبتها وگالت وهيَّ تلف الشال مالتها عدل

قربة: غيم تلفوني والجطنة نطيناياهن من يمچ

غيم: راح ترحين

-اي راح اخابر ذو الفقار يجي ما تشوفينه رعصنا رعص هوَ وبته

هزت راسها بخوش ونطتها الجنطة
اخذته وطلعت الموبايل وخابرت وتباوع على المراية وتعدل بحمرتها شوي وگالت

قربة: الو... تعال كملت... خوش منتظرتك
بعدها تبچي... اها خوش يله منتظرتك

ظلت منتظرة شوي ودك عليها وراحت
وانا وغيم اخذتنه المرافقات الموجودات
بدن يمكيجن بينه وام الصالون هيَّ الي تمكيج نرجس لان عروس.. واحنا يشتغلن بينه العرايس بدن يجن لان احنا اول رقم حجزنه على مود القاعة لان من وقت

كملت نرجس قبلنا وظلت گاعده
وراها بشوي كملت انا وكمت.. باوعت على نرجس بعجاب صلوات على نبي تجنن.. مكياجها يخبل بارز معاني وجها، عود هاي لا تسريحه لا شي بس مكياج وشعر مسرح، بينما اباوع الها هتفت وهيَّ توخر شعرها رادته ورا اذنها

نرجس: ها حلوة.؟

-تجننين حلوة شني غير تملخين الله يعين المكروده

ضحكت:-مو بجمالچ

ام الصالون: عيني اذا ما عندچ شي بوطري جسمها بينما تكملين حتى نسوي شعرها

هزيت راسي بخوش..مشيت الها اخذت منها الكريم البودره وبديت ابوطر بيها وسولف وياها
كملتها وكامت الصالونه تبدي بالتسريحه
وانا وغيم التهينه انرتب برواحنا..منا ما كملنا احنا الثلاثه بالثنتين وربع

رأساً طلعت موبايلي ادك على ضرار
هوَ انا طلعته ولكيت الاتصالات بالخمس مرات
يبوووو هاي كلها وما اسمع..باوعت على نرجس الي تباوع عليَّ عاگده حوجبها..حچيت وياها وادك عليه
بس گلت كم كلمة هوَ فتح خط

-ضرار خابص التلفون
- الو

-وينچ صارلي ساعة ادك

-بالجنطة والله وما اسمعه مو جاي اساعد نرجس بالبدلة

-ثنينچن ما تسمعت وانا ادك عليچ وعلى نجيرس
المهم كملتن بعدچن.؟

-اي كملنا منتظرينك

-يله جايين

گال هيچ وسده مبين ضايچ.. باوعن عليَّ البنات وهتفن بنفس الوقت

-شكو..؟

-يگول صارلي ساعة ادك عليچ أنتِ ونرجس وما تشيلنه

نرجس: شني راح يجون

-اي لان المعازيم جاين.. ساعة بالثنتين وربع
واحنا انطينه الهم موعد بالثنتين ضبط

غيم: يله ما صار شي هاي راح يجون

باوعت على نرجس تفرك بيدها بتوتر
وخرت نظري عنها وهتفت وانا امشي الم الغراض وجيبهن يمهن، لميتهن واحچي

-ام نراجس لا تصفنين نفس ابو صافر هيَّ عليچ عليچ
افرحي وتونسي هيَّ مرة بالعمر لا تخربين فرحتچ بخوفچ وتوترچ..اضحك وركصي نفس البنات الگدامچ

بينما كملت واباوع على البنات الموجودات
ردت نرجس بخفوت ويا ما كملت ردت غيم عليها
وانا بس استمع الهن وباوع على العابات الگدامي من صدگ لعابات شلون المكياج غيرهن ميه وثمانين درجة، وانا وحدة منهن غيرني سواني افلش

نرجس: هدئني... ضربني راشدي، شي رجعني نرجس ام طفكه، شمالني راح ابول على روحي

غيم: ههههههه وين رايحه الجبهة ترا اخوي فقير والعباس، بكلمة وحدة منچ يموع يسيس شمالچ خايفه شمدريچ ما هوَ خايف منچ تغتصبي

نرجس: جيره الحلكچ العوج ليش ما تعرفين تحچين

شرار: هههههههه غيم اتخايل اخوچ دگله بيبي بنغوصه وجر السانها جر، لا الولد يروح ينصهر هههههه
هوَ اذا دگله علياااا يرد عليها بعمره
هههههه اخوچ طلع بي البله وانا اگول فقير بس خوفچ من الفقير

غيم: خيه انا وأنتِ فقرة والعباس.. انا غير اسمعه بإذني، يموع ينصهر اذا گالت حبيبي ههههههه

نرجس: انچبن لا تحچن عليه ما ارضى خوش

شرار: هاااا هاااا بعدچ ما صرتي بحضنه ونسيتي صويحبتچ وسفةةةةة على هل صحبه.
صحبه جيس حب، هاي تشوفين بعينچ غيم باعتني وبعدها ما داخله بيتكم

نرجس: اووو شرار لا تظليت تسربتين وعلي الدمعه بطرف عيني بس كلمة ثانية ابچي

باوعت على غيم مرجعه نظري الها متقربه منها مدخله ذراعي بذراعها حاطه راسي على متنها:- ليش تبچين يبا افرحي راح تخلصين مني ومن كفولي بعد ما اشمره عليچ ونام

نرجس: لا لا نوب بيمن ذكرتني بالقالي ابن القالي
شلون راح اتحمل فراكهم

رفت نظري وانا على وضعي گايله بغمزه
شرار: بس تشوفين عليويچ تنسين حتى امچ وابوچ هههههه

نرجس: شلون وياها هاي وخري عندي وخري

ضحكت موخره عنها.. تخجل من احچي وياه بهل شكل، باوعت على غيم الي واكفه بطولها الحلو الي ما بينا انا وياها فرق غير هي اطول مني بصبع اصبعين
طولها على طول اخوها وابوها بس قربة على امها مو ذاك الطول

البسها نازك والفستان بالطول ومنفوش بس اردانه ضيكه وتور مبين ودلعه مال الفستان شوي بارزه
بس حلو ونازك ويا تسريحه شعرها الي نازل على نص خصرها ولكذله مسويتها بف

على صفنتي عليها هيَّ تحچي ويا نرجس وما منتبها اليه، قطع صفنتي صوت الموبايل البيدي
باوعت على المتصل ضرار هتفت موجها كلامي البنات ارد عليه

شرار: اجو غيم عدلي البركع
-ها ضرار

ضرار: يله اطلعن

-طالعين

سديته منه وضميت التلفون
وباوعت على البنات غيم عدلت البركع على نرجس وخرت عنها تلبس بجبتها وشالها.. أما انا عدلت نفسي لابسه صايه فوك فستاني لان الجهات العليه منعت اطلع هيچ

كملت ونطيت الغراض الغيم وعدلت البركع
وشلت البدلة من گدام ومن ورا
فتحتلي الباب وطلعنا ويا ما طلعنا باوعت على الشارع سيارة الزفه گدامنا ويمها عليا والولد
ضرار وصديق ضرار وعمو ابو قربة

مشيتها السيارة وعليا فتح باب السيارة الورا
شلت البدلة وصعدناه..وصعد عمو ابو قربة وعليا ومشى هوَ وصديق ضرار صاعدين السيارة
بينما همه صعدو اجه علينا ضرار واخذنا السيارة مالته انا وغيم صعدنا سويه وگلت اول ما صاعده متذكرة

شرار: شو ما اخذو صور.؟

ضرار: غير مصورة بالقاعة بعد عليمن صور

هزيت راسي بها نسيت.. باوعت عليه
ودرت وجهي عنه بينما هوَ يباوعلي خطف وعلى ثغرة ابتسامة.. يريد يحچي من نظراته بس غيم عايقته
وانا لازمه نفسي كوه لا اضحك

ظلينا نمشي ورا سيارة العرسان ونركص ويا الاغنية
وغيم بس تصفك خجلانه من ضرار
وصلنا القاعة بعد ربع ساعة صارت بالثالثه اله ثلث

صف السيارة ورا سيارة العرسان
وعيني على السيارات الموجوده ومن ضمنها سيارة رجل قربة.. نزلنا من السيارة احنا الثلاثه
رحنا انا وغيم انزل نرجس.. نزلناه ودلانه عليا على باب القاعة الي ندخل منه العروس

دخلنا وهمه راحو القاعتهم
اول ما دخلنا ام القاعة ظلت تسوي مراسيم الدخول
عدلت بدلتها هيَّ والماسكه.. وگدامنا ثنين بنات يفتهن الباب حتى تدخل نرجس القاعة.. بينما تعدل بيها احنا على صفحة حتى لا نطلع بال تصوير

بينما تحضر بيها امهات القاعة غيم رتبت نفسها
وانا عين على امهات القاعة وعين على نرجس
وإذني يم الصوت الي جاي من ورا الباب.. ام الديجي
تعلن عن دخول العروسه

فتحن الباب البنات وام الديجي صلت على محمد
والموجودين صلو وياها احنا ما دخلنا وراها رأساً
لان ام القاعة والبنات منعنه لانهُ جاي ام التصوير تصور

ظلينا واكفين شوي وشتغلت غنية اليسا ؏ بالي حبيبي باوعت على غيم وهتفت:- اگلچ هوَ العريس جوه

ام القاعة: اي هوَ جاي يصورون

باوعت على الباب:- چا نريد ندخل شلون

ام القاعة: هسه بس تخلص الدخوليه ادخلن

ظلينا متانين بالخمس دقايق اقل أو أكثر
يله ادخلنا القاعة.. والقاعة ولا اروع تجنن ومرتبه بشكل، باوعت على الترتيب الي گاعدين عليه العرسان يجنن وگدامهم كيكة ام الطابقين لون ابيض وذهبي

مشينى للطاولات الگاعدين عليها العائلتين
طاوله بيها اهل قربة وطاول بيها بيت عم ضرار والباقي العائلة الكريمه كلها من بنات عم ضرار شلع قلع ما عده اهل عدنان لان على خصام

وكفت گدام خالة دانه ادور على كفيلي بعيوني
بينما ادور هتفت خالة دانه بعجاب

دانه: شني هذا جمال

ضحكت ومباوعه على الكل گالو نفس الكلمة
رديت عليهم بشكر مكمله: وين كفيل.؟

دانه: اخذا ضرار

-ليش.؟

دانه: يردون ياخذن صور هوَ وياهم

هزيت راسي بها گاعده بالكرسي الفارغ
ونباوع على العرسان شلون المصوره تاخذ الهم جلسات ونرجسه چنها وحدة زاربه على روحه

ظلو ياخذون صور منا ما كملو وام الديجي مستمرّة مشغله اغاني من كملو شغلت غنية الي شغلتها اول شي مكومين العرسان يركصون.
ويا ما وكفو بنص القاعة طفو الاضويه وخلو بس الاضويه الزرگه خافته

ويا ما جاي اباوع على العرسان وتأمل جمالهم حسيت على شي يخطف من يمي واكف گدامي
خليت نظري على الوكف گدامي وابتسمت من شفتها هيَّ وبتها تحچي ويا خالة وتسلم على الباقين.. كملت منهم وهتفت

-ها ولچ

-ها

-تعالي ويانا گاعدين هناك

باوعت على المكان الاتشر عليه.. گاعده غيم وياها بنيه ثانية ما انتبهت على لبسها ولا على وجها لان صافحته وياهم اطياف وطفوف.
هزيت راسي الها بخوش كايمه وياها ترخصنا منهن متجهين الطاولة

وصلنا يمهن وسلمت عليهن وهن ردن السلام والبنيه الي ما انتبهت على شكلها سلمت بهدوء من سلمت گالت قربة

قربة: شرار هاي وردة صديقتي.. ووردة هاي شرار مرت ضرار صديق ذو الفقار ومطلب

كامت الي ماده ايدها مسلمه عليَّ بحرارة وسلمت بترحيب، كملنا مسالم وکعدنا كلنا.. طفوف گالت وهيَّ تشرب من البطل الماي الگدامها

طفوف: ليش تأخرتو.؟

شرار: تأخرنا بالتسريحه وهم هواي عرايس زين منها وكملت النا بالهل وقت

ظلينا نحچي ونتشاقى وتعرفت على وردة انسانه حبابه ومحترمه كلش.. دخلت گلبي ولسانها عسل مثلها

شوي والصاحو على اخوات العريس وام العريس ياخذون صور.. وبس كملو انتقلو على اهل العروس
وما شاء الله احنا فيلق سوت بالربع جلسات تصوير
أما همه ما جاين هواي بس مرت اخو وردة والي عرفت عمت قربة وياها مرت عمها

كملنا التصوير وطلع العريس الي طالع حلوة ومرتب كلش هوَ الولد كلش حلو بس متعوب
وهسه بالترتيب والقاط طالع جنتل مان

من طلع ام الديجي شغلت ساجدة عبيد وحنا شسوينه..؟ ذبينه لحم.. لا ظل مكياج لا ظل شال
نسينى رواحنا.. يله يومية معرسين خلي نطلع طاقة السلبيه المرينه بيها بهل ركص

من كملنا ركص من ساجدة شغلت غنية اليسا مال أسعد وحدة.. احنا ويا الغنية نركص ونغموز النرجس وهيَّ تضحك على ضحكنا.. من صدگ تونسنا ونسه ما صايرة، العرس صار يخبل وكله ضحك وركص

مر الوقت مدري شگد وطفو الديجي گالو راح يأذن وهم انصب العشى وبس تتعشون انزف العرسان البيت اهل قربة.. باوعت على نرجس طكتها صفنه من هاي الزينه

كل واحد طش الطاوله مالته حتى ياخذ حصته
انا رجعت ويا البنات ناكل، جابو سفريات بيها كص وصمون كهربائيّ ومقبلات وببسي

ظلينا ناكل ونضحك وانا ناسيى ابني مادري وين ماخذه الدهر..أما قربة شامرة بتها على عمتها
اليوم جهالنا مو بحالهم ههههههه

كملنا أكل واجو العاملات نضفو الطاولات
ويا ما خلصنا اجه ضرار محاچي خالة ام ستار
راح يدخل العريس ياخذ مرته

من شفته ضرار گال هيچ خليت ورحت انا وقربة
نعدل البركه ونحضرها، ظلينا واكفين يمها انا وخالة ام ستار وخالة ام قربة وهيَّ عين على الباب وعين على امها، وخطيه خالة ام ستار تحچي وياها على كيف بس اسمع ولو صوت الجهال تارس القاعة

سعاد: يمه ما اوصيچ صيري سباعية ولا تخافين من شي هذول اهلچ من بعدنا.. ورجلچ هوَ ابوچ واخوچ وعگاستچ، اكسبي گلبه واهله.
وذا حبيتي اهله وحترمتيهم وحطيتيهم على راسچ راح يموت على تراب رجلچ.. ما اوصيچ يبعد امچ

تحچي وعين على نرجس وبالي ويا كلامها شگد تمنيت عندي ام مثل الآوادم تجي بيوم عرسي تنصحني وتوعيني مثل البشر... ما احسد نرجس لا ابد بس اگول شيصير لو عندي ام وأب.؟

سحبت نفس نافيه الكلام البراسي مباوعه على خالة ام قربة وعلى البقية موزعه نظري من وحدة الوحدة

فاطمه: خيه ام ستار بتچ باطن عيني احطها
حسبتها حسبت بناتي.. اخافها خوف بناتي.. نامي وأنتِ مطمأنه

-ادري بيچ خيه اعرفچ أنتِ شني

ظلن يحچن منا ما گالو العريس راح يدخل
ظلينا واكفي شوي ودخل عليا ويا ضرار لان بس هوَ اجه للعرس لان يا ساده عدهم عاده الاب والاخ ما يصير يجون ويا العروس يعتبر اذا اجو يردون يتخلصون منها هههه، فـ ضرار اجه على مود ينطيها العليا ويوصي عليها ومن هل حچي

اجه ضرار وكف گدامها عدل البركه على راسها وباس جبينها مدري شحچه وياها
وعليا نزل من الستيج، وكمل حچي ويا نرجس وطلع من جيبه علبه حمره فتحه وخذ الي بدخلها ونطه العلبة الخالة ام ستار

باوعت على ايده اخذ ايد نرجس ملبسها اسور ناعم بي كرستال على شكل لؤلؤ
لبسها وكمل ولزم ايدها منزلها من الستيج
مشيت نازله وراها انا وقربة ووكفت بصف ضرار وباوعت لزم ايدها لي بيها الاساور شالها وحطها بيد عليا وحاچي وياه

ضرار: هاي اختي قبل لا تكون بت عمي ومرتك
وجاي اوصيك عليها نيابيةً عن ابوي هاشم وخوتها الثنين، ان تحطها بعينك وتخاف الله بيها مثل ما تخاف على اخواتك، هاي وحيدة هاشم وغاليه عليه حافظ عليها

عليا: لا توصي حريص.. احطها بطن عيني

ضرار: اصيل ونشمي.. اخذ مرتك وتوكل الدارك

حچه آخر كلمة وصوته بي غصة
يحچي ولازمه روحي كوه لا ابچي بس من سمعت صوت نرجس بچت نزلت دموعي.. تقربت منها خالة ام ستار شابكتها وتهدى بيها.. وخرتها عنها وظلت تعدل بمكياجها

شوي وخرت منها حاطه ايدها بيت عليا
هوَ لزمها زين معدل البركه ومشى بيها وانا وراها
اشيل بالبدلة من ورا.. طلعنا من القاعة وراي ضرار وخالة ام ستار وام قربة وقربة وغيم يمشن ورنا
وصلنا السيارة الزفة وكف عليا وفتح الباب
وساعدتها انا والبنات بالبدلة.. صعدناها وسدينه الباب

عليا ودع ضرار ومشى صاعد وابو وصديق ضرار صاعدين بالسيارة متانين العرسان
بس صعدو ابتعدنا من حركو السيارة
باوعنا وراهم وامسح بدموعي بطراف اصابع ايدي
وكل ما امسح يزيدن من اسمع صوت خالة ام ستار
باوعت عليها وعلى ضرار من گال بهدوء

ضرار: ها عمتاه شني الله بالخير عليش هل بجي وين رايحه الجبهة.. ادعيلها بالتسهيل والتوفيق

سعاد: شلون راح اتحمل افراكها

فاطمة: كلنا فاركنا اهالينا وهل گدامچ خلفنا وكبرنا وتعودنا كافيچ بچي مو زين عليها

بينما احنا نحچي المعازيم كلها بدت اطش نسوان وزلم آخر شي طلعت وردة ومرت اخوها وياهن بعد جوكه نسوان، اجن على خالة فاطمة گايله وحدة منهن التفت خالة فاطمة من سمعت صوتها
مشت متقربه منها تتباوس وياها أما البنات ظلن واكفات

-فطومه خيه يله اترخص وان شاءلله الافراح والسرور التزور بيتچ

فاطمه: الله وياچ خيه ام اركان.. يوم الاركان وتشوفين اولاده

-رحمه الله والديچ خيـ..

قطع كلامها صوت رجال جاي من بعيد.. التفت لا اراديًا مباوعه وراي باوعت سريع ورجعت نظري على المرّة الي اسمها ام اركان

-يله يمه

-هاي هل اركان يصيح.. يله زهرة هم يله نوصل.

-ما عندي شي

اجت سلمت على خالة شلون ما چان ورخرت منها
وام اركان سلمت من بعيد على البنات ومشن هن والبنات الي وياها والي اسمها زهرة ابد ولا وصلت ولا سلمت على البنات.. بينما انا وقربة وغيم انباوع عليهن والى غيم تباوع بطرف خشمها ولا حتى سلمت على الي اسمها زهرة

احنا سلمنا عليهن وترخصنا منهم ماشين السيارة
صعدت انا ورا وخالة دانه شوي واجت صعدت بالصدر
وبيدها كفيل عبرته الي ماخذته منها.. خلينا ونطلقنا راجعين للبيت

طول الطريق هدوء انا اسكت بكفيل يريد يرضع وماگدر ارضعه من الفستان.. كوه اسكت بيه وهوَ مطنكر ويونون بالف يا علي يله وصلنا للبيت

من وصلنا العائلة الكريمه قبلنا واصله لان تحرك ابو الكوستر قبلنا مرجعهم.. صفينا السيارة ودخلنا بوجهنا البيت مالنا.. انا انطيت كفيل الخالة ودخلت سبحت سريع سريع وهاي على صوت ونينه ونكنكته على خالة

بس لفيت شعري بالخاولي وطلعت اخذته منها ورحت الغرفة، وانا امشي بي وحچي ويا وهوَ يحرك بشفته مبرطم منعس وجوعان

شرار: مامييي... جوعان حبيبي.. اوي سوده بوجهه امك جوعان وما توكلك سوددده.. هسه حبيبي هسه انطيك حليبه

احچي ويا وهوَ يسوي بتعابير وجها الي يگول يفتهم كلامي، دخلت الغرفة مباوعه ضرار ماكو
خاف يم عمو هاشم يحچي وياه

مشيت گعدت بي على الجرباية وظليت ارضع بي وصافنه وابتسم من اتذكر قبل شوي صدگ ونسه ما تنسي

فزيت من صفنتي على صوت الباب
رفعت نظري مباوعه، دخل ضرار يفتح بدكم القميص وحدة.. توقف عن الفتح مباوع عليَّ وعلى كفيل
رافع حواجبه مكر غامز بعيونه وعلى ثغرة بتسامة متروسه مكر.. بينما انا قابلته بعبوس گايله

شرار: لا تظل تلومز وتتلومز خوش

باوعلي ضاحك بخفه ومتقدم عليَّ وهوَ يرجع يفتح بدكم القميص.. وكف گدامي نازع القميص وهتف ياشمر القميص على الجرباية

ضرار: ليش حرام مرتي وتلومز الها

شرار: وعلي تعبانــــــــه مالي خلك سوالفك

ضرار: اي تعبانه من الركص داكتها جتف للگاع

شرار: اي والله ذبيت فلك هيچ الى شوي الگاع رادت تنشلع شگد ما دبچت وركصت

ضرار: چا اركصي الرجلچ لو حرام

شرار: أنتَ ما تحب الاغاني، شتريدني اركصلك على باسم الكربلائي

ضرار: ههههههه شنفص والكعبة شنفص

شرار: اعتبرها احبچ والكعبة احبچ

ضحك مرجع شعره ورا راد بحب وصوت هادئة
بينما يحچي هيچ وهوَ يبتعد عندي ماشي الكنتور يطلع ملابس وانا استمع اله والحلك بشروك شرك.

ضرار: انتِ غزلي وأشعاري، وغنايا وغرامي
أنتِ غاليتي

رديت عليه وانا اگلب الكلام گلاب
شرار: أنتَ ملجأي ولجوئي وقموضي وقضبي
أنتَ بيت امالي وحلامي

ضرار: انگلبت عدنان الثاني

-هههههههه احبك ابو كفيل.. انا مسودنه بعشگك

دار وجها ساحب نفس طويل گايل بحب وحنان
ضرار: الكلام يعجز يم حبي الچ بس كل الي اگدر اوصف حبي بكلمة انا اعشگچ

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

ظليت منتظرته بربع ساعة يله اجاني
وانا گلبي يطكطك عليها.. ما متعوده اعوفها وطلع
وهم خفت عليها اجيبها هنا وهيَّ بعدهي صغيرة
طول ما انا منتظرته عيني على شرار وغيم
باوعت على غيم وهتفت موصيتها

قربة: غيم ما اوصيچ امي شگالت ممنوع مكياج طوخ
وفدوة يبنيه لا تخلين مكياج طوخ حطي الها مكياج بناتي على معاني وجها

هزت راسها البنيه بخوش بينما غيم باوعتلي صفح ما عاجبها، غلست على نظراتها مباوعه على نفسي بالمراية مكياجي هادئة مثل ما طلبت راهم ويا الفستان وهم ما يلوك اليه المكياج الطوخ

بين صفنتي على نفسي دك موبايلي رأساً باوعت عليه ذو الفقار.. فتحت عليه خط وانه اعدل شالي على المراية

ذو الفقار: يله اطلعي

رديت عليه وسديت الخط سلمت على البنات
وطلعت اركض بخطواتي.. طلعت من الصالون مباوعه على الشارع ادور على سيارته.. ويا ما باوعت سمعت صوت هورن من گدامي

ابتسمت ونزلت راسي ماشيى ماگدر ارفع نظري
خاف واحد يلمح مكياجي ويشوفني حرام
وصلت السيارة فتحت الباب وصعدت کايله وانا اسد الباب اباوعله.. بينما كملت كلامي هوَ يباوعلي بابتسامة هادئة ونظرات اعجاب

قربة: ها كون گعدت

نزلت نظري خجلانه راده عليه وعلى نص الكلام رفعت نظري مباوعتله، بحب على خجل

قربة:لا تباوعلي هيچ اخجل

بينما احچي وباوعله هوَ رد عليَّ بهدوء داير وجها مباوع للامام وعلى ثغرة بتسامة:-يلوكلچ يابه يلوكلچ

ضحكت بخفه راده بتنغوص ودلال
بينما انا احچي هوَ عين عليَّ وعين على الطريق

قربة: ذو الفقار

-يابه

-قبل لا احچي، ليش كل ما اصيح بسمك دگلي يابه
أنتَ عكس العالم بدل ما دگول حبيبتي حياتي عمري دگول يابه

باوعلي ورجع نظره على الطريق داير الاستيرن لاف الستداره راد بهدوئة المعتاد

ذو الفقار: احنا الشروكيه ما تشفي گلبنا كلمة حبيبتي ومن هل حچي.. كلمة يابه او بويه او يبا
هاي تنكال الأب من كل كلب والسان.. ومن تطلع من السان تطلع بحب وامان
ومن ارد بكلمة يابه احسسج بالامان والانتماء

يحچي بهدوء وعتاديت عليه مو مثل اول ما عرفت بي صاحي اضوج وعارك بي بس عرفت هوَ
هذا طبعه مايگدر يغيره
ابتسمت بخجل منزله راسي ماعرف شرد عليه خجلت
دومه يخجلني بكلامه الي ما ينحسب يا كلمة يا كلمتين بس اله كفيل يخلي گلبي يدك الف بالدقيقة.

خلال هاي الاشهر المرت هادئة من أي حدث أو مشكله المشاكل ماتت يا طويلب، الحمدلله حياتي وحياة
ذو الفقار بدت تمشي بطريقها بسلاسه وهدوء.
وانه احمد الله كل مساء ونهار ان يحفظه اليه ويحفظني اله طبعاً هههه

هاي المده الحمل الاواخر ظليت بين اهلي وبيت عيالي لان من دخلت بشهري ورمت كلش وكوه
اكوم فـ امي گالت اليه تعالي يمي ظلي لان ماگدر اصعد الدرج كل شوي.. رغم اول شي ما قبل ذو الفقار

گال انا الي تحتاجي اجيبه الچ
بس اصريت عليه وقبل وهوَ ما راضي على روحتي
وظليت يم اهلي يعتنون بيه.. وخطيه على مودي اجلو العرس رغم كلشي جاهز الغرفة نصبها عليا وكلشي حضرو بس انا عرست عليهم قبل لا يعرسون
وهم ما گدرو يسون لان نفسه وخاف يصير شي بطفلة خلو واجلوها على مودي انا وطوطه

فزيت من صفنتي دايره وجهي اله
رفعت ايدي متچيه عكس ايدي على الصندوگ الي بنص وچف ايدي على حنچي وهتفت وباوع على تفاصيل وجها ويا كل حرف احچي ادقق بوجها أكثر

قربة: ذو الفقار

-يابه

قربة: شگد تحبني... ولا دگول الي يحب يحچي من كيفه، انا اريدك اليوم تحچي شگد تحبني

ابتسم مباوعلي راد وهوَ يلزم ايدي الي على حنچي
وخرت حنچي سامحتله يلزم ايدي.

ذو الفقار: بكد رحمة الله.. من تخلص رحمة الله انا بذيچ الساعة يخلص حبي الچ

بينما يحچي اباوع عليه ماكلته أكل بنظراتي.. هيچ اريد اكرطه لو اضمه بگلبي وحمد يشوفه
ابتسمت وهتفت

قربة: بس من يظهر الامام المهدي عجل الله تعالى فرجه، تنسد باب الرحمة

ذو الفقار: غلط معلومتچ قرباني
الرحمة بابها ما ينسد اليوم الدين، أنتِ الي تقصدي باب التوبه ينغلق عند خروج الامام المهدي عليه السلام هنا ماكو توبه من العبد تنقبل

قربة: وانا عبالي باب الرحمة

ذو الفقار: لا الرحمة ربچ يقطرها عليچ الحد يوم القيامة وأنتِ واكفه گدامه يعف عليچ بالرحمة

قربة: يعني هل درجة تحبني

-هي بكد رحمة الله لان ماكو شي اكبر منها

قربة: شو ما اصدگ...

ذو الفقار: قـ...

قربة: لا تقاطع خلي اكمل، چا وين الي يتزوجون على نسوانهم بالسر لو الي يحچي ويا بنات ويخون بيها ليش أنتَ مو من ذولي النوعيه

ذو الفقار: هههههه هاي أنتِ گلتيها بالسانچ مو من ذولي النوعيه... الرجال أو متشبهين بالرجال
ما تكفي عينهم بس التراب على گولت جدي
الرجال الناضج الواعي، الفاهم دينه صح وفاهم الحياة صح راح يكتفي بانسانه وحدة يشارك احزانه ويشارك افراحه ونجاحاته ومسيرته الدنيويه

هذا الي ينگال عليه رجال
من تشوفي انسان راضي الله راح يرضيچ
من تشوفي انسان بار امة ابوه راح يبرچ ويحطچ بعيونه، من تشوفي يوكف وياچ بالسيئ قبل الزين
من تشوفي انسان متقبلچ بعيوبچ قبل ايجابياتچ
هنا من يشوفچ بهل خربطه راح يعدلچ ما يحطمچ

قربة: وين اكو هيچ واحد قليل

ذو الفقار: وياچ انا، بس محد صار انسان
فاشل اول ما يطلع من بطن امة
البشر ان كان انثى أو ذكر، هوَ الي يحسن من نفسه وهوَ الي يفشل نفسه

انا اليوم اريد اصير انسان ناجح بعقلي وسلوبي
ماريد اصير ناحج امام العالم وبس
لا اريد انجح امام الله
من انجح امام الله هنا راح انجح بمسيرتي الحياتيه
وللاسف القليل عنده عقل يشتغل بي قبل لا يفكر بي

بينما انصت الكلامه بكل تركيز وانصات أما هوَ يحچي ويحرك بصبعه الابهام على كف ايدي وعينه على الطريق وعين عليَّ.. بس كمل هتفت بهدوء واباوع على الطريق

قربة: بس احنا البنات مانعرف شلون نعرف هذا الشخص انسان واعي.. احنا جاي انشوف غير شي

ذو الفقار: انا رجال وهمه رياجيل.
انا اذا اريد اليوم اعرف هذا الشخص زين أو شين اسأله شلونها علاقتك بالله
صلاتك صيامك حلالك حرامك.. يرد بالازين هذا الشخص الي يصونچ ويعيشچ اميره واخذيها مني

قربة: وذا طلع كلاوچي گال اي انا وانا
زبعدها من تعيش ويا يطلع انكس خلق الله

ذو الفقار: يبقى هوَ والله وحظ المكروده طاحت وياه

قربة: هسه انا انطيها الك
اول ما اجت خالة عيدة وگالت أنتَ هيچ وهيچ
انا تكهربت، گلت اخذ واحد مخبل وانا اريد واحد مصلي واعي ويحبني وخلف منه مو تالي اتزوج واحد مخبل، والمخبل طلع اصحه مني ومن الف
واحد عقله يعادل الف رجال

ذو الفقار: أنتِ ليش ما تجوزين من هل كلمة

ضحكت راده عليه مباوعه على الطريق وصلنا المتطقة مالتنا

قربة: اتغزل بيك والله... مثلاً المخبل معناه احبك
ومخبلي النظيف هاي حبيبي النظيف بعد شتريد
يا الي يتغزل بيك هل شكل ههههههههههههههههه

ذو الفقار: ضحكتچ مال وحـ..

قربة: بربوك

ذو الفقار: قربة

قربة: هههههه والعباس بس يمك اطلع ضحكتي هاي أصلاً انا ما اضحك، بيه توحد بس يمك اضحك وطلع ضحكتي البربوكيه

وخر ايده حاچي وهوَ يمسح وجها
ذو الفقار: استغفر الله ربي واتوب اليه..من اگول جسرة دگلي ليش دگول

قربة: لا ما گايله شوگت گايله أصلاً احبها
من تحچيها هههههههه

وكف السيارة مباوعلي وراد بأس
ذو الفقار: چنت اگول نظراتچ جريئه والسانچ خجول
طلعت انا الخجول والعباس

قربة: ههههههههه لا نظيفي شهل سمعه الزفت هاي
شني مو هل درجة أصلاً انا بس يمك اصير هل شكل
تخلي انزل منا اتغير ميه وثمانين درجة

ذو الفقار: اي بهاي براطم مدام نفيخه

قربة: استغفر الله ربي هم عادها.. وخر ذو الفقار وخر عود هاي الف مرة اگلك لا دگول هيچ

ذو الفقار: مچذب قابل.. ذاك اليوم من أنتِ نايمه
مبوزه شفتچ ومسويه هيچ ههههههه

باوعت عليه صفح شلون يقلد نومتي
درت وجهي منه زعلانه فتحت الباب معدله جنطتي على كتافي نازله بينما هوَ طفه السيارة حاچي وياي وانا مغلسه ساده الباب

ذوالفقار:مدام نفيخه لا تزعلين يابه

ما رديت عفته وكملت طريقي للبيت
وكفت گدام الباب داكته شوي وجاني صوت مطلب
فتح الباب وصفن بوجهي گايل وهوَ يباوع وراي

مطلب:ياهيَّ هاي زيتونه.؟

ردت ادخل وجا صوت ذو الفقار من وراي راد
بينما رد عليه انا عفتهم ودخلت متجاهلتهم
يصنفون على ساس هم احلى مني

ذو الفقار: عوف مرتي لك لا تصنف عليها

ما سمعت شرد عليه بص صوت ضحك مطلب واصلني..كملت مشيتي الداخل البيت دخلت بوجهي الصالة مباوع على الصالة گاعد هاجر ونفس يمها

ذبيت الجنطة بالارض ومشيت الها بينما امشي خالة طلعت من غرفتها حاچيه

-خبصتنا خبص خطيه ولا رضعت الممه نامت جوعانه

رديت عليها وانا اگعد يمها شايلتها
وحچي ويا خالة وحاطتها بحضني.. حطيتها بحضني وهيَّ فزت شاهكه بس شافتني برطمت.. يمه بتي سوده بوجهي بس شافتني رأساً بستها من كصتها وخرت راضعتها

-والله سريع سريع سوتني، گلبي ظل يمها..
يمه سوده عليَّ يروحي شلون تناشغ

ظليت هيچ ارضع بيها منا ما شبعت ورجعت نامت
بس نامت رجعتها المكانه صاعده فوك احضر ملابس ذو الفقار ونفس.. لان العرس بالثنتين وقبل الأذان نزف العرسان للبيت

حضرت كلشي وانا جاي ارتب بالغراض على الجرباية
دخل ذو الفقار باوعت عليه ودرت وجهي منه
اخذت غراض نفس وملابسها وهمهت بالخوج بينما هوَ واكف بعده بالباب

ما باوعت ولا شفت وجها هوَ هتف بستفسار
بس كمل كلامه باوعتله وحچيت بتأكيد

ذو الفقار: من صدگ تضوجين من اگلچ مدام نفيخه.؟

-اي اضوج وختنگ ودخن هم.. ما احب هل عبارة

ذو الفقار: هاي هيَّ تامرين

عصرت العراض بيدي گلبي داك بقوة
يگدر يربي يگدر يمتص غضبي وزعلي بدقايق
سحبت نفس حاچيه مرجعه نظري عليه

قربة: بعد لا طلع عليَّ هيچ القاب خوش
گلي بس قرباني ويابه

-تأمرين رحمة الله

قربة: كافي كافي روح اسبح وحضر نفسك بين ما ابدل الطيوب

-حاضر

ضحكت هازه راسي تقربت منه اريد اطلع هوَ ابتعد من جهه الكومدي سامحلي افتح الباب قبل لا اطلع اتقرب باس كتفي گايل بهدوء

-كلشي ولا زعلچ قرباني

باوعت عليه راده بحب وانا اوخر منه طالعه ودايره وجهي اباوع عليه بس گلت هل كلام وهمهمت نازله على السريع

-احبك ذو الفقاري

نزلت اركض وگلبي يدك
كل ما اشوف منه الحركه البسيطة گلبي يدك بقوة
حبه يمشي مثل الدم بجسمي.. ومحد يلومني على حبه، يستحق كل ذرة حب احملها اله

كملت طريقي ماشيى النفس
گعدت گدامها ابدل ملابسها وباوع على تعابير وجها الناعمه، نفس أو طيبة تنطي شبه كلش
قوي الذو الفقار حتى بعيونه الناعسه وعيونه السود بس شعرها ولون بشرتها طلعت عليَّ مايله للصفار

ومن صار بيها ابو صفار صارت تخلس بس الحمدلله
بالعلاج والرضاعه اختفه منها
طيبة من جبتها عم الفرحه والضحكه بالبيت
الكل بس سمع صوتها صاحو طيبة تبچي وكلها تنز عليها

الى مطلب وذو الفقار اول ما يجون يصيحون وين طيابي وخالة عيدة تعيط بيهم لا توصلون الها مو زين تعبانين وتجون تبوسوها وهمه خطيه يسبحون ويرتاحون ويجون ناغولها

ولو هيَّ بس تبصبص بعدها ما تفتهم شي كل عمرها
اربعين يوم بس همه فرحانين بيها
على ابو اول حفيده ومن هل حچي
وهم اهلي ما يقل حبهم الها يموتون عليها
رغم لا تضحك ولا تناغي بس صورة والها عيون
عود هاي لا كبرانه ومطلعه سوالفها عليهم
چا لو ناغت وحچت شلون، شدو روسكم يكرعان

فزيت من كلامي وصفنتي الطويلة على صوت خالة
رفعت نظري الها واكفه باب المطبخ وتحچي

عيدة: تعالي أكلي لكمة يمه

هزيت راسي باي وباوعت على نفس نايمه وفاتحه اصابع ايدها وشفتها تمطك
بستها برجليها وكمت متجهه للمطبخ
خالة صابه مرك وتمن وگاعد مطلب وعمو صاحب
مدري شوگت اجه مدري موجود وما انتبهت اله

سلمت عليه وگعدت يمهم
أكلت شوي وكمت اسوي چاي الهم
حطيت الچاي على النار وطلعت احضر الگلاصات وظليت واكفه شوي بس بعيد عن النار لا يموع المكياج شوي وفار طفيته وظليت اصب

كملت صب وحسيت على شخص يدخل الترك
باوعت على المدخل ذو الفقار باوعت عليه ورجعت نظري ماخذه گوب انطيته اله اخذه مني يخوط بيه وطلعت انطيهم

محد لكيته بس خالة گالت

-انطينياهن وروحي حضري نفسچ

هزيت راسي بخوش وردت اطلع وراهها وجاني صوته
ذو الفقار: هل لي بقطعة سكر لو سمحتي

هزيت راسي رايحه الكاونتر اطلع الشكر ولو مستغربة يگول سكر.. سكررر بدل الشكر.
طلعت الشكر شايله بالمكيال اريد احط اله بالگوب بينما ردت احط هوَ هتف

قربة: تفضل

ذو الفقار: بالأنتِ

قربة: ها.؟

-شو انطيني الشكر وروحي لا تفهين

-عيد شگلت

-قربة روحي كملي شغلچ روحي

ضحكت راده وانا اطلع من المطبخ
بينما رديت وهوَ اجه يمشي وراي

-افهمك ابو نفس

باوعتله ابتسم ما راده عليه
بينما انتبهت لابس بس بنطرونه وفالينه ام تعلاكه
مشى وراي صاعد وهتفت وانا اصعد

-ليش بعدك ما مكمل

-ما عندي شي بس البس القميص ومشط

هزيت راسي بها مكمله دربي
دخلت للغرفة وهوَ ورايه.. اخذت ملابسي وطلعت الحمام بدلت وكملت بدون ما اخرب المكياج.
بس راحت الحمره لازم احط غير حمره

طلعت ودخلت للغرفة مباوعه على ذو الفقار جاي يمشط ولابس قميصه الاسود وبنطرونه الكابوي طالع يشك شك، دخلت ساده الباب وعيني عليه
مشيت اخذت الشال الابيض واكفه ورا.. عين عليه وعين ارتب بالشال كملت الفة

وتقدمت يمّه اخذت حمره من الحاطتهن على الميز حطيت وكملت بينما احط وهوَ يباوعلي ويمشط
رجعت الحمره المكانها مباوعه عليه گايله وانا اخذ حذائي من جوه الميز
اخذتها ومشيت گاعده على الجرباية وباوع عليه من رد على كلامي وهوَ يحط الفرجه على الميز داير وجها عليَّ

-بيا سيارة نمشي.؟

ذو الفقار: فياض هوَ الراح يزف العرسان
ومطلب وعبدالله ويا ضرار وضرار هو الياخذهم بسيارته.. وانا وأنتِ وامي وهاجر وابوي بسيارة مطلب

-وجدتك ورقية

-ما يگدرن يجي جدتي مريضه ورقية تدرين بيها حامل

هزيت راسي بخوش

ذو الفقار: يله خلي ننزل

هزيت راسي ماشيى گدامي وهوَ وراي سد الغرفة
نزلت گدامه ماشيى النفس
باوعت عليها تباوع بعيونها على السكف.. تقربت منها
مگنبصه على جواميزي اناغي بيها وعدل بدلتها الي بلون فستاني

بينما اناغي بيها سمعت صوت ذو الفقار وهاجر
باوعت الهم نازلين سويه ولازمها من ايدها
وهيَّ تباوع عليه بحب

باوعت على لبسها مرهمه ويا ذو الفقار بس القميص ماروني وطالعه حلوه ونازكه
وخرت نظري عنهم وانا غراض طيبة احطهم بالجنطة ويا الموبايل وباقي الغراض..كملت منها وهتفت وانا اباوعله

-ذو الفقار اخذ هاي الجنطة لو تشيل طيبة

ذو الفقار:انطينياها ومن نصعد انطيها الچ

هزيت راسي بخوش شايلها منطيتها اله
شلت الجنطة وهوَ مشى طالع ورا هاجر
ويحچي موجهه كلامه الخالة والعمو

ذو الفقار: يله يابه احنا بالسيارة

طلع وطلعت ورا طلعنا من البيت وفتح السيارة بالبصمه وانا حطيت الجنطة ورا واخذت طيبة منه وصعدت وهاجر بالنص يمي

شوي يله طلعو خالة وعمو.. قفل الباب عمو
وخالة اجت صعدت وشوي واجه عمو.. بس صعد حرك السيارة ماشين للقاعة

مر العرس احلى منه ماكو
العرسان يخبلون يخبلون واحد لايك الثاني
وطول ما اباوع الهم بالدخوليه ينكرطون وعلي
مو لان اخوي بس جمالهم بگلبي
الى من دخلت نرجس وعليا واكف بنص الممر منتظرها يجنن منظرهم يخبل.

دعيت من كل گلبي الله يفرح گلبه
لان عليا تعب ويانه طول عمره.. وكلنا شفنه حياتنا اله هوَ هسه يله التفت النفسه الي مثله بهذا عمره عنده طفل وشايف حياته

سحبت نفس برتياح مباوعه على سيارة العرسان الگدامنا وسيارة صديق مطلب صاعده بيها امي وغيم وياهم الحجيه ام هاشم.. هيَّ الاجت بدال امها النرجس.. أصلاً رادت تجي خالة ام ستار بس ام هاشم گالت انا وباجر تعالو أنتِ وهاشم جيبو الريوك
وانا گلت الذو الفقار اظل يم امي وغيم اساعدهن خاف خطار يجون ومحد وياهن وهم غيم تساعدني على طيبة

وصلنا للبيت صفو السيارة الزفة واحنا وراها
نطيت طيبة الهاجر ونزلت.. نزلت وشلت الجنطه ورجعت اخذت طيبة وصعدت الرصيف مباوعه على سيارة العرسان... نزل عليا وابوي.. وغيم وامي اجن يساعدن نرجس بالبدلة

بينما ابوي راح فتح الباب البيت على حيله لان ابو طلاقه وحدة..بينما هوَ فتحه امي وغيم نزلن نرجس وكفن بيها باب البيت وخالة عيدة راحت تساعد الحجية ام هاشم جايبتها واكفه يمنا..بينما احنا واكفين وابوي جاب الدجاجة ذبحها جوه رجلها ذبحها وهلهلت خالة عيدة ودخلنا وهيَّ دگول

عيدة: طبت يالزهرة تلكيها طبت يالزهرة تلكيها

نمشي وراها نرد ورها ونضحك، بينما عليا يمشي ويانه ويكت عرك خجلان اخويه الغالي

زفيناهم الغرفة وسدينه الباب عليهم
وخالة عيدة وهاجر سلمو وتباركو الامي وراحو گالو باجر نجي.. انا اخذت طيبة وطلعت وراهم لان
ذو الفقار يريد يبوس طيبته على گولته

خالة وهاجر راحو مشي ويا عمو صاحب وظل
ذو الفقار واكف يم ابوي.. ابوي بس شافنا خله وترخص داخل جوه وذو الفقار دخل واكف يم الباب وانا ملفلفه طيبة زين لان الجو بارد لا تتمرض

باوع النه وبتسم گايل وهوَ يلزم اصابع طيبة الي مطلعتهن من الحاف بايسهن بشمه وخر راسه گايل

ذو الفقار: يومين لا أكثر وتجين ما اتحمل افاركچن

ابتسمت مباوعه عليه بحب راده بهدوء
قربة: خوش عكب باجر اخلي ابوي يجيبني

-خابريني انا اجيچ

هزيت راسي بخوش وهوَ باسني من راسي انا وطيبة وسلم وراح.. ورجعت جوه انوم طيبة وطب اسبح وشوف الاهل شمحتاجين ونام تعبت من الصبح ذاك الهسه على فرد وكفه، ورجلي طككت من الكعب ومنا ركصت بي لا ما احس بچعب رجلي

مرت الايام عادية بين الخطار التجي ما عافت بيتنا والي هم اهل نرجس صلوات على محمد خير من الله تروح وجبه وتجي وجبه محملين هداية هاي الي جايب نزلات لو ينطن فلوس

وانا بس صارلي يومين اجه عليَّ ذو الفقار ورجعت
البيتي والحياتي الهادئ والمتروسه حب وحنان
مرت الايام والاشهر وخلص شهر رجب دخلنا بشهر شعبان النا اول يوم بي اليوم

جاي نحضر الفطور عمو صايم هوَ وخالة
وانا ماگدر اصوم هسه لان جاي ارضع بطيبة گلت اخلي اصوم بس برمضان

اجاي اسوي حلاوه وصاحت عليَّ هاجر
هدرت الجدر طالعه من الترك راده عليها بها وانا اوكف باب المطبخ

هاجر: تلفونچ يدك صارله ساعة

-فدوة بلا امراً عليچ جيبي اليه

ردت بخوش ورجعت الترك لا تحترك الحلاوه
شوي وجتني انطنتي الموبايل تشكرت منها وباوعت على الشاشة وردة.. استغربت مو من عوايدها دك عليَّ بهل وقت، فتحت الجهاز ودكيت عليها شوي وردت عليَّ ظليت احچي وياها واخوط بالحلاوه

-شلونچ ام الموته

وردة: الحمدلله #نتِ شلونچ

-زينه.. أنتِ شلونه وضعچ..رحتي بعد الدكتورة

وردة: لا خلصت الجلسات من زمان من قبل عرس عليا والحمدالله قربة يوم يوم ادعي الله حط هل رجال بدربي لو ما هوَ انا الله يعلم بحالي

-وأنتِ الخفكه چنتي دگومين ودگعدين ماريده

وردة: مو بيدي والله

-وهسه شني

سحبت نفس طويل راده عليَّ والخجل متغلغل صوتها
وردة: ماعرف شلون اوصف مشاعري اله بـ..

-من الاخير تحبينه وفضت راحت

سكتت شويه وگالت بهدوء
وردة: اموت عليه قليل كلمة احبه
اذا ما حچه وياي يوم قربة اظل احوس

- يمه الحب يمه هههههههه

وردة: انچبي وخلي احچي على شني خابرتچ

-اطربيني عزيزتي

وردة: عكب باجر العرس مالي

صفنت متوقفه عن التحريك ما مستوعبة شگالت
رديت على كلامها بعدم فهم:- عيدي شگلتي.

وردة: قبل لا تاكليني بالسانچ ما راح نسوي عرس
انروح الكربلاء وانتم معزومين أنتِ وعائلتچ وبعد شوي فياض يخابر رجلچ ويعزم اهله وهم يخابر شرار ورجلها

-اوكفي شجاب هاي على هاي ما جاي استوعب

وردة: شوفي فياض حاليا ولا فلس عندة يسوي عرس وهوسه وهم مايريد ياخذ من اهله.. لان فلوسه ذباهن على البيت، فـ انا ماريد اسوي عرس وهوسه
اقترحت عليه نسوي عرسنا بكربلاء ونعزم عوائلنا ونحتفل هناك هم ولاده الامام الحسين وهم يوم بمارك.. وهوَ اول شي ما قبل بس لحيت عليه يله قبل

صفنت على كلامها منطقيّ ومو منطقيّ
بس هيَّ بعد حره بحياتها.. رديت عليها بهدوء

قربة: أنتِ اعرف وهم شي حلو نلتم كلنا ونعوفكم بكربلاء وحنا نرجع

وردة: لا مو هيچ نمشي الصبح ونرجع بليل
انا ماگدر ابات نرجع للبيت احسن

هزيت راسي بخوش مطفيه النار راده عليها
قربة: خوش انا راح اخبر اهلي وذو الفقار ينطي خبر الاهله

كملت كلامي وترخص منها وسديت الخط
ظليت احضر بالفطور.. كملت وتوضيت وصعدت ماخذه طيبة حاطتها گدامي وبديت اقرا قرأن وهيَّ تلعب گدامي وتگلب على بطنها وتناغي

يتبع...

بقلمي: زهراء ثائر

#اقنعة_الموت" الفقار "

#بارت_الاخير _ ........#القسم١


‏"لمَّا تتْركهَا علَى الله،‏ مُستحِيل الله يتركك"

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

.
.
.
.

گاعده بالحديقة على الطاوله الي بوسط الحديقة وفوكانا شجرة السدر مسويه فيل من الشمس
ابتسمت بتنهّيده مباوعه على الكرسي البصفي الي مستوطن عليه حبيبي ورفيق دربي

بهيبئة ورزانته الهادئ.. انا اشوفه احلى رجال بعيني
المثل يگول القرد بعين امة غزل
وانا اشوفه مو غزال لا بالـ ملاك على هيئة بشر

ما ابالغ بوصفي اله لان حبي اله
عمه عيوني على عيوبه الي الحد الان ماعرفها أو اعرفها وتغاضه عنها.. بس كل الي اگدر اوصفه بكلامي ونظراتي هوَ احسن رجال شفته بحياتي

غضيت نظري رافعة ايدي متچيه عكسي على الطاولة وكف ايدي على خدي وعيني عليه بينما اباوعله هوَ لازم تلفونه يگلب بي بتركيز وباله مو يمي
هتفت بهدوء والعب بسير الجنطة الگدامي

-ذو الفقار

رفع نظرة مباوعلي ونزلعه يباوع الموبايل راد
ذو الفقار: يابه

-جاي شتسوي.؟

رفع نظرة مرة ثانية وصبع ايده ماسح على شواربه راد وبعده عينه على التليفون:- ويا فياض احچي وياه شوگت يجون

-بس محد جاي لا شرار ولا اهلي

ذوالفقار:هسه دز ضرار دسالة وگال جاينن

هزيت راسي بها ساكته درت وجهي مباوعه على باب الشارع كايمه من مكاني ماخذه الجنطة
مشيت الي جوه عايفته وحدة
دخلت المطبخ حطيت الجنطة على المجمده ودخلت مكمله الصالة

باوعت على خالة گاعد هيَّ وعمو
وطيبة الي گدامها كالبه على بطنها وتناغي وخالة تنوغيلها وتصيح بسمها وهيَّ الوتيه تنغنغ على صوتها بينما هيَّ تناغي عمو گاعد على صفحة لازم سبحته ويباوع على التلفزيون وعين على طيبة

من دخلت حسو عليَّ، باوعتلي خالة وهتفت بهدوء وهيَّ تعدل بشيلتها:- شني ما اجو.؟

رديت عليها متقربه منهم گاعده گدام طيبة وهيَّ الوتيه من شافتني ضحكت ام عيون شلتها حاطتا بحضني وحچي ويا خالة: ذو الفقار يگول شوي ويجون همه وضرار وشرار

عيدة: واهلچ.

-خابرت غيم مساع وگالت ما عنده شي بس اتصلو علينا ونطلع الكم

هزت راسها بها ساكته.. ظلينا نحچي سوالف عاديه
منا ما اندك الباب... عمو كام هوَ وخالة وانا وياهم خالة راحت قفلت الغرفة مالتهم وكفت يم الدرج صايحه على مطلب وهاجر حتى ينزلون

بينما هيَّ تسوي هيچ انا مشيت المطبخ حطيت طيبة منومتها على المجمده، عدلت جبتي وشالي خاف طالع شعري.. كملت وخذت الجنطة لابستها وشلت طيبة لازمتها من بطنها وظهرها على بطني

اخذت الحلاگه وحاجيات طيبة وطلعت من المطبخ
مباوعه على الحديقة.. واكف عمو وذو الفقار وگدامهم فياض لبست انعالي ومشيت سلمت بهدوء على فياض وهوَ رد منزل راسه.

بينما سلمت عليه انطيت طيبة الذو الفقار ورجعت البس حذائي.. بينما البس بالحذاء الثاني طلع مطلب ورا هاجر كملت وخالة طلعت واكفه بصفي قافله باب المطبخ

كملت واخذت العباية الي حاطتها على ذراعها
لبستها ومشيت متقربة منهم
وكفت بصف هاجر وگدامنا ذو الفقار ومطلب يحچون
ثواني وهمه يحچون طبكت سيارة تكسي ماعرف منو منا ما نزل منها ضرار.. وفياض گال موجهه الكلام للولد

فياض: يله نتوكل

طلع عمو والولد وانا وهاجر وراهم وخالة ورانا قافله باب الشارع.. باوعت على الكوستر بيها ام فياض واخته ام حيدر وردة وشرار وعمتها

ابتسمت بوجهم ومشيت متجهه السيارة
صعدت اول انا گايله سلام عليكم.. ردن السلام
بينما ردن تقربت من خالة دانه مسلمه عليها لان باول كرسي الي يم الباب سلمت عليها بعدها على الباقين
وآخر شي شرار وابنها

وراي خالة وهاجر يسلمن على البقية
خالة دانه بالكرسي الاول وراها امة الفياض وراها اخته ام حيدر..وشرار وردة بنفس الكرسي
اشرت الهن بيدي يكومن

قربة:كومن نگعد احنا الثلاثه بالاخير..شني اباوع عليچن گاعدات سوى وانا لا

كامن..ومشيت قبلهن گاعده يم الجامه واجت گعدت بصفي وردة وشرار بصفها... بينما گعدنا احنا الثلاثه الولد صعدو واحد ورا الثاني
اباوع الهم گعد ذو الفقار وفياض بالكرسين الاولين وعمو بالصدر يم السايق ومطلب وضرار بالكرسي الورا ذو الفقار وفياض.. وبقن كرسيين گعدو الولد كلهم وگال مطلب

مطلب: ابو الشباب بس اوكف بالدربونه الگدامنا تجي العائلة الثانية

رد الولد عليه بخوش وحرك السيارة وخالة دانه صلت على محمد وطلع من فرعنا واكف گدام الفرع شوي وسمعت مطلب يحچي بالتلفون.. رفعت نظري مباوعتله بس ما اشوف

مطلب: ابو الشباب يله اطلع اهاي احنا واكفين الكم
يله خوش استعجل

يحچي وعيني على بيتنا
بالدقايق وطلعو بينما هم طلعو واجو بتجاهنا وابوي بقى يفقل بالبيبان اجو وابوي شوي واجه وراهم
صعدو واحد ورا الثاني مسلمين بنفس الوقت
باوعت الهم بابتسامة.. اجت غيم وراها نرجس
غيم رأساً گالت

غيم: اگعدي أنتِ ورجلچ بعد روحي

باوعت عليها صفح ما عاجبها.. كمنا سلمنا عليهن
ورجعنا المكانه ونرجس گعدت بالكرسي الي گدامنا وغيم يمنا.. بينما گعدن امي سلمت على النسوان الكبار ورفعت ايدها مسلمه علينا.. ردينه السلام وگعدت وامي تسلم وابوي وعليا وراهم
وگعد ابوي يمها وعليا سلم علينا منزل راسه
وگعد يم نرجس.. بينما اجو گال عمو صاحب للولد يتوكل

حرك السيارة وخالة عيدة كالت اقرو اية الكرسي خمس مرات التحصين ونرجع سالمين
قريت الايه وكملت وباوعت على وردة گايله بصوت ناصي

قربة: ليش ما اجه عمچ..؟

باوعتلي وباوعت على عمتها بالعه ريگ.. ردت بهدوء وبنفس نبرة صوتي
وردة: دگول مريض وماله خلك يجي

رفعت تك حاجب مباوعه عليها بنظرا قاريه داخلها
ادري ما تحچي وردة شني الي يصير وياها هاي الفترة
بس احس بيها وعرف من عيونها

عمها ما راضي عليها بس فياض فارض هل شغلة
وانا عرفت من ذو الفقار حاچي اله فياض
ابوه من خاطبها اله شارط يطلع من البيت وما يظل بالبيت وفياض قبل بدون تردد وهوَ طلع حجته بالبيت اريد استقر وحدي

اخ يا حظچ يا وردايه لازم يطلع الچ واحد صفح
بس يله الحمدلله مادام عمتها زينه ورجلها يحبها شلها بالباقي ، وهم هيَّ بيتها بعيد عليهم لا احد يوصل ولا هيَّ توصل الهم، هيچ احسن الها والهم
سحبت نفس لازمه ايدهه مطبطبه عليها بلايد الثانية وهتفت بصوت الخافت

قربة: امي مرة گالت الي العنده القمر شله بالنجوم
أنتِ عندچ فياض يسوى الداير مدايرچ واحد واحد

ابتسمت مباوعه بالفراغ ادور على ذاك الشخص
الهادئ العاشگ بنظراته وگلبه.. ردت عليَّ وهيَّ ترجع نظرها اليه راده بهيام وصوت نابع من اعماق گلبها

وردة: تعبت وصبرت من عمر الـ13 الحد هسه
والله انطاني الشخص الي يعوضني على الصبر الصبرته، متندمه لان ما قبلت بي من اول ما عرفته
متندمه لان تعبته يله قبلت.. فياض يستاهل احبه وعشگه... اي اعترف احبه يا قربة يوم عن يوم حاي اموت بحبه انا

احمد الله الف مرة على هذا الانسان
احمد الله حطا بطريقي
انا لو ما هوَ الله الي يعلم حالي هسه.
يمكن بالناقص مو متحسنه، انا لو ما هوَ چان بعدني وردة البيها رهبة من الزلم ومن البشرية
احمد الله الآخر يوم بعمري على هل نعمة النطاها اليه

ابتسمت على كلامها وهتفت مباوعه على الكراسي الگاعد بيها ذو الفقار وفياض

قربة: الله سبحانه گال بكتابة الكريم
وعسى ان تكرهوا شيئا هو خيراً لكم.
انا وياچ كرهنا ورفضناهم وحسبنا هم شر النا
لكن طلع العكس.. ادبار الله النا احسن من ادبارنا
احنا مانعرف شنو الزين النا وشنو الشر النا

وچنت اكوم وعد اصرخ ماريده وما اريده وأنتِ شفتي بعينچ ومن تقبلت الموضوع گلت انا احب هذا المخبل لو اموت، بس شصار حبيته انا ومتت بي
صدگي شگد ما احبه اغار من بتي عليه
شوفي وين وصلت بيه
الحب والجنون ما يجي خالي بلاش
همه راونا اهتمامهم وحبهم احنا اتخبلنا بيهم

شرار: وياچن انا

باوعنا على شرار وهيَّ كملت مباوعه على ابنها النايم بحضنها وتمسح على شعرة وتحچي

شرار: كل وحدة بينه انكتب عليها تمشي بمصيرها وتتحمل الي تمر بي حتى تتعوض عن الي صار وياها حتى ينطيها الله على كد الصبرت عليه
والله انطانه فوك التعب الي تعبنا والصبر الصبرنا

تصدگن چنت مأيسه من حياتي
چنت بيت فيصل شبه انسانه خالية من المشاعر
ماتت احلامي وهدافي.. چنت جسد بلا روح
متحطمه كلياًّ لا اهل فوك راسي ولا اجداد محتويني
انحرمت من كلشي... وفوك هذا كله انفرضت على شخص مجبور ياخذني

تدرن من گعدت من ولكيت نفسي بغرفة مو الغرفة مالتي، أو البيتونه مالتي.. الي هيَّ مخزن
بيها كارتونه ملابس متكونه من ثلث قطع دشداشات وداخليات ثنين وياريت اشتري لا يذبن عليَّ بنات فيصل من يشترن ملابس جديدة ويذبن عليه العتيك والمتروس وصخ ولثك

رفعت ايدها مكمله وهيَّ تسحب نفس ماسحه دموعها وعينها على ابنها وتحچي والخنگه بصوتها

شرار: قابله بالملابس التعبانه المهم تسترني
بس الي يموتني الف موته هو الاكل "عضت شفتها وكملت بالعه الغصة" الكل ينطوني وجبه وحدة يشهد الله عليه، وانا من حلات روحي ما أكل لا ريوگ ولا غدى اخليها للعشى حتى انام شبعانه

ادري من احچي ما يتصدگ كلامي لان هم اهلي مو غربة، بس هواي هواي تعبوني بيت فيصل
لا سبح مثل العالم اسبح ولا أكل مثل العالم أكل
وعود هاي اذا طولت الساني وعاركت سليمه انحرم من الأكل والشرب من الثاني يوم

وهاي عندي عادي تقبلت هل روتين
بس صعب من تحاربين حتى لا ينوخذ شرفچ من اقرب الناس الچ.. لا تباوعن عليَّ هيچ اي ابن عمي كذا مرة راد يتعرضلي أو اگولها بخط العريض يضحك على عقلي حتى ياخذ الي يريده، بس انا اصده وضربه وحبس نفسي يوم كامل حتى لا اشوف جهرته

وكل هاي وكيفت من انعقدلي على ضرار
أصلاً عيد وجاني.. المهم عندي اطلع من هل گبر العايشه بي، وأنتِ قربة شوفت عينچ شصار بيه وشصار بهل زواج، ورجعت اله بعد ما شفته من صدگ شاريني وهمه رجعت الخاطر هل طفل ماريد يصير نفس حالي

والحمدالله بعد الصبر فرج
الله جازاني وعوضني بهال شخص
صح هوَ شسوى بيه اول ايام بس هوَ مو معصوم لو ملاك يبقى بشر ومتروس اخطاء

تحچي وادموعي تجري وياها والى وردة انكس من حالي وغيم حاطه ايده على خدها وتباوع علينا وعلى شرار لان قريبة عليها وتسمع شتحچي
تنهّدت ماسحه دموعي گايله وعيني تتنقل من وحدة الوحدة

قربة: مرة چنت احچي ويا ذو الفقار وگلي الدنيا قانونها اخذ وعطى، تاخذ منچ وتنطيچ
ربچ ما ينطيچ شي بدون مقابل ولا ياخذ منچ شي ويعوفچ هيچ... ينطيچ على كد صبرچ

واحنا لا ننسى ربنا كريم ورحيم
يرحمنا ويهون بلائتنا باشخاص... يا باهلنا أو
باولادنا يا بزوجنا... يهون علينا مسيرتنا الدنيويه منا ما ياخذ هل روح

غيم: هسه كافي مناحه عليچن العباس گلبي نقبض
انا گلت هسه اتونس وطلع من جو السادس وضيمه
اجي اتلكه ضيمچن

ابتسمت ماسحه دموعي والبنات كذلك
رجعت گالت غيم موجها كلامها الوردة وهيَّ ترفع راسها تباوع بتجاه فياض

غيم: اي سولفي وردو هم اكو غومانسيات لومانسيات
هم يگلچ احبچ البج لو كلشي ماكو

قربة: غيم

غيم: احچي وردة احچي اسمعچ

هزيت راسي بأس مباوعه على وردة منتظره شتحچي
بينما هيَّ سحبت نفس طويل متورده خدودها گايله بهدوء وصوت ناصي

وردة: قبل لا نجيكم من خابرني ينطيني علم احضر نفسي...

غيم: قبل لا تحچين، ابوچ ومريم ليش ما اجو..؟

وردة: ابوي ما قبل يجي ومريم گالت اعوفه وحدة ما يصير ظلت يمّه.. ولحيت عليهم وفياض كذلك بس ما قبلو فـ فياض گال كم يوم واخذهم ونروح

غيم: اها تيله كملي شگالچ فياضچ

ضحكت راده وتفر بالحلقة البيدها
وردة: من ظليت احچي ويا وليش ابوك ما يجي وخاف ما يريدني ومن هل حچي هوَ رد عليَّ بحب

فياض: أنتِ ربحي بدنيتي، واخرتي شلچ بالرادچ والما رادچ

غيم: يممممممه راح اموعععع اريد هيچ وحيد

گالت هيچ بصوت شبه العالي.. رأساً خزرتها
ويا ما خزرتها التفت علينا عليا مباوعه على غيم گايل باستغراب

عليا: صوتچ هيو، وشتردين بله.؟

كتمت ضحكتي مباوعه على وردة وشرار وعلى غيم الي وجها انصبغ.. ردت عليه تضيع السالفة

غيم: ماكو شي بس قربة گالت مشتريه لبسه وتغور بيه ترضى عليا شلون اختك تغور بيه

رفعت تك حاجب مباوعه عليها بنظرات مصدومى وفاتحه حلكي بنفس الوقت بينما انا على هل وضع البنات لازمات رواحن كوه وعليا رد عليها

عليا: انا من ارجع اخذلچ من مطلب احلى لبس جايب بضاعه حلوة

مطلب: سمعت اسمي بالطاري

قربة: يردون يقطونك

مطلب: ياهوَ الي يقطني، عمي اقط ما انقط

عليا: وسفة انا اقطه لا اشتري بفلوسي الاختي شني اقطه

مطلب: اختك عدها رجل يجيب الها

غيم: منين اجاني الرجل.. اي اي السادس رجلي بس اغم ما عنده فلوس

ما تحملت طكيتها ضحكه وسرعان ما عضيت شفتي مهتز جتفي مانعه صوتي لان عيب من السايق لا يسمع، بينما هيَّ گالت هيچ بس صوت القهقة ينسمع
رد عليها عليا گايل

عليا: السادس طير عقلچ فوك ما طاير

باوعت عليه كاشه خشمها وتباوع عليه بطرف عينها بينما هوَ ضحك ودار وجها عنها
ظلينا نسولف شويه وذو الفقار صاح على عليا ياخذ طيبة ظلت تبجي... جابها عليا منه ورضعتها ونامت

ظلينا طول الطريق نضحك ونسولف منا ما وصلنا
قريب للمغرب.. دخلنا كربلاء
الولد ابو الكوستر گال وهوَ بعده يمشي بالشوارع كربلاء الجمالها شگد ما اوصف جماله قليل بحقها صدگ لو گالو جنة الله في الارض
بينما الولد يحچي انا عين على الشوارع وعين على طيبة اعدل بملابسها

الولد: فياض خويه راح اصف السيارة بالكراج القريب على الامام العباس وانتم اتمشو اللامامين.. لان ماگدر ادخلها أكثر ازدحام وصايرة هوسه

فياض: هاي خويه اتوكل

ورا شوي دخل مثل المجمع چبير ما بي باب
دخل السيارة وصفها ونزلو الولد قبلنا وراهم احنا
نزلنا كلنا واكفين واحد بصف الثاني
وعمو صاحب وابوي والولد ويا ابو الكوستر يتفقون على الوقت شوگت نرجع السيارة

اتفق وكملو وگالو يله نمشي
الولد گدامنا واحنا النسوان وراهم
انا وردة وشرار وغيم ونرجس نمشي بنفس الصفه وگدامنا امي وخالة دانه وامة واخته الفياض
يسولفن ويمشن مندمجات

مشينى على الشارع مكملين نصه ودخلنا دربونه
بيها محلات مفتحه تبيع معجنات
كملنا الدربونه وصار گدامنا مثل شوارع اخذونه على الشارع الايمن.. مو ذاك الكبر يجي حالة حال الدربونه بس بالعرض وبي محلات متروس ترس

ملابس وحلويات وملاعيب وهواي شغلات
وجماله يخبل متروس اضويه ونشرات مسويه رونق المكان كلش حلو

مشينى نص الشارع وشفنا القبة
انه شفتها جسمي كزبر وصارت بزه بعيني
صارلي سنين ما جايه ومشبعه انفاسي بعطر ضريحهم، لزمت طيبة بالعه ريگ براحه وطمئنات

مشينى شوي ودرت وجهي على غيم من ندغتني بكتفي گايله وهيَّ تاشر على مكان بي بناء بالطول وبي كبه لون ازرگ بنص دربونه وبيها محلات

غيم: هاي قبة كف الامام العباس الايسر

كزبر جسمي متذكرى الحلم مال امي
عدلت طيبة بحضنب حاچيه بصوت مسمعه امي اريدها تحچي ويا ذو الفقار حتى انزوره
قربة: يمه گولي الذو الفقار خلي يوكف انزور كف الامام العباس

دارت وجها عليه مباوعه دور بعيونها بينما انا اشرت الها براسي على المكان الي مشينى عنه قرب محل أو محلين، باوعت على المكان ودارت وجها حاچيه ويا ذو الفقار كملت ودارت وجها

فاطمة: يگول من نطلع نوكف..

بوزت شفتي ساكته ماكو نقاش مو وحدنا وطنكر عليه، كملنا الطريق متقربين من القبة.
الضريح صار گدامنا والعالم تروج وتارسه الشارع

ظلينا نمشي وعيني على العالم وعلى شرار الي تباوع والدموع تلالي بعينها، مكمله نظري الباقي البنات يباوعن على العالم والبتسامة شاكه حلكهن.. هذا المكان ينشرح بي الاصدر

ظلينا نمشي منا ما وصلنا بين الحرمين
وهنا الجمال شگد ما اگول عليه يخبل قليل
المكان عبارة عن نشرات ورد وعبارات على العمدان

عيني على الجمال انقل نظري من زاوية الزاوية
ومن شخص الشخص. قطع نظراتي صوت ذو الفقار وهوَ يعمم على الكل

ذو الفقار: ادخلن زورن وكملن وصلن راح يأذن
ومن طلعن تلكنا گدام هاي المكتبه خوش مو تنسن گدام هاي المكتبه.. وانتبهن وحدة على وحدة لا تضيعن، والي تريد تزور تاخذ وياها وحدة ثنين وترجع وهيچ زورن

هزينا روسنا بأي ومشو، بينما مشو خالة دانه گالت وهيَّ تباوعو على ام فياض وام حيدر

دانه: خيه ام فياض اخذي ام حيدر وچنتچ وقربة وشرار ونرجس وهجورة.. وانا وام عليا وغيمه نظل يم الجهال بينما تجن حتى تظلون يمهم ونرجع الكم ندخل

هزت المرة باي وانطينا الجهال الهن ومشينى توضينه
ورجعنا الهن.. وهنا سون نفسنا ورجعن
بينما راحن انه والبنات لبسنا الجادرات الصلاة
لبسناهن وگعدنا على الصبه الي بيها حديقة ومدري شني، ونباوع على الزوار والنسوان الي يطلعن من كل الصناف، الى هذن الايرانيات فلك بيض على حمار والايد زبد شني ما يشتغلن
قطع صفناتنا صوتهن وهن يتقدمن علينا گايله خالة دانه

دانه: يله نتوكل

شلت بتي وشرار كذلك.. ومشينى ورا خالة دانه وام فياض حطينا احذيتنا الكيشوانيه ومشينى التفتيش
فتشونها وكملو ودخلنا الدرج نازل بينه الضريح

نمشي نازلين وعينا على الضريح
ودموعي لا اراديًا بدن يطيحن، ايام وحلام اجي وزور ابا الاحرار واخيه ابا الفضل، چنت كل ما اشوف الضريح بالتلفزيون اتحسر على زيارته
بس هسه الحمدلله انرزقت وجاي امشي خطواتي بضريحه الشريف

نزلنا مكملين الدرج واكفين بالنص
بينما تحچي خالة دانه وام فياض وانا إذني يمهن وعيني على المكان والعالم التمشي وتتحرك بكل حرية

دانه: تعالن هنا اگعدن صلن يله نمشي انزور

ام فياض: لا خيه خلي وجبه تروح تزور وحنا انصلي
وبينما يجن احنا مكملين صلاة

دانه: خوش يا الي تمشي تزور

رديت عليها انا وشرار وردة بنفس الوقت

-انا

دانه: خوش روحي وياهن خيه ام عليا واحنا هنا يم الجهال

غيم: انا هم وياهن

همهمت خالة الها بقبول.. ومشت واحنا مشينى كلنا وراها وكفنا يم الركن مال الكتب والترب وگالت امي

فاطمة: يله نمشي

قربة: ناخذ الجهال نزورهم

فاطمة: اذا ازدحام من بعيد ونرجعهم

هزيت راسي بخوش ومشينى والباقيات ظلن گاعدات يصلن، مشينى بتجاه الضريح الامام العباس وكفنا باب ابو طلبه صاير گدامنا الشباك.
انا شفته ورفعت ايدي مكممه فمي نازله دموعي وعيني على الضريح

ايد مكممه فمي وايد لازمه طيبة من بطنها وظهرها على بطني.. مشن گدامي امي وغيم بايسات الباب الذهبي وانا وشرار وردة واكفات بنص الباب ونبچي
على وضعنا اجت ام الريشه چبيرة بالعمر وتحچي وهيَّ تمسح بريشه على كتفنا

-الله يصبرچن امي... اتحركن لا تظلن واكفات ادخلن

باوعت عليها وحركت نفسي ماشيى بخطوات بطيء بتجاه الباب. مشيت خطوتين دايره وجهي على بنات
يمشن وراي.. وكفت گدام الباب رافعه ايد وحده ماسحه على الباب بعدها على وجهي وجهه طيبة
سويت هل شكل وحچيت ويا طوطه بطفوليه مقربتها للباب

-ماما بوسي حبيبي بوسي

هيَّ بس تحط شفته وتمطك، وخرت راسها مباوعه على البنات حطات راسهن على الباب والنسوان دفع بيهن ومنهن يرفعن ايدهن فوك روسهن يدك الباب ويتمتمن بشفافن بدون صوت حچيت بصوت وانا اتقدم للامام

قربة: انا راح ازور وردة شرار ورجع نفس المكان اذا ما لكيتوني

گلت هيچ ورفعت طيبة حاطتها على رگبتي ودحست روحي بين النسوان..الامام ازدحام وروجه طك روجه
خفت على طيبة يصير بيها شي بس باوعت على الضريح متمتمه بداخلي

-مولاي متعنيه الك وصارلي سنين ما واصله الكم
اريد الزم شباكك وزورك وبرد گلبي

احچي وادحس روحي بين النسوان منا ما صرت گدام الشباك.. بچيت بفرح اي بفرح ما ردني مولاي
لزمت شباكه ودموع تجري وانا احچي كلمة بداخلي وكلمة مسموعه

مولاي يا كافل سيدتي زينب عليها السلام
بحقها في قلبك ان تستر عليَّ وعلى من احب
يا عزيز الزهراء اقسم عليك بضلعها المكسور وجاهك عند الله ان تدعو عند الله، يحفظلي زوجي وطفلتي. دخيلك يا مولاي انا من دونهم لا شيء

كملت كلامي بايسه الشباك وماسحه بحرحاره ايدي
ورفعتهه مسحت وجهي ورجعتها مرة ثانية ويا ما رجعتها صارت روجه اندفت بقوة صارخه بخوف على طيبة لو ما الله ستر ولازمه رجلها قوي بايدي چان طاحت متكسر راسها

رأساً طلعت من الجوكه والنسوان تحچي على الي يدفعن طلعت ماشيى الباب وكفت يم الباب منزله طيبة الي ظلت تنكنك.. باوعت عليها اتفحصها خاف صار بيها شي

ويا ما جاي اباوع اجاني صوت امي.. رفعت نظري مباوعه الها.. بينما باوعت عليها اجت وكفت يمي گايله

فاطمة: ها زرتي

-اي زرت

فاطمة: البنات وين.؟

-گلت الهن اذا ما لكيتني معناه رجعت

هزت راسها وهوَتف وهيَّ تاشرلي اطلع
طلعنا كوه ما قبلت ام الريشه اريدنا نطلع من ذاك الباب وذا نطلع مناك تصير علينا فره، طلعنا رايحن المكان الي بي البنات

باوعنا عليهم من بعيد محد راجعه
بينما وصلنا الهن خالة دانه باوعت علينا وهتف دور نظرها ورانا

دانه: وين البنات

فاطمة: بعدهن يزورن

گالت هيچ وخذت التربه
وانه حطيت طيبة يم خالة عيدة وهاجر الي طول الروحه مالها صوت وزاوية روحه يم الكرسي اليم الباب يم اخوها.. حتى نسيت هي ويانا والله

حطيتها يمهن وبديت اصلي الزيارة الامامين
ويا ما كملت أذن المغرب اجن البنات من بعيد
بس اجن راحن البقية يزورن وظلينا احنا نصلي صلاة المغرب قصر

كملنا ويا ما سلمنا التسليم اجن هنه
هم صلن وكملن وكمنا مودعين الامام وطلعنا ماخذين احذيتنا، ورحنا النفس المكان الكال عليه ذو الفقار
لكيناهم ملتمين كلهم.. امي گالت وهيَّ تعدل بعباتها وتباوع الهم

فاطمة: وجوهم تتلاطم هسه يعيطون بينا

شرار: عليمن يعيطون هيَّ غير صايره طك اخوك لا طيح

سكتنا ما رادين عليها من لمحونا كايمين من الصبه
وصلنا يمهم وابوي گال بس الحمدلله حچه بهدوء يمكن استحه من الموجودين

شاكر: شصار عليچن

غيم: هيَّ غير صايره كربله كوه زرنا

باوع مطلب عليها ونزل راسه أما البقية ولا باوع علينا
بينما كملت گال ذو الفقار

ذو الفقار: مو تتاخرن بالامام الحسين
ادخلن زورن بساع حتى نطلع نتعشى

صاحب: جيب العشى ناكل گدام الامامين

هز راسه بالأيجاب واشر النا نتحرك
مشو گدامنا واحنا وراهم
وهم زرنا وكملنا وطلعنه الهم بنفس المكان الحددو النا

اخذونه وگعدو بينه يم البنكات الهوائيات وعلى المدات الي فارشينها العتبة.
گعدنا احنا النسوان بصفحة والزلم بصفنه وذو الفقار وفياض ومطلب وعليا وضرار راحو يجيبون العشى راحو عشيرة هههههه

حطيت طيبة گدامي وگدامها ابن شرار گاعد على مؤخرته ويهومش بيده وطيبة تباوعله وفاتحه حلكها وتضحك، وذاك الثاني هم يضحك وسنيناته الجوه يلمعن بفمه

شرار گاعده يمي من صفحة وردة بصف غيم الي گاعدة بيني وبين ابوي.. وامي والحبايب گدامنا وهاجر گاعدة بين وردة وخالة عيدة هيچ صايرة بنص وتباوع على طيبة وتسوي حركات بوجها والثانية تضحك وترفع برجلها الها هيَّ اجت اخذتها مگعدتها يمها

ظلينا نسولف ونحچي منا ما جابو العشى
جايبين وياهم سفرة.. فرشها من يمنه لحدهم
ونطو العشى الحبايب وظلن يوزعن علينا.. جايبين كباب وزلاطات وقواطي ببسي على العدد
حطو صينيّة وسط متروسه كباب يم الزلم ويمنه صينيّة

وامي وخالة عيدة ظلن يسون لفات وينطنا
واحنا الله ذب علينا أكل.. شگد الكلنا
والولد كذلك منا ما خلصن الصينيتين..جاي امي تغمس بالطماطة وانا اشرب بالقوطية وباوع الهم بينما جاي اشري مطلب گال وهوَ يشرب من القوطيه مالته وايد متجيها على رگبه

مطلب: الهم صلي على محمد وآل محمد الصينيتين وين راحن

ضرار: شتقصد يول

مطلب: ههههه كلشي ما اقصد

عليا: يقصد طكيتو الكباب كله خليتو بس الكشور الطماطة

مطلب: عمي حتى كشور الطماطة ما بقيتو

ضرار: حطيت عينك هسه نزوعه.

مطلب: شبيك هيو مچذب هوَ أنتَ ومرتك دخلتو بالصينيّة چفت

ضرار: لا عيني شگلت مرتي سوده عليَّ اخذتلهه لفة وحدة گول على مرت ذو الفقار طكت ثلث شياش

گال هيچ وشهكت بالببسي طافر على شرار الي گدامي كحيت بقوة ومطلب طكها ضحكه وشرار ظاله متصنمه والببسي يقطر من وجها

مطلب: ههههههههههه اجت فيتتتت

ذو الفقار: هاي حچيت عليها بالباطل طاحت بمرتك
لا تندك بمرتي بعد... مرتي سبيعيه وتشور ها

شرار: ياحيواااانه عفتيها كلها الى انا

گالت هيچ وطلعت خاولي طيبة من الجنطة شامرته عليها گايله بينما هيَّ باوعت على الخاولي

-هاج اخذي مسحي

بينما انطيتها الها البنات لازمات رواحن كوه
والولد يحچون واحد يرد على الثاني، وهيَّ تمسح بوجها وغيم هتفت

غيم: يله هاي تحلايه بنكهه السلاچ ههههه

شرار: غيـــم

نرجس: سلاچ بنكهه الببسي

قربة: شبي سلاچي يخبل ها شراره شبي.؟

غيم: لا ما بي شي بس بي مخاط ههههههه

شرار: راح ازوع بالنص وخلي رواحكم تتطلع اسكتو مني

كتمنا ضحكنا لان العالم التمشي تباوع علينا
همه والي گاعدين بعيد علينا.
لمت امي كل النعمة وحطتها بالعلاليگ الجابوهن بيهن والصواني مال الكباب فلين كسرتهن وذبتهن
الولد هم سوو نفس الشي
اخذهم عليا وذبهن بالحاويات، ويا ما راح عليا
ذو الفقار گال بهدوء وهو يكوم من مكانه

ذو الفقار: يا الي يريد چاي.؟

كلها رادت ما عداي انا وغيم وشرار
ويا ما راد يمشي هتفت بهدوء هوَ رأساً التفت

قربة: خلي امشي وياك

ذو الفقار: گومي يله وعوفي طيبة يم امي

هزيت راسي بخوش مطيه طيبة الخالة وكمت معدلة الجادر على راسي.. لبست حذائي ومشيت متجهه اله
وكفت بقربه. مباوعلي ودار وجها ماشي وانا وياه بنفس الخطوات

ابتعدنا عنهم ماشين بالشارع الگدام الامامين
سحبت نفس براحه هامسه بهدوء واباوع على قبة الامام العباس ويا ما كملت نص الكلام رافعه نظري اله وامشي اريد اشوف رده فعله

قربة: ذو الفقار... بينا العباس والله انا احبنك

بس كملت آخر كلمة باوعلي بدون ما يلتفت الي
انرسمت ابتسامة على ثغرة مغمض عيونه ومفتحها گايل بنفس نبرة صوتي.. يحچي وايده بجيب بنطرونه، أما انا يحچي وعيني عليه وعلى القبة الامام العباس

ذو الفقار: ما احب اوصف حبي الچ بكلمة وحق العباس الحلفتي بي... بس اعجز عن الكلام الي يكفي حبي الچ لكن حبي الچ دنيوي واخري
ما طامع بمضهرچ ولا حُسن خُلقچ، احبچ لان قربة مو شي ثاني

نزلت نظري على خطواتي وخطواته الرزنه الي يخطيها بهدوء.. راده عليه والدموع الفرح تركص بعيوني والدم ورد بخدودي

قربة: احبك من توصف حبك اليه غير عن البقية
احبك ذو الفقاري.. الله لا يحرمني منك بحق كافل سيدتي وملاتي زينب

باوعلي مبتسم دار وجها عني ولاف داخلين السوگ
رد عليَّ وهوَ يلزم ايدي شابك اصابع ايده بايدي
ويحرك اصبعه الابهام على اصبعي الابهام

ذو الفقار: الامام علي (عليه السلام) يگول
"من أحبنا انعمه الله بحُبنا ولو أنه بالديلم" وانا بحبي الچ الله انعمني بهواي امور.

قربة: احبك هواي انا، بس شني يعني بالديلم.؟

ابتسم بهدوء راد وهوَ يصعدنا على الرصيف الي يم المحلات وعينه دور بالمحلات:- الديلم بكثرة يعني بكد النمل وأكثر

قربة: الله هاي اول مرة اسمع مقوله الامام علي
وصدگ ذو الفقار الأمة المعصومين مو 12 عليهم سلام ليش الامام العباس نگول عليه الامام العباس.؟

ذو الفقار: هسه ارد عليچ بس اوكفي هنا بس اوصي ورجعلچ

ظل شوي ورجعلي واكف يمي
وعينه على الولد الي يصب بالگواب السفريه
حاچي بهدوء

ذو الفقار: شوفي الأمة المعصومين شخصهم الله سبحانه تعالى.. حتى يگونون خليفة بعد النبي محمد "صلى الله عليه" أما الامام العباس ينگال اله هل كلمة لان من الأمة الهُدى، ومنزله الامام العباس عليه السلام عند الله چبيرة بيوم القيامه
واحنا من نگول هيچ احتراماً المنزلته عند الله

ولا بيوم تشكين بهذي الكلمة الـ الامام العباس
لان من ترجعين الهاي الكلمة تنگال بساطة واقرب شي
الشيخ بالجامع اكو اشخاص يصيحو امام يعني مو امام معصوم الله خلا خليفة، بس هيَّ مجرد كلمة لا أكثر تمجد اهل النبوة

ردت ارد عليه والولد صاح عليه
عافتي وراح اله اخذ منه الصينيّة ومدري شحچه وياه والولد هز راسه من هز راسه ذو الفقار طلع فلوس من محفظته ونطا ووخذ الصينيّة وجه عليَّ

مشينى سوى حاچيه بهدوء
قربة: احبك من تشرحلي بالدين وتوضح الي اشياء انا جاهله عنها

ابتسم بخفه راد بحنان
ذو الفقار:وهاي ثاني مقوله للامام علي يگول
" العلمُ أول دليل والمعرفةُ آخر نهايةٍ" يعني شگد ما شبعتي عقلچ بالمعلومات، شگد ما فادنچ بالدنيا وبالاخره

قربة: ذو الفقار اسم على مسمى

ضحك ساكت.. كملنا طريقنا راجعين الهم
وصلنا الهم منطيهم الچاي على عددهم
الساعة عبرت التسعه.. عمو صاحب گال بس نكمل الچاي ناخذ النا حلويات ونتوكل

گعدنا احنا البنات سوية وغيم بصفي وانا بصف
ذو الفقار، وذو الفقار بصفه مطلب فـ يسمعون كلامنا اذا عالي، غيم باوعت على امي ورجعت نظرها اليه مقربه وجها يمي گايله بصوت خافت

غيم: قربان فنچ شصار قبل ايام

قربة: شصار.؟

غيم: خاف احچي وعبالها امي مفلفله لو استهزاء

قربة: غير تحچي وتفضني، احچي قبل لا نكوم

ذو الفقار: يله نتوكل

باوعت على ذو الفقار وعليها هي ضحكت وگالت وهيَّ تكوم

غيم: اسولف وحنا نمشي

هزيت راسي بخوش. شلت غراضي وطيبة اخذها
ذو الفقار كمنا كلنا ماشين سويه انا وغيم ووردة تمشي هيَّ ورجلها گدامنا وشرار نفس الحالة وامي وخالة عيدة ودانه وامة الفياض واخته يمشن سوى ويحچن

أما عليا هوَ ونرجس وابوي ويا عمو صاحب يمشون
گدام مطلب وذو الفقار، أما ذو الفقار ومطلب يمشون گدامي انا وغيم غيم لزمت اذراعي وبدت تحچي واستمع الها

غيم: ذيج الجمعة اجتنا مرت عمچ كريم الي تصير ام اركان، احنا استغربنا جيتها ولا هيَّ ويامن جايه
جايه هيَّ ومرت جعيفر، طببناهن وضيفناهن وسلام ومرحبا ومن هل حچي، وانا گعدت يمهن من باب الفضول لا أكثر

وصادف ابوي وعليا مو هنا ونرجس يم اهلها
المهم بس انا وامي.. ظلن يسولفن ويحچن منا ما طكنها بوجهنا احنا الثنين.. وانا لو ما فشله منهن چان ضحكت بعالي صوتي گايلات جايين نخطب غيم الاركان

گالت هيچ وشهكت گايله بصوت مسموع
وعيوني فاتحتهن ما مصدگه
باوعت على مطلب وذو الفقار الي التفتو علينا وابتسمت بوجهم بخفوت خافيه صدمتي

قربة: لا والله صدگ جايين يخطبوچ.؟

غيم: صوتچ ومرض.. اي جايه تخطب

قربة: وانا ليش ماعرف

غيم: لان بكل بساطة ثاني يوم خابرناهم نطيناهم رفض وهم جنت ملتهيه بالدراسة بحال بيت جعفوري انا

رديت عليها مباوعه گدامي
قربة: مصدومة جايين يخطبون وهمه علاقتنا شبه معدومه، ولا المشكله مرت جعفر جايه يعني جعفر اله علم بالخطوبه

غيم: اي طبعاً، ومن رادو يطلعون اجه عليهم جعفر عنده شغله قريب علينا

ظليت احچي وياها وعيني ليگدام
اشترينا حلويات وكل واحد اشتره الي يعجبه ورجعنا المكان السيارة.. جاب وياه ذو الفقار ومطلب كرزات وحب ومن هل شغلات ناكل بالسيارة

طلعنا من الامامين بالعشره اله ربع
وصلنا السيارة لكينا الولد موجود.. كل واحد گعد بمكانه، ونطلقنا راجعين المحافظتنا.. بالطريق ظلينا ناكل بالكرزات ونسولف منهم الي غفه وعليا ونرجس يتبسبسون عصافير الحب

وصلنا للبيت بالـ12 ونص
ذبينه اهلي يم الدربونه واحنا يم بيتنا
ودعنا شرار وعمتها وردة كذلك وظو بالكوستر الولد مرجعهم البيتهم

كل واحد بينه راح الغرفته
انا صعدت الغرفتي حطيت طيبة بفراشها ومشيت اخذت ملابس ابدل.. كملت ورجعت الغرفة
دخلت لكيت ذو الفقار ينزع بفالينته
سديت الباب والتفت نص التفات مرجع راسه الكنتور لابس ملابس جدد

بينما يبدل انا مشيت المكاني، گعدت على فراشي وسد الكنتور ومشى قافل الباب
ومطفي الضوء مخلي بس الخفيف خاف تگعد باليل طيبة

اجه المكانه صاعد على الجرباية ومتغطي
باوعت عليه ونمت كذلك على صفحتي اليسار صايره مقابيل وجها.. بينما نمت هيچ هوَ حس عليَّ نايم نفس نومتي گايل بهدوء وهوَ يفتح عيونه

ذو الفقار: قربة

-ها.؟

-منو الخاطب اختچ.؟

ضحكت بخفه او استهزاء گايله وانا اعدل نومتي
قربة: تعرف عمي كريم المات، ابنه الچبير خاطب غيم
اتوقع شفته بعرس عليا الي اسمه اركان

رفع حواجبه هاز راسه
ذو الفقار: اي اعرفه.. وشني اختچ وهلچ موافقين.؟

هزيت راسي بالنفي
قربة: لا غيم ما قابله واهلي هم..احنا علاقتنا شبه معدومه وياهم، شلون نتورط وننطي غيم الهم
انخاف عليها منهم لا يسون الها شي
لو هيَّ ما ينخاف عليها بس مانعرف شني بالدنيا

ذوالفقار:انا سمعت صوتچ وحبيت اتأكد

-عادي أصلاً حتى لو ما سأل چان گتلك بدون ما تسأل

ابتسم بخفه مقرب نفسه بايس خدي وموخر مني
ذو الفقار: قرباني يله نامي عيونچ حمر

هزيت راسي بخوش وهوَ مد ايده على الميز الورا
لزم جهازه وظل يطكطك بي وسدا ورجعه المكانه ساحبني حاط راسي على ايده مغمض عيونه نايم
وانا بس غمضت رأساً نمت ما حاسه على نفسي

مرت على روحتنا خمس ايام وبهاي الايام رحنا انا وامي الوردة اخذنا ذو الفقار نوصل وردة لان ورا الروحه الكربلاء بيوم انتقلت البيتها بزفه بسيطة

وبيوم الجمعة خالة عيدة گالت اريد اروح الاهلچ ترحين وياي، انا عيد وجاني، رأساً بدون مقدمات كلت اي، خابرت ذو الفقار وخذت الموافقه ورحنا الهم

وصلنا الهم دكينا الباب وطلعت النا نرجس
سلمت عليها خالة وانا باوعت الوجها اصفر عگدت حواجبي مستغربة وضعها.. تقربت منها مسلمه عليها وبس كملت سلام گلت وانا قريبه عليها

قربة: شبيچ نرجسو.؟

سدت الباب راده واحنا نمشي للبيت
نرجس: مادري شبيه جسمي كله يوجعني ولعبان نفس موتتني

عيدة: خاف حامل يمه.؟

نرجس: مادري هيَّ غايبه عليَّ وخالة گالت باجر اخذچ
لان اليوم صايمه وما تگدر تروح

كملت كلامها وهيَّ تدخل گدامنا للمطبخ ماشيى بينا للصالة، ردت عليها خالة وانا اباوع بدون كلام
الله هيچ وصدگ حامل تكمل فرحت عليا

عيدة: لا تظلين هيچ، امشي حتى لو مو عمتچ اخذي رجلچ، وقربة وروحي

نرجس: ان شاءلله

گالت آخر كلمة وهيَّ تاشر النا نگعد
گعدنا ويا ما گعدنا طلعت امي من الغرفة مالتها مهليه ومرحبه.. گعدت ونرجس دخلت بيدها صلاحيه وگلاص وزعت علينا ماي ورجعت المطبخ

ظلت خالة تحچي وانا عيني على ادور على غيم شو ماكو، رفعت نظري النرجس الي دخلت وبيدها صينيّة ببسي وگليجه، حطتها گدامنا وسالتها

قربة: وين غيم..؟

نرجس: نايمه تعبانه خطيه ذابه روحه بالقراية

قربة: سوده عليَّ.. عود. هاي الجانت تعيب عليَّ شلون موته روحي بالقراية

فاطمة: يا حتى گعده ما تگعد ويانه لازمه الكتاب وتقرأ، ابوج سوالها نظاره العيونها لا يصير بيها شي من القراية