أسيل ـ بعدها حاظرته تشعوطت هاي شبيها متخبله والله ما جانت هيج بس الظاهر فعلاً مو أدامي طلعت من الماسنجر رحت على الواتساب ما محظور ونشط منذ ساعه الظاهر نايم ! وكلامهم عادي بس انتبهت على رسائل الأخيره لفت أنتباهي

مروان ـ أسيل وين

هديل ـ نامت ليش

ـ شوكت نامت

ـ من شوي صعدتلها نايمه

ـ هاا ماشي

ـ ليش ما حجيتوا

ـ وأنتِ شعليج؟

ـ شبيك ما تتحاجى ترى سألت وأسيل أختي

ـ ومرتي

ـ اي عيني صارت مرته

ـ أنجبي

ـ مروان امانه دير بالك عليها وطولك خلك عليها بعدها زعطوط ومراهقه وعقلها صغير هي شوي لسانها طويل وتعاند لازم توسع گلبك عليها علمود لاتصيرلكم مشاكل.

ـ ولازم أتعلم منج شلون أتعامل وياها؟

ـ اي فوك ما أكولك عليها

ـ ما يحتاج تكوليلي

ـ مو وجه نعمه

ـ مثل وجهج .

ـ صوجي والله يله روح

ـ ههههههههه تزعلين من تنلبسين

أسيل ـ ما مجاوبته انقهرت من كلامها عني كدامه ليش هيج تكسرين بي عفت التلفون وانقهرت حتى الجوعه راحت خليت وصعدت ونمت وافكر بكلامهم وتالي غفيت وكعدت على تلفوني هزاز رفعت الشاشه مروان يتصل جاوبته واني نايمه الو مروان

مروان ـ الو

أسيل ـ هاا مروان

ـ الو

ـ مروان يمعود الو أسمعك

ـ شـــنو نايمه

ـ أي والله

ـ كعدي يله

ـ خليني أنام شعندك من الصبح متصل عليه

ـ أغثج

ـ فدوة لهيج مغثه

ـ شگلتي لج

ـ تداركت نفسي وكمزت يله كعدت باي قطعت الخط ومسحت وجهي شعندك تتصل من الصباحيات ..

خليته على الشحن دزلي رساله

مروان ـ الخط لاتقطعينه بوجهي لا اقطع ࢪاسج.

أسيل ـ ما جاوبته لان هواي جاي يحمى عليه شاف روحه وتسلط بزايده ، فتحت الانترنت جاي أكلب ودخلت هديل بيدها تلفونها بس شگلها حزينه هاا

هديل ـ عصام

أسيل ـ شبي

ـ حظرني

ـ أي وليش ضايجه

ـ ما ردت توصل لهل الدرجه يضل أبن عمي وما عندي شيء وياه

ـ ما عندج شيء وياه بس ما أحترمتي زوجته شتدرين لعد يبقيج عادي أكيد أنقهر وشاف أنسب حل يحظرج

ـ يعني قصدج شوفته المحادثات اني وياها من دخلتلي خاص

ـ اذا مو هي شوفتهن هو شافهن ليش خما تجاوزتي حدودج بالكلام وجفصتي زايد نزلت دمعتها وتلفون بيدها سحبته ورجعت أقرا وانصدمت شنو مخليج ضمن الحمايه مالته وتنبحين؟ صدك هديل من كل عقلج شلون هيج تحجين وياها

ـ ما اعرف ما جنت بوعي انقهرت منها شنـــو هو بس رجلها يعني نقطع الصله التجمعنا لن حضرتها تغار ومو من حقها تأمرني احذف تعليقاتي سواء اله او للولد عمامي .

ـ وأنتِ ليش تبجين لن حظرج؟

ـ يعني حقد عليه وحظرني ما ردت اوصل لهل النقطه يضل أبن عمي وتضل علاقتنا بوديه وأحترام مو حقد وتجاهل .

ـ بعدج تحبينه

ـ لأ يا حب أنتِ الثانيه

ـ لعد ليش هيج سويتي

ـ شسويت متكوليلي والله ما سويت شيء أنتوا ركزتوا عليه وعفتوها الها محد ركز على تصرفاتها شلون تغيض بيه ومن قدمت الها الجاي عافتني وخلتهن كلهن يباعلي لو من خطوبة ازهار كلما اتقرب لبنت عمي تصير كدامي وتمنعني اتقربلها ولج حتّى كرم تصوري حجيت وياه وبسته اجت سحبته مني ومنعته

ـ ما أعرف شحجي

ـ ميخالف تغار على زوجها ما بيها شيء من حقها وما الومها رجلها وتحبه وكلنا نغار على زلمنا بس مو من حقنا نقطع الصله التجمعنا علمود مشاعرنا وغيرتنا
هي بتصرفها هذا راح تقطع علاقة بين عصام وإهلي

ـ تدرين لو باقيه على موقفج الأول هواي أحسن الج

ـ شلون يعني

ـ جنتي ما هلكد تحبين ينذكر طاريه ومن تشوفينه تتهربين وتتوترين ومحترمته وصاينه نفسج يعني هسه شحصلتي من دخلتي نفسج بهل المععه .

ـ ولحد الان اني أحترمه وصاينه نفسي وزوجي وعصام ما عندي شيء وياه بس بسبب مرته واللي صار وصلنا لهل النقطه وحيل انقهرت من كعدت من النوم لكيته حاظرني من كل المواقع حتّى من ارقامه .

ـ وزوجته

ـ لا ما حاظرتني

ـ ههههه مبقيتج علمود تشوفين

ـ انجبي هسه عوفينها منها

ـ شتردين لعد

ـ أعتذر من عصام والله بس اعتذر منه وهاي هي

ـ اللي جاي تسوينه غلط عوفي عصام ومرته وهل السالفه كلها يمعوده لاتوصل السالفه لرجلج وينهجم بيتج منو يفيدج بعد عصام او اسسيا.

ـ بس أعتذر شبيج مو الا جان خطيبي السابق اعتذر منه لن هو ابن عمي وما اريد خسارته هاي كل السالفه

ـ أنتِ مقهوره لن هو أبداً ما حظرج ولا لغه الطلب الصداقه وبقى گلشي مثل ما هو حتّى من تزوجتي ما حظرج لن المحترم محترم هو احترمج لن بنت عمه بغض النظر عن دگتج الناقصه بي من طلبتي الانفصال منه .

ـ هو أحسن مني

ـ وهسه شتسوين

ـ راسلي أنتِ من الواتساب مالتج أحجي وياه أتصال

ـ وليش أتصال

ـ اهوووو أسيل

ـ خو احجي رسائل والساعه بـ ٩ اكيد نايمين هسه

ـ شوفي هسه فاتح أنترنت؟

ـ دخلت الواتساب نشط منذ دقائق هاا وهسه

ـ دزيله رساله

ـ شدز خرب والله استحي منه ما مراسلته من زمان بس من انشر واتساب يصنف عليه ويضحك .

ـ كتبي صباح الخير شلونك عندي موضوع وياك

ـ كتبت اله ومر وقت وفتحها وكتب

عصام ـ هلا والله صباح الورد گولي يابه

أسيل ـ أكو احد يمك

ـ لحظه

ـ مرت دقايق واجه

ـ هاا أسيل صاير شيء

ـ زعلان من عدنا دزيتله سمايل حزين

ـ لا والله ليش أزعل على شـــنو

ـ علمود البارحه بالليل

ـ عادي تصير وأنتوا تضلون عمامي ما ألكم دخل

ـ ادري گلبك جبير بس جايتك بطلب

ـ وهو

ـ ما تزعل مني

ـ گولي

ـ أتصل

ـ أتصلي

ـ مروان خما يمك

ـ لا جاي يتريك گبالي

ـ يعني گبالك

ـ أي بس بعيد ليش شبي وياج أحجيلي

ـ ما بي شبي يله لعد راح أتصل عليك تمام

ـ أتصلي

ـ هديل كامت قفلت الباب وخلينا السماعات وأتصلت عليه وجاوب

ـ هاا أسيل

ـ لاتصيح اسمـــي يمعود

ـ ولج ليش تخافين منه لاتنطينه عين ترى ينجلب عليج مروان بس احد ينطي وجه يستجلب عليه

ـ هاا

ـ ههههههه لا بس حباب

ـ تمام هسه عوفنا من مروان

ـ اي

ـ احجي يله احجي شبيج جمدتي

ـ أسيـــل

هديل ـ عصام اني هديل لاتقطع الخط امان...

أسيل ـ قطع الأتصال

ـ أي اي الله يأخذني اي والله

ـ كعدت تبجي حضنتها خلص يمعوده رغم ضربتيني بالشاحنه على خشمي بس ميخالف اني احسن منج .

هديل ـ ليش قطع الأتصال ليش

أسيل ـ احسن ما بيها داعي وعصام يعرف الحلال والحرام وأنتِ على ذمة رجال ما يجوز هالشيء حتّى لو بنت عمه مو الا تجاوزتي حدودج عليهم لن من يوم أنفصالكم ما حجيتوا ولا حرف وأنتهى گلشي من زمان

ـ أي

ـ خلص كافي احسن ما حجيتوا

ـ ويفتح الحظر عليه

ـ ولا يفتحه كافي تقهرين بروحج ابن عمج وما تردين خسارته اتصلتي وقطع الاتصال اكيد راح يعرف تردين تعذرين منه وسويتي اللي عليج وهاي هي كافي هديل

ـ اي هذا هو اوي على شـــنو ابجي واقهر بروحي اكوم اريك جهالي واخابر على سيف

ـ اي عفيه بأختي مسحت دموعها ونزلت رجعت دزيتله عصام اني اسفه خليتك بموقف

عصام ـ لا عادي ولا يهمج

أسيل ـ شكراً لتفهمك

عصام ـ تدللي عيني .

أسيل ـ مسحت المحادثه ومروان فتح إنترنت عفته ونزلت تريگت بعدني جاي أكل اندك الباب منو؟

جنان ـ أسيل گومي فتحي الباب

أسيل ـ جريت شيله أمي ولبستها ورحت اشوف منو

مروان ـ زلمتج

ـ فتحت الباب أتفضل

ـ عمي موجود

ـ اي عبرني بدون كلام ولا نظره ودخل واني وراه وكف بالطرمه يحجي ويه أمي عفتهم وكعدت بالمطبخ أكمل أكلي وأجتني هديل معصبه

ـ شـــنو هالاستقبال لخطيبج

ـ شبي

ـ غير تكعدين وياه وگت أكل هسه گومي رتبي روحج

ـ ما جاوبتها

ـ أسيل ويامن أحجي .

ـ خليني أتزقنب

جنان ـ تزقنبي وكومي غيري ملابسج تروحين تسوين تحليل يله

ـ تحليل مال شنو

ـ تحليل دم علمود عقد المحكمه شبيج مثوله

ـ اي فهمنا عفتهن وصعدت غيرت ملابسي لبست قميص ابيض وبنطلون وسترة جوزي وخليت مكياج ورتبت شالي وصعدتلي هديل وتهز بيدها شگو شبيج.

ـ هذا لبس بشرفج لابسه جوزي وأنتِ عروس

ـ غير أنسق وياه هو لابس جوزي

ـ هاا علموده

ـ أي لعد البس اخضر

ـ دنزلي ام التنسيقات عفيه الخلك العنده كاعد ينتظرج

ـ هسه انزل وراج كملت وشلت تلفوني أستغربته ليش ما بلغني قبل لا يجي ولا عيط ولا فشر حتى ما باوعلي وهادئ!مو بالعاده الله يستر من هذا الهدوء

" لبست الحذاء وهديل خبلتني الا البس كعب يمعوده اوفر باعي الكعب شگد عالي ادري عندي حفله هو تحليل دم شسوي بي ما احبه

هديل ـ بس الزلم يحبون المره التلبس كعب وتبرز طولها وتصيرين أنتِ وياه نفس الطول

ـ واني البس والله الزلم يحبون؟ شو دوخري خليني البس براحتي لبست وبعدني جاي امشي وتلفوني بيدي وصاح أسمي لأول مره .

مروان ـ أسيل

أسيل ـ جانت أمنية حياتي أسمع أسمي منك .

هديل ـ شبيج تخشبتي امشي يصيحلج تاخرتي

أسيل ـ هاا أي من يروح ويانا

هديل ـ على أساس أمي بس هو كال بس أنتِ وياه

ـ شـــنو ووافقتوا عادي

ـ اي شگو بيها قابل غريب

ـ رخصوني بعد رخصوني ماشي اروح وحدي وياه بس بعدين تنحسب عليكم وأمي امومتها خل تتبرع بيها احسن الها .

أختنكت من تصرفات أهلي وطلعت لكيته واكف بالطرمه ويدخن شافني هزلي ࢪاسه يعني لحكيني .
مشيت وراه فتح باب الحوش سيارته طابگها يم الباب صعدت ليكدام وشغل وطلعنا المستشفى

" هدوء يعم المكان أرواحنا قريبه من بعض بس داخلنا حروب واصابات وجروح وجثثث واروح ما مستقره بسبب أخطاء أرتبكت من الطرفين .

هو يسوق طبيعي وأني نظراتي لشارع وسرقت نظراتي ناحيته ولفتني المحبس اللي لابسه جانت النيه اسرق نظره سريعه بس ضليت أتمعن بتفاصيله وهدوءه وأناقته أحسه طالع من الباكيت من كثرما يلمع وريحة عطره تارسه السياره ، غيرت نظرتي قبل لايحس عليه وينغر هو بدون شيء شالع گلبي

" طبگ السياره ونزل ونزلت وياه قفل السياره ومشه واني بصفه وگفت وانخبصت بالجنطه والتلفون اريد اخلي داخلها ومروان وجوده قريب مني حيل توترت وانفاسي تسارعت ويه نبضات گلبي وگلشي هدأ بلحظة لزم ايدي بيها وشد عليها رجفت روحي بلمسة أيده فصلت عن العالم بقربه وأيدي بإيده اريد أستوعب استوعبوني ...

نمشي واني وياه نفس المستوى بالخط النمشي بي حذاءه وحذاءي ورفعت عيني صافنه عليه باوعلي صفح بس نظراته جانت خاليه من الحب !

" وصلنا شاف البنات عاف أيدي واني جلبت بيها وهو استغرب ضغطت عليها والبنات ابتسموا على منظرنا واحد يباوع الثاني ما سحب ايده يحجي ويسأل على التحليل واخذتنا الممرضه ونمشي وراها باوعلي وگال

مروان ـ ترى ما أطير
أسيل ـ وطير منو لازمك ترى انت لزمت ايدي
ـ اي دسگتي هسه
ـ عاف ايدي وبهل الاثناء اجه حارث فرحت من شفته وتقدمت سلمت عليه هلا خويه
حارث ـ هلا عيني هاا أشسويتوا
مروان ـ گالت هسه أنتظروا امشي كعدي
أسيل ـ واكفه ويه أخويه
حارث ـ هههه عوفها شمسويه من هسه تتحكم بيها
أسيل ـ حسيته ضاج لن وگفت بصف حارث وگفوا يحجون علمود سالفة هديل وبعدها سوينا التحليل
ورجعنا وحارث ويانا الحمدلله وصلنا وراح بدون ما يحجي أي شيء ضليت مستغربه لسانه شمسويله وهيج صاير عاقل ما يفشر ومحترم نفسه معقوله تقبل الأمر الواقع؟

" أجيت أنام وصلتني رساله منه

مروان ـ أسيل؟

أسيل ـ بقيت صافنه على أسمي اكذب اذا ما اجاني شعور حلو فرح گلبي جاوبته نعم مروان

ـ عصام هم حاجي وياج؟

ـ بشــنو يحجي

ـ حاجي لو لا .. جاوبي على كد السؤال

ـ خفت أكوله علمود هديل وأنعلس اذا اكذب عليه وبعدين يكشفني وأني بدون شيء سمعتي عنده تلطش ياربي شحجي وياه

ـ ما تحجين شبيج صفنتي

ـ أي

ـ أي بشنو

ـ أني أتصلت عليه

ـ أنتِ اي وشحجيتوا؟

ـ مو أني حجيت علمود هديل طلبت تحجي وياه لن حظرها من كل المواقع بس اتصلت سمع صوتها قطع الاتصال وهاي هي .

ـ بس

ـ أي

ـ يعني علمود هديل

ـ أي

ـ ماشي

ـ ليش تسأل صاير شيء

ـ أي أهلي شاكين بيج مغصوبه عالزواج لن جهرتج جانت مگلوبه لابستها بالمگلوبي والنسوان ما تفوتهن هيج سوالف وتصرف أمج وأختج هم خلال العقد ما متقربات منج .

ـ لا ماكو هيج شي

ـ قابل جايب من جيبي شوفي أسيل تصرفي طبيعي مثل اي عروس خل هالزواج يعدي على خير .

ـ ماشي

ـ بعدين أنتِ صدك مغصوبه عليه؟

ـ أنت شتشوف

ـ لا موافقه بكامل أرادتج

ـ لا انت غصبتني عليك

ـ خلاص هاي هي تصرفي طبيعي تمام

ـ تمام بس مروان

ـ هاا

ـ عادي اسألك سؤال

ـ شنو

ـ بعد ما تأذيني؟

ـ ما أذيج بشنو

ـ علمود اللي صار يعني ..

ـ وليش تفتحين مواضيع قديمه

ـ تمام راح وعفت التلفون ومر الايام واجه من الصبح بلغني بالليل نروح نعقد ولازم بابا يروح ويانا لن بعدني صغيره وامي هم تروح وعمتي وصال اجتي وياه جنت بالغرفه ألبس بشالي وصعدتلي ركضت سلمت عليها هلا عمه شلونج.

وصال ـ الحمدلله بخير حبيبتي أنتِ شلونج أشوفج أحسن وجهج زين

أسيل ـ الحمدلله عيني عمه

ـ فدوة لعينج هاج هذن اشتريتهن الج مكياجات وعطورات وكم قطعه ملابس وداخليات بعد ما اعرف يعجبنج لا من رحنا جهزنا لـ أزهار ذكرتج
أنتِ ومرت حماج أنتِ هم حسبة بناتي .

ـ أخذتهن منها شنو هالزحمه عمه گبل حضنتها وبادلتني الحضن وتبوس بيه تسلمين عمه

ـ عليج بالف عافيه يله لبسي علمود نتوكل اني راح انزل عفت مروان كاعد ويه أبوج .

ـ تمام نزلت وفتحت الاكياس واجت هديل واباوعلهن يخبلن وكلشي ماركه هديل صفنت بوجهي.

هديل ـ شدعوه هلكد فرحتي بيهن قابل ما جايبيلج

ـ لا ليش

ـ ما أدري حسيتج فرحانه بيهن عبالك ما عندج وأنتِ كنتورج ما ينسد من الملابس العندج

ـ لا بس أجتي حلوة منها ذكرتني

ـ غصباً عليها تذكرج زوجة أبنها بعد ولا تبالغين بأي شيء يجيبوا ويذكرونج بي وتبيين أنتِ بحاجة هالاهتمام

ـ هو فعلاً أني بحاجة هالاهتمام

ـ أسيل صيري أدامي لاتنطينهن وجه ويركبنج اني عايشه بنص العيال وأعرف كلشي

ـ بس

ـ لا بس ولا هم يحزنون سوي مثلما گتلج عليه يله نزلي الكل متحضرون بس أنتِ باقيه.

ـ نزلت وشفت الشال الجابته عمتي كلت خل البسه وفعلاً لبسته وكلش طلع حلو علىٰ وجهي وكملت وشلت جنطتي وتلفوني ونزلت شافوني لن گبالي وباب الأستقبال مفتوح على الصاله هو باوعلي وعمتي أبتسمتلي وكاموا وتقدمت باستني .

وصال ـ لو ادري الشال هيج يلوگج ما اجيبلج كل ألوانه وتدللي من ارجع خلي ازهار توصيلج من عنوان المحل وادزهن الج .

هديل ـ لا عمه تكلفين على نفسج

وصال ـ تستاهل عيني هي هاي بنتي .

أسيل ـ مروان جان صافن علينا وشال السويج وطلع قبلنا وطلعنا وراه وأجتي أمي وكامت تسولف هي وأمي علمود الجهاز مالتي لن زواجنا بعد ما ازهار تتزوج احنه نتزوج .

" وصلنا المحكمه وعمتي وصال دفعتني امشي بصفه مشيت وراه وهو يحجي ويه ابويه وحرك ايده ولامست ايدي گبل أندار شافني وراه وأجتي عينه بنص عيني نظراته طافيه من اي نظره ما جنت احس بيهن بالامان !

" كملنا العقد وثبتنا زواجنا بالمحكمه وتغدينا بمطعم وحيل منحرجه منه شعور ما أكدر اوصفه نظره ما أكدر انظرله وبعدين يفسرها بعقله لهذا تجنبت كلشي يخصه وأحترمت نفسي وتجاهلته .

" وصلنا البيت وقبل لا ننزل گالتلي .

وصال ـ صدك نسيت جبت الج غسل طبيعي انطيته لهديل اكلي منه علمود وجهج ينشنش على العرس

أسيل ـ أن شاءالله عمه نزلت اخر وحده وهي هم نزلت وصعدت بالصدر يم مروان وشغل وراحوا .

" روحي أنشرحت بقرب وأهتمام عمتي وصال بيه لدرجه مو طبيعيه ودخلت البيت فتحت الثلاجه وشفت العسل واجتي هديل.

هديل ـ صدك جابولج عسل موصينه الج شتردين بعد وهم زين لابو صفار بسرعه ينزل وجهج يرجع طبيعي ويورد .

أسيل ـ اي گالتلي

ـ هم عزمتج على حنة ازهار

ـ لا ما جابت طاري ليش شوگت عرسها.

ـ يوم أحد هذا الاربعاء حنتها بس شو گالت بالبيت شعجب ما رجلها حجزلها بالقاعه أول وحده من اقاربنا حنتها بالبيت حتى اني حنتي جانت بالقاعه

ـ شگوو بيها وبيتهم جيبر اجعلي قاعة القاعات ما شفتي بالخطوبه شلون طلع فخم وأحلى من القاعه بقاطات ونظافه وعاملات يفترن وبوفي للأكل وطاقم للاغاني وگلشي من أحسنه

ـ أي شفت بس أعتقد زوجها مو نفس الطبقه هسه جنت احجي ويه امي يمكن رجلها سايق تكسي.

ـ وشگو بي مهم خوش رجال ويحبها ويقدرها ويصونها هذا كافي وبعدين أنتِ سيف مو أخذتي حاله على گده ليش أحسج صايره تحجين بالطبقات

ـ لا شحجيت قابل بس لن بيت عمي گمال أكثر عمامي متمكن مادياًّ وكلهم بالدوله وتهمهم المكانه والمستويات والطبقات شعجب وافقوا ينطون ازهار لواحد أقل منهم

ـ قسمه ونصيب يله صاعده أغير ملابسي

ـ ماشي صدك شتلبسين بالحنه

ـ ما أعرف بعدني ما مفكره

ـ هسه عمتج أدزلج كولي هديل ما كالت

ـ ما ادري والله يله صاعده صعدت غيرت ملابسي وفتحت تلفوني دخلت الفيسبوك وشفت منشور
لـ ازهار أيدها هي وخطيبها وكاتبه كلام حلو وكل اقاربنا معلقين الها ومن ضمنهم هديل؟ ههههه ضحكت همزين ما تعاركن بتعليقات لاحظت أسيا أول تعليق واني علقت الها الف مبروك حبيبتي وردت عليه الله يبارك بعمرج حبيبه گلبي منورتني

" ضليت أكلب وأخذتني أيديه لحسابه ما ناشر أي شيء والمنشورات القديمه كلها محذوفه ! صفنت وتذكرت أيامنا وخطر على بالي اللي صار بينا غمضت عيوني أتهرت وانفض بࢪاسي وفزيت على أتصال ازهار الو حبيبتي

ازهار ـ هاا عيني شلونج شخبارج

أسيل ـ الحمدلله تمام عيني وأنتِ

ـ تمام التمام أسيل عيني بس علمود فساتين الحنه والعرس مالتي لاتاخذين وصينا الج باجر يوصلن ومروان عود يجيبهن الج .

ـ شـــنو هالزحمه عيني

ـ لا حبيبتي أنتي زوجة مروان بعد وصرتي بنيتنا مو بس جنتنا واي شيء تحتاجينه خاف تستحين من مروان كوليلي او ماما او حتّى أسيا ماكو فرق تمام

ـ تمام عيني تسلميلي

ـ الله يسلمج حبيبتي يله أترخص منج ونتشاوف بالحنه وابلغ مروان من يوصلنا الصالون اللي نروحله نمر نأخذج ويانا

ـ تمام عيني

ـ باي حبيبي

ـ الله وياج نهيت المحادثه ونزلت وحجيت لـ امي وهديل وما رضن وأمي كامت تحجي عليه

جنان ـ شو طلعتي ما مصدگه ومن اجو أنفجرتي علينا ليش شگالولج علينا ما مودينج صالونات لو ما نندل دربهم شو بكل مناسبة اخذج صالون شسويلج بعد علمود حضرتج ترضين على امج التعبت عليج
صدك لو كالوا البنيه ما يوكف بعينها كلشي .

أسيل ـ بقيت ساكته ما عرفت شجاوبها ومشت زعلانه مني وهديل گالت..

هديل ـ روحي بعد عزمتج بس اخر مره لاتضلين ساحله نفسج وراهم وترخصين بروحج من هسه

أسيل ـ لحگت أمي وضليت صافنه بگلامها وقررت اروح وياهن عيب وامي احاول اراضيها خطيه تضل امي ميخالف والله يحنن القلوب .

.. كعدت من الصبح على الأتصال وتذكرت يمرون عليه رفعت الشاشه رقم غريب ما جاوبته رجع أتصل مره لخ رفعت خط بس بقيت ساكته واجاني صوته

مروان ـ فديت المستشرف!

أسيل ـ جاوبته بفهاوه مـــروان

ـ بنفس النبره أي مـــروان

ـ ليش تتنعوص

ـ نجبي لج اتنعوص شـــنو هذا رقم السياده والقانون حفظي يمج

ـ رقم منو ما فهمت

ـ والدتي

ـ هاا عمتي وصال

ـ أي عمتج وصال ديله عوفيلي النوم جنج دب قطبي كلما اخابرج حاضنه المخده درينا معوزه حنــــان

ـ عزا مروان

ـ العزا ما اريدها ضمن المصطلحات مالتج عقلي يطير منها مالت ناس فاهييين اني اسيا مأكله گلبي بيها عزاااا مروان عزاااا عصام .

ـ ماشي

ـ اي هيج أريدج اوكفيلي استعداد حتى على الاتصال اريد احس بنشاطج لن ما جاب ࢪاسي غير فهاوتج ولسانج الرخي بسرعه توكعين بالشبچه!

ـ ترى بالغت گافي عاد مو وضعيه قسم بالله هم رجعنا لنفس السالفه

ـ نجبي لج دتعالي يمي واشوفج المبالغه قول وفعل اذا ما اخليج ادكيلي تحيه صباحاً ومساءاً اغير اسمي من مروان الى تيسير العراقيه .

ـ يعني راح اطيح حظي فوك ما هو طايح

ـ لا

ـ هاا

ـ اي

ـ يله انزل أتريك وأتجهز مو اليوم أربعاء حنة ازهار

ـ أي

ـ شبيك سگتت

ـ وياج

ـ هم تمرون تأخذوني لو اروح ويه أمي وهديل

ـ بعصبيه وين وين تروحيـــــــن؟

ـ لـ الصالون غير

ـ وشعندج موليه لصالون المن تلمعين بجهرتج الزفره ترى شايفها اكثر من شگلي ما شاءالله أنتِ سويتلي بروفا قبل بوقت .

ـ ترى حقي وكلهن يروحن وأختك عزمتني گالتلي نمرلج نأخذج ويانا يعني اني ما لطشت لأحد واذا على أهلي يعني لازم أروح وياهن تكول اي او تكول لا بعدني يم أهلي واخذ الموافقه منهم؟

ـ لازم ما تارس عينج زين يصير خير على ذمتي ولسانج بطولي يصير خير تعالي يمي واخليج تحلمين بالشمس من يا صوب تطلع سهله .

ـ مروان قطع الأتصال وزعل اني شبيه أنهديت عليه راح يوگلني طن وحل مبين شراح اعاني وياه كمت نزلت جوه لكيتهن يتحضرن وأسماء لكيتها موجوده سلمت عليها

أسماء ـ هلا بالعروس شو لحد الان ما مغيره ملابسج شـــنو ما تروحين ويانا.

أسيل ـ لا

ـ ليش ولج أكو عروس متروح صالون وحنة حماتج وامه محمد كلها تحضر وأنتِ مخطوبة لأخوها وكل العيون عليج امشي يمعوده صدك تحجين .

ـ هيج احسن

ـ ليش أحسن مروان ما يقبل مو

ـ لا ما گال

ـ لا ما يقبل كلهم هيج الزلم حببيتي بفترة الخطوبه يطلعون عضلاتهم علينا ويتحكمون بينا وتعالي قدمي عريضه طويله وين رحتي وشسويتي اوووه متخلص سوالفهم دمشي يمعوده واني اخابر حارث يفهمه الوضع ما عليج منه .

هديل ـ ليش مو على أساس ازهار وأسيا يمرن عليج لو ضربنج دبه تستاهلين والله كلتلج لاتسحلين نفسج الهن وترخصين بروحج ما فاد بيج حيل أكليها دتضلي لعد صبغي جهرتج بالبيت

أسماء ـ هديل شو هيج

هديل ـ ولج علت گلبي أمشي اغير ملابسي نولي تأخرنا يمه وين صرتي

أسيل ـ راحن الغرفه ونظفت المطبخ وضليت حايره وبهل الاثناء رن تلفوني مروان يتصل رجفت روحي من أسمه جاوبته الو مروان .

مروان ـ تجهزي راح اجي أخذج

أسيل ـ ماشي أزهار وأسيا وياك.

مروان ـ لا بالصالون جايج لوحدي نص ساعه واوصل

يتبع ..

31






أزهار ـ وصلنا البيت اني گبل طفرت لغرفتي وعفتهم بالصاله يحجون عــلىٰ الخطوبه وشــنو يسون أول ما دخلت أتصلت عليه ما يجاوبني زعلان عليه!
.. دزيتله رساله ليش زعلان عليه اني ما الي دخل بكل الي صار وبعدين تعرف أهلي وكل العواقب الي مرينا بيها وشكثر عانيننا وصارت أمور وزعل أخواني يله وافقوا عــلىٰ زواجنا المفروض متوقع منهم هالتصرف وتكون متفهم وما تزعل وتتحسس وتلومني؟ شافها وما جاوبني شويه وأتصل عليه

هشام ـ منو گالج زعلان من عندج

أزهار ـ لعد شيسموها أراسلك متجاوبني

ـ جان عندي شغل اي رجعتوا لو بعدكم

ـ رجعنا قبل شوي

ـ عــلىٰ الخير يستاهل أخوج مأخذين من گرايبكم

ـ أي بنت عمي

ـ أي شگو بيها هسه هم أخوج عصام نشر وذاكر اسماء كل عمامج ولد عمامج ونسابتكم مفصلهم تفصال ومقدم دعوه شكر للكل ومجموعه صور بالمضيف وبالخارج يم السيارات ومن سألتج نسابت عمج فاضل هم يحضرون گلتي لا وحتّى نسيب عمج علوان اسمه سيف اعتقد هم موجود ضمن الصور

ـ أي

ـ مبارك الله يقدم البي خير يستاهل مروان

ـ الله يبارك بعمرك

ـ حبيبي خلصت كلشي الغرفه والترتيبات وهالامور
ضلتلي بس القاعات اليوم اروح اشوفهن

ـ حبيبي عوفهن

ـ ليش گلبي

ـ مو ضروريات ومصاريف زايده كنسلها وگافي عليك مصاريف العرس

ـ لا حبيبي أني وعدتج وما أخلف بوعدي وياج اللي تردينه يمج ويجرالج والعرس مره بالعمر من حقج تفرحين بكل تفاصيله واجبي احققلج وأوفرلج كل اللي تحتاجينه .

ـ ما أريد گلشي بس أريدك وتفاصيل العرس أعيشها وياك بساطه مو شرط تكون فخمه وقاعه وهوسه ومعازيم ومصاريف وبعدين تضل مديون وتضل بس تفكر ومهموم هيج عرس ما اريده

ـ أزهار

ـ روحها وعيونها وگلبها ودنيتها الحلوه لـ أزهار

ـ أعشقج

ـ مو بگدي، يله تمام أتفقنا

ـ وأهلج خاف ما يوافقون يعني لازم عرسج او حنتج تكون بقاعه .

ـ لا أبداً والله ولا تدخلوا اني فاتحت ماما بالموضوع وبابا سمعنا وگال احسن قرار زين سويتي لاتكلفين على خطيبج يعني ما عدهم اي مانع .

ـ ماشي لعد بس احجز العرس بالقاعه اريد اركص وياج من بعدني مراهق احلم بيها

ـ دمعت عيني تمام على راحتك

ـ ما ضل شي اخليج بحضني

ـ أستحيت وحتى صوتي راح

ـ أموت على خجلج غصباً على ࢪاسي احترم حياءج وعفتج واخلاقج تجين يمي وجه لوجه وأتغزل بيج براحتي وتسقط كل الحواجز

ـ كيفك

ـ تخافين مني

ـ مو مسأله خوف بس ما اعرف

ـ تخجلين

ـ هشام

ـ روحه التريد حضنج يبعد أسمي الما يحلى بس من تنطقينه بشفايفج

ـ يأخذ نفس ويحجي واني هيمانه بنبرات وتناغم صوته وبقينا نسولف بس ما يعبر حدوده نهائي حتى واني حلاله ضل نفس ماهو ومن اخر مره اجانا بعد ما اجه بس اتصالات علاقتنا جانت على خط الاحترام اني جنت خجوله وأستحي منه وهو احترم هالشيء وكبر بعيني اكثر ماهو كبير.

رايحين لسوك نجهز اني وأمي واسيا وعفنا الجهال على مروان وكل شوي يخابرنا يعيط ويلطم واتصل واسيا جاوبته

أسيا ـ هاا مروان

مروان ـ أسسيا راح اهج كرهت الجهال من ورا جهالج تعالي عليهم هاي بنتج فد عرمه بس تعصر بروحها وتجيبها بعيطه تخلينا نتطافر اني ومجد فضحتنا يمكن تريد رجال الا ازوجها

أسيا ـ يااا عزااا

مروان ـ عزاااا عاله كلبي بالعزا مالتج دتعالي عيني سندس بنتج زر** بحالي

ـ شبيك ياعيني أنت هم عمهم واجبك تتحملهم
وبعدنا ما واصلين فد اربع ساعات واحنه يمك

ـ شنــو شگلتي عيني اربع ساعات لو اربع دقائق؟

ـ أربع ساعات

ـ لا والله شگالولج عليه مفتح روضه الجن ضابط ورتبه وسلاح وخابص روحي وتالي حاط الجهال وكاعد بالله عليجن هاي سوايه سوايتجن.

ـ يله حباب

ـ هو ما مطيح حظي غير كلمة حباب ديلة ولي واذا تأخرتي جهالج اتبرع بيهم لناس محتاجين خلفه واكسب بيهم ثواب لن اليحاجيج ما يشم ريحة
الجنه ف جهالج اجوي بوكتهم

ـ يماااا عزاااا

ـ عزا العزاج وعزا مروان وياج .

أسيا ـ قطع الخط عمه خاف يعوفهم هذا ابنج مو صاحي وعصام نبهني وگالي لاتبقيهم يمه

وصال ـ لا وين يعوفهم لعد وين نوديهم غصباً عليه يتحملهم والا ما اقدم عرسه وابقي يتحرمص هو ما متحملهم لسواد عيوننه بس يريد يقدم العرس واني كلت لابوه الا ازهار تزوج واذا يضل يلح عليه اشتله لصيف وسمع بيها لصيف تخبل يگولي ادبك الزك عليها ادري اسبحك بدبس وراشي .

أسيا ـ خطيه مبين عليه مستعجل يله بس تزوج ازهار خل يتزوجون

وصال ـ هو هم هيج بس الا اشلع گلبه بلكي يعقل

أسيا ـ شيعقل عمه ليش هو خبل والله مروان ورده بس هالايام حيل متغير ولا عبالك مروان النعرفه الهادئ السكوتي والعاقل حتّى صاير سرسري هههه

وصال ـ هو من عاف هناسه تخبل على وگته جانت بس هي گادرتله يله بلكي أسيل تسيطر عليه ..

ازهار ـ يمه هو عافها صدك

وصال ـ يگول هي عافتني!

أسيا ـ كذب شلون هيج يگول على نفسه وهي عافتني؟ هذا شبي

وصال ـ والله لحيت عليه گالي هي عافتني ما ادري بعد ما ينعرف صدكه من جذبه الله يهدي ويثبت عقله ويوفقه وينسعد هو وأسيل

أسيا ـ امين .

ازهار ـ امين، وصلنا السوك وافترينا كل المحلات والمولات واشترينا ولليل يله رجعنا هلكانين من تعب وبعدنا باب الحوش ونسمع صوت اناشيد اطفال؟

أسيا ـ يمممه جهالي مــــروان

ازهار ـ ركضت قبلنا ودخلنا البيت مروان مخليهم وراه التخم وكالب الصاله مخربط التخم مسويلهم مثل السجن حاصرهم بالزاويه ومشغل التلفزيون على أفلام كارتون بعلوا صوته يعني حتى صوت جهال ما ينسمع؟ منتحر بيهم
وصاعد على التخم ورافع ردان التراكسواد ورجليه طالعات وحده فوك الثانيه ولابس كاسكيته ولازم التلفون والممه والحفاظه بحضنه منظره والوضع سينما ويتصراخون هو شافنه صار حنين

مروان ـ هاا عمي وبعد عمي

أسيا ـ عزاااا جهالي ليش هيج حابسهم مروان

مروان ـ تعالي انتِ هم احبسج وياهم على الواهس مو طلعوا ***جهالج مو جهال صركاعه ما شاءالله الام والاب شكد عقال عليمن يطلعون ولا واحد طالع عليه امداكم .

ازهار ـ خطيه كامت ادفع بالتخم وثكيل وتصيح عليه

اسيا ـ مروان تعال اني انثى ويني وين ارفع تخم

مروان ـ توازيني عالغلط شلون اكوم اعدلج بالهندي أنتِ والانثى شو دوخري بس بيج حيل ترفعين صوتج باليل جنج رئاصه .

ازهار ـ سكتنا واسيا خلت ايديها على شفايفها فشلانه وتضحك سحبت نفسها من كدامه وهو دفع التخم وطلع كرم سوده عليه عركان ويبجي حضن امه وجودي شالها ويبوس بيها

مروان ـ تريد رجال زوجوها خطيه

اسيا ـ يا رجال يمعود سوده عليه ليش هيج مروان باوع الكريكوت مالتها شصاير بي تعالي عمه شوفي الضيم عززا

مروان ـ والله بعد شوفي شغلج

وصال ـ يله ميخالف موزين تحملهم

مروان ـ حكومتنا الموقره مو تنسين اتفاقنه

وصال ـ لا ما انساه وين تروح

مروان ـ اديح

وصال ـ هو انت صاير دايح شتصير

مروان ـ دياح بصيغة الجمع

ازهار ـ راح واسيا اخذت جهالها وامي غيرت ملابسها واستلمت التنظيف واني صعدت اغراضي وباليل وصلن الجنط مروان استلمهن وصعدهن شكراً عيني

مروان ـ تدللي

ازهار ـ دخلتهن واجت اسيا ساعدتني ورتبنا كل اغراضي وملابسي بالجنط سيت متكامل امي جهزتلي كلشي حتّى فراش وفرشات نوم اخذتلي حتّى الحلويات والكرزات كلشي متكامل والنقوصات وصينا توصيل لن ما نكدر نطلع واسيا لوحدها مروان توبنا نعوف جهال يمه كل اساليب تعذيب يمارسها عليهم وعصام بالدوام لهذا التوصيل جان انقاذ النا .

" كاعده بالغرفه ارتب النواقص وراسلته موجود حبيبي

هشام ـ اي گلبي وياج

ازهار ـ أتصلت عليه حبيبي

ـ عيونه امريني

ـ ما يأمر عليك عدو بس الجنط وأغراضي تجي تأخذهن

ـ لا بقيهن من اجي اخذج جيبيهن وياج

ـ ليش غير يترتبن قبل بوقت

ـ لا هيج أحسن ومن تجين أنتِ رتبيهن على كيفج لن البيت هوسه وكل كرايبنا اهنا واخواتي مخبوصات ماكو احد يرتبهن

ـ ماشي

ـ حجزتلج صالون باجر الصبح اجيب اختي واوصلكم

ـ ماشي گلبي بس يا صالون حجزتلي

ـ صالونكم

ـ يا فدوه وليش حجزتلي يم صالونا؟

ـ عندي بي ذكرى تجمعني بيج وأقدس كل الاماكن الجمعتني بيج مو بس الصالون حتّى الشوراع اللي افترينا بيها وعيوني تراقب كل تفاصيلج ونظراتج الاحبهن وخجلج رمز مخلي لحبي الج

ـ هشام طگ گلبي على شوفتك لاتتغزل بيه هسه

ـ هواي ضاملج لاتخافين هشامج عاشگج عشك التعبان ولكه راحته

ـ أعشقك حبيبي لعد ابلغها اني العروس

ـ هو أنتِ بكل الاوقات عروس ميحتاج تبلغينها

ـ خجلتني

ـ هو أنتِ خجوله شتصيرين دتعالي يمي اتفنن بهذا خجلج شيجيب الخميس ساعاته صارن اطول من عمري .

ـ كلها يومين وننجمع اصبر شويه

ـ هو صبرت وتحملت أهلج ومغثة أخوانج وجرعتهن كلهن ما اصبر هاليومين

ـ فدوة

ـ تدرين فرحتي ما انطيها لاحد مو لن اريدج ومشتاقلج وعبالج النيه غير شيء بس يكفيني وزايد عليه من طولج يفتر بيتي وتمايلن بخصرج كدامي حتى شهر ابقيج كدامي ما اجيسج عادي عندي مهم صرتي حلالي وتسجلتي بإسمي

ـ دمعت عيني

ـ الغريزه تجي وتروح بثواني ما تنحسب ضمن الاوقات ولا الها قيمه ثمينه بس الثمن الحقيقي من تلكي إنسان يحبك ويفهمك وشايف الدنيا بعيونه وتحبه وتقدس تفاصيله وروحك ترتاحله وكل الصفات التحبهن والجماعهن من طفولتك من لحظة الشبيت بيها وتتخيلهن وراسمهن بمخيلتك تلگيهن بإنسانه بنظره وحدة تمردت واحتلت موطن گلبي وهالتمرد والاحتلال علنت حرب علمود أنتصرت بحبها وأقدسها وما افرط بيها
زهرتي لكيتج بكومة هموم وتعب سنيني ما أخسࢪج لو كلفني ماي عيني،هشامج شايفج أنتِ الحبيبه والموطن والأهل والعزوه والسند وكلشي بدنيتي

ـ اسيا واكفه تسمعه وتمسح بدموعي حبيبي

ـ هاا يعيون حبيبج

ـ هيج ماكو شي

ـ الماكو شيء بيها شيء واني فهمتها

ـ هو أنتَ تفهمني بدون ما احجي

ـ حبيتج بنظره وأفهمج بنره.

اسيا ـ الله على الأحساس الله عليك يالقيصر؟ اكول سيد هشام خف على عروستنا ما يصير هيج ترة وضعيتها صارت مزريه الدموع والوجه صار الوان عاطفتها تكلب خلقتها دير بالك عليها يمعود هاي العزيزه والغاليه ترى احنه وياك بالتفك حتى اني اهد عليك

هشام ـ كلامج على ࢪاسي وازهار بعيوني

اسيا ـ تسلم ربي يحفظكم

هشام ـ تسلمين ام كرم يله ازهار لازم اروح دزوا عليه احاجيج بعدين .

ازهار ـ تمام أنتهى الاتصال وحضنت اسيا وتبوس بيه

اسيا ـ تستاهلين يروحي يله گومي ام الصالون تتنظرنا جلسة تنظيف وعنايه وترتيب وصبغ من الاظافر والاقدام والشعر والخ ... .

" لبسنا ونزلنا اني وياها وعصام جان موجود نازل فدوه لطولك شوكت اجه

أسيا ـ قبل شويه متشوفينه لحد الان ما مبدل ملابسه واني عفته واجيتج شايفه هيج تضحيه لعد اني اعوف عصام علمود احد بس علمودج ها

ـ فديتج وين اكو منج جنت واكفه على الدرج بس شفته دمعت عيوني وهو ضل صافن عليه نزلنا سلمت عليه الحمدلله على سلامتك عيني

عصام ـ الله يسلمج شلونج

ازهار ـ الحمدلله زينه بشوفتك

عصام ـ الله يسلمج منو يوصلكم

أسيا ـ كالعاده السايق مالتنا

عصام ـ مروان

اسيا ـ اي

عصام ـ سگتي ولج شـــنو سايق مالتنا ما ارضاها أحترمي عيب .

أسيا ـ أتشاقه والله

عصام ـ حتى لو ما يصير ياعيني بس الصدك هو يرادلنا سايق بس سيادته ميوافق .

أسيا ـ ليش شگو بيها

ـ تردين سايق مو

ـ يمه شبيك عصبت

ـ ماكو سايق

ـ منو طالب منك سايق عمي ما نريد

ـ وين

ـ نروح اضل واكفه اسمع سيرة السايق؟

ـ اي ليش ما تعجبج سيرته

ـ لا محد يعجبني بالكون بس سيادته الواكف كدامي بقيافته

ـ صايره تبدعين بفنون الرد

ـ شخصك وحضورك ورجولتك يخلقن مني فن شـــنو بس أنت عندك فن .

ـ دمشي وبعدين نتفاهم على الفن والفنون.

ـ ما أطول عليك أكمل واجباتي تجاه تؤامي وارجعلك وأعوضك .

ـ فديتج أنتِ وتؤامج أصيل وبالاصاله نمبر ون

ـ كثرلي منها هاي بطعم الشكولا.

ـ حاضر على هالخشم

ـ ابوسه

ـ دمشي عاد انفضحنا وتطشرت الأسرار العسكريه

ازهار ـ مبتسمه على سوالفهم وغمزتله واجتني وخلته وراها يباوع على طولها وشلون تمشي شسويتله ولج شنو هالكلام عمي مخبله اخويه

أسيا ـ يتخبل يمي ولا يتخبل يم غيري كلشي يريد اسويله يتفنن بيه اتفنن عليه يتمرد عليه برجولته اطغى عليه بإنثوتي ودلعي يتغزل اتغزل بي وأغرگه
بـ بحري هو وغزله هاا شلوني

ازهار ـ طلقه

أسيا ـ دمشي لا ارجع اطلق ناري على أخوج ترى طاگ كلبي عليه متشعوطه الله وگيلج بالكوه لزمت روحي ما نتفته بوسه وشلعت خده انوب ضعفان سلب عافيتي بطوله .

ـ ضحكت عليها طلعتي ناريه

ـ اي اخوج ورثني .

ـ مشينا ومروان يحجي أتصال شافنه قطع الاتصال

مروان ـ هلا

اسيا ـ بالمهلي شيخنا

مروان ـ عايف الشيخه الج ولرجلج متبرع بيها الكم

ـ اي والله شفت مو صُدك احنه شيوخ ما ادري ليش مضغوطين من عدنا

ـ اي والله بس يراد الكم سبحه ودله وديوان .

ـ لا شنو هالتكلفه الشيخ بإفعاله مو بالمجلسه
مو صحيح

ـ أصبتِ عداج العيب .

ازهار ـ اسيا صعدت بالصدر واني ليورا وشغل وطلعنا باوعتلي وگالت

اسيا ـ اكولج لاتزعلين لن كعدت بالصدر المفروض أنتِ تكعدين لن اخته بس تعرفين اني شيخه ومن الواجب اكعد كدام يعني ما يصير شيخ ويكعد ليورا وين صايره هاي شيخ نص ردن

مروان ـ هم صح

أزهار ـ ههههه دكعدي منو حاجي وياج وكايلج ضحكنا حتى مروان ضحك وصلنا نزلت واسيا ضلت تحجي وياه شفت فتح محفظته طلع فلوس

اسيا ـ لا بقيهن اني شايله

مروان ـ دخذيهن موو الج لاختي

ـ مو اعرفك جلد دجيبهن لعد

ـ عود من تخلصين خابريني

ـ ماشي عيني مشكور على المصاري

ـ بالعافيه يابه

ازهار ـ دخلنا الصالون وسلمنا عليها وكتلها اني العروس وفرحت

سوسن ـ دام أنتِ العروس صالون حنتج هديه مني الج ولا تناقشيني أبداً .

اسيا ـ لا حبيبتي ليش اناقشج هاي هي

سوسن ـ خو أنتِ ما تكولين باطل

ـ نحبج ونمون عليج غير يله حبيبي استلمينا غسل وتشحيم واني هم حالي من حالها لن زلمتي اليوم نزل واريد اعرس وياه ضبطيني على اخر حبه .

سوسن ـ أنتِ اطلعج أحلى من العروس

أسيا ـ حبيبي اللطيف متقصرين .

ازهار ـ وبلشتنا شغل اني وأسيا من كلشي وخلصنا وانطتها تعبها وتشكرت منها واسيا طلعت نار تشتعل مكياج وصبغ وعدسات شطلعتي الا بشده

اسيا ـ فديتني هذا مروان وين صار عمتي تخابر خبصتني سوده عليه عفت جهال عليها يله ابو الغيره

مروان ـ اطلعي عيني سندس

اسيا ـ اجينا باشا

ازهار ـ طلعنا وتوجهنا للبيت وصلنا لكينا رافع ابن عمي داوود موجود ونزلنا وعصام اشرلنا مشينا وحده بصف الثانيه ولكينه امي مخبوصه خطيه

وصال ـ تاخرتن تعالي اخذيهم اريد اكمل العشه

ازهار ـ اخذت جهال وراحت واني غيرت ملابسي واجيت اساعدها واجتنا اسيا وكملنا العشه وتعشوا وغسلنا المواعين واجه مروان اخذلهم الجاي وكال لامي

مروان ـ عود رافع يوكف ويانا من نسلمها لنسيبج

وصال ـ ليش شعدكم

مروان ـ نكسر عينه خاف اله نيه بيوم يزعلها علمود يحسبلها حساب ووراها زلم .

وصال ـ خير أن شاءالله .

ازهار ـ اخذ الجاي وامي هزت ࢪاسها ما مرتضيه

وصال ـ الله يعين هشام على ما بلاه

ـ ليش شگوو

ـ ماكو شيء روحي نامي واشبعي نوم وراج حنه وعرس وتعب وكعدي من وكت ناخذج الصالون

ـ ماشي يمه الجنط كال بقيهن هسه

ـ بقيهن شگو عليهن

ـ يمه هم احد يروح وياي

ـ اني اروح وياج لاتخافين

ـ عيني أنتِ حضنتني وكامت تبجي مسحت دموعها لاتبجين فدوة

ـ الله يسعدج أنتِ وياه يله روحي ارتاحي

ـ تمام صعدت غرفتي بس نظرات أمي ما فارقتني جانت تحاجيني بعيونها وبالأخص بعد ما مروان بلغنا رافع يحضر وياهم من هشام ياخذني كلش ما حبيت هالتصرف يعني شــنو تخوفونه لو تزرعون الرعب بداخله أنتوا جيش وهو واحد

" الثاني أبدأت مراسيم الحنه وكل التجهيزات وبيتنا من الفجر أنترس كل بنات عمامي حضرن ونسوانهم والجنايين هوسه كبت لستار والسيارات طابگه يم الباب ومروان ما عافنا حبيت وگفته وموقفه وياي طول فترة خطوبتي من جهازي وروحاتي لصالون والزايده والناقصه هو يجيبها يعني تكفل بگلشي .

" كملنا واسيا خابرت على مروان وأيمان مستحيه ما تريد ترجع ويانا بس احنه ما قبلنا تروح ترتاح خطيه
اجه واسيا ساعدتني بالبدله وطلعنا ومروان واكف مزعوج صدك أسيل ما جابها

أسيا ـ سگتي خابرته گالي ما تجي رجعت خابرت عمتي گالت أخوها ما قابل تجي وياه لوحدهم وراجعه لبيت واجتي ويه اهلها .

ازهار ـ اهاا هيج السالفه طلعنا وشافنه وأبتسملي وفتحلنا الباب ويباوع عليه واسيا عثرت بالبدله واجه ساعدنا ورفع البدله وصعدت واجت ايمان مستحيه
صعدت بصفي واسيا ليكدام وشغل وتوجهنا للبيت.

" وصلنا البيت واستقبلني بهلاهل وصوت الأغاني كلش عالي مروان قرب السياره يم الباب دخوليه فد مره وتوترت وكلهن التمن يباعن وصاح بيهن بعلو صوته

مروان ـ يمعودات طريق خل تفوت داخل وشوفنها الحوش مكشف الا اعيط بيجن يله

ازهار ـ ما حسيت غير مروان اجه وشالني ودخلني للكوشه متت من الخجل بس كلهن يضحكن وصورنا بس حبيت موقفه صاح على امي وكال .

مروان ـ اني رايح لبيت جدي اتغدى مجد باقي بمكاني تحتاجونه بلغوا .

وصال ـ عيني طولك تعبناك بس لو انت تضل لن انت خدوم وسگوتي

مروان ـ ترى مصختنها كافي

وصال ـ يله دتروح ومشكور دتعال اوكف ما شفت حلوتك؟

مروان ـ يا حلوه

وصال ـ اسيل شبيك فاصل يا امي

مروان ـ اهاا وينها

وصال ـ ما اعرف وين راحت هسه جانت تحاجيني هديل وين اختج أسيل

مروان ـ يمه عوفيها اني رايح

وصال ـ وين اوكف هياته اجتي اسيل تعالي حبيبتي

ازهار ـ أجتي لابسه فستان ذهبي وحجاب طالعه تخبل تقدمت مستحيه بوستني وباركتلي ومروان باوعلها خطف ودار وجهه عنها حتّى امي ضلت مستغربه تصرفه شوي وأشرلها ومشه ولحكته ..

وصال ـ يدك ثگل بࢪأسنا دشوفها شحلاتها تضوي بس طولها كافي عليك وزايده والله احسها توالمه وتفهمه وتحبه وتداريه وتعقله النا بس كون تكدرله

" طلعوا برى وتاخرت شوي وأجتي عيونها دم وخدها بي حمار گبل طفرت الحمام وامي لحگتها واجتي كعدت تضحك بس ما مبين عليها هاا ماما شبيهم

وصال ـ ما بيهم شيء گتلها شبيج گالتلي مزعوج لن ما رحت وياه لصالون والظاهر مرزلها بس ما حجت
يله شوفي هشام وين صاروا لما اشوف اسيا التهت بجهالها خطيه بنتها بس تبجي استغربت الاجواء..

" خابرته ورفضني وسمعت صوت هورن سيارات وصلوا وامي طلعت استقبلتهم ودخل مبتسم تقدم حضني وباسني من گصتي

هشام ـ خايف عليج والله طالعه تخبلين

ازهار ـ مو بحلاتك متمسكه بإيده وطول الحفله هو ما عافني من اخذنا صور واكلنا كيك ولبسني الذهب نظراته تحاجيني بكل حب ..

" وأخواته ركصوا ركص بدعوا حبيت رقصن ولبسهن كلش حلو ومكياجهن حبيتهن بس ولا وحده منهن تقربت عليه حتّى سلام ما سلمن ما عدا ايمان وامه ما جايه لن صحتها مو هلكد كلت ميخالف احتمال عرس وتعبانات عاذرتهن .
ومن خلصت الحفله حزنت راح يرحون ودعني بحضن من توصل خابرني تمام

هشام ـ راح أشتاقلج بس هالليله وباجر شيله

ازهار ـ نزلت دموعي وتذكرت أهلي والوداع بابا ماما اخواني اسيا كرم وجودي ما جاوبته بس هزيت ࢪاسي واني أنفجرت بالدموع وحس بيه يحاول يسگتني اني انهاريت بشكل مو طبيعي .

هشام ـ ازهار اسف حبيبتي والله مو قصدي شو باوعيلي لاتخليني أروح واضل عايش بقلق عليج

وصال ـ روح يمه الله وياكم لا يضل بالك عادي تصير كل عروس تمر بهل اليوم الصعب خليها تبجي وخليني اشبع منها .

ازهار ـ امي تحجي وياه وگامت تبجي وهما طلعوا واسيا تسگت بأمي واني كاعده على الكوشه والعب بإظافري وابجي والبيت بدأ يفرغ كلها راحت بس بيت عمي فاضل ضلوا وعمتي زينب مكابله امي وتبجي وتسكت بيها واسيا تمسحلي دموعي واني ما كدرت حضنتها وبجيت على كتفها اسيا ناار نار نار

اسيا ـ ميخالف حبيبتي كلنا مرينا بهل اليوم صعب الله يعينج خليج قويه يروحي كافي تبجين گليبي والله مردتي گلبي يله امشي الغرفه غيري بدلتج هسه اخوانج يجون يله حبيبتي .

" أخذتني الغرفه ساعدتني وغيرتها ودخلت سبحت وارتاحيت ونزلت لكيت أخواني موجودين وعصام عيونه حمر بس شفته برطمت أختنكت حيل صد وجهه عني وراح الغرفته بس مروان جان كاعد يأكل أندومي ويشرب بيبسي جان گتلي اسويلك عشه

مروان ـ ما جوعان تغديت متأخرّ تعشي أنتِ عصام جاب مشواي على الكاونتر ..

ازهار ـ ماشي وبابا وين

مروان ـ ما أجه ضل هو وعمي فاضل وجديتي كاعدين ويبات يمهم

أزهار ـ وباجر يجي

مروان ـ اي طبعاً يله تصبحين على خير .

أزهار ـ وأنتَ من أهله صعد الغرفته بقيت لوحدي بالمطبخ واجتني اسيا عيونها حمر أسيا شييج

أسيا ـ ما بيه شيء حبيبي بس تعالي وياي أخوج يريد يحجي وياج دزني عليج .

أزهار ـ ليش صاير شي

أسيا ـ لا ولج شيصير قابل بس أخوج حاب يحجي وياج لاتخافين ماكو شي يخوف .

ازهار ـ مشيت وياها لكيته كاعد رفع عينه عليه ونزلت دموعه واني كذلك تقدمت وكعدت مقابيله خويه طالبني تقدم وعيونه ما ينشافن من الدموع حضني من وجهي بإيده الاثنين وكال

عصام ـ أزهار خويه مودعه بالله ديري بالج على نفسج وزلمتج وبيتج وعيالج أدري بيج سباعيه وما ينخاف عليج وگلبي وربي راضين عليج أدري بيج مقهوره وزعلانه عبالج اني زعلان منج أني ما زعلان منج اني زعلان على روحي ومقهور لن راح تطلعين من هالبيت وتودعينا فراگج صعب على گلبي .

ازهار ـ مسح دموعي وباسني من بين عيوني وگال

عصام ـ بيت أهلج مفتوح الج بكل وقت واني بظهرج ساندج العمر كله بس واي شيء تحتاجينه بس رمشي بعينج الما موجود اخلقه الج أنتِ أختي وحيدتي عزيزة گلبي وگلشي سويته من حبي الج انفعالاتي عصبيتي تهوري كلامي اذيتي وضربي الج كله لصالحج ماكو أخ يرضى باللي صار ولا يتقبله مستحيل وبالاخص احنه بس تقبلنه غصباً علينا وضلت مثل الغصه بلعومننا رضينا وسگتنا وصار اللي صار والكلام ما يفيد ولا يقدم ولا يأخر هاي هي
وهشام أعذريني ما أكدر اتقبله ولا اطيقه بعيشة الله لا اليوم ولا بعد سنين طويله وأكولها الج من هسه ما يجمعني بي طريق واذا اشوفه بشارع ما اسلم عليه ولا تكوليلي ليش اني تلفونج لحد الان يمي ما أكدر انطي الج اكو شيء صعب عليه ما راح تفهمينه

ـ فهمت عليك يا نظر عيني حضنته وبجيت على أكتافه وهو بادلني الحضن بقوه ومتمسك بيه بإيدي اثنين ويبوس بشعري وگال بصوت مخنوك

ـ أنتِ اختي وأي تحتاجينه تجين على أخوج أشلعلج عيوني والله يسعدج بحياتج

ـ أختنك ونزلت دمعته أبتعد ودخل الغرفه وقفل الباب وراه واسيا تبجي تقربت مسحت دموعي تصبحون على خير لاتخلينه لوحده فدوة رايحه اشوف امي وانام بحضنها .

ـ ماشي عيني

ـ طلعت من يمهم وصعدت غرفتي جبت تلفوني ولكيت هشام كومه متصل وبهل الاثناء هشام
أتصل جاوبته هاا عيني

هشام ـ وينج أنتِ اتصل متجاوبين وكومة دزيتلج رسائل وين اختفيتي!

أزهارـ موجوده يم أهلي وحابه ابقى وياهم الوضع صعب هشام حيل صعب روحي تنسحب من صدري وبعد بابا لحد الان ما شفته بجيت

ـ ميخالف حبيبتي هي هاي سنة الحياة ومو بعيدين عليج يجونج وتروحليهم واكو تلفونات فتحي كاميرا مهم ما تضلين تبجين وتقهرين بروحج

ـ اي يله لازم اروح على ماما

ـ ماشي حبيبي على راحتج

ـ نهيت الأتصال ورحت لغرفة امي لكيت مجد بحضنها ويبجي وهي دموعها تجري شافني كبل كام وعبرني ويمسح بدموعه يممممه فتحتلي حضنها حضنتها وبجيت وتسكت بيه ونومتني بحضنها وتلعب بشعري وتسولفلي وتعلمني على باجر بهواي امور وعمقت بالتفاصيل شرحتلي گلشي بس اهز براسي وسگتنا من مروان دك الباب

مروان ـ يمه ازهار يمج

وصال ـ فوت يمه

مروان ـ هاي أنتِ اهنا

وصال ـ اي اليوم انومها بحضني ليش تسأل عليها

مروان ـ هيج والله دخلت غرفتها فارغه تعرفين هي جارتي ولازم اتفقدتها

وصال ـ هاا بس لن جارتك حايط على الحايط

مروان ـ أي يله كملوا نومتكم تصبحون على خير

وصال ـ وانت بخير .

أزهار ـ بقيت بحضنها ما يجيني النوم شعور صعب من تفاركين أهلج وأنتِ وحيدتهم وحبوج ودللولج
بجيت واني حاضنه امي واشم بريحتها الى ان غفيت

" بالصالون باقيلي لمسات أخيره واسيا تجمع أغراضي وايمان تحجي ويه هشام ومعصب شبي انطيناه هاا عيني

هشام ـ شنو اخوج يجي ياخذج من الصالون لعد اني شنو دوري متزوج وخابص نفسي وأخوانج منبصين نفسهم بزواجي شگووو

أزهار ـ اي هو يجي شعليك بيهم ياعيني

ـ وأنتِ موافقه

ـ اي غير اخويه يأخذني من الصالون وبعدها انتو تجون تاخذوني هيج العادات يا عيني شبيك معصب ومكبر الموضوع

ـ اني كلت اجي اوصلج البيت أهلج واخذ ايمان وأرجع اجيب اهلي وأخذج لا أخوج الافندي مروان يدزلي رساله أختي اني اجيبها من الصالون ميحتاج تجي عبالك كواد مو نسيبه

ـ اي شگو بيها

ـ شگو بيها مو

ـ هشام هدي

ـ منين اهدي من أخوانج منين اني راح اجي وشيصير خل يصير

ـ هشام لاتسويلنا سالفه اخويه ويوصلني وين الغلط بالموضوع

ـ يعني كلمة أخوج تمشي على گلمتي

ـ هشام تفهم الوضع ياعيني

ـ ماشي خل أخوج يوصلج

ـ هشام

ـ گتلج ماشي خلص لاتلحين عاد

ـ قطع الأتصال بوجهي انطيتها التلفون وخلصنا ومروان أتصل وطلعنا ونزل جابلي بركع لبسني كلشي كمت ما اشوف وصعدت واسيا ساعدتني وصاح بينا

مروان ـ خل تصعد ليكدام بدلتلها جبيره التفت على رجليها راح توكع يمعودات انتبهن عليــــــــــها .

أسيا ـ اي صبر انطيناه مجال تعالي عيني على گيفج

ازهار ـ ساعدتني وصعدت ليكدام وإيمان واسيا ليورا وشغل السياره بكل سرعتها ومبين عليه عصبي وتلفونه اتصل وجاوب بعصبيه .

مروان ـ شگوو شبي انوب لا اله الا الله يعني واكف على شعره والله باقيلي شعره وانهي هالمهزله كلها ماشي كتلك ماشي يله هسه راح اجيبها .

ازهار ـ شمر التلفون وسياقته سريعه وبإنزعاج ووصلنا ودك هورن شال البيت شيل طلع مجد فتحلنا خطيه أنثول وعاط بي

مروان ـ وين مكبور .

ازهار ـ طبگ السياره بصف سيارات أهلي بابا وعصام وسيارة عمو فاضل وسياره رافع وحارث هم موجود نزل وبإيده تلفونه واني نزلت والبركع على ࢪاسي دخلت البيت بنات عمامي موجودات كعدت وهدوء واجتني امي عيونها دم من الدموع باستني .

" وايمان تحجي على التلفون وجابته اليه هاا عيني

هشام ـ هاا وينج تلفونج وين

ازهار ـ يم أسيا ليش محتاج شيء

ـ هيج بالطريق راح اوصل

ـ تمام شكد باقيلك

ـ عشر دقايق

ـ أوك

وصال ـ كوليله لا يشغل اغاني وطرب عمامج واهلج كلهم موجودين عيب منهم .

ازهار ـ هشام

هشام ـ سمعت ماشي يجرالكم عيني

ـ شبيك

ـ ما بيه شي والله

ـ ماشي حبيبي باي نهيت الأتصال مسافة الطريق

أسيا ـ لازم ابلغهم يتحضرون مشكله عصام غلق تلفونه كلهم بالاستقبال اسيل أتصلي على مروان كوليله يردونك .

اسيل ـ ماشي عيني

أزهار ـ أتصلت عليه وشوي واجه وامي وكفت تحجي ويه

مروان ـ بلغتي ماكو هوسه وطربگه

ازهار ـ أي

مروان ـ يله الكل تسترن ولا وحده اشوفها مكشفه املص رگبتها والله الكـــــل .

ازهار ـ كلهن لبسهن عبايات خليجيه وشالات حتى اسيا وامي واني على ࢪاسي البركع بس وجهي يبين وانفتح باب الاستقبال طلع عصام وراه رافع وحارث
وعمي فاضل واخر شيء بابا وجه حزين عافهم وتقرب ناحيتي كبل كمت وكفت وكل جسمي يرتجف تقربلي بابا حبيبي حضني وبادلته بكل بقوه وحزن ويبوس بيه باسني من عيوني وحده وحده حتى من ايدي من اصابعي وضمني لصدره ودموعه تجري مثل الشلال واني كذلك تكطع كلبي وصل وصل ..

" مخلي شفايفه على گصتي يبوس بيهن ومهضوم ودموعه تجري بابا حبيبي نظر عيوني دموعك عزيزه

كمال ـ شمعة حياتي وحيدتي زهرتي باباتي بنيتي
كسرتي ظهر ابوج بروحتج بابا .

ازهار ـ ما كدر يكمل كلامه حضني بقوه وابتعد من سمعنا هورن السيارات مسح دموعه وامي واسيا يبجن ويرتبن بشكلي واني عيوني تناظرهم مروان طبيعي بس يفتر واكف على اعصابه بس بابا وعصام وكفوا بعد مسافه يبجون عصام وكف بعيد وسمعت صوته من شهك شهكه قويه الكل التفت عليه واسيا عمت من الدموع روحيله فدوه

اسيا ـ خلي براحته غير اليل ما نامه ولا غفت عينه

ازهار ـ تقدموا عليه وعصام تقدم باسني من ࢪاسي ولزمني من ايدي وضاغط عليها وخلاني بصف بابا وكذلك لزمني من ايدي الثانيه صرت بنصهم ومروان ومجد بصف عصام وامي واسيا بحضنها جود وكرم بصف بابا ورافع اخذلنا مجموعه صور وعصام خله ايده على كتفي بحنيه وامي راحت جابت اسيل سحبت مجد بصفها وكفتها بصف مروان واخذنا الصوره العائليه ..

" ابتعدن ضلوا بس اخواني وبابا وتقدم عمي فاضل باسني وكف بصف بابا وبصفه رافع وحارث وطلع مروان أستقبلهم وتقدم هشام سلم وردوا بثكل .

" نزلت ࢪاسي ودموعي تجري لحظات أفارق بيها أهلي وحياتي الحلوه العشتها بكل تفاصيلها اهل ونعم الاهل أخوان ونعم الأخوان عزوه وسند وامان

" باسني بابا ولزمني من ايدي ولزم ايد هشام وكاله

هشام ـ انطيتك بنتي وحيدتي مهجة گلبي عزيزة روحي ماي عيني زهره بين اخوانها دير بالك عليها خليها بعيونك لاتوجع گلبي وتأذيها او تهضمها هاي أمانة اخليها برگبتك كدام أخوانها وعمها وولد عمها
صون وحافظ على هالامانه يا هشام ازهار بإمانتك خليها بعيونك هاي روحي وأنطيتها الك .

هشام ـ بعيوني عمي جنك ما طلبت وتأمرني على راسي أنتَ وبنتك وأن شاءالله گد الامانه بالحفظ والصون .

أزهار ـ تقدم مروان باسني بدون كلام ومجد كذلك وامي واسيا وعمامي كلهن وأسيل الكل بس عمتي زينب جديتي ما حضرن لن كالوا حيل متأثره واخر شيء عصام تقدم باسني من بين عيوني وطول وخله رأسه على ࢪاسي

عصام ـ مودعه بالله ديري بالج على نفسج .

ازهار ـ بسته من ايده وسحبها وابتعد بحزن هشام سلم عليهم كلهم مباوس بس مروان سلام ايد بدون مباوس وتقدم لزمني من ايدي وشد عليها رفعت عيني وباوعتلهم بابا شفايفه تترجف وعمي فاضل يهدي بي واخواني مروان طبيعي الا عصام الحزن مخيم على وجه ومجد دموعه تنزل بسكوت بالكوه حجيت مع السلامه سگتوا بس عصام جاوبني

عصام ـ السلامه ترافگج خويه .

ازهار ـ مشيت وهما وراي وصلت السياره صعدت بالصدر واسيا ساعدتني ومروان ومجد طلعوا الجنط مالتي خلوهن يم السياره وكل اغراضي نزلوهن فدوة رحتلكم فدوة لطولكم واحد واحد من عمري لعمركم يا روح اختكم واسيا خطيه انخبصت بإغراضي وتوصي بيهن وصاحوا عليها واسمعها

اسيا ـ اروح وياها وعصام خاف ما يقبل

اسيل ـ هو گالي خل اسيا تروح وياها

اسيا ـ والجهال شلون

اسيل ـ گالي اني موجود واني هسه موجوده ما اروح

اسيا ـ ماشي عيني ازهار بس اجيب جنطتي وارجعلج

ازهار ـ ماشي عيني راحت وهشام لزم ايدي ومسح دموعي .

هشام ـ حبيبي

ازهار ـ هاا عيني بقيت عيني على الباب طلعت امي بيدها جنطتها فرحت وراها اسيا واسماء ومرام زوجة رافع وعمتي فريال، وهشام نزل حجه ويه ولد عمه علمود سياره الهن وشويه جابوا الهن سياره فارغه وكال

هشام ـ عمه ام كرم تعالوا ويانا

ازهار ـ اجن وفرحت لزمت ايد امي وباستها عيني انتي يمه اسيا احبج

اسيا ـ مو بگدي يله كافي شنو عرس لو فاتحه يله هشام شغل النا اغاني خل نونسنها خطيه عمت من البجي يله عمه كافي بجي يله حبيبتي .

ازهار ـ حضنت امي وتبوس بيها وتهديها وامي سكتت وابتسمتلي وهشام شغل السياره وخابرهم

هشام ـ ممنوع اي اغنيه تشغلون حتى هلهلوله ماكو الا نطلع الفرع كامل يله .

ازهار ـ طلعنا من البيت اسيا لعد منو ضل بالبيت خطيه

أسيا ـ اسيل ضلت خطيه ما گالت وصيناها تسويلهم جاي وتدير بالها على الجهال .

ازهار ـ اي همزين وتمشي بينا السياره وطلعنا من فرعنا واشتغلت الاغاني والهلاهل وهشام شغل اغنيه وايده بإيدي واسيا صورتلنا لقطات كلش حلوه

" مر وقت ووصلنا القاعه ونزلت واسيا وياي هي وامي ساعدني واجه هشام لزمني ودخلنا اني وياه القاعه بوسط اغاني الحب والاناره كعدنا وبلشت الحفله امي واسيا وعمتي فريال واسماء ومرام زوجة رافع كبالي .

" هشام جان ملتهي سوده عليه كلشي برگبته لن وحيد ما عنده احد يحير وين يلتفت واخيراً اجه اخذ نفس ولزمني من ايدي وباسها صفنت بعيونه
حبيبي تعبت هوايه

هشام ـ حلالي تستاهلين التعب تدرين ما حاس بتعبي أبداً اتعب منا اشوفج منا وانسى منه راحتي بوجودج بحياتي دام صرتي زوجة هشام الباقي مومهم عندي .

ـ حاضني بنظرات عيونه تناظرلي بكل حب الكون
لحظات من العمر واحلى التفاصيل مليانه حنيه
اخذنا صور اني وياه وعائليه كذلك ورقصوا ولد عمامه وخواله رقصهم حلو هو ما ركص بس واكف وياهم ويباوعلي وغمزلي يعني حضري روحج ابتسمت اله واجه كومني وحضني من خصري وجهزت اجواء الرقص والاغنيه ورقصنا اني وياه بقربنا من بعض بلمسات ايديه الحنونه تمنيت الوقت ما يخلص لن جانت لحظات ما تنسي .

هشام ـ اعشقج زهرة عمري

ازهار ـ هشامي بطل روايتي .

ـ البطل اذا مو يحب البطله ويقدس تفاصيلها لاتسمينه بطل البطل لازم يكون بطل بإفعاله برجولته بالوعود اللي يقطعها على بطلته .

ـ كلهن موجودات بيك اني وياك ابطال روايه حبنا لازم يتخلد رغم كل الظروف والعواقب والمشاكل
أنجمعنا بالاخير هشام وأزهار

ـ ليش ناويه تكتبين قصة حُبنا

ـ ما اعرف ليش لا ابتسمت وحضني ونرقص سوه وعايشن شعور الحب واحنه بقرب بعض .

ـ اويلي هذا الحضن اشتريله بدم كلبي وبكومة تعب

ـ باسني من عيوني وخلصت الرقصه وكعدنا مكانه ومر وقت وخلصت الحفله وطلعنا الاستديو اخذنا صور بس اني وياه وحركات وكذا مع ذلك هو كلش محترم ويخاف عليه من نسمة الهوا يمشي وحاضني مو بس بأيده بكل روحه يباوع على طريق اخاف اعثر

" طلعنا للبيت بس اني وياه امي واسيا بسياره لوحدهن تمشي السياره وصوت الاغاني ونظرات عيونه وكل شوي يبوس كف ايدي .

هشام ـ اليوم أنومج بحضني يا بختك هشام

ازهار ـ نزلت ࢪاسي مستحيه ووصلنا البيت فتحوا النا الباب بيت صغير وبناءه قديم بس نظيف يلمع
ميخالف هشام بخيمة اسكن وياه قابله وراضيه بكل الظروف والحال والاحوال .

" دخلنا الاستقبال كراسي أثنين كعدنا وهوسات وأغاني واسيا وامي بصفي ومر الوقت وكومني هو طلع برا وزوجة رافع فتحت القرأن بوجهي وفتحت باب الغرفه وبيدها القرأن وتقرأ ايات قرانيه دخلت وامي لازمه ايدي واسيا وراي دخلن كلهن بغرفتي وجانت تجنن بكل تفاصيلها فعلاً گالي اسويها الج مثل ما تحبين وفه بوعده

اسماء ـ الغرفه كلش حلوه ذوقه حلو تتهنون بيها حبيبتي وهشام خوش ولد مبين ويستاهل الحب أبداً لاتباعين على غير أمور هذنيج كلهن يجن بعدين المهم عندج رجال سندج ويحبج ويخاف الله بيج .

وصال ـ عفيه ام رامي عفيه

مرام ـ اي والله هاي حقيقه شفنه الحب بعيونه وخوفه عليج ديري بالج عليه مثل هشام صعب تلكينه ومثل ما كالت اسماء باقي الامور هي تجي كلشي تسهيل من رب العباد المهم راحة البال والفكر صافي والتوفيق والستر والعافيه .

اسيا ـ ازهار عاد معدله من كلهن بعد گلبي

ازهار ـ فدوة رحتلكم ما قصرتوا

فريال ـ حبيبة كلبي غصباً علينا هذا واجبنا كم زهره عدنه يله هسه صار وقت الجد وتنطلق صفارة الانذار ونطلع ونخليج ويجي هشامج ويشوف شغله هههه

اسيا ـ يله عليها لاتنطينه مجال اركبي من اول ليله

وصال ـ ولج لسانج فلت خرب بيومج

اسيا ـ ديله عاد لسانجن ما يفلت بس اني الطف الاجواء غيير يله حب ديري بالج على نفسج احنه باقين لما تحرر

ازهار ـ ضحكنا على سوالفها وطلعوا وبقيت كاعده وانفتح الباب ودخل هشام قفله وراه ونزع سترته وفرش السجاده وصلينا اني وياه وكملنا وتقدملي حضني من وجهي وضل صافن بعيوني

هشام ـ مالك الكون من خليتج بيتي .

ازهار ـ حضني وبادلته بكل حب وقرب وجه لوجهي وكال

ـ من رخصة حيائج وخجلج اريد احتل موطني.

ـ غمضت عيوني وباسهن عين عين وغمض عيوونه وشهك انفاسي لصدره وبهدوء اخذ شفايفي شعور ما ينفهم لاول مره شفه تلامس شفايفي اخذهن برقه وحنيه وبهدوء ضل ياخذ شفايفي الا ان استوجبت وياه وتمرد برجولته وعاملني بكل حنيه نومني على صدره واحتواني بروحه

ـ باقيلي بس أتملكج بروحي .

ـ بدأ العد التنازلي تغلغلت أيديه لخصري وجسمي استشعر بالقشعريره ولمساته وشفايفي محط اقامته وراحته حضنته من رقبته وهو مستمر يطبع قبلاته الجنونه ممزوجه بالحب بالشوك .

" منومني بحضنه ويمسح على شعري واني كاتمه وجع بروحي وضاغطه على ايده .

هشام ـ اسف حبيبتي

ازهار ـ لا حبيبي عادي من حقك

ـ صرتي حلالي طبعت ملكيتي وختمتها بحبي الج

ـ باسني من ࢪاسي ومرت ساعه واني بحضنه ما عافني ومر وقت طلعنا اخذني الحمام غسلنا ورجعنا وبعدها اندك الباب كمت لبست وشلت عذريتي ضميتها بالكنتور وهو لابس تراكسود غمزلي وطلع وشويه ودخلن امي واسيا .

اسيا ـ هاا عيني

ازهار ـ نزلت راسي خجلانه وتقدمت حضنتني

ـ فديت الخجلان لا لا واضح منو معنف الثاني

ـ سگتي ولج

وصال ـ مبارك بنيتي الحمدلله عدت على خير خوما عندج وجع بطنج كوليلي

ـ اي وعندي ولعبان نفس

ـ ميخالف لاتخلينه بعد منا لباجر

ـ هزيت ࢪاسي وكعدنا سولفنا وامي ساكته يمه شبيج

ـ ما بيه شي بنيتي اسيا بنيتي كومي نرتب ملابسها

ـ اي عادي تدلل الجنط بالصاله يله خل نلبش بيهن

ازهار ـ دخلن الجنط وبلشنا ترتيب ملابس والاغراض والمكياج كومه

أسيا ـ ترتيب عالطاير بعدين على كيفج رتبي

ازهار ـ ماشي حبيبي عاشت ايدكم

وصال ـ عشاج وين صار

اسيا ـ جاي يجهزنه عمه هسه يجي

ازهار ـ شوي وجابن العشه مشويات ودخل هشام مستحي من امي كامت هي. واسيا وكالت

وصال ـ يله احنه نخليكم ولازم نرجع البيت وميحتاج اوصيك عليها لن ادري بيك شكثر تحبها وتخاف عليها

هشام ـ احبها اكثر منج

وصال ـ لا هيج هواي محد يحبها بكثرنا

هشام ـ عيني عمه عاشت ايدج على هيج تربيه من كلهن عفه واخلاق وحشمه ولسان وجمال وثكل ورزانه كامله مكمله ووصارت من نصيبي واخليها بعيوني

ازهار ـ باسها من ࢪاسها وأيدها ودعني ديري بالج على عصام ماما بوسيلي بابا

وصال ـ اي ابوسه ليش لا اعرس عليه هم شنو بس انتوا تعرسون

اسيا ـ طلعت مو هينه الحكومه يله حبيبي اني وياج على تواصل بس اليوم اعوفج باجر اثولج برسائلي

ازهار ـ يروحي ودعتهم وعمتي فريال اجتي باركتلي واسماء ومرام وتشكرت منهم وراحوا وهشام طلع وياهم وضليت كاعده لوحدي وهو تاخر وتلفونه ناسي اريد اطلع بس استحي ما اعرف احد وينك شعور يخنك غريبه بينهم ولوحدي شويه واجتني ايمان هشام وينه

ايمان ـ سوده عليه هسه يجي راح يوصلهن ماكو احد كلها راحت لبيوتها وطلع مستعجل ونسيت اكولج التهيت بجهالي اعذريني عيني .

ازهار ـ لا عادي كعدت يمي واجتي امه كمت سلمت عليها وبوستني وكعدت يمي

الحجيه ـ يولي متخابرينه وين صار

أيمان ـ ناسي تلفونه

ازهار ـ عيوني على الباب سمعت صوته يحجي ويه أخواته كبل كمت واول ما دخل ركضت عليه حضنته وهو حضني بقوه وينك تأخرت ليش ما اخذت تلفونك وياك

هشام ـ بعدين

ازهار ـ اشرلي عليهن ابتعدت مستحيه نسيتهن ولا ادري خرب فقدت من شفته ضحكن وترخصن وطلعن وهو قفل الباب بسرعه وكبل اخذ شفايفي متلهف مجنون بادلته لاول مره وتفاعلت وياه روحي بقربه وبين احضانه بعد تعب ومعانات صرت مريته وام بيته وصار زلمتي وحبيبي
____

أسيل ـ جاوبته ما أكدر اروح وياك

مروان ـ ليش خايفه اتحرش بيج لو أغتصبتج

ـ يااا تفكيرك شگد منحرف استغفر الله مروان متجوز من سوالفك

ـ هو شگلج مال هيج سوالف!

ـ مروان دكافي .

ـ ما سألتي يا سوالف اقصد بيهن شبيج أنكرصتي نيتج وين راحت؟

ـ لا ياربي مروان والله أنت مصيبه

ـ ووكعت على ࢪاسج يا ادبسزز ما سألتي يا سوالف اقصد بيهن

ـ شمدريني يا سوالف تقصد؟

ـ متزوجين وگلشي مباح حح يعني بالحلال؟ فهمج كفايه

ـ مروان دكافي

ـ أرضي فضولج ادري بيج تحبين هيج مواضيع وتضل بࢪاسج وياخذج فضولج تبحثين عنها واخاف تسويلي مصيبه عظمه واتعظم بيج على الناشف.

ـ بقيت ساكته

ـ جايج بدون اي نقاش بس أدگلج هورن تطلعين اليه أمراه مطيعه وراضيه ومرضيه اتفقنا يا مثيره؟

ـ ماشي

ـ ماشي يا باشا

ـ باشا أنوب

ـ باشا بس عليج وعلى الكواويد الحاوينج

ـ مروان لاتتجاوز رجاءً عيب عمامك

ـ عمامي ولساني واني حر بي بكيفي اتمزمز باليعجبني اتجاوز اغلط افشر اسب اسلب انهب اكود افتح كاميرا تأكلين ** وما تحجين وياي وتعلميني العيب يالمستشرفه يله تحركي نزعي ولبسي مستور

ـ ماشي باشا قطع الخط واحس معدتي وغفت وحمضت من كثر ما حمى وتسلط بزايده يابه فد غثه مينبلع الله يعين گلبي عليك وعلى لسانك الزفر يا سريري .

" صعدت لبست فستان مستور وخليت مكياج خفيف ورتبت الشال وخليت تلفوني وشلت جنطتي ونزلت بعدهن جاي يتحضرن يمه اني راح اروح مروان يجي يأخذني

جنان ـ أي روحي

هديل ـ لوحده لو وياه

أسيل ـ لا لوحده عادي اروح مو

هديل ـ يمه تروح وياه عادي

جنان ـ اي قابل يأكلها مو خطيبها بعد شگو هالعياره

هديل ـ روحي ومن توصلين أتصلي عليه

اسماء ـ عود دزيلنا صورة لمكياجج موتنسين

أسيل ـ هزيت راسي وتوني أريد اتصل عليه دك هورن هذا شمدري رجعت التلفون وطلعتله لابس مناظر فتحت الباب وصعدت مرحبا .

مروان ـ هلو

اسيل ـ نزل المناظر وصفن بوجهي صديت وجهي وعاط بيه الا فززني من مكاني

ـ باوعيلي وجهج ما تصدينه عن نظراتي لا اشوهه الج وأخليج مثل جعب الجدريه محترگه بس أكلها طيب!

ـ باوعتله وكل جسمي يرتجف من قربه صرت احس بالخوف والرعب بدال الامن والامان رجع گال

ـ مرتبه جهرتج الزفره تسويلي أغراءات ولج

ـ لا مرتبه شگلي لنفسي

ـ نفسج المن

ـ الي

ـ لا غلطانه الي

ـ مروان شبيك شصايرلك

ـ سامعه بجنون العظمى

ـ ما جاوبته رجع گال

ـ انطيني تلفونج

ـ شتسوي بي

ـ من احجي تنفذين بدون لغوه زايده

ـ ثولني بصوته طلعته وأنطيته اله واخذ الرمز وگلب بي وكال

ـ أبقي يمي لن ادري بيج تصورين بي نفسج ومفاتنج

ـ لا والله

ـ أخذج الله انلصمي على حلگج

ـ توه راد يشغل وطبگ حارث گدامنه ونزل وصاح بيه

حارث ـ وين رايحه نزلي

مروان ـ وين تنزل

ـ ما يصير حبيبي

ـ وليش

ـ مروان بدون ليش بعدكم مخطوبين وواكفه تروح لوحدها وياك يله نزلي

ـ ما تنزل

ـ لا تنزل

ـ گلت ما تنزل

ـ مروان لاتعاند

ـ گلت ما تنزل

ـ أسيل نزلي يله

ـ ما تنزل

أسيل ـ يحجي بالكوه لازم اعصابه وحارث فتح الباب ونزلت وموقفي جان صعب منا هو منا اخوي

حارث ـ امشي داخل مروان لاتزعل

مروان ـ لا حبيبي على شنو ازعل هاي هي اسيل اوكفي

اسيل ـ نزل وفتح باب السياره وانطاني جيس

مروان ـ ملابسج

اسيل ـ باوعلي بنظرات مليانه شر وصعد وشغلها وطار بيها ومشيت ورا حارث وتلفوني ضل يمه دخلت البيت وطلعت هديل وكالت

هديل ـ هاا ابو الحوارث شلونك

حارث ـ زين الحمدلله هاا خلصتوا

هديل ـ اي بس جهال نسرين ضلوا جاي تلبسهم هاا شو رجعتي

حارث ـ اني رجعتها شلون ادزنها وياه لوحدهم امي وين شهل التصرفات وين عايشين بإاوربا احنه

جنان ـ اني دزيتها شگو تصيح علينا وبعدين خوما غريب خطيبها وابن عمها

حارث ـ خطيبها ندري وابن عم ابوها يمه الناس تحجي وهذاك اليوم دازاتها وياه لتحليل بطرك روحها يعني فد عندج تصرفات بله شيگول علينا مرخصين بنتنا اله وماكو وراها زلم دشوفي اختهم من خطبها الغريب شمسوين بي صاكرينه والله باب البيت ما يوصله يمه البنيه محد يرزها ويكعدلها وزن وقدر وقيمه عند رجلها غير أهلها .

جنان ـ يله هذا هو

أسيل ـ دخلت الغرفه كعدت وعفتهم يحجون واجت هديل مبين تراضيتوا أنتِ وحارث

هديل ـ وعشتوا على شنو نتزاعل؟ ليكون عبالج ازاعل اخويه من ورا اسيا وسوالفها التافهه والفارغه
شغل وعمل ما عدها كالت فلانه وحجت علانه ومراقبه التعليقات ونايمه بالتطبيقات وحده مريضه نفسياً ومهوسه برجال اني اتهوس برجال شبيه خبله

ـ عوفينها منها شعليج بيها رجلها وهي حره بي تغار متغار مشكلتها مو مشگلتنا شلون تراضيتوا

ـ عندي لسان واحجي وادافع عن نفسي شنو بس هي عدها رجلها نفخته وشحنته ودزته علينا اني عندي مشكله احلها بزودي ليش ادخل الزلم بسوالف النسوان حتى عيب وسالفه ناقصه زلم مشوربه وهالله هالله بخابرون نص الليل علمود سالفة نسوان؟

ـ هسه انتِ تروحين وترجعين عليها ليش

ـ لن سالفتها عيب ولا عبالج حارث ضدي لا حبيبتي يضل اخوي واضل اخته وحجيتله وضحتله گلشي وفهمته الموضوع كله وأعتذرلي وباسني من ࢪاسي هم اني اخته وهذيج غريبه شنو ما وراي زلم والله
لو رجلي يدري بس اني ما ادخله بهيج مواضيع كافي يركض يدبرلي لكمه الي ولجهاله .

ـ الله يهدي القلوب وراح تروحين الحنه عادي

ـ اي لعد شعندي من الصبح مخبوصه ورجلي دزلي مصرف وليش ما اروح عشتوا اروح واكسر عينها اني ما غلطانه بحق احد لاتكوم تبجج وتتشكى وحده تسس وأنتِ لا ادافعين الها اني أختج وهذيج غريبه خليج صاحبة موقف ثابت ولاتنطينهن وجه ترى يأكلنج

ـ ماشي

أسماء ـ يله حارث شغل السياره امشن

هديل ـ اجيينا تلفونج وين حضري نطكك بي صور اني تلفوني كسروا شاشته جهالي يخلولي تلفوني بي حظ يوميه كاسرينه وناعلين اهل اهله .

اسيل ـ هاا اي موجود شالت جنطتها ومشت واني لحكتها شگول الها مروان اخذه غير تعزيني هي بدون شيء متحمله عليهم .

" طلعنا الصالون وصرنا قسمين امي ونسرين
واحنه واسماء وصلنا وبلشت بينا طلبت مكياج هادئ بس هديل لطشتلي الا حمره طوخ ولبست حجاب وطلعت فستان لونه ذهبي كلش حلو ومستور وانعجبن بي لبسته وتجهزت ومر وقت كملنا وخابرت حارث اجه وتوجهنا لبيتهم

" بعدها بالصالون دخلنا والكل موجود وسلام ومباوس كعدت والبنات يحجون بينهم واني عازله نفسي واجت هديل بصفي

هديل ـ انطيني تلفونج اخذلي كم صوره لشكلي

اسيل ـ سويت روحي ادور عليه بالجنطه نسيته بالبيت

ـ صدك تحجين هاي عود كلتلج وثول اي والله

ـ ما حجيت واجتي عمتي وصال وتبوس بيه وتصلي على النبي

وصال ـ ما شاءلله طالع من گلبج هالفستان ذوقي

اسيل ـ تسلمين عمه يخبل ذوقج

وصال ـ عليج بالف عافيه شهل الجمال نيال ابني يا بختك يا مروان يا بختك دتعال شوف هالحوريه .

أسيل ـ خجلت وسگتت واسماء تغمزلي وتضحك وبهل الاثناء سمعنا صوت هورن قوي وانفتح الباب ودخل مروان شايل أزهار وكلهن يضحكن وعاط بيهن ثولهن ومبين عليه اعصابه حاميه صاير كتله من النار اني شفته هيج كبل طفرت لمطبخ ما اريد اشوفه ويستلمني اكس مربع
... بقيت خاتله وصاحتني عمتي وصال يبووه عمه عوفيني بحالي والله ابنج ما يرحم حالي مو بعينه لا اني ولا جمالي غير متسلط عليه بلسانه ومسممني بعيشتي .

وصال ـ أسيل وينج حبيبتي تعالي

اسيل ـ مشيت وتقدمت يمهم باركت لـ ازهار مبروك طالعه تخبلين

ازهار ـ حبيبتي تسلميلي يوم الج

اسيل ـ باوعلي واشرلي ومشه ولحكته وابلع بريگي وبالگوه امشي حتى رجليه ما يعنني يمشي واني وراه روحي انسحبت من صدري وكف بمكان ورا البيت شوي معزول عن العين وصلت يمه بقيت منزله ࢪاسي وتقربلي بشكل مقرب لوجهي وگال بصوت عصبي ومليان غضب وحقد

مروان ـ رفعي ࢪاسج وباوعيلي .

أسيل ـ مروان

ـ أسيـــــل رفعي ࢪاسج

ـ عرفت ميفوتها اليه رفعت ࢪاسي وضربني كف شال صفحة خدي ولزمني من فگي عصر شفايفي بقوه بحيث حمرتي طبعت بإصابعه وحجه وهو صاك على سنونه .

ـ تسمعين كلمة أخوج وكلمتي تضربينها عرض الشار؏ لازم ما تارس عينج الوسخه هاا ما تارسها مو بس أمثالج اعرف شيردن!! اكسر عينج يله؟
.. شوفي لج تحملت بما فيه الكفايه وما جاي اشوفج تصفين على بر بعدج صلفه وعينج مليانه كحابيه بس هالأسبو؏ واجيبج يمي بس هاليومين يفض عرس أزهار أبلغ اهلج وأعرس عليج وانعل لشتج .

ـ دفعني بقوه بحيث وكعت جفي على رگبي وعبرني ويعدل بياخة قميصه ورجع طلع گلنكس مسح الحمره وشمرها بوجهي

ـ رخيصه

ـ غمضت عيني ونزلت دموعي بحراره ونهضت بتعب رجليه يوجعني حيل ما ضل عندي اخطي اي خطوه
الى متى يا مروان الى متى ... ...

يتبع ..

32




أسيل ـ هو راح واني شلت الكلنكس من الكاع وفتحت جنطتي وطلعت المرايا وطوخت حمرتي ومسحت دموعي تجري وامسح بيهن خليج قويه أسيل لاتضعفين كدامه لاتضعفين ويتسلط عليج

.. عدلت شالي ومشيت من وصلتهن عمتي وازهار لاحظن وعمتي سألتني جاوبتها بس ما أقتنعت رحت الحمام غسلت وجهي وبجيت بسگوت وكاتمه عبرتي شوكت اروح البيت وابجي بغرفتي على مخدتي صفنت بالمرايا وتلمست طبع أيده احمر حتى أنتَ طلعت قاسي لعد ياهو اليحن عليه منو اليه
خفيته بالمكياج ورتبت شكلي وطلعت همزين ما جان موجود راح وامنت .

" طول الحفله اني بعالم ثاني فاصله عن الكل بس لفتني حبها لـ أهلها هواي بجت وعمتي وصال أنتهت عيونها ورمن على بنتها باوعت لـ امي ملتهيه بجهال حسن تمنيتج مثل الامهات يا أمي نزلت دموعي ومسحتهن عالسريع
امي راحت سلمت عليهن ومشينا وگفنا بالحوش ننتظر حارث واجه مجد فتحله باوعت لكراج ما موجوده سيارته الحمدلله .
" وصفنت وگت جنت اتمنى وادعي يكون بالبيت علمود أشوفه حتى لو نظره وهسه انقلبت الموازين رأساً على عقب وصرت أكول الحمدلله ما موجود لن صار مثل الكابوس بحياتي .

" صعدت من يم الجام وشغل وطلعنا وبالفرع أحنه نمشي عبروا من يمنا بالأول سيارة عصام وكف سلم على أمي وحارث وهديل صدت وجهه تحجي ويه بنتها ومشه واره مروان عبرت سيارته من كدامي صارت عيونه بعيوني صديت وجهي عنه تجاهلته دك هورن قوي ما أهتزيت ولا ألتفت وحارث صاح بي

حارث ـ وجع شبيك صرعتنا بالهورن مالتك .

أسيل ـ ما باوعتله نهائي ومشينا بقيت هادئه من الخارج ومن الداخل بركان يثور ويغلي ولهيب مشتعل بصدري ومعدتي نار ملختني أحس سجاجين تكطع بيها باوعت على حارث خويه اوكفلي يم الصيدليه أخذلي حب معده معدتي حيل تأذيني .

حارث ـ أي هسه من شوكت توجعج

جنان ـ لن بيها ابو صفار

حارث ـ هم رجعتيها على الدكتور مالتها بعد

جنان ـ لا والله ما صارلي مجال وهي على بهريز احسها زينه وجهه زين هالايام اخذها اسويلها تحاليل

اسيل ـ وكف يم الصيدليه جابلي علاج وشغل وصلنا وراح البيته وكفت اشرب علاجي وأجتني هديل

هديل ـ اسيل مروان على الخط يريدج

أسيل ـ بعدين

ـ وين بعدين الخط مفتوح تعالي

ـ تعبانه أريد أرتاح ما فارغتله ، عفتها تصيح وراي ودخلت غرفتي أخذت ملابسي ودخلت الحمام وقفلت الباب وكعدت جوه الدوش فتحته وابجي وكاتمه صوتي بإيدي الأثنين أريد أصرخ بعلوا صوتي بس منو يفهمني ومنو يحس بيه وكعت بيد أنسان ما رحم ضعف حالي وحيلتي ولا راح يرحمني راح ابقى تحت سلطته ورحمته ويعيشني بعذاب أزلي ..

" الباب يندك وصوت هديل يتردد بمسامعي فزيت ونفضت جسمي من الماي وسحبت البرنص لفيته ونفشت شعري وفتحت الباب .

هديل ـ شبيج شهل التصرفات الطايشه

أسيل ـ هديل فگي عني

ـ شفگ عنج ليش شبيج مو احاجيج باوعيلي

بصياح ـ عوفينــــــــي لوحـــدي بشر يريـــد يبقى لوحده حـــــرام يعني ليش هالملحه .

ـ فوك ما اسألج غير خفت عليج

ـ أهتمام المتأخر ما أريده

ـ يا أهتمام أسيل شبيج

ـ لزمتني من كتفي صرخت بيها لاتلزميني وخري أيدج عوفينــــــــي بحالـــــي .

ـ تمــــام لاتصرخين أخليج لوحــــدج أرتاحي هسه وهذا تلفوني مـــــروان خبصني بإتصالاته يريد يحجي وياج صدك تلفونج وين؟

ـ ما جاوبتها

ـ مــــاشي على راحتج بعدين نحجي .

ـ عافت تلفونها وطلعت وأتصل أباوع الشاشه مروان يتصل ضليت أباو؏ على رقمه حتى رقمه مرعب أنتهى الأتصال وما جاوبته تالي غلقت التلفون تريد ترجع تكمل اللي بديته تنهيني على الأخير تنزلني للقاع يله ترتاح .

" غيرت ملابسي ومشطت شعري وتعطرت ونزلت سويت عشه اللي وتعشيت وهديل غسلت المواعين وگالت .

هديل ـ باجر ما أحضر العرس لو أروح بس أشوفها واباركلها وهاي هي لن سيف خابرني عمتي مريضه

أسيل ـ كيفج

ـ تلفونج وين

ـ عاطل

ـ وليش ما تجاوبين مروان

ـ بعدين اني احجي وياه

ـ متزاعلين

ـ ما جاوبتها تصبحين على خير صعدت غرفتي وگبل نمت وروحي بارده وبداخلي گومه جروح تنزف الكلام والأذيه اللي السمعتهن وشفتهن منه ما تنسي أبداً .

" كعدت الصبح معدتي تعصر بيه جريت العلاج واخذت وكمت غسلت ونزلت امي ما موجوده ونسرين رايحه الدوام والببيت وسخ والجهال ناثرين الالعاب وهوسه لعبان نفس اخذتهم سبحتهم وسشورت شعرهم وريگتهم وخليتهم بالشمس ونثرت العابهم ضحكوا بوجهي وصفنت عليهم مرتضى مصطفى هم تحبوني .

مصطفى ومرتضى ـ اي عمه هواي نحبج

مرتضى ـ اني احبج اكثر من ماما .

أسيل ـ دمعت عيني وحضنتهم واني هم هواي احبكم هم تزعلون مني من احجي عليكم من توسخون الكاع وملابسكم

مرتضى ـ لا نحبج عمه

مصطفى ـ اني هم احبج عمه

أسيل ـ بقيت حاضنتهم وابوس بيهم يله ابقوا العبوا بالشمس هسه بيبي تجي وتجيب حلويات واني اجيبلكم هزوا ࢪوسهم وضلوا يلعبون بفرح .

رجعت نظفت البيت وغسلت الملابس وخليت الغده على النار واجتي امي من السوك كعدت ترتب المسواك وگالت

جنان ـ معدتج شلون صارت

أسيل ـ صفنت بوجهه أستغربت سؤالها جاوبتها زينه

هديل ـ اسيل تعالي

جنان ـ روحي شوفي اختج شتريد عوفي الغده اني اكمله اذا لحكتي غسلي الملابس بالغساله .

أسيل ـ غسلتهن من نظفت البيت عفتها ورحت على هديل جانت هسه كاعده من النوم هي وجهالها هاا

هديل ـ مروان يريد يحجي وياج؟

أسيل ـ سكتت اني اخابره عود

ـ منين تخابرينه مو على أساس تلفونج عاطل جذابه أسيل تلفونج وين

ـ موجود مشيت ولزمتني من أيدي اي شبيج
ـ تلفونج وين؟
ـ شعليج أنتِ
ـ لا عليه ونص خشمج عالي وتحجين بنفس وشايفه روحج شوفه شمصخمه أنتِ؟

ـ شتخربطين بسوالفج شمسويه قابل

ـ تلفونج وين

ـ يم مروان

ـ وليش يم مروان

ـ هو اخذه

ـ ليش شنو سبب ياخذه منج

ـ ماكو سبب أخذه گلب بي واجه حارث ونسى ينطيناه وضل يمه

ـ بس هيج

ـ اي شكو قابل

ـ وليش البارحه ما رجعه الج لا هذا شايف روحه عليج ومن هسه يريد يتحكم بيج خل اضعله حد وأوكفه عند حده شو اتصلي عليه كدامي

ـ يمعوده عوفي هو يرجعه

ـ گتلج اتصلي يله ولاتضلين خوافه وتنطينهم وجه

ـ أتصلت واني خايفه وجاوبني مُباشِرةً

مروان ـ هاا

بصوت ناصي فتحي سبيكر

مروان ـ أسيل

أسيل ـ فتحت هاا مروان

ـ شلونج حبيبتي وينج ياعيني خبصت هديل من وراج

ـ بصدمه ودهشه بغرابه!! موجوده بس معدتي توجعني لهل السبب ما حجيت وياك

ـ سلامتج حبيبتي صدك عود اليوم لاتجين العرس

ـ ليش

ـ هيج بدون ليش ما تجين وخلص لاتناقشيني .

ـ هديل سحبت التلفون مني وجاوبته

هديل ـ وليش ما تروح العࢪس بإي حق تمنعها مو روح حالها حال البنات تطلع وتشوف لو بيكم مرض التحكم بالمره وتمشونها على اصابعكم مثل الريبورت

مروان ـ اظن مرتي وأني أمر وانهي وافرض اوامر محد اله دخل بحياتنا لا أنتِ ولا الأكبر منج

هديل ـ لا اسمحلي يا المثقف

مروان ـ عليمـــــــــــن شبيج أنتِ منو يمج

ـ التحكم بالمره وتمشونها على كيفكم مو من صفات الرجال وأنت لكيتها على گد ايدك تمشيها بكيفك وتمنعها تحضر عرس أختك وتاخذ تلفونها منها من سمحلك تاخذ تلفونها بأي حق شكالولك علينا ما وراها زلم لو بس انتوا زلم وراه جنتكم وبنتكم .

ـ لا الظاهــــــــر أنتِ ترديـــــــن تتعارگين

ـ شوف مروان أسيل تحضر العرس وتلفونها هسه ترجعه ومن تصير بيتك عود تحكم بيها وافرض قوانينك عليها بس مال هي بيت ابوها وانت تتحكم بيها لا هاي واكفه .

ـ هديـــــل خلينا أصحاب لاتخلين ࢪاسج براسي

ـ ليش شمسويه مجرد گتلك جيب تلفونها ليش صعبه عليك مسافة الطريق؟ جيب تلفونها ولا تطولها وهي قصيره يله مع السلامه .

أسيل ـ قطعت الخط بوجهه أشسويتي أنتِ

هديل ـ وعشتوا ليش خايفه؟

ـ لا ما خايفه

ـ اي هيج أريدج يله اكوم أتريك اني وجهالي .

ـ راحت واني خليت أيدي على گلبي وكعت بࢪاسج أسيل أكليها اجتج على البارد المستريح لحكتها وأمي كملت الغده وهديل تتريك واندك الباب

هديل ـ فتحيله الباب اجه برجليه كسرت خشمه صيري مثلي شبيج يحظي .

أسيل ـ لبست شالي وكمت فتحت الباب صار بوجهي نزل مناظره وتفل بالكاع ومسحها .

مروان ـ ما تسوين تفله دازتلي أختج لو بيج خير جان اجيتيني واجهتيني وطلبتي تلفونج بس أنتِ معروفه بس بغير أمور تجين!

أسيل ـ دام تلفه ما اسوى ووصلت لهل المواصيل اني وياك طريقنا مسدود لهنا وكلشي ينتهي ردت اسد الباب لزمني من ايدي وضغط عليها.

ـ طبي داخل لاتسترجلين يالمايعه لأ أكسࢪلج ࢪاسج

ـ دخل وياي وأمي سلمت عليه وهديل ضلت مستمره تأكل وهو جر الكرسي وگابلها وكام يأكل

مروان ـ صبيلي أستكان جاي

هديل ـ صبيله جاي

جنان ـ يمه اكعد بالأستقبال واسويلك ريوك

مروان ـ لا عمه مشكوره بس على الواهس

هديل ـ جبت التلفون

مروان ـ وأنتِ شگو خاطب أختج ما خاطبج

هديل ـ هاي عود وصيتك عليها وتتحكم بيها

مروان ـ لاتخافين اني احرص واحد عليها محد يخاف عليها بكثري عالعموم تجين لعرس مو

ـ أي ليش

ـ نتبارك بيج

ـ خبيث

ـ نفس صنفج

أسيل ـ شرب الجاي وهو حار جره وحده وكام وطلع تلفون جديد وباوع لهديل وكال

مروان ـ اخذته علمود أفاجئها بإحلى وارقى منه نقلت حساباتها وارقامها لتلفونها لجديد وشمرت القديم يعني الدلال والاهتمام تسمينه تحكم يا ست هديـــــل .

ـ هاا هيج الحجي يله مشكور ما جان يحتاج كل هالبطوله منك؟

ـ يله فيمالاا أسيل تعالي وراي

ـ لحكته بعد مسافه خله التلفون بيدي وتقرب باسني كدام هديـــــل وقشعر جسمي من شفايفه وشورابه لامست خدي شعور غريب ومرعب وهمس بصوت غاضب

ـ أذا الصار بيني وبينج احنه أثنين والشيطان الثالث اذا دخل الرابع على الخط أسيل أعدامج يصير بث مباشر .

ـ أبتعد ومسح شفته وصفن بعيوني

ـ وأنتِ أعرف شــنو صار بينا وبالعميق المفصل ولما حابته ما وثقتي بفيديو وضل يمج محفوظ فترة طويله جنتي تستمتعين بالمشاهده !! .

ـ گرصني من خدي ومشه ضليت مصدومه وفزيت على صوت الباب من سده وراه وشخطة السياره من مشت سريع بلعت ريگي ورجعت الهن .

هديل ـ شو خل اشوفه واوا راقي اخر اصدار جايبلج هذا مروان خطير ديري بالج عليه ولج يحبج بس يحب يطغي برجولته ويتمرد على الرغم اكرهه هيج شخصيات من الرجال بس مروان ما جان هيج يابه جان شكد حباب هواي متغير

جنان ـ لا متغير ولا أبداً هو هو ولد مثل الورده شبي قابل لاتخربين عقل اختج عليه .

هديل ـ لا يبوه اتمنالهم كل الخير عليج بالف عافيه

أسيل ـ اخذته وصعدت غرفتي فتحته ودزلي صوره فتحتها صوره للمقطع غمضت عيوني كارهه روحي

مروان ـ بس شيء باقي عقلي ما جاي يهضمه الج ليش سجلتي فيديو شــنو جانت غايتج أحجيلي أسيل .

ـ ما عندي غايه

ـ لعد ليش حفظتي عندج الا اني حذفته بيدي

ـ ما جاوبته

ـ مال جنتي تردين تنشرينه ما تخرط عقلي صعبه عليج لن خوافه بس اذا يإمور ثانيه أكولج اي ؟

ـ ما جاوبته

ـ همزين أخذت تلفونج لن باقي منه نسخه!

ـ شلون اني حذفته وفرمتت التلفون شلون باقي نسخه مروان جاي تخوفني

ـ ليش أنتِ ما خايفه الا اني أخوفج

ـ لا مو هيج

ـ لا أنتِ ما تخافين من أحد لو تخافين واصله مرحله بالانحراف

ـ شلون لكيت نسخه منه صدك تحجي لو تشاقه

ـ ليش وضعنا يسمح بالشقه !! بالمحادثه القديمه لكيته تذكرين من هددتيني بي من جنتي سباعيه وخوش بنيه يعني عندج بطولات على الزلم

ـ ما جاوبته

ـ رجعت الحسابات مالاتج كلهن صارن يمي عشتي والله عمي أنتِ ماكو منج بس نسخه وكعتي بيدي.

ـ شتسوي بيهن رجعتهن

ـ اسوي اللي أنتِ جنتي تسوينه صدك كم واحد

ـ مروان كافي

ـ لحظه وكوليلي مروان كافي .

ـ دزلي محادثات ولد داخلي خاص وكلام سخيف عني لن ما مجاوبته بالطلبات المراسله

ـ جنتي تحجين وياه مو

ـ لا والله ولا اعرفه ركز على كلامه هو لن ما مجاوبته نازل عليه غلط وكلام سخيف.

ـ لا كولي خلصتي شغلتج وياه قطعتي اله كارت احمر وسويتله تقيد وهو نزلج بالعميق ويعدلج بالهندي .

ـ لا والله اني مو من هذا النو؏ بيش احلفلك وتصدكني

ـ شلون أجاج منين يعرف حسابج هيج من كيفه

ـ ما اعرف والله بس جنت انشر مقاطع حزينه وحسابي مسويته عام ولهل السبب

ـ شفت المقاطع شنو هالتعنيف الاسري التعانين منه منو معفنج غيري هاا

ـ محد

ـ احسن ومعوزه حنان سوده بوجهك مروان سوده مصخمه ملطمه من كلهن والله اني لازم اوصيلي على كرون ستيل واشدهن

ـ أني عرضك بنت عمك وما غلطت ويه الغريب وشرفي محد شافني وسمع صوتي وقرأ رسائلي ولا فتحت گلبي لأحد وأمنت وثقت بإحد غيرك أنت وأنت من دمي ولحمي واني انحسب عليك وأرجع الك وأنت الجبير والواعي والعاقل والتفهم وأني الطفله وانغلبت عليه عاطفتي ومشاعري .

" شافها ما رد وفصل الانترنت خليته على الشاحن ونزلت تغديت بدون شهيه وبعدها تحضرنا بالبيت واجه حارث واسماء كاشخين وعافوا الجهال لن نسرين ما تروح ..

طلعنا واني طول الطريق كلامه بذاكرتي كلمه كلمه
وصلنا كلهم موجودين رافع جان جاي هو وزوجته
وصلنا الباب وطلعوا هو وعصام سلموا علينا وهديل هم سلمت عليهم طبيعي باوعتلها شنو تراضيتوا أنتِ وعصام .

هديل ـ لا بس خوما ما يرد عليه السلام واني جايه بيته عيب عليه .

أسيل ـ اهاا مشت ومشيت وراها دخلنا جانت بعدها ما جايه كعدنا ومروان طلع يحجي على التلفون وعصبي يمكن هو راح يجيبها ومر الوقت واجو ودخلت تخبل طالعه بس حزينه طلعوا من الاستقبال وشفت حب عمي كمال الها وحب أهلها الها حب أخوانها بالأخص عصام عيونه دم ما اهتم للكل وهديل بصفي گالت

هديل ـ رجال شگدك شكبرك تبجي جان استحيت

أسيل ـ ما جاوبتها بس اباوعلهم عمي تقدم حضنها ولكيتها حجه وفرغت روحي بجيت الا طكيت وهديل تسكت بيه انفجرت بالدموع

هديل ـ شجاج يمعوده هما يبجون على بنتهم أنتِ شبيج .
أسيل ـ مسحت دموعي وبقيت أباوعلهم واخذوا صور وعمتي وصال اجتي سحبتني وگفتني بصف مروان السترة مالته لاصقت فستاني بالكوه ثبتت بمكاني واخذوا الصوره ورجعت وهديل سيف اتصل عليها هاا تروحين ..

هديل ـ اي والله اجه يله مع السلامه عود نتخابر

أسيل ـ باركت لـ ازهار وسلمت عليهم وراحت ولاحظت أسيا نهائي ما اهتمت لوجود هديل الحمدلله عدت على خير بدون مشكله .

" اجو وتقدم العريس سلموها اله وراحت ازهار الله وياها وخطيه انخبصوا وعمتي شايله كرم يبجي على عمته ازهار تأثر بالاجواء بين العاطفه والحزن وجود بحضن عصام نايمه ويفتر بيها عصام صاح على عمتي وكالها

عصام ـ خوما ادزنها لوحدها ما يصير

وصال ـ لا عمتك فريال تروح وياها

عصام ـ اسيل عيني بلغي اسيا هم خل تروح وياها

وصال ـ اروح وياها اني هم

عصام ـ روحي عيني عادي منو يمنعج

اسيل ـ اجه مجد من الاستقبال وكال

مجد ـ سيادته يگول خل ام رامي تروح وام الحسن وأنتِ وأسيا يرحن وياها .

وصال ـ والجهال شلون وين اعوفهم

مروان ـ أسيل موجوده يمهم ما تروحين هسه بعدين اني اوديج

وصال ـ هاا

عصام ـ يله لعد اسيل كولي لـ اسيا فدووه لن ما تتحرك اذا ما تاخذ موافقتي .

أسيل ـ ماشي لعد رحت بلغتها وفرحت ورجعت انطاني جود سويتلها ممه وكعدت بالمطبخ ارضعها وهما نزلوا اغراضها من غرفتها وجنطها كلهن وعبالك بيتهم شال وجوهم كلهم حزينه .

" كلها راحت وكمت رحت على امي أسمعها تحجي ويه حسن على التلفون

جنان ـ يله تعال أنتظرك .

اسيل ـ هاا يمه خوما تروحين أنتِ هم

جنان ـ اي لعد شعندي ضاله كلها مشت وأسماء هم راحت وياهن وتتأخر والجهال وحدهم بالبيت ونسرين حامل وين تكدر الهم كافي عليها جهالها خابرت حسن هسه يجي يأخذني وأنتِ ابقي سويلهم جاي ونومي البنيه خطيه ..

أسيل ـ لا عفيه يمه لاتروحين وتعوفيني لوحدي اي دبقي شعندج بالبيت والجهال خل يدبرون نفسهم هاليوم عاد

ـ وين ابقي شبيج أنتِ وشگو عليج شنو هالعياره بيت عيالج وعمامج قابل غرب .

ـ يمه صدك تحجين تعوفيني لوحدي من كل عقلج

ـ وين عايفتج قابل مو بيت عيالج گــافي تلطمين

ـ عاطت بيه والبنيه فزت لميتها بحضني وسكتت وعبرتي بصدري ورن تلفونها شالت جنطتها وطلعت واني وراها دموعي تجري راحت وبقيت لوحدي بالصاله هوسه لضاليين وجود بحضني وطلع عصام خطيه تقرب اخذها مني

عصام ـ مشكوره عيني انطيناها انومها بسريرها ترتاح
شـنو عمتي راحت

أسيل ـ اخذها مني اي هسه حسن اجه اخذها، راح الغرفته وطلع مروان انرعبت من شفته تقدم ناحيتي

مروان ـ سويلنا جاي مهيل .

أسيل ـ اي

ـ دتحركي شوفيني طولج يفتر بالمطبخ

ـ مشيت وهو وراي انخبصت ادور على القوري وهو مرتجي على حافة الكاونتر افتح بالخانات ماكو يربي

ـ اجي اساعدج.

ـ لااا كلتها بخوف واجه ناحيتي يمشي بطئ وكلبي يريد يشك صدري ويدفره دفره يشمره للاستقبال من الرعب السكنه وبقربه حواليه
بثواني أسر؏ من البرق التصق بظهري جسمه التصق بجسمي بشكل مقزز لزمتني الرجفه رفع ايده وفتح الخانه الفوك وطلع القوري ورجع حاوطني من خصري بإيد وحده ولفها مثل الحيه من تلتفت على الفريسه وأنفاسه تتضارب برقبتي شحنتي شحن من الخوف والهلع والارتجاف الروحي بالتصاق حول أوتار وانحاء خصري لازمتني الرجفه والتوتر من قربه

ـ ليش ترجفين

ـ مروان الله يخليك عوفنـــــي

ـ نعله على أسمي شبيج خدرتي ادبسزز تريدني مو؟
أحجي تريدين أتقربلج !

ـ قبل لا انطق حرف فزيت بضربة قوية على خلفيتي بحيث رجليه تجمدن من شدة الوجع لن ضربته قويه قبضت ايدي ونزلت دمعتي ضغط على خصري نبت أظافره بلحمي .

ـ طلعتي مو بس رخيصه ضعيفه هم وشهوانيه

ـ نطق كلماته مثل السم نثره بكل أجزاء وخلاياه روحي ابتعد عني وگلبي ينبض ينبض بسرعة فضيعه إنفاسي تتضارب وتتسابق وصدري يرتفع وينزل وأيدي ترتجف بقوه لزمتني الرعشه اشبه بالصر؏ .

.. شلت القوري ترسته ماي وخليت الجاي من العلب على الكاونتر شغلت الطباخ خليت القوري وبقيت واكفه منطيته ظهري بس احس بقربه لن ريحة الدخان أخترقت خلايا روحي تمنيت أكون جگاره تنشرب وتنطفئ وينتهي دورها بالحياة .

ـ اصعد الغرفتي من أنزل الجاي جاهز

ـ ما جاوبته بس اريده يروح وراح وباوعت ماكو احد اخذت نفس اشهك اشهك لزمت خلفيتي وانكز من الوجع شاغت روحي مو ايد جادوم اويلي يمممممه
غسلت من السنك كتمت صوتي مسحت دموعي عالسريع طلعت استكانات والصينيه جهزتهن ونزل لن سمعت خطواته عالدرج ويحجي ويه اخوه

مروان ـ هاا بنتك نامت

عصام ـ بالكوه يمعود الا خليت شال أمها يله نامت

ـ مثل أبوها

ـ خرب بيومك صوتك عالي كعدت دنصي صوتك بس تجعر اجييت بابا اجييت هاا باباتي هاا حبيبي

اسيل ـ حسيت بخطواته اجه ناحيتي

مروان ـ كمل

ـ لحظات

ـ يله فضيني هو چاي

ـ هسه شلت القوري وأريد اصب واجه وگف بصفي لازمت القوري وايدي ترجف الجاي يتطافر أخذ القوري مني وضربني على ࢪاسي ودفعني بقوه وهو صب الجاي .

عصام ـ مروان شعندك أهنا

مروان ـ أجيب الجاي

ـ دعوفه مجد يجي يأخذه

ـ لا ما يحتاج

ـ گتله عوفه يله امشي .

ـ غسلي الصينيه ولمعيها ورجعي احمي الجاي وما اريد جاي بالماعون ولا الصينيه لا أعدمج .

أسيل ـ عصام مشه قبله وهو لحكه وسويت مثل ما كال حميت الجاي وصبيته واجه مجد اخذه وباوعت المطبخ هوسه كمت نظفته ولمعته كله احسن ما اضل كاعده واضوج كملت المطبخ وبديت بالصاله ونفضت التخم وكنسته بالمكنسه حتى الدرج مسحته وهمزين هو بعد ما طلع كملت تنظيف الداخل ودخلت الحمام وقفلته خفت منه يجي نزعت شالي غسلت ورتبت حجابي وطلعت صار بوجهي انرعبت وشهگت .

مروان ـ شنو جنتي تسوين بالحمام؟

أسيل ـ غ غ غسلت ورتبت حجابي

ـ وليش قافله الباب

ـ مروان مو لهل الدرجه گبل سحبني من ايدي ودخلني المغاسل وقفل الباب ولزمني من وجهي عصر فگي وحجه بغضب

ـ شنو جنتي تسوين

ـ والله أغسل والله

ـ تكذبين

ـ مروان الله يخليك گافي ارحمني

ـ ويامن تحجين هاا

ـ والله العظيم اغسل

ـ تلفونج وين بصدرج مو ضامته

ـ لا لا خله أيده واني احاول امنعه لا مروان حباب ضغط على ايدي برجله من رفعها على حايط خله ايده داخل صدري ويدور واني ابجي كشت نفسي من لمساته ابتعد من ما لكه شيء فتح الباب وطلع
بقيت مخليه ايدي على حلكي وابجي بقهر كاتمه صوتي وفز گلبي من سمعت صوت عصام

عصام ـ أسيل وين

مروان ـ فاتت تغسل

عصام ـ وصيت على عشه امشي نجهزه عيب من حارث ورافع

ـ هسه تطلع هي تجهزه

ـ لا احنه نجهزه وهسه اوديها للبيت ضلتها غلط ماله داعي بقيتها جود وكرم واني نومتهم خطيه تعبت ونظفت لو ادري بيها منظفه فلا اخليها .

ـ يمعود دتخليها هي تجهزه

ـ ما مرتاحلك عوفها البنيه تستحي مو نفس التعرفهن صير عاقل دصبر عاد لاتضل ملاحگها

ـ ما مسويلها شيء أخوك عاقل

ـ تخرخر عقل دمشي كدامي

أسيل ـ أختفى صوتهم مسحت دموعي وغسلت وجهي ورتبت حجابي وطلعت ماكو احد باوعت المطبخ هوسه موصين على مشاوي ومبقيلي حصتي منين الي نفس أكل شگول عليج يمه
عفتيني ورحتي ..

خليت القوري عالنار ولميت الهوسه ونظفت المطبخ وعصام ومجد جابوا المواعين مو هواي لن جاهز لميت كلشي وصبيت الهم جاي وانطيته لمجد

عصام ـ عيني أسيل اعذريني تعبناج ويانا

أسيل ـ لا ابو كرم تعبك راحه

ـ بعد عيني تعيشتي بقيتلج عشاج على الكاونتر..

ـ اي تسلم

ـ بالعافيه يابه

ـ الله يعافيك وبحضنه جود وكرم بصفه يسولف وياهم مبدلين ملابسهم ومغسلين فتح الثلاجه وطلع عصير ولفه وكعد يطعم كرم كملوا وراحوا
الاستقبال .

" دورت على جنطتي ماكو وين خليتها دورت عليها لكيتها بصف التخم طلعت التلفون وأتصلت على اسماء جاوبتني

أسماء ـ هاا اسيل

أسيل ـ وين صرتوا

ـ بالطريق راح نوصل بعدج لو رحتي

ـ اي بعدني

ـ تمام راح نوصل حارث ينتظرني ناخذج ويانا

ـ تمام أنتظرج قطعت الاتصال وصلتني رساله منه

مروان ـ راح اجي اوصلج البيت تحضري

أسيل ـ ما يحتاج اروح ويه أخويه

مروان ـ لا تروحين وياي

ـ ويه أخويه

ـ نشوف كلمة منو تمشي

ـ ما جاوبته شلت جنطتي وسمعت صوت الباب انفتح وصوت حارث برى ومروان فتح الباب داخلي مال الاستقبال وصاح عليه

ـ رجعي وين موليه اني اوديج

ـ تجاهلته وفتحت الباب وشفت حارث طارت روحي وهو حسيته تفاجئ

حارث ـ أسيل شمبقيج أهنا خويه

أسيل ـ أمي عافتني وراحت

ـ يصير خير تعالي يمي .

ـ تقدمت وگفت بصفه وطلع مروان انرعبت صديت وجهي ودخلن وسلمن ومرام ورافع ترخصوا وصعدوا سيارتهم وراحوا وأسيا كبل اخذت جهالها وتبوس بيهم واني بصف حارث منطيته ظهري

حارث ـ يله يابه تصبحون على خير

عصام ـ تلاكي الخير حبيبي ابو رامي العلم ما قصرت نخدمك بإفراحك .

اسيل ـ مشيت بدون ما اباو؏ وراي صعدت ليورا وحارث يحجي بعصبيه ويه اسماء

حارث ـ ليش ما گلتيلي أسيل اهنا باقيه

أسماء ـ شمدريني عبالي تدري واني هسه يله عرفت باقيه لوحدها عبالي عمتي ضاله وياها كلت انت باقي يم الزلم هسه ومحد ضل وعلمود جهال عصام تضل يمهم شكو بيها الناس لناس وهي شكو عدها منو بالبيت شو نسرين وحسن وعمي بالبيت بعد شكو
هسه بالطريق خابرتني وسألتها كالت لا رجعت وعفت اسيل بمكاني حتى ام عصام ما رضت كالت شلون تعوفها لوحدها وتروح وكامت تحجي والله فد تفشلت منهن فد موقف صعب نص عمري راح جوه الكاع .

حارث ـ ليش اني تمنيت الكاع تنشك وتبلعني اخ منج يمه اخ .

أسيل ـ يحجي ومقهور واسماء تهدي بي وصلنا ودخل عليهم وكام يحجي على أمي وصوتهم صار عالي واني كعدت بالمطبخ بس صوتهم ينسمع.

حارث ـ شلون تعوفينها لوحدها وتروحين شلون مو عيب يعني ترخصين بنتج كدامهم ادري ما عدها اهل ما عدها زلم من راحت ازهار هي باقيه شگلتي لنفسسج لا مكلفه على روحج مخابره اسماء تسألين وبنتج ما سألتي عليها

جنان ـ شگوو قابل وين مبقيتها عيالها وبيت عمها

حارث ـ عيالها على ࢪاسي بس بعدها مخطوبه ما متزوجين وين عايشيـــن احنه وانت المفروض ما تقبلين مو تعوفينها وتجين ادري شعندج بالبيت طفل يرضع شنو من أم أنتِ .

ـ ايييي لاتصيح وتخبصنه هسه صرت حنين وشالتك الغيره والحنيه على اختك اليسمعك يگول عايفتها بمكان مشبوه هي بيت عيالها ورجلها وعمامها وبقيتها تسويلكم جاي وعشه وعينها على جهال عصام اني رجعت جهالكم منو يدير باله عليهم فوك زينيتي وانت الما راضي دوخروا ما وراكم بس القهر شمحصله منكم بس مر ووالزقنبوت .

ـ هسه شحجيت وتزعلين

ـ دمي محروك منك هسه صرتلي أخ حنين وكمت تخرخر غيره ومحنه بعد عيني من شفت حنيه ولد عمك على اختهم شلون قدروها ويحبونها وشالتك ونفضتك الغيره منهم