" فزينا على صوت وخباثة أسيا وضحكنا اثنينا وكعدنا وايديه ملتفه على خصري صايره بحضني احجي ويه اسيا وهو رايح بعالم ثاني صافن عليه وين رحت

ـ وين اروح ليش اني بعد اتحرك منا باقي يمكم حضريلي فراش اكابل هالحلو المغرور بس الفراغ البين عيونج والكبرياء المتشيخ بالساحه گافية عليه

ـ اتشيخ عليك عادي

ـ عادي يابه عادي وتشيخي عــلىٰ عشيرتي كلهم من يرحولج فدوه .

ـ خجلني أبتسمت ونظراته تموت وتنعش الروح

أسيا ـ عيني گافي حب لا تخلصونه كله بالخطوبه وراكم مشوار طويل بعدكم وينكم يله كومي سلمي على أهله عيب شفتي ابنهم ونسيتهم .

ازهار ـ يااا هشام فشله

هشام ـ عادي حبيبي كومي هسه .

ازهار ـ كمت سلمت على الحجيه امه واخواته ثلاثتهن افراح وصبا وسجى وايمان كلش حبيتها حضتني وتبوس بي وتصلي على النبي

أيمان ـ والله اخاف عليج تنحسدين ما شاءالله عليج

ازهار ـ حبيبتي مو بجمالج اتفضلوا كعدن والحجيه اخذتها كعدتها يمنا بصف هشام هاا خاله مرتاحه

الحجيه ـ اني راحتي من راحة وليدي من اخذج فدوه لوجهج ربي يسعدكم ويحفظكم ويفرحني بيكم

ازهار ـ ويخليج النا هشام مبتسم والفرح تارس صدره ومن ورا امه يباوعلي

هشام ـ مكانج ليش تنطينا صرتي كريمه برأسي

ازهار ـ عيب صير عاقل ضحك

هشام ـ اتشاقه ولج معدله وبنت اوصول نيالي عليج

ازهار ـ حبيبي اجتي ايمان اخذتها يمها وصرت بصفه واجت فقرة العادات رجليه بنص الماي والورد والقران الكريم بيدي ولابسه البركع الابيض واسيا والمصوره يرتبن وهو بس يباوع ويحركن بي جيب ايدك ودي ايدك اسيا خبلته هي والمصوره .
ولازم نلبس الخواتم واسيا قبل بوقت انطت العلبه لاخته ايمان وتقدمت انطتها لهشام والمصوره اقترحت يحضني من ظهري ويلبسني ياها وحضني ولبسني الحلقه واني كذلك ..
لبسني وكعدت واجت فقرة الصور وكومه اخذنا صور واحلى شيء اللقطات المقربه وجه لوجه وانفاسنا تختلط مع بعض روحي تصير بنص روحه وصور ايدينا بيد بعض وصور عائليه كذلك ..

" خلصت الحفله بين جميع تفاصيلها الجميله والمحببه لقلبي وصاروا لازم يرحون تقربن ودعني وكرايبهم كذلك باركوا النا وهو يعرفني عليهم ..

" طلعت وياه للسيارات وحاضني من خصري وهايم
بجمالي وتفاصيلي

هشام ـ شلون أفاركج هسه والله صعبه على گلبي

ازهار ـ لا مو صعبه

ـ لوتيه يله حبيبي اني هم وراي كومة شغل

ـ تمام گلبي مشه وكوه يمشي يروح ويرجع اخر شي التفت وتقدم باسني من خدي يا هشام مروان بالسياره كبالنا

ـ شسويله قابل بايك حلالي ما بسته وهو شعنده باقي بالبيت لو ابو بنات

ـ لا ما ارضاها على مروان عفيه

ـ يدلل حبيبي عمي نسحب كلامنا لازم عزيز عليج وتحبينه وهيج انفعلتي عليه

ـ اي هو فدوه لعمره ولن بس لن ماكو احد لازم يضل واحد منهم

ـ هاا فهمت يله حبيبي هسه اكدر اروح انتعشت

ـ ضحكت وسحب ايده وراح بس عيونه ونظراته تلاحقني ودعتهم وراح الله وياه ورجعنا وابتدت الحفله على أصولها واني واسيا بدعنا تبدع بالرقص وبنات عمامي ما قصرن جانت حفله تجنن بكلشي
وانتهت بوقت ما حسينا بي ..

" واكفه كدام المرايا واجت اسيا تساعدني تنزعلي الماشات بس وجهه ما عجبني شبيج

اسيا ـ تعاركنا اني واخوج

ازهار ـ يااا ليش يمعوده

ـ من ورا هديل

ـ تستاهلين والله يعني أنتِ كوه ادورين مشاكل من جوه الكاع شيء من الماضي شعليج أنتِ ما الج حق والله أصلاً تصرفج اوفر تتعاركين من وراها

ـ اوفر

ـ اي ولاتزعلين

ـ هي شعدها جايه

ـ ترى حفلة بنات والكل يحضر ليش منبوذه علمود ما تحضر حالها من حالهن وهو ما جان موجود ومن اجه الا خابر على امي وتأكد من الكل راحن لن عنده شغل ضروري وملفات خابروا عليهن وامي كالتله تعال راحوا ومن اجه ودخل مستعجل ما باوع لاي احد حتى سلام ما سلم ليش تكبرين الموضوع وتظلمينه بشكوكج الما الها اي معنى

ـ ماشي اني نازله اشوفه

ـ روحي راضي وعوفيلي المعارك والزعل هسه كلش مو وكته خوش

ـ تمام حبيبي

ـ نزلت والله اسيا ولا تجوزين من شگوكج الله يهديج كملت ودخلت الحمام اخذت شاور ونزلت اساعد ماما بالهوسه ولكيت عماتي ما مقصرات خطيه ونزل مروان اخذ بيت عمي ولاحظت اسيا ماكو طلعت اشوفها ما لكيتها ماما اسيا وين

وصال ـ حصلت رزاله مرتبه وتستاهل

ازهار ـ منين

ـ من أخوج .

ـ وينها هسه

ـ بغرفتها اخذت جهال وقفلت الباب حاولت وياها ما فتحته ولا انطتني صوت وبنت عمج هم ما اعرف شلونها شكوو واكفه يم الباب مثل الشرطي ومن دخل صارت بوجه واسيا شلون تفكيرها اسم الله الرحمن عليها.

ـ يمه هديل ناسيته اني مو ادافع الها بس لو تريده جان ما هي اللي عافته وطلبت الانفصال بعد حب قوي وخطوبه وصلت الزواج وعلاقه متطوره يعني شجابرها تعوفه وهسه تحن وهي متزوجه لا ما اتصور والبنيه اجتي خطيه حالها من حال البنات بس اسيا هواي تبالغ بغيرتها وشگوكها وتشتري المشاكل مشترة مو هيج شحصلت هسه بس المغثه .

ـ لا ادافعين لهديل لا اموتج اسيا خط احمر من اني احجي عليها بس ما ارضى احد يحجي عليها كلبي صار نار من اخوج عاط بيها روحي شوفيها بلكي تفتحلج سوده عليه وجهه انكلب

ـ ماشي رايحه عليها رحتلها وصلت الباب ودگيته مقفول أسيا تسمعيني فتحيلي حبيبي اريد احجي وياج أسيا گلبي أسيا گولي يالله أسسيا ماكو صوت بهل الأثناء اجه عصام يمشي سريع وبيده أوراق وجه مزعوج

عصام ـ شگوو

أزهار ـ أسيا قافله الباب وأجيت عليها

عصام ـ عوفيها خل تضل لوحدها

أزهار ـ بس

ـ گتلج عوفيها شحجي اني

ـ ماشي مشيت وهو هم عاف الباب وضلت اسيا ما شفتها بعد راسلتها فاصله النت وسألت أمي يمه هم عرفتي شيء عنها.

ـ أخوج فتح الباب يمكن عنده نسخه بعد ما طلع بلكي تراضوا منين أجتنا هديل ما صدكت عليهم انصلحت اوضاعهم وصاروا تمام.

ـ الله كريم يله تصبحين على خير

ـ وأنتي من اهله حبيبتي روحي أرتاحي اليوم تعبتي وراج تعب نروح نجهزلج يله نلحك لن عرسج عن قريب أخوانج ما يردون فترة الخطوبه تطول وهذا أقتراح مروان عصام ما مدخل نفسه من هذاك اليوم وهم ملتهي بدوامه وشغله أعلى من راسه.

ـ ماشي ماما بستها وصعدت لغرفتي وراسلته ما موجود أتصلت عليه ما جاوبني شوي ودزلي رساله

هشام ـ لاتنامين أنتظريني بس أكمل الغرفه

ـ تمام گلبي منتظرتك رحت شفت أسيا ما فاتحه نت وعصام نشط الان اذن كاعد وهي نايمه وزعلانه اكيد
الله يهديج يا اسيا شجاج تحسيتي وصارتلج مشكله

" الصبح كعد ميته تعب جسمي كله يوجعني من الرقص تكسرت اجسامنا اتصلت عليه وجاوبني گبل صباح الخير حبيبي

هشام ـ صباحج سعاده گلبي توج كاعده

ـ اي نعم

ـ هشامج من الاربعه كاعد

ـ ليش گلبي

ـ عندي گروه لغير محافظه

ـ هم تطول لو تبات

ـ لا ارجع لـ اليل هم عادي وين ابات ما عندي معارف بيها وفنادق مو كدها هسه ما علينا ابوج خابرني الموعد يتقدم بهذا الشهر نتزوج أخوانج ما يردون فترة الخطوبه تطول؟

ـ اي گالتلي ماما مروان ما قابل

ـ ماشي يجرالهم واليوم من اجي اروح اشوف قاعه للعرس ..

ـ والحنه هم

ـ نسويها بقاعه قصدج

ـ اي

ـ تدللي أحجزلج احلى قاعه وبعد شتردين أمريني

ـ ما اريد غير سلامتك شتسوي سوي على راحتك

ـ راحتي الكاها بس يمج والقاعات والله ما اعرف اشوفهن كلهن دايخ بيهن

ـ ادزلك اني

ـ دزيلي گلبي علواه

ـ تمام گلبي يله لازم أنزل

ـ راح أشتاقلج لاتطولين عليه

ـ تمام اتريك وادزلك اسماء القاعات ولاتضايق نفسك

ـ اذا الج ما اتضايق لعد المن، لا حبيبي شتردين اني حاضر وغصباً عليه هم

ـ فدوه لگلبك انتهى الأتصال وغيرت ملابسي ونزلت ولكيتهم كلهم مجموعين على الريوك وأسيا تصبلهم الجاي لاحظت وجه يضحك الحمدلله متراضيين .

" كعدت بصف مروان واسيا صبتلي جاي وغمزتلها وضحكت وبابا طبطب على ظهر مروان وضحك وگال

كمال ـ مبروك أبني خابرت عمك علوان وگال خل يجي يگبعها ويأخذها اني وين الكه نسيب ورجال لبنتي مثله

وصال ـ مبروك على شــنو ليش راح يخطب اسيل

مروان ـ لا أم اسيل؟

ازهار ـ أســــيل صدك تحجون لو تششاقون بس بعدها صغيره؟

كمال ـ اي شبيكم مستغربين اسيل بنت عمكم علوان ونعم منهم ومنها بنت حليوه والظاهر أخوج شافها البارحه وعجبته وشاف أختيار امه هو الانسب
لا مو صغيره اني من تزوجت أمج جان عمرها ١٤

ازهار ـ بابا هذا الشيء بوگتك مو هسه ما أعرف كيفكم بعد .

وصال ـ بس أني تراجعت عن أختياري أسيل ما توالمه؟

مروان ـ ليش

وصال ـ بعدها طفله يله عمرها ١٧ سنه وفقيره وعلى نياتها وأنت صاير ما تنجرع وما ينعاش وياك متغير هواي جنت اريدها الك من جان مروان الحنين العاقل والهادئ والحكيم والعلقه رزن مو هسه صاير واحد ما اعرفه ولا جنك ابني؟

عصام ـ يمه على گيفج وياه شو انهديتي بي وبعدين مروان هو هو ما متغير بس أنتوا ما جاي تفهمونه بس اذا علىٰ العمر اني وياكم بعدها صغيره تدرون ما مخلي بالي يم عمرها

مروان ـ العمر مو مقياس اني موافق حتّى لو صغيره؟

كمال ـ ما عليك منهم هذا هو أسيل الك ولاتزعل من أمك تدلل عليك والا هي تلكيها طايره من الفرح وتتعزز عليك

مروان ـ ازعل من الدنيا كلها ومنها ما أزعل ست الكل عزيزه گلبي وحنيته .

ازهار ـ گام باسها من ࢪاسها وأيديها ونهضت حضنته وبجت وباسته من عيونه وشگبته لصدرها قوي وهو يبوس بيها وحاضنها بكل قوته وكلنا مبتسمين بحب

وصال ـ يا فرحتي بيك وأخيراً راح اشوفك عريس وتدخل البيت أنتَ وعروستك يمه فدوة رحتلكم سبع سعادات يروح أمك ميخالف حتى لو صغيره وأنتِ ربيها وعلمها على أيدك .

مروان ـ يبارك بعمرج يالغاليه ويخليج النا ويدومج

ازهار ـ كعد بصف أمي وصافنه عليه وهو يضحك وأهلي فرحوا هواي بقرار زواج مروان من أسيل حجيت البارحه شفتها كلش حلوه وشكد فقيره وعازله نفسها عاقله كلش حتّى رقص ما رقصت
ولا ذبت عبايتها.

عصام ـ أسيل ورده وذهب صافي .

أزهار ـ حجينا وهو منزل رأسه وقابض على أيده وتغيرت ملامحه وشال تلفونه وكام وصاح وراه بابا

كمال ـ وين رايح

مروان ـ اهنا ما طالع

كمال ـ ماشي نبلغهم ونحدد يوم المشيه

مروان ـ ماشي .

ازهار ـ وصار بيتنا بدال الفرحه فرحتين اني وهشام ومروان وأسيل وربي يقدم البي خير النا كلنا ....
____

أسيا

ـ مرت أيام من بعدما عقدوا أزهار وهشام وهو نفس وضعه عازل روحه عن الكل كمت من يمهم ورحت عليه لكيته كاعد لوحده شافني مسح دموعه ونهض ومنعته وكفت كدامه وحضنته من صدره وتمسكت بي
ارتاح وفرغ حزنك واللي بگلبك يمي أني وياك مو ضدك لو العالم كلها تصير ضدك اني ما اعوفك

عصام ـ ادري بس حاب ابقى لوحدي

ـ شيء صار بعد لاتزعل روحك فدوه لعيونك والله ما يلوك ألك الزعل أصلاً البيت طافي من حسك وصوتك وعصبيتك وانفعالاتك .

ـ بعدين

ـ عافني وطلع وضل فتره انطوا على نفسه وجنت احس بي يبجي على أخته وگتها عرفت عصام شكثر يحب ازهار على الرغم قساوته عليها بس بينلي هو اكثر واحد متأثر حتّى عنا ابتعد وجهاله ماله خلكهم يلتحق وينزل ما يلتقي بيهم بالغرفه ياكل وينام ما يطلع أبداً ..

" الى ان حجيت وياه بموضوع الخطبه هو جان رافض رفض قطعي بس كدرت اقنعه وافق وفأجئني من طلع موصيلي على فستان من الخارج عاد اني كتله حبيبي دام وصيتلي وصي لـ ازهار وعمتي وياي

عصام ـ ماشي ادزلج الصور وخل يختارهن ودزيهن اليه اثبت الحجز سوه

أسيا ـ تسلم حبيبي خوما أنزعجت او تضايقت لن طلبت اخاف كلفت عليك مصاريف هواي،سحبني بقوه لحضنه باسني من خشمي بحنيه

ـ لا بالعكس زاد اعجابي بيج وكل يوم يزيد أكثر أنتِ انخلقتي اليه على گلبي ومرامي وگلشي بيج راضي ومرضي بس لما الغيره العندج والشگوك الراكبتج

ـ رفعت نفسي وبسته بهدوء من شفايفه وتغلغلت انفاسه بصدري غمضت عيوني واني متمسكه بي من رگبته بإيديه
"همست بصوت ذايب ومتولع بنار الشوك عوفنا
من الفساتين هسه ما يوگلني خبز وخلينا بالمهم اني مشتاقتلك واريدك صارلك كم يوم عازل نفسك وزعلان على الكل واني شلمتني وياهم كافي عليه من تلتحق اشبع قهر وراك .

ـ مو بگدي رغم الكسره البگلبي والضربه اجتني على ࢪاسي أنتِ بروحي شايفه من تمرين بطولج گدامي شيصير بيه شگو هم بگلبي ينزاح بس جنت ما جاهز لأعلان الشوك والمبادره بالهجوم مخزنلج شوگ يحرك أهلي كلهم اني شعندي بالدنيا غيرج أنتِ وحبج مشتاقلج يا حنيتي

ـ أكمل الكلام والمبادره بالشوك وأعلن الهجوم التهم شفايفي بحنيه مفرطه وبادلته بكل لهفه عارمه ورفعني من خصري لخصره وتمسكت بي بقوه من رقبته وكلما اريد انحني يثبتني على انحاء صدره وترك اثر الشوك والبعد المطول .

" واكفه اعدل ياخة القميص وهو مثبت أيده على خصري وعيونه تناظرلي بكل حب طبع قبله جنونيه على شفايفي وگرصني من خشمي وحجه

عصام ـ من ارجع نتفاهم ما تخلصين مني أعوضج الغياب ما اخليج تعانين مني ولا تزعلين عليه وفستانج ما تنزعي الا اجي واشوفه عليج وحتى صوره لا ادزيلي اريد اشوفه بالواقع وأتفنن بجمال وتفاصيل اللي لابسته .

ـ شتسوي؟ شــنو نوع هذا الفن

ـ رسم وتلوين حاب أرسم لوحه حب على جسمج واقدسها بتفاصيلج واتمرد عليها برجولتي وأطغى علىٰ أنثوتج وأختم على گلبج حبي بكامل قواه العقليه .

ـ الله على فنونك أنتَ كلما تطول غياب ترجع فنان

ـ بس يمج وبين إيديج الناعمات وبحضنج اصير فنان بالعشك اتفنن ويم غيرج اشخبط ما اعرف أرسم، أسيا اني بس يمج الصح ويم غيرج مليان أغلاط أنتِ راحتي .

ـ باسني من ايدي وضمني لصدره قوي تمسكت بي أحبك بكلمه وحده منك ارضى وانسى مو بكلمات أنت كل كلمه تكولها تتمرد عليه بنص قلبي

ـ أعشقج يله لازم اروح سيادته ينتظر وهسه يجن بنات عمامي وعيب وزحمه موجودين تمام وما اريد اي قصور تجاه الكل فهمتي عليه يا شيخه الشيخات

ـ فهمت يا زلمتي طلباتك أوامر باسني من ࢪاسي وشال تلفونه وسلاحه واغراضه وطلع راح الله وياه

" وبالصالون ما تحملت دزيتله صور لمكياجي وصور كرم وجودي وصورة عمتي وازهار بس شافهن ما رد
هاا حبيبي شلون طالعين شافها ما جاوبني انقهرت حيل وعماتي كامن يحجن عليه وعفت وسگتت
كلت ميخالف اكيد شاف صورة اخته وأنزعج.

" وصلنا البيت بسيارة مروان عفيه شغل النا فد اغنيه حلوه على ذوقك

مروان ـ شتردين بعد عيني ست

أسيا ـ سلامة عمرك عيني ضحك وهز ࢪاسه

مروان ـ الله يساعد هذاك الزلمه عليج اثاري تعرفين شلون تسحلينا وراج .

ـ أنتَ هم تنسحل لاتخاف الزلم كلهم ينسحلون بس بيهم ما يحجون خاف تنجرح كرامتهم وان شاءالله تنزرق بوحده تسحلك بحبها سحله لطيفه ومرتبه

ـ شو استوكحتي واخذتي وجه زايد

ـ شحجيت قابل شبيك تحسست عمه حجيت شي؟

وصال ـ لا والله كلامج درر علواه يتزوج ويخلصني

مروان ـ اتزوج لاتخافين لاحكه على الشلعان الگلب

أسيا ـ ضحكنا وشغل النا أغنيه وصوتها كلش عالي هاا مروان طلعت ادك ثكل بࢪاسنا شنو هالاغاني

مروان ـ هو اكلنا ** وسگتنا ضلت على الأغاني ما تسكتين لخاطر ربج شكد تحجين واني اكول عصام ليش ما يخونج طلعت العنده تحجي هواي مكفيه وفيه عليه كل النسوان

ـ غير خوش مره موت بقهرك يالنحس

ـ خفت هالجهره الزفره تروحيلي فدوه

ـ ههههههه نزلنا وازهار نزلت مستحيه من مروان وهو ضل صافن عليها ولاحظت عليه دمعه بعينه هذا يبجي عينه عين الصخل، وكفت كدامه وساعدتها وخر عينك لاتحسد عروستنا .

ـ هو اخاف عليها تنحسد من جماعة الفگر

ـ ازهار باوعتله وسگتت ومشت سىريع وعمتي كامت تحجي عليه

وصال ـ مو جنت ادامي شجاك كمت تزومل

مروان ـ لعد شتردين هما شـنو لعد

أسيا ـ ما جاوبته مشينا وضل يدخن ويفتر ودخلنا البيت بالدخوليه سنادين گبار ورد طبيعي ملون .

" دخلنا وشغلنا الاغاني وجود خليتها يم جديتهم كاعده بالأستقبال هي وزوجة عمهم داود ونسوان كبار بالعمر ما عرفتهن ، وكرم كام يبجي يريد ابوه
مروان

مروان ـ خيـــر
أسيا ـ تعال ودي كرم على أبوه
ـ مو مروان يشتغل عندج
ـ لعد منو يودي بس يبجي وكلشي ما يخليني افتهم من الحفله حباب شعدنا غيرك
ـ بعد توسلي بيه
ـ مروان شهل المذله
ـ يله تعال ولك انت مكانك مو اهنا مكانك يم الزلم امشي اوديك يم بيت جدي كلهم اهناك .
كرم ـ لعد انت ليش باقي
ـ اني زلمه باقي احمي النسوان شوف السلاح شايله لن ما ينعافن لوحدهن وهم اشوف الحلوات
ـ بابا ليش ما يجي وياك يحميهن ويشوف وياك
ـ ابوك خوش زلمه ما يشوف حلوات امك تذبحه وتعلكه بالباب
أسيا ـ مروان شهل الحجي خبلت الولد بهذا كلامك
مروان ـ باوع عمو عليه شو حبيبي امك صاكره ابوك وكوله بابا صدك امي تذبحك وتعلكلك بالباب اذا تباوع على حلوات شوفه شيكولك
أسيا ـ كرم لاتسأله عيب ماما مروان كافي
مروان ـ والله بيكم محتوى امشي لك صير مثل عمك خوش
كرم ـ لا اصير مثل بابا
مروان ـ داكل ** لك وصير مثلي يله اصعد

أسيا ـ خرب بيومك دزيته ورجعت وماطول واجه جان ولابس رسمي وكله اسود ويدخن سيكاره جاهزه شكله مثل المافيات ولا عبالك رجل دوله مجلوب علينا والله فلا جنا حاسين بي شكد عاقل ومحترم حتّى لسانه صاير زفر ..
وكفنا اني وعمتي وأستقبلنا المعازيم واجو أهل العريس وما قصرنا بگلشي واشرفت على البوفي وصيت العاملات اذا صار نقص يضيفون من العلب اللي مروان جابهن ..
" الموسيقى والأغاني طاقم كامل وهي تحدد نوع الاغاني من دخل هشام شغلت اغنيه حب وبيها نوع من الرومانسيه وتذكرت عرسنا اني وعصام جان راقي وفخم بشكل ما اكدر اوصفه وتذكرته واتصلت
وجاوبني حبيبي اشتاقيتلك

عصام ـ مو وگتج هسه تعالي شنــــو هالحجي الخايس كرم يگوله كدام عمامي والكاعدين مو عيب خزيتيني



يتبع ...

29






أسيا ـ ليش خوما حجه شيء

ـ يعني تدرين بي يحجي

ـ اي ادري هو حجه لو لا

ـ اي لعد شجاي أحجي اني بس عاشت ايدج ياريت لو بس اليه بيها مجال وأسكتلج لا الافندي حجه كدام الكاعدين كلهم سيادته وعمي فاضل وعمي علوان وعمي داوود وولد عمي رافع وناجح وانوب اريده يسكت ما يسكت ويگتلك القهر يگولوله اي والله امك تسويها وابوك هو يسلمها رگبته

ـ عزاااا عززااا والله هذا مروان هو علمه وگاله كول لابوك هيج، باوع الخبيث ما فوتها

ـ لا گال امي گالتلي أصلاً ما جاب طاري مروان هاي أنتِ معلمته مو؟

ـ والله مو اني بشنـــو احلفلك مو أني هذا مروان

ـ لاتتبلين على مروان هاي أنتِ لن حلفته واكدت عليه كال امي

ـ مروان شـــــنو متصدكني

ـ هاا

ـ والله حبيبي شـــنو أكذب عليك قابل

ـ ليا ساقط لعد شمسويله وهيج مصمم على كلامه وأنتِ كايله اله

ـ خوفه بالسلاح

ـ لا ما يسويها بس مروان تاهيه

ـ يله ما بيها شيء ليش مقهور هو ترجع لصدك اسويها واسوي الأكبر منها ؟

ـ ادري بيج ومكيفه حضرتج

ـ أي شگو بيها من زود حبك فوك ما أحبك

ـ سگتي غير طلعتي معروفه بالعشيره مسيطره عليه
خرب حظي على هالسمعه .

ـ علمود ما تخون وتباوع لغيري لما احبك شجابرني هيج اسوي

ـ أدري بيج يله روحي عليهم عيب وسويتي مثلما گتلج الضيافه من الحلويات والعصائر وصلتكم دزيتهم بيد مروان

ـ أنت دزيتهم أي حبيبي وصلن شلون لعد مروان كال اني

ـ لا اني وماكو فرق اني او هو

ـ لا اكو فرق وتجي حلوه كدام اختك اكولها هذن من اخوج عصام

ـ لاتسوين مشاكل اني او هو ماكو فرق كعدي عاقله
وهو هم ما مقصر وياجن سويتنا سايق يودي ويجيب وانوب صاير حارس وحمايه كرم يكول ليش ما تجي تحمي البنات وتشوف الحلوات بس تخاف من أمي تذبحك اعمل نفسك ميت خلاني بموقف خايسس

ـ سوالف مروان والله

ـ ادري بي من وصله طول الطريق يدرس بي يله نسابتنا اجو اليوم الكل داحو ويخابروني نسووانه راحن وضلينا لوحدنا كتلهم تعالوا بيت الجبير .

ـ يله زين خوش جمعه

ـ يله ادعبلي

ـ ادعبل عليك غير

ـ شلون بيج هسه يله روحي

ـ باي حبيبي قطعت الخط والله مروان شكد خبيث ما بيتها اليه ما يندك بي مصيبه، رجعت يمهن وفقرة الصور احلى الفقرات ومر الوقت واني افتر على الكل واشرف على العاملات ويوزعن ضيافه ونفس الوقت البوفي مفتوح لليحب .

" أجت اسيل وياها وحده عمتي كالتلي عليها أختها تقدمت سلمت ورحبت بيهن بس انصدمت من كالت

أسيل ـ اني اسيل هاي أختي هديل؟

أسيا ـ هديل اتفضىلوا، نار أشتعلت بصدري لأول مره اشوفهه جانت متوسطه الطول جمالها عادي
أسيل احلى منها بهواي ما ادري لن جانت خطيبته ما اكدر اوصفها واتمعن بشكلها حتى لو حلوه تنكلب كدامي عتوي.
تقدمت تسلم وتبوس وحضنت ازهار اريد اهجم عليها ازهار مالتي وبس خفت شكلج شلون تتمضحك امسح بوجهي وارفع خصلات شعري احاول اكون طبيعيه بس مو بيدي ما استحملت من شفتها والافكار ترن براسي شلون جان يحبها قبلي باوعتلها كعدت تسولف هي وازهار ويضحكهن
أحترگت گبل اخذت تلفوني أتصلت رفضني وكتبلي

عصام ـ ما أكدر اجاوبج كلهم كاعدين عيب بعد نص ساعه توصل الضيافه واروح استلمها واخابرج تمام

اسيا ـ هديل شعدها جايه

ـ يا هديل؟

ـ يا سلام ما تعرف يا هديل ليش كم هديل عندك؟

ـ شبيج لخاطر الله كبيتي هسه

ـ ما احبها ما اطيقها وبس تتمضحك

ـ ولا تحبينها طبها مرض بس المهم ما يضوج حبيبي

ـ ضجت وخلص

ـ اهاا راس الشهر اجه وهرموناتج تصعد وتنزل ولازم اني اتحمل كل هل تقلباتج المزاجيه لما تستقر

ـ اي لعد منو يتحملني

ـ اني اتحمل اني يا كواد يتحملج غيري غصباً علىٰ راسي اتحملج شتردين بعد

ـ ما اريد گلشي عصام

ـ هاا يروحه المعلعتلها كولي

ـ هيج بعدين عود

ـ ماشي يله روحي يم المعازيم أنتِ شيخه الشيخات والمعزبه لعد اني المن صارف كومة فلوس موصيلج من خارج القطر ارقى فستان المن يا گلبي

ـ لخاطرك راح اعديها

ـ يسلم خاطرج ولاتشوفينها كدامج أصلاً .

ـ حبيبي

ـ هاا

ـ صدك هي حبك الأول يعني جنت تحبها هواي!

ـ لا اله الأ الله أسيا وتالي وياج يعني اليوم نتعارك ما بيها مجال لن هديل خليتها براسج وكل الافكار اشتغلت عندج

ـ گولي جنت تحبها

ـ اسيا روحي مو وكتج الزلم كلها تباوعلي خرب حظ الكواد صرت مزق من وراج .

ـ تعال وين رحت فصل النت اتصلت مغلق؟ رجعت يمهن واهل العريس راحوا وصلناهم ورجعنا وفرغت قهري بالرقص بدعت وجنت متقصده اتمايل بجسمي كدامها وافر بشعري جان واصل خصري وصابغته نحاسي واهز بخصري واسوي حركات بدعت هي جانت تباوعلي من جوه ليجوه وبعدها صدمتني من دخلت كامت ترقص يابه احتركت .

" كلما اشوفها تتقدم او تتقرب من ازهار الطش بالنص وانطيها ظهري وهي حست على نفسها وانسحبت بس وجهه دخن وهذا الاريده شعندج جايه لبيت خطيبج السابق قدري اني مرته واغار

" خلصت الحفله وبس هي واختها ومرت اخوها ضلن وعصام خابر عمتي يسألها ومتت قهر لن ما خابرني جانت تحجي وهي تباوع هسه اكيد تكول ما مهتم الها اتصل على امه ما اتصل عليها بس سهله عصام تجي وين تروح مني .

" بقيت واكفه ومترصده الها واجه بطوله السالب گلبي ودخل لابس قميص أبيض يمشي سريع وطرت من گال

عصام ـ اسيا تعالي وراي .

اسيا ـ اجييت حبيبي مشيت بتباهي عبالك الوزير صاحني لحكته ولكيته گالب الميز مالته وناثر ملفات على شنو ادور گلبي

عصام ـ اوراق مهمه شوفيلي الكنتور اكو بي دوري بسرعه خوما معزله وذابه وراي

اسيا ـ لا والله غير تعدمني ما جاوبني بس جان عصبي ومخبوص وكلب ما خلاه واتصالات تركع عليه واخذ الظرف وطلع سريع وطلعت وراه وبعدها واكفه يم الباب اريد اهجم عليها واجتني عمتي سحبتني واني نار واشتعل ما راحت الا نزعت گلبي .

" اباوعلها واكفه تحجي ويه مروان وعصام يفتر يخابر وعصبي مبين من حركات ايديه وهي صافنه عليه تباوعله بكل صلافه حقيره نذله ساقطه اطلع عيونج والله شكد تباوعيله وأنتِ متزوجه صعدت السياره وانكلعت وروحه بلا رده.

" بقيت بالصاله انتظره يجي واجه وباوعلي وفحصني بنظراته من الكعب لشعري .

عصام ـ شبيج

اسيا ـ شبيه يعني واني اشوف هديل شلون تباوعلك
ولازمه الباب علمود تفوت من يمها گبل عاط بيه

عصام ـ بصوت عالي ** عليج وعليها .

أسيا ـ خله وطلع وعمتي وصال ضلت تباوعلي گبل رحت اخذت جودي وسحبت كرم من ايده ويبجي رحت الغرفه وقفلتها ودكت وحاولت ما فتحت نهائي

وصال ـ أسيا بنيتي شو فتحيلي خل أشوفج ولج والله هو الج وهذيج تروحلج فدوة ولج اسيا

ـ ما جاوبتها وقفلت تلفوني وغيرتلهم ملابسهم واني ابجي لملمت الهوسه والاوراق مالته كلها ورتبت الغرفه واني بفستاني اتعثر وابجي وياهو يدك الباب ما افتحه ..

لليل جود بس تبجي شلعت گلبي كرم نام بغرفته من التعب واني شايلتها وافتر ولحد الان ما مغيره ملابسي وأنفتح الباب عرفته هو لن شيء اكيد عنده نسخه راح غرفة كرم واجه باوعلي انطيته ظهري ومخليه جود على كتفي حسيته قريب لن يحاجي بنته سحبها مني واخذها بحضنه وشويه ونامت هدأت الوكحه صارلي ساعه شلعتي گلبي وابوج بدقايق نمتي بحضنه .

" فتحت الكنتور وجريت ملابسي ودخلت الحمام وركعت الباب بقوه وعاط

عصام ـ الباب لا يتكسر لا أكسرلج ࢪاسج حيوانه

أسيا ـ سبحت وطلعت متمدد على الجربايه ومرتجي على التاج باوعت عليه عاكد الحواجب ويباوع بالتلفون شمرت الفستان يم الباب وباوعلي مستغرب وشمر تلفونه على الجربايه بغضب واجه لزمني من ايدي بقوه وضغط عليها

عصام ـ شــنو هالاستفلات شو عينج طالعه تدللين عليه حضرة جنانج أستجلبتي من انطيتج وجه زايد

أسيا ـ ما جاوبته

ـ تدرين سعره بيش تدرين لو لا

ـ ما حجيت

ـ اي حقج ما تدرين لن ما مقدره تعبي لو مقدره تعبي وحاسه بيه ليل وبنهار دك عمليات وشغل وبالساعات واكف ونوم ما نايم مثل البشريه ومن الفجريات اطلع ومحروم منج ومن أطفالي لو حاسه صدك جان ما شمرتي هالشمره كانما حفاظه من حفاظات جود بس أنتِ وحده ما تحمدين ربج على نعمتج .

ـ نفض إيدي بقوه ورجع يتصفح بمبايله ورجعت شلت الفستان وعلكته بالكنتور وحسيت بحجم غلطتي اني لن شفته يگلب وتذكرت هديل شمرته بدون وعي مو القصد ما اقدر تعبه .

" مشطت شعري وخليت كريمات عنايه ومعطرات جسم وهو يگلب بالتلفون ذبيت الروب ورحت عليه كعدت مقابيله اسفه حقك عليه اني مو ما مقدره تعبك الله ياخذني اذا تعبك ماله قيمه عندي اصلاً اني اللكمه اكلها اغص بيها وگلبي يوجعني عليك لن أعرفك شكثر تتعب بدوامك والتزاماتك بس السالفه وما بيها اني انسانه اغار وشفتها تشعوطت وراوتني افكار انت اعرف بيها، ضل ساكت وعينه ما رفعها أبداً ومستمر يتصفح ويباوع مقاطع بس بصوت ناصي

" كمت ونمت بمكاني بس ابتعدت على الحافه بقيت وابجي بسكوت اخر شي كمت اشهك احاول اكتمها ما اكدر حسيت بحركته وبثواني سحبني لحضنه ويبوس بيه بجنون ويمسح دموعي من دارني عليه انفجرت بالبجي

عصام ـ خلص خلص كافي اسسيا كافي ابويه

أسيا ـ والله لن احبك والله

ـ ادري بيج والله العظيم ادري

ـ والله مخليتك بمقام ابويه بمكانه انت ابويه وامي واخويه واختي واهلي كلهم ضل صافن بوجهي وكال

ـ اني ابوج

ـ هزيت ࢪاسي

ـ ياروحي الما بعدها روح .

ـ أسفه خليتك تزعل مني بس ردت أحجيلك شعوري من شفتها وردتك تفهمني شنو أعاني من شفتها وحقي هالشيء وهي حبيبتك السابقه.

ـ أنتِ گلتيلها حبيبتي السابقه وأنتِ الأولى والأخيره

ـ حضنته وبعدها ما تعاتبنا ووصلنا لقرار موضوع هديل ينسد نهائي وعدته بس كون التزم بوعدي.

" الصبح كاعدين نتريك وفتحوا موضوع الزواج ومروان وأسيل تفأجات ونفس الوقت تذكرتها يعني أختها وحسيت عصام عنده علم مسبقاً كرصته من جف ايده جنت تدري مو .

عصام ـ لا

أسيا ـ لا تدري

ـ گتلج ما أدري

ـ ماشي كاموا هو ومروان وعمي وعمتي فرحانه لن هي أساساً جانت تريدها لمروان وجان اختيارها كمت لملمت المواعين وازهار اخذتهن مني ولج أنتِ عروسه وينج وين الشغل شو عوفيهن هسه تجي أم شامل تساعدنا بس كلت اغسلهن ما يكلفن خطيه

ـ لا والله اني أغسل

ـ شو امشي منا وخليهن صدك تعالي شبسرعه مروان أقتنع بـ أسيل هي بس البارحه أجتي وشافها حتّى فستانها محد شافه طول الحفله لابسه عبايه ولا طلعت ولا اختلطت .

ـ أحتمال حب ثكلها وأحتشامها وأسيل ورده بس شو حسيت عصام ما أقتنع من امي كالتلهم عمرها ١٧ عبالك غير رأيه بس مروان مصمم ما شفتي شلون گاله العمر مو مقياس اني موافق حتّى لو صغيره؟ زين وحبك لـ هناس وين راح وحجيكم ومراسلتكم والاشعار الكاتبها الها وصورها شــنو موضوعهن؟

ـ أحتمال عافها بس لحظه تذكرين من گال لعمتي من گالج عايفها؟

ـ اي صدك شلون فاتتني شلون يعني عنده علاقه بهناس ويتزوج أســـيل منو يراضاها على نفسه هذا شبي شيخربط بعمره .

ـ والله ما ادري بعد أخوج

ـ احجي ويه أمي بالأول

ـ خاف تتدخلين وتطلعين موخوش أدامي ويضل يرعد عليج وتصيرلج سالفه

ـ أكولج اذا يحب هناس وكلنا ندري بهل الشي شلون هسه يتزوج اسيل باجر يمل منها ويرجع يخونها ويه هناس منو يراضاها على نفسه وأسيل شنو ذنبها؟

ـ عافتني وراحت واني ما دخلت نفسي بعد ومر يومين جنت اكوي ملابسه ودخل علينا جان بيت جده تأخرت من الصبح طالع وهسه الظهر؟

ـ مبين ضايج حبيبي

ـ أي شنــو شايفين منك بعد كم يوم تلتحق وتخلينا

ـ حضري نفسج والجهال نروح نخطب لمروان؟

ـ هاا بيها الخير منو يروح؟

ـ مشية زلم ونسوان .

ـ منو ومنو يروح

ـ عمي داوود ولده رافع وناجح رسول ومظفر وخالد وازواج بنات عمي فاضل زياد وفاروق ليث وعبدالله وعمي فاضل وسيادته واني ومروان ومجد وانتن وأمي وعماتي فريال وزينب وجديتي .

ـ خوش مشيه يستاهل مروان اكو واحد شعجب ما عزمتوا؟

ـ منو؟

ـ نسيبكم هشام

ـ ما تسكتين

ـ ليش شگو بيها عمك فاضل مو أخذ رجال بناته زياد وفاروق وليث وعبدالله بكل مشيه مقدرهم ومحترمهم وداز عليهم يحضرون مو لخاطر احد لخاطر بناته وانتوا هم لخاطر بنتكم ازهار بس بلغوا احتمال ما يحضر السالفه مسأله تقدير لأ اكثر

ـ شو تعرفين وتحرفين

ـ لخاطر أختك

ـ ما عليج بإختي وخاطرها ولا تتدخلين

ـ ليش

ـ گتلج لاتتدخلين وهاي هي .

ـ ماشي مثل ما تريد عافني راح واجه وبيده علبة لونها احمر فتحتها تخم ذهب المن هاي

ـ أخذيها وياج هديه من عدنا اني وياج بمناسبة خطوبة مروان وأسيل من يدزون عليج أنطيها
لـ سيادته .

ـ ماشي حبيبي عاشت ايدك

ـ وايدج حبيبتي

ـ اخذتها خليتها بالجنطه وهو راح على الكنتور حضر قاط يلبسه ساعدته وكويتله القميص وحضرت فستاني وملابس لجهالي كرم ابوه استلمه ولابسه قاط هو وابوه نسقوا سوا واني لبست فستان لون جويتي وجودي هم كملنا وهما لابسوا قميص ابيض وستر اسود طلعوا عرسان ما شاءالله .

" طلعنا بالصاله وازهار نزلت قنبله لابسه فستان أخضر فاتح والكعب وكلشي مليان جمال اجت بصفي وعصام باوعلها وگال .

عصام ـ شعجب ما لبستي مثلها جان طلعتن
اقلام جاف؟

أسيا ـ يعني هيج صارت والله فلا اروح مشيت ولزمني من ايدي يضحك عوفني ما اروح بطلت

عصام ـ اتشاقه شبيج ما تتحملين والله ناصب عليج اسيا حبيبي يمعوده .

أسيا ـ گلبت وجهي عليه وازهار تضحك لاتضحكين گافي عليه أخوج

عصام ـ شمسويلج ياعيني يله ميخالف اني ورقه بيضه وأنتِ قلم جاف خوش

ـ عصـــــام

ـ سگتنا عمي سگتنا يله مـــروان يمعود مجد ما تصعد تشوفه وين صار

مجد ـ من شوكت صعد يلبس اول واحد ولحد الان ما نازل ادري شتلبس لخاطر الله

أسيا ـ صعدله مجد وطلع عمي يعدل بـ ياخة القميص وعصام تقدم يساعده وعدلها اله وكاله

عصام ـ سيادتك طالع عريس

وصال ـ لا تگوله عريس شعنده يوميه معرس

كمال ـ أسكت ولك الحكومه ما تقبل

عصام ـ فديت الحكومه ليش يگدر يعرس غير اعرس عليه وبعدين وين يلگه مثلج مره معدله من كلهن وحلوه شيريد بعد

وصال ـ هاا عبالي اي عفيه جبيري لاتنطي مجال

عصام ـ وياج وبظهرج أطمئني ولاتخافين

كمال ـ عمي اني حاجي فاتح حلگي فتحت عليه باب

أسيا ـ ضحكنا وعمتي طالعه هيبه وعصام يبوس بيها بزعها وتنفض بي احب علاقته بإمه وهي هواي تحبه
ونزل مجد يهز بإيده

عصام ـ هاا بشر

مجد ـ جاي يخابر وعصبي بس يغلط ما فهمت عليمن

عصام ـ هسه وكته ولك مروان يمعود يله فضنا

وصال ـ مجد ماما الضيافه الكيك والبيبسي وين خليتهن

مجد ـ بسيارة مروان كلهن

كمال ـ المهر خوما نسيتي

وصال ـ لا ما نسيته اسيا خوما نسينا شيء بعد

أسيا ـ لا عمه هذا هو واكفين ومروان نزل والوجه مگلوب ويمشي سريع سوه الدرج طفرتين وطلع أولنا وعصام لزم ايد كرم وطلعنا ازهار تجين ويانا جانت تكتب سريع هاا شبيج

ازهار ـ هشام زعل ويعتب ليش أهلج ما عزموني شگوله هسسه.

أسيا ـ والله عرفت راح يزعل يله امشي ويانا بعدين نحجي عصام وصل السياره هسه يعيط

ازهار ـ امشي لا اروح ويه ماما وبابا انتوا عائله لوحدكم شعندي نابصه بينكم يله امشي ..

أسيا ـ طلعنا من البيت وعمي قفل الابواب واجه بهيبة المعتاده وراه عمتي وصال طالعه شيخه صعدت سيارتنا ومروان شغل سيارته لوحده وتلفونه على اذنه شغال ويحجي بصوت ناصي بس عصبي ومخبوص واول واحد شغل وطلع بكل سرعته وبعده سيارتنا وبعدنا سيارة عمي وعمتي ومجد وأزهار .
" عصام شغل أغنيه وكرم متفاعل ويهز ويصفك حتى جودي كعدت وصافنه شنو هاي وين اني شصاير

عصام ـ عيني بابا صح النوم ست كعدي لج اليوم خطوبة عمج مروان .

أسيا ـ عمي عبرنا هو هم مشغل اغنيه وعمتي بالصدر وازهار عينها بالتلفونها ومجد طالع من السياره ويصور ومروان طاير اول واحد بينا مألف بيها .
" وصلنا وطبگنا ونزلوا الزلم وشويه واجت سيارة عمهم فاضل الحجيه وعمتي فريال وزينب سلمنا من بعييد ومروان واكف ويفتر ونزلت الحجيه عليه وما اعرف شتحجي وياه رادته بس يضحك هو گالب خلقته ومزعوج
وبهل الاثناء سمعنا صوت الاغاني اغنيه سوريه اظن محمد الشيخ صوتها شالنا شيل ثلاث سيارات سود عاليات عمهم داوود وزوجته وولده خمستهم رافع وناجح ورسول وخالد ومظفر ونزلوا كلهم لابسين رسمي بس رافع لابس عسكري وتسلاموا بينهم وكفوا ينتظرون نسابة عمهم فاضل وعصام يخابر بيهم دقايق وطبكوا اربعتهم كلمن وسيارته وكفوا كلهم بصف السيارات ومجد المصور اخذلهم صور وكرم نبص الا يروح فتحت الباب عصام اجه علينا يريد ياخذ وياكم

عصام ـ اي حقه تعال بابا

أسيا ـ اخذوا مجموعة صور وتوجهوا لسيارتهم وعصام اجه وكف يگلب بتلفونه تاخر يله شغل السياره وازهار ادزلي برسائل شبعت قهر عليها

ازهار ـ حتّى من المنشور مقهور يگول أخوج هسه نشر كلهم حاضرين لا عبالج ما اعرفهم وسوه اشاره الكل واني ما شملني وهما وافقواعلى الطلب الصداقه قبل فتره
اسسيا اني موقفي صعب عليج الله مو حقه شفتي نسابة عمي فاضل اربعتهم اجو بسيارتهم شكو بيها لو كايلين اله .

أسيا ـ بس تشبعين قهر شسوين هاي هي نهيت المراسله وياها بقهر وطلعنا وراهم كلهم سيارات فخمه بس مروان طاير اولهم هذا شبي ما مصدك

" مر وقت ووصلنا وطبگت السيارات يم الباب بس سيارة مروان بيها الضيافه دخلت البيت وسيارة رافع لن بيها رشاش هو هم عسكري مثل عصام ونزلوا الزلم أول شيء و
طلعوا ابوه العروس وحارث وحسن وست زلم ما عرفتهم يمكن خوال العروس وعصام اجه واخذ جود مني ونزلت اخذتها ومشيت وراه وانجمعنا كلنا ودخلنا بعدما هما دخلوا عصام جان بعده ينزع حذاء كرم وهديل وامها ونسوان اخوانها طلعن استقبلنا سلام ومباوس عبرتها ما سلمت عليها ودخلنا الترتيب والنظافه والبخور شيء ثاني
" كعدنا واني حرت بجود تبجي اسويلها ممه وعمتي تسال على أسيل وازهار لحگتها كالن بغرفتها ما نازله مرت من يمنا راحت المطبخ لن دزوا عليها

" كملت رضاعتها والحجيه اخذتها مني وتصلي على النبي ويتناقشن بينهن تشبه منو واني بالي يم المصكوعه بس تلوف من المطبخ للغرفه دكعدي عاد بهل الاثناء سمعت طاري الضيافه نزلتوها عمتي تحجي وتذكرت اي صدك بله اشوف منو نزلها سحبت نفسي من بين النسوان وشفتها تحجي ويه كرم

هديل ـ حبيبي شـــنو أسمك

كرم ـ كرم عصام كمال

هديل ـ فدوة لهل الحلك منو معلمك هيج ولك

ـ بابا علمني

ـ حبيبي تعالي انطيني بوسه

اسيا ـ تقرب باسته واني اشتعلت ركضت عليها وسحبته من ايدها كرم تعال ماما ضلت تباوعلي اخذتها ورجعت تعال شعندك طالع من يم الزلم امشي ارجع يم ابوك

كرم ـ طلعت ويه عمو مجد

اسيا ـ ديله ارجع يم بابا بهل الاثناء شفت مجد تعال اجاني ركض وهي واكفه تغسل على السنك وزادني فخر من كال

مجد ـ هاا مرت اخوي

اسيا ـ بصوت ناصي بعد طولي عفيه عفيه كثرلي منها بعد ارفع الموجه

مجد ـ عمي أنتِ شيخه الشيخات

اسيا ـ بعد عمري تعال منو نزل الضيافه

ـ اني منو ينزلهن غيري

ـ وعصام هم طلع

ـ عمي زلمتج شيخ غير توسط المجلس هو شيخ ومرته شيخه الشيخات

هديل ـ ما شاءالله الشيوخ مطشره ياهو واجه ونفش ريشه وصار شيخ على الاوادم اللي اعرفه الزلم تصير شيوخ منين طلعت النا هاي انوب النسوان يصيرن شيخات!

أسيا ـ وأنتِ منو وياج شگو نطيتي من يمج

هديل ـ اخلاقج حبيبتي

مجد ـ خل اطفر راح تصير بالنعل

أسيا ـ ما انزل لمستوى اخلاقج وما اردج

ـ لا رديني وأنتِ دايسه بصاط بيتي؟

مجد ـ أسيا عوفيها ورجعي لاتسويلنا مشكله

أسيا ـ هو رايحه لن الظاهر تريد تتعارك بس ما انزل لمستواها يله عيني روح يم الزلم ابتسم وراح وعفتها شكد حقيره طلعت مسمومه .

رجعت كعدت يم الحجيه وحست بيه انهانيت

الحجيه ـ شبيج أسيا وجهج مدخن توج جنتي تلعبين الهوا وشحلاتج جنج گمر ومضوي .

اسيا ـ ما بيه شي جده لايضل بالج سحبتني عليها وباستني من خدي ورجعت تغني وتلعب بجودي بعدها واسمع هديل تحجي ويه امها

هديل ـ رايحه اسحلها من الله ياخذها ان شاءالله بكل خطوبه مفشلتنا شتريد لعد بنتج .

أسيا ـ هاي شبيها اكو اخت تدعي على أختها بهيج يوم كبر حتّى كبر شهل النفسيه الخايسه راحت واني رضعت جود وتاخرت وعمتي حتمتت الا تصعدلها .
_____

أسيل ـ هالايام المرت صحتي تهورت بالزايد ومحد حاس بيه بس يگولولي تبهرزي تصيرين زينه اني جنت اسوي أكل لروحي امي جابتلي دبس وگالت كثري منه من كثرما اكلته هو والمربى لعبت روحي
ضليت عايشه على شوي بيتجانان والطماطه وشنو اكل معدتي تصير حصوه واضل مختنگه والقفص الصدري كله يوجعني عبالك مكسسره.
ما جاي يفيدني البهريز روحي جاي تذوب مثل الشمعه يوم عن يوم احس شيء يأكل بيه محد حاس بس اني حاسه بنفسي .

" مروان من يوم بلغني ما راسلني بعد وجنت مرتاحه بهل البعد عكس هذيج الايام الجنت ملتهفه وطايره بالدنيا عبالي كلشي راح يصير مثل ما أريد واركض ركض علمود أخلص شغلي واروح احجي وياه جانت مجرد بدايات

" لاحظت على أهلي صار عدهم علم لن وجوهم مستبشره بس ما بلغوني على الرغم أني ادري بس تمنيت أسمعها منهم .
امي فرحانه وتخابر بخالاتي مروان ابن كمال خطب اسيل خابرتهن وحده وحده بس تضحك وتبوس بيه وحارث طاير عبالك راح يناسب الوزير لن هو هواي يحبهم وجان رايد نسبهم من زمان ومن أنفصلت هديل هو حاربها وسسمها بعيشتها لما اجتها قسمه مهم تخلص وافقت بدون تفكير واحسسها متندمه بس ما تظهر هالشيء .

" عفتهم وصعدت غرفتي ولگيته دازلي .

مروان ـ اليوم خميس باجر الجمعه العصر اجي حضري روحج

أسيل ـ شفتها ما جاوبته

ـ ويامن أحجي اني

ـ ما موافقه

ـ مو على گيفج ما توافقين

ـ شتريد أنت شسوي بيه تتزوجني وأنت تعرف شصار بينا يعني أشوف الزواج مو ضروري زايده منك هالبطوله

ـ مو ضروري يعني ما تريديني

ـ لا

ـ وعــلىٰ أساس اني گاتل نفسي عليج شوفي لج الزواج يصير وافقتي او رضيتي بالطمرى التأخذج مو مهم عندي موافقتج واذا ما وافقتي ما يجرالج خير ويصير شيء لا يعجبج ولا يعجبني!!

ـ تهدد مروان

ـ كيفج شنو تفهمينها افهميها هذا العندي يله سلام

ـ فصل النت وراح وصار عندي وجع بصدري ومعدتي حيل اتضايقت افتر وابجي ادري تتزوجني تعذبني فوك عذابي ما كافي من يوم العرفتني مسسمني بكلامك مسوي حياتي جحيم لو اموت اشرفلي ولا اصير على ذمته وتحت رحمته.

" صعدتلي أمي واجت تبوس بيه دفعتها بقوه وصحت بيها واني ابجي كافي بس تبوسين هالبوسه هم ما اريدها هسه جايتني تبوسين بيه وانتِ كرهتيني بعيشتي عوفيني ما اريدج
وكفت مستغربه وضلت صافنه عليه بدون اي ردة فعل ودخلت هديل طشت جگليت وتهلهل بعلوا صوتها على شـــنو تهلهلين؟

هديل ـ على خطوبتج من مروان يالعوبه ولج وين يصحلج واحد مثل مروان رجال بي حظ محترم وعاقل ورزن نيال بختج عليه، يله يله كومي لبسي اخذج الصالون نحفلج ونرتبج باجر يعقدون الكم

أسيل ـ تدرين هسه يله عرفت يمه صارلج يومين تدرين وما اجيتي كلتي خل اشوف بنتي أحتمال ما توافق بالجذب ما بلغتوني وهسه جاياتني تاخذني تحفلي وترتبني بدون محد يأخذ رأيي ولا موافقتي
ليش اني بنت زنا لو يهوديه لو بنت شارع لو لكيتوني مشموره عند جامع لو يم بابكم حتّى لو جنت هيج رحمه ماكو بقلوبكم تكولون خل نسأل بنتنا؟

هديل ـ دنجبي شهل الحجي ليش مروان ينرفض

أسيل ـ لعد شعجب عصام أنرفض

هديل ـ انجبي عصام لوحد شجاب سيرته هسه يمه احجيلج كلمه ليش ساكته يمه يمه شبيج يمه ليش تبجين أسيل شحجيتي وياها.

أسيل ـ حجيت اللي حجيته شدخلج گبل تقربت ضربتني كف قوي ولزمتني من شعري تنفض بيه وأمي متخشبه وهديل قست عليه دفعتها بقوه وصحت بيها گافي بزعتوني خليتوني أتمنى الموت أنتوا مو أهل حرام تكونون أهل أنتوا عذبتوني لا ام حبتني ولا أحتوتني ولا ضمتني لصدرها ولا طيبت خاطري بلكلمه ولا يوم اجتني وسألتني بنيتي شنو محتاجه

هديل ـ انجبي وسكتي شتحتاجين قابل شو مدلله وين اكو مثل لبسسج وغرفتج لوحدج شتردين اكثر من هيج بنات اخر وكت شهل الصلافه واكفه تحاسبين امج

أسيل ـ أنتِ أكرميني بسگوتج ولا تتدخلين اي احاسبها لن من حقي اطالب بأممومتي تجاها ما عطفتي عليه سويتني خدامه لجنانييج ومكفخه بيد ولدج ومربيه وخدامه لحارث ومرته كلما اغلط حارث يجرني من شعري ياخذني وياه أسبوع اضل اكرف.وسخهم هو مرته وجهاله ومن اروح المدرسه محد يروح وياي ينطي عذر اضل اتحجج بالف جذبه

لو كلامج تذبينه مثل السم ما تسميني غير سليمه
وتدعين عليه وكلما تعبريني تكفخيني محد صار يحترمني وحقهم ما اجو اخذوا رأيي تدرين ليش لن أنتِ ما خليتي الي اي قيمه بين عائلتج همج الوحيد ولدج وجناينج وهديل تضمضين من الراتب الها ومن اجمدتلج واترس المجمده تشيلين وادزين وتخليني حايره بالعشه اني ما متعاجزه ولا اطالب بتعبي لن غصباً على راسي اشتغل واتعب بس جنت اريد اسمع كلمه حلوه منكم .

هديل ـ كافي تلوصين بكلامج يله فضينا عاد

أسيل ـ خليني محترمتج لا انزل عليج اغسلج غسل أنتِ اخر وحده ممكن تحجي ولاتخافين هسه أتحضر واروح وياجن للصالون لن ما راح ارفض الزواج من مروان هالمره اني موافقه بكامل إرادتي بلكي بيت عمو كمال يحنون عليه ويحبوني ويحترمني ويخلولي قيمه بينهم وعمو كمال يصيرلي أب ويعطف عليه ويحبني مثل ما يحب بنته ازهار بلكي عمتي وصال تصيرلي أم تعزني وتخاف عليه مثل بنتها بلكي ازهار تصيرلي أخت تسأل عني وافتحلها گلبي وتكون قريبه اليه بلكي عصام يصيرلي أخ يكون الي سند اشد ظهري بي بلكي أسيا تكون احن عليه من جناينج وبلكي مروان يطلع ارحم منكم عليه .

هديل ـ انجبي عاد هواي سگتنا الج واكلتي ** بسوالفج يله لبسي ونزلي ورانا يله يمه امشي ما عليج منها ختولي .

أسيل ـ جرتها هديل من كدامي وهي صافنه بوجهي ودموعها على خدها نزلت وهي تباوعلي كعدت بجيت الا طگيت ليش قسيت عليها بالكلام ليش .

" مر وقت وكمت لبست عباية عمتي وصال والشال ونزلت لكيت هديل كاشخه واطك بكعبها وامي كاعده ولابسه ومنزله رأسها وشافتني صفنت بوجهي
ومشينا لصالون وصلنا بلشت بيه حف وصبغتلي شعري أسود وسوتلي اظافري وعنايه كامله وهديل هم رتبت نفسها على الاخير
ورجعنا البيت واني صعدت بعد ما نزلت بقيت بغرفتي اريد اتقبل اللي راح يصير شلون راح اعيش وياه يا ترى هو تقبل اللي صار علمود يريدني زوجه اله شــنو برأسك مروان!!

" الثاني يوم كاعده بغرفتي ولابسه الفستان أبيض وشعري منثور على خصري على طوله بمكياج هادئ
وصافنه على الارضيه وهما وصلوا من وقت ويردوني أنزل واني اجتني الجمده وكومة أفكار ترن براسي وهو يدزلي برسائل مالته واقراهن واني ساكته

مروان ـ ما تنزلين عيني عروس ترى سألت عليج كالوا ما نازله لحد الان شعندج بالغرفه شتسوين؟ جاي تصورين بنفسج مو؟

ـ ما جاوبته

ـ تشوفين رسالتي وما تجاوبين يعني اني لحد الان جار وياج عدل ومطول خلگي وجاي اسويلج قدر وقيمه وأنتِ قندره ما تسوين
لج نعال لاتجبريني اصير موخوش ادامي والزلم الجايبها وياي اخلي الما يشتهي يتفرج وأنزع ثوب المستحى واصير كح** واصعدلج واسحلج واخذج وياي لا خطوبه ولا عقد ولا طركاعه برأسج واريد كواد يطلع وراج ويحاجيني افرغ قهر الله كله بيج وبي.

ـ ما جاوبته

ـ مو أصعدلج

ـ تعال هــلا بيك

ـ اي هذا المطلوب اوكفيلي جايج.

ـ ما جاوبته وفصلت النت ورجعت التلفون وصعدتلي هديل معصبه يمكن سوه هجوم عليها ادري علاقته قويه بيها ودزها عليه
هديل ـ ليش ما تنزلين تردين تفضحينا نزلي ترى مروان وصلت لخشمه لاتخبلينا وياج

أسيل ـ ليش افضحكم شمسويه

هديل ـ نعال على حلكج ادبسزز شو تحركي غصباً على رأسج توافقين مروان تاج راسج جابلج العشيره كلها اطلعي وشوفي أمة محمد كلها اجتي
نسوان وزلم لو الضيافه اللي نزلوها شتردين أكثر من هيج خطبه تعالي أكلي راسي تتبطرين على نعمتج ليش

أسيل ـ من انفصلتي من عصام اني صرت ضدج لو وياج

ـ مو وكته هالحجي

ـ لا عليج الله

ـ وياي

ـ الدنيا مواقف وهذا موقفج ما انساه كثر الله خيرج ما قصرتي خيتي عبرتها ونزلت ولكيت عمتي وصال وازهار توهن يردن يصعدن سلمت عليهن وعمتي تبوس بيه وتصلي على النبي كعدت وجديتي باستني ولبستني عقد ذهب كلش حلو
ويحجن بينهن وفرحانات وبالي مو يمهن مثل الجثة تتنظر موعد جنازتها ويصلون عليها وبعدها يدفنوها هيج جان حالي ما حسيت بشعور راح اصير عروس ولا فرحت مثل البنات بإي احساس أنسانه طافيه وخاليه من اي مشاعر ..

فزت روحي من گالوا

ـ يله جيبنها اجه السيد

وصال ـ يله اسيل حبيبتي

ـ لبستني برگع لونه ابيض غطتني وازهار واسيا غطن شعري وسترني وامي واختي واكفات على صفحه ومشيت ولازمه ايدي وازدادت رجفتي جانت عمتي وصال وياي بدال ما تكون أمي بمكانها بإصعب لحظات عمري لا هي وكفت على صفحه هي
وهديل كانما يگوللي أنتِ تخليتي عنا باوعتلهن والدمعه بطارف عيني گبل نزلت ࢪاسها يمكن حست بذنبها تجاهي ..

" أنفتح الباب ودخلت عادي لن ماكو غريب كلهم أهلي عمامي ولد عمامي وخوالي كعدت بصف بابا وعصام صار گبالي ابتسملي كانما يبث الطمأنينه لروحي ..

" أبتدئ الكلام وأني منزله ࢪاسي وعمتي لازمه أيدي
وطلبوا موافقتي بقيت هادئه واسترجعت ذاكرتي لأكبر اغلاطي وكلامه اليه اذا ما وافقتي ما يجرالج خير وهواي كلام گاله وگتها خوف الدنيا كله انزر؏ بروحي واني مغمضه وانفاسي تتسارع ويه طبول ودقات گلبي بلعت ريگي وگلت موافقه وهو كذلك وافق واتم العقد وصارت أسيل لـ مروان .

" أرتفعت اصوات المباركات وضحكة عصام ورافع نغماتها تردد بإذاني وسمعت صوته من گال

مروان ـ الله يبارك بعمركم مشكورين يابه ما قصرتوا نخدمكم بأفراحكم يارب ممنون منكم

أسيل ـ باستني عمتي من عيوني وگالتلي

وصال ـ مبروك حبيبتي شايفين كل الخير يله
سلمي على عمج كمال

أسيل ـ رفعت البرنص من وجهي كل ولد عمامي موجودين گبل نزلت راسي بخوف ومشيت ناحيته وباسني ويضحك وباركلي ومروان بصفه باوعلي بنظرات أنتصار وغمزلي وضحك بخبث يعني
صرتي الي .

كمال ـ الف مبروك والله يسعدكم ان شاءالله وصار عندي ثلاث بنات وغلاتج من غلات ازهار وأسيا .

أسيل ـ تسلم عمو الله يبارك بيك وربي يخليك النا

عصام ـ مبروك عيني واحلى من تكون جنتنا وبيناتنا
الف هلا بيج بعائلتنا والله يسعدكم أن شاءالله

اسيل ـ تسلملي ربي يبارك بعمرك ويحفظك وولد عمامي يحجون على مروان ورافع أبن عمي داوود
گاله

رافع ـ لك مروان تقدم بوس خطيبتك وباركلها شبيك يحظي ادك ثكل برأسنا يله مروان يله انت ذيب عليها شوفنا بطولاتك .

ناجح ـ هذا ما عنده بطولات يم النسوان يتراجف

مظفر ـ گلبه رهيف

عصام ـ دير بالك يهزنوك خليك جبل ما يهزك ريح

فاضل ـ عوفوا ولكم يستحي

أسيل ـ ضحكوا ونصبوا عليه واني مشيت وطلعنا ويه عمتي وهما ضلوا يسولفون واصوات ضحكهم واصل لعدنا

" جديتي تقدمت باستني وباركتلي وكالت

الحجيه نعيمه ـ مبروك والله يسعدكم واريد منج تخلين مروان بعيونج واديرين بالج عليه هذا عزيز گلبي وههو حنين وگلبه طيب يا بختج بي تستاهلينه

أسيل ـ الله يبارك بيج جده ان شاءالله، باركلي كلهم وازهار واسيا اخذن وياي صور والكل اخذن ما عدا امي وهديل حتّى نسوان اخواني الما ارضى عليهن الهن موقف حلو هاي اسماء شكد جانت حقيره تعدل بمكياجي وتقدم ضيافه وتهلهل واخذت
صور وتبوس وتباركلي يعني الها موقف حلو .

" ارتفعت صوت الاهازيج والاغاني ترمز لعز والفخر واصواتها كلش عاليه وصار صوت رمي طلقات كلش عالي واسيا فزت وشهكت بخوف وضربت على صدرها وگالت

اسيا ـ يمممممه هذا عصـــــام

اسيل ـ اسيا ركضت برا بخوف والكل طلعن ورراها واني وراهن ولد عمامي كلهم وأخواني وياهم فاتحين السيارات ومشغلين أغاني وعصام ورافع ابن عمي داوود هم عسكري يضربون بالرشاش بالسما ويضحكون عصام ورافع شمروا الرشاش بالسياره وجديتي كامت تحجي عليهم وهما عادي عدهم ويضحكون

الحجيه نعيمه ـ ليش ما تجوزن من هالسالفه شله داعي الرمي عمي والله درينا انتوا دوله بس لاتنجلبون هذا سلاح مو لعبه

رافع ـ اليحاجيج عسكري جده

الحجيه ـ درينا والله درينا والله يضرب بعد ما يلوم الا نفسسه وعمامكم ليش ما طلعوا عليكم جايزين منكم كومه زلوم

رافع ـ حصلنا موافقتهم والذيب قنعهم

الحجيه ـ فلا ينگدرلك امشي مريتك فحطت من الخوف وجهه صوفر الله يعينها عليك وعلى سوالفك

اسيل ـ اسيا طلعت وكفت وعصام اشرلها ترجع وخطيه رجعت خايفه عليه توني ردت ارجع جنت بظهر ازهار أندار علينا وصارت عيونه مثل لليزر بعيني وابتسم ضل مركز نظراته ناحيتي والشمس ضاربه بوجهه تجاهلته هو ونظراته ورجعت وياهن

" كعدت وياهن وطولوا الزلم حبوا الكعده لن صوتهم عالي وضحكهم واصل لعدنا أسيا گبالي تكتب سريع وازهار كذلك واجت هديل جابت جاي لن جديتي طلبت وقدمتلي أخذت منها وكالت

هديل ـ فضلتي الغريبه عليه تاخذين صور ويه أسسيا بس وياي ما تكلفين على نفسج تكولين تعالي ناخذ صوره مع الاسف عليج

أسيل ـ ما جاوبتها ورجعت تضيف الكل واسيا كامت قبل لاتوصلها هديل ودخل عصام حجه ويه جديتي دازين عليها لزم ايديها ودخلت يمهم واسيا رجعت كعدت بصف ازهار ويباعن بالتلفون ويضحكن وهديل حسيتها تريد تنفجر راحت المطبخ ولحكتها شبيج تخبلتي

هديل ـ شفتيها شسوت فدحقيره

أسيل ـ أشسوت قابل هي وحماتها يشوفن الصور وشعليج بيها خليج بنفسج أنتِ هم مو قصره

ـ شمسويتلها قابل وحده ما تحترم شيسموها اقدملها الجاي وتتكوم وتعوفني بس خل تصبرلي اذا ما كلت لرجلها على كل تصرفاتها خلي يعلمها اوادمها الخايسه .

ـ لا بالله أنتِ ما ناويه على خير بابا عوفيها لاتخلين عقلج وياها رجلها ومن حقها تغار ليش تجيبين الحجايه لنفسسج گوه .

ـ أكرمينا بسگوتج بعدج بيت اهلي وكمتي أدافعين الها لعد تسكنين يمهم شتصيرين يمكن بعد ما نشوفج تتبرين من عدنا .

ـ ما أجاوبج احسن عفتها ورجعت واسيا تحجي بكل لطافه هي وعمامتي وجديتي وحسيت جديتي هواي تحبها وتعزها وعماتي يقدرنها ويحترمنها فارضه وجودها وشخصيتها طاغيه عدها لباقه بالكلام ونفس الوقت أجتماعيه بلطافه وبينلي علاقتها كلش قويه بعمتي وصال وازهار عبالك أختها موو حماتها.

" شوي واجه مجد وگال

مجد ـ أسيا يمه دزوا عليجن علمود المهر

أسيل ـ كامن عمتي واسيا واجه عمي حجه وياهن واسيا طلعت من جنطتها علبه لونها احمر وانطتها لعمي كمال وعمتي وصال جابت صندوق عرفت جايبين مهري اخذوا ودخلوا الاستقبال .

" شوي وطلع حارث صاح لأمي انطاهن الها ورجع الهم ودزوا عليهن وصار الوقت يرحون كامن بوستهن وعمتي تبوس بيه وكالت

وصال ـ وجهج ليش اصفر كركم

أسيل ـ ردت احجي وهديل سبقتني وگالت

هديل ـ من الخوف عمه تعرفين عروس ومرتبكه

وصال ـ هاا اذا هيج عبالي مريضه يله يمه مع السلامه عود نتخابر علمود حفلة الخطوبه

هديل ـ ان شاءلله عمه انتوا فصلوا واحنه نلبس.

وصال ـ احنه أهل وأسيل بنيتنا .

أسيل ـ حسيت عمتي ما تريد قرب هديل طلعن واني ضليت بالصاله دايخه ونفسي مخنوگه .

" راحوا ودخلوا ابويه واخواني تقدمت بابا باسني

علوان ـ الله يسعدكم بنيتي وبيت عمج كمال صاروا حسبة أهلج صيري سباعيه ولاتقصرين وياهم .

أسيل ـ ان شاءلله تقرب حارث باسني وكال

حارث ـ هسه أطمئنيت عليج الله يسعدج خيتي جان بنفسي اثنيجن جنايين بيت عمي الكمال بس بعد قسمه عالعموم اريدج ترفعين ࢪاسي وراس اهلج كدامهم لاتفشليني يبعد أخوج

أسيل ـ أشكرك أن شاءلله من حجه هديل نزلت راسها وباركولي كلهم ونسوان أخواني هم الا أمي وأختي كأنما غريبات عفتهن وصعدت لغرفتي وفتحت جهازي ودخلت هديل گبل غلقته وگالت

هديل ـ عود دزيت رقمج لمروان يتواصل وياج لازم تتعرفون على بعض قبل الزواج وشويه انطي من نفسج احجي سولفي بمواضيع لاتبقين كابته اعرفي منه شيحب شيكرهه مو تبقين مثل الصنم وبعدين تتندمين من تزوجين وتكومين تحاولين تعرفين منه

ـ دزيتي رقمي؟

ـ أي مو صار خطيبج

ـ شدعوه هيج گاتله نفسج على مروان؟

ـ لن أعرفه أنسان واعي ومتفهم وفاهم الحياة رجال عقله راكز ومن زمان جنت أتمناج اله بس ما أحجيلج وبالأخير اجت القسمه وصرتي اله وعرفت هما رايدنج اله من زمان وحاجيين بموضوعج وياج؟

ـ رايديني اله منو گلج منين عرفتي؟

ـ عمتي زينب گالتلي وعمتي وصال هي رايدتج أكثر شيء وفهمت عصام هم ومادح منج هواي

ـ عصام ورده شگد صارت بينا خلافات وأنفصالج عنه هو ما تغير موقفه تجاهي حتى طلب الصداقه ما حذفه .

ـ أي يله اذا يراسلج جاوبي واحجي وياه تمام

ـ هزيت ࢪاسي وما جاوبتها شجاوبها أبقى ساكته احسن وبالاخص ما أعرف شـــنو منتظرني!

ـ وين صفنتي

ـ يمج وين صفنت قابل أمي هم حجت وياج

ـ أي گالت طلعنا ظالمينها ومحمله علينا ضيم وظلايم وطلعت اني الموخوش أم وكامت تبجي ليش هيج أسيل قسيتي عليها بكلامج مو أم وگلب والده ومن تنجرح الها حوبه .

ـ شيءأكبر من طاقتي وما لكيت نفسسسي الا أنفجرت بيها، أنتِ ما تعرفيين من شنو عانيت
فـ لاتتدخلين وتنغثين خليج أخت وصاحبة موقف.

ـ ماشي يله اني نازله الملم الهوسه صدك ما سالتي على مهرج

ـ شبي

ـ انطوه لـ أهلي ٢٠ وگالوا ٥ تعب أمها و ١٥ الج وعصام جايبلج تخم ذهب كلش حلو بحفلة الخطوبه لبسي نازك مو هوسه تفاصيله ناعمه والمؤخر ما اعرف والله ما سألت يله شتردين بعد صرتي جنتهم تعيشين مدلله عدهم

ـ اي هزت ࢪاسها وراحت فتحت تلفوني ولكيته كومه متصل عليه أخر شيء دازلي

مروان ـ وين موليه ليش غالقه المهجوم

أسيل ـ ما جاوبته وأتصل ضليت صافنه على الأتصال شحجي وياه يربي فتحت خط الو مروان

ـ مبروك صرتي من نسواني

ـ ما جاوبته

ـ كلشي راح يصير على أتم وجه بدون اي قصور خطوبه وحنه وعرس وغصباً على ࢪأسج تتصرفين طبيعية مثل اي عروس تتزوج وجهج اليلطم اشوهه الج اذا يضل هيج

ـ ماشي

ـ شنو أكول تكولين نعم حاضر وتأمر

ـ ماشي

ـ ديله ولي

ـ ما جاوبته وقطع الخط رجع نشر حالة على الواتساب كتابه انها اللعنه؟ تجاهلته لن هيج شخص التجاهل اله كلش كافي على حجمه .

" لليل جنت نايمه ومالي خلك صعدتلي هديل صايره نار شبيج شگوو

هديل ـ هاا زوجة عصام ما ناوية على خير أبداً

أسيل ـ شبيها انطتني التلفون وشفت كلامها وياها وليش جاوبتيها وكبرتي الموضو؏ وبعدين كلامها صدك شگوو تعلقين على منشوره زايده منج.

ـ دنجبي شـــنو زايده مني ترة أبن عمي وبعدين هو صديق وياي وناشر صور مالت خطوبة مروان ومسوي لـ أخواني ولد عمامي كلهم أشاره بالمنشور وطلعلي وعلقت حالي من حال بناتننا وين الغلط؟

ـ حتّى لو شگو تعلقين اله مو بس مرته لاحظت ترى هواي من أقاربننا راح يلاحظون وكلها تدري جان يحبج وخطيبته السابقه ف اشوفه أنتِ عايله وتتحرشين بـ أسيا الافضل حذفي تعليقاتج والغي الطلب

ـ ما احذف هي شعليها والطلب طلع هو لاغي ما اعرف من شوگت مبين عليه يرجف من عدها صاگرته ومسيطره عليه

ـ مرته أنتِ شگو بينهم

ـ وأني شحجيت قابل

ـ هاج تلفونج وصيري أدامي

ـ دنجبي شهل الحجي ليش شعندي وياه قابل

ـ نزلت مزعوجه والله ياهديل أنتِ غريبه عجيبه صرت ما أفهمج شتردين بالضبط الله يهديج .

" فتحت تلفوني ودخلت قريت التعليقات وشفت مروان راد على هديل وكاتب الها

مروان ـ حذفي تعليقاتج لاتسويلنا مشكله تعالي خاص وباركيلي؟ وهديل ما حاذفه التعليق ثواني وتعليقها طار انحذف!
ورجعت اقرأ التعليقات اسيا معلقه اله كاتبتله مبࢪوك عيني تستاهل كل الخير بالرفاه والبنين راد عليها ام كرم العلم ربي يبارك بعمرج تسلمين غلا

ازهار معلقه مبارك أخوي وحبيبي وسندي وروحي من الدنيا وربي يسعدكم تستاهلون كل الخير مروان راد عليها عيني وماي عيني حبيت الرد طلعت حنين! واني صافنه انطيت اعجاب لرد بدون ما أنتبه گبل لغيته وهو وگبل دزلي

مروان ـ شعندج نايمه بالفيسبوك؟

أسيل ـ شفت المنشور والتعليقات ليش حرام لو مننو؏

ـ وشعليج بالتعليقات

ـ هيج والله

ـ شوكت تنامين

ـ هسه

ـ ماشي يومين هيج اجي اخذج نعقد محكمه

ـ ماشي

ـ يله طفي الانترنت وعوفي التلفون

ـ ما عندي شيء والله

ـ طفي وبلا لغوه زايده

ـ ما جاوبته فصلت الانترنت وخليته على الشحن. وكمت غيرت ملابسي وگبل نمت حتّى ما تعشيت لن تعبانه نفسياً وجسسدياً حابة أرتاح واصفي ࢪاسي .
______

أسيا ـ رجعت البيت وطول الطريق ساكته حيل أنقهرت منها اريد احجيله شگالتلي دايسه بصاطي؟ بس اني وعدته ما اجيب طاريها وموضوعها ينقفل

عصام ـ حبيبي وين صافن

أسيا ـ هاا عيني

ـ وينج

ـ يمكم وين قابل

ـ لا مو يمنا جنتي صافنه شبيج

ـ ما بيه شي گلبي، لزمت أيده وأبتسملي ابتسامته هونت عليه گلشي وصلنا البيت هو شال كرم وأني جود دخلنا مملكتنا كعدت أغيرلها ملابس وهو استلم كرم غيرله ملابس وراحوا الاسواق يشترون
غيرتلها ورضعتها وكعدت انوم بيها ودخل شايل كرم خلاه بغرفته ورجع غير ملابسه شـــنو تطلع گلبي

عصام ـ اي والله رافع والولد يجون علينا خاف اتأخر نامي لاتتنظريني

ـ اتعشيت

ـ اي حبي وعشاج موجود ضميته الج على الكاونتر

ـ فدوه لروحك

ـ بوساتي يله فيمالاا .

ـ راح الله وياه وكمت غيرت ملابسي وطفيت الاضويه وفتحت تلفوني ودخلت الفيسبوك عصام ناشر منشور وكاتب مباركه طويله عن خطوبة الاخ ومن العمام كل وكل والعشيره والخ ..
ومسوي أشاره لكل عمامه ولد عمامه حتّى اخوان اسيل ضليت اباوع الصور الاخذوهن يم السيارات وبعدها بالمضيف ومن طلعوا وكلهن حلوات ومليانات جمال وفخامه ..

" دخلت أقرا التعليقات وعلقت ومروان رد عليه ودخلتله خاص صاير لطيف

مروان ـ مو بلطافتج عيني .

اسيا ـ الله يسعدك تستاهل

ـ تسلميلي غلا .

أسيا ـ رجعت اكمل قراءه التعليقات وانصدمت بوحده ركزت زين ودزيت حسابها لـ ازهار منو هاي

ازهار ـ ليش

اسيا ـ منو هاي

ـ يمعوده عوفيها

ـ هديل مو

ـ أي هديل بس عوفيها

ـ رجعت أقرأ بتعليقاتها مرتين معلقه

هديل ـ ولد عمي العلم منورين عيني ربي يحفظكم

اسيا ـ ايععع اللواكه ايععع انوب معلقه

هديل ـ الف الف الف مبروك ياعيني تستاهل كل الخير شايف خير ومستاهلها يا ورده .

اسيا ـ ايعع ايعع اوفر شگو تعلقين على منشوره هاي وين تريد توصل ما تحملت دخلت الها خاص
دزيت الها لايك ومرت نص ساعه وردت

هديل ـ منو أنتِ

اسيا ـ أنتِ صدك ما تستحين شگو تعلقين اله بإي حق من سمحلج

هديل ـ عفواً ومنو أنتِ بلا زحمه

ـ تسوين روحج ما تعرفين اني زوجة الضابط عصام

ـ أهاا وشتردين هسه

ـ اظن حجيت الج شريد مسحي تعليقاتج يله وبلا مطرود ما اريد اخلي راسي براسج لن الداخليه مانعتني مو لن علمود مشاعر حضرتج لا بس علمود لا يزعلني

ـ تدرين خوفتيني أنتِ والداخليه مالتج بابا شكد فارغه أنتِ واني ما فارغتلج

ـ والله حقج متخافين اذا مره متزوجه وتعلق لهذا وهذاك

ـ شبيج أنتِ ترة ولد عمي

ـ وزوجي اوك

ـ وابن عمي قبل لا يصير زوجج حبابه

ـ وين تردين توصلين أنتِ

ـ ههههه وين اوصل قابل وبعدين هو مسوي اشاره لـ اخواني وطلعلي وعلقت ليش لازم اخذ اذن منج لازم مخليج ضمن الحمايه مالته وتنبحين من يمج

ـ انقهرت من كلمتها گبل بجيت مشكلتي ما اعرف ارد هيج نماذج تافهه كتبت الها لا حبيبي اني الملكه مالته اميرته وأنتِ وامثالج الحمايه مالتي خوش

ـ امثالنا كلتي عرفت شنو اليوجعج ترى حبيبتي جان حبيبي وخطيبي السابق خاف ما عندج علم واني عفته الج من زمان ولو اريده جان اخذته ما بقيته والانفصال صار من قراري واذا تردين ترضين فضولج سألي وهو يجاوبج الانفصال جان قراري لو قراره اصلا هو ما راد ينفصل بس اني العفته الج يا حضرة الملكه؟

ـ صدك ما تستحين أنتِ وما تعرفين تحجين

ـ أنتِ تعلميني احجي بابا عقلج الوسخ نظفي وثقي بنفسج قبل لاتثقين برجلج اذا انت ثقتج بنفسج مهزوزه وكاعده بالتعليقات شسويلج اني

ـ ما جاوبتها بس احتركت

ـ وبعدين اني صديقه وياه وروحي تاكدي

ـ جذب لاتجذبين

ـ ههههه على شنو اجذب والله ما فارغه الج

ـ رحت شفت ماكو صداقه ليش تكذبين انتي مو صديقته ماكو صداقه بينكم

ـ احتمال لغه الطلب شدعوه هيج مخوفته عالعموم يله باي

أسيا ـ قريت كل كلامها واني ابجي وتلفوني بيدي واشهك ومروان گبل دخلي خاص

مروان ـ شگوو شصاير أسيا احجيلي

أسيا ـ ما صاير شيء

مروان ـ اذا علمود تعليقات هسه احذفهن لحظه

أسيا ـ ما فهمت عليه منين عرف بس توقعت هي حجتله بهل الاثناء اكتب وابجي ودخل عصام أستغرب شكلي

عصام ـ ليش تبجين شگــو منو وياج؟

يتبع ...

30





أسيا ـ عبرتي ترس صدري اريد احجي ما بيه بس دموعي تعبر عن حالي وهو يحاول يفهم مني شبيه

ـ شگوو فهميني شبيج ياعيني منو وياج

ـ ماكو شئ عيني

ـ لا اكو باعي نفسج راح تموتين شبي التلفون منو حاجاج شو جيبي

ـ ضميته وسحبه مني ودخل يقرا المحادثات!! ومطكك عيونه خفت يحجي عليه واني ابجي والله مو قصدي ادخل الها خاص بس هي تتحرش بي وتجاوزت حدودها وياي ومن شفتها معلقه على منشورك ما اعرف شلون دخلت الها وحجيت وياها ووو ..

ـ لاتكملين خليني اقرأ زين .

ـ ضل يقرأ المحادثات أكثر من مره ورجع باوعلي

ـ شحجت وياج أحجيلي گلشي

ـ هو بالمحادثه مو شفتهن

ـ لا قبلها شحاجيه وياج لن مروان اجاني وگالي اسيا متجاوزه على هديل بس ما صدگت بي ولا مروان مصدك لا عبالج ما ادري بس سگتت كلت يرحون ولد عمي واتفرغلها ف احجيلي گلشي يله .

ـ اني ومجد نحجي بينا وهي من كيفها نطت وگالت

عصام ـ أي شگالت أحجي شبيج خايفه ترى ما أذيج

أسيا ـ ما تعصب ولا تحجي عليه

عصام ـ أسيا أحجي وفضيني

أسيا ـ حجيتله گلشي وضل ساگت ورجع گال

عصام ـ وشنو جاوبتيها

اسيا ـ ما جاوبتها تعرفني بهيج مواقف ما اعرف ارد گتلها منو يمج ونطيتي وكالت رديني وأنتِ دايسه بصاط بيتي؟

عصام ـ هي هيج حجت وسگتيليها؟

ـ اي

ـ والله لا اشرب من دمها والله الا اسود عيشتها تهينج بيت عمي واني موجود اصبريلي عليها روحي غسلي وجهج بماي بارد واني اشوف شغلي وياها.

اسيا ـ فدوة عوفها ختولي

عصام ـ ويــــــن اعوفـــــــها هانتج وأنتِ دايسه بيت أهلها وأول مره تتدخلين بيتهم المفروض يشيلونج على روسهم ويقدرونج مو تسمعج حجي وتهينج لا والاكبـــــر منهــــــا كلامها ويـــــاج بالمحادثه بس اني اعلمها الا اطينها واطيح حظ حظها الحيوانه .

أسيا ـ طلع بالصاله يحجي وعصبي ومروان نزل هم وكفوا يحجون بينهم وعمو كمال وعمتي وصال هم وازهار نزلت سريع

ازهار ـ شگوو مروان يگول متعاركات بالتعليقات شصار
اسيا ـ حجيت الهن وعمتي لطمت على وجهه ومروان گبل اتصل عليها وكام يغلط ويفشر عليها

مروان ـ اكلي ** وانجبي منو أنتِ تقللين من قيمتها وتهينها بيت عمي وأنتِ شعليج يا اســــــلام شعليج اكليها ست هديــــــل عصــــــام راح يخابر حارث وعمي علوان اذا ما طينوا عيشتج وطيحوا حظج گتلج مسحي تعليقاتج عندتي وبوزتي نعال مكطع على حلكج ديله ولي .

وصال ـ تستاهل شدعوه مقهوره لن مجد كال شيخه الشيخات

مروان ـ وما مكذب مجد

كمال ـ عمي لاتزعلين احسبيها علينا

اسيا ـ لا عمي صدك جذب والله ما ردت السالفه تكبر بس هو واجه وشاف كلامها وانزعج وعصب

مروان ـ اي طبعاً ينزعج أني شفت كلامها أحتركت بس لا خلي يسويلها جرة اذن واني نبهتها بس ما فاد بيها والله جنت حاس ما تعدي على خير.

اسيا ـ مروان كام يراسل وعصام يحجي ويه حارث وعصبي ومزعوج واني انحرجت منهم كلهم

عصام ـ حارث شتحجي أنت مرتي تنهان بيتكم مره غريبه جايتكم وأول مره اطب بيتكم والافنديه اختك هيج وهيج تحجي وياها بدال ما تهلي وترحب بيها بعيداً عن الماضي لا تهينيها وبحضوري وكاعد على فراشكم ومرتي تنهان كرامتها واني ما عندي علم هسه يله دريت .
لعد شنو تگول الها دايسه بصاط بيتي يعني طردتها عينك عينك والله والله لو مرتي بساعتها جايتني وكايلتلي ما اضل ثانيه وحده لن كرامتي من كرامة زوجتي اختك مو هانتها لا هانتني اللي .

كمال ـ هدي ابني عصام هدي

عصام ـ ما كتلك روح كسرها بس خليتك كدام الامر خاف يصير حجي بعدين ولو عارف ومتقين ومتأكد زوجتي ما يطلع منها الغلط عالعموم هاي هي بعد
فيمالاا .

مروان ـ عاشت إيدك .

وصال ـ تستاهل مو أدامي خلي يربييها زين مره متزوجه اكعدي وانجبي واحترمي زواجج مو عيب هالحركات ادري مراهقه أنتِ جان أستحت .

أسيا ـ يحجون بينهم واني واكفه بقيت بموقف محرج منهم خاصه بعد ما أعتذروا مني وعمي وكف يحجي ويه عصام على صفحه ومروان غمزلي وأبتسم

مروان ـ الج ما يصير لغيرج ليش هالوجه يلطم

وصال ـ هو الها لعد المن عوزهن والله اشلع عيونهن اللي تباوعله بنص عين وبنت عمك زايده منها وعيب عليها هالتصرفات كلش عيب جان أستحت على عمرها اي والله.

مروان ـ يمه هاي هي سدي الموضوع ما بيها داعي نحجي بعد يله تصبحون على خير .

وصال ـ هم حجيت ويه أسيل

مروان ـ لا

وصال ـ ليش لا غير تحجون تتعرفون على بعض

مروان ـ ما يحتاج بنت عمي واعرفها شتعرف عليها قابل غريبه وما اعرف اطباعها والزواج ما يتأخر وماكو فترة خطوبه والصبح نحجي بهذا الموضوع

وصال ـ شو مستعجل انطيننا مجال يا امي خل أختك تتزوج وافضالك هسه ملتهيه بتجهيزات عرسها شلحك يا ابني

مروان ـ اريدها يمي ارتاحيتي يله رايح انام

أسيا ـ صعد لغرفته وعمتي ما مراضيه على قرارته هزت ࢪاسها ولحگت عمي وازهار تثاوث لازم نعستي

أزهار ـ لا وين انتظر هشام يله گلبي لاتهتمين تصبحين على خير

أسيا ـ وأنتِ من أهله الكل راحوا واني بقيت واكفه وأجه من بعيد فتحلي حضنه وحضني بقيت هادئه أسف خليتك بموقف صعب أنتَ أهلك وعمامك .

عصام ـ تعالي بغرفتنا نتفاهم يله .

أسيا ـ بحضنه وفتح الباب وقفله ودخلنا غرفتنا كعد وسحب تلفوني رجع يقرأ المحادثات البيني وبينها وصافن مقهور؟

عصام ـ مصدوم؟

ـ ليش

ـ هيج والله بس ما توقعت تنزل لهل المستوى بس علمود احاجيها؟

ـ تحاجيها شــــنو؟ ما فهمت يعني اكو بينكم علاقه

ـ لا شسالفه تخبلت على عمري

ـ لعد أحجيلي ولو المفروض منك من زمان تحجيلي من اليوم الشفتني بي وتعرفنا على بعض تفتحلي گلبك وتحجيلي عليها وعلى حبكم وخطوبتكم وشنو السبب خلاها تطلب الانفصال منك لن گالتلي اذا عندج فضول سألي وهو يجاوبج

ـ ماكو شي يسوى ينحجي بي

ـ لا أحجيلي هم جنت تبوسها وتحضنها

ـ هو أهنا ضيمج

ـ اي عفيه أحجيلي يله

ـ اني محترم وعلاقتي بيها جانت محترمه لن بنت عمي وما تجاوزت ولا عبرت حدودي وياها اني حتّى وياج جنت عاقل وما أستوكحت عليج الا خطبتج
يله شنيت هجوم واخذت شفايفج جانت اول واخر هجمه بحياتي ومسك الختام وكعدت وزن

ـ هو أنتَ محترم گلتها وصفن بوجهي گبل باسني من شفتي بهدوء

ـ اني ليش أحبج

ـ ليش

ـ لن صايره تفهميني

ـ أنتَ هم أفهمني وأحجيلي

ـ شحجيلج عن ماضي ما حابه ولا احب طاريه

ـ ليش شمسوي وياها

ـ شمسوي قابل شمحشيه مخج هالحيوانه

ـ السبب اللي خلاها تنفصل عنك

ـ سبب تفاهه والله وهسه من قريت كلامها ضحكت

ـ ليش ضحكت؟

ـ على كلامها

ـ عصام سولفلي عاد

ـ ما اسولف ولا اسولف يله خل نكوم انام

ـ ما اكوم الا تسولفلي

ـ جانت ما تغار وهواي تبالغ بشخصيتها المهم كومي يله ترة نعسان ومشتاق اخليج بحضني وانام

ـ اي كمل ليش تقطع الكلام عالنص وتعوفه

ـ لن ما تستاهل انطيها من وقتي ولو ثانيه

ـ ليش

ـ لا اله الا الله

ـ حبيبي امانه أحجيلي تضل تكرظ بگلبي

ـ طلبت أغير من نفسي وأغير اطباعي علمودها

ـ اي وليش ما تغيرت يمكن جانت تحبك بس ما تحب أطباعك ورادتك تتغير علمودها تقرب عليه وحضني من وجهي بإيده الاثنين وگال

ـ ليش أتغير اليحبني يحبني مثل ما أني بكل اطباعي وتصرفاتي ليش أنتِ من حبيتج ما طلبتي مني أتغير حبيتيني بدون مقابل بدون تطلبين مني اي شيء.

... لن بالمختصر أنتِ حبيتيني بگلشي بشخصيتي الطاغيه بقوانيني الصعبه بأعصابي بغيرتي بإنفعالاتي بتحكمي واللي حبيتي اكثر حبيتيني من فرضت حكمي وسيطرتي عليج وبالاخير أنتِ سيطرتي عليه شايفه هيج حب هذا الحب بس حب عصام لـ اسيا

ـ دمعت عيني ومسحي دمعتي وباسني من عيني

ـ حبج اللي هو جبرني اتغير علمودج تذكرين بداية زواجنا شكثر عانينا من مشاكل وابدا ما تفاهمنا وزعل كل فترة وهواي جرحنا بعض هذن كلهن أنتِ تحملتيهن مني.
صحيح صارت بعض أمور وسوالف ما راضي عنها وصلت لطلاك طبعاً جان طلبج مو طلبي وكل هالمشاكل والمعانات الصارت بحياتنا عادي وميخالف دام توصلنا للاحسن قابل وراضي بكلشي وياج .

ـ فدوة لكلبك يعني هي طلبت الأنفصال لن ما غيرت أطباعك احس سبب تافهه؟

ـ هاي هي هيج تگول

ـ يعني شــنو

ـ جان شغلي والتزاماتي هواي اجت فتره كلش ما عندي وقت احاجيها دك عمليات ولقاءات وأجتماعات ومن اجي ما الكاها ابتعدت من تلقاء نفسها كل ظنها اني عندي غيرها حجيت وياها ما جاوبتني تجاهلتني عافتني يعني بالمختصر ما تحملتني ولا قدرت تعبي كلمة الله يساعدك ما جنت اسمعها منها المهم ما اطولها عليج عفتها على راحتها وكلت هاي هي بعد كلشي ينتهي وانتهت من يمي بس ما جبت الها طاري بقيت مبتعد وساكت ورجعت تراسلني وتتوسل بيه ارجعلها ما جاوبتها

ـ رجعت تجاهلتها نفس ما تجاهلتك.

ـ بالضبط

ـ اي

ـ جايج بالحجي شبيج عيونج أنترسن دموع ترى اني الج هسه .

ـ كمل

ـ اي ضلت تحاول وياي وأني متجاهلها الى أن بيوم اجاني اخوها وبلغني بقرار الأنفصال وگال هديــــل تنفصل شتگول؟

ـ أي

ـ گتله هذا هو يجرالها

ـ لعد ليش هي گالت ما جان موافق على قرار الانفصال مني

ـ شوفي هو لازم أبين اني ما موافق والقرار الانفصال اجه منها مو مني بس من ترجعين على السطر الاول الانفصال جان قراري .

ـ ما فهمت

ـ هديل بنت عمي وعرضي وتنحسب وترجع عليه وما ردت أكسر بختها وبعدين يكولون ابن عمها وطلكها وصلوا الزواج وانفصلوا شنو السبب شبيها فالافضل تطلع مني مو منها اني رجال عادي أتحمل الكلام ما يأثر عليه بشيء ومية وحده توافق تتزوجني بس البنيه من ينكسر بختها ويطلع عليها كلام والناس خبرج كافيه محد يرحمها ويضلون يحجون بيها .

ـ اي

ـ أي أهلي من الناس ما رضوا خو أمي گلبت الدنيا والأتصالات ترگع ليش ابني شبي ما توافقين عليه ليش تتطلگين منه ومن هالحجي امي بعد

ـ حبيبي تعال أبوسك انوب ابوسك شو انوب

ـ بعد بعد كثري ولج كثري

ـ بعد من راسك هم

ـ من شفه عوفيلي رأسي شحابه بي

ـ فديت ࢪاسك هو الينباس مليان عقل الحكيم الفاهم عقلك عقل رجل دوله ابوسك أنت وعقلك الشايله

ـ خما زعلتي

ـ من شــنو ازعل

ـ لن حجيتلج عن الماضي

ـ أبداً بالعكس أزداد أعجابي بيك حتّى هديل بعد ما تهمني ولا اخلي بالي يمها دام عرفت الحقيقه منك

ـ أحبج من تفهميني

ـ ومحد يفهمك غيري حضنته وبادلني الحضن بكل حب بقيت بإحضانه وصافنه عليه عشقي الابدي أنت
بموت فيك ادغدغ وأتحرش بي وهو ساكت كرصته من خشمه بحبك انا

ـ تغزلي بس لا تستوكحين عليه

ـ ليش

ـ تعبان

ـ وباجر تلتحق

ـ لا عكب باجر التحق

ـ ما

ـ هاي الما المن

ـ الك

ـ وين رحتي شــو رجعي لمكانج لا اجيج

ـ تعال هلا بيك

ـ أجيت

ـ تعال بثواني لفني بحضنه ورفعني برجليه فوك عصام راح اوكع خرب عصام عصام لاااااا

ـ وجع بگلب عصام صوتج يجيب التايه سگتج ولج فضحتينا شيگولون علينا هسه ومروان خاطب وجه اليتم اطكينا على خشمه يبجي گلبه مفحم وين يولي بهل الليل .

ـ نزلني لعد

ـ ماكو هذا عقابج ليش عفتي مكانج

ـ خليت ايدي على خدي يله بعد احسن أصلاً كلش مرتاحه الاجواء من الاعلى لطيفه وانت كلش لطيف شلونك حبيبي هاااايي مرحبا يحلو كيفك .

ـ منيح كتير بس خل اشوفج اللطيف شيسوي

ـ وهذا المطلوب

ـ ما عليج عتب تربيتي بعد

ـ نزلني لحضنه ولفني بإيده وهجم على شفايفي وبادلته بكل جنون ونسيت هديل واهلها ...
________

اسيل ـ بعز نومي فزيت على صوت وصياح باوعت الساعه ١٢ بالليل شگوو يا ستار نزلت على السريع ابويه يحجي بالتلفون وعصبي وحسن يفتر وصاح

حسن ـ وينها ام المصايب وين مكبوره خل تطلعلي لا اجي اسحلها كدام جهالها الأدبسزز فضحتنا هديــــــل سليمه شمصخمه وين مأخذه عمرج بهاي تصرفاتج الطايشه تردين تهجمين بيتج .

اسيل ـ دفر الباب عليها وكام يصيح ويغلط وابويه عــلىٰ التلفون يتعذر ما فهمت شگوو بهل الاثناء باب الحوش يدك بكل قوته وابويه عاط بيه

علوان ـ ركضي فتحي الباب لـ اخوج من ورا اختج غضب الله على راسها بهل الليل اجه من بيته

اسيل ـ صوت حسن وهو يحاجيها بس ما فهمت ركضت حافيه فتحت الباب اله گبل دفعني وبيده حزام!!
دخل عصبي ركضت وراه دفر الباب بگل قوته وسحل هديل من شعرها وامي تصرخ وتتوسل بي

جنان ـ لا يمممممه على بختك لا يول خيتك خطيه غلطتك ومنكم السماح لا عيني انت لا يمممممه يول جهالها فزوا حـــــارث يمممممه لخاطري عوفها

حارث ـ وين اعوفهــــا ليش تدرين شمصخمه شحاجيه ولج خزيتينيييييي كـــــدام عمامي فضحتيني كـــدام ابن عمي سودتي وجهي من الله يطيح حظج ملاحكه مرته وتفلتين بسوالفج شعندج وياها وشعليج بيها

هديل ـ والله مو قصدي وهي هم ما قصرت

حارث ـ ما قصرت مو ولج أشسوتلج ولج المحترم محترم اسماء الما يعجبها احد اجتني بس تسولف بيها وزوجة عصام وزوجة عصام يعني البنيه محترمه نفسها وبنت الاوادم جايه ودايسه بصاطنا لاول مره مره غريبه بدال ما نهلي ونرحب بيها تجين حضرتج تهينيها وتسمعينها حجي مو عيب ولج مو عيب سويتني نمله كدام ابن عمي خابرني دمه محترك متشعوط على مرته ولج ما انطاني مجال احجي حرف تدرين ليش لن كرامته من كرامتها أنتِ ما هنتي مرته أنتِ هنتي ابن عمج
... الله ياخذج ويخلصني منج ومن سوالفج الخايسه لا اخذتي وخلصتيني منج ولا تزوجتي ونسيتي بكل منشور الكاج معلقه واسكت واغلس اكول ميخالف احتمال مو متقصده وبكل تعليق يعلقه عصام وتصير ردود بيني وبينه تنطين اعجاب لتعليقه ترى شايف وعارف گلشي بس بالع موس واذا سيف عرف اني اطلكج منه واجيبج اسويج خدامه لنسواين يا ادبسزز .

أسيل ـ موتها من الكتل صبغها بالحزام وامي مرغلت نفسها وتبجي نامت عليها وجرتها منه وحارث شمر الحزام وكف ياخذ نفس ويحجي بغضب وجهه نار وتلهب .

حارث ـ شوفي ولج عصام اذا ما تشيلنه من رأسج اشيلج ࢪاسج والله وأسسويها واكول طك عليها التنور وماتت محترگه ما ناقص فضايح الرجال متزوج والله ساتر عليه تسوين مشاكل ليش تغلطين وتجاوزين على مرته ليش من الله ياخذج

وباجر من الفجريه تكعدين تطبخين كل الاكلات شگو اكله تطبخينها اعزمه هو ومرته واعتذر منه على اللي صار وأنتِ تتعذرين منهم وكدام عيني
وتصيرين أدامي وتلتفين على بيتج وزلمتج الفقير اللي يباوع عــلىٰ حلگج يا قندره من تروحليه فدوه
سيف تاج ࢪاسج يا حيوانه

أسيل ـ ابويه كاعد على الدرج وساكت وحارث لزم الحايط حيله انهد وحسن يطبطب على أكتافه .

علوان ـ خابر ابن عمك واعزمه هو مرته عيب

حارث ـ غير لو يجاوبني يمكن نام لن تاخر الوقت
يله اني رايح الصبح اجيكم أسيل تعالي سدي الباب وراي .

أسيل ـ اي مشيت وراه وطلع وگالي

حارث ـ هم شفتي التعليقات مالتها مسحتهن لو لا

أسيل ـ والله ما ادري جنت نايمه

حارث ـ طلعتي ادامي شوفي تلفونها وأنتِ حذفيهن

أسيل ـ ماشي راح وقفلت الباب وراه، ورجعت لكيتها تبجي وامي حاضنتها وتسكت بيها

جنان ـ شكد طلعت حقيره وسمانيه وسوتلنا مشكله على الخالي بلاش أنتِ جايه خطار لو تسوين مشاكل وهدت علينا زلمتها المخبل شگو تتصل على حارث وتبلغه مو عيب سوالف نسوان تحشر نفسك بالنص شگو شكد نزل من عيني واثاري صدك اسيا ساحتله وراها طاح حظك اي والله هي هيج الزلم.

أسيل ـ ليش شبي أظن ما غلط وتصرفه ما بي اي عيب رجال ما يرضى أحد يتجاوز ويهين مرته يعني اللي يدافعلها وما يرضى احد يحجي عليها ويهينها تكولون ساحتله وراها ومسيطره عليه والله عليكم تفكير جهنمي.

هديل ـ أنتِ انجبي أدافعين الهم لـ أسيا مو واكفه وياها وأني أختج من دمج ولحمج تصيرين ضدي وسفه عليج

أسيل ـ اظن ما دافعت لـ لأحد ولاتخافين أسيا ما تحتاج أحد يدافعلها ويصير وياها كافي عدها رجلها اللي من سؤء تصرفاتج وتعليقاتج الما بيها معنى اتصل على حارث ورجع عليج صبغ جلدج لو صايره ادامي ومحترمه روحج منو يگرب صوبج

هديل ـ يعني شلون ما أعلق لولد عمي من وره حضرة جنابها تغار على رجلها

ـ محد منعج تعلقين لولد عمج بس المنشور مو ولد عمج نشروا المنشور عصام ناشره شگو تعلقين اله؟
بس المحترم محترم وعصام لما شاف الغلط منج ما خابر حارث وابويه بهل الليل ودمه محترك جان رجع على مرته وحاسبها بس عصام انسان حكيم ويعرف شلون يتصرف والغلط غلطج أنتِ تحرشتي بيها وهنتيها بيتنا مره غريبه وأول مره تدخل بيتنا احترميها وسوي واجبج وسگتي والماضي ماضي راح وفضت وأنتِ تزوجتي هالتصرفات هاي شيسموها؟

ـ أمششي طلعي برا لا ابتلي بعمرج

ـ طالعه بس فكري بنفسج وعوفيلي الماضي وعيشي بالحاضر دام هيج كاتله نفسج عليه شگو عفتي؟

ـ شعليج أنتِ وعفته لن مو أدامي

ـ مو أدامي عوفي لمرته هي راضيه بي ومتحملته لاتتحرشين بيهم وتذبين سمج عليهم، بس أختي وأعرفج تجاوزتي حدودج ونسيتي أنتِ متزوجه وما احتىرمتي لا زواجج ولا زوجج سيف بس أكول الله يهديج .

ـ شو أنهديتي عليه شگالولج عليه اي عيني صرتي جنتهم واكيد مروان الحقير خابرج وكالج

ـ لا ما خابرني ولا گالي وبعدين ليش صار حقير على معلومي أنتِ وياه صداقتكم قويه لو حتى هو عرفج أنتِ مو أدامي

ـ گبل ركعتني بالشاحنه أجتي بوجهي وأذتني بخشمي صرخت بوجع وامي دفعتني وسدت الباب بوجهي وگالت

جنان ـ أمشي طلعي ما وراج بس المغثه اختج حال الضيم حالها وأنتِ أدفعين لعصام ومرته امشي ولي

أسيل ـ ضليت مصدومه والباب أنقفل بوجهي تالي صعدت غرفتي باوعت بالمرايا خشمي احمر دم اذتني الخبله طيرتلي خشمي .

" ما فتحت التلفون هسه يگولي شعندج فاتحه نت بقيت كاعده وخشمي يأذيني وجوعانه نزلت جوه
شفت تلفون هديل على الكاونتر مخليته على الشاحنه فتحته لن اعرف الرمز دخلت على التعليقات يا تعليقات كال عليهن حارث مسحهن مروان بلحظتها رجعت اقرا ولكيتها عايده تعليقاتها؟
هاي شكد كديش وتعاند مسحتهن كلهن ودخلت على حساب مروان ولكيتها حاظرته ياااا كبر ليش

" بلا خل اشوف شحاجي وياها كاتبلها

مروان ـ اني مو مسحت تعليقاتج شگو ترجعين تعيدين التعليق أنتِ ليش زمال؟

ـ لاتغلط وأحترم نفسك

ـ محترم نفسي بس صفنج مو مال أحترامات

ـ لا والله يا صنف تحترم أنتَ

ـ اللي محترم روحه مو بس أحترمه اخلي على ࢪاسي

ـ شو ما تحجي على زوجة أخوك من ما أحترمت نفسها ودخلتلي خاص تتجاوز بس نادر على بنت عمك.

ـ زوجة أخوي محترمه نفسها اكثر مني ومنج

ـ لا واضح تخرخر أحترامات

ـ أنجبي وأكلي ** مره وتغار على رجلها وتحبه وصاينته وما تريد احد يتقربله لا أنتِ ولا غيرج واذا مثلما تگولين بنت عمه أحترمي روحج أنتِ عمه وخلص ليش كلامج وياها جان حبيبي وخطيبي؟
هاا هديل هااا رجعنا لمربع الأول .

ـ طلعت حالك من حالهم

ـ الحق تزعلين منه بس أنتِ مو أدامي وأسيا ما تجاوزت بحق أحد واذا عرف عصام وصارت مشكله من وراج ما تلوميج الأ نفسج تنركعين بمية قندره على حلكج لن أستفلتي زايد .

ـ دتطير أنتِ ومرت أخوك