قصص💜✨

23

عندما يحل الشتاء، يرحل كل شيء دافئ، إلا الذكريات التي تأبى الانطفاء.

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

.
.
.

گاعده على طاوله بالحديقة وبيدي گوب حليب بالككو
ارتشفت شوي ونزلته معدله الكوت من يم رگبتي من حسيت البروده دخلت جسمي
رجعت اخذت الگوب وصفنت على شجرة النبگ
خضرت ونبگها مالها مثل الزيتون
طعمه طيب رغم بعده ما مستوي وطيب كلش
وهسه لو ما جاي اشرب حليب چا كمت اكطع شكم وحدة وكرطهن

ظليت اشرب وباوع على الشجرة ومطك
بس اذا اكو وأكل اكيد انكتل كتله معدله من خالة عيدة لا محال... تلعب بيه فلك
بس حقها تكتلني غير لعبت بحالهم لعب بنص اليالي

شربت شوي وابتسمت وانا اوخر عيني من الشجرة
متذكرى قبل يومين كتلت روحي كتل الى أكل نبگ وهيَّ ما تقبل دگول بعده ما راوي اذا تاكلينه هيچ يهورشچ.. بس شني انا انرد لو استچن لا لا
خليتها تطلع للسوگ وطلعت لميت بطاسه للعين وگعد أكل بيها وحچي ويا شرار

وعلي منا لليل وانا مُعتي وبطني كامن يهلهلن
منا همه نايمين وذو الفقار بسابع نومه وكمت عليهم اجوعر... خطيه شصار بيهم تبهذلو تبهذل
بس والعباس تأذيت احس معدتي وبطني نار تشتعل بيهن وبس اتقيأ، خطيه منا ما خالة عيدة جابتلي حبوب كرط وفوار يله شوي هودت
بس شني عود هسه اتوب لا وعلي بس خلي تعدي فترة لان ما صارلي يومين من تخربطت

اخذت نفس رافعه ايدي وشربت كمع من الحليب ونزلت عيني على الموبايل شو اليوم ولا وحدة اتصلت لا غيم لا وردة ولا شريره
ولو اهلي صارلهم سبوعين وضعهم ما عاجبني ومن احچي وياهم يغيرون الموضوع
وشگد الح على غيم ولا تحچي حرف
خفت صاير وياهم شي وما يردون اعرف
خلي باجر من يگعد ذو الفقار احچي ويا امشي الهم حتى ابات وثاني يوم اجي

زفرت انفاسي دايره وجهي مباوعه على باب المطبخ
حسيت على حركه... عگدت حاجبي الباب على حطته مردود بس ما سادته
رجعت نظري على الكوب وبديت الغي ويا روحي

هاي اليه اول سنه مو يم اهلي ما احتفل وياهم
وهنا ما سوو لان عمو مريض بالفلاونزه والتهينا بي
ولا گدرت امشي الاهلي احس زحمه اعوفهم ومشي وخالة اعوفها وحدة وهاجر منا جاي تدرس

غلست على الموضوع، وهم من خابرتهم گالو ما سوينا بس غيم سوت كيكة وأكلنه
من سمعت هيچ خليت وسكتت همزين ما حچيت وتنحسب عليَّ طلعه

شربت آخر ما تبقى من الحليب وظليت لازمته ومديت ايدي اخذت الموبايل وكمت داخله جوه لان جمدت شموازيني گاعده بهال برد

حطيت الموبايل بجيب الكوت ودخلت مباوعه على المطبخ اظلم وضوء الصالة خفيف دخلت للمطبخ
وغسلت الكوب وحطيته على الكاونتر ودخلت جوه
محد موجود كلها بغرفها بس انا گاعده اسخت برا بهل برد

صعدت ووكفت بالوسط الصالة مباوعه على غرفة هاجر طافي الضوء، تنام من وقت حتى تگعد الف

شرار: اي صدگيني مو اسبوعين صارن عليَّ
صارن دهر... يانرجس بكل گعده يسمعني كلمة
وعود ما غير نفوره مني من اجي انام يمّه يخلي ويگلي يا تنامين بالارض يا اطلع انا انام برا
وانا على مرتين كرامتي ما تسمحلي عاندت وکلت أنتَ اطلع وهوَ بدون ما يگول شي يخلي وياخذ بطانية ويروح ينام بالاستقبال حتى لا تشوفه خالة ومن اگعد الكاه طالع من الفجر

نرجس: ضرار ابد مو هيچ ولا عنده هذا الاسلوب والله مو لان ابن عمي بس انا رابيه ويا وعرفنه من الصغر صح هوَ اكبر مني بهواي بس ربينا سوى ومثل طبعه ماكو هذول اخوتي مو مثله

شرار: غير حظي هذا، لا من ابو ولا من ام ولا هسه من رجل، ادري حظي بيا حفرة نايم اروح انبشه وثرمه ثرم

نرجس: شتسوين يا اختي، بس انصحچ لا تبينين أنتِ مقهوره أو ضايجه... اضحكي وبدلي وكشخي وخلي يتحركن

شرار: مقهوره عليه هوَ..؟ لا لا علطانه يا مقهوره عليه
طز بي بس مدري شجاني احس روحي مملوخه ملخ

نرجس: مقهوره صدگيني وهاي قهرتچ ضامتها بگلبچ
قابل حجر أنتِ وما عندچ حساس
وشرار لا تكاربين وتسوين روحچ قوية
ترا كلنا ضعاف، شگد ندعي احنا اقويا بس يكسرنه شي ومانگدر انبين احنا مكسورين وأنتِ حتى لو تبينين قوية بس عيونچ تشرح كلشي

شرار: شسوي نرجس گليلي شسوي يعني انا لا عندي اهل اسند ظهري عليهم ولا عندي عمام وخوال بيهم خير شو كلهم نقاصين غيره وشرف
شسوي انا شبيدي لازم أكل خرا بثنين ادية وانچب
لا اعارض ولا اشكي، لازم انچب منو انا وشكي وعارض كلني وحدة ذبوها ذب عليكم

نرجس: انچبي ولا تحچين هيچ خوش
وهم أنتِ سوي روحچ طبيعية وضحكي ورجعي شرار العرفها وهوَ راح يرجع مثل الاوادم يموت عليچ صدگيني

سكتت عنها ما راده عليها
نرجس: گومي نتغدى هل گاعد يصيحون علينا

شرار: انا ماريد گومي أنتِ

نرجس: انچبي وگومي لا بالنعال على راسچ والعباس

شرار: ما اشتهي صدگيني، اريد نام ومن اگعد أكل

كامت مني راده عليَّ: خوش على راحتچ

412 views18:54