-المفتاح

انطانيه ورحت فتحت باب المطبخ نزعت عباتي وشالي نزعته وشديته على راسي
بينما امي دخلت وعليا ظل واكف گدام باب المطبخ باوعت عليه مستغربة هزيت راسي وهمست

-ليش واكف تعال ادخل الجو بارد

عليا: لا هنا ما عندي شي"كمل كلامه وهوَ يباوع على الساحه"وين الصونده والماسحه خلي اغسل الساحه

رديت عليه وانا امشي للترك فتحت الباب ودخلت اخذتهن ونطيتهن اله وگلت وانا امد راسي اشرله على الترك

-الصونده والبوري يمك بس شكل الصونده وفتح الماطور حتى يجري حيل

اخذهن مني ساكت، طلع ودرت وجهي على امي گالت وهيَّ تگعد على البساط الي يم الحايط
فاطمة: سولفيلي شصار مطلب گال حرامية وبس

نتجيت على السنك اليم الباب راده وانا اباوع على الباب الشارع:- مانعرف منو، جاي نعزل بالغراض الي أكلنا بيها... وستونا كملنا وندك الباب انا عبالي عمو صاحب بس عمو صاحب ما يدك الباب هل شكل
خفت وگتلها يمه تاني اصيح مطلب
بس ما سمعت مني وطلعت وانا صحت المطلب ومشيت وراها

ويا ما مشيت وراها بعدني باب المطبخ وشوف ثنين لابسين عبي وبواشي بس مبيني ذوليچ همه ولد لان جسمهم تارس ثنينهم كصار ومدعبلين، واحد منهم لازم خالة والثاني يمشي بتجاه المطبخ يريد يدخل بس من شافني عطت وهوَ رأساً رمه وذاك الثاني لازم خالة انا عبالي هيَّ ترافس خايفه عليَّ بس الحقير داچها بطنها

وظليت اسولف الها وهيَّ تسمع بدون مقاطعه كملت آخر شي وهيَّ هتفت بهدوء ممزوج بحيرة

فاطمة: ماعرف اذا حرامي ما يدكون الباب وين اكو حرامي يدك الباب بس اتوقع عصابه لو ارهابين واحنا ما شاءلله هاي الايام العراق صاير سفردح

قربة: ماعرف يمه منين ما افكر وجيبها منا ومنا ماكو جواب يريح بالي، شو عمو ما عنده مشاكل
لو مطلب مكضيها من الشغل للغرفة لو ذو الفقار
اربع وعشرين ساعة نايم لو گاعد يصفن لا سالفة ولا موضوع

فاطمة: ابوچ سأل عمچ وگايل اله ما عدنا شي
ويا احد ولا النا علاقه باحد، ابوچ راد عليه گايله خاف اخوانك عدهم عداوة لو شي ومستهدفينك، ومطلب راد على ابوچ مانعرف عود من تطلع امهم يبحوشون بهل موضوع

مسحت خشمي موخره عيني من عليا مباوعه عليها
وهتفت مغيرة كلامي:- عوفينه من يمنه حاچيتي عليا على مود نرجس.؟

باوعت على تجاه الساحة وگالت بهدوء ممزوج بابتسامة هادئة بينما ما باوعت عليها وهيَّ تحچي درت وجهي مباوعه على عليا ومركزه بكلامها

فاطمة: امس الضهر من اجه من الشغل حچيت ويا لوحيدتنا

-اي

فاطمة: رده اليه محتار شلون الهاوي والناومي

قربة: اي ليش ما.. بس تشيلون وتكملون اخذو عمو صاحب وخلي ياخذ اخو طارق ويمشون الابوها وهلبت يقبل ابوها خوش رجال وما اتوقع يرفض لان حالته مو قوية

فاطمة: هوَ مبين هاويها

-منو نرجس.؟

فاطمة: اي شو من حچيت ويا رأساً رفع راسه صافن بوجهي... رغم من گتله اريد ازوجك وشولفك بت الحلال گال سدي الموضوع بس من گتله ليش افوت البت من ايدي وهيَّ شلون بت تخبل رأساً گال ياهيَّ وگتله نرجس هوَ صفن بوجهي

باوعت عليها دايره وجهي مباوعه عليه مبتسمه
يبووو اخوي طايح ومحد مسمي عليه
عدلت ياخة الدشداشة راده عليها بفرح وحماس

قربة: ادعي يمه ابوها يقبل عليا يستاهل وحدة مثل نرجس خلقه وخلاق والله ما شفتها بس مرتين والبنيه دره مال الله

فاطمة: ماكيف يا يمه اتمنى اشوف اخيچ مرتاح ومكون عائلته وعده طفل طفلين اشوفهم قبل لا الله ياخذ امانته

-اسم الله يمه لا تحچين هيچ والله گلبي خلصان

ضحكت رادة عليَّ مغيره كلامها
فاطمة: شعدكم اسوي غدى للولد خطيه حتى يجي حماچ ياخذهم الهم

رديت عليها وانا امشي للمجمده. فتحتها ودور بيها وحچي وياها:- ذاك اليوم خالة چابت لحم ضلوع تسوين الهم بانية ما دام مجمدين

فاطمة: خوش طلعي

طلعت الها الغراض كلهن وحطيتهن على الكاونتر
وطلعت الها الغراض وهيَّ دخلت وراي وانا طلعت نقلت الها باقي الغراض

ظلت تسوي بالمركه وانا اسوي بالتمن
ظلينا انحضر بالكل وسويت الهم بحافظة زلاطه
كملنا كلشي بالـ12 ونص وعليا گاعد بالحديقة يباوع بتلفونه ابد ما دخل جوه يمنه

أذن وتوضيت وصليت انا وامي بالمطبخ اخاف ادخل جوه حتى لو امي وياي اخاف احس احد موجد ويطلعلي من وحدة من الغرف ويكتلني

كملت الفرض الاخير وندك الباب، رأساً باوعت على باب الشارع وگلبي دك بخوف صارت بيه خوفه خرب أنه انا عايزه خوف شو حياتي خوف بخوف
نوب تجيني هيچ طرگاعه

كام عليا وانا انادي بداخلي يا علي يا حاضر الشدات احضر... منا ما فتح الباب ودخل ذو الفقار وعمو صاحب شكلهم يكسر الخاطر وجهم باين عليه التعب،شلت التربه وحطيتها على المجمده بينما امي كامت عدلت عبايتها

ظل عمو يحچي ويا عليا بالساحة وماعرف شيحچي ويا أما ذو الفقار عافهم واجه يريد يدخل باوعت عليه دخل المطبخ وامي گالت

فاطمه: الحمدلله على سلامتها ان شاءلله تگوم على حيلها

-رحمة الله والديچ

گال هيچ ودخل جوه يمشي كوه، وخرت عيني عنه بعد ما صعد الدرج فزيت من صفنتي على صوتها

فاطمة: روحي اصعدي ورا

-وأنتِ يا الي يظل يمچ

هزيت راسي بخوش وطلعت من المطبخ صاعده فوك
باوعت على الصالة بينما انا اصعد باية باية
البيت يخلس يومية صوتها تراس البيت ومخلي بي روح وقرءانها الي مشتعل من الصبح لليل
هسه البيت چنه مال موته يخوف ما بي روح

هزيت راسي بخوش وطلعت من المطبخ صاعده فوك
باوعت على الصالة بينما انا اصعد باية باية
البيت يخلس يومية صوتها تراس البيت ومخلي بي روح وقرءانها الي مشتعل من الصبح لليل
هسه البيت چنه مال موته يخوف ما بي روح

كملت آخر باية وباوعت على باب الغرفة مفتوح وهوَ واكف گدام باب الكنتور يطلع ملابس
بلعت ريگ ظاله واكفه بمكاني مادري احس بالخجل اذا اروح اسوي فد حركه معيّنة

عضيت شفتي منزله نظري للارض من التفت واجت عينه بعيني عيونه بيها تعب
وحزن اول مرة اشوفها بعيونه...رغم تلاكت نظراته ثانية لا أكثر بس شفت بهاي الثانية عيونه السود تشرح الحزن والتعب

گلبي احسه ظل يربد منقهر عليه مدري يگلي روحي بت الاودم شوفي الرجال محتازچ بهل ساعة
وانا مثل الحبابه سمعت كلام الي بداخلي وخطيت اول خطوة ماشيى اله، باوعت عليه طلع من الغرفة راد يكمل طريقة وهمسن بخفوت

قربة: ذو الفقار

توقف داير بس وجها عليَّ باوعلي معنى احچي
بس ما حچيت.. ماگدر احچي أو ماعندي ذيچ الجرئ احچي... خليني لكن اتحرك على الصامت احسن شي

مشيت وكفت گدامه اخذت الملابس منه هنه والخاولي ولزمتهن رافعه نظري اله باوعت بعيونه گايله بهدوء ومتعجبة شلون حچيت هيچ عود هاي انا الي هستوني گلت ماعندي جرئ

قربة: اسبحك.؟

صفن بوجهي ساكت، بللت شفتي ورفعت ايدي الثانية لزمت كف ايده قوي ومشيت وهوَ مشى وراي بدون عتراض وكفت گدام الحمام، فتحته ولبست النعال وعفت ايده علكت الملابس ورجعت الى اخذت النعال الثاني حطيته جوه رجله وشرت بعيوني يلبسه
لبسه بدون كلام ودخل
وانا مشيت جريت التخته مثل الكاشية مال الدرج وحطيتها جوه الدوش بينما هوَ واكف على حطته ولا متحرك باوعت عليه وهتفت

قربة: يله تعال

اجه گعد وهمس وهوَ يمد رجله على طولهن وگاعد على التخته:- طفي الضوء

عگدت حاجبي خايفه هذا شيريد يسوي بلعت ريگ شبيچ قربان هوَ بيا حال وأنتِ تفكرين وين
تقربت من الدوش كاسرته اول شي بماي بارد ونزل على راسه... وباوعت عليه كش جسمه بس ما حاچه شي يعني قابل انزل ماي حار عليه وخلي يحترك لا لا کلبي ما ينطيني... دفيته اله وهوَ ظال گاعد ورافع رجل ومنزل رجل وراسه مدنكه وملابسه كلهن تنكعن

مشيت طفيت الضوء ورجعت تقربت منه اشوفه بس مو بوضوح لان ضوء يدخل خفيف من الصالة والجامه الي على السطح باين ضوء تارس الحمام شوي. گنبص گدامه وهمست

قربة: تنزع أنتَ لو انا انزعك

مارد عليَّ، مديت ايدي لازمه الفالينه من يم بطنه
ونزعته وهوَ مثل الجثه، خفت عليه الصراحه خاف المرض الي بي خلا هيچ بس مايريد يحچي
باوعت عليه وشمرت الفالينه بالغساله وكمت من يمّه جبت اليفه والصابونه، زبدتها بالصابون قوي وهمست بهدوء اريد افتح موضوع ويا حتى لا توتر أكثر فوك ما انا متوتره

قربة: شلونها خالة.؟

گلت هيچ واخذت ايدة ليفتها قوية وهوَ رد بهدوء
ذو الفقار: زينه

قربة: زينه زينه لو بس زينه

-زينه

-الزينه مالتك بارده شو چنها مال واحد مخنچر شني تمرضت على المامي وأنتِ زلمه خشن

كملت آخر كلمة مباوعه عليه يباوعلي بفتور عيونه كوه فتحها، وخرت عيني عنه بينما ليفت صدرة زين صاعدة الرگبته والدوش خرذلني... كملت التليف وهوَ ساكت ما رد على كلامي وخرت اليفه واخذت الشامبو وحطيت على راسه ورجعت وكفت ورا وفركت شعرة بهدوء واحچي ويا

قربة: ذو الفقار يوجعك شي؟ احچي انا يمك

غسلت شعرة من الشامبو زين ورد عليَّ
ذو الفقار: اريد انام

قربة: خوش هسه اكمل وصبلك غدى تاكل ونام على راحتك

-ماريد شي اريد انام

سديت الدوش ورديت عليه بتمام وخذت الخاولي
اخذته ونشفت شعرة زين نازله الجسمة وخرت الخوالي مباوعه الظهرة متذكرى الندبة الشفتها بظهرة
معقولة گلي طفي الضوء حتى لا اشوفها
باوعت على ظهرة وحنيت نفسي بايسته بكتفه بمكان الندبة من بسته كزبر جسمه

مادري بروحي هيچ صايره خفه مدري جريئة
وكايمه ادخل ويا للحمام وبوس بي بعد
جبيتني وجبيت استهتاري.. هذا كله من ورا گلبي الخفه هوَ الي يسوي هيچ هاي مو انا.. اي وعلي هاي مو انا... وخرت منه بساع حاطه الخوالي على كتفه گايله وانا امشي بتجاه الباب

قربة: كمل أنتَ الباقي وانا منتظرتك بالباب

كملت كلامي وطلعت بدون ما انتظر يرد عليَّ
نزعت النعال يم الباب وتجيت نفسي على الحايط منتظرته ما طول تقريباً بالخمس دقايق وطلع لابس ملابسه والخاولي على راسه باوعلي ومشى گدامي وانا بصفه

دخلنا سوى سديت الباب وعيني عليه مشى انطرح على الجرباية وانا ورا اخذت الخاولي منه ومشيت حطيت الخاولي على التعلاكه ورجعت باوعت عليه نام على ظهرة وعينه على السكف

ظليت اباوع عليه ومتردده امشي انام يمّه وهوَ واعي
بللت شفتي ساحبه نفس طويل ماشيى واكفه گدامه باوعلي وهمست

قربة: ادنه شوي

باوعلي صافن بوجهي، هزيت راسي واشرت اله معنى ادنه بيدي:- شبيك ادنه خلي انام يمك انا هم تعبانه واريد انام

ذو الفقار: طفي الضوء

مشيت بدون ما احچي شي طفيته وهوَ ابتعد
نمت يمّه ورفعت الغطة وتغطيت زين، باوعت عليه وهمست بصوت نصاي

قربة: ذو الفقاري تعبان

باوعت عليه من ضوء الجاي من الشباك بلع ريگ
ساكت رفعت ايدي دخلتها جوه راسه ولايد الثانية لزمت بيها وجها وباصبعي الابهام حركتها على خده ساكته ما حچيت شي ماعندي شي احچي احس الساني ضاع الحچي بي بس بداخلي اريد اضمه بصدري وگله انا موجوده... اذا تعبت هاي انا يمك بس ماگدر احچي احس الساني مربوط

ثواني على هل وضعية وحسيت شي بلل اصابع ايدي باوعت عليه مصدومه معقوله
بللت شفتي بالعه ريگ بنفس الحظة هامسه بصدمة ما مصدگه

قربة: تبچي ذو الفقار.؟

اهتز جتفه بصورة سريعة نازله دموعه أكثر
رأساً وخرت ايدي وسحبته الصدري نازله دموعي ويا
وحضنته بقوة وهوَ همس بتعب وصوته كوه يطلع

-رادت تروح من ايدي

مسحت على ظهرة راده وانا ابوسه من راسه
قربة: الحمدلله عدت على خير وهسه يوم يومين وترجع احسن من قبل

سكت ثواني ما بدر أي حركه خفت عليه
وخرته ايدي رافعتها لازمته من حنچه رافعه راسه
وهتفت بخوف بينما انا احچي وهوَ يباوعلي

قربة: ذو الفقار لا تخوفني شبيك

-عوفيني وطلعي

-ذو الفقار

-اطلعي برا اريد انام

باوعت بعيونه ثواني ساحبه نفس،وخرت ايدي من جوه راسه وكمت ماريد الح عليه خلي على راحته يريد يظل وحدة... ماريد يبچي گدامي
يمكن يخجل من عندي

عدلت شالي بعد ما تخربط
عدلته وفتحت الباب وطلعت، سديته ونزلت ويا ما نزلت طلع عمو من الغرفة باوعت عليه تعبان وجها اصفر سوده عليَّ حالهم يكسر الخاطر
باوعلي وگال بهدوء وهوَ يمشي گدامي وانا ورا

صاحب: نام.؟

قربة: گال اريد انام

صاحب: دربالچ عليه من امس الهسه مرتين صعد ضغطة وطك خشمه دم.. كل شوي وصعدي شوفي وهم جبري ياكل شي

قربة: گتله خلي اصبلك غدى ما قبل گال اريد انام

رد عليَّ وهوَ يدخل المطبخ، بينما اسمع كلامه وباوعت محد بالطبخ، شنو امي وين راحت، القيت نظري الباب المطبخ اريد المحه هلبت بالحديقة ويا ما جاي اباوع دخلت من برا باوعت علينا وظلت واكفه وهوَ يحچي

صاحب: من يگعد خلي ينزل هنا يمچن صبيله أكل اجبري ياكل لكمة، وذا ما قبل ينزل گولي الى محد موجود بس اخوچ وامچ حتى ينزل قابل يعوفكم وحدچن وهم مو زين عليه لا يرجع يصعد ضغطة

قربة: ان شاءلله بس ينامله شوي وگعده

هز راسه راد عليَّ مغير كلامه
صاحب: وين الأكل خلي اخذه.. وها جيبي بطانيتين من الغرفة نسيت اجيب، الصبح باردة الغرفة وظلت ترجف ونسى مطلب يگول السائب يجيب وياه

هزيت راسي بخوش بينما امي مشت تنطي الاكل
وانه رحت الغرفة الثانية، فتحت الباب وطكتني ريحتها مال المسك، تنهّدت وجريت بطانيتين اخذتهن وطلعت وسديت الباب وديتهن اله
دخلت للمطبخ ماكو بس امي وامي من شافتني هتفت

فاطمة: امشي ورا تلكي بالحديقة

اخذتهن وطلعت شفته واكف باب الحوش
لبست نعالي ومشيت انطيتهن اله اخذهن مني وعليا دخل من برا،بينما هوَ اخذهن يوصي بعليا

صاحب: بعد عمك انتبه وذا حسيت على شي لو سمعتو شي رأساً روح الفرفة مطلب تلكه جوه ميز التواليت رشاشه وتصرف بيها

عليا: لا توصي عمي البيت والي بالبيت بعيوني

صاحب: شهم اعرفك ابني الله يوفقك ويسعدك

گال هيچ وهوَ يمشي وعليا وكف باب البيت وانا رجعت دخلت... باوعت على امي گاعده ومتچيه ظهرها على المجمده... مشيت للترك وانا احچي وياها

قربة: يمه صيحي عليا خلي يجي يتغدى

ردت عليَّ بخوش وظليت احضر بالغدى ونقل بالمطبخ كملنا وگعدنا كلنا بالمطبخ وناكل وناقش بالموضوع وانا بالي يفتر ويفكر منا ما شبچ عقلي وجه بالي فياض وعبدالله معقولة الهم ايد.؟
وچا وصحبتهم ويا مطلب كلها كلاوات

اي اي مو بعيده كلشي اتوقع احنا عايشين بالعراق يعني كلشي اتوقعي يصير
بس الي شفتهم كصار مو طوال مثل فياض وعبدالله
بس عادي شني اذا همه عصابه ومجرمين شني بس همه اكيد وياهم الف واحد ويگدرون يدزهم ويسون هيچ بخالة...

لازم بس يجي مطلب احچي ويا
لان منو يسوي هيچ... شو عمو فقير مطلب ما شفت عليه شي يثير الشك بس ذو الفقار وهم ما متأكده
كافي قربة كافي تشكين برجلچ وين اكو واحد ياذي خالته... لا مو شرط هوَ... يمكن العصابه الويا يردون يحركون گلبه... اي... اي اله بهاي الحاله
بس خاف احچي ويا هيچ ويخليني اتمدد ويا خالة
اي ما استبعد يسويها

-قربةةةة

فزيت من كلامي على صوته يم اذني، باوعت عليه وهزيت راسي بشرود:- ها.؟

عليا: صارلي ساعة احچي وياچ شبيچ

قربة: ما اسمعك.. گول شتريد

عليا: اگلچ هم شفتي الدخلو العليكم لولا.؟

قربة: لا جانو لابسين عبي وبواشي والي ضرب خالة كلشي ما مبين منه لا عيون ولا شي بس الي رمه مبينه عيونه چنهن عيون كاظم مدلل

عليا: هاي من عيونه وكلتي كاظم مدلل شلون عرفتي

اخذت الكمة مال مركه وتمن بلعتها ورديت عليه
وانا اشر بالخاشوكه بالهوى:- شبيك وعلي چنهن عيون كاظم مدلل وهذا عيون بالناقص كأنهن عيون قنفذ استغفرالله واتوب اليه بس وعلي هيچ عيونه هاي عيونه هيچ چا وجها شلون يبووو

عليا: انچبي ولا تعيبين على خلقة الله

قربة: والعباس ما عيب بس هوَ هاي العيون الشفتهن
وهم قزم ومنا لابس عبايه چنه سكنه مرت عمهم

فاطمة: نوب حولت على المرّة

قربة: لا جديات هذا شكلهم يمكن يفيدكم اذا دورون عليهم

عليا: شيفيدنا اذا نسولف للضابط اگله رضيعتي دگول عيونه چنهن عيون كاظم مدلل وقزم نفس سكنه
الضابط يخلي ويشمرنا جلاليق من المركز

قربة: عشتو ومنين نجيب اله... غير هذا الشفته
بس اگلك ماكو كامرات هنا عد الجوارين يعني من اجو علينا يعني ما صاعدين بسيارة تعرفون رقم سيارتهم وهيچ

صفن بالفراغ هاز راسه راده عليَّ
عليا:شلون فاتتنا

فاطمة:خلي ابو ذو الفقار يحچي وياهم

عليا:هوَ خل اخابر مطلب وهوَ يحچي يا ابو

هزت راسه امي ساكته، كملنا اكلنا وعليا وامي ظلو گاعدين بالمطبخ وانا اغسل المواعين، وكملت وسويت الهم چاي واخذته الصالة وصحتهم وراي انطيته الهم ومشيت سديت الباب المطبخ كلشي يصير وچبت الهيتر شغلته بالصالة وگعدت يمهم ظلينا نسولف

وعليا ظلي يكلب بتلفونه وانا گاعده يمه اباوع ويا وامي غفت منا ما مر الوقت
باوعت على الساعة بالاربعه رأساً كمت اشوف
ذو الفقار وسويله غدى ، ويا ما كمت امي فزت ودارت وجها عليَّ

فاطمة: ها وين

قربة: اشوف ذو الفقار وهم اسويله غدى

فاطمة: اخذي غدا فوك احسن خاف ينحرج من يمنه

هزيت راسي بخوش،صعدت اول اگعده يله
مشيت فتحت الباب مديت ايدي شغلت الضوء مباوعه عليه نايمه على ظهرة وايده على عيونه
سديت الباب وتقربت عليه، وكفت گدامه ندغته بكتفه

ماكو رد باوعت عليه رافعه اريد حاكه جبيني
بللت شفتي وحنيت نفسي المستوا رافعه ايدي تلمست خدة وهمست قريب الوجها

قربة: ذو الفقار كوم لا تظل نايم.. ذو الفقارييي

گلتها وهلست شيبايه من شاربه وعلي ما متعمده بس هيَّ بالنص غير عن باقي جماعتها خليت وهلستها بينما هوَ رأساً وخر ايده عن عينه وعيونه صارت بعيوني فوراً ابتسمت بوجها حتى لا يسطرني براشدي يفر وجهي

قربة: كوم أكل

غمض عيوني حيل وانا صفنت بوجها بلا وعي
والله هاي الايام هواي اصفن بوجها الحلو لان صدگ حلو اول مرة اشوف مخبل حلو
عضيت شفتي كاتمه ابتسامتي من فتح عيون وهمس

ذوالفقار:وخري

قربة:اي اي... يله كوم غسل بين ما اجيب الاكل واجي

هز راسه ما راد عليَّ رجعت هتفت
قربة:راح اجيب الاكل هنا تاكل خاف ما تريد تاكل گدام اهلي

هز راسه ساكت وهوَ يمشي يطلع، اوي شمالك احچي شني اخرس نعرفك مخبل بس مو حتى حچي
غدي مو رجال شگد غثه. ابتسمت رافعه كتافي زافره نفس راده على نفسي، احلى غثه ءءءءي

ها قربان خيرچ تسودنتي، ثگل شوي ثگل
ياهيَّ المساع دگول عليه مجرم.. اتنهّدت وماشيى ورد على نفسي مثل الهبلة"هاي مو انا هذا عقلي شسويله كل شوي طالعلي بسالفة غمه وانا امشي ورا لان اگول هوَ عقل وكلامه صح

غميت روحي وانا انزل الدرج هسه اذا شافني احد احچي ويا روحي ويشوف تعابير وجهي مو يگول مخبله اصليه...عمي هسه ذو الفقار العاقل وانا المخبله على هذا كلامي وسوالفي

نزلت آخر باية وفزيت على صوتها باوعت عليها گاعده
يم الصوبة وتباوعلي وعليا بصفها لازم التليفون ومن هتفت امي رأساً رفع راسه مباوعلي

فاطمه: شمالچ يمه تغمغمين بروحچ

قربة: وين مغمغمه بروحي.؟

فاطمه: لو ما شفتچ بعيني چان كلت اي بس هاي نزلتچ تغمغمين بروحچ

قربة: ماتذكر يمه، يله انا امشي احضر الغدى

كملت وفلتت وهيَّ ظلت تهز بيدها مبتسمه
ثول الثولني هل شافوچ شوگت تبطلين هل سوالف عود أنتِ الچبيرة العاقلة الي كلها تحچي بعقوليتچ وهدوئچ،يله شسوي تزوجت وتخبلت مو عقلت

ظليت احچي ويا روحي مثل المخبله وحضر بالغدى
سويت ماعون تمن وماعون مركه وماعونين حطيت بيهن فواكه الامي والعليا والثاني الذو الفقار
كملت مال امي وعليا وديته الهم بين ما تفور المركه
حطيته گدامهم وامي گالت

فاطمه: المن يمه

قربة: أكلو شوي وهاي خلي اشغل الكم التلفزيون تباوعن ضوجه

ممشيت شغلت التلفزيون وخذت الريمون ونطيتها الها ورجعت المطبخ صبيت المركه واخذت الصينيّة وصعدت باوعت باب الغرفة مفتوح
رأساً دخلت باوعت بالغرفة گاعد على الجرباية وصافن على الارض، حطيت الصينيه وهتفت

قربة: يله تعال

ما رد عليَّ رجعت كررت كلامي يله باوعلي اشرتله على الصينيّة وكام گعدت وگعد گدامه
اخذ الخاشوكه باوعت على ايده ترجف يخوط بالتمن والمركه وترجف... اخذت نفس ودنيت گعدت بصفه بينما اباوعله اخذ لكمة شويه بالخاشوكه واكلها بس اكلها رفعت ايدي اخذت الخاشوكه منه وباوعلي
أما اخذت مركه وخطتها وحچي وياه

قربة: بردان.؟ لو اعصابك تعبانه؟

ظل ساكت مارد اخذت تمن بخاشوكه ورفعتها الفمه
قربة: لا تظل ساكت احچي.. لا تكبت بداخلك
تعبان يمكن انا اگدر اساعدك بالحچي أو...

ذو الفقار: دايخ مالي خلك اسمع

قطع كلامي گال هيچ وكمل وكل الكمة
بلعت ريگ رامشه بعيوني بفشله ثول هوَ أنتَ مال هتمام... عدلت تعابير وجهي ورجعت اسوي لكمات وحچي وياه

كملت كلامي وتذكرت شگلت
کلت اي والله يا ربي لو انا غلطانه.!
عضيت شفتي رافعه ايدي غامه كصتي جيره بكصتي
هسه حچي ما تعرفين تحچين
يله عادي شسوي اجت بالساني لا اراديًا

تنهّدت ماده ايدي لافه السجادة، نزعت الجادر
وشلتهن ومشيت للغرفة اضم المصلاية ومشط وطلع اساعدهن ولو جسمي احسه متكسر بس ولا اظل يمّه وهم يگلي اطلعي غير اطلع روحه

فتحت الباب ورفعت نظري اله. نايمه على چفي على بطنه. باوعت عليه بصفنه كايمه اكرهه وشي بداخلي يشفعله لان من اجيت الحد لا ينكلب عليَّ
هوَ زين وياي حتى قبل العرس
صح تعامله وياي بارد بس مو مثل هسه
هسه عايط براسه بليس

تنهّدت ساده الباب ومشيت وكفت گدام ميز التواليت حطيت المصلاية على الميز وباوعت على شكلي يخزي وجهي صاير اصفر،وعيوني سود من جوه ولا يگول عروس زربه مو عروس وين العروس شو أكلت خرا من ورا ضرير

رفعت ثنين اديه ماسحه وجهي منزله ايدي على ركبتي
وباوعت على العضه صايرة بالنص جوه العظمات
نوب صايره شكلها ساعة بس لون ازرگ مايل للحمار
تلمستها وتذكرت العركه

بس فوخت گلبي لو ما كاتلتها وظاله ساكته الها چان راح تمشي وتگعد تسمع كلام وما تحترمني بس بعد هاي الحمسه المعدله.. فنها توصلي بعد

الچلبه عبالها تصرفاتها وحركاته الما اعرف حاطه عينها عليه، لا والله عرفتها من يوم الحچت ويا گدامي من رجعنا من شترينا ذهب، غسلت ايدي غسله معدله. ما دام گدامي راح تصير مشاكل مالها اول ولا الها تالي

الچلبه عبالها تصرفاتها وحركاته الما اعرف حاطه عينها عليه، لا والله عرفتها من يوم الحچت ويا گدامي من رجعنا من شترينا ذهب، غسلت ايدي غسله معدله. ما دام گدامي راح تصير مشاكل مالها اول ولا الها تالي

بس شعبالها شرار فقيره والسانها ماكلته البزون
لا والف لا... لو يوكف أكبر واحد گدامي ما اخاف انا فيصل الي چان ايده ولطك ما اخاف منه وگدر احچي ويا بدون ما اتجاوز عليَّ وخلي يتحركن مو نوب وحدة مثل كويثر الهايشة هسه ياريت حلوة شو لا خلقة ولا خلاق

فزيت من كلامي الطويل مباوعه على انعكاسه بالمراية... تحرك نايم على ظهرة رافع ايده حاط عكس ايده على عيونه وخرت عيني منه الحقير داعم الفتيات هسه المن دعمتني
على حظي الغبر الخلاك بطريقي
هوَ غير حظ اغبر وصرت گدامك، يله كافيچ لغوه كملي تمشيط وطلعي يمهن

اخذت المشط والمشطت شعري لفيته ومشيت متجهه الكنتور وطلعت شال حطيته على راسي وسديت الباب عدلته على راسي ومشيت اريد اطلع وتقفت
مديت بس راسي مباوعه على نفسي بالمراية وجهي باهت خليني احط شي شيشياتين وما ابين انا مقهوره خليني ارجع ذيچ شرار الما يهمها شي اهم شي تاكل وتخلص من فيصل

يله هسه خلصت من فيصل، وكل هذا ويمي خالة دانه ونرجس بعد شريد كلشي ماريد
وخلي هوَ بصوب وانا بصوب وعسى ما يجالع گدامي مالي علاقه

لا ليش اچذب ما ينطيني گلبي، اعرف هوَ حقير وچلب بس ما ينطيني گلبي اعوفه يجالع
صفنت على روحي بالمراية...شمالني احچي ويا روحي تخبلت خو ما تخبلت.. اي خبلني ستاذ ابو الضراير خلان احچي ويا روحي مثل المخبله

طردت الافكار من راسي ومديت ايدي اخذت علبه الگحل مال عرب انطتنيا جدتي، كحلت عيوني ونفتحن فتح صارن يخبلن، فديتني فدي على شنو اتعب هاي العيون الحلوة على مود منو، منو الي يستاهل اتعبهن وبچيهن اذا ما خليهن يبچن بس على الأكل وبس والباقي الله وياهم

ذبيت المكحله واخذت الحمرة السحرية وحمرت شفتي ومسحت بصبعي السبابه ومسحت بيهن خدودي، بينما احط وانه احجي ويا روحي

اي شراره صيري شراره على گول وفعل الي يندك وياچ صيري شرار ولسعي بي لولا احركي بي خلي يشيط السماء.. واهم وحدة بيهم هيَّ كويثر الهايشة بيني الها أنتِ وضرار عصافير الحب من تصير گدامچ تحاضني وتباوسي بي وخليها تغيض

عبالها راح ابچي وعيط وصرخ لا والف لا
اضم بگلبي بس مستحيل ابين ومو على مود ضرار لا صار آخر همي، بس ابين الها انا قوية وما يكسرني شخص مثلها ومثل امثالها

قبقت الحمرة ورجعتها المكانها ومشيت فتحت الباب ودرت وجهي مباوعه عليه بعده على وضعه ما متحرك
درت وجهي منه وطلعت ومشيت للمطبخ وانا اعدل بشالي، دخلت وباوعت عليهن وهمست بصوت ناصي

-اساعدچن بشي

دارن وجهن ثنينهن عليَّ ابتسمن بوجهي راده خالة
دانه: سلامتچ يمه اگعدي كملنا

نرجس: شنهذا الجمال يابه

-مو بجمالچ

غمزتلي دايره وجها شايله طاوه وحطتها بالصينيّة
ويا باقي النواشف حطتها وخالة حطت ماعون الخيار گايله

دانه: وينا ضرار صيحي عليه

-نرجس روحي أنتِ صحيح عليه

نرجس: روحي أنتِ غير مرته

خزرتها ورفعت كتافها بمعنى ما،درت وجهي مباوعه على خالة و؟ لت بهدوء

-خالة صحيح عليه منا ماريد اروح وهوَ نايمه وذا اگعده يعيط بوجهي وانا راسي موتني

هزت راسها ساكته بينما اشرت النرجس تشيل الصينيّة.. رادت تشيلها وشلتها انا وياها لان ثگيله طلعناه الصالة حطينها بالنص وخالة دخلت للغرفة مالتي گعدنا وحدة بصف الثاني وهمست بصوت ناصي

نرجس: لچ اريد ابوسچ شلون گليلي

رفعت ايدي واشرت الها گايله:- هاچ بوسي ايدي

نرجس: اي ابوسها هاي الايد فوخت گلبي يابويه
بعد ما اسميچ شرار اسميچ خلاسه النسوان

-ههههههههه

ضحكت بينما ايدي ظاله بالهوى رديت عليها وانا اشر بعيوني على ايدي

-يله بوسيها، حتى اشبعچ مشاهد قتاليه

باوعتلي صفح
نرجس: شو چنچ صدگتي، احترمي انا أكبر منچ لازم تحترميني هيو

-لا تخليني اعفط

-ءءءءءءء يا نهار اسود تعفطين والچ

-نرجس دايخه لا تعيطين عفيه

رادت تحچي وقطعه كلامها طبكت الباب باوعنا على الغرفة طلعت وحدها وجها ينطي الوان

نرجس: وينه.؟

دانه: يگول ماگدر أكل معدتي توجعني وما يشتهي

هزت راسها ساكته ورجعت نظرها على الصينيّة
اجت گعدت خالة يمنه وبدينه ناكل انا ونرجس وخالة ظلت تنكش،كملنا أكل وعزلنا المواعين وانا غسلتهن
ونرجس بقت شوي ومشت البيتهم وخالة مشت الغرفتها وانا سديت باب المطبخ بالسركي ومشيت الغرفتي تقريباً صارت بالعشرة ضبط

ويا ما جاي افتح الباب انفتح الباب باوعت عليه طلع لابس قمصله فوك ملابسه وشفقه وعبر من يمي بدون ما يحچي حرف، غلست عليه ودخلت ولو گلبي لعب هسه راح يروح الها اي اكيد

انچبي شرار غلسي عليه طبه طوب وين ما يروح خلي يروح... فركت جبيني ودخلت سديت الباب ونزعت الشال شمرته ومشيت اخذت الموبايل من الميز ومشيت نطرحت... غطيت نفسي وظليت اباوع باليوتيوب منا ما مر الوقت وهوَ ماكو وانا نعست عيوني اذتني ومنا تلفون راح يخلص شحن

طفيته وكمت حطيته على الشحن ورجعت نمت ما حاسه على روحي منا الصبح گعدت على صوت طكطه بالغرفة، رفعت ايدي مسحت عيوني اصحصح، گعدت على مقعدي، مباوعه عليه يصلي وطاكها صفنه بالفراغ شوي وهز راسه ورفع ايده كبر

وخرت عيني منه موخره البطانية عني
كمت طلعت برا باوعت الشمس داخله للصالة من باب المطبخ والبيت دافي، مشيت غسلت بالحمام وتوضيت وطلعت راجعه اصلي، دخلت لكيته يبدل ولا دار وجها ولا باوع عليه ولا شي

وانا هم غلست ولا باوعت عليه، اخذت المصلاية
فرشتها وصليت وبس كملت صلا خليت وطلعت عايفته مشيت يم خالة لكيته حاطه القوري بالارض ويمها صينيّة والخبز ومواعين الجبن والمربه التين والبيض على الطباخ صبحت عليها وردت عليَّ

-صباح النور يمه.. جيبي وياچ البيض وصيحي الرجلچ وتعالي، ويا ما گالت هيچ هوَ دخل اجه گعد يمها
وانا جبت الطاوه وگعدت بالجانب الثاني يمها
صبت النا جاي وهو شرب بس جاي وجبن عرب
اكل وباوع عليه من جوه الجوه

دانه: أكل بيض يمه تشد حيلك

ضرار: ماشتهي بس صبيلي بعد جاي راسي مسطور سطر

صبتله واخذه منها ظل يشرب بي
وانا أكل بهدوء ولا اباوع عليه أصلاً حتى حرف ولا حچيت مالي خلك احچي شو گعدت روحي بخشمي زين وگعدت أكل وانا لعبانه روحي بس اريد أكل معدتي تصوصي

بعدني على انص وهو كام گال
ضرار: يله ثي مالا

دانه: الله وياك يمه

خله وطلع سد الباب المطبخ وخالة كالت بهدوء
دانه: من گعدتي شفتي ضرار يصلي.؟

بلعت الكمه ورديت عليها
-اي بس ليش

دانه: شفتي صلاته غريبه

-ما نتبهت بس شفته يصفن

هزت راسها بها ساكته وانا هم غلست ما سالتها
كملنا أكل ومر اليوم عادي لا كلام ولا شي صار بيني وبين ضرار احس صارت فجوه بيني وبينه

نوب منا كامت عليه الفلاونزه والدوخه والعبان نفس
بنص اليل احتاريت لا اگدر اگعد المرّة خطيه نايمه ولا اگدر اگعد ضرار، هذا نايم على بطنه ويشوخر خبصني اول تالي يشوخر

باوعت عليه فاتحه تك عين روحي احسها جاي تطلع
ولعبان نفس موتني وماگدر اتقيأ
رصيت عيوني ومديت ايدي عوجت المخده نمت على نص ونص الثاني غطيت بيها إذاني
ظليت على هل وضع منا ما غفت عيني، ماکعدت اله الظهر ومو من عوايدي اگعد بهال ساعة

كمت مخروعه هم فايتتني الصلاة وهم وقت متاخر
كمت عفت الغرفة هوسه وطلعت باوعت على خالة گاعدة بالمطبخ صبحت عليها ومشيت غسلت وحچي وياها

-ليش ما گعدتيني خالة

-يا غير گعدتچ مرتين وأنتِ اي هسه وماكو
عفتچ نايمه شعندي انا

-ولا گاعده أصلاً ولا سمعتچ، حتى ضرار ولا حسيت عليه

دانه: على طاري ضرار ذكرتيني.. غير البارحة بليل داخلين عصابه على بيت صديق ضرار وضاربين امة خطيه وهسه بالمستشفى

-عزااا ومنو صاحبه هذا.؟

-ام مطلب

شهگت دايره وجهي مباوعه عليها عايفه البوري مفتوح والمي يخرخر من وجهي

-صدگ والله.. وهسه شلونها شو ولا خابرتني قربة

-اي خطيه الصبح ويا الريوك مخابر عليه محتاچ منه كم شغلة وكله هيچ وهيچ وضرار خله ومشاله

-خطيه ما تستاهل خوش مرّة حبابه

-اي درة مال الله

-هسه أنتِ شوگت تمشين.؟

-بس تطلع من المستشفى اخذ سعاد ونوروح الها

-اروح وياچ

-ان شاءلله منا الذاك الوقت

-ليش شوگت تطلع؟

-سأله ضرار گاله اربع ايام يله يطلعوها

هزيت راسي ساكته ما راده
مرت الايام عادية ضرار ما اشوفه يطلع من الصبح منا لليل.. يجي يذب روحه چفت ينام وانا منا حالتي زادت ما نقصت الدوخه والعبان نفس موتني ومنا خشمي مطموم وبس اعاطس

منا ما اجه اليوم الرادن يرحن بي خالة دانه وخالة ام ستار وانا كلش تخربطت كمت تقيّأ وعاطس، ماگدرت اروح وياهن كوه خليتهن يمشين حتى لا يتعطلن زحمة المرّة اليوم طلعت من المستشفى

ظليت نايمه بالصالة وخالة طلعت ماشيى البيت عمو هاشم ورا ما طلعت بدقايق دخلت عليَّ نرجس وخالة زكيه مرت ياسين، باوعت عليهن وكمت كوه گاعده على مقعدي...اجت يمي نرجس وخالة ظلت واكفه باب المطبخ

زكيه: شبيچ يمه شجاچ

-مادري والله يمكن نشلت

نرجس: اي شلون ما تنشلين اذا سبحتي وطلعتي من الحمام لا خاولي لا شي

گالت هيچ وطكيتها عطسه
نرجس: ديله أكليها

باوعت عليها ورجعت نطرحت ما راده عليها بينما خالة زكيه گالت وهيَّ ترجع المطبخ

زكيه: اسويلچ شوربة عدس زينه البلاعيمچ

شرار: خالة دانه مساع سوت حاطتها على الطباخ

زكيه: خوش احميها وجي

ماگدرت ارد عليه مالي خلك حتى احچي
ظليت منطرحه ونرجس تلعب بتلفونها، بعدما صرعت راس عمو وصا ضرار يجيب الها نفس تلفوني

وخرت عيني منها مباوعه على السكف بصفنه
شيصير لو ابوي ما ميت چان هسه عندي اخوان
وامي موجوده وگاعدين بيت وحدنا وجاي ادرس وفكر بمتحانات ما بقالها بس اسبوع

بس كلشي گلته وتخايلته بكلمة (لو)
لو عايش ابوي لو انا هيچ وانا هيچ، هل كلمة بيها هواي احلام ما متحققه لو نهدمت وماكو من يرجعها
وخص مثلي انا اهلي راحو سيسو الاب اخذا ربي والام اختارت حياتها على حياة بتها

مرات من ياخذني التفكير على قبل وشلون بس جابتني تزوجت، شلون الها قابليه تزوج مرة ثانية
مو شرط أنُ چانت تحب ابوي أو تكرها، بس احس ما عدها مشاعر اتجاه ابوي وبهل سرعة تزوجت

هسه لا سامح الله ضرار يصير بي شي انا الغي طاري الزواج من بالي نهائية، بس اذا الاستاذ طلكني لو شي
ثاني يوم اتزوج وغيضنه وراوي انا ما ظاله عليك وراح اموت وراك

بس بعيداً عن هل جانب هيَّ حتى لو فرضاً تريد تشوف حياتها عادي بس بنتچ شنو ذنبها تعيش بوسط ناس قذره اخذيها ربيها وكبريها ما راح تخسرين شي
بس هيَّ رادت بكل وسيله تتخلص مني حتى تشوف حياتها بدون ما شي يربطها بالماضي

غمضت عيوني ماخذه نفس زافرته وانا افتح عيوني على وجع بطني، رفعت ايدي تلمست المكان وتذكر الشهرية بس لا موعدها وهل هذا مرضي من وراها
اي هيَّ بعد اسبوع ويصير شهر، بس المها من هسه شو انا قبل لا تجي بيومين هيچ شي، بس شو هل مرة من وقت

ظليت على هل حال يومين مبطوحه بالارض أكل كوه وكل هذا وضرار لا يباوع بوجهي ولا يلفي للبيت يجي بس ساعة اليل... وخالة متخبله من ورا ومنا انا حالتي زادت ما نقصت احس جسمي طايح من عمارة ومتكسر تكسر

منا ما ثالث يوم صبحت منتهيه ابچي من ورا خشمي مطمو ولا اگدر اجر نفس، وخرت البطانية عني مباوعه بصفي محد موجود والمكان مرتب
وين وله عكرتي من الصبح
سحبت نفس من فمي وكمت كوه على روحي

طلعت من الغرفة اعدل بشعري مكفوش كفش
مشيت بلمطبخ عرفت خالة گاعده من صوت القرءان
صبحت عليها بصوت كوه يطلع

دانه: صباح الخير يمه.. شلون صرتي

رديت عليها بينما هيَّ دارت وجها تشيل القوري
احچي وياها واجت گعدت بالارض

-يمه راح اموت

-اسم الله عليچ يمه،شو بله گعدي ضرار خلي ناخذچ المستشفى

عگدت حاجبي مباوعه عليها ودايره وجهي مباوعه على باب الغرفه مالتي راده عليها

شرار: ليش هوَ ضرار وين

-شنو وين غير نايم.؟

وخرت عيني عن الباب مباوعتلها، عضيت شفتي
راده عليها بصوت يخرخش:- ماكو بالغرفة

صفنت عليَّ ونزلت نظرها صابه الجاي راده عليَّ
دانه:-خاف طالع من غبشه قبل لا اگعد

ظليت ساكته والفكار ترست راسي، الفراش ماله على حطته وانا من انام ما احوس وبس بطانيتي متغطية بيها بطانيته مسفطه، معقولة ما جاي للبيت.؟
بلعت ريگ ماشيى اغسل بينما خالة تحچي وياي اجي اتريك غسلت وجهي بماي بارد اريد اصحص روحي

دانه: تعالي أكلي لكمه حتى اخابر غسان ياخذنا المستشفى مادام اليوم ما طالع الشغل

سديت البوري دايره كل جسمي عليها بينما رفعت الدشداشة من الصدر ومسحت وجهي ورديت عليها وانا اگعد بصفها:- شوگت نروح.؟

-هسه بس نكمل ريوگ

هزيت راسي ساكته،مديت ايدي اخذت الگلاص الصبتلي، وبديت أكل كوه مالي خلك أكل
أكلت لكمتين وظليت اشرب بالچاي وخالة تاكل بس جبن وچاي هم هيَّ وجها نكلب ميه وثمانين درجة

كملنا أكل وما خلتني اغسلهن لان ماكو بس شوي الباقي كله رجعنا الثلاجة،فـ عفتها ومشيت ابدل بينما هيَّ تكمل، دخلت الغرفة عزلتها وطلعت عبايتي وشال حطيت العباية على الجرباية وعدلت وجهي بحمرة ومسكارة مالي خلك احط شي

لفيت شال زين واخذت العباية وطلعت سديت الباب وباوعت گدامي صارت خالة بوجهي جايه من المطبخ وهتفت وهيَّ تدخل الغرفتها

دانه:روحي البيت عمچ بينما ابدل وسد البيبان

هزيت راسي ساكته وطلعت ماشيى البيت عمو هاشم
باوعت على الساحة أو الحديقة والكراج البين البيوت
فارغة ماكو ولا سيارة بس سيارة الحمل مال عمو عمران

تنهّدت وكملت طريقي وصلت للبيت وباوعت من الباب مزدود وكفت گدامه ودكيته وجاني صوتها تسمحلي ادخل فتحت ودخلت صبحت عليهم

باوعت بس خالة ام ستار بالمطبخ،ردت عليَّ بينما باوعت على باب الصالة الكل گاعدين نرجس والحجية والبنات وغسان رفعت ايدي مسلمه عليهم بعد ما غسان باوع عليَّ، من سلمت كلها دارت وجها عليَّ اشرولي اجي وهزيت راسي بلا ودرت وجهي منهم مباوعه على خالة

-شلون صرتي يمه ان شاءلله زينه

-اچذب عليچ اذا اگول صرت زينه. شو بالزايد اليوم
گعدت ابچي خالة شافتني گالت نمشي المستشفى وياخذنه غسان

-وين ياخذچ غسان

باوعت عليه دخل المطبخ،رديت عليه بينما هوَ وكف گدام السنك يغسل

شرار: للمستشفى امي دانه گالت غسان ياخذنه

غسان:شوگت هسه.؟

-اي

-خوش چا ستعجلو

گال هيچ ودخلت جوه وانا مشيت سلمت على الحجية وگعدت على الدرج وظليت احچي وياهم ويسألوني على وضعي منا ما اسمعت صوت خالة
دخلت علينا وسلمت وغسان طلع من غرفته وخالة هتفت

-يمه ما تاخذنه المستشفى

-هوَ منظرچ گالت شرار

-نتوكل هم يله حتى نرجع من وقت

هز راسه ساكت ومشى طالع وانا كمت ودعتهم وطلعت ورا خالة،طلعنا من البيت وخالة گالت

-شو ماكو سيارتك.؟

-عمي عمران اخذها، وانا راح اخذكم بسيارته

-وتكفينه.؟

غسان: ما تكفينه نشمر شرار بالورا وتصيح ميععع

-مالي خلگك چان رديت عليك

ضحك ما راد عليَّ، فتح السيارة وصعدت خالة وانا وراها گعدت هيَّ بالنص وانا بصف الباب حرك السيارة وكف گدام الباب ونزل فتحه ورجع صعد طلعنا
وهم رجع نزل وسد الباب ورجع صعد

حرك السيارة ماشي وطول الطريق يحجي هوَ وخالة وانا اسمع كلمة وكلمة لا كوه عيوني مفتوحه
منعسه بس ماگدر انام من خشمي مطموم

ظليت على هل حال منا وصلنا المستشفى،نزلنا وهوَ ويانا دخلنا كصينه باص وظلو يودونا منا وياخذونها منا... منا ما دخلنا الدكتورة سولفت الها وضعي وگالت اخذي تحليل وهم رحنا اخذنا تحليل بس شنو انا احس رجلي طاحت من الفرفره. يودنا منا وياخذونا منا

اخذو دم وظليت گاعده منتظرة بالساعة
وخالة تسولف ويا النسوان الموجودة وغسان واكف گدامنا يحچي ويا رجال چبير
وانا حاطه عكس ايدي على الكرسي وكف ايدي على خدي وباوع على الرايح والجاي، منا ما صاحو باسمي ومشى غسان اخذها منها

والبنيه گالت كلام عسى لا گالت ولا حچت، حسيت بشعور مقرف ماعرف شلون اوصفه كرهتها النفسي وكرهت الحظة هاي...

يتبع...

25"

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

.
.
.

رمشت مبلله شفتي للمرة المليون
رافعه ثنين اديه لازمه وجها مباوعه بعيونه ثواني
أما وهوَ هادئة أي حركه ما بدر منه
حركت اصابعي الابهام على خده مشجعه نفسي احچي،اخذت نفس وهمست بهدوء

قربة: ذو الفقار انا احبـك، شلون وشوگت ماعرف
كل الي اگدر اگول الك انا احبك.
بس ماعرف شلون اعبر عن حبي الك
صح مرات اگول عليك مخبل وحچي وتذمر
لكن أنتَ مستفز
تخليني غصبن عليَّ احچي وعيط وهذا الشي من حركه گلبي

كملت كلامي وبلعت ريگ واخذت نفس وزفرت انفسي وانا اشتت نظري عنه وبعدها اصابيعي تتحرك على خدة بينما هوَ ساكت وأي رد فعل ما بين
احس بنفسي تسرعت بعترفي اله
ردت فعله خلتني اندم، رأساً تلاحكت الموقف وهمست بغصه وخرت ايدي عنه: انسى الموضوع

هتفت هيچ وفجأة حسيت عليه يلزم كف ايدي
باوعت على ايدي ضامها بين كف ايده الي ضاع كف ايدي بوسطها... رفعت نظري اله
مباوعه عليه وتمنى بداخلي أنُ يحچي كلمة تبرد گلبي

سحب نفس زافره وهمست وهوَ يرخي لزمت ايده باوعت الفمه اريد اركز بكل كلمة يحﺟيها اريد احفظ كلامه حتى ما انسى حرف

ذو الفقار: اذا گلت احبچ شراح تفرق.؟ شـ..

قربة: قطعت كلامه قبل لا يبدي بالكلمة الثانية
وابتسمت بلا وعي:- راح تفرق هواي اشياء

ذو الفقار: وذا ماكو حب

عگدت حاجبي مباوعه عليه بعدم فهم أو بالاصح افتهمت بس گلبي ينكر يريد يفهم أكثر شنو قصد بهل كلمة... هزيت راسي راده عليه: شلون مافهمت.؟

ذو الفقار: اذا ماكو حب راح تحبين هذا الانسان؟.
لا تقاطعيني خلي اكمل وجاوبي على كل كلمة
اذا ماكو حب راح تعوفين هذا الانسان...وتمشين بكرامتچ لو راح تظلين ويا وتسعين حتى تولدين الحب بگلب هذا الشخص.

قربة: ذو الفقار

-جاوبي

كلامه بي غموض وانا عقلي يريد طكه بطكه
كون يگلي ما احبچ وانا اگعد ونچب
وركع گلبي الغبر بالف نعال
وعوفا حاله حال أي انسان عادي

بس كلامه ونظراته تحچي غير ماعرف شنو القصد الي يريده... وهم خاف احچي بغير معنى ويطلع مو نفس الي هوَ يقصده
اخذت نفس عميق محركه اصابع ايدي بيده راده عليه وبؤبؤ عيني يتحرك على تعابير وجها

قربة: اذا تقصد نفسك ما تحبني.!
اعوفك... على راحتك وركع گلبي بنعال واحد وأربعين ورجع وياك نفس قبل أدي واجبك وبس
لان انا ما مجبوره احب انسان ما يحبني
الحب مو جبر حتى اجبرك تحبني
اذا ما تحبني من ذاتك ما راح اهين نفسي حتى لو أنتَ رجلي

باوع بعيوني ثواني وهمس بهدوء راص على ايدي
بينما نبرة صوته بيها كلام ثاني، صوته عيونه السود بيها الف كلمة ما تكفي، بلعت ريگ وركزت بكلامه

ذوالفقار:اسعي انا اريدچ تسعين اسعيلي قربان

باوعت بعيونه ثواني ماعرف احچي
عقلي ضرب...ماكو كلمة مُفيده احچيها
اريد كلمة ارد عليه حتى افتهم شريد مني بالضبط يريدني احببه بيه لو شنو.؟

عضيت شفتي بالعه ريگ راده عليه بعد عناء من الكلمات النهشت عقلي:- تريد احببك بيه.؟

عصر ايدي بكف ايده معدل نفسه گاعد گدامي
بلع ريگه مغمض عيونه ثواني ثمَّ هز راسه بأي فاتح عيونه مباوعه بعيوني يريد يشوف ردت فعلي.
أنما انا طفرت دمعه من عيني بلمح البصر

دمعتي طاحت تشرح اشياء مو شي
المفروض هوَ الي حبني اول مو انا
لان انا ويا بكل خطوة كلامي ويا مسلوبي
أو جمال... اي جمالي... انا مو مغرورة لكن انا مو بشعه حتى ما ينجذب الشكلي لو الاسلوبي.

بين كلامي راودني كلام وهتفت بدون أي تردد
قربة: ليش..؟ ليش شنو النقص البيه وما حبيتني وتريد انا اسعى.؟ گلي اكو نقص بيه
أو انا مو حلوة لو شنو.حتى انا اسعي وخليك تحبني.؟ انا الاعرف يا ذو الفقار الحب ما ينسعي
الحب رزق ينزرع بالگلب، وانا باين مو من رزقك

احچي والغصة بانت على حنجرتي
صعب احب شخص وهوَ ما يملك أي مشاعر اليه
وكل هذا هوَ مو أي شخص هذا رجلي.
صعبه اعرف هوَ ما يملك أي مشاعر اليه
اتمنيت ما عترفت ولا گعدت يمّه وحچيت ويا
ولا هل شعور القذر الترس روحي

غضيت البصر عنه بينما هوَ لزم ايدي بثنين ادي راد على كلامي بالنفي، وانا ابد ما رفعت نظري

ذو الفقار: ما اقصد هل شكل

قربة: چا شتقصـــــد...احچي شتقصـــد..؟

ذو الفقار: منو كال اقصد جمالچ أو سلوبچ.

نزلت دموعي بضعف راده عليه بغصه ورافعه كتافي بحيرة:- چا شتقصد اذا مو جمالي ولا اسلوبي چا شنو الي يخلي دگول اسعي.؟

رخت عيونه وهنه منا كوه فاتحن ومبين الفص الاسود رد عليَّ بغموض، وعجز عقلي عن فهمه

ذو الفقار: أنتِ اسعي قربان وعرفي.

گال هيچ وجرني عليه ضامني بصدرة
انصدمت فوك ما انا مسطوره من كلامه قبل شويه نوب هسه كلامه وغموضه خلاني ماعرف احچي
غير كلمة وحدة وانا بوسط حضنه
وعرف كلمتي تافهة بس ماگدرت ما احچيها ماريد اتعلق بوهم تألية مامعروف

قربة: راح تحبني مثل ما احبك.؟

شد اذراعه على ظهري راد بهدوء
ذو الفقار: أنتِ اسعي قربان اسعي وحببي المريض بحبچ

قربة: شسوي وخليك تحبني شني اركصلك ترا من هسه اگلك ماعرف اركص

هتز جسمه وانا بوسط حضنه
ماعرف ليش گلت هيچ شنو الحب بالركص
شگد ثوله ولا اعرف شحچي، وخرني عنه مباوعلي وكوه كاتم ضحكته وانا صفنت على ضحكته وهمست بلا وعي وحچي ويا كوه

قربة: تعرف انا من زمان ساعيه ومسويه انجاز واحد

قربة: هز راسه مباوعلي، كملت لان اعرف ما راح يگول اي حفظته خليني انا احچي قبل لا انسى الكلام:- خليتك تضحك.. رسمت على هذن ضحكه حلوة وطلعن سنونك البيض

ابتسم وعيونه تتحول من عين العين وهمس وهوَ يباوع بعيوني وما توقعت راح يسأل هل سؤال رغم وضحت اله

ذو الفقار: شحبيتي بيه.؟

قربة: ماعرف صدگني شوگت حبيتك
ماعرف بس انا احبك ذو الفقار.
والصراحه احچيها الك تندمت لان عترفت
ردت اضمها بگلبي وما احچي ولا اگعد هل گعده
وگلك هل كلام... وهسه بكلامك هذا.
تندمت أكثر وأكثر، لان ما توقعت راح ترد عليَّ بهل كلام لان توقعت تحمل لو عشرة بالمية مشاعر اليه

رفع ايده لزم خدي ورد على كلامي
بينما انا مصدومة منه هاي صارن اربع صدمات مدري ثلاثه، صدمني بكلامه الاول بعدها حضني بعدها هسه رجع لزم خدي مو من عوايده يسوي هل شي
لان هو بكل بساطة بارد صاير قالب ثلج
مدري هوَ نفس ما يدعي المرض البي يخلي هيچ
ورغم اتمنى اعرف شنو مرضه حتى ارتاح لكن باين راح تظل حسرة بگلبي.
ركزت بكلامه طارده كلامي من عقلي

ذو الفقار: أنتِ ازرعي الحب بهذا الگلب الميت

گال هل كم كلمة وباخر كلام رفع ايده واشر على تجاه گلبه ابتسمت راده بمكر رافعه ايدي مأشره على گلبه باصبعي السبابه، وحچي وياه عكس داخلي الي تحطم شيءٍ فشيء

قربة: راح املك گلبك وعقلك وگول قربة گالت

ابتسم موخر ايده عن خدي هاز راسه ساكت
وانا بس شفته هيچ رأساً بتعدت عنه ومديت ايدي اخذت الصينيّة وكمت متجهه للباب
فتحت الباب وطلعت ماشيى نازله
وكفت گدام اول باية الدرج الفوك
ساحبه نفس طويل... اضم غصتي ودموعي ماريد تنزل دمعه وحدة گدام امي اريد ابين طبيعية ماريد اقلقهم البيهم مكفيهم خليني اشيل همي وحدي مثل كل مرة

رفعت راسي مباوعه على السكف جاره نفس طويل
زافرته ونزلت باوعت عليهم بعدهم على نفس الوضعية بس عليا نايم على رجل امي ويباوع على التلفزيون... عضيت شفتي وخرت عيني ماريدها تشوف عيوني وتحس باچيه
نزلت آخر باية وگالت بعدما حست على حطواتي

فاطمه: ها أكل لكمة.؟

هزيت راسي بأي وكملت طريقي للمطبخ
حطيت الصينيّة على السنك ورفعت ايدي عصرت عيوني امنع دموعي، اريد ارجع قربة الطفلة المدلله من امها واخوها... اريد ارجع الذيچ الايام الي ما اهتم غير للدراسه والأكل كل همي هذن

لكن هسه راسي انترس تفكير المفروض ما افكر بهيچ تفكير...رغم اعرف انا عايشه حياة حلوة ويا عيالي والف وحدة تتمنى مثل عيالي.
لكن شنو مصيري ويا زوج ما يحمل ذرة مشاعر اليه صعبه عليَّ، حتى لو نفس ما گال اسعى حتى احببه بيه لكن صعبه مو مثل ما هوَ يحبني بذاته
زفرت تنهّيده طويله مكمله شغلي الهي روحي من التفكير لكن اچذب على روحي أصلاً التفكير نهش راسي

مرت اربع ايام بين المناوبه امي وعليا الصبح عليَّ
وباليل يرجع عمو ويبات هنا ويبقى يبات مطلب وسائب ومرته... وهاجر رجعت تدرس على مود المتحانات ما قابلة خالة تظل يمها
لذلك اجت باليل هيَّ ومطلب ذبها وسبح ورجع المستشفى نوب رجع عمو بات هنا وامي وعليا راحو

ظليت على هل جدول منا ما طلعت من المستشفى
ونكلب البيت علينا كلاب وانا نهلكت هلاك بين الخطار وبين خالة رغم ابد ما عافتني لا رقية ولا هاجر بس تكمل دروسها وتنزل تعاوني بس الخطار ابد ما كفت عنا ناسهم واقاربهم كلهم اجو

منا ما مر على الحادث اسبوع واليوم الثامن الخالة اجه عمهم طالب الي هيَّ مرته سكنه
اجه قبل لحظات ومرته دخلت للصالة يم خالة وانا حبست روحي بالترك ماريد اسلم عليها وجهه البومه فد اكرها الحقيرة شلون تشكك بشرفي

فزيت من كلامي على صوت رقية وهيَّ تحچي وياي
رقية:انتبهي الچاي گاعد يطفر لا يحرك ايدچ

باوعت عليها مرجعه نظري على القوري
طفيته وشلته راه:- تعالي اخذي الهم ماريد اشوف وجهه البومه...لا وعلي حرام انعتها البومه
البومه حلوة وكأن بريئة هاي وين البراءه العدها جنها ابليس بالاربعين

رقية: ههههههه خرب ابليسچ فلا تکعدين راحه

رديت عليها وانا اصب بالچاي
قربة: وعلي چنها اخت ابليس، هسه ابليس يزعل ويدك على راسه لان شبهته بي

رقية:هههه جيبي خليني اودي جيبي

اخذت الستكاين وصبيت بالصينيّة الثانية وطلعت من المطبخ دكيت باب الاستقبال ورا شوي انفتح وطلع مطلب ابتسم بوجهي وگال

مطلب: شكراً مرت اخي

ابتسمت بوجها راده بهدوء، دخل وسد الباب ورجعت ادراجي، ويا ما دخلت للمطبخ سمعت اسمي بالطاري
حطيت كل حواسي الخمس وركزت بالكلام

-غدي حتى چاي ما تعرف تسوي

رقية: العفو ام عباس شبي الچاي ريحته ترست البيت
گولي مر هسه اجيب شكر

سكنه: لا خيه لا بس الچاي محترك
صدگ چذب نوب هسه يشربه ابو عباس وهوَ يتخبل من هيچ چاي

ابتسمت وركصت بحواجبي،رفعت ايدي فتحت الشال وشديته على راسي ودخلت وانا اشد بي باوعت عليها وهتفت

قربة: اي عيني ولا تشربون

سكنه: شني ام هاجر تشوفين چنتچ شتحچي

قربة: ملاحظة عيني اسمها ام ذو الفقار مو ام هاجر شني تمشين على الصغير أنتِ، شني مو بعينچ
ذو الفقار ومطلب شو كل واحد شكبرا مو بعينچ گولي مو بعينچ

سكنه: هيَّ بتها هاجر،والولد مو ولدها ذولي ولد اختها منين اجو ولدها

باوعت على خالة وجها انطعن عضيت شفتي راده
هو ما دواچ غير ذو الفقار بس انا موجوده وستلم مكانه

قربة: اگلچ بله ولدها لو ولد اختها أنتِ ياهوَ مالتچ ؟
بله اريد تفهميني گدام هاي الوجوه الخيرة
يعني شني سالفتچ ما تجين جيه اذا ما تذبيلچ قنبلة تسممين الوادم مو تفجرينهم بكلامچ

ردت عليَّ وهيَّ دكوم عدلت عباتها
سكنه: شو أنتِ ماعندچ اخلاق ولا احترام شو ولا تعرفين تحچين، شني انا اختچ الصغيرة وتحچين وياي هيچ... بس مو صوچچ صوچ عيدة وصاحب ما ضابين السانچ ويفصمون ظهرچ

ابتسمت بستفزاز راده برود
قربة: اذا ضبو ظهري على گولتچ ياهوَ الي يسكتچ بس ذو الفقار وانا رجلي احبنه وماريد اتعبه وياچ
لهيچ انا استلم المنصب

عيدة: قربة

قربة: لا يمه خليني احچي وفوخ گلبي
هاي لا مرة ولا مرتين تحچي وياي بكلام يسم البدن نوب توصلچ لا والف لا احچي وعيط وخذ حقچ وحقي من أكبر واحد

عله صوتي باخر كلام وما احس بس صوت وراي
درت وجهي مباوعه مطلب وعمو صاحب واكفين باب الصالة باوعلي عمو صاحب بعدها على سكنه من عاطت بتمسكن ودموعها بعينها باوعت عليها رافعه تك حاجب

سكنه: يابويه يا يابه تعال شوف بتك بزر زرها تحچي وياها بهل حچي.. تشوف خويه وتسمع چنتك شحچت وشگالت... هاي بكل جيه اسمع طن حچي وهانه من وراها وانا احلف وگول ما ادخل هل بيت بس الاصـ...

قربة:قطعت كلامها وهتفت
- بكل مرة دگولين هيچ وتجين

صاحب: قربة

قربة: يابه ترضى گلي ترضى چنتك ومرتك يسمعن حچي يسم البدن وهنه بوسط بيتهن.؟

صاحب: شصار صوتكم واصل لوين.. وأنتِ خويه خيرچ شكو شصار

سكنه: خويه چنتك ما محترمه وسمعتني حچي وهاي گدام الحجية وچنتها

قربة: گولي شحچيتي وحچيت انا
ترا انا ما احچي اذا ما ينداسلي على طرف وأنتِ يراد واحد يسكتچ وانا موجوده

سكنه: هاك هاك شوف خويه شوف السانها

باوعت على عمو وعلى مطلب رأساً تذكرت شعري فتحت الشال وعدلت شالي وباوعت على عمو وعليها من گال عمو بهدوء وتاكدت عمو راح يگول هيچ

صاحب: ما صار شي انتن نسوان وسوالفكم
حلوهه بينكم.. يله مطلب تعال عمك الوحدة

كمل آخر كبمة دار وجها طالع من المطبخ
رجعت نظري عليها مبتسمه ورافعه تك حاجب وباوعلها بستهزاز وهيَّ رأساً عاطت

سكنه: عينچ ادبسز

قربة: هههههههههههه.. عذراً هههههههه

سكنه: كحـ*ـه محد ضابچ

گالت هيچ وهيَّ تمشي من يمي،ابتسمت برود ورديت عليها ومتعجبه من نفسي انا مو هيچ ارادد بس من اشوفها لازم اصير جسرة على گولت ذو الفقار

قربة: غير عليچ طالعه

كملت كلامي وماحس الى راشدي ترس وجهي ترس
على اثرها نحنيت... رفعت ايدي الخدي مباوعه عليها وفاتحه عيوني على وسعها ضربتني.!
هتفت وانه اباوع عليها بنظرات تخوف وعطت خالستها هيَّ بس سمعت العيطه ركضت تريد تطلع

قربة: ضربتينـــــــــــــي..تعالـي وين تولين منـــــــي

احچي وركض وراها بينما خالة تحچي وراي كوه وراي ورقية ركضت وراي والحجية تصيح ماتگدر تكوم.. بينما انا ركضت ورها للمطبخ لزمتها من عبايتها وهيَّ تعثرت وطاحت على رگبها
لك عيددد وجاني لزمته من خوانيكها وعيط عليها بصوت عالي وبينما رقية تفك بيدي وانا ولا چني

قربة: نضربيـــــــني انــــا قربةةةةة تضربيــــــني
لچ يــــــــمه فطيمةةةة.... لچ تعيديهــــــــاا هاااا تعيديها وتضربينــــــــــي

سكنه: بويه الحكنـــــيي.. راح اموت

قربة: هـــــــوَ راح اوديچ ورااا ابوچ اليوم
اليوم اطلع سوادينـــــي عليـــــــچ

عاطت بخنگه
سكنه: طالــــــــب الحكنـــــــيي راح اموت

قربة: وخري رقية وخري عني خلي اموتهـــــــــاااا
والكـــــــم تضربينـــــيي تعـــــــال ذوو الفقار تعال شوف مرتكك ضربوهاااا

كملت آخر كلمة وماحس الى احد يرفعني من صدري موخرني عنها وانا ارافس وعيط بصوت يخوف اريد اخلسها

قربة: عوفنييي هذا ياهـــــــــوَ عوفني اوديها وراااا ابوهاااا

صاحب: قربــــــــة

سكتت من عياطي على صوت عمو باوعت عليه واكف ومطلب يمّه وشخص گاعد يم سكنه الحيه ورقية واكفه على صفحه چا يا الازمني.؟
رفعت راسي باوعت عليه ذو الفقار لازمني ورافعني من الارض ورجلي تهلهل بالهوى
باوعت عليه ونزلت دموعي واشرت على سكنه وعطت بنحيب

قربة: ضربتني ذو الفقاري هاي ضربتني

سكنه: مخبله والله مثل رجلها مخبله مو صاحيه

قربة: وخرت نظري عنه مباوعه عليها وعطت بصوت عالي: عوووووفنيي اطلع خباااالي عليهاااا عوفنيييي

طالب: گومي وسدي بوزچ

سكنه: تشوف شسوت بيه وانا مرّة شكبرني
ولك بويه تعال شوف حال بتك نهانت ونضربت من وحدة زعطوطه

قربة: عوفنييي اهددد عليها ارويها الزعطوطه عوفنـ

قطع كلامي وهوَ يلزمني بايد وحدة ولايد الثانية سد حلكي بيها بينما انا ظليت ارافس ودفع بيده وعمو صاحب ساكت يباوع على سكنه وبعدها وعليَّ بعدم رضى أما مطلب كاتم ضحكته كوه وعمهم الي هوَ طالب كوم مرته ويدفع بيها وهيَّ حال الحال حالها

طالب:امشي امشي

طلع وعمو صاحب باوعلي وهز راسه بئس ومشى وراهم ومطلب اول ما طلع باوع من الشباك شافهم ورجع دار وجها عليَّ وطكها ضحكه خفيفه

مطلب:سبعه والعباس سبعه

ضحكت وبعدني على وضعي هوَ من شافني ضحكت نزلني بينما رقية گالت

رقية:والك يا سبعه غير صارت مطاحن هسه راح تشع مرت ذو الفقار مخبله

رديت عليها وانا اتحسس مكان الضربه
قربة:خليها، انا اريد هيچ يصير حتى توب ولو هيَّ ما توب

مطلب: الكحـ*ـه توب وسكنه ما توب اخذوها مني

رقية: شجاك والك

مطلب: وعلي ههههههه

تلمست خدي بالم وباوعت على ذو الفقار صافن
وما بدر منه أي حركه باوعت عليه بينما مطلب طلع ورقية رأساً طلعت
رجعت نظري عليه مباوعتله برائة وتقربت منه همست براءة وانا اشر على خدي

قربة: شوف شلون ضربتني

رفع ايده تلمس مكان الضربه وهمس بنفس الصوتي
ذو الفقار: شكو؟.. ليش هيچ صار

قربة: الحقيرة صبينا چاي اسمعها دگول غدي حتى چاي ماتعرف تسوي، وانا دخلت الها ستلمتها اكس مربع. بس الحقيرة حچت حچي خلت خالة تضوج وانا ظليت احچي وياها

ذو الفقار: شگالت

قربة: دگول الخالة أنتِ مو ام ذو الفقار ولا مطلب وبنتچ بس هاجر منين اجوچ ولدچ وانا حترك گلبي وظليت احچي وياها نوب اجه عمو وگال انا مالي دخل بسوالف نسوان وطلع وانا ستغربت بس استغليت الفرصه بس الحقيرة دگلي كحـ*ـه وانا رديت عليها گتلها غير طالعه عليچ
وهيَّ ضربتني راشدي شوف شسوت بخدي حتى يوجعني مو ايد جنها هايشة

احچي ومركز بكلامي وعصابه مشدوده مال ركبته
بس من وصلت الكلمة كحـ*ـه باوع الشفتي
انا لا اراديًا گلتها بس غلست على نظراته وكملت كلامي رفع ايده مسح على خدي زافر نفس بدون ما يعلق على كلامي

وخر ايده عن خدي منزلها لازم كف ايدي كايدني موديني للسنك،فتح البوري وقرب راسي يم السنك وغسل وجهي وانا وهتفت

قربة:ليش تغسل وجهي

رد عليَّ وهوَ ياخذ ثنين اديه وغسلهن زين وانا اباوع على تصرفاته

ذو الفقار:ايدها نكسه ماريدچ تتنكسين بيدها

قربة:اي والعباس شلون فاتتني لازم اغسل ايدي بديتول

كملت كلامي وهوَ سد البوري ومشاني ندخل ويا ما جاي ندخل دخلو عمو ومطلب لان حسيت على صوتهم من يحچي ويا مطلب

مطلب: طبها طوب حيل وياها

صاحب: مايصير ابني

گال هيچ وباوعت عليه صار وجها بوجهي
باوعلي وگال ودخل ذو الفقار ورا مطلب وعمو وانا وراهم وهوَ مستمر يحچي

صاحب: يا بابا هيَّ هيچ گالوها هرجتو البيت هرج هسه العالم شدگول علينا

نزلت راسي خجلانه، رديت عليه وانا ارفع راسي اباوع على ذو الفقار تشجعت وكملت كلامي
قربة: اعتذر يابه بس عليت صوتي وسويت هيچ حتى تخاف مني وبعد ما تندك بيه ولا بأي واحد بينه

مطلب: اذا ندكت بيچ كتليها وانا اسويلج تقارير أنتِ مخبله

صاحب: مطلب

مطلب: والله يابه خوش سوت بيها
امي فقيرة ما تحچي تستر من المشاكل وهويجر ممطوله فوك وحنا زلم ما تحچي گدامنا
لهيچ اجت خلاتستها، يابه اروح فدوة الايدچ الخنكتها
بس لو يصير وتخنكين ذاك الواحد البالي يرتاح گلبي وعيوني

قربة: بس دليني وانا برسم الخدمة

الكل ضحك، باوعت على خالة عيدة
سوده عليَّ تحمضلت بهل ليل من ورا سكنه الحيه
گعدنا كلنا بالصالة والباب مال المطبخ مشت رقية سدته واجت گعدت يم الحجية وعمو گعد على الجرباية ام النفر النايمه عليها خالة ومطلب بالارض يمهم وانا يم ذو الفقار

اخذت الصلاحيه الماي شربت منها ماريد اشرب بالگلاص سكنه شربت منه وتلعب نفسي
شربت ونزلت الصلاحيه مباوعه على الحجية

الحجية: خايبة خلستيني بهذا عياطچ گلت البت ركبها جني

مطلب: چا احنا غير كمنه مفزوعين عبالنا مدري شصار واحنا نطلع ونشوف مرت اخي نايمه عليها وخانكه المرّة

قربة: هههههههه لا صوتي كلشي ما بي بس انا سويت هيچ حتى تخاف، وهيَّ غير الى شوي چان تخربطت

مطلب: نجره والعباس لو هيچ مرّة لو ما تراد.. يله يمه اجت الي على گلبي

عيدة: تحب المشاكل أنتَ

گالت هيچ وهيَّ تحط ايدها على كصتها
بينما الكل ضحك، باوعت على ذو الفقار يباوع على خالة لزمت كف ايده هوَ انتبهلي مباوعلي وابتسمت بوجها بينما باوعلي بنظرات هادئة

ظلينا على هل حال منا ما الكل اطشر وانا فرشت الحجية يم خالة هيَّ ورقية لان اليوم باتن هنا لان اخذ شوي استاراحه ورقية دير بالها على خالة اليلة أما سائب ظل بالبيت وحدة

عزلت الغراض ونطيتهم فواكه بصينيّة وصحت العمو ياكل وياهم وهم سويت ماعونين واحد المطلب واحد انا وذو الفقار اخذتهن وصعدت انطيت واحد المطلب ورحت الغرفتي.. دخلت باوعت ذو الفقار نايم وحاط ايده على عيونه حركته المعتادة

فتحت الضوء الچبير لان فاتح بس الضوء الضغيف
سديت الباب ومشيت صعدت من يمّه على مكاني گعدت وحطيت الماعون بالوسط ودغيته بكتفه

قربة: كوم أكل ونام

وخر ايده عن عينه مباوع على الماعوم وعليَّ
قربة: لا دگول لا كوم أكل بس موز ونام

گعد على مقعده واخذت موزه كشرتها على انص ونطيتها اله اخذها مني أكل واخذت الموزه الثانية فتحتها وتذكرت الموبايل صارلي شگد ما باوعه بي بس الزمه للضرورة واذبه

حطيت الموزه بالماعون ومديت ايدي اخذته وفحته ونزلت البرده باوعت طن رسأل
من وردة ومن امي، لفت انتباهي شرار صارلها فتره ولا مراسلتني حتى على خالة ولا اجت ويا عمتها ولا خابرت شنو شبيها صاير شي

اخذت عضه من الموزه ودخلت على رقمها
دزيت هلو ولو الوقت متاخر وكتبت "ها شراره البذاته لا تخارين لا تسألين" دزيتها وطلع خط واحد يعني ماعدها نت طفيت الجهاز وظليت أكل ووكل ذو الفقار الي ياكل بدون ما يعلق

ظليت اوكله وأكل منا ما خلص الماعون
كام هوَ يغسل ويفرج وانا حطيت الماعون على الكومدي وكمت ورا انتظرته يكمل وغسل

غسلت وكملت ورجعت طلعت ملابس وبدلت على السريع ومشيت نمت بصفه هوَ رفع الغطه وغطاني وانا دحست نفسي بقربه ونمت بساع تعبانه ونعسانه وهاي الفتره جاي اجبر نفسي حتى ما انام ولو انا ميته نعس

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

اخذو دم وظليت گاعده منتظرة بالساعة
وخالة تسولف ويا النسوان الموجودة وغسان واكف گدامنا يحچي ويا رجال چبير
وانا حاطه عكس ايدي على ايد الكرسي وكف ايدي على خدي وباوع على الرايح والجاي، منا ما صاحو باسمي ومشى غسان اخذها منها

البنيه گالت كلام عسى لا گالت ولا حچت، حسيت بشعور مقرف ماعرف شلون اوصفه كرهتها النفسي وكرهت الحظة هاي

البنيه: الف مبروك زوجتك حامل

رجف جسمي بصورة سريعة ما مستوعبة السمعته
انا حامـــــل..؟ اذني بيها شي.. اي المرض اثر على مسامعي وكمت اسمع هل شكل... لو انا جاي انكر الي سمعته.

دخلت شفافي داخل فمي الثواني احبس انفاسي المسموعه.. بينما التفت غسان مباوع عليَّ وعلى خالة مبتسم.. طوه الورقة التحليل وگال أما خالة تحمد الله بصوت خافت لكن دخل مسامع اذني

غسان: الف مبروك عمه يتربه بعزكم ودلالكم

دانه: شكراً يمه يوم الاكل وفرح بيك

ابتسم بوجها ساكت وهيَّ دارت وجها عليَّ
شافتني مسطكه بمكاني ما بدر أي رد فعل مني والعالم عيونهم تتفحصني بتقان، كأنها خترقة عقلي وداخلي

غمضت عيوني الثواني استعيد ذاتي وركز زين
فتحت عيوني باوعتلها تباوعلي بقلق بدون ما تحچي باوعت عليها ودرت وجهي عنها ماريد اكسر فرحتها الي ترست عيونها وباقي تفاصيل وجها

بس وانا..؟ اي انا اي شنو محد يفكر بيه..؟
محد يخاف يكسرني..؟ محد يگول شرار خطية.؟
ترا هم بشر انا شنو ذنبي افكر بالكل ومحد يفكر بيه ليش جايه انا من المريخ

جريت نفس بخنگه مباوعه على الارض ماريد انزل دموعي خاف يشوفني غسان لو خالة ويراودها القلق
اي اي يراودها القلق وهم انا ليش ابچي.؟
ماعرف الشنو البچي...فعلاً ماعرف ليش من سمعت كلمة زوجتك حامل ختنگت

المفروض افرح راح اصير ام بس... انا ماعرف شنو المضموملي ماعرف شنو الحياة المنتظرتني
ويا ابو الي بطني.
فزيت من كلامي الي محد راح يرد عليه ويريح بالي
بللت شفتي رافعه نظري الها باوعت ودرت وجهي عنها ماشيى بمستواها وگدامنا غسان

دانه: شبيچ يمه

شرار: شبيه.؟

دانه: وجهچ انطعن گولي يأذيچ شي.. لو اگلچ خلي غسان يودينا القرب عيادة خاصه نتأكد على صحتچ وصحت الطفل... يمه غسان ولو راح نتعبك ودينا العيادة دكتورة

ما رديت عليها التزمت الصمت بهال لحظة صرت مثل العبة، تاخذني هيچ وتوديني هيچ، طلعنا غسان من المستشفى بدون ما نرجع للدكتورة، ركبنا السيارة وانا بس جسد يمشي بلا روح، روحي ظلت گاعده يم التحليلات وبس جسد ظليت

غمضت عيوني حاطه راسي على الجامه
وعقلي اخ يا عقلي كون اطلعه ومردة بصابيع ايدي حتى يكف عن الافكار والكلام الي أكلني أكل
تعبت الكلام الي بداخلي تعبني.. شتتني.. ارهقني ماعرف شريد.. شنو الاريده.؟
شنو الي يريح گلبي وعقلي بهال لحظة.

زفرت تنهّيده طويله رافعه ايدي ماسحه خشمي بالكننسه ماسحه خشمي مباوعه على الطريق
بينما خالة تحچي ويا غسان وتوصي مدري على شنو مافهمت أو ما چان بالي وياها سمعت بس كلمة الاخيرة "لا تحچي الاحد" على شنو لا يحچي ماعرف

ظليت على هل حال بين تزاحم افكاري وكلامي الغير مفهوم. منا ما صف السيارة يم مجموعات ومحلات قطع افكاري صوتها

دانه: انزلي يمه

فتحت الباب اريد انزل وهيَّ هتفت
دانه: على كيفچ يمه

باوعت عليها ما مفتهمه بينما غسان ضحك
غسان: بدت رحمة الله، راح تخلي شريره بصينيّة وتفتر

شرار: ليش شكو.؟

غسان: ههههههه شوف الفطيرة.. لچ بعد چنتها حامل وجايها حفيد بعد شتريدين دانه خانم تجتف ايدها وتگعد

يحچي وارد عليه وانل انزل ونزلت خالة وراي
دانه: تستاهل چنتي وحفيدي شعندي غيرهم هاي بتي والبطنها ابن ابني

غسان: دلليها شنريد... المهم انا هنا گاعد بالسيارة اي شي تحتاجو بس تعالو عليَّ

هزت راسها خالة راده عليه بكلام سطحي وسدت الباب ومشت، دخلنا وصعدنا الدرج وهيَّ توصي اصعدي على كيف يمه.. ادري لازك بعلچ يا خالة
مارديت على كلامها مالي خلك احس روحي طافرة
ماعرف شريد، هيچ اريد اهج وشرد ماريد اشوف اي احد لا ضرار ولا أي كان

لزمت مشبچ الدرج قوي وباوعت على الموجدين ناس مو هواي حوالي بالربع نسوان، صعدت خالة وانا وراها وكفت بصفها وهيَّ اشرتلي اگعد على واحد من الكراسي، مشيت وهيَّ راحت للبنيه الگاعده
ظلت تحچي وياها وانا اباوع على الموجودين
شوي واجت عليَّ بيدها مدري شنو
گعدت بصفي وگالت وهيَّ تباوع على الورقة البيدها

دانه: احنا رقم سته

هزيت راسي ساكته، حالتي المرضيه عليَّ ومنا الخبر التعيس عليَّ، ظليت گاعده حوالي بالربع ساعة وصعدن ثنين نسوان وحدة چبيرة وحدة شابه باوعت عليها منزله نظري البطنها چبيرة وبارزه من العباية

بلعت ريگ وعيني تمشي وراها منا ما گعدت بصفي والي وياها مشت للبنيه التسجل، باوعت بتحديد على بطنها وهيَّ رأسًا رفعت راسها واجت عينها عليَّ باوعتلي وباوعت البطنها وگالت بهدوء وحراج

-ما يصير عندچ اطفال.؟

صفنت على كلامها وابتسمت لا اراديًا، هزيت راسي بالنفي: حامل.

-چا ليش تباوعين هل شكل عبالي ما يصير عندچ اطفال انقهرت والله

شرار: لا أنما تخايلت نفسي بهال شكل لا أكثر

-ان شاءلله يجي هل يوم وهم تشوفين ابنچ بايدچ

باوعت عليها وركزت بدعوتها.. ليش انه اريده.؟
وارغب باليوم الي راح يحچي.؟
مو كرهاً بالطفل لا... بال بمصيريري ويا ابو.
هل راح يتغير لو راح نصير بالسوء.. هذا الي شتت بالي وخلاني انسعق وتكهرب
بلعت ريگ وحكيت جبيني من همست مقربه نفسها مني وتحچي بصوت خافت خاف تسمع خالة

-اعتذر على التدخل بس شبيچ احد مأذيچ.؟

صفنت بالفراغ على سؤالها معقولة باين التعاسه على وجهي؟ لو هيَّ فضوليه وگالت هل حچي.
باوعت على خالة ورجعت نظري عليها همست بنفس نبرت صوتها

شرار: لا

-چا ليش احسچ مهمومه وجهچ حزين

شرار: ههه باين على وجهي الحزن لهل حد.؟

-اي والله وجهچ ذاك هوَ مبين مال وحدة شايله هموم الدنيا كلها على راسها، رغم شكلچ صغير مو مال الحزن

بلعت ريگ ورديت عليها ودري شمالني حجيت هل حچي مدري حظي حچاني مدري شجاني

شرار: ماعرف شگول بس احس الطفل مو وقته

-هاي عمتج.؟

هزيت راسي بأي وهيَّ رجعت هتفت
-شوفي خيه انا ماعرف شعايشه وشصاير وياچ
بس الطفل ماله ذنب
اذا الاب مو زين يو العيال حشاچ زبالة

هسه هاي انا گدامچ الچنه الوحيدة على اربع حموات وكلهن شابات بعمري وبعمرچ. ويموتن مني يتخبل چيف يشوفني اعتني بنفسي وابدل وكشخ الخوهن وهوَ يحبني ومدللني هنه متخبلات
وذا شافنه جاب علاكه بيده يضمنها اليه الثاني يوم يدخل للغرفة يفتشن شجاب وليش ما جاب النا
لو أنتِ مرته واحنا خواته نبزز

گليلي انا شسوي هنا اخلي وسكت ونچب الخاطر امة والخاطره چيف هوَ يحبني وعمتي هاي الگدامچ تحبني وفطيرة.. بس هنه عكارب موش نسوان وعلي يطلعن المشاكل من جوه الگاع وانا اتستر تستر الخاطر رجلي يجي تعبان من الشغل وگولن خطيه شنو ذنبه اتلكاه بالمشاكل

شرار: يكتلنچ كتليهن لا تسكتين دكيهن دكتين واخذي حقچ اذا تظليت تسكتين ياكلنچ ويشربنچ

-والله يالله وچ خيه...أنتِ شايفتهن كل وحدة جنها جاموسه شطولها وشعرضها تعادلني وتعادلچ ثلث مرات... وهاي شوفت عينج جيتي للدكتورة
من ورا وحدة بيهن دفعتني على بطني
شلون گلت الها ما بيه حيل اكوم اغسل المواعين وهيَّ تخبلت وتعالي دفعيني وكمت انزف وجابتي هل مسكينه خوف خاف يجي ابنها ويدري بيهن هيچ مسويات

شرار: ليش الهسه ما مزوجات

-ههه شيزوجن خيه ثاني يوم ردوهن علينا

شرار: هههههه. ضحكتيني والله

-وعلي مشرشبات يكتلن الرجال بساعته..
المهم خيه نسيت السالفة... أنتِ لا دگولين هيچ الطفل رزق من ربچ لا تگولين ماريده
ليش هوَ شني ذنبه بابو اذا مو زين يو شني ذنبه بعمايه مو زينه، صدگيني بعد يوم يومين من تحسين يكبر برحمچ تتعلقين بي وتنتظرين يوم يوم حتى يجي الهل دنيا

صفنت عليها ثواني ونزلت نظري على بطني
معقولة؟.. معقولة كلامها صدگ

-لا تصفنين صدگيني اذا چان رجلچ مو زين وياچ اكسبي... حببي بيچ وخلي ما يشوف غيرچ وأنتِ مبينه بعدچ صغيرة وامچ ما معلمتچ الزواج شني والرجل شني

عضيت باطن شفتي ضاحكه بداخلي امي.؟
ليش هيَّ وينها حتى تعلمني.. لو تنصحني
أو ما تخليني اتزوج أصلاً... وينها هي.؟

-اكسبي الچ وحببي بيچ خلي ما يشوف غيرچ
لا تلاكينا بالمشاكل ولا دگولين فلانه سوت هيچ وفلانه احچت هيچ... خلي يحب اطباعچ ورزانتچ وگولي وقتها هدى گالت

شرار: ملت براسي مباوعه عليها ثواني صافنه بكلامها وهمست بغصه ومنا صوتي منبوح:- وذا چان ما يطيق يباوع بوجهي شسوي هنا.؟

هدى: شلون خيه مافهمت

شرار: حمم اقصد اذا چانت تصرفاته زينه بالاول بعدها تغير عليچ وكام ما يطيق يباوع بوجهچ هنا شنو اسوي.؟ اذا هوَ ما يريد يباوع بوجهي وحتى كلام يجرحني بي هنا شلون راح اكون منه طفل وانا وابوه مانعرف مصيرنا

هدى: صخام يمعزايه لچ خيه هذا رجلچ ماكلها

شرار: شماكل.؟

رفعت ايدها غمت كصتها راده عليَّ وانا رأسًا درت وجهي مباوعه على خالة تحچي ويا المرّة الي جاية ويا هدى ومندمجات، رجعت نظري مركزه بالكلام راح تحچي

هدى: خيه رجلچ شلونه چان وياچ.؟

شرار: حباب

هدى: وهسه.؟

شرار: نفس ما گتلچ ما يطيق يباوع بوجهي ولا حتى يحچي وياي

هدى: خيه رجلچ مسويله عمل

شرار: عمل شنو مافهمت

هدى: شبيچ يعني وحدة مسويتله سحر ومخليته ما يباوع بوجهچ، تلاحكوله لا يشحتچ أنتِ والي بطنچ

شرار: سحر شنو خيه وين اكو سحر

هدى: أنتِ وين گاعده هههههه وما سامعه بالسحورة
لچ خيه ثلث المكابر من ورا السحورة، السحر ياكل ويشرب بأبن ادم

رجف گلبي خايفه لكن ما مصدگ ضرار هوَ من اولها ما طايقني مو مال سحر واصلاً منو الي تسويله سحر
شني كوثر... لا لا ما توصل بيها الهل درجة حتى لو هيَّ تحبه بس ما تسوي هيچ اي اي

هدى: وين صفنتي خيه

شرار: رفعت نظري الها وصفنت بوجها ماعرف شرد ظليت على هل وضع ثواني
ورديت عليها بكم كلمة:- لا ما اتوقع ولا راح اتوقع اكو وحدة تسوي اله لان هوَ ما راغـ..

قطع كلامي صوت البنيه التسجل، وخرت عيني من هدى مباوعه الخالة كامت وهتفت

دانه: يله يمه گومي اجه سراچ

كمت وهدى ظلت گاعده، دخلنا للدكتورة
الدكتورة مرّة وسطه عمر، باوعت النا ورحبت بينا وخالة وهتفت وهيَّ تمد الها ورقة التحليل

دانه: دكتورة چنتي صارلها بالاسبوع فلاونزه ولعبان نفس ودوخه ومساع رحنا المستشفى الدكتورة ودتنا على تحليل وطلعت حامل بله شوفيها وتاكدي على وضها وضع الطفل

هزت راسها واشرت الي امشي على الحاجز
وظلت خالة واكفه، صعدت وهيَّ شوي واجت اشرتلي انزع العباية نزعتها وبعدها انطتني مثل البطانية خفيفه غطيت بيها نفسي وبس بطني طلعتها

مدري شحطت على بطني واخذت جهاز ظلت تمشي على بطني ظلت على هل وضع ثواني وگالت
الدكتورة: ست شرار حامل الها اسبوع لان الجنين كلش صغير ما بين حتى بالسونار

دانه: يعني هسه هيَّ حامل.؟

الدكتورة: اي امي حامل بس الحمل باول اسبوع والجنين كلش صغير چنه نمله.. وأنتِ مامه صارلچ شگد من آخر شهرية.؟

صفنت بالفراغ ثواني ورديت عليها ماعرف بالتحديد
الدكتورة: شگد باليوم شطفتي منها

شرار: 19 بالشهر

الدكتورة: ياشهر

شرار: 12

الدكتورة: اها وحنا اليوم 28 يعني صالها شهر وسبوعين يوم اذا انتِ كل شهر طيح عليچ يعني عمر الطفل سبوعين لان الحمل يبدي باول اسبوع من الدورة الشهرية لذلك يا خالة چنتچ عليها اسبوعين

دانه: الحمدلله على كل حال.. بس دكتورة هيَّ تقريباً صارلها بالاسبوع فلاونزه موتتها واليوم گعدت تبچي من جسمها وراسها

دكتورة: خالة الفلاونزة فايروس هذا والحوامل ما عدهن مناعه بفترة الحمل لذلك تتعب أكثر من الانسان الي طيح بي فلاونزه، لذلك راح اسجل الها علاج وانتم شگد ماتگدرون تخلونها تشرب ماي وليمون أو ليمون تقطعو الها شراح
وهم المشروبات الحارة خلت تكثر بي وخلي شگد ماتگدر تبتعت عن مشروبات الغازية وتعتني باكلها حتى لا تتعب اثناء الحمل ولا الطفل ينولد هزيل وتعبان

دانه: ان شاءلله انا اعتني بيها وهتم بأكلها

الدكتورة: لچ وين لاكيه هيچ عمايه هنيالچ عليها والله

باوعت على الخالة ابتسمت بوجها بهدوء، صح خالة ماكو منها انا هذا المحظوظه بي
ردت عليها خالة تشكرها وهيَّ اشرت ليه اكوم
كمت من السدية وطلعت الدكتورة وخالة وراها وعدلت ملابسي وطلعت وراهن

الدكتورة: كتبت الكم الستعمال شلون وهم گولي الصيدلاني يكتبلكم على العلب وعلى الفيتامينات وان شاءلله كل 19 بالشهر تدخل بشهر جديد وتجيني افحصها وشوف وضع الطفل

هزت راسها خالة بخوش وطلعنا وصارت عيني على هدى، ابتسمت بوجها وهيَّ كذلك
كامت وحنا سلمنا عليهن ونزلنا، هل يا ترى راح اقابل هدى مرّة ثانية لو الصدفة جمعتنا بهذا المكان وبعد ما اشوفها

دخلنا للصيدلية البصف العمارة ونطت الورقة خالة الولد كمل وظل يعلم بخالة حاسبته وخذت العلاگه وطلعنا متجهين السيارة باوعنا من بعيد نزل غسان ووصل قريب منه

غسان: ها بشرو.؟

دانه: صارلها حامل بالاسبوع الثاني والفلاونزه العدها سجلت الها علاج وفيتامينات وان شاءلله تروح بالعتناء والكل الصحي

غسان: الف مبروك مرة ثانية ان شاءلله يتربع بعزكم

شرار: شكراً

غسان: روحو صعدو بين ما اجيب كم شغله من الاسواق

مشى ومشينى صعدنا، باوعت على الطريق ثواني اريد افكر ويا روحي وقطع كلامي صوتها

دانه: شرار يمه لا تحچين الاحد أنتِ حامل

شرار: ليش.؟

دانه: احسن امي ماريد الوادم تحط عيونها عليچ وأنتِ باول اسابيع

ابتسمت هازة راسي رديت عليها وانا احط راسي على الجامة: وبيت ابوي هاشم هم ما احچي.؟

دانه: لا انا احچي الهم ووصيهم محد يحچي الجماعه المنا ومنا بينما دخلين بشهر الثاني

هزيت راسي بخوش،ورا ما سكتنا بثواني انفتح باب السايق وصعد غسان انطه علاگه الخالة

غسان: سلكن رواچن منا ما نوصل

دانه: مو زين الحلويات عليها

غسان: ها بدت رحمة الله، تخلي البت تاكل ام الدون

دانه: والله مو زين عليها الدكتورة گالت تاكل أكل صحي

غسان: اي عود من نوصل للبيت ابدي وياها أكلچ الصحي، خليها هسه تاكل تفتح ريگها وجها اصفر، ترا مو زين على حفيدچ ام الدون

دانه: هههههه ولا دگعد راحه

ابتسمت بهدوء فرحانين؟.. وهوَ اذا عرف راح يفرح ميخالف وذا ما فرح عادي تكفي فرحة خالة تسوى عندي كلشي، المهم هيَّ فرحانه

لكن وانا.؟ شنو شعوري.. فرحانه... لو انا مثل ابو
لاتخاف ماما انا مو مثل امي.. انا ماعوفك ماما حبيبي، اسفه حبيبي اسفه لان ضجت مساع اي اسفه الشيطان لعب براسي.. اسفه امي أنتَ اسفه

فزيت على صوتها
فتحت عيوني مباوعه الايدها ممدوده گدامي بيدها كيكة وبطل ميزو، باوعت على البطل وتذكرت اول ما اجيت ويا ضرار وعمو هاشم، شربت هل بطل وانا مكسرة الخاطري أما هسه راح اشربه وانا مكسور گلبي ونبض ينبض بطني

اخذتها منها وبديت أكل منا ما وصلنا للبيت وكف السيارة وگال

غسان: انزلو وفتحولي الباب

نزلت انا اول وراي خالة سدت الباب السيارة ومشيى الباب البيت فتحت الباب الكراج خالة ما قبلت انا فتحته على حيله ودخلت وهيَّ دخلت وگالت بصوت بس انا اسمعه بعد ما اجت مشت يمي

دانه: لا دگولين الضرار أنتِ حامل

درت وجهي اريد ارد عليها وقفني خروج ضرار من بيت اسماعيل ورا حليمه واكفه بالباب
بلعت ريگي تكرارًا ومرارًا شيسوي هنا.؟
مدري شلون ورفع راسه وباوع عليَّ وعلى خالة
صفن علينا ثواني ودار وجها مباوع للباب من طلعت كوثر ورا امها بدون حجاب، باوعت عليه وعلينا والف علامه ستفهام صارت براسي

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

-وردةةة

طفيت المكينه ورديت عليها وخرت الدشداشة

وردة: ها

فتحت الباب بينما انا لكطت الخيوط الطالعه وكصكصتهن بالمكص وهيَّ وكفت بالباب

-اليوم ترحين لولا.؟

وردة: اي

-شكم يوم باقي الچ على التخرج.؟

وردة: اسبوع

-اها خوش باجر عندچ هم محاضره لولا.. اذا ما عندچ خلي نروح العيال قربة ويا ام عليا زحمة المرّة صارلها اسبوع زحمة منهم وهيَّ توصل

عدلت الدشداشة مباوعه عليها حطيت الدشداشة بالسله ورديت عليها وانا اخذ القطعه المفصلة الثانية

وردة: خليها عكب باجر نروح عندي عطله

هزت راسها بخوش وطلعت وانا رجعت اكمل العندي
النسوان يردنهن وما دام بقت بس هاي خلي اكملها وخذهن وياي انطيهن الهن

كملت كلشي وحطيت كل قطعة بعلاگه وكتبت الاسم مالتهن خاف اضيع بيناتهن، وطلعت من الغرفة اساعد مريم بالغدى قبل لا يجي ابوي
دخلت يمها بالمطبخ باوعت على الطباخ مسوين تمن وماش

وردة: اكو شي اساعد بي.؟

مريم: لا كملت ما عندي شي

هزيت راسي بخوش ومشيت فتحت الثلاجة باوعت بيها مخضر من كل وحدة ثنين، لازم من ارجع من المعهد اتسوك كم شغلة ابوي ما جاي يلحك على البيت وهوَ كلها تكسي والمصرف هواي ما يكفي رغم احنا كلنا ثلث نفرات بس شغله تعبان

خلي بس اكمل معهد اظل اسوي فراشات وتفق ويا المحلات وبيع عليهم وخلص كم شغله للبيت
ولو اگدر اسوي غير شغله حتى ما نحتاج شي بس ماگدر اسوي شغلتين بنفس الوقت اتعب ولا اگدر اخلي مريم تسوي شي لان هي شايله البيت كله خطيه

سديت الثلاجة ردت احچي وانفتح الباب الشارع دخل ابوي وفتح الباب على حيله برجله ورجع طلع شوي ودخل شايل بيد وحدة صندوگ ويا طفل معاونه باوعت على الصندوگ بي علاليگ هواي

رأساً اخذت الشال من باب المطبخ ورحتله اخذته منه والطفل طلع باوعت على الصندوگ وحطيته بالارض وراح سد الباب فتحت العلاليگ جايب انواع المخضر وياهن دجاجة

وردة: ليش جايب انا ردت اتسوك من اروح المعهد

احمد: انا لو أنتِ نفس الشي

وردة: شلون يابه

احمد: شني شلون بويه غير اجيب البيت چا قابل يظل فارغ

-بابه شغلك تعبان زين يكفي للعلاج

احمد: الحمدلله خير من الله، وعلى طاري شغل ذكرتيني لكيت شغلة مرتبه وهم مو متعبه

-اي

احمد: اليوم الصبح اخذت رجال وسطت عمر المنطقة قريبة على بيتنا عندا كرايب هنا وظلينا نسولف على الشغل تعبان ومن هل حچي وهوَ قترح عليَّ اشتغل بالمحل ماله مال حلويات يعني ياخذ كميات چبيرة من المصانع ويبيع على اهل المحلات الجمله

-اي

رد عليَّ وهوَ يروح يگعد گدام باب المطبخ وانا شلت الصندوگ وعبرت من يمّه حطيته ومريم وانا نعزل بالمسواك ونسمع كلامه

احمد: انا كيفت بس ستحيت منه بس هوَ لح عليَّ
گلي اريدك بس من ساعة سته الصبح الحد الـ12 الظهر ودير على العمال الموجودين وبيدك السجل المحل لان أنتَ رجال چبير وماريد واحد صغير
مايعرف بهذا الشي وهم ما اثق بياهو الچان وأنتَ من شفتك ارتاحيتلك

مريم: ويخصصلك راتب يومي لو اسبوعي.؟

احمد:هو گال يومي خمسين

مريم: نعمة خير من الله احسن ما تفتر بالسيارة ومشلوع گلبك

احمد: مو بس مشلوع گلبي الوادم من تشوف تك ايد تخاف خاف تنكلب السيارة وما اسيطر على السواقة

فرغت الطماطة بالسله مباوعه الايده بقهر انشلت تماماً مايگدر يحرك اطرف من يمها وهم من يسوق الازم ايد وايد ستيرن هذا مدري شسمو
وصعبه عليه سوده عليَّ، بس شنسوي هاي العيشة
حامدين الله دوماً

مريم: الحمدلله على كل حال، وهسه كوم يابه غسل وصلي بين ما اجيب الغدى

هز راسه بخوش وكام وحنا كملنا البدينا ونقلنا الصينيه للصالة

وردة: كملت يابه

ذب السبحه من ايده ورد عليَّ وهو يباوع على الصينية : بس صلاة العصر

مريم: تغدى نوب صلي

قربت الصينية يمّه واشرت المريم تگعد ورحت جبت صلاحية ماي ورجعت يمهم.. ظلينا ناكل ونسولف على مواضيع عامة منها المعهد مالي والي لازم آخر يوم ادفع المبلغ النهائي، لان دفعت نص بالمقدمة ونص بالاخير لانهُ فلوس العند ابوي مو كافيات ومديرة المهد تساهلت وياي

وتعالي هسه منين ادبرها، وانا ماعندي غير تفاليس الي احصلهن من الي يخيطن عندي
وهسه اذا اروح اخذهن منهن كلهن ما يطلعن عشرين الف

تنهّدت وكمت شلت الصينيّة غسلتها ومريم سوت جاي وخذته البوي وانا رجعت الخياطة اكمل باقي الملابس... خلال تعليمي بالمعهد اخذت ايدي بساع لان هاويه الشغله بشغف اريد اعتمد على نفسي وطلع وارد يكفيني ويكفي مصروف البيت

وان شاءلله بمرور الوقت اگدر اسيطر على الوضع اذا الفكرة مال الفراشات تنجح وانا متأكده راح تنجح
لان قليل احد يسوي هيچ شغل بس اجت فكرة بالي ليش ما اشتري هسه وياي قماش وفصل مخادات وراويهن النسوان.. اي والله فكرة تخبل وراح يرغبنها على الرخص

ظليت افكر اجيبها منا واخذها منا، على ما كملت العندي وباوعت على الساعة بالثنتين ونص
وانا لازم بثلاثة هناك، رأساً لميت الملابس الكملتهن بعلاليگهن وكمت حضرت نفسي ولبست عباتي وجواريبي وطلعت ابوي نايم ومريم كذلك رحت دكيت الباب غرفتها ودخلت باوعت عليها بسابع نومه خطيه اگعدها خليني اروح همه يدرون راح اروح

سديت الباب وطلعت من البيت
باوعت على الشارع يصوصي محد بي الناس كلها نايمه رجعت عيني مباوعه على المكان الي يصف سيارته بيها دومه، مرتاحه هاي صارلي تقريباً سبوع ما اشوف سيارته

الحمدلله هواي ارتاحيت ولو هوَ ما مضوجني بس وجوده يلفت النظر والعالم كلها تباوع عليه
وانا لو اعرف ليش واكف هاي الاشهر كلها اعرف ما يمل ما يچل. اذا بله على گولت قربة يحبني مو هيچ مكابل البيت وگاعد فزاعه خو ما فزاعه

ولو انا بيوم الگلت القربة صعدت فوك السطح وشفت السيارة مالته مصفوفه وضحكت وكتها مادري على شنو والله من شفته ضحكت ضحك ماصاير وزين وقتها ما احد سمعني

يعني... انتقد... احچي... ارزل ماعرف شحچي يعني ما راح اشوف ولا شفت مثله الى قابليه يوكف هل وكفه يعني ما عنه شغل عمل أو اهله وينهم معقولة
ما يسالون عليه ابنهم وين هل ساعات كلها

هزيت راسي ومشيت للمعهد وانا احچي ويا روحي عليه ومدري شجاني كل ما اشوف سيارته ماكو استفقده... مو اگول ليش ماكو لا اگول شعجب ما اجه

تنهّدت لازمه العلاليگ زين مريت للبنيه دكيت الباب
شوي وطلع ابنها گتله صيح ماما شوي واجتني تلف بحجابها والطفل وياها نفسه الي چان يجيب الي حلويات سلمت عليها وطلعت العلاگه البيها ملابسها

وردة: هاي ملابسچ

-فدوة اليدچ ردت اودي حمندل الچ العصر من تجين من المعهد وجيتي أنتِ

ابتسمت بوجها وهيَّ رجعت هتفت
-تاني هنا هسه اجيچ

هزيت راسي بتمام ومشت باوعت عليه حمندل وگلت
وردة: اي حمندل عمو ابو السيارة هوَ الي چان ينطيك الحلويات.؟

حمندل: ياهوَ ابو التاهو.؟

وردة: هلو هلو نوب تعرف السيارة.. المهم الحلويات الچنت تجيبهن منو ينطيهن الك احچي الصراحه

حمندل: خطيه خالة گال أنتِ تبچين وهوَ يجي هنا يساعد الاطفال وينقهر عليچ وينطيچ لان گتله أنتِ تبچين واخوچ يضرب بيچ وهوَ انقهر عليچ

فتحت عيوني وحلكي راده بصدمة
وردة: هلو هلو هاي بعد شگايل.؟

حمندل: گتله... أنتِ تبچين واخوچ يضرب بيچ وهم تحبين الحلويات والشعر بنات لان تذكرين من تصيحين عليَّ اجيب لچ شعر بنات

-اي.؟

حمندل: اي وگتله هيَّ تشتغل خياطه تخيط الامي والعماتي

وردة: انجبيتك شوکت مخيطه العماتك هيَّ امك واول مرة

حمندل: غير اخلي يجي يخيط يمچ

وردة: شخيطله يالغبر

حمندل: اي... اي ترا ما احچي

وردة: دكمل قبل لا تجي امك

حمندل: اي هاي هيَّ ما گلت شي بعد

وردة: لا تچذب

-والله العظيم ما اچذب ما گتله بس هيچ

وردة: انا اوزع أنتِ ما يصير طلعين

رفعت تك حاجب راده باستغراب حقها مستغربة وين انا اطلع اتحرك غير المعهد ورجع

مريم: شعجب.وشني هسه يله عرفتي ما يصير اطلع.؟

وردة: اي انا ماعندي شي، شعندي ارجع من المعهد وساعدچ ووزعه، أو أنتِ سوي بين ما اروح ورجع وبس ارجع اوزعه

-خوش الله كريم

گالت هيچ وطلعت،احسن فرصه اجتني اذا ما احچي ويا هسه ماگدر بعد احچي.
ولو شلون راح احچي ويا شكله بله.؟
اگله اذا اشوفك اگول لبويه.
لا... لا اگله والله بالله اذا اشوفك هنا واكف يصير شي عمرك ما شايفه

لا... لا ما اگول والله بالله اگول اخي المحترم.
هه منين اجا الحترام... لا... لا اگله اخي رجاءً لا توكف هنا وكفتك گدام البيت مالنا شيسموها مو عيب
ما عندك خوات.؟ اي... اي اگول هيچ بهدوء
وذا ظل يراوغ ابدي سلوب فيفي عبدو ولو مو اخلاقي بس ابدي هيچ ويا حتى يتوب

زفرت انفاسي اهدئ نفسي ورجع طبيعية منا الباجر
سحبت نفس طويل زافرته ومشيت طالعه اساعد مريم بالعشى حتى بس اكمل ارجع اقرأ قران
مر اليوم بين التفكير والشغل الخياطه منا ما كملت ونطمرت ماريد اشغل بالي بالتفكير

گعدت الصبح عرفت ابوي رايح للرجال الي گال عليه
راح يشتغل عنده الصبح والعصر بالسيارة
مر اليوم طبيعية وماعرف الاستاذ موجود لو ما جاي وصاف السيارة، بله هسه من اروح المعهد اشوفه

كملت العندي وطلعت من البيت، وباوعت على الشارع ماكو هوَ... وحدة من الثنين يا أما ما يجي يا أما بعد شوي يجي.. وهاي اول مرة ادعي يجي لان اذا ما احچي ويا اليوم معناه انسى احچي ويا

خليت وكملت طريقي المعهد، وصلت وبدينه التعليم منا ما كملنا صايره بالخمسة الى عشرة بين ما اوصل للبيت هلبت اشوفه موجود

طلعت من المعهد اشتريت من السواق حلويات اضيع وقت.. اشتريت وطلعت مشيت على السريع حتى الحك خاف اتخر على مريم ونوب تطلع هيَّ توزع وتخرب الخطة

وصلت للبيت وانا عيني تباوع على مكانه
منا ما لمحت سيارته وضحكت فرح.. الحمدلله الحمدلله... وخرت عيني منه وصعدت الدجه ودكيت الباب على السريع شوي وانفتح باوعت عليها وهتفت وانا ادخل

وردة: بس لا وزعتي.؟

سدت الباب وردت عليَّ بينما انا اروح المطبخ وهيَّ وراي: منتظرتچ وگلت بس تتاخر اوزع انا راح تصير المغرب

وردة: هم زين اجيت

دخل للمطبخ مباوعه صابه بالكوس وحاطة عليه مبروش، نص حاطه بالصينيّة ونص على الكاونتر عدلت عباتي ومشيت اخذت الصينيّة وطلعت وهيَّ وراي فتحت الباب وطلعت وزعت الجوارين البصفنه لان احنا بيتنا بنص فـ التوزيع اخذته منا ومنا

كملت منه ورجعت اخذت الثاني وجبه وعبرت على الصفحة الي گدامنه كملت منها وبقى بس واحد رأسًا مشيت صوب سيارته دكيت الباب وهوَ باوع رأساً باوعلي بنظرات غريبة وبتحديد عيوني
اول مرة اشوف شخص يباوعلي بهل شكل
وخرت عيني عنه واشرت بالصينيّة اله
فتح الجامة وقدمت الصينيّة اخذ الماعون وگال

فياض: واصل

وردة: بدون واصل ولا دافع... من الاخير اخي لا توكف گدام بابنا رجاء، گلي ما عندك اخوات ومكابل باب بيتي.؟

فياض: لا ما عندي اخوات

خزرته وباوعت داير مدايري ماكو ولا طير الوادم كلها ببيوتها دنيا مغرب راح يأذن رجعت نظري عليه وهمست بحدة وصوت حاد

وردة: لا توكف گدام بابنا خوش... لا والله تشوف مني شي عمرك ما شايفه

فياض: شتسوين

رد عليَّ بهدوء ونظراته غريبة تباوع المعاني وجهي بنظرات مو شهوانيه.. ماعرف نظراته تختلف عن نظرات حازم الي من خطفني
رأساً خزرته وگلت بعصبيه وهوَ شبه ابتسامه انرسمت على شفته

وردة: واللهِ واللهِ اذا اشوفك گدام بيتي
اجي اذب نفط على سيارتك وحرگك أنتَ وياها وحق علي

فياض: فدوة الچ السيارة والگاعد بالسيارة

يتبع...

26

‏ .

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

.
.
.

درت وجهي اريد ارد عليها وقفني خروج ضرار من بيت اسماعيل ورا حليمه واكفه بالباب
بلعت ريگي تكرارًا ومرارًا شيسوي هنا.؟
مدري شلون ورفع راسه وباوع عليَّ وعلى خالة
صفن علينا ثواني ودار وجها مباوع للباب من طلعت كوثر ورا امها بدون حجاب، باوعت عليه وعلينا والف علامه ستفهام صارت براسي

بلعت ريگي المر اريد احچي كلمة ماگدر الزمني السكوت ولساني صار خشبه، بس عيوني ظلت تبصبص عليه، وين هاي المده كلها الصبح ماكو
وهسه راجع قبل موعد جيته من المحل، وليش بالذات چان بيت اسماعيل وكل هذا كوثر طلعت ورا بدون حجاب.!

عصرت العلاگه بقوة موخرة عيني منه مباوعه على خالة ومرجعه نظري الهن الي بسع حليمه ابتسمت وگالت موجها كلامها الضرار

حليمه: فدوة الطولك عمه الله يخليك الامك، لو ما أنتَ چان حتركنا والله

ضرار: واجبي هذا

دانه: شكو.؟

باوعت الخالة ورجعت نظري بالتحديد الكوثر الي تباوع علينا برود تام، بطني مغصتني مغص احس مصارين بطني انشبشن سويه
اگول مالي علاقه ومالي علاقه، بس من اشوف بعيني اموت الف موته صعبه عليَّ حتى لو ماكو شي بس صعبه من اشوف بت عمه تحمل مشاعر اله وتريد تسحبه الها بكل طريقة انا هنا شسوي.؟
اذا رجلي ملصوم على حلكه ومن احچي ويا لو اتقرب منه ينفرني، الي يگول شايف عزرائيل کدامه

تحمحمت ابعت الغصه الترست بعلومي، ودرت وجهي ماشيى عنهم بينما غسان دخل السيارة وانا مشيت من جانب الحديقة امشي بروح تايها ماعرف شنو مصيري انا والي بطني... ويا انسان ماعرف شيريد بالضبط

امشي بلا روح حتى الكلام طار من راسي
نفسي تعبت خلال هاي الساعات او الايام العشتهن
وياه كلهن شهر ومدري شگد وكل هذا صار
بعد شراح يصير غير كل هذا.؟

وكفت بنص الطريق،رافعه ايدي عاصره عيوني بقوة ماريد تنزل دمعه... اي اي دمعتي صارت رخيصه من دخلت هل بيت الهل لحظة

مسحت عيني، ساحبه نفس بصعوبه ومشيت مكمله طريقي، ويا ما جاي الوف حتى امشي البيتنا وقفني صوت نرجس،وكفت دايره وجهي مباوعتلها بدون ما ارد عليها، اجت ركض عليَّ وكفت گدامي باوعت على العلاگه البيدي وگالت

نرجس: شگالو الچ.؟

باوعت بعيونها ثواني بنظرات تشرح.. تعب.. خذلان.. كسر خاطر.. كلشي تجمهر بنظراتي لو العيون تحچي چان عرفت الي بگلبي، بللت شفتي زافره تنهّيده راده عليها وانا امشي وهيَّ سمعت اول كلمة واجت مشت بمستواي مدهوشه

شرار: حامل... طلعت حامل نرجس

نرجس: چذابه ؟

شرار: ياريت اچذب ياريت يانرجس ياريت

گلت هيچ والخنگه چلبت بزردومي
هيَّ رأسًا بس سمعت نبرة صوتي مدت ايدها شبكت اذراعي وظلت تمشي وياي البيت

نرجس: ما راح اگلچ ليش دگولين هيچ لان الي صارلچ انا چنت شاهده عليه، بس يا اختي الغالية بعد أنتِ حامل والطفل انزرع بطنچ
بعد شتسوين تروحين تعارضين على امر الله
لو ترحين تذبين الطفل

هزيت راسي بالنفي مباوعه عليها وانا اوصل للبيت
شرار: مستحيل مستحيل اسوي هيچ شي
انا صحيح ما ردت هـ..

نرجس: ادخلي جوه نكمل الجماعه اجو هذوليچ

درت وجهي مباوعه وراي خالة وضرار يمشون بنفس المستوى وخالة تحچي ويا مبين من شافها تتحرك وهوَ ساكت ويمشي منزل نظرة الارض
ثانية لا أكثر وانا اباوع الهم وهوَ رفع عينه بتجاه البيت وصارت عينه بعيني رأساً وخرت عيني عنه
وخرت ايدي من نرجس وفتحت الباب ودخلت وهي وراي، مشيت بوجهي اريد ادخل وهيَّ گالت موقفتني

نرجس: تعالي هيو وين موليه.. تعالي نگعد هنا على المرجوحه

باوعت على المرجوحه ودرت نظري الها
ضحكت بداخلي متذكرى اول ما دخلت هل بيت وشفت المرجوحه، شگد تخايلت اعيش حياتي مرتاحه حتى لو هوَ ما يحبني بس كله مجرد خيال

الواقع اصعب من الحچي... والخيال واسع
واقعنا راسم النا حياة غير الحياة الي نتخايلها ونعيشها بهدوء وسلام
يالهو من خيال واسع يتسع للكل الى الذاتي انسد وقبط بوجهي

نرجس: وين صفنتي

باوعتلها بينما باوعت وراها دخلت خالة وراها ضرار
وخرت عيني عنهم ومشيت للمرجوحه بنهاية الحديقة الي مقابيل الاستقبال، مشيت وكفت کدام المرجوحه
گعدت وگعدت هيَّ بينما خالة هتفت وهيَّ توكف بوسط الكراج

دانه: تعالي يمه ادخلي الجو بارد وأنتِ منا بالضيم

نرجس: الجو حلو وهاي الشمس بوجهنا وهيَّ لابسه ملابس خليها هنا گاعده طكها الشمس شوي

سكتت مباوعتلي هزيت راسي الها وهيَّ مشت ورا ضرار الي رأساً دخل جوه، ما كلف نفس وسأل مثل الوادم شبيها هاي الصخلة شبيها ما بيها
تنهّدت بحسافه... شمنتظرة ست شرار يستقبلچ بالحضان ويگلچ شبيچ حبيبتي
انچبي وبطلي تُخيلات عيشي واقعچ المرير

نرجس: شبيچ خيه شمالچ تصفنين

باوعت على الشجار ورديت عليها وانا الزم الحدايد الگاعده عليهن وهز بالمرجوحه برجلي