شرار:تعودي خيه تعودي

نرجس: وعليش يابه منو يسوه.؟

باوعتلها صافنه بكلامها راده عليها وانا اهز بالمرجوحه
وعلى نص كلامي درت وجهي عنها

شرار: منو يسوه.؟.. صح من يسوه.. منو يسوه اتعب نفسي وقهر روحي منو يسوه.؟

نرجس: انا... ابوي... عمه دانه... امي... جدتي... البنات
ليش احنا وين رحنا عنچ، هسه صرنا ما نسوه ميخالف بس ليش احسچ بنظراتچ هاي كرهتي الكل هنا رغم همه مالهم علاقه

باوعت عليها وابتسمت بهدوء
شرار: انتم اهلي صدگيني، وما اتراجع بهل كلمة.
ولا راح بيوم افكر مجرد تفكير اكرهه واحد منكم لان

كملت آخر كلمة ونزلت راسي من الدمعه طفرت من عيني بصورة سريعة، ماريدها تشوف دموعي وضعفي الي اجاني بطران على زماني، انا هاي شرار التحملت انواع واشكال من فيصل وبزرته
انحرمت من المدرسة... انحرمت من حريتي انحرمت من كوني شابه تريد ابسط الاشياء بهل دنيا
وانحرمت من ابسط شي هوَ وجبة أكل.

بس تحملت وصبرت وما نزلت دمعه مني هسه شجاني.؟ ليش دموعي تنزل بهل ضعف.. ليش اسلوب ضرار اذاني وتعبني رغم انا شني الشفت منه
بس ايام قليله تنعد على الاصابع
أما حالياً اسلوبه اهون الي بالف مرة من فيصل وبزرته، بس شي بداخلي يرفض وجاي انزف من التعرضله... انا عن نفسي راح اتخبل من تفكيري وضعفي

قطع كلامي الطويل ايد تنمد على كتفي باوعت عليها وهيَّ سحبتني حاضنتني، سوت هيچ لو انا انفجرت
ما حاسه على روحي اشهك والكلمة كوه تطلع مني

شرار: ننـ نررجـس

نرجس: ها يروح نرجس

شرار: ما ما احـ احس نفسي اا انا شرار ذيـ ذيچ
نرجس مــ ما چنت هيچ انا... انا ما چنت هيچ ضعيفه وابچي، نرجس تتعبانه

نرجس مسحت على متني من فوك العباية راده على كلامي بحنان:- احچي الي متعبچ احسبي نفسچ جاب تحچين ويا روحچ... وطلعي كل الي بگلبچ وريحي روحچ ولا تظلين تضمين بگلبچ
وتعبين أكثر وأنتِ منا حامل وياثر عليچ بساع

شرار: شهكت راجفه شفافي، رافعه ايدي سديت فمي راده عليها حتى لا احد يسمع صوتي وشهكاتي:-نرجس ليش انا هيچ يصير بيه.؟

نرجس: امتحان من ربچ

شرار: ما خلص هل الامتحان..؟
من وانا عمري ايام بدت المصايب والحركان گلب
ما كافيها..؟ ما كافي الدنيا تركع بيه من صوب الصوب اخلص من فيصل وبزرته اجي هنا يطلع الي ضرار وكويثر وين اولي ها وين اولي نوب هسه طفل بطني شسوي انا

نرجس: كلشي لا تسوين خوش.
أنتِ من اليوم اتغيري مو الخاطر احد خوش مو الخاطر احد اتغيري الخاطر نفسج٠ والخاطر الي بطنچ وذا رجلچ رجع العقلة هنا أنتِ راح تكسبين الدنيا وما بيها، بس اهتمي بنفسچ وبلي بطنچ
وعوفي الدنيا تنگلب تعدل مالچ علاقه ارجعي شرار خلاسه النسوان ارجعي شرار الي يحچي وياها تلعب بي فلك نفس ما لعبتي بحال كوثر

وخرت منها رافعه نظري مباوعه بعيونها بالعه ريگي
هازه راسي راده بغصه:- راح ارجع نفس قبل لو راح اصير اتعس من هسه.؟

نرجس هزت راسها رافعه تك ايد لازمه كتافي والايد الثانية لازمه وجهي: ترجعين احسن من قبل واقوى انا متأكده، وكل واحد هنا الي راد يدمر بيتچ
يجي يوم وينهدم بيته شلون وكيف محد يعرف. كوني واثقة بالله راح ياخذ حقج من كل واحد اذاج
ونزل دمعتج انتِ يتيمه وربج كال فأما اليتيم فلا تقهر

ما رديت عليها بس صوت شهكاتي واضحه
ودموعي الي بللت اصابع ايدها الازمه خدي
مسحت دموعي وهتفت

نرجس: هسه شريد من هل ساعة تگوم شراري الجديدة تسبح وتريح بالها بماي دافي تريح جسمها وتريح النونو وتاكل وتشبع بطنها وتشبع ابن اختي
من هسه اگلچ اذا ما طلع يشبهني اتبره منچ ومن ابنچ

ابتسمت ونزلت راسي وهيَّ وخرت ايدها عن خدي وكملت بضحكه تريد تضحكني، ولو صح ضحكتني گدرت بكلامها تمتص نص التعب والألم البگلبي

نرجس: اي اضحكي وچ وجهچ چنه جبار اذا تعبسين
اضحكي ما تلوكله بس الضحكه اضحكي حتى تعبانه لو ضايجه راح تنسين كلشي، هل تشوفيني دومني حلكي مفتوح للمكروهه وللمحبوب

نرجس اضحكت ماسحه دموعي وهيَّ رفعت ايدها ضربت منتي:- يله گومي عيني گومي سبحي وتعالي تغدي يمنه مسوين شيخ محشي اعرفچ تحبي وهم خلي نخبر العائلة بهل خبر الحلو

كمت وهيَّ كامت وياي اخذت العلاگه وهتفت
شرار: لا تحچين الاحد انا حامل.. خالة دانه گالت لا دگولين

نرجس: حتى امي وجدتي.؟

شرار: گالت هيَّ دگول الهم

ابتسمت ضاحكه: ام الدون تخاف على ابنها النجر

شرار: مافهمت.؟

نرجس: لا تفهمين احسن ههههه

شرار: اتوقع نفس ما گالت تخاف من العين مدري شنو

نرجس: المهم عوفينا من هل حچي، روحي اسبحي وانا تلكيني بالمطبخ منتظرتچ

باوعت عليها وعلى نفسي راده عليها باستغراب
شرار: نرجس بيه ريحه مو طيبة.؟

نرجس: لا ليش

شرار: شككتيني بنفسي شگد ما گلتي روحي اسبحي

نرجس: دنجبي غير اريدچ ترتاحين
على طاري ترتاحين.. كل ما تحسين نفسچ تعبانه اسبحي بس مو تگيلين بالحمام وتتمرضين ويگولون نجيرس ورطتها

ضحكت هازه راسي مشيت وهيَّ وراي
دخلت مباوعه على خالة. دخلت للمطبخ مباوعه علينا وهتفت موجها كلامها اليه

دانه: شتحبين اسويلچ يمه.؟

نرجس: لا غداها يمنه اليوم مسوين شيخ هاشم
لا اقصد مسوين شيخ محشي يخبل يلوك الحلكها المدعبل

رفعت ايدي غميتها
نرجس: الهم صلي على محمد وآل محمد، رجعت شريرة صلوات على نبي صلوات

شرار: ليش تتحسسيني راجعه من الجبهه

نرجس: لچ شايفه جهرتچ الچلحه شلون چانت وهسه شلون صارت

شرار: تمدحيني تذميني

نرجس: الثنين، ويله ولي كملي وتعالي قبل لا يصبون

هزيت راسي بخوش وعفتها هيَّ وخالة الي ظلت تبحوش بالثلاجة، مشيت للغرفة فتحت الباب ودخلت باوعت عليه جاي يصلي بس شنو كوه واكف وبس يغمض بعيونه ويفتحها...ذكرني بصلاتي صارلي يومين ما مصليه من ورا الفلاونزة
خلي بس ارجع اصليهن اخلي خالة تعلمني

وخرت عيني منه وحطيت العلاج على ميز ومشيت وانا انزع العباية نزعتهن ومشيت طلعت ملابس وجواريب وطلعت سبحت وصح رتاحيت شوي وحس نفسي خفيفه شوي

نشفت شعري زين ولفيته باوعت على روحي بالمراية مال الحمام، صفنت على وجهي اصفر وجوه عيوني سود شبساع تغيرت هل تغير ما صارلي ايام من طحت وهيچ تغير شكلي

اخذت نفس مغمضه عيوني ترست صدري هوى وزفرته وانا افتح عيوني، باوعت على روحي بالمراية وحچي وياها كان احچي ويا انسان گدامي وروحي صافنه على كلامي

شرار: تغيري شرار.. مو الاحد تتغيرين
اتغيري الخاطر نفسچ والخاطر الي بطنچ.
اي محد يستاهل التضحية غير النفسچ والي بطنچ
اي ضحي الخاطر ابنچ
خلي هوَ سلاحچ بهال حياة مثل ما خالة دانه صار الها ضرار عكازة

كملت كلامي والجانب الثاني حجه واحس نعكاس ظلي هوَ الي يحچي وانا ساكته واستمع بدون أي حركه

شرار: صحيح كلامچ بس خلي نقطة ثانية الچ والابنچ
اي شي يصيرلچ أو اذا لعب بذيله ضرار اطلعي من هذا البيت بنفسچ وبالي بطنچ وعوفي كلشي وراچ

-بس شلون.؟

شرار: ماكو شلون.. الى متى تبقين ملطشه الرايح والجاي

-بس هذا رجلي

شرار: وذا رجلچ مو معناه يكسرچ أنتِ والي بطنچ
صيري ذكيه وستعملي عقلچ الصالحچ

صفنت بالمراية منو الي يحچي وياي.؟
هل يا تُرى انا جنيت.؟
لو هاي شرار الي بداخلي... اي اي انا ما جنيت هذا الحچي لازم اخلي ثالث حتمالات حياتي
انا وابني ماعرف شراح يصير بالايام الجاية لازم افكر الذاك الوقت حتى اكون على اعد الاستعداد

فزيت من كلامي على طرقات على الباب، باوعت على يده الباب واجاني صوتها

دانه: شرار يمه شصار عليچ.. بيچ شي احچي

شرار: لا لا ما بيه شي

دانه: چا شجاچ ما طلعين صالچ بالساعة

شرار: هاي طالعه راح اطلع

عدلت الخاولي وفتحت الباب
طلعت وباوعت عليها واكفه ووراها نرجس تباوع عليَّ بقلق ابتسمت بوجهن وهتفت بهدوء

شرار: شكو

نرجس: صارلچ ساعة من صدگ ساعة حتى اهلي يمكن كملو غدى

طلعت من الحمام تزعت نعال ورديت عليها وانا ارجف بعد ما طكتني نسمة هوى:- عادي ما جوعانه

نرجس: تنچبي وروحي مشطي والبسي قبوطچ وجاريب وتعالي

شرار: بعد اكو شي ماما

نرجس: تصنف تروحي فضينه

ابتسمت بهدوء ومشيت دخلت للفرفة باوعت عليه نايم على المصلاية وحاط ايده على عيونه
سديت الباب وهوَ فز موخر ايده باوع عليَّ عاگد وجها باوعلي بهل شكل ورجع ايده على وجها
شماله هذا؟.. نحمد الله اي والله

هزيت راسي بئس ومشيت وكفت گدام الميز نشفت شعري على السريع ومشطه ولفيته ومشيت اخذت الجواريب لبستهن وطلعت شال والقبوط وطلعت هسه يله جسمي دفه

طلعت من الغرفة ومشيت المطبخ باوعت خالة تگلي طماطه واول ما حسن عليَّ دارن وجهن عليَّ باوعتلي خالة من فوك لي جوه تتفحص
شافت الملابس زينه ما حچت،بينما نرجس طلعت وانا وراها

مشينى البيتهم دخلنا المطبخ محد بي باوعنا على الصالة كلها ملتمه، احب لمتهم احس بيها دفو فضيع
كلها ملتمه عمو والولد والبنات والحجية وخالة
باوعت عليهم واحد واحد من گالت نرجس

نرجس: مكان النفرين سوو

باوعو عليَّ كلهم ورحبو بيه گال عمو بحنان
هاشم: هلا بشراره نورت البيت

-بنورك يابه

الحجية: شگالو الچ يمه.؟

بلعت ريكي مباوعه على نرجس ونرجس سبقتني
نرجس: فلاونزه قوية ونطوها علاج

باوعت عليهم واحد واحد وحسهم كشفو الچذبه
رفعت نظري العمو هاشم شرب لبن من الكلاص وعينه عليَّ نزل الكلاص وابتسم

هاشم: تعالن اكعدن يمي تعالن

مشيت انا وياها گعدت يمّه من يم الحجية ونرجس گعدت بين ابوها وبين ستار بعد ما ابتعد عن ابو
صبت النا خالة ام ستار بالمواعين ماخذه من الصينية المقلوب بيها الشيخ محشي، الله انا شفته وظليت امطك اخذت الماعون منها وظليتأاكل بيها بدون خبز لان شتهيتها هيچ

ظليت أكل ومدري شلون رفعت راسي واجت عيني على عمو هاشم يباوع على ماعوني انمسح مسح خرب يومي شگد فشله هسه شيگول هاي ما شايفه
دنكت راسي أكل بالخيار المكصص وضيع الفشله
رغم هوَ ابد نظراته عادية بس استحيت

هاشم: سعاد صبي بعد

رفعت نظري باوعت عليه اخذ ماعوني وانطاه الخالة
باوعت عليه وعلى خالة وهزيت راسي بالنفي

شرار: لا شبعت ماريد لا تصبين خالة

نرجس: انچبي.. ويمه صبيلها خلي تاكل وترجع عافيتهااا

كالت آخر كلمة وجرتها جر باوعتلها وهيَّ كاتمه ضحكتها كوه، خطيه صبت مرة ثانية ونطتنيا وعود عفته على حطته لا والله ظليت أكل وسولف وياهم انفتح لي باب نسيت كلشي ويا گعدتهم وبس اضحك على سوالفهم

رجعت ذيچ شرار القديمه بهاي الفترة
ومرت عليَّ النساوة اعراضها خفيفه عندي مثل صداع ولعبان نفس من أكلات معينه أو حالة البكاء الغير معروفا تجيني الصبح لازم يومية بدون مقدمات ابچيلي خمس دقايق أو أكثر

نوب اسكت ورجع طبيعية وضحك وسولف،بس يعني الحمدلله ماكو هواي تقيّأ ومن هل سوالف بس اذا اشتم ريحه مو طيبة تلعب نفسي وظل اتقيّا
وخطيه خالة سوهة عليَّ معتنيه بيه مثل الماي البصينيّة، لا اتقبل اطبخ ولا انظف وعود هاي امواعين وبالكوه تخليني اكملهن

بهاي الفترة انولدت شرار الجديدة الجريئة القوية
الما تخاف على شي غير الي بطنها وعلى نفسها
اي ما كمت افكر باحد غير نفسي وطفلي الي جاي شوي شوي يكبر باحشائي

كل هل الايام المرت ما حتكيت بضرار اطلاقاً لا هوَ يوصلي ولا انا حتى ملابسه خالة تغسلهن وأكله خالة
تسوي، وما يجمعنه غير النومة ساعة اليل ومن يجي اليل اختنگ الف خنگه من شنو.؟

من حياتي الجاي اعيشها الى متى راح اعيش
ويا انسان ما طايق وجودي لكن من احچي هيچ يصير الطفل گدام عيوني
رغم الحد الان ما حچينه اله ولا الأي احد ما عده خالة سعاد والبنات والحجية وعمو هاشم
وهواي فرحو اليه وبالذات الحجية وعمو هاشم حيل فرحو اعيونهم تحچي الفرح مو بس السانهم
وهذا الشي حيل ريحني وطمني اكو ناس بظهري

وكل هاي الفترة خالة منعت عني أي أكل أكله من خارج البيت ما عده أكل بيت عمو هاشم ليش وشنو ماعرف بس اكو شي يدور براسهن خالة دانه والحجية وخالة ام ستار وحتى نرجس ليش وشنو ماعرف اكو شي يعرفنا وما يردن يحچن

وعلى طاري نرجس ابد ما عافتني بهاي الفترة دائماً تجيني من العصر لليل وتظل تسولف وياي وتضيع وقت عليَّ وهم البنات قربة وغيم الي كملت امتحاناتها هاي الفترة مثل ما گالت وهسه ملتهين ينقلون بغراضهم البيتهم الجديد

اريد اروح الهم اريد اشوفهن مشتاقى الهن ثنينهن وبالذات قربة حيل مشتاقى الها
وكلامي وياها على التلفون ما يشبعني صايره طماعه يا الي احبها اريدها تمشي ويا ظلي
هسه نرجس رغم تجي الي من كيفها بس اذا ما اجتني بيوم اتخبل اسودنها بالمخابرات حتى تجي وقربة لا استحي منها

لان عمتها ستوها كامت على حيلها وهم عيالها وخجل من منها بس عود عايفتها لا والله خابصتها خبص
يله عاذرتني دگلي هرمونات الحمل وعذرچ
لو ما حامل چان انطيچ حظر وهذا الحظر ماعرفه شنو منا ما گلت النرجس ومعنا بعد ماگدر اخابرها الحقيرة

هتنهّدت هازه نفسي بالمرجوحه ومباوعه على السماء
الشمس طالعه من بين الغيوم ومطيه جمال للسماء يجن والعصافير تزقزق بالحديقة وطايرات من شجرة الشجرة...اليوم حلو بكل تفاصيلة الجو حلو اليوم يوم مميز عند العشاق لكن انا ما محسوبه من العشاق.؟
أو محسوبه من المحبين.؟

يله عيد الحب مو شرط للحبيبين انا احب طفلي اكو احب احلى من حب الام الطفلها لا ماكو احلى منه
زفرت نفس منزله نظري مباوعه على الباب اليوم ما اجت ست نرجس، خلي بعد شوي العب بيها فلك

كمت من المرجوحه واخذت كوب الحليب الفارغ وطلعت من الحديقة داخلخ جوه نزعت نعال ودخلت سديت الباب وراي حطيت الگلاص على الكاونتر ودخلت للصالة باوعت عليها گاعده تقرأ بزيارة عاشورة الي كل يوم تقراها وعلمتني اقرها وياها

هيَّ شافتني واشرت الي اجي مشيت يمها اخذت من الرف كتاب صغير بي زيارات معدوده
وظليت اقرأ وياها منا ما اذن الاذان، وكمنا توضينا وصلينا انا صليت صلاة الواجب وصليت صلاة القضاء الي ما صليتهن بزغري

كملت وكمت اساعدها
جاي نحضر بالأكل ونفتح الباب المطبخ ودخل ضرار بيده علاليگ ومن ضمنها علاگه حمرة صفنت على العلاگه معقولة ذكرني.؟
ابتسمت بداخلي احس شعور الفرح مثل الدم الجره بشرايني

نزلت راسي ابعد نظري عنه ماريد احسسه انا جاي اباوع عليه، ظليت احضر وهوَ يحچي ويا خالة بهدوء
انا ما اباوع عليه بس من ينام ومن اصفن عليه شكله مو ضرار الشفته ولا شكل ولا اسلوب
معاني وجها انملصت ملص ودومه يشكي من معدته وراسه، وخالة تتحرمص تحرمص وظالة تشربه اعشاب وهوَ ولا چنه

انقهر عليه من اشوفه بهل شكل وخاف اوصله خاف يعيط بيه لو يطردني عليمن هوَ انا عايزه شو البيه مكفيني نوب افشل نفسي ويظل يعيط عليَّ عليمن

ظليت احضر بالكل ويا خالة منا ماكملنا الأكل وگعدنا كلنا أكلنا بهدوء. كملنا وكل واحد راح المكانه وانا ظليت اغسل بالمواعين وخالة سوت جاي ومشت گعدت يم ضرار كملت كلشي وعزلت المطبخ وطلعت يمهم

ويا دخلت اجت عيني على خالة وضرار ويا ما باوعت عليهم اجت عيني على خالة وبالتحديد العلاگه الحمرة الشفتها بيد ضرار محطوطه بحضنها رجفت شفافي ضاحكه على روحي.. شگد غبيه انا شگد غبيه انا غبيه عضيت شفتي هامسه بهدوء

شرار: يمه محتاجه شي

دانه: لا يمه سلامتچ تعالي گعدي يمنه

شرار: لا شكراً اريد انطرح شوي

گلت هيچ ومشيت بدون ما اسمع كلمة منها
بينما هوَ گاعد يشرب جاي ويباوع على التلفزيون ولا باوعلي ولا شي، انقهرت احس روحي شتعلت نار
شگد غبيه وثوله شلون تخايلته رجع ضرار اول ايام عرسي بس انا خيالي الواسع كون يبطل چان ارتاحيت

دخلت للغرفة ارجف، عليش ارجف ليش انقهرت
شنو جديده عليَّ.! هوَ هذا طبعه راح يصير شهر وعشرين يوم ضبط حاسبتهن حساب

رفعت ايدي مسحت وجهي اهدئ نفسي
سحبت نفس طويل زافرته، كافي شراره كافي غلسي سوي روحچ ما شفتي، ميخالف خالة تستاهل أكثر مني هاي امة.. بس شيصير بي لو احنا الثنين، انا ما نقهرت لان جاب الها... لا والله بس ظنيت اليه لان اعرف عيد الحب الحبيبين

بس أنتِ ياشرار مو حبيبيته لو يحبچ ما چان تصرف هيچ وياچ... انسي شراره انسي وغلسي وروحي خابري قربة الي نفس حالچ
مشيت اخذت الموبايل من الميز ورحت تثخرت على الجرباية ودخلت على رقمها دكيت عليها ماترد
سديت الخط وكتبت

شرار: ويامن تحچين قربانو.؟

كتبت هيچ وثواني وردت عليَّ
قربة: ويا صديقتي شوي وخابرچ

رديت عليها بخوش. وطلعت من الفايبر
وظليت اكلب بالتلفون

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

وردة: واللهِ واللهِ اذا اشوفك گدام بيتي
اجي اذب نفط على سيارتك وحرگك أنتَ وياها وحق علي

فياض: فدوة الچ السيارة والگاعد بالسيارة

كزيت على سناني راه بغيض، شلون يتجرئ ويحچي هيچ عينك عينك:- احترم نفسك ولا تتمادى خوش جاي اگلك والله اذا ما تروح منا احركك أنتَ وسيارتك

ابتسم ضاحك بخفه،عصبني حيل
باوعت عليه ودرت وجهي مباوعه على المكان اتفحص اخاف اكو احد... رجعت نظري عليه من
ما شفت احد

وردة:استغفرالله ربي،اخي افتهم جاي احچي وياك وگلك وكفتك گدم باب بيتنا غلط بغلط افتهم

فياض: وكفتچ هاي هم غلط

وردة: مجبورة افتهم مجبورة...اجي وكوف وحچي ويا واحد ما عنده لا غيره ولا احساس
گلي مگيل هنا شكوو.؟ عم ولد خال بنيه واكف بسيارتك هنا... گلي الي يشوفك شيگول
لو بله اهلك وين عنك ما يحچون، ابنهم وين هاي المده كلها.؟ ياخي اترجاك ابتعد عني وعن كل مكان اوكف بي

فياض: ما مأذيچ انا

وردة: لا مأذيني بس وكفتك گدام البيت شيسموها.؟ الناس ما تحچي ما تباوع ما تسأل.؟
لذلك اترجاك ابتعد منا اترجاك

بينما احچي وتوسل بتعابير وجهي وهوَ صافن عليَّ
بالقيت عليه نظرة غاضبه وعصرت الصينيّة بيدي وهتفت الاخر مرة

وردة: باين عليك ما تفهم الحچي.
بس وعلي. اذا شفتك بعد هنا
اجي اذب نفط على سيارتك وحركك وأنتَ بيها
والي يسأل اگول مخبله ومو بعقلي

فياض: ميخالف

غمضت عيني كازه سنوني ميته حركه لو تصح الفرصه الزمه انتفه تنتف، فتحت عيوني بسع مباوعه عليه وهمست بصوت ناصي

وردة: مستهتر

ضحك بخفه، نظرت اله بغضب ونظراتي مليانه مشاعر غريبة بين الكرهه وبين الغضب وهواي اشياء باوعتله هيچ ومشيت خطوة وهوَ سكت عن الضحك هامس بصوت مسموع

فياض: شسوي الگلبي التسرسح بعيونچ

وردة: استغفرالله ربي واتوب

فياض: عفيه استغفري الله... خوش تسوين بس يابه علقد خاشوكه ناكل بيها قابل أكل بيدي

ما رديت عليه ولا التفت نزلت من الرصيف ماشيى للبيت موجره نار شلون ويا هذا...هذا مبين ما راح يكف عني وانا شلون ويا والله مالي خلك الهل سوالف وتعال اذا الناس لمحته يمشي وراي لو متقصدني انا شيصير بيه غير اطم روحي بستين نكره

صعدت الدجه البيت دافعت الباب ودخلت والدخان يطلع من خشمي واذني چني تنين، حترك دمي فوك ما انا محترك دمي، لو ظاله ما حاچيه ويا اشرفلي على هل حركان گلب

وكفت ثواني واخذت نفس طويل أهدى نفسي لا تشوفني مريم وتشك، بللت شفتي وكملت طريقي للمطبخ دخلت مباوعه على مريم تغسل بجدر المحلبي
من حست عليَّ دارت وجها باوعتلي ورجعت تغسل

مريم: ها زوعتي للكل

حطيت الصينيّة على السنك ورديت عليها بأي وانا انزع عباتي طالعه من المطبخ ماريد اظل وتكشف تعابير وجهي الباين عليها الغضب

طلعت عايفتها وحدة مالي خلك اوكف يمها وساعدها
اريد اصلي وبتعد عن عالمي شوي، اعتزل ويا رب العباد وشكي وحچي الي بگلبي

حطيت العباية على الحبل ونزعت الحجاب ومشيت توضيت وكملت ورحت الغرفة طلعت السجادة والجادر والقرءان

گعدت وفتحته على الجزء الواصله اله
بديت اقرأ نص جزء نفس كل يوم، بس اليوم اذن وانا بعدني بكم صفحه، تصدقت وحطيته على صفحه وكمت رفعت ايدي ويا ما المؤذن كبر وانا ردد بصوت خافت متروس رجاء

يا غنيَّ الأغنياء، ها نحن عبادك بين يديك، وأنا أفقر الفقراء إليك، فاجبر فاقتنا بوسعك، ولا تقطع رجاءنا بمنعك، فتكون قد أشقيتَ من استسعد بك، وحرمتَ من استفرد بفضلك.

نزلت دمعتي بضعف، مكملة بتعب.

ربي، أنت أعلم بضعفي وقلة حيلتي.
ربي، أنت أعلم بانكساري ورِقَّة بدني.
ربي، أنت أقرب إليَّ من حبل الوريد، تعلم ما في داخلي، فاجبر قلبي الكسير.
يارب، يارب، يارب، إنني إحدى عبادك الضعفاء.

نزلت عيني على كف ايدي رافعتهن ماسحه وجهي مصعدتهن ماسحه راسي من الهامه الحد مؤخره راسي، وخرتهن ومسحت دموعي وبديت اصلي

كملت الصلا الفرضين وكمت اخذت الصحيفة ورجعت للسجادة گعدت وبديت ادور على دعاء الشكر
مستمرة عليه بعد كل صلاة المغرب والعشاء، ماعرف اصلي وكوم اذا ما اسبح تسبيح الزهراء عليها السلام ودعاء الشكر

طلعت الدعاء واخذت السبحه سبحت تسبيح الزهراء عليها السلام، بس كملت اخذت الكتاب وبديت اقرأ الدعاء بخشوع وتذلل

كملت آخر كلمة وانا احچي كلمة وطلعها من كل گلبي
لان من صدگ اشكر ربي على كل نعمة انطاني ياها
بس وجودي بهاي الدنيا هيَّ نعمة خلاني من وحدة من عبيده وهواي نعم منطيها اليه احمدها دوماً لان فقدت اعز شي عند البنيه وشفت شنو كثر النعمة البيه
بس ربي ما ياخذ شي بدون أراده، كل شي صار وياي بي اراده اللاهية

سديت الكتاب ورفعت راسي العنان السماء هامسه وجريت نفس طويله "يارب الهمني صبر مولاتي زينب" هذا الاطلبه بكل يوم الصبر ماعندي غير الصبر بهاي الدنيا الصبر مفتاح الفرج وان شاءلله الفرج قريب

كمت نازعه الجادر ولفيت المصلاية وطلعت اساعد مريم مر الوقت بين تحضير العشى، ساعدتها وتعشينا احنا الثلاثه وكملنا وغسلت الموعين ورحت كمل القمشه العندي

ظليت على هل حال منا ما مر الوقت وانا ما حاسه عليه منا ما انفتح الباب ودخلت عليَّ مريم

مريم: حاچيت عمي باجر ياخذنا البيت عيال قربة

-اي

مريم: گال العصر اخذچن ماگدر الصبح عندي شغل بالمحل، وذا رحنا العصر لازم نروح بثلاثه الجو بساع يغورب

-اي بس غير تشوفين ام عليا تروح لولا قابل نروح وحدنا

مريم: خابرتها من جنتي بالمعهد گالت ماعندي شي

-خوش عود گعديني من وقت

هزت راسها بخوش وطلعت وبقيت اخيط شوي وعفت البيدي وكمت فرجت فراشي ونطرحت على ظهري متلفلفه بالبطانية وعيني على السكف
هاجمتني الافكار من كل مكان، هواي كلام بعقلي بي الف علامة استفهام

شنو المعنى حبني من بين الموجودين كلهم
شو درزن نسوان ومن كل الشكال السمره البيضه انواع وكلهن احلى مني بالف مرة، ليش الى انا.؟
اليش موجوده بكل كلمة براسي وماكو الها جواب

تمنيت عندي الجرئ وسأله ليش حبيتني
ليش فاني كل وقتك ويومك على مود انسانه ماتعرف منها أي شي، لا بشنو مرت ولا بشنو عاشت ولا شني بداخلها ولا من شني تعاني

شنو هل حب الغريب.؟
اي غريب عندي. أو الي يسمع أو الي اسولف اله ما راح يصدگ هذا حب من اول نظرة، هه هه حب من كلمة اوكفي، غريب الامر فوك ما حياتي غرببة

تنهّدت دايره وجهي على الحايط ماعرف انام الى على شي گدام وجهي، ظليت هيچ دقايق ونمت ما حاسه على روحي الى على صوت مريم فوك راسي
وخرت البطانية عن وجهي فاتحه تك عين وعين مغضه

مريم: كومي الساعة بالتسعه

فركت وجهي كايمه، وهيَّ گتلت هيچ وطلعت مباوعه وراها متثاوبه، ظليت حوالي دقايق على هل وضعيه وكمت، غسلت وجهي وتريگت
وظليت اساعد بالكدر عليَّ منا ما اجه ابوي وتغدينه وكملنا وعزلنا الغراض وحضرنا نفسنا

طلعنا من البيت احنا الثلاثه بعد ما قفلنا البيبان كلهن
طلع ابوي يشغل بالسيارة وانا ورا
ومريم وراي تقفل بالباب باوعت على الشارع فارغ محد بي، يعني كلامي جاب نتيجه
اي حقه يخاف التاهو مالته تحترك لو يخاف على روحه تحترك والله خوش طلعت اخوف ومادري بروحي

وخرت عيني ماشيى صاعده ليورة واجت مريم صعدت بالصدر مشى بينه للبيت اهل قربة، وصلنا وكف السيارة بالركن ومريم دكت على خالة فاطمة شوي وردت عليها طالعه

صح لحظات وطلعت من البيت جايه بتجاه السيارة مالتنا... فتحت الباب الي يمي ودخلت سلمت ردينه عليها سوى، وبابا حرك السيارة طالع من الفرع
وكف بينه يم اسواق نزل شوي وطلع بيده صندوگ ببسي

اجه الصندوگ السيارة اباوع عليه من المراية ثواني يله فتح الصندوگ باين حط الصندوگ بالارض يله فتح الصندوگ مايگدر يفتح وهوَ لازم الصندوگ

كل ما اشوفه اموت الف موته لو ما الي يتسمى ابنه سوى هيچ چان ما صار كل هذا ولا ابوي خسر ايده ولا انا خسرت ذاتي وخسرت نفسي

تنهّدت دايره وجهي مباوعه على خالة فاطمة بينما ناقلة نظري المريم اشوف ردها وتعابير وجها ويا صفنتي صعد ابوي

مريم: اي اذا كملتو شوگت تتنقلون.؟

فاطمة: بس يطلع ابو البيت احنا ننتقل

مريم: وشوكت يشيل.؟

فاطمة: بس تخلص امتحانات بناته يطلع من البيت وانا هم غيم سوده عليَّ التهت وياي بلم الغراض ودراستها تدرس شلون ماچان

مريم: الله يعينكم

باوعت على ابوي حرك السيارة ماشي وخالة رادت ترد عليها بينما انا قطعت كلامها وهتفت متذكرى

وردة: وين گلتو راح تگعدون.؟

فاطمة: هوَ يم عيال قربة، مو بالفرع مالتهم لا الگدامهم... بيت جبير ومرتب ونظيف

وردة: وقربة تعرف.

فاطمة: لا ما كلنا الها كلنا نفاجئها وهيَّ رادت تجي تعاونها بس سالفة ام ذو الفقار طلعت صفح

وردة: على هل طاري ما عرفو منو الدخلو عليهم

فاطمة: لا والله قربة دگول مطلب بحوش بكامرات العالم الله ينطيهم طلعوهم نازلين من سيارة تكسي بدون رقم... وماشين للبيت وبعد ما شافو شي لان الكامرة باول الفرع

وردة: عجيب منو يسوي هيچ يعني همه لا عدهم عداوة لا شي، منين اجوهم هذول

احمد: بويه الوقت تغير والوضاع تخوف الارهاب والعصابچيه بكل مكان وهذول الداخلين عليهم شوف شمستهدفين عدهم وصايره المرّة بوجهه المدفع وضاربيها

فاطمة: انا هم گلت الهم وعليا خطيه يفتر ويا مطلب ومن صوب الصوب وكلشي ماكو

احمد: الله ستر عليهم

فاطمة: اي والله

غيرو الحوار وظلو يحچون بغير مواضيع وانا بس استمع ما اشارك منا ما وصلنا الهم صف السيارة ابوي بالفرع لان هم يله يروح للشغل، نزلنا اخذنا الصندوگ ومشى واحنا مشينى البيتهم

وصلنا وكفنا گدام الباب دكته خالة فاطمة مرة ومرتين ماكو باوعت على مريم وخالة فاطمة: خاف مو هنا

فاطمة: لا موجودين بس هاي قربة تخاف تجي تفتح

مريم: ليش!

فاطمة: صايره بيها خوفه من دكّة الباب

گالت هيچ ورجعت دكت الباب مرة ثانية وجاها صوت رجال توقعت عمها القربة

-جاي جاي

گال آخر كلمة ونفتح الباب وطلع عمها القربة رحب بينها ذاك الترحيب، دخلنا احنا الثلاثه وهوَ گدامنه ياشر النا دخل المطبخ وطلعت قربة وراها هاجر
حطت الصندوگ مريم گدام باب المطبخ ومشت وكفت ورا خالة فاطمة سلمن عليهم وحدة ورا الثانية وانا آخر وحدة

دخلنا جوه احنا الاربعة وقربة بقت بالمطبخ
دخلنا باوعت عمت قربة گاعده على الجرباية وعينها على مدخل الصالة ابتسمت بوجهنا وهم لا تنقص على ترحيب البقية سلمنا عليها وتحمدنا الها بسلامة وگعدنا يمها

هاجر راحت للمطبخ شوي ورجعت هيَّ وقربة
قربة شايلة صينيّة بيها قواطي وگعك وهاجر بيدها صلاحية وگلاص انطت ماي الخالة والمريم بينما قربة وزعت الضيافة ومريم گالت

مريم: المن حبيبيه والله ستونا أكلنا وجينه

حطت يمها الماعون وردت عليها وهيَّ تخلي يمي ماعون والقوطية راده عليها
قربة: مريمه لا تصيرين رسمية رجاءً أكلي وسكتي

فاطمة: يا يا ولچ

عيدة: عوفيها خيه طابكات عدها

التفت على عمتها راده عليها وهيَّ دگوم تحط گدامها ماعون كعك بدون عصير

قربة: ها يمه ها كلبتي عليَّ

عيدة: هههه.. ينعل بليسچ كوه اضحك.. وين انا اگدر اكلب عليچ غير تكومين عليَّ تنتفين شعراتي

قربة: الي صيتي صار بعد هههههه

فاطمة: ها ولچ شمسويه

عيدة: أكلن خيه أكلن وانا احچي الچن السالفة

قربة: لا انا احچي.. شوفن هاي اول البارحة اجونه بيت عم ذو الفقار خوش خوش.. يمه أنتِ شايفه سكنه الحية.. لا تزعلين يمه عيدة، هيَّ حيه ولا بله عليش تزعلين عوزها تزعلين والله

ضحكت المرّة مباوعه عليها تريد تسمع كلامها أما البقية خالة فاطمة ومريم وهاجر مركزات وياها حالهن حالي

قربة: المهم عيني شايفتها يمه هاي سكنه الحية مرت عم ذو الفقار، كل ما تجي الهنا لازم شايفين لازم تذب سم هل متنه وهل طوله.. ما تخلي كلمة تشعوط وتكهرب ما تحچيها... مرة دگلي كلام ما يلبس عليه ثوب وخلت العياط ماله والي
والمرة الثانية من نخطفت اجتني دکلي خلي ياخذوچ للدكتورة خاف مو بنيه احنا نعرف ابنه بعده ما ماخذچ وخلتني انتل وحترك

هاجر: بكل مرة انا ماكو حرامات

قربة: شنسويلچ أنتِ لابده بعشچ وما تشوفين مهارات مرت اخوچ شتسوي ههههه

ضحكو على ضحكتها ورجعت كملت وحنا صايغين الها قربة: لا والله جديات كل السوته بذيچ الفترة صحيح شلت بگلبي هلگد بس چذب مثل اول البارحة حيل حركت گلبي وانا ما قصرت، خبلتها وسودنتها

فاطمة:شجاچ يمه حتى لو هيَّ غلطانه تبقى چبيرة وعيب تسوين هيچ وياها

قربة: العيب بالجيب ام عليوي
العيب بالجيب من توصل السكنه الحيه
هيَّ حيه انا اصير عكرب بوجها بساع الدغها گبل لا تذب سمها.. هيچ ناس ما اسكتلها

وردة: هاي ياهيَّ قربة ههه

تعجبت ماعرف قربان هيچ متغيرة ما چانت هيچ
چانت تستحي وتحترم الكل ولا الها بالقريب ولا بالغريب باوعتلي راده على كلامي بينما انا صافنه على شكلها المتغير بيضانه وجها سمنان متفح ومن تضحك تضيع عيونها رغم عيونها مو صغار زينات وسط

قربة: تولي قربة الفقيرة... اذا ما اصير حمضل بالزردوم كلمن يأذيني ويأذي واحد من الحبهم.
خيه شنستفاد اذا نسكت الوادم ما محترمه نفسها وفوك كل هذا تجي تحچي عينك عينك ولا تحترم ولا دگول گاعده بيتهم

ردت احچي وگالت عمتها بينما مريم تاكل كعك هيَّ وخالة فاطمة وصافنات عليها مبتسمات

عيدة: ميخالف يمه حتى لو هيَّ مو ادميه بس زحمة من غلطتي عليها

قربة: ءءءءءءء انا...انا غالطه عليها شوگت يمه وين غلطت عليها.؟.كل الي سويته نمت عليها وخنگتها بالچذب

عيدة: لا ابد يمه ما غالطه.. هههه وعلى هاي خنگتچ البچذب خلتها تختلس يو بالصدگ شلون

قربة: اوديها ورا ابوها ههههههه

ظلينا نضحك ونسولف على مواضيع عادية منا ما باوعتلي قربة وشرتلي براسها كامت وانا كمت وياها ومشينا للمطبخ، دخلت وگالت وهيَّ دور وجها عليَّ وتحچي بغمزه

قربة: شنهذا الجمال يابه صايره وردة من صدگ

باوعت على نفسي بالجامة مال الكاونتر ورديت عليها
وردة: شبيه.؟

قربة: غير طكين بالگاع الوجهه يشع ونوب متفح صاير بطيخ

ابتسمت راده وانا اتچي نفسي على الكاونتر وهيَّ اجت يمي وكفت:- ماعرف خاف من الفيتامينات الاخذها وجهي ردت روحه.. اي عوفچ مني أنتِ شلونچ شخبارچ، ذو الفقار شلونه وياچ

سحبت نفس مباوعه على الباب الي يطل على الصالة ورجعت نظرها الي راده على كلامي بحسرة

قربة: نار وثلج

وردة: شلون يعني.؟

قربة: بارد وردة بارد مثل الثلج وانا نار اشتعل وطفه من بروده.. مادري هوَ هذا المرض الي يعاني منه وما يحچي منه

وردة: يجوز أنتِ شمدريچ

تنهّدت رافعه ايدها حاكه جبينها مباوعتلي بنظرات وحدة كوه لازمه دموعها عكس المساع التضحك وتحشش... بلعت ريگها گايله وهيَّ ترجع شعرها النازل منها، ورا اذنها

قربة: ماعرف وردة ماعرف منين ما اجيها احسه مزدوده بوجهي، مين ما اگول راح اصعد بايه بحياتي حتى اعيش حياتي مثل باقي أي زوجين ارجع الاول باية

وردة: ليش شنو الي يخليچ شنو بعدچ تحبـ..

قطعت كلامي هازه راسها بالنفي راده بصوت ناصي
قربة: لا خيه لا... هوَ هذا هم تحسبي حب خيه تصدگين نسيت شي اسمه يعقوب من يوم دخلت هل بيت

وردة: چا شجاچ

قربة: ماعرف هواي اشياء تعيق حياتي
الشكوك.. وعدم الثقة... هواي اشياء
ماعرف صدگيني انا عن نفسي ماعرفها شنو هنه

وردة: تحبي أنتِ.؟

صفنت بوجهي ثواني طافره دمعه من عينها ورأساً نزلت راسها تلعب بسحاب الدشداشة راده بغصه
وصوت كوه يطلع من حنجرتها

قربة: اي.. بـ بس مـ ما يحبني.
اتخايلي هاي المده كلها ويا وما يحبني يا وردة
ليش انا حبيته اول، رغم بي الف علامة استفهام بس حبيته شمعمى هوَ ما حبني.!!!

كملت آخر كلمة رافعه عيونها حاطتهن بعيني
هذا السؤال مو اليه تگولي يا اختي انا شيعرفني بالحب وشيعرفني بالزلم حتى اگلچ شمعنى
سحبت نفس طويل زافرته راده بهدوء

وردة: شنو الصار وعرفتي ما يحبچ.؟

قربة: من خالة نضربت واجه من المستشفى ظليت احچي ويا وما تحملت اسكت وما اگله انا احبك.
گتله وعسى لا گتله

وردة: شگال.

قربة: گال… اسعي انا اريدچ تسعين قربان.
يعني ما شايل ذرة حب بگلبه الي
هسه اجت بالي هوَ مريض وين الحب بس ما معقولة ما عنده مشاعر يحب ويكرهه
حتى لو مو يحبني مثل الحب الانه احبه اله بس بس

وردة: بس شنو.؟

قربة: ماحس راغبني ولا يهواني

وردة: مديت ايدي لزمت ايدها ثنينهن بثنين اديه مباوعه بعيونها وهزيت راسي
وهتفت بهدوء:- شنو معاملته وياج.؟
ولو انا ماعرف بهاي سوالف بس انا من اشوف بابا شلون يهتم بيه ويحبني وكلامه وياي
هسه دگولين هذا اب، صح وياچ بس تعامله وهتمامه
وحبه الي يطلعه بتعامله وسلوبه وياي.. أنتِ هنا هوَ شتشوفين منه.؟

صفنت بوجهي دقيقة وردت بينما انا اباوع بؤبؤ عيونها منتظره جوابها

قربة: حنين مثل ما حنين على هاجر
الأكل من احط يمّه يوكلني بدل ما انا اوكله.
مرات شسمه استفزه وكله مخبل هوَ ما يرد عليَّ
لو يرد عليَّ اكوم لچ وراويچ المخبل وانا اعيدها وما يسوي ليه شي... يعني هوَ حنين بدون كلام يهتم بدون كلام

وردة: ماعرف شگلچ، بس مادام زين وياچ مو ضروري يگلچ احبچ وهوَ ما دام گالچ اسعي انا اريدچ تسعين معناه يريدچ أنتِ تتحببنه بيچ
وأنتِ مادام تحبي سوي الي يريده

قربة: شسوي يعني.؟

وردة: شمدريني انا.. أنتِ اعرف

قربة: استشير خالة عيدة.!

وردة: اي هيَّ امة وتعرف عنه كلشي

هزت راسها صافنه شوي وگالت مغيرة كلامها بينما انا اباوع عليها وتفحص عيونها الحايره

قربة: عوفيني مني أنتِ شلونچ. المعهد كملتي منه لا

وردة: هذا الاسبوع آخر اسبوع اليه

قربة: اها وفياض هم رجع يجي الكم.

غمضت عيني راده عليها هازه راسي بئس
وردة: خيه أنتِ مو گلتي حاچيت حماي، شو اخذله فترة نوب رجع هاي صارله يومين ومدري اليوم هم جاي لا

قربة: والعباس حاچيته وگال راح احچي ويا وبعد نسيت اسأل، لان ثاني يوم شوفت عينچ هذول الما يخافون الله هجمو على البيت ونسيت اسأله بعد

وردة: بس انا حاچيته

قربة: أنـــــــتِ.؟

وخرت ايدي من ايدها وهزيت راسي بأي

وردة: اي امس وزعت ثواب بروح امي وحچيت ويا

قربة: اي وشحچيتي وشرد عليچ

وردة: خيه هذا ما ينرد حچيت ويا بهدوء وهوَ ماكو يگلي مأذيچ انا... گتله والله اذا ما تمشي منا احركك وحرك سيارتك وهوَ يگلي فدوة الچ السيارة والگاعد بالسيارة بله انا شحچي وشسولف

قربة: هههههههههههه

وردة: خير شكو اكو شي يضحك

قربة: لا الله عليچ هيچ گال

-اي وعلي وانا متت اريد اوذره توذر

قربة: هههههههه

-قربة شبيچ شكو تضحكين.

عدلت نفسها راده بجدية بينما انا اباوع عليها ومركزه
قربة: وردة يا وردة فياض انا ماعرفه ولا اعرف منو هوَ ولا شنو يشتغل خوش
بس من كلام مطلب بي معنا من صدگ يحبچ
ورايدچ بس هوَ لو صدگ يحبچ چان اجه تقدملچ
وما ظل هل وكفه باب بيتكم

وردة: ماريده يتقدملي، ولا شي كل الي اريده يبتعد عني... وتعالي أنتِ ما تعرفين انا بيه شغلتين وهوَ بعده شاب شلون اهله يقبلون ها هم متزوجه وهم طارحه وهم ذيچ الشغله

قربة: وشكو ذيچ الشغله ولت وراحت مو نگول بعدچ ما متزوجه حتى صعبه... أنتِ حاليا متزوجه وطارحه وگدام العالم متزوجه وأمله

رفعت ايدي اشرت على عقلي وهمست بصوت ناصي ماريد احد يسمع حرف واحد

وردة: وهذا شيقنعه قربة هذا شيقنعه
اروح اضحك عليه... ليش شنو ذنبه اچذب عليه وشنو ذنبه يتزوج وحدة أرمله وهم كل هذا انا مريضه

قربة: شو انچبي وسكتي... ونوب هاي منين طلعتيها مريضه شبيچ چنچ صل احسن مني

وردة: رفعت كتافي عاضه شفتي وسحبت نفس طويل زافرته راده بخنگه:- لا تغشمين نفسچ قربة تدرين بيه ماگدر اوكف ويا رجال وحدنا
لچ انا حازم عشت ويا شهر لو متت
لچ بكل لحظة هوَ وياي انا احس عزرائيل ياخذ روحي ومن يعوفني حازم يله ترد روحي.
شلون بعد اروح اتزوج وعيش حياتي لچ ما تتقبل رجال بحياتي

قربة: تنسين وتگدرين تتخطين
ترا محد مات ويا المصيبة التصير ويا.
گليلي أكثر من مولاتي زينب عليها السلام
يا مصايب صارت وياها من صغرها الحد ما كبرت وشافت اخوانها يتذبحون گدامها وخذوها مسبيه.

احنا شبينه ها.؟ يصير ويانه مصيبة هل كدها وبچينه وعيطنا وصرخنا وعترضنا على امر الله
وهاي انا وحدة من البشريه بزواجي من ذو الفقار
بس شنو الله يريد يمتحني
يريد ينطيني غير شغله تشافي جروحي الصارت بالمصيبة التعرضت الها

انا هسه ما اگلچ روحي حبي وعيشي
قصة حب ويا بس لا تظلمين حياتچ.
گوليلي ابوچ دايم الچ الله يطول بعمره بس دايم الچ لو مريم هم دايمه الچ.
لهيچ شوفي حياتچ وما اگلچ الى تزوجين فياض عادي الف واحد غير فياض
بس لا دگولين اظل عمري كله بدون زواج
عادي ابقي سنتين ثلاثه بعدچ صغيرة بس لا دگولين اظل عمري كله هيچ

وردة: ماريد لا احب ولا اتزوج
اريد اظل هيچ مرتاحه ابوي يمي ومريم يمي وجاي اشتغل وعندي وارد بعد شريد كلشي ماريد

صفنت عليَّ راده بهدوء أو أيست مني وگالت هيچ
قربة: بعد بكيفچ انا شكو هيَّ حياتچ لو حياتي

ردت ارد عليها وسمعت صوت خالة فاطمة ومريم وراي باوعت عليهن لابسات عبيهن ومريم لابسه البوشي

مريم: يله

هزيت راسي بخوش. درت وجهي باوعت النفسي بالمراية الكاونتر حجابي عدل وما بيه أي شي
وخرت معدله نفسي بينما قربة مشت وراهن لان طلعت للمطبخ وياهن عمت قربة وهاجر ظلت واكفه بالباب مال الصالة لوحت الها معنى باي وطلعت يسولفن ويمشن وخالة فاطمة گالت

فاطمه: ادخلي خيه الجو بارد لا تصل عمليتچ

عيدة: عادي خيه لابسه ملابس ضخينه

ظلن هيچ دقايق على الباب وسلمنا وطلعنا ماشيات الشارع العام اجرنا تكسي ورجعنا للبيت نزلت اول خالة فاطمة قريب البيتهم وبو التكسي كملها البيتنا دخلنا الشارعنا وباوعت على مكان سيارته ماكو سحبت نفس مرتاحه الحمدلله جاب كلامي نتيجة

نزلنا ونطينا كروه ونزلنا ظلت مريم تفتح بالباب وانا عيني على السيارة
معقولة خاف على سيارة وبعد ما اجه لو شوف شعنده وما اجه.. لا خاف على السيارة تحترك هوَ ويا

هه على ساس هسه انا راح صدگ اروح احركها
تنهّدت ودخلت ورا مريم بعد ما فتحت الباي دخلت وسديت الباب وراي

دخلت مريم بوجها للمطبخ تحضر عشى وانا مشيت بدلت ورحت اساعدها، كملنا العشى وتوضيت بينما يأذن توضيت ومشيت اصلي على ما يجي ابوي

مرت الايام بهدوء حالها حال القبلها نفس الشي اروح المعهد ورجع اشوف ابو التاهو هم ماكو ورتاح بعض الشي لكن ستغربت من جر عليه سبع ايام ضبط هوَ ماكو معقولة صار بي شي.؟

أنتِ شدخلچ صار بي ما صار أنتِ شكو
عدلت عباتي طارده كلامي السخيف، اخذت الحذاء ولبسته وطلعت من البيت مباوعه على الشارع فارغ سديت الباب ونزلت

مشيت وانا ارفع الجيزدان كوه گدرت الم الفلوس خطيه بابه شال خمسين بس ما قبلت
كوه اخذت منه خمسه وعشرين فوك الفلوس الي لميتهن

رجعت سديت الجيزدان وكملت طريقي
اليوم ماكو تعليم أنما حفله تخرج وانا لو ماريد انطيهم الفلوس فلا اروح مالي خلك هيچ سوالف

وصلت للمعهد باوع على الباب البنات العرفهن من المعهد كلهن جايات وجاي يدخلن وياهن اطفال أو نسوان كبار.. ضجت وحدي لان اجيت ولو مريم لحيت عليها وما قبلت

دخلت للمعهد وباوعت على كل باب بي
هذا اول خطوة گدرت اصعد بي باية من حياتي
ان شاءلله اگدر اوصل للي اريده وگدر اخلي ابوي يگعد ويرتاح وما يشتغل

تنهّدت ودخلت باب الي يدخلن منه البنات باوعت عليهن صايره هوسه والمكاين والمقاعد ماكو مخلين بدالهن كراسي، مشيت متجهه المديرات المعهد والمعلمات سلمت عليهن وبالكوه يسمعن كلامي لان شالعلات صفكات وصوت عالي وخرت منهن وكف يم المديره فتحت الجيزدان وطلعت الفلوس ومديتهن الها باوعت على الفلوس وانا احچي

وردة: هاي بقيى الفلوس المعهد

-اندفعن الفلوس صارلهن سبوع ماما

صفنت عليها ما فاهمه رجعت عدت كلامي ماده الفلوس مرة ثانية خاف سمعت غلط من صوت القصائد

وردة: ست هاي الفلوس الي تطلوبها البقن عليَّ مو القديمات

-اعرف امي الفلوس اندفن

وردة: منو الدفعهن.؟

-هوَ غير من اهلچ منو يعني

وردة: بس بس اهلي هسه انطوني فلوس المعهد.؟

-ام مصطفى شبيچ عزيزتي نسيتي استاذ محمد هوَ انطه تبرع اليتامى والمطلقات وانا شملت وردة وياهن

باوعت المديره على المدربة صافنه عليها ثواني وهزت راسها بها

ام مصطفى: اها تذكرت مو نسيت الان الكل هنا دافع ما عدها وعبالي اهلها الي دفعو

صفنت عليهن حچيهن مو مقنع منو ستاذ محمد وشوگت دفعهن؟. بلعت ريگي محتاره بامري
بينما انا هيچ دارت وجها عليَّ المديره وگالت وهيَّ تباوعلي وتنزلت عينها على ايدي

-ضمي فلوسچ ماما وصلن فلوسچ من استاذ محمد
وهسه روحي اگعدي شوي ونوزع هداية

هزيت راسي متشتته، عفتهن ومشيت گعدت بمكاني
اصفن عليهن وهنه يسولفن ويضحكن وانا صافنه بالفراغ ليش گالت اول شي اندفعن من اهلچ.؟
نوب اجت المدربة حچت غير شكل

فزيت من صفنتي من طفت القصائد وصار صوت صده مال سماعه باوعنا على الستيج الي يوكفن عليه المدربات ظلن يحچن هواي منا ما وزعن عده مال خياطه كل وحدة اخذت مالتها انا اخذتها وترخصت اريد اطلع وقفتني المديرة
وراحت شوي ورجع بيدها قوطية وماعون كيك جاهز اخذتهن منها وترخصت شلت الماعون بايد والقوطيه حطيتها ويا العلاگه البيها العده مال الخياطه

طلعت من المعهد ماشيى للبيت، فرحانه وما فرحانه
اول شي الفلوس ارجعن الابوي وفلوسي اخلي مريم تجيبلي اقمشه مال فراشات وفصل وجوه مال مخاد بس ضجت لان الفلوس اندفن وانا اول مرة اعرف شخص اسمه محمد... منو هذا وليش هسه يله تبرع ليش ما تبرع من بده المعهد

تنهّدت طارده الفكار من راسي، كافي تفكرين اندفعن الفلوس ولن وهسه جيب الغراض المحتاجتهن حتى ابدي بالمشروع البالي، ولا ما اخلي مريم تجيبلي خلي اروح وياها ونمر على اهل المحلات وسال هلبت يقبلون

وحتى لو ما قبلو اگدر امشي شغلتي على نسوان المنطقه، احنا بجو شتائي ولو ما بقى بس شهر ويخلص بس يشترن وانا هم ما راح اشتري اقماش ضخين راح اشتري وسط

ظليت احچي ويا روحي مثل المخبله وتناقش وياها وهيَّ ترد عليَّ، تخبلت مدري شجاني احچي ويا روحي... وصلت للبيت وانا عيني على مكان سيارته صارت بيه سوله كل ما اطلع ورجع عيني على المكانه اشوفه موجوده لولا واليوم هم ماكو اظاهر كلامي جاب نتيحة

وخرت عيني مباوعه على الباب
صعدت وكفت ودكيت الباب شوي ونفتح، دخلت وسديته باوعت عليها من گالت وهيَّ تباوع على العلاگه

مريم: شو بساع رجعتي

مشيت وهيَّ وراي رديت عليها وانا انزع حذائي مكمله كلامي داخل للصالة:- بعدهم هم يحتفلون بس انا طلعت

مريم: سلمتيهم الفلوس

گعدت مباوعه عليها احط العلاگه كدامي هيَّ والجيزدان:- ماخذو الفلوس يـ.

مريم: ليش

-خليني اكمل.. المهم يگولون اكو واحد اسمه محمد متبرّع ومنطي اليتامى والمطلقات وحدة من المدربات شاملتني وياها

مريم: كثر الله خيرة.. علقد هاي الفلوس تفيدچ تشترين بيها شي شياتين

وردة: اي اريد تاخذيني للسوگ اشتري اقمشه مال فراشات

-شتسوين بيهن.؟

-اريد اخيط وجوهه مال مخاد وبيع على النسوان وهم من اروح للسوگ اريد امر على اهل الفراشات ما يشترون اذا اخيط الهم

مريم: حلوة خوش تسوين بس ما اتوقع اهل المحلات يشترون

وردة: ماعرف هلبت يقبلون

-ان شاءلله

ظلينا نسولف على مواضيع عادية ومنا ما كمنا حضرنه العشى كملنا وصلينا بين ما يجي ابوي
ومن اجه ابوي انطيته الفلوس بس ما قبل، وانا رجعت ضميتهن

مراً ثلث ايام وبهاي الايام روتين عادي حالة حال البقية لكن ما عدا روحتي للسوگ وحچيت ويا اهل المحلات وكلها محد قبلت ما عدا واحد منهم گال جيبي مجموعه وذا مشت هاي هيَّ اخليهن بمحلي

وانا من الفرحه اول ما رجعت للبيت سويت ثمن ازواج وظليت ازين بيهن بدانتيلات وشرائط صارن يخبلن كلش مرتبات ونازكات،ومن شافهن ابوي ومريم تعجبو بيهن لان هاي اول مرة اسويهن ونجحن بيدي

ومريم ثاني يوم اخذتهن وراحت للولد وكالها تعالي باجر وصح راحت له ثاني يوم خطيه على مودي ومن رجعت گالت ماخذيهن كلهن والولد گال هاي هيَّ خلي تجيب وتصمم انواع مختلفه
يابه انا سمعت ماشيات، غير متت فرح احس انفتح الي ثاني باب بحياتي، الحمدلله والشكر ربي

ابتسمت بفرح وانا اخيط آخر قطعة، بكل حب وشغف
سفطتها وحطيتها ويا البقية، سويت 12 سلام الله على 12 المعصومين، والزوج الجديد لا ثمانية
خاف ما يعجبهم علقد ما اخسر بي

سفطتهن بالعلاگه ورشيت عطر بيهن وشديت العلاگه وشلتهن حتى تاخذهن مريم، ولو ابتلت بيه بلوه
وتطلع على مودي وهيَّ لازمه عدة بس شسوي

اخذتهن وطلعت من الغرفة ويا ما طلعت طلعت من غرفتها الي بصفي باوعت عليها لابسه عبايتها وبيدها الجيزدان مديت الها العلاليگ وهتفت

وردة: مروم حبابه ولو راح اتعبچ بس جيبي وياچ علبتين مال شرطات لون اسود وماروني.. وها القماش جيبي جوزي وماروني خوش بعد اختج

هزت راسها بخوش ورجعت هتفت مرة ثانية
وردة: اوكفي خلي انطيچ فلوس خاف الفلوس ما تكفي

هتفت آخر كلمة ودخلت الغرفة وطلعت فلوس من الكنتور وطلعت انطيتها الها وهيَّ اخذتهن ومشت وامشي وراها واوصي بيها

طلعت وسديت الباب وراها.. ظليت وحدي بالبيت ابوي بالشغل والوقت يتراوح بين الاربعه العصر، دخلت للبيت وبالتحديد غرغتي طلعت القماش البقى وظليت افصل بيهن كملتهن وحطيتهن على صفحة وكمت احضر العشى بدال مريم

التهيت اسوي بالعشى بين ما اجت مريم
ونطتني الغراض الجابتهن والنص الفلوس مال الوجوهه.. اخذتهن وضميت الشرائط وخذت القماشات ورحت الحمام نكعتهن بماي حار حتى لا يذبن صبغ خليتهن وطلعت توضيت وصليت

كملت صلاتي والدعية الاقرها واجه ابوي
طلعت رأساً الحمام ذبيت الماي الحار ونكعتهن بماي بارد بين ما اكمل عشى ورجع اغسلهن

طلعت من الحمام ومشيت نقلت الاكل الصالة يم ابوي
گعدنا كلنا سويه وبدينه ناكل وابوي گال وهوَ يرتشف من گوب الجاي

احمد: شني اليوم الدنيا مكلوبه.. كلها مخبوصه بهل عيد اباوع على محلات الهداية ومن هل شغلات شصاير الزم اخوك ولا طيح

مريم: هاي زين لو تشوف السوگ مكلوب كلاب كوه اخذت الي اريد وطلعت

وردة: هوَ اليوم شكو.؟

مريم: عيد الحب

صفنت عليها راده باستغراب
وردة: ليش هوَ الحب هم بي عيد.؟

مريم: هههههه نايمه خيه شبيچ أنتِ

وردة: اي وعلي اول مرة اعرف الحب عنده عيد

مريم: تكلي خيه أكلي ههههه

باوعت عليها وعلى ابوي الي ياكل ومنزل راسه ولا حچه حرف، انا هم خليت وسكتت
ظلينا ناكل بهدوء ونتشارك مواضيع المرت بيومنا
منا ما كملنا وشلنا الصينيّة
غسلت المواعين ومريم رجعت حمت الجاي

كملت ورحت غسلت القمشه ونشفتهن بالنشافه وخذتهن وصعدت فوك حطيت السطل بالارض وخذت واحد من القماش وشريته على الحبل وخذت الثاني ومشيت الثاني الي يصير يم الستارة

احنا سطحنها ستارته ناصية وبنيانه من هذا القديم
والستارة مالته هاي المشيفة الي يبين وما بيها بنيان بس البيتونه النصعد بيها وهم حاطين بيها الغراض الما محتاجيهن

ستوني حطيت القماش على الحبل واجت عيني على الشارع باوعت على مكان سيارته مصفوفه ومفتوح الجامه الي يم الصدر، ثواني لا أكثر وصار صوت غنيه مو عالي حيل بس گدرت اسمعها لان انا قريبة على المكان الصاف السيارة بي

بلعت ريگي دايره وجهي مباوعه على البيتونه ورجعت نظري عليه من نزل من السيارة وكف على الرصيف وباوع على تجاهي انا بدون حجاب رأساً اخذت اطراف القماش وغطيت راسي بي

بينما هوَ رفع ايده مكتفها الصدرة ويباوع بتجاه الانا واكفه بي باوعلي بنظرات تشرح كلام هواي بداخله
بينما انا قابلته بنظرات مصدومه من جرئته وصلافته
شلون يسوي هيچ طلع احد لو طلع ابوي وشافه شسوي انا

رفعت ايدي عصرت القماش من يم رگبت راصه على سنوني ميته خوف خاف العالم تسمع الصوت ويطلعون رغم مو قوي الصوت بس خايفه احد يسمع لو يطلع ابوي على الصوت انا شسوي

بين صفنتي وخوفي احد يشوفه هوَ صافن عليَّ بدون ما يحرك ساكن ظل على هل وضع وانا الغبية مكابلته وصافنه أكل بروحي،هوَ ابتسم مغمض عينه صاعد صدرة يعلن ساحب نفس
فتح عيونه ووخر ايده مأشر عليَّ باصبعه السبابه نوب رجعه على گلبه وبعدها رافعها العقله

تخبل الولد ربي دخيلك... درت وجهي منه واخذت القماش شريته شلون ما كان وانا ارجف خوف وغضب راح انفضح بين العالم
وعلي ما عايزه مصايب ولا فضايح شلون بيه انا

شريته على السريع ونزلت اركض، نزلت آخر باية وباوعو عليَّ ثنينهم.بللت شفتي اخفي توتري خاف يشكون لان باين ما سمعو شي لان مزدود الباب الصالة

احمد: شكو.؟

رديت عليه بتوتر وانا اشر على الفوك
وردة:حم شسمه بزازين تعاركن وخفت ونزلت اركض

هز راسه ساكت وانا بساع عفتهم ودخلت للغرفة
ظليت احوم امشي بالغرفة راجعه رايحه
شسوي ربي شسوي ويا هل بلوه الطاحت على راسي
عايزه طياح خظ انا ويجيني هذا

رفعت ايدي عصرت وجهي امنع نفسي لا ابچي وفضح روحي... وخرت ايدي وهفيت على وجهي اريد أهدى نفسي...ظليت دقيقة على هل حال وتذكرت قربة اي اي لازم اخاربها وتشوفلي حل

مشيت اخذت الموبايل من الشحن ودكيت عليها رأساً
دك دك دك وهيَّ ماكو منا قبل لا يفصل ردت عليَّ
رأساً بدون مقدمات گلت بحده ودمعه طفرت من عيني

وردة:گليلي انا شسوي ويا هذا المسودن

قربة:اسم الله الرحمن..ثول هيَّ هيچ شبيچ خلستيني

وردة:راح انفضح راح اصير علچ بحلوك الناس من ورا شلون بيه انا شلون

قربة: اول شي احچي عدل ولا فتهمت أي شي
شنو راح انفضحين شنو هل تمسلت احچي عدل خلي افتهم

سحبت نفس رافعه ايدي عاصره عيوني بقوة راده عليها والشهكه بلعومي ودموعي يجرن

وردة:لج واكف بالباب ومشغل اغاني نوب طلع من السيارة ويباوع عليَّ انا گليلي لو اهلي شافو لو الناس شسوي ها... اذا انفضحت منو يفيدني.
يفيدني حبه.؟ لو شنو لچ شوفيلي صرفه ويا الله يخليچ

قربة:اكوفي ثواني

ظلت ثواني مدري شتسوي نوب رجعت حچت بينما انا ارجف مثل السعفه على أي ساعة اطك وطيح مسحت دموعي وهيَّ رادت تحچي وسمعت صوت وراي درت وجهي مباوعه... بخوف بلعت ريگ راجفه اطارف جسمي كلها....

يتبع..

27





أسوءُ شعورٌ، يراودُ الكُتاب، هو العجزُ عَن الكِتابة،
كأن كل أَفكاره،ومشاعره، خياله، حتى نَفسه ،محبوسةٌ في قَفصِ الوَهن،
لا يستطيع إصدار صوتٍ،
فكأنه غير موجود،
ما أصعب من أن تعبّر عما يُخالجك؟
أنـتَ هناك، تجلس والفتور يَسكنك ،
قد كَبتت نفسك ما يرهقك،
ولا تجيد البوح بما أتعبك!

-زَينب مَحمد.

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

.
.
.

ظلت ثواني مدري شتسوي نوب رجعت حچت بينما انا ارجف مثل السعفه على أي ساعة اطك وطيح مسحت دموعي وهيَّ رادت تحچي وسمعت صوت وراي درت وجهي مباوعه... بخوف بلعت ريگ راجفه اطارف جسمي كلها.

عصرت ايدي بالعه ريگ بخوف، بينما نظراتي تتوزع على تعابير وجها اريد اشوف ردت فعلها
بين صفنتي عليها وكلام قربة الي بذني لكن ماگدر احچي تبنج الساني

قربة: وردة هوش وين وليتي.. مو احچي وياچ.؟
جيره يالخفكه وينـــــــچ.. تعالي فهميني شصاير

همست بخفوت بينما عيني على مريم مدت ايدها سدت الباب زين واجت بتجاهي وانا رديت على قربة وسديت الخط بدون ما اسمع ردها

وردة: بعدين احچي وياچ

نزلت التلفون الحد بطني لازمته بثنين ادي
بينما هيَّ وكفت گدامي وهمست بهدوء عكس تيار نظراتها التشرح الف المعاني والكلام المتروس علامات استفهام

مريم: احچي

رفعت كتافي هازه راسي وكلمة كوه طلعت من حنجرتي
وردة: شـششـ حچي.؟

مريم: وردة لا تشلين حالي، احچي السمعته شني سالفته.!

مريم: سكتت منزله نظري الارض اضيع نظرات التوتر البانت عليَّ، أما رجعت كررت كلامها بصوت ناصي ممزوج بحدة:- احچي لا تنخرسين شني سالفة وضحي لا تشلعين گلبي

رجفت اطراف اصابعي ايدي ورجلي بنفس الحظة
موقف ما انحسد عليه اطلاقاً عصرت الموبايل راده بعتعته: شـشسمه ماعرف شحچي

مريم: وردةةةة

شهكت بخنگه راده بعتعته والشهكه بلعومي نايمه
وردة: ماعرف وعلي ماعرف شحچي صدگي ما حاچيه ويا ولا واكفه يمّه

مريم: فهميني منو التقصدي ابو السيارة.؟

رفعت نظري مباوعتلها نازله دموعي، بلعت ريگي راده بخفوت بينما انا ثانية اعصر بتك ايد وثانية اعصر بالموبايل

وردة: اي

مريم: عرفت والعباس عرفت.. وكل هل مده الاشوفه اگول اتوهم مو نفسه الولد الخذ عمي من تخربك وياريت أي ولد هذا

شهكت نازله دموعي، باوعتلها رفعه نظري للباب خاف ابوي يسمع وتصير سالفة، لا الها اول ولا تالي
رجعت نظري عليها وهزت راسي بالنفي انكر الفكار الترست راسها

وردة: والله العظيم ماعندي شي وياه وروح امي ما عندي شي

صفنت عليَّ رافعه ايدها الثنين وحدة حطتها على بطنها والثانية حطتها على حنچها وگالت وهيَّ تهز راسها

مريم: فهميني اذا ما عنده شي، شعنده يظل واكف اشهر هنا لا شهر ولا شهرين لچ اشهرر مكابل هل شارع وگول هاي سيارة شافيتها وين.
بس اگول اتهيئ شني بس هوَ عنده هيچ سيارة
وحتى لو هوَ. عقلي يطرد الفكره اگول شيوكفه هنا.؟

رديت عليها وانا اگعد على فراشي ذبيت التلفون بصفي رافعه رجلي الصدري وايدي لفيتها على رجلي وهز بنفسي ودموعي عشرة عشرة ويا كل كلمة احچيها

وردة: ماعندي شي وياه صدگيني ماعندي شي وياه
وانا حالي حالچ ماعرفت هوَ نفسه، الى قبل فترة وهم تخبلت، وحچيت ويا قربة وقربة حچت ويا حماها وبتعد فترة وهسه رجع عليَّ.. گليلي انا شسوي شبيدي

صفنت عليَّ بينما انا ابچي وهز بنفسي
ظلت ثواني على هل وضع وهمست وهيَّ بعدها على وضعها ويدها على فچها

مريم: شيريد بالضبط.؟

وردة: ماعرف

مريم: يحبچ هوَ.!!!

باوعتلها ساكته نزلت نظري الارض اضيع نظراتي
مريم: احچي وردة.. يحبچ هوَ.؟

هزيت راسي بأي بدون ما ارفع نظري
مالي الجرئ احط عيني بعينها بينما هزيت راسي
وما شفت رد منها رأساً رفعت راسي باوعتلها صافنه عليَّ، بينما رفعت نظري عليها هتفت وهيَّ توخر ايدها عن فچها

مريم: اذا يحبچ ما يجي يخطبج.؟.. لو شافچ أرملة

وردة: مريـــــــــــم

مريم: ومرض الصاب مريم.. گليلي اذا هوَ هيچ يحبچ ومكابل بابچ اشهر شيسموها.؟ ما يجي ويخطب

وردة: حتى لو اجه يخطب جوابي واضح.. ماريد اتزوج لا هوَ ولا غيره

مريم: اي اي

وردة: والله العظيم ماريد اتزوج لا هوَ ولا غيره
وأصلاً أنتِ تدرين بيه كلش زين انا مال زواج.؟ ها
انا المريت بي كرهني بالزلم كلها.
انا حازم عشت ويا شهر متت وحيت من جديد نوب ارجع وورط روحي وتزوج

مريم: خوش هاي هيَّ ما تردين زواج هاي هيَّ وياچ
بس الاخ البرا شني وضعه قابل يظل طول عمره هنا.!

وردة: شسوي يعني... اذا صديقة محاچي وهوَ ولا يرد شبيدي انا اروح اهد عليه وموته لو شنو.
وانا لا اگدر احچي الابوي وتصير سالفة طويله عريضه گليلي شسوي وانا هسه يله كمت على حيلي

كملت آخر كلمة بشهكه وهيَّ طول ما احچي صافنه عليَّ بدون أي حركه، كملت وهتفت بهدوء غريب

مريم: گومي

-ها.؟

مريم: گومي جاي احچي

-وين

مريم: گومي فضيني

كمت رافعه ايدي ثنينهن ماسحه دموعي
طلعت هيَّ گدامي وانا وراها امسح بعيوني
باوعتلها دخلت للغرفة مالتها بينما باوعت على الصالة بابا ماكو، الحمدلله همزين ماكو چان سمع كل كلامنه

وخرت نظري من الصالة مباوعه على باب الغرفة مالتها طلعت تلف بشال وبيدها الثاني عباية باوعتلها مستغربة وين راح تروح بهل ليل.؟
باوعتلي واشرتلي براسها امشي وراها مشيت وهتفت بخفوت

وردة:وين رايحه بهل ليل.؟

مريم:مالچ علاقه تعالي اوكفي بالباب

گالت هيچ ولبست نعالها ومشت وهيَّ تلبس بالعباية
رأساً درت وجهي مباوعو على باب الصالة خاف يطلع ابوي لبست أي نعال اجه برجلي ومشيت وراها
فتحت الباب ومدت راسها وانا واكفه ورا الباب
شوي ورجعت راسها گالت بصوت ناصي وهيَّ تعدل العباية على راسها

مريم:انتظري هنا وبس تشوفين عمي گعد سدي الباب وکولي منتظرة مريم راحت الجوارينا تخربطت ورادتها

وردة:وين رايحه.؟

-احط حد الهل مهزله

-صخام الصخمني وين رايحه استري علينا لا احد يشوف وننفضح

ردت عليَّ وهيَّ تطلع ما مهتمه الكلامي
مريم: مالچ علاقه

طلعت وانا مديت راسي مباوعه على الشارع وبالتحديد سيارته محد موجود الشارع اظلم وضوء خفيف جاية من البيوت المالتنا لان السيارة الصافها يم فاصل بين شارعين...لان بيتنا بشارع وبنص حديقة ومناك شارع بس يجي ضوء من البيوت المقابيلنا

عضيت شفافي بخوف من صعدت على الرصيف ومدري شسوت ماگدر اشوف ولا اگدر اسمع ظليت اتحرمص اريد اشوفها شتسوي، ظليت هيچ حوالي بالعشر دقايق گلبي يخفك بخوف خاف احد يشوفها لو يطلع ابوي ونصير علچ بحلوك الناس

شوي وشوفها اجت نازله من الرصيف وتباوع يمنى يسرى بينما هيَّ تمشي جاية للبيت
والسيارة مالته شتغلت تعلن عن ذهابه ثانية لا أكثر مشى بصورة سريعة.
بينما مريم اجت صعدت بايات الباب ودخلت
دخلت وسدت الباب وهتفت

وردة: ها شسويتي.؟

مريم: يجيچ الحاضر

گالت هيچ ومشت داخله وهيَّ تنزع بعبايتها
رديت عليها وانا امشي وراها: احچي شسويتي

مريم: لا تلحين گلت يجيچ الحاضر وبس.
وهسه روحي انجطلي ولا تفكرين

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

رفعت راسي مباوع على الشارع.. تفوت السيارت طيارة وما ينشاف منها بس ترابها.
بين تركيزي على السيارات الي تتعدّى من يمي
تنهّدت رافع نظري مباوع على السماء
الشعالات تفرقع بالسماء.. مو هواي لكن بس كم وحدة ابتسمت بلا شعور مار طيف المحبوبه على البال

اخذت نفس وزفرته منزل عيوني على الرصيف الگاعد عليه، مديت يدي اخذت كصبه مال عصير وظليت اوخر بالتراب بيها الهي نفسي على ما يجون الولد ولو ضرير متأكد منه ما راح يجي هل عليل هذا من شفته وشافني مريض

ولو هوَ بالي ويا مدري شجراله تغيرت احواله من عرسة الحد هل ساعة.. نوب شگد عرضت عليه اخذه للدكتور يشوف نفسه شماله تغير معدته مأذيته نوب منا وجها صار چنه بنغالي

فزيت من كلامي على شخطه سيارة توكف گدامي. رفعت راسي مباوع على سيارة عرفته فياض
نقلت نظري عليه من فتح الباب ونزل واجه بتجاهي ظليت گاعد يولي اله خلكه اكومله

اجه قريب عليَّ ووجها يلطم ولو هوَ من يوم يومة يلطم چنه سكنه الحيه على گولت قربة
وخرت نظري منه منزله الارض احوس بالكصبه کايل بعد ما شفته ما ناوي يحچي حرف

-شبيك العاشگ المسربت

اسمعه سحب نفس طويل زافره بتنهّيده
رفعت نظري اله هزيت راسي وبعدها بيدي الكصبه وشخبط بيها، بينما هوَ عينه على الشط من السياج ومتچي نفسه على سيارته وحاط ايده بجيوب القمصلة وجها معبس چنه عبسي

-وجهك معبس ويتلاطم وتنهّيده خيرك عضيدي.؟
ولو أنتَ وجهك معبس دومك وما تتحاچه صافن چنك ابو الرصاصي

فياض: مطلب مالي خلكك

مطلب: عمت عيني خلكك بس الذيچ الوحدة

فياض: انچب هيو

گلت هيچ وانا اذب الكصبه ورفع ثنين اديه بوضعيه الدعاء وحچي من گل گلبي وهوَ صفان عليَّ ويباوعلي بطرف عينه ما عاجبه عشتو.

مطلب: استغفرالله ربي واتوب اليه...ربيييي غير اليوم حالي حال الخريانين اتمعشك ونعشك
چا شو حظي بس فويضه مكابلتني چنها وحدة متعسره الولادة عدها

نزلت ايدي ورجعت اخذت الكصبه وكملت
مطلب:لا تباوع هيچ وچي شبلاك مغنتب وجهك يبچي

فياض: هسه انا باچي.!

مطلب: احچي عزيزي احچي شبيك ابني منو مضوجك گزل واروح اكسر راسه وخسف عيونه.
لا اگلك گول طالب حتى اروح اطيح صبغه بس گول طاء مو طالب بس طاء وانا اروح ادعمه ورجع ركض الك

ابتسم بخفوت راد عليَّ بغير كلام ومن گال هيچ فتح عليَّ مواجيع لاصمهن كوه ماريد اثور وكوم من صدگ الطم طويلب لطمه الزكه بالتبليط

فياض: شراح تسون بخصوص آخر سوايه الكم

صفنت بالفراغ متوقف عن الحركه.
عاد عليَّ ذاك اليوم مثل الشريط انعرض گدامي
شفت المشهد الما شفته...بذاك الوقت بس مصرع امي عيدة اتذكرت كلامه وسوالفة كلها گدام مصرع امي عيدة

شسوي وتطفه نار البگلبي شسوي بطالب وتهمد النار
الشتعلت من ذاك اليوم الهذا اليوم.
الخنگه چلبت بلعومي اريد ابلع ريگي ورد عليه ماگدر احس الكلام ضاع عن الساني
بلعت ريگ بعد عناء راد عليه بعدم معرفا وانا اشتت انظاري بالكصبه وشخبط بيها بالارض

مطلب: ماعرف الحد الان ماكو شي يخلينا نحمل الوم على طالب

فياض: مو مرت اخوك دکول كصار

مطلب: الف واحد كصير بالعراق وحتى لو نگول طالب ما اكو واحد من الموجودين كصار بالحد الگالت عليه مرت اخوي

فياض: مو بعيده على عمك مطلب.
ابو رب السوى الكبر منها، مايگدر يسوي بامك هيچ
وانا صح مبتعد عنكم هاي الفترة بس من تحچون گدامي امخمخ الها والسوالف التجي براسي احس طالب يعرف بيك جاي تنتقم

مطلب: بس هوَ مايعرف بيه انا اعرف بالي سوى
لو يعرف ما چان خلاني هاي المده كلها يمّه
وهم أنتَ ما تشوفه شلون يحوم على ابو سيف چيف شاك هوَ شاف الصار قبل 18 سنه
ويحوم بكل وسيله حتى يعرف شيدور براسه

فياض: اي اذا هيچ الى متى راح تظلون هيچ ترا لا يوم ولا يومين صارلكم سنين انتم تخططون وتفكرون... ما تحسمون الامر من هسه حتى تگدرون تعيشون مرتاحين وماخذين حقكم من عينه

رفعت كتافي مباوع عليه مبوز شفتي السفلية راد باسف مطلب: شوفت عينك الوضع بالعراق بالنازل
وين نگدر نخلي يروح اربع ارهاب أو يعدمونه على الجرائم الي مسويها

فياض: ليش بالعكس هذا الشي من صالحكم الوضع راح يساعدكم

مطلب: مو بيدي الموضوع فياض انا عبد مأمور
وحتى لو بيدي الموضوع ما راح اگدر اسيطر عليه وحدي اذا ما وياي ابو سيف.
صعبه فياض مو شي سهل العب ويا طالب بس احنا جاي انجازف برواحنا حتى نگدر نوصل للي نريده

فياض: كملت آخر كلمة رافع راسي مباوع عليه عدل وكفته راد على كلامي بهدوء:- وابو سيف الشوگت يظل على هل وضع.عاجبه وضعه؟

ابتسمت بخفوت مباوع على السماء بعدما اطكت شعالات قريبة علينا وصارت واضحه

مطلب: ماتعرف ابو سيف أنتَ

وخرت نظري من السماء مباوع عليه صافن على الشعالات وما رد على كلامي. رجعت هتفت مغير كلامنا

مطلب: وأنتَ الشوگت راح تظل على هل وضعية
بعيد عن اهلك... ترا امك خطيه ابوك مريض من وراك يسولف عبدالله وامك تبچي عليك

فياض: شمسوي الهم مو خيرني يا هيَّ يا ظلتي بالبيت هسه صرت عزيز

مطلب: فياض اهلك ما راضين عليك وعلى سوالفك المراهقة.. أنتَ ما شايف روحك شلون چنك مخبل ولكاله طواطه.. هسه احنا ما نگلك عوفها علوا
حبها وموت عليها بس ياخي البت هم راح تجيب الها السمعه المو زينه بوكفتك هناك وهم اهلك الي متعبهم بهذا عمرهم

فياض: والله ما انزل ظال بالسيارة اباوع على بيتهم انتظرها اشوف طيفها وشبع عيوني ما انزل وحق كل حرف بسمها

مطلب: چا اذا هيچ تحبها وتموت عليها ما تصلح وضعك ويا اهلك وتروح تخطبوها

باوعلي بنظرات كسرت گلبي على حالة
صاحبي واخوي جاي اشوفه يتلوع على محبوبته
احس بي لان جاي اعيش وضعه بس ما وصلت الجنون العنده.. تنهّدت على حاله

فياض: وبوي شسويله گلي شسوي

مطلب: انا اگلك شتسوي يصاحبي.
ارجع الاهلك من هل ساعة وراضيهم ثنينهم وكسب رضاهم وبتعد عن البت لا تخليها تكرهك يخوي
وان شاءلله شوي شوي اقنع امك حتى تحچي ويا ابوك نوب روح احچي ويا عمامك يقنعون ابوك وذا شفته كلش رافض، اخذ ابوي وشيخ هاشم ونحچي ويا وان شاءلله يقتنع بذن الله

فياض: ادعيلي مطلب ادعيلي هلبت يلين گلب ابوي وگلبها

مطلب: ابتسمت بخفوت عايف الكصبه بالارض وكمت ناكت ملابسي من التراب:- بدون ما توصي انا ادعيلك عضيدي... وهسه توكل اخذلك هدية الامك والابوك وراضيهم وانا هم اخذلي شي شياتين الامي الحنونه

ابتسم بوجهي بضياع وحرك ايده معنى مع السلامه ومشى متجه السيارته وانا مشيت السيارتي
صعدت وكل واحد بينا مشى بمسار يختلف عن الثاني

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

باوعت على المطبخ صار هوسه وطيخ طاخ الكوانترات كلها مفتحه هسه لو تدخل خالة وتشوف هل حالة الى تسويني كيكى
تنهّدت رافعه ايدي شديت الشال على راسي حتى اخذ راحتي بالتحضير

سحبت نفس استعد.. مشيت الثلاجه طلعت اربع بيضات اريد اسويها هواي الي والباقي.. اخذتهن وباوعت بالثلاجة بتدقيق شحط وياها احط برتقال اي برتقال نكهه طيبة راح تعجب ابو السوادين

آه كون يسمعني يسويني مسودنه.. لا ذو الفقاري لطيف مو قاسي مثل باقي رجال.. فديته لطيف بس ما ينبلع بس انا ابلعه، فديتني بكلشي اتقبل
يله قربة، كافيچ طفكه وكملي شغلج قبل لا الولد ينام وتروح المفاجئة

حطيت البيض والبرتقالة على الكاونتر بعد ما اخذتهن وسديت الثلاجه وانه اهذري جني راديو
طلعت باقي الغراض ورتبتهن على الكاونتر وقست المواد بكلاصات وحطيتهن وحدة بصف الثانية

كملتهن ورجعت سديت الكاونتر الي بي سطل الطحين الي نخلته وطشر بالكاع ما اسوي شي اذا ما اعوف بصمه وصاخه

رجعت كملت الخلط وانا بالي ويا وردة دكت عليَّ الخفكه وسدته وخلتني اتحرمص عليها
وحتى نسيت ادك على شرار مدري شرادت وظليت بالي ويا وردة ام الموته
كملت الخليط وطلعت قالب الكيك وطلعت جدر صغير
اسوي الي انه وذو الفقار وصعد فوك افاجئة
دهنتهن وحطيتهن على صفحه
ومشيت شغلت فرن الطباخ وحطيتهن بالفرن ورجعت للمطبخ اعزل بي

كملت كلشي ومشيت للثلاجة حسبت القواطي الي حطيتهن على معودنا... ومنين اخذتهن اكيد من عيدة اخذت صندوگ كامل.. بس شني قابل بس الي انا
لا عيني لا النا كلنا.. بس أما الباقي گالت المطلب يبيعه
لان هواي كلش هواي قواطي وبطاله ومن كل نوع بي اربعه خمسه

سديت باب الفريزر وفتحت باب الجوه طلعت سلات الفواكه ورتبت بيهن فواكه من كل نوع وخليتهن على صفحه ومشيت باوعت على الفرن بعدهن
خليت وطلعت من الترك ماشيى يم عمو وخالة وهاجر
هاي الايام كدرنا نشوفها لان عدها عطله

فتحت الشال وعدلته على راسي ومشيت يمهم
باوعت عليهم گاعد عمو يم خالة لزك وخالة حالتها رجعت احسن من قبل بالعتناء والأكل الصحي

باوعت عليهم بابتسامة ناقلة نظري الهاجر لازمه تلفونها وتباوع بي وعمو يحچي بصوت ناصي ويا خالة وخالة منزله راسها وتلعب بالمدا وبيدها تلم بالشعرات مال المدا والخجل باين عليها بدون ما اشوف تعابير وجها

محد منهم حس على وجودي لان العصافير يترومسون وهجيرة بعالمها، مشيت گعدت لزك بصف خالة وضربتها بكتفها گايله بصوت مسموع حتى يسمع عمو

قربة: هلو عيني هلو شنهاي الغمانسية العلنيه

ضحك عمو ماد ايده ماخذ الريمون يدور بالقنوات بعشوائية بينما خالة ضحكت بخفه، رجعت ضربتها وهتفت

قربة: اي اي ست عيدة شچان يتغزل بيچ ابو الشباب خلي نتعلم منه ونبسمر ذوليچ الوادم حتى يتغزلون بينا

باوعتلي بتك عين راده بخجل
عيدة: شحاچي والچ

قربة: عليَّ ست عيدو هيَّ عليَّ

ضحكت بدون صوت ضاربتني على كف ايدي بخفه
عيدة: يا والچ شجاچ

عدلت گعدتي مباوعه على عمو ورجعت نظري عليها وهتفت بابتسامة:- تحبينه عيدو

عيدة: وچ عيدو شنو، شني هازه كاروكچ والچ

قربة: قصدچ انا هازه كاروكچ يمه هههههه

عيدة: ههههه جبيتچ يطرگاعه فلا تگعدين

قربة: اعترفو ماكو مثلي لا بنيه ولا چنه

-لا اكو

درت وجهي مباوعه على مصدر الصوت.. واكف مطلب وبيده علاكتين سود

قربة: اي وياهيّ هاي احسن مني

مطلب: بعدين تعرفيها

قربة: ها مطلب ها

مطلب: وعلا شكو

عيدة: اي مني الاحسن منها.؟

مطلب: يا كلمة ردي المچانچ، بتليت على روحي
وعلي چذب هيچ اثير اشكوك

قربة: اثير لو كورك

هاجر: كورك لو اسياء

قربة: لا زين يگولون خوش شركه شدگولين نشتري شريحه زين

مطلب:ثوله هيَّ اثير نفسها زين وهسه انچبن
وأنتِ ولي عن امي خلي اتربع يمها

قربة: يمماااا توخريني.؟

باوعت عليَّ وعليه وضحكت وانا ضحكت على ضحكها وكمت وهوَ گعد يمها وعمو يباوع علينا وبس مبتسم بدون نقاش.

مشيت للمطبخ بعدما شميت ريحة الكيكة طلعت
اخذت سچينه ودخلت للترك
فتحت الفرن وباوعت على الكيكة نفشت.. مديت ايدي زرفتها بالسچينه ماكو عجين الكيك

شلتها وحطيتها على السيمه وطفيت الجوه وشغلت الفوك وسديت الفرن واخذت صينيتين حطيتهن على الكاونتر، حضرتهن وطلعت وكفت باب الصالة تچيت نفسي على الحايط مباوعه عليهم

هاجر گاعده يم مطلب ومطلع علبتين وسط
انطه وحدة الخالة وحدة الهاجر وگال موجهه كلامه الهاجر والخالة وهتف بحب وحنان. وكلامه ذكرني بعليا وحنانه عليَّ وحبه اليه

مطلب: افتحنهن تك عيني انتن

قربة: وليش تك عين مو ثنينهن

رفع راسه مباوعلي وضحك راد وهوَ يرجع نظرة على خالة وهاجر:- بعدين تعرفون بعدين

رفعت حواجبي الثنين وهوَ ضحك
قربة: هلو عيني هلو طايح ومحد مسمي عليك.
بله هاي ياهيَّ خلي اتعرف عليها

عيدة: صدگ والك.؟

مطلب: التهي يمه بالعلبه.. وأنتِ الكرطه انچبي وستچني

ضحكت وظليت اركص بحواجبي بمكر وغومز وضحك وهوَ يضحك سكتواي.. وخرت عيني عنه مباوعه على خالة وهاجر فتحن العلب بنفس الحظة لان چانن يباوعن على مطلب من گال هيچ
فتحنهن وباوعن عليه وهوَ ابتسم بوجهن گايل بحب

مطلب: كل عام وانتن احلى شي بحياتي بعد الشي الي بالي

قربة: تعيسه الحظ لا اقصد سعيدة الحظ هههههه

گلت هيچ بينما باوعت على خالة لزمت السلعه الي بطن العلبة ورفعتها
باوعت على ايدها شايله بطراف اصابعها كلاده بيها اسمها بينما هيَّ طلعتها وجاي تحچي هاجر هم طلعت كلاده ومكتوب عليها اسمها ضحكت مباوعه عليه

عيدة: المن كلفت نفسك يمه

هاجر: الله تخبببل

مطلب: انطيچ عيوني يمه اكلف نفسي شني..(گال هيچ وكمل مباوعه على هاجر الي تتلمس باسم المكتوب).. يلوك اسمچن ينصاغ يا صوغه الله انطاه نعمه النا

ردت ابچي منين اجيب عليا يحچي وياي هيچ
بدون حسد كلش بدون حسد مطلب وذو الفقار يموتون على خالة وهاجر يحبونهن يموتن عليهن وخص هاجر احسهم متعلقين بيها كلش وماعرف سر التعلق بيها هلگد

فزيت راكضه الترك.. يبوو الكيكة راح تروح
رأساً طفيت الفرن وفتحت الباب باوعت الهن الحمدلله ما محتركات صايرات حمر وريحه تجن

اخذت الوصله طلعتهن حطيتهن على الطباخ
وسديت الفرن، باوعت الهن يجنن.
فديتني مبدعه مو بيدي.
فديت التواضع العندي تباً الهُ كم جميل
كافي لغوة قربانو اخذي القوالب وروحي قلبيهن خلي الوادم تاكل وانا افلت الزوجي البارد

حطيت القالب على الكاونتر وطلعت شطح حطيته على القالب وقلبتهت، حطيتها بالصينيّة وطلعت شطح ثاني اصغر من القبلة وهم قلبتها

حطيتها بالصينيّة وعفتها واخذت سچينه حطيتها بالصينيّة مال العائلة ورجعت طلعت قواطي بكل صينيّة على العدد وشلتها ومشيت الهم باوعولي وهتفت وانا احط الصينيّة بين عمو وخالة

قربة: كل عام وانتم خيمه على روسنا بحق الحبيب محمد

باوعو على الصينيّة ومطلب گال قبل لا يحچون
مطلب: معدلة والعباس.. طكتني ريحه براس الفرع حتى واحد لاكاني گال شني هاي الريحه الطيبة طالعه من بيتكم، گتله بفخر هاي مرت اخوي ماكو غيرها شوف شمسويه

قربة: بس لا تحمه عليك العباس

ضحكو الكل ناسين شيحچون
عفتهم ومشيت للمطبخ اخذت سچينه هم وحطيتها بالصينيّة وشلتها طالعه ويا ما طلعت من المطبخ باوعلي مطلب وضحك وهتف موجه كلامه الخالة الي تكصص بالكيكة

مطلب: شوفي الوتيه عازله روحه هيَّ والزوج الفوك
بس اگووول الكم الله العزاب الكم الله

ضحكت ما راده، خجلت منه أما خالة باوعتلي بنظرات تسولف القبول.. الحب.. الحنان.. ومن ضمنها فسرتهن دگلي عفيه خوش تسوين.

ابتسمت برتياح وكملت طريقي صاعده
كملت آخر باية مباوعه على غرفتي بعدها مفتوحه نفس ما عفتها من دكت عليَّ الخفكه وردة
عفتها مفتوحه وطلعت... چا ابو السوادين ما سد الباب حتى تدفه الغرفة

خلت مباوعه ماكو احد بالغرفة
حطيت الصينيّة بالارض وعدلت نفسي دايره وجهي مباوعه وراي ويا ما درت وجهي صار گدامي ذو الفقار لابس ملابس خفيفة
خرب ما يخاف على نفسه يتمرض

باوعلي وهوَ ينشف بشعره بالخوالي ونزل عينه على الارض مباوع على الصينيّة ورجع نظرة اليه وشبه ابتسامة انرسمت على ثغرة.
ابتسمت برتياح رافعه ايدي نازعه الحجاب شامرته باوعت عليه وهمست بهدوء

قربة: سد الباب ودخل لا تتمرض.. وتعالي قربة هتمي بي وانا مرّة تعبانه اريد واحد يهتم بيه.. مو اروح اهتم وداري

ابتسم بوجهي بدون ما يعلق.. نزل الخوالي على رگبته وسد الباب بتك ايد واجه بتجاهي وانا رأساً گعدت بالارض گدام الصينيّة المتواضعة.
ما رفعت راسي ولا باوعت عليه
اخذت قوطيه حطيتها بمكانه الي بصفي وخذت الثانية حطيتها گدامي

وخيراً گعد بصفي وانا باوعتله وهمست منزله نظري على الصينيّة اخذت السچينه انطيتها اله مباوعه بعيونه الي عين عليَّ وعين على الصينيّة

قربة: هاي اول مرة بهيچ يوم اكون وياك
اتمنى من صميم قلبي الصغير هههه.. إنُ تشوف الراحه الأبدية.. وتعيش اا اقصد نعيش سوى احلى ايام شني قابل اعوفك ومشي لا لا انا الشي الي يخصني مستحيل اعوفه

اخذ السچين مني وضحك على كلامي بصوت عالي
هاي ثاني مرة على توالي اشوف ذو الفقار يضحك بصوت عالي ومن كل گلبه.. ضحكت بخفه على ضحكته بينما عيوني متعلكه على تفاصيل وجها

يوم عن يوم احبه.. اعشقه.. انجن بي.. اتعلق باقل تفاصيله، شنو السر البيك الخلاني احبك بليله ويوم شنو من انسان انتَ.؟ غريب... حبيب لقلبي... عاشق العقلي... جميل العيني.

نزلت عيوني من التقت انظارة بنظراتي الي مفصله معاني وجها بالتفصيل.. بللت شفت حاچيه لكن مدري شلون الساني فلت وحچيت بدون وعي وانا اباوع بعيونه السود

قربة: خايفه بتعلقي بيك... خايفه ينكسر گلبي بيك
لا تكسر گلبي ذو الفقار... حبيتك بصدق لا تكسره اليه

صفن بوجهي ثواني لا أكثر بس بهاي الثواني نظراته اخ لو الي استطاعه اقره العيون وعرف شيحچي
من عيونه التفاحة ادم التصعد ونزل تعلن عن يبلع ريكه..

بللت شفت مرة ثانية منزله عيني عنه مكمله بهدوء
اعرف ما راح يحچي أي شي ويشفي غليلي ورتاح
اذا اظل ساكته راح اشعوط من سكوته.. خلي استر على روحي وضيع الكلام بغير شي

قربة: عوفك مني. يله كصص الكيكة خلي اضوكهه

رمش مرتين موخر عينه عني مباوع على الكيكة
رفع ايده قطع قطعة ورفعها مقربها الفمي
ابتسمت بخفوت ماكله شوي ردت اخذها بس هوَ اخذها وكل منها.

وخرت نظري عنه وفتحت القوطيه وخذت السچينه منه وقطعت قطعة وأكلت منها وردت احچي وندك الباب باوعت على الباب وهتفت وانا اعوف البيدي واكوم

-منو.؟

-انا هذا تلوفونچ امچ گاعد ادك عليچ

فتحت الباب ومديت ايدي اخذت التلفون من هاجر
مباوعه بعده يرن. فتحت الخط رأساً ورديت عليها بينما هاجر خلت وترخصت.. سديت الباب

-الو
-الحمدلله أنتِ شلونچ.. غيم عليا شلونهم
-دومكم ان شاءلله.. شني خلصتو الغراض وشوگت تشيلون... صدگ على طاري تشيلون وين البيت الجديد شو انا نسيت كل ماريد احچي وگلچ تغيرين الموضوع

گلت آخر كلمة وگعدت فاتحه مكبر الصوت وحطيته على رجلي وهيَّ تحچي وانا اخذت الكيكة والقوطيه أكل وحچي وياها

فاطمة: خلي عمچ يگلچ وين

غيم: قربـــــــــة راح نگعد بمنطقتكم

فاطمة: ثول يا لغمه المن حچيتي

بلعت الكمه مباوعه الذو الفقار منزل عينه على الصينيّة ويلكط بالفروله.. رديت عليهن بعدم تصديق

قربة: عليچن العباس.؟

غيم: اي والعباس وبيتنا بالدربونه الگدامكم.
وحرامات ما لكينه بيت گدامكم وهيچ جي كل ساع اصرع راسچ

قربة: يمااا گلبي ما جاي اصدگ، عليچن العباس راح تجون تشيلون هنا لو تشاقون

فاطمة: اي يمه

نزلت القوطيه وحطيت الكيكة بالصينيّة وعطت مستوعبه قربة: عليچن العباس ليش انا آخر من يعلم طلعت من بيتكم نسيتو عدكم بنيه اسمها قربة مو.؟

غيم: شو ادنچبي عزيزتي احنا مسحولين سحل ومنا أنتِ چنتي مشغولة ويا عمتچ، بحال انفتح هيچيصير موضوع شو دنچبي وگولي تجين باجر تودعين البيت التعيس

قربة: والعباس ها لو ما اگول خطيه چان زعلت زعله

غيم: عو تعالي ساعدينا وننتقل، نوب ازعلي

قربة: يمااا تسمعين يولا

فاطمة: يمه كافي شگد تتناكرن.. عوفچ منها وگولي عمتچ شلونها كون مكان العمليه يأذيها

باوعت على ذو الفقار كام طلع من الغرفة
باوعت ورا ورديت على امي

قربة: زينه الحمدلله على الله

فاطمة:الله يخليها الكم.. وهسه اخذي راحتچ انا اروح اكمل باقي الشغلات

قربة: امين.. ان شاءلله اگول الذو الفقار وخلي مطلب يجيبني وظل اسبوع يمكم

غيم: راح يرتاح النسيب من دوختچ وطيح على روسنا

قربة: انچبي الهندية، انا الچ عود اختي وهالله هالله شلون اخت الباب الشارع ما توصل.. عود ما اضمها الچ الى الزمچ من عطوبچ وفرچ فر وعلي.. اتضم عليَّ

غيم: يمه تسدي الخط خلي النسيب ياكلها اذا نظل نحچي وياها ما تسكت

قربة: الهنديــــــــــة انا الچ

فاطمة: يله يمه روحي نامي خليني امشي اشوف شغلي

سلمت عليهم وسديت الخط ويا ما سديت الخط انفتح الباب باوعت دخل ذو الفقار وسده
رجعت نظري للصينيّة اخذت كيكة مالتي الي عفتها على حطتها أكلتها وشربت من القوطيه هضمت الكمة وباوعت عليه مشى گعد على الجرباية أكلت كيكة شوي وهتفت والكمة بفمي

قربة: ذو الفقاري

باوعلي بالع ريك هز راسه معنى ها.. شمالك ما دگول ها هم اجرها من حلكك كوه.. شگد بارد هل ولد
شربت مرة ثانية هامسه ومنزله عيوني بالفراغ.
هتفت كلمة وسكتت

قربة: شسمه

ذو الفقار: احچي

بلعت ريگ رافعه نظري اله مباوعت بعيونه السود هامسه بصوت مسموع وهادئ بنفس الوقت

قربة: اريد اروح الاهلي مثل ما سمعت

هز راسه راد عليَّ وهوَ يعدل المخده وعينه مو بعيني
ذو الفقار: روحي

ابتسمت مكمله آخر لكمة بالكيكة وهتفت
مباوعه على حركاته منزله نظري گايله بهدوء بينما احچي باوعتله اريد اشوف تعابير وجها

قربة: تدري المفروض أنتَ الي تسوي هاي المفاجئة
وتجيبلي هدية ومن هل سوالف بس يله هل مرة انا سويت، والمرة الثانية أنتَ الي تسويلي خوش.؟

گلت آخر كلمة بخزرة وهوَ يباوعلي بتركيز
بينما كملت آخر كلمة وهوَ ضحك هاز راسه ساكت

قربة: لا تسكت گول خوش

ذو الفقار: خوش

قربة: خوش لو هوش هههاههاههها

قربة: رفع ايده مسح وجها مانع نفسه يضحك، ابتسمت مكمله:- ذو الفقارييي النظيف

ذو الفقار: اممم

گالها وهوَ ينام ويغطي نفسه نايم على ظهرة وعينه على السكف

قربة: باوعلي

دار وجها مباوعلي ساكت بس نظراته تحچي معنى احچي اسمعچ، رفعت ايدي رجعت شعري ورا إذني هامسه بخجل ولو اعرف بنفسي صايره تصرفاني لعبان نفس

قربة: احبك مخبلي

رفع حواجبه مباوعلي راد يحچي وگلت بساع
قربة: احلى مخبل والله العظيم.. احبك مخبل صاحي المهم احبك بس لا تكوم

هز راسه بئس وعلى ثغرة بتسامة مال واحد يگول شلون ويا هاي انا.. باوعتله ومديت ايدي اخذت فرولايه وأكلتها بينما هوَ باوعلي آخر نظرة وغمض عينه وهوَ صافح جسمه وجها عليَّ.. بلعت الكمه وصفنت عليه بضع ثواني لا أكثر

هواي جاي ادقق بشكله وتعابير وجها وحتى كلامه
اريد اشوف تغيرات الي عنده خلال هاي الفترة المرت
سحبت نفس طويل مغمضه عيوني ثواني
فتحتهن زافره اتفاسي

طردت الفكار من راسي قبل لا ابدي بحوار ويا ذاتي
طويل لا الى نهاية ولا فهم.
مديت ايدي اخذت ماعون الكيكة والفواكه وديتهن للثلاجة لان ما أكل هواي ولا انا أكلت هواي.
رجعت نص الغراض لان ما اكلنا شي
شلت الصينيّة تجيتها على الكومدي عود باجر انزلها

حطيتها ورجعت اخذت شالي وطلعت من الغرفة ماشيى للحمام افرچ وتوضى حتى اصلي صلاة الليل هاي تاركتها من نضربت خالة الحد هسه ما الحك اصلي..بس اكمل شغلي والخطار ما اعون احط راسي على المخده

فرجت وتوضيت وطلعت راجعه الغرفة باوعت على محجر الدرج بعدهم صوتهم موجود يعني محد نايم
رجعت للغرفة باوعت على ذو الفقار نايم على بطنه وايده ثنينهن جوه بطنه

عيني عليه ورفعت ايدي طفيت الضوء وشغلت الضوء الخافت حتى اصلي،شغلته ومشيت طلعت المصلاية
لبستها وبديت اصلي..كملت وخلصت ومديت ايدي اخذت كتاب مفاتيح الجنان.طلعت زيارة عاشوراء

نويت اقراها بقضاء حاجه وهيَّ العليا على مود الزواج من نجيرس..ولو انا متخوفه ابوها ما يقبل بس املي بالله واهل البيت چبير وما يخيب ظني بيهم
ودخيله ابو فاضل ما نخيته وخيب ظني

وامي علمتني ذكر دائماً تسوي اذا عصت عدها حاجه أو مشكله صارت ولو احنا مشاكلنا على كد حالنا بس سوالف جعفر وذيچ الصفحة اذا اجو على ابوي بخصوص الگاع
فـ رأساً تگعنا احنا الثنين انا وغيم وهيَّ
ونقرأ زيارة عاشوراء ونهديها للامام العباس بنية قضاء حاجة وذا نقضت الحاجه أو نحلت المشكلة نقرأ دعاء علقمة

يعني تخلينا اول شي نقرأ زيارة عاشوراء ومن نخلص نگول هذي الزيارة عاشوراء نيابة عن ابي الفضل العباس وذا نقضت حاجتي الفلانية اهدئي دعاء علقمة الامام العباس شكر على شفاعته النا عند الله لقضاء حاجتنا أو حل المشكله

وهذا الذكر صارلنا سنين مواضبين عليه ودخيله ابو فاضل بكل مرة ادعي من كل گلبي حجاتي تخلص بايام لو ساعات وچنت بايام المتحانات اسوي هذا الذكر قبل يوم الامتحانات ومن يجي يوم النتائج وعرف بنفسي ناجحه اقرأ دعاء علقمة

ابتسمت رافعه نظري للسماء وناطقه من اعماق گلبي
-بأبي انت وامي.
هتفت هيچ ورجعت نظري للكتاب وظليت اقرأ
كملت ونويت الحاجه وكمت من المصلاية لافه الچادر
ورجعتهن المكانهن

عدلت شعري بيدي ومشيت المكاني عدلت البطانية على ذو الفقار ونمت بجانبة.. دحست راسي بذراعه لان ما نايم عدل حتى احط راسي على ظهرة أو راسه

ظليت على هل وضعيه اتنفس من عطره الهادئ مو قوي ولا يخنگ ريحته..
أنما هادئ وأول مرة اشتم عطر نازك وهادئ
كل الي اشتمهن ريحتهن طيبة بس قوية تخنگ خنگ
بله اساله شسمه
ظليت اشمشم بالفالينه چني جرو
منا ما النعاس غلب عيوني

ثاني يوم رحت العصر الاهلي اخذني مطلب من راد يروح للمحل، وكف السيارة براس الفرع وگال

مطلب:يله خلصت فلوسچ ادحربي

ضحكت وخذت الجنطة الصغيرة مال الملابس لان راح اظل عدهم سبوع. اعاونهم بالبيت لان همه باجر الصبح يشيلون وغيم وامي رادني ابات يمهن اليوم ومن گالن اليه، وصيتهن يخابرن وردة تجي اشوفها وتبات ويانا وبعد مادري راح تجي لا

اخذت الجنطة ونزلت سلمت عليه
وسديت الباب وهوَ راح
عدلت جنطة الصغيرة على متني ولزمت الجنطة الچبيرة زين بايدي
مشيت متجهه للبيت وعيني على المنطقة
هنا لعبت هنا تعارك ويا غيم من نرجع من المدرسة هنا اركض خايفه من المخبل الي يضرب بالناس

اهنا... اهنا يعقوب يگعدني على عتبة بابهم ويشتري اليه موطه ازبري لو شعر بنات وانا اطير من الفرح وهو عضيت شفتي بالعه ريگ موخرة عيني عن بابهم وبالتحديد الدچه الچنا نگعد عليها انا وياه وعليا

ماعندي مشاعر حاليا اله، كل الي بداخلي ذكرى حلوة
اي ذكرى حلوة بعيدن عن امة وخوالة
بس هوَ حباب وحنون لكن عيبه يمشي بكلامه امة شدگول وتحچي تم وحاضر
وهذا الشي حلو يسمع كلام امة لكن امة
ما تحچي الحچي الخير
امة حيه وما عرفتها حيه الى حاليا

صح الحب يمعي العيون.. ويخفي العيوب
ما چنت اشوفها حيه وخبيثه وام وجهين.
لا العكس اشوفها احن عماية علينا انا وغيم وحتى چانت امي طبيعية وياها
وهيَّ هم حبابه بس انچلبت من يوم الجعفر حاجه عليا على مود الگاع

احچي ويا نفسي بينما امشي متجهه البيتنا
وكفت گدام بابنا بآخر كلمة گلتها بداخلي.
دكيت الباب مباوعه على بيت يعقوب
چنت هذا الباب اذا امر منه، گلبي يصير دمام وعيوني تصير ناضور بس بُدي المحه وكحل عيوني بي

أنما حاليا سبحان مغير الاحوال اذا اشوفه اشوفه انسان عادي كاي شخص اشوفه بالشارع
بين كلامي الطويل احسيت على صوتها يجيني
وخرت نظري من بابهم مباوعه على بابنا هاي آخر مرة اوكف ودك هذا الباب.

ومو كل باب هذا الباب الي طلعت منه مكسورة ومجبوره على زاوج ما راضيى بي
تنهّدت مباوعه الها فتحت الباب ومدت بس راسها طالعه عيونها. ابتسمت ودخلت

قربة: سلام

غيم: لا هلا ولا مرحبا

قربة: لا مرحبا بيچ ازماله.. يمااا تعالي تسمعين بتچ الهندية شتحچي

احچي هيچ وانا امشي داخله وغيم تضحك على كلامي، بينما انا احچي وامشي لمحت امي تطلع من الصالة تمشي طالعه اليه وتحچي

فاطمة: يا طلابه الهندية الما تخلص

غيم: ها يوم ها.. بعتينييي.. اجت قربتچ اجت

ضحكت حاطه الجنطة على الدرجات الي تصعد المطبخ، حضنت امي سلمت عليها وخرت منها وباوعت الغيم وهيَّ اجت علينا سلمت عليَّ وخرت مني گايله

غيم: يمه ذبي الشغل على قربتچ..وانا اخذ استراحه مجاهد

ضربتها على متنها وهيَّ ضحكت شالت الجنطة عني ودخلت گدامي وانا لزمت ايد امي وحطيت راسي على متنها ومشيت وياها وهيَّ رفعت ايدها مسحت على راسي ودخلنا، باوعت على المطبخ فارغ ولا حتاية بي

قربة:نقلتو گلشي.؟

فاطمة:بس الغراض الكبار..مثل الكاونتر والطباخ والسنك وباقي الأثاث، بس الملابس والغراض الفرفوري باجر عليا يجيب سيارة حمل ياخذهن بيها

قربة:وعليا هسه وينا

فاطمة:بالشغل سوده عليَّ يجي من شغل ياكله لكمة ويروح ينقل بالغراض شوي شوي ما شاف الراحه من يوم الحتركت الگاع الحد هسه

حطيت راسي على متنها بعد ما رفعته باوعت على المطبخ وهتفت وحنا ندخل للصالة ونفس الحالة فارغه ما بيها شي حتى البنكات ماكو، وعلى صفحه مجمعين غراض هواي

قربة: يله بس تشيلون وتستقرون ترتاحون ونمشي على نرجس حتى نزوجه ونخلص منه

گلت آخر كلمة ورفعت نظري مباوعه الها وهيَّ كذلك باوعتلي ورجعت نظرها ليگدام راده على كلامي

فاطمة: ابوچ ما مقتنع

قربة: عليش.؟

فاطمة: يگول ما ظن ابوها يقبل وهوَ شيخ عشيرة وناس طاكين يروح ينطي بته الوحيدة النا

صفنت على كلامها صح
قربة: صح كلامه بس خلي نخطي خطوة
احنا ما خاسرين شي.. خلي نمشي الهم وناخذ فاضل عم ذو الفقار وعمو صاحب ويمشون الهم

فاطمة:انشوف منا الذاك اليوم..بس خلي نطلع من هل بيت ونخلص

وخرت منها ورديت عليها وانا احط جنطة بالارض يم الغراض قربة:صح ذكرتيني محد اجاكم من ذيچ الصفحه... زهرة اشواق شعجب ما اجن عليچ

فاطمة:زهرة ذاك اليوم من شافت عليا ينقل هوَ وابوچ بالغراض سألت ها راح تروحن...وعليا راد عليها لا بعدنا... ويگول خلت وسدت الباب بدون ما ترد

قربة:جيرة اي والله

فاطمة:عوفينا منها وتعالي شوفي غراضچ البقن ترديهن لو اذبهن

هزيت راسي بأي ونزعت الصايه والشال وظليت بس بالدشداشة، ظليت افتر بالبيت وباوع على كل ركن بي هنا أكلنا.. هنا گعدنا وتشاقينى
هنا عليا يجيب النا لفات بالختله اذا ابوي معاقبنا
هنا نام كلنا من تجي خالة وحوراء ونضحك ونسهر الصبح... صدگ على طاري خالة تذكرت
درت وجهي على امي تشد بالصرر زين

قربة: يمه خالة هم اجتچ.؟

فاطمة: اي البارحة من الصبح لليل وياي هيَّ وحوراء واليوم رادت تجي بس انا ما خليتها گتلها قربة جاية سوده عليَّ تعبت وياي هيَّ وحويرا

قربة: عبالي ما جايتچ

فاطمة: لا اجت شلون من يوم الي كمت اعزل بالبيت هيَّ وياي

تحچي وياي وهيَّ تشد بالصرر وما تباوعلي
هزيت راسي بها ومشيت اكمل آخر انظاري على البيت وصلت يم باب غرفتي انا وغيم دايره وجهي الباب غرفة عليا مشيت وكفت گدام الباب فتحته وباوعت على الغرفة فارغه وبس كارتونه موجوده
تقربت مباوعه باوعت بداخلها ملابس قليله ومشط وعطر

مشيت طالعه من الغرفة متجها الغرتنا انا وغيم
هذا البيت احبه وكرهه.. احبه لان بي ذكرى حلوة ويا اخواني.. وكرهه لان عشنا ويا أب الشجع تارس راسه

صح هوَ مو ابو مشاكل بس كلشي الي يريده كون يصير وقرب شي هوَ زواجي من ذو الفقار
جبرني وكتنلني وهددني في سبيل يحقق الي يريده
وماعرف الحد الان شنو غايته من زواجي من
ذو الفقار، شو لا كوه طمع أو منطينه فلوس

على طاري الفلوس تذكرت كلام ذو الفقار بايام الخطوبة من خابرني، يا تُرى شنو الخله ذو الفقار يخابر ويگول هل شكل.. شنو سالفة المحل.؟
بس وقتها ابوي من حچيت ويا تبهذلت احواله
معقولة اكو شي چبير يعرف بي ذو الفقار أو عمو صاحب

حيرة ويا هل شاكر ماعرف شنو الچان يدور براسه وشنو غايته من زواجي.. وهيَّ الى بحالتين يا يريد يتخلص مني، يا اكو شي ماخذه من بيت عمو صاحب

وثنينهن ما استبعدهن من شاكر. اعرف بي الفلوس والجاه اهم شي عنده حتى گدام اهله هوَ مو رجال عادي لا لازم عنده الفلوس والجاه

تنهّدت واكفه گدام الباب الغرفة مفتوح على النص
باوعت على الباب وعلى الداخل
هنا امي ظلت تركع بالباب حتى طلعني من ايد ابوي
هنا انضربت ونجبرت حتى اقبل على الانسان المخبل المريض

هنا عشت احلى ليالي ويا اختي.. هنا عشت ليالي عبارة عن دموع وحسرات وألم
هذا البيت بي حسرات ودموع ما تخلص.

مديت ايدي فتحته على حيله ودخلت مباوعه على محتوى الغرفة فارغه ما بيها أي شي لا كنتور لا بوفية
فارغة ما عده الكومة الصرر الموجود هيَّ والكراتين

باوعت الغيم تبوحوش بالغراض من حست عليَّ
رفعت راسها وگالت وهيَّ ترجع دور مدري على شنو

غيم: ها قربانو

قربة: شجاي دورين

غيم: خيه كتلني البرد اريد ترواكه البسها

سكتت ما راده، بينما انا عيوني تتجول بالغرفة
هاي الغرفة حتى خطفي وكسرتي شهدت عليها
عفيه بيت شگد بي مصايب وكسرات.. تنهّدت بألم من ذكرى الماضي هامسه بهدوء

قربة: غيم تعالي اصعدي وياي اريد اشوف السطح

رفعت راسها باوعتلي بنظرات دگول ها بس لا بعدچ
بسع ضحكت وهزيت راسي گايله

قربة: ها تباوعين شبيچ.؟

رجعت نظرها على الكارتونه جرت
كوت اسود راده وهيَّ تباوعلي

غيم: تعرفين من نظراتي شقصد

قربة: ههه ههه لا والله لا ابد مو الي بالچ أصلاً نسيت ورحت گلبي نسى وراح

غيم: اي چذبي

قربة: بكيفچ لا تصدگين.. وعود اذا ترديت تعالي وراي