بس هاي لان يحبچ ورايدچ بكل الطرق
لچ حتى بيوم طروحچ اباوعله مثل المخبل رغم مادري بي بس هسه فسرت كل تصرف سوا
من شفته الحد ماعرفت هوَ يحبچ وصدگ شفت الحب بعيونه من صدگ

لذلك أنتِ لا تخسرين هذا الحب الحقيقي بثول من ثولچ وأنتِ تحبي لذلك انطي النفسچ فرصه انطي مجال المشاعرچ لا تقوقعين على نفسچ وأنتِ
كله بعدچ ما داخلة العشرين الي بعمرچ يحبن وينحبن

وردة: ماگدر مريم افتهمي ماگدر اتقبل فكرة رجال يدخل حياتي.. افتهمي المر وياي مو شويه
شلون اتقبل رجال اعيش ويا حياتي
وهم افهمي انا مريضه نفسيه، اي والله مريضه هسه عرفت بنفسي.. بعد شلون اروح اورط واحد وياي هم مريضه وهم أرملة

مريم: الي يحب من صدگ ما تهمه هيچ اشياء

وردة: ماريد مريم افتهميني فدوة.. ردي الهم الخبر بالرفض حبابه افتهمي وضعي حبابه

صفنت بوجهي بينما انا احچي وتوسل بيها.
غمضت عيونها ورجعت فتحتهن تباوعلي بنظرات عطف عكس المساع نظراتها كلها شك وغريبة بعض الشي

مريم: هاي هيَّ مثل ما تردين.. بس حرامات والله هيچ قسمه تروح من ايدچ بعلي

ملت راسي متوسله بيها، هزت راسها بأس طالعه من يمي، اول ما طلعت من الغرفة نزلت دموعي بدون سابق انذار، ماعرف بنفسي صحيح احبه.؟
معقولة احبه بس ماعندي احساس احس بمشاعري

بس شوگت حبيته.؟ شوگت من حسيت ابتعد عني حسيت بالحب.؟ بس ما جاي احس يا ناس ما جاي احس، رفعت ايدي مسحت عيوني بقوة
اريد اسكت نفسي ماگدر
وخرت ايدي على صوت اشعار..مشيت اشلت الموبايل قربة رأساً دخلت على رقمها وكتبت

وردة: تعرفين بي ودا اهله وما دگولين اليه قربة

شافتها وبسع دزت بصمه وصوتها يرجف خلتني ارجف وياها

قربة: ووردة ذو ذو الفقــــــار دم دم الحكيني راح يموت...

يتبع.

32






لا تخدعك المظاهر، فهدوء المقابر لا يعني إن
الجميع في الجنة

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

.
.
.
.

-يله تعال تغدى

گلت هيچ وانا احط الصينيّة الأكل بالارض بينما هوَ كام من بايات الدرج الي چان کاعد ولازم جبينه يفرك بي دخل للمطبخ وجر الصينيّة وگعد جوه المجمده
هتفت بهدوء مترقب حركاته الغريبة

-شبيك يوجعك شي اخابر عمو لو مطلب يجون

هز راسه بدون ما يحچي حرف كشيت خشمي
هامسه بيني وبين نفسي
الخرس كوه يطلع الكلمة، وخرت عيني منه ماشيى اخذ وصل نظيفة امسح الكاونتر والثلاجة.
ويا مشيت همس بصوت خافت

-تعالي تغدي

-ماريد أكل أنتَ

عفته ومشيت طلعت معجانه ترستها ماي حار وحطيت عليها منظفات.. كملت واخذت الجفوف حتى لا ايدي تتأذى من الكلور
اخذت المعجانه وبديت انظف وبين الحين والاخر ادور وجهي اباوع عليه ياكل بدون صوت

كملت الكاونتر ومسحته زين ونتقلت للثلاجة حطيت المعجانه على المجمده وتشلبخت عليها امسح الفوك بينما تشلبخت ذو الفقار رفع راسه مباوعلي عاقد حاجبه هتفت وانا اعدل نفسي

قربة: اريد انظف شبيك تباوع

رفع تك حاجب هاز راسه هسه يگول هاي شبيها
رجع ياكل تمر ولبن
نزلت الغراض الموجوده على المجمده
وبديت امسح التراب بعدها انشفها كملت منها وگنبصت وانا على المجمده امسح بالتحفيات امسحن وحطهن على صفحه، وآخر شي مسحت المزهرية الچبيرة بيها ورد.. شلت الورد
گلت اغسلها من اكمل وصعد ارجعها بالمزهرية

كملتهن كلهن ونقلت التحفيات المكانهن، سفطتهن على ترتيب خالة ورجعت شلت التمثال مال الفيل صغير حطيته بمكانه درت وجهي اريد اخذ المزهرية ومدري شلون تزحلكت رجلي الي صايره بصف المزهرية والمزهرية بصف رجلي اليسار

بس طخيتها طب طاحت وين طاحت بالارض مدري على ذو الفقار.. رأساً باوعت عليه شاهكه وفتاحه عيوني بصدمة، كممت فمي عايطه بخوف

قربة: يبوو صخاب.. وعلي مادري وتزحلكت.
بس لا تذيت.؟

گلتها وانا انزل من المجمده
بينما هوَ رفع ايده لزم مؤخره راسه.
والمزهرية مطشرة بالارض ، حنيت نفسي صرت بصفه رافعه ايدي اريد الزم راسه وهوَ لازم راسه ولا حرف يحچي بينما انا احچي ورجف من الخوف لان الدم كام ينزل على رگبته نازل على ظهرة

قربة: وعلي مادري وزلكت.. احچي ذو الفقار ليش ساكت گاعد تتأذى... وخر ايدك هاي الدم گاعد يجري شو كوم يله كوم خلي اغسل راسك وحط كطن.
لو اگلك خلي اتصل على مطلب يجي يشوفك
شوف الدم ترست رگبتك... ذو الفقار مو احچي وياك لا تخوفني حباب

احچي وارجف رجيف وهوَ ولا تحرك لازم راسه ومقلص جسمه كله... بآخر كلمة صفح راسه مباوعلي والدم نازل على جبينه... متت خوف.
يمه راح يموووت صخام صخمني

قربة: ذو الفقار كوم... كوم حباب كوم خلي اغسل راسك وحط كطن حتى يوكف الدم بينما يجي مطلب

غمض عيونه ثواني ساحب نفس كوه.
گلبي راح يوكف من الخوف.. صخام صخمني
شوداني وكمت انظف شوداني
احچي ويا روحي بصوت وانا الزمه من ذراعه اكومه وهوَ كوه كام.. بينما احچي هوَ كام جسمه ثگل ونفس كام يجره على السريع

قربة: كوم حباب كوم... صخام والطام
ذو الفقار كوم لا تشلع گلبي والله حيلي باد كوم
اي كوم عفيه حتى اغسل راسك من الدم وحط كطن حتى يوكف... ذووو الفقار لا تخوفني احچي حباب يوجعك راسك، وعلي مادري وتزحلكت وعلي مادري

احچي وهوَ مغمض ولا فتح عين.
كوه وصلته للسنك، فتحت البوري ورفعت ايدي منزله راسه جوه الماي، من حطيت راسه وأن بألم.
شاغت روحي قبل روحه
وعلي متت قطرة دم ما بسمي من الخوف

عفته على وضعه وركضت للثلاجة طلعت الكطن ومشيت، طلعت الكطن من الچيس كله وخرت راسه من البوري بس وخرته من البوري اريد احط الكطن شو هذا خر وطاح على وجها

هوَ انا شفته هيچ لو انصعقت... اريد احرك رجلي ورح اله ماگدر... ادموعي كامت تسابق وگلبي يدك بهمجيه
حيلي باد ماگدر اسوي شي غير الهث بكلمة

قربة: مات مات مات ذو الفقار مات

كملت آخر كلمة شاهكه بصوت
خطيت خطوة عابره من رجلي الي انفرشن فرش وايده الي مشموره بهمال ومتروسه دم
منظرة خلاني التقط انفاسي بصعوبة
مشيت گنبصت گدامه،واهز بكتفه وحچي بخوف بينما احچي ويا ودم ترس الارضيه أما وجها صار اصفر كركم

قربة: ذو الفقار تسمعني ذو الفقار لا تموت حباب لا تموت، وعلي مادري وطاحت وعلي مادري.
حباب لا تموت والله بعد ماگول المخبل
بس اگعد وبعد ولا انكت عليك حباب اگعد والله راح اموت.. هاك اسمع گلبي ظل يوجعني شوف شلون ظل يدك بقوة... لا تموت والله اموت حباب

هتفت هيچ وانا ارفع ايده احطها على
مكان گلبي وحچي وياه وارجف بينما هوَ جثه هامده
تخبلت الى شوي راح يموت وانا ماگدر اسوي شي
راح يروح من ايدي وانا ما بيدي أي شي

وخرت ايده طايحه بالارض، وكمت ركض صعدت فوك اتعثر بخطواتي الى شوي ردت اطيح من الدرج
وصلت الغرفتي بالف يا علي.. دخلت وكبل رحت اخذت الموبايل وطلعت وماعرف على منو اتصل

ما اجه گدامي غير رقم وردة رأساً دخلت عليها وتصلت وانا انزل جوه ووجف رجيف.
مادري الثول العندي عفتها كلها وتصلت عليها
بينما دكيت رأساً هتفت ودموعي عشرة عشرة أنما هيَّ ردت عليَّ بخوف وتوتر

وردة:وينهم عيالچ.؟

قربة:مو هنا مو هنا طلعو

وردة:خابري على سريع شماتنيه

سديته بوجها بدون ما اگول شي رأساً خابرت على مطلب وبعدني واكفه على الدرج ماگدر اكمل طريقي رجلي ماتت.. شوي يله رد عليَّ بصوت وهوسه يمّه

مطلب: ها خويه

قربة: مطلب... مطلب مات مادري مات

مطلب: اسم الله شبيچ منو المات احچي منو طالب مو.؟

قربة: لا... لا... ذو الفقار دم دم راسه يجري دم تعال راح يموت... دم راح يموت... يمه والله العظيم مادري وطاحت وعلي مادري

مطلب: احچي عدللل شكو شبي ذو الفقار.؟

شهكت بصوت كوه يطلع
قربة: دم دم راسه يجري دم تعال راح يموت

ما سمعت منه شي بس صوت طكطكه ونسد الخط
بس سد الخط، نزلت كوه راجعه يمّه وسحل برجلي سحل اريدها تعيني ماگدر... گلبي راح يوكف من الخوف، اذا صار بي شي اموت ورا والله اموت

دخلت للمطبخ مباوعه عليه على وضعه والدم زاد ما نقص رأساً عفت الموبايل على المجمده ومشيت اله اخذت الكطن، وگعدت کدامه رفعت راسه حطيت الكطن على مكان الجرح، رصيت عليه بخفه ورجعت راسه حاطته على حضني وحچي

قربة: ذو الفقار حباب لا تموت والله اموت وراك
حباب لا تعوفني.. هاي لان حبيتك راح تعوفني
فدوة اروحلك لا تموت والله انا احبك هواي اموت عليك انا ماگدر اعيش بدونك والله ماگدر.. رد عليَّ حباب بس طمني عليك

ظليت على هل حالة احچي ويا حوالي دقايق لا أكثر
وندك الباب بقوة.. باوعت على الباب وعلى ذو الفقار رأساً وخرت راسه من حضني وكمت طلعت اركض بدون حجاب ولا شي.. وظفيرتي طالعه ودشداشتي الوردية انترست دم

بسع فتحت الباب ودخل مطلب ورا خالهم سائب وعمو صاحب.. محد باوعلي غير عمو گال وهوَ يركض وراهم وانا امشي وراهم بسرعة

صاحب: شكو شصار شبي.؟

قربة: دم راسه يجري دم، راح يموت يابه لحكو

ما رد دخل للمطبخ بيتما اريد ادخل وطلع مطلب وسائب شايلين ذو الفقار من رجله وايده يركضون بي وعمو وراهم يركض طلع بالباب وصاح عليَّ

صاحب: سدي الباب وهسه تجي عمتچ

گال هيچ وطلع ساد الباب.
بچيت بصوت گاعده على دچة باب المطبخ
رفعت رجلي ثنينهن الصدري شابكتهن وهز بجسمي وبچي وحچي كلام ما مفهوم.

ظليت هيچ بالعشر دقايق أكثر أو اقل ماعرف.
وندك الباب، باوعت على الفتحه الجوه شي اسود ويدك الباب... عرفت هاي خالة وهاجر
كمت كوه اجر برجلي جر، فتحت الباب ودخلن وجوهن صفر... باوعن عليَّ وگالن بنفس الوقت بخوف

عيدة: شصار شبي؟

دنكت راسي افرك بيدي بخوف ودموعي يتسابقن بينما هيَّ سدت الباب ورديت عليها بكلام ما مفهوم

قربة: وعلي ها يمه وعلي مادري وتزحلكت وطاحت عليه والله يا يمه مادري

عيدة: شنهي الطاحت احچي يمه لا تفتين گلبي

رفعت ايدي الوجهي مغطيه وجهي واشهك واحچي بصوت ما مفهوم بينما هيَّ لزمتني من ايدي تهديني

قربة: والله العظيم ها... مادري وطاحت عليه انا مادري والله جاي جاي انظف وتزحلكت وطاحت عليه

هاجر: شطاحت عليه.؟ احچي لا تعتعتين

قربة: المزهرية طاحت

هاجر: بس لا الي على الثلاجة.!!؟

هزيت راسي باي بدون ما ارفع نظري باوع بعيونهم
بينما انا هزيت راسي بالأيجاب وهيَّ عاطت بصوت عالي وخالة عاطت بيها

هاجر: اخوي اذا صار بي شي اموتچ بيدييي والله اموتتتچ والله فاهمه لولا اموتتتچ

عيدة: هاجررر احترمي ودخلي جوه منا شارع

هاجر: يممممه فشخت اخوي شلون تردين اسكت ها وخوي بين الحياة والموتتت والله وثمَّ والله اذااا صار شي عليه اموتچ والله اموتچ

عاطت بيها خالة دافعتها جوه بينما انا ولا حرف حچيت الساني انعكد ماگدرت احچي حرف
كل الي گدرت اسوي هوَ ابچي وشهك
هذا الفلحت عليه... بينما هيَّ تحچي وتهدد وخالة تسكت بيها وتدفعها مدخلتها جوه

مشتها جوه ودارت وجها عليَّ وگالت وهيَّ تمشي بينما انا امسح بدموعي وتنزل غيرهن.
موفق يخوف.. خوفي على زوجي وحبيبي وصعب عليَّ اسمع هيچ حچي وانا ما متعمده على اذيته

عيدة: تعالي ادخلي

مشيت وراها وهاجر دخلت للمطبخ وسمع بچيها وشهكاتها، دخلنا وراها ويا ما دخلت باوعت على امها وهيَّ تأشر على الدم الي يم السنك صاير على شكل دائرة

هاجر: شوفي يمه شوفي هذا الدم كله نازفه
راح يموت يمه راح يــــــــموت

عيدة: اسم الله يمه اسم الله.

دارت وجها عليَّ وهتفت تريد تفتهم الصار
تحچي والخوف تارس وجها

عيدة: شصار شلون طاحت المزهرية عليه شجابها شوداها اله.؟ احچي قربة يمه كافي بچي خلي نفتهم

رفعت ايدي مسحت دموعي وبديت اشرح الها الصار وهن يباوعن عليَّ وعلى نص الكلام وهاجر عاطت

هاجر: ثووووله ما يعتمد عليچ.. مكان شكبره شكده ما حطيتيهن بي الى على المجمده منا ما فشختي
تردين تموتينـــــــــا، اي انا اعرفچ تردين تموتي تردين تتخلصين منه... گولي اذا ما تردينه عوفييي ورجعي الاهلچ

عيدة: انچبي هاجر كافي لغوة كافييي احترمي وجودي

هاجر: ما مچذبه يمه هيَّ ما تريده تريد تخلص منه بكل طريقة

صافنه عليها اريد احچي حرف ماگدر
اريد ارد عليها وسكتها، شنو هذا الحچي التحچي.
انا لو اموت ما افكر ولو تفكير اسوي هيچ وحتى لو ماريده بس ما افكر اقضي عليه
في سبيل اخلص منه.. عضيت شفتي رافعه ايدي ماسحه دموعي قاطعت خالة راده على كلامها بحدة وصوت يخرخش من البچي

قربة: انا مو عديمة الانسانية حتى اروح اكتل شخص خوش اعرفي الحچي شنو من تحچينه عـ...

هاجر:ليش ماعرف احچي، اعرف انا كلش زين ماتردي اعرفچ والله اعرفچ من يوم الخطوبه أنتِ ما طايقته ولا تشوفينه بعينچ

قربة:لا تقاطعيني جاي اگلچ انا مو عديمة الانسانية حتى اروح اكتل شخص وهذا الشخص منو.؟
هذا رجلي، وهذا كلامچ وعياطچ ما يساوي الخوف الي بداخلي عليه

دارت نظرها عني مباوعه الامها
هاجر: يمه صدگيني عملتها هاي متعمده شافت الفرصه من جانبها وتريد تخلص منه..ما تحب اخوي تريد تخلص منه

عيدة: هااااجررر بسچ لولا

توقفت عن البچي صافنه على كلامها هاي البت شبيها خوفها على اخوها خلاها هيچ تحچي لو صدگ ماخذه فكرة عليَّ انا هيچ.؟ اريد اضحك وعيط وگول انا زوجته قبل لا تكونين اخته... اخاف عليه أكثر منچ ومن غيرچ.

عصرت ايدي بقوة راده عليها بقهر مُمزوج بأسف
ما توقعت من هاي الخنوسيه هل شكل عبالي ادميه على اهلها تاري بالوجهه مراية وبالظهر سلاية

قربة: ماعرف هل شكل تفكرين بيه انا هيچ بس احلف بكلام الله الصار قبل شويه كله قدر وانا ما متعمده على اذيته، وأنتِ يمه اذا ما تصدگون بيه جيبو القرءان احلف بي

عيدة: شلچ بهل حچي يمه انا ماعرفچ

قربة: لا والله جيبو القرءان احلف بعافيتي وصلاتي انا ما افكر ولو تفكير واحد اسوي هيچ شي بذو الفقار خالة انا هوَ روحي وعافيتي شلون اموت عافيتي

هاجر: عيارة وكلاوات لا تصدگين بيها يمه والله حياله صدگي بيه انا اعرف هيچ نسوان انا طول گعدتها هنا اجي اگلچ يمه انتبهي منها على اخوي لا تسوي بي شي اخوي تعبان وخريها منه

صافنه عليهن عين عليها وعين على خالة
معقوله هيچ تفكر.؟ ليش شني الشافته عليَّ
حتى هيچ تخاف على اخوها مني.؟
هههههههه ههههه اي اريد اضحك وعيط بوجها اگلها شمسوي، أي ذنب وهيچ تخافين على اخوچ مني.

بينما احچي بداخلي خالة خزرتها وانا حچيت قبل لا تحچي، وهتفت نص الكلام وضحكت بقهر واسف

قربة: لا تخزرين خالة خلي تحچي بله شكو بعد
طلعت انا اريد اكتله وريد اتخلص منه وهيَّ خايفه مني بله خالة أنتِ شنو تفكرين وتخافين مني ههههه اي والله اريد اعرف وهم من يجي عمو ولولد اسألهم من شنو يخافون من قربة المجرمة.. هههههههه طلعت مجرمة ومادري يا سبحان الخالق

عيدة: يمه قربانه

قربة: لا يمه ولا شي انا شسويت وهيچ خايفه بتچ على اخوهااا ترا انا صدگ انجبرت عليه
بس مو معناه اروح اكتله، وين ديني وين ضميري.؟ وأنتِ خالة. أنتِ أكثر وحدة تعرفني انا كلش زين شني وشنو طبعي... أنتِ أكثر شخص يعرفني.
وذا صدگ كلامها... ليش ما كتلته من زمان
شو كلشي انا اسوي بيدي أكله شربه كلشي.. شمعنى هسه..؟

احچي وخالة كل ما تريد تحچي انا اكمل وهاجر ولا حطت عينها بعيني.. سكتت وخالة ظلت تحچي وعلى النص لزمت هاجر من ايدها ودفعتها عليَّ

عيدة: اعرفچ يمه انا اعرفچ أنتِ شني
بس بتي ادب سزيه وما عرفت اربيها.. والي اعتذري منها لا افصمچ فصم

رجعت ليورة راد بهدوء
قربة: ماريد اعتذار الحمدلله من الله كشفها وعرفت وجها الحقيقي... وان شاءلله بس يكوم ذو الفقار على حيله انا ارجع لاهلي وخليها تعيش مرتاحه بعدما تخاف على اخوها من المجرمة قربة هههه مجرمة حلوة طلعت مجرمة

كملت آخر كلمة ودرت وجهي طالعه من المطبخ عايفتها تحچي وراي وانا ولا رديت.
صعدت ركض... اريد اعيط وصرخ الوحدي.
انا طلعت ماريده ومو امان. وريد اتخلص منه شوگت هاي انا بايام الخطوبه ما فكرت هيچ نوب هسه من عشقته وحبيته افكر اكتله

كلام ما يدخل العقل... انا ما جاي اصدگ ولا اتخايل كلامها، من احچي الغيري راح يضحكون عليه ويطلعوني چذابه.. يمكن انضرب عقلي وكمت اسمع اعوج... لا لا انا سمعت كلشي اي هاجر الخنوسيه الما تحچي هيچ تفكر انا اسوي... عجيب والله عجيب

دخلت للغرفة وركعت الباب ورايه باوعت على الغرفة وتذكرته، نزلت دموعي حاچيه بصوت خافت كاد ينسمع

-حتى أنتَ تفكر انا ماريدك
ليش انا مو گتلك احبك، لو ما احبك ماخلي روحي وبدني يرتبطن بكل تفصيله بيك. لو اكرهك ما اعشقك وتنفسك

اخ گلبي اخ احتار بمصيبة رجلي الي مادري ميت عدل لو بالمصيبة الجوه الطلعت اليه صفح
بين كل هل حچي افتر رايحه راجعه بالغرفة وحچي ويا روحي بصوت عالي.
آخر شي دخت الدنيا ظلت تفتر بيه غمضت عيوني حيل وگنبصت ثواني وگعدت على مقعدي
ظليت اباوع على الباب وكل كلمة گالتها تمر گدامي مثل البرق

شنو سويت وكرهتني.؟
شو انا ابد ما احتك بيها ولا احچي وياها هواي
وحتى هيَّ سلوبها عادي وياي
بس اخ والي بالگلوب بس الله الي يعلم بيها
وهسه اكتشفت وجها اليه، وحمد الله كشفها اليه حتى ابتعد عنها، أصلاً عود اذا ظليت دقيقة هنا اطلع مطيه

اذا همه هيچ يفكرون ويخافون المن ظاله.
مادام بعده الشط مو غميج
ابتعد عنهم احسن اليه ماريد اتعذب وياهم
هوَ لا يحبني ولا شي، وهمه يشوفوني مسودنه وريد اكتله ويخافون على ابنهم المن ابقى بعد
عندي تلد ولد لو هوَ يحبن اگول خطيه شلون نتفارق

ظليت هيچ احچي وخطط وانا مثل الفاقده ما احس بنفسي، منا ما سمعت صوت جوه.
بس ما بيه حيل اكوم وحرك نفسي البچي البچيته والهبطه الأكلتها من الظهر الحد هسه ما خلن بيه حيل

غمضت عيوني مرة وفتحتها مرة.
بلعت ريگي مباوعه على الساعة بالاربعة كل هاي المدة المرت وماكو خبر عنه لو خابر مطلب بس مادري انا.. تليفوني جوه ماگدر انزل اجيبه وهم ماريد اشوف وجها

مديت جسمي على المده.. مقلصه رجلي البطني
وايدي قبضتهن ثنينهن الرجلي شلون الجدين صرت
غمضت عيوني واحچي ويا روحي ثواني منا بعد
ما حسيت بشي

ماعرف شگد مر الوقت بس حسيت على صوت طرقات خفيفه على الباب. شگد طرقات خفيفه بس فزيت مرعوبه، باوعت بالغرفة ادور بيها
ما شفت احد رجعت نظري للباب بعده يندك وهسه يله ركزت صوت يجي ويا طرقات الباب

كمت كوه مشيت خطوة ورجلي وكفت
ظليت ثواني لازمه رگبي وعاوجه وجهي من الالم
بلعت ريگي من خف الخدر ومشيت على كيف
تچيت ايدي على الحايط وهتفت بصوت خافت بينما اخذت الشال المشمور على الكومدي

-منو..؟

-انا يابه خوفتيني ليش ما تردين

لبست الشال زين وفتحت الباب صار بوجهي مطلب
باوعت عليه وهزيت راسي بخوف وتوتر

قربة: بشر ذو الفقار شلونه.؟

مطلب: وعلي خوش منيشنته هههههه

عبست تعابير وجهي بستفهام هذا من كل عقله شگاعد يحچي قربة: مطلب شتحچي خويه، اگلك ذو الفقار شلونه كون متأذي.؟

هز ايده راد وهوَ يدور وجها يباوع على الدرج
مطلب: گولي شلون عاش

قربة: دك گلبي بقوة عاصرتني بطني رمشت كذا مرة راده على كلامه بصعوبه:- مطلب وعلي ازحلكت ما ردت اكتله صدگني

عگد حواجبه راد بستفهام
مطلب: شبيچ خويه شگاعد تحچين كتلتي شني
شني تعلمينه بيچ وأصلاً الضباط سألو ذو الفقار گال حادث وانا سألته كال جاي تنظف بالثلاجه وتطاحت عليَّ... بعد شبيچ اتحچين هيچ.؟

رفعت ايدي مسحت خشمي راده بغصه
قربة: بعدين نحچي مو وقت هل حچي، بس طمني هسه شلونه وشوگت يطلعونه.؟

مطلب: خويه نايمه أنتِ طلعنا من العصر وهسه بالـ10

رجعت ليورة مباوعه على الساعة هاي المده كلها نايمه وما حسيت عليهم.. نزلت نظري اله راده

قربة: وشلونه هسه.

مطلب: رادچ من مساع بس گالت امي عوفها ظلت تبچي، خليها ترتاح وهسه امي ودتني على ملابس انريد انمسح الدم لان چان نايم من المنوم وهسه گعد نريد نمسح الدم ونبدله

هزيت راسي ومشيت عايفه الباب مفتوح.. رحت الخانه مالته طلعت تراكسود بهاري وخوالي من الخواليات العندي، سديت الباب وصار انعكاس نفسي بالمراية شكلي يخزي الدم تارس دشداشتي وجهي اصفر فوك ما هوَ اصفر وعيوني حمر ومرمات

وخرت عيني من المراية وكملت طريقي انطيته الملابس وظليت واكفه، باوعلي وهوَ ياخذ الملابس گال وهوَ يغض النظر عني

مطلب: ما تنزلين اول ما گعد سأل عليچ

بلعت ريگي ما ناويه انزل ماريد بس اذا اظل گاعده هنا كلام هاجر راح يثبت الهم صدگ انا سويت هيچ سحبت نفس راده وانا انزل اردان دشداشتي

قربة: ابدل وجي وراكم

هز راسه بخوش بدون ما يرد ومشى نازل
زفرت انفاسي بتنهّيده دايره وجهي ماشيى طلعت دشداشة وشال وطلعت الحمام غسلت وكملت وطلعت الف بالشال زين ويا ما طلعت صارت بوجهي هاجر باوعت عليها بطرف عيني وهيَّ أصلاً ولا نتبهتلي مدري طيزتني وحدة من الثنين

عشتو بعد اهتم الها لو الوجودها
ام وجهين ما اسميها هاجر بعد اسميها ام وجهين
كملت طريقي بدون ما التفت نزلت جوه على كيف
وسمع كلامهم.. ظليت واكفه ثواني اسمع كلام مطلب هوَ وخالهم

مطلب: شو دوخر سويب خلي انظف هاي منا لا تخليني الجمه

سائب: شو دجيب انا انظفها أنتَ ايدك عوجه مثلك

مطلب: انا اعوج ولك

سائب: ولك شني انا اخوك الصغير لو هلز كاروكي ومادري بيك

عيدة:الولد راسه مشكوك وانتم تلغون فوك راسه
شو وخرو عنه انا انظفة

سحبت نفس اشجع نفسي انزل.
نزلت باقي البايات واكفه باول باية وهمه حسو على وجودي باوعولي كلهم ما عده ذو الفقار نايم على بطنه ومطلب يمسح بظهره.. بينما اباوع عليَّ خالهم

سائب: اجت ام الفشخات

ابتسمت بفتور بينما مطلب كال وخالة تباوعلي احس بيها بس انا مباوعت عليها زعلانه منها من المساع اعرف هيَّ مالها علاقه بس گلبي شايل عليها.
ركزت على كلام مطلب وهوَ ينظف بظهر ذو الفقار

مطلب: لك انا شاك عملتها هاي مقصوده.. كولي خويه فشختي ابنه عمدن مو.؟

قربة: اي

باوعت على خالة تباوعلي ومطلب رفع نظرة مبتسم بينما انا وجهي معبس وما بي أي ابتسامة عگد حواجبه وگال بينما خالهم سائب يباوع على مطلب وعلى ذو الفقار

مطلب: مو هينه بعلي جايبتها بالمكان ههههه

سائب: لك احنا لازم نسوي فصل وفصلنا فصليه الاخو الضحيه

مطلب: الله اي بالعباس الى نفصلكم مرّة شني اخونا تايهه، انريد فصليه منكم

ابتسمت بفتور راده كوه
قربة: انطيك غيم وتفشخك وتنومك بوادي السلام مو مستشفى، لان احنا عائلة مجرمين مو خالة

هتفت آخر كلمة مباوعه على خالة.
أما هيَّ باوعتلي وباوعت على الولد الي صفنو على كلامي ضحكت تلاشي الشحنات الترست الصالة

عيدة: وين اكو مثلچن هذا يوم عيد اخذ اخيتچ الهذا الرعن

مطلب: انا ارعن يمه شني اليوم ارعن وعوج شني شبيكم وياي انا انسان طيب محترم ليش ما تحترمون ليـ.

ذو الفقار: كمل يله

باوعت على ذو الفقار مقاطع مطلب.
منومينه على دوشك، ليش ما حطو الجرباية مال خالة بينما اباوع عليه مطلب رد وهوَ يبلل الخوالي.. عصره زين ورجع يمسح بي

مطلب: هم مفشوخ وهم تلغي اسكت انا منك اظل اسبوع بالمستشفى على هل فشخه.
بس أنتَ صل حتى الدكاترة گالو هذا شياكل وما مهتم للوجع

سائب: ياكل تبن

عيدة: وخر مطلب انا انظفة، شلعت گلبه وهوَ منا راسه

ذو الفقار: قربة تعالي أنتِ

بلعت ريگي ومطلب كام وهتف وهوَ يشمر الخاولي عليَّ ويدردم

مطلب: هوَ أنتَ بكل طريقة تريد مريتك نظفك دگول من الاول حتى نريح دودة البيك

عيدة: مطلـب

مطلب: شاحچين عيوده

عيدة: سائب اخذه بعد اختك وخره عني خلي اخو يرتاح شوي

بينما همه يحچون ومشيت گنبصت گدامه گاعده على رگبي بللت شفتي هامسه بهدوء رافعه ايدي البيها خوالي امسح الدم العلى رگبته ونازل على كتافه وظهرة

قربة: الحمدلله على السلامة

هتفت وانا اشح عيني عن راسه.. ما رد عليَّ ولا انا حچيت شي.. مسحت الدم كله من ظهرة
بينما امسح ركزت على الندبة الشفتها باول ايام عرسي ركزت على وسعها جاية من كتفه الحد نص ظهرة

شكلها مكرمش تكرمش.. ماعرف شنو الصاير ويا
وهاي الندبة موجودة.؟ ماعرف بالضبط ماليش
بس شكلها مال حرك مو جرح او عملية

اباوع على راسه ملفوفه بالفاف ورگبته متروسه لاسقات جروح يمكن الكزاز زلغ رگبته.
وخرت عيني من رگبته ماسحه الدم من يم الندبة

صفنت عليها متذكرى كلام سكنه.. معقولة هاي الندبة صايره بيه من امة احتركت.؟
أو هوَ چان وياهن بس ما صاير بي شي وبس محترك بظهرة اي... اي ماكو غير هيچ
هوَ من سألته ما رد عليَّ، يمكن ما راد انا اعرف السوته امة

بين تفكيري وصفنتي.. بللت شفتي موخره الخاولي وهمست بهدوء وخالة طلعت مدري وين ما حسيت عليها من طلعت بس الولد طلعو اول ما ظليت امسح بظهرة

قربة: كملت ظهرك كوم امسح باقي الدم

كملت آخر كلمة وتحرك رافع نفسه گاعد على رگبه
ظل هيچ ما تحرك وانا ما حچيت
رأساً گعدت گدام على الدوشك..وجريت الطاسه غسلت الخاولي ونشفته زين
وبديت امسح برگبته نازله على صدرة. شگد نازف دم
سوده عليَّ

شلع گلبي وانا امسح بي يابس وما يطيح بسهوله
كملت صفحه ونتقلت على الصفحة الثانية
بينما ولا رفعت نظري ولا باوعت، مادري گلبي وجعني من مساع الحد هسه، وكلها حملتها الذنب ابوي وعمو وخالة وهوَ وهاجر، كلهم

وبذات ابوي لو ما هوَ انا لا متزوجه ولا اعرفه
چان انا هسه ادرس بجامعتي وكل همي دروسي واجباتي، بس شگول عليك يابه.
الحد هسه ابوي ما راضيى عليه حتى لو حبيت
ذو الفقار هذا الشي ما يغفر ذنبه عندي

انا لو ما ابوي چان ما مثل هاجر تجي تحچي وتلغي وتتهمني هيچ اتهام.. اخ بس شبيدي هذا نصيبي لازم انچب وسكت مثل الحبابه.

زفرت انفاسي موخره الخاولي اغسله زين
نشفته ورجعت رافعته امسح وجها وهسه يله حطيت عيني بعينه.. اول ما رفعت عيني وجت بعينه
صفنت ثانية لا أكثر بعيونه أو نظراته الي تتحرك ويا بؤبؤ عيني

بلعت ريگ وشحيت النظر عنه.. رفعت ايدي مسحت جبينه، على كيف خاف يتوجع.
بينما امسح بي وعيني مركزتها على مكان الدم
أما هوَ همس بصوت خافت كاد اذني التقطته
بينما گال هيچ نزلت نظري مباوعه بعيونه التتفحص معاني وجهي

ذو الفقار: شبيچ.؟

صفنت بعيونه وكلام هاجر كله مر گدامي
بلعت غصتي ودموع كلها تجمعت بهدابي.
اريد اشكي وگله اختك هيچ تتهمني.. بس ماکدرت احچي حرف غير كلمتين بعنتكه
بينما گلت هيچ قلص عيونه مستغرب كلامي

قربة: شبيه.! بيه لحم وشحم.. لا تباوعلي هيچ خوش

-منو يعنتك على منو.؟

قربة: اي انا ضربتك وطلعت دمك وردت اموتك
اي انا ردت اموتك خوش لو لا.
وهسه اروح لهلي ولا اشوفك ولا تشوفني وكل واحد يروح بطريقه انا وحدة مجرمه تريد تتخلص منك المن ظاله يمك

-شصار

بينما احچي ويا وامسح بوجها وحرك بتعابير وجهي وكتافي أما هوَ رد عليَّ وكفت عن المسح بالعه ريگي مباوعه بعيونه ودموع ظلت تلالي
هوَ شاف الدموع تلالي بعيوني عگد. حواجبه هاز راسه معنى احچي

شهكت منزله راسي ويا ما نزلت راسي دموعي طاحن
ما اتحملت اظل ساكته وما احچي لو ابچي
خلي احچي وخلي شيصير يصير.. المهم يعرف انا ابد ما راح افكر بهيچ حتى لو چنت اكرهه

قربة: ممـما متعمده اضربك والله يا ذو الفقار

ذو الفقار: كافي وگومي نصعد فوك

قربة: لا لازم احچي وفهمك شنو صار وشكو ماريد اظل ساكته ولا اريد اسكت عن حقي اريد احجي ووضح الك أنتَ بالذات وبعدها كل واحد يبتعد عن الثاني ويعيش حياته

ذو الفقار: وين تعوفيني انه محتاجچ

رفعت نظري واكفه عن التنفس.. عيوني تتنقل من عين العين، اريد اشوف كلامه صحيح لو گاعد يحچي صدگ لو يريد يسكتني.. بللت شفتي ساحبه نفس منزله راسي راده بخفوت وعصر بالخاولي بيدي

قربة: بس يگولن انا اريد اتخلص منك وهذا الحادث عمدتاً مو حادث

-وانا شلي علاقه بيهم

صفنت ثانية هذا گاعد يحچي لو انا اسمع غلط
باوعت بعيونه هامسه بصوت ما مستوعب

قربة:عقلك بدلو.؟

-شنو.!؟

قربة: عقلك صاير بي شي شو گاعد ترد عليَّ وتحچي وياي، گول بدلو عقلك لو الضربه اثرت على دماغك

سكت ما رد
قربة: ها سكتت حسدك

ضحك بخفه عاض شفته منزل نظرة الارض
ذو الفقار: كومي نصعد اريد انام

قربة: بس

-كافي انسي الصار، عليچ بـ انا... انا راضي بيچ مجرمة جسرة ثوله فطيرة قابل بس گومي راسي موتني

-ههههههههه لا من صدگ مبدلين مخك أنتَ گاعد تحچي نوب شگد... لا ما جاي اصدگ

صفن ثواني عليَّ بدون ما يحچي شي شفته هيچ عبست وجهي رأساً وذبيت الخاولي بالطاسه
بينما هو كام من گدامي ومشى على كيف صاعد باوعت ورا يمشي على كيف مبين داخ

صعد المحجر على كيف منا ما غاب عن نظري
اخذت نفس طويل محتارة اخذ بكلامه لو ابتعد من هسه، تنهّدت بحسرة وكمت سفطت الفراش وخذت الطاسه ومشيت ذبيت الماي وكملت طريقي للمطبخ باوعت محد موجود

يمكن گاعده يم الولد.. بس گلت هيچ وباوعت على الشباك شفتهم كلهم گاعدين بالحديقة حتى عمو وياهم.. غسلت الخاولي والطاسه
شريت الخاولي وطلعت قبل لا تجي خالة ماريد اتواجهه وياها وتبررلي

صعدت فوك مشيت للغرفة دخلت محد بيها رجعت طلعت ويا مطلعت باوعت يمين يسار وشفت
ذو الفقار جاي من جهة الحمام لازم الخوالي على رگبته ويمسح وجها بخفه

ظليت واكفه منا ما وخر الخوالي عن وجها رافع راسه
ويا ما رفع راسه اجت عينه عليَّ.
عفته ودخلت شوي ودخل وراي ساد الباب

مشى گعد على الجرباية مد ايده البيها الخاولي معنى اخذي اخذته ومشيت شريته
شريته ودرت وجهي مباوعه عليه.. ظليت محتارة شسوي لا تليفوني جبته الهي روحي بي ولا اكو شي اضيع وقتي بي

ظليت واكفه ثواني ورفعت راسي من گال
باوعت عليه مدهوشة هذا اكيد دماغه انضرب
مامعقولة ذو الفقار السكوتي يحچي ولا نوب هسه

ذو الفقار: تعالي

-وين اجي

اشر على مكاني بدون ما يحچي.. انا مثل الحبابه رحت صاعده گاعده بمكاني.
باوعت عليه انطرح على بطنه مايگدر ينام على ظهرة بينما اباوع عليه گال بنظرات فاتره

ذو الفقار: شصارلچ احچي اسمعچ

بلعت ريگي وشحيت نظري منه مباوعه بالفراغ رديت عليه وانا العب بصابع ايدي

قربة: ماريد اضم عليك شي ولا انا اتحمل اكبت بداخلي "سكتت ثواني غمضت عيوني جاره نفس طويل مكمله" أنتَ شفتني من نظفت المطبخ كله وشفتني من نظفت الثلاجة صح لولا.؟
المهم انا من نقلت الاغراض البقية ردت اشيل الباقي صارت رجلي على المزهرية وطاحت عليك... يشهد الله عليَّ ما متعمده ولا متقصده.

ذو الفقار: منو تهمچ أنتِ متعدده.؟

قربة: هاجر... هاجر تهمتني انا اريد اتخلص منك وماريدك من يوم الخطوبه.
صح اعترف وسبق وگتلك ابوي جبرني عليك
بس هسه كلشي ختلف انا حبيتك بزينك وبشينك
وحتى لو ما حبيتك. ما راح افكر ولا افكر اسوي هيچ شي، انا على أي اساس اكتل روح شني انا مجرمة لو ارهابية، ومادري بروحي حتى اكتلك وتخلص منك

صدگني ردت اضحك لو اگلك ضحكت بس مو مثل هسه اريد اضحك على الكلام لان ما بي منطق ولا يتصدگ، لان انا عشت وياك اشهر وما بقى الى اشهر وقبط سنه وياك، شلون تاخذ عليَّ هيچ نظرة ونوب تحذر خالة مني عليك

هههههه من صدگ يا ذو الفقار انا مصدومه ومدهوشة
من كلامها.. ترا انا زوجتك ورفيقة دربك حتى لو أنتَ مريض وتعاني من مرض ماعرف شنو هوَ
بس تبقى زوجي ومو معناها اجي اسوي هيچ.
حتى لو ماريدك بكل بساطة انفصل عندك بكل هدوء
وكل واحد يروح بطريقة

احچي بدون ما احط عيني بعينه.. بآخر كلمة باوعت عليه بينما هوَ يباوعلي بهدوء من شافني كملت گال

ذو الفقار: تخاف عليَّ

-وتتهمني هل اتهام.؟

ذو الفقار: تعرف اشياء أنتِ ما تعرفيها اعذريها

-وشنو هل اشياء ليش انا زوجتك شنو الي يخليك تظم عليَّ اشياء تخصك

ذو الفقار: مو مهم تعرفيها. الاهم حاليا

باوعت عليه بصفنه شحچي ويا اعرف الكلام ويا ميت، لو احچي منا الباجر.
تنهّدت دايره وجهي عنه نايمه ومنطيته ظهري
أما هوَ ولا حچه شي ولا انا حچيت شي بعد
عم السكوت بالغرفة بس صوت انفاسنا وصوت ماطور الغرفة ينسمع.

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

-شصار على طويلب.؟

حطيت الشليف باب المحل أما هوَ واكف گدامي يم الباب، رديت عليه وانا ارجع اشيله ودخل جوه للمحل

-رجع سوى چا تصعب عليه

-والمحلات الي بصفه.؟

درت وجهي راجع طالع اخذ باقي الشليفات من العربانه، بينما الناس تروج... من اوصل يمّه احچي

-انطهام تعويض وهم گال الهم انا شلي علاقه المحل صاير بي تماس كهربائيّ واثر على محلاتكم.
والوادم هم سكتو قتنعو بالي انطا الهم لان هنه محل مال مخضر ومحل مال انعلات بحلكه

-كون شك لو لمح على شي

وكفت بصفه مباوعتله راده بهدوء على نص الكلام كملت طريقي اشيل آخر شليف

-ما شك بس ظل يراقب بيه وانا اخذت حذري وهم ستر عليَّ طيحت ذو الفقار ونشغلت ويا

-هز راسه ساكت.. دخلت ودخل وراي حطيت يم الشليفات الباقية وگلت موجهه كلامي للعامل المخلي بالمحل

مطلب: حسوني يابه هذن لحد يوصل الهن انا باجر افتحهن وسوي تخفيضات على الموجودات

هز راسه ساكت.. باوعت على فياض گايل
مطلب:ضرار ماكو مختفي اخابر عليه ما يشيله

فياض: مو هنا بالـ****

مطلب: شيسوي.؟

فياض: يگول ابن عمه ماخذينه للسيد
عمه ابو ستار ساحله من خوانيكه ومودي الهناك يريد يعالجه

مطلب: چا هوَ شبي شودا على السيد هوَ غير يشكي من معدته

فياض: والله نايمه الولد ماكلها مدبسه يگلي معدته

مطلب: اي شبي انا وين اعرف شو من المحل الطويلب وين اعرف وهم هوَ اختفى لا حس ولا خبر

رد عليَّ وحنا نطلع من المحل ونمشي طالعين من السوگ

فياض: آخر الاخبار البارحة خابرت ستار يکول موگلينه سحر وهسه جاي يعالجون بي وماعرف بعد شدگول انروح الى خطيه

وكفت گدام سيارته راد بينما فتح السيارة
صعد وانا ورا:- اخذنه الى مادام الوقت ظهرية على ما نوصل صايرة العصر

فياض: بله خلي اخابر اهله خاف مرجعينه

هزيت راسي بخوش وطلع اتلفون وظل يبحوش شويه ورفعه الإذنه.. شوي وظل يحچي ويا المتصل وانا اباوع عليه مركز بكلامه خلص ونزل التلفون

فياض: اليوم الصبح جاين من كربلاء السيد اموديهم الكربلاء

مطلب: اخذنه اله اول شي اخذلنا صندوگ ببسي انصفي معدته من السحر ههههه

فياض: شبيك حالته حالة كضيها سهال

-اسهال ليش شارب حبوب اسهال

فياض: تحجي صدگ أنتَ

-اي بعلي ليش اسهال

رفع ايده غم كصته راد وهوَ يلوف السيارة طالع على الشارع:- ماعرف بالضبط شني عود نوصل ونعرف منهم

هزيت راسي بخوش.. راد عليه متذكر امره نسيت اساله صاير هواي وانسى

-اگلك شصار على سالفتك

فياض: يا سالفة.؟

-الي، تحبها

فياض: رفضت

-بربك.!!!

-اي والله

-وشراح تسوي.!؟

-اظل اتقدم الها منا ما تقبل

-وهلك وابوك، شيگول

دار وجها مباوعلي بنظرات متروسه تعب
فياض: طبعاً رفض وما قبل

-وشراح تسوي هسه

فياض: گتله لا تخاف بس روح وياي نمشي على ابوها وذا رفض ما اخذك اخذ غير ودم خاف دگول رفضوني وما اسولفلك شسوى بيه
الحد هسه ما يحچي وياي وانا ادخل للبيت الخاطر امي المرّة مريضه ماگدر اقهرها.
وهسه توسلت بيها تقنعه وبقت على الله

مطلب: ليش ما تعوفها وتشوف وحدة من بنات عمامك شو عندك بنات عم شگد وكلهن دارسات وعدهن شهايد

فياض: شلي بالشهادة وانا گلبي هاوي شلعان گلب شلون اخذ وحدة وانا ما راغبها حتى حرام عليَّ
وعسى ما اظل عمري بلايه زواج ولا اخذ بت ناس وظلمها وياي

مطلب: ماعرف شگلك بس ادعي الله يلين گلبها عليك وتوافق

-امين يارب

ظلينا الطريق كله نسولف سوالف عادية منا ما وصلنا البيتهم، صفينه السيارة بالباب وفياض دك على ستار ودقايق وسمعنا يهلي ويرحب من ورا الباب.. فتح الباب وسلم علينا واحد واحد ودخلنا

مشانا البيت الشيخ دخلنا المضيف اول ما دخلنا المضيف عيني اجت على جانب الايمن فراش مفروش وشخص نايم وثنين شباب موجودين وعرفتهم علي وصادق تعرفت عليهم بالعرس
سلمنا عليهم وهوَ من حس علينا رأساً رفع راسه
باوعت عليه فاتح عيوني هذا ضرار البغل هيچ صاير.؟

مشيت متقرب عليه وراي فياض.. هزيت راسي رافع ايدي ماشر عليه واحچي وهوَ يباوعلي بتعب

مطلب: ولك هذا أنتَ العجل هيچ صاير

علي: لك غير لحم وشحم زربهن كلهن

صادق: ثول الهل حچي

علي: چا اچذب، غير خله شماطه ماله والي هههههه

مطلب: اها بعد انسمي ابو شمطه

ضرار: تضحكون على حالي ولكم

صادق: طبك هرش اي والله طبك هرش
ترا احنا لا تشوفنا نضحك عليك معناها نسينه سالفتك لا بالحسين بس دكوم على حيلك انحمسك حمس ولو عمي هاشم متحلف الك حلفة
وهم الي صارلك ويا المحروسه راح ظل طول عمرك تتلوع بس كون تعرف مكانها

باوعت على ضرار وعلى ابن عمه راد على كلامه بستفهام ليش هوَ شوصله الهل حالة

مطلب: خير شصاير وشجراله

علي: اگعدو وأنتَ صويدق روح گللهم جيبو الضيافه

مطلب: يااااا على طاري الضيافه نسينى الصندوگ ولك فويض

علي: ان جيرة بس لا قواطي ببسي

مطلب: اي

علي: امداك اي والله.. يله أنتَ الثاني روح جيب الجاي الهل وجهو القذرة اقصد الطيب

باوعت عليه صفح وکعدت يم راس ضرار وفياض يم رجله وهوَ ظل نايم

علي: اعذرو مايگدر يكوم يگعد على مقعده خطيه صـ*مـه يوجعه هههههههه

ضرار: عليييي

مطلب: شبيك تسكته خلي يحچي.
احچي ابن عمي احچي

علي: اي خلي اسولفلك شسوى هل مصكوع.. طلع متزوج بالسر

مطلب: احووووو

علي: بعلي طلع متزوج بت عمي وحامل منها وجايه المرته الأولانيه وحاچيه الها وكابه العركه بين الطناطل والديوجه
وعمي الشيخ من دره كبت العيطه نوب لزملك ضريره حمس وين اليوجعه

ضرار: علي

علي: وجعه خلي اكمل تسربت.
المهم منا ما ثاني يوم نگعد الصبح على عياط
لا چذب انا مو هنا بالشغل من رجعت سمعت كابه العيطه مرت ضرار الأولانيه ماكو وين وشصار اتبخرت

ضرار: صدگ تحچي.؟

باوعنا عليه كلنا من نبرة صوته المتفاج. باوعله علي راد عليه

علي: شبيك نايم أنتَ يا الي کال خلي تولي انا ماريدها

ضرار: انا حاچي هيچ.. هاي شوگت احچي شصاير علي.!؟

علي: لا تغشم نفسك ضريره البت ترعوصت اول ما عرفت أنتَ متزوج وأنت الحد اول البارحة تعرف بيها ماكو بعد شكو.!

صفن ثواني ما راد عليه چنه يتذكر ايام مرت عليه
أو ذكرى صعبه عليه طول ما صافن كاش وجها ثواني على هل وضع واحنا سكتنه نترقب وضعه منا ما صاح بصوت خافت

ضرار: گوموني گوموني

علي: خير شبيك شتحس

ضرار: صيحو ابوي... ابوي هاشم وين صيحو... بطني ابوي.. مُعدتي.. بوووويه

يتبع...

33

جزء1


بعَتب عراقي يكول انتّ كاسر خاطري لخاطر منُو.؟!

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

.
.
.
.

-لا تفتحين الباب الها نهائيةٍ

طفوف:خطيه نرجس صوتها انبح

نرجس:شبيدي مدگليلي شبيدي
وهاي مسودنه تريد تولي مدري وين
خلي يجي ابوي ونشوف شيسوي.. چنها السالفة غميجه مو حيك يالله

طفوف: كلنا نعرف أو كل الشكوك صارت يقين.
أن حليمة وكويثر مسويات الضرار شي
وحلف هم مو اشكن... لان بكل بساطة كلنا نعرف ضرار شلون ما يطيق بيت اسماعيل
نوب هيچ حيك يالله ينكلب بليله ويوم
يتودد الهم وطبه وطلعه عليهم ههههه وكل هذا متزوج كوثر العكربه الي سحل كراماتها سحل من اجته وعترفتله... الحد هسه اتذكر شلون سطرها راشدي خلاها تفتر مثل المصرع

سحبت نفس متجيه نفسي على الحايط البين غرفت جدتي وغرفت ابوي وعيني على باب المطبخ بينما هيَّ كملت رديت عليها مذكرتها

نرجس: وهم هوَ مو وصه امة الف مرة ومرة ما تاخذ منهم ولا تنطيهم شي لان يعرف ملتهم شني
بس الي محيرني شلون گدرن يسحرنه.
لان ذاك هوَ مسحور وعراض السحر كلها بي

طفوف: نشوف عمي هاشم شسوي خلي ياخذه السيد الشي لا يموت

نرجس: هوَ وينه.؟

-غير بالشغل

نرجس: خوش ما جاي الهسه.. چا جيته راح تصير ويا ابوي وتكب العيطه للستار

ما ردت عليَّ بينما انا درت وجهي مباوعه على باب غرفتهم الي حبسنه بيها شرار.
اسمع عياطها، وموت قهر على حالها
ولا رتاحت هل بت من اجت الحد هل ساعة
نوب منا حامل ولا يصير بيها شي

تنهّدت مرجعه نظري على باب المطبخ من حسيت على اصواتهن... باوعتلهن دخلت امي وراها خالة دانه
بينما دخلن طلعت اطياف من غرفة جدتي لان ظلت يمها تشرح الها الصار

تحركت من مكاني ماشيى الهن أما هنه وجوهن تتلاطم هزيت راسي گايله بستفسار.
بينما اوكف گدامهن لان دخلن للصالة وكفن بين باب المطبخ والدرج

نرجس: ها

سعاد: شني الها

نرجس: شسويتن.. ضربتن ملختن عاركتن لو ظليتن تصفصفن

باوعتلي بنص عين راده بحركه گلب
سعاد: شلون تريدني املخها

نرجس: لا والله يمه عوفي الشقى مو وقت شقى گولي شسوت حليمه الحيه

سعاد: شسوت يعني كضتها دعاوي وغلط.. نوب فوك حكه دكه احچي ويها اگلها لا تغلطين منو الماخذ منو شو أنتِ وبتچ الله اليعلم شمسويات ولفيتن على الولد وهيَّ ظلت تعيط وتسوي
دگلي شني قصدچ انا ساحرته.. ودانه ردت عليها
دگلها منو التاهمچ هاي أنتِ گلتي ساحرته يعني صحيح لان ذاك هوَ مسحور وعراض السحر بي

نرجس: وشسوت

دانه: هرجت البيت هرج أكلتنا وشربتنا الي يگول هيَّ ام الحق وحنا اهل الباطل، وانا من زمان گلتلچ دانه اتحركي قبل لا يصير شي وتتندمين عليها هاي هل شوفي شصار بيتچ.

رأساً هتفت مباوعه العمه الي متخوصره وتباوع بالفراغ وجهه اصفر
نرجس: عمه شگد فاهيه، انا منچ الزمها انعنعها وامي تلزم كويثر الحيه ودك كتل شني يعيطن عليچن وهنه الغلطانات وماخذات الولد من مرته

دانه: الحچي سهل عمه... انا شغلتي يم هاشم ماريد اعيط وكلب الدنيا... اريده يشوفلي صرفه هاي مو اول مرة حليمة دك الناقصة وياي.
انا من فعلتها ذيچ وگلت الهاشم، وهسه هم التفت عليَّ وعلى ابني...وساكته طول هل اشهر ما بيدي شي
اروح اعاركهن وكلهن ليش مسويات لابني سحر وانا ما عندي دليل عليهن، هنا راح اطلع انا ام الغلط وينكلب ضدي بس هسه لا والف لا شكي صار يقين وانا كلشي ولا اخسر ابني

هاشم: ياهو الوياﺟ ام ضرار

درنا وجوهنا على مصدر الصوت واكف ابوي ورا ستار وغسان، ما حسينه على دخوله ولا سمعنى صوت السيارة، باوعت عليه عمه وگالت بغصة وقهر

دانه: خويه ابو ستار... انا تعبت وكضيت عمري كله صابره، ومتحمله الخاطر هل ولد، ويا ما سكتت بترس إذني وسكتت لو على السوالف والمصايب صارت وياي

هاشم: عسى ما شر خويه احچي.!؟

دانه: شوفلي صرفه ويا حليمه مرت اخوك
انا سكت الخاطر عيونك بفعلتهم قبل سنين بس هسه ما اسكت ولا راح اسكت... بس خلي اكملك لا تقاطعني خويه... حليمه دكاتها النقصة وياي هواي بس توصل الابني والعائلته خط احمر هنا

انا شك أكل گلبي لو اگلك ايقنت حالت ابني مو هينه بس گلت خلي تخلص خطبت بنيتك وجي اشكيلك لان تعرف بيه اختاريتكم انتم على اهلي.
وانتم صرتو اهلي وناسي.. وهسه الصار والجره الابني والمرته ما راح اسكت عليه ولا اعبرها الهم

هاشم: احچي اسمعنچ شصاير ويا ضرار وبنيتي.؟

دانه: خويه اليوم بت اخوك جايه وجايبه اوراق بيدها
وطلع ضرار متزوجها وحامل منه.
انا اعرف الغلط من ابني.. بس مو بوعيه وحلف عليه يمين مو بكامل عقله ابني حتى يتزوجها

هاشم: گلتي متزوج منو.؟

نرجس: متزوج كوثر العكربه

باوعلي هوَ والولد وهز راسه بوعيد.
رافع ايده نازع العگال على راسه ومسح شعره ثواني يله گال بصوت امر

هاشم:ستار خابرلي اسماعيل وبزرته.. ثواني الكاهم گدامي

ستار: تأمر يابه

بينما ستار طلع موبايله يخابر صار صوت ركع وصوت شرار باوعت على الباب وهتفت مأشرة على غرفة بينما ابوي والكل باوعو على غرفة طفوف

نرجس: يابه شرار تريد تطلع منا وظلت تعيط وهاك اسمع بس سمعت صوتك رجعت تعيط

باوع للغرفة ثواني ما حچه ولا كلمة.
عمه دانه هتفت وتتوسل بي

دانه: خويه بعد اختك سوي شي انا تعبت ومالي طاقه اشوف بيتي ينهدم من ورا مرت اخوك.
انا ما اگول ابني بريئة لا هم اله ذنب بس والله مو بوعيه وحلف بداله مو صاحي
انا ابني تغيرت علومه من يوم العرس الهل ساعة
وأنتَ شوفت عينك تصرفاته وحالته مو مال واحد صاحي، مو أنتَ بالساتك گلت راح اخذنا الواحد يشوف حالة بس تخلص الخطب
فدوة اروحلك شوف شتسويله بس لا ينهدم بيته.

هز راسه ساكت رفع ايده البيها العگال الامي اخذته منه وهوَ راد يدخل وشفت اسماعيل فتح باب الكراج

نرجس: يابه اجه عمي اسماعيل

دار وجها مباوعه على الباب.. باوعله ومشى طالع والولد مشو ورا، لحكنا احنا كلنا امي وعمه دانه نزلنه وراهم بس احنا البنات ظلينا واكفين باب المطبخ على مود جدتي خاف تعيط وما نسمعها

بينما انباوع عليهم ابوي واكف من يمينى ستار ومن يساره غسان.. لحظات لا أكثر واجه عمي اسماعيل
وكف گدامه عاگد وجها مستغرب ليش مودي عليه بهل مغربيه، بينما هوَ وكف وهتف بستفسار وابوي رد عليه بجمود

اسماعيل: خير صاير شي.؟

هاشم: سؤال واحد رد عليَّ بأي،أو لا.
الك ايد بزواج بتك من ضرار لو السالفة صارت من جواك.؟

صفن بوجها ما راد، رجع هتف ابوي بحدة وصوته يرعد، بينما احنا كلنا ملتزمين السكوت وبس صوت شرار ينسمع

هاشم: احچي الك ايددد لو السالفة من جوااااك

اسماعيل:اي اعرف

گال هيچ وبلمح البصر انعوج طايح بالارض.
حتى ما لحكنه شسوى ابوي..سألت طفوف مدهوشة بينما ابوي عاط عيطه

نرجس: شصار.؟

طفوف: طكا بعجل

هاشم: عرفتــــــــك... لك أنـــــــتَ لحد وين تريد توصل احچي من شنـــــــــــي الطمع الشايله بــــــدم.؟

اسماعيل: ما مسموحلك تمد ايدك عليَّ
وأنتَ شلك علاقه الولد رادها وانا انطيتها اله... وضح بكلامك على شني تقصد بهذا حچيك.

هاشم: اكسر راسك تكسرررر لا عبالك كبرت
وحفدت ونفشت ريشاتك. لـــــــك اطيح حظك بعلييي اطيح حظك گدام امة محمد كلها.
لا عبالك انا ناسي سوالفك الخايسة لا والله لا
انا اعرف كلشي يدور براسك.
وهاي الزواجه الاعبها من ورا ظهري اعرف غايتها شني بس لا عبالك انا غشيم وتمر عليَّ هيچ سوالف لك كلهن مطكوكات جوه رجلي كلهن بعلي الكرار كلهن اعرفن ومكلبهن تكلب

اسماعيل:أنـــــــتَ على شني تلمح.؟
الولد رادها يحبها ونطيتها اله بعد عليش تلمح.!

گال هيچ ولمحت حليمه تطلع من بيتها
ونسوان عمامي هم طلعن من بيوتهن
صوت ابوي عالي وحنا بيت بصف بيت رغم الحديقة چبيرة وبيوتهم هم چبيرة بس ينسمع العياط.
رجعت نظري على ابوي من زنك اسماعيل من ياخة قميصة وحچه ويا بحدة وصوت عالي

هاشم: بعلي الفحل بعلي.. بعلي ما اخلي مخططك الخبيث يمشي لو تموت... وعبالك من تسون هيچ أنتَ ونسوانك هل دكه ما اكدرلها، لا والف لا اكسركم ما تكسرون طرف واحد مني ومن ذيچ اليتيمه
ولا عبالك أنتَ ومرتك جريتو لاثول ذاك هيچ اذا ما طعمتو طعم دسم

حليمه: شتقصد ابو ستار هاي أنتَ ومرتك اتهمتوني مسوية سحر... شفتوني بعينكم حتى اسحرنه.
شو هوَ اجه طلب ايدها ونطيناها اله
بتنا اولى من الغريبة الما معروف نسبها

باوعلها عايف اسماعيل. وضحك هاز ايده راد بستهزاز
هاشم: اللي بعبعه الصخل يمعمع.حليمه يا حليمه لا تباوعن على سماء هواي
سويلفتكم هاي راح اخليها طمطمكم جوه الگاع
الي اندكيتو ويا مو هين يبت صبحي. انا هاشم ابن جلود اطلع الحك والباطل من جوه الگاع
اصبرولي اسبوعين لا اكثر اسبوعين وتشوفون شي عمركم ما شفتو. وهسه يله كل واحد الدارة بعد

اسبوعين تلتمون كلكم هناااا كلكم صغيركم وچبيركم تشوفون شراح اسوي
ويله ولي عن وجهي لا تبصبصلي بعد ما شايف شي مني. اذا ما اخليك تصفن بالوجوه ما اطلع ابن ابوي بس اصبرولي، شلون اخليكم تتندمون على الساعة الفكرتو بهال عمله

گال هيچ وهوَ ياشر للموجودين يرجعون.
بينما كمل آخر كلمة، باوعت طفوف وهتف وانه اباوع على اسماعيل الوجها انخطف ولا حچه حرف لا هوَ ولا مرته... بينما انا احچي وكل واحد مشى وابوي دار وجها جاي على البيت

نرجس: شتتوقعين يسوي ابوي.؟

طفوف: يسحب البساط من جوه رجليهم

نرجس: ابوي مبين هل مرة مو مثل كل مرة ويا اسماعيل

طفوف: طبه طوب ما محترم نفسه لا هوَ ولا بزرته عده عدنان المسكين

نرجس: انا هذا ما احسبه من ولد اسماعيل

ايدت كلامي بينما انا احچي وبتعد مسويه طريق الابوي، دخل هوَ والولد وامي وعمه دانه
خلت وراهم بينما دخلت گال ابوي وهوَ يمشي الغرفته

هاشم: ابنچ وينه خابريلي عليه

هزت عمه راسها باي بينما هوَ دخل.
باوعت على غرفة طفوف ماكو صوت الشرار خفت عليها تخربطت لو شي ردت امشي واطياف گالت

اطياف: عوفيها نايمه

نرجس: شلون شفتيها.؟

اطياف: دخلت وانتم برا

هزيت راسي بها.. بينما الكل گعد بمكان يحچي بنفس الموضوع وكل الكلام أنُ ضرار مسحور وحليمه الها ايد لان احنا نعرف سوالف حلومه مو بعيده علينا هيچ شي

أذن الأذان وكمنا صلينا وعلى العشى محد راد أصلاً مالنا نفس.. بس سوينا حليب وكسبنه خبزه الجدتي ودزيته الها، تاكل المرّة لا تتخربط علينا… وهم كوه أكلت

مر الوقت. واجه ضرار بس اول ما اجه ابوي اخذا وراح البيتهم هوَ وعمه دانه وامي
محد قبل نجي وراهم، ظلينا منتظرين منا ما رجع ابوي وحنا كمنه من الدرج انا وطفوف ردت احچي وما انطاني مجال گال وهوَ يروح للغرفة مال طفوف

هاشم: المفتاح

كامت طفوف انطته المفتاح ودخل ردت امشي اتصنت بس وكفني صوت امي

سهاد: ارجعي المكانچ

باوعت عليها دخلت الصالة وانا عبست وجهي راجعه ادراجي... ظل حوالي بالعشر دقايق أو أكثر وطلع هوَ وياها، باوعت الحاله يخوف العيون مورمه والوجهه احمر، بينما اباوع عليها ولا حطت عينها بعين احد
اخذها ابوي ودخلها للغرفة مالته وهتف موجهه كلامه الامي

هاشم: سوي عشى اليه والبتي اليوم مشتهي أكل انا وياهم وأنتِ

هزت راسها ومشت بينما گال هيچ ودخل وراها عايف الباب مفتوح.. ماگدرت ادخل خاف ادخل ويعيط بيه
ظليت احوس منا ما صاحت عليَّ امي اساعدها مشيت حضرت وياها العشى وبس كملت اخذت الصينيّة وگالت

سعاد: بس تجين وراي اموتچ
روحي اگعدي يم جدتچ شوفيها وقيسي ضغطها مساع گالت اليه ونسيت

باوعت عليها ما راده... عافتني وطلعت
طلعت وراها رحت يم جدتي والبنات كل وحدة دخلت الغرفتها، البيت صار سنطه ما يگول المساع كبت بي العيطه

مر الوقت وشرار ما اجت للغرفة چنها راح تنام يم امي وابوي بس ابوي شلون ينام وهيَّ موجود
فرشت فراشي وطلعت اجيب شي أكله ميته جوع من نهد الغدى.

ويا ما طلعت طلع ابوي من الغرفة باوعت على الصالة مفروش فراش باوعتله وهتفت

نرجس: راح تنام هنا.؟

-اي

نرجس: ليش ما تنام بالغرفة مال جدتي

-اهنا اريحلي

ما لحيت عليه عفته ومشيت ابحوش بالثلاجة ما لكيت شي غير طماطه وخيار.. طلعتلي وسويتهن بلفة وظليت اكرط بيهن.. كملت وغسلت سنوني ورجعت للغرفة ويا ما دخلت سمعت تلفوني يدك.. يو ناسيى ما داكه على خبيطي

سديت الباب وركضت اخذت الموبايل من الكنتور قبل لا تگعد جدتي اخذته ويا ما اخذته انكطع الخط باوعت على الشاشه هاي ثاني اتصال.. اخذته وسديت الكنتور ومشيت الفراشي

دخلت على رقمه كتبت (اسفه على عدم الرد بس جنت أكل) شوي ورد، ظليت احچي ويا وانا كوه اطلع الكلمة اخجل منه.. ظل يحچي بيه منا ما سمعت صوت وحدة من البنات هوَ انا سمعت كبل كطعت الخط وشمرت التلفون جوه المخده ولفيت روحي لف من الخجل

صخام بس لا سمعني شلون احچي ويا يبووو
ظليت ارفست جوه البطانية منا ما غفت عيني وهل نومه نومه.. ما گعدت الى على عياط.
يا ستاررر ياربي ما نرتاح هل بيت عياطه ما يخلص

كمت مفزوعه گاعده على مقعدي مباوعه على الغرفة جدتي ماكو، كمت والبطانية ما موخرتها ويا ما كمت تعثرت بالبطانية.. تغاضيت العثرة وطلعت اركض
طلعت من الغرفة مباوعه برجاء المكان.

الكل موجودين خالة دانه وضرار وابوي وامي وخوتي ونسوانهم الظاهر محد طالع للشغل
فزيت من نظري عليهم على كلام عمه دانه گالت وجها اصفر، بينما تحچي وباوعت الضرار الي گاعد على الدرج ويباوع بدون روح.. اخوي تايهه ومريض المرض بان عليه

دانه: شلون خويه شلون طلعت وانتم سادين الباب

ما رد عليها ابوي أما انا باوعت عليهم واحد واحد منو الطلعت.؟ تقربت يم اطياف هامسه وعيني عليهم وعمه دانه تحچي ومفرفحه

نرجس: منو التحچي عمه عليها.؟

دارت وجها مباوعتلي خطف وگالت
وهيَّ ترجع نظرها عليهم

اطياف: شرار

نرجس: شني.؟

اطياف: شرار گعدت عمه سعاد ما لاكيتها بالغرفة

رفعت ايدي حاطتها على فمي مصدومة يعني سوتها وطلعت من هل بيت... بعدني على صدمتي وگالت عمه دانه بعتاب

دانه: خويه هاشم البت حامل دورو عليها وين ولت
لا يصير بيها شي فدوة اروحلك

هاشم: خلي ابنچ الدثو يدور على مرته لو فالح يتزوج بالسر

ضرار: خليها تولي انا أصلاً ماريدها خلي ترجع منين ما اجت

باوعنه عليه بستنكار بينما ابوي نزل ستكان الچاي
راد عليه بستهزاء وعلى شفته بتسامة التحدي مدري شنو بس هيچ فسرها عقلي

هاشم: اشوفك يبن اخوي الايام طوال

دانه: شتقصد ابو ستار.؟

شومة: چنك أنتَ الماخذها يبن بطني.. سكوتك بي أنه

باوعلها راد عليها وهوَ يكمل حچيه مباوع على ضرار الي يباوع على ابوي بدون ما يحچي ولا حرف الي يگول صلم وگاعد، بينما هوَ يحچي وكلنا انباوع عليه بستفهام يعني هسه ابوي يعرف هيَّ وينها.

هاشم: انا اعرف شي وانتم تعرفون شي.
يجي الوقت المناسب وقتها يجيني هذا التعبت عليه وربيته مثل ولدي يكسر بخت اليتيمه وياخذ بشور النسوان.. بس اعرفه مو صاحي لهيچ ساكتله تخلي يرجع الوعيه وانا الي صرفه وياه

ضرار: يابه عليش تلمح انا احبها البت عمي وخذتها
انا هاي ماريدها أنتَ جبرتني عليها

هاشم: انچـــــــــب لك انچب... ماكو ازلمه ينجبررر
أنتَ رضيت بفعلتك أنتَ سويت مكسورة تتحمل مصايبها، ودگلي مجبور چا المن كسرتها.؟

ضرار: انا رجال وهيَّ مرتي

هاشم: هه تف على هيچ ازلمه.. بس انا ماريد اتحچه هسه الايام طويله وتگعد هاي گعدك وتتوسل بيه تلمح ظلها وظل ابنها

ضرار: هوَ انا ماريدها لا هيَّ ولا ابنها انا عندي مرّة وحامل هم

عدنان: طقحت (طرحت)

درنه وجوهنا على مصدر الصوت... باوعنا عليه كمل كلامه وهوَ يدخل.. بينما حچه هيچ، ضرار كام على حيله مسطك مدري هذا تاثير السحر

عدنان:عمي انا جاي اعتذق منك ومن شقاق على السوو اهلي، انا متبقي (متبري) منهم، الاهل الي يمشون بطمع ومكائد ماقيدهم.

هاشم:مالك علاقه أنتِ بويه

عدنان:لا عمي انا خجلان من شقاق على السوو اهلي بيها والله ميت مستحه من وقاهم (وراهم) صيحوها اليه اعتذق منها

شومة: راحت شرار ماكو السوته كويثر وهذا الاغم طلعت من هذا البيت

باوع علينا واحد واحد مصدوم ماعرف شيحچي
ظلت ثواني ونزل راسه حاچي بخجل

عدنان: والله السوو مادقي بي لو ادقي بي فلا اخلي يسون هل شي قأساً (راسا) اجي وگلك بس مادقي بالصاق (صار)

هاشم: ابيك ومك لعبوها زين... بس انا اعرف شلون ارد الهم صاع صاعين... مايدرون هاشم ياهوَ
عبالهم الخنيس الهادي، بعلي الفحل الى اخليهم لا ليلهم ليل ولا نهارهم نهار
وانا احذر كل واحد هنا اذا لعب بذيله ما يشوف مني الى الوجه الثاني وانا حذرت وانتم بعد بكيفكم
وهسه ارجعو مارسو حياتكم طبيعي وخلص

گال هيچ وكام... باوعنا ورا وكل واحد يبصبص على الثاني..طلع من الصالة صايح

هاشم: يله حركو ايدكم ولد هاشم المعمل تايهه

مشى ستار ورا غسان.. بينما طلع عمه دانه گالت موجهه كلامها الامي

دانه: عليچ الله خيه ما تعرفين وينها.؟
اكيد الشيخ گلچ وين

رفعت كتافها امي مبوزه شفتها
سعاد: حالي حالچ گعدت هل گعده وسمعت منه

رفعت ايدها مسحت وجها گايله بحسرة وقهر
بينما عدنان خطيه ظل مصفصف بالوجوه مايعرف شيسوي..أما اخونا بالله يباوع على امة شلون تدعي ورأساً گال ورا ما كملت موجهه كلامه العدنان
وانا زين من اجه لابسه دشداشه ام الكبوس رأساً لبستها

دانه: حسبي الله ونعم الوكيل عليچن اليوم الدين

ضرار: صدگ طرحت عدنان

باوعله عدنان وهوَ والبقية.. صفن بوجها راد
عدنان: ماعقف صدگ چذب بس سمعت امي تحچي ويا ابوي هسه... عود الباقحه(البارحه) ماخذيها الدكتوقه عساها تلحكه وين علي

محد رد عليه رأساً كام ضرار وعمه گالت
دانه: وين مولي تريد تتطمأن على المدام
وعلي ضرار وعلي اذا عتبت باب البيت ومشيت الها لا انا امك ولا أنتَ ابني

ضرار: يمه

دانه: وغمه التغمك، انا گتلك وأنتَ بكيفك

شومة: استچن المرعوص، ما كافيك دمرت بيتك بيدك استچن لا بالعصه اكسر راسك العوج
لا تباوعلنا هيچ لا افكس عيونك الحول... كوم امشي الدربك لا اخلي هويشم يرجعلك يكسرك

ما رد عليها عافنه ومشى وعمه دانه تحچي ورا مفرحه وهوَ رد بعياط

دانه: وعلي وعلي اذا رحت الها انسى عندك ام

ضرار: فتهمناااا

شومة: وجعه الهل حس.. فوك شينه كوت عينه الحوله

طلع ضرار وعمه گالت
دانه:روح ويا عمه لا تعوفه الوحدة

عدنان:عندي دوام

دانه: هاي هيَّ روح الدوامك يمه

ترخص منها وطلع وجها مقحون، حقه والله
انا لو مكانه اطم روحي بالطين.
من طلع عدنان خالة دانه رادت تطلع وجدتي كالت

شومة: لا تخافين يمه مادام السالفة يم هاشم غمضي عينچ ونامي

باوعت عليها راد بتنهّيده
دانه: چنها المصايب باولها يايمه

شومة: احمدي الله يمه، الله يوكف وياچ

-الحمدلله

گالت هيچ وطلعت.. وكل وحدة منه راحت تسويلها شغلة، مرت يومين الاوضاع الهادئ
بيت اسماعيل ما منهم صوت ولا حليمه وكوثر وصلو النا ولا نعرف شوضع شرار، وكل ما اسأل ابوي لو عمه دانه تسأله يگول زينه وبس

ومنا ما كمل اسبوع على المشكلة الصارت
جه ابوي من الـ**** مدري شسوي ما گال النا شيسوي اخذ علي وغسان وراحو الصبح ورجعو الظهر واول ما اجه گال صيحولي ضرار شكو وشصار ما نعرف

راح اموري يصيح عليه واحنا اتجمعنا يمّه بالصالة مثل المنتظر القاضي يصدر القرار ونعرف شكو
دقايق واجه ضرار ورا عمه دانه على وجوهم الاستفهام والاستغراب، باوع على ابوي وگال وهوَ يوكف يم الدرج وانا واكفه على البايات

ضرار: ها يابه

هاشم: حضر روحك

-وين؟

هاشم:خويه ام ضرار لمي كم سلعة اله وجيبيهن
هيچ يمشي مابي شي

ضرار: يابه وين امشي غير تحچي

هاشم: يجيك الحاضر

باوعلي وهز راسه گايل بصوت بس انا اسمعه
ضرار: تعرفين وين راح نروح.؟

-لا

وخر عينه مني وهتف موجهه كلامه الابوي بينما ابوي راح يريد يدخل للغرفة.. توقف عن المشي داير وجها مباوعله

ضرار: شوکت تريد تاخذني

-بس اتغدى

دخل ابوي، أما ضرار سمع الرد ودار وجها طالع وخالة گالت موجهه كلامها الامي

دانه: ياخذة السيد مو.؟

سعاد: والله علمي علمچ اجه من الـ*** وگال صيحو على وليدچ وهسه شفتي كدامچ

هزت راسها بها وترخصت وطلعت لاحكه ابنها
وصدگ بس اتغدى ابوي اجه ضرار وابوي شايل بيده جنطة وياهم غسان وعلي هم يرحون وياهم وهم كل واحد جنطة صغيرة

سلمو علينه وطلعو. المن راحو وشگد يظلون محد يعرف، ابوي ذا ما راد يگول شي هاي هيَّ لو يموت اسم الله عليه ما يحچي.

ويا طلعتهم كل واحد عزل الغراض العليه وراح المكانه
والبيت هدوء الى درجة كل واحد رجع الروتينه اليومي، لكن محد نسى شرار كل ساع على بالنا
بس ابوي كل ما نخابره خلال هاي الخمس ايام الغاب علينا ما يگول النا وين هوَ ولا يحچي وين شرار

ظلينا مثل الاطرش بالزفه..منا ما خابرنا ليلة الخميس على الجمعة، گال باجر الظهر جاين
حضروا المضيف وفرشو فراش.
احنا خفنا شصار وشكو مانعرف.بس سوينا مثل ما گال

وصدگ ثاني يوم الجمعة الصبح اجو وتلكاهم صادق وستار وباقي عمامي... واحنا هم وكفنا باب المطبخ منتظرين شكو وشسوى ابوي خلال هاي الخمس ايام ويا اليوم يصير سادس يوم الهم

دخلت سيارة ستار صفوها ونزل ابوي من الصدر وغسان هوَ الي يسوق.. نزلو ثنينهم وعمامي راوحو عليهم، بينما عمامي راحو عليهم
غسان مشى فتح الباب الورا ونزل ضرار بس بقايه ضرار مو ضرار

احنا شفنا لو ختلسنه وجها ممصوص واسود
بينما هوَ نزل، علي نزل
ستار وصادق عونو غسان ومشو وعمه دانه وامي وانه مشينى عليهم سلمنه على ابوي والولد مشو بي للمضيف

بينما مشو عمه باوعت عليهم ورجعت نظرها على ابوي وگالت ودموع تجري بينما ابوي هز راسه وهوَ يفر بسبحه مالته على ايده

دانه: اخذته السيد مو.؟ شكراً خويه ابو ستار ما انساها الك طول عمري

هاشم: شتحچين خويه هذا ابني قبل لا يصير ابن اخوي وصحته من صحتي.. وانا چنت ما طغافل على وضعه كلشي اسوي بالتدقيق حتى ايطلع عدل
وهسه الي اريده منچ تسوين شوربة خفيفه المعدته الان مو زين عليه لا الحوم ولا الدهون منا ما تجرع عافيته شوي شوي

هزت راسها باي وهيَّ تمسح دموعها.
وراحت ركض البيتها باوعت وراها ورجعت نظري الابوي

هاشم: روحي ورا عمتچ نظفي البيت بملح وسدر وقري عليهن المعوذات واية الكرسي خمس مرات وغسلي البيت من الركن لركن وخص غرفته هيچ اريدچ تشخليها شخل وملابسه كلهن تحركيهن

نرجس:بس ليش احرك الملابس.؟

هاشم:احركيهن بويه ومالچ علاقه

هزيت راسي باي ومشيت ورا عمه
دخلت عليها وگتل الها الگال عليه ابوي وطلعت اليه ملح خشن وخذت ورك من الشجرة وغسلت كل البيت..احس ظهري انفصم نصين حتى غدى ما تغديت

وظليت بس انا بالبيت خالة راحت هناك ومحد من البنات اجني جيرة بكصوصتهن.
كوه بالف ياعلي كملت وبس كملت طلعت كل ملابسه لميتهن بجيس زباله لميتهن كلهن وخذت شخاط وصعدت فوك السطح

طشرت الملابس وباوع عليهن حرامات كل واحد يخبل، بس يله شوف شبيهن هاي اكيد كويثر وامها الحيه راشات شي على

دار وجها مباوعلي وگال بهدوء بس طكاني بوري ترس بوجهي

هاشم: مالچ علاقه بابا

عبست وجهي وهوَ ابتسم بوجهي ودخل
وخرت عيني من باب الصالة دايره وجهي الامي بعدما صخرتني اروح انطي خبر للولد
مشيت للمضيف گاعدين ولد عمي كلهم ومن ضمنهم ضرار لان هوَ اصله نايم بالمضيف من جابه ابوي من السيد الحد هسه

وعلى طاري ضرار شوي حالته الصحية احسن من قبل
السواد الي بوجها ونحول الي عنده احسن من ذيچ الايام، بس بعده عنده الألم بالمعدة.
وانا نسيت اسال غسان رجع يصلي لا

عدلت شالي ماده راسي وحچي وياهم بينما احچي
وباوع الهم.. غسان گاعد هوَ وعلي يباوعن بالتلفون مال غسان ومركزين مدري على شني وصادق يحچي ويا ضرار الحاط على راسه شطفه ومغطي حلكه وخشمه وبس عيونه مطلعها.. بينما حچيت هم انتبهو

نرجس: سلام... ابوي يگول خلي ينطون خبر العمامكم خلي يجون همه وعالتهم.. ولو عماتي ما عده حليمه ما محسوبه عمه هاي نقمه..ولا وحدة منهن اجن ساعدن امي المسكينه غير عمتي دانه

علي: هسه شتردين

نرجس: اريد افارك وجهك

علي: الله يساعد الماخذچ على السانچ

نرجس: شبي.؟ يخبل ينكط عسل

علي: قصدچ ينكط سم

نرجس: غسان أنتَ تسمع يولااااا.

غسان: انچب وكوم صيح لاهلك وأنتَ الثاني روح صيح لاهلك، واسماعيل انا اخابر على عدنان

گال هيچ والولد گالو ثنينهم بنفس الوقت
-هم انخابرهم احنا

غسان: شتسون سوو

عفتهم وطلعت راجعه للمطبخ اساعدهن.. ظلينا نحضر
وسمعنه صوت... باوعت من الشباك عمامي ونسوانهم كلهم، وبيت اسماعيل كلهم ما عده چناينهم ما جاين جايه بس كوثر الحيه، والله حلو الها عين وتجي فوك السوته.. بس صلفه وحيه وما تخاف

دخلن زكيه وزهور هنه وبناتهن وراهن حليمه وكويثر
سلمن على امي نسوان عمامي ومن وصلت حليمه هيَّ وكويثر يم امي وعمه دانه يردن يسلمن عمه دانه ابتعدت مامسلمه.

هنه اتفشلن وغلسن عن الموضوع.. وانا كذلك بس سلمت على نسوان عمامي وبتعدت اصب زلاطه عايفتهن يصفصفن بالوجوه محد سلم عليهن ولا واحد قلد الهن... فـ حلومه شافت هيچ اخذت بتها ودخلت للصالة يم جدتي

رفعت راسي مباوعه على طفوف كوه كاتمه ضحكتها
بللت شفتي مبتسمه مرجعه نظري اكمل شغلي
كملنا كلشي والولد اجو اخذو سفرة
وظلو ينقلون بالأكل ونسوان عمي وبناتها ظلن ينقلن خطيه ما عده الحيايه گاعدات متشنطرات بالصالة وحرامات ما سمعت جدتي هم حاچتهن لا

لان البيت صار هوسه ومانسمع شي
كملنا كلشي وامي گالت الهم يمشن للاستقبال
گالت هيچ ومشت تصيح ابوي
وانا ومروة نجيب جدتي، ويا ما دخلنا اجن حليمه وكويثر يردن يطلعن.. عوجت نفسي ومرت من يمي كوثر اول نوب وراها حليمه ويا ما عبرت مني گال بخبث وحقد.. بينما گالت هيچ رديت عليها بستفزاز وبصوت عالي من شفت ابوي طلع

حليمة: حظ العواهر جواهر

نرجس: اء قصدچ انا بت الشيخ هاشم عاهره.
تسمع يبوي انا بتك ينگال عليها هل كلمة

باوعت عليَّ بخزره راده بعتعته
حليمة: دهررر شوگت گتلچ هيچ

هاشم: امشي يابه امشي الما يلوح العنب يگول عليه حامض

گال هيچ واجه بتجاهي وامي ورا بينما هيَّ ظلت تمعمع ماتعرف شتحچي.. خلت ومشت بدون ما تحچي.. درت وجهي منها مباوعه على ابوي ابتسم بوجهي رافع ايده طبطب على كتافي

هاشم: تولي تروحلچ فدوة.. وهسه أنتِ وبت عمچ جيبن جدتچن وتعالن اگعدن حداي

هزيت راسي بخوش بينما هوَ مشى واحنا جبنه جدة من الغرفة تاري بالغرفة وماعرف حچت وياهن يو لا
اخذناها ومشينى للمضيف دخلتها وباوعت على المضيف صلوات على محمد ما عده الحيايه ما گول صلا.. المه تجنن ولد من جانب والبنات من جانب

عمامي ولدهم من صفحه وعماتي وبناتهن من صفحه
گعدنا جدتي بالمقدمة بين عمي عمران، گعدناها ومشينى كگدنا يم ابوي... گعدنا كلنا وابوي سمه بسم الله وگال

هاشم: اتغدو ولد جلود تغدو

گال هيچ وعمي اسماعيل هتفت وهوَ يباوع علينا وعلى ابوي

اسماعيل: شردت منه ولميتنه هل لمه.؟

رد عليه وهوَ يكطع خبزه ويحط بيها سمچه
وباقي الزلايط الموجوده

هاشم: أكل... لاحك على السالفة
أكل شبع بطنك آخر مرة من زاد اخوك

اسماعيل: شتقصد.؟

هاشم: كل الخير يابه كل الخير

گال هيچ وهو ياكل الكمة ويمضغ بيها ويباوع على عمي اسماعيل الي گاعد بالنص.
وگدامه مرته هيَّ وبته وعدنان گاعد بصف علي وغسان وبده ياكل ويباوع على ابوي والحيرة على وجها

غلسو الكل محد حچو وبدو ياكلون.. وابوي يفلسلي سمچ وانا بس أكل... منا ما كملنا أكل وبقو البقية ينقشون... نزلت بطل البن مباوعه على ابوي

حچه وهوَ حاط ثنين ادي على رگبه بدون ما يلزمهن. بينما يحچي انا اباوع عليه وعلى البقية اتفحص تعابير ورجهم بينما انا وجهي متحول الى صنم

هاشم: شبعتو.؟

-الحمدلله

هاشم: بالعافية...ايهه...اي انا اليوم لميت اخوتي يسمعون الأريده... وانا اظن سمعتو بسالفة الصارت قبل سبوعين.؟ انا لميتكم حتى تسمعون الي راح اسوي لو اگلكم سويته وانتم بس تسمعوني حتى مو دگولون اخونا هاشم يضمضم وما يكلنا

عمران خير ابو ستار شصاير غير المشكله الصارت.؟

هاشم: كل الخير يابو علي كل الخير.
المهم يا اهلي وناسي الي اشد ظهري بيهم
بس وسفه مو ياهو الشفته وعاشرته گلت عليه اشد ظهري بي...

سكت شوي يباوع على عمي اسماعيل بنظرات بيها انواع التفسيرات... وعيد... على أسف...على برود هواي بس ماعرف اشرحن، رجع گال بينما حچه وعمي اسماعيل يباوع عليه بترقب، مبين خايف بس يكابر يعرف ابوي ذا گال شي يعني يصير لو على كص رگبته

هاشم: باجر الصبح تجي عمال يعزلون بابك عن بابي

اسماعيل: شني.؟

هاشم: مثل ما سمعت باجر راح تجي عمال يعزلون بابك عن بابي... انا ماريدك بداري... لا اريدك گرب اخوتي ولا گرب ولدي

اسماعيل: يمه تسمعين شيحچي.!!!

حليمه: شني تعزلنا عن حقنا هذا بيت عمي مالك سلطه تتحكم بينه

باوعلها بنظرات متروسه برود وعدم هتمام.
كمل كلامه بدون ما يرد عليها.. بينما الكل يباوع عليه بترقب وعلى وجوهم الف كلمة وكلمة

هاشم: عمران... ياسين... ضرار... انتم وياي.؟

رد ضرار وعمامي ظلو ساكتين ويباوعن بوجوه واحد الثاني من شافو ضرار گال ردو ورا
بينما حچو واسماعيل شعوط
وجدتي تباوع على ولدها من واحد الواحد بدون ما تحچي حرف

ضرار: انا وياك يابه... الصار بيه خسرني ديني وحياتي
وما مستعد اخسر شي ثاني

ياسين: وانا هم وياكم

عمران: الي تشوفه صح ومناسب انا وياك

اسماعيل: هههههه... لا... لا صدگ تحچـــــــون انا شمسووي ولكم شمسويييي

هاشم: صوتك لا تعلي... والي سويته بينه لا ينعد ولا يحصد، وخار سوايه بابن اخوك مدروس الها من النسوان وانـ

حليمه: شتقصد ابو ستار.. شو كلشي وخليت النسوان بالنص

هاشم: الســـــوايه الي بضرار مو حيك يا الله
ابو مازن ضرار السويتو بي الشغلتين.
هيَّ على مود بتك وملاك عيسى وچول چذب يبن امي

اسماعيل: چذب... هوَ الرادها

ضرار: منو الراد منو.؟ انا الردتها.!
ليش انا اطيــــــــق بتك لو اشوفكم بعينييي.
السويتو بامي خليتوني احبكم لو اود بتكم ورغبهاااا

دانه: ابني بليله ويوم كرهه مرته ونفرها.. وبليله ويوم تزوج بتك وعشكها هاي لا صايره ولا دايره

حليمة: هـــوَ الي اجه ودك بابناااا وگال اريدها

هاشم: دك بابكم بكامل قواهه العقلية.؟
احلفيلي بكتاب الله هوَ اجه دك بابكم وهوَ صاحي مثل هسه وگال الكم اريد بتكم انا احب بتكم

بلعت ريگها وردت بعتعته
حليمه: ليش احلف هذا هوَ وسأله... مو أنتَ اجيت وتوسلت وموتت روحك حتى تاخذهاا

ضرار: اني اجي اتوسل على مود منو.؟
والچن مو بعقلي بليلة ويوم ارغب بتچ وانا بوجها ما اباوع، يابه والله مريض والله سحورتچن خبلتني
ولكم انا صاحي وجي اخطب وتوسل بيكم... لو تبقى بتچ آخر وحدة بالعالم ما اجي وتوسل حتى اتزوجها

حليمه: ليـــــــــش شبيها بتي.
لو أنتَ ترغب النغله وبت الشوارع

گالت هيچ وهوَ تخبل ماعرف شيلزم ويشمره عليها لو ما ابوي حچه ويا، بينما هيَّ تحچي وتجاكر وترادد والجميع صافنين كلهم وما حچو حرف
الي يگول جاي يشوفون سينما... نوب عمي اسماعيل گول حچه حرف گال شي أن الصم لصم

هاشم: هسه عوفچ من ضرار انا جاي احچي وياچ تحلفين بكتاب الله ضرار جايكم بكامل عقله ومتوسل بيكم حتى تنطوها اله.؟

حليمة: أنتَ گولها من الول انا عود مسويه سحر اله

هاشم: گلت انا مسويه سحر.! گولو اخوتي انا گلت هل شكل

هزو روسهم بلا بينما رجع نظرة عليها
هاشم: هسه شني تحلفين لو اسمعهم الحچي

اسماعيل: أي حچي.؟

هاشم: هسه مرتك تختار... اي اختاري منتظريچ

بلعت ريگها مباوعه على عمي اسماعيل وهزت راسها بالنفي وهيَّ دور وجها الابوي

حليمة: على اي فيديو تحچي... وانا ليش احلف على شي هوَ الي مسوي واجه وگال بعظمه السانه انا هاوي كوثر وريدنها.

ما رد عليها رأساً هتفت موجهه كلامه اليه
هاشم:نرجس بابا طلعي الموبايل من جيبي ودخلي على السجلات

رأساً مديت ايدي طلعت التلفون ودخلت على الاستوديو وشفت اول شي فيديو..رفعت نظري اله

نرجس: ياهو اول واحد.؟

-اي.. ادخلي عليه وعلييَ على كل صوته

دخلت على الفيديو وانا اعلي وعين على الفيديو وعين على حليمه والبقية... حليمه باوعت على التلفون وجها يصب عرك، ثواني وصار صوت وشوشه نوب اجه صوتها تحچي ويا وحدة

-شسوي يعني
-رشي هذا الماي على ملابسه

-شلون اگدر ادخل ماگدر امة العكره ما تعوفني اذا ادخل وهم هسه همه عرفو متزوج وانا هنا راح اثبت الصابع الاتهام عليَّ وعلى بتي

-عدهم حبل شي رشي عليه بدون ما يحسون ادخلي بليل، لان كل شغلچ بهل ماي اذا ما تسوين ماگدر اكملچ باقي شغل

-ليش

-هذا اول شي بالشغل وذا ما تسوي ما ينجح باقي شغل وأنتِ بعد بكيفچ شلون دبرين الامر دبري

-خوش بس اخذيلي راح تظل ويا يطلكها

-شسمهم گلتي

-شرار بت حسين وضرار بن عيسى

-لا ماكو بس انتبهي منه الي داير مدايرچ

گالت هيچ وصارت صوت وشه.. طول الحچي كل واحد يباوع بوجهه الثاني.
من صدگ ابوي فجرها للقنبلة، طول ما الفيديو مشتعل هيَّ تهز براسها وتحچي مو انا مو انا
بس من وصلت الاساميهم الصمت
وباوعت على عدنان الي وجها غده احمر.
أنما اسماعيل ولا تحرك ولا سوى شي

معقولة هل درجة ملصوم.؟
رجعت التلفون حاطته بحضني... بينما رجعته
ما اشولفك بس شي يطفر على حليمه فتحنا عيونه عدنان طفر على امة لازمها من رگبتها ويعيط وهيَّ تفلت بي وتعيط بصوت عالي.
راد يكوم علي وصادق اشر الهم ابوي يگعدون بينما اسماعيل ظل على حطته ثواني وكام فككه منها
طول ما يعيط كوثر تبچي وزاويه روحه بالحايط وتباوع وتبچي خايفه يجيها الدور

عدنان: أنتِ... أنتِ... مو... مو أنتِ الي... اي... اي... أنتِ
لــــــــچ شلووون... شلون كدقتي تسوين هيچ لچ شلونن مو حقاااام عليچ (حرام)

حليمة: راح امــــــــــووت وخرووو عني وخرووو

عدنان: اي... اي اموتــــــــچ وخلص منچ
أنتِ مو... أنتِ مو ام. الله ياخذ حوبتهم الله ياخذ حوبتهااا منــــــــچ ومنها

اسماعيل: وخررر منا وخررر عايقققق

حليمه: يمـــــــــه راد يموتني ابني كله من وراهممم
الله ياخذهكممم تردون دمرون بيتي.. هاي مو انا

تعيط ودعي واحنا نباوع ماكو شي الي يخلينه نحچي
لان مصدومين صدگ احنه شاكين أو متأيقنين هيَّ بس صارت صورة وصوت.
بينما تعيط كومها اسماعيل...وعدنان يجر النفس كوه بعيد عنهم

البرود الصار بهل ساعة غريب.. محد يصدگ على هل ساعة، كلهم گاعدين ولا تحركو لا صغير ولا چبير ماخذين وضع المشاهد وبس
لحظات وبوي طلع من صمته الدام خمس دقايق گايل مفجر القنبلة الثانية

هاشم: نرجس كومي تلكين بالكنتور الوراق ضبه جيبيهن وتعالي

كمت على السريع ركضت ركض ماريد يفوتني شي دخلت الغرفة بحوشت بالكنتور.. لكيتهن وطلعت راجعه ركض ماريد حتى افتحن وشوفهن خليني انصدم هناك، دخلت ويا ما دخلت عدنان يحچي وياشر على ابو وامة، بينما يحچي انا مشيت انطيت الاوراق الابوي وظليت واكفه

عدنان: تذكقت (تذكرت) اي اتذكقت هيَّ... هيَّ انطتني بقلاوة انطيها الضقاق.. اي تذكق ضقاق بيوم الجبتلك البقلاوة هيَّ انتطتنياه والله هيَّ گالت هاي جابها مازن
الضقاق

گال هيچ وهيَّ وخرت من اسماعيل هاجمه عليه
هوَ طويل بس ضعيف بس هجمت عليه دافعته. طاح على مقعده وعاطت بي

حليمه: كوادددد تتبله على امــــــك لك متبريه منك
انا ابني يتبله عليَّ... ويمد ايده عليَّ

كام راد عليها بضحكه وجها مطعون طعن
عدنان: علوا اجت من الله... انا ماقيدك (ماريدكم) انتم مو اهل انتم نقمه، الله كشف وجوهكم الي بعد ما چانت قحمه(رحمه) بگلبي الكم بس هسه لا والله اكقهكم كقهه (اكرهكم كرهه)

حليمه: امشي ابو حلك العوج احچي عدل نوب تعالي وحچي

صفن بوجها هاز راسه بئس.. بينما يحچون رجعت نظري الابوي گال بصوت عالي حتى ينتبهون

هاشم: يله انا دخت اخذو ورقة طلاك بتكم والله وياكم

عم السكوت لحظات وطلعت شهكه وبجيه بنفس الوقت من كوثر.. باوعنه الها رافعه ايدها الحلكها ودموعها عشرة عشرة.
الكل باوع عليها بنظرات عادية محد عطف على حالهم.. لازم يتوقفون عد حدهم هواي تمادو وابوي واكفه بعينه الخوه... اسماعيل طلع من سكوته گايل وهوَ يباوع على جدتي وياشر على ابوي

اسماعيل: يمه تسمعين وتشوفين ابنچ شسوى بيه وبعائلتي احچي يمه لا تسكتين راضيه على الي يسوي ابنچ بيه.؟!

هاشم: السويته لازم يتسوى من آخر سوايه
بس وكفت امي بعيني والدم والخوه بينا
بس يا ابن امي أنتَ ما صنت حترامي وتقديري الك وهسه بدون مطرود اخذ مرتك وبتك ورجعو الداركم

ضحك اسماعيل هاز ايدي وراسه بنفس الوقت
راجع گايل وهوَ يباوع على ابوي وجدتي

اسماعيل: يمه تسمعين لولاااا تحچيي ليش ساكته

شومة: روح البيتك يبن بطني روح البيتك

اسماعيل: يعني صافه ويا هاشم.؟

سكتت جدتي ما راده عليه.. بينما شاف سكوت جدتي. دار وجها على مرته وگال

اسماعيل: يله امشي يهل بيت ما ادخله لو تنطبق السماء على الارض

ضرار: الورقة لا تنسوها... وخوش لاعبيها حاطين الغايب نص دونم ههههه ما يدرون البيت والمحل بسم شرار وامي

گال هيچ وحليمه بهت وجها مباوعه على اسماعيل
ضرار: لا تباوعين ترا ابوي سجلهن بسم امي وشرار من يوم الي دخلت هل بيت يعرف اكو ناس طماعه

هز راسه وطلع بينما طلع حليمه كومت بتها ومشت وهيَّ تتوعد وتصيح

حليمة: الى اسود عيشتكم مثل ما سودتو عيشتنا

نرجس: شني طكينه بسحر..

هاشم: نرجس

باوعت عليَّ حليمه بخزره وطلعت.. بس طلعت ابوي گال موجهه كلامه العدنان.
الي صافن مايعرف شيحچي لو شيسوي

هاشم: من يوم وصاعد هذا بيتك وانا ابوك وعمتك امك، انا ما اگلك انسى اهلك بس احنا اهلك

تحركت تفاحه ادم منزل راسه گايل بخجل
عدنان: انا اعتذق منكم كلكم على تصقف (تصرف) اهلي مستحي منكم والله

ضرار: أنتَ اخوي وانا اعرفك أنتَ شني لا تتعتذر
دنك راسه خجلان بينما ابوي گال
هاشم: اعتذر من اخوتي ولدهم على السمعتو بس لو حاچي وياهم وحدنا چان كلبو عليَّ.
ردتتكم وياي حتى كلشي گدامكم وهسه اترخص منكم اريد اروح ارتاحلي شويه

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

-شلونكم كواويد

باوعو عليه هوَ وضرار بنص عين رد ضرار على كلامي وهوَ يمد رجله على الثيل

ضرار:شگد السانك زفر

-عود احطله ورق غار ويروح الزفر

فياض:تافهه

-انچبو وخرولي خلي انبطح ظهري مقسوم نصين بعلي انشكيت نصين اليوم... ينعل روح طالب ساعة ساعة

گلت هيچ وانا امشي متجهه عليهم گعدت على مقعدي ونبطحت على ظهري وهمه كل واحد منا
بينما احچي وهمه يباوعن عليَّ... كملت كلامي وگال ضرار

ضرار: على طاري طالب شصار ما صار.؟؟

باوعت على النجوم مبتسم.. هل اشهر احلى اشهر مرن عليَّ، تنهّدت راد عليَّ وانا الضحكه تارسه تعابير وجهي

مطلب: ما بقى شي ونخلص عليه.. ادعولنا شباب يكمل المخطط على خير

فياض: ليش آخر مشيى مشيت أنتَ وابو سيف شسويتو.؟

رفعت تك رجل ورجل ممدوده.. سحبت نفس رافع تك حاجب مبتسم متذكر كل هاي الشهرين مراً بحلوهه ومرهه، بس الحمدلله نگول مرة علينا على خير

مطلب: فرشنه البساط بقى شوي ونسحبه من جوا ويتم كلشي، بس ادعولي تمر على خير

ضرار: وبعدها من تم كلشي شراح تسون..؟

مطلب: يرجع كلشي الحالة

فياض: منتظر اليوم هذا يوم يوم اريد اشوف شيصير

مطلب: كل الخير بس ادعي

ضرار: چلبت

مطلب: انچب ابو شمطه

گلت هيچ وما احس الى على ضربه بطني.
قلصت جسمي متألم.. حچيت وانا لازم بطني وتلوه بمكاني

مطلب؛ لا يا ابن الحلووو.. ماگدر اغلط على ابيك

ضرار: وعلي يا مطلب اذا عدتها اجنزك

مطلب: أكل شماط

ضرار: استغفر الله... الله ياخذك علي.. عفتها كلها وچفصت يم مطيلب

فياض: دكافي العالم تباوع عليكم

رفعت راسي مباوعه على المكان ورجعت نظري اله گايل وانا اعدل نفسي نايم على ظهري

مطلب: خلي يتفرجون هنا عدنا ابو شمطه وهنا عندنا المسربت العاشق... صدگ تعال على طاري العاشق شصار على سالفة

فياض: ابوي ماقبل يجي وياي

ضرار:مو گتلك ابوي هاشم گال بس حدد الموعد وانا اجي وجيب وياي عالم معروفا

فياض:هوَ انا گلت اگلك تنطي علم حتى يحضر نفسه

اباوع عليه يحچي هوَ وضرار وانا ساكت
كمل آخر كلمة ورفعت ايدي حطيتها جوه راسي وگلت وهمه دارو وجهم عليَّ

مطلب: شوگت ترحون، وهم من ترحون تنطوني علم الاهل البت.؟

فياض: ماعرف انا اگول ماريد اگول الهم خاف احچي وهم ترفض وبوها ينطيها بوجهي... اريدها احطها گدام امر الواقع

يتبع