ظلينا نحچي شوي وخالة عيدة گالت بهدوء
انا شربت العصير مباوعه عليها بينما حچت اخذت قطعة گليجه اكرط بيها وعيني عليها

عيدة: خيه ام عليا جايتچ بطلب

فاطمه: اي خيه احچي عد عيناچ بس اطلبي

-مشكوره بعد روحي.. شوفي خيه احنا معزتكم متدرون شكثر عدنا والله حاسبينكم اهل مو نسابه

فاطمة"هزت راسها امي وتعدل الشيله على راسها راده على كلامها" واحنا همه على هل حسبه حاسبينكم صرتو النا اهل قبل لا صحبه وعيال بتنا.

عيدة: انا حاسبتچ اختي قبل ام چنتي وبتچ
بنتي قبل چنتي، وانا اليوم اجيت اطلب ايد غيم الابني مطلب

صفنا احنا الثلاثه بوجها
الى انا الصدمة الچبيرة.. جايه وياها وماعرف عليش جايه وا صدمتاااا وا دهشتااا

بلعت ريگ مرجعه الگليجه للماعون مباوعه على امي الي تحمحم جاليه صوتها ترد عليها بينما انا عين عليها وعين على خالة عيدة

فاطمه: النا الشرف والله.. ان شاءلله انطي خبر الابوها واخوها والها ونرجع الكم الخبر

عيدة: ردونه اخبار الزينه لا ابنه ينجلط

ردت على امي وانا الصدمة تارسه وجهي
شني من شوگت مطلب رايد غيم..؟
بلعت صدمتي گايله وهازه راسي وحچي بستفسار

قربة: خالة سؤال أنتِ رايده غيم المطلب لو هوَ رايدها.؟

باوعتلي وابتسمت بوجهي دايره وجها الامي وتحچي بهدوء بينما انا تحچي وتذكر تصرفاته اريد اشوف اكو شي، يبين هوَ عينه عليها بس يخيب ادماغي من ما اتذكر شي

عيدة: والله يا يمه ليش الف ودور
الولد الي هاويها من زمان بس ما حاچني اجي اخطبها الى تكمل دراسه.. وحنا ما ردنا نجي هسه ونخطب البت سادس، وما يريد نشتت عقلها بهل سالفة بس هوَ عنتر الى اجيكم هاي الايام وشني وشكو ما گالي

عضيت شفتي كاتمه ضحكتي
اها يعني بيوم الزيارة سمع كلامنا انا وغيم
هزيت راسي كايمه باوعت امي عليَّ وعفتهن وكمت امي راده عليها

ما سمعت شردت عليها غير كلمة" بيها الخير ان شاءلله كل الخير" ما سمعت شي بعد لان فتحت باب الغرفة ودخلت ويا ما دخلت صارت غيم بوجهي كفشتها طافره واكفه گدام الباب
من فتحته رجعت اليورة لابده يم البوفية الي بصف الباب

سديت الباب مشغلة الضوء الثاني مرجعه نظرها الها حاچيه بدون سلام ولا مقدمات.. بينما احچي وياها رافعه تك حاجب وهيَّ وجها انخطف من نبرة صوتي

قربة: من الآخر شني الي بينچ وبين مطلب.؟
ولا تمتمتين بالحچي غيم جاوبي بهدوء لا تخافين ما اسوي شي اريد اعرف وبس

غيم: ماعندي والله.. صدگي ماعندي شي وياه

قربة: چا ليش هاويچ من زمان ومن عرف خاطبچ اركان، خله وده خالة تخطبچ
لچ اجيت ويا خالة وانا ماعرف شني السالفة

غيم: والعباس ماعندي شي وياه أصلاً حچي ما احچي وياه بس كد سلام مو أنتِ تشوفين بعينچ بعد شوگت احچي وياه لو اسوي

قربة: خوش انا مصدگتچ بس لا تنكرين أنتِ ما تحبي

بلعت ريگها مبعده نظرها عني.. شفتها هيچ رأساً هتفت متقربه منها واكفه گدامها بينما اتقربت منها هيَّ تباوع عليَّ بتوتر اول مرة اشوف اختي متوتره من قربي منها، عرفت نظراتها وتوترها اكو شي بداخلها تجاه مطلب

قربة: احچي غيم انا ما لازمه عليچ سيف
انا جاي اتأكد منچ اريد اجيس نبضچ

بلعت ريگ منزله نظرها راده وهيَّ ترفع ايدها تمسح مكفشتها مرجعتها ورا وتحچي بهدوء ممزوج بتوتر وخجل

غيم: ماعرف قربة ماعرف احبه معجبه بي ماعرف
بس كل الي اعرفه من اشوفه لو ينجاب طاريه
گلبي يظل يدك بقوة وذا اسمع صوته اتوتر وظل ماعرف شسوي

قربة: طايحه بالمنهوله مو بخيسه وما تدرين بروحچ

غيم: والله مو بيدي قربة بليله ويوم گلبي دك اله
رغم مرة صار موقف وياه وهاي محد يدري
اي لا تباوعين عليَّ

قربة: كملي ست غيم كملي

غيم: المهم ماعرف وقتها يقصدني أو لا ماعرف
هاي الفترة اول ما شلنا الهذا البيت
صادف اريد اروح المدرسة عليا يوصلني
فـ مطلب وياه وعليا چان مستعجل على مود المحل گال المطلب نزلني هنا وبعد اخوك اختي وصلها
انا توترت هنا قربة ما متعوده اصعد وياه وحدنا
المهم اخذني المدرسة وطول الطريق ساكتين
وقبل لا نوصل فتح وياي موضوع گال

مطلب: اخت مرت اخي أنتِ بنيه وريد اخذ رأيچ بموضوع

غيم: انا هنا صفنت هذا شبي بس جاريته وگتله اتفضل المهم گال

مطلب: صديقي يريد يتقدم على اخت مرت اخوه
بس البنيه تدرس وانا گتله انتظر تكمل يله
وبله أنتِ شدگولين خوش كلام لولا.؟

غيم: قربة انا صافنه عليه هذا شبي انا شكو بالوضع
ماعرفت شرد عليه غير گتله، خلي تكمل افضل الها
وهوَ گال

مطلب: اها هيچ رأيچ

غيم: قربة بس انا هنا ثوله شرديت عليه گتله
شني يحبها لو هيچ
هوَ رد عليَّ وعيونه تلمع وتعجبت هيچ حچه گدامي اعرف بي خلوق وما يتجرئ يحچي وياي هيچ المهم گال

مطلب: يموت على تراب رجليها خطيه
وانا اگله لا تكتل نفسك عليها خاف ما تحبك وترفضك
لو تحب غيرك وهيَّ يعني انا البنيه شايفها حلوة وخلوقه بشكل، فـ گلت الصديقي خاف طگك بوري وترفضك

غيم:يا قربة والعباس ما مچذبه بحرف هوَ هيچ يحچي وانا الثوله مجاهده ورد عليه وگله" اذا صدگ يحبها خلي يجي يتقدم وبعدين يخطب
وهوَ يرد عليَّ

مطلب: يگول احسها ما تحبني لان مرة حاچي وياها
وراد يعترف الها بس خاف يعترف وتطلع ما تحبه

غيم: گتله هذا مو عذر يجي يخطبها ويفضها
بس هذا مبين صاحبك كلاوچي ويريد يلعب عليها وانا لو منها ودري هوَ ويريد يخطبني ابول على گلبي الحنين اذا وافقت عليه مبين لوتي وابو نسوان لو زلمة ما يحچي بطاري الي يحبه گدام صاحبه

-يا قربة كملت كلامي وعرفت شني من چفصه چفصت تمنيت اذب روحي من الجامة ودعبل روحي دعبل

اباوع عليها ماعرف شرد اضحك شلون ذاك رايح مسيس لو على اختي ام السان، هزيت راسي هاتفه بستفسار: وشرد عليچ.؟

غيم: گال نشوف عود اذكرچ بيهم
بس قربة وحق العباس ابو فاضل ما سويت شي ينزل راس اهلي ولا حاچيه وياه هيچ كلام بس بهاي المرة وأنتِ هم تعرفين بيه امي محذرتنا انا وياچ ما نوصل الهل اشياء.. وبذات أنتِ من درت بيچ عندچ علاقه بيعقوب شلون ظلت توصي وتحذر بيه.

سحبت نفس رافعه ايدي لازمه كفوف ايدها
مايله راسي على جانب الايمن وحاچيه وياها بهدوء وحنان، ما الومها احنا طحنا طيحه بولد هدية بدون ما نحسب حساب

قربة: اعرفچ شني أنتِ
انا احچي وياچ اتأكد منچ ماريد اسمع من غيري
وهسه عرفت هاي هيَّ ماكو اشكال.. بقت عندچ توافقين ترفضين أنتِ حره.. ولو الكتاب باين من عنوانه

ضحكت منزله راسها بخجل
قربة: لا تردين الموافقة بسرعه خوش

غيم: لا طبعاً ارد الهم الاسبوع الجاي وهم اشرط عليهم الخطوبه بالعيد ورا المتحانات ومن يخطبني اشرط عليه اكمل دراستي بالجامعه يله نتزوج

قربة: خوش تسوين والزواج، أنتِ اعرف شوگت
ما تردين يصير هذا شي راجع الچ

غيم: صح انا احبه بس ماريد استعجل
دراستي اهم من كلشي عود. من اخلص انحدد
بس تعالي انا اخطط وسوي ومانعرف ابوي يوافق يرفض

قربة: لا تخافين ابوچ موافق باول كلمة يسمها
حتى ما يفكر

سحبت نفس ساكته بينما شفتها ساكته رجعت هتفت
قربة: تردين ارد خبر الخالة هسه

-مادري

قربة: ماعرف راح اطلع وگول لكيتها نايمه

غيم: شنايمه صارلنا ساعة نحچي

قربة: ههههه مادري هلبت اغير الموضوع وذا اطر الامر اگلها تفكر وترد الكم الخبر

-خوش هاي هيَّ.. صدگ وين طيبو.؟

-بقيتها يم عمتها نايمه اذا تگعد هيَّ عينها عليها

-مشتاقتلها

غمزتلها گايله بمكر: يله اصبري ايام وتشبعين منها

-قربةةة

-هههههه. يله ولي خلي امشي الزوجي سر سعادتي

-ايع قربة احسچ مثل امهات الفيس

-يا شبيهن امهات الفيس اباوع عليهم بتلفون عمو سوالفن تموت.. كون احچي ويا ذو الفقار يخليني انزله والله حلو وبي طبخ وسوالف حلويات

غيم: اي حتى بعد يومين تنزلين منشور
سلام عليكم اليوم تعالو اسولف الكم على زوجي چان مخبل وطلع صاحي انتم هم هيچ ازواجچن هههههه

كشيت وجهي راده عليها
قربة: انچبي، نزل الهم عن الصلاة والطبخ.
الله غيم اتخايلي انشر نوب اصير مشهوره نفس
هيفاء حسوني والناس تحبني، الله بس تخايلي

غيم: حتى مخبلچ على گولتچ ينكلب مخبل عليچ من صدگ، تريد تصير نفس هيفاء هيَّ... أنتِ الحد راس الفرع ما تنعرفين مو نوب تصيرين نفس هيفاء

قربة: شني بعيده يجي يوم وصير مشهوره

-منين تصيرين مشهوره..؟

-مو اگلچ اريد اسوي فيس ونشر بي طبخ وسوالف الدين

-غلسي عن الفيس لان بس تجيبين طاريه يتكهربون

-لازم تخربين الواهس ليشششش

-هذا واقعچ عيني.. وهسه يله ولي العمتي اقصد عمتنا
روحيلها منتظرتچ

-عابتلچ شلون اخت ططوه

-غير طالعه على اختي الچبيرة

-غيممممم لا تصيرين جسرة

-ههههههههه منو الجسرة انا لا أنتِ، عمري رجلچ يگول عليچ جسرة

ضحكت بخفه مبتسمه گايله بحب
قربة: يحبيبي فدوة اروحله
الجسرة من حلكه احسه يگلي عمري وحياتي وحبيبتي جعل محد يگول غيره جسرة
هسه أنتِ گلتي جسرة تكهربت اله هوَ اموع من يگولها
يمهههه اشتاقيتله خلي اروح اتلكا قبل لا يجي

احچي وهيَّ تسوي حركات بوجها ولازمه روحي كوه لا اضحك.. بآخر كلمة ملت بجسمي مسويه بيدي باي وماشيت فاتحه الباب بينما هيَّ على وجها الضحكه ونظرات مال وحدة دگول سوادين اي والله

طلعت مباوعه على خالة وامي
ونرجس گاعده يمهن.. باوعتلي خالة وبنظراتها تسألني، بس ما حچيت ما دام هيَّ ما سألت.. تقربت منهن معدله الشال گايله

قربة: ها يمه نمشي، لا طيبة تگعد وتظل تبچي

هزت راسها بخوش كايمه مترخصه وامي گالت بعد وقت ظلو على العشى خالة ردت عليها ان شاءلله على الجايات، سلمنا عليهن ورجعنا للبيت
ويا ما رجعت لكيت ذو الفقار جاي من السوگ اليوم طالع ويا مطلب للمحل لان اليوم جايب بضاعه من تركيا

دخلت الصالة وخالة گدامي، دخلت مباوعه على الموجودين، گاعد ذو الفقار ويمّه هاجر وگدامها كُتبها
وطيبة بحض ذو الفقار ويلعب بيها.. من دخلنا باوع علينا وگال

ذو الفقار: وهاي ماما اجت تعالي الطيوب جوعانه وكليها

ذبيت الجبه ومشيت الهم كعدت بصفه گايله بهدوء بينما گعدت:- الله يساعدك عمري

-الله يساعد بختچ يابه.
يمه ليش ما اخذتي جدتي وياچ..؟

عيدة:مالها خلك تمشي وهم همه مو غربة حتى اخذ نسوان هذول اهلنا

قربة: ليش ما گلتي خالة رايحين نخطب.

مطلب: انا گلت الها لا تحچي

باوعت على مصدر الصوت مطلب وكف يمها مكمل
مطلب: اعرفچ تيس عريان بساع توصلين

قربة: انا..؟

مطلب: اي چا جدي

قربة: چا خوش انسى ننطيك مرّة.. حتى لو تقبل اخليها ترفض

مطلب: لا مروتچ لاااااا

سوى حركه لا وهوَ يشهك حاط ثنين ادي على راسه
ضحكو خالة وذو الفقار ورديت عليه وعرف بي يتشاقى، علاقتي ويا مطلب مثل عليا حيل محترم وحباب وفرفوش، وابد ما يجيب شي الهاجر الى جايب اليه والبتي

قربة: انسامحك تجيب النا بيتزا عائليه وها حتى اقنعها الك توافق

مطلب: شوف مرتك شلون قطاطة راح تلزمني من ايد التوجعني

ذو الفقار: احسبه عربون حتى تقنعها تبقى هيَّ اختها وعدها خاطر الها

قربة: اي كلام ذو الفقار صحيح.. جيب بيتزا وياها بطلين ببسي.. وانا احشي راسها بيك.
اگلها كريم وبالكرم معروف، ماكو منه ملاك على هيئة بشر.. بس اقبلي بي

ضحك بخفه گايل وهوَ يباوع على امة
مطلب: بالعباس چذابه تتعاجز تسوي عشى تريد تقطتي بعشى.. رجلها يمها ما تقطة

قربة: هيَّ صحيح بس أنتَ اليوم خاطب اختي قابل اباوعلك وسكت، لازم اهل العروس يدلعون على اهل العريس ونقطهم

مطلب: لا يا قطاطة من ورايح اصيحلچ قطاطة

-ها ترا اوزنها

مطلب: صبركككك ربي

ضحكت ومشى عابر من خالة وخالة هزت راسها والضحكه على وجها.. درت وجهي مباوعه على
ذو الفقار يباوعلي بنظرات هادئة وبيها بريق الحب
سحب نفس ماد رجله بالطول ومقرب نفسه متچي على الحايط وهتف بهمس وعين عليَّ وعين على هاجر الي لمت كتبها ومشت صاعده

ذو الفقار: بنات الچايچي طيحن ولد هدية بشباكهن يله رتاحن

ضحكت مباوعه عليه ومنزله طيبة حاطتها بالارض راده وعيني على طيوب الي رأساً گلبت على بطنها

قربة: وولد هدية همه الصادونه مو احنا الصدنه

ذو الفقار: صيدتنا دسمه

-ههههههههه طحتلك بمرّة تشك الكلك شك وين تلكه مثلي لو تفر الكون كله

-شوي نزلي للارض لا طيحين يابه

-هااا اكو شك بالموضوع.؟

ابتسم راد بهدوء عكس نظراته الجريئه الممزوجه بحنان:-صاحي مخبل حتى اشك

-يوووي فديتك مخبلي

عض شفته السفليه كاتم ضحكته كوه
قربة: احبك من تلزم روحك ما تحچي شي من اجفص

-هوَ بلوه أنتِ شسوي

قربة: واحلى بلوه گول چذب

-وانا مسودن حتى اگول چذب

ضحكت مقربة نفسي منه لازمه اذراعه بثنين اديه حاطه راسي على متنه وهوَ حط راسه على راسي ساكت انا هم سكتت بس انفاسنا تنسمع

مرت الايام عاديه غيم انطتهم خبر تريد تفكر ومطلب يحوم على راسي اقنعيها عفيه وشتردين انا حاضر
خطيه كسر گلبي هل درجة يحبها
اخ يا ولد هدية شگد حبكم نظيف

من شفت حالته هيچ رأساً حچيت ويا غيم
وگلت الها ردي الخبر الهم خطيه مطلب هيچ وهيچ والثانية مثل الهبله بس سدت الخط ورا شوي سمعت صوت خالة تهلهل ونفس ما توقعت ابوي بس محاچيته امي قابل

انطتهم خبر الخطوبه اول يوم العيد
لان هيَّ مكمله متحانات.. وهم حچت المطلب على شروطها وافق بدون تردد. فـ اتفقو على الخطوبه اول يوم العيد

وطول ايام رمضان احنا الفرحة تارسه البيت
ويا فرحتنا صارن فرحتين ويا حمل نرجس
وكل اهلي فرحان على هل خبر. بس نرجس حبالتها بالضيم مكضيتها تقيأ ودوخه

الحمدلله انا ما مريت بهل شي
انا حبالتي بطيبة تخبل، شو باول اشهر ماعرفت لو ما توفا التوأم جان دخلت بشهري وماعرف انا حامل

بهاي الايام تواصلي ويا البنات كثران لان سهر الصبح
اكمل اصلاة وين اطني وجهي نظل نحچي بالكروب ونسولف على يومنا..

وشرار وضعها تمام الحمدلله عايشه حياتها بين زوجها وابنها وعمتها... وعلاقتهم احلى من العسل
وابنهم الوتي سوالفه تخبل رغم عمره ما يتجازو التسع اشهر بس لوتي ويناغي اذا شاف التلفون حتى ننتبه اله

ومسودن ابو بسوالفه تسولف شرار
اول ما يدخل ضرار يصيح وين كفيلي وين كفيل امة
وذاك من الصالة يظل يصرخ اله
الحمدلله ذو الفقار وضرار حنيتهم على الاطفالهم
ما تنوصف وهذا الشي يطمأن

فزيت من صفنتي الطويلة، على نفسي بالمراية الصالون متزينه بفستان كريمي من فوك ضيكه بس مو كلش، ومن جوه كلوش وبي شريط اسود
ويا شال اسود

ويا مكياج ناعم كلش ولو انا مكيجه بالبيت اطوخه أكثر، بس طلعت كلش نازكه ومرتبه مو اوفر
وهل شي سمعته من غيمتي مو من ذاتي.
من شافتني كملت تبديل وطلعت مباوعتلي وهيَّ گاعده على الكرسي ببدلتها وبيدها الماسكه الناعمه ومكياجها البارز معاني وجها

ويا شعرها الاسود عكس لون شعري بي شكار خفيف
تسريحتها ناعمه من گدام ومن ورا مفتوحه
وهل شي هيَّ ختارته ما رادت شي هوسه يخرب نزاكتها، اتقدمت يمها واكفه گدامها مبتسمه بحب
بينما هيَّ غمزتلي وهتفت

غيم: راح تكسرين عليَّ لچ

-أنتِ الاصل حياتي انا بيش الكيلو

غيم: كيلو مالچ غالي عند ذو الفقارچ

ضحكت مباوعه على البنات للموجودات
على نظراتي دك موبايلي بيد غيم رافعته اليه
اخذته المتصل ذو الفقار.. رديت عليه وانا الم بالغراض بالعلاگه

-ها حبيبي

-يله اطلعن

-خوش ثواني

غلقته ولميت الغراض على السريع
اخذت البركع لبسته الها وگومتها طلعنا من الصالون بيد لازمه جنطة وبيد البدلة حتى لا طيح

طلعنا رايحن المكان السيارة، باوعت على السيارة نزل ذو الفقار وفتح الباب الورا وصعدتها عدلت البدلة حتى لا تخنگها كملت وسديت الباب ومشيت صاعده بالصدر، بينما انا اعدل بيها ذو الفقار صعد مشغل السيارة، حرك السيارة گايل موجهه كلامه الغيم

ذو الفقار: الف مبروك اخيتي السعادة الدائمه يارب

غيم: مشكور خويه يوم للألك

درت وجهي مباوعه عليها عايطه بيها
قربة: عيدي گكلتيي تردي يتزوچ عليَّ لچ

-والعباس چفصت متوتره شبيچ

ذو الفقار: ههههه تعوفي البت هسه انا صح تزوجت

-هوَ أنتَ،بس تفكر بالموضوع حتى اوديك بعربانه الاوادي الاسلام

ذو الفقار: شمعنى بعربانه ليش مو بسيارة.. هيَّ موته خايسه راح تموتيني،على الاقل وديني بسيارة

-لا فوك ما تريد تزوج عليَّ، اخليك تتنعم وديك بسيارة

ضحك هاز راسه بأس
طول الطريق انا احچي بيهم ولح يشغل صفكه خبصه
منا ما شغل صفكه الباسم الكربلائي صحت يطيور غنيلي، غيم اول ما شغلها گالت

غيم: ابو طيوب بربك باسم

قربة: انچبي باسم ولا اغاني

غيم: على ساس بعد شوي دكون على ساكت

ذو الفقار: هاي على زواج النورين حلوة صفكه احسن من الاغاني

ردد ورا باسم مغلسه عليها احب هاي الصفكه
قربة: صحت يطيور غنيلي ..وعلى غصن العشك ميلي
بزواج النور اريد الكون.. يعيش افراح، غنيلي

غيم: ها تسودنتي

-صحت يطيورررر غنيلي وعلى غصن العشك ميلي

غيم: مرتك ابو طيوب تخبلت

ضحكت ساكته من دخلنا الفرع ملاتنا
وكف گدام بابنا نزلت وفتحت باب الورا وعفته مفتوح ودكيت باب بيتنا.. حتى بينما اطلعها من السيارة هم فاتحين الباب نزلتها معبرتها من الرصيف مشيتها البيت وذو الفقار ظل بالسيارة
بينما نزلته امي فتحت الباب دخلتها وذو الفقار صاح
عليَّ وهوَ ينحني مبين راسه گايل

ذو الفقار: حضرو نفسكم ربع ساعة وحنا يمكم

هزيت راسي بخوش ودرت وجهي دخلت وراهم
سديت الباب وباوعت على بنات واكفات باب المطبخ
حوراء، وردة، وشرار، ونرجس ونسوان اخوه نرجس كلهن واكفت بالباب يهلهلن

تقربت منهن مسلمه عليهن وحدة وحدة
وهن يتغزلن بيه، دخلنا جوه على صوت الهلاهل
باوعت على الصالة حاطين كرسين وگدام الكرسين طاوله صغيرة

وخرت نظري مباوعه على الگاعدات
خالة دانه وام نرجس ومريم وعمت وردة وخالة ام حوراء رحت سلمت عليهن وحدة وحدة بينما اسلم عليهن، امي وحوراء گعدن غيم وگعدت حوراء يمها
مشيت وكفت يم امي سأل على طيوب

قربة: يوم وين طيوب طوب.

دارت وجها ماوعتلي ورجعت نظرها تنزع بالبركع من غيم

فاطمة: نايمه بغرفة اخوچ

هزيت راسي بخوش ماشيى الها
يمه طك گلبي عليها من الصبح الحد هسه ما شايفتها
وهم بالي وياها خاف تبچي عليَّ

دخلت مباوعه على الارض حاطاتها على بطانية مسوياتها فراش وعلى هيزار مسوياته مخده
رحت الها گنبصت على اركبي بايستها بنحرها على كيف خاف تگعد

بستها وخرت منها كايمه لا تگعد
عدلت نفسي بالمراية وطلعت عايفه الباب على نص خاف تگعد وما اسمعها

رحت للمطبخ اشوف الضيافه جايبن قواطي وامي حاطتهن بالجدر وبي ثلج والكراتين الكيك حاطتهن على الكاونتر، مشيت اخذتلي كيكة وقوطيه بطني فارغه لا انا أكلت ولا غيم

كملت ونرجس تحوم خطيه لعبانه نفسها
وطفوف تباوع عليها والثانية لازمه روحه كوه هم خطيه حامل

رجعت للصالة گاعده يمهن، ظلينا شوي نسولف الهن وسمعنا صوت الهورنات، باوعنا على الباب وامي كامت هيَّ وخالة ام حوراء ماشيات للمطبخ
شويه وسمعنا صوت هوسه خطوات

ثواني ودخلت خالة عيدة گايده الحجيه
وراها العمه اقبال وباقي البنات رقية وهاجر وبنات عم ذو الفقار ومرت عمه طارق وباقي ماعرفهن منو اول مرة اشوفهن، دخلن يهلهلن ويهوسن والحجيه تهوس بعباتها ودكول

الحجية: ومطيلب اخذ راته وعاف بنات ولايته

اقبال: وهاي الرادها وهاي التمناها بت الشيخ لابن الشيخ جبناها

-كلوووش

اباوع عليهم وتذكرت يوم خطوبتي نفس الحال ونفس الفرحه، بس مو مثل خطبتي ماعرف عنهم شي ولا اعرف شراح يصير بيه.. لكن هسه مطمأنه اختي تدخل هل بيت بدون خوف
سحبت نفس برتياح محوله نظري المرت طارق
عم ذو الفقار من هوست وگال كوله وبالنهايه هلهوله

-يهل القوط ذبو القوط طلوبي لبس قاطه كلوشش

عيدة: وهذا فرحنا واليحبنا يفرح ويانه وهذا فرحنا كلوش مبارك عرسك يالغالي بارك عرسك

ظلو يهوسن ويدبچن على الهوسات منا ما صاحو تجهزو راح يدخل السيد يعقدون

عدلنا البركع انا وحوراء وكومناها مودينها الغرفة مال امي.. دخلناها وامي جابت الكراسي ورانا گعدناها وحچت امي وياها بهدوء

فاطمة: يمه صيري سباعية ولا تظلين تفهين بالحچي ردي على الزلمه زين

هزت راسها بخوش واشرت النا نطلع
طلعنا راجعين المكانه، دقايق لا أكثر وسمعنا صوت السيد يصيح يا الله.. دخل اول ابوي ورا السيد وعمو صاحب ومطلب الي طالع يخبل وصاك لايگ اله الرسمي

دخلو الغرفة امي وسدو الباب
ظلو بالربع الساعة يله طلعو. اول ما طلعو هلهلن النسوان طلع السيد وابوي وعمو صاحب ودخلت امي وخالة ام حوراء وخالة عيدة مطلعين العرسان جايبينهم نفس المكان

بينما امي گعدتهم راحت هيَّ وخالة ام حوراء شوي ورجعن امي بيدها صينيّة بيها كلاصات ومواعين وسچينه وخالة كيكة حطنها على الطبله ويا كملت امي طلعت علبه حمره صغيرة وخالة عيدة هم طلعت علبه حمره انطتها المطلب

طلع الحلقة وغيم مدت ايدها ولبسها الحلقة وهلالهل زرفت إذني.. وامي سوت كذلك ولبسته غيم الحلقة وهلهلن وبدو بتقطيع الكيك واحد يوكل الثاني من كملو الكيك مطلب اسمعه يحچي ويا غيم لان انا بصف غيم وسمع الهمس ماله
صح بعيد شوي بس گدرت إذني تلقط الكلام

مطلب: غيم اسألچ سؤال بلتي على گلبچ بعدچ

غيم: ها؟

مطلب: الولد صديقي خطبها وگاعد گدامها سواها وما ضحك عليها

غيم: عزااا

مطلب: اي بله وضحيلي انا اتذكر كلمتچ گلتي لو انا منها اذا اوافق عليه ابول على گلبي الحنين هيچ اتذكر

غيم: مو خاف احچيها وطلكني بثلاث وحنا ستونا طلع السيد

مطلب: احچي هنديتي احچي

غيم: احم شوف انا تخيلتها على نفسي ونطيتك حتمال، گلت اذا صدگ يحبني ويجي يخطبني ابول على گلبي الي شك ما يخطبني بيوم، وهم گلت اذا طلع چذاب هوَ گلبي وخلي وابـ..

رادت تكمل وباوعت عليها خازرتها هيَّ رأساً سكتت بالعه كلامها.. لا يا صخام الوجهه تريد تبعرها الثوله درت وجهي منها مباوعه على مطلب گايله بهمس بس همه يسمعوني

قربة: دگول انتَ گلبي وخلي وابوس گلبي بدال ما ابول عليَّ مو غيمه

باوعت عليَّ وهتفت مرجعه نظرها للارض كاتمه ضحكتها: خيه شو أنتِ فاسقه انا وين گلت هيچ

قربة: انچبي حيوانه

مطلب: اختي العزيزة اعرف شرادت تحچي، لا طمطمين الها...انا قابل شتحچي قابل هاي عشگ ايامي

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

اغمضت عيني بسحبة نفس طويله والراحه تتجسد اضلاعي، زفرت انفاسي فاتحه عيوني مباوعه على باب الحوش بعدما حسيت على صوت المفتاح يتحرك بداخل القفل، ثواني وانا اتخايل شكله ورا الباب

بشكله الرجولي وتعابير وجها الهادئ ويا جمال مميز
عيني تشوفه جماله مميز.. ماعرف غيري يشوفونه شخص عادي بمعاني عراقية عادية..؟

لكن انا كل شبر منه اشوفه مختلف عن كل رجال شافته عيني.. ماعرف الحب هوَ الي يخلي ابن آدم ينعمي عن عيوب المحبوب..؟ اي انا حبيته
وتمنيته من قبل بحياتي حتى اعيش ويا اكثر وأكثر..

يمكن وصفي وحبي اله تحسون من وحي الخيال
من الممكن انتم تشوفون هل شكل
بس الي حاس بالحساس الجاي احسه
والي مار بالـ جاي امر بي والعيشه ويا فياض
راح تحسون كلامي كله صح

وعرف القليل راح يشوفون كلامي صح
لان للاسف قليل انشوف زلم مثل شخصيه فياض
اكيد راح دگولون ماكو هيچ زلم.. چا وين راحو الي يخونون، أو الي يتزوجون على نسوانهم

للاسف تفكيرنا هوَ الي يعمم على البقية
انا اليوم افكر وحچي بهل شكل راح عقلي يهئلي هوَ صح هيچ اكو... الظن... الشك... التسرع... العصبية
كلهن هذن دمار للعلاقة

وهل شي اكتشفته من الدكتورة
نصحتني،أنُ لازم اكو تضحيه بوقات العصبية بين الطرفين، أن كان لاب أو الاخ والزوج وأي شخص
أن چنا ثنينه عصبين، لازم واحد بينه يسكت بينما تطفه النار واحد يحچي ويفهم ويبرر

وهل شي جربته ويا ابو فياض بمرة بمرتين
بعد ولا وصلي ولا احتك بيه، وفياض وامة
من يشوفون هل شي يدعولي وخص فياض
احس بعيونه بريق ممزوج بالفخر والمتنان

انا من اسمع كلام يجرح اصبر الخاطره
لان مثل ما گال ابو المثل الأجل عين تكرم الف عين
فياضي يستاهل كلشي لو انطي روحي قليل

قطع تاملي بصورته الي بخيالي
من توسط الساحه ساد الباب ورا مباوعلي
باوعت عليه ببتسامة كايمه شايله الگلاص السفري ومشيت متجهه اله انطيته الگلاص گايله
بينما حچيت هوَ حط العلاليگ بالارض واخذ الگلاص مني مبتسم بوجهي

وردة: الله يساعدك

فياض: ويساعدچ بعد روحي

-الغدى جاهز تعال غسل وصلي بينما اصبه واجيك
هز راسه بايس راسي بشمه ومشى متعدي مني
شلت علاليگ المسواك ويا ما شلتهن اجاني صوته من المطبخ

فياض: امي گالت جيب الها سفرجل زين للطفل
تلكي بالعلاگه السوده

رديت عليه بخوش ماخذتهن المطبخ
حطيت العلاليگ على السنك.. درت وجهي مباوعه عليه طلع من الغرفة رايح للحمام ومغير ملابسه

هاي الايام تعبان بالمعرض محد وياه
وتعبان يجي بالاربعه العصر ومن يجي يروح بداله عبدالله وظال هيچ خطيه ما يطلع هواي بليل يخاف يعوفني وحدي وهم لان حامل لا يصير بيه شي ومحد يمي

فـ يلطع بساعة اكثر ويرجع
ومرات الولد يجون للبيت يسهرون يمّه ويرحون
وذا هوَ راد يسهر عد واحد منهم ياخذني وياه
أما انا عتاديت على الوحدة،ومن اضوج الزم مصلاتي وظل أقرأ قران أو احچي ويا البنات لو ويا مريم وابوي منا ما يرجع فياض

يتبع

بقلمي: زهراء ثائر

#اقنعة_الموت" الفقار "

#البارت_الاخير _ ........#القسم٢

وهيچ الحياة ماره بس الحمدلله مرتاحه
وبالي صافي، صح ماكو حياة خاليه من المشاكل
لكن ماخذتها برحابة صدر.. لازم نتقبل حياتنا
احنا ما بيدنا القلم حتى نكتب أقدرانا وحياتنا بكيفنا

الحياة تنعاش لليوم وبس لان الي نعيشه البارحة ماضي، والي نعيشه اليوم فاني وباجر محد يعرف شيصير لذلك انفكر باليوم وبس لا نفكر بالبارحة ولا بالمستقبل

وهل شي جاي يخليني اقارن نفسي بين الماضي وهسه، اختلف عن كل شي.. تفكيري
افكار... مخططات... طموح كلشي... والي يهمني رب العالمين... فياض... نفسي... والبطني... واهلي.
لان اذا فكرت بشي ثاني راح يخرب نظامي الحياتي

زفرت انفاسي دايره وجهي مباوعه على الممر الي مكشوف على المطبخ.. يمشي وعينه عليَّ ابتسمت بوجها، ورجعت نظري مطفيه الطباخ صابه المركه بالكاشيه ماخذتها حاطتها بالصينيّة الحضرتها اله
اجه گعد وانا رجعت اغسل بالمخضر والغراض
بينما رجعت السنك گال وهوَ يگعد

فياض: تعالي أكلي وياي

رديت عليه فاتحه البوري حاطه كل المخضر بالسنك
وغسل وحچي وياه وطلع سلال من السنك وحط بيها المخضر

وردة: عوافي على گلبك انا أكلت من اول ما كملت صلاة وشبعانه احس معتي متخمه

رد بعافيات وكمل وهوَ يگلب بلاكل
فياض: حضري نفسچ عرس مطلب واحد واحد

درت وجهي فاتحه عيوني مصدومه
وردة: صدگ والله..؟ مو غيمه گالت بس اتخرج

فياض: ماعرف، بس خابرني گال واحد واحد العرس

وردة: يعني ويا اليوم بعد سبعطش يوم

رد باي، درت وجهي اكمل شغلي
خلي بس اكمل احچي ويا قربة ليش ما خبرتني اجهز نفسي

مر اليوم بهدوء فياض بس تعشى گال رايحه
الذو الفقار ومطلب وانا بس كملت شغل خابرت على مريم طمأنت عليهم وسديته منها مخابرة على قربة شوي يله ردت، تثخرت بالبطانية گدام الهيتر الي (دام البلازمه البصالة وعيني على التلفزيون وبالي ويا قربة مندمجه احچي

وردة: هلو بذاتو

-هلا شلونچ ام آدم

وردة: لا ام آدم ولا شي

-ها خير حاميه عليَّ سلامات

وردة: حقيرة أنتِ واختچ حددتوو العرس وما تحچين

-تنچبي هوَ البارحة طكوها بوجهي.
نوب اختي الخنيسه بليله ويوم غيرت رأيها
اگلها ليش دگلي انا اكمل جامعتي يم عيالي مابيها شي لچ امي دگول خلت ابوي فاتح حلكه بس ما حچه شي هاي غيمو ماكو لا الها

وردة: اختچ فلفلت

-هههههه لا لا هاي سوالف مطلب هوَ يلح عليها وهيَّ لاخت ساحت وماعت ما تتحمل گلبها رقيق يم مُطلبها على گولتها

وردة: الله يهنيها.. يستاهلون خطيه

-أنتِ الخطيه مكضينها غومانسيات للصبح ولو ما دوامها فلا تعوفه

وردة: باين الحب بعيونهم الله يديم حبهم يارب

-ولد هدية اذا حبو هاي هيَّ.. حبهم صادق وما بي خدش، وانا لو ماعرف مطلب شني فلا اخلي تم هل زواج بس انا مطمأنه اختي راح تعيش بنعيم

ظليت احچي وياه منا ما اترخصت اجه رجلها
يعني فياض بالطريق.. رأساً طفيت التلفون كايمه
سفطت البطانية وديتها الغرفة الثانية ورجعت اخذت الهيتر والموبايل حاطتهم بالغرفة

حطيت الموبايل على الشحن وركبت الهيتر على النقطه وطفيته وطلعت احضر نمنمات نسهر
حضرت الكرزات ولحليب ابو الككوب بس احمي
اخذت الكرزات والفواكه للغرفة ورجعت طفيت التلفزيون وكملت طريقي للمطبخ واكفه بي منتظرته حتى احمي الحليب

ظليت اعزل بالمطبخ حوالي بالعشر دقايق وسمعت صوت فتح باب الشارع.. باوعت من الشباك دخل فياض وبيده علاگه مكتوب عليها حلويات الـ****

رأساً وخرت من الشباك مشغلة الدله مال الحليب
ومشيت متجها الباب الممر.. وكفت گدام الباب بينما يدخل ثواني ونفتح بالقفل لان انا اقفله ورا اخاف اعوفه مفتوح

دخل رافع راسه مباوعلي ابتسم بوجهي وسد الباب قافله، هتفت بهدوء طالبه منه بخفوت

وردة: فياضي خلي نسهر

دار وجها مكمل قفل الباب مباوع عليَّ بصفنه مستغرب هل كلمة صح اگله احبك أو حبيبي بس ما اصيحه بياء التملك بلل شفته هامس

فياض: عيدي شكلتي

وردة: فياضي خلي نسهر

فياض: منچ من الشيطان.

عبست وجهي راده عليه بدلع ومبوزه شفتي السفليه
بينما انا بداخلي اريد اضحك على شكله

وردة: ترا اسحب كلامي ها.

هز راسه بالنفي متقدم عليَّ لازمني من متني مقربني الصدرة مشيني الممر

فياض:لا يابه وعلي اتقشمر وياج

بينما گال كلامه انا ضحكت وتذكرت الحليب.. وخرت منه گايله:- روح ادخل جوه بينما اجيب الحليب واجي

فياض: هاچ اخذي هذن وياچ

اخذتهن منه هازه راسي بخوش.. ورحت والحمدلله ما متبدي على الطباخ چان خمگت روحي
الضهر نظفته نصيته وحطيت الكعك بالماعون وحطيت بالصينيّة ويا الگوابه مال الحليب والباقي ضميتهن، كملت وصبيت الحبيب وشلت الصينيّة متجهه الغرفة

دخلت للغرفة مباوعه عليه گاعد گدام النمنميات
وحاط بحضنه المخده ولازم موبايله.. بس شافني دخلت طفه الموبايل حاطه بالارض

حطيت الصينيّة گدامه انطيته الگوب مالته وخذت گوبي وحاطه الماعون مال الحلويات گدامنا
ظلينا ناكل ونسولف على ايام قبل ويا ما چاي يحچي دك موبايله باوعت على الموبايل حاط صورتي الي اول ما شفتها بتلفونه انصدمت بايام الخطوبه

الصورة عبارة عن واكفه باب بيتنا وصافحه وجهي وهاي اتذكر بيام الي اروح بيها للمهد مال الخياطه
ومن سالته ليش ماخذ صورة اليه گال

فياض: هاي الي تصبرني ايام كلها منا ما اخذتچ وعيني على هل صورة احبها عزيزه على گلبي

ومن گال هيچ تبخرت كل الكلام الي استوحل دماغي
باوعت عليه وأكل كرزات..رد على عبدالله
ظل يحچي ويا على الشغل وستمع الى وأكل

كملت آخر كرزه بيدي ومددت نفسي حاطه راسي على فخذه، بينما سويت هيچ هوَ رفع ايده يمسح على شعري ويحچي ويا عبدالله.. وانا امد ايدي اخذ كعكة اكرط وعيني على الهيتر وصافنه

شنو يصير لو ما قابلة بي.؟
شنو حالي حالياً.!
هل عقدتي النفسية تتأزم لو عادي؟
سبحان الخالق الي يدير الامور باحسن تدبير
صدگ هاي الاية تنطبق عليَّ مال وعسى أن تكرهوا شيء هوَ خير لكم
فزيت من صفنتي على شفته بايس جبيني
هامس وهوَ يبعد شفته عن جبيني ماسح على شعري بحنان

فياض: اعجز عن التفوه بحبي لكِ يا رفيقه دربي

رفعت نظري مباوعه بعيونه راده عليه بحب وحنان
وهل كلام طالع من اعماق قلبي.. احچي ويا بدون خجل أو تردد

وردة: احبك يا هدية ربي الله يحفظك ليه

رجع باسني من جبيني راد عليَّ
فياض: أنتِ نبضي وعشگي ومالي وحلالي

ابتسمت ابتسامة عريضه مباوعه عليه وحاچيه
وردة: احلى شي اختاريته بحياتي انتَ

مسح على شعري ويا ما گلت هيچ باوعلي بنظرات تلمع، اشوف بنظراته رغم ظلمه بس ضوء الهيتر منور الغرفة، بس اشوف هاي العيون الي تلمع من تشوفني وتضيع بتفاصيل كلامي ومعاني وجهي

سحب نفس مرتفع صدره للامام زافر النفس برتياح وهوَ ينزل ايده ماسح على خدي ومستقر ايده على وجنتي من گال آخر كلمة مسح بامهامه على خدي مبتسم

فياض: يسوى الصبر طول ذيچ الايام
تسوين اسهر باب بيتچ طول العمر.
أنتِ وردة دخلتي حياتي بثيتي بيها عطر ما يشتمه بس العاشگ صدگ

وردة: وانا ما اسئلك وگلك هل كثر عاشگني
لان عينك فاضحه عشگك على گولتك

فياض: عشگ الجنوب موش أي عشگ

وردة: ونعم والله

كلتها بابتسامة يفوح منها الحب والهيام بهل الانسان
الي على هيئة ملاك متجسد بهيئة بشر
الله يديمه الي وما يرحمني من حسه بالبيت
لان انا من دونه لا شيء

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

غيم: اوكف بله دز خلي اشوف

مطلب: عيـــــــــب ماعندچ شرف ادزلچ. شو وخري لا انتكاوم وياكم

غيم: ها عيني تريد اخلعك.

اجاني صوته الضاحك ممزوج بهدوء بس ضحكته طاغيه على هدوئة: تخلعيني يول ليش يبا ليش انه حبيبيج يهون تعوفيني

-اي يهون

مطلب: افااا وأفوف بت گلبي يهون عليها

يحچي وانا لازمه ضحكتي كوه وعيني على قربة ونرجس الي بطنها مدعبله وبيها كبر لان دخلت بشهر السابع وبطنها كبرت اما قربان بتها الوكيحه تهمش بالغراض، سحبت نفس مبتسمه بخجل مبعده نظري عن البنات لان يسفطن وعينهن عليَّ
وهمست بكلمتي المعتاده بصوت كاد ينسمع

غيم: بيب

-نعلى اعلى سلفاج بت شويكر توبين لا ما توبين

-ما بتوب هههههههه

مطلب: امشي امشي تنعل سلفافي وتضحك

ردت ارد عليه وطيبة فتحت وحدة من الحمر حاطته على وجها.. عطت بيها عيطه يمكن نطرش مطلب وسماعة التفون نفجرت على هل عيطه

غيم: لااااااا

قربة: وجعاااا

مطلب: شكو شكو.؟

ردت قربة ومطلب بنفس الحظة بينما طيبو صفنت بوجهي ثواني وطكتها بجيه رنانه
عافت قربة الي بيدها وشالتها حاطته على صدرها تسكت بيها وكلمة تهديها وكلمة تشتمني بيها

قربة: اش ماما اش تولي هاي الخوثه.. جيره بوجهچ
غيم خلستي الفرخه جيره اي والله

نرجس: سوت بيه وبطفلة خرعه

باوعت عليهن راده بعدها مكمله ويا مطلب
غيم: انچبي ام جيره هاي ثالث حمره كسرتها
وأنتِ الثانية صدگ تخترعين بس هاي الجنيه ما عليها شي على امها.

"بينما حچيت هيچ قربة هزت ايدها بأس ونرجس ضحكت وكملت كلامي" اي مطلبي روح الدربك انا اكوم اعزل غريضاتي بيدي احسن لان بت اخوك راح تخلص النيشان على ايدها الكرطه

ضحك راد
مطلب: لا تعيطين بوجها حبيبي تكرهچ

غيم: لا تخاف ما عدها حساس على امها

قربة: لا خاف عليچ

مطلب: راح تصير من الروس خلي امشي.. يله باي

گالها وسد الخط بدون ما ارد عليه
باوعت على قربة وعلى نرجس وآخر شي طيبو الي نايمه على كتف امها ومتلزه علينا حفوضتها

حطيت الموبايل على الچنطة الي مسفطه بيها الملابس، وكمت متقربة من قربة صرت گدامها وگنبصت ورا طيبة باوعتلي قربة ودارت نظرها على طيبة تمسح بشعرها الناعم الاسود كأن سواد اليل

هل بنيه مخلوطه بذو الفقار وامها وانا
اي انا شايله وكاحتي وصلافتي.. اعترف يا ساده
صلفة رغم البارحة دارت سنتها الاولى وسوينه الها عيد ميلاد بس هيَّ شني نار مخليتهم كلهم جواها

اذا بچت كلها دكوم الها وذا رادت شي يو شدو روسكم يكرعان.. تخبص الامة منا ما الحاجه الي تريدها تصير بيدها يله تهود..

بس شني دمها عسل تخلي الواحد غصب عنه يحبها
اسوالفها وحركاتها تخبل الواحد ما يشوفها ام عمر السنه لا چنها عجوز عرب

وابوي يموت عليها من تجي قربة الحد ما تروح هيَّ بيدها، وياخذها ويطلعها للتكان يشتريلها حلويات ويجي وهيَّ الوتيه تكيف على ابوي وعلى عليا
لان من تجي هنا كلشي تريده تم چنها انا بصغري
كلشي الاريده حاضر

وقربة تسولف عمتها وعمها يحبونها
وتنام كله يم خالة عيدة وبس من تريد ترضع تجي القربة ترضع وترجع وهيچ ظاله شالعه گلبهم

ابتسمت ماده ايدي داغتها بكتفها ولبدت ورا قربة وانا على وضعي بس راسي ضميته هيَّ دارت وجها ونشغه بصدرها رجعت دغيتها من كتفها الثاني وكشفتي ضحكت بوجها وهيَّ ابتسمت بلاهه

اخذتها من امها ادغدغ بيها من بطنها واحطها بحضني وحچي وياها بطفوليه وهيَّ سكرانه ضحك
بينما اسوي بيها هيچ قربة رجعت تسفط بالغراض

غيم: طوطه يا طوطه.. كالو جاي تاكل موطه هههههه
يبوووو موش بنااات اريد اكلهـــــــــــن انا
حبابه عوفيني أكلچ حبابببه خلي أكلچ

طيبة: اماااا

گالتها والضحكه بكلمتها
بستها من خشمها المدعبل چنه خشم مطلب.. بستها وخرت شفتي عن خشمها مباوعه على تفاصيل وجها الناعمه

سمارها حلو بين الابيض والحنطي چنها صفار قربة
وعينها دائريه وفص عينها سود ورموشها كثيفة جنها رموش ابوها.. وفمها ناعم ومنفوخ بشكل دائري وشعرها السرح الواصل الحد ركبتها بس خفيف مو ذاك الضخن

ظليت اضحك بيها منا ما كملت قربة مسفطه هيَّ ونرجس النيشان بالجنط.. ما بقى شي بس ست ايام على خروجي من هل بيت طالعه ويا حبيب قلبي

غمضت عيوني ثواتي وسحبت نفس طويل زافرته بهدوء فاتحه عيوني مباوعه على نفسي بالمرايه بعد ما اخذتلي صفنه معدله...واكفه بدلتي الصلوخ الي بيها بشيالات ناعمه من الكتاف وباقي الخصر ضيك ناحت خصري نحت ومن جوه منفوش
ويا مكياج صارخ وحمره حمره بارزه المكياج اكثر
المكياج والتسريحه بارزة جمالي الهندي على گولت ابو الشباب.

وخرت نظري عن نفسي مباوعه على مطلب وهوَ يدخل الستوديو بجماله الي طيح گلبي وعقلي
نوب ابن الحلو طالع چنه العيد بالرسمي
چنه مراد علم دار بهيبته.
ويا التسريحه شعره النازكه ولحيته المخففها من العظمه ومن يم الفك والشارب متوسطه

بينما ادقق بتفاصيله الجذابه هوَ عيونه أكلتني أكل
مستهتر اعرفه عيونه زايغه، اتقرب عليَّ ونظراته فاضحته.. بينما يباوعلي هيچ خزرته لا يجيت عليَّ ومنا المصوره.. نوب انفضح واتخزه

خزرته عاضه شفتي بخف لا تنمسح الحمره
ضحك هاز راسه مغمض عيونه.. حركته فاسقه مبينه غضيت النظر عنه مباوعه على المصورة
مضيعه خجلي واحرك بالماسكه بيدي

هتفت المصورة وهيَّ تجي توكف يمي وتحچي
اجه مطلب واكف بعيد عني بنفر واحد ويستمع اوامر المصورة

المصورة: اخي اقترب من العروس هل شكل وسوي هل حركه

ظلت تشرح اله اللقطات وهيَّ تطبق وياي
والحمدالله اللقطات شريفه عفيفه ماكو شي فاسق
كملنا الجسله التصوير مال البوم والمصورة گالت

المصورة: تردون صور عائليه لو هاي هيَّ..؟

مطلب: طبعاً الاهل منتظرين بالستوديو

هزت راسها وطلعت بينما طلعت همس
وهوَ بعده على وكفته

مطلب: يابه يابويه گلبي ما يتحمل هدنيتي

غيم: شاروخاني استچن منا عالم لا تستخف

مطلب: شلون ويا السانچ الهندية، أنتِ ليش طلعين السانگ بمكانات العامة، بس يله ساعات وأنتِ بحضاني وطلعي كل ممتلكاتچ

غيم: مطلـــــــب لا تستهتر ترا اخجل

قهقه بقوة عيونه طامسه راد يحچي قطعو كلامه دخول امي وخالة عيدة وقربة وهاجر.. باوعت عليهم وامي گالت وهيَّ تتقرب مني وبيدها البركع
وكفت گدامي مكمله كلامه وتعدل بالبركع وما تحط عينها بعيني، ادري بيها لازمه روحها كوه لا تبچي
ما تريدني ابچي وياها، سحبت نفس ماريد اتبكبك ويخرب المكياج

فاطمة: عمچ يريد يدخل ياخذ صور وياكم

كملت موخره بس كملت المصورة اشرت الهم يجون يمنه بينما اجو يمنه مطلب اتحرك متجهه الباب صاح على العمو يدخل، دخل عمو واخذنا صور ثلاثه انا وامي وقربة وطيبة، وحدة عائليه وحدة بس عمو وخالة وانا ومطلب

كملنا وامي عدلت البركع على راسي وساعدني اطلع من الستوديو للسيارة... صعدوني بالصدر
لان مطلب گال الهم انا ازف روحي
صعدوني وانا ما اشوف أي شي من الگدامي
بس سدت الباب امي وصعد مطلب گال

مطلب: نزعي هذا من على وجهچ السيارة مضلله

سويت نفس ما گال اريد اشوف الزفه
حرك السيارة طالعين من شارع التصوير طالعين على شارع العام.. مشى سريع مطلب وگلبي دك بفرحه خباطتني بطني.. باوعت من المراية الباب على السيارات البيها المعازيم

ضرار هوَ وشرار بسيارة وفياض كذلك
وقربة وذو الفقار بسيارة يمشون بصفنه والكوستر البيها الناس المعزومه تمشي ورانا بالتحديد

باوعت عليهم وضحكه بصوت من عبرو گدامنا سيارة ماعرف من بيها بس اكو شخص لازم كامره يصور
طالع من الشباك ويصور
وعبدالله كذلك گاعد على الجامه ويهز چتف
دقيقة يهز ودقيقة يطك اصبع بالهوى

بينما اباوع عليهم والضحكه شاركه فمي مطلب شغل غنية وظل يطك اصبع ويغني ويا الغنية نوب يرجع يسوق وانا اضحك..شعور يجنن
گاعده ويا الشخص الي حلمت اكون وياه
وهسه انا زوجته شرعًا وقانونًا
بينما اضحك هوَ التفتلي گايل بينما گال هيچ التفت اله مبتسمه بخجل

مطلب: اضحكي هنديتي يلوكلچ يا بعد چبتي

غيم: يمه اخجل لا تگول بعد چبتي هاي كلمة اموع عليها

مطلب: يبا تخجل هيَّ بعد چبودي

ضحكت يقلدني شلون اگول بعد چبودي
بينما انمشي بالزفه الدنيا بدت تغورب والجو صار يجنن، عيني على الشارع والعالم الي تباوع على السيارة وعين على مطلب الي وجها يشع الفرح منه
على صفنتي عليه، دار وجها عليَّ وضحك گايل وهوَ ياشر على يميني

مطلب: البسي حزام الامان

غيم: ليش.؟

مطلب: البسي وما عليچ

غيم: لبسته

هز راسه مبتسم مدري شسوى وگال
مطلب: باوعي على مراية الباب وبالتحديد التواير

باوعت على المراية بدون ما ارد عليه
فتحت عيوني وفمي على المنظر.. ضحكت حاچيه

غيم: عزاااا الله شنهاي يمه تخبـــــــل

عيني على المراية والدخان يطلع من التواير تارس الشارع، رد على كلامي وباوعت عليه يناظرلي بحب هتف كلمتين ودار نظره للامام ماد ايده على المسجل مطفي الاغاني لان راح يأذن

مطلب: حبيتيها.؟

غيم: تخبل

رديت وعيني على الدخان الي تناثر بالهوى
على تأملي بالدخان دك نغمة موبايله باوعت عليه مد ايده الجيب الستره طلع التلفون وباوعلي مبتسم مرجع نظره التلفون رافعه الوجها باوع على الاسم وضحك، دار وجها على الورا وانا ويا باوع على سيارة ذو الفقار الي تمشي ورانا وهتف بقهقة

مطلب: جبان ورب الكعبة ههههه

رديت عليه وانا دور وجهي للامام حاچيه ويا بحماس ممزوزج بتوسل:- مطلبي عيدها الله عليــــــك

مطلب: انعل ابو اصل مطلبچ اذا ما اولعها العيونچ

ضحكت مرفرف گلبي على كلامه.
عضيت باطن شفتي بخجل رافعه ثنين اديه الوجهي وملت براسي على اليمين وخرت ثنين اصابيع ايدي اللسبابه من عيوني وباقي كفوف ايدي على خشمي وفمي

غيم: اوي اوي يولد استحي لا تحچي هيچ اموع اموع

مطلب:شوف ربي شوف..وچ بت شوكير مو انعلتي والديه بصوتچ هذا

غيم: ههههههه بربك كافي حچي وعيد الحركه حباب

ضحك ولاف الستيرن عدل مستوى السيارة
وباوعت من المراية الامامية طلع دخان من التايرات وشخط السيارة ولافها قوي

عطت بضحكه الحركه تموع انا ما اخاف من السرعة ولا من هيچ سوالف أصلاً اموت على سوالف السيارات
بينما سواها مرة ثانية رجع اندك التلفون مرة ثانية
اخذه رد وداس على السبيكر گال بضحكه

مطلب: ها ابو سيف

ذو الفقار: مطلـــــب اذا عدت الحركه هاي كفيلك العباس انزل احطك جوه السيارة وطبكك طبك

مطلب: ههههههههه لك فرحان شني واحد ما يفرح

ذو الفقار: تفرحح هيچ كوووو*د استر علينا من الله يستر عليك

مطلب: يله كافي هاي هيَّ تدلل ابو سيف الغالي

كمل كلامه مطلب واجا صوت قربة المتحمس وتتوسل بي:- عيدها الله عليك لا تاخذ بحچي
ذو الفقار

مطلب: شوف مرتك دگلي عيدها أنتَ شني عذرك

ذو الفقار: مطلب كافي بعد اخوك، خلي العرس يعدي على خير

مطلب: عرسك لو عرسي

ذو الفقار: شلون وياك أنتَ، گتلك كافي ويانا عالم ومنا سيارات لا يصير قدر.. استر علينا بعد اخوك

مطلب: هاي هيَّ والله وهم السيارة مال العالم لا يصير بيها شي خلص وعلي ما اعيدها

ذو الفقار: والعباس اذا عدتها انزلك بنص الشارع وانا گلت بعد، وابوي ظل يحچي خبصني خبص

مطلب: افتهمت بس كافي.. يله ولي خلي استمتع

گال هيچ وغلق الخط.. ضحكت بدون صوت
مباوعه على الشارع والعالم الي تباوع النا من سياراتهم، على تأملي بالزفه وعبدالله الي ذب لحم قطعها صوته الهادئ الممزوج بصوته الرجولي المتروس حب وحنان

مطلب: احبچ الهندية انا هايم بيچ تدرين لولا

باوعتله ساحبه نفس راده عليه بنفس النبرة
وحچيتها من كل حواسي.. احچيتها ولاول مرة
رغم صح وافقت بي بس ما بيوم گلت هل كلمة رغم ابد ما حچه وياي ليش ما عترفت بس انا گلت بداخلي من يجي الوقت المناسب احچيها بكل اطمئنان

غيم: احبك مُطلبي

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

-ضراريي

گلتها بتنغوص متروس دلع بينما گلت هيچ هوَ رأساً التفتلي مباوعلي بابتسامة مرجع نظره على الطريق

-روحه

نزلت راسي بخجل والعب بشعر كفيل الي واكف على الكشن ويباوع على السيارات الزفه

شرار: اريد اعرس

ضرار: شني.؟

شرار: لا تفتهم غلط شبيك أنتَ تارس عيني بس اقصد اريد نعرس من جديد.. بدلة جديدة، الله ضرار اريد اعرس مرة ثانية

ضرار: اي تامرين يا لون بدلة تردين اجيبلچ وردي

عبست وجهي ادري جاي يستهزاء رديت بضوجه وعيني على سيارة العرسان:- شبيك ضرار والله جاي احچي صدگ

عض طرف شفته داير وجها الي بغمزه ورجع باوع على الطريق:- تگولي من الآخر.. يله هسه نأجر غرفة ويا العرسان ونعيش احلى ليلة عرس

شرار: أنتَ ليش عقلك شطح الهناك.. جاي اگلك اريد البس بدلة ونزف مرة ثانية وعيش الفرحه.
شبيك ضرار والله جاي احچي

ضحك هاز راسه راد وهوَ يلوف السيارة صافها ورا سيارة رجل قربة

ضرار: مو تدللين باجر اجرلچ بدلة وزورق السيارة وفرج الـ**** شارع شارع بعد شتردين

شرار: وصالون وتسريحة وتذب ابنك على خالة دانه
اريد اعيش شعور الوحدة المفرده يوم كامل

ضرار: ما طلبتي بس حقچ تأمرين من هاي العين الهاي العين

ضحكت راده وانا الزم كفيل وفتح الباب وهوَ كذلك رد على كلامي ويباوعلي ويسد الباب

شرار: اريدهن عينك ما تشوف بس شرارك

ضرار: وهيَّ ما تشوف بس شرار يطاير گدام عيني مثل الهوى بارد منعش، ومثل ماي بارد بعز الصيف

شرار: هسه هاي تعريف لو شعر لو شني

-ههههههه كلهن يبا كلهن

ضحكت على ضحكته لازمه ايد كفيل ومتقربه منه
هوَ لزمه من ايدة الثانية ومشينى متقربين من عائلة قربة هم نزلو هيَّ ورجلها وبتها وياهم هاجر وعمتها

مشينى وياهم رايحن البوابه الفندق
دخلنا لان ما يقبلون ندخل بالسيارت
قربة خلت بتها يمي ومشت هيَّ وامها السيارة مال العرسان يساعدون غيم

بينما اباوع عليهم اجت وكفت يمي وردة ونرجس
وثنينهن بطونهن مدعبله وردة عليها خمس اشهر ونرجس سبعة اشهر...واكفات ونباوع على الولد وكفو بالنص ويركصون ويا مطلب الي ذب الستره وظل يهوس بيها ويحچي بصوت عالي

مطلب: ويا هنيالي عشگت الصح

والولد يرددون وياه ويهوسون وياه
الركص والاغاني الي مال الديجي المدري يا الي جايبه من شتعل ضحكت گايله

شرار: هاي يا الجايب الديجي.؟

وردة: هذا عبدالله جابه وياه يگول الفياض اهل الفنادق كطعيين ما يسون واهز بعرس ذو الفقار چنه جنازه ذبيناهم ومشينى لا ركصه لا هوسه

نرجس: خوش يسوي.. الجوه صار يخبل

شرار: بس كون يطفو دنيا مغرب

نرجس: أذن صارله بربع ساعة

وردة: ميخالف ما يصلح وهمه عرسان

ويا ما حچينا هيچ طفه الديجي ضحكنا الثلاثه
سمعو كلامنا.. بس طفو زفو مطلب الباب الفندق
لان العروس دخلوها الفندق

دخلو الفندق واجو ضرار وفياض علينا ويا ما اجو طلعت قربة وامها وام مطلب
واجت قربة علينا اخذت بتها وسلمت علينا هيَّ ونرجس ومشن وردة كذلك اخذها رجلها ومشو گدامنا

احنا وراهم، توزعنا على سيارتنا راجعين البيتنا
لان ما مسوين عشى من اهل العروس للفندق وهل شي من مطلب اهله ما راضين عليه
بس هوَ يسولف الضرار يگله عليمن بفلوس العشى اخذها وروح الاربيل

وصلنا السيارة مالتنا صعدنا
وعمو هاشم وخالة دانه وام ستار واطياف بسيارة ستار اجه بيها هوَ وستار وخالة دانه گالت وياهم اصعد

اتحركنا راجعين للبيت
وطول الطريق كفيل ينوص بكلامه المكسر علينا
رغم عمره سنه وثلث اشهر بس شوي السانه ثکيل
وخالة دانه دگول طبيعي ضرار هيچ چان

بس وكح ما ينحمل شالع گلبي بوكاحته والي خبلو عليَّ دلال خالة والولد كلهم مدللينه وكلشي يسوي اذا اعيط بوجها ما يقبلون عليَّ بس عمو هاشم واكف وياي وما يقبل عليهم، لان اذا ظل على هل طبع يبقى للكبر

بس حنين عليَّ وعلى خالة، اذا شافنا نشتغل يجي يساعد بينه وينقل ويانا رغم هوَ فصعون مايگدر يشيل بس يسحل بالغراض... حبيب امة
قطع صفنتي على كفيل الي يباوع على الشباك ويلغي بكلام ما ممفهوم

-يله وصلنا

باوعت داخلين الحديقة البيت الچبير
رجعت كفيل الحضني لا يفتح الباب ويطيح
عدلته وفتحت الباب، نزلته ونزلت ورا انا وابوه
بينما نزلت هوَ قفلها بالبصمة ومشينى متجهين البيتنا

لان عمو هاشم واصل قبلنا
دخلت للبيت وباوعت على خالة طلعت من الغرفة مالتها وبيدها چادر الصلاة

انطيتها كفيل ومشيت ابدل لان اليوم عليَّ الشهريه وما اصلي، بدلت وطلعت بمكياجي ما غسلته خلي اسوي الهم عشى بينما يدخل ضرار يسبح ويصلي

سويت الهم عشى وگعدنا نتعشى وبس كملت غسلت المواعين وغسلت وجهي من المكياج ورحت للغرفة
باوعت عليهم، نايم ضرار بوسط الجرباية وبصفه كفيل يطبطب على صدرة بخفه وكفيل نايم جاي يغفه

دخلت وسديت الباب ماشيى الهم گاعده بمكاني
بينما گعدت باوعلي ورجع نظرة الكفيل
على هل حال ظل بالدقايق وشاله مودي الجرباية مالته الي على شكل كاروك بس چبير..

حطا بي ومشى طفه الضوء واجه بتجاه الجرباية نايم بمكانه عدل نومته رافع الغطه متغطي بي ماد وحدة من ايده لازمني من ايدي منومني يمّه
باوعت عليه من الضوء اليدخل من الشباك الترك يباوعلي بنظراته الاحبها، ثواني على هل نظرات وهتف بحب ويباوع بعيوني

ضرار: اريد شنفصه صغيرة مثلچ تتنغوص على راسي

ضحكت بخفه لا يگعد كفيل وهتفت مأيسته من الفكرة:- نام حبيبي نام شنفصه صغيرة ماكو بعد سبوع يله هههههه

ضحك بدون صوت هامس بهدوء ويبوس جبيني
ضرار: احبچ شنفصتي

شرار: وانا اموت عليك داعم الفتيات

ضرار: تدرين احب هل كلمة منچ لان تذكرني لو ما داعمچ چان ماعرفچ هسه

شرار: اي حب من اول دعمه

ضرار: يله الحب يجي ورا الكسور

شرار: داعم الفتيات الصاك ابن الصاك

ضرار: هسه تتغزل بيه وانا لازم نفسي كوه
شو نطمري شنفصه

ضحكت مقربة راسي الصدرة نايمه بحضن احن وجمل شخص بحياتي... ضرار اسم على مسمى لكن صار بدل ضرر اليه صار بلسم الأمي وحزاني
ضرار اول حب المراهقه والشباب

شرار: الله لا يحرمني منك ولا يحرمك مني

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

الحب الحقيقي مو بالكلام ولا بالوصف والكلام المعسول، ادركت الحب الحقيقي مو بالأحبچ وماگدر اعيش بدونچ، ههه چذاب الي ينطق هل كلام

عرفت وفهمت من الشخص الصح بحياتي انا بالذات
أنُ الحب يجي من الاهتمام... الاحترام... التفاهم التعامل بين الطرفين... الحتواء... السلوب
وهواي اشياء تولد الحب عند الطرفين

الحب ما يجي من جمال الطرفين، أو نعجاب بالشخصية أو هذا الشخص حلو وعجبني حبيته راح اموت من ورا الحب... ماگدر اعيش حياتي من دونه

هاي خزعبلات وتفاهات... الحب الحقيقي ما بي هل سوالف وقرب شي النا. اهل البيت
وهم النبي محمد مع زوجته سيدة خديجه
الى آخر امام

ومنهم الامام علي، حب فاطمة الزهراء عليها السلام
حبها مو لان بت النبي... حبها لان لا يكفي الكلام عن وصفها وخلاقها رغم صغر عمرها.. ومن استشهدت گال عينوني على حملها وهوَ سلام الله عليه خلع باب خيبر شثگله وشكده

الحب مُقدس ويجي من بعد الاحترام والموده والتضحية والتفاهم بين الطرفين.. اذا ماكو
ما ينبني شي اسمه حب
نگول اعجاب اي، وهل اعجاب بأي لحظة يختفي وبأي مشكلة چبيرة راح كل واحد يروح بدربه

فـ هسه حبي الذو الفقار، انولد بعدما مريت بكل هذن الخورازميات، عشت ويا بالاهتمام، والحترام والتفاهم بعيداً عن أنُ هوَ چان لابس قناع المرض
لكن چان محترم وحنين بشكل رغم اخرس ولا يحچي

ورغم انا چنت اطاول وياه هواي، وبس كلمة مخبل ماخذتها مثل احبك كل شوي وصايحه مخبلي
لو غير رجال چان طر وجهي براشدي فر وجهي فر
بس عرفت سلوب ذو الفقار هوَ متفهم وعقله چبير
مو مال يحط عقلة ويا عقلي

انا ما انعت نفسي بالبلاهه لكن ثنينه تصرفاتنا تختلف ولازم واحد بينه يتحكم بنفسه ويتصرف بعقله
وهم احنا النسوان ثرثارات وما نتحمل كلمة من الرجال، فـ هوَ يگدر يتجاهل أو ايده والطك

بس ذو الفقار غير عنهم، ما اوصفه بالملاك السماوي لا لكن اطباعه ما اشوفها بغير رجال.. يمكن اكو اشخاص هيچ بس الزلم المتشبهين بالزلم طغو بسوالفهم على كل الزلم

كملت آخر كلمة وانا اباوع عليه ماشي حاط
طيبة بكريكوتها، نامت بطريق الرجعه
تعبت من الركص المستهترة على خالتها
قبل لا ادخل ويا غيم الفندق اباوع الها واكفه ويا ابوها ودبچ عود تركص

ويسولف الي قبل شوي ذو الفقار وحنا راجعين بالسيارة شلون تركص بدلتها وتحچي وياهم بكلامها المكسر وهيَّ الوتيه تباوع الابوها وتضحك شلون يسولف عليها، بتي ملعبه على خالتها، تخلي الواحد غصبن ما عليه يحبها

سحبت نفس برتياح اسده الباب بايدي بدون ما ادور جسمي.. وعيني عليه موخر من يم الكركوت وهوَ يرفع ايده ينزع بالقميص الابيض والستره النيليه بيدي اخذتها منه من نزل من السيارة انطاها الي واخذ طيبة

شمره بهمال على ميز متقرب للكنتور ماله مطلع تراك كامل وملابس داخليه.. اخذهن وسد الباب
وانا بعدني على وكفتي.. بينما انا على هل وضع هوَ استدار وشافني اباوعله، انرسمت ابتسامة خفيفه غامز الي بخفه هامس ويتقدم بتجاهي

ذوالفقار:ها يحلو صافن

ابتسمت بخجل منزله راسي على اصابع ايدي
ورديت واوزع انظاري على الارضيه

-لا ما صافنه

بينما رديت هوَ اجه واكف گدامي رافع ايده ويا ما رفع ايده رفعت نظري عبالي مدري شراح يسوي.
بس سويت هيچ ابتسم بضحكه بدون صوت گايل وهوَ ياخذ الخاولي الي معلك بتعلاگه الي بالباب

-شبيج كمزتي.؟

-لا ما كمزت

هتف وهوَ لازم نفسه كوه يضحك.
ذو الفقار: روحي حضري العشى الجبنا

وخرت منه واغم بروحي على هل موقف الخايس والمعفن..دومني احط روحي بمواقف تفشل
بينما وخرت منه هوَ فتح الباب وطلع
وانا بسع بدلت ونزلت بمكياجي بس اكمل عشى
اطب اسبح ونام

فرغت الاكل الجاهز بمواعين وصحت الهم ناكل
گعدنا كلنا أكلنا وناقش بالجواء..
منا مكملنا وكل واحد راح الغرفته انا عزلت العليه وصعدت، اخذت ملابس ومشيت سبحت ونشفت شعري حتى اصلي

طلعت من الحمام داخله للغرفة
باوعت على اركان الغرفة ذو الفقار گاعد على المصلايه ولازم سبحته يسبح وعينه بالفراغ
دخلت وسديت الباب بس ما انتبهلي..مشيت من يمّه رايحه اخذ المحرم والسجاده اصلي ورا..فرشتها وبديت اصلي

خلصت الفرضين وهوَ على گعدته يسبح بالتسبيح
كملت گاعده أقرأ اية الكرسي وتسبيح الزهراء عليها السلام للامام المهدي عجل الله تعالى فرجه

وانا جاي اسبح بالكلمات الاخيره دار وجها عليَّ
بدون ما يدور جسمه بس راسهم باوعلي گايل بهدوء
بينما يحچي استغربت كلامه.. أو أصلاً كيفت

ذو الفقار: اريد اخذچ أنتِ وطيبتي الامي

ابتسمت حاطه السبحه يم التربه راده بهدوء
قربة: كل ماريد افتح وياك هيچ موضوع بس اسكت ماريد اتعبك وأنتَ مريض

عگد حواجبه گايل باستغراب
ذو الفقار: مريض بشنو.؟

قربة: غير عندك خفقان وماريدك تتعب من تروح الامك

ابتسم منزل راسه ثواني ورجع رفع نظرة مباوعلي بحب هامس وهوَ يگعد متربع ماد ايده لازم خدي اليسار گايل

ذو الفقار: هوَ اكو واحد يحب المرض ماله بگدي
يا احلى مرض ستحل گلبي

ضحكت راده
قربة: هسه هذا غزل ذم مافهمت..؟

ذو الفقار: أنتِ دخلتي حياتي وانا متنكر بقناع المرض
رغم چنت كارهه الوضع الانا بي لكن من دخلتي حياتي حبيت هل مرض حب ما صاير لان جمعني بهل انسانه

لزمت ايده الي على خدي ساحبه نفس حاچيه
وحاطه عيني بعينه: شگد احبك ذو الفقار

وخر ايده عن وجهي لازم اصابع ايدي الي لازمه ايده
راد وهوَ يتقرب حاط راسه على فخذي ولازم ايدي بعده، وانا طول ما يحچي ابتسم ورد عليه اغيضه بكلامي، بينما انا بداخلي ميته ضحك

ذو الفقار: لو تحبيني بكد حبي الچ جان تخبلتي

قربة: چا ليش ما تخبلت أنتَ

رفع نظرة مباوعلي بنظرات مال واحد يگول هاي بله شسوي وياها.. رد وانا عاضه باطن شفتي اكتم ضحكتي

ذو الفقار: أنتِ مال امثال مال صخام ولطام على راسچ

ضحكت بخف رافعه ايدي الثانية ماسحه على شعرة
حاچيه بهدوء مغيرة الكلام وحچي وانا امسح على شعره واترقب رده اليه

قربة: ذو الفقار تذكر من اگلك المخبل النظيف

-اي قبل شوي گلتي هيچ

قربة: هاي شوگت.؟

ذو الفقار: بالزفه من سوى مطلب الدخانيه.. نكنكتي على راسي اسوي مثله

قربة: هههههههههه بس مو استاهل امرك وطلب منك.؟

ابتسم بايس اصبعي البي محبس امة راد بحب وحنان بينما يحچي انا صافنه عليه وعلى تعابير وجها وجماله المميز بعيني

ذو الفقار: من حقچ تامرين...امري يابعد البعد

النهايـــــــــة.

وهكذا، اكتملت الحكاية دون نقصان
كُل قناع سقط، وكل وجه ظهر كما هوَ
لم نترك خلفنا سراً، ولا مشهداً مؤجلاً.
كانت رحلة بين الألم والنجاة
بين الانكسار والوقوف
واليوم… نقف عند السطر الأخير
نحمل أثر كل ما حدث، لا لننساه
بل لنبقى بسببه أقوى.
فبعض النهايات لا تُكتب لتُنسى
بل لتُخلّد في الذاكرة كدروس لا تُشترى

أما عني انا زهراء ثائر إلى هنا اقول لكم جفّت أقلامي، ونفدت أوراقي، وأسدل الحرفُ ستارَه الأخير على آخر فصولي،هُنا، حيث تنتهي "أقنعة"
تنتهي معها رحلتي في عالم الكتابة
لا حزن في الختام، فقط امتنان
لكل شعور كتبته، ولكل قارئ فهمني
تركت في كل سطر جزءًا مني
وحان الوقت لأمضي… وأنا أعلم أن كلماتي ستبقى
حتى وإن رحلتُ عنها

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

احب أوجّه رسالة شكر وامتنان كبيرة الكم
على دعمكم الي، وعلى كل رسالة حلوة وصلتني منكم.مستحيل أنسى وكفتكم وياي، ومحبتكم اللي وصلتني من كل الأعمار... انتم مو بس قارئات
انتم اخواتي، وشكراً من القلب على محبتكم للرواية.

چنت متوقعة راح تعجبكم، والحمد لله گدرت اوصلها مثل ما تمنّوها الأبطال تماماً.
وآسفة أذا بچيتكم بيوم بمشهد من المشاهد،
بس هذا هوَ الواقع… وما گدر اغيره

قصه جديده
#ميراث الدم

الكاتبة يمامه




صاعدة بالسطح انشر بالملابس .. وكل شوي ارفع راسي للسماء اباوع الشمس وابتسم .. اعشق شمس الشتاء دافية وتبث الروح والأمل بداخلي حنونة مثل حضن امي وصافية مثل روح ابوي .. واجمل شمس هيه الشمس الي تشرق بعد ليلة ماطرة راعدة .. احس بشروقها بعد الليل البارد والمظلم بالأمل و أن بعد كل ظلام شروق وبعد كل برد دفئ احس الكون كلة يحتفل بشروقها بعد ما ينجلي الغيم ويتوقف المطر ويسكت صوت الرعد ..
أحسها تكول الدنيا بخير .. من كل عقلي اسولف وياها وأحبها ..
أعصر الملابس وانشرهن على الحبل .. اقرة بالنشيد الي أحبة ..
طلعت الشميسة
على كمر عيشة
عيشة بنت الباشا
قطع اغنيتي صوت صفير .. اجاني من سطح بيت ابو خالد جيرانة .. شلون طيرررر بوووية يمتى اكظة واخلي بالقفص ويرتاح كلبي
باوعت لسطحهم ابنهم المطيرجي واكف يصوفر ومطير طيورة بس اعرف هو يقصدني .. كل ما اصعد انشر الملابس هو لازم السطح
تجاهلت كلامة ورجعت اكمل نشر .. تقدم وخلة ادي على حايطنة يباوعلي واني دايرة وجهي منة حجة .. ولفي أبرد من شتاء الله
كملت نشر اخر قطعة وشلت الطشت حتى أنزل صار وجهي بوجها عقج حواجبه مستغرب الأثر الي بوجهي وحجة بقهر .. تنكسر الايد الي نمدت عليج
رديت علي بملل من تصرفاتة : اكلك عدنان انت شرايد مني الله يخليك لاتضل كل ما اصعد تبقى تذب حجي ولله اذا وحده من نسوان عمامي شافوك يذبن علية مصيبة الله يخليك كافي وعوفني بحالي ..
عدنان: بسمة ليش هيج من كبرتي تغيرتي تذكرين من جنا زغار شكد اصدقاء وشكد نلعب سوة واذا احد يحاجيج بالشارع من الجهال جنت اكتلة لخاطرج
شبيج هيج تغيرتي علية
: عدنان انت كلتها اني كبرت وانت كبرت مو ذولاك الجهال احنه الله يخليك ولله نسوان عمامي يدورن الزلة علية

عدنان: يعني همه الي ضاربيج ومخلين اثر بوجهج هيج
زهكت بي حتى يتركني
: مالك علاقة تفهم لو لا ودير بالك مرة ثانية تبقى لازملي السطح استحي على نفسك ما ناقصتك اني .
تركته وتقدمت انزل بعدني بباب البيتونة اجاني صوت رعد يصرخ احس رجلي ماتن الطشت وكع من ايدي ونزلت أركض على الدرج كل بأيتين أسويها طفرة وحدة
واني أصيح .. رعددد رعددد شبيك حبيبي
على صوت البجي مالتة رحت دخلت المطبخ فتحت عيوني واني اشوف فاطمة تبرد السجينة بماي السنك ورعد كاعد بالكاع يصرخ من ايدة
ذبيت روحي كبالة اكلب بي روحي مفزوعة .. شلت أيده وأشوف من فوك كله مشيول من أثر الجوية ..
احس النار اشتعلت بنص روحي من منضر ايدة وهو طفل عمرة سبع سنوات لاحول ولاقوة تركتة بدون حتى لا أبرد حركة . شياطين الدنيا صارت تكمز برأسي تجاهلت اي شي مافكرت بشي لاخوف ولا حسبت حساب شنو ممكن راح يصير كل الي فكرت بي اخذ حق اخوية منها ..
باوعت الها واني اتقدم عليها .. بكدج ؟ بكدج ؟ وهيجججج تجوينة شنووو انتي شنو مابكلبج رحمة مابكلبج عطف ولو ذرة ليشش هيج تسوووين ليششش ياظالمة شايلة جلد ايدة شنو الي سواه هل طفل
فاطمة: اخوج ملطلط وتربية سز ضارب عمران حمدي ربج ماسحلته سحل فوك ما معيشيكم وكاعدين انتي واخوتج على كلوبنة تأكلون وتشربون وتمسحون اديكم بالحايط مبتلين خو ما مبلتين خلي يعيدها مرة الثانية ويمد ايدة على واحد من جهالي اذا ماخليت الصخر يبجي على حالة ..
نار تغلي بيه منها شلت كاسه من الكاونتر ركعتها بالكاع صارت طشار وصرخت بيها :
ماااا كاااعدين أبيت الخلفوج ولا كاااعدين ابيتكم هذااا بيت جدي وبيت ابوي ابوي الفقير الي اكلتو حقة وخليتو خلفته عايشين بالظيمم كاعدددين بحقنة
فاطمة : هو صابر الخبل منين اله حق هذا كله تعب صادق وصالح همه الي كدو وتعبو وهذا البيت بيتنة وانتو عالة علينة وإذا رجعتي وكلتي حقنة اخلي عمج يطلع لسانج ويشلعة من مكانة ياعرمة
جابت طاري أبوي لو اني وصلت لآخر ذرة صبر عندي .. دفعتها متناسية عمرها ولاخليت تقدير الها ولا فكرت بشي نمت فوكاها اضرب على وجها ودموعي تجري بهضم :
لاتجيييبين طاري أبوي على لسانج الزفر لا تجيبي. ترحين فدوة لطارية ياظالمة الله ياخذ حقنة منكم يا حقرااء ..
فاطمة: اخخخ ولج الكزاز دخلت بادية اني اعلمج اليوم موووتج على أيدي
بسملة: ولله والله موتكم انتو على أيدي ولله

كاعدة فوكاها اضرب وما احس غير نجريت من شعري جبرية الي جانت بالسوك وتوها راجعة مرت عمي صالح تصير اخت فاطمة جرتني من شعري وشمرتني طحت بالكاع وفاطمة كامت من مكانها وصارن ولية علية ثنيهن وحده تملخ وحدة ترفس ملخني تملخ وهنه يغلطن ويفشرن بكل كلمة بذيئة ما فكني منهم غير دخلة ام خالد
الضاهر جبرية دخلت مستعجلة ودخلت بدون ما تسد الباب

ام خالد : يااااا خالة شجاجن ملتمات على هل جاهل صدك جذب كووومن منها يمعودات
كوة جرتهن مني واني وكفت وركضت لغرفتنة وهيه بقت وراي تحجي عليهن وتكلهم جاهل وليش هيج وتعاتب بيهم وهنه يسولفلها شلون اني الي تجاوزت من غير الكلام والتسفط الجذب الكامن يسفطن بي كدام المرأة ..
لكيت اخواني كاعدين بالغرفة خايفين ورعد يبجي من ايدة .. جريت نفس ولميت شعري الي نصه ضل بأيديهم مسحت وجهي بأيدي بعدم اهتمام للكتلة تعودت وجلدي تدبغ مو اول مرة ولا اخر مرة .. واصلا لازم احضر روحي لكتلة ثانية من يجون عمامي .. كلشي اتحمل في سبيل احمي اخواني .. أشيل عنهم الضرب والكلام اجرعة
تقدمت لرعد كعدت كدامة لزمت ايدة..
: شو اشوف ايدك
رعد: توجعني بسمة ايدي حيل
جريت رأسة لصدري غمضت عيني نزلت دمعتي بقلة حيلة مابيدي شي اسوي غير احارب واتحمل ضرب لحد ما يكبرون ونكدر بيوم نخلص منهم ..
: رعد انت هم وكح ليش تضرب عمران اني مو موصيتكم ماتلعبون وياهم مو تدري كل ما تلعبون وياهم تصير عركة وتتعاركون ليش ما تسمع الكلام
:بسمة هو اجه لعب ويانه اني ووعد ما لاعبين وياه هو اجه يلعب وضل يخبث ويخرب اللعب وكتلتة
جريت نفس بقهر شنو اريد اكولة يبقى طفل وما يسمع الكلام ولا يستوعب كمية الاذية الي جاي اتحملها
رحت للكنتور طلعت معجون اسنان وكعدت ادهن بأيدة
كملت وهو مدد خلة راسة على رجلي وكدامي سلوى و وعد كاعدين لاحولة ولا قوة بس الخوف بعيونهم
ندك باب الغرفة علية لأن سركيته بالسركي.. وصوت ام خالد برة تحجي
: فتحي الباب يما اني ام خالد
حجيت من مكاني: ووعد كوم افتح الباب
وكف وعد فتح الباب ودخلت ام خالد تحجي .. ليش خالة هيج تتجاوزين على مرة عمج هم عيب وهي مرة جبيرة ومثل امج ..
رديت عليها بقهر .. ما اتشرف بيها تصير امي .. امي مالها مثل بس الي يدري يدري والما يدري يكول مثلج
ام خالد: ولو يمة انتي بنية حبابة ومعدلة ما يصير هيج تسوين وياها وتردين الغلط بالغلط وتضيعين حقج ..

شلت ايد رعد كدامها بعصبية: شوفي خالة شوفي شنو مسوية بأيد الطفل الجلد شايلتة من مكانه وين كلبها وهي تسوي هيج بس لان متعاركين هو وابنها وهما اطفال ليش هيج يسوون بينه ليش حتى خلفتهم تعلمو من حقدهم هي هاي الأمانة هيج يصوونوها .. ولله لو عدنه أحد فلا نبقى هنا محتملين منتهم بس العتب مو عليهم العتب على ابوي الي بفقرة وسكوتة خلاهم هيج يسوون بينه ووصلت بيهم يعايرونه بكعدتنة ولكمتنة ولا كأن هذا بيتنة والنه بي مثلهم ..
جرت نفس بقهر : أستغفر الله ربي و اتوب اليه ولله ماعرف شنو اكولج يا خالة شايلة ضيم اكبر منج عشر مرات الله يعاين لحالكم ..ولله جنت اسوي غدة ونزلي عدنان يركض مفزوع يكلي صوت عياط عدهم وصياح عباله نسوان عمج شايفاتج تحجين وياه وتعاركن وياج وضل يلوم بروحة
:خالة فدوة اروحلج خلي عدنان لا كل ما اصعد انشر ملابس يضل يشمر حجي تره البية مكفيني وما ناقصني ولله ذني ماعدهن مانع يسولهم فلم جذب ويتهمني بي وما شاء الله عمي ما يتوصون عرباين بس يراد أحد يدفعهم ..
ام خالد: ولله يمة هو يحبج يموت عليج وكل مره يكلي خطبيها الي بس اني ما اقبل اضلمج وهو لاشغل ولاعمل مخلصها يبيع ويشتري بهل طيور والسادس نايم بي نوم ما يرضى يطلع منة صار تلث سنوات
: اني ما اتحرك من هل بيت ولا اترك اخواني ولله لو ما خواني جان من زمان هجيت منهم لو شايب يدك بابي هم اقبل
: الله يعوضج يا يمة كل خير .. يله احبيبة اني اروح جدري ضل على الطباخ وهاي بنتي فاهية
راحت ام خالد ورجعت سركيت الباب وضلينه كاعدين
ضليت اكتّب بوعد ورعد دروسهم لأن ثاني يوم عدهم دوام لحد الضهر دكنة الجوع اني اصبر بس ذول ما يصبرون ويردون غدة .. بقيت حايرة شسوي اذا طلعت خاف يرجعن علية ومستحيل يخلني أصب غدة
بقيت تقريبا ساعة لحد عرفت خلصوا غدة لأن موعد غداهم ثابت وره اذان الضهر يتغدن ويشربن جاي وكلمن تروح لغرفتها ينامن ضهرية وعمامي ما يرجعون على الغدة
فتحت الباب ومديت راسي اشوف الوضع لكيتها هدوء الضاهر مخلصين ..
: راح اروح اجيب غدة ممنوع احد يطلع

حجى ووعد يحصر بروحة : اني محصور اريد اروح للتواليت .. رد علي رعد : اني همين ولله
جريت نفس همزين الصحيات برة
طلعتهم وياي وخليتهم ركضو التواليت ووصيتهم يكملون ويرجعون للغرفة ورحت اتسحب للمطبخ.. الجدور على الطباخ كل جدر يغدي عشيرة يبذرن تبذر بالاكل من يطبخن ونصه ينذب .. أجيت أصب بمواعين كلت خاف بالعشى ما اكدر اطلع بعد ..

طلعت جدرين زغار وصبيت بيهن تمن ومرك وخذتلي ماعونين واربع كرص خبز وخضرة وديتهم للغرفة رجعت ترستلي سطل ماي زغير سديت الباب وكعدنه نتغدى اني واخواني صليت الضهر وكعدت مرت الساعات ومحد منهن وصلتني بس صوت سوالفهم برة .. لحد المغرب توضيت من الماي الي يمي ووكفت اصلي المغرب كملت وكعدت أسبح ..
اجاني صوت عمي صادق من برة يصيح علية
غمضت عيوني بتعب اعرف المنتضرني برة شنو اكيد تقدم اله تقرير من فاطمة وجبرية حتى يجلدني .. اجاني رعد بخوف حضني رغم صغر سنة لكن يعرف هل سيناريو وحافظة
يكلي بخوف .. لاترحين فدوة ضلي
بستة بخدة وكمت انزع حجابي الي اصلي بي .. تفلش باب الغرفة علينة وصوت صادق : بت الخ**ة طلعييي ولج سادة الباب عبالج يحميج طلعي اذا ما اطلع السانج واكصه بسيطة : حاولت أغلس لكن نجبرت افتحة من هددني .. االج خمس دقائق وحق النبي اذا ماشفتج مزروعه كبالي افلش الباب واطبكج انتي واخوانج انهيكم ولله .. طلعيييي

تركتهم وهو يرجفون : لو شنو يصير ممنوع تفتحون الباب مفهوووم
وعد : لا لا ضلي لا ترحين عمو يكتلج حبابة ضلي
: لا اني ادافع عن روحي ما يضربني انتو بس ضلو هنا وديرو بالكم على سلوى تخاف من الصوت العالي
طلعت من الغرفه وسركيت الباب من برة خفت يطلعون
دخلت للهول وعمامي ونسوانهم كل وحده كاعدة بصف زوجها .. بمجرد دخلتي طفر عمي صالح من مكانه وعتني من جتفي .. تعاااالي لج شمسوية اليوم شلووون تمدين ايدج على مرة عمج انتي شنووو متخبلة كلش وصلت بيج الصلافة تضربين وحدة بكد امج شنو انت مالج راد مو والله ادفنج وانتي عايشة وما يرفلي جفن ..
حاولت محاولة بائسة انو اثير استعطافة : عمو ولله العضيم شالت جلد رعد بسجينة حارة وبقت تغلط علية وتشتم عمو يعني وين نروح احنه ولد اخوكم منو النة اذا انتو هيج تسوون بينا.. وهنه ماقصرن هم ملخني تملخ
اجاني ردة هو وعمي صالح يحجون ثنيهم سوية ماعرف اسمع من هذا لو من هذا : طببججج مرض يملخنج ويكسرن راسججج تفهمين لو لا .. كمل كلامة وهو يعت بشعري ويهز براسي ويكفخ على وجهي: هذا وجهج اشوها الج اذا مرة ثانية صوتج علة
رد صالح : تعاي ولج شنو هاي سالفة كاعدين أبيت ابونه هو ابوج الخبل كن دجاج مايملك صار بيت ابوج انتي الذبح حلال بيج على هاي عرامتج بعد كم يوم تنزلين روسنة عيدي هل كلام .. وتذكري هاي حجايتي وحق الخلقج احمي صيخ والزكة على لسانج واخورسج مثل امج .. رفسني وهو يكول ... فتهمتيييي
صادق: دفعني من راسي حيل نكلعي من كدامي بت الصكط كاعدة أبيت ابوها صايرة تحجي بالحقوق
بدون حتى ما ارد عليهم طلعت وركضت للحمام كعدت اغسل راسي ووجهي بماي بارد وعيوني تصب غصبن علية صرت أشرك بالماي من كد نشغاتي الحقد ترس روحي واحس صار يمشي بشرايني حقد مو دم .. اذا ما اندمكم على كل الي تسوو بينه اذا ما طلعت حقنه من عيونكم .. اتوعد بقهر وغل ملة كلبي .. وعيوني تجري دموع صرت اضرب على عيوني .. لاتبجين لاتبجين كااافي لاتنزلين دموع كاااافي ..
بقيت اجر نفس شهيق وزفير واغسل بماي ثلج اريد بس أبرد روحي ..
كوة يله كدرت اوكف دموعي واسيطر على نفسي لميت شعري بأدية وطلعت متوجهة للغرفة ..
وكالعادة خواني كاعدين خايفين .. دخلت عليهم بابتسامة اخفي وراها دموعي وقهري .. وحاولت اتصرف طبيعي كدامهم فتحت الجدور مال غدة وكعدو يتعشون

سلوى تسويلي لفة وتغمسها بالمرك وتخليها يم حلكي وتكلي .. اكلي .. اخذتها منها بغير نفس .. حتى انتي تعرفين الي جاي يصير بحالي
مر الوقت وكمت بحيل مهدود فرشت لاخواني وكل واحد راح بفراشة غط بنوم .. قبل لا انام بفراشي اخذت قلم من جنطة وعد اجيت أشخط على التقويم الي بالحايط.. وتفاجئت بالتاريخ .. باجر يوم ميلادي ابتسمت بوجع .. أي ميلاد هذا ؟ مفروض يكون يوم لبداية عذابي .. رحت تمددت بفراشي منين ما ادير جسمي يوجعني.. صفنت بالسكف ..
ليالي ديسمبر الباردة والمعتمة مثل روحي .. تذكرني بيوم ميلادي
اعد السنوات حتى اكبر واقوى أكثر .. و اكدر احمي نفسي واحمي اخواني .. كل ليلة مجرد رأسي ينحط فوك الوسادة احلم باليوم الي اكون بي قوية وارجع حقنة من كل شخص آذانا ويتمنه واوعد نفسي انو يجي هذا اليوم مهما كان الثمن .. بعمر ال17 بربيع العمر لكن فاقدة ربيعي .. وشايلة مسؤؤلية اكبر مني اني ام واخت كبيرة لازم ادير بالي على اخواني واحميهم وخدامة لازم اكعد من الصبح اكمل شغلي حتى يخلون اخواني يرحون للمدرسة .. رجعت نمت على أيدي وكفي جوة خدي وصافنة باخواني الي غاطين بنوم عميق بكل برائة واني اكلمهم بصوت اني وحدي الي اسمعة ..
فدوة اروحلكم انتو سندي وقوتي وأماني بس تكبرون انتو الي راح تحموني مو اني الي احميكم كلشي يهون واتحملة لخاطركم وارجع واصفن بسلوى وهمها تارس كلبي .. بدة النعاس يسيطر علية بشدة وعيوني ينغلقن وينفتحن من وحدهم إلى أن غفيت ورحت بعالمي الي اتمنى ابقى غارقة بي وما اصحى منة وارجع للواقع ..