أسيا ـ بخير الله يسلمج كلهم زينين غمزتلها واجتي وراي وفتحت الجنطه وشوفتها الأختبار شسوي بعمري والحمل ممنوع عني صارلي ايام دايخه ما اعرف شسوي والمن احجي

دره ـ وعصام يدري

ـ لا خفت منه لن اذا يدري يضل يحجي وهو كالي ولح عليه شدي لولب بس اني عارضت ومانعت لن أخاف واتقزز وحبوب منع الحمل تسوي عندي أعصاب والظاهر باقي الطرق بادت بالفشل وصار الحمل .

ـ هي مال خوف خوف بس يا عيني لازم يكون عنده علم هذا حمل مو سالفه عاديه وأنتِ ممنوع عنج وحالتج ما تسمح تحملين تذكرين شكالتلج الطبيبه لو حياتج لو حياة الطفل جاي تعرضين روحج للخطر بسكوتج عن حملج وعصام لازم يكون عنده علم من أول لحظه أكتشفتي نفسج حامل .

ـ لن يريد يلتحق ما رددت اقلقه واشغل تفكيره ويضل باله يمي كلت اجي يمكم هم أرتاح وأني وياج نروح الطبيبه ونشوفها شتگول النا لازم اكو حل على اقل من ينزل وأكوله يكون عندي علم بكلام الدكتوره يعني ما ادوخه هو هم خطيه كافي عليه التزامات الدوام .

ـ ماشي اذا هيج نروح عليها ونشوفها شتكول خل تلكي الج حل وبعدها بلغي زلمتج ضروري تخلينه بالأمر الواقع هذا حمل أسيا اذا صارلج شيء وهو ما عنده علم كلها تأكل وجهه تخلينه بوجه المدفع .

ـ ماشي عيني وسگتنا من دخلت علينا رواء وضلت تحجي على العرس واني وين وهي وين بالي مو يم احد حتى مو يم هديل بالي وفكري مو صافي عايشه بقلق واكذب اذا كلت ما خفت الروح عزيزه .

" الثاني هو ملتحق من كثر ما دايخه بزماني ولا راسلته التهيت بجهالي وبسالفة الحمل ودره حجزتلي والعصر رحنا واخذنا امي ويانا وعفت الجهال بالبيت وصلنا سألنا عليها كالوا مسافره

دره ـ شلون سالفه هاي وهسه شلون المفروض هي تفحصج لن هي دكتورتج واعرف بوضعج وخطورة الحمل..

فوزيه ـ نروح على دكتوره ثانيه خوما بس هي تفتهم

أسيا ـ سألنا وذكروا النا دكتوره زينه ودخلت عليها وسوتلي الفحوصات كامله وصدمتني من گالت

الدكتوره ـ عمر الطفل شهر ضبط ما عندج اي مشكله رحمج نظيف ما عندج التهابات ممتاز زوجج يعالج التهابات جسمه مو لن على هل الأساس ما عندج التهابات؟

ـ أي مهتم بصحته ورشاقته .

ـ جيد

ـ دكتوره عندي مشكله

ـ وما هي

ـ حجيت الها كلشي

ـ ماكو هيج شئ حبيبي لاتخافين وضعج ممتاز وصحتج جيده .

ـ كتبلي على علاجات اخذتهن ورجعنا بس ما مطمئنه أكولج دره شو عبالك ما اهتمتلي حجيت الها بس تكتب ما خلت بالها يمي اخاف تموتني.

ـ أسم الله كولي يالله مو حجت كدامج بعد ليش الخوف ياعيني .

ـ الله كريم رجعنا البيت وراسلته اريد اكوله جان فاتح نت أجيته فرحانه دزيتله حبيبي زلمتي عشقي فلذه كبدي وصلت بس ما يفتحها مرت عشر دقايق عذرته
وانتظرت ورحت واتساب لكيته نشط متواجد على واتساب هم شسالفه شجاي يصير أتصلت واتساب مشغول؟

" مرت نص ساعه وأتصل وما جاوبته رجع دزلي

عصام ـ هلا حبيبي جان عندي شغل وتأخرت عليج

أسيا ـ لا عادي حبيبي اعرفك مشغول والتزامات الله يساعدك ويهونها عليك .

ـ فديت الحاس بيه

ـ تمام اخذ راحتك

ـ لا باقي وياج شلونج الجهال شلونهم

ـ كلنا زينين ومشتاقين الك

ـ يا بيتي وحالي ومالي

ـ حبيبي أنتِ ضليت احجي وياه ما انطيته مجال يشك بيه لن اذا حس بيه شگيت بي يأخذ حذره مني ويحذف المحادثات اذا جان عنده شيء لا تصرفت بعقل وشغلت كيدي واجيته بلسان الحلو والكلمه الطيبه والغزل وانطيته مساحته وحريته وثقتي بي ...

ورجع يغط ويتجاهل رسائلي وبعدين يرجعلي بحجج وأعذار واهمه لعقلي وقلبي مديت نفسي بالصبر واتحملته لن اريد اوصل لنتيجه هالمره ما اريد أتسر؏ بحكمي عليه وبالاخير يقلب الطاوله عليه ويطلعني الخطأ وهو الصح بالتأني السلامة والعجلة الندامة

" ومرت الأيام واني عايشه حرب أعصاب بين عقلي وقلبي وافكاري وگال راح انزل گبل امرلكم تجهزوا
حفيت وسويت عنايه بجسمي وبشرتي يعني تجهزت كلت يارب يطلع احساسي خطأ وأعيش فرحتي وياه بكل حب بولاده طفلنا الثالث بصحة وعافيه الي ولطفلي ...

عصام ـ وصلت حبيبي

أسيا ـ هلا بيك حبيبي راح افتحلك

ـ فديت عمرها اللي تستقبل زوجها التعبان وحظ ما باقي بي من التعب بس اشوفج انام .

ـ افداك فتحت الباب والتلفون على اذني سديت الباب وراه وهو صافن عليه واني امشي واميل بجسمي كدامه شعلته شعل .

ـ ورثتي النار بشيب أهلي

ـ وهو المطلوب

ـ أستعجلي صرت نار عليج دقيقتين ما تجين لسياره احصرج بالصحيات حتى لو بس عالشفه راضي مهم اروي عطشي لج يله

ـ أريدك تعطشلي بعد

ـ الحساسيه كبت نعله على روحج

ـ أبوسك

ـ دتحركي لا اجي اعنفج

ـ ضحكت وطلعت الجنط ولكيت امي تحجي وياه واخواني جانوا بالشغل اخذ الجنط ودعتهم ومشينا

عصام ـ يله يمه سلمينا على الولد كلهم .

فوزيه ـ الله يسلمك ابني يوصل عيني أنتَ .

أسيا ـ شغل وطلعنا لبيت وكرم حاضن ابوه من ركبته يمعود عوفه لاتسويلنا حادث كرم شو وخر

عصام ـ عوفي مشتاقلي

أسيا ـ برطمت وسحب ايدي بس يلعب بإصابعه بكف ايدي لن كرم يباوعلنا

عصام ـ أعشكج .

أسيا ـ صافنه عليه وعلى حبه وخايفه لا انصدم بي
وصلنا البيت شمر الجهال على عمتي وعمي حيل مشتاقين الهم واستلموهم بوس وحضن بالاخص كرم حبيب عمي اني دخلت قبله وبثواني أنقفل الباب ما انطاني مجال احجي اي حرف اخذ شفايفي ورخيت بين أيديه وبادلته عصام مشتاقتلك

عصام ـ اني طاك گلبي ميت والله وانفاسج تحيينيي

أسيا ـ يقسي ويلين يمتزج الحب برقه ويعنف مشتغله عنده كل الاساليب العلاقه والاندماج الروحي والعاطفي وكعت بين احضانه الدافيه

" هدوء واني منغمره بحنيته ورن تلفونه ترميشه هو شبه غافي باوعت الشاشه ما يبين موقف الاشعارات
عفته وكمت سبحت وطلعت لكيته يكتب حس بيه كام خلاه على الشحن تسبح گلبي .

عصام ـ أي شلون لعد وبالليل هم اسبح والفجر وبكل قت شكو عدنا شنو ورانا

اسيا ـ منحرف

ـ أحبج

ـ صاير هواي تحبني تكولها بكثره مو بالعاده

ـ هههه طبكاتج اجني يله فايت اسبح روحي شوفي الجهال غيريلهم ملابسهم اطلعكم نتعشى بمطعم اليوم ادللكم وانوسكم .

ـ فديت روحك ضحك ودخل الحمام وضمنت هو يسبح ورحت فتحت تلفونه ما مغير الرمز الحمدلله دخلت على الماسنجر ماكو شيء دخلت على الواتساب ورسائل من جماعته بعدهن ما فاتحهن من صورهم عرفتهم من ضمنهم رافع واني اكلب شفت رقم ما مسجله وموقف الاشعارات فتحت المحادثة الصوره مخليتها كتابه على صوره بنيه حزينه

أنتهت قصتنا وانتهى حُبنا وصرنا كان يا مكان

قريت المحادثة ولفتني أسمها من ضمن كل الكلام الداير بينهم حاجين هواي عفت كلشي وركزت على اسمها عصام اني حبيبتك هديل ... !!

يتبع ..

40





أسيا ـ گلبي ينفض ينفض وإيديه يرتجفون مصدومه صدمه عمري ماكو شعور بالكون كله يوصف جرح الخيانه وشخص مخلي روحك بي شخص تحملته بكل حالاته جيت وياه من الصفر لحد ما صفرت

ما قريت شيء على السريع سكرين لكل المحادثات حتى لداخل الواتساب ومحادثات اصدقائه ما مفتوحه فوك محادثتها علمود ما يلوفها عليه ويكول واحد يستغل اسمي يلكه لعبه ويضحك على عقولهم ما يدري اني اسيا .
سكرنت المحادثات واسكرن كلامهم كدامي ما اريد اباوع ما اريد أقرا واركز واثور وأعلن حرب واحركه هو وياها لا أسيا خليج ثابته لاتنهزين الوضع يتطلب منج الهدوء والتصرف بعقل بدون طيش وتهور .

" انتظر يوصلن لن رسلتهن لحسابي وبعدين حذفتهن من يمه ودخلت المعرض والمحذوفات الاخيره حذفتهن واثناء الحذف شفت صوره اليه ماخذها وأني نايمه صفنت والوكت مو مال صفنات عفت تلفونه بعد ما حذفت اي دخول ما اريده يشك بيه وسمعته يكح يعني راح يطلع كمل سبح وانثولت ودخت واني دموعي تجري على خدي وحالتي حاله اذا طلع وشافني راح يعرف اني كشفته ويضيع حقي

على السريع شلت تلفوني وطلعت بالصاله الجبيره وهو يصيح وراي بذكر أسمي

عصام ـ أسيا وينج وين رحتي أسيا

أسيا ـ خليت بيها أسيا شخليت بيه واكفه بالنص ودايخه واحس الصاله تفتر عليه اريد اصرخ اريد الطم اريد اعارك اريد اطلع قهري ركضت المغاسل دخلت وقفلت الباب ولزمت المغسله اشهك اشهك اشهك وايدي على شفايفي كاتمه صوتي وعبرتي تخنك شيء مثل الشيء وكف بعلومي وغصه ونار بگلبي شعور صعب ومميت الخيانه موجعه وأذيه صعبه تنقبل گلبي احترك نار مشتعله بثنايا روحي .

" بقيت ابجي وكاتمه صوتي وأباوع لشكلي بالمرايا وجهي أحمر وعيوني حمر مليانات دموع واني صافنه فزيت على صوته

عصام ـ اسيا وينج اسيا تسمعيني

أسيا ـ كحيت اريد احسن صوتي ما اريده يشك بيه جاوبته اي حبيبي بس اغسل واطلع

ـ شبيج

ـ ما بيه شي عيني هسه اطلع وعلى صوته اجتي عمتي وانوب عمي يبووه التموا عليج اسيا غسلت وجهي على السريع وابجي اووف كافي كافي اريد اطلع ما اريد يحس عليه ما اريد .

وصال ـ أسيا بنيتي يمه شبيج عيني

أسيا ـ عمه والله ما بيه شيء

كمال ـ بابا اسيا متعاركين شبيكم

اسيا ـ فتحت الباب وطلعت وهو باوعلي بلهفه وخوف جاوبتهم ما بيه شي بس نفسي تلعب .

وصال ـ أخاف حامل

أسيا ـ استحيت من عمي عن اذنكم مشيت من يمهم وهو لحكني يحاول يفهم مني شبيه

كمال ـ افهمي منها شبيها ما عجبتني وصيحيلي عصام خاف مزعلها لو متعاركين

وصال ـ لا ما بيهم شيء مو شفته شلون مرعوب عليها ومكابل الباب بس اسالها احتمال حملت.

أسيا ـ رحت الغرفه وهو اجه وراي ابتسمت شبيك

عصام ـ أنتِ شبيج

ـ شبيه قابل ادلل عليكم شنو مو من حقي ادلل على زوجي حبيبي زلمتي الأحبه احجي واحس داخلي ينزف دم وگلبي يسبني مسبات عظيمه بحق نفسي .

ـ تدللي يحقلج الدلال حبيبتي

ـ تقدم سحبني بحضنه خلاني على صدره غمضت عيوني وتمالكت نفسي وسيطرت على أعصابي ومديت نفسي بالقوه قدر الأمكان علمود حقي ما أتنازل عنه هالمره لو أني لو هو ما نرهم بعد بس بعد ما اتأكد وعندي أثباتات وأدله قويه تخصهم هو وهل الساقطه هديل .

يمسح على وجهي وعيوني كأنما يحاول يفهمني ويقرأ ملامحي أبتسمت وبسته من خده وهمست بصوت خافت ومجروح احب أهتمامك بيه وبإدق تفاصيلي بحزني وضوجتي وزعلي وكلشي بيك يوم عن يوم أتلو؏ بي ويزداد أعجابي بسيادتك .

ـ عشگي فدوه لوجهج وهسه عوفي الغزل على الليل نبدع ونتفنن على راحتنا وروحي سويلي عشه من أيدج الحلوه لن كاتلني الجوع وتعبان طلعه المطعم تأجلت

ـ تأمر من عيوني الأثنين

ـ ابوسهن هنا وصاحبتهن شحبهن

ـ إبتسمت واخذت تلفوني وطلعت من يمه وأخذت نفس وإيدي على صدري تحملي تحملي تحملي وصلت المطبخ لكيت عمتي تسوي العشه ها عمه كمل العشه

ـ اي دقايق تعالي كوليلي شبيكم

ـ ما بينا الا العافيه حبيبت ادلل عليكم

ـ تدللي عيني بس مهم ما نشوفج زعلانه وعمج باله يمكم

ـ الله لا يشغل بالكم يله لعد اكعد بينما يكمل كعدت وراسلت ازهار كتبت الها على السريع

لحكيلي جاي أموت

ازهار ـ اني بمكانج اسم الله على عمرج شگو شبيج

ـ أخوج

ـ شبي

ـ خاني وياها

ـ عزا ويامن

ـ هديل

ـ لا

ـ لحظه راح ادزلج المحادثات تبقيهن وتحفظيهن يمج واذا حذفتيهن بحجه تخافين من اخوج اعتبري صداقاتنا أنتهت الى الابد

ـ انجبي اني بهيج مواقف أني أختج مو اخت عصام دزيلي أشوف واحفظهن وحذفيهن من يمج لن كرم يبحوش واخاف يلكفج .

ـ هو هيج اقصد دزيتهن الها وصلن وكعدت اقرا بيهن

هديل ـ مرحبا شلونك

عصام ـ مراحب منو؟

ـ يهمك تعرف منو

ـ أكيد لن واضح أنتِ تعرفيني ورقمي محد يعرفه بس بالدوام والأهل؟ شلون وصلتي اله

ـ ما يصعب عليه شيء

ـ هاا

ـ أعجبك

ـ ما يحتاج أعجبج لن مو مهم اعجابج اي ما كلتيلي منو حضرتج

ـ حضرتي أنسانه تعرفك وتعرفها ومهتمه بأخبارك

اسيا ـ غمضت عيوني وحذفتهن وسمعت صوت الباب انفتح عفت التلفون كمت اساعد عمتي .

عصام ـ تتأخرون

واصل ـ شعندك مستعجل

عصام ـ هسه تتأخرون لو لا

أسيل ـ باقي شوي .

عصام ـ ماشي

أسيا ـ راح كعد يم عمي يباوع أخبار ومندمج وعصام عيونه بالتلفونه وعيوني تراقبه شويه وكام اجه درت وجهي عنه وراح الغرفه وعمتي صاحتني .

ـ يله نصبلهم مروان ما يجي خابرني يتعشى برى

ـ هاا اي ماشي تحجي وبالي مو يمها سمعت صوت بنتي تبجي عمه رايحه اشوف جود

ـ مو عصام يمها روحي جيبيها وتعشوا كرم تعال ساعدني بيبي .

ـ دخلت الغرفه منطيني ظهره ويكتب وبيده جكاره وجود لكيتها كاعده وتضحك حبيبي كاعد مثل الفز وأندارلنا العشه جهز يله تعال .

ـ اي دقايق

ـ خليتها بحضني وكعدت اغيرلها حفاظتها وهو خله تلفونه على الشحن لج حليانه اكلج اني اكلج احبج لن تشبهين ابوج

ـ فديت يله كمليها وتعالي تعشي

ـ هسه بس اكملها راح عفت بنتي وكمت فتحته همزين ما مغير الرمز واعرف سوالفه اذا يغيره واسأله ليش مغيره راح يلاحظ أشك بي ومراقبته گبل دخلت الواتساب دورت على المحادثه ماكو حاذفها والرقم هم واني ادور وصلت منها رساله .

هديل ـ لا تتأخر أنتظرك

ـ ضليت صافنه على رسالتها شنو حجو ليش حذفهن يعني دخلوا بالمحظور والعميق معقوله عصام !! رجعت دزتله

ـ ليش متجاوبني من تشوف رسالتي تبقى ساكت؟

ـ يبووه عبالها عصام كمت حذفت رسالتها ورجعت التلفون ومسحت دموعي ورتبت شكلي وخفيت احزاني بالمكياج وشلت بنتي ورحت يمهم يضحك هو وعمي وضحكته من گل گلبه وصار عندي شك مريب وأفكار مخيفه معقوله فرحان لن على علاقه وتواصل هو وياها .

" صرت ادقق وأخلي بالي يم كل حركه يسسويها وأربط كلشي بيها وأشوف تاليها وين توصل وشلون تكون العواقب والنتائج ترضيني لو ترضيك لوما ترضينا أثنينا حتى الطرف الثالث ما راح يرتضي!!

خلصنا وكعدنا نتعلل ومروان اجه اخذ جود ويبوس بيها صاير يحب الجهال اكلها اكل واله واهس يلعب وياها وكرم على رگبة عمي ويلعب وياه وصافنه عليهم ومتجاهلته عايفني أني وجهاله وعيونه بالتلفون لوما ما مهتم ليش عازل روحه وعايف جهال مروان وعمي مهتمين الهم .

مروان ـ يله اني أترخص رايح أجيب أسيل عصام تجي وياي

عصام ـ لا

وصال ـ وين تجيبها شبسرعه خليها تشوف أهلها خطيه خوما بس ألك هم عدها أهل امها وأبوها وأختها وأخوانها ونسوان اخوانها عوفها هسه .

كمال ـ أسمع كلام أمك ولاتناقشها .

أسيل ـ عمتي إبتسمت بفخر لن عمي انطاها القرار ومروان باسها من ࢪأسها وگال

مروان ـ تدلل حكومتنا الموقره مثل ما تردين هاي هي يجرالج ابقيها .

أسيا ـ كل هذا الحديث الدار هو ما مشارك بس يكتب وباوعلي صارت عينه بنص عيني أبتسمت اله وصغر عيونه غيرت نظرتلي وأخذ جود يله كرم امشي تنام يله تصبحون على خير .

الكل ـ وأنتِ من أهل الخير

أسيل ـ أخذت جهالي ودخلت نومتهم وجبت كرم يمنا اذا بابا سألك شو اهنا نايم كوله اني اريد انام يمكم اخاف ماشي

كرم ـ يس يا سلام تعيش مامي .

أسيل ـ يله اطفر جيب تراك مالت النوم كعدت غيرتلها ونومتها بسريرها وكرم كذلك حضني ونام وفتحت تلفوني دخلت على حسابه نشط الأن نار وشبت بصدري دزيت رساله لـ أزهار كاعده .

ازهار ـ أي والله أنتظر هشام شلونج اخبارج

أسيا ـ موزينه فاتح نت وجاي يحجي وياها ازهار لوما مهتم لأمرها ليش يراسلها وفاصل عن الكل ؟

ـ والله ما اعرف شحجي بهيج مواقف أنتِ قريتي المحادثات كلها

ـ لا ما صارلي مجال وحذفتهن

ـ ادزهن الج هسه

ـ اي عادي هو عفته كاعد بالصاله

ـ شوفي دزيله رساله مهتمه لأمره لاتعوفينه الها وتلكيها فرصه وتلعب على الوتر الحساس وتغري بكلمتين الرجال ضعيفين أمام النساء .

ـ شدزله مثلاً

ـ كوليله مشتاقتلك اي شيء .

ـ لا اذا دزيت راح يلاحظ لن هو نظرلي وخفت من نظرته عوفي هيج خليني اشوفه وين يوصل هو وياها

ـ ادزلج المحادثات

ـ دزي كلهن ولا وحده تنحذف

ـ شبيج كمتي ما تثقين بيه

ـ حقي

ـ والله حقج الله يساعدج دزيتلج لحظه يوصلن

ـ وصلن وكعدت أقرأ بيهن ..

عصام ـ شاك بإمرج

ـ عرفتني مو

ـ شوفي مطول خلكي وياج وجار عدل خلصيني منو أنتِ؟ لن دوختيني صارلج أيام تراسلين وتلحين بإسلئتج شتردين محتاجه فلوس محتاجه مساعدة كولي علمود اوكع على علتج لن ما فارغ لأمثالج .

ـ ما أريد شيء مجرد أسال عنك واسلم عليك واعرف أخبارك لن تهمني

ـ أهمج اذن أنتِ قريبه عليه؟

ـ كلش قريبه منك وحده تعرفها كلش زين ومهتمه بيك بأخبارك؟

ـ ياهي منهن هنا هوايه؟

ـ بعدك عندك معجبات

ـ أختصري عندي شغل .

ـ عصام أني حبيبتك هديل؟

ـ هديل؟

ـ أي ليش مستغرب

ـ والله شگيت بيج بس ردت اتأكد وبعدين شــنو أني حبيبتك أنتِ واعيه على نفسج شجاي تحجين وتخرطين وتلوصين بكلامج بابا أنتِ متزوجه على ذمة رجال .

ـ اظن ما مسويه شيء مجرد كلام عادي وأنتَ أبن عمي

ـ أبن عمج على عيني وࢪأسي بس أنت متزوجه أحترمي نفسج وزوجج وهالسوالف عيب رجلج وينه عنج عايفج على حل شعرج .

ـ شعليك بي

ـ شعليه هديل لاتخليني أعدلج بالنظيف

ـ أسفه

ـ على شــنو

ـ على گلشي بدر مني وأنت أنزعجت بسسببي .

ـ منو أنتِ علمود أنزعج منج بابا رجعي لعقلج وصوني رجلج وبيتج وأنتبهي على جهالج .

ـ ما عندي شيء وياك بس رددت أبرر موقفي تجاهك وما تضل زعلان مني وتشيل بخاطرك عليه حتى سالفة التعليقات ومن بلغت حارث علمود أسيا وضربني اني ما أهتميت لن الاذيه اجت منك

ـ أستغفر الله العظيم واتوب اليه

ـ وأسيا ما عندي شيء وياها صحيح تصرفاتها ادق وتتحرش بيه بس ما شايفتها كدامي لن ما اريدك تنقهر مني

ـ تاج ࢪأسج شيجيبج ألها ** لاتأكلين وأحجي عدل

ـ تمام والله أني احبها وكل مشكله ما عندي وياها وتعرف اختي صارت زوجة أخوك وطبه وطلعه وزياره ومناسبه وناس تشوف ناس يعني راح تجمعنا الصدف ونلتقي هواي خما نضل متزاعلين ومقهور مني .

ـ خلصتي

ـ وما أريد تصير حساسيه بوجودي

ـ خلصتي

ـ بعدك مقهور مني

ـ هديل روحي عوفي هاي السوالف

ـ ما أروح قبل لا أسمعها منك واذا كانت صوت تكون سويت عليه فضل رضاك عني اشتري بدم گلبي ..

ـ شو كمتي تمسلتين بسوالفج

ـ لعد افتح الحظر عني

ـ ما أفتحة

ـ مو أنت الحظرتني هي الحظرتني اي هي الحظرتني لن انت من ايام علاقتنا وإنفصالنا وبقيت الصداقه بكل وديه اذن الحظر من زوجتك

ـ اني حاظرج من الواقع ماله داعي المواقع وزوجتي ما ألها دخل عقلها جبير وواعي تعرف يمتى تثور ويمتى تتحكم بعقلها فه لاتخلينها بࢪأسج ترى أعدمج

ـ عوفني منها مو اهنا سالفتنا وكذب لا تكذب نظرتك اليه من تشوفني ما هيج تكول شوف سگتت أذن صح كلامي خلص لاتجاوبني وصل جوابك يله لازم اروح باي .

أسيا ـ أنتهى الكلام وعقلي وكف يم كلامه من گال ألها ياهي منهن هنا هوايه؟ وفزيت على صوت الباب ينفتح حذفت المحادثه وسويت روحي اتصفح واباوع وامثل اني مندمجه واضحك على مقطع

عصام ـ دوم الضحكه والفرح لوجهج حبيبي

أسيا ـ أبتسمت اله بتمثيل متصنع وخله تلفونه عالشحن ودخل الحمام شنو تسبح .

عصام ـ لا شعندي هسه اجيج وبعدها أسبح .

ـ عرفت يريد قربي شلون أتحمله بس راح الحمام كمزت فتحت تلفونه ودخلت الواتساب صار رقمها گبالي حاجين ومحادثات موجوده سكرين على السريع وادز واحذف وركضت المعرض حذفت ورجعته لن انفتح الباب وصلن على تلفوني وصوت الأشعارات

ـ منو يراسل بهل الوكت ازهار لو نسوان أخوانج

ـ ازهار بلعت ريك دزيتهن لـ أزهار كتبتلي

ـ تم

ـ من ينام أجيج

ـ أنتظرج حبي

ـ حذفت المحادثه وهو يرش عطر وغير ملابسه واجه شاف كرم وعكد حواجبه

ـ ليش جايبته اهنا

ـ هو يريد ينام يمنا

ـ والا يوم بالذات شبيج أنتِ

ـ شبيه قابل كل شوي شبيج؟

ـ شكو منومته بالنص مو اليوم نزلت وأريدج يمي ليش تسوين روحج ما تعرفين ما حافظه اطباعي لو ابني نازل من ظهري ياخذج مني ما اعترف بي .

ـ خلص لاتعصب شيله ودي على جربايته

ـ والله عندج سوالف

ـ سوالفيش كلتها وضل صافن وبعدها نفض ࢪأسه وشال كرم نومه وأجه ما ردت أتعارك وياه لازم أسايره حتى لو ما منطيها مجال واذا خوش زلمه يحظرها ليش مهتم الها ومنطيها من وقته عايف الكل ويراسلها خل ينام واكمل قراءه شحاجين بعد بهل الاثناء هو ينوم كرم وصلتني رساله من أزهار

ازهار ـ تعالي بسرعه

أسيا ـ شگو

ـ وقع بالمصيده

ـ منو

ـ شبيج أنتِ منو قابل عصام عصام

ـ قريتي المحادثات

ـ أي وخلصي وتعالي

ـ يريد ينام وياي شسوي ما اريده

ـ حقه وحلاله انطي خليج طبيعية ولاتبيين ما تردين قربه لن راح يحس عصام شيطان حتى لو اضطر الامر تمثلين عليه

ـ أجه اجه حذفت المحادثه وعفت التلفون وأبتسمت

ـ وخري

ـ دفعني وراح الفراشه شبيك زعلت

ـ ما زعلان

ـ لعد شگو ادفع

ـ بكيفي

ـ ماشي بكيفك بكيفك عفته ونمت وأنطيته ظهري وگلبي نار مشتعله بي يعني فوك سواد وجهك وتتزعل وتتنر بوجهي هيج صلافه ما شفت .

" الصبح كعدت هو نايم حتى ما حضني ولا حجه بعدها لعد شكو نومت كرم بفراشه هو نايم كمت على كيف سحبت تلفونه فتحته ودخلت الواتساب
دازتله

هديل ـ وينك اليوم شنو لحد الان نايم كتلي لاادزين رسائل بس ما صبرت أشتاقيتلك

أسيا ـ اريد اكوم اجفص بطنه بيدي تلفونه وعلى رسالتها وعيني تباوعله بكل حقد والله هو انطاها مجال يكدر يرزلها ويحظرها بس الافندي متونس بيها واهتمامها شعجب ما مهتمه برجولتك لو هاي السالفه الطايح حظها بࢪأس أسيا موت الاخذني شهل القرف رجعت قريت رسالته ومحادثات حاذفهن كمت سويت الرساله غير مقروءه علمود لايلاحظ مفتوحه رجعت التلفون وشلت بنتي كعدت اغيرلها وتضحك وتصيح هو ولا اباله يكعد هذا شبي

" خليت أيدي على كتفه حتى لمسه ما اريد المسه ندهته عصام عصام أكعد اليوم تأخرت بالنوم عصام
كعد كوه فتح عيونه باوعلي بتعب وباوع لحضنه فارغ صفن بوجهي

عصام ـ ليش ما نايمه بحضني

أسيا ـ تأخر الوقت أكعد

ـ من اسألج جاوبي

ـ أنت نمت تعبان ما حبيت اضايقك بنومتي على إيدك لن واضح التعب عليك .

ـ ميخالف تعرفيني من أتعب أريدج بحضني وبكل أتعابي حضني ما تفاركينه

ـ ماشي سحب أيدي وباسها وكام لحمام ويمد بجسمه مبين عليه التعب من ينزل يحل عليه تعب الدوام كله دخل الحمام سحبت التلفون ودخلت الواتساب لكيتها دازه رسائل

هديل ـ لحد الان نايم اريد أتصل واكعدك بس أنت منعتني والتزمت بكلامك

أسيا ـ متطوره الأمور يابه گبل فتحت نت ودزت

هديل ـ كعدت حبيبي

ـ يمه ما استحملت اكثر اخذت لقطه ورسلتها وسويت نفس كل مره ورجعت دزت

ـ إشتاقيت لك

ـ سويت الرسائل غير مقروءه وطلعت ورجعته لمكانه ورجعت نومت جود وطلع هو ينشف وجهه

عصام ـ البارحه على أساس أطلعكم مطعم بس جنت تعبان فه اليوم نطلع تجهزي أنت والجهال من وكت العصريات نطلع لن كرم يريد مدينة إلعاب .

ـ ماشي ياقلبي .

ـ جودي نايمه كاعده لج نايمه لظهاري مثل أبوج

ـ يحجي ويضحك هو وبنته واني افكاري بعيده وفزيت على صوت أتصال سويت روحي ما مهتمه علمود لا يلاحظ وشلت بنتي واضحك وياها هو شاله ورفض الأتصال وعينه بالتلفون شفته يكتب قبل لا يباوعلي ويلاحظني بعدت نظري عنه ...

عافه عالشحن وراح على كرم الغرفته شاله ويبوس بي وطلعوا لصاله كمت فتحته ماسح الرسائل !! .
وهي فاتحه نت معقوله حذرها ومنعها ادز اي رساله رجعته ورحت راسلت ازهار صباح الخير .

ازهار ـ صباحو حبيبي شلونج

أسيا ـ شلوني دزيلي المحادثات

ـ يحتاج

ـ اي يحتاج ازهار لاتخلفين بوعدج وتكسرين بيه

ـ ما اخلف ولا أكسسر بيج بس لاتستعجلين بقرارتج
وكل رجال ينجرف بالكلام المعسول وهديل راضعه ويه أبليس من خلال كلامها لاحظت عليها شيطانه عدها كل اساليب العلاقات ومتمكنه بطرق الأقناع يعني تصوري بكلام واحد تهزه وتهز عشيرته وتحيي الماضي ومخلفاته .

ـ وأخوج شدعوه هيج خفيف لما اكو شيء بداخله تجاهه ما يتأثر ويهتز اذن هو عاجبه الوضع وما ناسيها واجتي بوكتها واعادوا امجاد علاقتهم على حساب أذيتي واذيت رجلها المسكين اللي مرته كاعد تخونه وتتغزل برجال غيره بإسم الماضي

بس أحب أكولج هذا موو ماضي هاي خيانه بصريح العباره ماكو سبب يغفرلهم امثال اخوج وهديل شوهه اسم الحب بتصرفاتهم مليانه طيش وقله عقل وقلة أدب وتربيه
هاي عود أخوج الواعي العقله راكز الفاهم المتفهم وهو سامح الها تعبر حدودها وياه وصدكي لما هو منطيها مجال هي ما تتمادى وياه ولوما عاجبه الوضع ما استمر بالمراسلات وياها وهي متزوجه أخوج اكبر خاين شافته عيني وحسبي الله عليه .

ـ وهسه شتسوين

ـ دزيلي المحادثات أقرأهن

ـ وإذا اجاج وشافهن عندج

ـ شوفة عين جدي ازهار دزيلي المحادثات نقاش لاتناقشين ترى البيه مكفيني لاتزيدنها عليه وتخليني اتندم رسلتهن الچ

ـ شوفي أسيا أني ما اريد أصير وياج وينهجم بيتج واخسر اخويه ولا ضدج وأخسرج بالحاليتين صعبه عليه أثنينكم اعزاز وسبحان الما يغلط وهديل نيتها واضحه وضوح الشمس هدفها توكع بينكم وتخرب علاقتكم ما لاحظتي بدايه كلامه وياها .

ـ لاتبررين رجاءً أزهــــار رجاءً وبعدين لاتخافين بيتي مهجوم مهجوم وأخوج بعد ما يصيرلي رجال لو يعلك روحه بشعره ما ارجعله اني وياه على طريق المحاكم وخلي يلكي وحده مثل أسيا تحبه وتقدسه وتمجد بي وبرجولته خل يكلي وحده تتحمله بكل حالاته هو الخسرني بسبب الماضي مالته خل هديل تفيده .

ـ أنتِ كلتيلها ماضي

ـ ماضي ليش يرجعه اني مشكلتي ما وگفت على الماضي ولا هديل لن كل شخص بينا عنده ماضي خاص بي بس مال يرجعلها وهي على ذمه غيره لا لهنا نقطه وخط أحمر وصدكي وأعتقدي وتيقيني لوما عنده مشاعره تجاهه ما باقي لحد الان يتواصل وياها ما عنده اي مبرر وكل ساعه تمر وكل يوم يزداد وهو على تواصل وياها ينزل أنزل أسفل السافلين سقط من عيني لعبت روحي منه متزوجه على ذمة رجال ثاني يا أسلام شيحس أخوج وتجين تكوليلي ماضي !

ـ حقج والله

ـ دزيهن بسرعه ما بيه حيل احجي بعد تعبت

ـ تمام هسه يوصلنجن خلص لاتعصبين كولي يالله
أستغفري الله واهدئي لاتثورين وتخسرين نفسج

ـ ماشي دزي يله بهل الاثناء دخل هو ابتسم واجه يمنا تمدد هاا رجعت كرم وين

ـ يم أمي جاي يتريك يله خلصيها وكومي لحد الان كاعده

ـ هسه كام شال تلفونه وطلع رحت الواتساب دخلت حسابه شفته نشط الان فتحه تشعوطت كمت الطم على بوجهي بسكوت ملخت شعري دخلت غسلت بماي بارد احاول اكون طبيعيه رجعت خليتها بالحجله ورتبت ونظفت الغرفه وعطرتها وفتحت الشبابيك شغلت سورة البقره والبخور وغسلت الملابس نشرتهن وكعدت اكوي ملابسه وابجي امسح بدموعي وتنزل غصب عني كلشي صار اكثر من طاقتي تعبت أمثل القوة والسلام الداخلي .

عيوني تلع بلمعة غاضبة وأتبتسم بابتسامة هادئة. أحمل الوزن الثقيل لدماري الداخلي،وأخفي وراء قناع من الهدوء والثبات وفي داخلي بركان يغلي وأن النار تأكل أحشائي وتلتهم روحي تعبت من الكتمان ...
كملت وكعدت وصارت صورة زواجنا گبالي كمت تلمستها ونزلت دموعي بحزن أنتظرك واشوفك أنتَ وياها وين توصلون يا مرحله من الانحطاط وبعدها أعوفك وكلشي ينتهي بينا والى الأبد لا عوده ...
_____

أزهار ـ صافنه على المحادثات وأبجي ما تمنيت توصلون لهل النقطه ليش عصام ليش مو أنت العاقل ليش سمحت لطرف الثالث يدخل بينكم ويخربكم مو أنتوا أحلىٰ ثنائي شافته عيني

" عفت التلفون وكمت نظفت الغرفه وعطرتها وغسلت ملابسنا ورحت طبخت الغده وهنا ينظفن اليوم عليه الطبخ كملت طبخ واسمع صوت أفراح تهلي مديت ࢪاسي وحده كاشخه وكشختها أوفر؟

أفراح ـ هلا بنت العم هلا والله صبا سجى رغد أجتي

رغد ـ هلا بيج حبي .

أزهار ـ هاي منين طلعتي تجاهلتها واجن المطبخ كعدن يسولفن حتى ما سلمت عليه شكلها مو راحه وعيونها تراقب الباب ..

افراح ـ أزهار سويلنا جاي بعد هواي للغده

أزهار ـ كومن أنتن سون اني جاي أطبخ

صبا ـ اليسمعج يكول جاي تطبخ طلي هي دجاجه

أزهار ـ مهم أطبخ أحسن ما كاعده اتأمر

افراح ـ شو عبالك تردين نتعارك

أزهار ـ ما جاوبتها تجاهلتها لن هاي تشتري المشاكل بدم گلبها واكفتلي على الزله .

رغد ـ اني اسوي يمعودات عوفنها يجوز متعرف تسوي جاي لن معلمه على الخدم والحشم

أزهار ـ اي حبيبتي بنت دلال فجرت جبهتها وكملت طبخ ورحت الغرفه گلبي فحم دزيت رساله لـ أسيا
اريد احجي وياج كلبي راح ينفجر

أسيا ـ منو سبب الأنفجار

ـ شحجيلج هذن مو بنات حيايا

ـ صيري عربيد

ـ ما فهمت اصير مثلهن قصدج

ـ اقوى منهن الي تهاجمج هاجميها شوفي راح أعلمج على أسلوب تضمنين هشام بجانبج ونفس الوقت تبعديهن عنج وهاا تخلينا هو يبعدهن عنج

ـ شلون لن هو بسرعه يتأثرن بكلام أخواته

ـ شغلي كيدج ومكرج شغلي باباتي

ـ شلون

ـ شوفي حسب كلامج فهمت هذن ناويات على نيه گشره وما ينفع وياهن الطيب بس ما يعرفن بيمن اندككن هسه سمعيني وركزي

ـ كعدت تحجيلي واني صافنه عليها عزا أسيا استحي

ـ ترة مرته وحلالج وين المستحى بالموضوع اذا تضلين تستحين يروح لغيرج يتمتع ويشبع وأذا ما تشبعينه عندج يروح يأكل من برا اكل بايت لن هما مثل الجلاب حتى من المزبله يأكلون عادي عدهم

شوفي الزلم يحبون الجريئه بس بحدود مو تنزعين المستحى فدمره والله اسيا علمتني لا حبيبي ركزي

.. حدودج حافظي عليها لا تسقطين الحواجز والحدود والأسرار التخصج وعيوبج لان كلما حافظتي على الحدود البينكم راح تجبرينه غصباً على ࢪأسه ورأس الخلفه يحترمج ..
وتمردي بإنوثه اطغي بدلع احتركي واطفي بوسه على الشفايف انطي بإصاف وهو يكثر بالعطاء منين ما يجي تعاليله بس اطغي بشخصيتج خلي مثول كل اليوم ودايخ بيج

شوفي حبيبي الزلم يموتون من الشخصيه الضعيفه عقلهم يطير وينجلبون ويطلعون عضلاتهم عليها وكل عقدهم النفسيه يفرغونها بࢪاسها لن ضعيفه على كد ايديهم ويستقون بيها بضعفها يصنعون قوه شايفه هيج معادله طايح حظها ..

وأما الشخصيه القويه يعبدونها يركضون وراها يحبون اللي تسحلهم وتمسح بيهم الكاع لن قوتهم بس من الخارج بوسه وحده ينضحك عليه وبالأخص اذا كانت رومانسيه أمتزاج بين النوعين قويه وصلبه من الخارج أنثويه ورقيقه وعنيفه من الداخل يعني يصير طفل بين أيديج بالخارج شكل والفراش شكل تخلينه دايخ بشخصيتج

وكل فتره اتصنعي شكل لاتكثرين بالعطاء ويشبع بمره وحده قلل ودلل اوف ازهار كون اجمعهم كلهم واعلمهم درس ما ينسونه والله گلبي مفحم من العندي راح يجيب اخرتي وشكلي اتغسل بدمه .

ـ لا اسم الله أنتِ عاقله بس أسيا أنتِ خطيره

ـ بشنو خطيره شايفتني ناسفه اخوج ومفجرته

ـ هو تالي تخلينه ينضم لداعش ويقاتلج

ـ يقاتل بكواده لاتخليني اغردلج خليني ضابه لساني
سقطت الهيبه والرجوله سقطت بالقاع!

ـ ما تسقط هذا ابو كرم العلم

ـ اي خوش علم يهفي بي بالخاص جهالج شلونهم حنين بعد بيتي صايرلهم الأب الروحي كافل الخائنات

ـ شصار بعد هم شفتي المحادثات بعد

ـ الشيء الوحيده الحبيته يخاف مني

ـ راعبته

ـ هو جاي اجهزله فلم رعب وأكشن منا وهيج ماكو دراما الا يخلي يعيد المشاهده علمود يستوعب

ـ شتسوين

ـ سبرايز يا حلوتي يله حبي لازم اروح انطلقت صفارة الانذار كام يعيط لن لابسته مو اكولج اللبس مستواهم واذا جنتي طلقه ناريه وتشتعلين كدامه اوف تخلينه يطلم بسكوت

ـ شلون يلطم بسكوت

ـ يسب نفسه

ـ هههه خرب بيومج صايره خطيره

ـ اعجبج يله شوفني عضلاتك

ـ فديتج تسلميلي أستاذتي

ـ النساء لنساء عزيزتي اي لافيو .

ـ باي حياتي نهيت الأتصال وياها وكفت رتبت نفسي والله أسيا خطيره كملت وطلعت وسمعنا صوت هورن وصل هشام مشيت افتحله الباب

رغد ـ اني افتحله .

أزهار ـ وكفت عرض كدامها وأنتِ منو تفتحيله امشي رجعي لمكانج رجلي أني أفتحله يله وخري
مشيت فتحتله الباب ونزل تقدمت بسته من خده
هلا بيك حبيبي

هشام ـ البنات گبالنا مو وگت بوس

ـ وشنو يعني زوجي وحلالي بايگه قابل

ـ نزلي المسواك وعوفيلي حركات المزعطه منين متعلمتن بوس على الباب

ـ صارت حركات مزعطه

ـ اي وعيب بنت عمي موجوده وأنتِ العاقله متلوكلج هيج تصرفات ومو لعمرج .

ـ ماشي لعد كول لبنت عمك تنزل المسواك مشيت وصاح وراي

ـ ازهار رجعي وبله خبال .

ـ ما اشتغل عندك

ـ ازهار قسم برب العزه اذا ما رجعتي ما يجرالج خير

ـ لاتقصر مشيت وعفته محترك وراي عبرتهن گبل لغرفتي وبلحظات اجه وراي لزمني من ايدي وباوعت بنص عينه

ـ تريد تضربني علمود سبب تافه اضرب مد ايدك يله

ـ أزهــــار

ـ ازهار مو عبده الكم ولـ أفعالكم وهيج مهتم لعيب شگو بنت عزباء جايه بيت عمها ليكون جايه تعرض نفسها وتبرز مفاتنها ألك راد يضربني خليت ايدي وتوقف

ـ تماديتي هواي بس اني اعلمج على هذا لسانج

ـ طلع وعدلت روحي وطلعت وراه وهو يمشي لزمت أيده أحاسبك عليها بس مو هسه بعدين الا اندمك
خليته متصنم ودخلت صبيت الغده على اتم وجه واجه هو وكعدت بصفه حشگت روحي جنت مسويه دجاج فصخته وخليته كدامه عافيات عيني .

" ضل ساكت وإيمان حست الوضع شاحن كملت أول وحده وكمت غسلت المواعين علمود لايلكن سبب ويخلقن مشكله منين ما يجن اجيهن وشكلهن دخلني بحرب وياهن مو مال عيني وأغاتي الزين بهل الوكت ينأكل يعاملني بطيب اخليهن على ࢪاسي يتمادنن اتمادى المعامله بالمثل ..

" رحت الغرفتي وهو ضل كاعد ورغد موجوده دزيتله رساله الك دقتيقين اذا ما تطلع من الأستقبال ما يصير خير

هشام ـ رجعي لعقلج

أزهار ـ لاتخاف عليه عقلي يوزن بلد أوزع عقل للما عنده عقل .

ـ يمعوده ما اريد مشاكل

ـ دقتيقين راح يخلصن بلحظات أنفتح الباب دخل باوعلي مشيت من كدامه جسمي طخ جسمه وقفلت الباب ورجعت اتصفح

ـ شنو هالتصرفات شو مجلوبه شنو تصيحيني تعال وتعال وبعدين تقفلين الباب وتمشين شبيج أنتِ .

ـ أكسر الشر ما اريد مشاكل

ـ لا والله جاي تخلقين مشكله

ـ اني نايمه

ـ نامي نوم الظالم عباده

ـ رحمه الله والديك انطيته ظهري ونمت واجه تمدد. بصفي مر وقت واجه حضني هشام ابتعد لاتتقرب

ـ شسويتلج

ـ تعرف بنفسك إشسويت

ـ أنتِ تماديتي ولسانج صاير طويل ولا عبالك أعرفج

ـ أنتَ أكثر شخص يعرفني شجاك صرت متعرفني
نمت وهو كام فتح الكنتور بقوه ولبس قميصه تطلع

ـ اي خلص من نكدج وزعلج اضل برا ولا اكابل خلقتج

ـ أبقى منو مانعك لفيت ࢪأسي ونمت

ـ طبعاً ماكو رجال يضبج

ـ أستغفر الله ما جاوبته وسمعت صوت الباب أنركع قوي وصوت سيارته كمت باوعت من الشباك رغد فتحتله الباب دزيتله رساله قبل لاتضبني ضب بنت عمك

ـ وحق علي جايج اصبريلي راسي شيب منج

ـ تعال هلأ بيك رسلتها وأنفتح الباب اجاني يهف رديت البرده وكفت انتظره وادك برجلي بالكاع دخل وقفل الباب تقدم باوعت بنص عينه تريد تضرب اضرب

ـ أزهار

ـ تقدمت بسته من شفايفه وهمست بإذنه عيونها الما يشوفن غيرك رجال يل سالب عقلي بشخصيتك وطولك وجمالك اذوب بحبك اذوب.

" أسر؏ من البرق أخذ شفايفي وطبقت كلام اسيا وتفاعلت وياه وتمردت بانثوتي وهو اجن عقل ما ضل براسه كام ما يعرف شسويلي

ـ اليوم صايره نار لج اموت على الخلقج .

ـ هدأت بين احضانه بعد حرب طاحنه صفن بعيوني

ـ كل يوم أتولع بيج كلشي بيج مميز انوب بالفراش اويلي يابه وبالاخص هسه شوفتيني شيء ما شايفه

ـ غمضت عيوني بخجل

ـ فديت اليستحي خجلج حاجه اقدسها اوف يابه
حبج دمار .

" نام وسحبت نفسي دزيت الها رساله أشسويتلنا ولج الرجال نام على وجه جفي

أسيا ـ برافوا

ازهار ـ أستمر

ـ بقوه بس مو يومين وتملين تردين تعيشين براحه ولو ماكو حياة أبديه براحه لازم ننسحل ذهاباً واياباً ونحصل كم كفخه يعني لازم تطولين بالج وخلكج وياه اني انطيج نصائح لن الحياة تجارب وبدايه زواجي محد علمني وعانيت ويه اخوج واكلت طن وحل وهسه هو وگلني طن **

ـ لا حشاج

ـ بعدين نحجي اجه اخوج سليمه

ـ لا هيج تحجين

ـ گلبي نار منه زعلان وتعالي مثلي الدور الزوجه الصالحه وانطي حقوقه انطي وجع يوجعه شهواني ونذل .

ـ الله يصلح حالكم

ـ باي حب ادعبلي على هشام هه

ـ ضحكت وراحت وضجت عليهم ورجعت حضنته ونمت وكعدت العصر لكيته سابح تطلع

ـ گلبي ما ينطيني بس لازم لن عندي كروه زينه

ـ بنت عمك راحت

ـ لا بس تروح متضل أنتِ عوفيها لاعليج بيها

ـ تمام شفت ايمان متجهزه شنو طالعه

أيمان ـ اودي امي لطبيب

ـ هاا تمام عيني مشيت لحمام خليت ملابسي ورجعت اجيب الشامبوا الغسولات ودخلت سبحت وكملت وباوعت ملابسي ماكو ولا قطعه وين راحن ولا منشفه توني خليتهن بالتعلاكه ادري تبخرن يربي
صحت هشام بعدك موجود هشام هشام أيمان ماكو صوت شلون سالفه ..

رجعت باوعت الحمام ماكو كلشي فارغ اوف ايمان ايمان خاله يووو يمكن راحن ويه هشام لطبيب .

افراح صبا سجى تسمعني يمعودات وينجن ماكو اي صوت مليت وتالي فتحت الباب مديت ࢪأسي الصاله فارغه ومشيت على كيف وركضت واسمع اصوات ضحكهن وكلامهن .

افراح ـ شفتن جسمها مسويته ليزر بنت الدوله

صبا ـ حتى الشسمه *

رغد ـ فايخه بس عليها جسم يموت شفتن البياض هاي يستخدمن كريمات تبيض لو يضربن ابر نضاره

افراح ـ هاي سوالفهن جمالهن تصنيع وعمليات تجميل ماكو شي طبيعي حتى **** نافختها بأبر

صبا ـ اعيعع قرف هذا هشام مضحوك عليه امشن امشن صارت سينما الفايخه الشايفه نفسها علينا

ازهار ـ قفلت الباب وصوتهن اختفى صرت نار لبست ملابسي وأتصلت عليه وجاوبني بسرعه هسه تجي

هشام ـ شصاير احجيلي شبيج

ـ تجي لو لا

ـ غير اعرف شبيج منو وياج

ـ تجي لو لا

ـ جايـــج انعل ابو الشغل بس اوصلهم

ـ بسرعه

ـ ادري شصاير متكوليلي

ـ هشام تعال واحجيلك

ـ ماشي

ـ قطعت الاتصال وافتر بالغرفه وأعصابي نار وسمعت هورن السياره عافها يم الباب وفتحت البرده ودخل يمشي بطوله الاحبه والعصبيه واضحه على شكله وبلحظات اندك الباب بقوه

ـ ليش قافلته

ـ فتحته فوت

ـ شگو شبيج تلهبين وجهج يتطافر منه شرار

ـ استخدمت وياه اسلوب الحزن الطفولي وكمت ابجي واحجي وفعلاً بجيت من گل گلبي وهواي انقهرت اني بنت كمال واخواني عصام ومروان هيج يصير بيه والله لو يدرون يحركون هشام واهله كملت كلامي ومسحت دموعي وهو مصدوم ويفرك بوجهه جر الحزام وتوجه لغرفتهم وقفل الباب وبس اسمع صوت صراخهن وتوسلهن حتى رغد كتلها بالنص الساعه وطلع شمر الحزام وكعد على الدرج لازم ࢪأسه ويأخذ نفس بصعوبه رحت اخذتله ماي اشرب

ـ حقج عليه يا بنت الاوادم اني ما مربي اخواتي

ـ كوم بالغرفه أرتاح

ـ شرتاح وجسمج شافنه الادبسززيات اخ الله نار بگلبي عليهن

ـ اخذته الغرفه أرتاح ضل ما طلع لشغل بعد وايمان اجتي هي وخاله وكامن يحجن لن قاضي عليهن ورغد كذلك طلعت تبجي خابرت اخوها واجه هداد يبوووه السالفه راح تنلاص وطلع هشام طردهم

هشام ـ رجلها اكسرها اذا وصلت بيتي اعدمها مو بس اضربها والمو ادامي اعيد تربيه واختك وحده سكط وما مربايه وجايه تسويلي مشاكل بين مرتي واخواتي ومرتي مره غريبه مو عيب تريدين تفضحينا

بارق ـ صدك ولج شمصخمه

رغد ـ خلينا اروح البيت

بارق ـ امشي الله ياخذج شوفي الطلعه بعينج بعد

هشام ـ رغد اعدمج هاا والله أعدمج

بارق ـ كافي فهمنا صاير مثل نسابتك تحجي بس بالتهديد والاعدام .

ازهار ـ راحوا وهدأ الوضع بس ما بردت نار گلبي حقدت عليهن والله يدري شبدعن وياي ما يفوتنها اليه شلون سالفه اني جارعتهن هنا وكلامهن مثل السم ومتحمله ظيم العيشه وراضيه كلشي لخاطر عيونه فدوه اروحله مستعده اتحمل كلشي لخاطره

مر اسبوع هدوء وابتعدن عني بس هالبعد ما مرتاحه اله لن نظراتهن بحقد وغل قررت ما عليه بيهن لا بعيد ولا بقريب مالي خلك مشاكل وصار كل وقتي لهشام واتواصل ويه اسيا يوم عن يوم وضعها يسؤء كمت احسس بيها تعبانه صوتها متغير اسيا

وبيوم بالليل نايمين بوقت متأخر أتصل تلفوني هشام كعد قبلي ويفرك بعيونه

هشام ـ خير يا ستار شوفي منو متصل بهل الليل

ازهار ـ سحبت التلفون المتصل أسيا يارب سترك جاوبتها هاا أسيا اجاني صوتها تبجي .

أسيا ـ ازهار تعالي فدوه .!!
______

أسيل ـ گالي ثاني يوم العصر امرلج اخذج وما اجه ولا اني اتصلت عليه كلت يجوز بالليل يجي يأخذني
كمت سويت العشه طلعت كبه وبورك وامي تحجي على التلفون توقعت مروان منو يحاجيج مروان مو گالت

جنان ـ لا هاي أختج هديل .

أسيل ـ شبيها؟

يتبع ...

41
____

أسيل ـ ما جاوبتني رجعت تحجي وياها أتصال.

جنان ـ هاا شوكت تجين وشبيها عمتج وشگو بس أنتِ أدارينها ما عدها بنات جنايين شطلعت كله بࢪأسج فوك عازتهم وراضيه وساكته انوب تعالي داري إمهم
رجلج لا عليج بي لاتعلين صوتج وياه بس حاجي حمواتج خل وحده منهن كل كم يوم تجي تغسل الها وتنظفلها أنتِ هم وراج جهالج تناوبن عليها .

أسيل ـ ما عجبني كلام أمي لن مهما يكون أمه خوما يذبها طبعاً يبقيها يمه الوكت صاير يخوف والبشر ينخاف منه خلصت أتصال هاا تجي لا .

جنان ـ متلاغيات هي وزوجة حماها من ورا عمتهن كله عايفاتها على هديل وأختج هم بزعت شتصير كافي كاعده بنص العيال والعيشه تلزك وجهالها وراها يردون مدارات

ـ اي وتالي خوما تعاركت هي وسيف

ـ لا گايلته لو تشوفلي حل لو اروح لأهلي گايلها امي ششوف من الحل وگالت هسه راح يجيبني .

ـ خوما تزاعلوا

ـ لا ما عدها شيء هي وسيف بس من ورا زوجة حماها لن شايله ايدها من عمتها خل تجي ونفهم منها شبيها ما بيها أنتِ كملي عشاج وتعشي خاف زلمتج يجي يأخذج خما تروحين بدون عشه .

ـ لا عادي ما جوعانه مشت ورجعت كملت العشه وانفتح الباب دخلوا الجهال وهديل تسحل بجنطتها جنطتج جبيره مبين الأقامه مطوله .

ـ من ورا سوالف عيالي شالعين گلبي

ـ شجاهم هسه شلعوا گلبج

ـ شمدريج أنتِ عايشه بالنعيم تدرين بالدنيا شبيها ما بيها اي تعالي بوسه شلونج مروان شلونه وياج أسيا التس خوما تتحارش بيج وتذب سمها عليج .

ـ زينين لا حبابه وماكو منها علواه أنتِ حنينه عليه مثلها هي أحن عليه منج .

ـ دنجبي أنتِ وياها عاد من حورجن بصخول أثنين ما اسرحجن اي امي وين يمه يمه اني أجييت .

ـ فاتت تصلي ، دخلت ومشيت وراها ها ولكم شلونكم ما تكولن نجي على خالتنا نبوسها نسلم عليها لو طالعين على أمكم متحنون .

ـ شو تشمرين بكلامج وبعدين شسويلج أحن عليج تلفون ما عندج نخابرج نسأل عنج وتعالي صدك ليش ما عندج تلفون! مانع عنج تشيلين التلفون مو

ـ ما مانعه بس تلفوني من كسره حارث وبعد ما گتله ولا هو جابلي وشسوي بي ما أحتاجه هو جنت يمكم شمسوين بالمحنه عاد من تزوجت أتصالتكم تركع بالسؤال عني وعن أخباري .

ـ دنجبي ذبتها بࢪأسنا كولي رجلج عقله وسخ ومو نظيف وكله السوالف والمكسرات عنده وشگاك وما مخلي بيدج تلفون عباله كلها نفس تفكيره .

ـ لا عقله يوزن بلد ما أسمحلج تحجين عليه

ـ عشتوا رجلها متقبل

ـ أي رجلي ما أقبل تقبلين أحد يحجي على سيف

ـ لا يمه همزين خلصتي صلاتج متأخذين هاي من فوك ࢪأسي بس تطنطن عليه فارات عقلها وصال وجنتها أسيا .

جنان ـ شبيج ويه أختج

أسيل ـ شبيه قابل رايحه أصب عشه

جنان ـ تعالي سولفيلي شبيهن وياج

هديل ـ أخلي تلفوني على الشحن وأجيج راح يطفئ

أسيل ـ صبيت العشه وهي وأمي كاعدات يحجن وأجه ابويه وحسن وطلعت سلمت عليهم وكعدنا نتعشى وتعللنا وعيني على الباب ما أجه ولا خابر
ولا سأل وتأخر الوقت هو ماكو أغسل مواعين التعلوله وعيني على الباب ما بينت ليش .

هديل ـ تتنظرين أحد .

أسيل ـ اي مروان على أساس يجي يأخذني .

ـ ما يجي لاتتنظرين

ـ شمدريج

ـ هيج أحساس يله تعالي نامي تأخر الوقت

ـ ماشي قفلت الباب ونشفت أيدي هديل عادي أستخدم تلفونج

ـ تراسلينه

ـ أشوفه اذا فاتح نت

ـ ࢪاسلي على الماسنجر

ـ اي شيء عادي

ـ هاج بس لاتطولين اريد أتصفح جهال ما يخلون الزم التلفون بس بالليل من ينامون

ـ ماشي ظلمتيها عليه اخذته منها بس قبل لاتنطي كلبت بي لكيتها حاظرته على الماسنجر رحت على الواتساب دخلت الواتساب كله حمواتها عراكات هي وياهن واني جاي أدور على محادثة مروان وشفت رقم وصورة عصام واخر رساله قبل لا افتحها

ـ تمام على راحتك

أسيل ـ بقيت مصدومه ضليت أباوع لصورته
حتى مروان نسيته وفتحت المحادثه اريد اقرأ كلامهم واجتي .

هديل ـ هاا خلصتي

أسيل ـ ما فاتح يمكن نايم

ـ يله بعد أحسن يجلبلج امشي نامي تضلين كاعده

ـ اي بس أفرش أسناني هسه الحكج راحت وكعدت مصدومه عبالك واحد ضربني على ࢪأسي بشيء ثكيل صورة عصام إذن هو ويتواصل وياها ومن يمتى هو من يوم أنفصلوا حرف ما حجه وياها وأنقطعت كل سبل التواصل من هذاك اليوم ليش هسه رجعوا يحجون يارب لطفك وسترك شجاي يصير !!
أني شبيه أنصدمت يجوز راسلته وأعتذرت منه
لا لا مو هيج لن هي من حجت وياي هذاك اليوم وهددت بإسيا نيتها مو سليمه وبرأسها شيء تخططله وتريد تنفذه غضب على ࢪأسج هديل سليمة الكبور تلفج اذا هالحجي صحيح يمه
عزا العزاج .

.. فرشت أسناني وغسلت وجهي وخليت كريمات ومرطبات عنايه واني أخلي لاحظت الأثار طابعه برقبتي ومكانهن بنفسجي علىٰ لون وردي تلمستهن هذا طبع شفايفك على أنحاء رقبتي وتذكرت شگله وانرسم بمخيليتي شورابه وعيونه ونظراته تنكلب من قساوة الى حنيه بس هالانقلاب بالنظره فقط بالعلاقه أشوفه يصير طفل بين أيديه منين ما أباوعله يميلي تداركت نفسي أنطيته مساحه بالتفكير أكثر من اللازم لا أسيل تعاهدتي ويه گلبج ما تحنين ولا تتراجعين عن قرارج خليج صاحبة موقف ثابت تجاه مشاعرج .

" صعدت الغرفه انام الجهال كلهم نايمين بس هديل ماكو بفراشها وين راحت طلعت اشوفها وصارت بوجهي فزت وين جنتي

هديل ـ وگعتي گلبي شبيج كاعده ماتنامين

أسيل ـ شعليج بيه أنام بكيفي وين جنتي

ـ أخابر سيف

ـ متخابرينه بالغرفه ليش خارج الغرفه؟

ـ شعليج أنتِ هف شكد تلحين وصايره حشريه ولي عن وجهي .

ـ الشكوك تربعت بࢪأسي بس معقوله تطلع منك أبو كࢪم والله لو أشوف بعيني ما أصدك ما يسويها هو عاقل ويحسب الف حساب لسمعه يعني توصل بي مراسلات هو وهديل وهي متزوجه وهو كذلك ..

.. رجعت لغرفه لكيت مغطيه ࢪأسها بس الضوء تلفون مبين ضليت كاعده أباوعلها ومر وقت سويت روحي نايمه وافتح واغمض لما كامت خلت تلفونها على الشحن ورجعت نامت مرت ساعه وكمت سحبت تلفونها وفتحته دخلت الواتساب ما حاذفه المحادثه وأنصدمت گاتبله أشتاقيتلك عزا العزاج

عصام ـ وين تردين توصلين

هديل ـ إلك

ـ نكول وصلتي وبعدين هديل؟

ـ بس أني وياك مو مهم البعدين

ـ وزوجج وإطفالج تتخلين عنهم بهل السهوله علمودي

ـ أي حتى أهلي ابيعهم علمودك

ـ دام هيج گاتله روحج عليه ليش تخليتي عني وطلعتي الف سبب وعيب علمود تنهين علاقتنا

ـ غبيه ما عرفت قيمتك الا خسرتك ورجعت بعد فترة متندمه وأنت ما أستقبلتني جنت على علاقه بإسيا مو وبسرعه أرتبطت بيها ليش عصام بسرعه نسيتني وحبيتها يجوز ما تحبها تزوجتها علمود تنساني مو صح .

ـ لا مو صح

ـ لعد شــنو تحبها

ـ أعشگها وأتنفسسها مو بس أحبها

ـ تكذب عليه ادري بيك تريد تقهرني

ـ مشكلتج بعد مو مشكلتي اني عايش حياتي وكلش مرتاح وياها وكل يوم اشكر ربي خلصني منج وجمعني بيها لن لو متزوجج جان اللي جاي يصير هسه يصير وياي؟

ـ شقصدك

ـ فهمج كفايه .

ـ مو لهل الدرجه لتصير قاسي عليه عصام لاتكابر بمشاعرك مو اعرفك والله

ـ شوفي هديل ما أنكر بيوم حبيتج وعشكتج عشك حدكطع النفس نكزتي بعقلي بس ما تستاهلين ذره من حبي الج .

ـ شنو انطته الك اسيا واني ما انطيته الك

ـ أگلي **

ـ فهمتني غلط

ـ حتى لو شيء خاص بيني وبينها منو أنتِ أحجيلج أني أهلي ما حاجي الهم

ـ هيج مقدس علاقتك بيها

ـ هي مقدسه

ـ لهل الدرجه

ـ هسه فهمت تواصلج وياي على شنـــو

ـ لا عصام

ـ عوفيها اعدمج اذا تتقربين صوبها

ـ يجرالك حبيبي

ـ هديل

ـ عيونها

ـ گافي بابا

ـ أشتاقيت لكل كلمه منك وعصبيتك ورجولتك

ـ مو ملكج

ـ أعرف مو ملكي بس جنت املاكي

ـ جنت

ـ متحبني أبداً

ـ شبيج أنتِ واعيه على نفسج شجاي تحجين

ـ أحبك

ـ وتالي

ـ أعشقك

ـ هديل كافي رخص

ـ الماضي ما فارگني عصام عايش وياي بكل ثانيه

ـ أنتِ السبب ما رضيتي بقسمتج وتقبلتي واقعج من يومج متمرده ولحد هسه

ـ أنتَ السبب ما أحتويتني كل وقتك دوامك وأجتماعاتك وكل الوقت مشغول وأني أخر أهتمامتك

ـ ترى الفتره الجنتي تطالبين إهتمام اني بوضع صعب ومهام صعبه وعملي حساس وانتظر ترقيه كتلج اصبري اصبري شويه جنتي تردين الزله واجتج

ـ بس أنت بسرعه تخليت عني

ـ تعبت منج أسبابي هواي خليني ساكت

ـ أني حبيتك والله ليش ماتنسى

ـ شنسىٰ وحده أثنين أنتِ ما حافظتي على علاقتنا

ـ ترى حريه شخصيه وين الغلط بالموضوع

ـ الحريه شخصيه تعليقين على منشور ويدخلج واحد يردلج وتضلون تحجون بالتعليقات هاي تسمينها حريه؟ فاهمه الحريه من ***.

ـ بس جان مجرد ردود أنتَ عقلك كام يفسرلك غير أشياء ومن طلبت حساباتي يعني كمت تشك بيه واني رفضت لن من حقي هالشيء ما الك الحق تفتش وتراقب حساباتي .

ـ ما الي حق اي هاي هي

ـ أنتَ جنت تريد سبب وتعوفني عذرك مو تعليقاتي على المنشور ولا الردود والنقاش الصار كلام عادي

ـ أي

ـ يعني هسه اسيا ما تعلق على منشورات

ـ أكلي **

ـ شحجيت گبل تكوم تغلط شدعوه خوما نبي

ـ لج من تزوجتها لحد الان تلفونها ما مگلب بي واشك بنفسي وبيها ما أشك اطلع من بيتي ظهري بارد عايف وراي زلمه خشنه ربع من اظفرها متوصلين فه لاكل موضوع ودخلينها ضمن كلامنا لن ما راح اجاوبج هذا اخر جواب الج .

ـ ماشي عيني هذا مثل ما تريد .

ـ ماشي

ـ مروان ما اجه اخذ أسيل خطيه شكثر أنتظرته

ـ أمي ما قبلت كالتله خليها تشوف أهلها وسيادته هم وافقها الرأي وما أعترض صدك شلونها

ـ زينه بس صايره ثوله مو مثل قبل جانت شكد وكحه

ـ المتزوجها زلمه

ـ ليش جايب من ربه خبز شدعوه هيج صاكرها وراعبها ترة ملاحظه أسيل بيها خوفه من مروان بس ساكته لن ما اريد مشاكل

ـ غصباً عليج تسكتين ما الج حق تتدخلين بين الرجال ومرته لاتخلقين مشاكل كعدي عاقله هديل

ـ لخاطرك هاا

ـ يله ولي روحي انحمي

ـ گلبي ما ينطيني أفاركك

ـ نعست

ـ وين أنتَ هسه

ـ شعليج

ـ تمام الصبح نحجي اتصال

ـ ماكو

ـ ليش

ـ فيمالا

ـ الله وياك عيني .

أسيل ـ رجعت التلفون وضليت مصدومه بإختي وعجبتني ردود عصام ما منطيها مجال بس نفس الوقت خفت منه ليش يحجي وياها ليش ما رزلها وحظرها شنو السبب وهي شلون تحجي وياه وهي متزوجه جاي تخون سيف بكل حقاره وتتغزل بغيره حسبي الله عليج يا هديل بس كاعدتلج واشوفج وين توصلين اصبريلي يا هديل .

ما نمت الليل كل أفكاري صارت بيهم وبعلاقتهم اكو شيء مخفي من جانب عصام وگلبي ما مرتاحه معقوله يسحبها ويتدرجها بالكلام بس شـنو غايته .

بقيت أيام مراقبتها وطول هل اليوم تلفونها ما يوكع بكاع كامت تضمه بصدرها يجوز تطورت العلاقه وكامت تخاف بس لو ادري وين تردين توصلين وين ماخذه عمرج بهل التصرفات والصدمني بيها عافت جهالها وسخين ويبجون هملتهم الى درجه كمت اني اسبح بيهم وامشط شعر بنتها لكيته كله عكد حاولت ما يفيد ولج هديل شعر بنتج مكعد شسويله جاوبتني وعيونها بالمهجوم التلفون .

هديل ـ كصي شالعه گلبي ما ينمشط يمه العصر اخذها ازينها ولادي؟

جنان ـ لا خطيه شعرها شطوله والشعر البنيه خوما للولد وصار بي عكد خاف ما تمشطينها زين شو تعالي بيبي

أسيل ـ اخذتها يمها وحاولنا وياها وتالي كصينه العكد اني وامي وهي ملتهيه تراسل وتضحك تخبلت لما امي اكوم اجفص بطنها بس متاكده اذا حجيت امي متصدكني عبالها اتبلى عليها .

جنان ـ كومي غسلي رأسها بتايت زين

أسيل ـ شو بالتايت خطيه

ـ بي قشره

ـ دزي على شامبوا خاص للقشره

ـ وين ادز هسه منو يجيب غسلي الها لما العصر اروح واجيبلها كومي يله

ـ كمت اخذتها الحمام وهي تباوعلي بحزن شبيج روان

ـ خاله راسي يحكني بي دود

ـ دود تعالي خل اشوف فليته الها وبي گمل كبل نزلت دمعتي واخذتها الها لكيتها ما موجوده امك وين

ـ صعدت بغرفتج

ـ اخذتها وصعدت الغرفه لكيتها تاخذ صور لنفسها شتسوين

هديل ـ شسوي صبغت شعري الصبح وهسه سشورته وكعد اتصور هاا شو ما سبحتي الوسخه

أسيل ـ روان حبيبي نزلي يم اخوج هسه اجي اسبحج

روان ـ ماشي خاله .

أسيل ـ راحت وقفلت الباب وجريت التلفون منها وهي كامت تصيح واني ادفع بيها دخلت الواتساب ممكن تشرحيلي شجاي تصخمين بنفسج ووين ماخذه عمرج

ـ جيبي تلفوني جيبي منو سمحلج

ـ منو سمحلي ترى ادري جاي تحجين ويه عصام

ـ اي ابن عمي شكو بيها

ـ ابن عمج وعايفه رجلج بحجه مشاكل أنتِ وحمواتج وجهالج ذابتهم وبنتج الگمل وعكد الشعر وسخها كاتلها وابن عمج ليش هديل ليش ما جنتي هيج تخبلتي .

ـ دنجبي شتخربطين بسوالفج ومشاكلي اني وعيالي لاتتدخلين وروان هي من يومها هيج شعرها خشن والكمل من بنات عمها من المدرسه جابنه انظف بي ويرجعلها شسويلها اني هم بشر شصير .

ـ صيري زوجه وام وحافظتي على زلمتج وجهالج

ـ دكلي ** كمتي تلوصين اليسمعج يكول جاي اكود

ـ لعد شتسوين

ـ ترى ابن عمي وسوالف عاديه لاتخافين ماكو شيء غاسله دماغه الخايسه

ـ بس تسواج

ـ دنجبي أنتِ وياها واروح اسبح بنتي ولا منيتج عليه بس هالمره سبحتيها كمتي تعيرين عوذه لجنايين تكرفين وسخ جهالهن بس جهالي تطلعين لسانج عليه امشي ولي غاد .

" كعدت حيلي مهدود لازم أرجع احجي وياها بلكي تأخذ بالكلام نزلت وراها لكيتها تمشط بروان وتبجي شافتني مسحت دموعها اريد احجي وياج

هديل ـ ولي ما ناقصتج

أسيل ـ هديل عيني أنتِ والله جنتي شحلاتج وتخبلين وعاقله وتعقلين على الما عدهم عقل تذكرين من جنت اجيب طاريه تتخبلين وتضلين تحجين وتغلطين عليه وما تردين سيرته ولا ذكراه ليش هسه انكلبت الموجه وصرتي كل وقتج على المبايل وعايفه جهالج والله غلط عالشيء جريمه بحق نفسج وعائلتج شمرت المشط وصاحت بيه

ـ لن أنتوا السبب ما انطيتوني فرصه انساه كلما نكعد تحجون بي وبمرته يا كال عصام يا كالت اسيا هم انتي وهم امي وهم اسماء ضليتن تركضن وراي واني اخلي على جرح ملح واريد انساه عايشه بحرب ويه گلبي بس علمود انساه ملامحه وأشيله من عقلي وافكاري
لج اني حبيته عشكته واول حب الي بحياتي وتدمرت بسببه هو دمرني وانتوا ما خليتوني انساه وهسه واكفه تحاسبيني لاحد يحاسبني ما اريد اسمع اي حرف منج لا والقرأن اخابر مروان يجي ياخذج ويخلصني منج ومن نكج امشي ولي عن وجهي

أسيل ـ على صوتنا دخلت امي عصبيه

جنان ـ شكوو صوتجن عالي كل وحده بكد البغل ومتعاركات

هديل ـ كوليلها لبنتج شلعت گلبي والله راحت تسبح روان كامت تطعن بيه وبإمومتي صايرتلي خوش مره ومعدله الخايسه الله يستر على هذيج الايام خيستج بالغرفه جنتي ليل نهار على هالمبايل هسه صرتي مستشرفه براسي ليش لازمه المبايل وعايفه جهالج هذا حجي ينحجي يمه ترضينها

أسيل ـ أمي لزمتني من شعري قوي يمه على كيفج شلعتي شعري اخ يمه يمه خلص بعد ما عليه بيها والله علمودها شريد منها قابل كفختني على ࢪأسي

جنان ـ ولج تردين تهجمين بيت اختج شنو هالحجي هذا بعدين متكولين على روحج مو جنتي كل الوقت عينج بالتلفون شو محد حاجاج لو تزوجتي وسحب التلفون منج صار عقلج وسخ مثل زلمتج يعني كل وحده لازمه التلفون عدها شيء على هالحجي محد يشيل مرته تلفون والله افكار اسيل
.. شوفي لج هالحجايه سمعتها اليوم مره لخ اذا تنعاد املص رگبتج وهسه تخابرين زلمتج مروان يجي ياخذج وتنكلعين لبيت عيالج ما ناقصه مشاكل كافي عليه عيالها وحمواتها ناشبات وياها وشالعات گلبها انوب عليه أنتِ شديتي وياها .
بس أنتِ من يومج شالعه گلبي صخم الله وجهي بهذيج الليله الساعة إبوج نام وياي وصرتي بيها سوده مصخمه انطيها التلفون تخابره .

أسيل ـ دفعتني ولميت شعري وابجي وكلمتها الأخيره تكرظ بگلبي مسحت دموعي وهديل شمرت التلفون وأتصلت عليه وگبل جاوبني .

مروان ـ هاا سليمه مو حاظرتني شگو تتصلين عليه

أسيل ـ مروان أني أسيل

مروان ـ هاا عيني سوسو القحبه شلونج حبيبي
لج شبي صوتج يصوصي جنج فريخ جاعصته همر

ـ ما بيه شيء شوكت تجي تأخذني كلت العصر وما أجيت

ـ شتاقيتلي لك فديت

ـ تجي لو لا

ـ الا تكولين شتاقيتلي؟

ـ بجيت وجاوبته أي

ـ اخ الله وينج من البارحه بليل التحقت الصبح خابروني يله من انزل امرلج اخذج وأعوضج على هالأشتياق اضعاف شرط يومين ما نطلع من الغرفه نتمزمز على الحلويات والنمميات الا اخليج تمشين صفح .

ـ مروان

ـ لج مشتاقتلج

ـ مروان

ـ بربج كولي أسمي مره لخ

ـ ليش

ـ كولي خرب بيومج احترك گلبي

ـ ما أكول

ـ كولي لج

ـ ما

ـ كلتي حرف الميم ضلن اربع احرف كمليهن عاد

ـ باي

ـ اعدمج اذا قطعتي الخط بوجهي رجعي

ـ مروان

ـ اوف اوف أوف ينعل جد مروان وين ما نايم

ـ يله باي

ـ بعدني ما شبعان من هالصوت ما تروحين تبقين وياي الا ارتوي يله

ـ مروان ليش هيج تسوي

ـ لج اريدج كون هسه اني وياج بحضن تدرين شسوي بيج والخلقج ثلاثة بحالهن ما اخليج تشوفين الشمس تصبحين وتمسين بوجهي شلون وجه هو جنه العافيه امي متنسيه بي بعسل من فدوة لوجهي .

ـ ترى درينا حلو

ـ وهالحلو تحبينه تموتين على ربه

ـ لا غلطان

ـ أثبتيلي شلون اني غلطان

ـ ما احبك

ـ العكس صحيح

ـ شمدريك أنتَ

ـ ادري بيج تحبيني

ـ بجيت واختنكت وسگتت

ـ تبجين

ـ لا

ـ هالمره من انزل ما أقسي عليج

ـ شعجب

ـ لن مشتاقلج

ـ ماشي

ـ أختج يمكم زياره باقيه لو ترجع

ـ أي باقيه

ـ هاا زين لعد أراسلج منها لن امج اتصلت مرتين متجاوبني شبيها منو كارصها

ـ مروان

ـ جلبتي عاد من اريدج تصحيني بلحظات دين ما باقي بࢪاسي تتعززين عليه وهسه مروان ومروان

ـ شتريد هسه شبيك عصبت

ـ أمشي ولي ولا تتصلين عوفي تلفون أختج اذا تلزمينه اموتج التزمي بكلامي خوش

ـ ملتزمه والله

ـ اي صيري خوش مره مريت مروان بعد

ـ ماشي قطع الخط ورجعته الها اخذته بعصبيه

هديل ـ هاا شگالج

أسيل ـ بالدوام ملتحق الصبح من ينزل يمرلي

ـ هاا اي زين اسيل لاتزعلين والله ما قصدي بس أنتِ كلامج ما اعرف شلونه قهرتيني

ـ لا اني الصوج مني نصحتج والظاهر أنتِ مو مال نصيحه وواصله مرحله وعابرتها بسوالفج وللي ينصحج يبتلي على عمره وهسه ثبتلي أمي ما عرفت تربينا أثنينا لا أني ولا أنتِ وما الي شغل بعد بيج شتسوين سوي وأنتِ أكبر مني وعقلج اكبر من عقلي وفهمج كفايه .

" عفتها بس بداخلي نار منها وعليها تراهق بعمر مو بعمرها وتصرفاتها طايشه بدون عقل ما تلاحظ وين جاي تأخذ نفسها ليا منحدر ونصحتها وما أخذت بنصيحتي هاي هي سويت إللي عليه والمو عليه .

" ومر إسبو؏ ومروان ما بين ولا سأل او يمكن عباله هديل راحت لبيتها وهي حاظرته فه ما مراسل نهائي
رحت على تلفون أمي دزيتله رساله مروان أني أسيل
گبل أتصل جاوبته

مروان ـ هاا شتاقيتلي

أسيل ـ وين أنتَ .

ـ صاير عزيز

ـ بگلبي هو أنتَ عزيز جاوبته هم تجي عليه

ـ باجر العصر أجيج بعدني ما نازل

ـ تمام على راحتك

ـ أسيـــل عيني عوفي تلفون أمج

ـ ترى ما لازمته بس أنت كلت اسأل عليك

ـ لا تسألين اذا أريد اني اسأل ولاتشوفين نفسج مهمه عندي خوش وتلفون أمج تعوفينه فاهمه

ـ تمام قطع الخط وتندمت لن بادرت بالسؤال متصيرلي چاره طايحه حظ سألت عليه وتفكيريه شطح لغير شيء الله يدري شيفكر هسه .

بعدها ما سألت وهديل مستمره تتراسل هي وياه وما جنت اشوف المحادثات لن كامت تحذف ومره من المرات لحكت عليهن وشفتها كاتبه

هديل ـ من يوم التحقت ما حاجين اشتاقيتلك

عصام ـ هديل تعبان ࢪاسي مصدع فگي عني لخاطر ربج متكوليلي شتردين كل شويه جايتني من رقم

ـ بعدين نحجي انزل اشوف جهالي

أسيل ـ ما مجاوبها وعرفت هو بالدوام وصدمتي بعصام ليش باقي على خط تواصل وياها شنو غايته ما مدرك لخطأ اللي جاي يسوي ويمشي ومستمر بالمراسلات الى متى تبقون هيج ونفس الوقت عصام حسيته متناقض ليش ما يحظرها!

.. وبيوم كعدت على صوت همس رفعت البطانيه
تحجي بصوت ناصي تقربت شفتها دزتله بصمة صوت

هديل ـ امانه خليك وين تروح جاي نحجي حبيبي .

أسيل ـ عفتها ورجعت نمت ضلي ضلي شسويلج
الصبح كعدت لكيتها تصيح ومتلاغيات هي وامي خير شگو شبيجن .

جنان ـ كومي لبسي وامشي ويه رجلج اجه يأخذج وتعذر مني وگال أمي وين اوديها خوما اذبها امشي لخاطر زلمتج يولي حاله يكسر الخاطر منا امه منا أنتِ وجهالج امشي تحمليها كم سنه خوما تريد تعبد باجر عكبه تموت ليش تخسرين زلمتج بعنادج .

هديل ـ والله مشكلته امه خل هو يتحملها اني ما مجبوره اتحملها ترى گلبي فركس منه ومن أمه ونسوان اخوانه كل خير ما بي لا يحل ولا يربط

ـ شسويلج هسه اطلكج منه عكب ما خلفتي منه محد ضربج على ايدج تاخذينه شو كومي لا ابتلي بيج كومي وكسري الشر يله رجلج ينتظرج .

ـ لا اللي الرجال كايمه واخلصكم مني

ـ هسه شحجيت وياج تتنرين بوجهي يله بيبي كوموا اسيل غيرلهم ملابسهم لما اسوي أستكان جاي لسيف عيب

أسيل ـ ماشي راحت وكمت غيرتلهم وهديل كامت تكتب بالتلفون عرفت تبلغ عصام راح تروح لبيتها
كملوا وهي جهزت ملابسهم وطلعوا وسيف واكف بالطرمه سلمت عليه ودنك يبوس بجهاله وهي گالبه خلقتها

سيف ـ شلونج عيني يابه حقج عليه امشي وما يكون الا خاطرج طيب يله بابا صعدوا السياره .

أسيل ـ حجه وياها وما جاوبته ومشت وراحوا ورجعت عيني على تلفون مروان ما بين ولا سأل للعصر وهو ماكو كلت خل أتصل وأتصلت وأجاني صوته بعصبيه

مروان ـ الله يأخذج أنتِ وأختج يا كح** .

أسيل ـ قطع الخط بوجهي شگو يارب سترك
______

أسيا ـ أقرأ بالمحادثات اللي رسلتهن ازهـــــار
وعقلي على ثانيه يتوقف واللي مستغربته كلامه مليان تناقض دام ما تريد تتواصل وياها شگو مستمر بالمراسلات وأوقات متأخره وراكم لعبه
بس ما أخليكم تكملونها خلص الكارت وصار وقت التنفيذ والنهايه ما تعجب الكل واولهم أنتَ .

رجعت أكمل قراءه والمشاعر عاطفيه تتأرجح حول الاطفال ما شاءالله عليكم اصحاب عوائل وعدكم مسؤوليات .

هديل ـ اطفالك يخبلون بالأخص كرم نسخه عنك

عصام ـ أي عيني هما هذا زلمتي أسدي .

ـ ربي يحفظهم الك شعجب ما سميت ليث نفس ما اتفقنا

ـ أتفقت وياج وما صرتي زوجتي أذن سقط حقج

ـ بس ذكرى حلوه وخاصه بينا

ـ يمعوده يا ذكرى حلوه بطرانه

ـ كلشي يخصك أتذكره

ـ اي جهالج شلونهم

ـ زييين بس عصام حيل وكحين متعبيني بشكل

ـ ليش

ـ ما يسمعون الكلام ويعاندون

ـ أهتمي بيهم

ـ والله اهتم ما يفيد مثل الزمايل حشاك

ـ اطفال يمعوده ملائكه هذول اتقربي الهم طفل بهيج عمر ميعرف روحه شيتصرف طايش ويحب يستكشف لهذا لازم تطولين بالج وياهم وعليهم

ـ كࢪم هم هيج وكح مثل العندي عبالك وحوش

ـ لا أبداً كل صفات اللي اريدهن موجوده بي

ـ تربيتك بعد هذا الشبل من هذاك الاسد

ـ تربية أمه

ـ بس أنت إلك دور

ـ كلشي عليها هي قايمه بگلشي صايره وياه صديقه مو بس أم أني أغلب اوقاتي التزامات ودوام تعرفين بعد

ـ اي صح اي وين أنت هسه

ـ كاعد والله صدك شوكت ترجعين لبيتج

ـ ما ارجع

ـ ليش

ـ هيج أحسن

ـ كيفج يله لازم اروح

ـ وين خليك

ـ فيمالاا

ـ عصام

ـ هاا

ـ أعشقك

أسيا ـ ما مجاوبها اخذت نفس وجمعت كل المحادثات بحافظه وقفلت عليهن وكمت باوعتله كاعد بالحديقه رجل على رجل وجكارته بلحكه وصافن وأندار وصارت نظراته ناحيتي بقيت ثابته وهو ما شال عيونه عني رفعتله أيدي وأبتسمت وغمزتله بس بدر منه اي حركه كأنما يحاول يستكشفني !! .

رديت البرده وكمت رتبت الغرفه وعطرتها وجبت الملابس عزلتهن وكويت اللي يحتاج الكوي وجاي اعلك بيهن بالكنتور ودخل هو خله التلفون على الشحن وتقربلي وحضني من خصري وأيديه تتجول على انحائي بهدوء معتم .

عصام ـ مشتاقلج .

أسيا ـ دارني عليه وأخذ شفايفي بعمق وأني اريد اتقيء بس تحملته وقاومت للنهايه أنتهى ونومني بحضنه ويلعب بشعري ࢪأسي على أيدي تلمست ذراعه بهدوء وامشي بإصابعي بخط كتبت اسم هديل .

عصام ـ شكتبتي؟ .

أسيا ـ ما كتبت الشيء جاي العب لعبه الحية والدرج
قلبني وصار عليه وأحتضن وجهي بإيديه الاثنين .

ـ هل الأيام ملاحظ عليج تغير

ـ شنو هل التغير سولفلي بله

ـ قلة أهتمامج

ـ لا بالعكس مشبعتك أهتمام بس أنتَ ما يغزر بيك وتحسه قليل بحقك المشكله عندك مو عندي .

ـ هاا

ـ اي حبيبي يله خل اكوم اشوف كرم

ـ طالع ويه مجد

ـ شلون تخلي يطلع ومتكولي

ـ بس كالي

ـ ميخالف اضل بقلق عليه

ـ تعالي أريد بوسه

ـ اخذ منو مانعك

ـ اريدها منج

ـ تمام تقربت عليه أخذت شفايفه وعنفته وقسيت وياه بشكل مرعب عضيت شفايفه بحقد هو كله هذا ما اصدر اي ردة فعل كأنما يگولي عذبيني خدران وفاقد نزلت على رقبته عنفته وتركت أثاري بجنون قاتل ومدمر أصبحت ساحة حرب ملطخه بالدماء ورفعت نفسي على وجهه واحتضنته الى أن وصلت عيونه صفنت بيهن وبسته من عيونه بشغف وبتكرار وهو فاقد كانت بوسه مثل الوداع نهضت ومنعني وانقلب عليه واستولى على گلشي وبعدها راح الحمام .

" جريت تيشرته لبسته لن ملابسي انشمرن بعيدات عني ضعت بي وسحبت تلفونه دخلت الواتساب المحادثه كلها محذوفه ورجعت تلفونه وبقيت متمدده وأجه ينشف بشعره وصافن عليه شبيك

عصام ـ مجنون بيچ .

أسيا ـ حبيبي والله راح المرايا واني نزلت رجليه من الجريايه كلشي مكشف لابسه بس تيشرته باوعلي وصغر عيونه ونظراته عميقه وبيها الف معنى!

ـ شاك گلبج وطالع منا وهيج لبسي من ملابسي

ـ ماشي كمت وصاح وراي

ـ أسيـــا

ـ عزا شگو شبيك

ـ شمسويه برگبتي ينعل بليسج ولج فضاحه وعلي

ـ تقربت عليه هو متشعوط صاير نار وأعصابه فايره تقربت بستهن وحده وحده هذن ختم ملكيتي .

ـ أسيـــا صدك تحجين هسه شسوي بسوالفج باجر التحق حظ الحلو تسويني مزق كدام جماعتي .

ـ ولا يهمك هسه اخفيهن ألك لحظه طلعت خافي العيوب تعال أكعد سحبته من ايده واجه وراي كعدت بحضنه وهو صافن على حركاتي ولبسي غمزتله وين بالك

ـ يمج حبيبي كملي

ـ اخلي ببطئ وهو نظراته ربكتني لاتباوعلي هيج أدوخ

ـ هو أنتِ دايخه؟

ـ صفنت بوجهه وإبتسمت دايخه بيك يله كملت تقرب صفن بوجهي واخذ شفايفي بهدوء وبادلته بس داخلي نار منه شيء يكولي استمر وشي يكولي انفري شنفر روحي بي وتقربلي لن دوخته واستمر بالموجه وضلينا بغرفتنا وبعدها نمنا بنوم وسبات عميق ..

عصام تعبانه

عصام ـ روحه لعصام اسف حبيبي

أسيا ـ متصرفلي الاسف كوم اسبح واسبح وراك

ـ كومي أسبحج بيدي يله

ـ لا عصام ما أحب عوفني

ـ ماكو متصرفلي لا

ـ أخذني لحمام وسبحني مثل الطفله ولفني زين

ـ يله ادعبلي اريد اسبح

ـ شكراً

ـ العفو يابه

ـ طلعت من الحمام ودخلت الواتساب لكيتها دازتله

هديل ـ وين صرت طولت عليه ترى راح اتصل هالمره وما التزم بكلامك شتسوي بيه سوي عادي ميهمني غيرك .

أسيا ـ جنت نايم بس افوت اسبح شافتها وما ردت
حذفت رسالتي وبقيت رسالتها وسويت الرسائل غير مقروءه وعفت التلفون وكمت لبست وسشورت شعري وخليت معطرات جسم وخليت كريمات وترتبت كامل وهو طلع اجه ناحيتي رفعت نفسي اخفي الاثار

ـ على كيفج صايره قاسيه

ـ دنطيني مجال واني اخفي بيهن أتصل تلفونه ضل واكف طبيعي ما أهتز يله كملت رجع يخلي معطرات جسم ومشط شعره وشواربه وتلفونه يرن واني سويت روحي مو يمي السالفه ولا ابالي كمل واخذ تلفون گلب بي وباوعلي رجعت اعدل بشعري

ـ اني طالع محتاجين شيء من برىٰ.

ـ لا سلامتك أذا احتاج اتصل عليك

ـ ماشي حبيبي .

ـ طلع وصفنت على روحي بالمرايا والأثر برقبتي تلمسته بحزن وصدمه اني شكد غبيه ليش هيج أستسلمت اله وهو خاين لا وفواكاه تدللته على الإخير غرقته بالإهتمام الحب والعاطفه هو ما يستاهل ذره حب مني شمرت الحمره بالكاع وبجيت بقهر خليت ࢪأسي بالمخده وابجي ليش خنتني ليش مو اني حبيبتك مو اني روحك ليش ما يغزر بيك كلشي ليش شسويلك بعد أكثر من هيج

" مرت نص ساعه تعبت وكمت غسلت وقررت بعد اتجاهله شيصير خل يصير كمت غيرت الجرجف ورتبت الغرفه وغسلت ملابسنا نشرتهن ومغصتني بطني صار عندي وجع قوي يبووه وگتج هسه اني الثوله هم ما أخذت حذري ولا هو يدري ويأخذ باله يمكن العلاقه أثرت على الطفل الله ياخذج هديل كسرتي فرحتي بطفلي حتى ولا كلتله ما عنده علم

" طلعت يم عمتي بقيت كاعده وتسولف على أخوها ومرت أخوها متعاركين هما وزوجة شاهين تحجي واني بالي يمه تأخر وين صار معقوله راح يشوفهاا.

وصال ـ ادري مخليه عقلج ويه جنتج جان أستحيتي مره غريبه تطردينها من ورا بناتج كل وحده بكد البغل زوجيهن وخلصي واشتري راحتج وراحة بال أبنج على شنو هالمشاكل يحظي .

أسيا ـ ليش طاردتها

ـ متعاركه هي وياها كومي وطرديها من البيت وشاهين بالدوام سوده عليه خابرني گلبه محترك هالولد أنشلع گلبه بهل الزواج فلا شاف الراحه يوميه مشاكل هو وأمه وأخواته لو ضال عزابي اشرفله .

أسيا ـ قسمته بعد فتحت التلفون الواتساب نشط الان تراسلها مو كمت أتصلت عليه مشغول ! عقل ما ضل برأسي كمت ركعت التلفون قوي على الميز الا عمتي فزت ونهضت بخوف

واصل ـ أسيا شبيج امي وگعتي گلبي صاير شيء!

أسيا ـ أسفه عمه خوفتج بس أعصابي تعبانه عن إذنج دخلت الغرفه واباوع لحسابه نشط الان وأفتر بالغرفه واضرب بࢪاسي ليش ليش ليش ياربي ليش

وكعت بالكاع واضرب على وجهي ليش مو قبل ساعه جنت بين إيديه جنت بحضني حتى وانت تخون بيه اني ما مقصره وياك شسويلك بعد شصيرلك علمود اشبع عينك الفارغه شلكيت بيها وما لكيته بيه شلكيت ضليت بالكاع ابجي ونار نار بگلبي الا ان تعبت وحيلي أنهد دخلت الحمام غسلت بماي بارد وضليت أباوع المرايا والحقد مرسوم على ملامح وجهي وطاغي ومعتم لهنا وينتهي گلشي ما اكدر اصبر وأتحمل اكثر ما أكدر لعبت نفسي من هالقرف

" بنتي كعدت تصرخ يربي انطيني الصبر والقوه نشفت وجهي وطلعت عليها شلتها بحضني واراضيها اسفه يا ماما اسفه يروحي اسفه حبيبتي لميتها بحضني وأبوس بيها وضلت صافنه بوجهي وبجيت وشهكت وهي شافتني برطمت وكامت تبجي يمه سوده بوجهي لا حبيبي لا عمري لا ماما لالالا ..

" سمعت صوت الباب أنفتح مسحت دموعي وكمت افتر بيها علمود لايباوعلي ودخل هو وكرم مشترين واجاني كرم فرحان يبوس بإخته

كرم ـ هذن اشتريناهن الج هذن بابا وهذن اني تحبين شوكولا

عصام ـ وتحب الكرواسون جبتلج كارتون

أسيا ـ شكراً حبيبي اخذتهن منه وعبرته ودنگت ارتبهن بالثلاجه وهي بحضني

ـ جيبيها يمي تعالي بابا تعالي

ـ اخذها مني وعيني على تلفونه بيده يتصل وصامت!
درت وجهي ونزلت دمعتي مسحتها على السسريع

ـ تجهزوا نطلع نتعشى برى

ـ كملت وجاوبته بثكل ما يحتاج

ـ شبيج

ـ ما بيه شيء كرم تعال اغيرلك ملابس علمود تروح ويه ابوك تتعشون أنتَ وياه اني ما اروح

ـ وليش ما تروحين

ـ ما اروح وخلص كافي تلح .

ـ لاتتنرين بوجهي طبج مرض لاتروحين مو وجه نعمه لا والله امشي كرم نروح اني وياك .

كرم ـ ماما تعالي ويانا

عصام ـ الولد يتوسل بيج كومي لبسي لخاطره

أسيا ـ روحوا ماما ما أروح

عصام ـ امشي بابا عوفها اجنها جنانني هسه ركبنها

أسيا ـ أستغفر الله وأتوب اليه يارب منك الصبر كرم تعال اغيرلك ملابسك اخذته كشخته ورشيتله عطر وطلع انيق بشكل مديت ࢪأسي واكف يلاعب بنته يله روح وتونس حبيبي عود صور نفسك تمام

كرم ـ اي تمام ماما

أسيا ـ حبيبي حضنته وبسته وهو يباوعلي بشك يله ابوك ينتظرك مشوا وباوعلي نظره وصديت وجهي عنه وشلت جود دخلت الغرفه دزلي رساله .

عصام ـ شبيج خلقتج أنگلب شصارلج عفتج مثل الورد ارجع الكي وجهج يلطم شگوو .

أسيا ـ ما جاوبته طفح الكيل منه ومن سوالفه صرت ما اطيق اشوف اسمه مو بس شگله وصوته ورسائله
رجع دزلي

ـ ليش ما تجاوبين

ـ ما جاوبته

ـ أسيا شبيج ابويه

ـ ما جاوبته عفت رسالته معلقه

ـ ابقي متنحه ابقي

ـ بقيتت رسائله معلقه ما فتحتهن واخذت جود رحت ساعدت عمتي بالعشى وصبينا واجه عمي ومجد وكعدنا نتعشى سألوا على عصام وجاوبتهم بس عمي ضل يباوع لعمتي بنظرات يعني شكو شبيهم حسس الوضع مو مطمئن ..

" كملت شغلي وكعدت شويه وياهم عمتي جانت تحجي ويه ازهار عمي ما حجه بس باله يم عمتي شنو تحجي وياها واشرلها بأيده يعني محتاجه مصرف هزتله ࢪأسها لا وبعدها ترخصت منهم واخذت بنتي نومتها وبقيت كاعده فتحت واتساب من زمان ما فاتح شعجب مو بالعاده ..

" بقيت كاعده وأني أتصفح طلع كدامي تعليق منور باشا لصورته من حساب دخلت الحساب نفس الصوره يعني مسويه حساب جديد شنو من صنف النساء ادري رجلج وينه عنج وهيج مبقيج على حل شعرج يا مسكين ما مقهوره بس عليك مخليها بيتك وهي بكيفها تهجم بيتي بس السبب مو بس منها السبب من زلمتي سامح الها ومنطيها مجال

" رجعت اشوف التعليق ولكيته محذوف حذفه!
اذن خاف او شك اني شگيت بشيءوحذفه او كالها تحذفه والواتساب ما متواجد اذن تحولوا المراسله على الماسنجر دخلت لكيته نشط الأن اي احجي وياها على راحة راحتك هو راح اعوفك الها خل تشبع بفضالتي الخايسه اعوفكم بخياسكم وقذارتكم

غلقت الانترنت وخليته على الشحن وحضنت نفسي واني هادئه من الخارج محتركه من الداخل شعور مألم من تعاني لوحدك وهو عايش حياته على حساب أذيتي ...

" بعمق نومي فتحت عيني على حركته بعصبيه من أتجاهله يعارك الحياطين وكلشي كدامه يفرغ قهره بي ركع باب الكنتور وصحت بي على كيفك جود نايمه جر ملابسه ودخل الحمام شكد صلف

عصام ـ عليمن صلف أســــيا .

أسيا ـ ما جاوبته كمت رضعتها وشفت كرم مغيرله ملابسه ونايم بتعب صفنت عليه وبجيت وبسته من اصابعه فدوة لهل النومه .

" راسلت أزهار وطلع هو مزعوج ومعصب اعرفه يريد قربي يمه لن باجر يتلحق لازم يرتاح قبلها ويودعني وهو مطمئن عليه .

" نام بصفي وأنطاني ظهره واني كذلك عاملته بالمثل والصبح كعدت ما لكيته كمت مفزوعه كل ظني بالحمام ما يسويها ويروح لا عصام عصام وتوقفت من شفت ملابسه على الجربايه حسبي الله عليج يا هديل شتتيتنا وخربتي حياتنا واخذتي مني .

" فتحت التلفون گبل وصلتني رساله منه

عصام ـ شبعت بوس وهمس ولمس وأنتِ مو حاسه شبيج صايره تخربين على النوم فاقده على الأخير والتحقت واني شبعان ومرتوي منج ما كعدتج لن
ما انطاني گلبي اخرب نومتج الأحبها أحبج عشگي

أسيا ـ قريتها واني دموعي تنزل على شاشة التلفون اخرب على النوم لن حامل بإبنك وأنتَ ما عندك علم عفت التلفون وما جاوبته بقيت صافنه والافكار أكلت ࢪأسي أكل ومر يومين اني حيل تعبت وصخنت وعمتي وصال ما عافتني ونامت يمي وهو صار عنده علم لن يتصل وعمتي تحجي وياه بس اني ما حجيت وياه نهائي لن ما اريده بعد .

" لليل الجهال نايمين على الجربايه بصفي دزلي

عصام ـ شلونج حبيبتي

أسيا ـ زينه

ـ باجر روحي الدكتوره جيگي اوضاعج شنو سبب الصخونه

ـ ما يحتاج

ـ لا يحتاج بس أعرفج عناد واني من اجي اوديج

ـ كيفك أريد احجي وياك كاميرا

ـ ما أكدر

ـ ليش

ـ عندي شغل هسه

ـ تمام على راحتك نهيت المراسله وياه وأتصلت على الخط لكيته مشغول يعني يحجي وياها ويراسلني ليا ناقص على هالسالفه شمرت التلفون تخبلت رجعت اتصلت نفس شيء بقيت لوحدي ابجي واعاني منو اللي المن اروح وما لكيت نفسي غير متصله على أزهار جاوبتي ازهار تعالي فدوه

أزهار ـ هاا يروحي شبيج

ـ مخنوكه راح أموت

ـ اسم الله عليج استغفري الله واحجيلي

ـ اريدج يمي طگيت لوحدي گلبي يريد ينفجر كلشي صار أكثر من طاقتي ما اكدر بعد ..

ـ تعالي مراسله هشام يمي

ـ تمام قطعت الأتصال وحجيت ألها

ـ شوفي تصرفاتج كلها غلط أنتِ هيج خربتي كلشي يعني تحملتي وهسه تخربين گلشي .

ـ مو بيدي ازهار نار بگلبي تفهميني منو يفهمني ويحس بشعوري مره رجلها جاي يخونها تعرفين شنـــو خيانه .

ـ ميخالف خليج قويه تعرفين شتسوين هسه

ـ شسوي

ـ كوليله مشتاقتلك

ـ خرب بإفكارج ازهار اني كارهته اموت منه شتحجين أنتِ .

ـ لعد شلون والله ما ادري دخت وياج

ـ تكدرين تجين باجر

ـ اي عادي اجي تدللي الصبح من يطلع الشغل خلي يوصلني تمام

ـ اي فدواتج كلش محتاجتج محتاجه حضنج

ـ يمه وليدي باجر اني يمك واشبعك حضن ليش حضن عصام ما مكفي

ـ لاتخليني أغسل السيره الذاتيه مالته عوفيلي عصام هسه خليج بيه

ـ الصبح يمج اوك

ـ انتظرج رجعي نامي اسفه قلقتج

ـ ولا يهمج أنتِ روحي وأنتي هم نامي وارتاحي

أسيا ـ تمام حبيبي نهيت المراسله ولكيته كومه دازلي رسائل لن مسويتله تقيد

عصام ـ أسيا اسيا يمعوده أسيا گلبي وينج زعلتي خرب بحظ الكواد وانعل عصام ولشته جاوبيني شنو نمتي لا ما نمتي طنگرتي عليه خير أن شاءالله .

ـ عفته ونمت وكعدت الصبح على صوت الباب يدك كمت نعسانه منو

ازهار ـ اني ولج فتحي اعرف غباشه جايتج بس شسوي رجلي من الفجر يطلع لشغل

أسيا ـ ازهار فتحت الباب وحضنتها بكل قوتي وبجيت بحضنها مشتاقتلج ردت الباب وكعدنا بالصاله وابوس بيها وهي كذلك وتمسح بدموعي اخذتني بحضنها ازهار الخيانه تموت

ازهار ـ الله يعين گلبج أنتِ مؤمنه خليج قويه لاتخلين هديل وامثالها يأثرن عليج ويخربن بيتج والله هدفها واضح هديل تريد تهجم بيتج ونيتها واضحه من كلامها واني مو ادافع لاخويه بس ما منطيها مجال ولا منطي بيج كدامها

أنتِ مو قريتي المحادثات كلها ما لاحظتي عصام كلامه متناقض عصام مو خالي والله مو خالي لن حبكم قوي مستحيل يفرط بيج وبحبج شغلي مخج وفكري بالاحداث كلها من يوم ما هديل دخلت حياتكم لحد هاي اللحظه ترى هواي أمثالها خربن بيوت وعساها لاتهنت بحياتها هل الساقطه والله العظيم فد مصدومه بيها معقوله تربيه عمي علوان هيج تطلع هديل السكط يمه عقلي راح يوكف نوب شفتي شكتبب مشتاقتلك وحبيبي عزا عزا شتحس

أسيا ـ تحجي واني صافنه وجاوبتها بهدوء لهنا وگافي

ـ گافي على شـنو

ـ عـلىٰ گلشي

ـ أسيا باوعيني وأحجي وياي على شنو ناويه

ـ على كل الخير خلص هاي هي أتخذت قراري

وصال ـ أسيا ازهار أنتِ أهنا أمي

ازهار ـ امي اجتي سكتي مسحي دموعي تصرفي طبيعي بعدين نحجي تمام اي ماما اهنا .

أسيا ـ مسحت دموعي وكامت فتحت الباب وسلمت عليها

وصال ـ اي عيني من الباب گبل تفونين عليها متكولين أمي اسال عليها لوحدها حتى ابوج راح الدوام بس اني ومجد واجاني كالي ازهار اجتي من الصبح شوفيها خاف متعاركه تعالي احجيلي خوما متعاركه ولج شجابج من الصبح حلمانه بإسيا .

ازهار ـ لا يمه لاتخافين ما متعاركه يله تعالي احجيلج اسيا غسلي وجيبي الجهال وتعالي .

أسيا ـ غمزتلي وراحت دخلت الغرفه اخذت تلفوني لكيته متصل عليه هواي تجاهلته أنتَ بعدين اتفرغلك وارجعلك هسه خلي اخلص من عشيقتك وجايكم الدور واحد واحد ومن عيوني الاثنين شلون مجهزتلكم سبرايز عالمي!!

"دخلت الفيسبوك دورت على حسابها الجديد لكيته نفس صورة الواتساب ام الحسابات اجتج نهايتج على ايدي ما وراج زلم بس وراج اسيا عبالج أغادر الساحه واعوفج تاخذين راحتج لا حبيبة البي اذا ما امسح بيج الكاع اني مو بنت ابويه النايم جوه التراب اني أسيا بس أسمي كافي عليج يهزج ويهز عرشج يا ساقطه ..

اخذت سكرين لحسابها ودخلت على حساب عصام دورت على حساب أخوانها دخلت التعليقات لكيت حساب أخوها حارث تعال أنتَ تبين خوش زلمه بس اختك قحبه دخلت حسابه وزوجها المسكين شلون الكاه وينك وينك اقرأ بالتعليقات وينك وينك أي هذا أنت سيف عرفته من صورته وصورة اطفاله هذول جهالها اي أهلاً واخيراً لقيتك يا أخي لازم تتوضح الك الحقيقه صفنت المن ادزهن؟

لـ أخوها حارث لو لـ زوجها سيف اي واحد منهم؟

" بعد معركه دامت دقايق قصيره وقع الأختيار على سيف اخذت نفس دخلت اله خاص السلام عليكم اخويه دزيتها وعفت التلفون ودخلت سبحت وتعطرت وخليت مكياج واوا ودخلت ازهار نظفنا الغرفه وسبحنا الجهال بس ما كتلها شنو سويت عفتها تلعب جود ومشغله الهم التلفزيون بالصاله
فتحت التلفون واصلتني رساله منه منذ عشر دقايق

سيف ـ وعليكم السلام اتفضلي .

أسيا ـ لحظات توصلك سكرينات

ـ سكرينات لـ شــنو

ـ ما جاوبته ما اريد اخذ وانطي بالكلام عيب رجال غريب شيكول عليه دخلت المعرض حددت كل السكرينات ما بقيت ولا سكرين واخر شيء سكرين حسابها رسلتهن وانتظرت دقايق انرسلهن كلهن وانطيته حظر باي هديل باي حبيبتي جنتي خوش بنيه الله يرحمج مقدماً على روحج السلام والفاتحه .

فزيت على ازهار وكعتي گلبي عبالي اخوج سحبت التلفون مني وعلى ملامحها الدهشه وفاتحه حلكها

ازهار ـ أسيا إشسويتي

أسيا ـ سويت اللي لازم اسوي

ـ ولج إشسويتي صخام بوجهج شو هيج ليش رسلتيهن لزوجها عزا هذا سيف شلون تتصرفين من ࢪأسج بدون ما تكوليلي تدرين راح تعلنين حرب

ـ هذا هو

ـ أسيا ععوفيلي بردوج تدرين راح تسوين سالفه جبيره وتقيم القايمه وتشبين نار بين العمان وبين رجلها وهي منتهين منها تطلكت اذا ما تنذبح عزا العزاج أسيا
ونسيتي عصام اكثر واحد ينضر لا والقهر دازتهن بدون متقصين صورته يربي حتى داخل الواتساب ومحادثات اصدقائة ورافع من ضمنهم يعني دليل ثابت تردين تكسرين ركبته يمصخمه مو هيج مو هيج .

ـ كامت ادك وتلطم وتلفوني بيدها وعمتي صاحتلنا

وصال ـ ازهار وينج يمه تعالي أخوج مروان نزل تعالي سلمي على أخوج والريوك جاهز صيحي أسيا والجهال وياج يله تعالن .

أسيا ـ امشي نتريك هسه مروان يسأل عليج

ازهار ـ الله يستر امشي

أسيا ـ طلعنا اني وياها وهي شايله جود وكرم كدامنه ركض على عمه اخذه بحضنه يبوس بي وعمتي مجهزه الريوك على الميز بالصاله سلمت عليه وكام سلم على ازهار وكعدنا نتريك وحده تباوع الثانيه .

" واحنه كاعدين رن تلفون مروان كام فتح الخط

مروان ـ هلا عصام

عصام ـ أسيا تلفونها وين

مروان ـ أسيا تلفونج وين

أسيا ـ بالغرفه

مروان ـ شگوو شبيك تصيح الو شكو متصل لعد وتسده بوجهي خليني أتزقنب براحتي .

أسيا ـ انشال البيت وأنركع بصوت الهورن مالت سيارته باوعنا الكاميرات عصام .

مروان ـ هذا شبي تخبل مجد كوم افتحله .

أسيا ـ أخذت نفس ومجد كام وازهار تباوعلي بخوف وعمتي تباوعلنا شكت أكو شئ ومروان يأكل مو داري بالدنيا شگو دقايق وعلن عن حضوره وصاح بعلوا صوته رج البيت رج

عصام ـ أســــــــــيا اليوم أشــــــرب مـــــن دمج .




يتبع