لهاي المجالس خدام وبكل زمن نحيها

1
يبقى العزا بسم الرسول وآله
من عدنه ونات الحزن تتعاله
هنياله يخدم للنبي هنياله

لابسهن ثياب السود وأم الوفه يواسيها

2
هاي المجالس والله ماننساها
نحيى ونموت ومانزل وياها
قول الإمام الصادق الحياها

أحيوها أمرنا بكل يوم وهل كلمة نفخر بيها

3
بينه أعله فقد الهادي جمره وحسرة
ماتنطفي طول الدهر مستعرة
دايم ننادي ويلي يابو الزهرة

هليلة دمعات العين من دم نضل نجريها
4
أول مصيبة الليلة حلت بينه
ليلة رحيل المصطفى هادينه
آخر صفر نسمع خبر ياذينه

ينفطر جبد المختار وينعه بحزن ناعيها

5
ندري القلب من الدمع مايشفه
وقلب الزجية الليلة فايض نزفه
جف الغدر ماعدنه رحمة ورئفه

يتم الزهرة بهل اليوم بس تنحب مخليها

6
تبجي أعله فكده واحنه نبجي عليها
لمن تضل وحدها من يحميها
ذيج الظليمه باجر اتأذيها

بنت الهدى ماترتاح من يرتحل هاديها

7
يدري مصاب الزهرة يحصل بعده
ويكلها من بعدي أنتي أول وحده
ضلعج يكسره الضالم أبكل حقده

يافاطمة وهاي العين بدموعج تغمضيها

8
ونضل نواسي فاطمة بدمعتنه
ولحد ظهور المنتظر حسرتنه
باجر يجي وبيده ترف رايتنه

وأهل الغدر وأهل الجور بسيف الولي يفنها

شطره
امجد صاحب الشطري

https://www.tg-me.com/oydgh

كل يوم مجروح بجرح يوم بسهم يوم برمح
يوم بدمه وسم


1
آنه الإمام العسكري أبديها من وين
من الطبره لو من الضلع لو من الحسين
لو من سهم نعش الحسن والناس صوبين
لو أشكي جرح مصيبتي وي ساعة البنين

حرك الخيم سبي الحرم بيه تركت حسره وألم
حيلي تهدم


2
من فكد جدي المصطفى ياناس لليوم
ماشفت فرحة بدنيتي بس شفت الهموم
واحدنا لو خلّص ذبح لو خلص مسموم
هلال الحزن من الزغر بعيوني مرسوم

صوتي بقه ماينسمع من شهكه الون والدمع
قلبي تألم


3
ياموقف أذكر ياجرح والبيه بيه
الــ هجمو على أمي فاطمة هجمو عليه
تذكرت محسن من وكع ذيج المسيه
وكسر الضلوع وسطره والنار السريه

ناديت والمدمع دمه يافاطمة يافاطمة
ضلعج تهشم


4
كل يوم أنصبلي عزه والناعي أحَضره
أتصور حسين وشمر من يحز نحره
ويكلي عذراً سيدي وآنه أكله أقره
كلي الخيول بلا رحم هشمت صدره

من الكفه أنحز منحره وثنعش مره طبّره
بعاشر محرم

5
حنيت وبطبعه اليحن ينبض حنينه
مره أصد الكربله مره المدينة
للكاظمية روحي مشتاقة وحزينة
وين إلي يحضر دفنتي من أحبابي وينه

هليلة سمو جبدتي يامحنتي ياحسرتي
وبموتي اعلم


6
بس الامام المنتظر باقي من الأحباب
هو التكفل دفنتي يوم الجبد ذاب
الله يعينه حين هال اعليه التراب
لليوم قبلة مابرد وجرحه ولاطاب

محزون من هذا الخبر جبده نعصر ظهره انكسر
لموتي تالم

بغداد
امجد صاحب الشطري

https://www.tg-me.com/oydgh

وداعت الله يالزجية

اداء الملا #سجاد_الكعبي
كلمات #أمجد_الشطري

https://youtu.be/MkGmPliIIYk?si=g31dU_16Q-lRxlLG

مضيف الامام المحسن ع
العراق محافظة واسط-ناحية واسط الدجيلي 2023

بيّن الليلة أنكساري
ماطفت بضلوعي ناري
يا أبو الذر الغفاري

1
أنت يابو ذر أنت من أصحابي
حيرة هليلة منين أبدي مصابي
عصرو الزهرة وبعد حركو بابي
وطاح محسنها وفاركوني أحبابي

دفعها صفعها كسرها بضلعها

والله يابو ذر جريمة
ينكسر ضلع اليتيمة
ويخله من الزهرة داري


2
أنا الهاضمني وحيل أثر بيه
لمن عالزهره هجموا ثلث ميه
جيت أحاميها لكيتها محنية
تكلي هضموني وقسوا حيل عليه

تفطر تغير وجهها يبو ذر

نعلت الله عالسطرها
نعلت الله عالعصرها
وخله دمع العين جاري






3
شفت المصيبة لطمت وجهي بيدي
مدري اشيلنها مدري أشيل أوليدي
وصية الهادي هي صارت كيدي
بعد عالزهرة يابو ذر شبيدي

أجلها وصلها وتيتم بعلها

يابو ذر لو مالوصية
لكلب الدنيا بأديه
واعلن بزودي انتصاري






4
شلون تتاجره على الدار الزمرة
وتزرع أبيتي هالمصيبة الكبرى
تدري والأعظم شقررو عالزهرة ؟
فدك يتسلب وضلع منها أتكسره !

مصيبة بمصيبة شسولف عجيبة

واحد بسوطه ضربها
واحد بحقده رعبها
وبحسرتي أنظر فقاري






4
راحت الزهرة راحت أم عيالي
ضاعت أحلامي وأنكسر دلالي
الدم على الحايط بعيني شفته كبالي
من بعد فاطم كلشي مايحلالي

عذابي وعتابي أعله فاطم مصابي

فاطمة شخلت ورآها
راحت المالي سواها
والهجر بعروقي ساري






6
مابقه عندي غير وني ونوحي
من يواسيني من يطيب أجروحي
ريت يابو ذر وياها تأخذ روحي
ولا يظل عمري للمصايب يوحي

شبكالي شصفالي سبتني الليالي

عندي كل غالي خسرته
من نعشها الزهرة شلته
وأفتر بذيج البراري

بغداد
امجد صاحب الشطري

https://www.tg-me.com/oydgh

ماتت أمي وآنه طلعت روحي
ماتت أمي مـاتطيـب أجروحي
أمي راحت من أدية محد يعوضها إليه
ماتت أمي

1
العنده أم بالدنيا خل يشكر نعمته
والتموت أمه تره يموت بحسرته
أجمل أيامي أنا وعمري إلي عشته
ماي وبصحره تبده وماجمعته

راح كلشي وضاع حلم سنيني
راح كلشي وصورة أمي بعيني
الفاضلة الحرة النقية محد يعوضها إليه
ماتت أمي


2
أمي جنة ومؤمنه وطيب حجيها
الرحمة تنزل كلها من ترفع أديها
يصير أمي فاطمة يشتمون بيها !
وهي خلف الباب ويدفعوا عليها

ماكو رحمة بلا خجل أذوها
ماكو رحمة بنت نبي وضربوها
وكعت وصارت ضحية محد يعوضها إليه
ماتت أمي







3
أمي شمعة بيتنا وطفوا ضواها
مشت وأيتام أربعة خلت ورآها
كون أخذني الموت آنه ومأخذاها
الدنيا ماتسوه عكب ساعة جفاها

شلونه حالي وأمي ميته كبالي
شلونه حالي وضيعت أمالي
الجنت وياها سويه محد يعوضها إليه
ماتت أمي







4
أمي ماشافت ولا راحة بعمرها
ثمنطعش عام ومشت سكنت قبرها
الله لايرحم شكو واحد عصرها
والله لا ينطي الرفع أيده وسطرها

مارعوها بلا ضلع خلوها
مارعوها ونارهم شبوها
التسوه كل هاي البرية محد يعوضها إليه
ماتت أمي







5
أمي أخر مره بالعتبة شفتها
قبلتها بدمعتي وبيدي أحضنتها
بأخر الأنفاس وصتني سمعتها
تكلي بالج عالاخو من ودعتها

عضيدج حسين يمه ميرحمونه
عضيدج حسين بكربله يذبحونه
باجر أصحاب الحمية محد يعوضها إليه
ماتت أمي

بغداد
امجد صاحب الشطري

https://www.tg-me.com/oydgh

مظلومة يزهراء مهمومة يزهراء
محرومة يزهراء مهضومة يزهراء

1
كاتب فوك الجبين ماعوف العزيه
عمري ودمعة العين فدوه للزجيه
لا ماوافي للموت لو كطعت أديه
قلبي لهذا المصاب مشغول بونينه

مظلومة يزهراء مهمومة يزهراء
محرومة يزهراء مهضومة يزهراء

2
بثوب اسود أجي زحوف وتعنه المأتم
واهتف لام الحسين خادم وأبقى خادم
ناذر كل الاسنين لأجل الزهرة فاطم
لآخر لحضة وياج يابضعه نبينه

مظلومة يزهراء مهمومة يزهراء
محرومة يزهراء مهضومة يزهراء
3
فاطم سرها مكنون بس عند الله سرها
هاي الدنيا والكون مخلوقه البدرها
افخر من يكولون خادم تحت أمرها
كون عليه ترضين يازهرة الحزينة

مظلومة يزهراء مهمومة يزهراء
محرومة يزهراء مهضومة يزهراء

4
فوك الراية خطت جلمة وبيها غاية
فاطم بالبداية وفاطم بالنهاية
شما بيه الزمن دار بالهم والرزايا
عمري بوجه الأخطار ماترجف سنينه

مظلومة يزهراء مهمومة يزهراء
محرومة يزهراء مهضومة يزهراء

5
لو ظل بالعمر يوم أحيها الشعاير
شيعي ورافع الرأس بالخدمة وأفاخر
اسم الزهرة للموت يعله أعله المنابر
فاطم باجر تصير للخادم سفينة

مظلومة يزهراء مهمومة يزهراء
محرومة يزهراء مهضومة يزهراء

6
بس اليملك إحساس والطاهر حليبه
يذكر عملت الباب ومصاب الغريبة
ماتطفه بالقلوب نيران المصيبة
لمن صاحب الثار يظهر بالمدينة

مظلومة يزهراء مهمومة يزهراء
محرومة يزهراء مهضومة يزهراء

شطره
امجد صاحب الشطري

https://www.tg-me.com/oydgh

يكشفهه

اداء ملا #محمد_بوجباره
كلمات #أمجد_الشطري

مجلس عزاء شهادة الزهراء ع 1445
هيئة حامل اللواء استراليا سدني

https://youtu.be/7Hjyj4YyW08?si=mtTqKOLDsrMpQwTh

عظم الله أجرك يبو أتراب
باللحـد وســدت الأحبــاب
وردة ماتت بين أديك بعــد فاطــــم ماتجيك

1
عظم أجرك بفاطـم راحت مـن إيـدك وسف
مارجف قلبك بكلشي بموتـة الزهرة رجف
ويـن وداكـم زمنكـم والدمـه الطاهــر نزف
فاطمة بأرض المدينـة وأنـت نايـم بالنجف

جنتــــو ياحيـــدر قريبيــن
هســه اصبحتـــو بعيديــن
تــره المتعلمـة عليك بعــد فاطــــم ماتجيك




2
من اجيت وشفت بيتك ناره حمرة ومضرمه
كمــت تصــرخ يالحبيبـــة فاطمــــة يافاطمة
مـن دخلـت الـدار حايــر دمعتـك صبـت دمه
لاحضـت بسمــار بيهــا والضلـوع أمهشمه

الحايط من العصرة محفــور
والضلــع ياعلــــي مكســـور
هل الشماته جارحيك بعــد فاطــــم ماتجيك

3
من شلت فاطم نعشها شلون وضعك ياعلي
اجفـــوفـك الفــت جفنهـــا ماكلتهــا أتمهلي
هـاي مـو عالبال جانـت بيتـك أيصبـح خلي
ياعلـي اليفكــد حبايــب همــه ابـد ماينجلي

صعبة من أتـــودع إعزاز
والهـا أنــــت تصيـر جناز
جم حزن جم حسرة بيك بعــد فاطــــم ماتجيك
4
شلـون أيـدك طـــاوعتهـا حفـرت الفاطم قبر
نزلتهـا بحفــرة ظلمـة والهــوى بريتـك يمر
دمعتـك ظلــت تــلالـي عالتُــرب نزلـت جمر
يـاعلــي الله يعينــك عـايــش وعنــدك صبر

من خِله من فاطمه البيـت
يمهـــا تتــوســـت تمنيـت
ردت مــوتــك يعينيك بعــد فاطــــم ماتجيك

5
مـن الدفـن خلصـت حيـدر والعقيلــة اتلكتك
بويه وين أمي العزيزة وانحبت مـن سألتك
أنـت أول مـرة توكـع واجـت زينـب شبكتك
مدري تبجي لفكد أمها مدري تبجي لحالتك

الانحبهـــــــم مــايضلــون
غفلة وبسرعة يروحـــون
أنـت خيمـة حاسبيـك بعـــد فاطــم ماتجيك

6
ياعلــي لـو ما الوصيــة جــان محــد كيدك
جان تلبس ثوب الأصفر والزجية أتشاهدك
وجــان مايوكــف أبابـك جـم نــذل ويهددك
أنت كلشي أيخـاف منـك الليلة الله يساعدك

ابنك وفاطم يبــو احسيــن
ماتـوا وجتفـوهـا الايديــن
الوصيــة أثرت بيك بعــد فاطــم ماتجيك

بغداد
امجد صاحب الشطري

https://www.tg-me.com/oydgh

نقســم قســم والله ثــارج فــلا ننساه
يــازهــراء يــازهـــراء

1
نقسـم بـرب الجـلالـة ويشهـــد الله أعلينـــه
السطــر عينــج يـزهـــرا إلا نسطـر عينـــه
احنه عدنه المهدي نفخر هل أسـم يكفينـــه
يطلـــب الثـــارات كـلهــا بقبـــرج أيدلينـــه

وبسيفه حقنـه أيعود للمهـدي كلنه أجنود
يــازهــراء يــازهـــراء





2
بــاجـر بثــارج نطـالــب والخصـــم منعوفـه
مستعـــديـن النتصـرتــج والــزلــم معروفـة
المهدي يظهـر بيده راية كلها راح أتشوفـه
والتعـــده عليـج هـــو إلــي يقـص اجفوفـه

الشب الحطب ملعون خلــص حياتـه يخون
يــازهــراء يــازهـــراء

3
احنــه مانتنـــــازل احنــــه بالعلــن قلناهـــا
عصره اضلوعــج يزهــرة والله ماننساهـــا
يالـــي ثـــارات الزجيــة كــل وكت نقراهـــا
كــــل أرض مـــن الخليقــة رايتــك نلقاهـــا

يم الحسن هيهات ماتنــزل الرايـــات
يــازهــراء يــازهـــراء
4
مــو مهــم دمنــه نـريقــه والشــرف نحتله
نمــوت مــن اجـل الشهـادة ومانموت بذلة
خــل يسمعــون الشماتــة والـي بيهــم خله
لــو جمــر درب الوديعــة نسحلـه ونوصله

نمشي ونصيح الثار خــدام ألـــج وانصار
يــازهــراء يــازهـــراء

5
شيعـة مانتـــرك دربنــــه للأبـــــد وفايــة
نطيــح كــل احنه سوية وماتطيح الرايــة
باجـر الــ ارض المدينــة نعتنــي مشايــة
والإمـــام أيســوي يمـج يالزجيـة أقرايـه

بالقامة والزنجيــل يمــج نهــد الحيــل
يــازهــراء يــازهـــراء
6
كافـي وصلـت حـدهـا كافـي مانريـد أنجامل
ردنه واحـد مثـل حيدر عنده غِيـرة وعـادل
الياوكت نبقى احنه سكتـه نقبـل أبكل فاشل
المـا يحــس بالنـاس هـذا كلـشي مايستاهل

كافـي الفقيـــر أيموت صحنه بعلات الصوت
يــازهــراء يــازهـــراء


شطره
امجــد صــاحب الشطـــري

https://www.tg-me.com/oydgh

أعلنها عالمنبر لو كطعو المنحر
أبقى آنه للمحشر زهرائي زهرائي

1
يا أم الحسن أقسم بالضلع
عن دربج أبد لا ما امتنع
شما دار الزمن عيني تصب دمع
ابقه لمحنتج كل يوم أنفجع

دام النفس بيه حزنج يظل بيه
كل عمري تاليه زهرائي زهرائي





2
ما أهتم لون كل يوم انهضم
لمصاب الضلع أوصل للعظم
آنه الخلصت عمري باللطم
من هذا الجزع مااريد أنحرم

بالون جبت عمري عاشك عشك فطري
كاتب على صدري زهرائي زهرائي

3
آني من المهد روحي خادمة
لأجل أم الحسن مرخوص الدمه
لو يلفي الأجل وصعد للسمة
تحضر شدتي الزهرة فاطمة

هي إلي تلزمني للجنة تأخذني
بالخدمة تعرفني زهرائي زهرائي

4
حبها من العلي للعالم وجب
فاطم للخلق هي أعظم سبب
هنياله الخدم وياها وتعب
باجر بالحشر تاجه من ذهب

فاطم هي النعمة فاطم هي الرحمة
واليوصل القمة زهرائي زهرائي

5
منبر فاطمة بي أبقه اعتلي
أقرب شي إلي وأقرب من هلي
عنه للأبد لا ماانجلي
بيه أتمسكت وماعوفه وعلي

نوّر إلي دربي وصار بوسط قلبي
عيني عليه تربي زهرائي زهرائي


6
احجيها بفخر جدام البشر
خادم فاطمة والــ أثني عشر
اقسم بالنبي وبفارس مضر
يبقه هالعشك في مر الدهر

ساداتي إلي سلوه ألها القلب يهوى
من آدم وحوه زهرائي زهرائي



بغداد
امجد صاحب الشطري

https://www.tg-me.com/oydgh

سقوط المحسن من النبي مرويه
حالة موت مو حالة طبيعية
ويلاه يافاطمة جم آه يافاطمة
___


١
حادثت السقوط منين نبديها
اولها كسر والحسرة تاليها
هذي فاطمة وينه اليواسيها

اعله ابنها وعالضلوع الغدت مدميه
ويلاه يافاطمة جم آه يافاطمة


٢
يوم الي سكط عالعتبه محسنها
شهكت فاطمة وظل يعتلي وَنها
الحك ياعلي طاح الطفل منها

صاحت والمصايب فزعت عليه
ويلاه يافاطمة جم آه يافاطمة


٣
المثل حيدر علي هاليلة شيصبره
على المحسن يناحب لو على الزهرة
لو يجري الدمع عالهادي أبو العتره

هو هالمصاب اليوم راعيه
ويلاه يافاطمة جم آه يافاطمة


٤
بكلبنه هالسقوط شكد ترك لوعة
محسن شنهو ذنبه وهَلن أدموعه
مثل أمه الزجية انكسرت أضلوعه

مات وكَبر بهل ليلة ناعية
ويلاه يافاطمة جم آه يافاطمة


٥
وكع محسن يشيعة مسبّح بدمه
وينه اليعتني له يشيله ويلمه
لاجده الرسول ولا علي يمه

بس الزهرة يمه وغدت محنيه
ويلاه يافاطمة جم آه يافاطمة

٦
تبقه بكل قلب ماتنطفي ناره
ودموع الخدم للموت تتجاره
بظهور المهدي باجر يطلب بثاره

يوم اليرفع الراية الحسينية
ويلاه يافاطمة جم آه يافاطمة

كربلاء المقدسة
امجد صاحب الشطري

https://www.tg-me.com/oydgh

دارج الليلة صفت ظلمة
وبدليلي سكنت الهضمة
منهو إلي يعوضني يايمه

1
أمي ياشمعة ضوه عيوني
رحتي مني وخابت ضنوني
بسطرتج جن آنه سطروني
ومثل اذيتج يمه أذوني

عذبوني مارعوني
يالحنينه ويتموني وضيعوني

هالمصيبة شسوت بحالي
أنتي ميتة والعدو كبالي
ضلعج كبالي نزف دمه

2
يمه لمن شفتج بعيني
حايره وكوه تحاجيني
صحتي زينب يمه الحكيني
نكسر ضلعي وسكطوا جنيني

روحي صاحت أمي راحت
يالحبيبه وكل حياتي مني ضاعت

يمج أبجي ودم يهل دمعي
كونه قبلج منكسر ضلعي
ولا اشوفن ساعة الهجمة





3
يمه بيج شسوت السطره
من الضرب ادري أصبحت حمرة
والدي المحد يهز كدره
وياي يبجي ومنكسر ظهره

وبنياحه وبجراحة
كلي زينب بعد فاطم ماكو راحة

عالجنازه شهكت أنفاسه
والضلع شيب شعر رأسه
صوبوج الما لهم رحمة





4
يمه ماجانت على بالي
الجنة كلها مدممه كبالي
الله يدري ويعلم بحالي
كلشي راح ودمعي يبرالي

والله هضمه الضاع حلمه
وياعذابه وياحسرته الماتت أمه

طبع البنيه تحن لمها
وكل عمرها ينكضي يمها
وآنه عمري بي ألف لجمه





5
الدار إذا مابيها أم غربه
تصير طبتها علي صعبة
آنه كلبي أعله الوفه تربه
مايعيش المنكسر كلبه

هذا حالي شلون تالي
راحت أمي وبيتي وحشه ومابكالي

أمي روحي ودنيتي وذخري
فاركتني وضيعت عمري
وبلساني مابقت كلمة





6
من الزغر متوارثة أحزاني
وكل حزن أصعب من الثاني
باجر أتحل لوعة أخواني
ويصبح أم الحزن عنواني

بالمصايب والنوايب
كلبي ذايب عالحبايب عالحبايب

آنه من سابع سنه بعمري
دمعي يجري ومنكسر ظهري
بريتي حتى ضاعت النسمه

شطره
امجد صاحب الشطري

https://www.tg-me.com/oydgh

🔳🔻 جديد 🔻🔳

قصيدة { مصيبة }

▪ الرادود 🎤 : #جمعة_حامد
▪ الشاعر 📝 : #أمجد_الشطري

▪ المناسبة 📅 :
استشهاد السيدة #فاطمة_الزهراء (ع) 1445 هـ
( الرواية الثالثة )

#حسينية_أبي_الفضل_العباس - #الصفار دولة الكويت

▪ رابط القصيدة :

https://youtu.be/CkWbbgljduQ?si=sJMzdpJhFrUKQoSV

ام عباس

اداء الملا #علي_الزهيري
كلمات #أمجد_الشطري

ليلة استشهاد #ام_البنين (ع) 1445
حسينية أبي الفضل العباس (ع) الصفار
دولة الكويت

https://youtu.be/COF4--Ti8VE?si=h9Tk4IGUip0XDiTu

هذا نور الله نورك ياعلي
ياولي الله يانعم الولي
جيتك تسر العين أهلاً يبو الحسنين


1
الليلة جبريل ورد جوري نثر
وطلعت النـاس تدور عالخبر
حايط البيت لابو الحملة انشطر
والنبي صاح هلا بفارس مضر

والأمر صار نعم واضح جلي
فارس بدر وحنين أهلاً يبو الحسنين



2
علي الكرار مثل وروع مثل
حكه جبريل على الكعبة نزل
الليلة وجه البدر كله أكتمل
لجيته نقره مواويل وغزل

بالمحافل هلاهل تعتلي
هالفرحة من سنين أهلاً يبو الحسنين


3
ياعلي اليوم زهت جنة عدن
والحواري بفرح يتعايدن
بسمك تصيح علي ياباالحسن
ليلة العيد ذكرها بكل الزمن

أنت حبنا وسندنا الأولي
صحنا يحامي الدين أهلاً يبو الحسنين


4
الكمرة كل يوم ضواها يعتلي
وأنت بس يوم بقه نورك جلي
الهادي سألوه عن السر الجلي
قبل الأصلاب خلق ربنا علي

علي الكرار سند هو إلي
خوتنه رمش وعين أهلاً يبو الحسنين


5
الله خلاك نجم وسط السمه
ياعلي وهاي عظيمة المكرمة
بليلة العيد دعتلك فاطمة
من الفردوس يحامي الحمه

أنت بعلي نعم وأنت الولي
روح بوسط جسمين أهلاً يبو الحسنين


6
كل الكلوب نعم صاحت سوه
أسم أبو حسين مثل شم الهوى
أنت داء العشك وأنت الدوه
وأنت سر الخلق والمحتوى

هالرسالة تألم عاذلي
بس حبه مختارين أهلاً يبو الحسنين

شطره
امجد صاحب الشطري

https://www.tg-me.com/oydgh

الليلة بسمانه أكتمـل بدر السعد
نور أبو الحسنين بالكعبة أنولد

1
الليلة أملاك السمه صطفت سوه
ترتل آيات الفتح والقل هو
الليلة من الكعبة يتلاله الضوه

أسد جابت ألنه فاطم بت أسد

2
الليلة صوت من العرش ظل يعتلي
ياولي الله يانعم الولي
الباري ناده لا فتى ألا علي

واحنه صحنه بصوت ياحيدر مدد


3
الليلة وجه الظلمة من ساسه أنغمر
وحايط الكعبة العلي كله أنشطر
الناس فرحت وبتهج سيد البشر

وصار جف المصطفى لحيدر مهد

4
الليلة لأجله تزينت جنة عدن
والحواري بالولادة يسبحن
هلا بجيتك ياعلي ياابالحسن

بيك كل الخير ياحيد أنوجد

5
الليلة من جبد السمه نازل نهر
هذا ماي الكوثر لحيدر صدر
نزل يروي عروقه من فارس مضر

يدري حب المرتضى أحلى من الشهد

6
الليلة أجمل ليلة بيها الحق نزل
ونجمعنه بحب علي خير العمل
هذا حيدر هو مفتاح الأمل

شما نحبه يزود حبنه أكثر بعد

7
الليلة كل عاشك يحضر مُنيته
من علي الكرار يأخذ حاجته
كون تفرح يالموالي بفرحته

وكله يابو حسين ماعوفك أبد

شطره
امجد صاحب الشطري

https://www.tg-me.com/oydgh

(حــــب علـــــــي)

اهواي كالولي اليحب حيـدر حـرام
وآنــه أكلهـــم حتــى لو حبه حـرام
أبقى كل عمري وأموت بحب علـي

هذا رأيي الشخصي محد بي شـريك
آنه حبيتــه وقـــراري أيعــــود إلـي

لاتحـاول تغــري روحي أبهـل كـلام
روح الله أيسامحـــــــك ياعــــــاذلي

هـــذا للعشــاك بالمحشــــر كفيــــل
هذا قتــــال العـــرب حــامي الدخيل
هذا أبو الحسنين قطعة مـن الدليــل
أعـز مـن أمـي وأبـوي وكــل هلــي

حيدر الكعبـة الشـريفة طلكـــــت بي
وجابت الكرار ألنــــــــه أشرف ولي

علي لو ما الــــــــه عنــد الباري جاه
جــــا جـــدار الكعبــة ماطــــــر العلي

والله لــو حبه ذنب هـــم أرضــــــه بي
والله لو بعــدونـي أزحــــف وأعتنـــــي
والله لـــو ينبـــاع بالـــــدم أشتـــــــري
هذا عهـــــــدي ألآخــــــري والأولـــي

الجنة لو مابيها حيـــــــدر والبتــــول
ما أطبهــــا لــــون بالنــــار أنصلــــي

يالبديت بسيــرت الحــــق والحـــــرام
راح أسمعـــك منيتـــــي ياســـــــــائلي

الجنة مخلـــوقة العلــــــي قبل النشوء
شلون كلــــي أتعيش جنـة إبـــلا علي

امجد صاحب الشطري

https://www.tg-me.com/oydgh

🔳🔻 جديد 🔻🔳

قصيدة { آخر رواية }

▪ الرادود 🎤 : #جمعة_حامد
▪ الشاعر 📝 : #أمجد_الشطري

▪ المناسبة 📅 :
استشهاد السيدة #فاطمة_الزهراء (ع) 1445 هـ
( الرواية الثالثة )

#حسينية_أبي_الفضل_العباس - #الصفار

▪ رابط القصيدة :
https://youtu.be/jIC0WRt6fkk?si=yHCw-OfDyADpBHSp

اجيتك منكسر ضلعي اجيتك
ييمـه وعالجسر نايـم لكيتك
نوحي عليك يمـه شبيـك صد عينك عليه
مثل حسين نور العين هم رحت من أديه
(اجيتــــك)
__________

1
أسمعت صـوت النايبـة وهــزنـي بجيهـا
هَــّل الجنــازة العالجســـر محـــد يجيهـا
قلــــت لازم أمشـــــي والليلـــة اعتنيهـا
جنــازة الكـاظـــم منـــو يــدلينـــي بيهـا

اجيت وشفتك أنت امددينك
أويلــي وبالحديــد مقيدينك
أنـت تـروح وآنه النوح ظل يوليدي إليه
مثل حسين نور العين هم رحت من أديه


2

منهـــــو اليقابلنــــي ويشــــارك ونينــي
جنـــي زينـــب حـايـــرة ومحـــد يجينــي
صرت عالراس الطم وأيدي أعله عينــي
ليـش بالســم والــذبـــح خلصــوا بنينــي

السم والذبح واصـل سابـع إيمام
بعــد خمسـة ورآي اشحمـل ألآم
ما أرتـاح هــم ونيـاح أقضــي كـل مسية
مثل حسين نور العين هم رحت من أديه


3

بدمعي أودعــك يمـه ولصـدري أضمـك
راح أحــاول ضلعـــي ماخلـــي يلجمــك
آنـــه يالكاظـــم الـــزهــــرة آنـــه أمــك
رغم كسرت ضلعي اجيـت الليلـة يمــك

أصيرن ناعيـه أكبـال الحماميل
ومثل دم الاديـن المدمـع أيسيل
عالتابوت يعلي الصـوت وانصبلك عزية
مثل حسين نور العين هم رحت من أديه


4

جنــــي أسمــــع منـــــك حجــايـــة خفية
تقلـــــي يمـــه بطّلــــي نـــوحـــــج عليه
جسمي صاحي وذني عندي جفوف أدية
نوحـــي عالـداســــت عليــــه الأعوجية

جدي حسين ظل جثة بلا رأس
خيامة محرقة ومذبـوح عباس
ركـض الخيـل تسحك حيـل والعمة سبيّة
مثل حسين نور العين هم رحت من أديه


5

كـــل مصــايبكــــم عليــــه أنــــي ثجيلـة
بـس مصـاب حسيـن أبـد ماصــح مثيلـه
عــاري ثلــــث أيـــــام مـاواحـــد يشيلـه
مـن الكفــه مذبــوح وتشـوفـــه العقيلـة

صدره الشمر ويلـي أتربع أعليه
يقلها حسيـن زينب خويه عوفيه
خيــل ونــار والأشــرار مـــابيهــم حميه
مثل حسين نور العين هم رحت من أديه


6

هــل مصايـــب كلهـا مكتوبــة علينــه
بيــن بقعــة وبقعــة ليــش اطشرينــه
واحــد بسـامـــره واحــــــد بالمدينــة
واحــد بطـــــف كــربــــلاء مقطعينــه

واحـــد بالنجـــف واحـــد ابغــداد
أظل طول الدهر أنحب على أولاد
عالوليان تبقى أحـزان قلبـي وهمـي بيه
مثل حسين نور العين هم رحت من أديه


بغداد
امجــد صاحــب الشطــــري

https://www.tg-me.com/oydgh