هذا الكريم وهذا نوره اعتله
بطيـب أورود الليلة نستقبله
عمت عالبرية فرحه حيدرية


1
ألف الصلاة أعله النبي والينه بانت طلته
حور وملائك نازله عن يمنته وعن يسرته
فرحه علي ماتنوصف لمن عيونه شافته
بأول ظَنّه كلبه ابتهج وأهل المدينة هنته

بهاي الولادة الكون كله ابتشر
ضوه النجم بين الشمس والكمر
عدنا بهل المسيه فرحه حيدرية


2
ليلة الفرحة متممه قبل الخلايق والزمن
مخلوق مو من طين ابد من نور مخلوق الحسن
أسمه أنكتب تحت العرش من جان في جنة عدن
لو ماوجودة بلايه شك أرض وسمه ماينبنن

سبحانه من سـواه ومـن صَوّرّه
من نوره صاغه وبالعرش أثمره
للعالم هدية فرحه حيدرية

3
يم دار فاطم جم نبي بيوم الولادة مزاحمة
كلمن يقدم تهنئه وتسجل أملاك السمه
حتى الفُقاره حاضره وتشارك أهل المكرمة
عالخير ياام الحسن عالخير ياحامي الحمه

نازل عمـود النـور من السمه
يعني العلي هَنّه النبي وفاطمة
وأجتمعوا سويه فرحه حيدرية

4
بارينه زامن هل الفرح بأجمل شهر وأعظم شهر
هاي الهدية من العلي لحيدر علي بأول ثمر
خلينه نتمعن بعد ونوضح لكل البشر
ليش الأيام تشابهن بين الحسن والمنتظر

ضوه بنصف رمضان وجه الحسن
وضوه بنصف شعبان ابن الحسن
سر هاي القضية فرحه حيدرية

5
لو ردت أحجي أعله الكرم يحتار كلبي من أوصفه
حاتم الطائي ماوصل طبع الكريم وموقفه
وعن الفضائل لو ردت بس فضل واحد اكشفه
ألكه بمعاجز هل الولي محتارة أهل المعرفة

كل المفاخر بيه متجمعة
لو ماعلومه هالبشر ضايعه
علمه أصبح هوية فرحة حيدرية

شطره
امجد صاحب الشطري


https://www.tg-me.com/oydgh

أذن آذان الله في جنة عدن
هاليلة ياشيعة ميلاد الحسن
يامحلى ميلاده


1
نوره من حيدر علي علمه من طه النبي
مجده بالحق يعتلي هذا الولي يعرفونه

أسمه من رب السمه أمه الزهرة فاطمة
عمره ألنه قدمه بيه البشر مامونه

مثل الشمس وجهه وأجمل طلته
غِيرة علي برأسه والكل شافته
يامحلى ميلاده


2
فضله محد ينكره أصله الزهرة وحيدره
روحه طيبه وطاهرة ولفظ العدل بلسانه

نفسه بالحب رائده صرحه دار الافئده
جينه كلنه انعايده هذا الوالي الريحانه

قبل الخلق اسمـه عنـد الله أنكتب
والذهب مايحلى بس لابن الذهب
يامحلى ميلاده


3
حبه ينطي بلا ثمن نبضه باقي بكل زمن
هذا مولانه الحسن نجمه بسمانه نشوفه

هو مفتاح الأمل ألنه هو أروع مثل
غَيره ماصار وحصل يشهد نعم معروفه

ابن النبي وحيدر ألنه مفخرة
والايذ بحبه نال الآخرة
يامحلى ميلاده


4
سنينه بالحق واضحة بيته للكل فاتحه
الضَده طبعه يسامحه من الولي تربيته

نفخر نمشي بسيرته نربح باجر جنته
هاذي هي شيعته علاها هو بصيته

ماحجبت أفعاله أهل الشرذمة
شايل حرز حيدر وأمه فاطمة
يامحلى ميلاده

5
بداره سر ومعضلة جفوفه تنطي اليوصله
مضيفة بي ريحه هلا دايم تفور دلاله

ماخذ شمرت فاطمة وحيدر هو العلمه
وصارت هاي المكرمة من شيمته وأفضاله

مضيف الحسن موطن للماله وطن
هذا الأمر واضح يرويه الزمن
يامحلى ميلاده

6
باقي بجفوفه العلم سيد أصبح للقيم
كالو عن حبه وهم خليهم يشفونه

منه صاغ اسمه المجد وشتم من عطره الورد
صحنه لله الحمد خليهم يحسدونه

هذا الكضه سنينه واضح كالشمس
مادنك الهامة ماذل النفس
يامحلى ميلاده

شطره
امجـــد صاحـــب الشطــــري

https://www.tg-me.com/oydgh

اذان العبره

أداء الرادود #جمعة_حامد
كلمات الشاعر #أمجد_الشطري

ليلة استشهاد السيدة خديجة الكبرى وابو طالب ع ١٤٤٦ هـ

حسينية #أبي_الفضل_العباس ع #الصفار دولة الكويت

https://youtu.be/fPRf8zQ1wRY?si=2fXBH80ajFchqAbl

مصيبتـك هليلـة ياواليها
بالمدامع والحزن نرثيها

1
ياعلي الليلة بوسط راسك جرح
شلون بالله يطيب ياشمس الصبح
تدري هجرانك ذبح زينب ذبح

ياعلي بعدك منو يباريها

2
أنها والله ليلة طبرتك
بيها تعلم والملائك نادتك
ياعلي أتحضر اقتربت ساعتك

وي صلاتك دنيتك تنهيها



3
كَبرّت بسم الله يانعم الولي
واسجدت لن صوت بإذنك يعتلي
ابن مجلم ناده بسمك ياعلي

ضربته باسمك نوه يخليها

4
هنانه محرابك نعه والدم نزل
وجهك اصفر لونه ياخير العمل
يعني ماظلت وسيلة ولا أمل

روحتك كل رجعه ابد مابيها





5
ياعلي للدار رد بيك الحسن
تمشي كوه وحيلك الليلة انسحن
زينب تلكتك بالهم والمحن

شافتك حيل الطمت بيديها

6
كون هليلة تشوفك فاطمة
راسك مطبر علي وينزف دمه
كل أهل بيتك عفتها ميتمه

رايح أنت والحزن حاديها




7
ياعلي بريتك مخنوك الهوى
طبريتك مايرهم ألها كل دوه
قلبك امن أصياح الأيتام انجوه

أنت أبوها ورايح تجافيها

8
من بعد عينك على الدنيا العفه
من بعد عينك ضمه وهم وجفه
ماكو مثلك بالخلق يابو الوفه

يالجنت طول الدهر راعيها

شطره
18 رمضان 1446
امجد صاحب الشطري

https://www.tg-me.com/oydgh

مو وكتها تروح وإحنا أطفالك
يا أبونا الموت مايحلالك
نذبحت حروف الحنان دنيا مابيها أمان

1
مو وكتها تروح عنه يا أبونا
طفالك أحنا من تسافر يهضمونا

منهو بعدك يرحم بحال اليتامة
كلشي راح يضيع ياسيد الإمامة
وأحنا ندعي تكوم ألنه بالسلامة

كون بينه تصير طبره راسك
ولا يجي الموت ويخمد أنفاسك
نكتبت بوجه الزمان دنيا مابيها أمان


2
أباب بيتك جم يتيم وجم يتيمة
علي وينك كلها تصرخ ياحريمة

والله يابو حسين ياحيدر هضيمة
الموت يتخطاك ويعوف الظليمه
الحياة بلا علي ما ألها قيمه

طبروا الهامة وتغير لونك
بالسلامة تكوم مايردونك
بعدك اظلم كل مكان دنيا مابيها أمان


3
ليلة صعبة كلها حسرة شلون ليلة
الحسن ينعه حسين شابك بالعقيلة

واحد ويالثاني يحجي شلون باجر
راح يمشي حيدره عنه يغادر
وأنت تسمع للحجي والرأس حاسر

الناعي صاح ودمع عينه يسيله
علي باقي ويانه بس هليلة
هذا يومك بينه حان دنيا مابيها أمان

4
ياعمدنا بالله هونك لا تسافر
البيت اظلم لو عفتنا يصير باجر

تدري من ترحل يبو روح الحنينة
الدنيا والأيام تتكابل علينه
والشماته تصير وينه علي وينه

مودعة الله روح يابو الغِيرة
راح نبقى خلافك أحنا بحيرة
صوبك جف الجبان دنيا مابيها أمان


5
بعد جدنا وبعد أمنا أنت رايح
من بعدكم العمر نكضي بس نوايح

أمنا خلف باب من كسرو ضلعها
مارعوها ومارحم بيها الصفعها
وهسه أنت نعشك الطاهر تبعها

أحنا اورثناها هاي الحالة
حسين باجر تسحكه الخيالة
عليه هذا امتحان دنيا مابيها أمان


6
الحسن باجر جبده ينسم من يعينه
حسين يعله برمح رأسه مكطيعنه

هاي زينب تنسبي وي الثواكل
لايظل حسين عدها ولابو فاضل
عالهزلة مكيدة والدمع سايل

بويه بويه تصيح باجر وينك
كوم من النجف شوف حسينك
تكطع بجبده السنان دنيا مابيها أمان

شطره
امجـــد صاحـــب الشطــــري

https://www.tg-me.com/oydgh

بحنانك دللتني يبويه يبويه
تركتني ويتمتني يبويه يبويه


1
أنه زينب يبويه افتحلي عينك
قبل لتروح ضمني ابين أدينك
حنين أنت ولا يوصف حنينك
تفكر بيه والدم بجبينك

ضعت لمن عفتني يبويه يبويه
تركتني ويتمتني يبويه يبويه


2
تعال ارحمني بويه وشوف حالي
بعد جم يوم يتفرهد دلالي
لَوَن منك يصير البيت خالي
عليه تزدحم سود الليالي

وبعد منهو اليلمني يبويه يبويه
تركتني ويتمتني يبويه يبويه


3
جريمة تروح من عندي جريمة
عَلَي صعبة إذا كالو يتيمة
حياتي بلا أبو ما ألها قيمة
هضيمة تعوفني والله هضيمة

برحيلك عذبتني يبويه يبويه
تركتني ويتمتني يبويه يبويه



4
إذا عني أرحلت شيضل أليه
البشر والدنيا تتغير عليه
جبتها من الضلع هم واذية
واختمها بذبيح الغاضرية

المصايب لوعتني يبويه يبويه
تركتني ويتمتني يبويه يبويه


5
أنا بسابع سنة وأمي تركتني
وأنت بهجرك اليوم أفجعتني
وباجر كل هلي لو فاركتني
الشمر بالسوط يضربني أعله متني

يريتك لاشفتني يبويه يبويه
تركتني ويتمتني يبويه يبويه


6
بودعك ناظري لاوين أديره
حيرة وحيرتي بويه جبيرة
شلون أتيسّر وآنه الأميرة
غريبة بكربله ومالي عشيرة

النوايب شيبتي يبويه يبويه
تركتني ويتمتني يبويه يبويه


بغداد
امجد صاحب الشطري

https://www.tg-me.com/oydgh

تهدمــت والله أركــــان الهـــــدى

1
ياعلـــي الليلــة مصابــك حـل علينه
هامتــــك مطبــــوره ويلـــي ياولينه
كـــــل يتيــم الليلــــة ينعــــاك بانينه
وزينـــك يابــو الحسـن ظلت حزينه

تهدمــــــت والله أركــــــــان الهـــــــدى

2
ياعلـــي يـــوم الــذي رأســـك تتطبر
كلشـــي يابو اليمـــه بالعالـــــم تغير
الصخـر ون وعـلـه هجـرانـك تفطر
لوعانـــه بهـــل مسـه أفراكك يحيدر

تهدمــــــت والله أركــــــــان الهـــــــدى


3
ناحـــت السبـــع المثانـــي لهل الرزية
والأمـــلاك تنتحـــــــب يابـــــو الحمية
ابـــن ملجــم الصوبــــك هــاي المسيه
روع أيتامــــك علــــي وسبـــــب أذية

تهدمــــــت والله أركــــــــان الهـــــــدى

4
ياعلــي شلــون النـــذل يكــدر يصيبك
ينحـــب اكبـــالك وكــــف حاير طبيبك
عاليتامـــة ماطفـــت جمــــــرة لهيبك
بالمنيــــة وعينــــك أتصـــــد الحبيبك

تهدمــــــت والله أركــــــــان الهـــــــدى


5
ياعلـــي مافكـــرت مـــــن لليتامــــــة
لــو رحـــت تتجــاوز أعليهـا الظلامة
لــو غفــت عينــك فــلا تبقـى بسلامة
تنــزل بمتــن العقيلــــة أجــــم علامة

تهدمــــــت والله أركــــــــان الهـــــــدى

6
مــن تنــــام بحفرتــك تبــــدي المصيبة
مــن الظلــم جبـــد الحسن يأخذ نصيبة
والحسيـــن ابكربلــــــه جثتـــــه سليبة
والعقيلـــة أم الخــــدر تصبــــح غريبة

تهدمــــــت والله أركــــــــان الهـــــــدى

7
فــي زمانـــك ماكـــو ابــد وادم فقيرة
كلهــا جانـــت عايشـــه بزودك أميرة
جفـــك أيقســـم عليهـــا وينطي خيرة
حاكـــم وكاعـــد يحيــــدر عالحصيرة

تهدمــــــت والله أركــــــــان الهـــــــدى

8
أنتهـــت يابالحســــن قصــــة حيــــاتك
والقـــرار مــن الله ترحل فـي صـــلاتك
ودعــت عنــــد اليتــــامــــة ذكريـــاتك
يلــه حامــــي الحمــــة حانــــت وفاتك

تهدمــــــت والله أركــــــــان الهـــــــدى

بغداد
امجد صاحب الشطري

https://www.tg-me.com/oydgh

https://youtu.be/7XkzXeHsKNc?si=gt3rdKB4WQ-SWdET

يزينب علي راح

الشيخ الخطيب #حسن_خليفة
الشاعر #أمجد_الشطري

زينب العظيمة

اداء ملا #ياسر_كمال
كلمات #أمجد_الشطري

هيئة القواسم -البحرين /المنامة
ذكرى شهادة السيدة زينب ع 1446 هـ

https://youtu.be/S9gcZ1l-tHw?si=d_sDiyQgB-1ynENN.

بقلبك الهم لو فضه
أنطي وجهك للرضا
هذا جده المرتضى
يعاشق يعاشق


1
لا تحير الليلة أنت بطلبتك
بالشدايد صيح وينك يالرضا

من تصفي النية تاخذ حاجتك
بالشدايد صيح وينك يالرضا

ياموالي اليوم أدعي الشيعتك
بالشدايد صيح وينك يالرضا

كله ضاقت واحنه نطلب وكفتك
بالشدايد صيح وينك يالرضا

حلفه بأمه فاطمة
وبعلي حامي الحمه
تنول منه المكرمه
يعاشق يعاشق


2
من تضيك وضدك يصير الدهر
بالشدايد صيح وينك يالرضا

من يجسك ضيم ويلوحك قهر
بالشدايد صيح وينك يالرضا

ولون توصل بيك مرحلة الخطر
بالشدايد صيح وينك يالرضا

علي أبن موسى الرضا تشوفه حضر
بالشدايد صيح وينك يالرضا

كله غيرك ما إلي
وآنه أطلبك ياعلي
تشوف همك ينجلي
يعاشق يعاشق




3
شما تنوح ويكبر بقلبك جرح
بالشدايد صيح وينك يالرضا

أتوجه وزور الرضا فوك السطح
بالشدايد صيح وينك يالرضا

لحضة وحده راح قلبك ينشرح
بالشدايد صيح وينك يالرضا

والفرج بابه تشوفه ينفتح
بالشدايد صيح وينك يالرضا

توجه المشهد إله
وخلي عينك هامله
ماتضل كل معضلة
يعاشق يعاشق



4
بعيد ميلاده الرضا ضوي شمع
بالشدايد صيح وينك يالرضا

وأنت سولف وي إمامك بالدمع
بالشدايد صيح وينك يالرضا

كله ترضى سيدي بهذا الوضع
بالشدايد صيح وينك يالرضا

المجالس بيها أبد مانجتمع
بالشدايد صيح وينك يالرضا

كافي ملينه الصبر
نريد نطلم عالصدر
مو قلبنا منكسر
يعاشق يعاشق


5
إن شاء الله تفرج علينا ماتضل
بالشدايد صيح وينك يالرضا

ونرجع أنسوي المجالس بالعجل
بالشدايد صيح وينك يالرضا

بالله وأهل البيت عدنا أحنه أمل
بالشدايد صيح وينك يالرضا

هل الوباء أيروح منه والعلل
بالشدايد صيح وينك يالرضا

نظرة من أهل الكرم
ينزال من عدنا الألم
بدونهم أحنه عدم
يعاشق يعاشق

بغداد
امجــــــد صاحــــب الشطـــــري

https://www.tg-me.com/oydgh

يالكاصد لقبر الرضا بلغ سلامي

1
بلغ سلامي للرضا من توصل هناك
واحمل حسرتي ولهفتي لو رحت وياك
لمن تطوف بحضرته كله المحب ذاك
كل لحظة من عمرة تمر بلسانه طرواك

هذا سليل المرتضى هو المحامي
يالكاصد لقبر الرضا بلغ سلامي

2
همك لون صاير جبل كل همك يروح
عند قبره لو تدخل شرط تنساها الجروح
حروف الرضا عند العلي مكتوبة بالوح
معناها مايبقه حمل يم بابه مطروح

جف الكرامة ماكضه بالخير سامي
يالكاصد لقبر الرضا بلغ سلامي

3
لو شفت قبة حضرته هل دمعة العين
هذا الغريب الما نشف دمعه عالحسين
وجه لإمامك دعوتك من هم السنين
وحلفه يزاير بالذبيح وبأم البنين

براعي العلّم والموعظه واضح كلامي
يالكاصد لقبر الرضا بلغ سلامي

4
من توكف أباب الصحن كله يمولاي
محتاجك وعندي طلب والحضرتك جاي
باجر أريدك بالقبر يالرضا وياي
محد لظلمة حفرتي وذنوبي الهواي

كله العمر راح ومضه وأنت ختامي
يالكاصد لقبر الرضا بلغ سلامي


5
آنه الطلبتك يالزرت والطلب مفهوم
كله اليحبك حاير ودلاله مهموم
مالوم قلبي من الصبر والحسرة مالوم
مثلك أطوف بحضرته ما ادري يايوم

يايوم قلبي يعوضه واخذ وسامي
يالكاصد لقبر الرضا بلغ سلامي

6
أمنيتي مره بالعمر ازحف وأجي عليّه
وبروحي أضمه ولهفتي تطفه من الاكيه
مشتاق اشوفن قبته مشتاق أشم بيه
ومن ضيم قلبي ولوعتي اكعد وحاجيه

يدري الصبر بيه فضه ويعلم امامي
يالكاصد لقبر الرضا بلغ سلامي

بغداد
امجد صاحب الشطري

https://www.tg-me.com/oydgh

عيدكم مبارك

اداء الملا #محمد_بوجباره
كلمات #أمجد_الشطري

مولد صاحب الزمان الامام المهدي عج
حسينية السبطين الطرف الأحساء

https://youtu.be/Dne3gZLPypo?si=6_SRMJG-E35lmp04

•
الآن على قناة اليوتيوب
‏‌ ‌‎| #مانعيش_بدونه l
| 1446هـ - 2025م |

أداء | #دانيال_بوجبارة
كلمات | #امجد_صاحب_الشطري

الهندسة الصوتية | #احمد_البرمكي
التوزيع | #حسن_حريري

مونتاج | #قاسم_بوشفيع
اشراف عام | #مصطفى_الطرفي

‏
‏[https://youtu.be/dLujmHE_iD0]

أنا اليوم غديري

اداء سيد #يوسف_اللعيبي
كلمات #أمجد_الشطري

الهندسة الصوتيه والتوزيع احمد شريف
تصوير وأخراج محمد العرادي

https://youtu.be/bNix17zHC6c?si=DriZGTA7No1oOgy2

الله نصب حيدره مولانه
وكل موالي أصبح علي عنوانه
ياعلي أنت الولي00ياعلي مولانه



1
آية المائدة نزلت ونتشر بيها الخبر
وتضح سيرة الآية عن علي فارس مضر
اليوم ألنه الهادي بلغ وسمعته كل البشر
كال من بعدي خليفة حيدره وهو الفخر

أيد أبو الحسنين من علاها
بخم بس ألبي شرف كالاها
ياعلي أنت الولي ياعلي مولانه

2
حين اوصانه محمد كال اسمعوا مايلي
من كنت مولاه آنه فأن من بعدي علي
ناس قرت بالولاية وكلها كالتله بلي
بس بعض وادم تنحت مارضت حيدر والي

بالغدير اتفقوا يرفضونه
والرسول يشوفهم بعيونه
ياعلي أنت الولي00ياعلي مولانه

3
مو فقط كلمات أنطق الهادي صَوّر وكفته
وبين كل الناس وضّح شنهو موقف غايته
رفع جفه وجف وصيه وكل الوادم شافته
والحسن وحسين ومهم باركوله بفرحته

بهذا عيد الله الجبير الليلة
نزل جبرائيل ويهنيله
ياعلي أنت الولي00ياعلي مولانه

4
الدين والإسلام كله كمل بس بيمن كمل
من خديجة وسيف حيدر بالمعارك من نزل
بالغدير الباري راده لان بي أرسم أمل
والحياة مو حلوة والله بلا علي خير العمل

الماله حيدر وين وجه أيديره
علي بس الله يعرف تفسيره
ياعلي أنت الولي00ياعلي مولانه

5
هذا ياتاريخ يكدر يمحي تاريخ الوفه
علي واثق من كلامه ماتهزه العاصفة
حروفه للمحتاج ثروة وهم لابو العلّه شفه
وهسه جاي اتكل حيدر خالي من المعرفة

علي شال الكون كله برأسه
باب علم المصطفى ونبراسه
ياعلي أنت الولي00ياعلي مولانه

6
شنهو طعم الدنيا كلها بلا علي حامي الحمه
روحي من عهد الطفولة بعلي حيدر هايمه
اليوم اقرن بالولاية واندعي لرب السمه
كون يقبلني بوزينب من اتسمه خادمه

شكبر حظه اليرضه عنه الوالي
مثله أصير والله ياهنيالي
ياعلي أنت الولي00ياعلي مولانه

بغداد
امجد صاحب الشطري

https://www.tg-me.com/oydgh

صوت بالحق يعتلي لا فتى إلا علي

1
آنه ابو الزهرة محمد صيحتي بين الملا
من كنت مولاه هذا حيدره مولى اله
علي قالع باب خيبر علي راعي المرجله
بات بفراش الرسالة والعهد مابدله

هل أمر واضح جلي لا فتى إلا علي

2
علي مو آنه الجعلته يصير من بعدي ولي
هذا أمر الله عليه من العرش مُنزّل إلي
كال بلغ يامحمد وبيدك ارفع جف علي
والي ميبايع لحيدر مارضه أعليه العلي

استمع ياعاذلي لا فتى إلا علي

3
علي متنصب خليفة عالرضا والمارضه
بالسمة وبالأرض ربنا علينه هو فارضه
إلف هنيالة اليحبه وطاع أمر المرتضى
الحظَه بهاي الولاية يعني بالجنة حظَه

بايع وكلّه بَلِي لا فتى إلا علي


4
علي تاريخه مشرف علي صافي من الزلل
شرف الإسلام كله هذا أبو الحملة الفحل
علي إيمان وقداسه وللبشر أروع مثل
إذن واجب من تنادي حي على خير العمل

صرخة من الأزلي لا فتى إلا علي

5
علي شال الراية بيده علي بالكعبة انولد
علي بالتكوين كله منخلق مثله أبد
علي مُرّ الموت عنده عسل وأحلى من الشهد
لو نزل للحرب سيفه يصيح ياحيدر مدد

هو للعالم ولي لا فتى إلا علي

6
علي سر هاي الخليقة بلا علي شيسوه العمر
العنده حماي الحمية كل حياته يفتخر
علي بيت الفقرة هو وجفه للعاشك جسر
علي ماينوجد مثله يحمل هموم وصبر

خلي صوتك يعتلي لا فتى إلا علي

شطره
امجد صاحب الشطري

https://www.tg-me.com/oydgh

مقدمة ١ محرم

بالسمه عاشور هَلّ أهلاله
وعين زينب بالدمع هماله

1
صدت أعله حسين من حط الضعن
تكله هِلّ وسط السمه أهلال المحن
شنهن أبنات النبي بي ينسبن

وعالخدر تتراكض الخيالة


2
الحادي يوم الحط رحال العايله
درت زينب بعد ماكو مدللة
منين اجت ليها يعالم كربله

حسين بيها تنذبح أطفاله


3
الليلة كل حرمه بحزنها مكدرة
وحده تنشد وحده والمدمع جره
بالخيم من هسه ماكو مخدره

حسين بالعاشر تضيع عياله


4
ليلة صعبة والعيال ملوعه
والعقيلة لصوب أخوها طالعه
بالعتاب وبالهظيمه مكبعه

والله وتفت الكلب هل حالة


5
تكله وين أنطي الوجه يابو علي
يامن أتلم ضعني وتردني لهلي
غيرك أنت بدنيتي ماظل إلي

الله لا ينطي البعث مرساله


6
كلها تنحب والمخيم منفجع
من وضع صارت إلى أسوء وضع
مايفيد اللوم والوَن والدمع

حسين بالعالم فقد آماله


7
حسين حس بذبحته من أول صبح
وكال لعياله تره راح أنذبح
ورأسي يهلي يعتلي برأس الرمح

والكمر من عنده تهوى شماله


8
ماتظل خيمة ولا يبقه سند
ابو فاضل باجر يصيبه العمد
شلون ذيج الليلة لو حان الوعد

وابو اليمه ينفطر دلاله

شطره
امجد صاحب الشطري


https://www.tg-me.com/oydgh

اساس ١ محرم

ياحادي الضعون بعجل أنصبها الخيام
اهنانه مقر العائله والقائد العام
هاذي أرضنا كربله ألبيّها حجه سيد الملا
ياحادي الضعون

1
ياحادي نوخ بالضعن اهنانه محط كل الحرم
انصب خيمنا بكل كتر يم الخيم انصب علم
خليني أكلك وافتهم يالحادي بالأمر الأهم
بهاي الأرض كال النبي بشهر المحرم تُسقى دم

هم تدري عن هـذا الخبر لو عندك أخبار
رأس الحسين أعله الرمح يرمونه بحجار
ومنه تروح مدللة ألبيّها حجه سيد الملا
ياحادي الضعون


2
من هسه يالحادي تره ماكو وسيلة ولامل
الخطر واصل للخيم والجيش بالحومة نزل
لو عاشر محرم دنه تتجه لاوين الأهل
الاخو عاري بلا نحر والجسم يتكطع وصل

هاذي حقيقة ولاتظـن هاذي علامات
باجر نحيب المرضعة يهز السماوات
هاي المصيبة الكاملة ألبيّها حجه سيد الملا
ياحادي الضعون


3
كل يوم يتساوه بسنة وكل حسرة تتساوه بجرح
يالحادي وشطوله العتب بين الخدر والمنذبح
الليل مابي كل فجر والفجر مابيه كل صبح
عبد الله عينه أعله السهم وحسين عينه أعله الرمح

والطفلة تنظر للكمر والكلب لهفان
وتكله باجر عالنهر توكع الذرعان
هاي الأخبار العاجلة ألبيّها حجه سيد الملا
ياحادي الضعون


4
يالحادي لو راح الكمر عمره الدمع ميرجعه
العين تنصاب بسهم وجفوف أديه مكطعه
من المخيم للنهر هلبت عتابي يسمعه
يحميني من سوط الشمر ويكوم من المشرعة

يقبلها راعي المرجله أنجر بالاحبال
مدري أحير بمحنتي مدري بالعيال
وسط الكلب جم معضلة ألبيّها حجه سيد الملا
ياحادي الضعون


5
ياريت ماسار الضعـن من المدينة الكربله
طلعت رسايلهم دغـش وتبدلت بيها الهله
النار تنظر عالخيم وعالحبل عين مدللة
وكل صوب بي سيف ورمح وحسين ناصر ما اله

أتلاثه وتلاثين إلف من هسه ناوين
بخيل اعوجيه تهجم وتسحك عالحسين
تبت يداه القاتَلّة ألبيّها حجه سيد الملا
ياحادي الضعون


6
كلشي انتهى وهذا الأمر مكتوب من رب السمه
أحنا سبايا أعله الهزل وأخواني كلها مدممه
بس المصيبة الكربله لو حضرت أمي فاطمة
وتشوف ابنها أعله الثره وضلوعه كلها مهشمه

لو شافت حسين الاخو ومدد أيديه
مره تضمه أعله الصدر مره تشم بيه
الجثة كلها مفصله ألبيّها حجه سيد الملا
ياحادي الضعون

شطرة
امجد صاحب الشطري

https://www.tg-me.com/oydgh

اساس ٢محرم

أمي وصت عالخدامه خدامه
هاي إلي أعظم كرامه كرامه
وآنه من ذاك المهد لامي خطيت العهد
للخدامة


1
من جنت روح ابطنها اسمع عالحسين ونها
بكل مسيه
تكله هذا اوليدي يمك ادعي من الله يخدمك
هاي هيه
وطلعت للدنيا وآنه لمست كلب أمي وحنانه
بجاذبيه
من ثدري الغِيرة ارضعتني ومن تلولي تكلي يبني
ردها إليه

تكلي يبني للمنية منية
جازي تعب ارباي إليه إليه
بكل وفه انطيت الوعد لامي خطيت العهد
للخدامة


2
آنه أمي الكبرتني وعالمجالس علمتني
بكل عناية
لاتعوف الخدمة كالت والمشاعر بيه هاجت
عندي غاية
وصية أمي نفذتها حرز بمتوني شلتها
وبيدي راية
رافضي وشيعي موالي بالخدامة راسي عالي
والولاية

من علي مأخذ وسامي وسامي
للحسين أعلن ختامي ختامي
منهم أخذيت المدد لامي خطيت العهد
للخدامة


3
عمري لو لحظة تقدم احسب أحساب المحرم
الله يدري
والبس ثياب المصيبة والكلب يبدي نحيبه
واحني ظهري
آنه ربتني المآتم مره لاطم مره خادم
افني عمري
للأبد هذا عزائي للحسين أعلن ولائي
وادمي صدري

بالمهد ناذر حياتي حياتي
خدمتي هاي لمماتي لمماتي
حاضر بيوم الشدد لامي خطيت العهد
للخدامة


4
مو فقط عَشرة ليالي خدمتي ما ألها تالي
هذا عهدي
أقسم بخدر العقيلة غير هالخدمة الجليلة
ماكـو عندي
هي هاي الوصلتني ودعوه أمي الوفقتني
وباقي وعدي
نيتي بيضه وسليمة آنه للخدمة العظيمة
أبقه جندي

آنه والمنبر علاقة علاقة
أنظف واطهر صداقة صداقة
هل العشك لا منوجد لامي خطيت العهد
للخدامة


5
الدنيا بعيوني صغيرة خاويه مابيها غِيرة
شلي بيها
هواي أمي تكلي عنها الدنيا بالك يبني منها
تمد أديها
خلي وي حسين حبك من تضيك افتحله قلبك
ولاتجيها
حسين ماينسى اليخدمه حضرته للناس رحمه
مر عليها

الضحه للعالم وريده وريده
نعم كل خادم يريده يريده
وآنه كلبي مابرد لامي خطيت العهد
للخدامة


6
العنده أبو اليمه أكيده يكبر ويعله رصيده
مو خسارة
والي مايملك محبته مستحيل يشوف جنته
بالزيارة
باجر بيوم اربعينه من نجي يأخذ بدينه
وسط داره
وآنه وأمي والبقية نشاهد الكبة الزهيه
والمنارة

أمي من توصل حضرته حضرته
تكله هذا ابني النذرته النذرته
كلبي وياها كصد لامي خطيت العهد
للخدامة



شطره
امجد صاحب الشطري


https://www.tg-me.com/oydgh

اساس ٣ محرم


يلي تكود الناكه
رِدّ وأرحم المشتاكه
طفله وعليلة وحايرة وكوه أعله روحي مصبره

1
يالتحدي بالناكه أنتظر وأسمع سوالف كلبي
لا روح تحمل فركتك لا عين تكدر تربي
كل يوم بيه أيمر سنه ويزيد ضيمي وعتبي
ومرات وآنه بونتي اشكي عذابي الربي

آنه المضيعة أحبابي
محـد أجه ودك بابي
البيت صاير مكبره وكوه أعله روحي مصبره





2
يالماخذ وياك الضعن جا ماخذت دلالي
لتكول آنه معلعله العله فكد الغالي
أتأمل أترد بالأهل وحسين أشوفه أكبالي
لهسه مامستوعبه البيت منه خالي

روحي الحزن سابيها
بس الله يعلم بيها
صح لو كلت متغيره وكوه أعله روحي مصبره

3
الغربة والهم والسفر والحيرة هدن حيلي
ما أدري أشكي الدمعتي مدري الدمع يشكيلي
ردتك تعود من السفر عن كربله تحجيلي
الصبح أكضي بالهضم وبالونه يخلص ليلي

أرجع وشوف شبيه
كل حيل ماظل بيه
كل هذا وآنه امناطره وكوه أعله روحي مصبره

4
دليني وين بيا كتر مأخذ هلي دليني
من يوم بي السافرت فرهدت كل اسنيني
طف كربله بيه شعمل من اخذ شمعة عيني
آنه العليلة فاطمة ودار الغرب تاذيني

يالحادي ارحم حالي
مشتاكه أشوف الغالي
وحسين عني مادره وكوه أعله روحي مصبره

5
آنه ادري لو ضعنك يرد جا من زمان اتردلي
بس آنه أعرفك ماترد يالحادي كلبي يكلي
أهل وخواتي والابو يالحادي جانو ضلي
مني خذتهم كربله وين الذي يفزعلي

يالحادي طلعت روحي
وينه اليداوي جروحي
الغالي من أتذكره وكوه أعله روحي مصبره

6
باليقضه مدري بالحلم جن صوت يمي تعاله
ويصيح ذبحوا ركبته ونسبت كل عياله
يالحادي لن هذا بشر ناشته عن كل حاله
كلي انسلب كلي انسحك كلي افطر دلاله


كتله العشت بآماله
من غسله من شاله
معقوله حزو منحره وكوه أعله روحي مصبره

بغداد
امجد صاحب الشطري


https://www.tg-me.com/oydgh