قصيدة اساس ليلة 1 محرم

عوّد عاشور عوّد عاشور
كل شيعي اليوم يبجي ومكسور
هليلة بدمع العين نستقبل شهر حسين
بدموع العين

1
رجع شهر المصايب والهضم والهم
رجع نحر الحسين الليلة ينزف دم
من هالحضة لازم كلنا نتحزم
ومن هاي المسيه ننصب المأتم

مهدينة ينوح وي الزهراء
صاح أعله حسين آه وويلا
وياهم مجتمعين نستقبل شهر حسين
بدموع العين


2
أجه محرم علينه وصبت الدمعة
وعلى سطح المنازل بيرغ نرفعه
هليله ننوح وننحب وننعه
على حسين الذبيح المنكسر ضلعه

ياقلب ايهيد ياعين تنام
وبصدر حسين حافر وسهام
والموعد من يحين نستقبل شهر حسين
عوّد عاشور




3
شهر لوعة ومصيبة شهر أبو اليمه
يريد من المواكب والخدم همه
اليحب يخدم صدك ليفكر باسمه
حبيب يسجل اسمه بدفتر الخدمة

اليخدم بخلاص بأسم العباس
كل يوم عيش مرفوع الرأس
بهذا المنهج باقين نستقبل شهر حسين
بدموع العين



4
كل مجلس حسيني لازم نحضره
الحضور بهاليالي يفرح الزهرة
بعد جم ليلة يبجي العالم بأسره
يذبحون الرضيع الست شهر عمره

شهر الآهات شهر المأساة
تنعاه الحور والمخلوقات
وياهم مجروحين نستقبل شهر حسين
بدموع العين



5
محرم خله بينه بكل قلب لوعة
لأن من فيض أبو السجاد ينبوعه
الحزن والهم نقاط وعدنا مشروعة
لان هو الحسين أختار موضوعه

نكضي الأيام حسرات ونوح
للموت أنصيح آه يامذبوح
هل الصرخة ليوم الدين نستقبل شهر حسين
بدموع العين



6
محرم لو سنة هم مانمل منه
أهم شي فاطمة وحسين يقبلنه
ابد ماتنطفي جمره مجالسنه
مادام الإمام المنتظر عدنه

لابد فد يوم مهدينه يعود
وإحنا انلاكي بهدوم السود
من نوفي وياه بالدين نستقبل شهر حسين
بدموع العين


شطره
امجد صاحب الشطري

https://www.tg-me.com/oydgh

اساس ليلة 2 محرم
عشك شايل عشك مـن العرك حبك يغالي
إلك روحي إلك يامن عشت صورة بخيالي
نعم يابوعلي فقط بس أنت إلي
ياحسين

1
عشت عمري بهيامك وكع قلبي بغرامك
كبر شوكي وشلت حبـك حرز بثنين أديه
بكثر مابالي يمك كمت بالصورة أشمك
حقيقة ومن اطوفك رحمتك تنزل عليه

حبك بعيوني بإحساسي ماله تالي
غيرك ياروحي بنص روحي ماكو غالي
يانبضه قلبي وبجالك راسي عالي

افتحت عيني وصحت أنت العشك لمن هويتك
نعم وي الدمه ووسط القلب ساكن لكيتك
يمن تسوه هلي فقط بس أنت إلي
ياحسين


2
غزل يكطر حنانك نبع صافي لسانك
سمَّعت عنك سِمّع لا ماشفت لمحة خيالك
أنا أول ماقريتك جبل شامخ لكيتك
وفه وطيبة وشرف عِفه وكرم شفت بخصالك

نفحت إيمانك وأنفاسك حيدريه
نظرات عيونـك للخادم فاطمية
ياحلم سنيني ويادم اليجري بيه

لون أوصف لون عنك نعم يعجر لساني
حلم عمري صرت من المهد أنت بكياني
والي ونعم الولي فقط بس أنت إلي
ياحسين



3
مثل قلبك يغالي فلا مر أعله بالي
نعم كلمن عشك حبك جعل روحه رخيصة
إذن حكها المشاعر تحب من الخواطر
مثل ذاك النزل بالطـف وإلك شكك قميصه

عابس من شافك بألطافك جن جنونه
علمنا نحبك وأهل الحب ولعونه
يحسين أنصارك عن عطفك علمونه

صدك علمني أحب حب الوفه وثبتلي ساسي
بعت ماي الوجه كله إلك وتعله راسي
صرت بيك اعتلي فقط بس أنت إلي
ياحسين



4
يمن فدوه لحروفك شمس كل يوم أشوفك
يجي الليل وكمر وأجمل كمر تطلع عليه
اصد حسنه ووصاله وأشوف آية جماله
مثل خيط الشمس لو سلم أعله المغربية

أنظر بعيونك من دونك آنه ضايع
ياوجه الغيرة يالقلبك كلشي جامع
ياكعبة شوكي وبحبك آنه قانع

ردت مثلك ردت ماحصلت واحد بديلك
منو يشهبك منو فوك الثرى وفاتح سبيلك
أمر ماينجلي فقط بس أنت إلي
ياحسين


5
منو مثلك إمامي بحر بس قلبه ضامي
عطش مرة النهر وبعطفك الطاهر رويته
وكفت أنت ورضيعك كلت لا ما أطيعك
اجاك بموتك الشط وأنت أبداً ما اجيته

صابر وبصبرك ذليته بكل إرادة
ماتهم للشط بس تهتم للشهادة
دمك ضحية بكل غيرة وكل سعادة

نعم تكدر نعم يم الخيم زمزم تجيبه
الأمر لا مو صعب عندك سهل لا مو عجيبة
النهر أصبح خلي فقط بس أنت إلي
ياحسين



6
نعم كلشي نطيته وصرح ذكرك بنيته
ثمر دمك طلـع غِيرة وكرم بالغاضرية
شلت دين العقيدة وخذت كلشي التريده
لان ماسلمت للذل نفس يبن الزجية

لو ما دم نحرك مانصعد عالمنابر
لو ماجف زينب مانعرف كل الشعائر
يحسين بكلشي ويانه انت حاضر

ألف شكرا إلك يابو علي بأسمك علينه
بكثر خير السمه وخير الأرض تارس أدينه
حبيبي الأولي فقط بس أنت إلي
ياحسين

بغداد
امجد صاحب الشطري

https://www.tg-me.com/oydgh

مقدمة ليلة 1 محرم

حي على العزاءِ حي على البكاءِ
لصريع الدمعة الساكبة
1
أول محرم بينه هَلّ وصوت المصيبة مرتفع
من الحسين بكربله باجر يكسرون الضلع
مفروض مانعلك شمع مفروض بس انهل دمع
حبل النحر عن الجسد جم ليلة باقي وينكطع

قد حانت المنايا في ليلة الرزايا
لصريع الدمعة الساكبة



2
عاشور قمة من الحزن عاشور حسرات وألم
تنعاد بي كل المحن وهموم مأساة الحرم
كل ليلة بي لمن تمر نذكرها نيران الخيم
ونتذكر شلون الطفل لمن يرفعونه بسهم

ضمآن في الطفوف ِ ياطعمة السيوفِ
لصريع الدمعة الساكبة



3
ياشهر مامثله شهر ياجرح مامثله جرح
بي تنسبي كل الحرم وبي تذبح شمس الصبح
أعظم مصيبة بكربله الرأس لو شاله الرمح
وشيبة حسين مخضبة والدم على المنحر يسح

اضلاعهُ كسيرة أشلاءهُ مريرة
لصريع الدمعة الساكبة



4
ليلة العاشر من تمر ليل الحزن كله يمر
يبدي الوداع بكربله بين الولي وأم الخدر
حرملة يفتر عالخيم وبصوطه متحظّر الشمر
وينادي يابت فاطمة يفصلنا بس وكت الظهر

الحُزن والنوائب والصبر والمصائب
لصريع الدمعة الساكبة



5
هليلة زينب بالخيم وباجر تروح أعله الهزل
بالكوفه تدخل حايره يستقبلوها بالطبل
مو هينه بت خير البشر لمن يكودوها بحبل
والناكه يحديها زجر من بعد عين ابالفضل

ياقمر العشيرة فزينب أسيرة
لصريع الدمعة الساكبة



6
قصة الطف ماتنتهى إلا بظهور المنتظر
ينشر قميص المنذبح ويطالب بجف الكمر
يصير القصاص بكربله يم قبر محزوز النحر
ويبين النه بحسرته ظهر الحسين من انكسر

هيا بنا سوية نبكي على الرزية
لصريع الدمعة الساكبة

شطره
امجد صاحب الشطري

https://www.tg-me.com/oydgh

مقدمة ليلة 2 محرم

آنه العليلة دمعي أسيلة
وين الأهل عافوني


1
آنه ياناس العليلة الفاركوها
آنه ياناس الوحيدة الماخذوها
روحي للهم والمصايب سلموها
ودعوا كلشي هلي من ودعوها

بعد الغوالي هذا آنه حالي
راح أبجي حتى عيوني


2
هو لو واحد مشه تهون القضية
لكن أحباب القلب راحو سوية
جان عبدالله وعلي وسكنه ورقية
هسه بس صوت الصدى يرجع عليه

آنه بعذابي وحزني ومصابي
وبهل السفر أذوني

3
حلوة جانت لمه أحبابي الغوالي
راحو ودمعي عليهم بس يلالي
والله صعبة من يظل البيت خالي
وبعد أصعب من يصير بلايه ولي

سهرانه عيني ذايب حنيني
واهل الوفه ماجوني

4
أفز من نومي ويفز شوكي وحنيني
واركض أعله الباب أنا بنوحي وونيني
ادعي من الله هلي بلكت تجيني
يمته أشونهم على يساري ويميني

بالروح أضمهم لو رد ضعنهم
هذا حلم بظنوني

5
منهو يمشي لكربله ويأخذني بيده
مستعدة أتحمل السفرة البعيدة
روحي حنت والضعن هليوم أريده
بعد ما أتحمل آنه أبقه وحيدة

كل يوم أعاني هدني زماني
ويلي وتغير لوني

6
الله يدري بحالتي بس الله يدري
آنه طفله وسلمت للباري أمري
منكسر ظهري أنا ومهموم صدري
بين غربة وانتظار أنختم عمري

وكل هذا أني ظليت اتناني
اتنطر ايمروني

بغداد
امجد صاحب الشطري

https://www.tg-me.com/oydgh

مقدمة ليلة 4 محرم

بسم حسين أول ما أبدي
بسم حسين روحي وكل ولدي


1
آنه أم البنين إلي يسموني
بسم حسين أبدي وخل يسمعوني
عن محبته مهما يمنعوني
هو حسين عمري وشمعة عيوني

نور العين وأغلى ماعندي

2
حب حسين عايش داخل إحساسي
بحروف أسمه تسبح روحي وأنفاسي
وجوده بدنيتي وبين البشر ساسي
لو ماهو جا مايرتفع راسي

كل الناس لو توكف ضدي

3
مثل قلبه الحنين الغالي وين الكه
أبو السجاد هـذا الكل قلب شهكه
شما أحجي وأكول مقصره بحكه
عودني أعله كلشي من عدى الفركه

راح بعيد خلاني وحدي

4
جنت وكت الصبح بعيوني اشوفنه
وتصير المغربية وما أمل منه
من أشمه بصدره اشمن ريحه الجنة
راح الكربله وخلاني بالونه

يمته يعود غِيره آنه شعندي

5
ولدّي الأربعة لو كلها تتوذر
أهم شي يبقى سالم عندي أبو الأكبر
هذا ابن الزجية ووالدة حيدر
أعز من روحي وأهلي وبأسمه آنه أفخر

هو الروح وبروحي آنه افدي

6
ردت مو أربعة عندي ولد عشرة
افديهم اله والزينب الحرة
هذا حسين هذا وآنه تحت أمره
لأجله شما أقدم اشعر امقصره

آنه وياه ماخالف عهدي

شطره
امجد صاحب الشطري

https://www.tg-me.com/oydgh

قصيدة اساس ليله 4 محرم

وين أحبابي مشتاكة الهم هاي الليلة وتجري عيوني
وين أحبابي آنـه أمهـم معقولـة بهـل الحالـة يخلوني
حيرة وهم وفراك قلـب الهـم مشتاك

1

والله حيـرة عيـوني راحـت والأحبهــم مااجوا
مدري ماتوا مدري ضاعوا ليش هيج اتاخروا

كلمــا أريـــد اغفـــه أفـــز وأتـذكــــر الحبايب
وشلـون انــامـن يابشـر وحسيـن عني غايب
صح آنه بحضــان الوطــن بس ما إلي كرايب
شلي بوطن مابي أهل بس حيرة بس مصايب

حمره عيوني لكن أصبر رغم همومي وقلبي الحاير
حمره عيوني يمكـن ضعن الغالي لداري يرجع باجر
يحضن صدري الضاك قلبــــي الهــــم مشتاك


2

ماهي سهلة الفركه تكتل الفركه أكبر من جبل
أيعنـه الله الكضــــه عمـــره لا حبايــب لا أهل

آنه الخلص عمري بهظم وبحسرة وبمصيبة
راح الحبيـب الكــربلــه ومنيــن مثلــه أجيبه
جان القلب مـن يختنــك يتشــم عطــر حبيبه
هســـه ليــــش محيــرة وبـديــرتـــي غريبة

كون وياهم راحـت روحـي ولا أتحـمل هـاي الحالة
كون وياهم كافي أنحـب يوميـة وعيني أتظل همالة
جمــري شكــد حـــــراك قلبــــي الهــــم مشتاك






3

ولــدي آنــه إعـــزاز عنــدي بالـولــد مافكرت
حسين عندي أهم منهم بأسمه أني شكد صحت

مشتاكة أشوفـه يابشـر مشتاكـة أقبل أيـده
محبوبي خلاني ومشه وآنه صرت وحيـدة
آنـه أدري راح الكربلـه بـس كربلـه بعيـدة
مابيـه حيـل أعله السفـر واليوم آنه أريـده

راحت روحي ويسألوني الوادم يرجـع يمته الغالي
راحت روحي ماادري بيا يوم ايردلي ويرحم حالي
وتصيـح الأشواك قلبي الهم مشتاك






4

ويـــن زينـب ويـــن سكنـة ويـــن كــل العايلـــه
مايجونــي الغيبــة طالـت قلبـــي بالهــم أمتلـــه

روحـي خـذوهـا الكربلـه مـن طلعـت المحامل
بس الجسد ظل ينتظر دمعي أعله خدي هامل
ظلـيت أتانــي أعلــه الــدرب وأتفكـــد القوافل
هلبـت اشوفـن رايتـي ويرجـع إلـي بـو فاضل

يمته الحـادي كل أحبابي الراحو مني يرجع بيهـم
يمته الحـادي يـرحـم قلبـي ويخلـي أيديـه بأديهـم
تتلاكــــه العشـــاك قلبـي الهـم مشتاك






5

زاد همي وطال صبري وضاك من عندي الصدر
لــن أجـانــي أبــن حـذلــم كتلـــه سـولــف يابشر

كلــي بنينــج ماتجـــي متكطعـــة يالحزينــة
لا تـروي مقتلهـم إلـي محبوبــي كلي وينـه
الرأس كلـي اعله الرمح والجسم ساحكينـه
مـن جفه كطعوا خنصـره والجحـر في جبينـه

كتله وزينب كلي انكادت بيد الغربة ومارحموهـا
كتله وزينب بالهم خلوهـا وبالاسواط يضربوهـا
ومضيعة المشراك قلبـي الهـم مشتاك




6

تـالـي اجتنـي بــس أرامـل راجعـة مـن السبـي
ماكـو فـارس بالمحامـل كمت أنظر بـس عبــي

كــل الحبايب عالثــــره ويلــي صفـوا ذبايح
عافوني وردة بلا غصن والعطر منـي رايح
أم البنيـــن الطاهـــرة فكـــد الغــوالي جارح
كضيت عمري بس أون بس أنصب الفواتح

بعد الراحوا ما أريد اسنيني بهل الدنيا ولا أيامي
بعد الراحوا محتـارة بهمـي وحســراتـي وبالآمي
حلمي من أيدي أنباك قلبــي الهــم مشتـــاك


شطره
امجـــد صاحـــب الشطـــري

https://www.tg-me.com/oydgh

اساس ليلة 5 محرم


مسلم يتاج الفخر دمك وكع وانتصر
صوله فكر طول العمر ماتكرر
من غيرتك من عزتك دمك أثمر

1
يبن عم الصميدة اجيت بكل عقيدة يافحل
ردت تنشر رسالة إلك تاج العدالة من الأزل
جبل بالكوفة واكف ضميرك جان هادف ماخجل
بسالة وغيرة عندك منو اليوصل لحدك ياجبل

الكوفة بيدك صفت وأهل الخنه تراجعت
صوتك علّه بالمرجله أنت المصدر
من غيرتك من عزتك دمك أثمر


2
كلت هذا آنه مسلم شجاع بكُلشي ماهم حيدري
لحبيبي أوفي وعدي أنا لحسين أفدي منحري
سيوف الكوفة كلها يكون اليوم أذلها بخاطري
أشد وبسيفي أضرب وعلى الأموات أنصب منبري

من جلمتك والنعم سيفك يذل الزلم
عندك أمر سيفك يمر ماتتعذر
من غيرتك من عزتك دمك أثمر


3
الزلم سمعت خطابك اجت كلها أعله بابك ساعية
بعض منهم تطالع وبعض منهم تبايع باكيه
بصلاتك جربتها تفر عنك شفتها شاكيه
الطمع غير طبعها البشر تعرف نبعها من هيه

والوادم البايعت بليلة وضحاها اختفت
بعد العهد بعد الوعد كلشي تغير
من غيرتك من عزتك دمك أثمر


4
صرت بالكوفة وحدك واجت كلها تضدك ياولي
عددهم مايهمك أهم شي هو اسمك معتلي
شهرت بيدك حسامك وكلت بأول كلامك ياعلي
علّت بيك الحمية وبقه جيش آل أمية ينجلي

يم طوعه من قاتلت طاحو سوه وماطحت
يمك عِده متحاشده ماتتقدر
من غيرتك من عزتك دمك أثمر


5
العدة واضح غدرهم نعم وأنت تعرفهم بالنصب
لكوك أروع محارب طلعوا بأربع جوانب بالحرب
بيمينك وبشمالك اجت فرقة بنزالك بالدرب
صرت مابين اديهم ردت تهجم عليهم بس صعب

جان بجفوفك حبل يم الجدم متصل
جنبك ألف كبالك ألف خلفك أكثر
من غيرتك من عزتك دمك أثمر

6
القصر من اعتنيته أميره حيريته بخطبتك
سمع صوت العقيدة وأمر جُنده وعبيده بموتتك
وكفت مثل المنارة على القصر الإمارة هيبتك
توجهت لإمامك كلت بآخر سلامك جلمتك

عذراً يبن فاطمة لو مايوفي الدمه
روحي إلك قلبي إلك يابن حيدر
من غيرتك من عزتك دمك أثمر

شطره
امجد صاحب الشطري

https://www.tg-me.com/oydgh

اساس ليلة 6 محرم

سمينه وتوضينه فرض الغِيرة صلينه
بأرض الغاضرية
مثل الريح هبينه من يكدر يلاوينه
بأرض الغاضرية


1
أذآن المرجلة من الغِيرة اعتله
وكفنا بكربله مثل وكفت جبل

ندانه يعتلي خدم يابو علي
عشكنا الأولي يبن خير العمل

حسين اجينه النصرتك
حسين نموت بخدمتك
حسين هوينه محبيتك

حبك يجري وي دمنه بالله وبيك آمنه
كلمة للمنية
الله لشعبك اختارك واحنا اليوم أنصارك
كلمه للمنية


2
ندوس أعله الجمر وأبد مانعتذر
أمر تأمر أمر بدينه يرف علم

جنود بكل كتر نكص رأس الشمر
إذا حاول يمر على صوب الخيم

نصير جسر في كربله
نصير فداء العايله
نصير ظلام وزلزله

جون وعابس ونافع بينه للشرف دافع
ضد أهل الدعيه
سيف الموت بيدينه احنا اليوم صفينه
ضد اهل الدعيه



3
دمانه نقدمه ونحرنا نسلمه
يبن حامي الحمه ولانخون العهد

نجي ونوكف سوه نرتل القل هوه
القلب بيك ارتوى واخذ منك مدد

جنون إلك يابو علي
جنون ابد ماينجلي
جنون بغرامك يعتلي

حبك والله منبيعه بالدم صار توقيعه
ياروح الزجية
وينه اليوصل خيامك إلا نذبحة جدامك
ياروح الزجية


4
على سوح الحرب نعم نزرع رعب
علينه مو صعب نزلزل كربله

نجي بموت الحمر نسوي الدم بحر
نصيح أين المفر شمر ياحرمله

نموت ولا نرجع قدم
نموت على عتاب الخيم
نموت ندوس أعله الوهم

الموته وياك محلاها جم عاشك تمناها
يامُحّيّ القضية
الينذر دمه هنياله بالطف تعرف أفعاله
يامُحّيّ القضية


5
المعسكر من سمع أبن ظاهر طلع
رجف كله ورجع أنكسر من هيبته

برز مثل الأسد قتل أكثر عدد
ويريد أكثر بعد عظيمة غيرته

حبيب على الموت أبتسم
حبيب كتب درس القيم
حبيب ولا يعرف ندم

شيخ أنصارك الطاهر طب وماطلع خاسر
ذل جيش آل أمية
بشيبه ومحد يلزمه صال ودافع بهمه
ذل جيش آل أمية

6

يبن جنة عدن فلا نخشى المحن
ألف موته لون نموت بخدمتك

نعم طعم الأجل مثل طعم العسل
دمانه لو نزل فداء لشيبتك

هيام يظل هذا العشك
هيام يبو حجي الصدك
هيام ابد مانفترك

لو عنك تفرقنا بعد الموت تجمعنا
بالجنة الزهية
كلمن شايل اشواكه وي الزهرة نتلاكه
بالجنة الزهية

شطره
امجد صاحب الشطري

https://www.tg-me.com/oydgh

اساس ليلة 7 محرم

أذن جرح قلبي واقتـربت الحيرة
المن بعد أربي خويه يبو الغيرة
بـس ليلة وحده ياكمر
باجـر أشوفـك عالنهر


1
أذن جرح قلبي وبده ميل الحزن يفتر
صعبة عليه موداعك وصعبة أعله أبو الأكبر
ما أدري دلالي أنكسر لو جبدي يتفطر
(والعالم أتغير)

منهو إلي يرحم عيلتك يابو فاضل
منهو إلي يحمي خيمتك وأنت راحل

قلبي على الراية عيني على جفوفك
محتار أنه بهايه لو غابت اطيوفك
دلالي حسيته بخطر
باجر أشوفك عالنهر


2
عباس ليل الهم قرّب حاجيني شلونك
صديت لي بنظره حزن وتسولف عيونك
جنك تكلي المعذرة وصار الدمع لونك
(ادري يذبحونك)

نادتيك ودمعي نزل قلبي حاير
ياخويه بس أنت الأمل لا تغادر

سمعتك تحاجيني وتكلي ودعيني
ياخويه اعذريني لو طاحت يميني
ودعتك وجبدي أنعصر
باجر أشوفك عالنهر


3
ياخويه آخر مرة من عاينتك كبالي
سولفت كل مافي القلب واتغيرت أحوالي
كتلك إذا عني رحت من يرحم بحالي
(عباس يالغالي)

أنت الجبتني الكربله وأيدي بيدك
عباس يابو المرجلة وياي أريدك

عباس تدري آنه ماأرهم بدونك
خليني عطشانه اتروه بعيونك
ما أريد ياضّيّ النظر
باجر أشوفك عالنهر


4
ليلة الفركة أعله الحرم عباس مو سهلة
بعدك على الدنيا العفه والعمر مايحله
شيصير بيه لو شفت بعيونك النبلة
(والوضع شيحمله)

عباس ماترجع بعد هذي حيرة
راسك يصوبونه بعمد يبو الغيرة

يم النهر ضامي مكطوعه جفينك
متعفر ودامي ماواحد يعينك
مذبوح مكسور الظهر
باجر أشوفك عالنهر


5
باجر حسين بكربله ماواحد ينصره
أنت صريع أعله النهر ماتكدر أتحظره
شتحظره وبعينك سهم ولايمنه لايسره
(وحسين عالغبرة)

بخيل اعوجيه بلا رحم ينسحك جسمه
والجبد ينصاب بسهم ويسيل دمه

عضيدك يذبحونه عاري يخلونه
جسمه يسلبونه صبعه يقطعونه
وأنت يبن فارس مضر
باجر أشوفك عالنهر


6
عباس شحجيلك بعد عباس مو كافي
لمن يحركوها الخيم ماكو احد يوافي
وحدي الم بعيلتي ومني الجدم حافي
(والصوط بجتافي)

عباس إذا بعدك عدل رد عليه
سوط الشمر ماينحمل نار بيه

بالصحره يضربني ومرة يجي يسبني
ومن أيدي يجرني وبخدي يسطرني
بذاك الظهر احمل قهر
باجر أشوفك عالنهر

شطره
امجد صاحب الشطري

https://www.tg-me.com/oydgh

مقدمة ليلة 8 محرم

راح الولد راح يازينب تعاليلي
للهم ولنياح خلاني وهدم حيلي

1
روحت وليدي ولا سهلة علية
مو جرح واحد تركها جروح بيه
الجان يومية ينام بين أدية
هسه جاسم غافي بحضان المنية

وكت الصّله جان يمّه يكلي ادعيلي
للهم ولنياح خلاني وهدم حيلي


2
راح مني أوليدي راح وهاذي حيرة
هو بس هالغالي عندي ومالي غِيرة
جنت كل لحضة أشم ريحه عبيره
تالي شفته مكطع بذيج الظهيرة

متفايض أدماه داسو صدره ياويلي
للهم ولنياح خلاني وهدم حيلي


3
يختي يازينب تعالي وشوفي حالي
ماتت أحلامي وتعب ذيج الليالي
بعد جاسم حيل يختي مابكالي
ضاع مني وضيعت عزي ودلالي

من فوك التراب ضنينه يناديلي
للهم ولنياح خلاني وهدم حيلي


4
عمره عمر الوردة وستعجل غيابة
تلطعش عام وشفت لوعة مصابة
الحنه صارت ياوسف من دم خضابه
بعد ياشمعة ترجعلي شابة

فرض الشكر جان كل ليله يصليلي
للهم ولنياح خلاني وهدم حيلي


5
مثل جاسم يالعقيلة منين أجيبه
راح مني وقلبي مابطل نحيبه
ردته للشدات وأيام المصيبة
مادريت يعوفني وأصبح غريبة

بالشده جسام آنه ادري يوافيلي
للهم ولنياح خلاني وهدم حيلي


6
عمري من بعده يزينب ما أريده
شلي بعمري من أظل آنه وحيدة
والله أتمنى رحت وياه شهيدة
حتى وكت الموت اريدن أيدي بأيده

اشكيله عالحال وهو الحالة يشكيلي
للهم ولنياح خلاني وهدم حيلي

شطره
امجد صاحب الشطري

https://www.tg-me.com/oydgh

اساس ليلة 9 محرم

ناعي الحزن صاح راح الـولـد راح
نايم على التُرب محد يشيله
لا مـايرد علي نـوحى يليله


1
يوم ودعني علي ووداع خيامه
شفت بعيونه عطش أول علامة
كلي بويه خاف مارد بالسلامة
أعتذر منك يبن خير الإمامة

ياشمعـة العين كتله السفر وين
كلي الوعد قرب مابيدي حيله
لا مـايرد علي نوحى يليله



2
من مشه من الخيم عينه عليه
أدري بي عطشان بس مارد إليه
ركضت صوبه بدمعي شبكته بديه
من ضماه حسيت نار أنزلت بيه

نار الضمه هاي ياحسره الماي
عينه على النهر وأيده بدليله
لا مـايرد علي نوحى يليله



3
من دخل للمعركة كل فكري يمه
خاف يوكع والخيول أدوس جسمه
أدري الأكبر عنده غِيرة وعنده همه
لكن أصحاب الغدر ماعدها رحمه

كل خوفي ظلّام يرمونه بسهام
روحة علي شعجب صارت طويلة
لا مـايرد علي نوحى يليله



4
ساعة الطوّل عليه رحت أدوره
لكيته نايم عالثرى ومكطوع نحره
ردت أحمله بيأدي لن مكسور ظهره
ردت ألمه لن شفت مسحوك صدره

بوصاله لميت وبنوحي رديت
امشي بحزن وأون دمعي أسيله
لا مـايرد علي نوحى يليله



5
كل خواته من الخيم تبجي وحزينة
ليش راجع وحدّك جا علي وينه
جاوبتهن علي راح ومايجينه
كلشي ماظل صاحي منه مكطعينه

خليته مذبوح بي مابقت روح
كاتب من الدمه ساعة رحيله
لا مـايرد علي نوحى يليله



6
لخيمة أمة توجهت والدمعة حمرة
أدري مهضومة وردت خاطرها أجبره
مدري أواسي دموعها لو قلبي أصبره
هو اليفارك عزيز شيسوه عمره

والغالي لو راح يادمعة ترتاح
وليدي نايم وبعد ماكو بديله
لا مـايرد علي نوحى يليله


شطره
امجد صاحب الشطري

https://www.tg-me.com/oydgh

اساس ليلة 10 محرم

يبن أمي حاجيني عـدمـن تخليني
لو صبّح عليه الصبح
راسك أشوفه أعله الرمح

1
من يصير الصبح باجر وين أنطي الوجه وين
محد يحن أعله حالي شلون بيه ياحسين

من مهرك تطيح وينكسر ظهرك
ويجي بسيفه الشمر يكعد على صدرك

عيالك يشوفونك يوم اليذبحـونك
من الكفه يذبحك ذبح
رأسك أشوفه أعله الرمح



2
ليل الموادع مصيبة وبيه مايرحم يخوي
شراح أكول السكنه بنتك من تكلي وين أبوي

ذيج الساعة صعبة وحيرتي حيرة
بعد عينك يخويه وعين وأبو الغيرة

من وين اجيبنك لو ناشدَت عنك
غير المصايب ماتصح
رأسك أشوفه أعله الرمح



3
تدري باجر لو لفانه يبتدي مصابي الفجيع
بالشمس حفاي نركض والحرم كلها تضيع

آنه أركض ودوّر والهضم بيه
وصياط الشمر تتكطع عليه

بين اليضربوني بين اليشتموني
حيرانه والمدمع يسح
رأسك أشوفه أعله الرمح



4
بعد ياراحة التجينه وبعد ياعين التنام
هي جم ساعة يخويه ويعله دُخان الخيام

يبن أمي بحبل باجر يكيدوني
ولصوب الشريعة تشوبح عيوني

انده يبو الغيرة شوف أختك بحيرة
مايسمع عتابي السمح
رأسك أشوفه أعله الرمح



5
باجر الظهرية ظلمة وتختفي شمس الصباح
واسمع من الكوم صيحة حسين شلناه عالرماح

أشوفك منذبح والشيبة مدميه
وجروحك عدل وألف وتسع ميه

ضلوعك يكسروها ثيابك يسلوبها
محتاره أضمد ياجرح
رأسك أشوفه أعله الرمح



6
باجر تصير النهيبه وتنسبي كل العيال
وينسلب خدر اليتيمه ولا يظل عز ودلال

يساره أعله الهزل باجر يركوبنه
وعلى اجسوم الأهل بغضاً يمشونه

برمحك تحاجيني وتكلي عذريني
مهدوم يبن أمي الصرح
رأسك أشوفه أعله الرمح

شطره
امجد صاحب الشطري

https://www.tg-me.com/oydgh

نزلة
هذا لطمنه للموت على حسين وولادة

1
ياحسين أنصارك أحنا بكل وكت نتباها
ياحسين وهـالمجالـس لحظـة ماعفنها
عاشت ليالي محرم وإحنا عشنه وياها

كل تعب ماكو بخدمتك بالعلن كلناها
هذا لطمنه للموت على حسين وولادة

2
مصيبتك يحسين جمرة بالقلب تجوينه
من اللطم ومن البواجي والله ماملينه
نعطش وهاي والمجالس هي اليتروينه

والله ننسه الدنيا كلها وهي ماننساها
هذا لطمنه للموت على حسين وولادة

3
عابس إلي شك قميصه وصاح إلك بجنونه
يدري حبك ماكو غَيره وماتشوف عيونه
صارت الوادم عشاكه والخلك مجنونة

مثله مو بس القميص الرؤوس شكيناها
هذا لطمنه للموت على حسين وولادة

4
أنت ناطي عيال بيتك أحنا شنهو أنطينه
غير دمعة وغير لطمه بشنهو إلك وفينه
بلا خيم ظليت أنت وهسه خيمة علينه

نحرك الخيمة بناها ودمك العلاها
هذا لطمنه للموت على حسين وولادة

5
ياحسين بخير أحنا دامك أنت ويانه
أنت تسوه الدنيا كلها وبالقلب ريحانه
مانسيناك بدمعنا فدوه لاتنسانه

هاي القلوب التحبك ياحسين أرعاها
هذا لطمنه للموت على حسين وولادة

6
شيعتك يحسين نبقه للأبد وفايه
انطيح فوك الكاع كلنا وماتطيح الراية
باجر بيوم اربعينك نعتني مشاية

نشارك الحرة العقيلة بضيمها وبلواها
هذا لطمنه للموت على حسين وولادة

شطره
أمجد صاحب الشطري

https://www.tg-me.com/oydgh

حيدر أميري وماارضى غِيره
أعلن ولائي ليلة غديره
انا عاشك حيدر انا خادم حيدر


1
علي هليوم أبايع علي وبدربه تابع
علي أول خليفة علي مايبقه رابع

علي هو أميري علي من عنده خيري
علي جنة حياتي علي بيده مصيري

بسمه يصيح دلالي
يسوه الكون هالوالي
بس الحيد يحلالي
ساكن حيدر بعيوني

بارينه علاه وأعظم صفه أنطاه
والمو علي وياه ميفيده مولاه؟

الماعنده حيدر مايعله رأسه
خاسر حياته وضايع أساسه
انا لازم حيدر انا خادم حيدر


2
علي محي الشريعة علي واجب نطيعه
علي بالدنيا كلها علي حبه نذيعه

علي شال أيده احمد علي وبأسمه ردد
علي من بعدي أنت علي بيك الله يشهد

كل الناس فرحانة
بالكرار مولانه
طه يصيح بلسانه
هليوم حيدر وفيته

بابعت ابو حسين كل هاي السنين
نبض القلب صار وعيوني الاثنين

آنه العشكته وهيهات اعوفه
كل يوم أزوره وبروحي أشوفه
انا هايم حيدر انا خادم حيدر


3
علي أسمه عبادة علي خير وسعادة
علي سر الخليقة علي بارينه راده

علي ماصح نظيرة علي شيخ العشيرة
علي أول خليفة علي يشهد غديره

بأمره الله وهادينه
حيدر صار ولينه
غِيرة وزود منطينه
حيدر هو معلينه

معشوك القلوب هو أغلى محبوب
للموت انا وياه من حبه ماتوب

لحيدر إمامي أبقه آنه تابع
وبسم الولايـة هليوم أبايع
بالعوالم حيدر انا خادم حيدر


4
علي ماكو مثيلة علي ماصح بديله
علي يوم القيامة علي هو الوسيلة

علي راعي اليتامة علي عالي مقامه
علي يوم الشدايد علي يشهد حُسّامه

خزره موت بعيونه
بكل مجان يلكونه
هذا إلي يسمونه
كرار والكون يهابه

معروف أبو أتراب عند كل الأعراب
أرض وسمه تصيح ياداحي الباب

مولانه حيدر أيدينه بيده
والما يوالي منهو اليفيده
لي دايم حيدر انا خادم حيدر

شطره
امجد صاحب الشطري

https://www.tg-me.com/oydgh

{ عيد الله الأكبر }

https://youtu.be/MzNRd-pg_So


أداء | #مجتبى_الغزالي
كلمات الشاعر | #أمجد_الشطري
-
الهندسة الصوتية و التوزيع | حسين نجم
تنفيذ | أنيس النفوس ميديا

🔻🔻جديد🔻🔻
قصيدة (اخذ الروح)




https://youtu.be/EHCbk2KApZI


اداء الملا #عبدالمحسن_العمراني
كلمات الشاعر #أمجد_الشطري


الهندسة الصوتية والتوزيع
#محمد_عليق

تنفيذ
الزهراء ميديا للانتاج الحسيني

الشكر موصول لجمع العالمين
على هذا العمل

محرم الحرام 1445

.
[ هذا لطمنه للموت ]
------------
‏https://youtu.be/KexGCRwfhrw
------------
‌‎أداء الملا #محمد_بوجبارة
‌‎كلمات الشاعر #امجد_الشطري
------------
‌‎مخطوطة - عباس فاضل
‌‎مكساج - حسين نجم
‌‎مونتاج - حبيب الخليفي
------------
ليلة 2 محرم الحرام 1444 هـ - 2022 م
‌‎#حسينية_سيد_الشهداء - دولة الكويت

استقبال شهر محرم

نعيش بمحرم

اداء ملا #دانيال_بوجبارة
كلمات #أمجد_الشطري

موكب الكاظمية الاحساء 1444

https://youtu.be/SkLK6pw3Zg4

[ *هذا عاشورك* ]

أداء | محمد أكبر
كلمات | أمجد الشطري

مخطوطة | سيد حسين بهبهاني
مكساج | حسن مرهون

https://youtu.be/nYpvtucpgw0

ليلة 1 محرم الحرام | 1445 هـ - 2023 م
حسينية باب الحوائج - الناصر

تنفيذ
الكاظم ميديا

كل عام واحنه بخدمتك

الخطيب الشيخ #حسن_خليفة
كلمات #أمجد_الشطري

لبنان النبطية
محرم 1445




https://youtu.be/UoxZr2XfpgU