Asus Zenbook 14x OLED — Odamlar nima dedi?

O‘zingizga yangi noutbuk qidirayotgan bo‘lsangiz, yangi videomizni tomosha qiling

📹 https://youtu.be/cAWBDu4tzbw

🎹 Meta Quest 3 koʻzoynaklari sizga pianino chalishni oʻrgatadi

AR-qurilma chalmoqchi boʻlgan qoʻshigʻingizdagi kerakli klavishlarni koʻrsatib turishi mumkin.

😍 — bitta olish kerak
🤔 — tez buzilib qolmasmikan
😁 — sotib olgandan bir hafta oʻtib, chang bosib yotadi

@pakapak

🍏 iPad Fold iPhone Fold’ga qaraganda ertaroq chiqishi mumkin

Apple 2024-yil oxirida ochilib yopiladigan iPad qurilmalarining mayda tirajini ishlab chiqarishni boshlaydi. Sotuvga esa 2025-yil boshidan chiqishi mumkin. iPhone Fold iPad’dan keyingina chiqadi, deb insayderlar xabar beryapti.

❤️‍🔥 — tezroq chiqsa yaxshi edi, kichkina sumkamga ham sigʻdirsam boʻlardi
🗿 — ochilib yopiladigan iPad nimaga kerak?

@pakapak

🍏 Apple Vision Pro’ning arzon versiyasi ham qimmat boʻladi

Keyingi yil chiqishi kutilayotgan Apple Vision Pro 3500 dollar turadi. Bu esa uning ommalashishiga xalaqit qiladi. Shu sababdan Apple uning arzon versiyasini chiqarmoqchi.

Arzon versiyasi ham 1500 dollardan 2500 dollargacha boʻlishi rejalashtirilgan. Undan qimmat protsessor va Eyesight funksiyasi olib tashlanishi hozircha aniq.

🤗 — hamma zoʻr funksiyalarni olib tashlab, sotuvga chiqarishsa kerak
😁 — Apple arzon narsa chiqarishiga ishonganmidingizlar
😐 — Quest olish kerak, boʻldi

@pakapak

🦷 Google Meet tish oqartirishni oʻrganadi

Google Meet videoqoʻngʻiroqlar dasturida “chiroy” effektlari paydo boʻlishini e’lon qildi. Effektlarning 2 xil rejimi boʻladi: birinchisi yengil kosmetik oʻzgartirishlar kiritadi, ikkinchisi esa koʻproq oʻzgartirish kiritadi. Masalan, yuzdagi husnbuzarlarni koʻrsatmaydi, koʻz ostidagi qovoqlarga koʻproq nur tushiradi, tishlarni esa oqartiradi.

❤️ — zoʻr funksiya, videoqoʻngʻiroqlarda kamroq siqilishga yordam beradi
🤔 — hayotdagi odam bilan internetdagi odam tobora farqlashib boraveradimi?
😐 — Google Meet’da endi hech kim bilan tanishish kerak emas

@pakapak

🛵 Elektroskuter P1 — ikki gʻildirakli Cybertruck

Infinite Machine kompaniyasi oʻzgacha koʻrinishli yangi P1 elektroskuterini taqdim etdi. Kompaniyadagilar aytishmayotgan boʻlsa ham dizayn jihatidan Cybertruck’dan ilhomlanishgani ayon boʻlib turibdi.

P1 shunchaki chiroyli emas, baquvvatgina ham. 89 km/s tezlikkacha chiqa oladi, bir zaryadkasi esa 96 kilometgacha yetadi. Korpus alyuminiy va poʻlatdan qilingan. Narxi esa 10 ming dollar.

🤗 — aha, rahmat, oʻrniga mashina olaman
😍 — lekin sevdim rosa
🗿 — bunday skuterlarni taqiqlash kerak

@pakapak

🏎 Ikki gʻildirakli avtomobilda yurgan boʻlarmidingiz?

Sheyn Chen ismli kattalar va bolalarga yoqadigan mashhur oʻz-oʻzini muvozanatlashtiradigan hoverboardni ixtiro qilgan odam bor. Endi u oʻz texnologiyasini keyingi bosqichga olib chiqmoqchi va shuning uchun besh kishini sigʻdira oladigan ikki gʻildirakli elektromobil konseptini e’lon qildi.

Sheyn Chen avtomobilni oʻz ismi bilan, toʻgʻrirogʻi Shane deb nomlagan. Sane elektromobili tezlashayotganda yoki tormoz berganida muvozanat va gorizontal darajani saqlab turish uchun teskari mayatnik texnologiyasidan foydalanadi. Bundan tashqari, yoʻlovchilar boʻlimi avtomatik ravishda ushbu gʻildiraklarga nisbatan oldinga va orqaga siljiydi. Bu esa tortishish markazini har doim barqaror holatda ushlab turishga yordam beradi.

Endi Chen kontseptsiyani haqiqatga aylantirish uchun investor va sheriklarni izlamoqda.

🔥 — qoyilmaqom, Ilon Maskka xabar beringlar
😁 — konsepsiya ekanligicha qolib ketadi
😐 — odam chayqalaverib, mazasi qochib qolmasmikan?

@pakapak

🔬 Huawei va Samsung arzon boʻlgan Flip smartfonlari ustida ishlashmoqda

Yaqinda Tecno kompaniyasi qimmat boʻlmagan Phantom V ochilib yopiladigan smartfonini sotuvga chiqardi. Bu telefon esa ommaga yoqdi.

Endi, insayderlarning xabar berishicha, Huawei va Samsung kompaniyalari ham arzon Flip smartfonlari ustida ishlashyapti. Bunday smartfonlar 2024-yilda chiqishi rejalashtirilgan, narxi esa 745 dollardan qimmat boʻlmaydi.

❤️ — yanada arzonlashtirishsin
🗿 — ochilib yopilgani uchun qoʻshimcha pul toʻlagandan koʻra xuddi shunaqa koʻrsatkichi bor oddiy va arzon telefon olgan yaxshi
🐳 — menga gitara

@pakapak

💬 Androidda Telegram redizayn qilinadi

Yaqinda messenjer Android uchun mobil dastur redizayni uchun tanlov boshlagan edi. Videoda tanlov gʻoliblaridan birining ishi koʻrsatilgan

👍 — yoqdi, iPhone’nikiga oʻxshash boʻlibdi
👎 — yoqmadi, ayfonnikiga oʻxshab qolibdi
😐 — buning oʻrniga yangi funskiyalar chiqarishsin

@pakapak

🚕 Xitoyda haydovchisiz uchadigan taksilar oʻz faoliyatini boshladi

EHang kompaniyasi bu faoliyatga ruxsat beruvchi rasmiy sertifikatga ega boʻldi.

Sinovlar 2017-yildan beri oʻtkazib kelinayotgan edi va shu vaqt ichida 4 mingdan ortiq sinov parvozlar oʻtkazilgan. Bunday “taksi” 2 passajir uchun moʻljallangan. Tezligi esa 130km/soatgacha chiqadi.

👍 — xitoyliklarga qoyil, tez oʻsishyapti
🤔 — qachon osmonda ham probka boʻlarkan
🤨 — buni taksi deb boʻlmaydi-ku

@pakapak

🔑 Hamma ulangan Wi-Fi’laringizning parolini bilish uchun nima qilish kerak?

“Командная строка”ni Administrator nomida ochamiz. U yerda “netsh wlan show profiles” buyrugʻini yozamiz va kompyuter barcha biz ulangan Wi-Fi parollarini chiqarib beradi.

Bizga kerakli Wi-Fi’ning nomini yozib, “netsh wlan show profile name="Tarmoq_nomi" key=clear” degan buyruqni kirgazsak esa kompyuter kerakli Wi-Fi'ning parolini beradi. Wi-Fi nomi bir nechta so‘zlardan iborat bo‘lsa, so‘zni qavs ichiga olish kerak.

@pakapak