O‘zbekistonda so‘nggi yillarda kitob bozori jadal rivojlanmoqda. Endi faqat klassika yoki ommaviy adabiyotlardan tashqari, kitobxonlar uchun turli mavzudagi asarlar taqdim etish muhim masalaga aylandi. Biroq, sohaviy, ya’ni kasbiy, tor mutaxassislar uchun mo‘ljallangan adabiyotlar hanuz yetarli emas.

Bugun shu maqsadda Firuz aka Asaxiy Pro loyihasini boshlaganini e’lon qildi. Loyihaning maqsadi — turli sohalar (biznes, tibbiyot, IT, pedagogika, davlat boshqaruvi va boshqalar) bo‘yicha zarur adabiyotlarni saralab, o‘zbek tilida taqdim etish ekan.

Shuningdek, ayni paytda bir nechta tashkilot va vazirliklar bilan muzokaralar olib borilyotgani va ilk kitob — Eliyahu Goldrattning “Maqsad” asari — iyul oyida taqdim etilishi rejalashtirilgani ma’lum qilindi. Tushunishim boʻyicha, endilikda oʻz hodimlari rivojlanishiga befarq boʻlmagan har bir rahbariyat Asaxiy Pro bilan hamkorlik qilishga harakat qiladi.

Bundan xursand boʻldim, chunki bu loyiha bozorga professional adabiyotlarni olib kirish yo‘lidagi amaliy harakat sifatida e’tiborga molik. Ammo uning muvaffaqiyati — tarjima tanlovi, sifati va hamkor tashkilotlarning faolligiga bog‘liq bo‘ladi.

Biz doimgidek loyihaning rivojini kuzatamiz va sohalardagi ilmiy muhitini boyitishga qanchalik hissa qo‘sha olishini tahlil qilib boramiz.

@panda_books

​Ko‘p kitob o‘qimasangiz ham, ko‘p kitob o‘qiydiganlarni kuzating — bu dunyoni boshqacha ko‘rishga boshlaydi. Ayniqsa, o‘ylashga undaydigan, savol berishga jur’atlantiradigan fikrlar kam bo‘lgan Telegram makonida.

Quyidagi qiziqarli matnlarni oʻqib koʻring:
🔴 Франкенштейн феномени: ўзлик, жамият ва рад этилиш.
🔴 Геноциднинг оммавий психологияси: Голдҳаген назариясига танқидий назар
🔴 Камю ва унинг исёни
🔴 Зулм ёки завқ: дистопиянинг икки йўли
🔴 Инклюзия такрори: 'Why Nations Fail' ҳақида

Bu kanalda siz bilishga arziydigan kitoblar, falsafiy nazarlar va hayot haqida olib borilayotgan chuqur mulohazalarni topasiz.

📌 Obuna bo‘ling!
👉 @Hoshimov142

​​#review #taqriz

📙Abdurazzoq Gurna — “Jannat”

Seni qamab qoʻyishlari, zanjirband qilishlari, har qanday istaklaringni haqorat qilishlari mumkin, lekin ozodligingni tortib olish qoʻllaridan kelmaydi.

Gurna Nobel mukofoti olganida tabiiyki, afrikalik adabiyot namunasiga hamma singari men ham e’tibor qaratdim. Ammo “Jannat” men kutganimdan ancha sokin asar bo’lib chiqdi.

Asar syujeti Yusuf ismli bolakayning otasining qarzi tufayli boy savdogarga qullikka berib yuborilishi bilan boshlanadi. Voqealar bola tilidan hikoya qilinadi. Bu degani u ancha ravon va sodda.

Kitob orqali biz qora qit’aning qora oʻtmishi bilan - qullik, shahvatparastlik, zoʻrlik va jaholat bilan toʻqnash kelamiz. Oldin sira eshitmagan yovvoyi qabilalar hayoti va turmushiga nazar tashlaymiz. Ularning koʻpincha oʻz qoʻrquviga qul ekaniga amin boʻlamiz. “Yovvoyilar nima qoʻrqinchliroq boʻlsa oʻshanga sigʻinib ketaveradi…” Juda topib aytilgan jumla.

Asar boshi biroz zerikarli tuyulsa-da, uning soʻnggiga borib, voqealar ancha jonlanadi va biz koʻplab ishoralarni aslida nima ekanini anglab olamiz.

Xoʻsh, u nega Jannat deya nomlangan? Kitobda bir joyida asar qahramonlaridan biri shunday deydi: “Ba’zi odamlar Jannat bogʻi yerda deganini eshitganman, lekin bunga ishonmayman. Yerda boʻlsa ham hech kim unga kirolmaydi.”

Biz butun umr Jannatni yerdan qidiramiz, ba’zan hatto uni topgandek boʻlamiz. Lekin kim uchundir Jannat tuyulgan yer, kim uchundir Jahannam ekanini unutmaslik kerak. Yusuf uchun Jannat bogʻidek tuyulgan joy, Aminaga haqiqiy azob makoniga bunga misol boʻlsa kerak.

Kitobdan men shularni tushundim, albatta undagi falsafiy ma’nolar va ramzlar yanada chuqur boʻlganiga aminman va buni har kim mutolaa davomida anglab yetadi degan umiddaman.

Yoqimli mutolaa!

@panda_books

ChatGPTga “Imagine me as a food. Generate an image of it. Based on the history of all our chats” deb yozsam shu chiqarib berdi “shumtaka”:)

Meni “bu faqat kitob yeydi” bu deb oʻylasa kerakda:))

@panda_books

Sevgi osmondir, sevgi dengizdir, sevgi qushlardir, sevgi gullardir,
Sevgi yulduzlardir, sevgi shamolli, sevgi menman, sevgi sensan.

@pandas_playlist

#sarhisob #may

Oy Sarhisobi.

May voqealarga boy va tez oʻtib ketdi. Badiiyatga koʻp vaqt ajrata olmadim, ammo Gyugoni davom ettirdim.

Sayohat qildim va koʻp joylarni koʻrdim. Bildim. Tahlil qildim.

Adabiyotsiz ham yashasa boʻladimi? Ha juda boʻladi. Ammo ancha quruq va rangsiz yashaysiz. Tanlov oʻzingizdan.

Millat uchun oʻqishingiz shart emas, oʻzingiz uchun oʻqisangiz kifoya.

O'qilgan kitoblar:
♻️ Jorj Oruell — “A Nice Cup of Tea”
Taqriz 👉 ko'k yozuvni bosing

♻️ Viktor Gyugo — “Kulayotgan odam”
Taqriz 👉 koʻk yozuvni bosing

♻️ Lyu Sizin — “Chumolilar va dinozavrlar”
Taqriz 👉 koʻk yozuvni bosing

Oyning eng qiziqarli postlari:
👉 1-May kuni tarixi
👉 Glazgo tabassumi
👉 Muzqaymoq
👉 Alley nima?
👉 Fitsjerald va Xeminguey
👉 Otam haqida
👉 Oʻz ustidan kulish
👉 Oxford haqida
👉 Norrington xonasi
👉 “Tirik kitob” haqida
👉 25-May

Siz-chi, bu oy qaysi kitoblarni mutolaa qildingiz?

@panda_books

Instagram | Youtube | Tiktok

“Yozda nima oʻqisam ekan?” deb oʻylayotganlar uchun.

@panda_books

Ingliz tilida: Artificial intelligence

Rus tilida: Искусственный интеллект

Oʻzbek tilida:
Sun’iy intellekt;
Yasama zehn;
Sun’iy ong;
Notabiiy zehniyat
Mashina aqli
Va hokazo..
….
…..

@panda_books

Oldinlari study blog yuritgan hammaga tanish Ifeekkhan endi katta hayotga qadam bosib ishdagi “o’yin qoidalari” haqida yozishni boshlabdi. Qiziq, qiziq. Hali ham do’stlari kitoblar. Va dars qilishda davom etyapti.

Yana yo’qolib qolmasdan ulanib oling.
👉🏻@avidadeifeekkhan

Men yaqinda O‘zbek tili va adabiyot fanidan milliy sertifikat imtihoniga tayyorgarlik ko‘rish uchun 40 ta badiiy asardan iborat tavsiya etilgan adabiyotlar ro‘yxati haqida eshitib qoldim.

Bu 2024-yilgi test uchun roʻyxat ekan:

1. Zarbulmasal” (Gulxaniy)
2. “O‘tkan kunlar” romani (Abdulla Qodiriy)
3. “Mehrobdan chayon” romani (Abdulla Qodiriy)
4. “Kecha va kunduz” romani (Abdulhamid Cho‘lpon)
5. “Tushda kechgan umrlar” romani (O‘tkir Hoshimov)
6. “Nur borki, soya bor” roman (O‘tkir Hoshimov)
7. “Ikki eshik orasi” roman (O‘tkir Hoshimov)
8. “Qiyomat” romani (Chingiz Aytmatov)
9. “Asrga tatigulik kun” romani (Chingiz Aytmatov)
10. “Me’mor” roman (Mirmuhsin)
11. “Xo‘jand qal’asi” romani (Mirmuhsin)
12. “Yulduzli tunlar” roman (Pirimqul Qodirov)
13. “Avlodlar dovoni” roman (Pirimqul Qodirov)
14. “Ko‘hna dunyo” romani (Odil Yoqubov) 1
5. “Ulug‘bek xazinasi” romani (Odil Yoqubov)
16. “Diyonat” romani (Odil Yoqubov)
17. “Oltin zanglamas” romani (Shuhrat)
18. “Jimjitlik” roman (Said Ahmad)
19. “Ufq” trilogiyasi (Said Ahmad)
20. “Lolazor” romani (Murod Muhammad Do‘st)
21. “Chinor” romani (Asqad Muxtor)
22. “Otamdan qolgan dalalar” romani (Tog‘ay Murod)
23. “Jaziramadagi odamlar” romani (Luqmon Bo‘rixon)
24. “Abulfayzxon” dramasi (Abdurauf Fitrat)
25. “Sohibqiron” dramasi (Abdulla Oripov)
26. “Temir xotin” komediyasi (Sharof Boshbekov)
27. “Dunyoning ishlari” qissasi (O‘tkir Hoshimov)
28. “Sarvqomat dilbarim” qissasi (Chingiz Aytmatov)
29. “Oq kema” qissasi (Chingiz Aytmatov)
30. “Jayhun ustida bulutlar” qissasi (Mirkarim Osim)
31. “Molxona” qissasi (Jorj Oruell)
32. “Yulduzlar mangu yonadi” qissasi (Tog‘ay Murod)
33. “Otoyining tug‘ilgan yili” qissasi (Erkin A’zam)
34. “Qorako‘z majnun”, “Qoplon”, “Sobiq” hikoyalari (Said Ahmad)
35. “Asror bobo”, “Ming bir jon”, “O‘g‘ri”, “Bemor” “O‘jar”, “San’atkor”, “Adabiyot muallimi” hikoyalari (Abdulla Qahhor)
36. “O‘zbeklar”, “Ot egasi” hikoyalari (Shukur Xolmirzayev)
37. “Hayotga muhabbat” hikoyasi (Jek London)
38. “Hellados” hikoyasi (Nodar Dumbadze)
39. “Garov” hikoyasi (Anton Chexov)
40. “Ruhlar isyoni” dostoni (Erkin Vohidov)


Orangizda shu sertifikat topshirganlar yoki shu asarlar haqida koʻproq ma’lumot olishni
istaydiganlar bormi?

@panda_books

Barcha hamyurtlarimizni chin qalbimdan tabriklayman!

Nihoyat Jahon Chempionatiga chiqdik!

Qoyil yigitlar!!!!

@boredpandablog

Qurbon Hayitingiz muborak boʻlsin!

Meni ta'sirlantirgan kitoblar Top-10 taligi

10. "Qirol Lir". Uilyam Shekspir
9. "Eljernon uchun gullar". Daniel Keyes
8. "Farengeyt bo'yicha harorat 451°". Rey Bredberi
7. "Ko'milgan dev". Kazuo Ishiguro
6. "Buyuk shaxmat taxtasi". Zbignev Bzejinskiy.
5. "Kod da Vinchi". Den Braun
4. "Molxona". Jorj Oruell.
3. " Graf Monte-Kristo". Aleksandr Dyuma.
2. "1984". Jorj Oruell.
1. "Why nations fail? Nima uchun ba'zi davlatlar boy, ba'zilari kambag'al?" D.Adjumoglu, D.Robinson.

Eski roʻyxat, allaqachon yangilash kerak.

Sizda qanaqa?

@panda_books

Haqqatda sheryurak qizligini tan olish kerak.

Respect.

@panda_books

​​#review #taqriz

📙Tomas Mayn Rid — “Boshsiz chavandoz”

Eslayman, bolalik paytlarim shu film boshlansa, bizni ekrandan uzib boʻlmasdi. Chunki dadamni sevimli filmi edi bu. Eski paytlari Yovvoyi Gʻarb, bellariga toʻpponcha osib olgan kovboylar, Texas preriyalari va rancholari haqidagi sarguzasht filmlar urfda boʻlgan. Har safar eski aravalar, hindular bilan jang sahnalari aks etganda, beiixtiyor men ham ot mingancha bepoyon dashtlarda kezib yurishni xayol qilardim.

Xoʻsh, xavf-xatarga toʻla vestern filmiga asos bo’lgan ushbu kitobda muallif Mayn Rid ushbu dunyoni oʻziga xos tarzda yoritadi. Unda Luiza va Morisning oʻzaro muhabbat sinovlari, Poyndeksterlar oilasi misolida Janubdagi qul va quldorlar hayoti, Kassi Kalxaun, Migel Diaz misolida ayyorlik va xudbinlik, Zep Stamp timsolida jasurlik aks ettiriladi.

Butun syujet - preriya uzra kezib yurgan sirli ot mingan boshsiz chavandozning kimligi, u tirikmi, oʻlikmi yo shaytonmi ustiga qurilgani holda muallif mohirona tarzda saspens muhitini yaratadi.

Ammo bugun yillar oʻtib bu asarga yana qaytarkanman, aslida bu adabiy jihatdan oʻrtamiyona detektiv ekaniga amin boʻla boshladim. Asosiy qahramonlar ancha sayoz:. Moris Jerald haddan tashqari oliyjanob, Kassiy Kalxaun esa tipik yovuz. Ularda hayotiy ziddiyatlar uchun mantiqiy tugun yo‘q, qolipga solingan obrazlarga o‘xshaydi.

Tomas Mayn Rid aslida inglizzabon dunyo uchun deyarli unutilgan adib boʻlsa-da, bizda sovet davrida uni negadur vestern asoschisi sifatida juda qattiq sevishgan. U va Fenimor Kuper fenomeni haqida oldinroq yozgandim.

“Boshsiz chavandoz” yaxshi sarguzasht romanidan kutiladigan hamma narsani beradi: hayajon, sir-sinoat va g‘aroyibotlar. Biroq, undan chuqur adabiy ijro va esda qolarli iqtiboslar kutish o‘rinsiz. Bu vestern janr klassikasi - ravon va samimiy asardir.

Bolalik hissiyotlar uchun rahmat, Zep Stamp va Migel Diaz!

@panda_books

​​“A Nation of Bookworms” kitobida shunday deyiladi:

“SSSRda GTO me’yorlari topshirilar edi, Chexoslovakiya komsomoli esa "Fuchik nishoni" (Fučíkův odznak) ni olishni rag‘batlantirardi. Uning egalari faxr bilan "fuchikovchilar" deb atalar edi. Uni olish uchun yugurish, sakrash yoki granata uloqtirish shart emasdi - o‘qish, ko‘rish va o‘rganganlarni tushunish, bular keyin imtihon hay’ati tomonidan tekshirilar edi. Shunday qilib, quyidagilarni o‘rganish lozim edi:

Uchta siyosiy kitob: "Gotvald yoshlarga", "9-may Konstitutsiyasi", "Lenin, Stalin, Kalinin yoshlarga";

Majburiy o‘qish: Al. Yirasek "Barchaga qarshi";

Quyidagi nomlardan ikkitasini tanlash:
Y. Fuchik “Bo‘ynida sirtmoq bilan reportaj”,
Y. Fuchik “Ertasi kecha bo‘lgan mamlakatda” (SSSRga tashrif haqida reportaj);
P. Yilemnitskiy “Shamol qaytmoqda”;
I. Olbraxt “Anna-proletarka”;
M. Majerova “Sirena”.

Tanlash uchun ikkita she’riy to‘plam:
Yan Neruda “Juma qo‘shiqlari”;
Y. Volker “Ishchilarga”;
P. Bezruch “Sileziya qo‘shiqlari”;
S. K. Neyman “Qo‘mita”.

Uchta sovet romanidan bittasi: A. Fadeev “Yosh gvardiya”;
N. Ostrovskiy “Po‘lat qanday toblandi”;
B. Polevoy “Haqiqiy inson haqida qissa”.

O‘z mutaxassisligi bo‘yicha ikkita kasbiy kitobni o‘rganish.
5 ta filmni ko‘rish: 3 tasi sovet, 2 tasi chexoslovak yoki boshqa xalq demokratiyasi mamlakatlaridan.

Nishondagi shior shunday edi: "Odamlar, hushyor bo‘linglar!"

P.S. Yulius Fuchik (1903-1943) - chexoslovakiyalik jurnalist, adabiyot va teatr tanqidchisi, publitsist, Chexoslovakiya Kommunistik partiyasining faol a’zosi. Natsistlar qamoqxonasida bo‘lganida "Bo‘ynida sirtmoq bilan reportaj" kitobini yozgan. Natsistlar tomonidan qatl etilgan.

@panda_books

Greta Tunberg va “Madlen” kemasining boshqa faollari bilan birga xalqaro suvlarda Isroil harbiylari tomonidan qo‘lga olinibdi.

Greta G’azoga Falastinliklarga yordam berish va dunyo hamjamiyati diqqatini ushbu muammoga qaratish uchun yoʻlga chiqqan edi.

@panda_books