🏦 Асакабанк қошида микромолия ташкилоти очилди

2025 йилнинг 12 июнь куни Асакабанк қошида янги ташкил этилган "Asaka Finance Garant" микромолия ташкилоти расман ўз ишини бошлади. Ушбу ташкилотнинг асосий вазифаси кичик бизнес, тадбиркорлик субъектлари ва жисмоний шахсларга замонавий, қулай ҳамда тезкор молиявий хизматларни тақдим этишдан иборат.

"Asaka Finance Garant" жисмоний шахсларга 5 миллион сўмдан 100 миллион сўмгача бўлган микрокредитлар ва микроқарзлар ажратади. Юридик шахслар учун эса бу миқдор 300 миллион сўмгача бўлиши мумкин. Шунингдек, банк кафолати хизмати ҳам мавжуд.

Келгусида ташкилот мамлакатнинг барча ҳудудларида ўз филиалларини очишни ва онлайн микрокредитлаш хизматларини кенгайтиришни режалаштирмоқда. Бу орқали янада кўпроқ аҳоли қатламлари молиявий хизматлардан фойдаланиш имконига эга бўлади.

@platformauzb

Тасним агентлиги Эрон давлат телевидениесининг ёнаётган биноси акс этган видеони намойиш этди

Ҳужум Исроил мудофаа вазири Исроил Катс томонидан аввалроқ берилган огоҳлантириш ортидан содир бўлди, у шундай деган эди: «Эрон пропагандасининг овози йўқ бўлиб кетиш арафасида».

@platformauzb

Янги Тошкентгача метро қурилади

Ер ости метро йўналиши кўча ҳаракатига халал бермасдан қурилади ва кунига 85 минг йўловчига хизмат қилиши кутилмоқда. Яна бир йирик лойиҳа — “Янги Тошкент” метроси. У “Дўстлик” бекатидан Янги Тошкент марказигача боради. Узунлиги — 21 км. Бекатлар сони — 9 та. Кунига — 230 минггача йўловчига хизмат қилади.

@platformauzb

Ёшлар ишлари агентлиги раҳбари, сенатор Алишер Саъдуллаев
Станфорд университетига ўқишга кетяпти

Бу ҳақда у телеграм каналида ёзиб қолдирди:

"Онажоним – меҳрибоним 🌸❤️

Бугун онамларнинг дуоларини олгани Жиззахга, уйимизга келгандим. Одатда хизмат сафари билан уйга кириб ўтардим, лекин бугун астойидил онамни кўргим келди, роса соғингандим.

Тушдан кейин ҳамма ишларни ташлаб онамга ўзимни бағишлагим келди, болаликни эслаб, уларни тўйиб қучоқладим, қалбим таскин топди, ором олдим.

Айни вақтда уйимиздаги болаликдаги воқеалар, босиб ўтилган оғир йўл-у, синовлар ҳаммаси кўз олдимдан ўтди. Ҳаммаси кўз олдимдан ўтадию, онамнинг меҳри, ҳокисорлиги барчасини ювиб кетади. Оналаримиз бор бўлишсин, умрлари узоқ бўлсин.

PS. Айтганча сизларга бир янгиликни айтолмай юргандим. Шу кунларда Станфорд университетига ўқишга жўнаб кетаман. Бу ҳам катта тажриба, ҳаётимдаги катта бурилиш. Ҳали кўп янгиликларни эълон қилиб бораман. Ҳаракатларимиз ёшларимиз учун манфаатли ҳамда хайрли бўлсин".

@platformauzb

Айни жазирамадан қандай ҳимояланиш лозим?

Айни кунларда республиканинг жуда катта қисмида ҳарорат +40 даража ва ундан юқори бўлмоқда.

Бундай жазирама нафақат ноқулайлик туғдиради, балки инсон саломатлиги учун жиддий хавф келтириб чиқарувчи омил ҳамдир. Бундай об-ҳаво шароитида организмнинг терморегуляция тизимига катта юк тушади, бу эса мавжуд сурункали касалликларнинг зўрайишига ёки иссиқлик билан боғлиқ касалликлар, жумладан, иссиқдан организмнинг умумий ҳолсизланиши ва ҳаёт учун хавфли бўлган офтоб уриши каби ҳолатларнинг юзага келишига олиб келиши мумкин.

ССВ мутахассислари жазирамадан сақланиш бўйича тавсиялар ишлаб чиқди:

Бошни қуёшдан асраш керак. Бу муҳим аҳамиятга эга. Чунки бош миядан катта артерия, вена қон томирлари ўтган бўлиб, куннинг иссиқ вақтида бошяланг юрганда бош қизиб, бутун танада иссиқ қон айланиб, «офтоб уриши» мумкин. Бунинг оқибатида тана ҳароратининг кўтарилиши, терининг қизариши, ҳолдан тойиш, нафас олиш ва пульснинг тезлашиши, бош оғриши, бош айланиши, кўнгил айниши, қайт қилиш, ҳушдан кетиш каби ҳолатлар кузатилиши мумкин.

Жазирама кунларда нима тановул қилган маъқул? Кўп миқдорда сув ичиш организмнинг яхши ишлашига ва сув-туз балансини меъёрлаштиришга ёрдам беради. Аммо бунда организмнинг сув танқислигини тўлдириш учун газланган ёки нектар сув эмас, аксинча, оддий ичимлик сувини истеъмол қилиш керак. Шунингдек, иссиқ кунда ёғли гўшт маҳсулотлари истеъмолини камайтириб, енгил ҳазм бўлувчи таомлар истеъмолини кўпайтириш мақсадга мувофиқ.

Қолаверса, мева ва сабзавотлар ҳам организмга яхши сингиб, ички аъзолар фаолиятини нормаллаштиришга ёрдам беради.

Туш пайти соат 12:00 ва 16:00 оралиғида имкон қадар ташқарига чиқмаган маъқул.

@platformauzb

Энди ҳайдовчиларга "огоҳлантириш" жазо чораси ҳам қўлланилиши мумкин

Маъмурий жавобгарлик тўғрисидаги кодексга “огоҳлантириш” жазо чорасини киритиш ва ижтимоий хавфлилиги кам бўлган йўл ҳаракати хавфсизлиги билан боғлиқ ҳуқуқбузарликлар учун огоҳлантириш жазосини қўллашни назарда тутувчи ўзгартириш ва қўшимчалар киритилмоқда.

@platformauzb

Yangi Toshkent qanday ko‘rinishda bo‘ladi?

Arxitektor Saidazim Sharipovning UZ24.uz ga ma’lum qilishicha, hozirgi kunda Yangi Toshkent loyihasi doirasida 20 ming gektarlik hududda 2 million aholi uchun shahar qurilishi boshlangan. Loyihani 10 yilda yakunlash rejalashtirilgan.

Telegram | Facebook | X | Instagram

Йўл қоидаси бузилганда, қўйидаги ҳолларда дастлаб огоҳлантирилади:

   Янги Қонун лойиҳаси билан Маъмурий жавобгарлик тўғрисидаги кодексида автоматлаштирилган фото- ва видео воситалари ёрдамида қайд этиладиган ҳуқуқбузарликлар аниқ санаб ўтилмоқда. Хусусан, улар Маъмурий жавобгарлик тўғрисидаги кодекснинг 13 та моддаси:
  1) 125-модданинг 1, 5 ва 6-қисмлари (яъни, хавфсизлик камарини тақмаслик, давлат рақамини ечиб олиб бошқариш ҳамда тегишли бўлмаган рақамни тақиб олиш);
  2) 128-модда (яъни, транспорт воситаларини тротуарлардан, велосипед йўлкаларидан, яшил майдонлардан юргизиш, йўл белгилари талабларига риоя этмаслик);
  3) 128/1-модда (яъни, бошқариш вақтида телефондан фойдаланиш);
  4) 128/3-модда (яъни, тезликни ошириш);
  5) 128/4-модда (яъни, светофорнинг тақиқловчи сигналига риоя қилмаслик, тўхташ чизиғини босиб кириш);
  6) 128/5-модда (яъни, махсус транспорт воситаларига халақит бериш, авария ҳолатини юзага келтириш, йўлнинг қарама-қарши йўналишига чиқиш);
  7) 128/6-модда (яъни, тўхташ ёки тўхтаб туриш қоидаларини бузиш);
  8) 128/7-модда (яъни, автобуслар учун ажаратилган тасмада ҳаракатланиш);
  9) 128/9-модда (яъни, қувиб ўтиш қоидаларини бузиш);
  10) 128/10-модда (йўл безорилиги);
  11) 129-модда (гуруҳ бўлиб ҳаракат қилишда қатнашиш);
  12) 130-модда (яъни, темир йўлдан ўтиш қоидаларини бузиш);
  13) 135-модданинг 2-қисми (яъни, транспорт воситаларини бошқариш ҳуқуқи бўлмаган шахсларнинг бошқариши).
  Демак, эндиликда халқ тилида айтганда “полосани босганлик” ҳолати камера орқали қайд этилмайди.
    Қонун лойиҳаси билан Маъмурий жавобгарлик тўғрисидаги кодекснинг 36-моддаси учинчи қисм билан тўлдирилиб, унга мувофиқ - йўл ҳаракати қоидалари бузилганлиги фото ва видео воситалари орқали қайд этилган ҳолларда маъмурий жазо ҳуқуқбузарлик содир этилган кундан бошлаб бир ойдан кечиктирмай, қарор устидан шикоят қилинганда эса бир йилдан кечиктирмай қўлланилиши мумкин.
   Яъни, эндиликда камера ва радар орқали аниқланган ҳуқуқбузарлик учун қарор бир ойдан кечиктириб чиқарилган бўлса жазо қўлланилмайди (иш тугатилади).
   Қонун лойиҳаси билан таклиф этилаётган энг муҳим янгиликлардан бири – бу Маъмурий жавобгарлик тўғрисидаги кодексига “Маъмурий огоҳлантириш” институтининг киритилишидир. Хусусан, кодекс янги 282-модда билан тўлдирилиб, бунда маъмурий жазолар тизимига янги “маъмурий огоҳлантириш” жазо чораси киритилмоқда.
   Ушбу чора, қуйидаги 6 та ҳуқуқбузарликларни биринчи марта содир этган шахсларга қўлланилиши белгиланмоқда:
   1) 125-модда (яъни транспорт воситаларидан фойдаланиш қоидаларини бузганлик, ш.ж. камар тақмаслик, техник кўрикдан ўтказмаганлик, тегишли жиҳозлар билан жиҳозланмаганлик);
   2) 128/1-модда, (яъни, бошқариш вақтида телефондан фойдаланганлик);
   3) 128/2-модда (яъни, бошқариш вақтида монитордан фойдаланганлик);
   4) 128/6-модда (яъни, тўхташ ёки тўхтаб туриш қоидаларини бузганлик);
   5) 135/1-модда (яъни, мажбурий суғурта қилиш талабларини бузганлик);
   6) 138-модда (пиёдалар ва йўл ҳаракати бошқа иштирокчиларининг йўл ҳаракати қоидаларини бузганлик).
   Албатта, огоҳлантириш биринчи марта содир этган шахсларга нисбатан бир йилда бир маротаба қўлланиши мумкинлиги белгиланмоқда.

@platformauzb

Депутатлар биринчи ўқишда қабул қилган қонун лойиҳаси билан:

➖Жарима қўллашга оид қарор бир ойдан кечиктирилмай чиқарилиши керак. Йўл ҳаракати қоидаларини бузганлик учун фото ва видео орқали расмийлаштирилган жарималар бир ойдан кеч юборилса, маъмурий жазо қўлланилмайди.

➖йўл чизиғини (полоса) босиш фото-видео мосламалар орқали қайд этилмайди.

➖Маъмурий огоҳлантириш. Маъмурий жавобгарлик тўғрисидаги кодекснинг 6 моддасида акс этган қоидалар, яъни камар тақмаслик, техник кўрикдан ўтказмаганлик, тегишли жиҳозлар билан жиҳозланмаганлиги, телефон, монитордан фойдаланиш, тўхташ ёки тўхтаб туриш қоидаларини бузганлик, мажбурий суғурта қилмаганлиги, пиёдалар ва бошқалар томонидан биринчи марта қоидабузарлик содир этилганда, жарима эмас, маъмурий огоҳлантириш чораси қўлланилади. Бу чора бир йилда бир марта қўлланилади.

@platformauzb

"Клиентни ҳижолатга қўйиш эмас, (хизматини қилиб) пулини олиш керак".

Жаҳонгир Ортиқхўжаевдан тадбиркорларга мастер-класс.

@platformauzb

Ижтимоий тармоқларда Тошкент шаҳрида янги бунёд этилган ва одамлар яшаётган кўп қаватли турар жой биносининг сифатсиз қурилгани акс этган видеолар тарқалмоқда.

Мендан тавсия: қурилишни назорат қиладиганларни ва қурганларни шу уйда яшашга мажбур қилиш керак.

@platformauzb

"Ўзшаҳар қурилиш инвест" вазиятни ўрганиб, хавотирга ўрин йўқлигини билдирган экан.

@platformauzb

Муваффақият бошқаларга хизмат қилганларга келади

Алберт Эйнштейннинг маслаҳатлари:

▫️Муваффақиятли инсон бўлишга уринманг - қадрли бўлишга интилинг. Муваффақият бошқаларга хизмат қилганларга келади.

▫️Тасаввур билимдан муҳимроқ. Билим чекланган, лекин тасаввур бутун дунёни қамраб олади.

▫️Ҳеч қачон хато қилмаган одам ҳеч қачон янги нарсани синаб кўрмаган.

▫️Ҳаёт худди велосипедда юришга ўхшайди - мувозанатни сақлаш учун ҳаракатда давом этиш керак.

▫️Мураккаб нарсаларни оддийгина тушунтириш керак. Агар буни қила олмасангиз, демак, сиз ҳали тўлиқ тушунмагансиз.

@platformauzb

Павел Дуров: «Ўзбекистонга келувчилар бу ерда ўзларини хавфсиз ҳис қилишади»

Telegram асосчиси, дунёдаги энг нуфузли IT етакчилардан бири Павел Дуров яқинда америкалик машҳур журналист Такер Карлсонга берган интервьюсида Ўзбекистон ҳақида илиқ фикр билдирди.

Унинг айтишича, Ўзбекистонга келган инсонлар бу ерда ўзларини хавфсиз ва осуда ҳис қилишади.

Такер Карлсон ҳам бу гапни қўллаб-қувватлаб, «Uzbekistan is a place where no one is afraid to go», яъни «Ўзбекистон — одамлар қўрқмай боришадиган, эркин ҳис қилинадиган юрт», деб айтган.

@platformauzb

Савол: Жаноб президент, таслим бўлмаслигини айтаётган Эрон олий раҳбарига нима дейсиз?

Трамп: Омад тилайман.

@platformauzb

“Эл-юрт умиди” жамғармасининг ижрочи директорига янги ўринбосар тайинланди

Президент Администрациясининг тегишли фармойишига мувофиқ, Шухрат Наримонович Даминов Ўзбекистон Республикаси Президенти ҳузуридаги Истиқболли кадрларни тайёрлаш бўйича “Эл-юрт умиди” жамғармасининг ижрочи директори ўринбосари лавозимига тайинланди.

Ш. Даминов ўз фаолиятини 2008 йилда Марказий банкнинг Тошкент шаҳар Бош бошқармасида бошлаган. Тайинловга қадар 2019 йилдан Ўзбекистон Республикаси Марказий банкида бошқарма бошлиғи лавозимида ишлаб келган.

@platformauzb