المُلّا بَاسم الكربلائي بقصيدة "بالله يَا نَهر" يگول:
عالشط مالت الرايه شفتها
خويه حسين أدركني اسمعتها
لمن ناده بسمي استغربتها
مولاي أو إمامي اتعودتها
كلمة خويه ما مرت عليه
أول مرة يلفظها اليه
لازم صابته اسهام المنيه
وبهاي الأخو يحتاج أخيه
نادىٰ بالإسم والأمر مهم
بالله لو وگع بيمن أحتزم؟.
عالشط مالت الرايه شفتها
خويه حسين أدركني اسمعتها
لمن ناده بسمي استغربتها
مولاي أو إمامي اتعودتها
كلمة خويه ما مرت عليه
أول مرة يلفظها اليه
لازم صابته اسهام المنيه
وبهاي الأخو يحتاج أخيه
نادىٰ بالإسم والأمر مهم
بالله لو وگع بيمن أحتزم؟.
فكرة إنو تبقىٰ بس أنت وأفكارك، وتصارع تساؤلات تحتاج أحد يگعد يرتّبها وياك ويصفّيها إلك، فكرة متعبة، تحسّسك إنك ما عايش يومك وما تعرف شنو يصير بيه،
يخلص كلّ وقتك وانت محتار، وتريد لو بس جواب بيه أمل يسهّل عليك مقاومة هالشعور.
الّي أعرفه وعندي يقين بيه، إنو هالحيرة بأفكارها، مكشوفة عند ربّ العالمين،
ومرتّبها النه ومُدبّر مصيرها،
وعلىٰ هذا اليقين الّي بگلبي، ألكه سبب يصبّرني بنصّ هوسة هالقلق.
يخلص كلّ وقتك وانت محتار، وتريد لو بس جواب بيه أمل يسهّل عليك مقاومة هالشعور.
الّي أعرفه وعندي يقين بيه، إنو هالحيرة بأفكارها، مكشوفة عند ربّ العالمين،
ومرتّبها النه ومُدبّر مصيرها،
وعلىٰ هذا اليقين الّي بگلبي، ألكه سبب يصبّرني بنصّ هوسة هالقلق.
أعرف شعور التخلّي شگد يأذي،
وإنو تفلت إيدك من أكثر شي تمسّكت بيه وحاربت علموده، وتحملت كلشي وصبرت في سبيله، يا يمّه شگد يوجع شعوره ... وأنت تطوي صفحته تحِسّ گلبك يبدي يتفطّر مثل أرض جليدية ما تتحمّل الريشة تنزل عليها لأن بسرعة تتكسر.
الله يعين .. الله يعين.
وإنو تفلت إيدك من أكثر شي تمسّكت بيه وحاربت علموده، وتحملت كلشي وصبرت في سبيله، يا يمّه شگد يوجع شعوره ... وأنت تطوي صفحته تحِسّ گلبك يبدي يتفطّر مثل أرض جليدية ما تتحمّل الريشة تنزل عليها لأن بسرعة تتكسر.
الله يعين .. الله يعين.
حَسبيَ الله ونِعمَ الوكيل،
بعدد المرّات الّي خلّونا نحِسّ إنو إحنا السيئين وياهم، والحقيقة چانت العكس،
بعدد المرّات الّي الوجع عبر مرحلة الرّوح وطلع أثره بصحتنا،
بعدد المرّات الّي استغلّوا بيها طيبتنا وحنيّتنا عليهم،
بعدد المرّات الّي حسّينا بيها إنّ حقّنا انبخس وانظلمنا،
بعدد المرّات وويّ كلّ جَرّة نفس من صوت كسرة گلبنا تنسمع، وهمَّ عايشين حياتهم بدون ما يحسّون بسوء فعلهم تجاهنا.
بعدد المرّات الّي خلّونا نحِسّ إنو إحنا السيئين وياهم، والحقيقة چانت العكس،
بعدد المرّات الّي الوجع عبر مرحلة الرّوح وطلع أثره بصحتنا،
بعدد المرّات الّي استغلّوا بيها طيبتنا وحنيّتنا عليهم،
بعدد المرّات الّي حسّينا بيها إنّ حقّنا انبخس وانظلمنا،
بعدد المرّات وويّ كلّ جَرّة نفس من صوت كسرة گلبنا تنسمع، وهمَّ عايشين حياتهم بدون ما يحسّون بسوء فعلهم تجاهنا.
التاسع من المحرّم..
الكون لا أنفاس له، كلٌّ يترقّب نتيجة مختلفة لذات الحكاية، يا الله، أن لا يسقط المولىٰ، أن لا تموت العيون الحانية، ولا يخترق السّهم المثلّث ذلك القلب الدافئ.. أن لا نتشرّد بعد ذلك العزّ، فاليتم مُرٌّ، والضّياع قاتل.. الإنسانيّة تضع أيديها علىٰ صدور الأمّة، فتلطم أنفاسها؛ إخراجًا للرّوح قبل تلك النّهاية.. لا سماء لتشرق بها شمس الأُلفة، ولا ضوء بعد دمه الزاكي.. تنظر الأزهار بذبول لعيون رقيّة الصّغيرة، وتتمسّك بثغر الماء؛ لكيلا تعطش سَكينَة، عسىٰ أن لا يأتي الغد فتموت عيون الصّغيرات في محاجرها، وتُفجع ملامحهنّ علىٰ عتبة الخوف بلا راعي.. "حيث الحُسين علىٰ الثّرىٰ، خيلُ العدىٰ طحنت ضلوعه".. آه لضلوع العالم من بَعده.
ـ آيات حيدر.
الكون لا أنفاس له، كلٌّ يترقّب نتيجة مختلفة لذات الحكاية، يا الله، أن لا يسقط المولىٰ، أن لا تموت العيون الحانية، ولا يخترق السّهم المثلّث ذلك القلب الدافئ.. أن لا نتشرّد بعد ذلك العزّ، فاليتم مُرٌّ، والضّياع قاتل.. الإنسانيّة تضع أيديها علىٰ صدور الأمّة، فتلطم أنفاسها؛ إخراجًا للرّوح قبل تلك النّهاية.. لا سماء لتشرق بها شمس الأُلفة، ولا ضوء بعد دمه الزاكي.. تنظر الأزهار بذبول لعيون رقيّة الصّغيرة، وتتمسّك بثغر الماء؛ لكيلا تعطش سَكينَة، عسىٰ أن لا يأتي الغد فتموت عيون الصّغيرات في محاجرها، وتُفجع ملامحهنّ علىٰ عتبة الخوف بلا راعي.. "حيث الحُسين علىٰ الثّرىٰ، خيلُ العدىٰ طحنت ضلوعه".. آه لضلوع العالم من بَعده.
ـ آيات حيدر.
المُلّا حسيّن خَير الدين بقصيدة "إرث اجدادي" يگول:
مَولاي لَيته الشمر علىٰ صَدري صَعد
ثمّ تَراني أُمّي رأسًا بلا جَسد.
مَولاي لَيته الشمر علىٰ صَدري صَعد
ثمّ تَراني أُمّي رأسًا بلا جَسد.
"تَبْكيكَ عَيْنِي لَا لِأَجْلِ مَثوبَةٍ
لكِنَّمَا عَيْني لِأجْلِكَ بَاكِيَة."
لكِنَّمَا عَيْني لِأجْلِكَ بَاكِيَة."
عظمَ الله اجورَنا بِمُصابِنا بالإمام الحُسيّن (عَليهِ السّلام) وجَعلنا وإيّاكُم مِن الطّالِبينَ بِثارِهِ معَ وليّهِ الإمام المَهديّ مِن آلِ مُحمَّدٍ (عَليهم السّلام).
زيارة عاشوراء مُعجزة، مرهم، وكلشي يگدر يجبر خاطرك ويواسيك، تلگاه بزيارة عاشوراء، وبالسّلام علىٰ أبا عَبدِ الله الحُسيّن (عَليهِ السّلام).
الّي راح أنشره أبدًا أبدًا أبدًا مو إعلان، وإنما تجربة شخصية، وحبيت أفيدكم بيها مثل ما أستفاديت.
التَجربة الأولىٰ:
صارلي سَنوات لابسة عباية، بَس ولا مرّة حسّيت بخفة القماش والقياس المضبوط والراحة مثل ما حسّيت بتجربتي وي بَيچ "إرث الزهراء" چانت تجربة كلّش حلوة ألي ولأقاربي،
أهم شي بالعباية قماشها وخياطها وقياسها ... وكلهن چانن بيرفكت منهم، غير أسلوب البنية الّي ترد، وشلون لطيفة وتساعد وكلّش أمينة وحريصة، هالمرة الرابعة الّي أوصي منهم وكالعادة ما يخيبون ظني ويتعبوني، بالعكس يخلوني أعتمد عليهم أكثر وأنصح بيهم، وأكيد الخياط عباية عراقية بدون أي إضافات ثانية أو نقص، الله يوفقهم يا ربّ ويرزقهم. 💚
https://www.instagram.com/abaya_erth?igsh=MXc1ZTJhZDFibDd3OA==
صارلي سَنوات لابسة عباية، بَس ولا مرّة حسّيت بخفة القماش والقياس المضبوط والراحة مثل ما حسّيت بتجربتي وي بَيچ "إرث الزهراء" چانت تجربة كلّش حلوة ألي ولأقاربي،
أهم شي بالعباية قماشها وخياطها وقياسها ... وكلهن چانن بيرفكت منهم، غير أسلوب البنية الّي ترد، وشلون لطيفة وتساعد وكلّش أمينة وحريصة، هالمرة الرابعة الّي أوصي منهم وكالعادة ما يخيبون ظني ويتعبوني، بالعكس يخلوني أعتمد عليهم أكثر وأنصح بيهم، وأكيد الخياط عباية عراقية بدون أي إضافات ثانية أو نقص، الله يوفقهم يا ربّ ويرزقهم. 💚
https://www.instagram.com/abaya_erth?igsh=MXc1ZTJhZDFibDd3OA==
التَجربة الثانية:
وي بَيچ "حنيّة"، مرّة صديقتي جابتلي منها هدية، والثانية وصيت منها قبل أمتحانات الفاينل، وچانت خطوة كلّش صحيحة، ببداية الأمتحانات جبت دفتر صغير وصرت بنهاية كلّ يوم وأمتحان من أرجع، أختار فد ستيكر من المجموعة وأبدي أكتب تفاصيل مشاعري والّي صار خلال اليوم والّي يخص الأمتحان، چانت خطوة وتَجربة حيل حلوة رافقني بيها، خاصة بفترة معينة من حياتي من كثرت الظروف عليه وأحتاجيت طبطبة وحنيّة بدون ما أحچي لأحد، چنت أطلعهن وأقراهن وحدة وحدة، وإن شاء الله مو أخر مرة أطلب.
الكوالتي للستيكرات والتعامل والتغليف كله يجنن وياخذ الگلب، وتحسون شي دافي بين ايديكم ويحيط بگلبكم، وفكرة حلوة هم ترافقكم خلال مرحلة من مراحل حياتكم، و"هَاجر ناظم" أغلبكم يعرفها ويعرف شگد لطيفة وتنصح وتساعد من تتعاملون وياها وما تقصر، الله يوفقها ويرزقها يا ربّ. 💚
https://www.instagram.com/makan_hanun?igsh=c294cTBkcmVtd3pj
وي بَيچ "حنيّة"، مرّة صديقتي جابتلي منها هدية، والثانية وصيت منها قبل أمتحانات الفاينل، وچانت خطوة كلّش صحيحة، ببداية الأمتحانات جبت دفتر صغير وصرت بنهاية كلّ يوم وأمتحان من أرجع، أختار فد ستيكر من المجموعة وأبدي أكتب تفاصيل مشاعري والّي صار خلال اليوم والّي يخص الأمتحان، چانت خطوة وتَجربة حيل حلوة رافقني بيها، خاصة بفترة معينة من حياتي من كثرت الظروف عليه وأحتاجيت طبطبة وحنيّة بدون ما أحچي لأحد، چنت أطلعهن وأقراهن وحدة وحدة، وإن شاء الله مو أخر مرة أطلب.
الكوالتي للستيكرات والتعامل والتغليف كله يجنن وياخذ الگلب، وتحسون شي دافي بين ايديكم ويحيط بگلبكم، وفكرة حلوة هم ترافقكم خلال مرحلة من مراحل حياتكم، و"هَاجر ناظم" أغلبكم يعرفها ويعرف شگد لطيفة وتنصح وتساعد من تتعاملون وياها وما تقصر، الله يوفقها ويرزقها يا ربّ. 💚
https://www.instagram.com/makan_hanun?igsh=c294cTBkcmVtd3pj
الأيّام ما تجيك دائمًا مثالية،
مثلها مثل نفسك، حياتك، أصدقائك، علاقاتك وغيرها ...
طابع المثالية مو متوفّر، وإذا توفر فَ علىٰ الأغلب هوَ تصنّع وتمثيل،
ليش؟ لأن إحنا مَعرّضين للتجربة، وتصادفنا مواقف وظروف، وأكو حلال وحرام، وخير وشر، وحالة نفسية وصحية،
يعني بكومة هالأمور، الإنسان يمرّ بهواي مراحل تغيّر منه، فَ صعب يلگه شي مثالي وحسب هواه،
وهالشي لازم يخلّينا نبتعد عن المثالية بالتعامل ونكون مُنصفين.
مثلها مثل نفسك، حياتك، أصدقائك، علاقاتك وغيرها ...
طابع المثالية مو متوفّر، وإذا توفر فَ علىٰ الأغلب هوَ تصنّع وتمثيل،
ليش؟ لأن إحنا مَعرّضين للتجربة، وتصادفنا مواقف وظروف، وأكو حلال وحرام، وخير وشر، وحالة نفسية وصحية،
يعني بكومة هالأمور، الإنسان يمرّ بهواي مراحل تغيّر منه، فَ صعب يلگه شي مثالي وحسب هواه،
وهالشي لازم يخلّينا نبتعد عن المثالية بالتعامل ونكون مُنصفين.
تتذكّر اللحظة الّي خفت بيها؟
ذاك الخوف الّي حسّيت ما راح ينتهي؟
الّي شفته ما راح يعدّي ويمكن يستمر؟
ووصلت بيك أفكارك لدرجة حسّيته راح يموّتك؟
تتذكّر رجفة گلبك قبل إيدك شلون چانت؟
كوابيسك وتخيّلاتك عنه،
وأسوأ الاحتمالات الّي خَليتها بسببه،
وينه هسّة؟
وين صار؟
ذاك الحمل الثگيل وين صفّىٰ بيه الزمن؟
أنتهىٰ؟ عدىٰ؟ إجه غيره؟
يمكن ...
يعني شنو؟
يعني الّي مخوّفك هسّة وحاسبله حساب، هم راح ينتهي، وتنطوي صفحته ويجي غيره.
الّي يحچيلك هالكلام شخص مجرّب، وبكلّ محطّة من حياته عاش الخوف، ويگلك: راح تعدّي، بس توكّل علىٰ الله، وخلّي هالخوف يمشّيك مو يوكّفك.
ذاك الخوف الّي حسّيت ما راح ينتهي؟
الّي شفته ما راح يعدّي ويمكن يستمر؟
ووصلت بيك أفكارك لدرجة حسّيته راح يموّتك؟
تتذكّر رجفة گلبك قبل إيدك شلون چانت؟
كوابيسك وتخيّلاتك عنه،
وأسوأ الاحتمالات الّي خَليتها بسببه،
وينه هسّة؟
وين صار؟
ذاك الحمل الثگيل وين صفّىٰ بيه الزمن؟
أنتهىٰ؟ عدىٰ؟ إجه غيره؟
يمكن ...
يعني شنو؟
يعني الّي مخوّفك هسّة وحاسبله حساب، هم راح ينتهي، وتنطوي صفحته ويجي غيره.
الّي يحچيلك هالكلام شخص مجرّب، وبكلّ محطّة من حياته عاش الخوف، ويگلك: راح تعدّي، بس توكّل علىٰ الله، وخلّي هالخوف يمشّيك مو يوكّفك.
مو متصنّعة لو حالتي مو زينة، بَس أحاول أكون زينة.
مو أحسن نسخة مني، بَس كلّ مرّة أحاول أكون أحسن من النسخة اّلي چنت عليها.
أني مو مثالية، بَس أحاول أمشي علىٰ الصح شگد ما أگدر.
أغلط لأن أني مو معصومة، بَس أحاول ما أكرر الغلط وأتعلّم منّه.
ما أعرف كلشي، بَس أقرا وأسأل وأبحث.
مو دائمًا نشيطة وأگدر أنجز كلّ يوم، بَس أحاول يكون يومي خفيف عليه.
ما أكابر وأفلتر مشاعري، أعيشهن وأحتويهن وأحبهن لأن بوجودهن معناها بعدني أحِسّ.
ما سديت بابي وسحبت فرصي من أول مرّة، بَس أنطيت كلّ شخص حقّه وما قصّرت.
وبالأخير إحنا بشر مو معصومين، كومة مشاعر وتصرّفات وآراء، بَس كلنا نحاول نكون أحسن.
مو أحسن نسخة مني، بَس كلّ مرّة أحاول أكون أحسن من النسخة اّلي چنت عليها.
أني مو مثالية، بَس أحاول أمشي علىٰ الصح شگد ما أگدر.
أغلط لأن أني مو معصومة، بَس أحاول ما أكرر الغلط وأتعلّم منّه.
ما أعرف كلشي، بَس أقرا وأسأل وأبحث.
مو دائمًا نشيطة وأگدر أنجز كلّ يوم، بَس أحاول يكون يومي خفيف عليه.
ما أكابر وأفلتر مشاعري، أعيشهن وأحتويهن وأحبهن لأن بوجودهن معناها بعدني أحِسّ.
ما سديت بابي وسحبت فرصي من أول مرّة، بَس أنطيت كلّ شخص حقّه وما قصّرت.
وبالأخير إحنا بشر مو معصومين، كومة مشاعر وتصرّفات وآراء، بَس كلنا نحاول نكون أحسن.
لَا حَوْلَ وَلَا قُوَّةَ إِلَّا بِاَللَّهِ الْعَلِيِّ الْعَظِيمِ.
لُطفًا قراءة سورة الفاتحة والدعاء بالرحمة والمغفرة لضحايا الحريق في الكوت، والدعاء بالصبر لذويهم.
لُطفًا قراءة سورة الفاتحة والدعاء بالرحمة والمغفرة لضحايا الحريق في الكوت، والدعاء بالصبر لذويهم.
الواحد من عدنا يگعد الصبح وما يعرف شنو راح يصير بعدين،
كلّ توقّعه يرجع آخر اليوم لفراشه، ويعيش يوم ثاني،
بس الموت ما يعترف بهالنظرة الّي عدنا.
الإمام الحسن العسكريّ (عَليهِ السّلام) بجزء من قوله:
"إنّكم في آجال منقوصة، وأيّام معدودة، والموت يأتي بغتة..."
خلّي نفسك هيّنة عليك ووي غيرك،
ما تعرف اللحظة الجاية شنو تكون وياك،
زادك للآخرة وأثرك بهالدنيا خلّيه بالخير الّي يشفعلك،
والمشكلة الّي تحسها ثگيلة هسّة، إذا ممكن تهون شويّة فَ هَوّنها،
كلنا علىٰ هالدرب، وخلّينا كلنا نحاول نستعدّ إله.
كلّ توقّعه يرجع آخر اليوم لفراشه، ويعيش يوم ثاني،
بس الموت ما يعترف بهالنظرة الّي عدنا.
الإمام الحسن العسكريّ (عَليهِ السّلام) بجزء من قوله:
"إنّكم في آجال منقوصة، وأيّام معدودة، والموت يأتي بغتة..."
خلّي نفسك هيّنة عليك ووي غيرك،
ما تعرف اللحظة الجاية شنو تكون وياك،
زادك للآخرة وأثرك بهالدنيا خلّيه بالخير الّي يشفعلك،
والمشكلة الّي تحسها ثگيلة هسّة، إذا ممكن تهون شويّة فَ هَوّنها،
كلنا علىٰ هالدرب، وخلّينا كلنا نحاول نستعدّ إله.
أتيتكَ بلوعةِ المُشتاقين،
تاركةً غُربتي ورائي،
أتلو السّلامَ عليكَ من زيارةِ عاشوراء،
وأذرفُ الدّمعةَ من النّاحيةِ المُقدّسة،
أحمِلُ روحًا مُتلهّفةً لوِصالك،
وقلبًا اكتوىٰ بغصّةِ الفِراق،
نبضاتُ قلبي هدأت الآن،
أشعرُ بخلايا جسدي تنفّست،
وأحمالُ عقلي أفلتت سلاسِلها،
سأركُنُ في زاويةٍ من حَرمِك،
وأُخبِركَ بأنّي دخيلُك يا حُسيّن.
٧/١٧.❤️🩹
تاركةً غُربتي ورائي،
أتلو السّلامَ عليكَ من زيارةِ عاشوراء،
وأذرفُ الدّمعةَ من النّاحيةِ المُقدّسة،
أحمِلُ روحًا مُتلهّفةً لوِصالك،
وقلبًا اكتوىٰ بغصّةِ الفِراق،
نبضاتُ قلبي هدأت الآن،
أشعرُ بخلايا جسدي تنفّست،
وأحمالُ عقلي أفلتت سلاسِلها،
سأركُنُ في زاويةٍ من حَرمِك،
وأُخبِركَ بأنّي دخيلُك يا حُسيّن.
٧/١٧.❤️🩹