كلّ خطّة شخصية خليتها من عندي،
چانت تجي عكس توقّعاتي،
ودائمًا ألكه خطّة ربّ العالمين إلي،
هواي أفضل من الّي خليته بحساباتي.
مرّات أدرِك هالشي بوقته، ومرّات متأخّر،
بس بكلّ الأحوال، خطّة الله هيَ الأنسب إلي؛ لأن ربّ العالمين يعرف وين مصلحتي، وعلىٰ حسب طاقة صبري وتوكّلي يخلّيني بالمكان الصح.
والحَمدلله علىٰ الّي راح،
والّي صار،
والّي يصير،
والّي راح يصير.
چانت تجي عكس توقّعاتي،
ودائمًا ألكه خطّة ربّ العالمين إلي،
هواي أفضل من الّي خليته بحساباتي.
مرّات أدرِك هالشي بوقته، ومرّات متأخّر،
بس بكلّ الأحوال، خطّة الله هيَ الأنسب إلي؛ لأن ربّ العالمين يعرف وين مصلحتي، وعلىٰ حسب طاقة صبري وتوكّلي يخلّيني بالمكان الصح.
والحَمدلله علىٰ الّي راح،
والّي صار،
والّي يصير،
والّي راح يصير.
الله يخليكم،
صحتكم ونفسيتكم خلوها فوگ كلشي،
فوگ السادس وحچي الأهل والمقارنة،
محد يعوضكم إذا لا سامح الله فقدتوا صحتكم،
محد يعيش الّي تحسّوا من تنتكس نفسيتكم،
هونوها علىٰ نفسكم،
وخلوها علىٰ الله،
الودائع الّي عند ربّ العالمين دائمًا بعناية خاصة،
وحقكم السادس مجرد محطة من كومة محطات تصادفكم، لا تخلوها تأثر عليكم وأدمركم،
مو نهاية الدنيا إذا ما طلعت معدل،
مو نهاية الفرص إذا ما وصلت للي تريده،
لا تخلّي عينك بس علىٰ الباب الّي أنسد، وتنسىٰ مية ألف الباب موجود الك وينفتحلك بأي وقت مجرد أدگه،
ميادين الحياة واسعة،
وفرص الإنسان هواي،
العثرة بدرب واحد،
والفشل بمرحلة،
مو نهاية سعي وعطاء الإنسان،
كلّ واحد يگدر يقدم لنفسه الّي يحتاجه،
إذا فعلًا چان هوَ رايد يقدم،
بالأخير كلّ واحد يعيش لنفسه،
محد عايش وياك لو راح يعيشلك،
أعرف البعض مقهور لأن تعب وقدم،
بس الّي صار صار،
شنو تسوي؟ تكتل نفسك؟
وحقكم دولة إمام زمانا محتاجة الكلّ وكلّ الأختصاصات،
ماكو تحيز ولا أفضلية،
تريد الكلّ،
لا تحصر نفسك بشي وتأذي نفسك علموده لأن ما صار، حكمة الله ومشيئته أجت هيچ، أدعي بالصبر والتوكّل وكمل،
صحتك ونفسيتك أمانة، ووحدة تأثر علىٰ الثانية، دير بالك علىٰ نفسك لُطفًا.
صحتكم ونفسيتكم خلوها فوگ كلشي،
فوگ السادس وحچي الأهل والمقارنة،
محد يعوضكم إذا لا سامح الله فقدتوا صحتكم،
محد يعيش الّي تحسّوا من تنتكس نفسيتكم،
هونوها علىٰ نفسكم،
وخلوها علىٰ الله،
الودائع الّي عند ربّ العالمين دائمًا بعناية خاصة،
وحقكم السادس مجرد محطة من كومة محطات تصادفكم، لا تخلوها تأثر عليكم وأدمركم،
مو نهاية الدنيا إذا ما طلعت معدل،
مو نهاية الفرص إذا ما وصلت للي تريده،
لا تخلّي عينك بس علىٰ الباب الّي أنسد، وتنسىٰ مية ألف الباب موجود الك وينفتحلك بأي وقت مجرد أدگه،
ميادين الحياة واسعة،
وفرص الإنسان هواي،
العثرة بدرب واحد،
والفشل بمرحلة،
مو نهاية سعي وعطاء الإنسان،
كلّ واحد يگدر يقدم لنفسه الّي يحتاجه،
إذا فعلًا چان هوَ رايد يقدم،
بالأخير كلّ واحد يعيش لنفسه،
محد عايش وياك لو راح يعيشلك،
أعرف البعض مقهور لأن تعب وقدم،
بس الّي صار صار،
شنو تسوي؟ تكتل نفسك؟
وحقكم دولة إمام زمانا محتاجة الكلّ وكلّ الأختصاصات،
ماكو تحيز ولا أفضلية،
تريد الكلّ،
لا تحصر نفسك بشي وتأذي نفسك علموده لأن ما صار، حكمة الله ومشيئته أجت هيچ، أدعي بالصبر والتوكّل وكمل،
صحتك ونفسيتك أمانة، ووحدة تأثر علىٰ الثانية، دير بالك علىٰ نفسك لُطفًا.
تتمنّىٰ لو الحياة تنطيك فرصة توقّف شويّة، حتّىٰ تگدر تلمّ نفسك وتحضنها.
كافي إنك سعيت بكلّ جهدك وبكلّشي تگدر عليه،
يكفي إنك قدّمت كلشي يطلع بإيدك لآخر لحظة،
لا تنسىٰ ليالي التعب،
ولا تبخس حق نفسك بعد كلّ هالكدح،
ولا تقيس نجاحك أو فشلك علىٰ نظرة غيرك.
أنت وحدك عشت القصة بحذافيرها،
وأنت الوحيد الّي شاف كواليسها،
ولأنك مريت بكلّ هذا فَ أنت تستحق تفرح.
وإذا الّي صار طلع أقل من توقّعك،
فَ ربّنا موجود، وراح يرتّبلك قصة تناسبك وترضيك،
وحتّىٰ لو الحلم ما تحقق،
أخلق حلم من الّي اختاره إلك ربّ العالمين.
يكفي إنك قدّمت كلشي يطلع بإيدك لآخر لحظة،
لا تنسىٰ ليالي التعب،
ولا تبخس حق نفسك بعد كلّ هالكدح،
ولا تقيس نجاحك أو فشلك علىٰ نظرة غيرك.
أنت وحدك عشت القصة بحذافيرها،
وأنت الوحيد الّي شاف كواليسها،
ولأنك مريت بكلّ هذا فَ أنت تستحق تفرح.
وإذا الّي صار طلع أقل من توقّعك،
فَ ربّنا موجود، وراح يرتّبلك قصة تناسبك وترضيك،
وحتّىٰ لو الحلم ما تحقق،
أخلق حلم من الّي اختاره إلك ربّ العالمين.
بخاطرك تمشي خطواتك ببطء، وتشوف تفاصيل الطريق، بدون ما تركض ويَّ الوقت والأحداث.
تتمنّىٰ حصّتك من الأمور الّي مكتوبة إلك، تجي علىٰ قياس گلبك والّي يرضيك وتحبّه، ما تطلب شي خارق، كلّ الّي تريده هوَ إنك تطمئن وأنت مكمّل بهالطريق.
وأنت صافن بسگف الغرفة،
تتمنّىٰ إيد صغيرونة تطلع من گلبك وتحضنك، وتخلّيك تحِسّ إنو الّي صار راح يعدّي، وما ياخذ هواي منك.
تتمنّىٰ إيد صغيرونة تطلع من گلبك وتحضنك، وتخلّيك تحِسّ إنو الّي صار راح يعدّي، وما ياخذ هواي منك.
بين فترة والثانية،
يفزّ عليك جرح قديم،
أثره تارك ندبة،
بس بعدك من تچيسه تحسّه هستوا صار،
نفس الذكريات، نفس الشعور، نفس الوجع، ونفس الـ "ليش"،
كلهن ينهشن بيك وما يرحمنك،
تستغرب ... وتسأل
ليش الّي ما يأذي ووجوده مثل النسمة، يتأذه بطريقة هوَ ما يستاهلها؟
بكومة الأشخاص الّي تحاوطك،
وبين كلّ الشغلات الحلوة الّي تصيرلك،
تبقىٰ حازه بخاطرك هالأذية الّي تحسّها.
يا ربّ،
كلّ شخص يحِسّ بهالشعور،
تجيه أيّام تمسح علىٰ ندبته، وتغطيها لحد ما تختفي، وينسىٰ مكانها وشخوصها،
ويتعوض بمشاعر تلوگ لگلبه ويستاهلها.
يفزّ عليك جرح قديم،
أثره تارك ندبة،
بس بعدك من تچيسه تحسّه هستوا صار،
نفس الذكريات، نفس الشعور، نفس الوجع، ونفس الـ "ليش"،
كلهن ينهشن بيك وما يرحمنك،
تستغرب ... وتسأل
ليش الّي ما يأذي ووجوده مثل النسمة، يتأذه بطريقة هوَ ما يستاهلها؟
بكومة الأشخاص الّي تحاوطك،
وبين كلّ الشغلات الحلوة الّي تصيرلك،
تبقىٰ حازه بخاطرك هالأذية الّي تحسّها.
يا ربّ،
كلّ شخص يحِسّ بهالشعور،
تجيه أيّام تمسح علىٰ ندبته، وتغطيها لحد ما تختفي، وينسىٰ مكانها وشخوصها،
ويتعوض بمشاعر تلوگ لگلبه ويستاهلها.
تتمنّىٰ الخيال يوصل بيك لـ إيد فنان، يلزم قلمه ويلوّن روحك من جديد، يعيد لون الحياة بيها مرّة ثانية، ويرسمك كأنّك لوحة مخلّي بيها كلّ لمساته الدافية وحذره، لحد ما ترجع تشع وتنور حياتك الچانت ظلمة،
تتمنّىٰ رحلة هالخيال تصير حقيقة.
تتمنّىٰ رحلة هالخيال تصير حقيقة.
توصل للمرحلة الّي چنت خايف توصلها، وتفلت إيدك من أكثر شي تمسّكت بيه، وأنطيتله فرص ومحاولات حتّىٰ يستمر.
شكل الخيبة هنا يوجع،
وما أعرف إذا هالشي ينحسب "انتصار حزين" علىٰ شي چان يستهلكك ويأذيك،
شي زين أو لا،
بس يمكن بالنتيجة توصل لمحطّة راحتك -بمرور الوقت وتعافيك- بعد التخلّي عنه.
شكل الخيبة هنا يوجع،
وما أعرف إذا هالشي ينحسب "انتصار حزين" علىٰ شي چان يستهلكك ويأذيك،
شي زين أو لا،
بس يمكن بالنتيجة توصل لمحطّة راحتك -بمرور الوقت وتعافيك- بعد التخلّي عنه.
منتظرتك أيّام حلوة،
تعوّض وتجبر الّي عايشه بهالفترة،
وراح تصادف ناس ثانية تصلّح شي هيَ ما كسرته،
راح توصل للي تعبت علموده،
وتاخذ تنهيدة الراحة بعد شوط الركض بميدانك،
راح تكتب عن الوصول والرضا بعد ما كتبت عن السعي والخوف،
راح تلتمس أكثر آية ﴿يُدَبِّرُ الأَمرَ﴾ وأثرها بحياتك،
وتتيقّن إنو لولا عناية ربّ العالمين، چان لا وصلت، ولا الطريق خلص، ولا العوض شافته عيونك وعاشته روحك.
تعوّض وتجبر الّي عايشه بهالفترة،
وراح تصادف ناس ثانية تصلّح شي هيَ ما كسرته،
راح توصل للي تعبت علموده،
وتاخذ تنهيدة الراحة بعد شوط الركض بميدانك،
راح تكتب عن الوصول والرضا بعد ما كتبت عن السعي والخوف،
راح تلتمس أكثر آية ﴿يُدَبِّرُ الأَمرَ﴾ وأثرها بحياتك،
وتتيقّن إنو لولا عناية ربّ العالمين، چان لا وصلت، ولا الطريق خلص، ولا العوض شافته عيونك وعاشته روحك.
مرّة هاجر ناظم گالت:
"حَسبيَ الله ونِعمَ الوكيل بكلّ أحد يگدر إنه يسهّل الحياة علىٰ شخص، ويختار إنه يصعّبها."
وهسّة أگول:
الله يسهّل ويوفّق كلّ شخص يسهّل علينا الحياة، ويحاول يخفّفها عنّا بكلشي يطلع بإيده،
الله يجبر بخاطر كلّ واحد هوّن علينا، وشال حمل مو حمله،
شكرًا لوجودك، وشكرًا لأنك اختاريت تسهّل الحياة وتكون ألطف وأحن، وتضيف گلب نظيف مليان أمان لهالعالم،
شكرًا لأنك ما اختاريت تصعّبها، ولا صرت خوف وحذر إضافي علينا.
"حَسبيَ الله ونِعمَ الوكيل بكلّ أحد يگدر إنه يسهّل الحياة علىٰ شخص، ويختار إنه يصعّبها."
وهسّة أگول:
الله يسهّل ويوفّق كلّ شخص يسهّل علينا الحياة، ويحاول يخفّفها عنّا بكلشي يطلع بإيده،
الله يجبر بخاطر كلّ واحد هوّن علينا، وشال حمل مو حمله،
شكرًا لوجودك، وشكرًا لأنك اختاريت تسهّل الحياة وتكون ألطف وأحن، وتضيف گلب نظيف مليان أمان لهالعالم،
شكرًا لأنك ما اختاريت تصعّبها، ولا صرت خوف وحذر إضافي علينا.
المُلّا بَاسم الكربلائي بقصيدة "خَادم علىٰ بَابك خَلّيني" يگول:
عشگ الگلب
نطوي الدرب
عزم المراجيل
ما ننحرف
مهما تحف
بينا المشاكل.
عشگ الگلب
نطوي الدرب
عزم المراجيل
ما ننحرف
مهما تحف
بينا المشاكل.
التعب المُريح الّي يخلّيك توصل لفراشك، وأنت كلّ عظم بجسمك يأذيك، بس راضي علىٰ الّي قدمته بيومك.
أحِبّ من أجي علىٰ بالهم لو يتذكروني، يكون وجودي مرتبط بأبتسامة وراحة وطمأنينة، ما أكون شي يغيّر مزاجهم للأسوأ أو يترك ندبة يكرهون أثرها.