Qashqadaryoda “Jismoniy tayyorgarlik darajasi” sport sinovlariga start berildi!

Bugun respublikamizning barcha hududlarida bo‘lgani kabi, Qashqadaryo viloyatida ham 30–70 yosh va undan katta yoshdagi aholidan “Jismoniy tayyorgarlik darajasi” sport sinovlarini qabul qilish tadbirlariga bir vaqtning o‘zida tantanali start berildi.

📍 Tadbir Qarshi shahridagi 9-umumta’lim maktabida o‘tkazildi. Unda viloyat sport boshqarmasi mas’ullari, sport ta’lim muassasalari xodimlari, belgilangan yosh toifasidagi fuqarolar, OAV vakillari va keng jamoatchilik faol ishtirok etdilar.

✅O‘zbekiston sport vaziri Adham Ikramov respublika studiyasidan onlayn tarzda so‘zga chiqib, mazkur tashabbus aholi o‘rtasida sog‘lom turmush tarzini targ‘ib etish hamda salomatlikni mustahkamlashga xizmat qilishini ta’kidladi.

Tadbir doirasida ishtirokchilar ommaviy badantarbiya mashqlarini bajarib, tanani qizdirish mashqlarini o‘tkazdilar va belgilangan me’yorlar asosida sport sinovlarini topshirdilar.

Telegram|Instagram|Facebook|Youtube

“Inklyuziv jamiyatni shakllantirishda — adaptiv sportning oʼrni” mavzusidagi oʼquv-amaliy seminar qizgʼin tarzda davom etmoqda

Avval xabar berganimizdek, Oʻzbekiston Respublikasi Prezidenti huzuridagi Ijtimoiy himoya milliy agentligi tashabbusi bilan, Sport vazirligi hamda A.I. Gersen nomidagi Rossiya davlat pedagogika universiteti Toshkent shahar filiali hamkorligida O‘zbekiston davlat jismoniy tarbiya va sport universitetida “Inklyuziv jamiyatni shakllantirishda adaptiv sportning oʻrni” mavzusida oʻquv-amaliy seminar boʻlib oʻtdi.

Seminar doirasida Oʼzbekiston Respublikasi Sport vazirligining Sport maktablari faoliyatini muvofiqlashtirish boʼlimi boshligʼi Muzaffarxoʼja Raxmatxoʼjaev “Sport maktablari faoliyatini muvofiqlashtirishda adaptiv jismoniy tarbiya va inklyuziv sport yoʼnalishlarini rivojlantirishning ustuvor vazifalari” mavzusida maʼruza qildi.

Taqdimot davomida mamlakatimizda adaptiv va inklyuziv sportni rivojlantirish boʼyicha amalga oshirilayotgan ishlar, sport maktablarining bu jarayondagi oʼrni hamda kelgusidagi vazifalar xususida atroflicha maʼlumot berildi. Ishtirokchilar sohaga oid dolzarb masalalar yuzasidan fikr almashdilar.

Shuningdek, seminar doirasida Oʼzbekiston Respublikasi Sport vazirligining Аxborot-kommunikatsiya texnologiyalariтш joriy etish va raqamlashtirish boʼlimi boshligʼi Navruz Shoymordanov “Sport taʼlim muassasalari va ixtisoslashtirilgan maktab-internatlarda raqamlashtirish jarayoni: ‘ERP Sport elektron tizimi orqali boshqaruv va ijtimoiy integratsiya masalalari” mavzusida maʼruza qildi.

Maʼruza davomida sport taʼlimi tizimida raqamlashtirishning ahamiyati, elektron boshqaruv orqali samaradorlikni oshirish va jamoaviy faoliyatni takomillashtirish masalalariga alohida toʼxtalib oʼtildi. Shuningdek, “ERP Sport” tizimining amaliyotdagi imkoniyatlari va uning ijtimoiy integratsiyaga qoʼshayotgan hissasi haqida ham keng maʼlumot berildi.

Web-Sayt | Telegram | Facebook | Instagram | Youtube