تاکە ڕەچەتەیەک هەبێت بۆ خەمباریمان ئەوا چاوەڕوانیە

خاتـوون

« ژیان کردن لەگەڵ من سەختە ، هەر بۆیە ئەوانەی دێن وەک ڕێبوارێک هەر زوو ئاراستەکانیان ئەگۆڕن و چیدی نامێنن ، لە ڕاستی دا ئەمە هەڵەی منە من ناتوانم بەو جۆرەی ئەوەی ناخم دەر ببرم کە خەڵکی ئاسایی دەری ئەبرن ، بۆ نمونە من ناتوانم بڵێم خۆشیم لێت دێ لە کاتێکدا تێبینیەکەم لەسەرت هەیە یاخود بە گومانم لەوەی کە خۆشیم لێت دێ ، یان ناتوانم روم خۆشبێت لەگەڵت و لە ناخەوە حەزم پێت نەبێت ، دەمەوێ بڵێم من بۆ ئەم پەیوەندیە سۆزداری و هاوڕێیەتی هاوسۆزیە ناشێم ، بۆ مرۆڤ گەلێکی وەک ئێمە کۆتا حوکم تەنهاییە...»

خاتوون

هەموو شتێک کەپێماندەدەرێ بەخششێکی کاتیە یان ئەو ئێمە جێدەهێڵێت یان ئێمە ئەو جێدەهێــڵین.

خـاتوون

حەمیشە ترسم لەوە هەبوو ڕوو لە هەر ڕووگەیەک بکەم , یا خاکێک دڵێک ,ڕۆحێک هەناسەیەک بە نیشتیمانی خۆم بزانم و دواتر شاربەدەر و بێ خاک و نیشتیمان بم , ترسم لەوە هەبوە کە تەنهایم ڕادەستی ڕۆحێک بکەم و بێ ڕۆح بمێنم , حەمیشە تەنها ڕێگام کرد , تەنها چەشتم تەنها نۆشیم تەنها چووم تەنها هاتم , گریام خەنیم تا لە ئاخری تەنهاتر لە تەنهایی کردم

تنێ دەگەڵ ئەو تەنهاییە دەسازێم امن , دەگەڵ مرۆڤانی ئەو سەردەمە هەڵناکەم , وەک ئەوەی مرۆڤی سەردەمی کۆن بم و جێمابم , حاڵی نابم منم سەبەبکاری اوە یا چی منم قوڵم و ڕۆدەچم , منم شتەکان سانا وەرناگرم , منم اوەی دەیکەم لە ناواخنی ڕۆحمەوە نەبێ نایکەم , منم ووررد دەبمەوە لە ووردترین ووردەکاریەکان , منم اوەی دەیبەخشم بەتەواوی بوونم دەیبەخشم , نا دەزانم امنم دەگەڵ یەکبوونێکی نا تەواو یەکنابم , دەزانم خۆمم دەگەڵ ئەو مرۆڤانە ناتوانم ڕێ بکەم , ناتوانم نزیکی نزیکێکی دوور بم , هەر خۆی دەزانم کەس لێشم حاڵی ناوێ

خــاتوون

بۆ ئەبەدی ‎خۆشەویستیت لەناو هەناسەماندووەکانی خۆمدا دەشارمەوە ..

خاتـوون

ژیان تاقیت ئەکاتەوە ئینجا شتەکانت پێئەدا ، ڕەنگە من تاقی کرابمەوە شایستەی ئەوە نەبووبم ئەو شتانەم هەبێت بۆیە نیمە ، ڕەنگە ڕۆژێک بێت لە تاقی کردنەوەکەیا سەرکەوم ، بەڵام بڕوابکە هەرشتێک لە کاتی خۆیا خۆشە ، لەوانەیە ڕۆژانێک ئەو شتانەم هەبێت بەڵام دڵم پێی خۆش نەبێت !! زۆر باش ئەزانم لە ژیانا بەتایبەت گەردوون وەک مناڵێکی عيناد وایە حەز ئەکا عینادیت دەگەڵ بکات ئەو شتەی زۆر حەزت لێیە لێت بيشکێنێ فڕەی بات ، وە کاتێکیش دڵت هیچ بۆی لێنادا پێتی ئەدا ..!

خـاتـوون

ژیان فراوانە، بەئەندازەی فراوانی لێڕوانینی تۆ بەڕووتـدا فراوان دەبێت.

داهـاتوو نادیارە، لێرەدا ژیان وزە و هەڵـمەتێکی دیکە بەژیان دەداتەوە.


ڕازی ژیانە ئێستا، بۆ ئەم ئاوازەی ئێستـا سەما بکە، سبەی با لەسبەیدا بمێنێتەوە.

شتانێک لەدڵـمان دەبنەوە کە دڵ هەردەم چاو لەڕێیانە، لێ ئەوچاوەڕێ بوونە ئازاری ئەبەدییە.

پەرتەوازەیی و حەق

خـاتوون

هێز لە هێزی خۆم وەردەگرمەوە
شانازی من خۆمم
سەبر و ئارامی من خۆمم
ڕێ ڕۆشنکەرەوەی من خۆمم

خاتوون

گوتی : چۆن دەکرێ هێندە بەهێزبیت !؟
گوتم : برین بە برین ..

هەستە گەورەم تۆ مەکەوە
چاوی نوقاوت بکەوە
هەستە شێرۆ واکڕ مەبە
کۆتری باڵە فڕ مەبە

تۆ خەڵکی دەڤەری خەتەری
سەر داناخەی بۆ سەرسەری
لەسەر سەری لەبن عەرزبی یا لەسەری
تاجی شکۆی،تۆ ڕابەری یەک دەڤەری

نان و ئاو و خۆراک و ژیان
ڕوناکی و موچەی فەوتاومان
لولەی تفەنگ ، زرمەی فیشەک
گشتیت کڕی بەخوێن و گیان

هەستە گەورەم کاتی زەنگە
کۆیلە و جەبان ، خزمەتکاری ماڵی ئەوان
دەست بەکڵاون ، خەریکی گۆشت و پڵاون
چڵکاو خۆرو کەوچکی ماستاو کەڕن کوێرن

ڕێوی دەرێن لە ماڵ شێرن
شاپ و پێلەقە وە شێنن
ئێواران لە ڤێلاکانیان
هەر خەریکی باوەشێنن

هەستە گەورەم سەربڵندکە هاواربکە
ئەم میلەتە لە کۆیلە بون ڕزگار بکە
ئەی کوردی خێر لە خۆ نەدیوو
ئەی هەتیویی دەستی بەزیوو

لەهاوینا هەڵپڕوکاو
لەزستانا دایمە تەزیو
تاکەی کۆیلە و ژێر دەستەبی
سەر داخەری ئەم هەستە بی

Haloy Mam Xaled

لێی دەڕوانیم کاتێ بینی ئەسرین جۆگەلەی بەستوە بەسەر گۆنام و خوێن بەلالێوما دێتە خوار گوتی بگری دەزانی تۆ کە دەگری بە ئازارەوە زۆر جوانتری زیاتر و زیاتری کرد ..

هەر ئەو دەمانەبوو ئەمن دەمێک بوو مردبووم لێ ژیان هەر یەخەی کردم گوتی جارێ لەکوێتە هیشتا منداڵی ئەو مردنانە مەرگی چوک چوکن وهێشتا مەرگی ئەبەدی نەهاتوە

لەو ڕۆژانە دوستێک پێی گوتم :
وابەقوڵی بەمەرگەوە لکاوی وەک بڵێی تۆ بۆ ئەو ئەویش بۆتۆ خولقاون

هەر خۆی چارەنوس زەردەخەنەیەکی چون ژەهری خستە سەر لێوم .


“ ئەو ووردە شوشانەی کۆناکرێنەوە “

خاتــوون

کافکا لە نامەیەکدا دەڵێ :
ئەم گفتوگۆ سادەیە ،
چۆن دەبێ ئەو هەموو هەستەی تێدا بێت ،
بەبێ دیدار ؟!

مێلینا لە وەڵامدا دەڵێت :
ئاخر ئێمە لە هەموو دێڕێکدا ،
باوەش بەیەکدیدا دەکەین

ژن ئەتوانی بە دڵڕەقی گاڵتەجاریەوە پیاو شیت کات و هەستیش بەدڵتەنگی و ئازاری ویژدانیش نەکات چونکە هەر کاتێک سەیری تۆ ئەکات بەخۆی ئەڵێت من ئەم پیاوە تا سەرە مەرگ ئەبەم دواتریش بە عەشقی خۆم زیندوی ئەکەمەوە ..
......
دۆستۆڤسکی
#51♠️

خۆت مشەوەش مەکە لەژیان لە چەمکی هێز تێبگەی بەستە
Haloy Mam Xaled

کیژێک لێرەیە ،
تەنانەت کاتێک خەمبارە
خەمەکانی بە خەندەیەکەوە لەبەر دەکات
وەک ئەوەی لە ناخەوە لەبری گریان پڕ لە ڕەنگ بێت ،

کیژۆڵەیەک لێرەیە ،
کاتێک دەدوێ گوفتەکانی وەک شەپۆلی نەرمی دەریا وان
دڵ دەگرێت،
هەر ووشەیەکی وەک مرواریەک
لە قوڵایی دەریاوە هاتبێت
ئەبریسکێتەوە

کچۆڵەیەک لێرەیە ،
لەهەر جێگایەکەوە تێپەڕێ
دەگەڵ هەر هەنگاوێک
گوڵی کێوی لەژێر پێکانی دەڕوێ

نازەنینێک لێرەیە ،
وەختێک چاو لە ئاسمان دەکات
ئەستێرەکان لە شەڕەفی ئەودا
خۆیان کز دەکەن ،

مانگێک لێرەیە ،
ئاسمان بەپڕی دڵی باوەشی بۆ کردۆتەوە
لە پشتی هەورەکانەوە لە ڕووی جوانی ئەو دەڕوانێت

کیژێک لێرەیە دەستەکانی شفان
هەر دەستێک بگرێت
هەستەکانی تا قوڵایی ڕۆح و دڵی ڕۆ دەچێت
وەک ئەوەی دەستەکانی تەواوی برینە کۆنەکانی ساڕێژ بکات

میهرەبانێک لێرەیە ،
هەر کاتێک لە پاڵت بوو
کات لە جوڵە دەوەستێ
هەر چرکەیەکی وەک وێنەیەک
بۆ حەمیشە لە یادەوەریدا بە جێدەما

عەشقێک لێرەیە
کاتێک فرمێسکەکانی دەکەونە خوارەوە
ئاسمانیش هاوار دەکات
وەلێ بەو فرمێسکە
باخچەیەکی هیوا لە دڵی تاریکترین شەودا دەچێنێت

جوانیەک لێرەیە
گەر ئازیزی لێی دوورکەوێتەوە
پارچیەک لە ئەو لەگەڵیدا دەڕوات
بەڵام وای لە ڕۆژەکانی ڕاهاتن لە بێ ئەوی
تەنانەت دوور لە ئەویش
هێشتا وەک ڕووناکی مۆمێک
لە نێو شەوێکی بێدەنگدا
بەرگی تاریکی دەدڕێنێت

پەریەک لێرەیە کە دایکی پێی گوتوە :
دڵم دەڵێ باڵندەو گیاندار و پەپولە و
میوەو گیاندار و بێ گیانەکانیش تۆیان خۆشدەوێت

بۆوینێک لێرەیە
کە منداڵی ساواش بۆنی ناس دەکاو
دەستەمۆ دەبێ و مەحبوبی دڵی دایە خاتوون و بابە گەورەکانە و پێ دەبێژن کیژم ڕەبی ڕووت سپی بێت لە دنیاو قیامەت

چاو خاکیەک لێرەیە چاوەکانی ڕەنگ و بۆی خەم دەدەن هەر کەس دەیبینێ
لە چاوەکانی قوڵ دەبێتەوە پێی دەڵێن چاوەکانت چەن خەمبارن دەهیندەش دڵبەرن

خانمێک لێرەیە
وا احساس دەبا مانگ و خۆر و
ئاسمان و گوڵەکان لێی تێدەگەن و
بۆ ئەو دەدرەوشێنەوە

شپرزێک لێرەیە
تێکەڵ بە سروشتە وەک ئەوەی قەرزاری یەک بن دەگەڵ سروشت
نەجیب خاتوونێک لێرەیە
ئەو کیژی قەدیمە مێخەک لە گەردنی ئاڵاوە
وەک ئەوەی لەسەردەمی کۆنا جێمابێ
لە ئادەمی ئیستا ناکا

منداڵێکی عینادی بەناز لێرەیە
کە ئەو دیوەی پەنهانە بە چوار دەورەکەی
منداڵێکی هار و هاجی عەجول کە قسە هەر قسەی خۆیەتی

دایکێکی جگەر بریندار لێرەیە
دایکی خوشک و براکانیەتی
دایکی دایک و باوکیەتی
بنمیچ و کۆڵەکەی هەر جێگایەکە کە هەناسەی لێدەدا

نا ئازیز
ئیدی خودی ژیانێک لێرەیە
کە زەمبیلەی ئارەزوەکانی بە نهێنی و
قوڵ و پڕ پەنهانی هەڵگرتوە
تا زیاتر هەوڵبدەن لێی تێبگەن
زیاتر لە خۆیدا دەخنکێت

وەختێک ئەزمونی ژانێک دەکەیت
ئەو کاتە دەبینیت ژنێک لێرەیە
بەرگی جوانیەکانی ژیانی لێ ئاڵاوە

کێژێک لێرەیە ..