❗️Ғарбдан келаётган совуқ антициклон юртимизга бир ҳафталик салқинлик олиб келади

25 майдан бошлаб 2 июнгача мамлакатимиздаги кўплаб ҳудудларда ҳаво ҳарорати меъёрга нисбатан анча паст бўлади. Бу ҳақда иқлимшунослар ўз таҳлилларида маълум қилишди.

Мутахассислар таъкидлашича, Ғарбдан кириб келаётган совуқ антициклон Тибет тоғларида иссиқ ҳаво оқимининг туриб қолиши туфайли минтақамизда “қамалиб” қолади. Натижада, бир ҳафта давомида салқин об-ҳаво ҳукм суради.

Иқлимшунос Эркин Абдулаҳатовнинг айтишича, бу салқин давр қишлоқ хўжалиги экинлари, наботот ва жонзотлар учун жуда фойдали бўлиши мумкин:
“Жазирамадан кейин бундай салқинлик табиат учун бир турдаги тикланиш даври ҳисобланади. Бу даврда ўсимликлар ва ҳайвонлар “ўзига келиб олиш” имконига эга бўлади,” — деди у.

Мазкур об-ҳаво ўзгариши деҳқонлар ва қишлоқ хўжалиги билан шуғулланувчилар учун қулай шароит яратиши кутилмоқда.

👉 @r_kusherbayev

❗️Айрим шифокорларнинг маошлари оширилади

Президент фармонига кўра:

➖ cайёр тиббий хизмат ходимларига — 50% устама;

➖ aҳоли сони меъёрдан ошган ҳудудлардаги бригадаларга — 0,3% (шаҳар), 0,5% (туман) устама;

➖ oила саломатлиги курси тугатганларга — 100% устама;

➖ марказий шифохона шифокорлари — 20%, ўрта ходимлари — 10% маош оширилади;

➖ KPI асосида барчага — 100% гача устама жорий этилади.

👉 @r_kusherbayev

Bitcoin янги рекорд ўрнатди — 110 минг доллар!

Bitcoin тарихда илк бор 110 000 доллардан ошиб, янги баландликка етди.

Аввалроқ, АҚШ-Хитой муносабатларидаги кескинлик туфайли нарх 76 минг долларгача тушган эди.

Таҳлилчиларга кўра, 2025 йил охиригача Bitcoin 150—200 минг долларгача ўсиши мумкин.

👉 @r_kusherbayev

❗️Тайинлов

Баҳром Холхўжаев Экология вазирлиги ҳузуридаги Ўрмон, биохилмахиллик ва экотуризм сиёсатини юритиш департаменти бошлиғи лавозимига тайинланди.

1992 йил Тошкентда туғилган. Мутахассислиги бўйича бакалавр ва магистр даражасига эга. Экология соҳасида бир нечта раҳбарлик лавозимларида ишлаган. Тайинловга қадар Вазирлар Маҳкамасида фаолият юритган.

👉 @r_kusherbayev

❗️“Credit House” иши: 182 млрд сўм зарар аниқланди

Тошкент шаҳрида уй олиб беришни ваъда қилган “Credit House” иши бўйича 860 нафардан ортиқ фуқаро жабрланувчи сифатида эътироф этилди.

ИИБ маълумотларига кўра, дастлабки тергов натижасида жами 182 млрд сўм зарар аниқланган.

Бу ҳақда ИИВнинг “Криминал” кўрсатувида маълум қилинди.

👉 @r_kusherbayev

Путин маслаҳатчиси: СССР юридик жиҳатдан ҳануз мавжуд

Путиннинг маслаҳатчиси Антон Кобяков Санкт-Петербург юридик форумида сўзга чиқиб, СССР “юридик жиҳатдан ҳозир ҳам мавжуд” эканини иддао қилди. Унинг таъкидлашича, бу фикрни нафaқат маҳаллий, балки хорижий конституциявий ҳуқуқшунослар ҳам илгари сурган.

Кобяковга кўра, 1922 йилда Советлар қурултойи орқали тузилган СССРни фақат шу қурултой тарқатиши мумкин эди. 1991 йилдаги тарқатиш жараёнида эса бу тартиб бузилган.

У шунингдек, Россиянинг Украинага қарши уюштирган ҳарбий ҳаракатларини “ички жараён” деб атади. Бу эса янада кўпроқ танқидларга сабаб бўлди.

👉 @r_kusherbayev

❗️Ноқонуний йўл билан ҳажга борганлар Саудия Арабистонидан депортация қилинади

Ўзбекистон Дин ишлари бўйича қўмитаси маълум қилишича, расмий рухсатсиз ва ноқонуний йўллар орқали ҳаж сафарини амалга оширган фуқаролар Саудия Арабистони томонидан депортация қилинади.

Қўмитага кўра, огоҳлантиришларга қарамай, айрим турфирмалар ва учинчи давлатлар орқали юртдошларимизни ҳажга жўнатиш ҳаракатлари кузатилмоқда.

“Юртдошларимизни турли алдов йўллари билан ҳажга олиб боришни ваъда қилаётган фирибгарларга ишонмасликка чақирамиз”, — дейилади расмий хабарда.

👉 @r_kusherbayev

❗️Испания парламенти Исроилга қурол сотишни тақиқлашни маъқуллади

Испания парламенти кўпчилик овоз билан Исроилга қурол-яроғ экспортини тақиқлаш бўйича қарор қабул қилди.

Бу қарор Ғазодаги инсонпарварлик инқирози ва ҳарбий ҳаракатлар фонисида қабул қилинди.

Қонун ижро учун ҳукуматга йўналтирилди.

👉 @r_kusherbayev

🎓 Муддатидан олдин 40 ўқувчиси талабаликка қабул қилинган мактаб!

Бу янгиликни эшитган ҳар қандай киши: “Ростданми?!” — дейиши турган гап.

Андижон шаҳридаги 31-мактабда 40 нафар битирувчи ўқувчи муддатидан олдин маҳаллий ва халқаро олийгоҳларга ўқишга қабул қилинди!

Бу нафақат ўқувчилар, балки уларнинг ота-оналари, устозлари ва бутун мактаб жамоаси учун ғоят катта ютуқ.

👉 @r_kusherbayev

❗️Ўзбекистонда кундузги таълимдаги талабалар сони рекорд даражага етди

2024/2025 ўқув йили бошига келиб, мамлакат олий таълим муассасаларида кундузги таълимда таҳсил олаётган талабалар сони 707,3 минг нафарга етди.

Солиштириш учун, 2015/2016 ўқув йили бошида бу кўрсаткич 254 минг нафарни ташкил этган, яъни сўнгги йиллар мобайнида 443,4 минг нафарга ошган.

👉 @r_kusherbayev

❗️Яна бир суд ходими пора билан қўлга тушди

Тошкент шаҳар Фуқаролик ишлари бўйича Мирзо Улуғбек туманлараро суди ёрдамчиси С.Кличов 2025 йил 20 май куни кечки соат 21:00 лар атрофида никохдан ажратиш ишини ижобий ҳал қилиб бериш эвазига 1.000 АКШ доллари олган вақтида ушланган.

👉 @r_kusherbayev

❗️Иқтисодиёт ва молия вазирлиги ходимларидан мадҳияни ёдлаб, видеога ёзиш талаб қилинди

Иқтисодиёт ва молия вазирлигида хизмат қилаётган ходимлардан давлат мадҳиясини ёд олиб, уни видеога ёзиб топшириш талаб қилингани ҳақида хабарлар тарқалди.

Маълумотларга кўра, ушбу топшириқни амалга ошириш учун ходимларга бир ой муддат берилган. Айтилишича, топшириқни бажармаганлар учун бу ҳолат уларнинг хизмат фаолияти самарадорлигига баҳо беришда муҳим кўрсаткичлардан бири сифатида ҳисобга олинади.

Вазирлик расмийлари бу ташаббус давлат рамзларига эҳтиром уйғотиш, ватанпарварликни кучайтириш ва ташкилот ичидаги маънавий муҳитни мустаҳкамлаш мақсадида жорий этилганини таъкидламоқда.

Ҳозирча мазкур қарор ижтимоий тармоқларда турлича муҳокамаларга сабаб бўлмоқда.

👉 @r_kusherbayev

❗️Бугун Тошкентда яна чанг тўзонли кучли шамоллар кузатилди

Бугун Тошкентда яна чанг тўзонли шамоллар кузатилди. Иқлимшунос Эркин Абдулаҳатовнинг таъкидлашича, бундай об-ҳаво ҳодисалари жорий йили Тошкент ва бошқа шаҳарларда янада кўп қайд этилиши мумкин. Бу эса фавқулодда қуруқ ва иссиқ баҳор оқибатида юз бермоқда.

Мутахассис бу ҳолатга қарши қуйидаги чораларни таклиф этмоқда:

➖ Хавфли об-ҳаво ҳодисаларини 2 соат олдин манзилли ва аниқ тарзда башорат қилиш тизимини жорий этиш;
➖ Қуриган ва зарарланган дарахтларни аниқлаш ва кесиш бўйича махсус тизим яратиш;
➖ Ўзгидрометдан огоҳлантириш келганидан сўнг, масъул тузилмалар зудлик билан хавфни камайтириш чораларини кўриши шарт.

Бу чоралар чангли шамоллар каби ҳодисаларнинг салбий таъсирини камайтиришга хизмат қилиши мумкин.

👉 @r_kusherbayev

❗️Ангренда 4 нафар мактаб ўқувчиси битирув кечасига пул топиш мақсадида ўғирлик содир этди.

👉 @r_kusherbayev

🔔 Ҳар бир инсон ҳаётидаги унутилмас, ҳаяжонли онлардан бири мактабидаги сўнгги қўнғироқ чалинадиган кундир.

📅 24-25 май кунлари Dream Park ва Pepsi компанияси барча битирувчиларни йилнинг энг узоқ кутилган битирув оқшомига таклиф қилади!

🔥 Сизларни:

🎤 таниқли ижодкорлар Конста ва Шокир иштирокидаги концерт дастури.
💃 Марказий Осиёдаги энг машҳур рақс гуруҳларидан бири — Double Touch чиқиши,
🎢 янги аттракционлар,
🎉 аниматорлар билан қизиқарли шоулар кутмоқда.

✨ Ушбу унутилмас кунни қувонч, самимийлик ва хурсандчилик муҳитида — замонавий кўнгилочар боғида нишонланг.

🏞 Dream Park — битирув оқшоми ҳақиқий байрамга айланадиган марказдир!

📲 Барча тафсилотлар — Dream Park ижтимоий тармоқларида- @dreamparkuz1

❗️ТАЙИНЛОВ

Музработ туманига янги ҳоким тайинланди

Маматқулов Абдулла Абдимўминович Сурхондарё вилоятининг Музработ тумани ҳокими лавозимига тайинланди.

Бунга қадар у “Сурхондарё сув таъминоти” АЖ директори вазифасида фаолият юритган.

👉 @r_kusherbayev

❗️Қашқадарёда "Жиҳодчилар" оқимининг 8 нафар аъзоси 6 йилдан 10 йил-у 6 ойгача озодликдан маҳрум этилди

👉 @r_kusherbayev

❗️Ўзбекистонда аҳолининг ўртача ёши 29,3 ёшни ташкил этди

Миллий статистика қўмитаси маълумотларига кўра, 2025 йил 1 январ ҳолатига Ўзбекистон аҳолисининг ўртача ёши 29,3 ёшни ташкил этди. Бу кўрсаткич мамлакат аҳолиси жуда ёш эканини кўрсатади.
Таъкидланишича, бу рақам дунё бўйича қайд этилган ўртача кўрсаткич — 30,9 ёшдан анча пастдир. Демак, Ўзбекистон дунё миқёсида ёш аҳолига эга давлатлар қаторига киради.

👉 @r_kusherbayev

Янгийўлдаги ҳуқуқий мўъжиза: Нолдан 393750 ясалди!

Юртимиздаги суд тизими яна бир бор ўз ижодкорлиги билан биз жамоатчиликни ҳайратга солди. 2025 йил 14 февраль куни ФИБ Янгийўл туманлараро суди судьяси Ў.Абдурахмонов томонидан чиқарилган 2-1108-2503/2958-сонли фуқаролик иши бўйича СУД БУЙРУҒИ тарихга "Ҳуқуқий алхимия" сифатида кириши мумкин.

Фуқаро Ш.Норматов ҳақида чиқарилган ушбу буйруқнинг моҳияти шундай: қарздорлик йўқ, лекин ундан 18 750 сўм почта харажати ва 375 000 сўм давлат божи ундирилиши шарт!

Қандай қилиб? Нега? Қаерда ёзилган? Жавоб йўқ. Сабаби оддий – бу қарор мантиқ ва қонун эмас, фантазияга асосланган.

Яъни, янги формула пайдо бўлди:
0 қарз + 0 жавобгарлик = 393750 сўм тўлов!

Судлов тизимининг бундай "оламшумил" ечимлари энди энциклопедияларга киритилиши мумкин.
– Почта харажати ким учун кетди?
– Давлат божи ниманинг эвазига тўланди?
– Қарз йўқ бўлса, қарздор ким?

Суд – жавоб бермайди. Чунки у ихтиро қилмоқда.

Эҳтимол, бу суд буйруғига Нобел мукофоти эмас, камида “Олтин сўрақ” ёки “Олтин сўқмон” бериш керакдир...

Хулоса: Янги суд тизимида қарзингиз бўлмаса ҳам – тайёр туринг. Нархлар “ҳуқуқий тузилма”га қараб белгиланади. Қонунга эмас.

Зариф Мирзахмедов
Ўзбекистон инсон ҳуқуқлари ЭЗГУЛИК жамияти фаоли.

👉 @r_kusherbayev