#إحرگني_بهواك



.                  احـرگني ابهواك حسسني بجمر
                   ابـدونـك حُـسَـين مـاريده العمر

                   خليني احترگ   وأشعر بالعشگ

               من اهتف حسين    من اهتف حسين

                      *---------------*---------------*

                خـلـيـنـي احترگ حتى اشعر بحبك
                احلفك بـالـرضـيـع اللي كـسـر گلبك
                لـو ادري تـردنـي بـهـايـه مـاطـلـبـك
                تـره البارد گلب مـا مـاشـي عالدربك

               عَـيّـشنـي بحنين    من اهتف حسين

                      *---------------*---------------*

                مـولاي الـدمـع خـلـيـه يظل يـجـري
                ابـدونـك عَـدم وشـبـي بعـد عـمـري
                تـدري بـخـادمـك مـنـذور الك تـدري
                يــا اول عــشــگ يـا اخـــر وعــذري

               للخـدمـه استعين    من اهتف حسين

                      *---------------*---------------*

                حلات اليحترگ نـوح ولـطـم يجمع
                وحـلات العين تبقى بمجلسك تدمع
                حِسيناً واحسين ابشوگ من اسـمـع
                يردد گـلـبـي ولـسـانـي يـرد يـطـمـع

               يـتـعـالــه الانـيـن    من اهتف حسين

                      *---------------*---------------*

                مـحـبـوب الحزن لٱجلك ولا يـنـمـل
                تره العاشگ صـدگ نـيـرانـه يتحمل
                مـايـكـمـل بـدونـك ديني مـايـكـمـل
                جميله الخدمه لـٰكـن بالدموع اجمل

               مـريـود الــونـيـن    من اهتف حسين

                      *---------------*---------------*

                مـــرات ابــتــعــد وارجـع الك نـادم
                يالـ گلبك وسع وتـحـب شكو خـادم
                اذآ تــرضـه عَـلَـي مـاهـمـن الـــوادم
                يـأول كـلـشـي انته الماضي والقادم

               لـمـصـابـك حزين    من اهتف حسين

                      *---------------*---------------*

✍️خادم الحسين ع
الشاعر رعد الچريخي

مجموعة ابوذيات
شهادة الامام #الجواد ع


              إطـلـب يـنـوخـذ ثـــاره.. يطالب
              غـريـب ومـحـد ابـدمـه.. يطالب
              زلـمـكم ويـن مـا تـفـزع.. يطالب

              الـجـواد ألليله بٱحضان الـمـنـيـه

                   *---------------*---------------*

              إلـــه بــحــســره اجــرن آه.. ويْآه
              واحـس گلبي مصابه ابنار .. وياه
              ثـلـث تــيـام مـحـد وصــل.. وياه

              بسطح داره وبقت جـثـتـه رمـيـه

                   *---------------*---------------*

              عـليـه ام الـفـضـل صـبـت.. يهلهه
              وحـگـه الـدمـعتـه ألـلـيـلـه.. يهلهه
              الـجـنـازه هـاي شـيـعـوهـه.. يهلهه

تـعــالــوا لـلـجـــواد بــهـالــرزيــه

                   *---------------*---------------*

✍️خادم الأمام الجواد ع
الشاعر رعد الجريخي

السيده زينب ع اتخاطب الأمام الحسين ع
نعي مفجع

كـون الـونـيـن اطـيّـب الـجـروح
يـــمـــك اونـــن وَنّـــت الــدوح
ونـصـب عَـزه وصيوان بـالـنـوح
يـحسيـن حـد ما تـطـلـع الـروح


كـون الـونـيـن الحالـك ايـفـيـد
وَنـي عـلـيـك اجـيـب الـبـعـيـد
لاچـن بـعــد هـيـهـات يـاحـيــد
اجروحك ألمهن ماضن ايـهـيـد


كـون الونيـن ايـفـيـد يحـسيـن
چـان ابونيني امـلـي المياديـن
وضـمــاد اسـوي دمـعـت العين
ونــوح دون الـوكـت وكــتـيـن

*------------------------*---------------------*

✍خادم الحسين ع
الشاعر رعد الجريخي

مــن هـالـسـفــر يـا سـتـار
گـلبـي التهب مـثـل الـنـار

وحـدي الأهـل خـلـونـي
وحـدي الأهـل خـلـونـي

*-------------------------*--------------------*

چـنـي شـمـعـه بعيني دمـعـه مـن جـفـاهـم
هذا وضـعـي وحـدي ودعي اشـگـد وراهـم
اغـفـه وانـسـه اتـمـنـه هـسـه بطيف اراهـم
بلكلي سَـفـره وگلبي اجِـبـره بـشـم هواهـم

اشـگـد دعـيـت الـمـعـبـود
يـرجـع شـمـلـهـم ويـعـود

*------------------------*----------------------*

اعلـه الحبايب حيلي ذايب صـعبـه وحدي
الفرگه تـكـتـل دمـعـه تـنـزل دمـعـه تـبـدي
صعبـه صعبـه كلشي غـربـه وجرحي يـدّي
عـمـري احلـم اهـلـي تـلـتـم حـلـمـي وردي

بـيـت الأسـكـنـه يـابـيـت
اجـري الـمـدامـع ضـليـت

*-------------------------*-----------------------*

الـراحوا اهـلـه ألـهـم يكتلـه ويـبـقـه حـايـر
اعـلـه المنيه اعـلـه الـرزيـه الـحـادي سـايـر
ادعـي يـارب مـوتي گـرّب شـنـهـي صـايــر
بــس عـلــيّــه هـم وأذيّــه دهــري جــايــر

يـايـوم اصـدهـم يـايـوم
الـفرگـه ترستني اهـمـوم

*-------------------------*-------------------*

لـيـش اعـانـي مــن زمـانـي ربــي ردهـم
عمري عفته وموتي شـفتـه مـن بُـعـدهـم
گـوه اصـبـر وانـي اشـعـر روحـي عـدهـم
الدنيا كلهه خلگي ملـهـه يـمـتـه اصـدهـم

خـلـوني اعَيشـن بالـنـوح
يغفه الجفن مـا مسـمـوح

*--------------------------*-------------------*

ادياري ظـلـمـه ليلي ظـلـمـه كلشي ظـلـمـه
اتمنه اسمـع اهلي تـرجـع وحـزنـي أكـظـمـه
بروحي غيمه دمـعـي اديـمـه والله هـظـمـه
انـسـه حالي ايردلي غـالـي بـگـلبـي اظـمـه

هـيـچ الـعـمـر مـايـراد
اتعذبت واهلي ابـعـاد

*-------------------------*---------------------*

مـاكـو راحـه بـس مـنـاحـه عـمـري عـشـتـه
ادري مـوحـل صـبري وَشّـل مـوتـي شـفـتـه
بـت مــحــمــد لـيـلـي يـشـهــد گـوه نـمـتـه
بـكـل جروحي ويّـه روحي احچي سـكـتـه

ارجـع واكـولـن مـكـتـوب
الهذا الجره مامـحـسـوب

*---------------------------*-----------------------*


خادم العليله  (ع)
✍الشاعر رعد الجريخي

العليله


يــــهــــل تـِـــعـــلــــم ابــــحـــالي .. يــداري
عـــلــيــلـــه و لا إلــــــي واحــــــد.. يــداري
أصـــيـــح بــكــل وكـــت مـــالـــچ.. يــداري

مـظــلـمـه ومـوحـشـه بــعــيــنــي وخـلـيّـــه

                                       *---------------*---------------*

جــفـونـي وكـمـت اصـيـح بـصـوت.. خافات
واحــــزان الــعَــلَــي مــــــا يــــــوم.. خافات
عــلــيــهــم روحــي مــن هالـسـفـر .. خافات

هـلـي الــچـانـــوا ســـتـــر وفـــيـــاي الــيـــه

                                       *---------------*---------------*

✍خادم العليله (ع)
الشاعر رعد الجريخي

نعي مفجع
بعد رجوع السيده زينب الى المدينه
محمد ابن الحنفيه ماعرفهه


هـاي وعـلـي الـكـلـفـه عـلـيـه
مـحـمـد اخـوي اشـتـبـه بـيـه
اگـبـالي وهتف جيبوهه الـيـه
شـاب الـگلـب واصفگ بـأديـه


لـمـن عـبرنـي وفـات شـفـتـه
صـديـتـلـه ابلـوعـه وعـذرتـه
حـگـه لـون ما يـعـرف اخـتـه
ابحال اجيت وحـال عِـفـتـه


محمد صحت ووكـفـت يـَمـه
گـتـلــه يـخـويــه وزاد هَـمـه
مايـدري بخـتـه اللي تـكـلـمـه
حَيلـه انهدم مـاشـال جـدمـه

*----------------------*----------------------*
✍خادم الحسين ع
الشاعر رعد الجريخي

.



. اتــمــنــه اغـمّـض عـيـنـي   وبالطيف اشوف احسيني

                     تَـعـبـنـي بـغـيـابـه الـسـهـر     
                     مــا جـانـي لـلــوالــد خـبـر

                       *---------------*---------------*

     عــلــيـلـــه   ونـحـيـلــه   وعـيـنـي تـنـطـر لـلـدرب
     يـجــيــنـي   حــنـيـنــي   بـسـاعـة ايصيـر الـغـرب
     لـــيـــالـــي   بـخـيـالــي   اسـرح بـمـوقـف صـعـب
     اذكـــــــــره   و اجـبـــره   خاطري ابدمعي اليصب

  يـا ربــي انـتـه الــشــاهــد   عـذبــنــي بُــعــد الـــوالــد

                     لـجـروحـي ما يحمل بـشر

                       *---------------*---------------*

     لـ حـزنـهـه   وسـجـنهـه   بـروحـي محتار الوصف
     المـصـيـبـه   اشـيـجيبه   و حالتي بحاجة عـطـف
     بـــرحـلـتـه   انـتـظـرتـه   ادري يـعـرف بــالـظـرف
     اكـــــابـــــر   و ٱنــاطــر   صـارت جـفـونـي جـرف

  إلــمــن ابــث اشــجــانــي   وصـــار الـحـزن عـنـوانـي

                     ادمـوعـي تـشـبـه لـلـمـطـر

                       *---------------*---------------*

     حــسـافــه   مــســافــه   گـــاطــع ومـاظـن يـــرد
     ســـألــتــه   وعـرفــتــه   امـجـدم الله ومسـتـعـد
     بـوكـتـهــه   ردتــــهـــــه   والـدي يـقـره الــحــمــد
     شــبــديــه   و إلــــيّــــه   الـحـجـره احسنهـه لحد

  الـمـثـلـي حـگـهـه اتعاتـب   مـا ادري دهري اشـكـاتـب

                     اتــنــطــر احــكــام الـقَــدر

                       *---------------*---------------*

     ابشـجـوني   عــيــونـي   ذبـلـت وآنــــــه انـتـظـر
     الـمـــدامــع   يـســامــع   حـفـرت ابـخـدي حــفــر
     يــجــرحـن   يـشــرحـن   حـزنـي ساعات الـفـجـر
     وحـــيـــده   وبــعــيــده   روحي ما ترضـه ابـعـذر

  مـــا ظـن يـعــود الـحـادي   كـلـشـي ابـكـيـانـي اينادي

                     مـــا يـرحـم اويـاي الـدهـر

                       *---------------*---------------*

     ابـجـراحـه   ابـمـنـاحــه   حـگـه الــمــفــارك يـحـن
     انــتــظـاره   خـــســـاره   التخلص اسنينه ابسجن
     عـــواطــف   ســـوالــف   گـلـبـي مـتـروس وحـزن
     هـــيـــامــه   بــظـلامــه   يــذبــح الـلـيـل الـيـجـن

  طــول الـعـمـر مـــــا ريـده   وعَــن الـحـبـيـب ابـعـيـده

                     خـلانـي والـخـاطــر كـسـر

                       *---------------*---------------*

     قـــريــتـــه   الحچيـتـه   لــمــن الـحــادي ارتـحـل
     بـقــنــاعــه   بـــوداعــه   ادعــي يـلـفـيـنـي الاجـل
     شــتـــانــي   وزمــانــي   بــروحـي مــا خـلـه امـل
     ابـسـهـرهـه   وقـهـرهـه   ابــدنـيـتـي بــس الـعـلـل

  راح و بــقــت ذكــــراتــــه   الـچـنـهـه دوه حـچـايـاتـه

                     الـتـارك ابــروحــي اثــــــر

                       *---------------*---------------*

✍️خادم العليله ع
الشاعر رعد الجريخي

(موشح)

.            گـوطـرت كــل الاهــل بـضـعـونــهـه
             حـگـهـه لـو تعمي العليله اعـيـونـهـه

                   *---------------*---------------*

             شافت اضعون الحبايب گـوطـرت
             والـگـلـب عَـبـراتــه بيـه اتكـسّـرت
             مــاتـروح بـهـالــرچـب لــمــن درت

             خـابـت ومـاتـت جميع اضـنونـهـه

                   *---------------*---------------*

             ياحچي ايوصّف حزنهـه يـاحـچـي
             حگهـه عالحيطان گـامـت تـرتچـي
             أشيفيده الـيـنجـرح غـيـر الـبـچـي

             صـعـبـه حالتهه المشوا يـدرونـهـه

                   *---------------*---------------*

             بـغـربـه خاطرهه انكسر ماينجبـر
             اشلون هالـشـده تـزول وتـنـعـبـر
             تنتظـر لـحـبـابـهـه ابـفـارغ صـبـر

             يـاهو اليسأل عـلـيـهـه اشلـونـهـه

                   *---------------*---------------*

             ذبـلـت بـأحـــزانـهــه مـثـلِ الـورد
             والـمـنـازل مـوحـشّـه ماضل فـرد
             تـدعــي لـلـغِـيّـاب يــومـيــه تـرد

             امعلعله وبـالـهَـم تـغَـيّـر لـونـهـه

                   *---------------*---------------*

             بـعـد هـيهـات بـشـمـلـهـم تـنـجـمـع
             تـنتـظـر والـعـيـن غـرگـت بـالـدمـع
             اتـصيـح واويلاه يـاهـو الـيـستـمـع

             أجـرّحـت مـن البواچي اجـفـونـهـه

                   *---------------*---------------*

             راحـوا وخـلـوهـه لـلـهـم والـسـهـر
             فـوگ عـلـتـهـه تــعيـش بـهـالقــهـر
             بـالـعـكـس ويـاهـه يـفـتــر الـدهــر

مـابـقـت عـدهـه اهـل يـرعـونـهــه

                   *---------------*---------------*

✍خادم العليله ع
الشاعر رعد الجريخي

السيده زينب ع اتخاطب الأمام الحسين
ابوذيه

الـحـــزن بـغـيـابـك ألـلـيـلـه.. عِـلَــنّـه
وصـريـخ بنص عسـاچرهـم.. عِــلَــنـه
دعـيـت بحسرتـي يـحـضـر .. علي انه

الحضـر سلمـان يـحـضـر كـل سـبـيـه

                   *---------------*---------------*

✍️خادم الحسين ع
الشاعر رعد الجريخي

(طوعه اتخاطب مسلم)



.         گــوم يـا ضـي الـنـظــر
               كلمه وأحَچيهه ابـفـخـر

        فـدوه ألـك طـوعـه وأهـلـهـه
        الـخـيـل هـاي أتــرَجّـل ألـهـه

                   *---------------*---------------*

      الـعَــزم شـده عـلى الـشــده أعِـيـنـك
      الحزن أكتم بـمـجـد أخـتـم سـنيـنـك
      أحسّـك سـر فـخـر يـگـطـر جـبـيـنـك
      رخـص دمـك لِـبـن عَـمّـك حُــسّـينَـك

      بـصـآرمـك خـط الـمـجـد
              بـيــدك الـحَـل والـعَــگــد

              أدري بـالتـصّـعَـب تـحـلـهـه

                   *---------------*---------------*

       عـلـي چـنـك كـفــو مـنـك يـغـالـي
       أسَـد تـزئـر عـلـى العسكـر قـتـالـي
       فـده أزنـودك رسـم زودك خـيـالـي
       يـبــو طـاهـر ألـك ظـاهـر وصـالـي

      اعـرف اتـخـوّف الـزلـم
              وهـل عـسـاكـر مـاتـهـم

          خلهه تحچي الـكـوفـه خـلـهـه

                   *---------------*---------------*

       أوصَلوا داري وأنـه ابـنـاري اصدهـم
       الـزلــم لَـمـه أجـو هِـمـه بـحـقــدهـم
       اخـذ حيـفـك يَـمـن سيـفـك يـردهـم
       بطـل تـرهـب لـچـن احسب عددهـم

      احـذر وطـب للـحـرب
                  بموقفـك سـر الـگـلـب

            وگـفتـك تـحـلـه ابـمـحلـهـه

                   *---------------*---------------*

       الـمـجـد كـلـه ألـك يـحـلـه بصـمـودك
       يَسـد تدري أنذرت عـمـري الـوجـودك
       بـدمــع يـنـزف يـرب اهـتـف يـعـودك
       اشـبـعــد خَـلـوا أذا وصـلـوا حـدودك

        ذَكّـر الـجـيـش بـعَـلـي
                  يابـعـد روحـي وَهـلّـي

           تـدري نـاس اعـدآك كـلـهـه

                   *---------------*---------------*

       الـزمـن شـاهـد تـضـل خـالــد يـهـيـبـه
       وَفّي الدينه فـده أحـسـيـنـه وحبـيـبـه
       فـلا تـهـتـم رخـصّـت الــدم عَـجـيـبــه
       الشرف ضفتك يمـن قـصـتـك غـريـبـه

        تـوّجَـك ربـنـه بـشـرف       
                    والـوفّـه بـيـك انـعـرف

       قـصّـتـك مـاكـو مـثـلـهـه

                   *---------------*---------------*

خادم مسلم ابن عقيل ع
✍الشاعر رعد الجريخي

لـ مسلم ابن عقيل ع
(موشح)

.           مـثـل حمزه بـهـيـبـتـه وحــزامــه
            شــردت اشــبـاه الــزلــم گــدامــه

                   *---------------*---------------*

            مـثـل حـمـزه اتحزملهـم بـالـحـرب
            واحــد وخـلاهـم بـموقـف صـعـب
            نـومـس الـبتـار مـايخطي الـضـرب

            عالـصـدر شال الشجاعـه اوسـامـه

                   *---------------*---------------*

            مـا يـهـم كـثـرت عـددهـم مـايـهـم
            اتـخـورست كـدامـه اشـبـاه الـزلـم
            ضـربـتـه بالـسـيـف يـرسمهه رسـم

            سـيـفــه يــنــدل الـرگـب والـهـامـه

                   *---------------*---------------*

            الـگـابـلـه غـيـر الممات شـيـنـتـظر
            شـافوا ابصولاتـه انـجـوم الـظـهـر
            يــرجــف ومـرعـوب إلـيـمــه يـمـر

            ايـطـيـح وحده وما تشيله اجدامه

                   *---------------*---------------*

            اليجيه لــ روحـه قـاريـهـه الـحـمـد
            يــدري لـــو لاگـاه ســالــم مــايــرد
            الــبَــــرز لـلــمــوت لازم يـسـتــعــد

            و الــشـــرد مــحــد اجـــــاه ولامــه

                   *---------------*---------------*

            دخلوا بساعـة صـفـر مـن ارتـجـل
            چـن عـلـي الـكـرار لـلـعسـكـر نـزل
            مـا يـهـم بـعـدادهـم اهـل الـجـهـل

            وكشف عـن وجـه الضلاله لـثـامـه

                   *---------------*---------------*

            هـذا مـسـلـم لـلـمـراجـل مـعـتـلـي
            وارث الصولات من حمـزه وعـلـي
            كلهه يـاروح الشـهـاده اسـتـقـبـلـي

اتـحـمـل اجـروحه وجـمـيـع ألآمـه

                   *---------------*---------------*

✍️خادم مسلم ابن عقيل ع
الشاعر رعد الجريخي

#اول_سفير



اوّل ســفــيــر لـكـربـلـه     حـدد مـصـيـره ابمرجله

              بدم النحر خط موقفه الحاسم
              طب للقصر صـورة مجد راسم

                            *---------------*---------------*

             هاي البطوله لــ كـل بطل موقف
             مثل الجبل كـلـمـا فتن تـعـصـف
             شمرت علي ومنه الزلـم تـرجـف
             بْـقـوّه وإراده بـكـل فـخـر يهتف

اليوم اقـود الـمـلـحـمـه     رافـع شـعـاره وصـارمـه

              وصّل رساله لـ كل بَغي وظالم

                           *---------------*---------------*

             اروع مـثـل مَـــر الــزمـن يـذكَـر
             وحده ارتجل وارث صفة حيدر
             بهمه وعَزم صـوته اعـتـلـه وكَبّر
             لجل القيم رخص دمـه المـنـحـر

هز الطـغـات ابـوگـفـتـه     خـيـل و زلـم مـاهـمّـتـه

              صـاح بعزم مـسـلـم انـه القادم

                            *---------------*---------------*

             اشگد حـاولـوا رادوا فقط يـركع
             لـٰكـن قِـسـم بيده الـفـخـر يصنع
             من الـخـصـم اَي كلمه ما يـسـمع
             رغم الـعـدد والـجـيـش التـجـمّـع

مـحـد وگفـلـه ونـاصـره     الـوارث شجاعة حيدره

              غير السبط رافـض شَكو حاكم

                            *---------------*---------------*

             محتار اوصفه ابيا وصف مسلم
             رسّام احسّه بكل مـجـد يـرسـم
             بـهـالـمـعـركـه لازم امر يـحـسـم
             معنى الوفه لــ أهـلِ الوفه ايعلم

اهل الـمـواقـف خـالـده     ابمـسـلـم المـوقـف بده

              بيّن صفه وغـيـرت بني هاشم

                            *---------------*---------------*

             يحچي القصر دوم ويظل شاهد
             لـمـن دخـل لـيـه بـصـفـة قــائــد
             إنهار العرش و الــ عالعرش گاعد
             والد حـمـيـده الـذَل شـكـو حاقد

بإسمه الرجـولـه اموقّعه     لــ كل الـمـفـاخـر جـامعه

              الراد الـشـرف ثابت يظل لازم

                            *---------------*---------------*

             اوّل سـفـيـر اعلـه الـمـلـه اتـفـرّد
             بـديـرة غـرب بيه العـزم مـشـتـد
             هــاي الـزلـم مـو كـل زلـم تـنـعـد
             بس الصنع مـوقـف تـرى اتـخـلـد

ربنه اصـطـفـاه وشـرّفه     اهل الـمـراجـل تـعـرّفـه

              مـأتـم إلـه بطول الـزمـن دايـم

                            *---------------*---------------*

خادم مسلم ابن عقيل ع
✍الشاعر رعد الجريخي

((يمريم))

ام البنين ((ع)) تبعث رساله الى مريم العذراء



  تــعــالــي     يـــمــريـم شـــوفـــي حــالــي
  تــعــالــي     انــصــلــب كلشـي بخــيــالــي
  تــعــالــي     الـجـــره لـعــيــســى جــرالــي

         يـــمـــريـــم          يـــمـــريـــم

                                   *---------------*---------------*

يـمـريـم حـــالـتـي مــــــا مـــنـــهـــه حــالــه
مـــحـــالـــه انّـــــــوب تــتــكـرر مـــحـــالـــه
گـبـلـي يـا بـــــشــــر صـــلـــبـــوا خـــيـــالــه
بــحــنــيــنــي ودمــعــتــي ابـعـث رســـالـــه

  أكـــابـــر     واســولــف عـــن جـــروحــي
  أكـــابـــر     وأصـــبّـــر گـــــــوّه روحـــــي
  أكـــابـــر     لـچـن مــــا يـــهـــده نــوحــي

         يـــمـــريـــم          يـــمـــريـــم

                                   *---------------*---------------*

شــبــيــه لــعــيــســى ودمــوعــچ جــراهــه
إذِكـــري الـــراحــوا بــلــحــظـــه رِبــــاهـــــه
خــبــرهــم جـــــرّح الـعـــيـــن وعـــمـــاهـــه
وتــتــانــي الأربـــعـــــه ومــحــد إجـــــاهـــه

   اصـحيـن     يــيُــمــه وصــوتــي يــرجــع
   أصـيـحن     حــنــيــنــي يـمـتـه يــهــجــع
   أصيـحـن     وزمــانـــي بـــيّــه يـــفـــجــع

         يـــمـــريـــم          يـــمـــريـــم

                                   *---------------*---------------*

تــعــالــي ابــحــســرتــــج لٱرض الـمــديــنــه
نــســكــت والــدمـــع يـــشـــرح حــچــيــنــه
إتـذكّـريــنــي بـألــم عــيــســى وحـــنـــيــنــه
وٱذكـــرچ بــالـــگـــمـــر وٱدمــــوم عـــيـــنـــه

   أسـولــف     و ٱعِـــــد يـــمـــچ نـــوايـــب
   أسـولــف     جـــرح فـــگــد الــحــبــايــب
   اسـولــف     وحـــيــــده وگــلــبــي ذايــب

         يـــمـــريـــم          يـــمـــريـــم

                                   *---------------*---------------*

يــمــريــم حـــالـــتـــه عـــنـــدچ خـــبـــرهــه
ودمـعـتـچ بــالـجـــفـــن تــــركــت أثــــرهـــه
تــعـالــي لـلـبـــقـــت مـحــنــي ظـــهـــرهــــه
وزمــنـــهـــه بــأربـــعـــه جـــار وكـــســـرهــه

   اريـــــدچ     ابـدمـع عـيـنـچ تــجــيــنــي
   أريـــــدچ     عَـــلّـي زايـــد حـــنـــيــنـــي
   أريـــــدچ     قـبـل لا تـــعــمـــه عــيــنــي

         يـــمـــريـــم          يـــمـــريـــم

                                   *---------------*---------------*

أتـــانـــي الـــفــاگــده والـــعـــدهـــه عَـــبـــره
يــجــيــنـــي ألـلــيــل والـــخـاطـــر أكــســـره
أداوي بـــالـــدمـــع گـــــلــبــــــي وأصــــبـــره
وٱحـنّـن لـلــمــشـــوا وبـــــروحــــي جـــمـــره

   رســالـــه     إلــــــچ آخــــــر حـــيـــاتـــي
   رســالـــه     قــبـل ســــاعــــة وفـــــاتـــي
   رســالـــه     بـــقـــت بــــس ذكــريــــاتــي

         يـــمـــريـــم          يـــمـــريـــم

                                   *---------------*---------------*

✍خادم ام البنين ع
الشاعر رعد الجريخي

#متى_اللقاء



بـالـغـربـه مـلـيـت الصبـر   يــومـيـه ادورلـهـم عـــذر

           وٱتنطر لــ ملگاهم   وٱتنطر لــ ملگاهم

                          *---------------*---------------*

                يـومـيـه اگول ابّـاچـر الـخـير
                ورفـت دلـيـلـي اتشابـه الطير
                حگـهـه التفارگ اربـعـه اتحير
                لحد يـگـلـي ابـهـذا مـيـصـيـر

مــا انـصـف ويـاي الـزمـن   خـلانـي بـالـهـم والـمـحـن

                          *---------------*---------------*

                تـنـزل دمـعـتـي وتـتـرك آثــار
                خلوني وحـدي وماكو اخـبـار
                ياهـو اليگلهم بـٱمـهـم اشصار
                شـيّـب گـلـبـهه ومـسـتـعـر نار

مـا احـمـل احـزان وجـرح   سـهـرانــه اظلن لـلـصـبـح

                          *---------------*---------------*

                احسب ليالي وگلبي مـشـلوع
                وچفوف ادي طبعت بالضلوع
                غير الوِلِد مـا عـنـدي موضوع
                طَفّوا حياتي الچانوا اشـمـوع

عـذبـنـي يـا نــاس الـبُـعـد   مــــا اگــدر عـيـونـي أسِـد

                          *---------------*---------------*

                يا يـوم اشـوفـن تعبي يا يوم
                بالغربه وحدي ابنص الهـمـوم
                حصتي السهر ما اعرف النوم
                حته الحلم بـعـيـونـي معدوم

عافوني ما ادري الـسـبـب   مسموح اوصل إلهم عتب

                          *---------------*---------------*

                بـس ذكريـاتِ الـتـجـرح البال
                طـال الغياب وحـالي هالحال
                ماكـو خـبـر لا جاني مـرسـال
                والليل احسه لــ روحي چتال

شـلـون اصـبـرنّـه الـگـلـب   اتـسـلـه بـدمـوعي التصب

                          *---------------*---------------*

                يلفي الـغـرب والمدمع ايـزيـد
                إلـمـن اريـده وعـمـري شيفيد
                مـا بـيه اروح واگـطـع الـبِـيـد
                واطوي الفيافي ودرب البعيد

احــلامـي بـيـهـم انـجـمـع   مـتـعـذبـه بـٱشـواگ ودمع

                          *---------------*---------------*

✍خادم ام البنين ع
الشاعر رعد الجريخي

(موشح)


            الـفــآتــحــه لـ أم الـبـنـيـن أقــراهــه
تـنـگضـي الـحـاجـات مـن تـنـخـاهـه

                   *---------------*---------------*

             اقــره لـلـحـره الأبـيّـه الـفــاتـحـه
             تلـگـه ابـواب الـسـمـاء امـفـتـحـه
             استثمر وياهـه التجاره الـرابـحـه

             واقـسـم اعـلـيـهـه بحبيـبـت طـه

                   *---------------*---------------*

             اليطلب الحاجه ابكرمهه اتخجلّـه
             اســـأل الـتـاريـخ عـنـهـه والـمـلـه
             انـطـت الشـبـان كـلـهـه ابـكـربـلـه

             وربـنـه كلشي ابـرحمتـه انـطـاهـه

                   *---------------*---------------*

             بـحـر ويفيض الـعـطـاء ابـروجـتـه
             والدعاهه ابساع تـخلص حـاجـتـه
             گـلـي يـاهـوّه الـگـصـدهـه وردتــه

             مـــا تــرده ام الــكــرم حــاشــاهـه

                   *---------------*---------------*

             مـن تـدگ اعـلـه الصدر وتـوسّـمـه
             گـلـهـه يالحـره عـلـيـچ ابـفـاطـمـه
             تـنـفـتـح لعيونـهـه ابـواب الـسـمـه

             انـطـنـت الـبــاري جـمـيـع اربـاهـه

                   *---------------*---------------*

             يـامـره الـصـارت مـثلـهـه يـامـره
             الجابت الـعـبـاس سـبـع الگنطـره
             تـبـقـه عـنـوان الاصيـلـه المفخره

             الـتـزم وٱبـقـه ابـدمـوع اويــاهـه

                   *---------------*---------------*

             امجربه وهذا الحچي مـوعاطفـه
             مـاتـخـيّـب لـلـدعـاهـه ام الـوفـه
             مــن تــدگ لــ بـابـهـه بالـمـعـرفـه

             الحاجه متحضره وعـلـي تلگاهه

                   *---------------*---------------*

✍خادم ام البنين ع
الشاعر رعد الجريخي

#وفقني


.      حـبـيـبـي     نــــاذر اسـنـيـنـي إلـك
       حـبـيـبـي     يا حـسـيـن أتـوسـلـك

                  وفـقـنـي لـلـخـدمـه    
                  وفـقـنـي لـلـخـدمـه

                                *---------------*---------------*

          اقـبـل خـدمـتـي واللطم فدوه
          ادري المجالس هالتعب تـسـوه
          ظامي وأجـيـتـك سيدي أتروّه
          ماعـنـدي غيرك مصلح وقـدوه

       اريـــــدن     گـلبي لجلك يـحـتـرگ
       اريـــــدن     اشـعـر ابـنـار الـعـشـگ

                                *---------------*---------------*

          أحرگني بالمجلس مـثـل شمعه
          مـاريـدن احـضـر ونسه للدمعه
          الخادم دعاك واعرف اتـسمـعـه
          يـقـسـم عليك بـأمك الـبـضـعـه

       عـــزائــك     يـسـوه ايــــام الـعـمـر
       عـــزائــك     كــون اعيشنه بـجـمـر

                                *---------------*---------------*

          والله الـيـحـبّـك يـرتـفـع قـدره
          اتـوفـقـه انته وتـنـظـر ٱبـأمـره
          الـشـايـل وسام الخادم بصدره
          هـذا الـحـقـيـقـه يـفـخـر بعمره

       اعـــاهــد     ثـابـت ٱويــاك الـعـهـد
       اعـــاهــد     مجلسك مـثـل الـشهد

                                *---------------*---------------*

          نـاذرهـه روحـي والـعـمـر كـلـه
          بـهـاي المـجـالـس خادمك خَله
          وفقني اوفّي الخدمه مو سهله
          كـلـشـي املـه ونـوحـي مـا مله

       وحــقــك     كلشي لعيونـك سـهـل
       وحــقــك     الـمـهـم دمـعـي الـيهل

                                *---------------*---------------*

          بهاي الـمـئـآتـم ريـحـة الـجـنـه
          اتـمـنــه امـوتـن بـيـهـه اتـمـنـه
          ارزقـنـي دوم الـحـسـره والونه
          أنـتـه الـحـبـيـب الما امل مـنـه

       احـبــهــه     والـلـه حــالات الـدمـع
       احــبــهـه     روحــي تتحول شـمـع

                                *---------------*---------------*

          لمن أجيك ومـجـلـسـك يـبـدي
          كـون الـدمـوع اتـحـفـر بخـدي
          خليني اصيـرن باللطم جـنـدي
          يابو رقـيـه وغـيـرك اشـعـنـدي

       يــغـالــي     أعرف اتجازي الـخَـدم
       يــغـالــي     الخـادم بـدونـك عـدم

                                *---------------*---------------*

   
✍️خادم الحسين ع
الشاعر رعد الچريخي

#شيخ_الصحابة


.               الـهـيـبـه الـهـيـبـه الـهـيـبـه
                فـــدوه لـحـبـيـب وشـيـبـه

                           *---------------*---------------*

          إتـحـزم بـشـيـبـه بـتــوالـي اسـنـيـنـه
          نـعـمـه الـفـدائـي وصـارمـه بـيـمـيـنـه
          رَخّـص حـيـاتـه ومـا ملك لـحـسـيـنـه
          أمـنـي يـگـل لــ زيـنـب ولــ سـكـيـنــه

                يـحـمـل شـجـاعـه وطـيـبه

                           *---------------*---------------*

          شـيـخ وتـرجـل مــــا يـهـم لـلـحـومـه
          يـسـحـر بـيـاضـه و شيبته الموسومه
          چـنـه الـگـمـر مـا يـخـتـلـف بـرسـومه
          هـذا الحقيقي المـخـلـص لـمـخـدومـه

                مـيـهـمـه بــس حــبــيــبــه

                           *---------------*---------------*

          هَـمَّـه الـحـسـيـن و مــا يـهـم لـغـيـره
          مـضـرب مـثـل لـلـمـرجـلـه ولـلـغـيـره
          سـر الـشـجـاعـه ومو سهل تـفـسـيـره
          هـاوي الـشـهـاده ومـؤمـن بـمـصـيـره

                حــي الله شــيــخ الـنـيـبـه

                           *---------------*---------------*

          انطاهه حـگـهـه ونـومـسـاهـه الـرايـه
          دگ الـصــدر وٱتــوسّـط الــوفّــــايـــه
          شيخ الصحابه الـمـا تـردلـه احـچـايـه
          إتـحـده الـمـنــيــه ومـا تــغــيّــر رايـه

                صــاح الـشـمـوخ انـجـيـبـه

                           *---------------*---------------*

          اشــرف مـواقـف بـالـمـجـد خـطـاهـه
          يحمل حبـيـب الـمـرجـلـه ومـعـنـاهـه
          سـلـمـهـه روحـه ولـلـحـسـيـن انطاهه
          انـطـه الــوعــود وبـالـحـرب وفّــاهــه

                صـار الـمــجــد نــصــيــبــه

                           *---------------*---------------*

          مـا چـنـه شـيـخ بـصـولـتـه وٱصـراره
          حــيــهــم يــصــيــح ولازم لـــ بـتـاره
          مــا هـمـتـه اخــيــول وزلــم والـغـاره
          درب الـشــهــاده والـخـلــود اخــتـاره

                هــاي الــهــمــه الـعـجـيـبـه

                           *---------------*---------------*

   
✍️خادم الانصار (ع)
الشاعر رعد الچريخي

 .



.    لـلـمـوت اويـاه انـصـاره    كل احـنـه اسيوف بتاره

                          الگابلنه اليوم يندم
                          نكتب تـاريـخ بالدم

                    نكتب تاريخ      نكتب تاريخ

                       *---------------*---------------*

           احـنـه انـصـار    دمـنـه الـحــار    مـا يـبـرد
           مـوقــف يــوم    ثــــابــت دوم    يـتـجـدد
           شنهي الـمـوت    هـذا الـصـوت    يـتـخـلـد
           بحب حـسـيـن    لازم ديـــــــن    يـتـسـدد

                        عـاهـدنه حسين منعوفه  
                        كـل واحد سيف بچفوفه

                       *---------------*---------------*

           بــســـم ٱلـلــه    نـمـشـي ويــاه    لــلآخـــر
           الـطـف تحرير    نـدري ايصـيـر    من باچـر
           احـرار انعيش    منـهـم جـيـش    بالـعـاشـر
           بـهـالـسـاعـات    بــيــن الـفــات    والحاضر

                        متهمنه اعـداد بالحـومـه  
                        انوصّـل للجيش معلومه

                       *---------------*---------------*

           عـدنـه اوعـود    نحچي ابـزود    ونـواعــد
           كلنـه انـطـيـح    بس ايـصـيـح    عـالحاقد
           المـوت انـريـد    هِـمــه انــزيـد    ونـجاهـد
           ســـد الـبـــوب    لٱجله انـذوب    هـالقـائـد

                        يفدي المحبوب محبوبه 
                        تبقه الـكـلـمـات مكتوبـه

                       *---------------*---------------*

           كلشي ايـروح    نـفـدي الـروح    مـانـهـتـم
           انصير امـثـال    مـنـهـه اجيال    تــتـعـلــم
           بـس يـنـجـاب    اسم اصـحاب    نــتــقـدم
           نـــدري بــهـاي    وٱعـلـه الجاي    نـتـحــزم

                        اهـلاً بـالـمــوت ونـريـده  
                        انردد هالصوت ونعـيـده

                       *---------------*---------------*

           بـهـالـدســتـور    ننطي انـحــور    لـلـغـالـي
           انصـد اسـهـام    نحمي اخـيـام    مـنـبـالي
           انصير اسـيــاد    حـــب نـــزداد    بـالـتـالي
           أحنَـه الــروس فوگه انـدوس  كل عالي

                        تعرف هالكوم غـايـتـنـه 
                        متصير اثنين كـلـمـتـنـه                  

                   *---------------*---------------*

✍خادم الانصار
الشاعر رعد الجريخي

#قادة_الطف
(موشح)


.          طَـبـوا لـسـوح الـقتـال احيودهه
           اتـحـزم ابشيبه وحبيب ايقودهه

                            *---------------*---------------*

           گلبوا الحـومـه ابشجاعه ومرجله
           وخـلـوا السبـعـيـن الف متخلخله
           يا هـلـه بـأهـل الـمـراجـل يا هـلـه

           هـاي الـرجـال الـتـفـوت ابـزودهـه

                            *---------------*---------------*

           شـيـخ الانـصـار القيادي ابـرايـتـه
           شــاهــر الـبــتــار ذَب اعـمـامـتّــه
           اتـحـزمــوا ويـــــاه لَـبّـوا كـلـمـتـه

           والخـيـم صـاروا درع لـ حـدودهـه

                            *---------------*---------------*

           صـبـغـوا الـمـيـدان احمر بـالـدمـه
           ازغـار وكـبـار ابـعـزمـهـه امحزمـه
           هاي الـحـيـود التـقـود الـمـلـحـمـه

           وَفّت انـصـار الـسـبـط بـوعـودهـه

                            *---------------*---------------*

           اروع الامـثـال ضـربـوا لــ الـوفــه
           ماكـو اصحاب الـتـشـابـه هالصفه
           اتـقـدمـاهـم شـيـخ يـلـمـع مـرهفه

           وفـرّت اجيوش الاعادي اجنودهه

                            *---------------*---------------*

           گـالـوا اشـلـون الحـسـين الوَحّده
           انـعـاهـده للموت كلـنـه انـعـاهـده
           بـالـدمـه نـنـطـي الـعـهـد ونجدده

           وكربله تشهد عـلـيـنـه اشـهـودهـه

                            *---------------*---------------*

           وگـفـوا ابعينِ الجيـوش الـمـارقـه
           وگـفـت الانـصــار وگـفـه صـادقـه
           بـْجـنّـة الفردوس تدري الـمـلـتـقـه

           ابنصرت احسين الرضه المعبودهه

                            *---------------*---------------*
✍خادم الانصار
الشاعر رعد الجريخي