. هلا بربات حـيـدر والشـهيـد حسيـن
حـيـهـم يالنشامه يـا حـمـات الـديـن
بأسم الله ورسولـه الشيعه منتصرين

       (حـي الـلـه الـسـيـد  ورجـالــه)
                 
                   *---------------*---------------*

رعد الجريخي

مجموعة ابوذيات
اترجم حزن الأمام المهدي (عج)


يـمـهــدي الـلـيـلـه اذكــرَنّــك.. وَعينـك
ونـــوح ٱويـــاك بـمـصــابــك.. وعينـك
مـــحــــرم بـــيّــن اهـــلالـــه.. وعينـك

تـشــوفــه وتــذكــر الــراحــت سـبـيـه

                                    *---------------*---------------*

جــره دمـعـك يـبـو صـالـح.. وَهـل لك
وهــلال الــحـزن شــفــتــه.. وَهـل لك
انـشـدك يـا وگــت تـظـهـر .. وَهـل لك

طـلـعـه وتــنــصــب لـ جــدك عَــزيــــه

                                    *---------------*---------------*

هـلـك شــدوا يـبـو صــالــح.. رحـلـهـم
وبـحـمـول الـحــزن تــفـتـر .. رحـلـهـم
شـبـاب وچــن ورد بـالـطـف.. رحـلـهـم

وصــبــغ دمـهـم تـــراب الــغــاضــريــه

                                    *---------------*---------------*

عَــفــه گـلـبـي الـمـصــايـب.. ماتـسـلـه
وتـــرانــي بــغــيــر ذچـــرك.. ماتـسـلـه
يــراعــي الـثـــار ســيــفــك.. ماتِـسـلـه

وتــطــفّــي الـنـار الـبـگـلـبـك ســريـــه

                                    *---------------*---------------*

يَـمـن دمـعـك طـريـج الـصـبـر .. يـداك
ومــتــانــي تــســـل الــســيــف.. يـداك
يمهـدي بخيل صدره انـسـحـگ.. يـداك

وتــوزّع جــســمــه بـٱكــتــار الـوطـيـه

                                    *---------------*---------------*

✍خادم الحسين ع
الشاعر رعد الجريخي

                              

ياحسين


جـرح گـلبـي الـعـشـگـتـه     حـبـيـبـي وروحــي أنـتـه

           يـظـل للـمـوت حـبـي وصــادق ويـــاك
           قـلـيـلـه بـحـق جـنابـك كـلـمـة ٱهــواك

                            *---------------*---------------*

       بـعـالـم احـسـاسـك عـشـت وبـحـبـك أنـي
       سـلّـمـت أمــري تـــره وشــوگـك خــذانــي
       أسـمـك بـگـلـبـي أنـطـبـع وبـنـص كـيـانـي
       الـيّـعـوفـك ويـــــن يـلـگـه حـسـيـن ثـانـي

صــبـح أســمـك هـــويــه      وأشـوفـك  كــلـشـي بـيـه

           أنـسـه الـدنـيــه كـلـهـه وصعبـه أنسـاك

                            *---------------*---------------*

       أتـسـولـف الـنـاس بعشگهه وانـي بـسـمـك
       لـوحـه تــرسـم لـلـتـحـبـهـه وانـي أرسمـك
       أمـنـيـتـي يحـسـيـن المـمـاتـي أبـقـه يمـك
       بـدمـعـتـي وحــر الـمـشـاعـر كـون أكـلـمـك

هــــــواي أنـت الأشــمــه     أمــــوت واحــيـه يــمـــه

           وي انــفـاسي صــاعـد نـــازل ألــگـــاك
         
                            *---------------*---------------*

       الـجـنّـنـيـتـه بـشـوگ حبـك عـقـلـه يـكـمـل
       كـلـشـي بـالــدنــيــه يـحـسـه يـمـك أجـمـل
       حـتـى دمـعـاتــه الـيـهـلـهـه صـعـبـه تـنـمـل
       هـذا طـبـعـي ومــا أعـوفـه أشـأگـدر أعـمـل

اذا حـــــبـــــك أمـــلـــــه     الـحـيـاة ٱشـبـيـهـه يـحله

           الســوالـف كلـهه تحلـة البيـهه طـرواك
          
                            *---------------*---------------*

       جـنــه شـفـتـك وبـوجـودك يـحـلـه عـمـري
       سـلّـمـت يـحـسـيـن روحــي وبـيـدك أمـري
       يـا حـبـيـبـي أشـگــد أحــبـــك انـتـه تـدري
       عــاجـــز بـحـضـرت جـمـالـك كـلـه شـعـري

حـلات أســمـك أعــيـــده     وٱوظــفــه بـكـل قصيـده

           مـتــيّـم بــيـك آنــي وگــلــبـي حــبـاك
           
                            *---------------*---------------*

       أفــتــخــر بـأسـمـك يــغــالــي مـن أذكــره
       الـعـاشـگ ويــذكـر حـبـيـبـه الـكـل تـعـذره
       حُـبـك الـشـايـف حـــلاتــه يـنـطـي عـمـره
       عـيـشـت الـطــيــر بـمـذلـه بـلايــه شـجـره

ربــيــت بـظـل أمــــانـــه     أضــيـع ابـــدونـــك آنـــه

           عــبــد خـلـيــنـي يمـك عـمـري يفـداك
          
                            *---------------*---------------*

       أسـكـت وتـحـچـي الـمـشـاعـر بـيــه گـــوه
       يـنــذكـر أسـمـك وأصــيـحــن هــوه هـــوه
       الـخـدمـه ويـاك أشـكـبـرهـه وكلشي تسـوه
       الــحـيــاة الـبـيـهــه انـتـه كــلــهــه حــلــوه

يمـن عــشــگـك تــجــاره     ربـــح وابـــلا خـــســـاره

           كـريــم وربـك اكــرم كــلــشـي انـطـاك
                 
                            *---------------*---------------*

✍خادم الحسين (ع)
الشاعر رعد الجريخي
اسألكم الدعاء

السلام عليكم ورحمة الله وبركاته
خدام الحسين ع ارجو منكم نشر رابط القناة حتى يوصل لجميع خدام الحسين اكون ممنون  احبتي
https://www.tg-me.com/raadghurikhi

(وحدي ضليت)

          وحدي ضليت راحوا بنيني
          نعمه لو طيف واحد يجيني

+÷÷÷÷÷÷÷÷÷÷÷×÷÷÷÷÷÷÷÷÷÷÷×

انتظر واحد يجيني   
يمسح الدمعة الچوتني وينظر الحال
عيني ملت يا خلگ   
راحو الخمسه الاحبه وشغلوا البال
وآ نه وحدي بغرّبتي   
ظهري مكسور واگومن مثل الهلال
الدنيا ظلمه بناضري   
وحشة الدار اشيطبهه بدون العيال

               ليل الاحزان  زيد حنيني
               تأمل الروح واحد يجيني

+÷÷÷÷÷÷÷÷÷÷÷×÷÷÷÷÷÷÷÷÷+

يذبح افراگ المشوا   
خلوا بگلبي مآسي وجرحوا العين
عمري حسيته انعدم   
بين الديار المظلمه وبين الونين
لروحي ما ينفع صبر   
تصبر شلون وتنام التفگد حسين
غابوا اوياه الولد   
مدري عدلين ويجوني مدري ميتين

            اسمع الناس تبچي الونيني
            ظني بالنوح  واحد يجيني

+÷÷÷÷÷÷÷÷÷÷×÷÷÷÷÷÷÷÷÷÷÷+

فاگده اولاد اربعه   
فدوه اگولن وانتظر للخامس ايعود
هو سلوة دنيتي   
بجيته امسح دمعتي الفوگ الخدود
عايش بروحي الامل   
اتخيل الغالي يجيني وانثر اورود
ومره يخنكني الحزن   
اشتكي الربي واصيحن الله موجود

          الشوف الاحباب مشتاكه عيني
          بلكي   بالطيف   واحد  يجيني

+÷÷÷÷÷÷÷÷÷÷×÷÷÷÷÷÷÷÷÷÷÷×

وحدي شابح ناظري   
گلبي خَزّن للاحبه ويحمل اجراح
ناري تسعر باللهب   
وميت بعيني ضواهه وميته الافراح
لشوكت ابقى انتظر   
وا نه صبري بالضعينه حمّل وراح
ربي عَجل موتتي   
رايده بگبري انامن واغفه وارتاح

           اتني  عباس  يوم  اربعيني
           حته  ارتاح  واحد  يجيني

+÷÷÷÷÷÷÷÷÷÷÷×÷÷÷÷÷÷÷÷÷÷÷+

والده وعندي علم   
اتفائل بجيه وبقيت امچذبه الاحساس
كوه اصبر بالهجر   
وجمرة احزاني احسهه تچوي الانفاس
حزن يعقوب النبي   
اليريد أيقيسه كله بحزني ينقاس
شيب اجفوني السهر   
وأمل حسين الهجرني و ابني عباس
  
            خايفه يطول عمري وسنيني
            ادعي  للموت  واحد  يجيني

+÷÷÷÷÷÷÷÷÷÷+÷÷÷÷÷÷÷÷÷÷×

ايست تالي الأمل   
وضلت الدمعه جريه بنص العيون
صارت الغيبه جرح   
سلّمت امري ودريت الكل يموتون
غابت احلامي بعجل 
وحزني بركان انفجر وبكلبي مدفون
عمري خلص بالدمع   
فاگده اعزاز واحبه واصبر اشلون
 
          منّي  يرحون  ظني  ويقيني
          راضيه  بهاي  واحد  يجيني

+÷÷÷÷÷÷÷÷÷÷÷÷×÷÷÷÷÷÷÷÷÷÷×

✍ خادم ام البنين ع
      الشاعر رعد الچريخي

السيده زينب/ ع/ اتخاطب أبي الفضل /ع/


         كلمة يخويه وياك تحمل معانـي
         حـرّمهه يـاعـبـاس عگبك لـساني

خـويـه يـاهـو ألأكـلـه ** خويه وهالكلمه تحله

                 *----------------*----------------*

چـانـت شهد بشفاي من چنت أگلك
وانته ألاخـو الوفاي وين الگه مثلك
كلمه وعليك أتلوگ ومفصله افصال
تـحـمل معاني هواي مو كلمه تنگال

مـثـل الـسـهـم بالعين فـگـدك رماني

                 *----------------*----------------*

بـس انـت يـالـوفـاي انـطـيتـه حگهه
گـدهه وسبع تنعام يـالـغـالـي گـدهـه
ما لاگت اعله الغير لاگت على أسمك
بـالـفـعـل لـلـتـاريـخ فـسـرهـه دمـــك

ريـت الأجـل يـاخـوي گـبـلـك خذاني

                 *----------------*----------------*

الـغـيـرك ظـلـم تـنـگـال يـالأسـسـتـهـه
عـفـت الچـفـوف اتطيح بس ماعفتهه
ياخويه من ناديت گومي امشي وياي
تـنـطـيـهـه حـگـهـه وزرد اعرف يوفاي

أنـتـه الچـنـت مـهـيـوب شمعة زمـاني

                 *----------------*----------------*

ضـل سـرهـه مامعروف ومحير الناس
وضـحـهـه لـلأجـيـال نـحـرك يـعـبـاس
هـالـكـلـمـه اخذهه وياك شنسوي بيهه
يــاهــو بــعــد عـيـنـاك لايــگ عـلـيـهـه

گدهـه انـتـه مـن اتـروح مـا الهه ثـاني

                 *----------------*----------------*

تـركـت دمـع بـالـعـيـن وبـروحـي جمره
لاتـضـن عـگـبـك يـوم احـچـيـهـه مــره
حـرمـت عـلـيـه بـسـاع حـرمت يخويه
مـاتـحـلـه بـس أعـليك وانته ابن ابويه

حـسـبـالـي إلـيـه اتـعـود ضليت اتـانـي

                 *----------------*----------------*

سـهـلـه بـلـفـظـهـه هواي واعليه صعبه
أذكـرهـه دمـع الـعـيـن عالوجنه اصـبـه
ريـت اعـلـه كـل الـنـاس لفظتهه تـحرم
بـسـمـك مـُلـك مـن يـوم عـاشـر مـحرم

خـابـت يـراعـي الـجـود كــل الأمــانــي

                 *----------------*----------------*

لـو تـدري مـن فـرگـاك شـمـسـويـه بـيـه
كـسـرت دلـيـلـي أعـلـيـك كـسـر الزچيه
خــويــه أنـــه أگـلـك دوم يـالـعـودتـنـي
شـنـهـي السـبـب عـبـاس فجأه وعفتني

تــدري الــدهــر بـجـفـاك لا مــارعــانــي

                 *----------------*----------------*

✍ خادم زينب ع
   الشاعر رعد الجريخي

بسم الله الرحمن الرحيم

احبتي اقدم بين ايديكم
ديوان ((الجروح الزينبيه))
الجزء الاول
ارجو دعائكم جميعا خدام الحسين ع

(حزن زينب)

زيــنـب يـاخـلــگ زيــنــب
                گــرّب لـيـهـه عـاشــرهـه

محـرم من يـجـي اهلالـه
                يـلـچـم كـسـر خـاطـرهـه

صـوّر لـلـنــار تــتـجـدد
                 وعـيـلـه الوكـت طشـرّهـه

هـاي الـشـافت الـخـوان
                   دم تــنــزف مـنـاحـرهــه

وهـاي الرچبوهه ابـلـيـل
                    فـــوگ الازم اعــبـرهــه

الـلـه ايـساعـد الـحـوراء
                   وعِشره الحزن عَاشرهه

هيچي لـو گرب عـاشـور
                   بـكـل الــجـره ايـذكرّهـه

قليلـه ادمـوعـنه الـزينـب
                كـون اضـلـوع نـكـسـرهـه

حگـه الـيـحـتـرك ويـنـوح
                ألليلـه وحسـرتـه ايجرهـه

لـلـضـلـت بـلايــه اخـوان
               وهظـم الـدهـر كـاسـرهـه

              *---------------------*--------------------*

✍خادم زينب ع
الشاعر رعد الجريخي

بنات رسول لله

نـعـرفــه ايـوفّـي بـالكـلـمـه  ..  وديـنـه
خبـر للضل عـلـه الـشـاطـي  ..  وديـنـه
نـگـلـه احـترگـت اخـيـمـنـه  ..  وديـنـه

يـبـو فـاضـل تـضـل لـو بـيـك جـيـه
                    
                    *-----------------*-------------*
✍خادم الحسين ع
الشاعر رعد الجريخي

(نعي مفجع)

يحادي الـهـزل باللـه الـهـزل ونـهـن
عليهـن حـرم بـلـكـي اتـرد اهـلـهـن

يحادي الـهـزل ويـن الـوجـه نـاوي
ألـلـيـل اتـخـاف مـن يَـمـه العلاوي

يحادي الـهـزل بالك تگطـع الـبِـيـد
خـل الـحـرم مـن الـبـچـي اتـهـيـد

يحادي الهزل مَشّي الهـزل بـهـداي
اعلـيهـن خـوات الـمـا شـرب مـاي

يحادي الهزل تدري الـهـزل هـايـه
عليهه اربات وحيي الـلـه سـبـايـه

                     *-----------------*---------------*

✍خادم الحسين ع
الشاعر رعد الجريخي

ياحسين

لا عـزمـي يـخـف بـاللـطـم  ..  لامـال
خدَمته وعاقد اعله حسين ..  لامـال
ابـــيــوم ألّا تــفــيــد اولاد  ..  لامـال

اعـرّف حسين گـلـبـه أيـحـن عـلـيـه

                  *---------------------*----------------*

✍خادم الحسين ع
الشاعر رعد الجريخي

(مولاتي زينب)


حـسـيـن حـسـين  **  حـسـيـن حـسـيـن

                                    *---------------*---------------*

أتــعـثـــر ابـمـمـشـاي لـمــن اجـيـتـك
يـبـن امـي عالتربان طايـح لـگـيـتـك
اهـون عـليّـه الـمـوت مـن شاهديـتـك
دم جـبـهتـك يحسين صابـغ لحـيـتـك

                                    *---------------*---------------*

اشفافـك زرگ وتـلـوج عالشربت الـمـاي
وحَـر الشمس ماذيـك شـفـتـك يرجواي
ألـتـمـت الـصـوبـيـن خـيـل وزلـم هـاي
ريـت الـعـده ايقبلون وانصبلـك افـيـاي

                                    *---------------*---------------*

ماطاوعتني الـروح امـشـي واخـلـيـك
اتـحـيّــرت بــعـيـال وتـحـيّــرت بـيـك
أتـمـنـه اضل ويـاك وبهدمي اغـطـيـك
وعصـرلـك الـعينـين وبـدمـعـه اروّيـك

                                    *---------------*---------------*

حـيـرني حـيـره اشلـون يـمـك زمـاني
حسبالي خـويـه اتگـوم وانتظرك آنـي
حـالـك يـبـو الـسـجـاد هـدّم كـيـانـي
امــغـيّــر الـتـربـان ذيــچ الــمــعـانــي

                                    *---------------*---------------*

لا اگــدر ابـقــه اهـنـاء لا اگــدر ابــعـد
لا  انـت بـيـك اتـگـوم لـخـيامـك اتـرد
اصرخ يبعد الروح خويه اگـعـد أگـعـد
اشلون ابرقيه اشلون لـو جتني تنشـد

                                    *---------------*---------------*

يـمـك بـعـدنـي ونـار حـركـت دلـيـلـي
باچـر اشـوف الـمـوت آنـه ابـرحـيلـي
تـدري النهـار ايصيـر ظلمه اويه ليلـي
بـيـن الـزلـم والخيـل ابقـه ابـعـويلـي

                                    *---------------*---------------*

✍خادم زينب (ع)
الشاعر رعد الجريخي

(حوافر خيل)



حـــوافـــر خيــل مطبوعــه حــوافــر خيــــل
اعله صدره واطحنت اضلوعه واصيح الويل

     حلالي النوح   ***   على المذبوح

*-----------------------*-------------------------*

اجـن عـشـره وامـام الـعـيـن داسـنـه
واشـوف الخيـل فوگ الگاع نـثـرنـه
تـغـيـر حـيـل ابـو الـسـجـاد ما چـنــه
اصـدگ مـره شـوفـي ومـره اچذبـنـه

اگول شلون داسنه اگول اشلون
الشاله وقبله بنحره نبي الكــون

الـگـلـب مـجـروح

*------------------------*---------------------*

ثكيله الخيل ويدوسن علــــــى صدره
الترب غطاه والصـالـن علـــــي عـشـره
العزيز حسين كلهه اضلوعه مـتـكـسره
ردت ويــــاي تحضر فاطـمـــه الـزهـره

تشوف حسين بالحومه تشوف حسين
اهل دمعــــي وتشاركني وتهل العـيـــن

حــزن مــيــروح

*------------------------*---------------------*

جسد مطروح للباري اصعدت روحــه
بعد موته وحوافر لچمت اجروحـــــه
جرح گلبي ودمعتي بخدي مسفوحـه
شريك الروح يريت ويــاه مـذبوحـــه

حياتي ادموع اكضيهه حـيـاتي ادمـوع
شفت خيل العده بعيني تدوس اضلوع

تــلــوج الـــروح

*-------------------------*------------------*

اليموت اتوسده الوادم وسط لـحـــده
وگبل دفنه التــــــراب يلامس الخـده
بس دفــن الحسيــــن بحالــه منـفـرده
جسد مـرضوض كله وراس مـا عـنـده

متت يا ريت گدامه متت يا ريـت
عساني موسده الغبره ولا ظـلـيـت

الـدمـع مـسـفـوح

*------------------------*-----------------*

جرح گلبي بمصابه ولوعته ويـومـه
سلب كلشي بحياتي السلب اهدومه
صور صدره بقت بعيوني مـرسـومه
انسه شلون حاله بساحت الـحـومـه

شيرد الراح يا دنيه شيرد الـراح
اتاني الموت ياخذني اريد ارتاح

الـعـيـون تــروح

*--------------------------*-------------------*

المثلي شلون ساعة اتبطل الـدمـعــه
تظل تنوح حقهـــه وتلطم وتنـعــــــه
گبالي وراس اخوي الظالم يـرفـعــــه
يهز رمحه واحسهه يهزهـز الـسـبـعـه

يميل الراس وانظرلـه يميل الراس
اصبر روحي بلگوه واجر انفــــاس

الـيـون مـسـمـوح

*-----------------------*----------------------*


✍ خادم الحسين ع
     الشاعر رعد الجريخي

          الـكــوفـه الـچـان عـامـر .. بتنه بيهه
          أبـيـسـّر يـا حـيـف تــالـي.. بتنه بيهه
          و لا چــنّــي الــعــقــيـلــه.. بت نبيهه

          إجـتـنـي الـنـاس تـتـفــرج عـلــيــــه

                            *---------------*---------------*

          يـخـويـه ابـعـيـد عـنـك شلنه.. بالـشـام
          وزمـانـي ويـاي حـربـه شـنـه.. بالـشـام
          ديــرتـنـه الــمــديـنــه شـلـنـه.. بالـشـام

          الـشــيّــب روسـنــه و مـــوّت رقــيــــه

                         *---------------*---------------*

✍خادم الحسين ع
الشاعر رعد الجريخي

ياحسين

         الــصـــدر كـلـمـن يـحـبـك.. وَسمـه اعليك
         الارض تـنـعــه بحـزنــهــه.. والسمه اعليك
         صـحـت هل من منـاصـر .. والـسـمــع ليك

         فِــــزع بــس فــزعــتــه ايـسـلـب رقــيـــه

                          *---------------*---------------*

✍خادم الحسين ع
الشاعر رعد الجريخي

#شوط_كربلائي  ( #أهل_الغيره )



يـهـل الــغِــيـره غــيـرتــكـم   عــيــنــوا بـالــعَـزه الــزهـره
فـاطـم تـحـضــر وتــنــظـر   وتــحـــب الـــيــدگ صــدره

                        *---------------*---------------*

عــيـنـوهـــه بمصاب حسين   يـهـل الــغِـــيــره يـالـخِـدام
لــولاكـم يـــمـــوت الــنــوح   ومــجـلــس فـاطـمة مـادام
الـبـاري ابـفـضـلـه خـصّـاكـم   تــشـدون ابـعـزاهــه احـزام
         
                    انـــتـــم لـلــزچـــيـــه انـــصـــار
                    يــالــبــيــكـم شـگـول احـــتـــار
                    وفـيـتـوا بــضــعــة الـمــخــتــار

خــدام ولــطـــمــكــم هـــاذ   عـظـيـم بـقــيــمـتـه واجـره

                        *---------------*---------------*

ام الـحـــســن تـــرعــاهـــه   ومتـعـوف الخدمهه ابـيـوم
هـيـه اتــسـجـل الاســـمــاء   للـحـضـروا عـزه الـمـظلـوم
هــاي الـلـيلــه واســـوهــــه   بـٱحــزان ودمـع مســجـوم

                   واســوهـه ابـــدمـــوع الــعــيــن
                    يــهـل الـغِــيــره يــاطــيــبــيــن
                    هــالــنــوح لــمــصــاب حـسـيـن

الــظـل امـوســد الــتــربـان   وبــــدمـــــه روه الــغَـــبــره

                        *---------------*---------------*

عقيـدتـنـه ونظل لـلــمـــوت   الـمـئــآتـم والـلـطـم شـاهـد
مـرّه ابـسـاحــة الــمــيــدان   و مـرّه ابـمـجلـس انـجـاهـد
عـلــيــنـــه تــشـهـد الأيـــام   نـوافـي ابــدمــنــه ونـعاهـد

                    نـعـزّي فـــــاطــــمـــة وحــيــدر
                    وإنْـخـلّـي الــــــدمـــــع يـــنــدَر
                    نـعــوف الــغــالـي مـــا نـــگـــدر

والــيـتـرك عــزاء حـســيــن   إشــيـقــدّم لـلـنــبــي عـذره

                        *---------------*---------------*

عــهـدكـم ثـابـت ومـعـروف   خـلـي الـمـاســمــع يـســمـع
يـفـرّقـنــه الــزمـن ونــعــود   ابـمـحـرم كـلـنـه نــتـجــمّــع
خـيــمــتــنــه عـزاء حـسـين   نـشـارك فـاطـمــة الـمـدمـع

                    مــيــهــمــنــــه الـقـلـت والـقـال
                    لــحــســيــن الـجــفـن هـــمّــال
                    مـانـنـسـه الــبــديــهــه احـبــال

الــعــادانــه نــگـلــه الــيـوم   مــحــرم كـلــنـــه نـنـتـظـره

                        *---------------*---------------*

إلْــعـــاده الـمـجـالـس هــاي   و الــــرايـــد يـلــف ويــدور
نــگـلـــه تــتــعــب اويــانــه   خـلــيــنـه ابـجـرح عــاشـور
بـــس الـمــنــكــســر گـلـبــه   يــعــرف لــوعــة الـمكـسـور

                    مـــحـــرم بــالـلــطــم يـــنــعـــاد
                    ونــعــاهــد لٱبــــــو الـــســـجــاد
                    نــفــديــلـــه الـــعـــمـــر لــــو راد

لـلــمــوت وعــهـدنــه اويـاه   الــغــالــي الرّخَــص عــمــره

                        *---------------*---------------*

غـيـرتـكـم تــشــيــل الـراس   بـوصـفـكـم يـعجز لـســانـي
احــمـِــد ربــي وٱتــشـــكــر   خـــادمــكـــم صـــرت أنــي
يـخـدام الــزجــيــه انــريـــد   واحــد يــلـــزم الــثـــانـــي

                    إنْــــريـــد الـــشـــمـــل يـــلــتــم
                    وحــچــي اللامــونــه مــانـهـتـم 
                    نـنـصـب لـلــســــبــــط مـــأتـــم

ومـنـعـوف الـدمـع لـلـمـوت   وتـبـقـه ٱلـلــوعـه مـتـوجـره

                        *---------------*---------------*

✍خادم الحسين ع
الشاعر رعد الجريخي

(ياهلي)

ياهلي مابـيـه حـيلـه والله تعبني الـغـرب
يا هلي هالعام وحدي آنه وبموقف صعب

            ياهلي       ياهلي

*-----------------------*-----------------*

ياهلي يمته تجوني خاطري بحاجت جبر
مابقت دمعات عندي وبالغرب ذاب الصبر
الـصـحـن فـارغ اشوفه انـي للجيه انتظر
بيش اصبرنّـه دليلي مـنـي مايـقبـل عـذر

هل سنه تصعب عليه مـاكـو بصحني لطم
هل سنه بدموعي ابقى بين حسرات وهظم

*----------------------*-------------------*

والله منتظره تجوني حيل ماعندي بـعـد
كافي مليت البواچي ليش انـوحـن للابـد
السنه ماكو مواكب يعني هالـغـربـه اشـد
وين عباس الكفلني وين اليوفّي الـوعـد

حيل محتاجه الوجوده هالسنه بحاجت كمر
حيل تـعبنـي زماني والـظهـر مـنـي انـكـسـر

*-------------------------*--------------------*

انعادت اعليه المصايب وآنـي مابـيـه تعب
ياهلي حرموني منكم اعتب وحَـگ العتب
ليش يردوني غريبه  ماعرف شنهو السبب
تنزف اجروحي بعدهه والگـلـب نـار التهب

منعو بصحني المواكب الچانت الروحي دوه
منعو الزوار تلطم الـتـنحـب واتـبـچـي سـوه

*---------------------*-----------------*

شحچي عالشام وغربته التارك بروحي جرح
ضيّـع اسنيتي وحياتي والـدمـع مـنّـه يـسـح
ماترگني الهسه بـعـده غـيّـب بعيني الصـبـح
جدد اجـروحي عـلـيـه وينـثـر بنصهن مـلـح

البُعد والغربه صـعبـه بس تسليني الخَـدم
البعد كـاتلني جـرحـه يـنـزف ادمـوم وألـم

*----------------------------*-------------------*

السبي تكفيني ناره والله ما احمل هـظـم
كافي يادنيه عذابچ روحي شيّبهه الظلـم
عاشرت نوحي اونيني عاده خليلي اللطم
تحضر الخدام يمي وحضرتّي الـهـم تظـم

السبي يكفيني وحَده ليش متحزمه عَلّي
السبي لـلـيـوم اذِكّـره خـلـه أثـآره بـأدي

*---------------------------*-------------------*
✍خادم زينب ع
الشاعر رعد الجريخي

ياحسن

ألايــم مـا يـهــمـه اشـصـار  .. يـا لام
مـايـدري بـمـصـابـك حـيـل  .. يـا لام
اشـتفـيدك ياحصـيره بـعـد  .. يـا لام

الــحوافــر نـثـرتــك بـالـغــاضـريــه

              *--------------------*------------------*
✍خادم الحسين ع
الشاعر رعد الجريخي

جواب للأبيات الخالده يجدي مات محد وكف دونه
يأتي الجواب على لسان رسول الله ص


يزينب لا تـخـبـريـنـي اعـلـه چـبـده
يزينب كل جرح ضاهدني المضهده
يزينب والـيـدوسـه ايـدوس جـده

ومـثـل صدر السبط صدري تجسم
                
   *-----------------*--------------*

يزينب لا تـخبرينـي اعـلــه حـالــه
يزينب ادري بـالــصـــار وجــرالــه
يزينب دَمـــه رَوّاهـه ه الـرسـالــه

يـوم اعـلـيـه كل الجيش مـلـتـم

*-------------------*-----------------*
✍خادم الحسين ع
الشاعر رعد الجريخي