العليله

مـــثــل وَنّـــي الـــثـــواچـــل أبــــــد.. مـاتـان
حِـــده حـــادي هـــلـــي بـــالـــنـــوگ.. مـاتـان
مــشــوا واجـدامـي احـسـهـن حـيــل.. مـاتـان

عـــلـــيــــلــــه و زادت الـعـــلّـــه عــــلــــيــــه
                                       *---------------*---------------*

جــفـونـي وكـمـت اصـيـح بـصـوت.. خافات
واحــــزان الــعَــلَــي مــــــا يــــــوم.. خافات
عــلــيــهــم روحــي مــن هالـسـفـر .. خافات

هـلـي الــچـانـــوا ســـتـــر وفـــيـــاي الــيـــه

                                       *---------------*---------------*

✍خادم العليله ((ع))
الشاعر رعد الجريخي

نعي مفجع
وصية العليله (ع) للإعرابي


يـعـرابـي بـسـفـرتك وين مـنـواك
أگـصـد كـربلـه وسـرع بـمـمـشـاك
اخـذ الـخـبـــــر لـحـسـيـن ويــاك
وكـلــه الــعـلـيلـه ذلـهــه فــرگــاك


گـلـــه الـعـلـيـلـه وصـت اتـگـــول
طـال الـوعـد والـــدمــع مـهـمـول
اشـحـال الـيـبـات اللـيل مـعـلــول
وهـجـر الاهـل وغـيابـهـه ايـطـول


يـعــرابـــي ذمــه أتـبـيـن الـحــال
واخـبـر ابـــوي الـهـجــر چـــتــال
حـــزن الـعـلــي ايـذوّبِ الاجـبـال
حـتى بـمـنـامـي الاهـــل عـالـبـال

                                        *---------------*---------------*

✍خـادم الـعلـيلـه ع
الشاعر رعد الجريخي

(ام عون)

آنـه ام عـون آنـه الـدهـري سـابـيـنـي

*-----------------------*---------------------*

ويـنـه الـيـعـتـني لـهـلـي ومظـاربـهـه
ويـصـيـح الـعـقـيـلـه الشـام عـذبـهـه
شـيّـب راســهــه وزيّــد مـصـايـبـهـه

اخـافـن بالـغـرب ينختمن اسـنيـنـي

*------------------------*--------------------*

اسـولـف قـصّـتـي بالشـام وبـسـوگـه
طــبيـتـه بـيـسـر وثيابي مـحـروگـه
اذّآنـي الـضـعـن مـن نـوّخـت نـوگـه

وشمّات اشكثـر گـامـت تـحـآجـينـي

*------------------------*------------------*

آنــه الـمـاهـدت سـاعــه بـواچـيـهـه
وآنـه البل سـبـي وبـعـيـد اهـالـيـهـه
مجروح الـجفـن والدمعه يـجـريـهـه

بـغـيـاب الأهـل مـا غـمّـظـت عـينـي

*-----------------------*---------------------*

قـصــر ايـزيـد والـديـوان طـبـيـتـه
ومسروره بفرح مـلتـمـه حـاشـيـتـه
يـاحـيـف الـخـدر يـنـشـاف تـاليـتـه

مـابــيـن الــزلــم عـمـداً يـخـلـيـنـي

*---------------------*--------------------*

عـاشـرت الحزن والحسره والـوَنّـه
حاربني الـدهـر يرحمني مـا ظـنّـه
لا عـنـدي اخـو يـسـمــع وفَـزعـنّـه

اسكت والدموع بخدي تـچـوينـي

*----------------------*--------------------*

تـربـات الـمـجـد سموني مـسـبـيـه
والـشـمـات كـلـهـه اتـشمـتـت بـيـه
اتـمـنـيـت الأجــل وتـأخـر اعـلـيـه

حـتى الـمـوت مايـقـبـل يـوآفـينـي

*------------------------*-------------------*

✍خادم زينب (ع)
الشاعر رعد الجريخي

نعي مفجع
ام البنين

هـاي ام الـبـنـيـن اشـضـال عـدهـه
ليل انهـار دمـعـتـهـه اعـلـه خـدهـه
لا تـنـشـف الـعــيـن ولا تــســدهــه
اربــــع ولــــد راحــــــوا ولـــدهـــه

ضـل الـنـوح عـدهـه بـهـل مـديـنـه
وياهو الـيـجـي اتنشـده الـحـزيـنـه
هـلـبـت ظـعـن مـــر اعـلــه عـيـنــه
ونـيـنـه ثـاري الـبعـد يكتل ونـيـنـه

وطـول الـلـيـل تـتـسـلـه ابـچـيـهـه
لا واحـــد نــشــد لا مــر عــلـيــهــه
اتــانـي الـولــد بـلـگــت تـجــيــهــه
بس بحـسيـن وخـوانــه حـچـيـهـه

                                      *---------------*---------------*

✍خادم ام البنين (ع)
الشاعر رعد الجريخي

يا أم البنين


. عـنـهـم مـا خـبـر روحـي ..  بشرها
وعَلّي دنيـاي مـتـحـزمـه ..  بشرها
الـمـديـنـه مـن نـعـه بيها ..  بشرها

اعـرفـت ولـدي گـضـوا بالغاضريه

                   *---------------*---------------*

✍خـادم ام البنين ع
الشاعر رعد الجريخي

مولاي مسلم

شـجـاهـه الـنـاس ماتـقـبـل ..  تجاره
ودمـع عـيـنـه لـبـو الـيـمـه  ..  تجاره
تـاجــر خـوش وي ربــنــه  ..  تجاره

اشتره ابـدمـه رضـه الباري ونـبـيـه

                                        *---------------*---------------*

الـشـهـاده ابيوم گـصـدتـلـه .. مردهه
شـجــاع وطـلـگ الــدنـيــه  .. مردهه
لـچـن كـل روح بــحــزانــه  .. مردهه

رمـوه امـن الـقـصـر گـوم ال امـيـه

                                        *---------------*---------------*

✍خادم مسلم ابن عقيل (ع)
الشاعر رعد الجريخي

.      بـاچـر تـحـتـرك روحـي وعـبـاتـي
       بـاچـر عـالـتـرب تـوگـع حُـمـاتـي

            يـلـيـلـة فـجـرچ اشـلـون
            ارحـمـي حـالـت ام عون

                                *---------------*---------------*

ياليلة العاشر صـعـب   هـذا الفجـر مـا ريده
خـافـن اودع كافـلـي   الجاباني ايدي ابأيده
ابهيده ساعاتـج تـمـر   خلـيـهـه بـيـه ابهيده
تدرينه مكسور الگلب   بـاچـر صـبـر ميفيده

         فـجـرچ ينتهي وتبدي العجايب
         فـجـرچ لو طلع احمل مصايب

             اهـلـي ونـاسي يرحـون

                                 *---------------*---------------*

ابفجرچ عليّه اتأخري   عوفي الگمر ونجومه
عاشـر محـرم والدمع   مابـيـه حيـل اهمومه
ما اگدر انضر بخوتي   متروسه گاع الحومه
يطشرون ابكل كـتـر   ويـن الجميله ارسومه

         صـعـبـه هالوضع بعيونه اشاهد
         صـعـبـه ابدمعتي للموت اعاهد

               اغلـه احبابي يمشون

                                 *---------------*---------------*

عبـاس امـوت ابغيبتـه   بـاچـر اذا مـا شـوفـه
ابروحي حسيت الالـم   والوادي خيّـم خوفـه
لـو بعدت الـرايـه علي   تـبعـد عـلـيـه اچفوفـه
ماعوفه لو بيدي الامر   يمشي الاخو ما عوفه

         يـمـشـي  أوتنّظره اعيوني واكابر
         يـمـشـي الكسرتي مـا الـگـه جابر

               كـسـره ما اضـن اتـهـون

                                *---------------*---------------*

لا يطلـع ابليلچ فـجـر   الـمـن يـجـي يـا لـيـلـه
تتسلب اطفال وحرم   وبالبـر تـضـيـع الـعـيلـه
يـاهو الـيـقـدّر حالتي   وزحمه الغريب اشكيله
آنـه ربـيـبـت فـاطمـه   اوعَودي حامي ادخيله

            ابـعـيـنـي للسبي بانت علايـم
            ابـعـيـنـي للگمر انضرله نايـم
  
                عـلـيـه يظلـم الـكـون

                                *---------------*---------------*

ضلي ابضلامچ عالشمل   وآنـه وهـلي خلينه
كل واحد ايروح ابدرب   مـن يفترگ حـادينه
البعيوني خـليـتـه ضوه   بـاچـر افـارگ عينـه
وما ادري اليشيل العـلم   ياهو عگب چفـينـه

          ادري ابـغـيـبـتـه ايـغـيّـب دلالي
          ادري ايـشـاهـد الشامت خيالي

                 يـنـزل دمـع الـعيـون

                                *---------------*---------------*

مـا تبزغ وتطلع شـمـس   لـيـلـچ يـضـل يا ريتـه
ونـتـوادع ونشبـع دمـع   وكـلـمـن يـروح ابنيتـه
ادري يــروح ومــا يــرد   راعـي الـعـلـم تـاليـتـه
وتتمرجل اجيوش العده  الخالسهه چان ابصيته

            اعـرف مـا يـضـل واحد يويَلي
            اعـرف بالـسبـي بـاچـر رحيلي
  
                اسـمـع بسمي يحچون

                                *---------------*---------------*

✍خادم الحسين (ع)
الشاعر رعد الجريخي

بحق انصار الامام الحسين (ع)



يدرون  بي  دار  الوحي دارك  
وصدر النبي مستودع اسرارك

ما خلفوا الوعد     ***   عالبيعة والعهد           

يحسين اجتـــــــك تزحف انصـــــارك

        *  *  *         *  *  *        *  *  *
                  
واعدوك و وفوا  الكلمة برجوله
ما  يخلفون الوعد اهل  البطوله
والنعم يحسين اصحابك هذوله
گصدوا الموت و علي و ترجلوله

للموت طلعت صحبك تنادي
نروح  فدوة   لسلوة  الهادي

مولاهم انت وربك اختارك

        *  *  *         *  *  *        *  *  *
 
تنافسو عالموت ويرفرف علمهم
ما يهمون العده و منيطين دمهم
يشهد التاريخ و يسولف  بسمهم
ثبتولك  بالحرب  مصداق حبهم

كل واحد مضحي واجة يحارب
بسمك  نشيده  و ما  يرد  هارب

كلهه تصيح بطفنه نتشارك           

        *  *  *         *  *  *        *  *  *
                   
آمنوا   بالله   و الجنة   وِ اجولك 
بالشدد و الموت اصحابك وفولك
جيّة   الولهان   بالشوگ  اعتنولك
ضحوا بكلشي وعمرهم رخصولك

صاحوا يغالي كلنة فادينك
قائدنه  انته  و نتّبع دينك

عدهم درايه وعرفوا اخبارك

         *  *  *         *  *  *        *  *  *
                
وگفوا  اگبال المخيم بالهنادي
رهبوا الموت بعزمهم والاعادي
رفضوا  الذلة  تصافح   للأيادي
لبّوا  لداعي  الشهادة  و المنادي

غيرة  و مراجل  صفّت ارجالك
بسم الله امضي وصفوة تبرالك

خطوة وي خطوة اتبعوا اثارك

        *  *  *         *  *  *        *  *  *
               
أربات  الحجور   التقية  و النجيبه 
توگف اتخوض الملاحم مو عجيبه
اليحب  لازم   يضحي  وي  حبيبه 
بالرخاء   انصار   همه  و بالمصيبه

گالوا  اجينه  و يمك  انبايع 
تبقى الأمير وصيتك الشايع

احنة بقدومك والله نتبارك

        *  *  *         *  *  *        *  *  *

دگوا اصدور  و وفولك  بالقضيه 
تشهد الحومة وارضهة الغاضريه
زحفوا ازحوف و اجولك  للمنيه
ذوله  انصار  العقيدة   الاحمديه

كالولك امر شنهي التريده
بـدم الاعادي نغرك البيده

وجه الله انته التسطع انوارك

        *  *  *         *  *  *        *  *  *

✍ خادم الحسين ع
      الشاعر رعد الچريخي

هوسات
للأنصار


ألـهـم يـشـهـد الميدان انـصـار ونِـعـم انصار
حَشمّهم حبيب وگام اوسوّهه الجثث طشار
حتى اليشرد ابروحه مـا يـگـدر يظل محتار

          مـن يـمـهـم مـايـسلـم راسـه

                                *---------------*---------------*

واحدهم خذاه الشوگ وهايم بالعشگ مجنون
مناحرنـه فـده لحسين كلهم گـامـوا ايصيحون
حبيب اتحزم ابشيبه ومـا ادري شوّصّف جـون

            وبـدمـهـم معجونه الـغـيـره

                                *---------------*---------------*

وهب وآهبهن اسنينه وشيّد للشجاعه الساس
بهيچ اصحاب نتفاخر صحبتهم عگل عالراس
مواقف سجّلوا لليوم محتاره ابوصفهه الناس

           كل واحـد ابيض تـاريـخـه

                                *---------------*---------------*

سبعين الف والسبعين كل واحـد يُـعَـد سبعين
زهير اتحزملهه احزام اسمه ايخوّف ابن القَين
ماهمهم عدد والجيش أجوا وبدمهم امضحين

          يحسين اصـحـابـك مـعـروفـه

                                *---------------*---------------*

✍خادم الحسين (ع)
الشاعر رعد الجريخي

شور
((الحسين  يكلم أبا الفضل ع))




.   آه   آه  ياخـويـه   ياخـويـه   ياخـويـه


                                  *---------------*---------------*

     إجـيـتـك دمــعـتّـي بـــعـــيـــنـــي
     ونــار الـحـــســره تـــچـــويـــنـــي

     حـــاچـــيـــنـــي يــبـــعــد الـــروح
     يـخـويــه وزهـــرة أســـنـــيـــنـــي

                                   *---------------*---------------*

     إتـــحــــول نــــهــــاري ابــلـــيـــل
     وبـلـحــظــه فــگـــدت الـحـــيـــل

     اشـلــون ايـــكــابـــر ويـــصـــبـــر
     الــمـا يـگــدر گـــفـــاه أيـــشـــيــل

                                   *---------------*---------------*

     عـــايــفـنـي الـظـــهـــر مــحـــنـــي
     إحــچــي بـسـرعـه ريـــحــيـــنـــي

     احــســـيـــنـــك تـنـزل ادمـــوعـــه
     صـعـبـه وخــصــمــي تـلــمــحــنـي

                                  *---------------*---------------*

     مــــــا أحــــمـــل حــــزن هــــمـــك
     يـــعـــطـــر الــخــوه الأشـــتـــمـــك

     إتــــهـــــدم ركــــــــن حــــيــــلــــي
     وحـــــيــــره اتـــحـــيـــرت يــمـــك

                                  *---------------*---------------*

     صـــعــبــه الـــيــنــكــســر ظـــهـــره
     وٱيــــفــــارگ أمــــــــل عــــــمـــــره

     كــلــمـــه ويـــمـــك أحـــچـــيـــهـــه
     تـــــــدري بــكـــســـرتـــك كـــســـره

                                  *---------------*---------------*

     زيــــنــــب إنـــتــــه كــــــافـــلـــهـــه
     أذا ارجـــــــــــــــع شــــگـــلـلــــهــــه

     عـــفـــتـــهـــه ٱتـّــانــي بـالــخـيــمــه
     تــجــيـــهــه الــرايـــه شـــايـــلـــهـــه

                                 *---------------*---------------*

     شـــــوف ٱعــــضــــيــــدك  وحـــالـــه
     يـــمـــــوت بـــگـــربـــك ٱشـــــوالـــــه

     صـــعـــبـــه الــــرجــعــه يـا خـــويـــه
     وكـــلـــهـــه ٱتـْـنِــطْــرك ٱعــــيـــالـــــه

                                 *---------------*---------------*

✍خادم الحسين ع
الشاعر رعد الجريخي

بطولة العباس ع

بطل بس هوّه شامخ.. غَيره أبَه الـطـف
اورَوّه الـگــاع كـلـهـه.. غِـيـره بـالــطــف
مــنــو كـــرار چــنـــه.. غَــيــره بـالـطـف

وجــاب الــمــاي يــم خــيــمـــة رقـيـــه

                                   *---------------*---------------*

✍خادم العباس ع
الشاعر رعد الجريخي

(بندريه)
#يابو المرجله



.            نومس الرايه ابيمينه وشالـهـه
             وشَد عله المهره البطل خيّالهه

            عــبــاس   عــبــاس   عــبــاس  

                     يـابــو الـمـرجـلـه

                          *---------------*---------------*

شَـد الـكـحـيـلـه ورسـنـهـه وگاصد لـ سوح الحرب
اربـات حـيـدر بالـمـعـارك چـنـه حـيـدر مـن يـطـب
مـا يـهـم لـلـحـومـه وحده ابـساع يـگـلـبـهـه گـلـب
الـثــبــات اگـبـال ســيــفــه لـلــزلـم كـلـش صـعـب

            بالسـيـف   بالسـيـف   بالسـيـف

                     زلــــزل كــربــلــه

                          *---------------*---------------*

يْصول ويـجـول بشجاعه وعـالـزلـم فارض حـظـر
ساعـة الـشـجـعـان هـايـه ولـلـحـرب ساعـة صـفـر
يطلب الـروس الـچـبـيـره وكـلـهـه گـامـت تـعـتـذر
يـوم الاســود عـالاعـادي يـشـبـه لــ يــوم الـحـشـر

            شــافــوه   شــافــوه   شــافــوه

                     لـلـشـگـره اعتـلـه

                          *---------------*---------------*

ابـصـولـتـه خلّـه العـسـاكـر واحـــد ابـــواحــد ردم
راكـب الشگـره الاصـيـلـه ويـفـتـر ابصوب الـخـيـم
مـبـخـت الـيـنــدل طـريـقـه ومـبـخـت الـمـنـه سلم
خورس الـقـاده ابـنـظـرتـه وصـاروا ابـعـيـنـه عـدم

            من صال   من صال   من صال 

                     مــحــد قــابــلــه

                          *---------------*---------------*

هـلـهـلـت يمّـه الـمـعـالـي والـمـجـد بـسـمـه انكتب
الحاسب احسابه يخلّص طـار راســه الـمـاحـسـب
زلزل الـحـومـه وگـلـبـهـه وشوّف الـكـوم الـعَـجـب
اتـشـرعـبـت بـيـه الحميه و يـا عـلـي حـيـدر نـدب

            مــيــدان   مــيــدان   مــيــدان

                     لـلــكــافــل حِـلـه

                          *---------------*---------------*

تـخـطـف ارواح الـعـسـاكـر رايـتـه لـمـن تــــــــرف
شـــايـل الـبــتــار بـيـده وداخـوا الـسـبـعـيـن الـف
الـگـابـل الـعـبـاس يـشـرد مو ركض يـزحـف زحف
عاد حـمـلات الـصـمـيـده وهـالـفـعـل مـا يـخـتـلـف

            سـجـيـل   سـجـيـل   سـجـيـل 

                     سـيـفـه وزلــزلــه

                          *---------------*---------------*

طـشّــر الـسـبـعـيـن الــف مـــا يـهـم هـــذا الـعــدد
زيـنـب تـعـايـن لـخــوهـه وتـقـره ايـــات الـحـسـد
الـحـصّـل الـمـشـراد گـدهـه والـسـبـع بـيـهـم لِـبــد
وارث الـكــرار اجــاهــم و الـشــبــل مـــن الاســـد

            يــــدرون   يــــدرون   يــــدرون

                     بـيـهـه الـمـسـألـه

                          *---------------*---------------*
✍خادم العباس ع
الشاعر رعد الجريخي

يوم العباس
(فزّاعيه)

الـيـوم يـوم الـعـبـاس بـدر الـعـشـيـره  ٢
الـيـوم يـوم الـخِـدام والـعنـده غِـيـره

                                   *---------------*---------------*

الـيـوم مـرمـي الـعـبـاس بـيـن أل أميه
أيسيل دمـه وچـفـيـن طـاحـن سـويـه
الـطـاح حـيـد الميدان يـسـوه الـعَـزيـه

راح الكفلهه وأم عون حيرتهـه حـيـره

                                   *---------------*---------------*

انـريـد فـزّعت خِـدام فـزّعـت نـشـامـه
والقصّر الراعي الـجـود يـشبـع نـدامـه
دمعه واللطم للعباس محله الـخِـدامـه

هـنـالـه كلمن بـالـنـوح حدد مـصـيـره

                                   *---------------*---------------*

ايـنـوح خالي الميدان طـايـح عَـمـيـده
هاي الـمـصـيبـه والـحـيـل ألمن نـريـده
الـيـوم مكسور حسين كـسـره العضيده

الـلـه يـعـيـن المظلوم مـاعـنـده غَـيـره

                                   *---------------*---------------*

المـا لطـم مـا مـعـذور شنهي اعـتـذآره
وكـون تلطـم عالراس كـلـهـه الـغَـيـاره
انـريــد گـلـب الـخِـدام مـثـل الـشـراره

الـمـا يواسي الحوراء ميّت ضـمـيـره

                                   *---------------*---------------*

هـاي المجالـس لـلـمـوت عـدكـم أمـانـه
ندري الـزچـيـه بعبرات تـحـضـر عَـزانـه
ننطـي الـعـهـد مـا ننساه حـامـل لـوآنـه

محفوظه من جيل الجيل هاي المسيره

                                   *---------------*---------------*

✍خادم العباس (ع)
الشاعر رعد الجريخي

هوسات

اصيله الجابة العباس مـنـهـه ونـعـم مشكوره
والوالد عـلـي الـكـرار يـعـنـي اكتملت الصوره
يـوم الـعـاشر بـعـاشـور خـلـدهـه واخـذ دوره

         خـلـه الـطـف شـاهـد لـفـعـالـه

                   *---------------*---------------*

مضرب مثل للخوان ضـل ومـرتـفـع صـيتـه
بنت البدو والشجـان أبـدر اوفّـه امـغـذيـتـه
يتخيّر الراس الراس موش العين خـاطـيتـه

         مـن صـدهـم ماتـرسـو عـيـنـه

               *------------------*---------------*

✍خادم العباس ع
الشاعر رعد الجريخي

السيده زينب تخاطب امير المؤمنين ع

الأرض لـمــن ركـضـنــه.. مايت انه
عشيره ومــوش واحـد.. مايت انه
يحـيـدر ويــن بـالـطـف.. مايت انه 

خـبـر عـنـدك تـرسـنـه الـغـاضـريــه

                                        *---------------*---------------*

✍خادم زينب (ع)
الشاعر رعد الجريخي

نعي
الليله الثامنه  (القاسم)
لسان حال رمله ع


يـجـاسم يبني ربـيـتـك    ولـلشـيـب الـولـد يراد
يـزهـرة عـمـري وسنيني   ما ادري زمانـي اشـراد
اكـابـر وحـمـل جروحي    لچن ماينفع الهه اضماد
شسوي وفرگتك صعبه    والگلبي الـصبـر مـا فـاد

احـلـم بـيـك يـولـيـدي    افـز وصورتـك بـالـعـين
يالغالي انگطع رجواي     هالفجعه اجتني مـنـيـن
عفتني بحزني والدمعه   وعگبك ما رحمني البين
امــك يـا بــعــد امــك      واهلك عـرسـك متانين

چانت ضنتي اتشوفـك    عيني وبـيـدك الـحنـه
يـوم بـيـوم احـسـبـهـن     گـلـت يـكـبـر وزفـنـه
اجتنه الغاضـريـه منين    يـويلي وگطعت الضنه
يـيـمه الـمـوت اشوالـي    امـوت واخلص اتـمـنـه

دهـري زاوداني أعـلـيك    وبـعـد هيهات نتلاگـه
الـمـثـلـك ولـد ويـروح        يـتـرك نـار حـرّاگــه
ثـكـلـه وبالحزن ضليت    وروحي عليك متلاگه
يگلولي خـذاچ الـشـيب    گلتلـهـم عـلـى فـراگـه


                                   *---------------*---------------*

ابوذيات


الـلـيـالـــي خــــــــوش بـــفـــراگـــك.. يـــزتـــنـــي
وشـجــاهـــه أســـهـــام عـــدوانــــك.. يـــزتـــنـــي
يـــجـــاســــم يــــاهــــو لـگــــبــــري.. يـــزتـــنـــي

ويـــقـــره الـفـاتـــحــــة ويـــنـــصـــب عـــــزيـــــه

                           *---------------*---------------*

ظـــهـــري انـكـسـر بـــمـــصـــابـــك.. وحــنــيــت
ودمـــعـــتـــي ســــالــت بــــخـــدي.. وحــنــيــت
يـجـــاســـم خـــضـــبـــت شــيـبــي.. وحــنــيــت

بــــدمــــك والـــنــــهــــار اظـلــم عــــلــــيـــــــــه

                           *---------------*---------------*

✍خادم الحسين ع
الشاعر رعد الجريخي

ماعندي غيرك الرادود: سعد الخزاعي الشاعر: رعد الجريخي|| هيئة ملاذ المذنبين..البصره

https://youtu.be/Ut7S2zwd6Yk?si=wpcw87Fwi68GVGYm

نعي مفجع
السيده زينب ع اتخاطب الامام الحسين ع


هـذا الـيـريـد الـمُـلـك والـرَي

وذاك الاجـاك بحـقـد وبـغَـي

وانـتـه وحيـد بغـربتـك خَـي

مـحـد عليك ايـكـاسـر الـفَـي

ومـن الخيول بـعيـنـك الـعَـي

الخيمتي شـفـت الـشـمــر وَي

                  *-------------------*----------------*
✍خادم الحسين ع
الشاعر رعد الجريخي

هوسات بحق علي الاكبر ع


ارتجَز شبه النبي وبمشيه يـتـبـخـتـر
داخـو بـيـه حيــدر لـو عـلـي الأكـبـر
گـام ابـكـيـفــه بـالـمـيـدان يـتـخـيـر


والـسـيـف اتـنـومـس بـيـمـينـه

                                      *---------------*---------------*

علي وچـنـه علي ما وصلو احدوده
مــن عــمــه وابــوه اتـورّث الــزوده
بـتـاره انـگـلـب للجـيـش حـاصـوده

ضـل يحصد بالجيش ابـكـيـفـه

                                      *---------------*---------------*

مثل شمرت علـي بالحومـه ما ثـنّـه
كلهه اعداه گامـت تـرتـجـف مـنـهـه
الفخر بأسمه افتخـر والزود يـتـغَـنـه

والـحـومـه اتـهـلـهـل لـمـجـاده

                                      *---------------*---------------*

ابـن غـانـم بطـل ومـعـجـب الـنـاسـه
ما يدري بعَلي سـاس الـفـخـر سـاسـه
ابرمشت عين الاكـبـر طـيّـره الـراسـه

وبـحـيـدر گـام ايـوصـفـونـه

                                      *---------------*---------------*

✍خادم علي الأكبر (ع)
الشاعر رعد الجريخي

نعي مفجع
مولاي الاكبر


الـلـه يـعـينـه ظـهـره انـكـســر الـلـه يـعـيـنــه
لـخـتـه الحزينه صاح ابدمع لـخـتـه الـحـزينـه
راح امـنـديـنــه خـويـه عـلـي راح امـنـديـنــه
خـلـهـه تـجـيـنـه لـيـلـى ابعَجل خلهه تـجـيـنـه


وتـمــدد ويـاه حــاظــن عــلــي وتـمــدد ويـاه
بالـخـيـمـه خلاه بين الحـرم بالـخـيـمـه خـلاه
يسمعهه تـنـعـاه امـه بــحــزن يسمعهه تـنـعـاه
ويـصـيـح ويلاه يجري الدمع ويـصـيـح ويلاه

                                   *---------------*---------------*

✍خادم الحسين (ع)
الشاعر رعد الجريخي