(يحادي النوگ)


يـحـادي الـنـوگ زيـنـب عـيـنـك اعـلـيـهـه ٢

                                      *---------------*---------------*

راح  الــدلـلاهــه وراحـــت الــــرايــــه
تدري امـخَـدّره وما سامـعـه احـچـايـه
صـعـدت عالهزل وجـروحـهـه اهـوايـه
مـــا سـوّت لـهـلـهـه مــأتـــم  اقــرايــه

خـاف الــنـاگــه مـــن تــعـثـر تــأذيـهـه

                                      *---------------*---------------*

اگـول امـچـتّـفـه مــا لايـگـه وصـعـبـه
وبـعـيـد الــدرب مــا تــرحـم الــغــربـه
يــاهــوّه الـعـلـيـهـه يـنــكـســر گــلـبــه
حـگـهـه لـلـغـوالــي الــمـدمــع اتـصـبـه

عـگـب عباس انـتـه الـصـرت حـاديـهـه

                                      *---------------*---------------*

افــتــر الـوكـت وتـحــمّـلـت ضـيــمـه
عـمرهـه امدلله وما ماشـيه ابـهـيـمـه
دمــعـتـهـه جــريـه اتـشـابـه الـغـيـمـه
خـلـهـه لـلـكـفـلـهـه الـمـأتـم اتـقـيـمــه

هــــاي ام الـــدلال الـــراح والــيــهـــه

                                      *---------------*---------------*

چـانـت بالـخـدر والـهـيـبـه مـصـيـونه
هــاي الـرخـصلـهـه الـكـافـل اعـيـونـه
حــتــى اخـيـالـهـه الــوادم يـهـابـونــه
ابـوهـه المرتضى الـكـلـكـم تـعـرفـونـه

مـصيـبـة كـربـلـه اشخلت بـعـد بـيـهـه

                                      *---------------*---------------*

اجــروح ابـگـلـبـهـه  ونــار حــرّاگــه
عـذّبـهـه الـكـفـيـل ويـصعـب افراگه
ريّـض بـالـمـشـي لا تـعــثــر الـنـاگــه
اگـبــال الـعـقـيلــه الـروس تـتـلاگــه

ابهذا الحـال تـنـظـر روس اهـالـيـهـه

                                      *---------------*---------------*

لأرض الـشـام لو وصلت الـمـضلـومـه
مهضومه تـراهـي الـحـره مـهـضـومـه
بـمـتـون العقـيـلـه اسـيـاط مـرسـومـه
جـفـنـهـه بـالـمـدامـع حـرّمـت نــومــه

شماتـه وكلهه غـربـه الـنـاس تـدريـهـه

                                      *---------------*---------------*

✍خادم السيده زينب (ع)
الشاعر رعد الجريخي

ملا حسين الحلفي
كلمات الشاعر رعد الجريخي
التراث الاصيل
ياخويه شاهد حالي

أبوذيه
(السيده زينب اتخاطب ابي الفضل ع


عباتي السوط من عـگـبـك  .. هـزلـهـه
ونــوگ الـسـبـي جـابـولـي  .. هـزلـهـه
اصــدن رايـــتــك غَــيــرك  .. هـزلـهـه

ونَفسَه الهزّهه اخـذنـي ايـگـود بـيـه

                      *------------------*--------------*

خادم زينب (ع)
✍الشاعر رعد الجريخي

ابوذيه
السيده زينب اتخاطب الامام الحسين


دوس الـخـيـل يـبـن امـي   مرع ليك
بـهـذا الــحــال والـحــادي   مر اعليك
خـذونـه ومـابـقـت تـنـعـه   مره اعليك

الـك فـوگ الـهِـزل نـنـصـب عَـزيـه


                       *---------------*--------------*
✍خادم السيده زينب ع
الشاعر رعد الجربخي

(نعي مفجع)

ايـصـيـر الـشـمـر لـلـنـوگ حَـدآي

تـالـي الـعـمـر مـاحـاسـبـه الـهـاي

ذبـاح اخـوتـي الـيـمـشـي ويـاي

فـوگ الـهِـزل وتـصـدلـه عـينـاي

امـچـتــفـــه وابــره الـيـتـامــاي

بـيـن الـزلــم وبــعـيــد مـســراي

راح الـتـكـفـل ضـعـنـي وحـمـاي

ورايت يمـنـتـه الـچـانت افـيـاي

يـاهـو الـيـجـينـي الـيـوم عـنـاي

وضل المحامي امـگـابـل الـمـاي

                *---------------------*-------------------*
خادم السيده زينب ع
✍الشاعر رعد الجريخي

نعي مفجع
درب السبي

امشي ابيسر زحمـه وهـظيـمـه
وراح الـمـحامي الـچـان خيمـه

امشي ابيسر والــگــوم غـربــه
ومحد عـلـيّـه انــكـسـر گـلـبــه

امشي ابيسر والوشـوف اديـره
ومـچـتـلــه عـفـت الـعـشـيــره

امشي ابيسر والـنـاگـه عَـرجـه
تـالي الـعـمــر لـلـنـاس فِـرجـه

امشي ابيسر والـهَــم سـبـيــه
وچـتـال اخـوتـي ايـگـود بـيـه

امشي ابيسر واگـطـعـت بـيـده
ويـفـزع الـيــه الـوالـي اريــده

امشي ابيسر بـيــن الـيـتـامــه
والـلـيـل يـستـرنـي ابـظـلامـه

امشي ابيسر مـاعـنـدي چـاره
وضـل الـكـفـلـنـي بـالـمـعـاره

امشي ابيسر حيـف وغـريـبـه
وكـفّـال خدري امنين اجـيـبـه

امشي ابيسر تـالـيـهـه هـايــه
وكـل اخـوتـي ضلو ضحـايـه

                         *------------------*---------------*
خادم السيده زينب ع
✍الشاعر رعد الجريخي

السيده زينب اتخاطب ابي الفضل العباس ع
((بعد رجوعها من السبي)



عـبـاس اجـيـتـك والـگلـب نـار

يمـك اسولف واشتكـي الـصـار

عـوف الـتـرب واگـعـد يـمغـوار

مـلـگـاك اريـده وشوگك الـحـار

يـامـن ابـوك الـحـامـي لـلـجـار

اگـعـد يخويـه احسبني خـطـار

جـبـت الـحــرم بـدمـوع مـدرار

اتـريـدك تـردهن الارض ألـديـار

بظـرب الاعادي عـنـدك أخـبـار

اليـوم اجـيـتـك جـبـت الـزغـار

بــمـتـونـهــم لـچــمــات وآ ثـار

تـدري بـغيابـك هـالـوگـت جـار

وتدري العقيله اجروحـه اكـبـار

لتمشي سبيه اشتحچي تـحتـار

                  *---------------------*-------------------*

خادم السيده زينب ع
✍الشاعر رعد الجريخي

(نعي مفجع)
السيده زينب ع
تشكو الى ابي الفضل

الـيـوم رديـت يـمـك يـخـويـه الـيـوم رديـت

شو مـاتـلـگـيت مشتاگه الـك شو مـاتـلـگيـت

ماجاعده ابيت ابـطول السبي ماجاعده ابيت

بأسمـك تنخيت يابو الـفضـل بأسمـك تنخيت

عليك حـنـيـن حَـن الفصيـل اعـلـيـك حـنـيـن

اشلون ضـلـيـت نايم حسافه اشلون ضـلـيـت

اشـگـد تـمـنـيت ملگاك خويه اشـگـد تـمـنيـت

الهل ساعه تانيت نلتم سوه الهل ساعه تانيت

اشعندي خليت غـيـر الـدمـوع اشعندي خليت

وتـگـوم يارين اتـعوف الـتـرب وتـگـوم ياريت

         *------------------------*---------------------*

خادم السيده زينب ع
✍الشاعر رعد الجريخي

نعي
مفجع رجوع السبايه


فـوگ الـهـزل جـيـنـه يـسـاره
عـبـاس كـون اتـسـوي چـاره
تدري الـدمـع عـگـبـك تـجـاره
وحچيي الشمات اجيس ناره


خـويـه الهظم والهـم كـتـلـنـه
وعـگـب السبي يـمـك نـزلـنـه
انـريـد الـسـفـر لـديـار اهـلـنـه
اگـعـد وَأمـش بـينـه الـوطـنـه


لـَمّـن نــرد الارض الـمــديـنــه
غـيـرك منـو يبره الـضـعـيـنـه
تـدري الـوكـت شمسوي بـينـه
وديـره لـَـعِــد ديـره مـشـيـنــه


گــوم الــوطـنــه ويــاك ردنــه
تصعب عـلـيـنـه انـرد وحـدنـه
انـتـه الـحـمـه وانـتـه سـنـدنـه
شـنـگـول لــو واحـد نـشـدنــه

                    *--------------------*------------------*

✍خادم الحسين ع
الشاعر رعد الجريخي

نعي
لقاء ام البنين والسيده زينب بعد رجوع الضعن الى المدينه


يُـمــه اسـتـعــدي يـأم الـبـنـيـن

اليوم اجـيتـچ واهـمـل الـعـيـن

الــچـان عــن ولــدچ تـنـشـديـن

فـوگ الـتـرب كـلـهـه الـمـياميـن

عـبـاس عـفـتـه ابـلايـه چـفـيـن

وذاري الـوطـيـه امچفـن حسين

زيـدي يـحـره ابـلـوعـه ألـونـيـن

الـونــي اريـدن ونــتـچ اتــعِـيـن

اشعدهه بـعـد لـخـوتهـه ميتـيـن

وضلـو جثـث بـأرض الـميـاديـن

ادري ألـتـنّـوح الــواحـد اثـنـيـن

واحـنـه فـگـدنـه احيـود سبعين

                      *-------------------*----------------*

✍خادم الحسين ع
الشاعر رعد الجريخي

ابو ذيات لسان حال السبايه



الـدمـع عـگب الاهـل بالـطـف .. وَلَمنه
و حـمـلـنــه لـوعــة الــغـربــه ... وَلَمنه
الـدهـر طـشـرّنــه بـالـهـيـمـه  ... وَلَمنه

الـشـمـر بـسـيـاطـه وبسب الـزچـيـه

                     *----------------*---------------*

حـده حـادي الـضـعـن بالـنـوگ.. متنه
و عـلـيِـنـه امـگـيـد ومـجـروح .. متنه
يـريـت بـحَــرگــة الــصـيــوان .. متنه

     ولا لــيــزيــد ودونـــه  هــديــه

                     *----------------*---------------*

الـحِــداد  ابـيـوم  فـرگـاهـم  ..  علِنّه
ومـشـيـنـه وتـمـشي ويـانـه  ..  عِلنّه
الـوحـيـد بــكــربـلــه خـلـوا  .. علي أنه

  والأرض الـشـام گـادونــه  سـويـه

                       *----------------*---------------*

✍ خادم الحسين ع
     الشاعر رعد الچريخي

نعي مفجع
دخول السيده زينب الى الشام


الـشـام  بـحـچـيـه  جـرّحني
                    وشـيّـب گـلـبـي وحـوالـي

بـنـص الـســوگ خـلـونــي
                     مـاچـانـت تـجـي أبــالـي

الـعبـايـه ابـنـار مـحـتـرگـه
                     وعـيـن الـزلـم شـافـتـهـه

وآ حــد يـسـأل بـواحــد
                    هـاي  الذبـحـو  أخـوتـهـه

روس الاهـــل گــدامــي
                     والـروح اشـبـعـد تـرجـه

تالـي الـعـمـر مـچـتـوفـه
                   وللناس اصبحت فـرجـه

أصـدن  لـلـزلــم  يـمــي
                  وكـلـهـم بالخـدر شـمـات

أصـبّـر روحـي بـالـگـوه
                   وبـيّـه أجـرّح الـكـلـمـات

فـوگ  الـهـزل بـحـزانـي
                 وسـوط ايـلاوح بـمتـني

وآ نـه امـخـدرت هـاشـم
                    كـلـهـه اعداي شـافـتنـي

ما انـسـه الـجـره بالـشـام
                   الـبـيـه اتـنـطـرت مـوتـي

طبـيـت  الـقـصــر  گــوه
                  وحچيت وسمعو الصوتي

                                         *---------------*---------------*

✍ خادم زينب ع
الشاعر رعد الجريخي

(اخت عباس)

أخـت عـبـاس  آنــه الـكـل  يـعـرفـونـي
مـشـيـت امـيـسـره يالـبـيـك حـسـدونـي

*----------------------*-----------------*

اجـيـت امـنـل الـوطـن ويـاك يالـوالـي
امـيـره ومـا تـشـاهـد عـيـن لـخـيـالـي
مـا ضـنـيت هـيـچ ايـصـيــر بـالـتـالـي

اروح ابـلا اهـل والـگـوم يـسـبـونـي

*----------------------*----------------*

عفتني اشلون وانـتـه الكافـل الضعني
يـعـبـاس الـدهــر  يـاحـيـف  ضـيـعـني
اصـيحـن يالاخو كـل ضني تـسـمـعـني

يـبـن لـيـث الـوغـه عدوان شـتـمـونـي

*---------------------*-----------------*

يالبـيـك  الـشـجـاعـه  اتـمثلّت  كـلـهـه
اخـتـك لـو رحـت ياهو الـيضـل ألـهـه
امـوت بـفــرگـتـك ما اگـدر احـملـهـه

يـعـنـوان الأخـوة ونـور لـعـيـونــي

*--------------------*------------------*

دگـيـت  الـصـدر  وتــكـفـلـت  بـيــه
ومـا خـلـيـت شـامـت ينظـر اعـلـيـه
تـالـي امـشـيـت يـاعـبـاس مـسـبـيـه

وحيده وبالسياط انـضـربت امتونـي

*------------------------*------------------*

نــار  اجــفــاك  بـالـدلال  لـهـابــه
رحت بليل والـدمـعـات سـجـابـه
كفيلي والـكـفـل ما بطِـل اعـتـابـه

هضموني الكفر وانگطعت اضنوني

*-----------------------*------------------*

ما ادري  خـذونـي الـيـوم  يـا ديـره
عـگـب عيناك والله اتـحـيرت حـيـره
ترضه اشلون خويه وانته ابو الغيره

صعدت اعله الهزل وابليل يحدوني

*----------------------*-------------------*

خـدري الـراح يـا مـهيـوب شيرجـعـه
دخـلـت الشـام والشمات مـجـتـمـعـه
يشتمني الـدعـي ومـا واحـد ايـردعـه

اعـلـيـك اهـل الحقد عمـداً يسألـونـي

*------------------------*-----------------*

✍ السيده زينيب ع
     الشاعر رعد الچريخي

نعي
السيده زينب

تَـعَـنيّـتـه ورحـتـلـه بـهَـدوت الـلـيـل
ولـگـيـت حسين مابين الـمـچـاتـيـل
حـــر الـشـمـس والــتـرب والـخـيـل
امـغـيـّره الـرسـوم وجبتهه اتـسـيـل


تـعـنيـتـه ورحـتـلـه بـگـلـب ولـهـان
نــايــم نــظــرتــه وحـيـل تــعـبـان
امـسـويـه الــخيّـول اعـليه مـيـدان
ويـنـك صـحــت يـا سـيـدِ الاكـوان


تـعـنـيـتـه ورحـتـلـه ابحال ياحـال
حـافـي الـجــدم والــدمـع هَـمّــال
گـتـلـه يـخـويـه انـشـاف ألـخـيـال
وبـاچــر عـگـبـكــم يـاهـو جَـمّــال

                     *-------------------*----------------*

خادم الحسين ع
✍الشاعر رعد الجريخي

نعي
السيده زينب بعد رجوعها للمدينه
تدخل البيت زوجها عبدلله ابن جعفر


اجـيـتـك ولـِد مـاعـنـدي وَلَـه اخـوان

بـاب الـبـيـت سِـده وغـلـگ الــديـوان

يـبـن عـمـي مـصـيـبـه اتـهـز الاكـوان

ألكم تنسبي ابـتـالي الـوكـت نـسـوان

وعـلــه نـوگ الـهـزايــل فَـرّن اوطـان

عگب شيخ العشيره الچـان سـلـطـان

انـسـوّي البـيـت هـذا بـيـت الاحـزان

يعبدلله الـبَـچـي وكته الـبَـچـي حـان

گـلـب زيــنـب تـخـبــرك بـيـه نـيــران

وفوگ المتن سوط الـشـمـر نـيـشـان

                *-----------------------*-------------------*

خادم زينب ع
✍الشاعر رعد الجريخي

السيده زينب تخاطب امير المؤمنين ع

الأرض لـمــن ركـضـنــه.. مايت انه
عشيره ومــوش واحـد.. مايت انه
يحـيـدر ويــن بـالـطـف.. مايت انه 

خـبـر عـنـدك تـرسـنـه الـغـاضـريــه

                                        *---------------*---------------*

✍خادم زينب (ع)
الشاعر رعد الجريخي

نعي
رجوع السيده زينب الى كربلاء


هـاليـوم اجـيـتـك جـبـت الـعـيـال
حــال الـسـبـايــه وحــال يـاحــال
يـمــك لــفـيـنــه بــدمــع هَــمـّـال
وذبـاح اهــلــنــه الـصــار جـمّــال


اگــعــد يـخـويـه ونــزّل اخــتـك
عـبـاس ذخــري ألــي ذخـرتـــك
حَــن الــگــلـب والــيـوم ردتــك
بـلـچـن عَـلّـي تـلـحـك فـزعـتـك


يــمـك ردت اشـكـي الـهـضـايــم
بـدمـوع اجـيـت وگـلـب هــايـم
تـبـقـه اشـعـجـب عـبـاس نـايـم
وسـوط الـشـمـر خـلــه عـلايــم


خويـه المصيبه الهدت الـحـيـل
وخـلت ابروحي النوح والـويـل
اعثـر واطيح بسوطت الـخـيـل
ماچـن ابـوي اليحمي ألـدخـيـل

                    *---------------------*-----------------*

✍خادم السيده زينب ع
الشاعر رعد الجريخي

(ياموتي)

     ياموتي مـحـد إلـي  ...  خـلـيـنـي أرد الهلي
     أخـذ الأمانـه بعجل  ...  مـن أوصل الكافلي

                       *---------------*--------------*

            خـلـيـنـي اوصـل كـربله خليني
            أنـه العـقـيـلـه التعبتني اسنيني
            يـامـوتـي بـديـار الغـرب تدريني
            تـجـري المدامع والزمـن سابيني

  خلصت حياتي بحزن   ...   خـلـيـنـي يـمـه أندفن

                     بلكت يصد محملي

                       *---------------*--------------*

           مجروحه عيني بدمعتي المذروفه
           شـاب الـگـلـب للرخصالـي اچفوفه
           خـلـيـتـه والـحـادي حـده للـكـوفـه
            غـصـبـا عـلـيـه أميسره ومچتوفه

     هـذا العـلـيـه أنكتب   ...   للغالي عفت العـتـب

                       يمه الحزن ينجلي

                       *---------------*--------------*

            أسـرنـي دهـــري وكـافـلـي خـلـيـتـه
            الـمـوت بـجـواره بطيحته اتمـنـيـتـه
            عـافـانـي والـسـوگ بـدمـع طـبـيـتـه
            راسـه بـرمـح وتـفـاخـريـت بـصـيـته

     حامي الخدر والضعن   ...   عـذبـنـي عگبه الزمـن

                         نوح الگلب يعتلي

                       *---------------*--------------*

            أتـمـنـه أشـوفـه ودمعتي أبـديـهـه
            هـيـچـي الكـفـالـه بغيبته تـالـيـهـه
            الـنـاگـه هـزلــه والـشـمـر يحديـهـه
            وانـه الـعـقـيـلـه مـدلـلــه يـدريـهـه

    بمتوني باقي الجرح   ...   يـومـيـه ذبحه أنذبح

                      يدفني أريد الولي

                       *---------------*--------------*

            الـفـرگـه صـعـبـه وذكـريـات ابـالـي
            مـشـتـاگـه اشـوفـن هيبتي والغالي
            يـحـلالـي يامـوتـي الـدفـن يحلالي
            بــصــف أخــوي الـسـاكـن بــدلالــي

   عـذبـنـي حيل الغرب   ...   شاب الجفن  والگلب

                      مايرضه عيني اتهلي

                       *---------------*--------------*

            فـارگـنـي تـدريـنـي وإلـه مـشـتـاگـه
            حـامـي الـظـعـيـنـه العـذباني افراگه
            أصـبـرلـي خـلـي بـكـربـلـه نـتـلاگـــه
            ويـبـرد حـنـيـنـي وحـسرتي الحراگه

        أيـام ألـيـه انـتـظـر   ...   بـصـفـه أريـدن گبر

                        يعرف ربيبت علي

                       *---------------*--------------*

✍ خادم زينب ع
الشاعر رعد الجريخي

.      واويـلاه     داره خـلــيـــه
       واويـلاه     سـيد الـبــريـه
       واويـلاه     هــاي الـرزيّــه

                                     *---------------*---------------*

اللـيلـه الـكـون مـظـلـم كـلـه بـغـيـابـه
نـبـي الرحمه الـوكـف جبريل بـعـتـابـه
دمــوع العين لـجـلـه بحسره سـجـابـه
بـوداعـه الـحـزن لـيـنـه انـفــتـح بـابـه  

      لـلـمـخـتـار     نـنـصـب عـزيـه

                                     *---------------*---------------*

خـلـه بـكـل گـلـب نـيـرانـه والجـمـره
الـلـه ايعين گـلـبـچ فـاطـمـه الـزهـره
كـسـر المصطفى يصعب بـعـد جـبـره
تـرك بـيـنه الـدمـوع الجاريـه وعَـبـره

       مـانـنـسـاه     حـد الـمـنـيـه

                                     *---------------*---------------*

الـهـادي الـچـان نوره مـنـوّر الـسـبـعـه
رحـل والـدار ضـلـت تـلـطــم وتـنـعــه
انفجعت كلهه بـمـصابـه وتـهـل دمـعـه
ونـظـام الـكون هاليله اختلف وضـعـه

      يـامـعـبـود       صـبـر الـزچـيـه

                                     *---------------*---------------*

على الـعـتـره الصحابـه اتـأمـروا بعـده
ركـضـوا لـلـسـقـيـفـه ومـاوفـوا وعـده
بس حـيـدر عـلينـه الـوسـّده بـالـحـده
وتسيل ادموعه حسره وحفـرت بخده

     بـالـدمـعـات      حامـي الـحـمـيه

                                     *---------------*---------------*

عـافـوا نـور ربـنـه وعـاشـوا بـظـلـمـه
الگالـوا صـحـابـه اهـل الـجـهـل هُـمـه
بجـهلهـم مـارعـوا عـتـرت نـبـي الأمـه
حـيـدر ينچتف هظمـه وشـنـو جـرمـه

     يـالأصـحـاب     ويـن الـوصـيـه

                                     *---------------*---------------*

مـنـهـم راح يـشـكـي المصطفى الـربـه
كظم غيضه وأذيتـه بمضامره وگـلـبـه
أنـحرفـو عـن طريـقـه وخـالـفـو دربـه
ذولـه أعـداء كـلـهـم ما اظـن صـحـبـه

      مـايـدرون     عـدنـه قـضـيـه

                                     *---------------*---------------*

✍خادم الرسول الأكرم
الشاعر رعـد الجـريـخـي