نعي
السيده الزهراء اتخاطب دار المصطفى


يـادار الـوحـي وين الـوحـي صار
اوّويـن الـصـورتـه بالعـين تـذكـار
ظـلـت دمـــعــتّــي يـا دار مــدرار
راح الـچـان وجـهـه اليزهـر انـوار


فـارگـتـي الرسـول وگـرت الـعـيـن
يــا دار الـوحــي بـيـمـن تـزهـريـن
اصـدلّـچ مـوحـشـه ومكدرچ البين
عگـب راعي الرساله الـثـبـت الدين


يـالـبـابــچ گـبـل لـلـنـاس مــفــتـوح
والمحـتـاج مـنـه بـحـاجـتـه ايـروح
سـلـوتـنــه يــدار الـهـادي بـالــنــوح
وعگب المصطفى عاشـرنـه الجروح

                                         *---------------*---------------*

✍ خادم رسول الله
الشاعر رعد الجريخي

.  تـمـشـي اشلـون      يالمصطفى
   يـنـعــه الــكــون      يالمصطفى

                                       *---------------*---------------*

أيـات الـكـتـاب الـلـيـلـه مـفـجـوعـه
وجـبـرائـيـل نـاح وهـلـت ادمـوعــه
أملاك الـعـرش يالـهـادي مـجـمـوعـه
واويــلاه صـاحـت فـاطـمـه بـلـوعـه

                                       *---------------*---------------*

حزنـانـه الـشـداد الـسبـعـه حزنـانـه
وتـنـوح الـبـريــه اعـلـيـك مـولانــه
الـديـن بـروحـتـك تـتـهـدم اركــانـه
لـولاك الــوحــي مــايــتـلــه قـرانــه

                                       *---------------*---------------*

دمـعـتـنـه تـظـل لـلـمــوت هـمـالـه
وحـالـتـنـه يـبـو الـزهـراء يـاحـالـه
ياعيد الـيـجـينـه وغـايـب اهـلالـه
نـبـيـنـه ابـغيـبـتك الـونّـه تـتـعـالـه

                                       *---------------*---------------*

مصابـك مارحمنه وغـيّب الفـرحـه
اشعظمه عـليـنـه وشـكـبـر جـرحـه
اجـروحه النواظر سيدي اتشـرحـه
مـايـبـرح حـزنّــه والــدمــع ربـحـه

                                       *---------------*---------------*

ظـلـت بضعتك بالحسـره مـحـتـاره
والـكـــرار لـهـبـت بـالـگــلــب نــاره
يصدلك والدموع ابـعيـنه تـتـجـاره
يهـاديـنـه الصمـيده تـعـرف اخبـاره

                                       *---------------*---------------*

انكشفت دسايس صحبـتـك كـلـهـه
الـعِـجـل والسـامــري يـاطـه ردلـهـه
بـعـدهـه اجـنـازتـك كـرار شـايـلـهـه
وراحوا للسقيفه وگـعـدو ابـضـلـهـه

                                       *---------------*---------------*

✍خـادم الرسول الأكرم
الشاعر رعد الجريخي

(نعي)
السيده الزهراء اتخاطب أبها رسول الله


يـابــوي هـالـفـرگــه ثـگـيـلـه

وماينـحـمـل مـثـلـك رحـيـلـه

احــزان والـغَـيـبـه طـويـلــه

جـفـني خـلـيـتـه ابـمـسـيـلـه

وگـلـبـي اضـمـدنـه بـعَـويـلـه

بـفـراگـك الـبـضـعـه نـحيـلـه

ومـصـابـك اتحِملـه أوتـشيلـه

بس الصـمـيـده الاشـتـكيـلـه

والـمـرتـضـى مهـدوم حـيلـه

وصـار ألـنـهــار بـلـون لـيـلـه

                         *-----------------*-----------------*

خادم الرسول  الأكرم
✍الشاعر رعد الجريخي

( أوّل رزية)


اوّل رزيـه الـشاهـده  **  عـن الصحابه الـحـاقـده

        رزية الخميس     **     رزية الخميس

*--------------------*--------------------*

اوّل رزيــه الـشـاهـده عـلـيـهـم
منعَوا يوصّي المصطفى نبيهـم
اهـل الجهـالـه المارقه وَعيـهـم
ماينـعـقـل لهل العـقـل حچيهـم

تـبقـى العقول الجـاهلـه  **  هـذا الأثـم تـتـحـمـلـه

*--------------------*----------------*

عـافـوا كلامـه وبـانـت الـخـيـانـه
ماقـبـلـوا الـخـلّا وصي ابـمـكـانـه
نفس الصحابـه الـخـانـت الأمـانـه
هـذا الـحـقـد مايـنـوصـف بـيـانـه

أحچي واسولف عالجره   **  ليش الحقيقه امدَثّره

*---------------------*----------------*

گـالـوا مـحـمـد يَـهـجـر بـكَـلامـه
رفـضـوا عـلـي يـتـسَيّـد الإمـامـه
بـيّـن حقـدهـم ونـكـشـف لـثـامـه
وسـدّد حچيهم لـلـنـبـي سـهـامـه

تلعنهم املاك السمه   **  وشنهي الجنوا بالخاتمه

*--------------------*----------------*

اشلون أسمّي الخـانـوا ابصحـابـه
ونـقـلبـوا ابـمـوت النبـي وغـيّـابـه
الـحــرّفـوا نـهـجِ الـوحـي وكـتـابـه
كالواحد انفضحه ويَجب حـسـابـه

عوف الرضه والمارضه **  التاريخه اسود ترّفضه

*-----------------------*------------------*

هـذا الحچيته وسـولـفـت قـلـيـلـه
مُـره الـسـوالـف يـاتـره وطـويـلــه
اجـاسـروا عالمصطفى بــرحـيـلــه
كسروا ضـلـع من بضعته الـجليلـه

خلوا جفنهه ابمدمعه   **  محزونه عاشت فاجعـه

*------------------*-----------------*

خـصـمِ الكـلام الـمُـنـتـهـه اگـولـه
خـانـوا نبيهـم صحـبتـه بـسهـولـه
مابـيـهـم اليحمل صـدگ رجـولــه
بـاعـوا ذممهـم والـمُـلـك سـعـولـه

الخان الرسول انحاسبّه  **  وهـذا الخلاف ألسَببّه

*----------------------*---------------*

✍خادم رسول لله
الشاعر رعد الجريخي

لسان حال الزهراء بعد فقد رسول لله


عـلـى بـابـي لـيـالـي الـسـود.. وچان
وبــعــد مـــا تـبـرد الـنـيـران.. وچان
مـشــه عـنـي عــزيــز الـروح.. وچان

أبــوي وخــيــمــتـي وفــيــاي الـيــه

                                       *---------------*---------------*

✍خادم رسول لله ع
الشاعر رعد الجريخي

نعي
مفجع الزهراء بعد فقد ابيها رسول لله


بـاچــر اضـل عـگـبـك يـتـيـمـه
وانـتـه الـجـنـت يابوي خـيـمـه

ادري الـزمـان ايـجـور ظـيـمــه
واحمـل يبو القاسـم هـظـيـمـه

ايصـير الجفن بجـفـاك غـيـمـه
يـجـري الـدمـع والـنـوح اديمـه

شنسه يبـو اخـلاق الـعـظيـمـه
امصيبه العَلي عظمه وجَسيمه

مـأتــم ألـك انـصـب وأقـيـمـه
ولـو مارضوا اسـكـن الـهـيـمـه

                   *--------------------*------------------*

✍خادم رسول لله
الشاعر رعد الجريخي

نعي مفجع


بـويـه اعـلـه شـوفـك عـودتـنـي
راح الــحـنـان وبَــعـــد شـتـنـي
فـجـئـه يـبـو القـاسـم عـفـتـنـي
وَجـيّـت حـقـد گومـك اجـتـنـي


بـويــه بـدونـك بــعـــد شـلـي
وتــعــذبــت مـــن دون حـلـي
خـيـمــه چـنـت وفـاي ضـلـي
هـلــي دمــع يـاعـيـن هــلــي


بـويـه بـغيابـك حـرت بـأمـري
ألـمـن يـبويـه ايـطـول عـمـري
مـنـك حـرمـني ابسـاع دهـري
وتـدري الـعـليـه ايصيـر تـدري

                      *-------------------*-----------------*

خادم رسول الله
✍الشاعر رعد الجريخي

(موشح)

ابـتـدت بـنـت الـرسـول احـزانـهـه
فاطمه الـلـيـلـه الـدمـع سـلـوانـهـه

                          *------------------*----------------* 

ابـتـدت رحـلـت عـذاب الـفـاطـمـه
وحـزنـت ويـاهـه ملائكتي السـمـه
صـارت الـدنـيـا عـلـيـهـه مـظـلـمـه

اواسـت الزهـره انـسـهـه اوجـانهـه

*--------------------*------------------*

اشلون تصبـر والـجـرح تـتـحـمـلـه
وضـلـت بحسرات هـمـهـه مـعـولـه
مايهون امصـابـهـه بـسـيـدِ الـمـلـه

ونـاحـت ابـفـگـده جميع اكـوانـهـه

*-------------------*-----------------*

ياوصف حال الـزچـيـه ايـوصـفـه
مـاتـشـاهـد بـعـد نـور المصـطـفى
الـسـهــر والـنـوح لـلـزهـره صـفـه

وتمسح ابـسيـل الـدمـع بـردانـهـه

*--------------------*---------------*

انكسرت الليله بـكـسـر شـيـجـبـرّه
والـدمـع بـعـيـونـهـه فـاض وَجـره
اتـنوح بمصاب الـرسـول وحـايـرّه

وبـاچر ايصير الـحـزن عـنـوانـهـه

*--------------------*----------------*

تعرف اتشوف المأسـي ابـغـيـبـتـه
فـاطـمـه ابـدونـه الـعـمـر مـارادتـه
ايـعـيـنـهـه الله للمصاب الـشـالـتـه

فـاطـمـه يـاهـو الاجـاهـه وعانـهـه

*-------------------*---------------*

✍خادم رسول الله
الشاعر رعد الجريخي

وياج ياأم الحسن سجاد الساري مؤسسة السبط المجتبى (ع)- البصرة جامع ال...
https://youtube.com/watch?v=cmkMkwJy4XU&feature=shared

ياصاحب الزمان
((الله يعظم اجر))


الـلـه يـعَـظـم اجـرك   **  هالـليـلـه لازم ظهـرك
اتهل المدامع معذور   **  يالـدافـن بچفـك نـور


*-------------------*--------------*

مولاي يبن العسكري بمصابك الـلـه ايعينك
مايخلص وياك الحزن والدمعه تترس عينك
تحمل مأسي ألوَحَدك وبغربه كلهـه اسنينك
انجمعن الـلـيلـه سوه جرحِ الأبـو وحسينك

بالعَبره يخلص عمرك

*------------------------*-----------------*

بالدمعه دافـن وآلـدك صـعـبـه وغريب ابدارك
خليني ويـاك انـفـجـع وخلـي الـحـزن نتشارك
رحـلـت عـذابـاتـك بـدت مولاي احـس ابنارك
يالعايش ابروحك جرح مگطوعه ليش اخبارك

حيره اشأوصّف صبرك

*-------------------*-----------------*

اشـلـون اوصّـف حـالـتـك يلباقي دوم ابالي
وآ سـاك يـاهـو ابدمعته لـمـن دفـنـت الغالي
سكتـه بچيت الـوَحَـدك لوضل ونينـك عالي
ماينگطـع نـوحـك ابـد وهذا الـحـزن للتالي

ياهو اليّحس ابأمر

*--------------------*----------------*

ألـوادم تعظمّله الاجـر الـيـفـگـد عـزيـز ابيته
مختلفه عنهم حـالتك الـغـربـه خـنـگـت ريته
مـحـد اجـاك وگـابلـك واصعب وضـع حمليته
العسكري اسنينه كضت وانته انكضت عافيته

غير الدمع شيجِبرك

*----------------------*-------------------*

بعيونك اشـخـلـه الحزن تنزف دمـه معذوره
وَجـه الـحـسـن يـاسيـدي الليلـه دافـن نوره
امصابـه يمكن ذكـرّك سبـط النبي وعاشوره
مولاي احَسّن دمعتك والعَبـره بيهه احروره

كل الوجود ايعذرك

*------------------------*-------------------*

✍خادم الحسين ع
الشاعر رعد الجريخي

نعي مفجع



الـلـه ايـسـاعـدك مـولاي
                   ألـليـلـه احضرت عوَدك
مسموم الـحـسـن شفته
                   اوسالت دمعة اخدودك
ثـارك يـاحـلـيـف الـثـار
                   الـهـسـه ايناطـر الزودك
مـتـى بـتـارك اتـســلــه
                 يمهدي اوتوفي بوعودك


تـدري العسكري ألـلـيلـه
                    بـالـسَــم مَـرّدوا چـبـده
ابـوك ايـلـوج بــا لامــه
                    يـويـلـي وشـدتـه شِـده
اشحالك سيدي ومولاي
                     ودمـعـك مـانشف بعـده
تـطـلـب ثـار يالـغـايـب
                       يـمـتـه ابـسـفـك اتـرده

           *----------------------*----------------------*

✍خادم الحسين ع
الشاعر رعد الجريخي

بحق الامام الحسن العسكري ((ع))

شكبر جرحك يوالينه
                  يعيش بكل زمن بينه

ابـد ما طـاب        ابـد مـا طـاب

*---------------*---------------*

يـبـو الـمـهـدي الـجرح يسعر
ودمـعـنـه  الحـزنك اتـفـجـر
خلص عـمـرك وسـط عسكـر
يـنـور الـلـه  الـچـنت تـزهـر

تعلمنه على الدمعه
               الحزن يا ثامن التسعه

*----------------*----------------*

تـحـزمـنـه ولـبـَسـنـه اسود
الـلـطـم يالوالي مـام يـبـرد
تــره بـيـومـك مــحــرم رد
وعـلـيـنـه  الـنـوح  يتـجـدد

مصابك غيّب البسمه
                    بالعيون انطبع رسمه

*----------------*---------------*

الـعـزاء لجـلـك يضـل دائـم
فـجـعـنـه  بسَمّـك  الـظـالـم
اليظـن ننسى الحـزن واهـم
نـظـل نبچي لبچي الـقـائـم

ابدمع  عينه  نواسيهه
                  وضمايرنه الجرح بيهه

*----------------*----------------*

وحـق الـخـالـق الـبــاري
الـك دمـع الجفـن جـاري
عـلـيـك  و للبقـى عـاري
الحزن بركان ضل ساري

عهد للموت ما يطفه
                الدمع يحلالك انعرفه

*-----------------*-------------------*

ابمدامعنـه  وثـيـاب السـود
نـواسي الـقـائـم  الـمـوعـود
على امصابك نجرّح اخدود
مـجـالسنـه ولطمنه اشـهـود

يِزِيد النوح بالذكرى
                    ونردد بسْمَك بعَبره

*-----------------*-----------------*

جـره اليومـك دمَه المدمـع
ابــد مـا  نـبــرد  ونـجــزع
يوالـي وجـبـدك امـگـطـع
اليلوم اعلينـه خـل يسمـع

العزا دايم بقه عدنه
                   وخلَد حزنك يسيدنه

*-----------------*----------------*

✍ خادم الحسين ع
      الشاعر رعد الچريخي

الى الأمام الحسن العسكري ع
(موشح)


الـيـوم سـامـره مضلمـه بـغـيـبـتـه
الأمــام الـحـسـن سَـمّـوا چـبـدتــه

*----------------------*-----------------*

الذنب شنهي وتـسـمـه الـحـاقـده
ايلـوج بمصابه يـويـلـي ألـوحـده
اشـحـال مهدينه بأديـه ايـوسّـده

اشلون اوصّفهـه تـحـيّـر حـالـتـه

*------------------*-------------------*

الـيـوم سـامـره بحزنهه امـگـدّره
والامام المهدي روحـه امـوجـره
هالمصاب الصـار ظـهـره كـاسـرّه

الوالـده المسموم هلـت دمـعـتـه

*---------------------*----------------*

امـتـدت اچفوف اللَعِينَه آلأثـمـه
وبفعلهـم بَـچَـو اعـيـون الـسـمـه
سمموا چـبـد الحسـن يـافاطمـه

وبالحزن والنوح فجعوا شيعتـه

*---------------------*----------------*

فجعت الجن والانس هالفاجعه
العسكري اليوم بحزنهه اتشيعه
والامـام الـمـنـتـظــر مـن وَدّعـه

نـزلـت الأمـلاك نَعـشـه شـالـتــه

*---------------------*----------------*

يـاشـرع يـاديـن سـمــه حـلـلـه
جـدد اعـلـينـه مصايب كـربـلـه
رخصت الدمعات لجله وهاملّـه

اتعيش ويانـه تـضـل امصيبتـه

*--------------------*-----------------*

✍خادم الحسين ع
الشاعر رعد الجريخي

((أين الطالب بثأر العسكري))


.      طـال الـصــبــر طـال الــزمـن
       يـمـتـه الـفـرج يـبـن الـحسـن

          مـسمـوم أبـوك الـليـلـه
          أرض وسمـه تـبـچـيـلـه

                                    *---------------*---------------*

الليله مسمـوم الـحســن حُـجت زمـانـه
أجـاسـرو أهـل الـحـقـد وأهـل الخـيانـه
فـرحـت اگـلـوب العـده واحنـه بـعـزانـه
يــمـتـه تــظـهـر سـيـدي وتــرفـع لـوانـه

       بـسـم وقتل خـلـصـوا هـلـك
       غـيـر الـدمـوع أشـضــل ألـك

          صـعـبـه الـعزيز أتـشيله

                                    *---------------*---------------*

ودّعـت بـيـهـه الأبــو هــاي الــمـسـيــه
ومـحـد ٱويـاك الـبـچـه بـدمـعـه جـريـه
صاحب الـثـار وتـظـل صـاحـب قـضيـه
بـسـيـفـك ٱتــذل الـعـده يـبـن الـزچـيـه

       انـشـم عـطـرك بـعـطـر الـورد
       ثـــار الأبــــو بــــيـــدك يـــرد

          الـلـيلـه الحسن تغسيله

                                    *---------------*---------------*

والـدك چـبـده انـمـرد وانـتــه تــنـظـره
گـلبـك أشـكبره يمهدي وبـاقـي صـبـره
صـعـبـه وسـنـين أنتـظـارك كـلهـه مـره
يـجرح الماضـي جـفـونـك مـن تـذكـره

       كـســرك فــلا مــثــلــه كـسـر
       بـكـل ذكره مـسـمـوم ويـسـر

          المثلك تره ٱشنحچـيلـه

                                    *---------------*---------------*

اعـرف اجـروحـك دمـه تـنـزف بـعدهـه
سيـدي صـعـبـه المصايـب مـن أعـدهـه
أشـكم مصيبه أشـكم رزيـه شاهـدتـهـه
فـرحه مـاكـو بـس دمـوعـك عاشرتـهـه

       بـكـل ذكـره مـجـلس ينـصب
       جـبـت العـمـر جفـنك يـصـب

          بــيـده الــدفــن خليلـه

                                    *---------------*---------------*

بـغـيـبـتك بـس الـدمـع عنـدك وســيلـه
نـدري شخصـك بـالحـزن ذايب دلـيـلـه
الـلـيلـه نـعـش الـعسكري أنـتـه تـشيلـه
يـاهــو ويـاك ارتـفـع صـوتــه وعـويـلـه

       بـچبـده أنـگطـع عنـدك عـلـم
       الـيــدفــن ابــو يـدفـن حـلـم

          الـسـمّـه بحقـد يــويـلـه

                                    *---------------*---------------*

تــاخــذ بــثــاره يـمـهـدي گـلـي يـمـتــه
تـدري مـسـمـوم الـحـسـن لـمـن دفنـتـه
يـمـتـه تـگـطـع چـف الـمّگـطـع چـبـدتـه
نـنـتـظـر سـاعــة ظـهـورك تـعـلـن انـتـه

       ادري الــدِفــن بـيـده مـحـب
       يگـضـي العـمـر نـوح ونَحِـب

          يــبـقـه الــدمـع وسـيله

                                    *---------------*---------------*

✍خادم الامام العسكري ع
الـشـاعـر رعـد الـجـريـخـي

(يالمهدي ينتظرك)


يالمهدي ينتظرك - باب البقه محــروگ
يالمهدي ينتظرك - ثار المشت عالنوگ

مولاي الك ثارين    -   انهض ينور العين

*                            *                      *

انهض وعجّل يمهدي بذو الفقـارك
و طفي نيران الزجية واخذ ثـارك
محسن بكل يوم يدعي وبنتظارك
رايد بثار الضلع يسمع شعــــارك

بدمومه متغَسّل  -  محسن بدون اسباب
بدمومه متغَسّل  -  شـــاهد بقاله البــاب

             يشبه رضيع حسين

*                            *                      *

فاطمة اتشيّعت ضحيه أبْلا حبايب
شافت الظالم إجاهه وناره جايب
گلي شيجبره ضلعهه وانته غايب
أحَچي يالمهدي وأبَيّن يا مصايب

خايف يجرحنك  -  كلهن ألم صعبات
خايف يجرحنك  -  عَجّل على الثارات

              تطلب عدوك دين

*                            *                      *

رغدت عيون الاعادي وانته تنطر
للسِطر خد الزچيـــه يمته تسطــر
غيمة اعيونك بعدهه لهسه تمطـر
سيدي الصُم الصخر حزنك يفطّـر

بعيونك اتشاهد  -   يوميــــه حرك الدار
بعيونك اتشاهد  -  خيمه بوسطهه النار

              للغيبه صار اسنين

*                            *                      *

عمّتك زينب سبوهــــه وبيهـــه تدري
راح اذكرك بالعقيله وارجـــــو عذري
ساعةْ الركضت تصيّح خدري خـدري
والشمر ورّم متنهه ودمهــــه يجــري

أعذرني أذيتك  -  بــس الدمع مسمـوح
أعذرني أذيتك  -  وادري الگلب مجروح

             تحمل جرح جرحين

*                            *                      *

اعتذر يبن الحسن كلش جرحتـــك
وانته تأذيك المآسـي البيهـه عَمتك
ادري يوميه السبي يرخص دمعتك
وادري مثلي مناطر لساعـة طلعتك

تتنطر الساعه  -   بيهه الجروح اطيب
تتنطر الساعه  -   ثـــارك بديك اتجيب

              رجّع حرب صفين

*                            *                      *

شكد مصايب زيّدن روحك حزنهـه
تدري بالزهره وتشاهد حال ابنهــه
وزينب اسياط العده جرحت متنهـه
صعبه ثاراتك يغايب شحچي عنهه

زينب يسلبوهه  -  وسفه وتطب ديوان
زينب يسلبوهه  -  يبـن الحسن عدوان
          
              ندعي بدمع باقين

*                            *                      *

✍ خادم الحسين ع
     الشاعر رعد الجريخي

يازهراء


الـمـصــايـب لـلـمـصـايـب عَـلّـي.. صحبـان
وعـلـى وجـهـي الحـزن والضيم.. صح بان
الـچـانــــوا لـلـنـبـي الـمـخـتــار .. صحـبان

أجــونــي وبـالـحـطـب هـجـمــوا عــلــيــه

                           *----------------*------------------*

✍خـادم الـزهـراء ع
الشاعر رعد الجريخي

(بضعة رسول لله)

بـيـن الـدمـع والأه  **  بـضـعـة رسـول لله

وآويـلـي عالزهراء  **  وآويـلـي عالزهراء

*---------------------*-----------------*

ابجاري المدامع والـحزن ضـلـت عـلـيـلـه
خافت يصدهه المرتضى وتجرح دلـيـلـه
أتـحـمّـلـت ام الـنـبـي ضـيــم بـرحـيـلــه
ماچنهه بنت اثمنطعش صـارت نـحـيـلـه

تـذكـر هجوم الگوم  **  ام الحسن كل يوم
         حـمـلت جـرح وهـمـوم

*------------------------*--------------------*

بـعـمـر الورد وتـحمّلـت كـسـرت ضلـعـهـه
اولو شافـت الكرار اجـه تـمـسـح دمـعـهـه
فـجئـه الـزچيـه فاطمه اتـغـيّـر وضـعـهـه
شوّفّهه كسريـن الـزمـن گـوه وفـجـعـهـه

كسر النبي المختار **  وكسر الضلع بالدار
               من لوعت البسمار

*----------------------*-------------------*

ما جامـل وانسه الجره بضلـع الـوديـعـه
هشموا صـدرهـه ابيا ذنب وبـيـا ذريـعـه
گرّب اجـلـهـه والـعـمـر بـعـده بـربـيـعـه
صارت ضحيه فاطمة الزهره الشـفـيعـه

ماتت أثر بالعين  **  أم الحسن وحسين
          تحمل جرح جرحين

*--------------------------*------------------*

زمرت عـصـابـه اجاهلوا قـدرِ الـزچـيـه
أول فعلهم بالـحـقـد مـحسـن ضـحـيـه
الـخـانـوا الهادي بـعَـجـل واذّو وصـيـه
ماگـولـن اصـحـاب النبي بَل ناصـبـيـه

خل البعض يحچون ** اصحاب النبي ايگولون
             اجرن دمه يعيون

*-----------------------*--------------------*

الگالوا صحابه ما اضن بـيـهـم صـحـابـه
الكسرو اضـلـوع الـطـهـر اكـبـر عـصـابـه
الـحـرگـوا الدار الـوصـي وزادو مـصـابـه
والـكـرر الـكـلمـت وأن واضـح خـطـابـه

اليحمل فكر تكفير ** ماضن صحابي ايصير
              ألمن وجهه ادير

*-----------------------*---------------------*

✍خادم الزهراء (ع)
الشاعر رعد الجريخي

💐مبارك لكم مولد رسول لله💐

اليوم فرحانه ملائكتِ السمه   
                    نَوّر الاكوان والد فاطمه

          محمد         محمد
                  يانبينه  

*----------------------*--------------------*
شعت انـواره على المعموره    نبينه
ابمولده جن وانس مسروره   نبينه
بوصفه يعجز هالشعر وبحوره نبينه
يبقى ميزان  العـدل دستوره   نبينه

        ألولاده           الولاده
                 مانسينه

*-----------------------*--------------------*

فـرحـت الأملاك كـلـهـه اتنادي  محمد
الـيـوم يحلـه هالـفـرح للهادي  محمد
فرحه عَمت كل سهل كل وادي  محمد
للمكارم شخصه الصار الحادي  محمد

          محبتك            محبتك
                 تسري بينه

*-----------------------*-----------------*


الموالي الـيـوم بيهه اتباهه   صلاته
عل نـبـي وال النبي علاهه  صلاته
بأسم هادينه تضل محلاهه  صلاته
ربـي اقبلهه كـرامـه الـطــٰه  صلاته

        عظيمه          عظيمه
                هالسفينه

*------------------*------------------*

خادم رسول الله
✍الشاعر رعد الجريخي