🕯ازهيري🕯

بـايـعـت سـيـد البـشـر مـن الـزغـر.. بيعه الــي
عَليّت صـوتي بفخر وأسمه ارتـفـع.. بــي علي
مـفـروض كـلـه الشـعـر وي الـنـبـي.. بــي علي

حـادي المـشـاعر حـده بـيـه ارتجل.. وحــــده
والتـمـن اجـمـل صـور وحـده بـأثـر.. وحــــده
مـايـرضـه طـه النـبـي من يـنـذكـر .. وحــــده

هـاك اسـمـع الـمـايـلـي والـمـارضــه.. خـــــلـــه
مـاحـسـبـه عـاقـل أبد بـيـه اعـتـقـد.. خــــلـــه
يـسـتانس المـصـطـفـى من يـنذكـر .. خــــلـــه

بـكـل الـفـضـائـل سـوه مـايـوم عـنـه.. بـــعــد
عـديت فـضل الوصي بس ماحصيته.. بـــعــد
ادريـك عـنـدك عـلـم بـس راح ازيـدك.. بـــعــد

وأرجع واگولن أنـه شـيـعـي وتـظـل.. بيعه لي

                                *---------------*---------------*

✍ خادم آل محمد
     الشاعر رعد الجريخي

((ابو ذيه بحق الرسول ص))

يـمـن اطـهـر رحـم بـالـكـون.. رحمه
ويمن إلـهـم عـظـيـم الـجـاه.. رحمه
ويمن ربـنـه أرسلك لـلـنـاس.. رحمه

وزلــت بـسـمـك ظـلام الـجـاهـلـيـه

                                        *---------------*---------------*

      الشاعر رعد الجريخي

(يازهراء)


.    .   يــمــــه     مـاتـت احـــلام الــعـمـر
         يــمــــه     وآنـــه بالـبـيت انـتـظــر
         يــمــــه     بـغيبـتـچ اصـعب كـســر

   شـفـتـه بـحـيـاتـي          شـفـتـه بـحـيـاتـي

                                 *---------------*---------------*

چـنـتي رحـمـه    چـنـتـي نـعـمـه    وأحـلـه سـلـوى
وحـشــه لـيلـي    وخاوي حـيلـي    ردي فــــــــدوه
الحجره ظلـمـه    الـدنـيـه ظلـمـه    اشبيهه يـسـوه
آنــــــه زيــنــب    گـلـبــي شـيّـب    يـــمـــه تـــووه

         وحـدي     ودمعت عيونــي تصـب
         وحـدي     آنــــه مـكـسـورت گـلـب
         وحـدي     يـمـه ومـصـابـچ صـعـب

                                 *---------------*---------------*

أغـفـه واگـعــد    عــنــچ أنــشــد    يـــمــه يـــمـــه
گـمـت أحــسّـن    مــن أفـــــــزّن    كـلشـي ظـلـمـه
اشكـد مصايب    عـمـري ذايـــب    هـايــه هـظـمـه
الـدنـيـه ضــده    الـيـبقـه وحـده    مــــن يـرحـمـه

         بــيّــــه     حسره ودمـوعـي تـكـت
         بــيّــــه     تـلـهـب الـنـار وحـــــرت
         بــيّــــه     تــــارك اجــروح الـوكـت

                                 *---------------*---------------*

صـرتـي ذكـرى    وگـلبـي جـمره    صـعـبـه يـطفه
دمعـي يـجـري    وهــذا كـسـري    شـلـون اوصفه
الشيلـه اشـمهه    وابـچي يمـهـه    وعـيـنـي تغفـه
خــيّــم الــهــم    ربــــي يــعـلـم    وارجو عـطـفـه

         صـعـبه     يـاخـذچ مـنـي الاجــــل
         صـعـبه     بـروحـي مـذبوح الامــل
         صـعبـه     الما اضـن صـار وحـصـل

                                 *---------------*---------------*

راح اضــــــلـن    وحـدي احـنـن    واجـري عـبـره
بـسـمـچ اهـتف    گـلـبـي يـنـزف    بـيش اصـبـره
أبـعـيـده عـنـچ    حـلمـي اشـمچ    والله كــســـره
أبـــــلا نـهـايــه    الـغـيـبـه هـايه    وادري مــــــره

         كـلـهــه     صــــارت اسنيني شـمـع
         كــلـهـه     اهـدومي نگـعهه الـدمـع
         كـلــهـه     عــرفـــت بـهـذا الـوضـع

                                 *---------------*---------------*

التـمشـي عـنـه    الچـنـهـه جـنـة    يحچـي دمـعـه
بـگـلـبـة حـرگة    ايـتـانـي ملگـه    ومـن يـسـمـعـه
حــلـمـه يـذبـل    حـيـلـة يـنحـل    هـــــذا وضـعـه
صعـبـه فـگـدچ    حـگـي بــعـدچ    ابــقـــه انــعــه

         ويـنــچ     يــمـــه رديـلــي بـحـلــم
         ويــنـچ     بـحالـتـي عـنـدچ عــلــم
         ويـنــچ     بـغـيـبـتـچ كـسـر ولـچـم

                                 *---------------*---------------*

والـلـه فـجـعـه    مـاكـــو رجـعـة    بــهـالــــرزيــــة
عـنـي رحــتـي    وبـس دمـعـتي    بـكـل مـسـيـــة
بـغـربـة اشـعـر    الـطولـچ انـطـر    بـلـكـي جـيـــة
هيچـي هجرچ    هيچـي كـسـرچ    ســـــــوه بـيـه

         يـمـتــه     يـنـتـهـي هـــــذا الـحـزن
         يـمــتـه     اتـمـنـه ويــــــاچ انـدفـن
         يــمـتـه     بـمـوتـچ الـعـالــم سـجـن

                                 *---------------*---------------*

✍خـادم الـزهـراء ع
الشاعر رعد الچريخي

#عهد_عهد_يافاطمة



.                      عـهـد عـهـد يـا فــاطـمـه
                       عـهـد عـهـد يـا فــاطـمـه

                          *---------------*---------------*

                    عهد يـالـزهـره إلچ مـنـطـيـنـه
                    كـسـر ضـلـعـچ والله ماناسينه
                    الـيـجـامـل هاذ خـلـه ابـديـنـه
                    بـاچـر انجيبه ابأمـر مـهـديـنـه

                       يجي يجي ايسل صارمه

                          *---------------*---------------*

                    كـلـمـه للمـوت ونظل نحچيهه
                    ابكل صـراحـه مـا نجامل بيهه
                    الـمـجـالـس هــاي مـن نحييهه
                    انعادي كلمن فاطـمـه ايعاديهه

                       قـسـم قـسـم لـلـخـاتـمـه

                          *---------------*---------------*

                    نظل كل عـام اليـجـي وفّـايـه
                    وعد هـذا والـوعـود احـچـايـه
                    خـدمتچ هـيّه الوسيله وغـايـه
                    و بـيـد خـدامـچ تــرف الـرايـه

                       تِرف تِرف بأرض وسـمـه

                          *---------------*---------------*

                    ثـار يالبـضـعـه يـعيـش ويانـه
                    مانـعـوفـه اولا نـعـوف احزانه
                    جـــرح لـلـمـوت بـألـم خـلانـه
                    ايـريد ننسه الأمـنـه الـعـادانـه

                       وحق وحق حامي الحمه

                          *---------------*---------------*

                    نطلب بـكـسـر الضـلـع وابثاره
                    ابـد مـا ننسه الـتـعـنـه ابـنـاره
                    الخله بنت المصطفى محتاره
                    والـدمـوع ابـلا ذنب تـتـجـاره

                       جـرح جـرح يـنـزف دمـه

                          *---------------*---------------*

                    يـبـقـى كـلـه الـنـوح للمظلومه
                    ماتت بـحـسـرة حـزن مهمومه
                    ويلي والسطره بقت مرسـومه
                    الـتـهـل ادمـوعـه ياهـو ايلومه

                       ضـلـع ضـلـع مـتـهـشّـمّـه

                          *---------------*---------------*

✍️خادم فاطمة ع
الشاعر رعد الچريخي

#إخدم_فاطمة



.                إخـدم فـاطـمـه ابـنـيّـه سـلـيمـه
                 واعرف معنى هالخدمه العظيمه

                       رَخِـص دمـعـة العـيـن
                       وٱلـطـم لٱم الحـسـين

                          *---------------*---------------*

               إلبس اثياب الحـزن وانـعـه الـزچـيـه
               وگلهه مولاتي بصدق عـيـنـچ عـلـيـه
               فـاطـمـة اتريد اليـصـفـي اوياهه نيه
               دمـعـة الـخـادم تـرى تـبـقـى الـهـويـه

                 صـدرك وَسّـمـه بـهـاي العـقـيـده
                 اليـخـدمـهـه صدگ فاطم تريده

                       افهم هـالـقـصـد زيـن

                          *---------------*---------------*

               سَجّل اسمك بالعَزه وبنص سجـلـهـه
               ابـدي بـسـم اللـه ودمـوعـك تـهـلـهـه
               صَـفّـي نـيـتـك والبشر لا تـهـتـم ألهه
               خلي امـوت بخدمتچ يالزهره گـلـهـه

                 بـاچـر بـالـحـشـر هـي الشفـيـعـه
                 ردد لـلأبـــد بــإســم الــوديــعــه

                       كلشي امسجل و دين

                          *---------------*---------------*

               اخدم ابنيّة صـدق تـضـمـن رضـاهـه
               شـمـعـه صـيـر وإحتـرگ دوم بعزاهه
               إلعن الجاب الحطب وبـنـاره اجـاهـه
               الكـرر الكـلـمـة و إن يمهه وحـچـاهـه

                 صير ابـدمـعـتـك صاحب قضيه
                 وبـالك تـبـتـعـد عــن الــزچــيــه

                       عـوف الجاه بـعـديـن

                          *---------------*---------------*

               تـرى الخـدمـه رزق حـافـظ عـلـيـهـه
               فـاطمه عيون السمه تبچي لــ بچيهه
               ويَـلـي ياسوط الـنـذل شمسوي بيهه
               جـــارح الـعـيـن واثــر تــارك بـديـهـه

                 قـيـمـلـهـه العزه واعظم قـدِرهه
                 والـعـن لـلـدفـع بـاب وعـصـرهه

                       إلـعـــــن أوّل اثـنـيـن

                          *---------------*---------------*

               اعـقـد آمـالك عـلـيـهـه وحطهه يمهه
               وهيه التجازي التعب كلمـن خدمـهـه
               اشـعـر بـهاي الليالي وعــيـش ألمـهـه
               واعرف الكسروا ضلعهه شكبره همهه

                 مـاتـت فـاطـمـه وبالخد عـلامـه
                 يـشـرح نـوحـك الهاي الـظـلامـه

                       مو بس مـره مـرتـيـن

                          *---------------*---------------*

               الجـفـن للبضعه خَـلـه ايـهـل مسيلـه
               بـعـالـم الـخـدمـه ترى السَفره طويله
               يـثـبـت الأجـلِ الضـلـع دايم عـويـلـه
               الـيـذكـر البـاب ويظل يـلـهـب دلـيلـه

                 ابــقــى بـالـعــهـد حَـد الـنـهـايـه
                 وحَـدد مـوقـفـك بالخدمه هايـه

                       صـيـح وشـيـل چفين

                          *---------------*---------------*

✍️خادم فاطمة ع
الشاعر رعد الچريخي

بحق ام ابيها صاحبة الضلع المكسور


شـفـت ضـيـم واذيــه    عـگـب سـيـد الـبـريــه

            واويـــــلاه ... خـدي انسطر   
            واويـــــلاه ... ضلعي انكسر

               *---------------*---------------*

دنـيـا وبــالــمــحــن تـخـلـص.. مردهه
عـصـرنـي الـبـاب وضـلـوعـي.. مردهه
الـعـصـابـه اتجاسرت واخذت.. مردهه

اكـسـروا ضـلـعـي وأثـر سـوط بـإديــه

               *---------------*---------------*

شـعـل نــار الـفـتـن خـصـمــه.. واثرهه
وطـاح ولــيــدي عــالــغــبــره.. واثرهه
يــريــت يْـشـاهـد الــســطــره.. واثرهه

واخـبـره شـلـون جــازوهــه الـوصــيـه

               *---------------*---------------*

يـــوم الــغــاب ضــي وجــهــك.. وناره
إجــانــي الـظــالــم بــســوطــه.. وناره
دفـعـنـي وهـشّـمـــه الــصــدري.. وناره

طــفــلــي الـهـزّتــه چْـفـوف الـمـنــيــه

               *---------------*---------------*

دهـــري مــشــرّع ســيــوفــه.. وحدهه
وتـچـتّـف حِـيـد خـنـدقــهــه.. وحدهه
آنــــــه فــاطــمــه الــضــلّــت.. وحدهه


أحــشّــمّــن بـــعـــد يـــفـــزع إلـــيـــــه

                  *---------------*---------------*

فِـتـه بـظـلـمـي الـدهـر حكمه.. وشفته
دفـع بــابــي الــرجـس بـيـده.. وشفته
مــحــســن غــابــت انــــواره.. وشفته

مـثـل ورده اذبـلـت غــصــبــاً عــلــيــه

                  *---------------*---------------*

عــلــي الــفـــر الـفـلـك بــيــده.. وداره
وبــس هــو الــعــرف قــــدري.. وداره
بـجـلـوسـه هــشـمـوا صـــدري.. وداره

حــرگــهــه الــمــاعــرف ربــه ونـبـيــه

               *---------------*---------------*

تــسـائــلـنــي غــدت روحــي.. واسلهه
بــعــد بــيــمــن اضــمــدهـــه.. واسلهه
دمــعــتــي مــن ارخــصــهــه.. واسلهه

يـمـنـعـونـي الــصـحـابــه الـنـاصـبـيـــه

               *---------------*---------------*

✍ خادم الحسين ع
     الشاعر رعد الچريخي

#سلم_لمن_سالم_فاطمة


.     سلمًُ لمن سـالـم فـاطمه     حربًُ لمن حارب فاطمه

                         هــــذا ديـنـي لـلأبـد
                         ثابـت بـهـالـمـعـتـقـد

                          *---------------*---------------*

                 سـلـمٌ آنـه لــ فـاطـمـه واضح عَلن
                 مـا اجــامــل لا وحـق ام الـحـسـن
                 ألـعَـن اصـحـاب السقيفه بكل زمن
                 الأسسوا نـهـج الحقـد واهـلِ الفتن

                         عـهـد لـلـزهـره عـهـد

                          *---------------*---------------*

                 رافضي وهالصوت لتظن ينخفض
                 هـذا نـهـجـي وثابت بهذا الـرفـض
                 الـدافـع الـبـاب الـطـهـر لعنه فرض
                 ما اهم كلمن حچه وخل يـعـترض

                         اقـسـم برب الـصـمـد

                          *---------------*---------------*

                 بهالعـقـيـده وهذا صـوت المستهل
                 فاطمي وشيعي لـ عَلي خير العمل
                 بـالـبـرائـه لـ هـالفـعـل ديني اكتمل
                 لـيـش اجـامـل يـاهـو للزهـره قِتَل

                         عنـدي اثـبـات وسَند

                          *---------------*---------------*

                 فـاطـمـه تـقـبـل تـرى هـذا الـمـهـم
                 ادري فـعـلِ افــلان رادوا يـنـكـتـم
                 شلون أسكت والضلـع ظل منهشم
                 وكـل حقيقه اتضيع سكته وتنعدم

                         آنــه مـا اسـكـت أبـد

                          *---------------*---------------*

                 انـصـب بكل يـوم مــأتـم لـلـطـهـر
                 واذكـر الـصـار وجـره وذاك الكسـر
                 الله يـلـعـن كـلـمـن الـسَـن هالـغـدر
                 للحرب بـاب بـحـق شـنـهـي الـعـذر

                         جاهلي و رب ما عبد

                          *---------------*---------------*

✍️خادم فاطمة ع
الشاعر رعد الچريخي

لسان حال امير المؤمين ع
#التركت_بروحي_حزن



.  الـتـركـت بـروحي حـزن     بـعـيـونــي لازم تـنـدفـن
               
                       عـگـبـهـه        أطـبــهــه
              
                       والحجره احسنهه سجن

                          *---------------*---------------*

               بعيوني لازم تندفن شـنـهـي الـتـراب
               فـاطـمـه لـ نـار الـحـزن فتحتلي باب
               صـارت الدنـيـا احس مـثـل الـسـراب
               ابـتـدت رحلت عـذابـي وكلشي غاب

   الـچـانـت بـقـربـي امس     غابت مثل ضي الشمس

                       يجرحني ياليلي اليـجـن

                          *---------------*---------------*

               احمل اشلون الـبُـعـد واحـمـل جروح
               الـچـانـت لـ روحي دوه خلتني انـوح
               وتركت ادموع الـجـفـن بالخد سفوح
               صوره مـرسـومـه بجرح ماظن تروح

   لـ وحـدي والـعَـبـره جمر     لــو طـالـت اسنين العمر

                       تلچمني ذكـراتـي واحـن

                          *---------------*---------------*

               بسمة اسنيني خذتهه وعـمـري ضـاع
               استعجل الموت وخـذاهـه ابـلا وداع
               شمعة اعيـونـي الضواهه ابيتي شاع
               بين انـوحـن واصطبر عـايـش صراع

   إمـحَـدِب لـــ بـيـتـي ارد     الـفـاگـدهـه تشبـه للـورد

                       لـ دمـوعي امسح بالردن

                          *---------------*---------------*

               فجأه وبـروحي انگطع حبلِ الوصال
               احـلـم اتـمـرنـي وَتجي لو بس خيال
               تـنـظـر اشگد بـجـفـاهـه دمعي سـال
               شيّبت راسـي ودلـيـلـي وحالي حال

   خلتني ماشـيل الـظـهـر     فـرگـاهـه تـارسـنـي قهر

                       لــ ونّــتــي زيـنـب تــون

                          *---------------*---------------*

               راحت البـضـعـه الـمـثـل نسمة هواي
               خاطري وگـلـبـي انكسر وٱنهد قـواي
               ظلمه حـسـيـت الفضا وذابـل ضـواي
               مـيـّت بـهـيـئـة عـدل بـالـفـرگـه هـاي

   اتـفـارگـنـه ماظن ننجمع     بـجـفـونـي اثـــار الـدمـع

                       طـعـنـتـني هالفرگه طعن

                          *---------------*---------------*

✍️خادم فاطمة ع
الشاعر رعد الچريخي

(سريعه)


وگفت اعـلـه اعـتـابـچ     خَـــدم وتــدّگ بــابــچ

               يـالــزچـيـه     يـالــزچـيـه

                             *---------------*---------------*

        انـتـي بـاب الله واجـوچ ابـحـاجـه
        الوگـفـتـچ هـاي الـخَـدم مـحتـاجـه
        بـحـر صـرتي والـعَـطـايـه امـواجـه
        أي وَحـق الـلـي سَـــره ابـمـعـراجـه

كـلـهـه اجـت عـنّـايـه      الـهـالـمـجـالـس هايه

                             *---------------*---------------*

        مـاي وجـه الـخـادم اتـحـفـظـيـنـه
        مـا يرد خـالـي ابـعـجـل تـنـطـيـنـه
        الـيـعـوفـچ يـعـنـي عــايــف ديـنـه
        الـمـا يـشـوف الـنـور شِـلـه بـعـينـه

عـيـنـه كون اعمـيـهـه     الـمـا إلـچ يـجـريــهــه

                             *---------------*---------------*

        فـاطمـه وأسـمـچ علينـه الـخـيـمـه
        خدمتچ مـعنه الـشـرف والـشـيـمـه
        يالـزچـيــه وانـتـي مـثــل الـغـيـمـه
        نـدعـي ربــنــه هـالـعـزاء ايـديـمــه

مـن نــقــصّــر زحـمـه     ويّـه بـاب الــــرحـمـه

                             *---------------*---------------*

        ايعوف كلشي ومجلسچ مـيـعـوفـه
        الـخـادم بـصــدره أثـــر لـچـفـوفــه
        هــاي أربـاب الـعَــزه الـمــعــروفـــه
        أجـت دمــعــات الـجـفـن مـذروفـه

بـهـالـعــهــد والـعــاده     الـمحب بـٱسمـچ نـاده

                             *---------------*---------------*

        الـبَـعـد عـنـچ يـا طــريـق ايـفـيـده
        يـاهــو لـلــجــنــه يــجـــر ابـأيــده
        هـالــيـالـي كـون حــرگــه اتـزيــده
        الـمـا يــدگ صــدره أبـــد مـاريــده

يـعـنـي مـيّـت غِـيــره     حَـگـي اصـاحب غَيره

                             *---------------*---------------*

✍خادم الزهراء (ع)
الشاعر رعد الجريخي

.


.               كلشي ظـلـمـه بـعـيـنـي صـار
                كـافـي مَـل گـلـبـي انــتـظــار

           يازهرت اسنيني   حاچيني حاچيني

                              *---------------*---------------*

راســي شَيّب      گـلـبـي يلـهـب      مــن غـيـابـچ
صعبه اشوفه      وصعبه اعوفه      والـلـه بـابــچ
حـزنــي زايـد      وآنــــه رايــــد      بـس جـوابـچ
بعيني دمـعـه      وعـمـري شمعه      بنص عذابـچ

                 كلمه وحده الروحي اريد
                 حـتـى لــو عـنّــي بـعـيـد

         بُـعـدج يـأذّيــنــي     حاچيني حاچيني

                              *---------------*---------------*

مــري بـيـّـه      بـكـل مـسـيــه      نــظــره رايــد
عمري يذبل      حيلي يـنـحـل      حـزنــي زايــد
مـن اكـلـمـچ      ومـا اسمـعـچ      مــو عـــوايــد
شــده شــده      لـيـلـي يـبـده      اشگد شـدايـد

                 لـٰكـن اصـعـب شده هـاي
                 ويــن اشـوفـج يـا هـواي

         يالرسمچ بـعـيـنـي     حاچيني حاچيني

                              *---------------*---------------*

ابـلا نـهـايــه      الـغَيـبـه هـايـه      لـحـد منيتي
اشگد اعانـي      مــن زمــانـــي      ومــا أجيتي
دمعي اهملـه      صـعـبـه اطبلـه      وظلمه بيتي
انـتـي نـــوره      بـعينـي صوره      وبـي بقيتـي

                 هـسـه بـاقـي ابـلايـه نـــور
                 حجره حجره الوحدي ادور

         احَچي وأسمعيني     حاچيني حاچيني

                              *---------------*---------------*

جرحي أروفن      وين اشـوفـن      نظره وحده
صـوتـچ اسمع      وصبري اجمع      بـيـچ اشـده
هـــذا حــالــي      بكـل خـيـالـي      بـاقـي بعده
مـــره  ذِكـــره      ومـره حـسـره      بـيـهـه أبّـده

                 هـذا حـالـي بـهــالــجــروح
                 چـنـتِ احـســچ بـيّــه روح

         بحسراتـي تدريني     حاچيني حاچيني

                              *---------------*---------------*

روحي چنتي      بــس رحلتي      كـلـشـي ظلمه
آنـــه حـيــدر      جرحچ اكـبـر      اشلون اكظمه
المـن احـچي      الفگدچ ابچي      هظمـه هظمه
طـولـي مايـل      دمعي سايـل      ويــن اظـمــه

                 غـربــه أحـس بـكـل زمـان
                 مني رحـتـي ودهـري خان

         هالكـلـمه تحييني     حاچيني حاچيني

                              *---------------*---------------*

✍خادم الزهراء (ع)
الشاعر رعد الجريخي

#ابتدت_رحلة_عذابي



.     ابـتـدت رحـلـة عـذابـچ     مــن الأن ابـمــصــابــچ

                        وصيتي الـيـوم اصبري
                        عـلـيـچ اهــواي تـجـري
       
                 مـصـايـب                   مـصـايـب

                          *---------------*---------------*

                   الـوصـل للباب وبچفه دفـعـهـه
                   باب احـزان يا زينب فـتـحـهـه
                   ييمه الـعـذب الـزهـره ابضلعهه
                   نفسه ٱيسبب لـ روحچ جرحهه

      الكسر ضلعي وجرحني     يـخـلـي اگفاچ مـحـنـي

                          *---------------*---------------*

                   الـزمـان اعليچ سددهن سهامه
                   يـفـجـعـچ بالوصـي اول علامه
                   و تـونـيـن لــ علي وَن اليـتامـه
                   اصبري ابـوحشة الليل وظلامه

      يـجـرحـچ والله شاهـد     تـظـل عـيـنـچ تـشـاهـد

                          *---------------*---------------*

                   تشوفين الـحـسـن جعده تسمه
                   وتـگـعـديـن بحزن يالحـره يَمه
                   الـيـلـچـم للـگـلـب ويـزيـد هَمه
                   المصايب قاسيه وحيلچ تهدمه

      يـخـلـص بـس فـجـايـع     عـمـرچ كــلــه ضـــايــع

                          *---------------*---------------*

                   مصيبه الماتـجـي منهه مصيبه
                   اخـوتـچ تـنـذبـح وانتي سليبه
                   تظلين ابـدمـع بـالـطـف غـريبه
                   اصبري اهناك زينب يالحبـيـبـه

      ابتده النوح ابمـصـابـي     بـعـد فـگـدي وغـيـابـي

                          *---------------*---------------*

                   ادري ابـدمـعـتـچ تـبـقـى جريه
                   أصـعـب يـوم يـوم الغـاضـريـه
                   يـهــون اشسوّوا بعيني وإديــه
                   وصيتـي اتحملي ذيـچ الـرزيـه

      علـى الـنـوگ الـهـزايـل     الـگـلـب نـيـران شـايـل

                          *---------------*---------------*

✍️خادم فاطمة ع
الشاعر رعد الچريخي

#إثمنطعش_خلصن



.                اثمنطعش خلصن عذاب اسنينهه
                 ماتت الـزهـره ودمعهه ابـعـيـنـهـه

                          *---------------*---------------*

                 عـيـن حـمـره والـضـلـوع امكسره
                 فـاطـمـه الـزهـراء يـا سـيـدِ الـوره
                 إسـأل البضعه وتـخـبـرك بـالـجـره

                 الگالوا اصحـاب الـذي امـأذيـنـهـه

                          *---------------*---------------*

                 اوجوه چـانـت بالاحقاد امـلـثّـمـه
                 زمـرة ارهـاب وعـصـابـه مجـرمـه
                 اتـحـمـلـت لـوعـات منهم فاطـمـه

                 تبچي ليل انـهارهـه امـخـلـيـنـهـه

                          *---------------*---------------*

                 اعليهم اضلوع الــزچـيـه شـاهـده
                 وحرگت الدار الـمـصـيـبـه الخالده
                 عـرفـوا اچفـوف الصميده امگيده

                 بالوصيه وهـالـعـده امـبـيـتـيـنـهـه

                          *---------------*---------------*

                 اتـعـيـش ويــانـه تظل الـفـاجـعـه
                 والجـفـن للموت يـنـزف مـدمـعـه
                 ايـهـيّـج الاحـزان لـو نـاعـي نـعـه

                 وعَـصـرت الـبـضـعـه ولا ناسينهه

                          *---------------*---------------*

                 يـا إمـــام العــصــر ثــارك عَـجِـلـه
                 جــــرّد الـبـتـار وانـهـي الـمـسـألـه
                 نـنـتـظـر يـوم الـقـضـيـه الـعـادلـه

                 وتكشف الخـانـت نـبـيـهـه ودينهه

                          *---------------*---------------*

                 إصـلـب الجـبـتـيـن يبنِ المرتضى
                 الخلوا اضلوع الـزچيه امرضرضه
                 إگطع إلسان الـيـحـبـهـم والــرضه

                 اعله الجـريمـه الدومهه امعتمينهه

                          *---------------*---------------*

✍️خادم فاطمة ع
الشاعر رعد الچريخي

السيده الزهراء اتگلم الامام علي في عالم الرئيه



ذبلان احس مو من بَچي
             أشگد شايل بعينك حَچي

سولفلي وضعك ياعلي
سولفلي وضعك ياعلي

                              *---------------*---------------*

أمبين اعليك التعب سولفلي واحچي اهمومك
يالصبرك بـگـد الـزمـن متغيره حـيـل ارسومك
متحمل اجروح وألم اشگد شفت مـن گومك
ابسرعه أحسّك شيّبت يـابـو الحسن مالومك

واضح عله اجفونك سهر
                گلبك حمل فرگه وقهر


                              *---------------*---------------*

احزانك مخليه اثـر گـلـي اشفت يالوالي
اهواي احسك منكسر غالي ويحس بغالي
نـاس العليك اتئآمرا صوره الغدرهه ابالي
البابك الجاب الحَطب نفسه الجرح دَلّالي

بأصعب جرح مثلي صرت
                 يوم انعصر صدري وحرت

                              *---------------*---------------*

اشگد شايل بصدرك ألم من الأجوك الدارك
عايش وحـيـد بدنيّتك ألمن تـبـث أسرارك
زمرت عصابه الأذتك اصبر يحامي الجارك
اختارلهم الباري الغدر وأنته الأمير اختارك

ادري بسهر ليلـك يـمـر
          حسره وحزن صار العمر

                              *---------------*---------------*

حاچيني يالحچيك نده بعدك احس ماطايب
ياحيدر اشسوه الزمن گلبك وراسك شايب
احچيلي بغيابي الجره جاي وعَبرتك جايب
أمحدّب اشبيه الظهر حيلك نَحـيـل وذايب

ماچن علي وليث الحرب
               وچان المَثل بي ينضرّب

                              *---------------*---------------*

الزادو اجروحك تـره اهـل الـحـقـد ادريهم
الشيّبو گـلـب النبي اسـود يـضـل ماضيهم
اصحاب السقيفه والفتن ايعينك الله اعليهم
مابيهم العنده وفه وقـطـرت رحـم مابيهم

الهم صفه نقض العهد
                بابك عله الخانوا شهد

                              *---------------*---------------*

✍خادم الزهراء (ع)
الشاعر رعد الجريخي

#يمه_زينب



.          يـمـه زيـنـب    الـلـيـلـه اخـــــــــر لـيـلـه
           يـمـه زيـنـب    عـلـي يــنــهــد حــيــلـــه

                       بـاچـر ايـشـوف الـضـلـع
                       وتـخـلـص اسنينه ابدمع

                      *---------------*---------------*

يـمــه ٱوصـيـچ ابــوصـيـه    اتـحـزمـي احـزام الـصـبـر
ابــتــدت رحـلــة عــذابـچ    بـــأول اســنــيــن الـعـمــر
بـاچـر اتـشـوفـيـن حـيـدر    نـفــس كــســري يـنـكـسـر
مــــا تـفـيـده ادمـوع ادري    وهـالـكـسـر مـــا يـنـجـبـر

           بس اعـوفـه    وحــده تـبـدي اجـروحـه
           بس اعـوفـه    يــمــه يـبـقـى ابـنــوحــه

                       يـشـبـه الـخـيـط الشمـع

                      *---------------*---------------*

يـســرح بـعـالـم غــربــتــه    ويـلـبـس اثـيـاب الـحـــزن
ادري مــــا يـنـسـانـي مـره    و دنـيـتــه تـصـبـح سـجـن
مــن تـشــوفـيـنـه اصـبـري    وكــابــري لــمــن يـــــــون
الـيـــدفـن بـإيـده حـبـيـبـه    هــوه يــتــمــنــه الــدفــن

           هـذا حـالـــه    الـدمـعـه تـتـرس عـيـنـه
           هـذا حـالـــه    ادعــــــــي الله ايـعـيـنـه

                       يبقى حَـــد مـا نـنـجـمـع

                      *---------------*---------------*

ضـمّـي دمـعـاتـچ يـزيـنـب    يــنــجــرح خـيــر الـعـمـل
اتحملي اجروحي وغيابي    والـــــــــدچ يـكـفـيـه علل
يصـبر اشـلـون الصـمـيـده    چـفـه لـــو ضـلـعـي وصـل
عـايـش ابـحـسـراتـه يبقى    ويـمـسـح ابـسـيـل المـقـل

           ادري بـيـهـه    چـن اشــــــوف الـصـوره
           ادري بـيـهـه    يــمــه بـــــس مــعــذوره

                       صـعـبـه حيـدر يـنـفـجـع

                      *---------------*---------------*

چـنـت أمـسـحـهـن دموعه    تـالــي اصـيــرلـهـن سـبـب
حــيــدر أيـشّـيـب دلـيـلــه    بـعـدي ويـشـوف الـعَـجَـب
حــانــت الـسـفــره يـيُـمــه    وهــذا الــفــــراگ انـكـتـب
انــدِفـن مـكـسـور ضـلـعـي    هـيـچـي مـــا ظنن حِسب

           صعبه ينسه    الـيـبـقـى بـيـن احــــزانـه
           صعبه يـنسه    بـيـهـه احــس نــيــرانــه

                       لـلـمـات بـهـالــــــــوضـع

                      *---------------*---------------*

تـظـلـم ابعـيـنـه الـمـديـنـه    بــعــدي و يـحـس الـغــرب
ايـعـاشـر احزانه ودمـعـتـه    والـلـه يــا زيــنــب صـعـب
والــزمـن قــاسـي وايـذبـه    و يـعـلـن اعـلـيــه الـحــرب
ابحجرتي اتـصـيـر المناحه    وبـيـهـه مـجـلـس يـنـصـب

           يبقى وحـده    ابگلبه يـخـفـي اهـمـومـه
           يبقى وحـده    لـ حـزنـي سـود اهـدومـه

                       وانـتـي گـلـبـچ يـنـشـلـع

                      *---------------*---------------*

✍️خادم فاطمة ع
الشاعر رعد الچريخي

#الله_يعظم_أجرك



.        الله يـعـظـم اجــــرك     راحت شريكة عمـرك

                         ياعلي يابـو الـحـسـن
                         ياعلي يابـو الـحـسـن

                       *---------------*---------------*

                يـا عـلـي حـقـك اذا تـبـقـى ابـنـيـاح
                راحـت الـزهره الزچيه وكلـشـي راح
                دنـيـا مـا بـيـهـه بـعـد غـيـر الـجـراح
                الميّت ابعينه الضـوه ينسه الصـبـاح

                         ادري الـيــوَدّع غـالـي
                         ايـعـاشـر دمـع بالتالي

                       *---------------*---------------*

                ادري الـيعيش بـجـرح مـاظـن يـنـام
                اقــره ياحيدر على الـراحـه الـســلام
                مـابـقـى غـيـر السهـر خـصـم الكـلام
                تـلـهـب وتـچـوي الـگـلـب نــار الهيام

                         إلمن تـبـث اشـجـانـك
                         ايصير الحزن عنوانك

                        *---------------*---------------*

                دايم ايظل الـدمـع بالـخـد هَـطـول
                الـودع الـغـالـي چـذب حزنه يـزول
                عظم الله اجرك يـحـيـدر بالـبـتـول
                باچـر ايبيّن عـلـى اعـيـونـك ذبـول

                         اعلـه الحـزن تـتـعـود
                         متعوفه ثـوب الاسود

                       *---------------*---------------*

                يبـدي ليل الفـاگـد ويـبـدي الحـنـيـن
                خلصت العشره وگضت ذيـج السنين
                عـافـتـك ام الحـسـن وحـدك حـزيـن
                احـزم احـزام الحـزن والله الـمُـعـيـن

                         اليدفن عزيزت روحه
                         تسعـر تظل اجـروحـه

                       *---------------*---------------*

                فـاطـمـه الـچـانـت ضـوه عنـك بعيد
                تـذكـر الـعـشـره ويـرد جـرحك جديد
                يـاعـلـي حـتـى الصـبـر ماظن يـفـيـد
                الـفارگ الـغـالـي ويظل بـأسـمـه يعيد

                         حـقـك تـظـل اتـكـابـر
                         ماكو لـ كسرتك جـابـر

                       *---------------*---------------*

                جـرحـك الـيـدّي بعد صـعـبـه يطيب
                تدخل البيت واتحس چـنـك غـريـب
                اتشيّب وتحني الظهر گبل المـشـيـب
                مـحـد ايـلـومـك لأن فــاگـد حـبـيـب

                         يـجـرح ألــم ذكـراتـك
                         وتبقى تجر حـسـراتك

                       *---------------*---------------*

✍️خادم فاطمة ع
الشاعر رعد الچريخي

نعي مفجع للسيده الزهراء ع


اشـضـال عدنه عگبچ ييمُه اشـضـال عـدنـه
ونـضـل وَحَدنه بهذا العمر ونـضـل وَحَـدنـه
عـنـچ بعــدنـه ابـسـاع الدهـر عـنـچ بـعـدنـه
ومصاب جدنه امصابچ سوه ومصاب جدنه


ومظلـم علينـه موحش بيتنه ومظلم علينـه
ريـتـچ تجينـه مـره بـحـلـم ريـتـچ تـجـيـنـه
شمسوي بينه وشوفي الحزن شمسوي بينـه
يمنـه الـحـنيـنـه حَن الگلب يمنـه الحـنـيـنـه


صـوتـچ نسمـعـه ما ضن بـعـد صـوتـچ نسمعه
دمعه اعله دمعه يكضي العمر دمعه اعله دمعه
مـامـنـهـه فجعـه يافجّعتچ مـا مـنـهـه فـجـعـه
لـو لُـمـه يـنـعـهـه حـگـه الـوَلـد لـو لُـمـه يـنـعـه

*-------------------------*-------------------*
✍خادم الزهراء ع
الشاعر رعد الجريخي

(يا زهراء)


يـا زهـراء نـدائـي يـا زهـراء
يـا زهـراء نـدائـي يـا زهـراء

*------------------------*-----------------------*

خادم الزهره الزچيه وما اعوفن خدمتي
ناذر اسنيني وحياتي والمجالس غايتي
للوديعـه انطيت كلشي رخصتّهه دمعتي
افـتـخـر خلتنـي خـادم وشكبرهه رتبتّي

          ايـسـمـونـي خـادم لـلـزهـره

*------------------------*-----------------------*

خلهم اليحچون خلهم للزچيـه هالعمر
عاهدتهه وهذا عهدي وبعزائي مستمر
عايش بنوح الحزنهه والمدامع والجمر
احـلـه خدمه الفاطميه ما أبدلهه بأمر

       امـتـانيهـه كـل عـام أيمرني

*------------------------*----------------------*

كاشخ بثوب الخدامه والمعالي بكشّختّه
باللطم مـرفـوع راسي والخدامه عـلّـتـه
الـبـعـض گالوا عـليـه مايـبـّطـل حـالـتّـه
هذا دسـتوري وشـعاري وشوّفتّهم لافِته

        مخطوطه بگلبي ودمعاتي

*-------------------------*--------------------*

كلمن ايروح بـطـريـقـه وخـتـياراتـه ألـه
هالمأتم نـعـمـت الـلـه لليحبّهه امفصّـلـه
لايجيني ايلوم بيه الماعرفهه الـمسـألـه
فاطمي ودمـوع عـيـنـي للمات امسبّلـه

       عـيـن الـمـا تـدمـع لـعـمـيـهـه

*------------------------*----------------------*

مايهم بـيـهـه العواذل اليهم الـفـاطـمـه
يترك بصدره علامه والاجـر بالـخـاتـمـه
الـيـبتـعـد عن الزچيه مايحصّل غـانـمّـه
وبمحبتهه يـخـادم لا تـهــم لـلحـاطـمـه

        كـل خـادم ألـهـه ايـعـبرونـه

*--------------------------*------------------------*


✍خادم الزهراء ع
الشاعر رعد الجريخي

ملاحظه كل بيت ينختم بربّاط

#رزق_من_الله_رزق



.   رزق مــــــــن الـلــه رزق     اليـخـدم الـزهرة ابصدق

                      مولاتي مولاتي يافاطمه

                          *---------------*---------------*

              رزق مــن الـلــه وهــديـــه لـلـخــدم
              هـذا صـوتــه وذاك يـخـدم بـالـقـلـم
              والـيـدگ صـدره عـلـى الـزهـره بألـم
              كلـهـه مـجـتـمـعـه وتظل هـاي الهمم

    تعب مـنـحـس ابـتـعـب     انـشـوّف الـدنيه العَجَب

                          *---------------*---------------*

              سَجل اسمك بـالـعـزه وعـوف البشر
              فـاطـمـي صـيـر بدمـع كحلِ الـنـظـر
              إلعن الجاب الـحـطـب والـخـد سطر
              خـلـي كلمن جـامـل ايـمـوت ابـقـهـر

    ضـلـع لـلـــزهــره ضـلـع     يـستـحـق سـيـل الدمـع

                          *---------------*---------------*

              سـاعـه مايـبـرد أبـد گـلـب الـمـحـب
              ايسيل دمعه لـ فاطمه ابنوح ونحب
              ايـفـوز كلمن اسـمـه خادم يـنـكـتـب
              جنه يـلـگـه اهـنـاك والـكـوثـر عـذب

    ظـمـه ميشـوف الـظـمـه     يــرتــوي بحب فـاطـمـه

                          *---------------*---------------*

              گـلـهـه يـالـزهـره إلـچ فـدوه الـعـمـر
              لـذّة الـخـدمـه تـــــره ابـدگ الـصـدر
              إشـكـر الله ايـديـمـهـه وزيد الـشـكـر
              يالتواسي ام الـحـسـن حق تـفـتـخـر

    فـخـر هالخـدمـه فـخـر     بـيـهـه يـتـعَـلّـه الــبـشـر

                          *---------------*---------------*

              بـالـك اتـعـوف الـمـجـالـس لـو تـمـل
              ربــــح دنـيـه واخــره الـدمـعـه يـهـل
              بـاچـر ابـحـبـهـه تره ايـخـف الحـمـل
              تحت خيمـة فـاطـمـه ايظل الـشـمـل

    أبــــــد لا تــبــرد أبــــــد     إخــــــدم بـهـالـمـعـتـقـد

                          *---------------*---------------*

✍️خادم فاطمة ع
الشاعر رعد الچريخي

#اللهم_أدعوك_وفقني



.        الـلـهـمَ ادعـــوك وفـقـنـي اخـــدم فــاطــمـه
         الـلـهـمَ ادعـــوك وفـقـنـي اخـــدم فــاطــمـه

                          *---------------*---------------*

                 امـنـيـتـي يـارب الـعـرش هــايـه
                 عمري اخـلـصـه ابـنـوح وقـرايـه
                 دمـعـاتـي تجري لــ فاطمه الغايه
                 أسّـرنـي حُـبـهـه ورافــع الـرايــه

         هـذا اعـتـقـادي وللموت بالأول وبـالـخـاتـمـه

                          *---------------*---------------*

                 ارزقني اصـيـرن بالعَـزه شـمـعـه
                 الحـد المـنـيـه وتـهـمـل الـدمـعـه
                 ودوم لـ ضلعهه روحــي منفجعه
                 الكل المجـالـس اعشگ الـفـزعـه

         ادري الزجيه الزهراء تشفعلي من الحـاطـمـه

                          *---------------*---------------*

                 نــاذر حــيــاتــي بـالـلـطـم إلـهـه
                 وفقني ربي وخدمـتـي اقـبـلـهـه
                 كون الـدمـوع الـلـيـلـه اوشـلـهـه
                 ولجل الـزچـيـه الـونـه مـامـلـهـه

         مـاهمّن لـ هـذا وذاك بـالـمـنـهـج الـمـتـعـلّـمّـه

                          *---------------*---------------*

                 هنياله الـيـخـلـصـه باللطم عمره
                 ويذكر مصـيـبـة فـاطـمـه الزهره
                 الماينسه ضلع الـطـاهـره وكسره
                 مـتـعـوفه هي وقـطـعـاً اتحضره

         صگ الشـفـاعـه مـضـمـون بس بإديه اتسلمّه

                          *---------------*---------------*

                 الماعنده خدمه كلشي مـا عـنـده
                 بـس الامــيــر الـدمـعـتـه بـخـده
                 اينوح لــ مـصـاب التشبه الـورده
                 الذبحوا حـلـمـهـه الماكمل بـعـده

         ماانسه يـوم الـبـسـمـار الـبـچّـه املاك السمه

                          *---------------*---------------*

                 ياهـو الـيـلـومـه العايش ابنوحه
                 الواسه الـزچيه بحزنه وجروحه
                 شـمـعـه يـصـيـر وتحترگ روحه
                 هـاي الخدامـه الـبـيـهـه الملوحه

         خليني اعيشن بالنوح لـ كسر الوديعه العالِمه

                          *---------------*---------------*

✍️خادم فاطمة ع
الشاعر رعد الچريخي