Лідэры Эўразьвязу адклалі рашэньне аб рэпарацыйным крэдыце Ўкраіне

https://smarturl.click/aRvZg

Перад самітам прэм’ер-міністар Бэльгіі запатрабаваў выкананьня шэрагу ўмоў.

Акрамя таго, паводле слоў дыпляматаў, Бэльгія не хацела рызыкаваць, пакуль не атрымае ад Эўрапейскай камісіі выразных тлумачэньняў адносна прававых мэханізмаў таго, як гэта можа адбыцца без канфіскацыі расейскіх актываў.

🇱🇹 Літва выклікала расейскага дыплямата пасьля парушэньня яе паветранай прасторы двума вайсковымі самалётамі РФ

https://smarturl.click/j7VWd

У заяве літоўскіх вайскоўцаў гаворыцца, што зьнішчальнік Су-30 і самалёт-запраўнік Іл-78 з расейскага анкляву Калінінград праляцелі праз паветраную прастору Літвы на працягу 18 сэкундаў, падобна, у часе трэнаваньняў у дазапраўцы ў паветры.

У выніку аварыі ў Койданаве і яшчэ 196 паселішчах не было электрычнасьці

https://smarturl.click/XD8ZQ

У Койданаве (Дзяржынску) і Дзяржынскім раёне, мястэчках Рубяжэвічы і Дзераўная Стаўпецкага раёну (Менская вобласьць) позьнім вечарам 23 кастрычніка спынілася падача электраэнэргіі праз аварыйнае адключэньне на падстанцыі 110 кВ «Дзяржынск» і 7 падстанцыях 35 кВ.

📹 Вынікі тыдня з палітолягам і гісторыкам Розай Турарбекавай сёньня ў 15:30 менскага часу ў жывым эфіры «ПіКу Свабоды» зь вядучай Ганнай Соўсь. Задавайце пытаньні

https://youtube.com/live/TIv0xaXm1f0?feature=share

👉 Банкі, кіраўнік «Белнафтахіму», «Гарызонт» — у новым пакеце санкцый Эўразьвязу.
👉 Ці закрые Літву мяжу зь Беларусьсю?
👉 Ці ёсьць Мельнікава ў здабытым «Кібэрпартызанымі» сьпісе агентаў КДБ?
👉 Хто вінаваты, што ў Менску нараджальнасьць ніжэй за ваенную Ўкраіну?
👉 Ці дапаможа прэмія Сахарава Пачобуту?
👉 Якое кіно варта зьняць пра Освальда ў Менску?
👉 Чым адметны фэстываль інтэлектуальнай кнігі «Прадмова» у Празе?

У нашым эфіры таксама – эканамісты Анастасія Лузгіна і Ўладзімер Кавалкін, прадстаўніца «Кібэрпартызанаў» Юльяна Шаметавец, палітык Аляксандар Мілінкевіч, прадстаўнік BelPOL Уладзімер Жыгар, пісьменьнік Аляксандар Лукашук і паэт Андрэй Хадановіч.

Беларусь пасьля ранейшага дэфіцыту ўвяла абмежаваньні на экспарт макулятуры

https://smarturl.click/oVXaB

Ва ўрадзе мяркуюць, што гэтая мера павінна спрыяць павелічэньню выпуску імпартазамяшчальнай і экспартаарыентаванай прадукцыі на айчынных прадпрыемствах.

Ліцэнзаваньне будзе дзейнічаць на працягу шасьці месяцаў з моманту ўступленьня пастановы ў сілу — гэта адбудзецца пасьля яе афіцыйнага апублікаваньня.

Атака махляроў на Мазыр: невядомыя выманьваюць інфармацыю і грошы ў людзей

https://smarturl.click/13vY5

Зламысьнікі тэлефанавалі на мабільныя і стацыянарныя нумары і ў мэсэнджары жыхароў Мазыра пад выглядам супрацоўнікаў «Белтэлекаму», ЖКГ, паліклінікі й іншых дзяржаўных установаў.

Што новыя санкцыі азначаюць для беларускай эканомікі і беларусаў

https://smarturl.click/E16a4

23 кастрычніка Эўрапейскі Зьвяз ухваліў чарговае ўзмацненьне санкцыяў, накладзеных на Беларусь за ўдзел у расейскай агрэсіі супраць Украіны.

Расказваем, як гэта будзе працаваць і каго закране.

«Cанкцыі адкідваюць Беларусь назад, на іх зьняцьцё можа пайсьці 10 гадоў», — мяркуе экспэрт Уладзімер Кавалкін.

Ён кажа кожная абмежавальная мера з прынятых у дачыненьні да Беларусі адкідвае эканоміку краіны назад.

У Варшаве пачынаецца суд у справе былой палітзьняволенай Натальлі Падлеўскай, якую дэпартавалі ў Літву

https://smarturl.click/qByQB

Цяпер Натальля, як інфармуе ініцыятыва Partyzanka, знаходзіцца ў Літве, у пункце разьмяшчэньня іншаземцаў, у цяжкім фізычным і эмацыйным стане.

Беларускія паралімпійцы, падобна, ня здолеюць кваліфікавацца на зімовую Паралімпіяду, нягледзячы на зьняцьце санкцыяў

https://smarturl.click/0BWg7

У верасьні Міжнародны паралімпійскі камітэт (МПК) скасаваў частковае прыпыненьне ўдзелу Беларусі і Расеі, уведзенае пасьля поўнамаштабнага ўварваньня Масквы ва Ўкраіну ў 2022 годзе.

Тым ня менш МПК паўтарыў, што «міжнародная фэдэрацыя для кожнага віду спорту ў праграме Паралімпійскіх гульняў нясе адказнасьць за вызначэньне кваліфікацыйнага шляху для свайго віду спорту, а таксама права спартоўцаў на ўдзел у спаборніцтвах».

Арганізацыя абвясьціла, што «атрымала пацьверджаньне ад кожнай з чатырох міжнародных фэдэрацыяў, якія ўдзельнічаюць у праграме зімовых Паралімпійскіх гульняў у Міляне — Картыне д’Ампэцца 2026 году, што на практыцы спартоўцы зь дзьвюх краін, праўдападобна, не кваліфікуюцца на сакавіцкія гульні».

Ці Мельнікава ў сьпісе агентаў КДБ? Ці дапаможа прэмія Сахарава выйсьці з турмы Пачобуту?

https://www.youtube.com/live/TIv0xaXm1f0

1️⃣ Банкі, кіраўнік «Белнафтахіму», «Гарызонт» – у новым пакеце санкцый Эўразьвязу.

2️⃣ Ці закрые Літву мяжу зь Беларусьсю?

3️⃣ Ці ёсьць Мельнікава ў здабытым «Кібэрпартызанымі» сьпісе агентаў КДБ?

4️⃣ Хто вінаваты, што ў Менску нараджальнасьць ніжэй за ваенную Ўкраіну?

5️⃣ Ці дапаможа прэмія Сахарава Пачобуту?

6️⃣ Якое кіно варта зьняць пра Освальда ў Менску?

7️⃣ Чым адметны фэстываль інтэлектуальнай кнігі «Прадмова» у Празе?

У выніковым «ПіКу Свабоды» Ганна Соўсь падсумоўвае гэтыя ды іншыя падзеі тыдня разам з палітолягам і гісторыкам Розай Турарбекавай.

Не атрымаўшы аховы ад Літвы, Ціханоўская скасавала візыт на форум у Ерэване

https://smarturl.click/ReVw8

«Так, магу пацьвердзіць, што нам давялося прыняць няпростае рашэньне скасаваць даўно заплянаваны першы візыт у Армэнію, прымеркаваны да пленарнага паседжаньня Euronest. Гэта зьвязана з рашэньнем спыніць прадастаўленьне асабістай аховы — Службы аховы кіраўніцтва — за мяжой», — сказаў парталу 15min.lt дарадца Сьвятланы Ціханоўскай Дзяніс Кучынскі.

Ён пацьвердзіў гэтыя словы і Радыё Свабода.

Паводле яго, каманда прапанавала «аплаціць візыт аднаго супрацоўніка службы бясьпекі кіраўніцтва ў Армэнію».

Euronest — гэта парлямэнцкая асамблея Эўрапейскага зьвязу і краін Усходняга партнэрства для дыялёгу і супрацоўніцтва паміж імі.

Усходняе партнэрства створана для супрацоўніцтва ЭЗ зь Беларусьсю, Азэрбайджанам, Армэніяй, Грузіяй, Малдовай і Ўкраінай.

У Варшаве суд адмяніў рашэньне аб перадачы былой палітзьняволенай Натальлі Падлеўскай у Літву

https://smarturl.click/qByQB

Ваяводзкі адміністрацыйны суд Варшавы на сваім пасяджэньні 24 кастрычніка адмяніў рашэньне аб перадачы былой палітзьняволенай Натальлі Падлеўскай з Польшчы ў Літву.

Як паведаміў тэлеканал Белсат, яе справу накіравалі на перагляд.

За два дні да суду, 22 кастрычніка, да Натальлі дадому пад Уроцлаў прыехалі памежнікі, забралі яе, ня даўшы часу спакаваць рэчы, і праз содні адправілі ў Літву.

Цяпер Натальля знаходзіцца ў літоўскім пункце разьмяшчэньня іншаземцаў у цяжкім фізычным і эмацыйным стане.

🇻🇦Пасланьнік папы ўжо ў Беларусі, у наступныя два дні ён будзе ў Пінску і Берасьці

https://smarturl.click/XD84M

Пасланьнік папы Рымскага Лява XIV Кляўдыё Гуджэроцьці возьме ўдзел у сьвяткаваньні 100-годзьдзя Пінскай дыяцэзіі.

25 кастрычніка Кляўдыё Гуджэроцьці мае выступіць зь вітальным словам пасьля таго, як у Пінскую катэдру ўнясуць рэліквіі нябеснага заступніка дыяцэзіі сьвятога Андрэя Баболі.

26 кастрычніка ён сустрэнецца з моладзьдзю ў берасьцейскім касьцёле Ўзвышэньня Сьвятога Крыжа і правядзе там імшу.

На сайтах Міністэрства замежных спраў Беларусі і Аляксандра Лукашэнкі пакуль няма ніякай інфармацыі аб магчымых ці заплянаваных сустрэчах з пасланьнікам папы Рымскага Лява XIV.

У Беларусі прапануюць дазволіць жанчынам працаваць на цяжкіх і небясьпечных работах

https://smarturl.click/B4mEx

У Беларусі ініцыююць на заканадаўчым узроўні скасаваньне пераліку цяжкіх работ і работ з шкоднымі і небясьпечнымі ўмовамі працы, на якія забараняецца прымаць жанчын.

Як паведаміла выданьне Office Life, гэты пералік ужо некалькі разоў пераглядаўся, а ў 2022 годзе яго скарацілі з 181 да 88 пазыцый.

У пераліку засталіся работы, зьвязаныя з пад’ёмам і перамяшчэньнем цяжкасьцяў уручную, а таксама некаторыя горныя работы. Апроч таго, жанчынам нельга займацца тушэньнем пажараў, быць вадалазамі і гэтак далей.

Цяпер прапанавалі ўвогуле скасаваць гэты пералік.

Расея для абстрэлу тылавых рэгіёнаў Украіны пачала выкарыстоўваць мадыфікаваныя авіябомбы большай далёкасьці

https://smarturl.click/JnE7D

Расейскія войскі 24 кастрычніка ўпершыню з пачатку поўнамаштабнай вайны выкарысталі кіраваныя авіябомбы для ўдару па цывільнай інфраструктуры Адэскай вобласьці.

«Гэта новая сур’ёзная пагроза для Адэшчыны. Такія ўдары нясуць калясальную небясьпеку для людзей і могуць выклікаць значныя разбурэньні», — заявіў кіраўнік рэгіёну Алег Кіпер.

Расейцы выпусьцілі па Адэскай вобласьці тры такія бомбы, дзьве зь іх абясшкодзілі сілы супрацьпаветранай абароны Ўкраіны.

Гэта трэці выпадак, калі баявая авіяцыя Расеі пачала «даставаць» кіраванымі авіябомбамі тылавыя вобласьці Ўкраіны.

📍 16 кастрычніка расейцы бамбілі імі Мікалаеў,

📍 20 кастрычніка — Палтаўскую вобласьць, да якой ад магчымага пункту запуску ў Белгарадзкай вобласьці амаль 150 км.

Пуцін заявіў, што Расея не саступіць пад санкцыямі ЗША, Трамп адказаў «паглядзім»

https://smarturl.click/dwzezl

Расея не паддасца на санкцыі ЗША, заявіў прэзыдэнт Расеі Ўладзімір Пуцін.

«Ніводная краіна, якая сябе паважае, ня робіць нічога пад ціскам», — сказаў ён.

Расейскі прэзыдэнт таксама назваў уведзеныя Трампам санкцыі «недружалюбным актам», аднак заявіў, што яны не акажуць вялікага ўплыву на расейскую эканоміку.

Калі Дональда Трампа папрасілі пракамэнтаваць заяву прэзыдэнта Расеі, ён адказаў:

«Што ж, я рады, што ён так лічыць... Я дам вам ведаць пра гэта праз шэсьць месяцаў. Паглядзім, што з гэтага выйдзе».

Пуцін таксама перасьцярог Вашынгтон ад продажу Ўкраіне ракет «Тамагаўк», заявіўшы, што любыя глыбокія ўдары па Расеі з дапамогай гэтай або любой іншай зброі далёкага радыюсу дзеяньні будуць сустрэтыя «ашаламляльным» адказам.

Крыніца – Euronews

На Брагіншчыне ідэолягі і сьвятар расказалі вучням сельскай школы пра шкоду брыдкаслоўя і «экстрэмісцкіх рэсурсаў»

https://smarturl.click/e0abk

У Вуглаўскай сярэдняй школе, у якую прыехалі кіраўніцы аддзелу адукацыі ідэалягічнай працы Брагінскага райвыканкаму, вучацца крыху больш за 70 дзяцей.

Разам зь імі на сустрэчу з школьнікамі прыйшоў і настаяцель храму Мікалая Цудатворца, піша брагінская раёнка «Маяк Палесься».

«Мат — гэта гнілыя словы. Ён атручвае душу чалавека. Калі людзі лаюцца, Багародзіца кожны раз просіць Бога дараваць ім. Раней такія словы ўжывалі людзі некультурныя і нявыхаваныя. Цяпер, на жаль, брыдкасловяць нават дзеці», — сказаў сьвятар.

Чыноўніцы расказалі вучням пра адказнасьць за брыдкаслоўе на вуліцы і ўзаемадзеяньне з «экстрэмісцкімі рэсурсамі».