«Рашучасьць літоўцаў ня варта выпрабоўваць» — палітоляг і гісторык Роза Турарбекава пра закрыцьцё беларуска-літоўскай мяжы

https://smarturl.click/zdEwJ

• «Яны паказваюць сваю рашучасьць, бо разумеюць: калі праявяць нерашучасьць, гэта імгненна будзе выкарыстана супраць літоўскага боку».

• «Такая колькасьць балёнаў, хай сабе і з кантрабандай, запушчаная ў Літву за адну ноч — гэта не эканамічнае пытаньне, гэта ў значнай ступені палітычная правакацыя».

• «Сёньня зьявілася інфармацыя і пра ўварваньне ў літоўскую паветраную прастору расейскіх ваенных самалётаў, што ставіць кропку ў гэтай гісторыі: усё гэта сапраўды не выпадковасьць».

• «А хто правакуе? Думаю, што ў асноўным ініцыятыва зыходзіць з Крамля».

Сьледчы камітэт пачаў спэцыяльнае вядзеньне супраць экс-дырэктара Цэнтру алімпійскай падрыхтоўкі па фрыстайле

https://smarturl.click/lAng6

Сьледчы камітэт Беларусі паведаміў аб пачатку 24 кастрычніка спэцыяльнага вядзеньня супраць Вадзіма Крывашэева, які да 2020 году працаваў дырэктара Рэспубліканскага цэнтру алімпійскай падрыхтоўкі па фрыстайле і быў звольнены за «кепскую ідэалягічную падрыхтоўку ў калектыве».

Як адзначаецца на адмысловым Telegram-канале «Спэцыяльнае вядзеньне. Афіцыйна», яго абвінавачваюць паводле чатырох артыкулаў Крымінальнага кодэксу:

• Перавышэньне ўлады або службовых паўнамоцтваў (ч.3 арт. 426),

• Змова або іншыя дзеяньні, учыненыя з мэтай захопу ўлады (ч.1 арт. 357),

• Заклікі да санкцый або іншыя дзеяньні, што наносяць шкоды нацыянальнай бясьпецы (ч.3 арт. 361),

• Стварэньне або ўдзел у экстрэмісцкім фарміраваньні (ч.3 арт. 361-1).

‼️У Беларусі заблякавалі сацыяльную сетку «Вконтакте»

Такое рашэньне прыняў Камітэт дзяржаўнай бясьпекі, вынікае з запісу на старонцы РУП па наглядзе за электрасувязьзю «БелДІЭ».

Сёлета ў жніўні холдынг VK пашырыў сваё прадстаўніцтва ў Беларусі — пэрсанал перамясьцілі ў новы офіс плошчай 831 м² у бізнэс-цэнтры «Аякс» у Менску.

У VK каля 1,3 мільёна карыстальнікаў у Беларусі.

Тэлеграм-каналы, блізкія да сілавікоў, цьмяна пішуць, што блякаваньне VK мае тэхнічны характар і будзе доўжыцца «да ўстараненьня некаторых нюансаў». Сама ж сетка ў пералік забароненых не ўваходзіць.

У Беларусі ужо некалькі гадоў няма апазіцыі, іншадумства закатанае пад асфальт

Але Лукашэнка працягвае расколваць беларускую апазыцыю, якая дзейнічае з-за мяжы.

Якія прыёмы ён для гэтага выкарыстоўвае, — тлумачыць Дзьмітры Гурневіч.

Вольгу Карпушонак, якая абвінаваціла Латушку ў сэксуальных дамаганьнях, выключылі з складу дэлегацыі ў ПАРЭ

https://smarturl.click/xVWge

Фракцыя «Хопіць баяцца» паведаміла аб адкліканьні Вольгі Карпушонак з складу дэлегацыі дэмакратычных сіл у Парлямэнцкай асамблеі Рады Эўропы (ПАРЭ).

У Каардынацыйнай радзе абгрунтавалі гэтае рашэньне «няўдзелам дэлегаткі ў працы дэлегацыі», як гэта прадугледжвае палажэньне аб дэлегацыі Каардынацыйнай рады ў ПАРЭ.

Асноўнае за 24 кастрычніка

• У Беларусі «Вконтакте» ўключылі ў сьпіс абмежаваных для доступу рэсурсаў, але потым выдалілі

• Зь Беларусі ў Літву зноў запусьцілі балёны. Літва ў адказ закрыла памежныя пераходы

• Новыя санкцыі. Літва закрывае мяжу? Вынікі тыдня з Розай Турарбекавай

• Чаму Захад не паверыў Лукашэнку? Аналіз Валера Карбалевіча

• Лукашэнка назваў сытуацыю на Віцебшчыне сумнай: вялікі паморак жывёлы і адток людзей з эканомікі

• «Cанкцыі адкідваюць Беларусь назад, на іх зьняцьцё можа пайсьці 10 гадоў» : Што новыя санкцыі азначаюць для беларускай эканомікі і беларусаў

• Навошта ўлады апытваюць беларусаў перад «народным сходам»?

• Атака махляроў на Мазыр: невядомыя выманьваюць інфармацыю і грошы ў людзей

• Не атрымаўшы аховы ад Літвы, Ціханоўская скасавала візыт на форум у Ерэване

• Літоўскі генэрал заявіў, што паветраныя балёны зь Беларусі выкарыстоўвалі толькі для кантрабанды

«Вконтакте» зьнік з афіцыйнага сьпісу заблякаваных сайтаў

Зь пераліку сайтаў, доступ да якіх блякуюць у Беларусі, зьнікла галоўная старонка сацыяльнай сеткі «Вконтакте».

Усяго ж у сьпісе на сайце Дзяржаўнай інспэкцыі па электрасувязі каля 450 старонак на VK, заблякаваных у Беларусі.

У Кіеве, Хэрсонскай і Днепрапятроўскай абласьцях ў выніку расейскага нападу загінулі людзі

Тры чалавекі загінулі і 29 пацярпелі за мінулыя суткі ў выніку інтэнсіўных расейскіх абстрэлаў часткі тэрыторыі Хэрсонскай вобласьці. https://smarturl.click/7vAye

У Кіеве ў выніку начнога расейскага паветранага ўдару загінулі двое чалавек, раненьні атрымалі восем чалавек, паведаміў мэр горада Віталь Клічко.

Паводле інфармацыі кіраўніка Днепрапятроўскай абласной адміністрацыі Ўладзіслава Гайваненкі, у рэгіёне ў выніку абстрэлаў і паветраных удараў загінулі двое і пацярпелі сем чалавек. Ёсьць разбурэньні.

Літва адкрыла мяжу з Беларусьсю

Апоўдні 25 кастрычніка Літва аднавіла пропуск транспартных сродкаў на мяжы з Беларусьсю, вынікае з паведамленьня літоўскай Службы аховы дзяржаўнай мяжы. Паводле зьвестак Дзяржаўнага памежнага камітэта Беларусі, на 12.00 25 кастрычніка ў электроннай чарзе пункта пропуску Каменны Лог (з літоўскага боку Меднікі) было 840 фур, 90 легкавых аўтамабіляў і 15 аўтобусаў, у чарзе пункта Беняконі (Салечнікі) — 750 фур і 80 легкавых аўтамабіляў. https://smarturl.click/aRvnd

«Ён ваенны чалавек. Ён вулічны баец». Філёзаф Уладзімер Мацкевіч пра ўчынак Міколы Статкевіча

«Я не пайшоў тым шляхам, якім пайшоў Мікола. Бо я вельмі добра разумеў, што выскачыўшы з гэтага аўтобуса на нэўтральнай паласе, я зноў апынуся ў турме. Навошта мне гэта трэба?»
«Я вельмі паважаю яго мужнасьць, яго рашучасьць, і яго самавызначэньне па жыцьці».

Цалкам інтэрвію з Уладзімерам Мацкевічам https://www.youtube.com/watch?v=0NyiUxJ8Ye4

Кляўдыё Гуджэроцьці бярэ ўдзел ва ўрачыстасьцях у Пінску

Спэцыяльны пасланьнік Папы Рымскага Лява XIV, прэфэкт дыкастэрыі ў справах Усходніх цэркваў Ватыкану кардынал Кляўдыё Гуджэроцьці прыбыў у Пінск на сьвяткаваньне 100-годзьдзя Пінскай дыяцэзіі. https://smarturl.click/ReVZl

Урачыстасьці працягнуцца 26 кастрычніка ў Берасьці.

Гэта першы раз, калі пасланец папы наведае Беларусь у тытуле кардынала. Але Гуджэроцьці добра вядомы беларусам, у тым ліку каталікам. Ён чатыры гады (2011–2015) быў у Беларусі нунцыем — дыпляматычным прадстаўніком Ватыкану. Пасьля ён прыяжджаў у краіну як пасланьнік папы ў сьнежні 2020 году і ўлетку 2023 году — на Будслаўскі фэст.

Калі «зьмена формы» аховы Ціханоўскай перашкаджае яе дзейнасьці, трэба пра гэта казаць — кіраўнік МЗС Літвы

Перагляд аховы лідэркі дэмакратычных сілаў Беларусі Сьвятланы Ціханоўскай «ня быў палітычным рашэньнем пра зьніжэньне ўзроўню», гэта «зьмена формы», заявіў журналістам 24 кастрычніка міністар замежных спраў Літвы Кястуціс Будрыс. https://smarturl.click/6WmXY

Такім чынам Будрыс адрэагаваў на навіну пра тое, што сытуацыя са зьніжэньнем узроўня аховы Ціханоўскай прывяла да скасаваньня яе візыту ў Армэнію.

Інвазійныя жывёлы ў Беларусі. Хто пагражае беларускай прыродзе

Нядаўняя навіна пра вяртаньне янота-паласкуна ў дзікую прыроду Беларусі больш чым праз 35 гадоў адсутнасьці стала сапраўднай заалягічнай сэнсацыяй. Але гэта ня столькі нагода для радасьці аматараў прыроды, колькі патэнцыйная экалягічная праблема. Бо гэты від для Беларусі інвазійны.

І ён такі не адзін. Расказваем, якія яшчэ віды жывёл пагражаюць прыродзе Беларусі. https://smarturl.click/j7Ve8

Пасланьнік Лява XIV выказаў спадзеў, што ў будучыні папа Рымскі зможа наведаць Беларусь

Кардынал Кляўдыё Гуджэроцьці, спэцыяльны пасланьнік папы Лява XIV на юбілеі Пінскай дыяцэзіі, выказаў надзею, што ў будучыні пантыфік зможа наведаць Беларусь. https://smarturl.click/w42ev

„У дзіцячым цэнтры анкалёгіі нават зьявіўся своеасаблівы мэм: «дзеці лечаць дзяцей»“, — былая загадчыца аддзяленьня

Новы корпус РНПЦ дзіцячай анкалёгіі, гематалёгіі і імуналёгіі плянуецца здаць у канцы 2026 году, паведаміў тэлеграм-канал Міністэрства аховы здароўя. https://smarturl.click/kZReO

Былая загадчыца аддзяленьня РНПЦ дзіцячай анкалёгіі, гематалёгіі і імуналёгіі Надзея Пятроўская ў інтэрвію Свабодзе адзначае, што ў РППЦ працягваецца сур’ёзны адток дасьведчаных кадраў — у тым ліку праз арышты і звальненьні дактароў.

«Іх замяняюць маладыя дактары, якія яшчэ ўчора былі студэнтамі. У дзіцячым цэнтры ўжо нават зьявіўся своеасаблівы мэм: «дзеці лечаць дзяцей».  Замест таго каб дапамагчы вярнуцца ў працу больш дасьведчаным спэцыялістам — у тым ліку тым, хто адбыў пакараньне ці быў перасьледаваны, — робіцца ўсё, што заўгодна, толькі не сапраўдная праца зь людзьмі», – лічыць Пятроўская.