Renessans ta’lim universiteti Kengashining navbatdagi yig‘ilishi bo‘lib o‘tdi

Unda universitet faoliyatining muhim yo‘nalishlariga doir masalalar ko‘rib chiqildi.

Yig‘ilishga universitet rektori Shohruh Nuraliyev raislik qilib, jamoaning fidokorona mehnati va yuksak mas’uliyati tufayli erishilayotgan ijobiy natijalar alohida ta’kidlandi.

Shundan so‘ng universitet professor-o‘qituvchilarining ilmiy unvon va ilmiy darajaga ega bo‘lgani munosabati bilan diplomlar topshirildi. Jumladan:

Artikov Zaylobiddin Sobirjonovich – dotsent ilmiy unvoniga,
Odilov Bahromjon Baxtiyorovich – professor ilmiy unvoniga,
Murodov Zufarjon Muzaffarjon o‘g‘li – dotsent ilmiy unvoniga,
Xolmurotova Diyora Ibragimovna esa iqtisodiyot fanlari bo‘yicha falsafa doktori (PhD) ilmiy darajasiga ega bo‘ldi.

Kengash kun tartibidagi asosiy masalalar quyidagilardan iborat bo‘ldi:
✔️Universitet Kengashi tarkibiga o‘zgartirish va qo‘shimchalar kiritish;
✔️Bakalavriat ta’lim yo‘nalishlari hamda magistratura mutaxassisliklari bo‘yicha o‘quv jarayonining amaldagi holatini tahlil qilish va samaradorligini oshirish;
✔️2025/2026-o‘quv yilida talabalar uchun pedagogik va malakaviy amaliyotlarni tashkil etish;
✔️Shu yil oktabr oyida o‘tkazilishi rejalashtirilgan respublika va xalqaro ilmiy-amaliy anjumanlarga tayyorgarlik jarayonlarini muvofiqlashtirish.

Shuningdek, ilmiy unvon va lavozimlarga tavsiya etish masalasi ham ko‘rib chiqildi. Natijada, 8 nafar nomzod dotsent vazifasini bajaruvchi lavozimiga, 1 nafar nomzod esa professor vazifasini bajaruvchi lavozimiga tavsiya etildi.

Yig‘ilish yakunida har bir masala yuzasidan tegishli qarorlar qabul qilindi.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

Ayni paytda Renessans taʼlim universitetida kitoblar ko‘rgazmasi bo‘lib o‘tmoqda

Unda turli sohalarga oid zamonaviy va an’anaviy kitoblar namoyish etilmoqda.

Tadbirdan ko'zlangan asosiy maqsad yoshlar orasida kitobxonlik madaniyatini oshirish, mustaqil o‘qish ko‘nikmalarini rivojlantirish hamda ilmga bo‘lgan qiziqishni kuchaytirishdan iborat.

Hurmatli ustozlar, qadrli talabalar, barchangizni ushbu ko‘rgazmaga taklif etamiz.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt

Bitiruvchilar bandligini ta’minlash – eng oliy maqsad

2025-yil 9-oktyabr kuni Renessans ta’lim universitetida “Bitiruvchilarning bandligini ta’minlash – eng oliy maqsadimiz” mavzusida seminar bo‘lib o‘tdi.

Tadbirni universitet rektori Shohruh Nuraliyev ochib berdi. Seminar bitiruvchilar bandligini ta'minlash, “my.mehnat.uz” va “vacancy.argos.uz” elektron platformalari orqali ishga joylashish imkoniyatlarini kengaytirish maqsadida tashkil etildi.

Seminarda O‘zbekiston Respublikasi Prezidenti huzuridagi Boshqaruv samaradorligi agentligi bosh inspektori N.Kutlimuratova, Kambag‘allikni qisqartirish va bandlik vazirligi Aholi bandligini ta’minlash departamenti bosh mutaxassisi M.Ochilov, Yoshlar ishlari agentligi huzuridagi Yoshlar tadbirkorligini rivojlantirish jamg‘armasi direktor o'rinbosari S.Jo‘rayev, “O‘zbekiston Milliy banki” AJ Uchtepa filiali loyiha menejeri B.Aralov hamda “Mirzo Ulug‘bek vorislari” o‘quv markazi direktori D.Muxitdinov ma’ruza bilan ishtirok etdilar.

Tadbir davomida bitiruvchilarning bandligini ta’minlash masalalari, “my.mehnat.uz” va “vacancy.argos.uz” platformalarining imkoniyatlari, yoshlar bandligini qo‘llab-quvvatlashga qaratilgan “Kelajakka qadam” dasturi mazmuni hamda oliy ta’lim muassasalari bitiruvchilariga oid dolzarb masalalar muhokama qilindi.

Seminar savol-javoblar, bahs-munozaralarga boy tarzda o‘tdi. Bunday uchrashuvlar bitiruvchilarning mehnat bozoriga muvaffaqiyatli kirib borishida, ularning kasbiy faoliyatga tayyorgarligini oshirishda muhim ahamiyat kasb etadi.

Murojaat uchun:
+998555067007 | Yozish💬

📌Toshkent shahri, Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Veb-sayt