بصوت. مسلم المطيري

هجت خيلها ومسلم تلگاها
تترافس، رفيس الموت خلاها


كلمات الشاعر
ابو احمد الطائي

قصائد مولانه مسلم ع نزله


يشبه بزوده الكفيل. يشبه بزوده الكفيل


زلمه طب للكوفه صيته ورجفاهه بهيبته
مسلم الشيخ الجبير المايثني حجايته
من الله ماخذها البساله وغيرت الله بغيرته
والخصال البي هي للسفاره. اختارته

سوه بيها المستحيل. /// يشبه بزوده الكفيل

راية حسين اعله جتفه. بخت شايل مو علم
بارزاهم زلمه زلمه. ودنگت يـــَـمه الزلم
سبع واليوصل عرينه راسه لازم ينجسم،
وسيفه صال وبجماجم تسع مرات انثلم

الروس وي سيفه تميل. ///يشبه بزوده الكفيل

العركه محسومه نعدهه الهاشمي ماينغلب
ايدور الخطره ويذلها ويعشگ الدرب الصعب
سيفه طوفان المنايه ونازل اعليهم غضب
ومن ركضته الكوم ركضت والدمه منها يصب

حيل اوجر بيها حيل/// يشبه بزوده الكفيل

ركضت ادور مفره. والحدود اسددت
سد عليها الارض كلها. ودرب واحد مالگت
رجعت ومذلوله رجعت وبي حيل اتوسلت
وطوعه لمن شاهدتهه هلهلتله. وهوست

رجع العايل ذليل/// يشبه بزوده الكفيل

هلهلت طوعه الضخرها. واشر الها برايته
وگلها اليلاويني بعده امه ماضن جابته
بيه همت علي عمي. وجفي ماخذ شمرته
وراح اراويج برگبها. شلون جانت حملته

ويلها الاگته ويل/// يشبه بزوده الكفيل

يشبه بزوده ابو فاضل ويختلف بس بالاسم
روح وحده من الشجاعه. مسلم وراعي العلم
من قبل عباس گله. انت گانوص الزلم
ولو ضهر ذكر ابو فاضل. مسلم ايگـله ونعم

مثله هم يحمي الدخيل /// يشبه بزوده الكفيل

خادم الزهراء ع ابو احمد الطائي

بصوت. مسلم المطيري

يشبه بزوده الكفيل


كلمات الشاعر
ابو احمد الطائي

قصائد الانصار ع

يالخيرتنه اشنختار
فدوه الك دم الانصار
مانمشي بستر الليل.
عاهدنه ننطيك الحيل. فدوه الك دم الانصار

شلنه بالدنيه يغالي. المانشم بيهه هوالك
وياهو يسوه اويـاه نگعد لو زمن منه خذاك
نركض اعله الموت كلنه بلحظه لو فگر وجاك
وامداهه الدنيه بعدك المارضت تحفظ ضواك
وياك يـــــــــانور العين
نمشي وعلي مغمضين
ولجل الخيم دمنه يسيل  
   عاهدنه ننطيك الحيل فدوه الك دم الانصار
ــــــــــــــــــــــ
شنهو رجعتنه بدونك وياحـــجي يرهم عذر
وانت جدك فگ ركبنه. من الصنم واهل الكفر
والدك حامي الحميه خيره اعلينه اشكر
ولومه سيفه بيوم خيبر. انكـــسر من الضهر
چا رجعت اصنام اصنام
وندثر اسم الاسلام
بلياكم الدنيه تميل
عاهدنه ننطيك الحيل  فدوه الك دم الانصار
ــــــــــــــــــــــ
صح يابو عبدالله العدد اگليل وبس سبعين
لكن وحك هيبة علي. العافوك مامتوفقين
شتعيش بعدك المشت هم سنه لوسنتين
ولو عاشوا اكثر لو اقل. هم للتراب امودعين
العمر يطول ويعوز
وبس البقى وياك يفوز
الخيل نردفهه بخيل
عاهدنه ننطيك الحيل  فدوه الك دم الانصار
ــــــــــــــــــــــ
عفنه الاهل عفنه الوطن والنصرتك متلهفين
ولو ميت الف مره ننذبح يذبحنه ما متندمين
شلون بامان احنه نضل. وهل النبي ممامنين
وشنكول للزاهره وعلي. لوجر دمك يحسين
يبن النبي لاتحتار
ماتوصل اخيامك نار
نراويهم اعداك الويل  
   عاهدنه ننطيك الحيل.   فدوه الك دم الانصار

ــــــــــــــــــــــ
كالوا نسلبهه الخيم. ولاسر العقيله محضرين
وهذا وعلي يبقى حلم مادامنه مو ميتين
والكال نهضم فاطمه. من نسحك اضلوع حسين
واحدنه احر من الجمر. والذبحته متحضرين
لا وحك ذاك المسمار
وداعت علي والمختار
انهارهم يصبح ليل
عاهدنه ننطيك الحيل. فدوه الك دم الانصار
ــــــــــــــــــــــ
امشي اعله رايه لاتهم وللموت اركض بينه
بايعنه حيدر والنبي وغيرته هايه البينه
انصارك من احسن زلم وفنه اليفوت اعلينه
وداعت علي وغيرت علي نمحيه الي يلاوينه

نقسم ابراس العباس
ظل الخيام ماينداس
الدنيه بعداك تميل
عاهدنه ننطيك الحيل.   فدوه الك دم الانصار

خدام الزهراء ع. ابو احمد الطائي

بصوت. مسلم المطيري

يالخيرتنه. شنختار
فدوه الك دم الانصار


كلمات الشاعر
ابو احمد الطائي

زلم الحسين ونعم طبوهه
الخيل جفلت والزلم جتفوهه

ذب حبيب اعمامته وشد العزم
وزينب تعـاين هجمته من الخيم
گلهه ياعمي وعلي وخدر الحرم
اليوم آلعب السيف برگـاب الزلم

وصاح يابت فاطمة.... هز اهزهه الموزمه
وصاح باصحابه الهمم شدوهه
الخيل جفلت والزلم جتفو//////

اربعه من ازلامه جفتو عالنهر
والقيامه قامت بذاك الظهر
هوسو لحسين والزود الكمر
وغصت من جيوشها اوشبعت سقر

عيدو وسط الحرب .... اسباع ودور الغلب
وراية الخضره ترف خلوهه
الخيل جفلت والزلم جتفوهه
//////
وين ماتلتفت تـلگه امشمره
روس واعيون وجفوف امبتره
لزموه الجيش عـــــــالمذبح سره
ورادو ايحولنهه الطف مكبره

دگو الظهر بضهر. .... حضر سوو عالشمر
جيوش اميه من النفس حرموهه
الخيل جفلت والزلم جتفوهه

//////
صاحو تورطنه اجيوش العده
وگامت ادور اعذار اعله السده
والارض عالموت صارت شاهد
ه
وركعوه الجيش هو اوقائده
الشرد والما شرد ... نزل راسه او ماصعد
اتسابكو واهل الكفر ذلوهه
الخيل جفلت والزلم جتفوهه
//////
گبال خيمتها العقيله اتباصرو
وهوسو باسم الحُسين اوزامطو
رجو اگاع وعلي من هوسو
وعالمنايه سباگ خيل تسابكو
افحول طبو عالحرب. ... گصبو العايل كصب
شالو ارضچ كربله وطگوهه
الخيل جفلت والزلم جتفوهه

//////
الله واكبر صاحو اعله الموزمه
وفاضت اجروف الفرات من الدمه
جبل صار من الجثث حد السمه
وصاحو احنه فداك يابن فاطمه

انصار ابو اليمه وعلي. ... ماتلين وتنثني
كدو اعلى الغانمه وجابوهه
الخيل جفلت والزلم جتفوهه


خادم الزهراء ع ابو احمد الطائي

زلم الحسين ونعم طبوهه
الخيل جفلت والزلم چتفوهه

كلمات الشاعر
ابو احمد الطائي

بصوت. ( مسلم المطيري)

قصائد الانصار ع

انصارك الوفايه. الك عگدت رايه
ولو بذلنه ارواحنه. اعليك موش اهوايه

فدوه الك يابو المحنه ارواحنه ننطيها
انت متفضل علينه اخـيامـك انحاميها
ماكــــــو داعي للـوصيه الرايد اتوصيها
أشر وعـالصعبه ذبنه.وانت تبشر بيــها

للـــحرب عنايه. ونشتريها اشرايه
ولو بذلنه ارواحنه.     اعليك موش اهوايه
ــــــــــــــــــــــــــــــــــــــــــــــــــــ

كلنا عد عيناك صحنه ونصرتك تكفينه
ياتجف يابو الشهامه الخيرك مغـطينه
الف خيعونه التقدم الـــــــك ياوالـينه
وكون من دم الشهــاده شيبه امحـنينه

انت اعظم ايه. النــــــــــــا امودايه
ولو بذلنه ارواحنه.     اعليك موش اهوايه
ــــــــــــــــــــــــــــــــــــــــــــــــــــ

يااصول الدين انت ومنهـو يمـحي اثـارك
ندعي اوفـقنه الله صــــرنه من انصارك
سلنه سيف اعله الاعادي من تسل بتارك
وقبل لاتعطش يضامي احنه ناخذ ثارك

رخصنه اندگ ثايه. وتدري بينه اكفايه
ولو بذلنه ارواحنه.     اعليك موش اهوايه
ــــــــــــــــــــــــــــــــــــــــــــــــــــ


امراد ناخذ من خدرهه زينب ونـفديها
والضوه لو مــــاتريده والله ميمر بيها
كلشي لتريده نجيبه نحطه يم رجليها
والشمس لـــــــو عاندتها نصعد نطفيها

للخدر حمــــــايه. لو نصير ادمايه
ولو بذلنه ارواحنه.     اعليك موش اهوايه
ــــــــــــــــــــــــــــــــــــــــــــــــــــ

اسابگت خيل الاعادي خل نشل اطرادها
والتعاند وحگ زينب نسحك اعله افادها
هاي حربك كل موالي يدعي الله او رادهـا
ان شا الله انول الشهاده ونحصل اعله امجادما

الشـيعي حكم رايه. والشهاده الغـايه
ولو بذلنه ارواحنه.     اعليك موش اهوايه

ــــــــــــــــــــــــــــــــــــــــــــــــــــ

عطوه ماننطيها والله الواصلت عدوانك
وفزعه وحده نهد عليها احنه وي اخوانك
فدوه انطينه الاشاره وانت ضل بمجانك
ومن ذبيح الذابح الهم ينكلب عنوانك

  شنهو المسنايه. والــفرات ومايه
ولو بذلنه ارواحنه.     اعليك موش اهوايه

خادم الزهراء ع ابو احمد الطائي

بصوت. مسلم المطيري

انصارك الوفايه. الك عگدت رايه
ولو بذلنه ارواحنه. اعليك موش اهوايه

فدوه الك يابو المحنه ارواحنه ننطيها
انت متفضل علينه اخـيامك انحاميها
ماكــــــو داعي للـوصيه الرايد اتوصيها
أشر وعـالصعبه ذبنه.وانت تبشر بيها

للـــحرب عنايه. ونشتريها اشرايه
ولو بذلنه ارواحنه.     اعليك موش اهوايه


كلمات الشاعر
ابو احمد الطائي

الهيبه الهيبه الهيبه طرهم، حبيب الهيبه

طرهم حبيب برايته وروس الزلم گصاهه
وتتشامر اعله الميمنه والميسره خــــــلاهه
تسعين عمره ويمنته محــــــــد گدر لاواهه
وروس الاجت تسبي الحرم مثل الرمل طشاهه

يجيبه يجيبه يجيبه. حتى اليطير يجيبه

واحد وثمانين الف مـاتوا رفس بالحومه
والسيف ضــل يلعب لعب برگابهه الملثومه
تسعين واحد من شرد. من خوفه ذب هدومه
بن ضاهر تعنه الحرب ومنهه الشرد مالومه

يصيبه يصيبه ايصيبه. بالنجم سيفه يصيبه

هوس وصاح اعله وهوسته شمحلاهه
يحسين عوفنه الخيم بدمانه نتفداهه
هاليوم افخر عالخصم وبيمنتي اتباهه
وهايه الجنت من الزغر يابو علي اتمناهه

النيبه النيبه النيبه. وياك زلم النيبه

ابشر ياراعي الموزمه ماخلي واحد بيهم
سالم يرجع للاهل واقاسملك الا اكضيهم
من روسهم سال الدمه وصلته الرجليهم
وفنه اليسلم بالحرب يالوكلتني اعليهم

انريده انريده انريده. العال بيك نريده

طبهم گانوص الزلم من يگدر الصولاته
صفه المعسكر والحرب تشهد على جولاته
نصين سوه الموزمه ومزقهم بضرباته
وروس تطاير غدت ويه الهوه بحملاته

البيده. البيده. البيده صفاهه بيده البيده

حسين صاحه يالشهم وفيت والله اهوايه
ومن شافه بنص الزلم هوسله راعي الرايه
وعون من اشر اله صاحاله عمي اكفايه
ارجوك هدي اعله الحرب لاتكضي المسنايه


ابهيده ابهيده ابهيده. لاتكضي عمي البيده


خادم الزهراء ع ابو احمد الطائي

بصوت. مسلم المطيري


الهيبه. الهيبه. الهيبه. طرهم حبيب الهيبه



كلمات الشاعر
ابو احمد الطائي

قصائد الامام العباس ع

الامام الحسين ع يخاطب اخيه العباس ع


ماينجبر كسري. فكدك حنه ظهري
وبعدك حرت بامري عباس عباس

انهدم حيلي وانت ياخويه السندته
والمرار المرني بجفوفك شگـــفته
اجم أمر ماينهظم لينته انته
لاتغمض اعيونك ضهري كسرته

يالضامك لمري. بعدك طغى دهري
. لاتختبر صبري. عباس عباس

دلني جرحك وانه اتكـفل مطيبه
وخلنه نتعاون عله حل هالمصيبه
يابو فاضل دنيتي صارت كئييه
وياحبيب يعيش لو فارك حبيبه

عليك الدمع يجري . وشلون مأدري
اتماشه وي دهري عباس عباس

لحظه لحظه الدنيه عشناهه سويه
انا احن عليك وانت تحن عليه
وجنت اسنـــــــد عليك بكل قضيه
انت بس هل مره اتســــــــند عليه

اتسند الظهري. وانا احملك وجري
لتعاون بكسري. عباس عباس

خويه زينب تنطرك خل نرجع الها
الخوف يبس روحها وبس انت املها
شلون ارد الوحدي واختك شگلها
وانت بس انت البقيت الها من أهلها

خويه نكسر صبري. وتلاوه وي قهري
عاوني ياذخري. عباس عباس

لا تشمت اعداي وانهض يالشفيه
والجروح البيك خلهن خويه بيه
خويه من العطش اتنتطرك رقيه
ولك مـــــديت ايـدي لترجع اديه

ماتقبل بعذري. ارقيه من تدري
عمها قبل هجري عباس عباس

خل نرجع اضعونه الارض المدينه
ومن بعدهه الهجر خل يطلع علينه
سوه نرجع مثل ماشلنه وجينه
لو نودع هالضعينه يم علينه

نار الكلب تسري. واليا درب مدري
ياخذني اله قدري. عباس عباس


خادم الزهراء ع ابو احمد الطائي

بصوت. مسلم المطيري

ماينجبر كسري. فكدك حنه ظهري
وبعدك حرت بامري عباس عباس

انهدم حيلي وانت ياخويه السندته
والمرار المرني بجفوفك شگـــفته
اجم أمر ماينهظم لينته انته
لاتغمض اعيونك ضهري كسرته

يالضامك لمري. بعدك طغى دهري
. لاتختبر صبري. عباس عباس


كلمات الشاعر
ابو احمد الطائي

نزل عباس وعلي. الشده راحت تنجلي
زينب الهم هالهلي.  زينب الهم هالهلي

اثنينهم هدوه سويه. وعلي هوس للكمر
تكفه يمدوخ الطرايد . يبو رايات الخضر
مايشيل الراس عمي الجيش منك منسطر
اوتسعه وتسعين منه. . مكومين عله النهر

اسد ويهوس الاسد   والبرز راسه انمرد
  زينب الهم هالهلي



ابو فاضل كف يمينه. وخيلهم كلها اعثرت
وناس ذباهه اعلى ناس. والرگاب اتشمرت
اوكر الاكبر بعد عمه. ويده بيهم اوجرت
واحد وتسعين فرقه.   مثل ماي تبخرت

الهاشمي والهاشمي. خذو. صدر العلكمي
زينب الهم هلهلي

كمر هاشم شد عليها وعلي شد حيله بعلي
وصاح ياعمي ابو فاضل. كافي خليهم الي
والله مايسون ذوله . انت الهم تعتني
روح للخيمه تگهوه. وانه افنيهم فني

بالحرب مية هلا صاحوا اهل المرجله
زينب الهم هلهلي

غاره ردفوهه اعله غارة    وعالمنايه تحزموا
وقائد ايصيح اعله قائد. وين نختل لو أجوا
روس ماتبقى برگـــبنا. وداعتك لو أوصلوا
وگوم خل نختل اگلك. الهواشم ضهضبوا

من علي وزود الكفل. واحد بواحد ختل
زينب الهم هلهلي


خطفو عقول الكتايب. علي الاكبر والكمر
وداخت الجيمان بيهم. من تعلوا عالنهر
اشجع الفرسان بيها. اوجوهم صارت صفر
وبنهار الطف يزينب شافوا انجوم الظهر

الأكبر وراعي العلم. خطفوا عقول الزلم
زينب الهم هلهلي

دحنت كاع المعاره.      من ابو فاضل غضب
وخبط زلم الحومه بيده.     وعلي كضلها الدرب
الواحد بواحد يضربه وينقسم ماينضرب
هذا بس عند الهواشم. الضرب يمحي الضرب

كربلاء ازلزلي اليوم يمحونج هلي
زينب الهم هلهلي

خادم الزهراء ع ابو احمد الطائي

بصوت. مسلم المطيري

نزل عباس وعلي
الشدة راحت تنجلي



كلمات الشاعر
ابو احمد الطائي

كبر ومن كبر.   بيده صم العسكر
طبها وارث حيدر.   عباس عباس

طبهه ابو حجي الثگيل المايرد بحجايه
والزلم حطهه بجـــــربته وبده المسنايه
ما يريد النــهر بَــــطل كـره صيته ومايه
يريد هالروس التعنت ترجع مدمايه

وسيفه مايتعذر.     بالرگب من بفتر
طبها وارث حيدر.    عباس عباس

دنگت كربله منه والزلم بجاهه
ويوم اسود مر عليها الحومه من طباهه
ترمش اعيون الاعادي اگباله ماخلاهه
وين المكبره  الشوارب بالجدم داساهه

علماهم  عالكـــــر.  سوه بيهم خيبر.
طبها وارث حيدر.    عباس عباس

قائد الجيش بعبايه تگبع وضم روحه
والعساكر يمنه يسره  مذبحه ومجروحه
گبال جدم حسين خله روسهم مطروحه
وهزهم بسيفه ابو فاضل هزة المرجوحه

الوكــــــــف يتطبر.        والگعد يتكسر
طبها وارث حيدر.    عباس عباس

كربله فصلها. بيده وبالجثث ساواهه
ومرد ساحتها اعله كيفه وبالدمه غطاهه
وساتر من الرروس سوه وللخيم وداهه
وهلهلت زينب لخيهه وهو يتفداهه

غيره لا مايكدر      هذا عم الاكبر
طبها وارث حيدر.    عباس عباس

تلاثه وسبعين فرقه تكسرت راياتها
وللسن ذيجه الطويله خورس حجاياتها
وهاشم بزود ابو فاضل. ترتفع هاماتها
اشكرت لام البنين عا للبن ورباتها

مشكر ابن مشكر   وحگها زينب تفخر
طبها وارث حيدر.    عباس عباس

خادم الزهراء ع ابو احمد الطائي

بصوت. مسلم المطيري

كبر ومن كبر. بيده صم العسكر


كلمات الشاعر
ابو احمد الطائي

قصائد الامام العباس ع

اسرج الخيل.  يلاكبر.     اسرج الخيل
اجدح نار احساسي      عمي دخن راسي
  اسرج الخيل.  يلاكبر.     اسرج الخيل


اسرج الخيل ارد ادوساّ روسهم بجدامي
وسبع شطرات ارد اشطره ألــوكف كدامي
اليوم من غيضي ارد اخلي شامي يردم شامي
والا اجيب الماي گوه الجبد ابوك الضامي

گرب الموت.    عليهم. گرب الموت
وياهو يحمل بآسي.     عمي دخن راسي
  اسرج الخيل.  يلاكبر.     اسرج الخيل


ــــــــــــــــــــــــــــــــــــــــــــــــــــ


اليوم يوم العز يلاكبر كوم شوف افعالي
وراح ماتلحگ عليهم تلگه الطف خالي
الكون بين اجفوفي اصمه من احط ابالي
وكلها تنزل بس علمنه يبقى ايرف عالي
 
ذوله.يردون.    اذلهم ذوله يردون
اسرعلي يانوماسي     عمي دخن راسي
  اسرج الخيل.  يلاكبر.     اسرج الخيل

ــــــــــــــــــــــــــــــــــــــــــــــــــــ
راح اضلو الدنيه بيهم والهوه يشرونه
ومن اهد حيلي عليهم فنهم يدرچونه
اليصد عمي الخيمنه بيدي اطلع اعيونه
وراح اوذره وي التراب. واهله مايلكونه

طشت الماي ارد اطشهم. طشت الماي
العالي اسويه ناصي     عمي دخن راسي
  اسرج الخيل.  يلاكبر.     اسرج الخيل

ــــــــــــــــــــــــــــــــــــــــــــــــــــ


انا عباس ابو فاضل كمر هاشم صيتي
ياهلا بالحرب أگلها وياهلا من جيتي
راح اسلي الروح بيهم وافرح بتسليتي
وبيدي أطويها المعارة طويتي الخاجيتي

اگلب الكون عليهم أگلب الكون
الغيرة دمي وساسي. عمي دخن راسي
  اسرج الخيل.  يلاكبر.     اسرج الخيل

ــــــــــــــــــــــــــــــــــــــــــــــــــــ
عمي اديهم راح ترجف ماتشيل اسلاحهم
وانا. المهدم المنايه. وراح اهدم احلامهم
قائد الجيش ارد اذله. وينذبح كدامهم
وراح اهز الكاع بيهم. من اگص جدامهم

انا عباس. المشكر. . انا عباس
بزودي افرح ناسي. عمي دخن راسي
اسرج الخيل يلاكبر اسرج الخيل

خادم الزهراء ع ابو احمد الطائي