عَنْ مُحَمَّدِ بْنِ أَبِي عُمَيْرٍ، عَمَّنْ ذَكَرَهُ، عَنْ أَبِي عَبْدِ اللَّهِ (عَلَيْهِ السَّلَامُ)، [قَالَ]: قُلْتُ لَهُ:
مَا بَالُ أَمِيرِ الْمُؤْمِنِينَ (عَلَيْهِ السَّلَامُ) لَمْ يُقَاتِلْ فُلَاناً وَ فُلَاناً «١»؟ قَالَ: «لِآيَةٍ فِي كِتَابِ اللَّهِ عَزَّ وَ جَلَّ: لَوْ تَزَيَّلُوا لَعَذَّبْنَا الَّذِينَ كَفَرُوا مِنْهُمْ عَذاباً أَلِيماً».
قَالَ: قُلْتُ: وَ مَا يَعْنِي بِتَزَايُلِهِمْ؟ قَالَ: «وَدَائِعُ مُؤْمِنُونَ فِي أَصْلَابِ قَوْمٍ كَافِرِينَ، وَ كَذَلِكَ الْقَائِمُ (عَلَيْهِ السَّلَامُ) لَنْ يَظْهَرَ أَبَداً حَتَّى تَخْرُجَ وَدَائِعُ اللَّهِ عَزَّ وَ جَلَّ، فَإِذَا خَرَجَتْ ظَهَرَ عَلَى مَنْ ظَهَرَ مِنْ أَعْدَاءِ اللَّهِ عَزَّ وَ جَلَّ فَقَتَلَهُمْ».

(١)- كمال الدين و تمام النعمة: ٦٤١.
📚 البرهان في تفسير القرآن، ج٥، ص: ٩٠

|| مقام خادم سيد الشهداء صلوات الله عليه ||

*ابْمقياس البصيره خادم الْمَذبوح*
*أشطر واحد ابْدنياه واَذْكه اِنْسان*
*للأبعد نظرته اوْما وراء الشوف*
*گبل لا يِمْتحن ناجح يِعَرْف اشْچان*
*اذا فوگ القمر غيره وصل مسكين*
*فوگ العرش واصل زائر العطشان*
*الفضاء العالم العلوي.. السفينه ادموع*
*و آلَه للسفر عِبْر الزمن والْآن*
*هيّه ادموعه ظاهرها مثل أي ماي*
*اوْباطنها سفينةْ نوح بِالطوفان*
*اهْدومه السود لابسهن خليل الله*
*بَرداً وَ سَلاماً چي عله الصيوان*
*تره يوسف قميصه اَسْود عله المسلوب*
*لذلك صار عطره ايْطَيّب الْعميان*
*سَعَف گلْب الحسيني ابْكيف ريح احسين*
*مو سلعه خِدِمْته اوْتِنحَط ابْميزان*
*غيره اشْما عِبَد وشْما دِرَس ما لاح*
*العابرهن عروجه ابْنوحه عَالشُبّان*
*يِنحَط بِالگلب مَمْلوح اخو الْياويل*
*مؤدّب، چم مَلَك منّه غِرَف عِرفان*
*بِالرَجعه يِفِز مِن گبره فَزّةْ نار*
*مَمْسوس ابْعشگ جَنّن هِرِش الَاْغصان*
*يِفِز مِتوَزّر ابْنَعيَه اعله اخِت عباس*
*اوْشاهر سيفه عَالْوَگّفها بِالديوان*
*بير اعيونه للمهدي وَقُف متروس*
*ابْنوره اوْما تِرَس عينه وَهَم دِكّان*
*امْنَ اَوّل نظره لِلأمسه درب للخيل*
*حُبّه اوْجَرحه يتنَفّس بچي الرِضعان*

||شيخ سجاد الفهد||

نامت اعيون اوْفَزّت اعيون
امْحَدّب رجع ماكو الْيِتَچّون
اتراب الگبر فوگ امْنِ الِمْتون
ابْطرگ البچي رد شاحب الّلون

مكسور راح ايْشَرّب البير
ادموع اوْحچي اعيونه النواعير
غربه اوْضِلِع مكسور، شيصير !!!
مغتاض من طاري البسامير

|| غربة سيد الأوصياء

✍ شيخ سجاد الفهد

مَلْموم حيله اوْبَعده الِفراش
حار ابْدَمِعها الصاير اقْماش
اتفَرهَد علي مات اوْجرح عاش
گبْل الْيِتامه اوْنينه غَبّاش

|| غربة سيد الأوصياء

✍ شيخ سجاد الفهد

شِبْه الخيال اَمْسَت نحيله
ايْگِلْها: النعش بِالْگوّه اَشيله
امْنِ الظيم اُم زينب ثجيله
لِيشوف ضِلْعِچ باد حيله

|| غربة سيد الأوصياء

✍ شيخ سجاد الفهد

*ملح الرجعة*

الْخِدِمْتِچ دور بِالرَجعه
وفائچ بي فصل ثاني
يَباب الطاهره البضعه
عطائچ درس وحياني

بِالإنتظار اوْبِالغرام . .
قدوه اوْلطف عالي المقام . .
لوحةْ أدب وَيّ الإمام . .
نعمه انتي مِن جرح الْخِيام . .

عَلْميهم .. أدبيهم .. شَوفيهم
معنى الإنتظار اوْشوگ الاَيتام

بَچّیهم .. حزميهم .. انطيهم
جَمر مِن حزنچ اعله الطَبّت الشام

اِسْمي المهدي بس ابْغربتي احسين
أقل مِنْ فَرْحِتي الْيِنشد عَلَي وين
الْيِنحَب مو شرط يِنشاف بِالْعين
(ألا مِنْ عارفٍ) ؟!!! مو عِشِت طفّين

✍ ||شيخ سجاد الفهد||

#صاحب_الزمان #أم_البنين

*ملح الرجعة*

يَمِلْح الرَجْعَه مِن دونچ
يِصير ابْلا وفه جيشي
سيفي دمعةْ اعيونچ
عَلَه الكَدَّر عَلَي عيشي

يا مُلْهِمَةْ جيش العزاء . .
يا آيةْ أصحاب الكساء . .
بِدويّه قرآن الْوَفاء . .
اِسْمچ سمه يِمْطر عطاء . .

إيمانچ .. وجدانچ .. إحسانچ
دولةْ معرفه لِلعوزه تعلوم

تَسْليمچ .. تعظيمچ .. كل ظيمچ
دَمْعچ بس لبو السجاد، معصوم

ثَوّبتي الْوِلِد والْعين والْحيل
لِلْمارحمْته الْعدوان والْخيل
شَرْع الْخُوّه اِبْنچ سَرْفَن الّليل
خَلّه الناس تِنسه اشسَوّه قابيل

✍ ||شيخ سجاد الفهد||

#صاحب_الزمان #أم_البنين

بين غربة الشام وفراق الكفيل واقتراب الموت منها تناثرت دموعها على خديها قائلةً لعباسها:

*لَحِّگ عله اختك واسْبگ الموت*
*يا دفو اچفوفك ردّته تابوت*
*لا دمع ساده اشعجب لا صوت*
*لِلمَگبره الْمُو عِرِف زاتوت*

✍شيخ سجاد الفهد

جديد '


وداع الأكبر والسجاد (صلوات الله عليهما)

قبل أن يخرج إلى الميدان توجه مولانا الأكبر الى أخيه الإمام السجاد ليودعه … فلما رآه الإمام السجاد…

گال:

گالو جايني امْتَعْبِ الْيِوَصْفون
بستان المواقف، حيلي والْعون

هله ابْطولك اوْنوره الْيِترس العين
اُخوي الراسمه الله ابْشَفّةْ احسين
بسمه، اوْبِالْحرب صگر الميادين
اِلْمِن سیفه اوْجماله يرجف الكون

هله ابْجَيْت الوسامه اوْشَرْع الِاسْباع
هله ابْهِرْش الشهامه اوْزين الَاطباع
هله؛ بس ليش جَيْتك جيّت اوْداع ؟!!!
بِفراگك يَغالي اشْتسوه الِعيون

إجلال الْجلالك يا اُخو الروح
أنه اَتلَگّاك واگف لَوَن مسموح
يَسْماعيل اَبوك اتطِيح مذبوح
لو ذبحوك مِن حِسْنَك يِغارون

شِد گلبي اعله صدرك لَوَن هَدّيت
اِخِذني اوْياك گبْلك أنذِبِح ريت
ولا أسمع حچیهم حِرگو هَالْبيت
ولا علويّه گدّامي يِشتمون

اَطيح اهْنا ولا بالشام مَچْتوف
اوْعَلَه عَمّتنه خويه ايْطيح چَم شُوف
ابْنص وادم امْعَيْده اوْبيدها ادفوف
ابّاب القَصُر لو تدري اشْيْصيحون !!!

شيخ سجاد الفهد
٢٨ / شوال / ١٤٤٢ه
قم المقدسة

تذكرة الشهداء للكاشاني

جديد '


وداع الأكبر والسجاد (صلوات الله عليهما)

جواب مولاي الأكبر صلوات الله عليه:

اِجيت اوْبالي كلّه يَم الِحسين
اَمْسَح وَجْهيِ ابْرِجلك والِيدين

يَدِسْتور الأدب والْعَطُف لَتگوم
آنه اَگعد واَشُبگك جرح ملچوم
اَوَدعك جيت خويه ابْگلب مهضوم
عَلَه الْيِبست لهاته يا ضوه العين

الولد حيله الْهَلَه يا زين الِعباد
عِكّازه الأبو بالضيج يِرّاد
گبل لَيْصيح: حَيْهُم ها يَالَوْلاد
تِهِب مِن سيفه صَرصَر بِالْميادين

شِفْت احسين مِفرد عگب الَانصار
أمان الخايف المظلوم محتار
أنه اوْدمعي ركضنه حارّ ابْحار
لَخَلّي الطگ مُطَر، فرسانهم وين؟

لَتگوم اوْتِسِل السيف؛ مَعذور
عندك اُخو إبْشِر يِكْسِر اظْهور
گبل لا تحچي خويه اتغَبّش اگْبور
ما عاش الْيِغِثَّك واحنه عدلين

كِسَر گلبي هَذاك الواگف اهْناك
گُوّه امْنِ الْعِطش گال: الله وَيّاك
أسير اوْهُوّه بيده أمْرِ الَاَفلاك
غريب اوْدارت اعله اخْيامه صُوبين

شيخ سجاد الفهد
٢٩ / شوال / ١٤٤٢ه
قم المقدسة

مقتل سيد الشهداء صلوات الله عليه للسيد المقرّم

لسان حال شيخ الأنصار *حبيب بن مظاهر الأسدي* رضوان الله تعالى عليه، ليلة العاشر . . .
*نصاري*

گومو اوْياي يَصحاب الحميّه
نِطَيّب گلب إخته الهاشميّه

يَليوث الكريهه اشلون ترضون
الْبِت المرتضى ما تغمض اجْفون
گلّو الْبَني هاشم: لا تِسِهرون
ابّاب امْخيّمه انهوّس سويّه

ابْعَبايَةْ اُمْها لو طِلْعَت يَهَالناس
اطّوني اتراب اَحِط ابْسرعه عَالرّاس
امْنين آنه اوْتحاچیني اخِت عبّاس
اوْتِوَّصّيني ابْغَريب الغاضريّه

وكأني به مخاطباً مولاتي العقيلة صلوات الله عليها:
*نعي*

مِنْ عِمَت عيني اوْلا تِسِهرين
ذِمّه ابْرگبتي اخْيام الِحْسين
مولاتي ما يِحتاج تحچين
عبدچ حبيب اوْلا تِوَصّين
خوفي عليچ امْنِ الدواوين

وقف حبيب باكياً بعد ذلك ولسان حاله:
*ابوذيه*

*إيْد الله شني الْيِسْوَه وَريده*
*عگْبه الْعيش لا يِهْنه وَريده*
*گبل لا يِنگِطِع باچر وريده*
*وريدي ينگِطِع فدوه الرُقَيّه*

*الْعَبِد ما يِمِن عَالسَيّد وَلَيْشيل*
*عينه، اوْجَرحه مَيْضَمْده وَلَيْشيل*
*تِخِنگه غُرْبَةْ الْمَولى ولِيْشيل*
*حاله، لو خذو إخته سبيّه*

*شيخ سجاد الفهد*

أشتاق الضريحك والْجِنِح مكسور
بيديك الهَوَه اوْطِب الكسر وِدوا

ابْقَفص تقصيري محبوس اشْتهيت النور
وَلَٰكِن عقلي طار ابْلُطفك اوْطَروا

سُبْحَان الْيِحِط ابْحَلگي مِن اَنسا
سُبْحَان اليِدَلّي العاثر ابْمَمْشا

ابْكيف امْرُوّتك ما أقترح إحسان
مَشّيني اعله نار؛ اَبرد واَگول اِشّا

كِلّي والْبِدَيْ للضامن الملّاچ
الِمْغَمْس اليِحِبّه ابْخيره مِن سَوّا

يا ملّاچ مثلك خلگه نغرگ بيه ؟!!!
ابْخيره اَعصيه واَتنفَّس عفو ابْمَلْگا

گبُل لا مِدلَك اِيْدي تِنترس وتفيض
اوْتِلْهِمْني أفكّر شطلب اوْألگا

وأنه گلبي غزال اوْعَثْرتي صيّاد
ابْحضن ضامن وگع غَطّا عطُف مولا

ابْعطر جنّةْ ضريحك تِعدَل الأموات
اصيار الرجعه اَحِس ابْعطرك اوْمَغْزا

تُمُر عَالْمَگْبره اتخضّر زلم ودموع
للمهدي اوْرضيع احسين واُم اِظْما

✍ شيخ سجاد الفهد
١١ / ذي القعدة / ١٤٤٢ه
قم المقدسة

گبُل لا مِدلَك اِيْدي تنترس وتفيض
اوْتِلهمني أفكّر شطلب اوْألگا

ابْطوفان الجزع غارگ دليلك
غيرك ضايع اوْدمعك دليلك
اَهَيْس الكافل ابْگبرك دلّيلك
اوْلَفّك بِالْعلم بيده النديّه

علي البحراني وداعاً أيّها الدمعة والحرقة المتنقلة على غريب فاطمة...
في أمان الحسين