دنگن واستحن ياخيل
صدر حسين اتركنه
ذولاك ابدمه يطلبون
أنتن بيش اخذتنه

،،،،،،،،،،،،،،،،،،،

وخرّن عن حبيبي حسين
وخرّن لا تدوسنه
هذا حسين ابو اليمه
كلش زين تدرنه
ولچن بالصدر قران
وخرن خل ابوسنه
...............
وچن وحده تگل للاخ
حيل حسين اسحگنه

،،،،،،،،،،،،،،،،،،،

ياخيل استحن ياخيل
هذا ضنوة الزهرة
املاك وسمه ونجوم
كلهن يمشن بأمره
الدنية أظلمت لاجله
وعيون السمه حمره
..............
لو عدجن رحم ياخيل
جان حسيني عفتنه

،،،،،،،،،،،،،،،،،،،

أنتن ما اظن خيول
شيطان السكن بيچن
دستنه وجزيتنه
ليش اتردن اشبيچن
صدگن كل بني سفيان
ما توصل عشر ليچن
.............
انتن بالاصل شيطان
تكرهن ريحة الجنه

،،،،،،،،،،،،،،،،،،،

كلهن علصدر چالن
عچنن لحمه وي الطين
ما خلن عظم صاحي
ما خلن چفن لا عين
ضيعن كل جمال البيه
ولا چنه هذاك حسين
..............
عساني اتغسلت بدماي
ولا عاري اشوفنه

،،،،،،،،،،،،،،،،،،،

شكد شفنه وسمعنه بخيل
ما شفنه مثل ذنِّي
چن يدرن خفايا الروح
او گدرن زين يقرنّي
چن عرفن حبيبي حسين
وعرفن بيش ياذنّي
..............
بيهن من اصيح بصوت
على عنادي يدوسنه

،،،،،،،،،،،،،،،،،،،

على جثة اخوي حسين
والله استوحشت هلخيل
بحقد شانئ تدوس اعليه
خلتني اصيح الويل
غارن كلهن اعله حسين
عليه اتگاطرن چالسيل
...............
عاري والصدر ينداس
رد الخيل ردّ عنّه


للشاعر
عبد الحسن القريشي
https://www.tg-me.com/sakiAtashi

دليني عليك
معرفه الامام الحسين عليه السلام غايه الخادم الحقيقي



‏بمروتك دليني
ما اندل يحسيني

موقصدي الضريح
ولا اريد استريح
دليني عليك
*
اجيك..وحيد..دمعاتي بنص خدي
اكول..وعيد..يم بابك ومجدي
عذاب. يزيد..بس حبك ماعندي
تايه بالذنوب
ابذكرك اتوب
بس انته تنجيني
بمروتك دليني
دليني عليك
✍طالبةالزهراء

السلام عليكم
اخوانا خدام الحسين الي يتفضل يقره المستهل والنص حياه الله
بالتعليقات واحول البصمه على العام

فزاعي بطريقه الجنوب
ختام المجلس



الون شاجر على اعيونك..يعباس
وحيد اعداك يولونك..يعباس
على الهامه يصوبونك.. يعباس
*
يخويه بعازه الخوه... يعباس
اعرفك راعي النخوه..يعباس تنكط غيره ومروه..يعباس
✍طالبةالزهراء
****
خويه حركو الخيمه ٠٠٠٠يعباس. خواتك تاهن الهيمه ٠٠٠٠يعباس. مامش بل عدو شيمه ٠٠٠٠يعباس
ام خضير
**
من عطرك اعرفنك..يعباس
اجيت الشاطي ادورنك..يعباس
عن حالك انشدنك..يعباس
✍ام مسلم
*
يعباس العدو سبنه...يعباس
بحباله تجتفنه... يعباس
واخلافك تلوعنه...يعباس
***
عكبك هظموا الخدر...يعباس
وانه بس مره وافتر...يعباس

باصرني يبن حيدر
يعباس
ام حيدر العباديه عماره
**
تعال اكعد يكفالي ...يعباس
وشوف الصاير بحالي ...يعباس
غريبة انفطر دلالي ....يعباس
ام حسن
*
يمن كلت النفس هوني... يعباس
افدي جفوفي وعيوني ...يعباس
كفو نعمين عنتوني...يعباس
✍ام محمد الطلقاني
***
تمت القصيده باقلام شاعرات رابطه
قرابين الطف
لا نجيز حذف الاسماء
🍂🍂🍂🍂🍂

فراق الاهل والاحبه

حيرنا القلم والكلب مثلوم
نرسم بالحزن ونصفط هموم
غالين..اهلنه الي ارحلو ياناس غالين
===========
نعاين بالصور ونهل بالدموع
ماخذنا الالم محنيه الضلوع
طيف وذكريات بخلك مطبوع
كل ليله نضل نعلك بالشموع
ماشين..ولصوب المكابر كوه ماشين
غالين..اهلنه الي ارحلو ياناس غالين
===========
نتعنه الزياره بحركه عنوه
بشيل اجدامنه نتنخه نخوه
رمل حار التوسد بيه بكوه
صوت انياحنه للغربه سلوه
  باجين..بطوار النعي للكبر باجين
غالين..اهلنه الي ارحلو ياناس غالين
✍طالبه الزهراء
==========
ابد ميروح ذكراهم من البال
بقينه بشوكنه جن خنكه احبال
بعد منشوفهم لايمر مرسال
لبسنه اسود عليهم والحزن طال 
ناسين..يضلون بكلبنه جذب ناسين 
غالين..اهلنه الي ارحلو ياناس غالين
✍️☘️ام فراس الساعدي ☘️
===========
تلهب نار فرگاهم بالگلــــوب
خلكي المتجي عل صبر جندوب
اتمايل وميل الآخ كل صوب
گلبي امن البُعد بلجرح متعــوب

الطيبين..خذوكل حيلي وياهم  الطيبين
غالين..اهلنه الي ارحلو ياناس غالين خ_ألحُســـــينيه*
===========
مظفور القهر وي شيب راسي
تيهت  الاثر  وأعلنته   ياسي
ياموت الخذاهم والله قاسي
عزاز الفاركتهم وعز ناسي

عزيزين.. بلسم للجرح هم وعزيزين

غالين... اهلنه الي ارحلو ياناس غالين
ام سجاد الشهيد
===========
تمت القصيده باقلام شاعرات رابطه
نائبه الحسين عليه السلام

https://www.tg-me.com/sakiAtashi

قصائد_محرم

باچر بلا خيم.     لا جربه لاعلم
ونودع الاهل.     ونرافگ الالم

باچر العشره تنتهي.      هيهات ابد ماترجع
اتمنه مايمشي الوكت.  ريت الصبح لايطلع
مو مال تغفه العين ابد.  هليله مالت مدمع
ليلة وداع العايله.       غير البچي ما اسمع
مايغمض الچفن.  ليلة بچي وحزن
لن باچر الاخو.   ينتظره چم سهم
**
اخر مسيه ويه اخوتي. هاي المسيه اگضيها
تمشي الثواني من العمر.  لو بيدي ما مشيها
الدنيا تحرمني اخوتي.     كون الله لا ينطيها
ماشابعه عيوني بعد             وليله شتگفيها!!!
يمي الاخو گعد.    لموادعي استعد
لوحت سبي الدمع   فوگ الوجن رسم
**
ماكو مثلهم باالبشر.  وماكو شبه خوتهم
الدنيا كلها تنسي.       ماتنسي عشرتهم
هليله ضليت استعد.   وتحظر الفرگتهم
هاكثر بيهم عاطفه      حتى الخيم شبگتهم
حتى الخيم بچت. وعليهم انحت
عن طلعت الصبح.   وشيكتب القلم
**
ساعات ويطر الفجر. وتبدي الغصص تتواله
وحسين ابو گلب الترف.  باچر يودع اعياله
باالطف ولا ناصر يضل.  بس هوه وي اخياله
والسكنه ورقيه شيرد.          لو چلبن بذياله
شيسوي لو بچن.  وبأيده چلبن
كل حيله والعمر.   بشوفتهن انهدم
**
ماادري باچر هاالوكت.  وين امشي لاوين ارحل
اقره اعله روحي الفاتحه  . وعليكم اقره المقتل
اطول من اسنين العمر.       ذيچه وگفتي اعله تل
هسه شكل باچر شكل.         كلشي العصر يتبدل
وخيمنه تشتعل،، لو جابو الهزل
واحنه بلا زلم.  شيصعد الحرم

#سعد #العبودي

https://www.tg-me.com/sakiAtashi

📶الآن 🎤

📚محاضرة سماحة المرجع الشيخ محمد اليعقوبي " دام ظله " 🔺

🗣️ رابط الدعوة 🗣️
https://www.tg-me.com/yaqoobioffice?livestream

*سلام أيها الأعزاء*
*من أول ذي القعدة إلى يوم عيد الأضحى المبارك ٤٠ يوماً متتاليه و في الواقع هي أفضل أربعين يوماً لطلب الحوائج حيث تسمى أربعينية ذي القعدة*
*و في إصطلاح العرفاء تسمى ربيع قضاء الحوائج بمعنى آخر إذا إلتزم الشخص أربعينية ذي القعدة و دعى ربه أربعين يوماً فسوف لا تُرد يداهُ إلا بقضاء حاجتهِ إن شاء الله*

*فأنتِ أيتها العزيزة و أيها العزيز إسعي_ى بتذكير الأصدقاء بهذا اليوم عسى أن يكون لك حظ من إستجابة دعاء أحباءك و من أفضل الخيارات هي أحد هذه الأذكار و السور (أياً ما يتلائم مع روحانيتك و أحوالك)*

☘️ *أربعين يوماً قول ذكر لا إله إلا الله* باليوم ١٠٠ مرة

☘️ *أربعين يوماً قراءة سورة الفجر مرة واحدة*

☘️ *ذكر الصلوات باليوم ٢٥٠ مرة*

☘️ *أربعين يوماً قول ذكر يا بصير ٣٠٣ مرة*

☘️ *أربعين يوماً قراءة زيارة عاشوراء*

☘️ *أربعين يوماً قراءة سورة ياسين*

☘️ *أربعين يوماً قراءة آية((رب أدخلني مدخل صدق و أخرجني مخرج صدق و إجعل لي من لدنك سلطاناً نصيرا ))* *باليوم ١٠٠ مرة*

*فالكثير لهم حاجات يرجون إجابتها وب عضهم عندهم مشاكل صعبة كبيره أو صغيرة فالرجاء أن نذكر الجميع بهذا الأمر المهم و لا تنسونا من دعواتكم*

🤲🏻 *اللهم عجل لوليك الفرج بجاه زينب الكبرى (سلام الله عليها)*
*📢تذكيييييييير*

تقرأ زيارة آل ياسين
من أول يوم ذي القعدة
إلى اليوم العاشر من ذي الحجة
*فيها قضاء الحاجات* *👈🏻(مُجربة)*
*و أسألكم الدعاء لي بقضاء حاجاتي وحاجاتكم في الدنيا و الآخرة🤲🏻*

🌄✨《زيارة آل ياسين》

✋🏻سَلامٌ عَلَى آلِ يس السَّلامُ عَلَيْكَ يَا دَاعِيَ اللَّهِ وَرَبَّانِيَّ آيَاتِهِ السَّلامُ عَلَيْكَ يَا بَابَ اللَّهِ وَدَيَّانَ دِينِهِ السَّلامُ عَلَيْكَ يَا خَلِيفَةَ اللَّهِ وَنَاصِرَ حَقِّهِ السَّلامُ عَلَيْكَ يَا حُجَّةَ اللَّهِ وَدَلِيلَ إِرَادَتِهِ السَّلامُ عَلَيْكَ يَا تَالِيَ كِتَابِ اللَّهِ وَتَرْجُمَانَهُ السَّلامُ عَلَيْكَ فِي آنَاءِ لَيْلِكَ وَأَطْرَافِ نَهَارِكَ السَّلامُ عَلَيْكَ يَا بَقِيَّةَ اللَّهِ فِي أَرْضِهِ السَّلامُ عَلَيْكَ يَا مِيثَاقَ اللَّهِ الَّذِي أَخَذَهُ وَوَكَّدَهُ السَّلامُ عَلَيْكَ يَا وَعْدَ اللَّهِ الَّذِي ضَمِنَهُ السَّلامُ عَلَيْكَ أَيُّهَا الْعَلَمُ الْمَنْصُوبُ وَالْعِلْمُ الْمَصْبُوبُ وَالْغَوْثُ وَالرَّحْمَةُ الْوَاسِعَةُ وَعْدا غَيْرَ مَكْذُوبٍ

✋🏻السَّلامُ عَلَيْكَ حِينَ تَقُومُ السَّلامُ عَلَيْكَ حِينَ تَقْعُدُ السَّلامُ عَلَيْكَ حِينَ تَقْرَأُ وَتُبَيِّنُ السَّلامُ عَلَيْكَ حِينَ تُصَلِّي وَتَقْنُتُ السَّلامُ عَلَيْكَ حِينَ تَرْكَعُ وَتَسْجُدُ السَّلامُ عَلَيْكَ حِينَ تُهَلِّلُ وَتُكَبِّرُ السَّلامُ عَلَيْكَ حِينَ تَحْمَدُ وَتَسْتَغْفِرُ السَّلامُ عَلَيْكَ حِينَ تُصْبِحُ وَتُمْسِي السَّلامُ عَلَيْكَ فِي اللَّيْلِ إِذَا يَغْشَى وَالنَّهَارِ إِذَا تَجَلَّى السَّلامُ عَلَيْكَ أَيُّهَا الْإِمَامُ الْمَأْمُونُ السَّلامُ عَلَيْكَ أَيُّهَا الْمُقَدَّمُ الْمَأْمُولُ السَّلامُ عَلَيْكَ بِجَوَامِعِ السَّلامِ

☀أُشْهِدُكَ يَا مَوْلايَ أَنِّي أَشْهَدُ أَنْ لا إِلَهَ إِلا اللَّهُ وَحْدَهُ لا شَرِيكَ لَهُ وَأَنَّ مُحَمَّدا عَبْدُهُ وَرَسُولُهُ لا حَبِيبَ إِلا هُوَ وَأَهْلُهُ وَأُشْهِدُكَ يَا مَوْلايَ أَنَّ عَلِيّا أَمِيرَ الْمُؤْمِنِينَ حُجَّتُهُ وَالْحَسَنَ حُجَّتُهُ وَالْحُسَيْنَ حُجَّتُهُ وَعَلِيَّ بْنَ الْحُسَيْنِ حُجَّتُهُ وَمُحَمَّدَ بْنَ عَلِيٍّ حُجَّتُهُ وَجَعْفَرَ بْنَ مُحَمَّدٍ حُجَّتُهُ وَمُوسَى بْنَ جَعْفَرٍ حُجَّتُهُ وَعَلِيَّ بْنَ مُوسَى حُجَّتُهُ وَمُحَمَّدَ بْنَ عَلِيٍّ حُجَّتُهُ وَعَلِيَّ بْنَ مُحَمَّدٍ حُجَّتُهُ وَالْحَسَنَ بْنَ عَلِيٍّ حُجَّتُهُ وَأَشْهَدُ أَنَّكَ حُجَّةُ اللَّهِ أَنْتُمْ الْأَوَّلُ وَالْآخِرُ وَأَنَّ رَجْعَتَكُمْ حَقٌّ لا رَيْبَ فِيهَا يَوْمَ لا يَنْفَعُ نَفْسا إِيمَانُهَا لَمْ تَكُنْ آمَنَتْ مِنْ قَبْلُ أَوْ كَسَبَتْ فِي إِيمَانِهَا خَيْرا وَأَنَّ الْمَوْتَ حَقٌّ وَأَنَّ نَاكِرا وَنَكِيرا حَقٌّ وَأَشْهَدُ أَنَّ النَّشْرَ حَقٌّ وَالْبَعْثَ حَقٌّ وَأَنَّ الصِّرَاطَ حَقٌّ وَالْمِرْصَادَ حَقٌّ وَالْمِيزَانَ حَقٌّ وَالْحَشْرَ حَقٌّ وَالْحِسَابَ حَقٌّ وَالْجَنَّةَ وَالنَّارَ حَقٌّ وَالْوَعْدَ وَالْوَعِيدَ بِهِمَا حَقٌّ

☀يَا مَوْلايَ شَقِيَ مَنْ خَالَفَكُمْ وَسَعِدَ مَنْ أَطَاعَكُمْ فَاشْهَدْ عَلَى مَا أَشْهَدْتُكَ عَلَيْهِ وَأَنَا وَلِيٌّ لَكَ بَرِي‏ءٌ مِنْ عَدُوِّكَ فَالْحَقُّ مَا رَضِيتُمُوهُ وَالْبَاطِلُ مَا أَسْخَطْتُمُوهُ وَالْمَعْرُوفُ مَا أَمَرْتُمْ بِهِ وَالْمُنْكَرُ مَا نَهَيْتُمْ عَنْهُ فَنَفْسِي مُؤْمِنَةٌ بِاللَّهِ وَحْدَهُ لا شَرِيكَ لَهُ وَبِرَسُولِهِ وَبِأَمِيرِ الْمُؤْمِنِينَ وَبِكُمْ يَا مَوْلايَ أَوَّلِكُمْ وَآخِرِكُمْ وَنُصْرَتِي

مُعَدَّةٌ لَكُمْ وَمَوَدَّتِي خَالِصَةٌ لَكُمْ آمِينَ آمِين ..َ

*أسألكم الدعاء لي و لوالديّي🤲🏻*

قصيدة للعليـــلة لسان حال الامام الحسين ع

هــاي هيــة يالعليـلـــة نفتــــرگ
بالـوداع اشتـم گمت ريحة حرگ

امودعه الله رايحين الكربلــــــة 
گومي يلـة وياي ودعـي العايلـــة
يالعليلــــة    يالعليلـــــــة

امودعــة الله وديري بالج عالنــزل
هاي هيـة انطشت وفل الشمــــل
اعرف غياب الاهـــل لا مو سهــــل
ضلتچ بالــدار ابــــــد ما  تنحمــــل
چنتي بجالي يبويــــة  امـــــدللة
گومي يلـة وياي  ودعي العايلـــة
يالعليلــــة       يالعليلــــة

اخر حچايـــة وبعد. يمشي الضعن
دموعي وموعـــچ مصايب سولـفن
ومن  نروح عيوني الچ يتلافتــــن
گلبي يمج  گـــوة اجدامي مشـــن
اسمع تصيحين ردوو القافلــــة
گومي يلــة وياي  ودعي العايلــــة
يالعليلـــة    يالعليلـــــة

اسمع تصيحين روحـــچ حايــــرة
عدكم بنيـة تضــــل  متمــــرمره
والمريض يـــريد واحــد ينطـــرة
وانة احس هموم بيج مسطــــرة
ادري صعبة عليج بويـة المسألــة
گومـي يلـة وياي، ودعي العايلـــــة
يالعليلـــــة  يالعليلـــــة

تگلي خافن غافيـــة وهاذا حلم
ياضعنهم  سار والحيل انهـــدم 
بويـــة  شحجيـــلك شسولف يالـم
ردها اليــة ارجوك ناديتي  الحـرم
ادري انــــــه رويحتــج  متعلعلـــــة
گومي يلــه وياي ودعي العايلــــة
يالعليلـــــة.    يالعليلـــــة

تضل روحي  يالعليلـــــة مچتفــــــه
شلون لو سار الضعن ونطه الگفــــة
العافية ادعيلج  يبويـــة  باالشفـــــه
تضـل زينب با الاطفــــال مكلفــــــة
خافـــن تسمعين ابقـــــــه بالفلـــــــة
گومي يلـــه وياي ودعي العايلــــــة
يالعليلـــــة.    يالعليلـــــة

باچــر تسمعيـــن  زينب عمتــــج 
حايرة  باطفـــال هلـــي دمعتـــج
تزيد تاليهــا النــوايب علتـــــــــج
فاطمة بالگبر اطلب  وگفتـــــج
وانـــة بذنوبي  اجيت محملـــــــة
گومي يلة وياي ودعي العايلـــــة
يالعليلـــــة.   يالعليلـــــة ..

تمت بقلم خادمة  اهل البيت ع ام وليــــد الموسوي لا اجيز حذف الاسم  شرعا والفاتحة الئ روح والدي ووالدتي
🍃🍃🍃🍃🍂🍂

ــــــــــــــــــــــــــــــــــــــــــــــــــــــــ
الليالي الفاطميّة
قصيدة ( ناري توج ونارچ)

لسان حال الامام الحسين


نــاري تــوج و نــارچ
حرگو خيامي ودارچ
مثلچ ضلوعي يمه متكسره
عبـدالله مثـل المحسن
ارض وسمه لأجله تون
ويلي لمصابچ يُـمه يالزهره

###################

قصتي شبيهه لقصتچ واسراري نفس اسرارچ
زينب علينه الي تـوون و المهـدي ياخـذ ثارچ
يُمـه سبب كـل الحقـد حيدرنه چيف اختارچ
رادو يغيضون الوصي وانتي الوحي خطارچ
چانو تره يعرفونچ
عمـداً أجـو اذونچ
گالـو يبايعنـه علي انجبـره
حركوهه داره لغايه
رادو يغييــر رايــه
ويلي لمصابچ يُـمه يالزهره

###################

اثيابـچ التگطر دمـه مـا تفرق اعله اثيابـي
الحاله الوحيده و الفـرق لمـن إجـه سلابـي
ماخله منهـن كلشي الي و ساتر عليه ترابي
الي اختلط ويه الدمه وغطاني يوم مصابي
حالـي شبيـه لحالـچ
وثيابي نفس اثيابچ
مـن العساكر و الـدمه حمره
خـدي تغـيـر لـونـه
بالحافر ايسحگونه
ويلي لمصابچ يُـمه يالزهره

###################

دمعـچ يسيل بموتتچ عينـچ علينه تـلالي
مثلچ صفيت بطيحتي عيني تصد اعيالي
يالـدافنچ بيـده علي وليدي علـي بالتالـي
هوه التولـه دفنتي و صـار الولـي لعيالـي
نفـس الاسـم دافنـه
شايل نعشنه وهمنه
بس كسرتچ ياالوالده كسره
تبچي عليچ السبعه
يالطاهـره يالبضعـه
ويلي لمصابچ يُـمه يالزهره

###################

يافاطمه دمعچ تره وفضلچ عليه اهوايه
بكل المجالس حاضره البيهه عليه اقرايه
بعاشور تبچيلي جمر وتمشين هم مشايه
واجب حضوري لمأتمـچ يالوالده الوفايه
كل مجلس اليقرالچ
واجب اجي وانعالچ
بلكت ضلوعچ بالدمـع تبره
انه بعزائچ حاضر
دمعي يهد الخاطر
ويلي لمصابچ يُـمه يالزهره

###################

فـدوه رحـت يُمه ألـچ أنـه و دمـاء اوريدي
يالدفترچ مملي خدم لأجلي وحـق اوليدي
اسـم اليطـب لمجلسـچ انـه اكتبــه بـأيـدي
أخـذ اديـه لجنتـه و ادعيهـه خيـراً زيــدي
كل البچه لأخبارچ
نـاح و تمنـه زارچ
انه شفيعه وحاضره بگبره
ماعوفه يوم المحشر
الچان بعزائچ يحضر
ويلي لمصابچ يُـمه يالزهره

###################

آوصيتي لأبني المنتظر اول ميضهر باچر
بثارچ يطالب يبتدي وبعدين عود الحافر
يا اول اجروح النبي بعـدچ بقينـه انكـابر
ماشفنه راحه ولاهنى قبل الذبح والعاشر
بسرعه گضـن ايامچ
وصرنه ييُمه ايتامچ
لاضحكه عدنه وللفرح فقره
شمتانه بينه الوادم
واحنه نتاني القائم
ويلي لمصابچ يُـمه يالزهره

###################

كلمات  : حيدر العمار الخزعلي
.

https://www.tg-me.com/sakiAtashi