#HududlardanXabarlar #Navoiy

📸Sanitar xizmatlarda zamonaviy yondashuvlar

Navoiy viloyati chiqindilarni boshqarish va sirkulyar iqtisodiyotni rivojlantirish boshqarmasi tomonidan tozalik va ozodalik oyligi doirasida hududlaridagi mavjud chiqindi to‘plash shoxobchalariga zamonaviy kuzatuv kameralari o‘rnatilishi ta'minlanmoqda.

Jumladan, “Mironshox Komfort Serves” hamda “Stimul Navoiy” MCHJlari tomonidan Navoiy shahri, Navbahor, Nurota, Konimex, Xatirchi va Karmana tumanlari hududlarida joylashgan chiqindi to‘plash shoxobchalarida zamonaviy kuzatuv kameralari o‘rnatildi.

Ma'lumot uchun: Bu kabi chora-tadbirlar O‘zbekiston Respublikasi Prezidentining 2024-yil 4-yanvardagi 5-sonli Farmonida belgilangan topshiriqlar ijrosi yuzasidan amalga oshirilmoqda.

Ushbu chora-tadbirlar chiqindilarni to‘plash, tashish va qayta ishlash jarayonlarida xizmat sifatini yaxshilash, tizimda shaffoflik va atrof-muhit tozaligini ta’minlash, ekologik madaniyatni yuksaltirishga xizmat qiladi.

Veb-sayt | Telegram | Facebook | Instagram | YouTube

#TozalikOyligi #Qoraqalpogiston

📈 Qoraqalpog‘istonda chiqindilarni samarali boshqarish masalalariga e’tibor qaratildi

Qoraqalpog‘iston Respublikasi Chiqindilarni boshqarish va sirkulyar iqtisodiyotni rivojlantirish agentligi mas’ullari tomonidan tozalik va obodlik oyligi doirasida Taxiatosh va Taxtako‘pir tumanlarida chiqindi masalalari bo‘yicha sayyor qabul o‘tkazildi.

Qabul davomida hudud fuqarolarining chiqindilarni boshqarish sohasi, sanitar tozalash xizmati sifati va to‘lov tartibi bo‘yicha taklif va murojaatlari ko‘rib chiqildi.

Shuningdek, To‘rtko‘l tumanida davlat-xususiy sheriklik asosida faoliyat yurituvchi “To‘rtko‘l toza hudud klaster” MCHJ tomonidan ishga tushirilgan qattiq maishiy chiqindilarni qayta ishlash orqali plastik granula ishlab chiqarish korxonasi faoliyati bilan tanishildi.

Jarayonda ishlab chiqarilayotgan granulalardan kelgusida birlamchi mahsulot tayyorlash, qog‘oz chiqindilardan hojatxona qog‘ozlari ishlab chiqarishni yo‘lga qo‘yish va ish o‘rinlarini yanada ko‘paytirish rejalashtirilgan.

Shu kuni tozalik va obodlik oyligi bo‘yicha tashkil etilgan shtab faoliyati ham nazorat qilindi.

Bu kabi tashabbuslar chiqindilardan samarali foydalanish, qayta ishlash hajmini oshirish hamda hududda sirkulyar iqtisodiyotni rivojlantirish yo‘lidagi muhim qadam hisoblanadi.

Veb-sayt | Telegram | Facebook | Instagram | YouTube

#TozalikOyligi #Fargona

✅Farg‘ona: tozalik tadbirlariga keng jamoatchilik daxldor

Farg‘ona viloyatida tozalik va obodlik oyligi doirasida Chiqindilarni boshqarish va sirkulyar iqtisodiyotni rivojlantirish boshqarmasi, viloyat hokimligi, Prokuratura, IIB, Milliy Gvardiya va bir qator mutasaddi tashkilotlar hamkorligida navbatdagi kuchaytirilgan tadbirlar olib borildi.

Unda Toshloq tumanida keng ko‘lamli obodonlashtirish ishlari amalga oshirildi. Xususan, tumanning “So‘filar” MFY hududida mahalla vakillari, soha xodinlari va faollar ishtirokida xasharlar uyushtirildi.

Ko‘chalar, ariqlar, zovurlar va xonadonlar atrofi chiqindilardan tozalanib, tegishli tartibda bartaraf etildi. Belgilanmagan joyga tashlangan chiqindilar bartaraf etildi, reyd-nazorat tadbirlari o‘tkazildi. Chiqindi poligonlari atrofi tartibga keltirildi.

Veb-sayt | Telegram | Facebook | Instagram | YouTube