وبعدهاا قال وصحبنا دا خلي يورينا جماعتنا الهربانين ديلل والقاعدين في بيت مدير المركز وقايلين نفسهم مدسين هه اخبارهم شنو ردا وقال كوويسين وعايشين حياتهم طبيعي ومطمئنين حتى مرت رامز بدت تصح وترجع ليها عافيتها قال وهو قال ليك اول مامرتو تتحسن حيرجع لينا قال ليهو اي عشان يحمي مرتو واهلو حيرجع ضحك وهو بيقول يحليلو صدقنا يعني نحنا الاذيه بتجري في دمنااا وعقااابو بس لمن يجي قلتا ليهو حتى انا منتظر لحظة جيتو بفااارغ الصبرر،،،، انتهى الحوار وطلع عاادل من المكتب ولفا لفه طوويله مشا محل اختو قااعده وحكا ليها المطلوب منها دنقرت وهي بتقول بس ياعادل اذا قاسم جا انتو ماحتأذوهو صح هو ماعمل شي غللط عاين ليها مسااافه وهو بيقول انتي حبيتيه بالجد ولاشنو؟ بلا ماعمل شي معااك ماشغلتك بالحيحصل ليه المهم نفذو وبس والا يارفأ انتي عارفه الحيحصل لينابراك شفتي عقااب رامز كان كيف مامعروف نحنا حيعملو فينا شنو عشااان كداا اهدي وركززي يااختي لوسمحتي وماتحبيه ابداا ماتغلطي غلطة رامز لوسمحتي سكتت وهو طللع من غرفتها واتحرك على معاذ البجهز نفسو عشان يطلع قال ليهو خلي بالك المرة دي قال ليهو لا ماتخاااف المرة دي ماحارجع الا واماني معاااي تماام وطللع من مقرهم المزروع في مكااان بعيد جداا ومعمول عليه مشوش موقع يعني حتى ملهم ماحيقدر يحدد موقعهم بقوولو انت بتفتش على الرمود وانت ماسكو في يدك،،، فبطل تفتش على عدوك بعيد وهو يمكن قريب "انا خرفتها ااسي"
______
*قااسم*
كنتا قااعد وماسك التلفون ومتلهف لرساله منها ماحبا فيها طبعاا بس بديت احس انها حتكوون حلقة الوصل بيناا قلتا ليها رفأ انتي ليه حارمانا من بعض انا شرطي وانتي من تجار الاعضااء يمكن ماافي امل بس مالو ندي بعض فرصة احتمال نجح معقولة تبعدي بعد ماخليتيني احس بكمية المشااعر دي مديت التلفون لمحمد قرا الرسالة وضحك قال لي بتاع طرح درجه اولى قلتا ليهو اسي دا ردك قال لي عاملين زي الافلاام اسي مالو لو نهايتكم بقت سعيده قلتا ليهو تف من خشمك الله لايقدر نهاااية شنو ماعايز اخر عمري اعرس واحده مطلوبه وهاربه من السجن قال لي القلب مابيدنا انا دخلتا شركة العمران كمهمه طلعتا منها بعبق قلتا ليهو عايز تشبه قصتك بي عبق زي رفأ قال لي انت عاارف الانسان غريب انا في البداية كنتا بشك في عبق وباااعد كل شكوكي عن رفأ ليه لانو رفأ حنينه وطبيعي بتبكي وبتقيف معانا وبتسمع قصصنا عبق كانت مفترية ومابتحب زول وردودها لئيمه وقاسيه وبتحب تحرج اسي وانا بقول صفاتها سألتا نفسي كيف حبيتهاا قلتا ليهو دا القلب المهم جاتني رسالة من رفأ كاتبه لي فيها نحنا حنكون مع بعض بس مطلوب منك حاجه بلأول قلتا ليها شرط وكداا يعني اها المطلوب شنو قالت لي تقتللل انا بقيت اعاااين للرسالة عشره عشره محمد قال لي مالك عاين للرساله بعدين قال لي اسألها تقتل منو بقيت اعاين ليهو مستغرب قال لي اعمل زي مابقول ليك ياقاسم رسلتا ليها اقتل كيف يعني عايزني اقتل منو؟ قالت لي محمد،،، طبعا محمد فكا الضحكه 😹زي القاااعد في سيرك قال لي مهضومه دمها خفيف قلتا ليها محمد صحبي قالت لي اي الشغال في المخابرات دا اختباار ليك ولصدقك معااي ياقااسم اذا نفذتو انا حاظهر وحتكون مننا اما اذا لاا فالفيك حتتعرف محمد قال لي اها التاريخ والزمن والطريقه بس ياريت يعني تختار طريقه بارده زي مابتعرف الموت ماهين رسلتا ليها قلتا ليها اديني وقت الموضوع ماهين وقفلتا منها وانا بعاااين لمحمد قلتا ليهو انت شايف الموضوع استهتااار؟ قال لي انا مابخاف من الموت ياقاسم بخاف من حاجتين بس اذا اعمالي كامله لدرجة اني اقابل ربي وانو كيف اخلي امي وعبق وراي زي مابتعرف انا ولد امي الوحيد قلتا ليهو دراما عملتا دراما مافي ليها داعي ابدا انا مابتحمل انك تنخدش انت صحبي يامحمد قال لي يلللهوي بتحبيني يختييي يخرااابيي دا انا محظوظ اووي فكيتو بالقلم في وشو وهو بيضحك قال لي ارح اقتلني قلتا ليهو محمد ماتهظر قال لي قاسم خلينا جاديين اذا انت قتلتني حيدخلوك في نصهم كدا كل معلوماتهم حتصلنا وحنقدر ننفذ العملية الاخيرة ونقدر ننقذ العالم من مجموعة حشرات ماليهم لاااازمه قلتا ليهو انا ماحاقتلك شوف حل تاااني قال لي متوقع اني اخليك تقتلني يعني اكييد لاا انت بعد يومين حتوريهم انك موافق بعدها حتسألهم عندهم طريقه عشااان تقتلني بيهاا او تقتلني بطريقتك الخااصة ونشوف كلااامهم شنو عاينتا ليهو وانا بقول لو اموت انا مابخلي خصله منك تنهبش ابتسم وهو بيقول لي نفس الشي
___
*ماجد*
عاينتا لربا البتبكي قدامي وهي بتقول لي ليه عمل كدا ليه قال ليك كداا انا ذنبي شنو يعني لاني حبيتو قلتا ليها ماكان تحبيه بس قمتا منها لانها صدعت بي انا اخلي اختي تتعلق في واحد عارف انو نهااايتو قربت طلعتا تلفوني وانا ضربتا وانا بقول نحنا منتظرين شنو للان ليه مادمرنا البيت دا وهم جواه كللهم عباارة عن خونه ارمو فيهم صاااروخ ريحونا منهم جااني صوت بالجهه التانيه بيقول لي اهدا

اهدا يامااجد كدا انت ماحتقدر تااخد حق اختك قلتا ليهو الاولى في غيبوبه بسبب واحد منهم والتانيه بتبكي بس واحد منهم انا ملليت خلاااص وصبرري نفدد ماقااادر اتحمللهم قال لي المتعه في الصبر يامااجد اهدا وروق وشااهد النهااية المهم اسي جماعتنا ديلل في عندهم حااجه بتخليهم يعرفو جماعتنا المنتشرين اعرفها ليناا وخليك عاارف اننا ماحننساك ابدا يامكنه قلتا ليهم تمااام بعرفها وبوريكم وانتو ماتنسوووني قفلتا منهم وانا الغضب عااامي عيووني ماحاقدر اصبر ولا انتظر فطلعتاا ركبتا عربيتي وبقيت طاااير طيرااان مستعجل بس عاايز اصلل ليهم واثنااء استعجااالي ظهر قداامي زول ماعرفتو منو ضغطتا على الفرامل بس اتأخرتا لانو انضرب بقوه وطااار بعيد ووقع في الظلط دخلتني خووفه خلتني اسوق عربيتي بدون مااتلفت ورااي....




يتبع..
برجع وبعيد ماتثقو في اي زول من شخصيات الرواية دي ولا حتى ابطالها وللتذكير الرواية خياااليه،،، ♥️

*في حضرة عينيه🤎*
*#بقلمي سارة بشرى🖊️*
(28)

*قاسم*
جيت لمحمد وانا بقول ليهو في حادث حصل في شارع في واحد ضرب ليهو مرة في الشاارع وخلاها في الشارع وهرب والمرة حاليا في المستشفى وصحتها تعبانه احتمال انها تعيش ضئيلل محمد قال لي ربنا يقومها بالسلااامه قلتا ليهو ان شااءالله قاعدين بنتكلم باب المكتب فتح جا داخل زميل محمد تقريباا لانو اول ماشافو وقف وهو بيقول اووووو فتح يدينو ومشاا عليه وهو بيقول ايهم التجاااني لأي اتنين تلاته وبقو يسلمو ويضربو في ضهور بعض ياخ محمد فرح شدييد بشوفتو عاين لي وقال دا ايهم شغال في المخابرات زيي بس فرع تااني ودا قااسم يامحمد مدير قسم فرع بحري وطبعا نحنا الاتنين ماسكين قضية الاعضااء ايهم قال لي اتشرفناا بصراحه ضرب لي علاااءالدين ووراني المعلومات وطلب مني انضم ليكم محمد فتح يدينو وهو بيقول خلاص انحلت معنااها اتخيل ناس الاعضااء يعرفو انو نحنا ال3ماسكين قضيتهم حيشوفو نفسهم اذكياء ايهم قال فعلاا اذكى3ماسكين قضيتهم فشي طبيعي يشوفو نفسهم المهم وروني وصلنا لوين قعدنا ووريناهو اخر التفاااصيلل قال ليناا طيب واها قالو ليك شنو ياقاسم قلتا ليهو ولاشي للان قال لي خلاص ماتنتظرهم يقولو شي اقتل محمد وودي ليهم الجثه بس محمد قال ليهو تخليك عني طلع ساااهل شدييد😹ايهم ضحك قال ليهو العفو يااخ ماقصدي كداا،، المهم طلعتا منهم لقيت رساله من رفأ كاتبه لي رأيك شنو نتلاقى وافقتا طبعاا وطوالي هي رسلت لي الموقع فرسلتو لمحمد ووريتو اني حالاقي رفأ وطلعتا مستعجلل ركبتا ترحاال ومشيت وصلتا ونزلتا طلعتا تلفوني ارسل ليها لقيت مافيهو شبكه يعني المكان دا الشبكه فيهو مقطوعه سمعتها بتنااديني كان في بيت بس صغير بيشبه الكوخ اتحركتا علليه دخلتا لقيتها قااعده قالت لي اهللين ياقااسم بقيت اتلفتت اعاين للبيت واعاين ليهاا قلتا جوااي دي جابتني هناا لييه مسكت يدي وقعدتني جنبها قالت لي قااسم الرسلتو ليك كان مجرد اختباار ليك بس اذا حتوافق ولالا وبعد وافقتاا اتحصلتا على ثقتي وشوية شوية حتحصل على ثقة كل المعااي قلتا ليها كوويس طيب يعني كان اختبار ياخ انا لمن جهزتا نفسي عشان اقتلو المهم انتي ماتزعلي مني ضحكت وقالت لي المهم حبيت اكافئك على اخلاااصك بعد جملتا دي صراحه مااطمنتا قلبي اكلني وعقللي بقا يفكر مكافئه كيف بتعااين لي مبتسمه باب البيت فتح جاعادل داخل ومعاااهم الراجل دااك وواحد تااني اصلع ونظرتو حاااده مابيضحك نهااائي وجارين معااهم واحد دنقتو واصله الارض وجلابيه قصيرة شكلو شيخ انا نططتا عيوووني عادل ختا يدو في كتفي وقال لي يامرحب براجل اختي وقعدني ورفأ جنبي والماذون شايل دفتر قلتا ليهم بس ماعندي اورااق رقمي الوطني ماجبتو عادل قال لي مامشكله اكييد جبتا بطاقتك الشخصيه معااك صح طلعها خلينا نشوفها دخلل يدو في جيب البطلون طلع جزلان فتحو وقال ها بطاقه شخصيه وبطاقة الشرطه وحتى في كروت بنك وفي بطااقة عن شغل خااص برضو طللعهم كلهم واداهم للشيخ قال ليهو اختاار البتعجبك،،، وبعدها قعدنا بعد سجل معلوماتناا جا عادل قعد معاانا ختينا المنديل في يدي ويدو نفضتا يدي وانا بقول ليهم انا ماموافق على الزواج داا لقيتهم كلهم بعاينو لي مبتسمين ورفأ مخلوعه
____
*شهاب*
قررنا انو نمشي زيارة لسارة فطلبنا من عبق تتكلم مع محمد يورينا العنوان وتسألو اذا حيمشي معانا برضو فعلاا اتصلت ومشت تتكلم معاهو كنا قاعدين في كافيه انا وايوب ولميااء من سارة رجعت ونحنا بنفتش في طريقه عشان نمشي ليها وقلنا اسي طالما طلعنا نغشاها كلنا المهم انتظرنا عبق لغااية جات قالت بعد تحااانيس حتى رضى لانو قال مفروض مافي زول يزورهم لغااية مايتقبضو الجماعه ديلل واي زول بمشي ليهم بيتعرض للخطر قلتا ليهو عايزين نزورها وانت زاتك ارح معانا وهي زولة صح وانت ماعايزنا نمشي نقيف معاها وكدا مااسمنا اصحاب وغاايتو اتكلمتا كتيير واستغليتو عاطفياا قلنا ليها والنهااااااية قالت حيجي ونمشي كلنا سواا قلنا ليها تمااام بقينا قااعدين منتظرينو لغااية جا قال لينا قوة الصحبه قامت عليكم ااسي ارح ارح طلعنا معاهو لقيناهو جايب عربية شرطه ركبنا معااهو فيها واتحركناا قلنا ليهو هي ساكنه وين قال لينا لمن نصل بتعرفو قلتا ليهو معقولاا خايف مننا يامحمد نحنا اصحاب مابتثق فينا قال لي انا في نفسي مابثق ياشهاب الموضوع ماشخصي بس دي احتياطات امنيه لغااية وصلنا بيت ملااان حرس نزل محمد اتكلم مع الحراس بعدين نزلنا نحناا ودخلنا الحديقه برة منظرها كان سمح لمن وصلنا الباب محمد دقا الجرس فتح ليناا يوسف سلم عليناا وضيفنا في الصاله قال لينا سارة عندها جلسه حاليا تخللص بعدين بتقدرو تشوفوهاا قعدنا وبقا يتكلم معانا لغااية ماجات بت نازله ومعاها عروة عرفنا عليها دكتورة ترنيم للعلاج الفيزيائي وطلعو سواا بعدين يوسف دخل لساارة وبعد شوويه جا نادانا قال لينا بتتكلم براحه ماتستعجلو ليها دخلنا ليها كلنا ابتسمت لمن شافتناا لميااء قاالت ليها مشتاااااااقيييين شديييد

وايوب قال ليها مابتتخيلي فرحتي وانا شايفك صاااحيه ومبتسمه محمد قال ليها حمدلله على سلااامتك انا قلتا ليها اشتقنا لصوتك اتكلمي قولي حاجه عبق مشت جنبهاا وباستها في جبينها قالت ليها حمدلله على السلااامه ابتسمت وبقت تتكلم براحه ا الله يسلمكم عاينت لمحمد وقالت ررامز قال لي انت وعبق خطبتو الف مبروك فرحتا ليكم"اقرو كلامها كلمه كلمه"عبق ومحمد قالو ليها الله يبارك فيك قلتا ليها وانا ماحتباركي لي؟ عاينت لي باستغراب قالت لي خطبتو؟ قلتا ليها ابداا نحنا ناس عقد بس عبق قالت لمحمد سااامع محمد قال ليها طرف السوط ماهبشني 😹الله يسامحك ياشهاب ضحكتاا قلتا لسارة منتظرنك في العقد ابتسمت وهزت راسها قالت لي متين لمياء قالت ليها فعلاا متين حتى العروس ماعندها عللم ضحكنا فيها قعدنا اتونسنا مع ساارة لغااية رامز جا سلم علينا ووريتو بالعقدد 💛 قال لي بجو،، بعدين اتفرقنا ومشيت البيت حكيت لامي وابوي اني عايز اتزوج وخليت لمياء تحكي لاهلها وتفتح عيونهم وتوريهم اني جااي زول عقد بالليل ضربت لي قالت لي اهلها قالو عايزين يسألو مني ويورو اعمامها ويدوني يوم اجيهم في البيت يتعرفو عللي وعلى اهلي وبعدها بقررو العقد قلتا ليها مالها مواضيع طويله كداا حتااخد كم يووم ضحكت وهي بتقول لي نصبر بس،،،، فعلاا صبرنا لغاية ابوها اتصل بابوي وحددو لينا يوم نجي للتعااارف طبعاا بيتنا ملااان نااس ابوي متزوج3نسوان وكمية اولاادو ماشااءالله امي التانيه عندها اختين واخ من امي وابوي واخوان اولاد من مرتو الاولى وبتين من الاخيرة وطبعا كلنا حابيين بعض وانا اكتر واحد محبوب في الاسرة وطالما محبوب الكل حابب يمشي معاااي 😹💛 كلنا اتحركنا بحاافلتين ومشينا للتعارف حسيت اهل لمياء اتخللعو وماعرفو العريس ياتو واحد من الشباااب لغااية مااتكلم ابوي وعرفهم علينا كلنا واشر عللي انو دا العريس بقينا نتعرف على بعض وهم عرفونا عليهم وعلى اسرتهم وجات لمياء مع اختهاا بقت تسلم حسيت يدها وجعتها 😹قعدوها جنبي وقرينا الفاتحه وشربنا العصيرر قلتا لابوها انا بس عايز اعقد والعرس تاني على مهلل وناس البيت كللهم اتفقو وحددو العقد بعد اسبوع والعرس لمن نكون جاهزين ليهو تماااما وانا اجهز بيتي برااي كلمنا اصحابنا محمد قال لي بحاول اكون معاك ان شااءالله افهمني ياشهاب قلتا ليهو تماام ولايهمك،،، عقدنا تما على خير حمدلله واصحابنا جو حتى رامز وسارة💛 لميااء كانت جميللة جدا لمن شفتا اطلالتها بفستان اصفرر 💛 وطلعناا سوا قعدونا برة ودقو لينا دلوكه لبستها الخاتم في الشماال ولبستني وبستها في جبينها بقت تتخجل والناس بتصفرر 💛
___
*محمد*
بعد طلعنا من بيت ناس ساارة ورجعتا البيت بالليل فتحتا تلفوني لقيت رسائل من قااسم قمتا مخلوع لمن لقيتو كاتب لي ماشي يلاااقي رفأ ورسل العنواان بقيت اجوط غبي ياقاسم البوديك لوكرهم براك شنو عامل فيها مفتح يعني ضربتا لايهم وانا طاالع قلتا ليهو جهز دورية شرطه سرريع انا جاي علليك قااسم دا بقا يشتغل شغل من راسو مالقيت موصلااات فركبتا ركشه وصلتا لقيت ايهم منتظرني طلعتااا طواالي ودخلتا لملهم طبعا هو وايهم اخوان الفرق بيناتهم سنتين المهم اديت ملهم الموقع عشان يحدد لي المكان دا وين قال لي حامشي معااكم طلعناا كلنا وورانا دورية شرطه لغاااية وصلنا البيت جهزنا اسلحتنااا ودخلناا كسرنا الباب وجيناا وطبعاا ماكان في زول بقيت اتأفأف قاسم يااخ قاااسم ياااخ عاينتا لملهم وايهم قلتا ليهم انا لو لقيتو المرة دي حاخنقو بيدي بقينا نفتش في البيت ونفتح الابوااب لقينا تلفوني دقاا لمن رديت طلع عاادل طوالي اشرتا لملهم بدا شغال بجهازو عادل قال لي ماتحاولو ماحتلقونا المهم حبيت اطمنك على قااسم هو معاناا وكوويس وحتى بناكل لينا في شعيريه اتفضل سكرها وسط لو حابب طبعا طالما قااسم بقا فرد من العائله فحبيت اطمنكم علليه ليس الا وقفلل،،، بقيت اعاين لملهم وايهم الاستغربو زيي قلتا ليهم انتو سمعتو نفس الانا سمعتو صح سكتو ايهم قال لي خلينا مانستعجل في فكرنا يامحمد يمكن قاسم في عندو فكرة في راسو عشان كدا مشا معاهم قلتا ليهو بس عادل قال انو قاسم بقا واحد من الاسرة وبياكلو سواا حاليا اذا كان في عندو فكره في راسو كان يكلمنا بيها قبل مايعمل اي شي تاااني ايهم قال لي يمكن ماعندو طريقه او ماكان عندو وقت عاينتا ليهم وانا بقول ان شااءالله يكون كداا لانو بالجد مابتحمل حكااية انو يكون قااسم خااين قال لي تفكيرك كدا ماصح دا زول زميلك وبتعرفو من زمان قاسم كدا ياترى؟ قاسم ماكدا ادينا نظره اخيرة للبيت فجاءة لاحظتا انو في كاميرا فطوالي زحيت عيني منها عشان ماينتبهو اني لاحظتاا قلتا لملهم وايهم خلونا نمشي مافي شي هنا طلعنا طواالي وركبنا العربيه طلعتا تلفوني كتبتا ليهو البيت فيهو كاميرا داسينها في السطوح وملاحظتها ماموضوع هين ومديت لايهم قرا الكلام ومداهو لملهم فملهم بدا يكتب قال انا حاخترقها ونشوف اي شي بيحصل في البيت داا ووافقناا

_____
*عروة*
ماعارف الاحاسيس البديت احسها من اول ماظهرت ترنيم بس بالجد شحشحتاا بقيت احب اكون قريب منها دائما حتى بحضر جلسات سارة واكون جنبهم الاتنين في نفس الوقت في يوم بعد خلصت جلستها قلتا ليها اطلع معااك قالت لي مامشكله ارح ما لقينا موصلاات فقلتا ليها نتمشى لمن نلقى اثنااء طلعتنا جا فاروق داخل بعربيتو نزل سلم عليناا ترنيم وقفت قدامو وقالت ليهو ممكن تدينا عربيتك عروة يوصلني بيها وبعدين يرجعها انا استغربتا من طلبها حتى فاروق استغرب بس اداها المفتاح ودخل قلتا ليها منو القال ليك انا بعرف اسوق قالت لي مامشكله انا بسوق قلتا ليها بتعرفي؟ ابتسمت وفتحت العربيه ركبت محل السوااق وانا جنبها قالت لي خت الحزاام ختيتو وحركت العربيه بقينا لاافين قالت لي انت جااهز عشان تعيش مغااامرة قلتا ليها قصدك شنو وابتسمت وقالت اتعلمتا جديد وكمان ماعندي رخصصةةة بقيت اعااين ليها بخلعه ابتسمت وزاادت السررعه لقت الاشارة قدامهاا ووقفت قالت ياخ دي شنو الزحمه دي رفعت فرامل اليد ورجعت بالعربية لورا فجاءة سمعنا كششش بصوت عااالي الاتنين نططنا عيوننا وعاينا لبعض بخووف وبراااحه اتلفتنا وراا،،، بقينا نعاااين لغااية ماجا واحد شكلو معصب دقا الباب لترنيم قال ليها انزلي حضرتك وشوفي زفتي شنوو انا نزلتا وقلتا ليهو معليش حصلت بالغللط قال لي بالغللط تعال شوف وداني ولقيت مرايات عربيتو الاماميه منتهيه ع الاخر نزلت ترنيم وهي خاايفه قال ليها اساسا دي حركات البنات المدلعاااات سايقه عربيه وانتي في العمر دا وانت اخوها او ايا كنتاا معقولة قااعد جنبها منظر الناس اتللمت وجا بتاع مرور طوالي اشتكا علينا بتاع المرور طلب الرخصه واوراق العربيه فالاتنين اتنهدنا ونحنا بنقول ماعندنا الراجل قال هاا دا الناقص شفتا سعااادتك بتاع المرور ركبنا عربية الشرطه وخلاا واحد تااني يسوق العربية ورانا دخلونا القسم وودونا للضابط حقق معانا وحكيناا ليهو الحصلل فنادى عساااكر قال وديها الانفرادي البت دي وقتها ترنيم خافت وعاينت لي قلتا ليهو ليه كدا طيب ممكن تتصل على رقم فاروق دي عربيتو وهو حيحكي ليك قام قال لي حتى لو جا فهي ماكان لازم تسوق العربيه بدون رخصه او ادفع الغرامه وطلعهاا قلتا ليهو ممكن ماتوديها على اي محل لغااية مااتصل على فاروق هزا راسو وضربتا لفاروق 4مكالمات ماردا ردا في ال5بصوت ناااعس؟قال لي خير ياعروة فبديت احكي ليهو الحاااصل لغاااية سمعتو قال لي تمااام دقاايق وقفلل الضابط كان مصر يدخلها السجن قلتا ليهو تمام دخلني معاها انا ماحاخليها براها عاين لي وبقا يستغفر قال لي عليك الله ماتعمل فيها بطلل اخير ليكك قلتا ليهو يااما دخلنا الاتنين او ماحاخليك تدخلها براها طوالي وقف قال لي انت بتتحداني؟ حادخلها ووريني حتعمل شنو قلتا ليهو ماحتدخلهاا وبقيت احمر ليهو قال للعسكري منتظر شنو سوقها من هناا العسكري جا يمسكها فكيت ليهو يدو منها قلتا ليهو اوعك تلمسهاا الضابط اتغاااظ مني قال لي ياااخ ماتكرهنااا قلتا ليهو ماحاخليك تدخلها قال لي ياااخ ابو****كرهتناا ياعسكري سوقهم الاتنين ارميهم في السجن وريحني من خللقتهم عاينتا لترنيم وابتسمتا ليها وقلتا ليها ماتخافي انا معاك ابتسمت بس بعدين دخلونا السجن قالت لي انا اسفه الحصل معاك بسببي كلو عنااد مني لو ما انا اتغابيت ماكان اتخربت عربية الراجل ولا عربية فاروق ياربي لازم ادفع رسوم الاضرار انا كيف كنتا غبيه وغير مباليه كدا قلتا ليها ماغلطك انا كمان غلطاان وكنتا بقدر اهدي وخليني اعترف ليك بحاجه عاينت لي قلتا ليها انابعرف اسوق ضحكت وقالت لي عارفه اي قلتا ليها عرفتي كيف قالت لي كان ظاهر عليك حابب تختبرني بس ابتسمتا ليها قالت لي اسفه دخلتا السجن بسببي قلتا ليها ابدا مامشكله مغامرة زي ماقلتي ضحكت قلتا ليها انتي اساسا مجنونه كدا وبتحبي التصرفااات دي قالت لي لمن كنتا صغيره في البلد بطلع الشجر اقطف التفاح والمانجاا برااي وبنط من الشجرة انا متربيه مع اولااد فتصرفاتي زيهم مجنونه حبتين وكداا قلتا ليها ومميزه حتى جنونك مميز قالت لي بتحاول تتقرب مني؟ قلتا ليها ابداا بوريك حقيقتك بس،،، بقينا نتونس وهي حكت لي كم حاجه عنها وانا بسمعها الونسه وتباادل اطراف الحديث كان ظريف لغااية جا العسكري فتح البااب قال ليناا اتفضلو اطلعو جا سيد العربية ودفع الغرامه ودفع حق تصليح مراية الراجل الكسرتوها وكمان طلع في عندكم واسطه كبيرة طلعنا ونحنا مستغربين لقينا فاروق ومعاهو علاءالدين سلم علينا وعاين لترنيم قال ليها ماحتبطلي مصاايب قالت ليهو ماحابطل وانت طلعني دايما جضمها وهو بيقول مجنونه بعدين قال لينا ترنيم اختي الصغيره ♥️وبعدها طلعنا كلنا من القسم وفاروق ساق عربيتو وكل زول اتوجه على بيتو انا مشيت بيتنا لقيت ابوي جا قال لي امك قالت طالما ماحتجي مصر انامافي سبب يقعدني هناااك ولازم اجي اقعد معااك هنا ضحكتا وانا بقول ليهو الاوامر جاتك من فوق يعني ضحك مشيت غرفتي بعد صليت المغرب ورقدتا في السرير وانا

سرحان وبتذكر في ترنيم وضحكها وونستها.. ♥️
____
سارة كانت راقده في الغرفه وبتعااين للسقف كالعاده لسه ماقادرة تحرك جسمها كوويس كانو اولادها راقدين في سرايرهم جنبها شوية وبدو يبكو وبعد شوية الاتنين يبكو بصوت عاالي وبحررقة شكللهم مضاايقين من حاااجه سارة بتعاين على جهتهم وبتحاول تطلع لساانها عشان تقدر تتكلم او صوتها يصرخ وهي بتقول ا ا ا او اولا اولادي رامز رامز بقت تناادي في اسمو فجااءة الباب اتفتح وجات ام رامز داخله وهي بتقول خير خير مالهم الاولاد سارة بتقول ليها اولادي شوفي اولادي هدى مشت على الاولاد وشالت مزن وبقت تهزز بيها قالت بسم الله بسم الله علليهم مالهم ياربي حممتهم وغيرت ليهم ونادت ام ساارة سااعدتها ولسه ببكو وقفو ناس البيت كللهم على رجل واحده فاروق قال يجمااعة خلي نعمل ليهم سمااايه كفااايه كدا مهما كان الحااصل ماذنب الاولااد وافقو فقال متوكل حيطلع مع بدر الدين يجيبو الخرفاان ويجو،،، طلعو ومعااهم حرااس عشان يشترو الخرفان ويرجعوو اثنااء وقفتهم جاات عربيه مسررعه ضربت متوكل في يدو ضربه شديده وواصلت مشيهاا الحراس طلعو اسلحتهم بس بدر الدين منعهم يستخدمو السلاح في السووق مشو المستشفى اليد كانت مكسورة جبروها ليهو وقال مايحركها لفترة من الزمن والحراس جابو الخرفان ورجعو كل الناس اتخللعو من يد متوكل ولمن حكو ليهم الحصل حسو بالخووف بس كانو مطمئنين جوه البيت داا قررو السماية بكرا ورامز اتصل في رقم عاادل يشااكلو في العملو بابوه بس الرقم مادخل معااهو جا محمد لرامز وحكاا ليهو الحصل عن قااسم رامز اتخللع وقال ليهو مستحيلل قاسم مابيعمل غلط زي داا انا متأكد عندو سبب المهم بالليل لمن رقدو وسارة كانت صااحيه رامز نوم الاولااد وجا جنبها قال ليها نومي بس هي ابت رقد وماقدر يقاوم النعااس فناام بعد راامز نام بدت تحس بابواب الشبابيك تفتح وتقفل وبتدخل هوواء واصوات غريبه اتخللعت وافتكرت نفسها بتتخيل فقررت تنوم غمضت عيونها فسمعت اصوات زي الرجللين بتتحرك فتحت بخللعه شافت زول لابس اسود في اسود وجاي على الاولااد بقت تحاااول تصرخ وتطلع صوتها او تحرك يدها تصحي راامز والزول خلااص شال مازن وطالع بيهو بس قدرت ترفع رجلها بعد ضغط ومعاناه ورفست رامز الصحا مخلوع وهي بتقول مازن مازن مازن رامز لمن استوعب عاين لسراير الاولاد وفعلاا مالقااا مااازن قااام جاااري زي المجنون لقاهم خاتينو جنب باب الشاارع جا جااري شاالو وقال الحمدلله انك بخيير بقا يهبشو ويفتش فيه اذا في اي سلاااح او اي جهاز ختو فيه بس ماكان في شي سمع صوت كركبه اتخلع ومشا على المطبخ شاف زول لابس اسود في اسود بسرعه قال انت منو وولع النور الزول لمن اتلفت علليه رامز اتخللع قال ليهو يوسف انت؟ قال ليهو اي انا مالك؟ قال ليهو انت جيت غرفتنا وشلتا مازن؟ قال ليهو لاا جعتا وجيت اكل ولانو الجو بارد لبستا بلوفر اسود مع بطلون ااسود وماحبيت اولع النور عشان ماازعج زول وبفهم من كلامك انو في زوول حاول يخطف مازن؟ رامز هزا راسو فيوسف جا على مازن بلمسو وبطمن عليه قال الحمدلله هو كوويس اطمن كل واحد رجع غرفتو رامز ختا مازن قريب من ساارة وجاب مزن برضو بعدين رقد تاني فجاءة قاام وقال ليها سارة انتي رفستيني؟ برجلك كمااان عاينت ليهو قال ليها حركتي رجلك يعني زحا البطاانيه ووووبقا يمسد في ررجلها قال ليها حاسه بحركاتي دي؟ هزت راسها يعني ااي فرح شدييد وهو ببيقول ليها بتتحسني ماشه في تحسن الحمدلله،،، تاني يوم كان السمااية جو كل الناس المعزومين حتى ام قااسم والشي الغريب انها ماكانت قلقااانه او ظاهر عليها خوف وكدا حتى محمد استغرب وسألها من قااسم قالت ليهو كووويس بيسللم عليك يومي بتكلم معااي محمد سكت ولمن جات ترنيم حكيت ليها الحصل امباارح قالت لي دي استجاابه كوويسه معناها من بكرا حاجيب معااي العصاياات عشان رجلينها تتعود على الوقوف اسي مثلاا تعاال معااي نسااعدها تقيف ونعمل رياضه ليدينهاا فعلاا جيت معاها انا قومتا سارة وسندتها براحه لغااية وقفت وترنيم مسكتا بالجهه التانيه قالت ليها يلا ياسارة براحه براحه وحبه حبه حاولي امشي معانا بقت تمشي خطوه صغيره برجلها الاولى وتجر التانيه بخطوه تلحقها للاولى ونحنا ساندنها جو ناس البيت شافوها واقفه كدا امي وامها بقو يزغردتو 😹ويوسف طلب من ترنيم تزح شوية عشان هو يسند سارة وزحت ليه ومسك اختو كان فرحان شدييد وهو شايفها واقفه على رجلينها وفرحتي كانت مضااعفه بقينا نمشيها حبه بعدين رجعناها ترتاح وترنيم بقت تعمل ليها ريااضه ليدينهاا قالت يجمااعه الريااضه دي لازم تتعمل 5مرات في اليووم ولمن اجيب ليها العصايات انتو كمان اسندوها واتمشو معاها في البيت ودوها المطبخ الحديقه برة اي مكاان المهم تتمشو معاهاا كلام ترنيم فائلنا فخليناها لغاااية ممافطرت وباركت لينا السماااية وبعدين طللعت،،،، تلفون يوسف رن كانت رباا اتردد جدا انو يرد خصوصي بعد الشاافو امباارح فرد جاهو صوتها وهي بتقول ليهو الحق ماجد اخوي

حيقتلناا يايوسف اسررع بعدها مافهم شي غير انو طللع مستعجلل ومشا على بيتهم كسر البااب ودخل وهو بعااين لمااجد الماااسك سكيين في يدو فيها اثار دم ومبتسم قال ليهو انت عملتاا شنو يامجنوون ماااجد بقا يضحك زي المجااانين قال ليهو بقيت قتااال قتلى اول شي المرة الضربتها في الشاارع وبعدها كنتا حاخطف الولد لو ماشفتني حضرتك ووبعدها قتلتا اختي جيت قعدتا جنبو وانا خانقو وبسألو ربا وين ياحيوان عملتا فيها شنو ياحشرة دي اختك ياعديم الانسااانيه سمعتها بتقول لي يووسف عاينتا ليها لقيتها واقفه وبتبكي جات حضنتني وبقت تبكي انا ماقدرتا ابدي ردة فعل كنتا مخلوع ومافاهم شي قالت لي ماانا ماانا قتل رنا اختنا رنااا قال لي مليت من غيبوبتها الماعايزها تصحى منها دي واساسا هي الجابتو لنفسها فضبحتها وريحتا نفسي وربا شافتني وكنتا عايز اقتلها بس قفللت على نفسها بس حاليااااا طالما انتو الاتنين سواا حاقتلكم سواا انا جنيت بسببكم عاينتا لربا براحه وديتها وراي وانا بسألها اهلك وين؟ قالت لي مشو لحبوبه وماعارفاهم برجعو ممتين قلتا ليها وامجد؟ قالت لي طلع رحله مع اصحاابو قلتا ليها تمام ارجعي الغرفه واقفلي عليك الباب قالت لي مابخليك برااك قلتا ليها شايفه دا وقتو سمعتا ضحك مااااجد وهو بيقول ظريفين شدييد كملو حبكم في الجنه وانت تحديدا بركه الجيت انا عايز اخد حق اختي خلتوني اقتلها فلااازم زول من اسرتك بموت عشان ارتاااح وشكلك انت الحتموت جا عليناا ونحنا الاتنين بنقول ليهو مااجد اقيف....










يتبع
ماتثقو في زول..

*في حضرة عينيه🤎*
*#بقلمي سارة بشرى🖊️*
(29)

*يوسف*
مااااجد كلنا اتلفتنا لمن سمعنا اسمو بصوت عاالي كانو اهلهم واقفين في الباب وبعاينو بخلعه ابوهو جا سريع وشال منو السكين وضربو كف قال ليهو انت جنيت رافع السكين في وش اختك الصغيرة امهم جات لربا وضمتها عليها ربا قالت ليها طعن رنا بالسكين كللهم طلعو على غرفة رنا مخلووعين وفعلاا كانت مطعونه بس ماطعنه كبيررة بس شكلها ربا خافت من منظر الدم ابوهم اتصل بعربيتين اسعااف واحده ساقت رنا والتانيه ساقت ماجد ابوهم شكرني وقال الباقي بنتمو نحنا ماقصرتا ياولدي هزيت رااسي ورجعتا البيت ومشيت طواالي على غرفة سارة دقيت الباب فتح لي رامز اعتذرتا منو بس قلتا ليهو عايز اتكلم مع سارة طلع وخلا لي الباب فتح دخلتا ليها وقعدتا جنبها قالت لي انت كوويس يايوسف؟ هزيت راسي يعني لاا قلتا ليها مافاهم الحاصل معااي صراحه وبديت احكي ليها من اول عرفتا ربا لغااية اخر لحظه وجيتي من عندهم قالت لي مافاهمه كيف يعني طعن اختو وهو في نفس اللحظه كان بيحاول يلقى الوصلها للمرحلة دي طيب ماعرفوهو للان قلتا ليها قالو انو زول قريب من رامز قالت لي تااااني المهم انا بتكلم مع رامز وبسألو يمكن يبقى وااضح معااي طلعتا من غرفتها ومشيت غرفتي جاني ابوي داخل قال لي يازول انت بتختفي وين كداا قلتا ليهو قااعد جا قعد في السرير مدا يدينو قدامو قال لي في شي حابب تحكي لي يايوسف لأنو شايف رغم الخطر النحنا فيه انت بتطللع يعني اسي طلعتا قبل ماالسمايه تنتهي وبدون تفكير كتيييرر قلتا ليهو عندي شغله بقضي فيها انا زول بقيت مهندس بتذكر انو عم رامز قال لي اول مانخلص من قصتنا دي مكتبي جااهز في شركتو وعشان مايقولو جيت بالواسطه حانزل متدرب وبعدها بشيل منو شهادة خبرة وبمشي اشتغل في شركة هندسه كبييرة عايز اشتغل عن قرايتي القريتها ابوي ابتسم وهو بيقول لي اساسا انا فخور بيك♥️
______
*سارة*
الحمدلله اتحسنتا شوية بقيت اصلي في الكرسي على الاقل بقدر اقعد يوم حسيت رجليني مخدره نزلتها براحه وحركتا يديني البترجف ومسكتا في طرف السرير ويدي التانيه ضغطتا بيها على السرير وغمضتا عيوني وانا بقول حاقدر حاقدر حاقدر ضغطتا شدييد وحاولتاا اقوم من السرير بعد تعب قدرتا اقوم ومسكتا بيديني الاتنين في طرف السرير ورجليني بترجف دموعي كانت بتنزل ومتألمه بس فرحتي بوقفتي كانت اكبرر براحه زحيت يدي من طرف السرير وبقيت واقفه فجاءه الباب فتح وجا رامز داخل حسيت بخلعتو لمن شافني واقفه بدون مسااعده بقا يضحك ودموعو ناازله انا ببكي وهو ببكي جا عللي مسكني قال لي سارة انتي واقفه انا ماقعد اتخيل صح هزيت ليهو راسي وانا مبتسمه ودموعي ناازله يعني ااي حضني شدييد وهو بيقولل الحمدلله يارب الف الحمد والشكر ليك يارب♥️ انا برضو قلتا الحمدلله عاينتا لرامز وقلتا ليهو انت مش وعدتني بعد مشاكلنا تنحلى نمشي مكه♥️ابتسم لي وقال مانسيت وعدي بس لسه في امور ما انتهت لازم نخللص من الناس ديل نهااائيا وبعدها حنتحرك بس حاليا الفترة دي محمد وملهم شغاالين في الموضوع عشان كداا في عندنا اسبوع نطلع فيهو كعائله ونرجع انا وانتي واولادناا ابتسمتا ليه وقال لي ماعارف دكتورة ترنيم اتأخرت ليه حقو تجي تشوفك قلتا ليهو منتظرهاا قال لي عشانك يابت رجعني لحضنو وهو بيقول لي اشتقت ليك♥️عروة فتح الباب وهو بيقول سارة انا كنتا طوالي غمض عيونو وقال لايااخ اتلفت عايز يطلع اضرب بالباب وحللف مايفتح عيونو وبيقول اسف اسف رامز قال ليهو افتح عيونك مافي شي فتح وهو بعااين لينا قال معليش كان لازم ادق الباب بس جيت اطمن على ساارة حتى يادوب انتبه اني واقفه قال لي سااارة وجا عللي عاين لي من فوق لتحت قال يااخ مابتتخيلي فرحتي وانا شايفك واقفه الف حمدلله على السلااامه لوعارفينك حتقومي في سماااية اولاادك كان عملناها من زمااان جا رامز مسكني من يدي وقال يلا نطلع وجينا نزلنا وعروة ورانا كانو كللهم تحت لمن شافوني رامز فكاني وخلاني امشي برجليني امي اول واحده جاتني حضنتني وبعدها ابوي وبعدين يوسف بقو كللهم يحضنوني ويحمدلو لي السلااامه والاجوااء كانت فرايحيه مشيت على اولاادي شلتا مازن ورامز رفع لي مزن وحضنتا اولاادي شدييد وشميت ريحتهم 💙وانا بقول ياالله ريحتهم سمحه شدييد رامز ابتسم وانا بعااين للاولاد وبملى عيووني منهم قعدنا واتغدينا كلنا في سفرة واحده وطلعنا للحرس وبكدا السماية انتهت وقالو حيعملو كرامة قومتي بالسلااامه قلتا ليهم مافي داعي يجماعه السمايه دي كرامة بس ابو وتاني يوم رامز جاب الخروف وعزم النااس تااني لميااء وعبق ماصدقو لمن شافوني واقفه حضنوني الاتنين وهم بيصرخو ايوب وشهاب كمان فرحو شدييد♥️ جات ترنيم عروة همس لي رأيك شنو في زوقي ابتسمتا وقلتا ليهو بيجنن♥️فرح شدييد من تعلليقي وعملو لي كرامه ورامز المابخجل كلمهم اننا حنطلع اجاازه انا وهو والاولااد وكللهم رحبو بالفكرة جا محمد مع ملهم وايهم حمدلو لي السلااامه وقعدو،،، رامز جهز الشنط وانا جهزتا الاولاد

وطلعناا كانو معانا حرس مامشينا محل بعيد بيت قريب كااان بس فيهو كمية ورود مزروعه قال لي سارة انا بعرف انو كل الحصل معاك بسببي اتخطفتي اتألمتي عانيتي وعشتي مشلوله فترة من حياتك انا ماعارف كيف اخليك تسامحيني كلمة الاعتذار ماحتكفي مسكتا يدو وقلتا ليهو المهم حاليا اننا مع بعض قال لي تمام خليني اتأكد ختا يدو في خدودي وقرب مني كان ظاهر جدا هو عايز يعمل شنو غمضتا عيوني بس تلفونو دقاا فتحتا لقيتو مغمض عيونو شدييد وعااضي على شفايفو بغيظ متأكده انو سبا للدقا جواهو قال ياخ انا الخلاني مااقفلو شنو بس مامشكله اسي بقفلو شال التلفون قال لي دا محمد ردا عليه طوالي وهو بيقول اي يامحمد لالاياخ مايهمك مامشكله اا تمام مامشكله خلاص حنرجع انت ماتهتم فعلا الموضوع دا طوول ولازم يتحل بعد دا قفل منو وعااين لي قال محمد قال ملهم وايهم شغااالين كوويس في موضوع المداهمه وشويه شويه قعد نكتشف كل المعاهم ويوم المداهمه قرب عشاان كدا لازم نكون موجودين خلينا نرجع البيت هزيت رااسي وقلتا ليهو لازم القضيه دي تنتهي،،، رجعنا البيت واستقبلوناا وطوالي رامز قال بتلاقى مع عروة ومشو سواا يوسف قال طاالع معااهم بس ابوي اباا قال ليهو في عندي شغلااانيه عايز اقضيهاا بس تعب حتى ابوي خلااهو يطلع
___
*محمد*
ماكان باقي لينا كتيير عشان نحدد موقعهم واذا وصلنا ولقيت قااسم معاهم بالجد حانتهي منو بيدي كيف امو بتقول بيتكلم معاها وهو مبسوط عشان كدا اتكلمتا مع رامز وطلبتا منو يرجع عشان نجهز للمداهمه وهو وافق بعدها تلفوني دقا لقيتها عبق جريت نفسي لاني بالجد ظالمها معاي شدييد عبق بتحبني وانا بحبها واسي كل اهتمااامي للقضيه دي وماقاادر اتكلم معااها رديت عليها قالت لي السافهني قلتا ليها اعفي لي بس ياعبق قالت لي ممكن نتلااقى قلتا ليها طبعاا حأجي اتكلم مع ابوك ونطلع سوا قالت لي تمااام قفلتا منها وطلعتا مشيت على بيتهم فتحت لي عدن سلمتا عليهاا ودخلتا لابوها استأذنتو عشان اطلع مع عبق وافق وقال لي بس سوقو عدن معاكم ووافقتاا انتظرتها لمن جهزت جااتني لبست فستان كحللي 🖤جميلل ابتسمتا ليها وطلعناا قالت لي حنمشي وين قلتا ليها كافترياا بجيب ليكم سندتوشات تاكلوها وبعدين نشوف محل نقعد فيه فعلا اتحركنا وقعدنا قلتا ليها عبق بعرف انو انا هاملك شدييد مع انو فترة الخطوبه كلها لازم نقضيها مع بعض ونتعرف على بعض بس بسبب القضيه الماسكها دي بس قربنا ياعبق قربناا اول ماتنتهي حأجي احدد عرسنا عاينتا ليدها وانا مبتسم قلتا ليها انتظريني لغاية ماابدل الخاتم من اليمين للشماال🖤ابتسمت وقالت لي حانتظرك 🖤،،، قضينا يوم جميل نحنا ال3وصاحبتا عدن الصغيره وبعدين وصلتهم البيت ورجعتاا المكتب بعد جهزنا اي شي مدير المركز حدد لينا يوم بكرا للاسره وبعد بكرا من الصبااح نجهز نفسنا لانو بالليل حتكون المداهمه فحبيت اني اقضي اليوم دا مع امي وعبق🖤،،، اتصلتا بابوها وكلمتو ونفس الشي قال نسوق عدن قلتا ليهو تماام ولمن رجعتا البيت حكيت لامي وابوي اني طالع مهمه صعبه بعد بكرا ويوم بكرا حاقضيه معاكم وحاجيب عبق كمااان امي قالت لي انت كوويس؟ قلتا ليها اي الحمدلله
____
*رامز*
كنتا قاعد مع ناس البيت وبحكي ليهم عن المداهمه امي بقت تبكي قالت لي ياولدي كيف اخليك تمشي محل مابعرف اذا حترجع منو قلتا ليهاا انا اساسا الجبتا المصاايب للناس ولازم نرجع لحياتنا بعد دا انا اول واحد لازم اكون موجود في المداهمه دي امي بقت تبكي قمتا قعدتا جنبها وابوي قال لي انا فخور بيك لانو حتصلح العملتو ابتسمتا ليه وقلتا ليهم حارتااح وبكرا ان شااءالله معااكم طلعتا الغرفه تلفوني اتصل كان محمد رديت عليه قال لي كترتا اتصالاتي صح قلتا ليهو لاياخ العفو قال لي عازمك فطوور انت وسارة والاولااد في طريقه تطلعو قلتا ليهو ان شااءالله بجيك قفلتا منو شفتا سارة طالعه من الحمام قلتا ليها مالك قالت لي ماالي قلتا ليها كنتي بتبكي؟ عاينت لي وهزت راسها يعني لالا ودنقرت جيت رفعتا راسها وقلتا ليها زعلانه مالك قالت لي حتمشي وانا وسكتت قربتا منها بستها في خدها في الغمااازه مده طوويله وقلتا ليها اشتقتا ليها باللجد ماتخاافي ان شااءالله حنخلص من القصه دي وحارجع وحنمشي منها مكه💙 ابتسمت لي قلتا ليها بالمناااسبة محمد عازمنا فطوور،،،، الصباح بعد اجتمعنا مع ناس البيت في الشااي طلعنا نجهز عشان نمشي عزيمة الفطور استحميت وغيرتا ولبستا جلابيه وشال وطااقيه سارة اتجهزت لمن جيت طالع لقيتها بتحااول تلف في التوب ضحكتا فيها لمن شافتني قالت لي Kranim"ملكي"فقلتا ليها اوووKransim"ملكتي"فضحكت قلتا ليها للان انتي والتوب مااحباب قالت لي ابا لي عدييلل جيت مسكتا التوب فهي فكت يدينها ولفيتو حولينها وربطتو وانا بعااين ليها وهي مدنقره رفعتا راسها وقلتا ليها عايني لي لأنو احتمال مانلقى فرصه تانيه وحتلقي ملك تاني عاينت لي بسرعه قالت لي ماتقول كدا Sen kran ve kran kalcaksın"انت ملك وستبقى ملك"لفيت التوب ورفعتو

في راسها وانا مبتسم وجدعتا اللفه الاخيرة وبستها في جبينها وفي الغمازه ضحكت قلتا ليها ارح نتحرك لبسنا التوأم وطلعنا في العربية مع بعض ربطتهم بكراسي اطفال في الكراسي الورا وبعدين اتحركنا على بيت محمد وصلنا لقينا عبق واهلو قااعدين سلمنا علليهم وقعدناا وامو وعبق وسارة معاهم جهزو الفطور وختوهو وبقينا ناكل مع بعض ونتونس ام محمد قالت لينا عليك الله يااولادي خلو بالكم على بعض واهتمو كوويس على نفسكم ارجعو لينا منتصرين ودعواتنااا حتكون معاكم ابتسمنا ونحنا بنقول ليها ان شااءالله بعد الاكل عملو لينا شااي وبقت ام محمد ماسكه التوأم ونحنا الاربعه قعدنا مع بعض سارة قالت الله ياعبق الزهرة دي نرجس صح عبق قالت ليها ااي بتحبي النرجس قالت جداا فقلتا لسارة انا لو علي اجيب ليك كل ورود النرجس الموجوده في العالم عبق قالت لي فعلا يارامز معاك حق الانساان لازم يتذكر حبيبو كل فترة والتانيه ويجيب ليهو حاجات تفرحو ويدلعو محمد عاين ليها وابتسم قال ليها كأنو وصلتني حجرة قالت ليهو العفو ياروحي حجرة شنو انا رميت صخره مباشرة بس مين بيفهم بقينا نضحك قلتا لمحمد بتعرف تسوق موتر قال لي ولو دي موهبتي قلتا ليهو رأيك شنو نتسابق قال لي جداا سارة وعبق عاينو لينا بخلعه قالو لينا تتمو اليوم مع اهلكم ولا تقضوهو سباااق قلنا ليهم بنهظر نحنا بنهظر بس يامحمد بالجد لو رجعنا بالسلاامه خلينا نتساابق قال لي انا جاهز دائما عشان اهزمك وفتح كفو ضربنا كفنا مع بعض وسلمناا بعد مساافة طلعنا منهم ورجعنا البيت
___
*عاادل*
البضااعه الحنسلمها بكرا ومعاها عدد الناس الاتحصلنا علليهم للتجاارة كل المجموعات دي حيتم تسليمها في نفس اليوم ونسفرهم بنفس الطريقه كنا كلنا قااعدين حول الطاوله كل الاشرار الموجودين،،،، الاصلع قال لازم نكون حذرين في تحركاتنا عملتو القلناهو ليكم صح قالو ااي وكلو جااهز البضاااعه والبنات جاهزين للتسليم برضو صح قالو اي جهزنا قال تحركاتنا لازم تكون مدروسه بعدين قال تعال ياعادل طلعتا معاهو قال لي اها عملتا شنو مع راجل اختك اها بقا مننا قلتا ليهو اي واسي ماشي علليهم،،، مشيت سمعتا رفأ بتقول انا بقيت مرتك ياقاسم ليه بتتعامل معاي كدا ليه البرود دا كلو ليه التصرفات دي قاسم قال ليها مافي شي يارفأ فتحتا الباب الاتنين عاينو لي قلتا ليهم اجهزو جا وقت الضربه الكبيره عاينتا لقاااسم مسااافه وبعدين طلعتاا
_____
*عبق*
بعد سارة ورامز مشو قضينا يوم جميلل مع محمد واهلو ماكنتا عاارفه بالجد دي اخر لحظاات لي معاهو ولا حيرجع لي كنا بنجهز في الغداء انا وهو مع بعض وكل شوية بيغمز لي قلتا ليهو محمد انت ماكنتا كدا اتطورتا بالجد ضحك وقال لي طورني حبك♥️كانت شخصيه جديده لمحمد اول مرة اشوفهاا قال لي تعاالي قعدنا انا وهو في حوش بيتهم قال لي لو ربنا اراد ورجعتا ليك احكي لي حياتنا حتكون كيف ابتسمتا وقلتا ليهو حلوة شدييد يمكن نتشاكل وتزعلني وتتبارد وتتساخف كعااادتك بس ماحتخليني انوم زعلانه لانو قلبك طيب ختا يدو في خدو واتكل وقال لي طيب واولادنا لمن قال كدا خجلتاا قلتا ليهو الاولاد يشبهوك والبنات يشبهوني قال ماضروري يمكن البنات يشبهوني او كلهم يشبهوني ويحبوني انتي جيبيهم بس قلتا ليهو يااخي فظيع انت مسك يدي وعاين لي جوه عيوني وقال لي عبق💙ماعارفه حسيت بشنو وقتها قال لي لو ربنا اراد اني ماارجع قلتا ليهو محمد ماتكمل ابتسم وهو بيقول ماتخلي حياتك تقيف كملي حياتك حققي احلامك اتزوجي وعيشي مبسوطه انتي بتستاهلي السعاده عيوني دمعت قلتا ليهو محمد ماتقول كدا يااخ،،، خلصنا اليوم وركبنا ركشه عشان يرجعناا انا وعدن اول ماوصلنا هو ناداني عدن دخلت وانا فضلتا واقفه معااهو جرا نفسو وهو بيقول يارب سامحني قلتا ليهو ليه مالك جا قريب مني وحضني وغمض عيونو انا كمان ضميتو ودموعي جات نازلة وانا بقول ليهو ارجع لي يامحمد قال لي ان شااءالله وبعدها فكااني ومشا طوالي وبدون مايعاين ورااه انا وقفتا بعااين للركشه ماشه وانا ببكي كنتا داخله سمعتا عبق اتلفتا ماعرفتا الشخصيه في الضلام بكل غباء مشيت ليه قلتا ليهو انت منو وماحسيت الا بقطعه في وشي بقيت افرفر واحاول بس لاا غبتا وتاني ماحسيت بشي💔
______
*عروة*

بعد الموقف الحصل وبعد خلاص علاج سارةترنيم كدا شغلها انتهى قلتا لسارة يعني ماحتجي تااني ضحكت قالت لي وجا اليوم الشفتك فيهو باكاتك مجهجهه قلتا ليها طيب اعمل شنو يااخ طلعتا مشيت لرامز قلتا ليهو اديني رقم تلفون ترنيم قال لي اول ماسارة اتحسنت مسحتا الرقم بس بجيبو ليك ضرب لانور وشوية ورسل الرقم طلعتا تلفووني وطواالي اتصلتا علليها ردت قلتا ليها كيفك انا عروة ممكن نتلااقى قالت لي انا في النادي تعاال برسل ليك الموقع وفعلاا رسلتو طلعتا طواالي ومشيت على النادي لمن وصلتا ضربتا ليها بقت توصف لي لغااية ماوصلتها كانت لابسه قفازات الملاكمه وبتضرب في الكيس قلتا ليها ماشااءالله دكتورة رياضيه ومعالجه فيزيائيه بتكسري العظام وبتصلحيها

يعني براافو وبقيت اصفق ليها قالت لي رأيك شنو نجرب؟ قلتا ليها كيف يعني قالت لي افتح الدرج داك بتلقا قفااازات جيبهم وتعاال قلتا ليها لاياخ اكييد ماحاتضاارب مع بت بخاف ااذيك انتي ناعم.. قبل مااتم كلمتي ضربتني بوكس جيت واقع في الارض وخاتي يدي في خدي بتألم قالت لي ماتستخف بالبنااات قمتا طواالي لبستا القفازات وجيتها وبقينا نتضارب البت مابتخاف فعلا وبتقدر تتوقع ضرباااتي وبتزح منهم رفعتا يديني وقلتا ليها تمام انتي الفزتي قالت لي اساسا انا دائما فايزه ونزلنا من الحلبه وهي بتطلع القفازات قلتا ليها بس مابتوقع انو بالجد كداا بت تكون قووية قالت لي لييه انا اسي غلبتك دا اكبر دليل قلتا ليها انا اتساهلتا معااك ضحكت وطللعناا من النادي قلنا نمشي ناكل جا وقف قدامنا بتاع ترحاال قال لينا عايزين توصيلله عاينا لبعض وقلنا اساسا كنا حنطلب فركبنا معااهو واتحرك بيناا فجاءة لفا بشارع غريب انا قلتا ليهو عفوا حضرتك مااشي وين نحنا ماماشين بجااي فجاءة وقف العربيه واتللفت رشا فينا حاجه ماعرفينها شنو وبعدها ماحسينا بحاجه
___
*اماني*
كنتا قااعده في البيت وملليت بالجد بس تلفوني اتصل كان عم معااذ رديت قال اسف اسف عارف اتأخرتا عليكم بس بتقدري تجيبي راجلك معاك وتجوني في المطعم وحنتكلم في اي شي فعلاا فاروق لمن جا حكيت ليهو وطلعناا بعد ماسقنا معانا حارسين واتوجهنا على مطااعم الموج قبل ما ندخل تلفوني دقاا كان رقم غريب قال لي ماتدخلي يااماني عمي زي اذا مااكعب اتخلعتا طبعاا بس قفلتاا ومااهتميت بكلااامو فدخلناا انا وفارووق كان المطعم هاادي جدا ومضللم اول مادخلنا الباب اتقفلل طبعا دخلتني خووفه وعاينتا لفاروق قال لي ماتخاافي سمعنا صوت ضحك جاي من فوق شويه وجا ناازل ولمن قرب اتضح لينا قلنا ليهو معااذ كان فاروق عايز يمسكو بس جو الحراس مسكو فااروق انا بقيت اصرخ فمعااذ مسكني وختا قطعه في وشي وقال انا وعدتهم اني اجيبك ليهم وجا الوقت وما بس انتو اي زول عندو علاقه برامز كلكم شويه شويه مع بعض حتتلاقو ونتخللص منكم
______
*يوسف*
طلعتا من البيت ومشيت على ناس ربا اطمن عليها دقيت الباب مساااافه بس مافي زول فتح قلتا بكونو في المستشفى فمشيت وسألتا من رنا ووصفو لي غرفتهاا دخلتا وكانت براها والشي الغريب كانت صاحيه وقااعده قلتا ليها صحيتي من الغيبوبه ابتسمت لي بغرابه قالت لي انتو ليه هبل كداا وبتجو برجلينكم لنهايتكم عاينتا ليها وانا مافااهم شي قلتا ليها عفوا في زول هبش كتفي اتلفتا كان ماجد قال لي لا بكامل قواك العقليه في اخ بقتل اختو وهي في غيبوبه؟ ابتسم لي بغرابه وفجاااءة حسيت بطعنة ابره في ضهري اتلفتا سريع كانت ربا كانت مدمعه وهي بتعاين لي قالت لي سامحني يايوسف وبعدها ماحسيت بشي تاني
______
*رامز*
كنتا قاعد مع محمد وملهم وايهم وعلاءالدين بنجهز في خطتناا بعد الكلام الوصلنا جاني صوت في تلفووني فتحتو وكلهم بعاينو معااي كانو عروة وترنيم ويوسف وفاروق وامااني مربطين وغاايبين عن الوعي وصوت عاادل وهو بيقول لي انا ماغبي يارامز وبعدو قااسم رابطينو وموجهين عليهو سلااح قال لي حصللهم اذا قدرت....








يتبع مع الحلقه الاخيرة....

*في حضرة عينيه🤎*
*#بقلمي سارة بشرى🖊️*
(30)الاخيرهه

*رامز*
بعد جهزنا اي شي كنا طالعين بس علاءالدين وقفنا قال لينا دقيقه انتو ماحاسين بشي في حاجه ماانتبهتو ليها؟ كلنا عاينا ليهو قال لينا قاسم كان مربوط معاهم مالاحظتو؟ وعادل في الفيديو قال ليك انا ماغبي يارامز معقوله يكونو عرفو حقيقة قاسم والحاصل؟ معقولة يكونو لسه المداهمه حتحصل في نفس المكان؟ قلتا ليهو معاك حق محمد قال خلونا نمشي ونتأكد فعلاا اتحركناا وفي الطريق ضربتا لسارة قلتا ليها ماتتفاهم مع اي زول وماترد على اي مكالمات قالت لي تمام بس خلي بالك على نفسك،،، قفلتا منها وملهم بورينا بلاحداثياات لغااية وصلناا علاءالدين قال لينا يجماعه محتاجين طياارة يااخ ايهم قال ليهو ماتشيل هم عندي صحبي عندو شركة طيران بنحلها اثناء تحركنا ضرب ايهم لصحبو فريد عمادالدين وحكا ليهو بدون تفاصيل وطلب منو طيارة فريد سألو عايز الطيارة وين ايهم قال ليهو ملهم اخوي بتواصل معاك وبوريك الاحداثيات قال ليهو تمام وقفلل واتواصل ملهم مع فريد وصلنا محل المداهمه وزي ماقاال علااءالدين ماكان في زول والمكان هاادي علاءالدين قال لينا اتوقعت طلعو سابقيننا بأكتر من خطوه واكتشفو انو قاسم بورينا تحركاتتهم اثنااء كلاامنا بقا يجينا ضرب ناار كان كتيير لدرجة انو ماقادرين نحدد الموقع الاصللي للضرب طوالي بقينا نتحاامي بأي شكل علاءالدين بصوت عاالي قال عملو لينا كميين دوريات الشرطه اتحركت ووصلت وضرب الرصاص بقى بين الطرفين كمية كبيره من العساااكر وقعو ميتين وبقينا عدد بسيط علاء الدين طلب دعم بس لغااية مايصلو بنكون نحنا انتهيناا حاولنا نقااوم في اللحظه دي وصلت الطياارة الاساسا طلبها علاءالدين زي الكأنو حسا انو حنتعرض لموقف زي داا عشان كدا طلب طيارة دعم من المركز قبل مانتحرك الطياارة وصلت وبقت تضرب رشاش من فوق بعد توصياات علاء شوية وكللهم بدو يتوقعو والطياارة هبطت ركبنا فيها وطواالي اتحركناا على الموقع التاااني المكان العلى اساس كنا حنداهم فيه عملو لينا فيهو كمين الموقع التااني كان فيهو كمية حراس واقفين برة لغااية مانخللص منهم دا براهو موضوع علاءالدين بقا ينظمنا انتو اقيفو بجااي وانتو بجااي انتو امشو على هنااك حاوطو المكان عاينتا لعلاءالدين وانا بقول ليهو انا حاهجم وادخل عليهم جواا علاءالدين قال لي لا يمكن يضربوك مباشرة قلتا ليهو انا متأكد انهم مابيأذوني قال لي تمااام ادخل شلتا سللااحي وقلتا ليهم لو فريد رسل الطيارة اركبوها طوالي وامشو انقذوهم حتى لو اتضطريتو تخلوني وراكم،،، وطواالي على الباب رفسه واحده برجللي كسرتو كانو قااعدين كللهم في طاوله طويله عادل قال لي شايفك نفذتا كلامك بعد مرتك بقت كوويسه ورجعتا ليناا ابتسمتا وانا بقعد معاهم وبقول ليهو كلكم عارفين اني مستحيل ارجع ليكم فخلونا مانمثل على بعض بقيت اعاين ليهم نفر نفر كانو كتاار هم كللهم حاليا مجتمعين في نفس المكاان عاينتا لعادل وقلتا ليهو كيف قاسم اتزوج رفأ وشغلتاا الجهاز العندي،،، قال لي نحنا عملنا خطه عشان نجيبو يفتكر اننا عايزنو يقتل محمد وهو صدق بس بعدين قلنا ليهو انو كان اختبار بس وقلنا بما انهم بحبو بعض وبما انو هو بحب اختي لدرجة يقتل صحبو عشااانها فجبنا الماذون وشلنا اوراقو بس فجاءه قام وقف وقال ماعايز الزواج دا يحصل كلنا عاينا ليهو وضحكنا لانو كنا عارفين ردة فعلو دي بس فجاءة هو ضحك وقال ليناا صدقتو صح وقعد استغربنا فيه وقال للماذون يلا ابدا طبعا اتخلعنا وقلنا ليهو هوي دا اختبار الزواج دا مابالجد قال لينا انا اساسا كنتا عايز اتزوجها الفرق شنو اذا كان العرس اسي او بعدين كلنا انصدمنا وفعلا العرس تم وقاسم اتزوج رفأ بس مابعاملها كوويس وبيتبارد معاها انا دائما كنتا شاااكي فيهو وعشان اتأكد قلتا قدامو اسم المحل للمداهمه وطبعا زي مااتوقعت وصلو ليكم وانتو مشيتو ولقيتو هديه منتظراكم هنا الحمدلله انكم طلعتو منهاا قال لي بس من هناا ماحتطلع يارامز ولو فكرتا انك تطلع طلع تلفونو ومعاهو جهااز ووصلو لي قال لي القنبله اتركبت حاليا في بيتكم اهلك انت ومرتك واهلها واولادك كلهم خلال5دقاايق حيكونو بح في حالة انا ضغطتا الزر دا ما حأخفي انو دخلتني خوفه وكلهم مبتسمين قال لي انا عارف انو جماعتك ديل بره اتكلم معاهم خليهم ينسحبو خليناا نتم شغلتناا دي اكبر تسليمه لينا ماتضايقونا فيها نخلصها ونسافر وكدا حنرجع الخطفنااهم واهلك كمااان حيبقو بخير وانت حترجع لمرتك واولاادك يلا اتصلل ووريهم ولاا حراسنا الواقفين قدام البيت حقكم يطلعو كل الموجودين ويجيبوهم لناسنا الهناا ووقتهاا كللهم حنخت ليهم القنبلله يلاا حدد بقيت اعااين ليه طواالي اتصل وقال سوقو كل الموجودين ولموهم في مكان وااحد قلتا ليهو عاااادل وطوالي وقفتاا قال لي ماتصرخ قايلني حاخاف من صوتك العااالي دا يعني ساااعدنا في اخر تسليمه يارامز وحترجع زي الماحصل شي الاصلع قال لي انا شايف انو الاتفاااق دا مربح لينا الاتنين حياتك انت واهلك مقابل

حياتنا نحنا كماااان الراجل قال منتظرنك يارامز كللهم كانو ضااغطيني بنظراااتهم لغاااية ماقلتا ليهم تمااام وافقتااا حاسااعدكم عادل قال لي تمام انا ماحاضغط على الزر دا ابدا لغاااية ما بضاعتنا تتحول ونحنا نطلع من هناا قلتا ليهو تماام
______
*قاسم*
كنا كلنا قااعدين مربطين وبنعااين لبعض ترنيم قالت اسي انا ذنبي شنو جايبني لييه طيب ياجماعه بدل ماقااعدين نعاااين لبعض فكرو شووية خلونا نساااعد بعض ونطلع من هناا عروة قال ليها اساسا اذا اتساعدنا كلنا مع بعض حنقدر نطللع قلتا ليهم انتو ناسين انو معاك ضابط عروة قال لي شايف شايف عبق قالت طيب ياحضرة الضابط ورينا حنطلع كيف فاروق قال لي بس استعجل اماني قالت اي عليك الله انا خاايفه بالجد قلتا ليهم الجيب الجوه حق القميص فيهو مشرط واحد فيكم يحاول يطلعو بسنونو وانا حأكون قريب منو عروة قال لي اكييد انا تعال بقيت اجر بالكرسي لغااية مابقيت قصااادو قبل مانعمل اي شي الباب اتفتح جو داخللين اهل رامز مع اهل سارة ومعاهم التوأم شكلهم خطفوهم بعدين ربطوهم في كراسي كللهم ورقدو التوأم في سراير اطفال صغاار وبقو لافين حولناا جو داخلين وهم شايلين قنااابل وبربطو فيهاا البناات خاافو وبقو يبكو حسيت بالعجز لانو حالياا انا حقو انقذهم كللهم واطلعهم من هناا بعد خلصو ربطو حاجه في الباب وابتسم قال لينا الربطه دي متصله بجهاز القنابل البفكر فيكم يفتح الباب وفتها القنبله اتوماتكيا حتشتغل بدون مانضطرا نشغلها نحنا يلاا اقامه سعيده وطلعو وهم بيضحكو،،، بقينا نعااين لبعض وبكا البنات موترناا عاينتا لعروة وقلتا ليهو خلينا نكمل قال لي بس الباب قلتا ليهو انت فك بس عروة دنقر رااسو وبقا يحاول يطلع المشرط من القميص ابا يطلع معاهو لمن زهج عاين لي وقال لي بهمس لابس فنيله داخليه؟ عاينتا ليهو مستغرب قلتا ليهو قااصد شنو قال لي ابا يطلع معاي بالطريقه دي ياقاسم الحل الوحيد اني احاول اشرط القميص ووقتها المشرط حيقع بقيت اعاين ليهو قلتا ليهو انت اهبل؟ ماشايف خالاتنا القاعدين هنا ولا البناات ديلل قال لي ماعندنا حل تاني ياقاسم بعدين انت ضاابط عاادي ثم ان مرتك وين يازول بقيت اعاين ليهو ابتسم وهو بعضي جيب القميص بسنونو وبجر فيهو لبرة جراهو شدييد بس فجاءة اسمع ليك شييييط والمشرط جا واقع في الارض عروة بقا يتحرك بالكرسي لغااية ميل كرسيه على الارض عاين لي قال لي اقع بكرسيك على جهة ضهرك عشان افك يدينك بورا فعلا بقيت اتحرك بالكرسي واديتو ضهري ووقعتا الكرسي مسك المشرط من جهة المقبض بخشمو وحسيت بيهو وهو بحركو على الحبال الفي يدي كان بطئ بس صبرنا والموجودين كللهم سكتو وصنو بعد مسافه حسيت بالحبل اترخى في يدي شوية شوية لغااية ما اتفكا اول مايديني اتفكت حليت ربطة رجليني وقمتاا مشيت على جهة الباب وعاينتا للربطه مساافه قلتا كيف دي حتكون مربوطه بجهاز رجعتا لعروة فكيتو وبقينا نفك في كل الموجودين قالو اها وبعدين حنعمل شنو قلتا ليهم بس مافي زول فيكم يقرب من الباب فجاءة سمعنا صوت ضحك قال لينا برافوو اذكيااء قدرتو تخلصو نفسكم من الحبال وروني تااني حتطلعو كيف من هنااك يلاا Good luck وضحك واختفى الصوت بقينا نتللفت قلتا ليهم اول شي لازم نعرف محل القنبله الاساسي في كم واحده هنا ونعطلها من العمل وبعدين حنقدر نطلع كلناا من هناا كلهم قالو تمام
___
*علاءالدين*
اتأخر رامز ووصلت الطيارة الرسلها فريد بقينا نعااين لبعض خصوصي بعد النقاش الدار بين رامز والعصابه وسمعناهو كللنا فمحمد قال لينا انتو داهمو وانا حامشي انقذ البقيه قلتا ليهو بتهظر صح اكييد ماحتمشي برااك ابتسم وهو بيقول لي ماواثق في قدراتي يعني؟ قلتا ليهو ماكدا بس دي مخاااطره قال لي ودي فرصه ماحنلقاها تاني انو كللهم يكونو مجتمعيين حاليا هم كلهم موجودين دي فرصة ياجنابو خلينا مانخسرها قلتا ليهو تماام انا واثق فيك ابتسم لي واتسلح وطلع على الطيارة قال لي لو رامز طلع وريهو اني جاهز لخسارتو في مسابقة المواتر قلتا ليهو تماام وركب الطيارة وبعدين اتحرك كاالعاده خطفوهم وودوهم محل في بورتسودان ونحنا اكتشفنا مكانهم بصعوبه في عندهم طيارات بتخليهم ينقلوهم بسرعه وسهولة بتمنى انو محمد ينجح وزي ماقال دي فرصة ماحنلقاها تااني اتسلحنا وطلعنا وكل العسااكر جاهزين ركبنا كاتم صوت في اسلحتناا وبقينا نضرب في الحرس الواقفين برة هم حاولو يصدونا بردهم بالرصااص هم بضربو ونحنا بنضرب ومع الاسف اعدادهم كل شووية بتزيد ومع كداا الاصوات زادت واكييد الجوه حسو ملهم قال لينا مالازم نضيع الفرصه دي بسررعه بس انطلقو انتو وانا حاحميكم فعلا انا وايهم اتحركناا بسررعه ودخلنا جوه ومعانا عسااكر كنا ماسكين مسدساتنا وداخلين بحذر اول باب كسرناهو مالقينااهم ايهم قال لي هربو شكلو عندهم باب سرري اتحركناا بسرعه وانا خايف انو رامز يكون خاننا وساعدهم يهربو خصوصي بعد تهديدهم ليه وطلعناا لقينا في اشتباك كبيير شغاال مللهم اشر لينا مشينا عليه ونحنا مدنقرين قال

لينا طلعو بورا بس قدرنا ننتبه ليهم وحاولنا نوقفهم وبعدين حصل الاشتبااك شوفهم بحاولو يركبو العربيه بس حتى اذا ركبوها ماحيقدرو يتحركو ايهم ابتسم وهو بيقول ليه نزلتا اللاساتك؟ ملهم اكتفى بابتسامه وبعدها رامز اشر لينا على وشنا في البداية مافهمنا بس بعدين كل واحد طلع قطعه وربطنا وشناا رامز قال بصوت عاالي اتجهزو ورما حاجه طلعها من بطلونو وفجااءة عملت ضباب كانو بيصرخو وجايطين ومافاهمين الحااصلل نحنا استغلينا الوضع واتلفتنا علليهم وبقينا خاتين في راس كل واحد مسدس لمن الضباب اختفى فجااءة لاحظو انو كللهم واقفين ونحنا محاصرينهم قلتا ليهم يلا وبدون صوت على عربات الشرطه واقل حركه حتبقو جثث في الارض رامز قال لي انا ماضامنهم بصراحه ياعلاء ديل عاادي يطلعو من السجن دخولهم السجن ماحل دا غير اننا لازم نلقى الجهاز بتاع القنبله بنهره قلتا ليهم اقعدو على ركبكم طواالي قعدو قلتا ليهم وين الجهاااز اثنااء كلامنا مللهم قال في واحد مدسي بورا قبل مايضربنا ملهم طلع اسرع وضربو رصاصه في كتفو جا واقع طلع دا معااذ مشا مسكو جراهو ورمااهو قدامناا في عربية وقفت مساافه وحركت المحرك شكلها عايزه تمشي رصاصتين في اللاساتك وقفتها اشرتها لملهم ورامز يمشو علليهم فعلاا مشو وفتحو الابوااب بعد شوية جو طاالعين اسرة كامله ماجد ورنا وربا واهلهم بقيت انا اقول تؤتؤتؤ خسارة يااخ تدمرو نفسكم كدا كان بيستاهل ياترى بقو يعاينو لي وربا بتبكي رامز قال ليها البتبكي ليها شنو ماقادر اتخيل حالة يووسف ااسي قلتا ليهو على السيرة دي امسك رميت ليهو مفتااح قلتا ليهو بتعرف تسوق طيارة؟ قال لي لاا قلتا ليهو محمد مشاا عشان ينقذهم ربا قالت ماحتقدرو ماجد حمر ليها وقال ليها انطمي احسن ليك قلتا ليها لييه قالت كل محل حتهبشو هناك واصل للقنبله يعني حتى لو حاولتو تنقذوهم حينفجرو ماجد قال ليها بصوت عاالي رباا رامز شال مني المفتاااح وقال لي بشوف حاعرف اسوقها مللهم قال ليهو حاجي معااك طلعو الاتنين وانا بديت اتذكر كلاام رامز الجماعه ديل مابنفعو في السجن عادي يطلعو بس فجااءة ابتسمتا من الفكرة الجات في باالي
____
*محمد*
وصلتا المحل وابتسمتا لمن طلع المكان صح بديت اتذكر الطريقه العرفتا بيها محللهم كنتا قااعد في مكتبي برااي براجع لمن باب المكتب اتفتح وجات رفأ داخله ماصدقتا ابدا اني شايفها قدامي قلتا ليها رفأ انتي بالجد؟ قالت لي انا جيت عشان اسلم نفسي وفوقها كمان حاوريك المكان الاتخطفو علليه اهلكم ومكان التسليم الاخير بقيت اعاين ليها قلتا ليها والبخليني اصدقكك شنو قالت لي جيتك برجليني يامحمد عايز شنو اكترر قلتا ليها وبتعملي كدا ليه قالت لي لأني حبيت قاسم بالجد وماعايزاهو يتأذى بقيت اعاين ليها بعدين سقتها وطلعنا مشينا مكتب علاء وهناك لقينا ايهم وملهم وفعلا رفأ اعترفت بأي شي وورتنا كل العملوهو شكلهم للان ماعارفين انو رفأ سلمت نفسها،،، المهم وصلتا ومشيت على الباب بقيت ادق فيه وحاولتا اكسرو فجاءه سمعتا صوت صريخ بيقولو لي لالالا عليك الله ماتكسرو ياالبرة ماتكسر الباب زحيت منو وانا بقول ليهم يجماعه انا محمد انتو كوويسين فجاءة كللهم جاطو وبقو يتكلمو سواا قلتا ليهم اهدو وخلو زول واحد يتكلم معااي ويشرح لي الحااصل فقااسم هو الاتكلم وورااني الحاصل معاهم قال لي مافي طريقه انت تدخل ونحنا نطلع رابطين كل محل هنا بالتاااني ولاننا مابنفهم في القناابل ماعاارفين نحلها كيف قلتا ليهو ماقادر تحدد نوعهاا قال لي لا شوية وسمعتا محمد لمن سمعتا صوتها غمضتا عيووني شدييد وانا حااسي بالعجز لأني ماقاادر اصل ليهم بقيت لافي حوالين البيت القاعدين فيه بفتش في ااي طريقه عشاان ادخلل لغاااية ماسمعتا صوت طيارة بتهبط مشيت لقيتهم رامز ومللهم قلتا لملهم بتفهم في القنابل؟ بتقدر تخترق نظامها وتعطلها؟قال لي الموضوع صعب بس اذا عرفتا نوعها ممكن رامز بقا يعاااين للبيت وبلف رجع على الطياارة شال ليهو حديده وجا قلتا ليهو ماتفكر تكسر اي شي كلها اسلااك موصله مع بعض ماافي طريقة دخول قال لي ماممكن يااخ امي وابوي ومرتي واولادي واصحابي كلهم جوه انا كيف حاقدر اقعد كدا وانا عاارف حياتهم معرضه للخطر وكمان للان الجهاز مااتلقى ماممكن يوصلو الاسلاك في الباب والحيط والشبابيك والارضيه يااخ عاينتا ليهو كدا وهو بتكلم فجاءه خطرت في بالي حاجه شلتا منو الحديده ثبتها كوويس ونطيت بديت اتمسك بالحيط واطللع شوية شوية لغااية ماحصلتا فوق البيت بقيت اعفص برجليني رقدتا في السطح وزحفتا قلتا لملهم اسألهم لوفي اسلاك في السطح فوق فعلا سألهم وقالو لاا طلبتا منهم يزحو من نص البيت لمن اتأكدتا كلهم زحو ضربتا رصاصه فتحت لي مجاال وبديت اضرب بالحديده عشان ازيد الفتحه وتقدر تدخلني لليهم فجاءة شفتا رامز معااي قال لي عايز تبقى بطل براك هو زاتو جاب معاهو عديده وبقينا نضرب بيها بعد مجاازفه الفتحه زادت ومباشرة نزلتا رجليني ونطيت تحت ورامز ورااي نزلنا ليهم ماصدقنا لمن شفناهم كلهم كانو

كوويسين بس خايفين مباشرة مشيت على عبق البتعااين لي مدمعه قلتا ليها ماتخاافي باذن الله حاطلعكم كلكم وماافي زول فيكم حيتأذا سألتا قاسم من محل القنبله ومشينا عليها الاتنين كانت مقفولة ماشغااله بقيت اعااين ليها بكل الجهااات يمكن القى اسم او حاجه مشيت على الباب واتكلمتا مع مللهم ووريتو عدد الاسلااك وشكل القنبله بالتحديد ولونها وطريقة ربط الاسلكه وكيف متصلين بيها قال لي تماام عرفتها حاحاول اعرف عنها اكترر في المساافة دي جاني راامز قال لي محمد نحنا بنقدر نطلعهم كللهم من خلال السطح قلتا ليهو فعللا قلتا لملهم شوف ليك حاجه واسعه يقدرو ينطو بيها لانو حنطلعهم بالسطح قال لي تمااام نحنا الشباب اتحركناا شلنا الكرااسي وبقينا نرصها في بعض نظامها بقا زي السلم خصوصي انو مافي شي في المحل دا غير كرااسيهم الكانو فيها طلبتا من عروة ويوسف يطلعو اول نااس عشان يجروهم في السطح فوق وفاروق يطلع يقيف مع مللهم ويستلموهم تحت فعلاا فااروق طلع ونحنا ماسكين الكراسي لغاية ماسمعنا صوتو جنب ملهم بعدين عروة ويوسف طلعو واشرو لينا من فتحة السطح عاينا ليهم ورامز قال لأمو تعالي بدت تركب وهو ساندها مسكوها عروة ويوسف فوق ورفعوها وبعدين استلموها فاروق وملهم تحت بعدين ام سارة بعدها اماني بعدها ريناد بعدها ترنيم اشرنا لعبق وسارة هزو راسهم لاا فطلعنا عم بدر الدين وعم متوكل بعدين رامز رفع مازن سلمهم ليوسف ونزل رفع مزن وجا راجع وقال لساارة يلاا بقت تعااين ليهو وهي بتقول مستحيل قلتا ليهم عليك الله خلو الحركات دي يااخ بس برضو ابو مشيت على القنبلله فجااءة اشتغلت حتى قبل مااهبشها وطبعا 5دقاايق قلتا ليهم اشتغلت في زول ضغط على الجهاااز سمعنا صوت ضحك وبعدين زول بيقول اساسا انا كنتا عايزكم انتو بس فرامز قال عاادل بس مش عادل مسكو ناس علاءالدين وايهم بقينا نعااين لبعض عادل قال صح قبضونا بس انا نجحتا اهرب منهم واشغل الجهاز وعرفتا انو مافضل غيركم جووه يلا كلهم5دقاايق خلوني اشوف منو الحيطلع فيكم بقيت اعاين ليهم مشيت على عبق قلتا ليها لوسمحتي ماتعملي فيني كداا اطلعي ياعبق اسمعي الكلام عاينتا لرامز وسارة قلتا ليهم اولااادكم منتظرنكم ماتخليهم يتيتمو اذا استعجلنا حنطلع كللناا رامز رفع ساارة غصب وبقا دافرها لغااية استلموها عروة ويوسف ونزل انا جريت ليهو عبق مسكت يدي وحلفت تفكهاا غصب فكيت يدهاا وراامز رفعها ليهم وقال ليهم يلاا ابعدو عن البيت اسرعو باقي3دقاايق اركبو الطياارة وخلو مللهم يسوقكم جة نازل وقال لي محمد انت ولد امك الوحيد ماتخليها تعيش الوجع دا وانت ياقاسم برضو ولدها الوحيد في نص 3بنااات يلاا اطلعو قلتا ليهو ال3دقاايق دي بتطلعنا كللنا يلاا ياراامز بقا واقف بعااين لي قلتا ليهو حالحقك طلع في الكرااسي وجريت قااسم وراهو قال لي لا يامحمد انا قلتا ليك اموت وماتنخدش خصله منك من وقت كنا صغاار وانت بتحميني خليني اسي انا احميك عاينتا للقنبله وانا شايف بقا دقيقه ونص ابتسمتا لقاسم وقلتا ليهو طيب يلا تعاال نطلع سواا مسكتوو وبقينا نطلع في الكراسي اول ماوصلنا الفتحه دفرتو لبرة وانا بقول ليهو رفأ حبتك بالجد ياقاسم يلا نط وانا بنط وراك عاين لي مساافه ونطاا نزلتا تحت وانا بتأكد خلااص انو مافي زول باقي اخر30ثانيه قلتا مالو لأخر لحظه خليني احاول عشان عبق مشيت على الكراسي بديت على الكراسي بس قبل ما اصل الفتحه...
____
*عروة*
كلنا قلبنا وقع لمن سمعنا صوت الانفجاار ونحنا قااعدين في الطياارة بمساافه من البيت لسه مااحلقنا ملهم قال ننتظرهم احتمال يجو كللهم بقو يصرخو نحنا الشباب نزلنا وجرينااا على محلل الانفجاار كان في اتنين واقعين بمساافه بسيطه من البيت مشينا علليهم جرري طلعو رامز وقااسم فتشنا على محمد كتيير بس مالقيناه طبعا مااخدنا وقت كتيير عشان نستنتج انو بقا جووه بقينا قااعدين ونعااين للبيت والناار ماالي المكااان والدخاااخين طاالعه جرينا رامز وقااسم ورجعنا الطياارة وبعدين رجعنا الخرطوم مشينا المستشفى وماافي زول قادر يتكلم في دوريات اتحركت على مكان الانفجار تااني يوم الدكتور ورانا انو قاسم ورامز صحو كان في جروح بسيطه في وشهم لانو وصلتهم لهبات من انفجاار القنبله طول اليوم مافي زول دخل ليهم ولا هم اتكلمو مع زول بعد يومين طلعو من المستشفى ورجعنا البيت لقينا علاءالدين قال لينا بااقي عادل بس والقضيه حتنقفلل كلهم حيتنفذ عليهم حكم الاعدام الا رفأ لانها ساعدت الشرطه حكمها مخفف مشينا على بيت ناس محمد للان اهلو ماكانو عاارفين حاجه فتحت لينا الباب امو عاينت لينا نفر نفر كنا انا ورامز وقاسم عاينت لينا نحنا ال3وقالت لينا محمد؟ دنقرنا ومافي زول فينا قدر يتكلم قاسم دخل حضناها وقال ليها محمد في ذمة الله💔 المرة دي طلعت منها صررررخه شقت قلوبنا كللنا 💔 كيف جا وضمن اننا كلنا طلعنا وهو الزمن مااسعفو انو يطلع ضحا بحياتو عشان ينقذ مجموعة من النااس ام محمد وقتها بكت في حضن قااسم مده طوويلة لغااية ما جا عم

التجااني ولمن شاف حالتها وشافنا تلقائيا عرف الحاصل بدون مانوري فجااءة البيت اتملا نااس وركبو الصيواان وصل بوكسي بتاع شرطه شايلين فيهو جثمااان محمد ونزلو قدام الباب كمية النااس الهايله الجات العزا بتوريك قدر شنو محمد كان انسان محبوب ومعطااء ابوهو اتمنى انو يفتح وشو ويبوسو في جبينو ويطلب العفو بس ماكان في طريقه فباس الكفن وهو بيقول اعفي لي ياولدي اعفي لي امو حالتها كانت صعبه خصوصي وهو بتقول ضنااي الوحيد ضناااي ود حشااي الطلع من جوااي ياربي بتصررخ جات قعدت جنب الجثماان وبتمسح بيدينها وهي بتقول ليهو محمد ياحبيب امك للان بتذكر لحظااتك معااي وكيف بتحضني وبتقول حتشوفيني عريس ياامي حتشيلي احفااادك وتربيهم زي ماربيتيني طيب ليه مانفذتا كلاامك ليه خليتني من بدري ليه يا ضنااي مشيت وين وخليت امك ورااك انت لسه صغير وانا لسه ماشبعتا منك ياربي الوجع كبيير صبرني ياااربي صبررني ياربي احسبو شهيد ودخلو جنتك ياربي انا عاااااافيه عنو وراااضيه حدد الرضى ولدي نهاااائي مازعلني منو ولا خلاني يوم انوم وانا شاايله منو دايما كان هدي ورضي دايما بوزع الخير على قدر مايقدر فيارب ارزقو جنتك كلامها كان مؤثر خصوصي لمن جو ورفعو جثمان محمد دخلو في التابوت وبعدين ركبو في العربيه قالت ليهو ودعتك الله ياجنااي يارب استرديت امانتك فارضى عنو زي مارضااني دنيا واخره يارب اجعلو مما يدخلون الجنه بدون حساب او ساابق عذااب كلنا طلعنا في البوكسي ومشينا المقاابر دفنااهو ونحنا بنتذكر ذكرياتو شهاب وايوب كانو موجودين من اول يوم للعزا دفناهو وصلينا صلااة الجنازه ورجعنا على بيت العزا الناس بكت اول يوم واول لحظات بس بعد رفع الفراش تاني امو مابكت نهااائي ولا نزلت دمعه قالت ولدي مشا لمكان احسن من هنا لييه ابكي علليه واعذبو وهو جنب ربو بقول الحمدلله لغااية ماربنا يلحقني لييه،،،، مرا شهر من العزا من وفاة محمد مانسينا بس رجعنا لحياتناا ترنيم جات العزا كم مرة ويوم مشيت ليها في المستشفى عاينت لي واتجاوزتني مشيت لحقتها قلتا ليها انتي كاراهاني ولا خايفه ولا محمللاني مسؤولية الحصلل قالت لي ولا واحد بس حاسه انو كل مانكون سواا بتحصل حاجه عشان كدا قلتا ليها كل البيحصل قدر فماتختي في بالك قالت لي وانت عايز مني شنو قلتا ليها عايزك شريكه لحياتي ممكن تديني رقم ابوك؟ بقت تعااين لي مخلووعه
___
*يوسف*
من صدمتي بربا طول فترة الخطف ماكنتا بتكلم ابدا مافي زول كان حااسي بوجعي وقتها وخصوصي وقت اكتشفت انهم كانو جزء من تجار الاعضااء يمكن لقاءنا في الحفله كان صدفه بس لمن اتعرفو عللي وعرفو اني ببقا لرامز وقتها بدو يلعبو لعبتهم واختهم الصغيره بدت تتقرب مني كنتا مستغرب انو كيف واحده قاادرة تكون مبدعه في التمثيل لدرجة انك ماتقدر ولا لحظه تشك في مصداقيتها للدرجة دي يعني كان الليله يوم محاكمة عائلتهم بشكل خااص رامز قال اذا حابب ممكن ماتمشي بس ابيت كنتا مصر امشي واعاين ليها جوه عيوونها واشوفها واسألها ليه عملت معااي كداا كيف قدرو يكونو حقيقين للدرجة دي مشينا المحكمه وجابوهم داخللين وقفوهم ورا بعض ربا ورنا كانو مدنقرين وانا بعااين ليها لغااية رفعت راسها شافتني طواالي نزلت راسها حكمو عليهم بسنين طوويله مع الاعمال الشاقه وكانو مودينهم على السجن بس انا مشيت وقفتا قدام ربا وقلتا ليهو ممكن دقيقه ادوني فرصه بقيت اعاين ليها وهي مدنقره قلتا ليها عايني لي لوسمحتي ضروري رفعت راسها براحه وعاينت لي وعيونها مدمعه قلتا ليها ليه؟ ليه كدا عملتا ليك شنو ياربا ليه كدا دنقرت وقالت لي دا الشغل القمنا بيهو يايوسف من صغيره واهلي بشتغلو الشغل دا وانا كبرتا معاهم كنا عايشين حياة رفاهيه للدرجة مابتتخيلها ومافي زول برفض الحياه دي وانا قلتا طالما الشغل دا هو الموفر لينا الحياه دي طيب وماالو ماكعب نشتغلو اساسا انا كان عللي اجيب الشباب الزيك كدا بس مع الاسف انا حبيتك ابتسمتا وقلتا ليها الف الحمدلله لانو انا ماحبيتك عاينت لي باستغراب قالت لي كذااب بتحبني انا متاكده ضحكتا وقلتا ليها انتي مسكينه لمن ساعدتيني في موضوع المشروع كان جوااي امتنااان وبعداك ومواقفنا كلها كونت جواي مشاعر اخويه لانو نفس الحاجات دي عملتها مع سارة لعبنا بلاستيشن عملنا كافتريا خاصه حمنا جنب البحر كلو عملتو فامتنان مع اخوه كونو ليك مشاعر كبيره جوااي واديتك مكاانه ولمن ماجد قال لي ابعد عن اختي زعلتا لانو انتي غاليه عللي واتعودتا علليك بس ماوصلتا لدرجة حب وطالما كدا شكرا على العملتيه عشان انسااك بسهوله عاينت لي وهي بتبكي جات الشرطيه ساقتها طلعتا من المحكمه ولاقيت رامز قال لي انت كوويس؟ قلتا ليهو ولا احسن من كداا ربت على كتفي وطلعنا انا رجعتا البيت ورامز طلع

_____
*ايوب*
بعد مرت فترة العزا طلعنا عشان نزور عبق اتحركنا كلنا انا وشهاب ولمياء وسارة لغاية ماوصلنا المصح العقلي سألنا عنها في الاستقباال ومشينا على غرفتها دقينا الباب ودخلنا وكالعاااده نفس النظرة نفس النظرة الكانت عليها من يوم الانفجاار وقت الانفجار عاينت بنظرة واحده على جهة الباب وللان نفس النظرة مافي شي بدل على انها عايشه غير نفسها الطالع ونازل وديناها المقابر على قبر محمد يمكن نستفيد حاجه بس مع الاسف حتى عينها مانزلت على القبر نفس النظرة بس في البدايه عرضوها على دكتور نفسي بس مااتجاوبت معاه وطلب ينقلوها المصح وللان نفس الشي كلنا بنتمنى لو انها تفقد الذاكره وترجع يعني لو ماالدرب المركبينو ليها داا فهي لابتاكل لابتشرب مااتجاوبت مع اي بني ادم لا امها لا ابوها لا اختها ولانحنا قعدنا معاها شوية وحكينا ليها الحصلل معانا في الفترة دي ومنها طلعنا مشينا على ام محمد صحتها بقت احسن كانت بتسبح قالت لينا اها يااولادي عبق كيف قلنا ليها على حالهاا قالت استغفرالله العظيم تمام تعالوني بكرا سوقوني ليها قلنا ليها مابتتجاوب مع زول ونفس النظرة بس قالت لينا مامشكله برضو سوقوني،،، ختينا فيها امل وفعلاا الصباح جيتها انا بدري مشينا سواا ودخلنا ليها اول شي مسحت على راسها وباستها في جبينها وقالت ليها حالتك دي ماكانت بترضي محمد ولدي انتي بتعذبي فيه كداا فتحت شنطتها وطلعت مصحف وبدت تقرا في سورة يس لمن خلصت عاينت لي وقالت القران علاج لكل امراض الدنياا انتو بدل ماتقعدو معاها وتتكلمو اقرو ليها قران الا مايجي يوم وتتحسن،،، فعلا دا الحصل بقينا اي زول يجيها يقرا ليها قران واحيانا بنتلمى عندها ونعمل جلسة ذكر وفي يوم ونحن بنقرا في سورة الحج في دموع جات نازله من عيونهاا كلنا ماصدقنا في اللحظه دي قلنا ليها عبق عبق غمضت عيونها والدموع جات شلال الدكتور جا وقال لينا احكو ليها عن الحادث عن موت محمد وروها انو حاليا ماموجود وانو بقا تحت التراب شجعوها وروها انو محتاج دعوات طالما في دموع نزلت منها دا شي كوويس ابدو طواالي خفنا علليها بس سارة بدت تحكي ليها تفااصيل الانفجاار وكيف محمد طلع كل الموجودين وفضل هو والبيت اتفجر فيه وطلعو جسدو عبارة عن قطع لمن وصلت هنا هي زاتها بقت تبكي وعبق بقت تبكي بصووت وحالتها ماشه للاسوأ وجسمها برجف خفنا بس كملنا قلنا ليها محمد مات وهو مقطع ماقدرو يلمو جسمو كلو في الكفن عشان يدفنو فجااءة قامت وهي بتقول كفااااااااااااااااااااية ووراها صرخه بوووجع لمياء وسارة قعدو جنبها وحضنوها وبقو يبكو ال3بقهر وانا وشهاب واقفين ومتأثرين بعدها بفترة طلعوها من المصح ومباشرة مشت بيت ناس محمد مسكت امو وابت تفكها وهي بتبكي وامو بتقول ليها ماتبكي يابتي ماتبكي ادعي ليهو هو محتاج دعواات
____
*قاسم*
بعد وفاة محمد شلتا اجازه من الشغل وبقيت قااعد في البيت ماكنتا كوويس نهااائي وماكنتا قااادر اعمل اي شي اتذكرتا اخر جمله لمحمد قال لي رفأ حبتك جد ياقاسم طلعتا من البيت ومشيت على سجن النسوان وطلبتا اني اقابل رفأجابوها لي وهي مدنقره قالت لي البركه فيكم قلتا ليها البركه في امة محمد اقعدي قعدت وانا قعدتا قلتا ليها حكمك مخفف لانك ساعدتي الشرطه تكشف مكان المداهمه ومكان تواجدنا هزت راسها قلتا ليها تمام معناها جهزي نفسك لاانو اول ماتطلعي من هنا حنعمل عرسنا بقت تعااين لي مخلوعه قالت لي بتهظر صح قلتا ليها ملامحي دي ملامح زول بيهظر؟ ع العموم في البدايه ماتتوقعي مني شي بس انا معتبرك كوصيه من محمد عايز انفذها مامعروف لبعدين حيحصلل شنو وحياتنا حيحصل فيها شنو بس محمد قال انك حبيتيني بالجد المهم عارفه شي عن عادل اخوك قالت لي لاا قلتا ليها تماام قالت لي افتكرتك جيت عشان تطلقني قلتا ليها كنتا خاتي النيه لغاااية اخر لحظهه في لحظات الانفجاار كنتا خاتي النيه بس جملة محمد هي الغيرت رأيي وبلاخير انتي ما ليك ذنب في الحصل وقمتا طواالي قالت لي حاخليك تسامحني ما اشتغلتا بيهاا وطلعتاا
______
*رامز*
بيتنا رجع لطبيعتو ورجعنا كلنا واهل سارة رجعو بيتهم كنتا بعاين لبيتنا وبتذكر محمد حتى هنا هو الانقذ اهلي وطلعهم من نص النار ويدو اتحرقت بسبب الحصل تلفوني اتضل فتحتا الخط ورديت قال لي برأيك ماحان الوقت يارامز قلتا ليهو حاان قفل الخط ورسل لي موقع طلعتا طوالي بدون مااكلم اي زول كنتا غضبان من عاادل وانا شريط اي لحظه من حياتي من وقت عرفتو جا مااري بي كنتا طاااير طيرااان وانا ماشاايف قداامي غير عاادل فتحتا بتاع العربيه وطلعتا المسدس اتأكدتا من الرصاصاات ووصلتا دستا فرااامل وانا بجر في نفسي شلتا المسدس وطلعتاا كان محل ملااان بناياات بقيت مااشي لغااية مالقيتو واقف بعييد وصلتو اتلفت عللي وقال لي اخيرا ياصحبي كل الحصل دا بسببك لو انك مااتخليت غننا ماكان في زول ماات ولافي اي بني ادم اتعرض للخطر طوالي طلعتا المسدس ومديتو علليه قلتا ليهو انا ماجاي عشان اسمع صوتك المقرف داا انت مجرم

السودان وعملو ليهم كرامة رجوع وبعدها مشو بيتهم الاتنين اخدو نفسهم وهم مرتاحين من جواهم وبعاينو لبيتهم دخلو جوه ورامز ساق الاولاد وداهم غرفه قريبه من غرفتهم اتعلمو المشي بس الكلام لسه صعب ختا ليهم العاب يلعبو بس مزن اختارت ترسم كانت ماسكه ورقة وقلم وبتشخبط رامز عاين ليها وابتسم قال شكلو بتي حتطلع فنانه موهوبه ومشا غرفتهم لقا سارة رامية ورود في السرير قال لي اصلا كنتا حاسي انو منتظرني شي ررههيب قالت ليهو عايزه اوريك شي قرب منها وشالها ومشا على السرير قالت ليهو انا حامل يارامز بعد جملتها دي فكاها بخلعه جات واقعه في السرير عاين ليها جا بسرعه قال ليها اسف اسف بالجد ماقصدي بس اتخلعتاا هي بتعاين ليهو منططه قالت ليهو اتخيل وقعتا في الارض قال ليها اسف المهم في الشهر الكم المرة دي حااعيش معاك كل الفترات حاحضر ولادة ولدي ضحكت وقالت ليهو حتحضر ان شااءالله،،،، كانت فرحتهم كبييرة بخبر الحمل الجديد وكل الاهل فرحو بيهو ومرت ايام الحمل مع الوحاام والتعب تعبت في الولد دا اكتر من حمل التوأم دخلت الشهر التااسع لمن كان في حفل تكريم للمهندسين ويوسف كان من ضمن الحيستلمو جائزه وسارة حبت تشوف اخوها في اللحظه دي مشو كللهم وكرمو المهندسين وسلمو يوسف الجائزه اول مااستلمها وقبل مايسلم على اللجنه سارة صرخت رامز كان جنبها بقا مخلوع وكللهم مخلوعين ابوها قال نوديها المستشفى رامز طلع سريع وهم ورااه ركب العربيه حركها وفااات ابوه بقا ينااادي فيه ياحيوااان نسيت مرتك الحاامل سارة بتصررخ وبتقول ليهو راااااااامزززز جا راجع تااني بالعربيه ونزل وهو بيقول اسف اسف من الخلعه بس سندها وركبها العربيه وركبو كللهم واتحركو على المستشفى ويوسف وراهم جاري بالجائزه ومعاهو عروة وترنيم والتوأم وصلو المستشفى ودخلوها العمليااات بقو لاافين لغااية ماطلعت الدكتورة مبتسمه قالت ليهم الف مبرووك جاتكم بت والبت وامها صحتهم عال العاال الحمدلله🤎ببقينا نقول الحمدلله الممرضه جات سلمتني بتي بقيت اعااين ليها وانا مامصدق دخلتا لسارة رقدتها جنبها ومعاي اهلنا صحت عاينت لبتناا وهي مبتسمه قلتا ليها حمدلله على السلامه قالت لي الله يسلمك اهلنا كللهم حمدلو ليها السلامه وطلعو يجهزو البيت بستها في جبينها وانا بعاين لمزن ومازن وبتنا قلتا ليها انتي اديتيني احلى3هداياا ربنا يخليكم لي قالت لي ويخليك ليناا قالت لي انا لاحظتا انو التوأم وبتنا شايلين لون عيونك البني الفااتح 🤎قال لي احلى شي قالت لي انت عارف انو من اول لحظه شفتا فيها عيونك حبيتك قلتا ليها كذابه جد قالت لي ااي ماكان حب ييعني اعجاب ساااي بعدين اتزوجنا حبيتك المهم حنسمي بتنا شنو بقيت ااعااين للبت مسااافة وابتسمتا قلتا ليها لقاء🤎قالت لي اشمعنى قلتا ليها لانو لقاءي بيك في السوبر ماركت وزواجي منك خلاني ارجع لربنا فلقاء احسن لقاء رامز متوكل🤎ااابتسمت وهي بتقول لي الحمدلله قلتا ليها الحمدلله دائما وابداا🤎



لقاء العينان البنيتان بالعينان السوداويتان انشاءا عينان بنيتنان غامقاتان لطفله بريئه تدعى لقاء🤎




النهاااااية
تمت بحمدالله

وكل عام وانتم بألف خيرر اعاده الله علينا وعليكم باليمن والبركات تقبل الله الصيام والقيام وكافة الاعمال عيد فطر مبارك عليكم♥️🦋

وين تعليقكم على الرواية؟